اذهبي الى المحتوى
هبة عبد العظيم نور

مراتي في السبعيناااااااااات

المشاركات التي تم ترشيحها

ههههههههههههههههه

الواحد اتلخبط من كتر الأسماء

بس جميييله أوووووووووووووي وممتعه جداااااااااااا

 

كملي يا خالتو هبهوووبه يا قمرااايه

نفسي أعرف بقى علاااء هيتجوز هيام ولا مها ههههههههههههههههههه

شارك هذه المشاركه


رابط المشاركه
شارك

تررررررررررررررررن ترررررررررررررررررررررررررن

 

 

روحي افتحي الباب يا يسرا دي اكيد سهام طلعت من عند تيتة

 

 

حاضر يا مامتي

 

 

ترررررررررررررررررررررررررررن

 

 

ايوا ايوااااااااااا جاية يا اختي

 

 

 

يسرااااااااااااااااااااااا وحشتيني

 

امووووووووووووووووووه اموووووووووووووووووووووووووووه ازيك يا سهام يا اختي وحشتيني وحشتيني

 

ازيك يا ماماااااااااااااا

 

يا نور عيون ماما تعالي وحشتيني يا سهومة يا حبيبتي امووووووووووووووووه امووووووووووووووووووه

 

وحشتيني خالص يا ماما

 

 

مالك خاسة اوي كدة . انتي ما بتكليش ولا ايه في بيت الطالبات

 

ههههههه لا يا ماما بياكلوا اكلي ههههههه اومال فين هيام ودنيا

 

متلئحين قدام فيلم رومانسي وعمالين يعيطوا

 

هههههههههههههه يادي الكئابة ياربي . اكيد البطل خان البطلة عشان كدة بيعيطوا عليها

 

لالالالالالالالالا يا سهام انا احكيلك يا اختي الفيلم من اوله وانتي احكمي

 

بقولك ايه يا بنت انتي سيبيني اقعد مع اختك شوية اختك وحشاني بلا بطل بلا بطلة

 

طيب يا ماما انتو الخسرانين . الفيلم رومانسي وبكائي ومؤثر . عارفة يا ماما في اخر الفيلم هيحصل ايه للبطلة يا عيني ؟

 

عارفة لو ما قومتيش من وشي هاعمل فيكي ايييييييييييييييييه ؟

 

يا مامي لالالالالالا مش عايزة اعرف انا رايحة اكمل الفيلم واعيط مع اخواتي

 

 

ههههههه والله هيام ودنيا ويسرا وحشوني اوي

 

وانا ماوحشتكيش انا وبابا ولا ايه

 

وده معقول يا ماما . انتي وبابا وحشتوني موت موت مووووووووووت

 

احكيلي اخبارك ايه

 

 

جالي عريس

 

هههههه عريس . الله . ومين هو يا بنت احكيلي احكيلي

 

واحد شافني عجبني وعجبته وجاي يخطبني بكرة

 

ااااااااه هههههههه عجبك وعجبتيه . شكلك حبتيه بقى هههههههه

 

ههههههه ماانتي عارفة يا ماما بنتك عاطفية

 

فرحتيني يا قلب ماما وده بيشتغل ايه

 

ظابط بحري

 

الله الله الله يا جمالك وجمال اخبارك . وقعتي واقفة ههههههه وقوليلي بقى شكله حلو ؟

 

هو حلو بعقل يا ماما ده قمر قمرررررررررر ههههههههه

 

ههههههههه شبه مين من الممثلين قوليلي

 

لالالالالالا ممثلين ايه بس ده احلى من كل الممثلين واحلى من كل الحلوين يهبل يا ماما يهبل يجنن

 

هههههههه يا قليلة الادب . لما بابا يجي هيفرح اوي . استني لما اقوم اجيبلك حاجة تاكليها

 

لالالالالالا انا عايزة انام . بس هما فين الاندال اخواتي ماجوش سلموا علية

 

معلش حبيبتي هما كدة لما يقعدوا قدام فيلم ينسوا اساميهم

 

طيب هقوم انا اسلم عليهم وبعدين انام وصحيني لما بابا يجي عشان انزل فيه بوس للصبح هههههههه

 

هههههه طيب يا حبيبتي روحي نامي وارتاحي يا عروسة يا امورة

شارك هذه المشاركه


رابط المشاركه
شارك

هدوء الفجر

 

 

اتلخبطتي في اسامي مين يا بنت ههههههههه

 

عندك بنات خالة علاء اربع بنات

 

سهام وهيام ودنيا ويسرا

 

وام علاء اسمها ليلي

 

خالته اسمها احلام

 

اخته اسمها موني

 

زميلته اسمها نهى عزمي

 

فين اللخبطة بقى هههههههه

 

تسلمي يا حبيبتي منوراني والله

 

 

 

 

سارة محمد

 

 

ايوة فعلا يا سارة

 

اي زمان ما فيهوش التزام يبقى اكيد حاجة مش كويسة

 

تابعي حبيبتي وشوفي هيحصل ايه ان شاء الله

 

منورة يا عسل

شارك هذه المشاركه


رابط المشاركه
شارك

السلام عليكم ورحمة الله تعالى وبركاته

قصصك رائعة وهادفة اختي هبة على فكرة انا من متابعات كل مسلسلاتك الحلال طبعا

انا معجبة باسلوبك الشيق والمرح والاهم الهاااااااادف جعله الله في ميزان حسناتك

متابعة معك ان شاء الله.

