أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 اخواتي الغاليات هنا بـأذن الله سأضع موضوع في غاية الروعة والجمال عبارة عن قصه شيقة جدا ستستفدون منها كثيرا ان شاء الله يوميات "كان نفـسي اتـجـوزهــــــــا " 1 شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 الحلقة الاولى في مدخل العمارة بعد مشوار متعب لشراء لوازم الزفاف لنهال - الف مبروك يا نهال .. ربنا يسعدك مع حسام. - من قلبك يا ياسر؟؟ - (بحزن) طبعا من قلبي .. انتي بنت خالتي اولا واخيرا ومتربين سوا .. وافرح انك تكوني سعيدة .. مهما كانت الظروف . - انا طول عمرك بعزك اوي يا ياسر .. بس الحب الاخوي حاجة والعاطفة حاجة تانية .. وبكرة ربنا يعوضك بواحدة احسن مني ... واحضر كتب كتابك .. زي ما انت هتحضر كتب كتابي بكرة .. والا هزعل منك لو مجيتش. - طبعا لازم اجي.. علشان انتي تكوني مبسوطة .. هو هيبقي فين؟ - في مسجد عمر بن الخطاب . - ايه ده .. معقول نهال .. الدلوعة .. اللي مبيعجبهاش العجب تعمل كتب كتابها في مسجد!! انتي كدة هتخليني ازعل اكتر انك مش من نصيبي . - (إبتسامــــه) معلش يا ياسر .. لازم حاجة برضو تبقي في بيت ربنا .. بس الفرح يوم الخميس في القاعة عادي . - ربنا يوفقك .. وبكرة بأذن الله هكون موجود علي صلاة العشاء. ---------------- ياسر في الطريق بسيارته .. علي وشك البكاء - يارب تكوني مرتاحة معاه يا نهال ومبسوطة انا عارف ان محدش في الدنيا كان هيقدر يسعدك قدي .. لأن محدش حبك قدي ده انا كنت برضي بس لما اشوف بتبتسمي انتي مش بنت خالتي وبس .. انا ربيتك علي ايدي .. وكبرتي قصاد عيني .. ليه محستيش بية -------------- يركن سيارته علي احد جانبي الطريق .. سائرا في الشارع حتي وصل الي كورنيش النيل .. حيث يرمي همومه قلبه يبكي .. وعيناه تتظاهران بالقوة عُمر .. احد اصدقاء ياسر .. يراه بالصدفة ---------------- - ياسر !! مالك ؟ شكلك متخانق!! - ولا حاجة يا عمر .. متضايق بس شوية .. امشي انت بس وسيبني لوحدي وانا هكلمك لما اروح - والله ما يحصل ابدا .. فيه ايه ؟؟ مش هسيبك غير لما تقولي - انا مخنوق اوي يا عمر .. حاسس اني بموت .. مش قادر اشوفها بتتجوز واحد غيري .. ياريتني كنت مت قبلها - اهدي بس يابني واحكيلي من الاول .. مين دي ؟ - بنت خالتي نهال يا عمر .. كتب كتابها بكرة ... مش عارف هو خطيبها ده فيه ايه زيادة عني ؟ - لا حول ولا قوة الا بالله .. يمكن ده الخير ليك يا ياسر .. انت متعرفش الخير فين - خير ايه بس .. قول ابتلاء شديد وصعب اوي علية .. انا مش متخيل حياتي من غيرها . مش هيعرف يحافظ عليها قدي يا عُمر (خانت عين ياسر دمعة .. فسالت علي وجنته .. فاحتضنه عمر وكأنه والده .. وليس صديقه !!) عمر: مش يمكن ربنا بعدها عنك علشان يمكن كان حبك ليها يعميك ويخليك تفتنها في دينها .. ويمكن كانت تفتنك في دينك يا ياسر ياسر : كل شئ عندي اهون من اني محافظش عليها حتي من نفسي عمر : متقلقش عليها يا حبيبي .. لو هي انسانة كويسة .. مش هتحتاج حد يحميها .. وهتراعي ربنا في كل تصرفاتها .. وتحمي نفسها كأنها لؤلؤة .. واكيد انت هتطمن عليها لما تشوف تصرفاتها في الفرح لو اتصرفت وكأن ربنا سبحانه وتعالي شايفها .. في وقت لهو كل اللي حواليها .. يبقي متقلقش عليها بعد كدة ياسر بدا يفتكر طريقة لبس نهالي اللي كانت بتخليه يغير عليها جدا .. واسلوب كلامها مع خطيبها .. دب في قلبه خوف شديد عليها .. لما تروح بيتها ومتلاقيش حد ينصحها عمر : انت رايح بكرة كتب كتابها ؟؟ ياسر: ايوة .. وهصلي وادعيلها ربنا يسعدها .. وادعي ربنا يصبرني ويرضيني بحالي -------------- تاني يوم .. وقت صلاة العشاء .. دخل ياسر مسجد عمر بن الخطاب .. يا دوب لحق الاقامة وفي السجود بكي غصب عنه وقال " اللهم انك اعلم بحالي مني .. فلا تذرني لنفسي .. ولا للشيطان .. وارضني بما قسمت لي .. ياااااارب .. يا راحم الضعفاء .. يا مغيث المستغيثين .. يا فارج الهم .. يا كاشف الغم .. لا اله الا انت .. استجير بك ياااااارب " ااااااااامين ما اجمل دعاء المستغيث .. وما احلي ان تزول الغمامة من علي عينك .. في ساعة الغمة تم العقد .. وتعالت الزغاريت .. وخرج الجميع من بيت الله ليستقبل العريس عروسه .. وكانت المفاجأة !! يتبع إن شاء الله 3 شارك هذه المشاركه رابط المشاركه شارك
' أم آية' 667 أرسلي تقرير عن المشاركة قامت بالمشاركة 30 أغسطس, 2013 متابعة معك :) شارك هذه المشاركه رابط المشاركه شارك
رضــــاك ربي 258 أرسلي تقرير عن المشاركة قامت بالمشاركة 30 أغسطس, 2013 متابعة معك :) شارك هذه المشاركه رابط المشاركه شارك
oum meryouma 41 أرسلي تقرير عن المشاركة قامت بالمشاركة 30 أغسطس, 2013 السلام عليكم قصة مشوقة انتظر المزيد شارك هذه المشاركه رابط المشاركه شارك
على نهجك نعيش 65 أرسلي تقرير عن المشاركة قامت بالمشاركة 30 أغسطس, 2013 وعليكم السلام ورحمة الله وبركاته من بدايتها حلوه ما تتأخري بتكملتها شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 متابعة معك :) تسعدني متابعتك ,, حياكِ الله شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 متابعة معك :) تسعدني متابعتك ,, حياكِ الله شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 السلام عليكم قصة مشوقة انتظر المزيد وعليكم السلام ورحمة الله وبركاته يعدني انتظارك غاليتي شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 وعليكم السلام ورحمة الله وبركاته من بدايتها حلوه ما تتأخري بتكملتها متابعتك الحلوة يا غاليه أكيد أختي ما اتأخر عليكم شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 الحلقة الثانية ما اجمل دعاء المستغيث .. وما احلي ان تزول الغمامة من علي عينك .. في ساعة الغمة تم العقد .. وتعالت الزغاريت .. وخرج الجميع من بيت الله ليستقبل العريس عروسه .. وكانت المفاجأة !! ياسر(في سره) : ايه اللي نهال عملاه في نفسها ده ؟؟!! ده بيت ربنا !! نهال كانت لابسة فستان ضيق جدا .. وبدي كارينا .. وعاملة الطرحة الاسبانيش ميك اب كله حاجات بتلمع مالية وشها !! وبرفان ريحته مغرقة المكان! ياسر(في سره) : لما قولتيلي انك عاملة كتب كتابك في المسجد .. فكرت انك هتكوني في غاية زينتك بين اصحابك واهلك في مصلي النساء وبس .. ولما تخرجي هتداري كل ده بأي توب او (كاب) يغطي فستانك ووشك ليه مراعتيش غيرة ربنا عليكي يا نهال؟؟ ----------------------------------- انتهي اليوم .. وعاد ياسر الي منزله .. يشتعل نارا من غيرته علي نهال لم ينم .. وظل يفكر حتي صباح يوم التالي شرب فنجان قهوة .. وذهب الي العمل ---------------------------------- في العمل .. هو انا ينفع اتصل بيها اعاتبها علي اللي عملته ده؟؟ بس انا قلقان من رد فعلها ربنا يستر ... تررررررررررررررن ترررررررررررن - الو - الو ازيك يا نهال انا ياسر - اهلا اهلا .. ازيك يا ياسر .. عامل ايه - الحمد لله .. الف مبروك - الله يبارك فيك .. مش كنت تستني شوية معانا امبارح .. احنا سكتنا واحدة .. كنا نروح كلنا سوا وحسام يوصلنا؟؟ - وحسام مكانش هيعترض؟؟ - لا .. وهيعترض ليه؟ - ايوة صح ..ماهو لو بيعترض .. كان اعترض علي انك ملبستش كاب فوق هدومك يوم كتب الكتاب .. هو ايه اللي انتي كنتي عملاه ده ؟ - تقصد ايه ؟؟ لو سمحت اتكلم بأسلوب كويس - انا اسف يا نهال .. بس انا خايف عليكي .. انتي اختي الصغيرة انا مكنتش متوقع ابدا انك تكوني طالعة من بيت ربنا بكامل زينتك بالشكل ده ولا توقعت ان ريحة العطر بتاعك يشمها كل اللي حواليكي توقعت حتي انك تعملي احترام لغيرة حسام عليكي - علي فكرة انا معملتش حاجة من ورا حسام .. وهو كان موافق - ماشاء الله .. راجل يا حسام .. يعني بتقوليلي ملكش دعوة بالذوق .. شكرا - متزعلش اوي كدة .. انا بس بكلمك بعشم .. وليك علية يا سيدي. بعد كدة .. ابقي اخلي بالي اني في بيت ربنا .. وان ده شئ ليه احترامه --------------------------------- انتهت المكالمة .. وحس ياسر بخيبة امل .. ان نهال مفهمتش قصده وافتكرت ان المسألة عبارة عن احترام لبيت ربنا وخلاص .. وان الموضوع مش اكبر من كدة واتضايق اكتر لما سمع ان حسام زوجها موافق علي اللي بيحصل ده بس افتكر كلام صديقه عمر "لو هي انسانة كويسة .. مش هتحتاج حد يحميها .. وهتراعي ربنا في كل تصرفاتها .. وتحمي نفسها كأنها لؤلؤة " وخاف لتكون نهال من البنات اللي بترتكب كل المعاصي في الافراح .. وزوجها يوافق علي اساس (انها ليلة وهتعدي .. وهو الواحد هيتجوز كام مرة .. واديه يوم .. وخلينا نفرح) لا اله الا انت سبحانك اني كنت من الظالمين ---------------------------------- في منزل ياسر.. ام ياسر : انت جيت يا حبيبي ؟؟ ياسر: لا يا ماما لسة مجيتش .. انا بس بعمل بروفا ام ياسر :(إبتسامــــه) يجازي شيطانك يا واد يا ياسر .. اما انا عندي ليك حتة خبر ياسر : يا ستار يارب .. خييييييييييييييييير؟ ام ياسر : ده خير اووووي .. خير جدا .. عندي ليك حتة عروسة ياسر : ماما .. من فضلك .. طلعي الموضوع ده من دماغك .. انا مش هتجوز خالص ام ياسر : يابني حرام عليك .. انا نفسي اشوف ولادك .. انت ابني الوحيد .. ونفسي اشوفلك ابن علي اسم ابوك الله يرحمه ياسر : الله يرحمه يارب .. بس يا ماما اكيد مش هسمي ابني عبد الستار.. الولد يتعقد ام ياسر : سميه اي حاجة بس اشوف ابنك .. يابني انا كبرت واللي فاضلي مش قد اللي راح .. وانت يا حبيبي خلاص داخل علي ال30 سنة ياسر : ربنا يديكي طولة العمر والصحة يا ست الكل .. لكن علي الاقل مش دلوقتي .. انا مش مستعد خالص لحاجة زي دي .. مش قبل 4 سنين ام ياسر : لو عايز تزعلني يا ياسر .. استني كمان اربع سنين ياسر(مخنووق) : ااااه يا دماغي .. طيب مين دي يا ماما؟ ام ياسر : بنت عمتك صفية ياسر : يا امي انا اصلا في حياتي كلها مشفتش عمتي غير مرة واحدة .. حتي معرفش عندها اولاد قد ايه او ايه اسمائهم .. اتجوز بنتها ازاي يعني ؟ ام ياسر : ماهو الذنب ذنبي .. من يوم ما ابوك مات الله يرحمه .. وانا مكنتش بخليك تزور اهلك غصب عنك ياسر (بأسلوب فكاهي): معرفتيش تربي يا ام ياسر ام ياسر : عمتك تبقي جارة جوز نهال علي فكرة .. وعندها 3 بنات .. والتلاتة مش مخطوبين .. انا بقي اختارتلك البنت الوسطانية عنيها خضرا وشعرها اصفر تقولشي اجنبية .. واخلاق وست بيت .. وبنت عمك ياسر : هي بنت عمي ولا بنت عمتي؟؟ ام ياسر : ياخوية!! انا دماغي دفتر ؟ بنت عمتك .. اسمع يا ياسر .. انا بقولهالك كلمة اوعي تكون بتفكر في نهال .. نهال خلاص هتتجوز يوم الخميس .. ودي احسن منها .. والحمد لله يابني انها مش نصيبك وانا قيلالك من زمان ... ان البنت اللي تختارها تختارها لدينها .. مش لخفة دمها ياسر : حاضر يا ماما انا هستخير ربنا وبالفعل يااااسر استخار ربنا .. ولكن حصلت حاجات غريبة جدا يتبع إن شاء الله 1 شارك هذه المشاركه رابط المشاركه شارك
رضــــاك ربي 258 أرسلي تقرير عن المشاركة قامت بالمشاركة 30 أغسطس, 2013 ولكن حصلت حاجات غريبة جدا شوقتينا للحاجات الغريبة دي يلا ما تطوليييش :)) شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 ولكن حصلت حاجات غريبة جدا شوقتينا للحاجات الغريبة دي يلا ما تطوليييش :)) ما تخفيش جاية جررري اهو اعرفك الحاجات الغريبه شارك هذه المشاركه رابط المشاركه شارك
هدى عبد الناصر 28 أرسلي تقرير عن المشاركة قامت بالمشاركة 30 أغسطس, 2013 ما شاء الله قصه جميله بس ايه اللى اخرك علينا كده نفسنا نعرف ايه الحاجات الغريبه دى شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 ما شاء الله قصه جميله بس ايه اللى اخرك علينا كده نفسنا نعرف ايه الحاجات الغريبه دى انتِ أجمل يا هدي حاضر من عيوني حالا هتعرفوا شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 30 أغسطس, 2013 الحلقة الثالثة ياسر : حاضر يا ماما هستخير ربنا في بنت عمتي ام ياسر : ربنا يكملك بعقلك يابني ----------------- ياسر فكر مع نفسه .. قال انا كدة كدة اي واحدة لو ارتبطت بيها هتتبهدل معايا وهظلمها .. لأني مش هعرف احبها .. وغصب عني هفكر في غيرها انا هستخير . واكيد ربنا هيفركش الموضوع ----------------- وبالفعل ياسر استخار .. ومكنش في دماغه ابدا انه ممكن يشوف رؤية ولكن يمكن علشان دعاء (ام ياسر) ليه في ساعة الفجرية .. شاف في المنام نهال وشافها كأنها زوجته .. وبيصحيها علشان تصلي .. وتقوله سيبني شوية يا ياسر ياسر: يا نهال الفجر هيروح عليكي .. النهار بيطلع نهال : يا ياسر سيبني انا مبحبش اصلي الفجر .. ومبحبش حد يصحيني اصلي ياسر : متزعلنيش منك ونامت نهال قام ياسر من الحلم مضايق اوي وطار النوم من عنيه .. مش عارف ايه ده -------------------------- ياسر (لنفسه) : هو يمكن ربنا بيحذرني من نهال .. ده اكيد ليه؟؟ انا عمري ما شفت منها حاجة وحشة .. ده انا كان نفسي اتجوزها .. واعيشها اسعد واحدة في الدنيا ايه ده؟؟ الساعة 2 صباحا .. لسة بدري علي الفجر انا سمعت ان الرؤي في الوقت ده مش صحيحة (ملحوظة : رؤية الليل لو مكتملة الشروط صحيحة زي رؤية النهار) انا هنام علشان عندي شغل بكرة ----------------------- وبالفعل نام تاني .. ولكنه شاف حلم اغرب شاف واحدة لابسة ابيض وحجاب روز بتكلمه وتبتسم ليه انبهر لجمالها اوي .. وقعد يقول سبحان الله قالتله علي فكرة ربنا بيحبك اوي يا ياسر كفاية انه نجاك من الناس اللي مبتعرفش الحلال من الحرام دي وبعدها قدمتله طبق فيه حلويات وقعد ياكلها ------------------------ وقام تاني علي اذان الفجر ياسر : سبحان الله .. فيه حاجة فعلا غريبة .. بس اكيد ربنا كاتبلي الخير ---------------------- تمر الايام ويجي يوم الخميس وياسر مضطر يوصل نهال الصبح للكوافير لأنه هو اللي عنده سيارة وبيعرف يسوق في السيارة.. ياسر : نهال .. هو انتوا بقي انهاردة هتعملوا فيها عرسان بقي وتاكلوا التورتة بالشوكة قصاد الناس وترقصوا سلو؟؟ نهال : بس انت متنقش فيها ياسر : قولي لجوزك احنا صعايدة معندناش الكلام ده نهال : اتكلم عن نفسك .. احنا قهراوية وعندنا الكلام ده ياسر : طب خافوا من الحسد نهال : هنبخر القاعة .. وممكن نعمل ظار كمان ياسر : بتتريقي ؟؟ وانا مالي .. انا نصحتك .. وانتي طول عمرك ماشية بدماغك نهال : عجباني دماغي ياسر : انتي مش مكسوفة وانتي بتقولي الكلام ده؟ ومش هتتكسفي حتي من الناس .. اتكسفي من ربنا اولي ام نهال : خلاص بقي يا ياسر .. هو انتوا علطول كدة ناقر ونقير .. ربنا يصلحلك حالك يابني و نحضر فرحك يارب حاول ياسر ان يبدو طبيعيا .. يضحك معهم .. لكن في الحقيقة كان بداخله حزن .. وامل في الله سابهم ياسر قصاد الكوافير .. ورجع شغله بعد ما اخد اذن ساعة زمن ------------------------------ عند الكوافير .. كان مع نهال صديقتها ساره سارة : والله صعبان عليه ياسر ابن خالتك ده اوي يا نهال . هو انتي ليه متجوزتهوش كان هيخاف عليكي اوي .. وبعدين شكله دمه خفيف ووسيم .. وابن ناس اوي نهال : ياسر مين ده يا بنتي اللي اتجوزه .. ده كل حاجة عنده حرام ومكروه وغير مستحب ساره : ايه ده .. هو من اللي بيقولوا التعليم علي نفقة الدولة بدعة و حرام نصلي بسورة المسد ولازم نتعامل بالمقايضة لحد ما يلغوا الفلوس اللي عليها صور ... وكل حاجة حرام والاباجورة دي حرام (إبتسامــــــــــة ) نهال : ( إبتسامــــــــة ) لأ طبعا مش للدرجة دي .. بس انا بحب اكون بحريتي .. احب البس مايوه شرعي علي البحر .. احب البس بنطلون في الرحلات .. احب البس طرحة اسبانش في المقابلات المهمة .. احب البس سكيرت قصيرة علي بنطلون كارينا وبوط لحد الركبة .. احب اضحك براحتي .. واخرج مع صحابي الولاد طالما في اماكن عامة.. كدة يعني ساره : وهو طبعا مش عاجبة كدة .. وعايزك تبقي محترمة زي الناس اللي بعد الشر محترمة؟ نهال : ايوة .. تعرفي انه كان عايزني افركش الخطوبة علشان عرف من اختي ان حسام بيحبني البس ضيق .. قال يعني غيرة علية .. سيبك منه ده متغاظ وهيموت اني هتجوز غيره ساره (بفكاهة ): تصدقي والله ده خسارة فيكي .. والله غلطان .. ده ربنا بيحبه نهال : يا سلاااااااام .. لأ طبعا .. ده عيان بمخه يا بنتي بكرة يروح يتجوز واحدة مبهدلة من اللي عاملين فيهم ملتزمات .. تلاقي البنت فيهم عندها 15 سنة وتبان كأن عندها 40 ساره : والله يا بنتي البنات دي بتبقي فعلا محترمة .. بتبقي محافظة علي نفسها جدا برة البيت وجوة البيت كمان .. ربنا بس يهدينا ونبقي زيهم وعدي الوقت عليهم عند الكوافير كأنه سنة من كتر الانتظار والملل .. وعدي علي ياسر كأنه سنة برضو بس ياسر كان مضطر يجي الفرح راح متأخر شوية .. يا تري شاف ايه؟؟ يتبع إن شاء الله شارك هذه المشاركه رابط المشاركه شارك
