اذهبي الى المحتوى
هبة عبد العظيم نور

مراتي في السبعيناااااااااات

المشاركات التي تم ترشيحها

وأخيرا كملت القراءة وأنا آآآآآآآآآآآسفة حبيبتي والله كان عندي شغل مسامحة ^ _ ^

المسلسل روووعة ومشوق وكأني أشاهد فيلم هههه

ربي يزيدك ابداع يا غالية ومتابعة الأحداث الساخنة ^ _ *

شارك هذه المشاركه


رابط المشاركه
شارك

روعة : )

بارك الله فيك

شارك هذه المشاركه


رابط المشاركه
شارك
اتلم المتعوث على خايبة الرجا

 

ههههههههههههههههههههههههه

 

فكرتيني بـــ

اتلم تن تون على تن تن .. ههههههههههههههههههههه

 

جمييييييييله يا هبهووووبه بجدددد

عاجبانب أوييي تيته الحاجه ههههههههههههههههه عثل عثل عثل خاااالص

  • معجبة 2

شارك هذه المشاركه


رابط المشاركه
شارك

ترررررررررررررررررررن ترررررررررررررررررررررررررررررررن

 

 

 

الو

 

ايوة يا علاء انا هيام

 

 

اهلا يا هيام ازيك

 

 

مش كويسة

 

ليه بس . تعبانة ولا حاجة . اجيبلك دكتور ؟

 

 

تعبانة من تصرفاتك يا استاذ اهئ اهئ اهئ

 

في ايه بس انا عملت ايه

 

ما عملتش حاجة والمشكلة انك ما عملتش حاجة . كل شوية تأجل الكلام مع عمو فكري في موضوعنا وكل شوية بحجة شكل اهئ اهئ وفي الآخر لغيتوا حفلة يوم الجمعة اللي وعدتني انك هتخطبني بعدها اهئ اهئ

 

هههههههههههه طب بس اهدي . اولا الحفلة ما اتلغتش ولا حاجة الحفلة اتأجلت للجمعة الجاية ان شاء الله

 

 

وان شاء الله اجلتوها ليه

 

عشان خالي رفعت كان مش فاضي يجي الجمعة اللي فاتت

 

يا سلام ! وايه يعني . هي الحفلة مش هتبقى حفلة من غيره

 

اتكلمي بأدب عن خالك يا هيام وبعدين انتي عارفة ان ماما عاملة الحفلة تجمع فيها العيلة كلها ومش معقول تعمل الحفلة واخوها الوحيد ما يحضرش

 

لا طبعا ودي تيجي! . تراعي مشاعر الناس كلها وتسيبني اتفلق اهئ اهئ الله يسامحك يا علاء اهئ اهئ . طب والله يا علاء لو ما كنتش تخطبني بعد الحفلة لانتحر زي بطلة الفيلم واريحك مني خالص اهئ اهئ اهئئئئئئئئئئئئئئئئئئئئئئئئئئئئئئ

 

هههههههههههههه مجنونة . لا ما تقلقيش يا حبيبتي ان شاء الله بعد الحفلة هخطبك . خلاص بقى كفاية عياط . انا ما اقدرش اتحمل دموع حبيبة قلبي

 

 

بتحبني يا علاء ؟

 

بحبك بحبك بحببببببببببببببببببببببببك

 

هههههههههههه وانا بموت فيك يلا باي بقى عشان الفيلم اللي مستنياه زمانه جاي

 

طيب يا ستي باي باي

ههههههه مجنونة بس لذيذة وبموت فيها هههههههه

 

 

 

 

 

 

 

 

 

 

رايحة فين يا ماما

 

 

رايحة اعزم جيراننا على حفلة تخرج علاء اخوك

 

وانتي هتعزمي الجيران كمان

 

طبعا يا مصطفى

 

والله يا ماما انا ماكنتش حابب ان الحفلة تبقى بالطريقة دي

 

هههههههه اومال عايزها بأنهي طريقة

 

يعني انا شايف انها هتكون حفلة مختلطة وواضح ان الاستاذ المبجل الموسيقار حاتم هيجيب الشلة البايظة بتاعتو

 

يعني هيكون في رقص وغنى ومسخرة وبعدين خالي وخالتي عندهم بنات ومش حابب يكون الاحتفال بالشكل ده

 

 

بقولك ايه يا مصطفى بلاش خنقة يا حبيبي . فكها شوية . ربنا يفكها عليك وعلينا . دي حفلة والناس كلها بتحتفل بالطريقة دي

 

 

على راحتكو يا ماما بس انا كنت بتكلم في الاصول

 

لا يا سيدي خليهالك الاصول وسيبنا براحتنا

 

 

 

 

 

 

 

 

مساء الخير يا سالي يا حبيبتي

 

اهلا يا طنط ليلى مساء النور اتفضلي

 

 

هي فين ماما يا حبيبتي

 

يا طنط حضرتك عارفة ماما مش بترجع قبل الفجر من الشغل

 

الله يعينها بتتعب كتير مامتك في الرقص . حقيقي ست عظيمة ومكافحة

 

