أم لبابة بنت أحمد محمد 172 أرسلي تقرير عن المشاركة قامت بالمشاركة 2 سبتمبر, 2013 حلقة 5 ام ياسر نزلت مع اختها و افراد من العيلة علشان يسبقوهم علي القاعة وياسر لسة جواه زعل ان نهال من نصيب حد تاني وتليفونه رن ترررررررن ترررررررررررن ياسر: الو .. السلام عليكم عمر: وعليكم السلام .. ايوة يا ياسر .. جاهز تنزل ؟ ياسر: هلبس ونازل اهو .. عشرة بالظبط اجيلك فين؟ عمر: تعلالي عندي سيتي ستارز ياسر : هلبس بسرعة ومسافة السكة اكون عندك . ------------------------------ ياسر بيلبس بدلته ومش قادر يصدق انه رايح فرح البنت اللي طول عمره بيحبها .. علي واحد غيره !! قد ايه شعور صعب .. وقاتل .. بس في حاجة بتفكره .. وتقوله لعله خير وفي برواز في اوضته عليه الايه الكريمة ( الا بذكر الله تطمئن القلوب ) ؟؟!! ياااااااااااارب .. انت العالم بالحــــــــــــــــــــــــــــال ياسر يبكي غصب عنه !! يفتكر لما كان والده زمان بيقوله : جري ايه يا ياسر .. الراجل ميعيطش ياسر (لنفسه) :طيب ليه ميعيطش ؟؟ هو مش بني ادم ؟؟ هو الراجل لازم يكون مبيحسش ولا يكون عنده قلب؟؟ المشكلة مش في الدموع !! المشكلة في اني لو سيبت نفسي لضعفي هيهزمني .. وابقي خسرت نهال .. وخسرت نفسي ولعلي لو رضيت بقضاء الله .. ابقي كسبت خسارة نهال .. وكسبت نفسي بسم الله .. توكلت علي الله .. ولا حول ولا قوة الا بالله علي العظيم اخر حاجة ياسر قالها .. وقفل الباب وراه --------------------- ياسر في الطريق .. لقي عجلة السيارة الامامية .. فيها حاجة مش طبيعية راح لأول عجلاتي في سكتة علشان يظبط الضغط بتاع العجلة العجلاتي كان جمب محل كوافير (للمحجبااااااات فقط) .. ولكن ياسر لاحظ ان الكوافير كل شوية يدخله راجل .. داخل طالع داخل طالع ياسر (لنفسه) : ايه قلة الذوق والادب دي .. وازاي اصحاب المحل ده سهل عليهم اوي كدة انهم يكشفوا بنات الناس اللي بتدخل عندهم دي علي الراجل ده؟؟ ياتري يا نهال وانتي في الكوافير .. وكان في راجل غريب بيعمل ماكياجك .. ازاي هانت عليكي نفسك؟؟ هو انتي للدرجة دي مش حاسة ان لما راجل يقرب منك كدة مش حرام ؟؟ ليه شايفة كل حاجة غلط بسيطة اوي كدة .. ومش حاسة انك بتعصي اللي خلقك؟ يااااارب .. انت العالم بالحال .. عدي الليلة دي علي خير ياسر : كام يا ريس؟ العجلاتي: 3 جنيه يا باشا .. طريق السلامة ---------------- قدام سيتي ستارز الساعة 10 بالتماااااام عمر واقف قصاد باب المول .. لابس قميص ابيض سادة .. وبنطلون رمادي غامق !! عمر واقف سرحان .. بيفكر في صاحبه الوحيد .. وهلكااان من الشغل طول اليوم وتيجي بنات بتضحك وتهزر بصوت عالي .. قاعدين يزقوا في بعض في الشارع وقدام الناس .. وعمر مش مركز معاهم واحدة منهم حبت تهزر مع صاحبتها .. راحت زقاها علي عمر كعب جزمتها داس علي رجل عمر عمر (صرخة مكتوومة ) : اوووووووووووو .. البنت : سوغي سوغي سوغي .. صدقني مش اقصد عمر : ولا يهمك يا فندم البنت : ولا يهمني ازاي .. اقلع الجذمة لا تكون وغمت عمر : وغمت؟؟ ! البنت : معلش اصلي لدغة في الغة (الرة ) حاول تتغجم بقي عمر (محاولا ابعاد نظره عن زينتها المبالغ فيها ) : اه .. ولا يهمك يا فندم البنت : بجد شوفها .. علشان لو محتاجة اوديك لدكتوغ عمر : يا فندم خلاص .. ميهمكيش .. بسيطة البنت : انت مش بتبصلي ليه ؟؟ انت بتحتقغني؟؟ عمر : العفو يا فندم .. هو انا صدر مني كلام يقول كدة؟ البنت : ماهو يمكن انا وحشة ولحاجة عمر .. في حالة ذهووووووول : العفو يا فندم .. علشان معطلكيش بس البنت : طيب قولي اني مش وحشة بس وانا اسيبك .. اصلي بحب كلمات الاطغاء (الاطراء) موووت .. بتطغي الجو ضحكات متعالية من صديقاتها الفتيات .. ووجه عمر يحمررررررر من شده خجله بيييب بييييب (كلاكس سيارة ياسر ) كان بينادي علي عمر عمر : ياسغ (ياسر).. اتأخغت (اتأخرت) لييييييييه؟؟ عمر يمشي مسرعا الي سيارة ياسر ياسر : معلش والله السكة كانت زحمة .. وبعدين دول 5 دقايق عمر : انا كنت بتعاكس يا ياسر .. الحمد لله انك جيت ياسر : ههههههههههههههه الله يفرحك يا اخي .. ضحكتني وانا مليش نفس .. معلش الشباب الملتزم اللي في حالة دايما تجيله البلاوي دي لحد عنده عمر : ايوة يا ياسر بس انا اتخضيت .. ايه البنات دي .. ده انا اتكسفت !! ياسر : بنات ناقصة رباية .. متزعلش انت .. وبعدين ايه لبس المدرسة اللي انت لابسه ده؟ عمر : ملحقتش اغير هدومي . ياسر : انا كنت عايز احكيلك حاجة عمر : خير؟ ياسر : امي عايزة تخطبلي يا سيدي .. بنت عمتي عمر : طيب كويس .. وبنت عمتك مالها؟ ياسر : ملهاش بس انا عمري ما شوفتها.. ولا اعرفها ولا اعرف اخواتها عمر : اومال عمتك ازاي يعني ؟؟ هم مكانوش عايشين مع عمتك؟ ياسر : لأ يابني .. دول بنات عمتي صفية .. اللي كانت في السعودية .. والاتصالات كانت مقطوعة من وانا في ابتدائي .. من ايام بابا الله يرحمه عمر : ااااااه .. افتكرتها .. كنت حكيتلي عليها قبل كدة .. طيب وايه رجع الاتصالات تاني ؟؟ ياسر : ماهي مكانتش مقطوعة اوي كدة يعني .. لما كانت عمتي بتنزل اجازات كانت بتتصل بماما علي الارضي .. وانا علطول برة البيت عمر : يعني عمرك ما كنت بتكلمها تقريبا .. لا هي ولا عيالها ياسر : الله ينور عليييك .. شفت بقي الورطة دي عمر : ورطة ليه يابني عادي .. انسي انها بنت عمتك .. كأنه جواز صالونات عادي ياسر : يابني انا ملييش نفس للجواز اصلا .. اي واحدة هاخدها هظلمها معايا .. انا لسة بفكر في نهال عمر : والله يا ياسر اسمع كلامي .. مفيش واحدة هتحبها اكتر من اللي اتخلقت من روحك .. وروحك اتخلقت من روحها .. مهما كنت متخيل ان في واحدة تانية هتحبها اكتر منها .. دي تهيؤات ... خد مني انا .. انا بحبلك الخير ياسر : علي العموم انا استخارت ربنا .. وشوفت كل خير الحمد لله .. وانا وافقت اشوفها بس علشان خاطر ماما عمر : طب يا بختك .. انا مش لاقي واحدة اديها ثقتي اصلا من اللي بشوفه في الشارع بقيت خايف اخطب والله ياسر : ربنا يرزقك اللي تستحملك .. وتستحمل طيبتك المبالغ فيها دي يا عمر .. ربنا يعلم اني بحبك في الله اوي عمر : ربنا يحبك .. بس قولي هي اسمها ايه وسنها كام وشهادتها ايه وبتشتغل ولا لأ .. احكي احكي ياسر : والله ما اعرف حاجة غير انها اسمها اعتدال والوسطانية في اخواتها وعندها اخت اكبر واخت اصغر.. بكل اسف عمر : هي اختها الكبيرة متجوزة ؟ ياسر : لأ .. بس امي اختارتلي دي .. علشان عنيها خضرة ههههههههههههههه عمر : طيب وليه الاختيار من النص ده يعني هههههههه .. والله شكلها هيطلع لانسيز .. يابني البنت لدينها واخلاقها .. مش لون عنيها ايه ياسر : عارف والله يا عمر يا اخوية .. بس انا استخارت وربنا يقدم الخير . عمر : بس تعرف اسمها جامد .. يااااااااااااه .. فاكر ابلة اعتدال ناظرة المدرسة اللي كانت بتمدنا في الطابور كل يوم الصبح علشان مش بنحلق شعرنا ياسر : انا بفكر اقلب بيك العربية .. او اعمل بيك اي حادثة .. حرام عليك يا اخي .. هو انا ناقص قفلة من الموضوع!! عمر : ههههههههههههههههههههه ده بس علشان لازم احط بصمتي انهاردة ياسر ( بضحك ) : يا تحفة ... اهو خلاص وصلنا ----------------- يركن ياسر علي جنب .. وينزل وامام باب القاعة ياسر : بص يا عمر .. انا هروح اسلم علي نهال .. وربنا يعدي اليوم ده علي خير .. وانت روح دور علي عمتي عمر : اوك ياسر : تعالي هنا .. هو انت تعرف عمتي اصلا؟؟ عمر : لأ طبعا ياسر : اومال كنت هتدور ازاي .. هو اي حاجة اقولك عليها تعملها كدة من غير ما تفكر؟ عمر : لأ طبعا يا ذكي انا كنت هدور علي والدتك وهي اكيد هتقولي فين عمتك ياسر : لأ روح لماما متسيبهاش واقفة لوحدها .. اكيد خالتي مش مركزة معاها دلوقتي . يتبع << شارك هذه المشاركه رابط المشاركه شارك
ام ملك محمد 8 أرسلي تقرير عن المشاركة قامت بالمشاركة 2 سبتمبر, 2013 جميلة جداااااااااااااااا ومستنية انا وماما الجزء اللى بعدة وفعلا واقعية جداااااااااااااااااااااا شارك هذه المشاركه رابط المشاركه شارك
رضــــاك ربي 258 أرسلي تقرير عن المشاركة قامت بالمشاركة 2 سبتمبر, 2013 ^____________________^ على فكرة في خطأ هنا ولا حول ولا قوة الا بالله العلي العظيم شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 2 سبتمبر, 2013 @@ام ملك محمد قريباا ان شاء الله يسعدني متابعتك شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 2 سبتمبر, 2013 @@رضــــاك ربي جزاك الله خيرا شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 4 سبتمبر, 2013 حلقة 6 عمر ساب ياسر وراح يدور علي (ام ياسر) .. وياسر راح عند الاستيدج اللي عليه العريس والعروسة عارفين لقي ايه اللي بيحصل ؟؟ لقي حسام ونهال بيرقصوا سلو .. قدام كل الناس .. وفاكرينها رومانسية !! ياسر ( لنفسه ) : ياااااه .. بجد يا خسارة يا نهال .. يا خسارة .. عمري ما توقعت انك ترخصي نفسك كدة مش معني انك مراته ان يكون ده ليكي عذر ازاي حسام ده .. يتصنف راجل تأتمني علي نفسك معاه .. وهو مش محافظ عليكي من عين كل واحد مريض شايف نفسه مكانه في خياله !! وانتي ازاي يعجبك راجل مفيهوش ريحة النخوة !! فاق ياسر علي صوت اتنين ستات من اهل حسام (العريس) قاعدين قدامه بيكلموا بعض - بقي بنتي انا .. الجميلة الحلوة .. المتعلمة اللي معاها ليسانس .. تتساب علشان واحدة معصعصة زي دي!! - عندك حق يا ام شادي .. البت مش حلوة خالص .. مش عارفة عجبه فيها ايه ؟ ده حتي مناخيرها بطاطساية .. ده شكوكو احلي منها - ايوة حتي بصي علي امها تخينة ازااااي .. شكلهم عالم بيئة - والله يا ام شادي بنتك ضفرها برقبتها .. واحنا مالنا ياختي .. احنا منحبش نجيب سيرة حد اااه ياني من عواجيز الفرح .. وكلامهم اللي يحرق الدم ياسر كان في حيرة من امره .. مش عارف هي نهال تستاهل يتقال عليها كدة علشان فرطت في نفسها اوي كدة؟؟ ولا هي متستاهلش .. لأنها لسة صغيرة وطايشة !! قال في عقل باله .. كدة كدة دي غيبة .. وزي ما قالوا علي نهال .. بكرة يتقال علي اولادهم طالما حاطين المقياس الحلاوة والوحاشة .. يبقي ربنا نجي حسام من نسب اهله اللي هو اكيد طالعلهم .. يا ستير يارب !! ----------- علي الجانب الاخر .. عمر ماشي يدور علي ام ياسر .. بيبص حواليه في كل ناحية خبط في بنت ماشية ومعاها كوباية شربات ورد الشربات اتدلق علي القميص الابيض .. وبرضو بهدل فستانها وحجابها الكبير الاحمر البطيخي الفاتح البنت (في منتهي الخجل والاحراج) : اسفة والله يا فندم جدا جدا .. والله ما كانش قصدي عمر ( خايف لتكون دي كمان هتعاكس ) : يا دي اليوم اللي مش فايت البنت ( عنيها بدات تدمع من الخضة ) : بجد انا في غاية الاسف والله صوووت بينادي علي البنت من بعيد .. ابتهاااااال .. بتعملي ايه عندك ؟ تلفتت ابتهال لتجد والدتها تنادي عليها .. وعينها يملؤها الغضب لأنها تقف مع شاب غريب!! ابتهال : والله يا ماما مكانش قصدي !! والده ابتهال : خدي رحمة اختك معاكي .. متمشيش لوحدك ابتهال : تعالي يا رحمة .. معايا عمر مشاففش صوت والدتها ده جي منين ؟ وبيبص لأبتهال .. لقي انها مكانتش شيفاه اصلا .. ومش بتبص غير في الارض او اي حتة تانية قال في سره : سبحان الله !! البنات فعلا مش زي بعض .. ايه يجيب دي .. للي خبطتني من يجي ساعة !! كانت رحمة بنت تبدو في الثالثة عشرة عاما .. وصغيرة الحجم .. وابتهال تبدو في العشرين ------------- عمر وجد والدة ياسر .. عمر : طنط ام ياسر .. اخيرا !! عمال ادور علي حضرتك ام ياسر : ازيك يا عمر يابني عامل ايه؟؟ عمر : الحمد لله يا طنط .. ياسر كان قايلي ادور عليكي .. ومسيبكيش .. لحد ما هو يسلم علي نهال ويجي ام ياسر : طيب يا عمر تعالي اقعد معانا .. انا قاعدة مع ناس قرايبنا عمر : طنط صفية ولا ايه؟؟ ام ياسر : هو ياسر حكالك ولا ايه؟ عمر : ايوة حكالي يا طنط .. همتك معانا بقي علشان نخلص من الواد ده بقي بسرعة ونفرحك بيه يا ام ياسر .. وتفرحوا بية وراه ام ياسر : ده انا البنات عندي بالهبل .. بس انت قول بس وانا اجيبلك احسن عروسة .. اقولك خد اخت العروسة اللي جيباها لياسر عمر : لااااااااااااا انا مش عايز حد يجيبلي عرايس .. سيبوني براحتي .. انا مبدأي في الحياة .. الجواز يأتي فجأة ام ياسر : طب تعالي شوف البنات بس .. والله بنات مؤدبين جدا .. هم لسة مجوش سلموا علية .. بس هم موجودين هنا .. مفيش غير مريم بس عمر ( في سره ) : مريم تبقي اخت اعتدال !! اقطع دراعي ان مكانش ودان خالتي ام ياسر فيها انّ ---------------- ام ياسر : معلش اتأخرت عليكي يا ام مريم ام مريم : ولا يهمك يا حبيبتي .. بس متتأخريش عليه تاني .. انتي كنتي فين ام ياسر : كنت رايحة ادور علي ياسر .. لقيت صاحبه .. اعرفكم ببشمهندس عمر صاحب ياسر .. هو اصغر منه بسنتين .. بس اصحاب الروح بالروح من وهم لسة صغيرين .. وزمايل في الشغل عمر : السلام عليكم ام مريم : وعليكم السلام يابني .. اهلا بيك بينما مريم كانت تنظر الي الارض وردت السلام بتمتمة غير مسموعة نهااائي مريم بنت تبدو في الخامسة والعشرين من العمر .. هادئة جدا .. ترتدي فستان ابيض وطرحة روز عمر قاعد ساكت خالص .. اصله ملهووش في كلام الحريم ^_^ ----------------- ونرررررجع تاني لياسر ياسر كان بيقرب بخطوات بطيئة ناحية نهال .. مش عارف يروح يقولها مبروك ويقول لعريسها؟ ولا يقف مكانه؟ وقف علي جنب لقي ست قاعدة علي جمب ولابسة اسود .. وشكلها حزين جدا وواحدة قاعدة جمبها بتقولها ربنا يصبرك .. احتسبيه عند ربنا .. ده عدي علي موته يجي 10 شهور الحي ابقي من الميت ياختي !! وهي بترد عليها تقولها .. انا مكنش لازم اجي هنا .. كل حاجة هنا بتفكرني بالمرحوم الله يرحمه يمكن لو كان كل واحد بيراعي ربنا في الافراح وفي المناسبات .. مكنش جرح مشاعر الناس بمنتهي البرود انا كنت جاية لأني فكرت ان واحدة زي والدة نهال لايمكن تفكر تعمل فرح بنتها الا اسلامي .. او علي الاقل منفصل ومحترم شوية ياسر ( لنفسه) : كل مدي ما بحتقر الحاجة اللي انتي شوفتيها بسيطة اوي كدة يا نهال .. فعلا لو كان كل واحد بيراعي ربنا في الافراح وفي المناسبات .. مكنش جرح مشاعر الناس بمنتهي البرود ---------------- وجت التورتة اللي ب 5 ادوار والشوكة اياها اللي