مشكلة تغيير الصورة الشخصية ضرور

[دره بنقابي 55]

بردو أنا مش نافع معايا كل المحاولات

[مريم فوزي 1646]

افتحي الصورة التي تريدينها من كليك يمين بالماوس و كـ paint وفوق اضغطي على file, save as وبعدين اضغطي صيغة gif

كما قلت ضعيها أول مرة سيكتب لكِ فشل في تثبيت الصورة ادخلي كأنكِ ستغيريها مرة أخرى ستجدينها قد وضعت منذ البداية بإذن الله : ))

تم تعديل 18 أغسطس, 2013 بواسطة صـمـتُ الأمــل

[أنفاس الفجر 473]

على فكرة يا صموتة يبدو إن الأخوات المشكلة عندهم نفس مشكلتي بالنسبة لخيار الخصائص أو "Properties"

لما نضغط عليه مبيظهرش عندنا زي مبيظهر عندك كده !

بس أنا خبصت بقا وزبط معي الحمد لله

ما شاء الله لا قوة إلا بالله ... اللهم بارك , اللهم بارك >> تخاف تحسد نفسها :(

[مريم فوزي 1646]

أيوة يا غالية كذلك عندهم لكن ءاخر رد لي في موضوع الرسم هذا كأنك سترسمين وتحفظيها على الصيغة هو ما ينفع بإذن الله : )

[~ماريا~ 1340]

@

 

انا حفظت الصورة gif

بس برضو ما قبل

؟؟؟

[المتوكلة على الرحمن 0]

عندي نفس المشكله يا ريت تساعدونا

[ام مريم وهاجر 16]

يا جماعة انا عندى نفس المشكله

 

فشل فى التثبيت والتوقيع بتاعى صعب جداا معوج وعلى جنب ومش عارفة اعمله توسيط ولا اى حاجة

 

كل ما ادوس على ايقونه ما تظهر اى شئ المشكله فيه ولا فى المنتدى هو انا عندى خلل ولا قلة دخولى المنتدى نستنى كل حاجة

 

الله يكرمكم حد ساعدن العمليه مش مستاهله انى اعمل موضوع واسال اضبط التوقيع ازاى

 

حتى تكبير الكلام وتلوينه مش عارفة اعمله ازاى الله يكرمكم عايزة مساعده

[مريم فوزي 1646]

الله المستعان مش عارفة موضوع الصور ده أنا قلت على الطريقتين نفعت عند البعض والبعض الآخر لم تنفع عندهم.

لكن أم مريم يا غالية اعطيني الكلام هنا مثلًا وأعملهولك بالخط إللي تريدينه واللون وهكذا ويكون هو والصور في المنتصف وأضعه هنا تعمل كوبي وبيست؟ .. : )

[ام مريم وهاجر 16]

جزاكى الله خيرا يا صمت الامل

 

التوقيع يا حبيبتى قصادك فى الصفحة مش عارفة انا بفكر امسحه لانه سيئ جداااا

 

والكلام انا عايزة اعمل دعاء لزوجى المتوفى للاجر ان شاء الله

 

ياريت تعمليلى دعاء باى طريقة

 

مش مشكله التوقيع مش محتاجاه اكتر من الدعاء لزوجى

 

ياريت تساعدينى يا صمت المل بالله

[مريم فوزي 1646]

’’ اللهم ارحم زوجي قرَّة عيني واغفر له واحشره في زمرة المقربين وبشره بروحٍ وريحان وجنه نعيم والهمنا الصبر يا رب العالمين، اللهم اجعل قبره روضة من رياض الجنة واطعمه من الجنة واسقه من الجنة واره مكانه من الجنة وقل له ادخل من أي باب تشاء وارزقه لذة النظر الى وجهك،

اللهم وابني له بيتا في الجنة واجعل بملتقانا هناك .

 

 

 

 

أو نفس الكلام وتحته هذه الصورة:

 

 

 

أو هذه وتحتها صورة كبيرة

 

 

أو هذه:

 

أو

 

أتيت لكِ بأكثر من واحدة حتى تكون لديكِ فرصة الاختيار حبيبتي، رحم الله زوجكِ وأسكنه فسيح جناته وبارك فيكِ.