  • معجبة 1

شارك هذه المشاركه


رابط المشاركه
شارك

سارة محمد

 

 

ايوة فعلا يا سارة

 

اي زمان ما فيهوش التزام يبقى اكيد حاجة مش كويسة

 

تابعي حبيبتي وشوفي هيحصل ايه ان شاء الله

 

منورة يا عسل

اه ده حتى لو امهم مش عاجبها اللى بيعملوه بس سيباهم بيعملوا برضه

ده نورك ^ــ^

شارك هذه المشاركه


رابط المشاركه
شارك

السلام عليكم ورحمة الله وبركاته

بجد يا هبة المسلسل جميل جدا جدا وأسلوبك حلو أوي ما شاء الله عليكي بجد اللي يقرأ المسلسل يقول إنك كنتي موجودة معاهم أيام السبعينات

ما ا قصدش طبعا إن عندك خمسين سنة ولا حاجة ههههههههههههههههههههه بس بجد فكره جميله جدا

أمتعتينا بهذا المسلسل الرائع وفي انتظار التكملة إن شاء الله بس ما تتأخريش علينا

 

16952738321401235164.gif

  • معجبة 2

شارك هذه المشاركه


رابط المشاركه
شارك

جميل جداا يا هبه

انا كمان بتلخبط في الاسماء كتير:))

اكتر واحده عجباني التيته بتاعتهم عثل

بس معقول مكنش ولا واحده ولا حد يعرف حاجه اسمها حجاب

انا امي كانت بتقول انهم مكنوش يعرفورحاجه اسمها حجاب وكان القصير دا امر طبيعي والباروكات

ولما بدأو يعرفو الحجاب او ان كدا حرام بدا يلبسو تحجيبه قصيرة جداا علي الشعر ورقبتهم ظاهرة عادي

 

شارك هذه المشاركه


رابط المشاركه
شارك

^__^

 

عثل والله

شارك هذه المشاركه


رابط المشاركه
شارك

^ــــــــــــــــــ^

حلقات رائعة جدا هبة الحبيبة

ما شاء الله زمن العجايب والله المستعان

متابعة معكِ حبيبتي بإذن الله

شارك هذه المشاركه


رابط المشاركه
شارك

مين دية اللي مش عايزة تدخلنا في ايامهم وانت يا ست هبة ازاي تسمحيلها تقول اننا ندخل ومنتكلمش طيب فين أم العبادلة وبنت أم عبد :))

 

 

متابعة معاكِ من أول يوم بس معرفتش أرد

 

كنت متوقعة والله أن موضوع علاء وهيام مش هيعدي كدة وفعلا طلعت مها في الموضوع

 

نتابع معك

 

اتحفينا بقى :))

شارك هذه المشاركه


رابط المشاركه
شارك

ترررررررررررررررررن تررررررررررررررررررررررن

 

الو

 

مساء الخير يا فندم

 

اهلا مساء النور

 

 

ممكن اكلم باشمهندس علاء

 

اقوله مين حضرتك

 

مهندس مدحت الصاوي

 

حاضر يا فندم لحظة واحدة

 

 

علاااااااااااااااااااااااااء

 

يا علااااااااااااااااااااااااااااااء

 

نعم يا ماما

 

تليفون . مهندس مدحت الصاوي

 

 

ياااااااااااااااااه هههههههههه دا المعيد بتاعنا

 

 

الو

 

مساء الخير يا علاء

 

مساء النور يا دكتور مدحت ايه الاخبار

 

انا بخير يا سيدي . متصل اباركلك على التخرج واعزمك على فرحي ان شاء الله

 

والله ! الف مبروك . امتى ان شاء الله

 

يوم الخميس ان شاء الله في بيت والد العروسة وهبعتلك الكارت وفيه العنوان

 

 

هههههههه على كدة مش هتعرف تيجي الحفلة بتاعتي يوم الجمعة

 

لالالالالالالا يا عم ههههههه انا عريس مش فاضي هههههههه

 

ههههههههه الف مبروك يا دكتور . والله انت افضالك علية طول سنين الجامعة عمري ما هنساها

 

افضال ايه يا راجل . دا واجبي اني اقف جنب الاجيال الجديدة

 

ههههههههههههههه محسسني انك اكبر مني بخمسين سنة . انا لما دخلت سنة اولى كنت انت في البكالوريوس يعني كل الحكاية اربع سنين فرق في السن ههههههههه

 

هههههههه بصراحة الواحد من كتر ما بيتقاله يا دكتور من الطلبة الجداد حس انه هو اللي مربيهم

 

ان شاء الله قريب تاخد الدكتوراة

 

يا مسهل . انا دلوقتي عايز اخد لقب زوج وبعدين ربنا يسهل في الدكتوراة بقى

 

والعروسة بتدرس ولا بتشتغل ؟

 

العروسة دكتورة امراض نسا

 

ماشاء الله . ربنا يتمم لكم بخير ان شاء الله والف مبروك

 

 

الله يبارك فيك وعقبالك

 

قريب اوي ان شاء الله ههههههههه

 

اكيد بنت خالتك برضو

 

هههههه هو في غيرها

 

ربنا يوفقك يا علاء . انا بعتبرك اخ وصديق والله وبرتاح جدا لما بتكلم معاك

 

نفس الشعور يا دكتور مدحت

 

 

طب اسيبك بقى عشان اروح لعروستي حبيبتي في بيت ابوها عشان ترتيبات الفرح

 

 

مع السلامة يا دكتور مدحت

 

الله يسلمك

 

 

 

 

 

 

 

 

 

 

 

ازيك يا مدحت يابني

 

اهلا بيك يا عمي

 

النجار خلص الموبيليا يا مدحت

 

ايوة يا طنط الحمدلله وهننقلها الشقة بكرة ان شاء الله

 

على خيرة الله يابني

 

هي فين نجلاء ؟

 

تلاقيها بتلبس وتتذوق عشان تقابلك هههههههه

 

ههههههههه

 

 

نجلاااااااااااء يا نجلاااااااااااااااء

 

 

 

ايوة يا ماما جاية

 

 

مساء الخير يا جماعة

 

مساء النور يا عروسة هههههههه تعالى يا شاكر معايا وسيب العرسان يقعدوا مع بعض

 

واحنا لو قعدنا معاهم هيحصل ايه في الدنيا

 

قوم يا راااااااااااااااجل

 

حاضر اديني قومت

 

عن اذنك يابني

 

اذنك معاك يا عمي ههههههههه . نجلااااااااء نوجا حبيبتي

 

هههههههه بس بقى ما تبصليش كدة بتكسف ههههههههه

 

طمنيني حبيبتي . جهزتي حاجتك كلها ؟

 

طبعا طبعا طبعاااااااااااا يا حبيبي

 

هههههه اشتريتي ايه فرحيني وجري ريقي هههههههه

 

جبت كيسين قطن وبكرتين شاش وازازة مكروكروم وازازة دوا كحة وبرشام للإسهال

 

اسهااااااال ! انتي هتفحي مستشفى في الشقة يا نجلاء !!!!!!!!!!!