اه والله يا طنط دي بتيجي مرهقة خالص وتنام وش الصبح وتفضل نايمة لحد المغرب ويادوب تاكل لقمة وتجري على الكباريه

 

الله يديها الصحة يا حبيبتي , هنعمل ايه اكل العيش مر

 

ميرسي يا طنط

 

طيب يا حبيبتي احنا عندنا حفلة يوم الجمعة عشان الباشمهندس علاء اتخرج

 

والله ! الف مبروك يا طنط

 

عقبالك يا روح قلبي . انتي رايحة اولى كلية تجارة مش كدة ؟

 

ايوة يا طنط

 

ربنا يوفقك يا حبيبتي

 

وحضرتك عايزة ماما ترقص في الحفلة ؟

 

ههههههه لا يا حبيبتي انا كنت جاية اعزمها كضيفة مش رقاصة

 

بس للأسف ماما مش هتبقى موجودة قبل الفجر

 

خلاص . تعالي انتي شرفينا

 

ان شاء الله يا طنط . ميرسي على العزومة اللطيفة دي

 

 

 

 

تررررررررررررررررررن ترررررررررررررررررررررررن

 

 

افتحي الباب يا صفاء

 

حاضر يا ماما

 

ازيك يا صفاء

 

اهلا وسهلا يا طنط ليلى وحشاني خالص

 

هههههههه انتي وحشاني اكتر يا حبيبتي . ياترى ماما موجودة

 

ايوة يا طنط اتفضلي في الصالون

 

اهلا اهلا اهلا ايه النور ده يا ليلى يا حبيبتي

 

اهلا بيكِ يا امينة اموووووووووووه امووووووووووووه

 

كدة برضو ولا تسألي ولا كأننا جيران والباب قصاد الباب

 

معلش والله يا حبيبتي المشاغل والولاد والدوشة اعذريني . انا جاية اعزمك انتي وصفاء على حفلة تخرج علاء يوم الجمعة ان شاء الله

 

حفلة ! الف مبروك لعلاء وعقبال اخواته لما تفرحي بشهاداتهم وعرايسهم يارب

 

الله يخليكي يا حبيبتي ويبارك فيكي يارب

 

بس معلش يا ليلى انتي عارفة يا حبيبتي اني مابحبش الحفلات والاختلاط وصفاء معوداها على طبعي

 

عمرها ما حضرت حفلة ولا عمرها طلبت تحضر حفلة ههههه اصلها خجولة اوي زي ماانتي عارفة وتخاف من خيالها

 

حقيقي صفاء ونعم التربية . ربنا يباركلك فيها

 

تعيشي يا حبيبتي .طالبة من ربنا انه يديني العمر والصحة لحد ما اجوزها وافرح بيها واشوفها متهنية في بيتها مع جوزها

 

يا حبيبتي ربنا يخليكي ويديكي الصحة وتفرحي بيها

 

خايفة والله يا ليلى . وكل ما تجيلي ازمة القلب ببقى مرعوبة ليجرالي حاجة والبنت تتبهدل من بعدي

 

بعد الشر عليكي يا حبيبتي ما تقوليش كدة . ان شاء الله هتشوفيها احلى عروسة

 

يارب يا ليلى يارب

 

طيب استأذن انا عشان اعدي على مدام كلوفوسيس

 

ااستني اشربي حاجة

 

مستعجلة اوي يا امينة معلش

 

على فين يا طنط انا جيبت لحضرتك عصير

 

لا معلش يا حبيبتي مرة تانية عن اذنك

 

 

 

 

 

 

 

 

 

ترررررررررررررررن تررررررررررررررررررررن

 

 

يني افتخ الباب يني

 

ماتفتخي انتي كلوفوسيس . كل خاجة يني يني

 

افتخ يني افتخ اعملتو خاجة مفيدة بدل القعدة قدام التليفزيوناتو

 

 

اووووووووووووووف خاضر خاضر

 

 

مساء الخير يا خواجة يني

 

اخلا اخلا اخلا مدام ليلى سرفتينا كتير

 

هههههه الله يشرف مقدارك . فين مدام كلوفوسيس

 

اتفضلي جوا

 

لالالا ما عنديش وقت ناديلي عليها

 

 

 

كلوفوسيس كلمتوا مدام ليلى

 

مدام ليلى ! اخلا اخلا خبيبتي اخلا وسخلا

 

ههههههههه اهلا بيكِ وحشني كلامك يا كلوفوسيس

 

ههههه مس تسوفي وحس ههههههه اتفضلي

 

لا والله معلش انا جاية اعزمك انتي والولاد على حفلة تخرج علاء ان شاء الله

 

علاااااااااااااااااء خبيبي خبيبي اتخرجتوا ؟

 

ههههههه ايوة الحمدلله عقبال ولادك

 

مبروك خبيبتي مبروك لمسيو علاء

 

 

هتيجي

 

طبعا خاجي خاجي

 

في انتظارك ان شاء الله

 

 

 

 

 

