اذهبي الى المحتوى
هبة عبد العظيم نور

مراتي في السبعيناااااااااات

المشاركات التي تم ترشيحها

يلا يا غالية كملي

 

مشتااااااااااقة

شارك هذه المشاركه


رابط المشاركه
شارك

لكن كيف ستطلب ذلك وهي تعرف انه مخطوب!!!;

 

 

ألم يشرع الله التعدد ولا نسيتي يا أم يويو هههههههههه

حبيبتي اعرف انه الله اجاز التعدد ولكن علاء لم بتزوج بعد فهوخاطب بس!

 

كيف سيخطب الثانية وهو لم يتزوج مع مخطوبته الاولي بعد

فاهماني؟ :)

 

 

نعم فهمتك يا عسل

 

عادي ممكن الاتنين في يوم واحد هههههههه

 

اصلا من طريقة هيام مش ممكن توافق بشئ مثل ده

شارك هذه المشاركه


رابط المشاركه
شارك

ألا صحيح هي نهى عزمي وكابتن حسييين راحوا فييييييييييين

 

دورهم خلص على كده و لا ايييه؟؟؟

شارك هذه المشاركه


رابط المشاركه
شارك

مدحتتتتتتتتتتتتتتتتتتتتتتتتتت

 

 

افندم يا دكتورة

 

طلقني

 

هههههههههههههههههههه بجد احلى طلب يا قمر طلبتيه . من عيوني .نجلاااااااااااااااااااااء انتي .....طااااا

 

 

لالالالالالالالالالالالالالالالالالالالالالالالالالالالالالالالالالا مدحت اخص عليك يا مدحت انت ما صدقت ولا ايه

 

اومال فاكرة ايه يا ست هانم . هركع على ركبي واعيط واقولك ما تبعديش عني يا مهنياني !!!!!!!!!!!!!!!!!

 

اهئ اهئ اخص عليك يا مدحت كنت فاكراك بتحبني

 

والله انتي بعمايلك اللي هتخلي حبي ليكي يموت

 

اهئ اهئ اعمل ايه بس يا مدحت . انت عارف طبيعة شغلي اهئ اهئ

 

انا ماليش دعوة بالكلام ده . انا راجل عايز ارتاح في بيتي واعيش مستقر . وحضرتك معتبراني شيء ثانوي في حياتك

 

تهتمي بيا بس في اوقات فراغك اللي تتعد ع الصوابع وياريت حتي بتجيدي الاهتمام وياريتك عارفة يعني ايه بيت وزوج

 

اهئ اهئ سامحني يا مدحت اسفة يا حبيبي

 

مافيش سفر

 

خلاص حبيبي امرك ما فيش سفر اهئ اهئ

 

ههههههههههههههههه ستات ما يجوش الا بالعين الحمرا صحيح . يلا ادخلي حضريلي العشا

 

حبيبي اصل انا مضطرة انزل عندي ولادة مستعجلة

 

ههههههههههه عادي يا حياتي انا اخدت على كدة ومابقاش يفرق وجودك من عدمه ههههههههههههه عن اذنك داخل احضر لنفسي العشا وانتي روحي للولادة المستعجلة بتاعتك

 

 

 

 

 

 

 

 

شوف يا علاء يا ابني انا ست مريضة زي ما انت شايف وصفاء بنتي ما لهاش حد في الدنيا من بعدي

 

انا عارفة يا ابني ان ربنا ما بينساش حد . لكن انا ام وخايفة على بنتي . دي مهما كان بنت

 

والدنيا صعبة والناس ما بترحمش وانا نفسي اطمن على بنتي واشوفها في بيت جوزها قبل ما اموت

 

 

بعد الشر عليكي يا طنط امينة . ما تقوليش كدة حضرتك بخير

 

الحمدلله يابني ع اللي يجيبه ربنا .انا والله يا علاء مش عارفة اطلب الطلب ده ازاي

 