تم تعديل 24 أغسطس, 2013 بواسطة صـمـتُ الأمــل

[ام مريم وهاجر 16]

جزاكى الله خيرا يا صمت ما شاء الله عليكى ما قصرتى يا غالية

 

طيب اخد الكلام كوبى وبست واضعه فى التوقيع

 

والصور احملها على اى موقع واضعها فى التوقيع

 

ياريت تردى عليه يا صموده

[مريم فوزي 1646]

وإياكِ حبيبتي خيرًا منه، لا حبيبتي خذي الكلام والصورة وضعيها عندك بدون مواقع ولا أي شيء

الكلام انسخيه والصورة التي تريدينها انسخيها وضعيها تحت أو فوق الكلام فقط.

 

همسة: مشتاااااقة لكِ كثيرًا وكتبت لكِ بالتحديثات ()

[ام مريم وهاجر 16]

ربنا يكرمك يارب ويجزيكى خير

 

وانا مشتقالك اكتر والله يا روح قلبى بس اكيد انتى عارفة ظروفى

 

يب معلش سامحينى يعنى ايه انسخه الظاهر من كتر البعد عن المنتدى بقيت جاهله ولا ايه

 

معلش اسئلتى كتير تعبتك معايه

[مريم فوزي 1646]

اللهم ءامين وإياكِ، لا عليكِ حبيبتي أقدر ظروفك تمامًا ربنا ييسرلك أمرك ويراضيكِ ويرضى عنك.

لا تقولي هذا أتضايق بجد مفيش أي تعب يا جميلة : )

 

الكلام اللي هتنسخيه تظلليه بالماوس وتدوسي بالماوس كليك يمين عليه وهيجيلك إللي في الصورة تضغطي copy أو "نسخ"

 

 

وبعدين تيجي عند التوقيع تدوسي كليك يمين بالماوس وتضغطي paste أو "لصق"

 

وشوفي أنهي صورة عايزاها واعملي عليها نفس الكلام : )

أي طلب أو استفسار تاني لا تترددي ()

[ام مريم وهاجر 16]

تسلمى حبيبتى انا فهمت كده ان شاء الله

 

بس الكلام هيكون فى المنتصف ولا معوج برده

 

والصورة هتيجى فى النصف هى كمان هنتظر ردك

[مريم فوزي 1646]

لا حبيبتي هيبقى في المنتصف بإذن الله مادام أنا عملاه في المنتصف لما نتسخيه هيبقى زي ما هو : )

[ام مريم وهاجر 16]

تسلمى يا صمت يا حبيبتى جزاكى الله خيرا

 

كله تمام بشكرك على مجهودك وتعبك يا روحى

 

ايه رايك انا وصلت اخيرا بعد مجهود فزيع للتوقيع الفظيع ده

 

ايه رايك حلو ولا لاالحمد لله عرفت شويه حاجات واتعلمتها وبقيت اعملها بس بفضلك ان شاء الله

[مريم فوزي 1646]

على إيه أم مريوم؟ وإياكِ يا جميلة : )

جميييل اللهم بارك الحمد لله عرفتي تضعيه في المنتصف وتكتبي بألوانات وحركات ^_*

وفيه أخت ردت عليكِ في موضوع تصميم التوقيع ()

[ام مريم وهاجر 16]

الله يكرمك يا حبيبتى يا رفعه معنوياتى

 

بجد حد رد طيب انا هروح ارد عليه واشوفه ان شاء الله ينفع

 

جزاكى الله خيرا يا حبيبة

[مريم فوزي 1646]

بإذن الله يا غالية وأي شيء ثاني لا تترددي : )

وفقكِ الله لما يحبه ويرضاه ()

[ام عبد الله sd 4]

حبيباتي وانا كمان عندي نفس المشكله في الصوره الشخصيه وصور التوقيع

حاولت كل الطرق المذكوره والله بس من غير نتيجه

حاولت استيراد صوره ورفع من موقع بالطريقه نفسها اللى ذكرت

وبرضو من غير فائده

ارجوووووووووووووووووووكم ساعدونا

واضح انه مشكله بالمنتدى

[رياحينو 205]

أنا كمان نفس المشكلة

مش عارفة أغير الصورة خالص

حاولت كتير

[**صفا** 208]

وانا كمان ياحبيبات

بجيب صور رمزيات من المنتدى مش من بره

وبيقولى فشل فى التثبيت

انا بدخل المنتدى من التاببلت

ممكن ده يكون ليهه علاقه

[ساره أم حمزه 1040]

وانا كمان نفس المشكله

[**صفا** 208]

ارجو افادتنا يا حبيبات