 

يا حبيبي لازم يكون في صيدلية كاملة في كل بيت للطوارئ

 

 

ماشاء الله ع التجهيزات اللي تفتح النفس

 

اومال انت قصدك على ايه

 

ماقصديش على حاجة . ماجبتيش ليه بالمرة ازازة دوا سخونية

 

جبت يا حبيبي ما تقلقش . اوعى تشيل هم اي حاجة خالص

 

 

يا نجلاء يا حبيبي هو انا كل ما اكلمك في موضوع تجيبيلي سيرة القطن والشاش والبراشيم !

 

اومال هتكلم في ايه . مش دا مجال شغلي

 

طيب ما أنا مهندس معماري تحبي اكلمك في الرمل والزلط ؟

 

ما تتكلم فيهم هو انا حوشتك . ثم اللي مالوش خير في شغله مالوش خير في أهله

 

كدة ! طيب يا خرصانة عمري يا اسمنت حياتي يا أجمل شكارة زلط وقعت على دماغي

 

 

ميرسي يا حبيبي . كدة ابتدينا نتفاهم

 

 

طيب انا مروح مش عايزة حاجة

 

اقعد اشرب حاجة

 

كفاية اللي شربته عن اذنك

 

مع السلامة يا باشمهندس

  • معجبة 3

شارك هذه المشاركه


رابط المشاركه
شارك
كدة ! طيب يا خرصانة عمري يا اسمنت حياتي يا أجمل شكارة زلط وقعت على دماغي

- ضحكة مقرقرة -

 

@@*أم رقية*

أنا مش هنا خالص ولا اعرف حد ولا شفت ولا سمعت ولا أي حاجة

شارك هذه المشاركه


رابط المشاركه
شارك

احكيلي احكيلي يا سهام اتعرفتي على العريس ازاي

هههههههه يوه يا هيام بقى انا تعبت من كتر الكلام

 

بس انا زعلانة اهئ اهئ

 

ليه يا هيام

 

عشان معنى كلامك انك هتعيشي في اسكندرية على طول وتسيبينا اهئ اهئ اهئ

 

وهي اسكندرية بعيدة يعني يا هيام . دول هما ساعتين بالديزل

 

 

شكلك فرحانة اوي بالعريس الاسكندراني ده ههههههه

 

ههههههههههه اوي اووووووووووووووي تحفة يجنن

 

هنشوف بكرة ونحكم ههههههههه عارفة لو ذوقك وحش هقتلك ههههه الراجل لازم يكون امور عشان الست توافق عليه

 

عندك حق يا اختي طبعا . اومال الواحدة تتجوز واحد شكله مش حلو وتتدبس فيه طول عمرها

 

كلامك حكم يا سهومة يا اختي . صحيح الكبيرة العاقلة

 

 

هاااااااااااااااااااااااااا احنا جينا عشان نتحشر في الكلام

 

اهلا يا دنيا اهلا يا يسرا بس احنا زهقنا من الكلام تعالوا نغني هههههههه

 

 

نغني ايه نغني ايه ااااااااااااااااااااااه بمناسبة ان العريس اسكندراني تعالوا نغني من بحري وبنحبوه هههههههههههه

 

 

 

من بحري وبنحبووووووووووووووووووووه

 

على الإمة بنستنوووووووووووووووووووووووه

 

 

شبك الجمالات وشبكني وازاي نقدروا ننسوووووووووووووووووووووووووووه من بحري وبنحبوووووووووووووووووه

 

أيُوووووووووووووووووووووووووووووه أيُووووووووووووووووووووووووووووووه هههههههههههههههههههه

 

 

تصدقوا انا حبيبت الاغنية دي اوي ههههههههههه امتى يجي بكرة بقى عشان تشوفوا عريسي

 

 

نامي دلوقتي هتلاقي بكرة جه على طول

 

 

 

 

 

 

 

 

 

 

وبعدين في صلاح ده . لحد دلوقتي ماجاش . الساعة داخلة على اتنين بعد نص الليل والبيه ماجاش . اووووووووووف طيب يا صلاح لما تقع في ايدي

 

 

اوووووووووف اتأخر وانا عايزة الحق اكلمه في موضوع عريس سهام اللي جاي بكرة . اجيبه منين دلوقتي الراجل ده

 

 

 

 

 

 

 

 

هههههههههههههههههههههههههههههههههه ماشي يا عم اركن على جنب . اشوفك بكرة ونكمل السهرة الحلوة دي هههههههههه

 

ههههههههههههههه يا عم انت قادر تقف . اطلع اطلع زمان المدام مستنياك بإيد المقشة ههههههههههه

 

هههههههههههه لا المدام بتنام بدري الحمدلله . هدخل انام في سريري ولا من شاف ولا من دري واول ما تصحى وتقولي انت جيت امتى هقولها الساعة 11 قولي 11 وربع ههههههههههههه

 

ههههههههههههه طيب يا عم اروح انا استلقى العلقة لوحدي ههههههههههه

 

 

 

 

 

 

 

 

اهلا يا سي صلاح

 

يا منجي من المهالك يارب . انتي صاحية يا احلام يا حبيبتي ؟

 

اتأخرت ليه وكنت فين في انصاص الليالي

 

انا أأأأأأأأأنا كككككككونت كككككونت اااااااااااااه اااااااااااااااه اصل واحد صاحبي امه الله يرحمها تعبت شوية وروحنا نزورها

 

امه الله يرحمها تعبت !!!!!!!!!! انت بتهرتل بتقول ايه

 

يا حبيبتي كان في ظروف اخرتني

 

ظروف ايه

 

ايه ده ايه ده يا ربي ياربي على جمالك وطعمتك وحلاوتك . ايه حكايتك انتي كل يوم الاقيكي احلى من اليوم اللي قبله

 

هههههههههههههههههه بجد يا صلاح

 

قمر قمر يا حبيبتي . الناس كلها حسداني على احلى عيون في الدنيا واحلى قوام يا احلام

 

هههههههههههههههه يا حبيبي يا صلوحتي بموت فيك

 

هههههههههه وانا بموت في التراب اللي بتمشي عليه يا حياة صلاح تصبحي على خير

 

استنى انت هتنام ولا ايه

 

في حاجة يا حبيبتي

 

ايوة يا حبيبي سهام اتخطبت

 

سهام ! سهام بنتي اتخطبت من ورايا ! وان شاء الله انا معزوم ع الفرح ولا عملينه ع الضيق

 

 

يا حبيبي قصدي جالها عريس وهيجي يقابلك بكرة

 

 

وازاي العريس يجي وهي مش موجودة . البت في اسكدنرية

 

لالالالالالالا سهام جت النهاردة وقعدت تستناك عشان تسلم عليك وفي الاخر نامت هي واخواتها لما انت اتأخرت

 

ومين العريس ده وعرفتوه منين ؟

شارك هذه المشاركه


رابط المشاركه
شارك

هاااااااااااااي دارلنج

 

سمعتوا اخر غنوة ؟

 

اشك انكم سمعتوها .

