عايزة اشتري غسالة اطباق ومحتارة ممكن تساعدوني

[*أم رقية* 473]

السلام عليكن ورحمة الله وبركاته

 

أنا يا بنات ممنوع أقف أكثر من 10 متواصل وطبعًا المواعين وما أدراكِ ما المواعين عندها تكاثر فظيييييييييييييع

 

المهم بفضل الله زوجي ربنا يبارك فيه قرر يشتري لي غسالة أطباق بقالنا تقريبا شهرين بنبحث وأنا احترت جدا

 

إن شاء الله ناويين نشتري الوسط لان الصغيرة صغيرة علينا اوي والكبيرة ملهاش مكان عندي وكمان كبيرة علينا

 

 

فدلوقتي في الوايت ول تقفيل مصري فدة مقلقتني وشفت ناس بتقول ان الصيانة بتاعتهم مش حلوة

 

والزانوسي بيقولوا بيكون في عيوب صناعة ومش بيغيروها والصيانة وحشة جدااااااااااا

 

في نوع جديد اسمة بيكو تركي لكن مش منتشر

 

وفي ال جي كبيرة لكن الكل بيشكر فيها

 

فياريت اللي مجربة منهم حاجة تفيدني

 

وكمان هل الوسط بتغسل حلل صغير

 

 

طيب زوجي بيقول ممكن نتصرف ويعمل تعديلات ويجيب ال جي الكبيرة

 

فهل لو حصل واشترينها نتجمع فيها الاطباق باليومين مثلا ( ودة انا مش حباه)

لكن عشان كبيرة ولا في حل

 

كمان هل الغسالات دية متنفعش تغسل الكاسات وكمان الصواني التيفال ولا اية

 

 

ياريت تساعدوني يا اخوات وجزاكن الله خيرًا

[♥●آية إبراهيم●♥ 253]

@@*أم رقية* شوفي ياجميل ال LG الكبيرة عندنا وهي أكثر من رائعة وكمان فيها خاصية إنك شغلي الرف اللي فوق لوحده أو اللي تحت لوحده وجميلة جدًا احنا بنحط المواعين فيها من الصبح ونشغلها بالليل قبل ما ننام ونطلع المواعين نرصها لما نصحى الفجر ^__^

نصيحة : صلى استخارة قبل ماتعملي أي حاجه وبالتوفيق حبيبتي^_^

[يسرا عبد الرحمن 718]

أنا عندي غسالة أطباق فريش الصغيرة التي توضع على الرخامة لأن مطبخي ما فيه مكان للوسط ولا الكبيرة

وبصراحة رااااااااااائعة

واشتريتها بعد ما صليت أنا وزوجي استخارة

اتفضلي روابط مواضيعي عنها

https://akhawat.islamway.net/forum/index.php?showtopic=249784

https://akhawat.islamway.net/forum/index.php?showtopic=254815

[*أم رقية* 473]

@@*أم رقية* شوفي ياجميل ال LG الكبيرة عندنا وهي أكثر من رائعة وكمان فيها خاصية إنك شغلي الرف اللي فوق لوحده أو اللي تحت لوحده وجميلة جدًا احنا بنحط المواعين فيها من الصبح ونشغلها بالليل قبل ما ننام ونطلع المواعين نرصها لما نصحى الفجر ^__^

نصيحة : صلى استخارة قبل ماتعملي أي حاجه وبالتوفيق حبيبتي ^_^

ماشاء الله تتهنوا بيها يارب

 

بس المشكلة انها كبيرة وعشان اجيبها فيها تكسير رخامة وموال

 

ان شاء الله استخير

[*أم رقية* 473]

أنا عندي غسالة أطباق فريش الصغيرة التي توضع على الرخامة لأن مطبخي ما فيه مكان للوسط ولا الكبيرة

وبصراحة رااااااااااائعة

واشتريتها بعد ما صليت أنا وزوجي استخارة

اتفضلي روابط مواضيعي عنها

http://akhawat.islam...howtopic=249784

http://akhawat.islam...howtopic=254815

 

مبارك عليك حبيبتي

هو فعلا سمعت ان فريش الغيرة حلوة لكن انا شفتها صغيرة اوي

 

ان شاء الله اقرأ مواضيعك يسور

[نور قلبي القران 430]

@@*أم رقية*

 

السلام عليكن ورحمة الله وبركاته

 

حبيبتي احنا عندنا whirlpool

 

اللي هي زي دي بالظبط بس دي جبتها من النت

 

 

وكيف ماقالوا البنات ممكن تصلي استخارة أنا مش عارفة والدي عمل استخارة ولا لأ ههههههههههه

لأنه جابها من غير سابق إنذار

 

والله يقدملك اللي فيه الخير

[سدرة المُنتهى 87 1318]

بنات سؤال خارج الموضوع

 

هي الغسالة دي بتفيد فعلا

أنا باحس إن الواحد يغسل هو أحسن ما يفضل يرص ف الأطباق ويرجع يطلعهم تاني

 

وبتنظف كويس مكان الدهون والتسبيكات وكده ولا إيه؟؟

[نور قلبي القران 430]

@@سدرة المُنتهى 87

 

معك حق حبيبتي احنا بالأول كنا بنقول لوالدي يجيبها

بس كنت بقول مع نفسي هو لو نظفنا الصحون والكاسات من الأوساخ اللي فيهم يبقى نغسلهم أحسن

 

بس بصراحة ولله الحمد بتفيد جدااااااااااااااااااااااا

خاصة البيت اللي تكون فيه العيلة كبيرة شوي بفضل الله

وبخصوص التنظيف فالتنظيف عندها كتير حلو..وبتعقمهم برضه لانها بتستخدم المية السخنة

[نور قلبي القران 430]

@@سدرة المُنتهى 87

 

 

لو عندك أي سؤالي تاني اسالي حبيبتي

أم رقية وحدة مسالمة وغلبانة ههههههههههههههههههههههه :D

 

يعني مش هتطردنا برا البيت

[سدرة المُنتهى 87 1318]

جزاك الله خيرا يا غالية

 

أصل أنا أحب أغسل الأطباق جدا

وحاليا عائلتنا صغنونة

ومافي داعي لها

 

يمكن فيما بعد أفكر أشتريها

[نور قلبي القران 430]

@@سدرة المُنتهى 87

 

بإذن الله وماشاء الله على عيلتك حبيبتي الله يخليهالك

لما بروح عند جدتيبقولها حتى لو ظليت طول اليوم أغسل الأطباق مش هزهق

 

صحنها وصحن جدو والسلام عليكم ورحمة الله وبركاته

ههههههههههههههههه

 

الحمد لله

[سدرة المُنتهى 87 1318]

هههههههه

 

ربنا يبارك فيهم