بس هضطر اطلبه

 

تحت امرك يا طنط امينة خير

 

انا كنت عايزاك تشوف عريس ابن حلال زيك كدة لصفاء . اعتبرها اختك واختارلها وكأنك بتختار لأختك

 

يعني لازم يكون واحد يتقي الله فيها ويكرمها ما يهينهاش

 

انت عارف يا حبيبي ان صفاء اتربت يتيمة . لما ابوها مات كان عندها عشر سنين

 

يعني اتحرمت من حنانه بدري . وانا يابني منى عيني اشوفها مع راجل يعوضها حنان الاب اللي اتحرمت منه

 

ويكون لها سند في الدنيا بعد ما اموت . ها يا بني قولت ايه

 

والله يا طنط حضرتك فاجئتيني بالطلب ده

 

 

يعني افهم من كدة ما عندكش استعداد تتولى الأمر ده يا علاء يا ابني ؟

 

لالالالا ازاي يا طنط . انا مستعد طبعا . بس من فضلك اديني مهلة

 

مهلة اد ايه يا علاء .

 

يعني اسبوع كدة ان شاء الله عشان احسن الاختيار واشوف اللي يليق بصفاء وبحسن اخلاقها

 

 

الله يكرمك يا ابني . الله يرضى عليك . الله يسعد قلبك وينور طريقك يا علاء يا ابني اللهم آمين

 

آمين يا طنط . تؤمريني بأي حاجة تانية

 

لا يا حبيبي .ربنا يباركلك يابني

 

طب عن اذنك يا طنط

 

اتفضل يا حبيبي

 

 

 

علااااااااااااء

 

افندم يا طنط

 

اوعى تقول للعريس ان ام العروسة هي اللي طالبة عريس لبنتها . احفظ كرامتنا ياابني

 

يا طنط كرامتكو ع العين والراس . انا هقول ان الموضوع عن طريقي وحضرتك مالكيش دخل فيه

 

ايوة كدة يا حبيبي الله يباركلك

 

 

 

 

 

 

 

ياااااااااااااااااااه ورطة ما كانتش ع البال . بس ماكانش ينفع ارفض طلب طنط امينة . الله المستعان

 

 

 

 

 

 

 

 

 

 

ترررررررررررررررررررررررررررن ترررررررررررررررررررررررررررررن

 

 

 

الو

 

باشمهندس حسن موجود

 

اقوله مين

 

باشمهندس علاء

 

حاضر يا ابني لحظة واحدة

 

يا حسن . تليفون يا حبيبي . باشمهندس علاء

 

 

علاء ! هاتي يا امي

 

 

اهلا اهلا اشرقت الانوار يا باشمهندس هههههههه هو انا لحقت اوحشك

 

هههههههه اه يا سيدي وحشتني بشكل وحش هههههه كنت عايزك في موضوع

 

ايوة ايوة انا قولت برضو الاتصال ده مش لوجه الله ابدا هههههههه اتفضل يا باشمهندس

 

بص يا سيدي انا عارف انك لسة ما فكرتش تخطب واكيد اكيد اكيد عايز عروسة . فأنت ليك عروسة كويسة جدا عندي

 

ههههههههههه هو انت سبت الهندسة واشتغلت خطبة هههههههه اكيد شغلانة مربحة هههههههه

 

بقولك ايه يا ظريف يا خفة انت . انا ما بهزرش . بقولك عندي عروسة . ايه رأيك تشوفها

 

لا يا عم انا سايب الموضوع لامي . هي اللي هتختارلي

 

امك ! يا ابني هو انت اللي هتتجوز ولا امك !