 

 

دمعة سحر

 

اهلا حبيبتي

 

تسعدني متابعتك والله وشرف ليا

 

 

روضة الجنة

 

اهلا يا روضة يا عسل وشكرا على كلامك الجميل وتشجيعك تسلميلي

 

انا عندي خمسين سنة ! تعالي عشان اعضك ههههههههههههههه

 

 

ماريا

 

هاي ماريا هاواريو بيبي

 

حجاب ايه اللي جاية تتكلمي فيه

 

خليكي مودرن

 

حقيقي سوفااااااااااااااااج ههههههههههه

 

 

سندس واستبرق

 

والله انتي اللي عسل يا عسل يا سكر انتي يا سندوسة يا حبيبة قلبي

 

والله فرحانة جدا بوجودك

 

 

اشرقت السماء

 

امسكوا الست دي امسكووووووووووووها لابسة نقاب

 

جاسوسسسسسسسسسسسسسسسسة دخلت عصر السبعينات ههههههههههههههه

 

 

ام رقية

 

ههههههههه شوفتي دخول السبعينات مش بالساهل ههههههههههههه

 

وام العبادلة ما تقدرش تتكلم يابنتي والا هياكلوها بسنانهم هههههههههههه

 

منورة يا دودو والله يا حبيبة قلبي يا دارالنج

 

 

اللي تعرف ترقص تشاتشاتشا تيجي ورايا ههههههههههههههههه

شارك هذه المشاركه


رابط المشاركه
شارك

تررررررررررررررررررن تررررررررررررررررررن

 

 

رد ع التليفون يا مصطفى يا حبيبي

 

 

حاضر يا امي

 

 

الو

 

 

هاي

 

مين

 

ممكن اكلم حاتم

 

انتي مين

 

قولوه سوزي

 

عايزة ايه منه

 

 

هو ايه اللي عايزه منه ايه ده . ايه قلة الذوق دي

 

قلة الذوق احسن من قلة الحيا وكلام الشبان

 

تصدق انك وقح !

 

انتي اللي وقحة وستين وقحة ومالكيش اهل يربوكي كمان ايه رأيك بقى

 

أناااااااااااااااااااااااا انت مين

 

وانتي مالك

 

اكيد واحد من اخوات حاتم . بس انا ماكنتش اعرف ان عنده اخوات بالانحطاط الاخلاقي والسفالة دي

 

 

سبحان الله ورمتني بدائها وانسلت

 

 

 

 

 

 

مين يا مصطفى

 

بت مايصة من بتوع حاتم

 

هههههههههه تقوم تكلمها بقلة الذوق دي

 

ايوة عشان تبطل هي وامثالها يكلموا شبان اغراب ويجيبوا المصايب لاهاليهم

 

ههههههه ربنا يكملك بعقلك . بس حاتم هيزعل اوي

 

 

ما يزعل ولا يتفلق . انا نازل يا امي عايزة حاجة

 

لا يا حبيبي شكرا

 

 

 

 

 

 

 

 

 

سووووووووووووووووووزي

 

 

سووووووووووووووووووووووزي

 

 

ايه ده بقى هو الجميل زعلان ولا ايه

 

 

وليك عين تكلمني يا سي حاتم

 

في ايه يا سوزي حصل ايه

 

حصل ايه . شوف اخوك والاهانات اللي اهانهالي

 

اخويا ! اخويا مين . ايوة القفل مصطفى القفل . معلش حقك عليا . اصله قفل وما بيعرفش يتعامل مع البنات الحلوين ههههههههه

 

قفل على نفسه مش علية واخوك ده لازم يعتذرلي

 

ههههههههههه يبقى بتحلمي ههههههههه ده بالذات صعب التفاهم معاه . عارفة لو علاء كان ممكن اخليه يعتذر

 

علاء ذوق جدا مع الناس مع انه قفل برضو زي مصطفى ومالوش في البنات وماشي في سكة اللي يروح مايرجعش

 

 

ايه سكة اللي يروح مايرجعش دي ؟

 

سكة الجواز هههههههههههههههههههههههههه

 

 

على فكرة يا سوزي عندنا حفلة يوم الجمعة وعازمك عليها

 

انااااااااااااااااا انا ادخل بيتكو انت اتجننت . انا اروح بيت ناس ما بيفهموش في الاصول ومعاملة البنات الحلوين

 

هههههههههههه يا بنتي مش للدرجة دي وبعدين دي حفلة كبيرة والكل معزوم

 

مش هاجي

 

اومال مين هيعزف على الفلوت

 

انتوا تفهموا في الفلوت انتو . انتو كبيركو تطبلوا على طبق بلاستيك

 

هههههههههههه الله يسامحك بس هتيجي برضو عشان تساعديني نعمل حفلة حلوة

 

بس اخوك القفل مالوش دعوة بيا

 

 

خلاص يا ستي مالوش دعوة بيك . خلاص مش زعلانة ؟

 

تؤتؤتؤ

 

طب هاتي بوسة بقى دليل الصلح

 

ههههههههههههه اموووووووووووووووووووووووه

 

هههههههههه لا دانا كدة هخلي مصطفى يزعلك كل يوم ههههههههههههه

شارك هذه المشاركه


رابط المشاركه
شارك

ترررررررررررررررررررررن

 

ترررررررررررررررررررررررررررررن

 