اااااااااااااااااااه كنت هنسى الجارتين الطعمين واحدة ربنا يكفينا شر عنيها وواحدة ربنا يكفينا شر لسانها

 

روحية ام عين قوية وابتسام ام لسان عايز لجام

 

اعمل ايه مضطرة اعزمهم وامري لله

  • معجبة 3

شارك هذه المشاركه


رابط المشاركه
شارك

اهلا اهلا يا جماعة منورين الحفلة كلكو

 

اهلا بيكي يا مدام ليلى . مبروك لعلاء وعقبال العروسة ههههههه

 

تسلمي يا حبيبتي يارب اشوفه مع احلى عروسة نور عيوني ده

 

 

 

 

بيييييييييييييييييييييب بيييييييييييييييييييييييب بيييييييييييييييييييييييييييب

 

شوف كدة يا علاء دا كلاكس عربية خالك رفعت باين عليه جه

 

 

ايوة يا ماما جه هو وطنط مشيرة ومها ولميا

 

السلام عليكم اهلا بالباشمهندس حبيب خاله هههههههه

 

وعليكم السلام اهلا وسهلا يا خالي

 

تعالي في حضن خالك يا ولد ههههههههه الف مبروك يا حبيبي

 

هههههه الله يبارك فيك يا خالي

 

 

اومال فين ابوك وعمك

 

بابا مش موجود عشان ما بيحبش الدوشة وعم صلاح هيجي بس متأخر شوية كالعادة

 

مبروك يا علاء

 

الله يبارك فيكي يا طنط مشيرة

 

مبروك يا علاء

 

هههههه الله يبارك فيكي يا لميا

 

مها مهااااااا قولي لعلاء مبروك

 

مكسوفة يا لميا

 

ههههههه يابنتي قوليلي مبروك هو انتي هتقوليلي بحبك عشان تتكسفي !هههههههه

 

مممممممبروك يا علاء

 

اخيرا نطقطيها هههههه الله يبارك فيكي يا مها عقبالك ان شاء الله

 

مممممميرسي

 

 

لميا

 

نعم يا ماما

 

هي اختك بتقطع كدة ليه . ايه اللي جرا للسانها

 

ههههههههه مش عارفة يا ماما . الله يعينها على اللي هي فيه

 

 

فين الحاجة ؟

 

الحاجة في البلاكونة بعيد عن الدوشة هي ومصطفى

 

السلام عليكم ازيك يا امي وحشتيني يا غالية

 

اهلا اهلا اهلا حبيبي ونور عيني رفعت . ازيك يا واد يا رفعت

 

هههههههه واد ايه بس يا حاجة . انا بناتي بقوا اطول مني

 

هههههههههه ربنا يخليهوملك يارب ويباركلك فيهم . اهلا يا مشيرة اهلا يا بنات اهلا اهلا وحشتوني

 

اهلا بيكي يا نينة وحشتيني

 

ماتشوفيش وحش يا مشيرة

 

ازيك يا تيتة يا حبيبتي

 

يا روح قلبي ياروح قلبي اهلا بالوردة الحلوة ازيك يا مها يا ست البنات

 

هههه ربنا يخليكي يا تيتة

 

كدة برضو يا تيتة . يعني مها ست البنات وانا لأ ؟

 

ههههههههه تعالي في حضني يا لميا يا شقية ههههههه

 

هههههههه وحشتيني يا تيتة امووووووووووووووه

 

هو فين مصطفى وحاتم

 

مصطفى واقف في البلكونة من الناحية التانية وحاتم نزل يجيب العيال البايظة اللي هيقلبوا دماغنا

 

هههههههههه طول عمره عفريت الولد حاتم ده

 

ربنا يصرفه من البيت ويريحنا منه ان شاء الله

 

ههههههه يا مصطفى انت يا ولد

 

اهلا اهلا ازيك يا خالي ازيك يا طنط مشيرة ازيكو يا بنات

 

اهلا يا مصطفى ازي احوالك يابني

 

 

 

 

 

 

ماتيلا بقى الناس كلها وصلت الحفلة وانتو لسة واقفين قدام المرايا بتلبسوا وتتزوقوا . يلا يا بنت انتي وهي اتأخرنا على خالتكو خلينا ننزل

 

 

خلصنا يا ماما ايه رأيك فينا

 

اربع قمرات هههههههههه يلا بقى

 

داحنا هنرقص رقص النهاردة هههههههههه

 

ارقصوا يا حبايبي وانبسطو ههههههههه

 

 

 

 

 

 

 

 

 

علااااااااااااااااااااااااااااااااء هههههههههههههههههههههههه حبيبي وحشتني

 

يا مجنونة يا مجنونة حد ياخد باله من جنانك ده ابعدي عني شوية مش كدة

 

يا سلام ! ماتخليهم ياخدوا بالهم . هو انت مش خطيبي وحبيبي ومن حقي امسك ايدك

 

بقولك ايه اعقلي شوية وخلي النهاردة يعدي على خير . انا مش عايز حد من الجيران يتكلم عنك وحش

 