 

بص يا سيدي انت طبعا لا يخفى عليك علاقة مرات الابن بالحماة اللي عاملة زي علاقة القط والفار

 

والامر ما يخلاش من ان مراتك تقولك امك عملت وامك تقولك مراتك سوت وكل يوم مشاكل ووجع قلب للراجل

 

فأنا فكرت وقولت مش هختار ورميت الكورة في ملعب امي عشان تختار براحتها

 

عشان لو يوم جت اشتكت من مراتي اقولها دي مجايبك يا حاجة وانا مش مسؤول واسيبهم ياكلوا بعض بعيد عن دماغي

 

ههههههههههههههه والله ناصح وبتفكر . طيب يا سيدي بعد اذنك اشوف غيرك مع السلامة

 

 

الله يسلمك يا باشمهندس علاء

 

 

 

وبعدين بقى !!!!!!!!!!!!! مين ميييييييييييين اتصل بمين . اممممممممممممممم ايواااااااااااااااااااا باشمهندس بسام

 

 

 

ترررررررررررررررررررررن تررررررررررررررررررررررن

 

الو

 

مساء الخير يا فندم ممكن اكلم باشمهندس بسام ؟

 

مساء النور مين معايا

 

باشمهنس علاء

 

اهلا وسهلا ياابني . والله بسام كانت اخته جابتله عروسة والحمدلله حصل قبول وراح يجيب الشبكة

 

هههههههه الف مبروك مقدما

 

الله يبارك فيك يا ابني . لسة كان بيقول عايز اتصل بزملاء الدراسة اعزمهم على حفلة الخطوبة . وانت من اعز زملاء الدراسة عنده والله ودايما يشكر فيك

 

ههههه اشكرك يا فندم جدا . وبلغيه تهنئتي وفي انتظار العزومة على الحفلة

 

ان شاء الله يا ابني . وانت متهيألي سمعت من بسام انك خطبت مش كدة ؟

 

ايوة يا فندم

 

ماشاء الله وهتتجوز امتى ؟

 

قريب ان شاء الله

 

ربنا يتمملك بخير يا ابني

 

الله يخليكِ يا فندم بعد اذنك مع السلامة

 

الله يسلمك يا ابني

 

 

 

 

استغفر الله العظيم . اعمل نشرة في الجورنال ولا ايه ! انا بتصل بالناس اللي بتوسم فيهم الاخلاق

شارك هذه المشاركه


رابط المشاركه
شارك

جميل يا هوبه

 

اكملي يا هانم

شارك هذه المشاركه


رابط المشاركه
شارك

ترررررررررررررررررررررن ترررررررررررررررررررررررن

 

 

الو

 

 

السلام عليكم

 

وعليكم السلام يا فندم

 

الحاج فكري موجود

 

ايوة نقوله مين

 

قوله جدة الاولاد الحاجة ام رفعت

 

حاضر يا فندم لحظة واحدة

 

 

حاج فكري . جدة الاولاد على التليفون

 

 

يااااااااااااه الو اهلا اهلا يا حاجة ايه النور ده

 

هههههه ازيك يا فكري

 

بخير والله الحمدلله . انتي ازيك يا حاجة

 

هو انت بتسأل يا سي فكري . انت بتعدي على الشقة في الطالعة والنازلة ما بيهون عليك تخبط

 

والله يا حاجة غصب عني . الصبح ببقى مستعجل وبالليل ببقى راجع هلكان ويادوب والله اكل اللقمة وادخل انام

 

حتى بقالي كتير مقصر في حق ليلى والولاد وخصوصا موني بقالها كتير ما اتفسحتش

 

ربنا يخليك ليهم يا ابني ويديك الصحة . بس انا كنت عايزاك تعدي علية ضروري النهاردة وانت راجع من الشغل

 

خير يا حاجة

 

 

خير يا ابني ان شاء الله . لما تيجي هتعرف . انا في انتظارك . اوعى تنسى يا فكرى وتطلع على فوق

 

ههههههه لا يا حاجة ان شاء الله هعدي عليكي . بس عايز بقى كوباية الشاي الحلوة بتاعتك

 

من عيني يا ابو علاء

 

تسلم عينك يا حاجة .تؤمريني بأي خدمة

 