 

مين برا

 

 

افتحي يا ماما انا احلام

 

يا فتاح يا عليم

 

اهلا وسهلا بالهانم اللي ماشوفتهاش بقالي تلات تيام

 

هههههههههه معلش يا ماما والله البنات وصلاح تاعبين قلبي ومش مخليني افضى اعمل اي حاجة

 

ايوة ايوة حججك كتير . ماحدش يغلبك . اقعدي يا ام العروسة

 

ههههههههه انتي عرفتي ؟

 

ايوة يختي عرفت الخيبة التقيلة والعرسان اللي بيلموهم من الشوارع

 

ايه ده ايه ده يا ماما . هي الكلام الوحش ده

 

كلامي وحش ! معلش . ابقى احطلك عليه سكر عشان يعجبك

 

في ايه يا ماما

 

انتي لو في وشك دم كنتي خليتي بنتك تروح تتعلم في بلد تانية بعيد عن عنيكي

 

بلد تانية فين بس يا ماما . دي في اسكندرية

 

يا سلااااااااااااااام اسكندرية . اصل اسكندرية تحت البلكونة ولما تنادي البت هترد عليكي

 

يا ماما هو انتي عايزاني احبس بناتي ولا ايه

 

هو الادب والاحترام بقى حبسة . هو لما تاخدي بالك من بنتك وتحافظي عليها تبقى حبسة

 

هو انا فرطت في بناتي يعني يا ماما . بنتي بتتعلم وزيها كتير سايبين محافظاتهم وبيتعلموا في محافظات تانية

 

ااااااااااااااااااه بيتعلموا ولا بيمشوا ع الكورنيش والشبان يعاكسوهم بالعربيات وييوصلوهم كل يوم والتاني

 

 

لو سمحتي يا ماما انتي كدة بتجرحيني وبترمي بنتي في شرفها

 

شرفها !!!!!!!!!! سلميلي على شرفها بتاعة العربيات . دا لولا ستر ربنا كانت رجعتلك بعيل على دراعها . بس ربنا نجدنا من الفضايح

 

اهئ اهئ اهئ انتي كدة دايما يا ماما عمرك ما قولتليلي كلمة حلوة . انتي بتكرهيني وبتكرهي بناتي وبتحبي ليلي ورفعت وولادهم

 

هكرهك ليه ! انتي بنتي وحتة من قلبي زي اخواتك . انا بكره عمايلك انتي وبناتك . مابحبش الحال المايل وانتي حالك مايل ومش عارفة هيتعدل امتى

 

اهئ اهئ ربنا يسامحك يا ماما . على العموم بنتي ما عملتش حاجة غلط بدليل ان الولد أعجب بيها وجاي يخطبها

 

اتلم المتعوث على خايبة الرجا

 

اهئ اهئ على العموم يا ماما العريس جاي بعد العشا هو واهله واحنا مستنينك عشان تحكمي عليه بنفسك عشان تبطلي ظلم فينا اهئ اهئ

شارك هذه المشاركه


رابط المشاركه
شارك

يلا يا بنات يلا شغلوا اغاني افراح كدة وقوموا ارقصوا ههههههههههه

 

اغاني افراح ايه انتي هتفضحينا يا هيام . العريس لسة هيقابل بابا ولسة ما وافقش عليه

 

 

اه صحيح ههههههههه اصل انا مستعجلة اوي اوي على الرقص ههههههههه

 

 

 

ههههههههههه هو انتي مستنية مناسبة يا هيام عشان ترقصي . انتي كدة كدة بترقصي حتى وانتي زعلانة ههههههههه

 

هههههههههه ماشي يا ست دنيا . ال يعني انتي اللي مبطلة رقص ههههههههه

 

ههههههههه ابطل رقص واعيش اعمل ايه ههههههههه

 

 

يوووووووووووووووه ما تبطلوا الكلام الفاضي بتاعكو ده وساعدوني اختار فستان

 

ماتختاري لنفسك واحنا نختار لنفسنا

 

يا سلااااااااااااااام هو انتو العرايس ولا انا العروسة !

 

يعني هو احنا مش هنخرج نقابل العريس

 

طبعا هتخرجوا عشان تشوفوه وتتعرفوا عليه

 

 

 

طيب بصي البسي الفستان الروز ده جميييييييييييييييييل رقيييييييييييييييييييق خالص

 

 

لالالالالا البسي الاحمر ده هينور وشك ويظهر بياضك

 

 

لالالالالالالالالالالالالا البسي الموف ده يجننننننننننننننننننن

 

يوووووووووووووووووووووه انا زهقت مش عارفة البس ايه محتااااااااااااااااااااااااارة

 

 

 

 

 

 

 

 

بييييييييييييييييييييييييييب بيييييييييييييييييييييييييييييييييييييييييب بييييييييييييييييييييييييييييييييييييييييييييب

 

 

يا بنات يا بنات تعالوا بصوا من البلكونة العريس وصل هههههههههههههههههههه

 

 

هيييييييييييييييييييييييييييييه

 

 

هييييييييييييييييييييييييييييييييييييييه

 

 

العريس وصل

 

واااااااااااااااااااااااااااااااااااااااااااااااو ذوقك يجنن ههههههههههه

 

 

وشيك شيك اوي اووووووووووي

 

 

ولا عربيته جنان جنااااااااااااااااااااااااااااااان

 

 

هو ده العريس ولا بلاش

 

 

بس ايه ده هو جاي لوحده ليه ؟

 

 

 

 

 

 

 

 

اهلا وسهلا يابني نورتنا وشرفتنا

 

 

اهلا بيك يا عمي

 

 

اهلا يا حبيبي قولتلي اسمك ايه

 

كريم يا طنط اسمي كريم

 

ههههههه اسمك جميل

 

هههه من ذوق حضرتك

 

 

ترررررررررررررررررررررن تررررررررررررررررررررررن

 

 

ميين

 

افتحي يا بنت انتي وهي انا تيتة جاية اشوف عريس الغفلة

 

 

 

اهلا يا تيتة يا حبيبتي اموووووووووووووووه

 

اوعي يا شيخة هتدهوليلي وشي بالاحمر والاخضر اللي ملطخة بيهم وشك

 