همسآت داعية 1 أرسلي تقرير عن المشاركة قامت بالمشاركة 30 أغسطس, 2013 ما شاء الله .. قصه جميله متابعه معاكِ شارك هذه المشاركه رابط المشاركه شارك
أمة الرحمن الرحمن 68 أرسلي تقرير عن المشاركة قامت بالمشاركة 31 أغسطس, 2013 جزاك الله خيرا كنا فى حاجه لما ينسينا مرارة الهموم التى نحن فيها الان ولو قليلا فربنا يبارك فيك ويارب ينفعنا بهذه القصه بس في شئ جزاك الله خير لعلكى تكونى نسيتها أو وضعتيها سهوا كلمة( صدفه )فلقد سمعت أنها لفظه لاتجوز والأولى (قدرا) ...وننتظر المزيد ...فلاتتأخرى علينا شارك هذه المشاركه رابط المشاركه شارك
أمة الرحمن الرحمن 68 أرسلي تقرير عن المشاركة قامت بالمشاركة 31 أغسطس, 2013 السلام عليكم ورحمة الله وبركاته جزاك الله خيرا فنحن فى حاجه ماسه لمن ينسينا مرارة الهموم والكروب التى نمربها الآن ولو قليلاونسأل الله ان ينفعنا بها ولكن هناك شئ لعلك نسيتيها أووضعتيها سهوا وهى كلمة (صدفه) فلقد سمعت أنها لاتجوز والأولى (قدرا) فكل شئ بقدرالله ...وننتظر المزيد ...فلاتتأخرى علينا :) شارك هذه المشاركه رابط المشاركه شارك
' أم آية' 667 أرسلي تقرير عن المشاركة قامت بالمشاركة 1 سبتمبر, 2013 جزاك الله خيرا كنا فى حاجه لما ينسينا مرارة الهموم التى نحن فيها الان ولو قليلا فربنا يبارك فيك ويارب ينفعنا بهذه القصه بس في شئ جزاك الله خير لعلكى تكونى نسيتها أو وضعتيها سهوا كلمة( صدفه )فلقد سمعت أنها لفظه لاتجوز والأولى (قدرا) ...وننتظر المزيد ...فلاتتأخرى علينا حبيبتي أمة الرحمن الرحمن اليك هذه الفتاوي بخصوص قول كلمة صدفة وجزاك الله خيرا علي حرصك علي نصح اخواتك أقوال العلماء في حكم قول كلمة [صدفة]: سئل الشيخ ابن باز-رحمه الله تعالى-: عبارة حصل صدفة تسأل أختنا عن كلمة صدفة، وقولهم: ما صدقت على الله!!؟ هذه لا حرج فيها، صدفة يعني من غير موعد إذا صادفه في الطريق أو عند فلان من دون موعد، ما بينهما موعد. سماها صدفة، وما صدقت على الله، يعني ما كنت أظن أن هذا يقع، ما صدقت على الله أن هذا يقع، يعني ما صدقت أن هذا يقع، عبارةً عامية ما فيها شيء، مقصودهم أنه لم يظن أن هذا يقع أو يحصل. http://www.ibnbaz.org.sa/mat/17206 وسئل أيضا: القول حصل هذا الشيء صدفة ما حكم قول الإنسان: حصل هذا الشيء صدفة؟! ليس فيه شيء؛ لأن المراد: حصل من دون ميعاد له، مثل: وافق فلان في الطريق سلَّم عليه ما وعده، وافق عند إنسان زاره ففرح به، ليس عن موعد، الصدفة عن غير ميعاد، يعني حصل الشيء عن غير ميعاد، بينه وبين زيد أو عمرو وفلان أو فلان، هذا معنى الصدفة يعني من غير ميعاد. http://www.ibnbaz.org.sa/mat/9181 ................................ قول الشيخ الألباني-رحمه الله تعالى-: هل يجوز هذا التعبير : " حدَثَ هذا صُدفة " ؟. الجواب: هذه الكلمة في حد ذاتها ما فيه إشكال مثل كلمة الحظ فالمتكلم بها هو ونيته فإن كان يقصد صدفة بمعنى لا قدر فهو كفر وإن كان يقصد بلفظة الحظ بمعنى لا قدر, كذلك كلمة نصيب مع أنه مذكور في القرآن , يقصد لا قدر فهو كفر .