لا يا حبيبي اتفضل مع السلامة

 

 

 

 

 

 

 

 

 

 

 

يا ماما يا ماما لو سمحتي انا عايزك تروحي تخطبيلي مدرسة موني

 

يييييييييييييييييي يا دي مدرسة موني اللي تصحى وتنام على سيرتها . جرا ايه يا ولد . هو انا كلامي مالهوش وزن ولا قيمة عندك ولا ايه

 

يا ماما كلامك على عيني وراسي . لكن انا اللي هتجوز

 

اظن يا استاذ يا محترم انت لسة في سنة رابعة تربية يعني ما اتخرجتش عشان تقولي عايز اخطب

 

يا ماما انا عارف يا حبيبتي . لكن انا خايف بعد ما اتخرج الاقيها اتخطبت او اتجوزت وساعتها هحزن بجد من كل قلبي

 

تحزن من كل قلبك ! على ايه يا ولد . هي اخر واحدة في الدنيا ولا ايه

 

يا ماما انا معجب جدا بتدينها . عارفة يعني ايه تلاقي البنات لابسين قصير وضيق وقط وشكل لحمهم الرخيص يثير الاشمئزاز

 

وما عندهومش حياء ولا خجل وبعدين تلاقي واحدة زي الملاك بحجابها وخجلها وعنيها اللي ما بتترفع من الارض وهو بتتكلم

 

عارفة احساسك لما تلاقي جوهرة وفي الاخر يقولولك ارميها وخدي بدالها حتة ازاز !!!!!!!!!!!

 

انا احساسي كدة دلوقتي . انك بتحرميني من جوهرة عفيفة وعايزاني انقي من بين الازاز وايدي تتجرح

 

لا حول ولا قوة الا بالله . يعني خلاص حضرتك حصرت الاخلاق والعفة في الحجاب

 

يعني افهم من كدة ان امك مش عفيفة !!!!!!!!!

 

امي لالالالالالالا يا امي بالله عليكي ما تقوليش كدة . انت العفاف كله يا امي . يتقطع لساني لو قولت حاجة زي كدة

 

انا لو فيا أي سلوك مهذب يبقى انتي اللي علمتوهلي يا امي . ايدك ابوسها

 

اوعى سيب ايدي . وهي كلمة واحدة يا مصطفى . البنت دي مش هتدخل عيلتنا . والموضوع ده يتقفل سامع ولا لأ

 

والظاهر اني هضطر انقل موني من المدرسة دي

 

 

لا يا امي ارجوكِ موني بتحب ابلة ايمان جدا وهتتاثر نفسيا لو بعدتيها عنها

 

يبقى خلاص ابعد انت عنها وده اخر كلامي في الموضوع ده

 

 

اللهم لا حول ولا قوة الا بالله . عن اذنك يا امي

 

 

 

 

 

 

 

في ايه يا ماما . انتي بتذعقي لابيه مثطفى ليه . هو ما بيعملث الواجب والابلة اثتكت منه ؟

 

 

موني روحي يا حبيبتي اعملي الواجب بتاعك وسيبيني انا متضايقة شوية

 

مضايقة ثوية !!!!!!!! ثوية اد ايه يعني ؟

 

يووووووووو

 

 

طيب طيب خلاث انا ماثية قبل ما تذعقيلي ذي ابيه مثطفى . طيب يا ماما انا ناذلة عن تيتة

 

 

انزلي يا موني انزلي وريحيني

 

 

كدة ! طب مخاثماكي وهاخد ثنطتي وهدومي واعيث مع تيتة ومث طالعة عندك تاني ها

 

 

 

 

 

 

 

 

تن تن تننننننننننننننننننن افتحي يا تيتة انا موني

 

 

موني ! يختي كميلة يختي يا حلوة استني يا موني جاية افتح اهو

 

خدي يا تيتة خلي دول عندك

 