 

 

السلام عليكم

 

وعليكم السلام اهلا يا حاجة

 

اهلا بيك يا جوز بنتي

 

فين العريس

 

ما هو قدامك اهو

 

اهلا يا تيتة

 

 

اهلا يا ابو عربية يا بتاع الكورنيش يا بايظ

 

اهلا بحضرتك

 

فين اهلك

 

هههههههه والله في الحقيقة ماما مش بتحب تسيب اسكندرية الا للشديد القوي وقالتلي اجي الاول اشوف الوضع ايه

 

وقالتلي لو لقيتهم عيلة محترمة وتشرف اتصل بيا اجي انا وباباك لو لقيتهم عيلة زبالة وما تشرفش ارجع على طول

 

 

ولقيتنا ايه ان شاء الله

 

 

بصراحة عجبتوني . العمارة شيك والحي راقي واثاث البيت راقي يعني هتتصل بابا وماما اجيبهم ههههههههههه

 

الحي راقي والاثاث راقي . انت يابني جاي تتجوز ولا جاي تورثنا بالحيا

 

 

ما يقصدش يا حاجة هو بس يقصد ان المستوى الاجتماعي ملائم لأسرته

 

بس يا بني ده حمار ومابيعرفش يتكلم

 

هههههههه معلش بكرة سهام تعلمه فن الكلام

 

اه فن الكلام وفن الرقص وفن المسخرة وعلى كل لون يا باطيستا

 

 

طيب دي هدايا بسيطة للعروسة واخواتها

 

 

وانا لأ ههههههه ولا هي مامة العروسة ما لهاش نصيب

 

 

هههههههه لالالا ازاي يا طنط . بس اصلها مايوهات مقاسها صغير . ان شاء الله المرة الجاية اجيب مايوهات اكبر شوية واحد ليكي وواحد لتيتة الحاجة

 

 

 

مايووووووووووووه ليا أنا . المايوه ده تلبسه لامك يا قليل الحيا .هو انا طالعة اتهزأ من اللي يسوا واللي مايسواش ولا ايه

 

 

يا حاجة ما يقصدش هو شايف المايوه هدية حلوة للستات وعصرية

 

لا اله الا الله . بدل مايجيب للعروسة حاجة تسترها . اه يا زمن الرجالة فيك راحوا مشوار ومارجعوش تاني

 

 

 

فين سهومة عروستي ؟

 

 

ههههههه حاضر يا حبيبي

 

 

تعالي يا سهام قابلي عريسك

 

 

يوه مكسوفة هههههههه

 

 

 

 

 

 

 

 

 

 

مبروك يا صلاح

 

 

الله يبارك فيك يا فكري عقبال ولادك

 

 

وسألتوا عليه ؟

 

ايوة طبعا كلفت اصحابي في اسكندرية يسألوا عليه وقالوا انه من عيلة كويسة ومحترمة

 

واتفقتوا مع العريس على ايه

 

هيجيب كل حاجة واحنا بس علينا الاجهزة الكهربائية وشقته في اسكندرية

 

عال عال ربنا يتمم بخير

  • معجبة 2

شارك هذه المشاركه


رابط المشاركه
شارك

لولوليييييييييييييييييييييييييييييييييييييييييييييييييييييييي

 

 

 

لولولييييييييييييييييييييييييييييييييييييييييييييييييييييييييييييييي

 

 

لولولييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

 

 

 

مبروك يا باشمهندس مدحت مبروك يا دكتورة نجلاء ههههههههه

 

 

الله يبارك فيكو يا جماعة عقبالكم جميعا

 

 

يلا يا حبيبتي يا وردتي الجميلة على مملكتنا الجميلة

 

حاضر يا حبيبي حاضر بس استنى هقول لإجلال الممرضة تعليمات كدة عشان تقوم بيها

 

إجلال مين وتعليمات ايه . احنا في ايه ولا في ايه

 

لحظة واحدة بس يا حبيبي

 

 

يا اجلال

 

ايوة يا دكتورة الف مبروك ههههههههههه

 

مبروك ايه وبتاع ايه دلوقتي . بصي خلي بالك من مدام الهام وقوليلها ما تولدش دلوقتي وتستنناني لما اجيلها وقوليلها ماتروحش لاي دكتورة تانية عشان ماتلخبطش الدنيا

 

 

حاضر

 

ومدام اسعاد قوليلها تاكل كويس عشان دي حامل في توأم ومحتاجة تغذية

 

حاضر

 

 

ومدام رشا قوليلها تعدي علية تاني يوم بعد الدورة ما تخلص

 

 

حاضر

 

ومدام ..............

 

نجلاااااااااااااااااااااااااااااااااااااااااااء كفاية حرام عليكي انا مالي باللي حامل في تؤام واللي بتولد خلينا في اللي احنا فيه

 

 

حاضر يا حبيبي جاية جاية

 

 

حاجة تاني يا دكتورة

 

 

لالالا خلاص روحي انتي . والله سايبة الشغل على عيني

 

 

ربنا معاكي يا دكتورة ما تغبيش علينا

 

 

ان شاء الله

 

 

 

اووووووووووووووووووووف يلا

 

مالك يا حبيبي بتنفخ ليه

 

 

ولا حاجة يا حبيبتي هطق بس

 

هههههههه سلامتك من الطقة يا حبيبي هههههههه

 

 

 

 

 

 

 

 

نجلااااااااااااااااااء حبيبتي اخيرا انا وانتي في عشنا السعيد

 

ههههههههههه ماتكسفنيش بقى يا دوحا ههههههههه

 

ههههههههههه دوحا طالعة من بقك عسل يا عسل ههههههههه يلا بقى ادخلي غيري هدومك

 

 

حاضر يا حبيبي

 

 

 

 

 

 

 

 

الله ماشاء الله ايه الجمال ده يا حبيبتي

 

ههههههه ميرسي يا حبيبي

 

هاتي ايدك كدة بين ايديا

 

ههههههههههه اتفضل بس اوعى تاكلهم ههههههه

 

تررررررررررررررررررررررررررررررررررررن ترررررررررررررررررررررررررررررررررن

 

 

ايه ده ده مين البايخ الرزل اللي بيتصل دلوقتي

 

 

رد شوف مين يا حبيبي

 

 

الوووووووووووووووووو الووووووووووووووووووووو مين

 

 

لو سمحت ممكن اكلم الدكتورة نجلاء ضروري

 

افندممممممممم مين معايا

 

 

قولها المستشفى

 

المستشفى !!!!!!!!!!!!!!