بياكل منها الاتنين في وقت واحد قدام الناس ام ياسر : لالا دي قلة ادب .. ازاي ام نهال توافق علي كدة ام مريم : ربنا يهديهم يا نوال ياختي .. الشباب اليومين دول بجد عقلهم في التراوة .. مبقوش يخافوا من ربنا ام ياسر : لا مش كلهم والله يا ام مريم .. انا عندي ياسر .. وعمر كمان ماهو ابني برضو .. عمرهم حتي ما يبصوا علي حاجة زي كدة ام مريم : مانا واخدة بالي من عمر ماشاء الله عليه .. مبصلناش حتي من ساعة ما قعد في مكانه .. حتي لما خبط في بنتي من شوية محاولش يعاكسها ولا حاجة .. وياعيني قاعد قميصه مبهدل من ساعتها مخدش باله مريم سمعت الكلمتين دوول .. كتمت الضحك بالعافية .. هي مكانتش واخدة بالها من قميص عمر اللي مليان شربات اتدلق عليه .. بس كلامهم نبهها عمر بقي اللي كان في نص هدوومه .. وقالهم بأرتباك : طب استأذنكم هروح انضف القميص في التواليت ..دقايق وراجع عمر في نص السكة قال .. ابتهال !! بنت عمة ياسر واختها رحمة ومريم !! اومال مين اعتدال دي ؟؟ وبعدين انا ملمحتش اي حد عينه ملونة خالص .. انا مالي !! اكيد هتبان يتبع << شارك هذه المشاركه رابط المشاركه شارك
أم ياسر السلفية 16 أرسلي تقرير عن المشاركة قامت بالمشاركة 4 سبتمبر, 2013 السلام عليكم و رحمة الله و بركاته حياك الله أختي أم لبابة، حيا الله جميع الأخوات. بارك الله فيك أختي على النقل، هذه القصة تبين حال أهل الإلتزام بالمقارنة مع غيرهم ممن اتبعوا أهواءهم. لكن هناك بعض المخالفات يقع فيها أهل الإلتزام وردت في القصة، أرجو توضيحها حتى ننكرها و لا نقع فيها. جزاك الله خيرا. شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 5 سبتمبر, 2013 حلقة 7 عمر خد بعضه وراح علي التواليت علشان ينضف القميص الابيض اللي اتبهدل بشربات الورد لقي ياسر واقف .. باصص علي نهال من بعييد وشكله سرحان خالص .. وزعلان عمر : انت فين يابني.. كل ده بتسلم علي نهال ؟؟ ياسر : والله لسة ما سلمت عليها .. انت ايه مبهدلك كدة؟؟ عمر : بنت عمتك يا سيدي خبطت فيها .. دلقت الشربات اللي في ايدها علي القميص .. بس مكنش قصدها ياسر : هههههههههههه طيب خد الجاكيت بتاعي البسه مؤقتا .. علشان يداري القميص عمر : لا يابني تاخد برد كدة ياسر : اخد برد ايه بس .. خد الجاكيت .. اسمع الكلام وانا هسلم علي نهال واجي عمر خد الجاكيت وطيران علي التواليت ينضف القميص ياسر فضل واقف باصص للكوشة .. لقي المطرب الرائع (احم احم ) اللي صوته ملائكي ( استغفر الله العظيم يارب) ماسك المايك .. ورايح علي العرسان الحلوين وغني يا عريس .. غني يا عرووسة !! ياسر (لنفسه) : هي باينها ليلة ذنوب في ذنوب من اولها ... يارب يا نهال تبقي عند حسن ظني ومتغنيش بصوتك قدام الناس ----------- المطرب : يلا يا عريس هتقول لعروستنا الحلوة ايه؟ العريس (بيضحك) : صوتي وحش مش هينفع .. هي صوتها احلي !! المطرب : لا مينفعش .. يلا غنيلها حاجة علي ذوقك .. دي حتي العروسة زي القمر .. مينفعش متغنيش !! نهال بتبص لحسام وتضحك ومستنياه يغني .. فأضطر ياخد المايك حسام (بصوت اجش) : اهواااااك .. واتمني لو انسااااك .. نهال : تنساني ليه بس كدة انا عملتلك حاجة !! ضحك الجميع لأن الاغنية حزينه .. وده فرح .. والجميع بين همز ولمز المطرب : يلا غني يا عروسة .. والله عرفت تنقي يا عريس نهال خدت المايك منه في ساعتها .. وقعدت تضحك .. وبعدها حبيبي علي نياته .. كل البنات اخواته .. والكل بيصقف .. بغض النظر عن صوتها .. بس لأن صوت المرأة عورة .. فلازم تحلي في عين كل اللي واقفين وسامعين وبيصقفوا ------------- وبين ذلك وتلك .. ياسر مصدووم ياسر (لنفسه ) : ايه الدم ده!! المطرب الغريب ده قاعد بيعاكس في مراتك كدة وانت بتضحك !! مراتك قاعدة تغني قدام الناس كدة وتتدلع وانت عادي .. معندكش اي دم !! وانتي .. بجد انا ندمان اني حبيتك في يوم من الايام .. يا خسارة كل لحظة اتمنيت فيها اكون مكان حسام !! ---------------- ياسر خلاص بقي عنده قناعة ان نهال كانت لا تصلح .. وان اي بنت بتحافظ علي نفسها مهما كانت صفاتها فهي افضل من نهال وهتسعده اكتر من نهال ادرك ان الرؤية اللي شافها لما نهال قالتله مش بحب حد يصحيني علشان اصلي .. كانت فعلا تحذير من ربنا قد ايه حضرتك حنين يارب علينا .. وعالم بحالنا .. ومدبر لأمورنا .. وخبير .. سبحانك يارب ياسر خطي بخطوات ثابته ناحية الكوشة بعد ما العرسان قعدوا عمر كان طلع من التواليت ولابس الجاكيت الاسود عمر (بينادي ) : يا ياسر .. استناني .. انا هاجي معاك ياسر سمعه واستناه وراحوا سوا علي الكوشة ياسر : مبارك يا عرسان نهال مدت ايدها لياسر وبتقوله الله يبارك فيك ياسر : انتي نسيتي اني مش بسلم ولا ايه ؟ نهال : اه صحيح .. نسيت انك منهم .. ايه رأيك في عريسي حسام بيبص ويضحك .. وياسر بيبصله .. وحاسس ان علي الكوشة فيه عروستين .. مش عريس وعروسة !! ياسر : لا الله ينور .. ربنا يباركلكم حسام : طيب وايه رايك في عروستي ياسر زاد الاحتقار اوي جواه من السؤال ده .. ومعرفش يرد عمر حس بصاحبه .. وحب يقوم بالمهمة بداله عمر : متسألش ياسر .. مين يشهد للعروسة يعني .. خد رأيي انا .. الصراحة ما جمع الا لما وفق !! نظر عمر لياسر .. وفهم ياسر قصده .. وكانوا هيضحكوا من قلبهم علي رد عمر .. بس قدر ولطف .. والعرسان محسوش بالمغزي من كلامهم ---------------- وسابوا العرسان .. عمر : هم بنات عمتك يا ياسر 3 ولا اربعة ؟ ياسر : 3 .. بتسأل ليه ؟ عمر : بس اساميهم ابتهال ومريم ورحمة .. فين اعتدال دي ؟؟ ياسر ( في ذهول ) : مريم !! عمر : اه .. مفيش اعتدال ياسر : انتوا قاعدين فييين .. وفين ماما عمر : اهم .. تعالي سلم بقي ------------- ام ياسر : اهو ياسر اهو يا صفية صفية : يا حبيبي يا ياسر .. ماشاء الله كبرت .. وبقيت نسخة من ابوك الله يرحمه صفية عنيها دمعت لما افتكرت اخوها وشافت ابنه بيشبهه كتير .. وياسر كان عايز يطبطب عليها بما انها عمته ويهديها بس كان مكسوف مش حرام ولا حاجة .. بس عادي مش واخد عليها [^_^] ام ياسر : اهدي بقي يا صفية حرام عليكي متخلنيش اعيط معاكي في الفرح والناس تتفرج علينا !! صفية : حاضر ياختي ... اهو سكت .. اقعد يا ياسر جمبي ياسر : حاضر يا عمتي .. ربنا يخليكي لينا صفية : اعرفك بقي ببنت عمتك .. دكتورة مريم ياسر شاف مريم بلبسها الابيض في روز افتكر البنت اللي حلم بيها وكانت لابسة ابيض في روز وبتقوله الحمد لله ان ربنا نجاك من الناس اللي متعرفش الحلال من الحرام فقال لنفسه زي ما قال في الحلم .. سبحان الله مريم قالت بخجل : لأ انا مش دكتورة بالظبط .. انا معيدة في كلية الزراعة وبحضر ماجيستير ياسر : ماشاء الله ياسر لوالدته بصوت واطي : اومال فين اعتدال (الملونة دي ) وبعدين اشمعني الوسطانية .. ما الكبيرة حلوة اهي ام ياسر : اسكت يا ياسر .. مش طلعت اسمها ابتهال مش اعتدال ياسر : وروحية طلعت رحمة .. مش كدة .. مش بقولك طيبة وبتشوفي كل حاجة علي ذوقك ابتهال جت وقتها هي ورحمة .. شافت عمر قاعد علي الترابيذة قالت : هو حضرتك جيت تقول لماما .. والله فعلا مكانش قصدي يا فندم .. وعلي فكرة انا ممكن ادفعلك تمن القميص .. بس انا مش عيلة صغيرة علشان تشتكيني لأهلي صفية : عيب يا بنت .. ده صاحب ابن عمتك ابتهال : ابن عمتي مين .. هو الاستاذ يبقي استاذ ياسر ؟ ياسر (في ذهوول من الموقف ) : ايوة انا ياسر ياسر (لوالدته بصوت واطي ) : هي دي ابتهال ؟؟ اومال فين العنين الخضرا دي يا امي .. انا اعرف انها ذاكرة بس .. سلامة نظرك يا امي ام ياسر : والله يا بني مش عارفة هي فعلا شبهها ام ياسر (لصفية ) : هي دي ابتهال ؟؟ هي مش كانت عنيها خضرا؟؟ ابتهال : لا يا طنط دي كانت لانسيز وسط ضحك الجميع .. ونظرات عمر لياسر عمر (بصوت واطي جدااا ) : مش قولتلك هتطلع لانسيز ههههههههههه ياسر كاتم الضحك بالعافية ام ياسر : طب ملبستيهاش ليه انهاردة؟؟ ابتهال : انا مبلبسش الحاجات دي برة البيت يا طنط .. زينة المرأة ف بيتها ياسر وقتها عينه لمحت نهال .. في موقف فعلا يندي له الجبين يتبع << شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 5 سبتمبر, 2013 السلام عليكم و رحمة الله و بركاته حياك الله أختي أم لبابة، حيا الله جميع الأخوات. بارك الله فيك أختي على النقل، هذه القصة تبين حال أهل الإلتزام بالمقارنة مع غيرهم ممن اتبعوا أهواءهم. لكن هناك بعض المخالفات يقع فيها أهل الإلتزام وردت في القصة، أرجو توضيحها حتى ننكرها و لا نقع فيها. جزاك الله خيرا. وعليكم السلام وحمة الله وبركاته وفيكِ بارك الرحمن حاضر ان شاء الله شارك هذه المشاركه رابط المشاركه شارك
هدوء الفجر 222 أرسلي تقرير عن المشاركة قامت بالمشاركة 5 سبتمبر, 2013 ما شاء الله جميييييييييله أوي اليوميات دي حاسه بجد إنها حقيقية ياااارب ما تخلص خااالص ^ـــــــــ^ جزاكِ الله خيرا يا غالية .. وكملي وحطي كتييييييير مستمتعه بيها أوي ^ــــــــــ^ 1 شارك هذه المشاركه رابط المشاركه شارك