ايه دول يا موني

 

دول هدومي مث لقيت ثنطة احطهم فيها عثان الثنط فوق الدولاب ومث عارفة اجيبها . جيبتهم في ايديا

 

 

ههههههه وجايبة هدومك ونازلة عندي ليه يا موني

 

. اتخانقت مع ماما وهعيث معاكي . اثتني يا تيتة ما تقفليث الباب . هطلع اجيب بقيت هدومي واجي اثتني

 

هههههههه استنيت يختي ههههههه عيال اخر زمن ال اتخانقت مع امها ولمت هدومها ونزلالي هههههه جاتك ايه يا موني ضحكتيني

 

 

 

 

 

 

 

تررررررررررررن ترررررررررررررررن

 

الو

 

ايوة يا ليلى مزعلة موني ليه

 

يا ماما ارجوكي انا مش ناقصة الست موني كمان كفاية علية الكبار وارفهم

 

لا حول ولا قوة الا بالله . استهدي بالله يا بنتي . حصل ايه لدا كله يا ليلى

 

تعالي شوفي البيه الاستاذ مصطفى اللي عايز يتجوز واحدة امه مش عايزاها

 

ااااااااااااااااه الابلة بتاعة موني ! ومش عايزاها ليه يا حبيبتي . شوفتي منها ايه وحش عشان تقولي مش عايزاها

 

شوفت منها تخلف ورجعية وحجاب ودي لو اتجوزت ابني هتقلبه عليا وتقوله قاطع امك عشان مش محجبة

 

 

وانتي بقى قاعدة تنجمي وتقري الطالع وعارفة ان البنت هتقوله كدة !!!!!!!!!!!!!

 

يا ماما انتي عارفة الناس دول بيفكروا ازاي . عايزين بعد الست ما حصلت على حريتها ووصلت لكل اللي وصلتله ده يحبسوها تاني في الحجاب والتخلف

 

 

ههههههههههه انا نفسي اعرف الحجاب ده هاري قلوبكو اوي كدة ايه

 

 

على العموم الواد ما غلطتش انه عايز يختار واحدة محجبة ومحافظة على نفسها من عيون الناس

 

 

انا مش موافقة

 

يا ليلى مش كدة . كدة انتي بتخسري ابنك يا بنتي . طاوعيني يا ليلى . اخطبيله البنت

 

وصدقيني يا حبيبتي ان طالما هي محجبة ومتدينة عمرها ما هتقسي قلبه عليكي . بالعكس دي اللي هتوصيه ببرك

 

عشان هي حريصة على دينها اكتر منك

 

اييييييييييييييه ايه اللي بتقوليه ده يا ماما !

 

 

اللي سمعتيه يا ليلى . والله ما انا عارفة عنادكم لربنا هيوصلكم لفين

 

احنا يا ماما بنعاند ربنا !!!!!!!!!!!!

 

ايوة ايوووووووووووة عشان امركو بالحجاب وانتو مصرين تمشوا بكتافكو عريانة من غير خشى

 

يا ماما انا بلبس محتشم

 

عارفة يختي . ولو حطيتي الحجاب على راسك هيجرا ايه في الدنيا

 

يووووووووووووووووو

 

انتي يا بنت بتشخطي فيا وتقولي يوووووووووووووو !!!!!!!!!!!!!

 

اسفة يا ماما اسفة يا حبيبتي

 

طب اقفلي مش طايقة اسمع صوتك . وانا بقى اللي هروح لابلة موني واخطبها لمصطفى وانتي اشربي من البحر المالح

 

انا جدته وادرى بمصلحته

 

كدة با ماما ! انتي هتعصي ابني علية

 

ايوة . زي ما انتي عاصية ربنا . عن اذنك اما اروح اشوف موني

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

هييييييييييييييييييييييييه

 

واحد اتنين تلاتة كرونيت كراونيتا

 

حلوة اللعبة ديا انت فار وانت قطة

 