 

 

يا نجلااااااااااااااااااااااااء تليفون يا نجلااااااااااااااااااااااااااااااء

 

 

مين يا حبيبي

 

المستشفى يادكتورة السمتشفى اووووووووووف

 

 

الوو ايوة يااااااااااااااااااااااااااااااه معقول طيب طيب انا جاية حالا

 

 

نعم يختي رايحة فين دلوقتي

 

 

معلش يا حبيبي في حالة ولادة مستعجلة ومافيش دكاترة موجودين ولازم انزل حالا

 

 

مش هتنزلي يا نجلاء مش هتنزلي

 

يا حبيبي ما ينفعش دا واجبي كاطبيبة

 

وواجبك كا زوجة يا هانم ؟

 

يتأجل يا حبيبي يتأجل عن اذنك عشان عربية المستشفى زمانها جاية

 

 

يا عااااااااااااااااااااااااااااالم يا خلق . في عروسة تسيب عريسها ليلة الدخلة وتروح الشغل يا نفووووووووووووووووووووخي

 

كان عقلي فين كان عقلي فين لما اتجوزت الست دي

 

 

 

 

 

 

 

 

 

لولوييييييييييييييييييييييييي لولويييييييييييييييييييي ترررررررررررررررررررن تررررررررررررررررررررن افتح يا عريس افتح يا مدحت انا ماما يا حبيبي

 

 

امي !!!!!!!!!!!!! يا دي الواقعة المطينة . اقول لامي ايه . اودي وشي منك فين ياما !

 

 

 

 

صباحية مباركة يا حبيبي ههههههههه

 

الله يبارك فيكي يا امي

 

العروسة لسة نايمة ؟ هههههههههه ناموسيتكو كحلي

 

لا هي من ناحية كحلي كانت كحلي . كحلي اوي

 

ادخل صحيها يا حبيبي عشان اباركلها

 

احم احم لا والله اصل العروسة مش موجودة

 

ايييييييييييييييييييييييييه مش موجودة يعني ايه

 

اصل هي اصل يعني جالها شغل مستعجل وخرجت بالليل وباتت برا ولسة مارجعتش

 

 

يا لهووووووووووي يا حظك الاسود يابني اهئ اهئ يا حسرة قلبي عليك يا مدحت يا حبيبي اهئ اهئ

 

ايه يا امي ايه يا امي ارحميني كفاية اللي انا فيه

 

 

ترررررررررررررن ترررررررررررررررن

 

 

 

اهي جات اهيه

 

اهلا بادكتورة المعجزات . يا ترى الست ولدت

 

ههههههههه اه يا حبيبي ولدت ولدين زي القمر ويادوب فاقت من البنج وجيت على طول

 

 

ليه كدة كنتي استني جنبها لما الولدين يطلعلهم شنب

 

لا يا حبيبي قولت اجي اشوف جوزي حبيبي بقى

 

واجب برضو . ادخلي سلمي على امي عشان مستنياكي باشواقها من الصبح

 

 

صباح الخير يا طنط

 

اهو صباح وخلاص يا مرات ابني

 

ايه يا طنط مكشرة في وشي ليه ع الصبح

 

في واحدة عاقلة تسيب جوزها يوم الدخلة وتروح الشغل

 

 

شغلي يا طنط شغلي هو واخدني دكتورة وعارف طبيعة شغلي

 

وهو الدخلة دي مش شغل برضو

 

لأ دي توافه الامور يا طنط وتتأجل

 

 

كدة ! انا ماشية يا مدحت يابني . الله يجازي اللي رموك على الجوازة الهم دي . ربنا يصبرك على ما بلاك

 

 

ادعيلي يا امي ادعيلي

 

 

 

 

 

 

 

 

انتي رايحة فين يا نجلاء يا حبيبتي

 

 

هاخد شاور ع السريع وادخل انام عشان تعبت بشكل مش طبيعي في اوضة العمليات

 

 

ااااااااااااااه عندك حق . انا نازل اقعد ع القهوة عشان للأسف خدت اجازة من شغلي كنت فاكر اني هتجوز

 

 

مع السلامة جود باي مش تتأخر

 

 

 

 

 

 

 

 

 

 

 

حبيبتي نجلااااااااااااااااااااااء روح قلبي تعالي لجوزك حبيبك

 

 

تررررررررررررررررررررررن تررررررررررررررررررررررررررن

 

ييييييييييييييييييييييييييي مييييييييييييييييين بيتصل دلوقتي

 

 

 

الوووووووووووووووووووووو

 

 

لو سمحت عايزة الدكتورة نجلاء

 

لالالالالالا بقى دي مش طريقة

 

 

كلمي يا نجلاء كلمي

 

 

 

ايوة يااااااااااااااااااااااااه انا جاية حالا

 

 

 

حبيبي ............

 

عارف يا نجلاء ربنا يقومها بالسلامة

 

 

هي مين

 

 

اللي رايحة تولديها

 

 

ميرسي يا حبيبي

 

 

 

 

 

 

 

 

 

نجلااااااااااااااااااااااااااااء روح قلبي حياتي تعالي

 

 

ترررررررررررررررررررررررررررن

 

 

ترررررررررررررررررررررررررررررررن

 

 

للالالالالالالالالالالالالالالالالالالالالالالالالالالالالالالالالالالالالالالالالالالالا مش ممكن بقى

 

 

رد ع التليفون يا حبيبي

 

 

اديني رايح حاضر

 

 

الو

 

 

ايوة

 

لو سمحت ممكن اكلم الدكتورة نجلاء

 

 

الدكتورة نجلاء ماتت

 

ماتتتتتتتتتتتتتتتتتتتتت يا خبر اسود اهئ اهئ يا حبيبتي يا دكتورة نجلاء . دي كانت لسة معانا الصبح

 

 

معلش بقى لكل اجل كتاب ابقوا اقرولها الفاتحة وماتتصلوش هنا تاني

 