ام ملك محمد 8 أرسلي تقرير عن المشاركة قامت بالمشاركة 5 سبتمبر, 2013 السلام عليكم و رحمة الله و بركاته حياك الله أختي أم لبابة، حيا الله جميع الأخوات. بارك الله فيك أختي على النقل، هذه القصة تبين حال أهل الإلتزام بالمقارنة مع غيرهم ممن اتبعوا أهواءهم. لكن هناك بعض المخالفات يقع فيها أهل الإلتزام وردت في القصة، أرجو توضيحها حتى ننكرها و لا نقع فيها. جزاك الله خيرا. وعليكم السلام وحمة الله وبركاته وفيكِ بارك الرحمن حاضر ان شاء الله حبيبتى أظن أن هذا واقع الملتزمن الذين لايعيشون فى وسط من الملتزمين بمعنى هناك ملتزمين آبائهم وأقاربهم ملتزمين فلا يجدون صعوبة فى التعامل ولا تكثر معهم المخالفات وهناك ملتزمين فرديين بمعنى أبى وأمى مثلا غير ملتزمين وأنا ملتزمة ولا أجد فى عيلتى ملتزمين فيكون لى أصحاب ملتزمين وليس كثير مثلا فأجد صعوبة فى ذلك لانى أساير ابى وامى مثلا فى طلباتهم وهكذا مع الانكار داخليا لما يخالفه الشرع وهكذا وهذه وجهة نظر مش أكتر لا اقتنع بها تمام الاقتناع لكنى اراها تنفع فى احيان ومواقف تستدعى منى ذلك ^_^ شارك هذه المشاركه رابط المشاركه شارك
هدى عبد الناصر 28 أرسلي تقرير عن المشاركة قامت بالمشاركة 8 سبتمبر, 2013 فين باقى القصه اختى انتى بطولى علينا ليه بس بجد قصه جميله عايزين نعرف ياسر هيجوز مين؟ شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 9 سبتمبر, 2013 فين باقى القصه اختى انتى بطولى علينا ليه بس بجد قصه جميله عايزين نعرف ياسر هيجوز مين؟ معلش علي التأخير الأن الأن الباقي شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 9 سبتمبر, 2013 الحلقة التاسعة (الاخــــــــــــــــــــيرة) خلاااااص ^_^ رحمة لمريم : عايزة كوباية العصير بتاعتي يا مريم مريم : حاضر يا حبيبتي مريم جت تاخد كوباية العصير لرحمة خبط شئ معدن في ايدها في كوباية العصير زي ما يكون خاتم ياسر .. ووالدته .. وعمر سمعوا الصوت وبصوا في وقت واحد علي الكوباية لقوا اللي في ايد مريم دبلة !! ياسر حس ان الحظ دايما ماشي عكسه .. ومش فاهم ليه دايما كل حاجة جاية معاه غلط كدة؟؟ بص تاني لنهال وهي في عزغفلتها مع حسام ووسط البنات اصحابها وكله قاعد يرقص ويصقف قصاد الكاميرا بتاعت الفرح حتي الستات الكبيرة في السن بترقص .. وادي ام العريس عاملة فيها بنت 16 وقاعدة ترقص !! مش عارف هي نهال السبب كمان في ان مريم طلعت مخطوبة !! طب وهي مالها ؟؟ خلاص انا بقيت حاسس ان هي السبب في كل شئ غلط بيحصلي .. بسببها بقيت شايف الدنيا سودة خلااااص اه يا دماغي رجع راسه لورا من كتر الصداع .. وسرح بخياله تخيل ان هو مكان حسام .. وانهاردة يوم فرحه علي نهال !! وفجأة اثناء رقصهم سوا .. سقطت النجفة عليهم .. وماتوا .. و كل شئ انتهي في لحظة - من ربك ؟ وما دينك؟ وما نبيك؟ - والله انا ما كان قصدي اغلط ابدا .. ده بس علشان خاطرها - يبعث المرء علي ما مات عليه .. من نبيك ومن ربك وما دينك ؟ - مش فاكر حاجة .. انا مش فاكر اي حاجة غير نهال اللي حبيتها.. و كنت برقص معاها دلوقتي وسط الناس - يحشر المرء مع من احب ويبعث المرء علي ما مات عليه.. من ربك ومن نبيك وما دينك؟ - انا عاصي !! انا معرفش غير نهال .. بس انا بعبد حد تاني .. ايوة .. ايوة .. ربي هو الله سامحني يارب .. سامحني انا ادركت اني كنت بعصيك مع انسانة مش بتخافك يارب .. هي السبب .. يارب ضاعفلها العذاب .. مش انا - لكل واحد فيكم ضعف العذاب .. كان عندك قرآن وسنة .. وانت اختارت نهال - لأ .. لأ .. حرام بجد .. انا كنت بصوم .. كنت بصلي .. ليه تعملوا فية كدة ليه ؟ انا بكرها .. بكرها --------------------- - ياااااااااااااااااسر فووووق يابني ياسر : ايه ؟ ايه ؟ فيه ايه؟ انا فين؟ عمر : انت كنت هتفضحنا يابني مين دي اللي بتكرهها .. كدة خليت عمتك وبناتها يضحكوا علينا ياسر : يا خبر هو انا كان صوتي عالي للدرجة دي ؟ انا نمت غصب عني ام ياسر : معلش يا حبيبي .. تلاقيك علشان مش بتنام كويس بس ياسر : اه يمكن ياسر (في سره) : الحمد لله .. ياااه لو كنت فعلا اتجوزتها .. ومت في موقف زي ده .. كنت هقابل ربنا ازاي وانا ميت في عز المعصية !! يارب .. لا تفضحنا بين خلقك .. ولا بين يديك ..يارب ياسر (بصوت واطي لوالدته) : يلا بينا يا ماما من هنا .. انا مخنوق ام ياسر : ليه بس؟ ده فاضل نص ساعة بالكتير والفرح يخلص ياسر (بصوت واطي): خدتي بالك من الدبلة؟ ام ياسر : اه .. قولتلي .. طب استني ام ياسر لصفية : ايه ده .. هي مريم مخطوبة ؟ صفية : لأ . . ايه خلاكي تقولي كدة ؟ ام ياسر : اومال ايه الدبلة اللي في ايدها اليمين دي؟ مريم ( مرتبكة ) : دبلة ايه دي ؟!! ااااااااااااااااه (تتنفس الصعداء) .. لا يا طنط ده الخاتم بس علشان واسع علية شوية بيلف حوالين صباعي :D عمر (في سره ) : احمدك يارب .. البنت مطارتش مني .. اخاف لو سيبت دي اقع في واحدة بتاعة (كلمات اطراء) تاني .. يا ستير يارب !! ياسر : طب انا شايف اننا نقعد بقي براحتنا :D ام ياسر : بصراحة قلبي وقع يا ام مريم .. فكرت مريم مخطوبة .. دي ياختي مينفعش تطلع برة العيلة مريم حست ان في حد دلق علي دماغها جردل مية ساقعة !! ابتهال كتمت الضحك .. ونغزت مريم في جمبها من غير ما حد ياخد باله ! عمر (بصوت واطي ) لياسر: كدة بقي كله ع المكشوووف ام مريم : ربنا يقدم الخير يا ام ياسر ياسر كان مكسوووف .. مش غريبة ولا حاجة ------------ الزفة لولولولولولللللي كله بدأ يركب عربيات ومروح ام مريم : طيب نشوفكم علي خير بقي ياسر : رايحين فين ؟ لازم اوصلكم .. ام مريم : لا ربنا يكرمك .. هنركب تاكسي ياسر : تاكسي ايه اللي دلوقتي ؟!! مش هتلاقوا حاجة تركبوها ام مريم : طيب عمر هيروح ازاي ؟ عمر : لا يا طنط .. ربنا يكرمك انا بيتي قريب من هنا .. هاخدها مشي ياسر (بصوت واطي ) لعمر : قريب جدا يجي 3 ساعات مشي بس عمر : يعني اركب معاك واكسفك طيب؟ ياسر : طب مع السلامة يا عمر .. هتوحشني يا غالي.. اشوفك بكرة --------- في السيارة .. ياسر وام ياسر قاعدين قدام والاربعة قاعدين ورا كل عربيات الفرح ماشيين في نفس الطريق سابقهم عربية نهال وحسام .. والكلاكسات مزعجة بشكل مش طبيعي .. بيب بيب بيب بيب بيب عربيات عمالة تعمل دواير و امريكاني وغرز وحركات عربيات من اللي منعرفش اسمها دي :D دخلوا في شارع جانبي .. في عمارات وناس من حظ ياسر ان سيارته كانت اخر سيارة في صف السيارات ده علشان تبقي بعيد عن اي خبطة مجنونة من سيارة نهال او سيارة اي حد من اصحاب العرسان ياسر كان ماشي بطئ .. وفجأة لقي ست طالعة من الشباك في الدور الاول .. قاعدة تصرخ وتقول : حسبي الله ونعم الوكيل فيكم .. اللهي يقعدلكوا في عيالكوا يارب واحدة تانية طلعت من الشباك ساكنة وشها : اهدي ياختي بس .. عيالك عايزينك - اهدي ايه بس .. الواد لسة جاي من المستشفي الصبح وعنده القلب والسكر .. مش حمل الفجعة دي - معلش ياختي .. ناس معندهاش دم .. محدش حاسس اننا الساعة 2 بعد نص الليل - منهم لله .. هم معندهمش عيانين ولا عيال بتذاكر عندها امتحانات .. ولا دي ناس مبتشتغلش وبتنام بدري .. علشان تحس باللي بينام بدري و يصحي الصبح يروح شغله ------------------ رحمة : ايه ده يا عمو ياسر .. هو في ناس بتشتغل يوم الجمعة؟ ياسر : طبعا يا رحمة .. لو كل الناس بطلت تشتغل يوم الاجازة .. الدنيا هتقف .. في ناس بتتعب اكتر مننا رحمة : طب وهو الصوت ده .. يتعب الناس العيانة؟ ياسر : للأسف لو حد قلبه ضعيف .. ممكن لو اتفجع يموته .. وخصوصا لو احنا في نص الليل والدنيا هادية .. وكمان بقي لو عنده سكر .. لو حد اتخض .. الجسم بيفرز حاجة اسمها ادريلنالين بشكل زيادة .. ودي مش حاجة كويسة رحمة : طب والدردلانين ده بيموت؟! ياسر : ههههه اه ممكن يموت .. شدي حيلك بقي علشان تطلعي دكتورة بجد .. وتعالجي الناس اللي عندها القلب دي كلها رحمة : صح ولما اكبر بأذن الله مش هبقي اعمل صوت بالعربية كدة علشان مفجعش حد .. ويجيلي بقي العيادة .. واعالجه بقي .. ويدوخني !! كلهم ضحكوا من براءة رحمة في الكلام .. ونفسها الطيبة ياسر : عارفة يا رحمة .. رحمة : نعم يا عمو ياسر : البنت اللي قلبها نقي زيك كدة .. هي اللي تخاف علي مشاعر الناس .. ومتغضبش ربنا هي اللي اتربت صح .. واهلها ناس محترمين .. وهي اللي انا نفسي اتجوزها فمهتي يا مريم .. اقصد يا رحمة ام مريم : ركز في الطريق يا ياسر .. وملكش دعوة بمريم .. اقصد رحمة ام مريم (لأم ياسر ) : طبعا مش هتقولي لأ يا ام ياسر لو عزمتكم علي الغدا يوم الجمعة الجاية ياسر : وليه الجمعة .. هو انتوا مش فاضيين بكرة يا عمتي .. خير الغداء عاجله .. ام مريم : يا ربي .. بجد نسخة من ابوك الله يرحمه في كلامه .. ع العموم بكرة الجمعة يا حبيبي ياسر : اه .. ان كان كدة ماشي .. وابقي اعملي حساب عمر في قميص جديد يا ابتهال ^___________________^ ما اجمل استجابة دعاء المستغيث يا ياسر .. دعيت ربنا بثقة .. واستجاب لك ربنا ما يحرمك ابدا من اللي نفسك تتجوزها وتعيشوا في تبات ونبات .. وتجيبوا صبيااان وبنات ^_^ 2 شارك هذه المشاركه رابط المشاركه شارك
روضة الجنه 21 أرسلي تقرير عن المشاركة قامت بالمشاركة 9 سبتمبر, 2013 بارك الله فيكِ مشكووووووووورة بجد علي هذه القصة الرائعة التي امتعتنا كثيرا سننتظر منكِ المزيد إن شاء الله شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 9 سبتمبر, 2013 بارك الله فيكِ مشكووووووووورة بجد علي هذه القصة الرائعة التي امتعتنا كثيرا سننتظر منكِ المزيد إن شاء الله وفيكِ بارك الرحمن العفو ,, متابعتك أروع حبيبتي شارك هذه المشاركه رابط المشاركه شارك