اهئ اهئ ايوة يا سيدي نكد علية . وانا اللي كنت فاكرة انك اول ما تشوفني هتيجي جري علية وتقولي وحشتيني زي بطل الفيلم اللي شوفته اميارح اااااااااااه ياني يا مامي اهئ اهئ

 

ههههههههههه لا والله ماليش في الافلام . روحي اقعدي مع البنات عشان الجيران ابتدوا يبصوا عليكي وخصوووووووصا طنط ابتسام ومش هتترحمي من لسانها ههههههه

 

وهي مالها هي . على العموم راجعالك تاني يا باشمهندس لاني باختصار مش شايفة حد غيرك ولا يهمني راي حد غيرك هههههه

 

مجنونة صحيح على رأي تيتة

 

 

 

ازيك يا ست مها

 

اهلا يا هيام ازيك وحشتيني

 

والله ! انا برضو اللي وحشتك

 

تقصدي ايه

 

ما اقصدش حاجة . اقصد ان في ناس هتتكبس قريب هههههههههههههههههههههههههههههههههههههههههه

 

مش فاهمة !

 

بكرة تفهمي يا روحي عن اذنك ههههههههه

 

 

هي مالها دي بتتكلم كدة ليه

 

مش عارفة يا لميا . انا بصراحة مش عارفة ليه هيام بالذات بتكرهني كدة مع اني والله بحبها

 

 

اهلا اهلا اهلا ازيكو يا بنات خالي ههههههه

 

اهلا بيسرا اهلا دنيا ازيك يا سهام

 

اهلا بيكو منورين والله

 

 

 

 

هييييييييييييييييييييييييييييييييييييه حاتم وصل النجم وصل هههههههههههههههههههههههه

 

 

مساء الخييييييييييييييييييييييييييير على المعازيم الحلوين ههههههههههههههههههه انا جيت وجبتلكو الفرقة كلها والرقص للصبح هههههههههههههههههههه

 

هههههههههههههههه يلا يا حتوم احنا مستنينك من بدري

 

حاتم حاتم حاتم

 

 

ايوة يا سوزي

 

هو فين اخوك اللي شتمني في التليفون ؟

 

هههههههه وانتي مالك وماله

 

قولي بس هو فين عشان اخد بتاري

 

شايفة البلاكونة اللي هناك دي

 

اه

 

شايفة اللي قاعد هناك ده

 

وااااااااااااااااااااااااااااااااااو هو ده اخوك

 

ايه ده ايه ده مالك تنحتي كدة

 

معقولة القمر ده بيعرف يشتم ولسانه طويل كدة هههههههههههههه

 

هههههههههههه ولو شافك قدامه هيشتمك تاني . خليكي هنا في الامان ههههههههههههه

 

طب عن اذنك اروح اغلس عليه شوية هههههههه

 

انتي الجانية على نفسك هههههههههه

 

استنى ما تبتديش غنى وعزف دلوقتي اما اروح لاخوك الاول

 

 

 

 

 

انت

 

 

يا انت

 

 

ايه ده . انتي مين

 

ممكن حضرتك تعتذرلي ؟

 

افندم !!!!!!!!!!!!!!

 

ايوة عشان شتمتني في التليفون

 

اااااااااااااااااااااااااااااااه هو انتي ؟

 

ايوة انا . ايه . مش عاجباك انا

 

اوووووووف استغفر الله العظيم . يعني الواحد سايب الحفلة وقاعد بعيد في البلكونة ومع ذلك البلاوي بتتحدف عليه برضو

ههههههههههه عسل والله عسل شربات انت شربات

 

لو سمحتي يا انسة اتفضلي من هنا . انا ماليش في المسخرة

 

هههههههه طب واللي يعلمهالك ؟ هههههههههه

 

استغفر الله العظيم . انا ماشي من البيت خالص

 

طب خلاص خلاص . خليك قاعد انا خارجة هههههههه يا واد يا تقيل انت هههههههههه

 

 

 

 

 

 

 

يلا يا حاتم بقى

 

 

طيب احنا هنغني الاول اغنية لافلي . مين الامورة اللي هفتتح الرقص

 

أناااااااااااا

 

أناااااااااااااااااا

 

لالالاأنااااااااااااااااااااااااااااااااااا

 

وعلى ايه كلكو قوموا ارقصوا هههههههههه بس انا كنت اقصد مين هترقص معايا

 

اختار انت يا حاتم

 

اختار مين اختاااااااااااار مين مييييييييييييييين ااااااااااااااااااااااااااااااااه هختار صاحبة اجمل واقصر فستان ههههههه دنيا ههههههههههههههههههههه تعالي يا دنيا

 

هههههههههههه هنرقص على إيه

 

 

ايه رأيك في اغنية لندا لندا يا حياتي

 

مين ليندا دي يا استاذ . قول دنيا دنيا يا حياتي ههههههههههههه

 

ههههههههههه خلاص يا قمر تعالي . يلاااااااااااااااا

 

 

 

 

دنيا دنيا يا دنيا دنيا دنيا يا حياااااااااااااااااااااااااااااااااااااتي

 