يا حلولي يا حلولي

 

دا ايه ده اللي بيحثلي

 

كل ما بعرف حاجة جديدة بكبر اكبر واذيد ثنتي وميلي

 

يا حلولي يا حلولي

 

يا مووووووووووووووووووني

 

نعم يا تيتة

 

روحي يا حبيبتي غني جوا عشان دماغي اتقلبت وخيلتيني بالتنطيط يمين وشمال . انتي من ساعة ما نزلتي وبقك ما اتقفلش

 

 

حاضر يا تيتة . هو ما حدث طايقني ليه في الناث دول . يا حلولي يا حلولي دا ايه ده اللي بيحثلي

 

 

 

 

 

 

 

خدي يا موني كوباية اللبن يا حبيبتي عشان تنامي عندك مدرسة الصبح

 

مدرثة ! لأ مث عندي . بكرة الجمعة يا تيتة

 

اه والله يا بنتي . خدي كوباية اللبن

 

ثكرا يا تيتة . بث دي كوباية ثغيرة . ماما بتجيبلي كوباية اكبر من دي

 

بقولك ايه يا بنت ليلى . هما اللي حيلتي كوبايتين اديتك واحدة وهاخد واحدة . ولا كمان ما اخدش؟

 

يا عيني يا تيتة . انتي ما عندكيث لبن كتير ذي عندنا . ابيه علاء وبابا بيجيبو كل يوم . هبقى اجيبلك لبن من عندنا

 

لا يا حبيبتي . انا لبني بيكفيني مش عايزة تاني . اشربي دي بالهنا والشفا ونامي

 

انتي رايحة فين يا تيتة

 

خارجة من الاوضة عشان تنامي

 

اقعدي احكيلي حدوتة

 

لالالالا بقولك ايه . انا الصبح هاخدك اصالحك على امك . انا ماليش خلق لوجع القلب ده

 

اهئ اهئ اهئ انتي وحثة خدي اللبن بتاعك . انا طالعة عند ماما اهئ اهئ

 

ههههههه خلاص حقك علية ما تزعليش . اصل انا نسيت الحواديت من زمان يا موني . بس عشان خاطرك هفتكر حدوتة

 

كان يا ما كان ولا يحلى الكلام الا بذكر النبي عليه الصلاة والسلام

 

 

 

 

 

 

 

 

 

 

 

 

 

تررررررررررررررررررررررررن تررررررررررررررررررررن

 

دا لازم فكري

 

 

ايوة جاية مين

 

انا فكري يا حاجة

 

السلام عليكم

 

وعليكم السلام ورحمة الله اتفضل يا ابو علاء

 

يزيد فضلك يا حاجة . كيف الاحوال

 

بخير ياابني الحمدلله

 

خير يا حاجة

 

هعملك الشاي ونقعد نتكلم على رواقة

 

 

 

اتفضل الشاي يا ابو علاء

 

 

 

شكرا يا حاجة . خير ان شاء الله

 

 

بص بقى يا ابني انا عمري ما اتدخلت بينك وبين ولادك ولا عمري طلبت منك حاجة بخصوص أي حد فيهم

 

ايوة فعلا يا حاجة

 

لكن يا ابني انا ما اتكلمتش دلوقتي الا عشان المصلحة

 

قلقتيني يا حاجة . حد من الولاد عمل حاجة ضايقتك

 

بص يا حبيبي انا عارفة انك متضايق من حاتم ودايما باعده عنك وبتعامله وحش

 

من عمايلة وتصرفاته الغلط

 

انا عارفة يا حبيبي . لكن ده مش حل . انت المفروض تقربه منك مش تبعده وتسيبه للدنيا تجيبه يمين وشمال وهو مش عارف اصلا عايز ايه من الدنيا

 

مش فاهم يا حاجة

 

حاتم صدقني ما فيش حاجة هتصلحه الا الجواز والاستقرار

 

