مشكله مع ابنى ارجوكم حلوها معى

[شيماء ام حسن 5]

السلام عليكم ورحمه الله وبركاته

حبيباتى عندى مشكله مع ابنى انا فطمتو الجمعه الى فاتت بس هو من ساعتها تعبان وعلى طول اسهال وسخونيه وانا خايفه عليه اوى بس حصلت حاجه غريبه حسيت انى صدرى نازل منه لبن ينفع ارجع ارضعو تانى بعد اسبوع من فطامو هو عندو سنه وشهرين ومش كان بياكل فقلت افطمو علشان ياكل

ارجو الرد بسرعه

[**صفا** 208]

معذره اختى لو مكنش فيه ظروف قهريه دعتك لفطامه

وكان السبب بس انه مش بياكل فانتى كده استعجلتى جدا فى موضوع الفطام

انتى كان ممكن تنظمى الرضعات علشان تعوديه على الاكل لكن انك تفطميه فى هذا السن امر فى قسوه واعذرينى ان خاننى التعبير

واراى ان ما من ابنك من تلك الاعراض بسبب نفسيته ولاتتعجبى

فالرضع يتأثرون مثلنا ولكن لا يستطيعون التعبير

اعتقد انكى ترجعى عن هذا الفطام وواصلى رضاعته

وقومى بتنظيم الرضاعه

يعنى

مثلا ابدائى من الشهر القادم مثلا ان تكون له 6 رضعات ووزعى اوقاتهم حسب ما ترين

والشهر اللى بعده 5 رضعات وهكذا

اللى ان تقل وهنا فطامه سيكون سهل لكى وله

وربنا يعينك

[ساره أم حمزه 1040]

وعليكم السلام ورحمة الله وبركاته

فطمتيه بدرى كده

بس انا م عارفه ينفع ترجعى ترضعيه ولا لأ

لان كده اللبن متجمع فيك من اسبوع صح ولا ايه ؟

[شذى الهمة 331]

للأسف استعجلتي في فطامه

 

وبإمكانك الرجوع مادام في لبن في الصدر بشرط شرب الماء كثيرا والعصائر ودعيه يرضع فالمص يجلب اللبن

اشربي لبن وحلبة وعصائر وماء

فاللبن أساسا يحتوي على 97 % ماء

وكلي بقدونس واوراق خضراء فهي تدر اللبن

 

والاسهال قد يكون بسبب تحويل نوع اللبن الي لبن صناعي أو لبن بقري

 

ربنا يوفقك للخير يارب

ومش مهم انه مش بياكل كل الأطفال في السن دي كده لأنها مرحلة تتسنين

حاولي معه قدر الامكان في الأطعمه التي يحبها

وأهم شئ انه يجلس معكم على سفرة الطعام ويراكم وأنم تأكلون فبالتدريج هيبدأ يقلدكم ويحب الأكل

خصوصا لو رأى أطفال يأكلون

[اللوتس رآجية الجنة 471]

سلام عليكم

اعانك الله حبيبتي

انت أستعجلتي في فطامه كثيرا ، مدام لسة عندك لبن ليه فطمتيه ؟ على فكرة انه لا يأكل ليس له علاقة برضاعة أبدا أبدا

[شيماء ام حسن 5]

جزاكم الله كل خير حبيباتى

 

يعنى ارجع ارضعو تانى مفيهاش حاجه مش هيتعبو اللبن بتاعى لانه مخزن

ربنا يخليكوا ليه يارب وميحرمنيش منكو ابدا

[شذى الهمة 331]

آه عادي

اللبن لا يفسد بداخل الجسم

فهو معقم تعقيم رباني

استخيري وتتوكلي على الله