دنيا دنيا يا دنيااااااااااااااااا دنيا دنياااااااااااااااااااااااا يا نور عيني

 

انا بحبك

 

اسألي قلبك هو يقولك يا دنيااااااااااااااااااااااااااااااا

 

 

 

يا مصيبتيييييييييييييييييييييييييييييييييي يا دي الفضايح استر يارب يا لهووووووووووووووووووي الله ينتقم منك يا احلام انتي وبناتك . شوف ياخويا الواد حاطط ايده في وسط البت وعمال يحدفه على طول دراعه ويجرها على صدره تاني والفستان عمال يترفع وراسنا بقت في الطين . حد ينهي الحفلة دي والا هطلبلكو بوليس الاداب يجي يلمكو كلكو بدون استثناء

 

 

 

يا تيتة انتي ايه جابك من البلكونة

 

جيت عشان اشوف الفضايح وقلة الادب , اشمعنى انتو يا بنات احلام اللي عمالين ترقصوا وتقلوا ادبكو

 

وبنات خالكو قاعدين اخر ادب واخلاق

 

يا تيتة احنا مش بنحب الرقص بصراحة بنحس انه بيخرج البنت عن حيائها واحترامها لنفسها واحترام الاخرين ليها

 

ايوة ايوة يا ست مها سخني تيتة

 

سخونية لما تلهفك قولي ان شالله . يسلم لسانك يا مها

 

شايف يا علاء فرق السما من الارض بين مها وهيام

 

يا هيام لو سمحتي احترمي نفسك شوية

 

يا واد يا غضنفر . انا نازلة شقتي . الشقة الطاهرة المبروكة اللي مافيهاش مسخرة

 

 

 

راحة فين يا حاجة السهرة لسة هتحلى هههههههههههه

 

يا ست انتي وهي عيب عييييييييييييييييييب كل ست تروح على شقتها . مش باركتوا وطفحتوا الجاتوه ؟

 

هههههههههه ايوة يا حاجة يجعله عامر

 

 

يا ماما ما يصحش كدة دول ضيوفنا

 

ضيوف الندامة يا ست ليلى . انا نازلة يختي وانتي حرا انتي واخت مع ضيوفكو

 

 

هههههههههههههه راحة فين يا تيتة تعالي ارقصي مامبوا هههههههههههه

 

يلا يا ابو جلمبو يا بتاع الجيتار . اخرتك ان شاء الله قرداتي ع القهاوي

 

ههههههههه اعزفلنا اغنية لافلي يا حاتم

 

اوووووووووووووووووووووووكي يلااااااااااااااااااااااااااااااااااااااااااا

 

 

لافليييييييييييييييي اول ذا ورلد لافليييييييييييييييييييييييييييييي

 

لالالالالالالالالالالالالالالالالالالالالالا

 

كيس مي اند تل مي يو لاف مي

 

لالالالالالالالالالالالا

 

وااااااااااان نايت ليتس بيبول وااااااان نايت

 

كيس مي اند هولد مي سي تااااااااااااااااااااااااااايت

 

ههههههههههههه سكر حلوة الدنيا سكررررررررررر

 

اسهر حب الدنيا اكتررررررررر

 

ليلة اتمتعلك ليلة

 

ليلللللللللللللللللللة عيش الدنيا جميلة زي السكرررررررررررررررررررر

 

 

 

 

 

 

ياااااااااااااااااااااااااااااااااااااااااااه الواحد تعب من الرقص بشكل

 

بس كانت حفلة جميلة

 

اه بس تيتة نكدت علينا خالص

 

هي تيتة بس . تيتة والست مها القديسة . اللي ان شاء الله هيجيلها شلل قريب لما تعرف ان علاء فضلني عليها ههههههههههههههههههههههههههههههههههههههههههههههههههههه

  • معجبة 1

شارك هذه المشاركه


رابط المشاركه
شارك

تقبل الله يا شيخ خالد

 

منا ومنكم ان شاء الله يا استاذ ياسر . وبلاش كلمة شيخ دي انا مش اد الكلمة دي

 

ههههههه الناس عادة بيقولوا لاي واحد ملتحي يا شيخ

 

طب ما انت ملتحي بس انا ما بقولكش يا شيخ

 

اه صحيح . طب يلا يا شيخ عشان المسافة طويلة والدنيا ليلت علينا ههههههههههه

 

ههههههههههه توكلنا على الله

 

 

 

 

 

تحب تسمع لمين من المشايخ

 

كلهم كويسين سمعنا كلام ربنا خلي اعصابنا ترتاح شوية

 

اه والله مافيش احلى من كلام ربنا سبحانه وتعالى

 

 

 

 

 

 

ايه ده ايييييه ده . استنى يا شيخ خالد وقف العربية

 

في ايه

 

مش عارف زي ما يكون حد مرمي على الطريق

 

ايه ده . اه والله صحيح . استنى لما اوقف العربية

 

 

يا الطاف الله . دي واحدة ست . دي مقتولة دي ولا ايه ؟

 