هههههههههههههههههههههههههههههههههههههههههههههههههههههه هو مين ده اللي يتجوز يا حاجة

 

حاتم اللي هيتجوز ان شاء الله . عشان يبطل تنطيط ورا البنات . لو اتجوز هيعقل ويشيل مسؤولية ويبقى صاحب بيت وعيلة

 

وان شاء الله هيبقى زي الفل

 

هههههههه يا حاجة يا حاجة بقى حاتم اللي سارح بالجيتار مع الشلة البايظة يتجوز

 

ايوة حاتم يتجوز

 

يا حاجة دا ولد فاشل مالوش مستقبل من اساسه . وانا ما اقدرش اتدخله في جوازة وبعدين يقصر رقبتي مع اهل مراته

 

لا ما لكش دعوة انت بالموضوع ده . هو اختار عروسته وهي موافقة واهلها مش هيعترضوا

 

ودي مين دي ؟

 

 

. البن دنيا بنت صلاح اخوك

 

دنيا !!!!!!!!!!!! دي اعيل منه . يا حاجة ما ينفعش . احنا كدة نبقى بنهرج

 

يا ابني بنهرج يعني ايه . هو انت هتعمل زي الجماعة اللي بيمنعوا الجواز المبكر ويحللوا الصحوبية بين الشباب والبنات

 

والعياذ بالله . لا طبعا

 

طب يا ابني لما انا بقولك نجوز الواد والبت في حلال ربنا ونبعد الشر . ابقى غلطت في ايه ؟ ولا نستنى ولادنا لما يبوظوا ويجيبولنا البلاوي

 

يعني انتي شايفة كدة يا حاجة ؟

 

ايوة وما فيش غير كدة . هو في احسن من الجواز البدري يا ابني عشان نحافظ على الشباب من الفتن؟

 

والله يا حاجة عندك حق . بس خايف حاتم ما يسترش

 

لا هيستر ان شاء الله وهيبقى راجل زي الفل ويراعي بيته وعياله

 

وده هيشتغل ايه اصلا عشان يصرف . دا ما بيفهمش في حاجة الا الرقص والغنى والعزف

 

حلو اوي . خده عندك في الشركة

 

ههههههههه يعني اخده يهبب في الشركة . هيرقص للموظفين ويتنطط بالجيتار ؟ هههههههه

 

لا يا ابني خده ارميه في أي شغلانة ادارية وعمله كارك . ومسيره يشرب الشغل ويساعد اخوه علاء بعد عمر طويل ليك في ادارة الشركة

 

 

والله فكرة كويسة يا حاجة . خلاص عشان عيونك هخطبله دنيا

 

لالالالالالالالالالا انا ما قولتش تخطبله دنيا

 

الله !!!!!!!!! اومال قولتي ايه يا حاجة

 

قولت تعقدله عليها على طول

 

مرة واحدة كدة !!!!!!!!

 

اومال مرتين . تعقدله عليها ونجوزهم كمان تلات شهور عشان ماحدش يقول اتجوزوا فجأة ليه

 

 

اوامرك يا حاجة . بس أي مشكلة تحصل من حاتم انا مش مسؤول

 

ما تقلقش يا ابو علاء

 

 

 

 

 

 

 

 

 

 

ولد يا حااااااااااااااااااتم انت يا ولد

 

 

باباااااااااا !!!!!!!!!!!!!! افندم يا بابا

 

حضر نفسك عشان هنطلع بكرة لعمك صلاح نطلب ايد دنيا

 

معقوووووووووووووووووووووول ههههههههههههههههههههههههههههههه يا حبيبي يا بابا هات بوسة

 

اوعى يا ولد . ال بوسة ال

شارك هذه المشاركه


رابط المشاركه
شارك

ايه يا فكري اللي بتقوله ده . حاتم مين العيل اللي هتجوزه لدنيا ده !