القرآن بلسمي 3 أرسلي تقرير عن المشاركة قامت بالمشاركة 14 سبتمبر, 2013 الحلقة الثالثة ياسر : حاضر يا ماما هستخير ربنا في بنت عمتي ام ياسر : ربنا يكملك بعقلك يابني ----------------- ياسر فكر مع نفسه .. قال انا كدة كدة اي واحدة لو ارتبطت بيها هتتبهدل معايا وهظلمها .. لأني مش هعرف احبها .. وغصب عني هفكر في غيرها انا هستخير . واكيد ربنا هيفركش الموضوع ----------------- وبالفعل ياسر استخار .. ومكنش في دماغه ابدا انه ممكن يشوف رؤية ولكن يمكن علشان دعاء (ام ياسر) ليه في ساعة الفجرية .. شاف في المنام نهال وشافها كأنها زوجته .. وبيصحيها علشان تصلي .. وتقوله سيبني شوية يا ياسر ياسر: يا نهال الفجر هيروح عليكي .. النهار بيطلع نهال : يا ياسر سيبني انا مبحبش اصلي الفجر .. ومبحبش حد يصحيني اصلي ياسر : متزعلنيش منك ونامت نهال قام ياسر من الحلم مضايق اوي وطار النوم من عنيه .. مش عارف ايه ده -------------------------- ياسر (لنفسه) : هو يمكن ربنا بيحذرني من نهال .. ده اكيد ليه؟؟ انا عمري ما شفت منها حاجة وحشة .. ده انا كان نفسي اتجوزها .. واعيشها اسعد واحدة في الدنيا ايه ده؟؟ الساعة 2 صباحا .. لسة بدري علي الفجر انا سمعت ان الرؤي في الوقت ده مش صحيحة (ملحوظة : رؤية الليل لو مكتملة الشروط صحيحة زي رؤية النهار) انا هنام علشان عندي شغل بكرة ----------------------- وبالفعل نام تاني .. ولكنه شاف حلم اغرب شاف واحدة لابسة ابيض وحجاب روز بتكلمه وتبتسم ليه انبهر لجمالها اوي .. وقعد يقول سبحان الله قالتله علي فكرة ربنا بيحبك اوي يا ياسر كفاية انه نجاك من الناس اللي مبتعرفش الحلال من الحرام دي وبعدها قدمتله طبق فيه حلويات وقعد ياكلها ------------------------ وقام تاني علي اذان الفجر ياسر : سبحان الله .. فيه حاجة فعلا غريبة .. بس اكيد ربنا كاتبلي الخير ---------------------- تمر الايام ويجي يوم الخميس وياسر مضطر يوصل نهال الصبح للكوافير لأنه هو اللي عنده سيارة وبيعرف يسوق في السيارة.. ياسر : نهال .. هو انتوا بقي انهاردة هتعملوا فيها عرسان بقي وتاكلوا التورتة بالشوكة قصاد الناس وترقصوا سلو؟؟ نهال : بس انت متنقش فيها ياسر : قولي لجوزك احنا صعايدة معندناش الكلام ده نهال : اتكلم عن نفسك .. احنا قهراوية وعندنا الكلام ده ياسر : طب خافوا من الحسد نهال : هنبخر القاعة .. وممكن نعمل ظار كمان ياسر : بتتريقي ؟؟ وانا مالي .. انا نصحتك .. وانتي طول عمرك ماشية بدماغك نهال : عجباني دماغي ياسر : انتي مش مكسوفة وانتي بتقولي الكلام ده؟ ومش هتتكسفي حتي من الناس .. اتكسفي من ربنا اولي ام نهال : خلاص بقي يا ياسر .. هو انتوا علطول كدة ناقر ونقير .. ربنا يصلحلك حالك يابني و نحضر فرحك يارب حاول ياسر ان يبدو طبيعيا .. يضحك معهم .. لكن في الحقيقة كان بداخله حزن .. وامل في الله سابهم ياسر قصاد الكوافير .. ورجع شغله بعد ما اخد اذن ساعة زمن ------------------------------ عند الكوافير .. كان مع نهال صديقتها ساره سارة : والله صعبان عليه ياسر ابن خالتك ده اوي يا نهال . هو انتي ليه متجوزتهوش كان هيخاف عليكي اوي .. وبعدين شكله دمه خفيف ووسيم .. وابن ناس اوي نهال : ياسر مين ده يا بنتي اللي اتجوزه .. ده كل حاجة عنده حرام ومكروه وغير مستحب ساره : ايه ده .. هو من اللي بيقولوا التعليم علي نفقة الدولة بدعة و حرام نصلي بسورة المسد ولازم نتعامل بالمقايضة لحد ما يلغوا الفلوس اللي عليها صور ... وكل حاجة حرام والاباجورة دي حرام (إبتسامــــــــــة ) نهال : ( إبتسامــــــــة ) لأ طبعا مش للدرجة دي .. بس انا بحب اكون بحريتي .. احب البس مايوه شرعي علي البحر .. احب البس بنطلون في الرحلات .. احب البس طرحة اسبانش في المقابلات المهمة .. احب البس سكيرت قصيرة علي بنطلون كارينا وبوط لحد الركبة .. احب اضحك براحتي .. واخرج مع صحابي الولاد طالما في اماكن عامة.. كدة يعني ساره : وهو طبعا مش عاجبة كدة .. وعايزك تبقي محترمة زي الناس اللي بعد الشر محترمة؟ نهال : ايوة .. تعرفي انه كان عايزني افركش الخطوبة علشان عرف من اختي ان حسام بيحبني البس ضيق .. قال يعني غيرة علية .. سيبك منه ده متغاظ وهيموت اني هتجوز غيره ساره (بفكاهة ): تصدقي والله ده خسارة فيكي .. والله غلطان .. ده ربنا بيحبه نهال : يا سلاااااااام .. لأ طبعا .. ده عيان بمخه يا بنتي بكرة يروح يتجوز واحدة مبهدلة من اللي عاملين فيهم ملتزمات .. تلاقي البنت فيهم عندها 15 سنة وتبان كأن عندها 40 ساره : والله يا بنتي البنات دي بتبقي فعلا محترمة .. بتبقي محافظة علي نفسها جدا برة البيت وجوة البيت كمان .. ربنا بس يهدينا ونبقي زيهم وعدي الوقت عليهم عند الكوافير كأنه سنة من كتر الانتظار والملل .. وعدي علي ياسر كأنه سنة برضو بس ياسر كان مضطر يجي الفرح راح متأخر شوية .. يا تري شاف ايه؟؟ يتبع إن شاء الله جزاكي الله خيرا بس النوع ده من القصص ايه حكمه الشرعي ؟؟ شارك هذه المشاركه رابط المشاركه شارك