اعوذ بالله ايه اللي هي عاملاه في نفسها ده . دي تقريبا عريانة . يلا نمشي

 

يا شيخ خالد نمشي نروح فين بس . يعني هي عشان لبسها مش عاجبك نسيبها ونمشي . استنى نحاول نفوقها

 

فوقها انت انا مش طايق اشوفها اصلا

 

 

يا انسة

 

 

يا ست

 

يا مدام

 

يا خالة

 

ما بتردش

 

طب خلاص يلا نمشي

 

 

طب تعالى نشيلها

 

اعووووووووووووذ بالله نشيل مين ياراجل . دي جسمها كله شبه عريان . انت عايز تدخلنا جهنم ؟

 

 

طب نمسكها بمنديل ولا حاجة عشان ما نلمسهاش

 

ايوة فعلا هما الحشرات ما يتمسكوش الا بالمناديل . بس برضو المنديل خسارة فيها . العاصية الفاجرة دي

 

 

يا شيخ خالد مش كدة . انت راجل المفروض انك بتدعي الناس للطريق المستقيم

 

وهي دي اشكال تعرف ربنا عشان الواحد يهديها برضو

 

معاك ازازة برفان

 

معايا ازازة مسك

 

طب هاتها

 

 

فوقي يا انسة فوقي

 

اهيه ابتدت تفتح عنيها

 

ااااااااااااااه انا فين . انتو مين . اهئ اهئ فين دهبي اهئ اهئ فين فلوسي اهئ اهئ

 

دهبك وفلوسك ! دي باين عليها نصابة . انا مش مرتاحلها من الاول . يلا نمشي

 

استنى بس يا شيخ خالد . انتي مين يا اختي ومين اللي جابك في الطريق المقطوع ده ؟

 

يا عم احنا هنناسبها .واحنا مالنا

 

 

اهئ اهئ انا اخر حاجة فاكراها اني كنت راكبة تاكسي وبعدين سواق التاكسي كتم نفسي بمنديل وغيبت عن الوعي اهئ اهئ ودلوقتي صحيت مالقتش دهبي وفلوسي اهئ اهئ

 

 

ايوة ايوة . يا عم هو لا في سواق تاكسي ولا كان معاها فلوس من اصله . دي اكيد عاملة كدة عشان تلم قرشين تتعشى بيهم

 

اخرس اهئ اهئ اخرس يا قليل الادب اهئ اهئ

 

اما انك حورمة لسانها طويل ومتبري منها صحيح

 

عيب بقى يا شيخ خالد

 

يلا نمشي يا استاذ ياسر

 

طيب يلا حضرتك عشان نوصلك لبيتك . انتي اهلك ساكنين فين

 

وهي دي لو ليها اهل كانوا سابوها خرجت بالشكل ده !

 

وبعدين بقى في الراجل البشع ده اهئ اهئ لو سمحت مشيه ووصلني انت

 

هههههههههه والله ما ينفع اصل هو صاحب العربية

 

طب خلاص امشوا انا هتصرف

 

يا انسة هتتصرفي تعملي ايه بس في السكة المقطوعة دي . ممكن يطلع عليكي حد يأذيكي ولا حاجة لا قدر الله

 

طب يعني يرضيك اركب عربية واحد مش طايقني

 

 

اتفضلي اركبي وامري الى الله . احنا اصطبحنا بوش مين النهاردة

 

 

 

 

 

 

 

 

 

 

ايوة هنا اركن على جنب . ميرسي خالص انكو وصلتوني فرصة سعيدة

 

احنا اتعث

 

طب اتفضلوا اشربوا حاجة

 

 

هو انتي متعودة تضايفي رجالة اغراب في بيتكو ؟ مرحا مرحا يا اهل الفرنجة

 

 

اسفة سحبت الدعوة

 

 

تصبحوا على خير

 

وانتي من اهله يا انسة

 

 

على فكرة انا اسمي شاهيناز وبيدلعوني يقولولي يا شاهي

 

 

انت اسمك ايه

 

 

اسمي ياسر

 

وحضرتك

 

عبد من عباد الله

 

ههههههههههههه فرصة سعيدة يا سي عبد

 

 

 

 

 

ايه بس يا شيخ خالد لالالالالالالالا انت كدة ما تنفعش داعية . انت كدة هتنفر الناس من الدين

 

يا اخي الواحد غصب عنه . الفساد ظهر وانتشر بشكل مش طبيعي . الواحد محتاج يبدأ مع الناس من الصفر

 

والستات بقوا حاجة فظيعة . ياراجل دا مافيش ست محجبة

 

 

هي مش امك محجبة يا شيخ خالد

 

ايوة طبعا الحمدلله . وانت يا استاذ ياسر امك محجبة ؟

 

لا والله ربنا يهديها

 

طب انزل من العربية . انا غلطان اني بوصل واحد زيك

 

هههههههههههه الله يهديك يا شيخ خالد ههههههههه

شارك هذه المشاركه


رابط المشاركه
شارك

شااااااااااااااااااااااااااهي حبيبتي كنتي فين يابنتي وقعتي قلبي حرام عليكي

 