 

اهئ اهئ يا حبيبتي يا دكتورة نجلاء عظم الله اجرك يا استاذ اهئ اهئ

 

اجري عيطي بعيد بقى فلقتونا

 

 

 

 

 

 

مين يا حبيبي كان على التليفون

 

النمرة غلط يا حبيبي

 

 

اخيررررررررررررررررررررررررررررررررررا ههههههههههههههههههههههههههه

 

 

 

 

 

صباحية مباركة يا عروسة هههههههه

 

ههههه الله يبارك فيك يا حبيبي

 

 

 

قومي بقى خدي شاور وحضريلنا الفطار

 

 

من عيوني يا حبيبي بس بعد ما نفطر لازم اروح المستشفى ضروري

 

 

ههههههههههه روحي مطرح ماطروحي خلاص انا انتصرت ههههههههه

 

 

 

 

 

 

 

 

 

 

 

انت يا باشمهندس انت يا محترم انت فين

 

اهلا يا دكتورة شرفتي وانستي تعالي كلي لقمة على ما قسم

 

 

انت ازاي تبلغ المستشفى اني مت ؟ انا اتبهدلت بسببك النهاردة وانت ولا على بالك

 

 

انا اروح الاقي المستشفى معلقة خبر وفاتي والناس بيعيطو

 

 

انا انا زمايلي يجروا مني ويقولوا عفريت عفريت وتلاتة من زميلاتي اغم عليهم

 

 

انا اناااااااااا المدير بتاع المستشفى يقرا علية آية الكرسي وهو بيترعش وبعدين يقولي انصرفي لا تأذينا ولا نأذيكي ؟

 

 

انااااااااااا ادخل اوضة الست اللي ولدتها امبارح تقوم ناطة من ع السرير وتجري وتصوت والجرح يتفتح وينزف ؟

 

 

انا يجرالي البلاوي دي بسببك يا باشمهندس يا محترم ؟ دول فين وفين على ما صدقوا اني عايشة وان ده كان مقلب سخيف من جنابك عشان شهواتك وغرايزك يا شهواني

 

 

شهواااااااااااااااني . هو اللي يمشي في سكة الحلال والجواز يبقى شهواني

 

الله يخرب بيتك يا قاسم يا امين

 

 

ايه دخل اونكل قاسم دلوقتي

 

 

هو السبب في البلاوي اللي احنا فيها

 

 

انتو كدة يا رجالة حاقدين عليه عشان ساوانا بيكو وعرفنا حقوقنا

 

 

المهم سيبك من الرغي والدش ده وقومي اعمليلنا حاجة ناكلها

 

 

اوووووووووووووووف حاضر . رجالة الشرق وآفة التخلف والرجعية

  • معجبة 1

شارك هذه المشاركه


رابط المشاركه
شارك

نكمل بكرة بقى ان شاء الله

 

 

اسيبكو مع الحلقات وان شاء الله تعجبكم

 

 

اوعدكم ان شاء الله بشخصيات جديدة واحداث اسخن واسخن واسخن

 

 

كونوا بالقرب

  • معجبة 1

شارك هذه المشاركه


رابط المشاركه
شارك

جزاك الله خيرا يا عثل :D

وننتظر المزيد بشووووق

ربنا ييسر أمورك ويرزقك من حيث لاتحتسبى أنت وجميع الاخوات المتابعات والمسلمين أجمعين

ويجعل جهدك هذا^من تسخير موهبتك فى خدمة دينك ^فى ميزان حسناتك

تم تعديل بواسطة أمة الرحمن الرحمن
  • معجبة 1

شارك هذه المشاركه


رابط المشاركه
شارك

رااااائع يارهبه

بالنسبه لعلاء كان فيه زيه كتير حطين عنيهم علي واحده وهي دي خلاص ومفيش غيرها وسبحان الله الاحداث ما تمشو في صالحهم ابدا وتلاقيهم كل واحد له طزيق تاني خالص

 

اولاد احلام

شكلهم ما بيهمهم الاخلاق اهم شئ الشكل والمظهر والمستوى

ودا اكبر غلط لان الحاجات دي لو متوفرة كلها ومفيش اخلاق يبقي قولي باي باي علي الجوازه

الشكل مش اهم شئ اهم شئ واحد عارف ربنا وبيخافه

مش واخد جايب مايوه وبيقلها البسي يا حبيبتي وخدي راحتك دي حريه الكل يتفرح امال انا يس ابي اتفرج هههههههه

 

التيته بتاعتهم

عجابني كلامها حدااااا

كلامها صح

بس في نقطه مش مشكله لو البنت راحت تدزس في بلد تانيه اهم شئ انك تكوني معرفاها حدودها ودينها وازاي تخافظ على تفسها

 

 

البنت الي كلمت مصطفي شملها هتوب علي ايديه ههههه

 

الدكاتره دول يقي

فعلا شغلهم صعب ووقتهمةمش بتاعهم

يس يعني مش لدرجه الدخله

ههههههه

عجبني النقلب بتاع جوزها

هههههههههههه

تستاهل

 

 

 

منتظرة حفله علاء يا هبوبه

الخلقات جميله للان منتظرين البقيه

 

شارك هذه المشاركه


رابط المشاركه
شارك

جزاك الله خيرا يا هبة الحبيبة

قصة رائعة

بس لي سوال هو الي حصل بمصر حصل بالدول الاخري ايصا؟

شارك هذه المشاركه


رابط المشاركه
شارك

السلام عليكم ورحمة الله وبركاته

: )

ربي يبارك فيك هبة الغالية

الحق أن الأحداث كثيرة ومؤلمة ...

ولا أدري على اي شيء أعلق ؟؟

فعلا أراها فترة انحلال اخلاقي ..

عندما أتكلم مع والدتي عن هذه الفترة أسمع العجب العجاب ...

مع العلم أن كثير من العائلات لم تكن بهذا الإنحلال ولكنه لم يكن تدينا بقدر ما هو عيب ..ومايصح

الله المستعان

والله نحمد الله عزوجل على نعمة العلم والإلتزام

...

هل سنجد بقعة ضوء في هذا الزمن ؟؟؟؟؟؟؟؟

في انتظار أفكارك النيرة : )

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×