أما إن كان يقصد أن هذا كله بأمر الله وتقديره فما فيه شيء. سلسلة الهدى والنور | شريط رقم -216- ................................. قول الشيخ ابن عثيمين-رحمه الله تعالى-: وسئل ما رأي فضيلتكم في استعمال كلمة (صدفة) ؟. فأجاب بقوله : رأينا في هذا القول أنه لا بأس به وهذا أمر متعارف وأظن أن فيه أحاديث بهذا التعبير صادفنا رسول الله صادفنا رسول الله لكن لا يحضرني الآن حديث معين بهذا الخصوص . والمصادفة والصدفة بالنسبة لفعل الإنسان أمر واقع ، لأن الإنسان لا يعلم الغيب فقد يصادفه الشيء من غير شعور به ومن غير مقدمات له ولا توقع له ، ولكن بالنسبة لفعل الله لا يقع هذا ، فإن كل شئ عند الله معلوم وكل شئ عنده بمقدار وهو – سبحانه وتعالى – لا تقع الأشياء بالنسبة إليه صدفة أبدا ، ولكن بالنسبة لي أنا وأنت نتقابل بدون ميعاد وبدون شعور وبدون مقدمات فهذا يقال له صدفة ، ولا حرج فيه ، أما بالنسبة لأمر الله فهذا فعل ممتنع لا يجوز . http://www.ibnothaimeen.com/all/book...le_16992.shtml منقول شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 1 سبتمبر, 2013 جزاكِ الله خيرا @ شارك هذه المشاركه رابط المشاركه شارك
أم لبابة بنت أحمد محمد 172 أرسلي تقرير عن المشاركة قامت بالمشاركة 1 سبتمبر, 2013 حلقة الرابعة ياسر رجع علي الشغل وكله حاله حزن وكآبة .. وشايل هم ازاي هيروح الفرح؟؟ فكر يقول لعمر صاحبه وزميله في الشغل انه يجي معاه الفرح وبالفعل راح علي مكتب عمر .. وخبط الباب ياسر: عمر هو ينفع تيجي معايا انهاردة؟ عمر: اجي فين؟ ياسر: فرح نهال عمر: هو انت رايح؟؟ ياسر : مقدرش مروحش .. هتزعل .. وانا مش عايزها تزعل في يوم زي ده انا لسة سايبها عند الكوافير .. ورايح بليل علي القاعة عمر : بس انا ورايا مشاوير مش هتخلص قبل 10 بليل .. تستناني؟ ياسر: استناك وماله .. تحب اعدي عليك علي 11 ونروح سوا.. كدة كدة الفرح سهرة لحد الساعة 2 بليل علي الاقل عمر : لالا نتقابل احسن علي 10 من برة برة .. بدل ما اطلع البيت وانزل تاني ياسر : ربنا يخليك لية يا عمر .. دايما واقف جمبي ومبتتأخرش عمر : عيب يا جدع ده احنا اخوات .. متقولش كدة --------------- في بيت ياسر ... ام ياسر : حبيبي انت جيت ؟؟ ياسر : لا يا ماما انا لسة في الشغل ام ياسر : (إبتسامـــــه) يجازي شيطانك يا واد يا ياسر .. غير هدومك وتعالي عملالك مكرونة بالبشاميل اللي انت بتحبها ياسر : مليش نفس يا امي .. انا هناملي ساعتين علشان فرح بليل ام ياسر : اسمع الكلام يا ياسر وغير هدومك وتعالي جوة في اوضة التليفزيون علي ما احضر الغدا .. عيزاك في موضوع ياسر : حاضر يا ماما ------ ياسر غير هدومه وراح اوضة المعيشة يستني والدته تيجي بالغدا وقاعد بيفكر .. ياتري يا حسام هتعمل ايه في نهال اكتر من كدة .. طب نهال لسة صغيرة وطايشة .. وانت شكلك هتضيعها اكتر .. ده كفاية انك بتقولها متلبسش هدوم واسعة !! ياسر ماسك ريموت التليفزيون ولسة بيفتح .. لقي اعلان بريل (مشروب شعير) شغال والممثل بيقول ( راجل يا حسام )!! انطلقت من ياسر ضحكة مدوية.. (هم يضحك) .. سمعتها والدته في المطبخ ام ياسر : مالك يا ياسر .. ايه اللي ضحكك كدة؟؟ ضحكني معاك ياسر : ههههههههههه ولا حاجة يا امي .. اعلان بس فكرني بحاجة كدة .. هم يضحك والله ام ياسر : ثواني هروح اجيب الاكل .. انا غرفته في الاطباق خلاص ياسر : انا جاي اخد منك الاطباق ام ياسر : طب قولي بقي .. فكرت واستخارت في موضوع قريبتك ده؟ ياسر: تقصدي بنت عمتي اللي معرفلهاش اسم دي ؟ ام ياسر : ايوة صحيح بنت عمتك صفية .. اسمها اعتدال ياسر: نعم ؟؟!! اعتدال؟ دي عندها كام سنة؟ ام ياسر : لا دي صغيرة شكلها في العشرينات ياسر : انا مش عارف ليه حاسس ان اسمها هيطلع هايدي .. بس انتي اللي بتحبي تشوفي كل حاجة علي ذوقك .. علشان انتي طيبة وحلوة ام ياسر : هايدي ؟؟! بقي ده اسم ده ؟ طب ده اعتدال احلي ياسر : ههههههههههههههه احلي وماله .. هو صحيح يا امي اخواتها اساميهم ايه ؟ ام ياسر : والله يابني مش فاكرة .. الصغيرة اسمها روحية باين ياسر : يا ستير يارب .. خلاص بانت .. الصغيرة اسمها روحية .. والوسطانية اسمها اعتدال .. اكيد الكبيرة اسمها ام رمضان!! ام ياسر : (إبتسامــــــــــــــــــــه ) بس يا ولة هتجيب للبت تهمة .. قال رمضان قال .. متاخدنيش في دوكة وقولي ياسر: نعم يا ست الكل ام ياسر : رأيك؟ ياسر: والله يا امي لسة مش عارف .. انا علشان خاطرك بس هقعد معاها.. بس هي هتيجي فرح نهال؟ ام ياسر: وايه اللي هيجيبها؟ ياسر: مش بتقولي انهم جيران العريس؟ ام ياسر : ايوة بصحيييح .. دي صفية مأكدة علية انها هتيجي الفرح وقلتلها تجيب البنات معاها ياسر : طيب خير .. باذن الله .. انا هقوم انام ساعتين علشان قبل الفرح ام ياسر : طيب يا حبيبي .. نوم العوافي يارب ----------- ياسر صلي العصر ونام .. وصحي صلي المغرب وفضل يقرأ قرآن لحد العشاء قرر الوقت ده يبقي تعبد .. ويصفي قلبه من حب انسانه مش زوجته .. حب مكانش حلال .. ويخلي مكانه حب اللي خلقه وبعد صلاة العشاء كان بيدعي ربنا ينور بصيرته ويعوضه بواحدة في عفة السيدة مريم وتقوي السيدة آسية وبيستخير ربنا في بنت عمته .. لأن ربنا وحده اللي عالم الخير فين وبعد صلاة العشاء .. كان بيدعي ربنا ان عمر يجي في ميعاده والساعة 8 لقي والدته بتخبط عليه باب اوضته -------------- ام ياسر : انت صاحي يا ياسر؟ ياسر (بضحك) : لا يا جميل انا نايم .. بس بحلم ام ياسر: (إبتسامــــه ) نوم الهنا يا حبيبي .. انا نازلة مع خالتك علشان نروح القاعة قبل العروسة .. مش هتيجي توصلني؟ ياسر: مش هقدر بجد يا امي .. روحي انتي معاهم وانا هاجي علي 11 كدة .. انا محتاج اقعد مع نفسي شوية .. وكمان براجع جزء حفظ في القرآن ام ياسر : ربنا يفتح عليك يا حبيبي .. طب انا نازلة .. سلام عليكم ياسر: وعليكم السلام يا امي تليفون ياسر رن تررررررررررررن ترررررررررررن عمر !! يتبع إن شاء الله شارك هذه المشاركه رابط المشاركه شارك
انوار الهدى والتقوى 50 أرسلي تقرير عن المشاركة قامت بالمشاركة 1 سبتمبر, 2013 السلام عليكم ورحمة الله وبركاته بجد قصة حلوة جدا منتظرة الجزء الجديد ان شاء الله :) شارك هذه المشاركه رابط المشاركه شارك
انوار الهدى والتقوى 50 أرسلي تقرير عن المشاركة قامت بالمشاركة 1 سبتمبر, 2013 يلا يا عسولة متشوقه اوى اعرف الباقى نزلى جزء دلوقتى يلا انا فى الانتظار شارك هذه المشاركه رابط المشاركه شارك
هدى عبد الناصر 28 أرسلي تقرير عن المشاركة قامت بالمشاركة 1 سبتمبر, 2013 حلوه القصه بس مش حلو الانتظار خالص ههههههههههههههههههه الجزء التانى امته يا ترى شارك هذه المشاركه رابط المشاركه شارك