 

شاااااااااااااااااااااااااااهي بنتي . انتي بخير يا شاهي

 

الحمدلله يا ماما الحمدلله يابا . دانا كنت همووووووووووووووت النهاردة ومش هتشوفوني تاني

 

 

يا خبر ! ليه يا حبيبتي ايه حصل

 

 

 

 

 

 

 

 

يا روح قلبي حمدالله على سلامتك وفي داهية الدهب والفلوس

 

 

الحمدلله ان ربنا وقفلك الناس الطيبين دول عشان يوصلوكي الحمدلله

 

 

 

لا يا بابا واحد بس هو اللي طيب والتاني شرير جدا ووصلني بالعافية وطول السكة مكشر

 

 

يا بنتي يكشر ولا يضحك هو احنا هنناسبه

 

نناسبه! ههههههههههههه تفتكري يا ماما ممكن اتجوز راجل بالشكل ده هههههههههههههههههههههه الحمدلله كانت توصيلة وخلصت هههههههههههههههه ال نناسبه ال هههههههههههههه

تم تعديل بواسطة هبةنور

شارك هذه المشاركه


رابط المشاركه
شارك

تسلم ايدك هوبه الحبيبه.......قصه مثيرة وحلقاتها رااااااااااااائعة تكشف عن مدى انحطاط الاخلاق وغياب الدين فى هذه الفترة. متابعة معك باذن الله

شارك هذه المشاركه


رابط المشاركه
شارك

هااااااااااااااااااااااااااااااااااي

 

منورين كلكو

 

 

مودة ورحمة

 

هاي دارلنج هههههههههههههه

 

ازيك يا دودي . نورتي والله حبيبتي

 

كل دي وشوش تعبيرية هههههههههههههههههه عجبوني كتير

 

 

امة الرحمن الرحمن

 

هههههه اهلا يا عثل يا عثل انتي يا عثل هههههههه

 

منورة حبيبتي وسعيدة بالمتابعة

 

 

ماريا

 

العذاب امرأة هههههههههههههههههه

 

منور يا جميل

 

بحب الناس اللي بتعلق على كل الشخصيات بالدقة دي

 

تحليلاتك بتعجبني

 

ام اية

 

اهلا اهلا بالقمرايا

 

منورة منورة

 

والله حبيبتي انا ما اعرفش ان خلع الحجاب كان في كل الدول العربية ولا في مصر بس

 

 

ساجدة للرحمن

 

بدلت ودك ليه ليه بالأسية وكنت قبلة بتخاف علية ههههههههههههههههههههههههههههههههههههههههه

 

 

سارة محمد

 

اهلا بحبيبتي اللي منوراني على طول

 

فعلا والله بنات احلام هايفين جدااااااااااااااااااااا

 

شوفي هيحصل ايه في الاحداث

 

حوااااااااااااااااء

 

اهلا ام هالة العسولة

 

منورة يا قمر وحمدالله ع السلامة في بيتك التاني

 

ابقي هاتي لب وسوداني ومكسرات وقزقزي قدام الفيلم هههههههههههههه

 

سندس واستبرق

 

سندوسة قلبي انتي الارووووووووووووع حبيبتي تسلميلي يارب

 

هدوء الفجر

 

ههههههههههه يا بتاعة الامثال الشعبية انتي هههههههههه

 

اهلا حبوبتي

 

 

حفيدة الانبياء

 

بسنتوتة الكتكوتة الامورة منورة يا عسل

 

ايوة كدة ما تحرمنيش من وجودك

 

 

واحب اقولكو ان تفاعلكو مع الاحداث هو اللي بيحمسني للكتابة

 

واللي هتدخل مش هتعلق يبقى هعلقها من حواجبينها ههههههههههههههه

 

 

اتفاعلوا واسخنوا عشان انا كمان اسخن واكتب ههههههههههههههههه

شارك هذه المشاركه


رابط المشاركه
شارك

تسلم ايدك هوبه الحبيبه.......قصه مثيرة وحلقاتها رااااااااااااائعة تكشف عن مدى انحطاط الاخلاق وغياب الدين فى هذه الفترة. متابعة معك باذن الله

 

 

اهلا اهلا اهلا بأعز الحبايب اهلاااااااااااااا

 

اهلا اهلا اهلا اهلا بالقمر اللي غايب اهلاااااااااااااااااااا ههههههههههههه

 

ازيك يا عسل

 

والله منتظراكي يا ام عبد الرحمن وعمالة اقول هي راحت فين

 

كانت واخدة بحسي ومتبعاني ومحسساني بالالفة هههههه

 

منورة حبيبة قلبي

 

سعيدة بالمتابعة والله

شارك هذه المشاركه


رابط المشاركه
شارك

شكل هيام هي الي هتتكبس قريب

التيته عثل

اظاهر انه كان هناك ملتزمين زي مصطفي وتيته بس التزام العادات والاقاليد نش التزام الحرام والحلال

 

اما الشيخ كان اسمه ايه المتشدد دا

نا بحب اسلوب ها النوع من المشايخ لانهم بالفعل بيكرهو الناس في الدين

انا من راي لو قدامنا دا كافر مسيحي نتعانل بكل ادب وحب لعله يكون سبب في توبتهم انا اسلوب النفور والاشمئزاز

دا مش حلو خالص

 

احسنت هبه

بارك الله فيك سرد رائع بصراحه

شارك هذه المشاركه


رابط المشاركه
شارك

بوركت يداك : )

شارك هذه المشاركه


رابط المشاركه
شارك

الله يكرمك يا هبه

 

انا بقى متضايقه من هيام ومبحبش تكون مثلا واحده زى هيام تكون مفكره ان مها فى دماغها كذا وهى اصلا مش فى دماغها كده

 

وخالد ضحكنى فى الاخر ههههه

شارك هذه المشاركه


رابط المشاركه
شارك

الله المستعان

الحفلة مستفزة , وحاتم هيرفع ضغطي .

المشكلة إن الناس حتى العادات والتقاليد مش ضابطة تصرفاتهم , يعني لا تدين ولا احترام لثقافة المجتمع وعاداته , والكبار قبل الصغار بايظين :/

 

ملاحظة تأثر الناس كتير بالأفلام والبطل والبطلة وووو ^^

الإعلام في كل مصيبة له دور , بل دوره الأكبر والأبرز في كل المصائب من زمان ولحد دلوقتي .

 

نناسبه! ههههههههههههه تفتكري يا ماما ممكن اتجوز راجل بالشكل ده هههههههههههههههههههههه الحمدلله كانت توصيلة وخلصت هههههههههههههههه ال نناسبه ال هههههههههههههه

 

 

البنت دي حاسة إنها هتدبس في واحد قفل كدا زي خالد : )

شارك هذه المشاركه


رابط المشاركه
شارك

أكثر من رائع!!

التيته دي عسولة خالص : ))

وحاتم ده رخم رخامة السنين >_

مُتابعة بشوق شديد جدًا إن قدر الله لنا اللقاء والبقاء

سلمتِ يا مُبدعة

  • معجبة 1

شارك هذه المشاركه


رابط المشاركه
شارك

هووووووووووووووووووووووبة الغاليه

وحشااااااااااااااااااااانى كتييييييييييييييييييييييييييييييييييييير

 

تسلم ايديك ِ ياقمر متابعة معاكى باذن الله

التيته دى سكرة بتفكرنى بالخالة ستيتة

شارك هذه المشاركه


رابط المشاركه
شارك

ماشاء الله عليكى ياهبه كما توقعت انى الاقيه مسلسل شيق ويدعو للمتابعه

 

بس يختى قوليلى الاقيش عندك جيبه مينوكروجيب وبلوزه قط وبروكه نكيش عشان لزوم قراية مسلسل

 

السبعينات هههههههههههههههه

 

فكرة المسلسل جميله واحداثه ممتعه وكفايه انتى اللى كتباه يا عثل

انا ضحيت بكل اعجباتى فى الصفحتين اللى قريتهم عشان عجبونى يالا عليه العوض ومنه العوض هههههههههههههههههههههه

سلمت يداكى حرم ربى اناملك على النيران حلوه الدعوه دى هههههههههههههههههههههههههه

  • معجبة 2

شارك هذه المشاركه


رابط المشاركه
شارك

السلام عليكم ورحمه الله وبركاته

وحشانى والله ياهبه

وغيابى غصب عنى

بس بجد كل قصه بتبقى احلى من اللى قبلها

ربنا يزيدك من الموهبه دى واللى بتسخريها للدعوه

جزيتى خيرا

واحلى حاجه فى القصه صفاء اولا علشان اكتر واحده حسيت انها متربيه صح فى زمن غلط

وتانى حاجه ان اسمها على اسمى هههههههههههه

شارك هذه المشاركه


رابط المشاركه
شارك

السلام عليكم ورحمه الله وبركاته

وحشانى والله ياهبه

وغيابى غصب عنى

بس بجد كل قصه بتبقى احلى من اللى قبلها

ربنا يزيدك من الموهبه دى واللى بتسخريها للدعوه

جزيتى خيرا

واحلى حاجه فى القصه صفاء اولا علشان اكتر واحده حسيت انها متربيه صح فى زمن غلط

وتانى حاجه ان اسمها على اسمى هههههههههههه

شارك هذه المشاركه


رابط المشاركه
شارك

اكملي يا هوبه

 

عجباني مها وتيتا

 

والدكتورة نجلاء انا لو مكان زوجها كنت طلقتها ههههههههه

 

وهيام بجد مش عجباني يا ام هيام هههههههههه

 

وعلاء مفروض يفكر شوي في كلام تيتا

 

وممكن في الاخر مصطفي هيتجوز مها

 

لكن هي بتحب علاء بقا نعمل ايه

 

منتظرة الاخبار الجديده

 

دماغي لففت كأني انا اللي بكتب

 

سلامتووووووووو

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×