 

امك قالت كدة وانا اقتنعت بكلامها

 

طب اقنعني

 

 

طب عشيني الاول يا ام علاء وبعدين نقعد انا وانتي في البلاكونة كدة مع كوبايتين عصير مع ضوء القمر والكلام يحلو هههههههه

 

ههههههههه والله انت رايق يا فكري . مزاجي معكنن طول النهار

 

معكنن وانا معاكي يا لولى ؟؟؟؟؟؟؟؟؟؟

 

هههههههههه انت حبيبي يا فكري . وجودك هو اللي بيهون عليا كل حاجة صعبة في حياتي

 

والله احنا اللي بنصعب الامور . يلا يا ستي عشيني عشان واقع من الجوع . لكن فين الولاد وفين موني

 

 

مصطفى بيه زعلان ونزل وموني هانم زعلانة ولمت هدومها ونزلت عند تيتة عشان شخطت فيها . الهانم بقالها شخصية وبتعرف تزعل وتاخد موقف كمان ههههههههههههه

 

ههههههههه يعني باختصار طفشتي العيال يا ليلى

 

هههههههه مش كلهم يا حبيبي . علاء في مشوار عند واحد صاحبه وحاتم ربنا هاديه بقاله كام يوم وما بينزلش بالليل

 

ربنا يهدينا ويهديهم يا حبيبتي . يلا العشا بقىىىىىىىىىىىىىىىىىى ههههههههههه

 

هههههههه يا راجل انت ما انا كل ما اروح ناحية المطبخ تسأل سؤال وترجعني ههههههههه

 

 

 

 

 

 

 

 

 

 

 

 

اهئ اهئ اهئ اقف هنا يا اسطى اهئ اهئ

 

اتفضلي يا انسة

 

مدام من فضلك اهئ اهئ اتفضل الاجرة اهئ اهئ

 

معاكي حد يشيل الشنط

 

ايوة اهئ اهئ يا عم نافع عم ناااااااااااااااااااقع

 

ايه ده . الست سهاااااااااااااااام مالك يا بنتي بتعيطي ليه

 

مافيش حاجة خد الشنط طلعهم عند ماما وانا داخلة عند تيتة اهئ اهئ

 

 

 

 

ترررررررررررن تررررررررررررررن اهئ اهئ اهئئئئئئئئئ اتفتحي يا تيتة انا سهام اهئ اهئ اهئ

 

 

سهاااااااااااااااااااام . يا حبيبتي يا بنتي !!!!!!!!!!!! ازيك يا سهام . مالك يا بنتي بتعيطي ليه كدة

 

تيتة اهئ اهئ اهئ

 

يا حبيبتي يابنتي ,طب بس بس ادخلي يا حبيبتي . انتي جاية لوحدك ولا ايه ؟ وفين جوزك ؟

 

 

اهئ اهئ اهئ ما تجبليش سيرته يا تيتة اهئ اهئ الندل الجباااااااااااااااااااااان اللي ما عندوش نخوة

 

ندل وجبان وما عندوش نخوة !!!!!!!!!!!!!!!!! في ايه يا سهام

 

يا تيتة من ساعة ما اتجوزنا وهو طبعا كان واخد اجازة لمدة شهر الاجازة قضيناها تقريبا على البحر

 

يا لهوي ! شهر بحاله قاعدين ع البحر !!!!!!! اتاريكو غرقتوا

 

البيه كل يوم يجيبلي مايوهات اشكال والوان وفرحان جدا اني انزل البحر بالمايوه وده كان امر عادي بالنسبة لي

 

بس اللي مش عادي يا تيتة العزومات بتاعة اهله واصحابه في البيت عندنا اهئ اهئ

 

تحسي عاداتهم غريبة اوي يا تيتة . عادات عمري ما شوفتها في حياتي

 

زي ايه يختي

 

عندهم عادي مثلا انه يبوس بنت خالته ويسلم عليها بحرارة ويتكلم معاها في تفاصيل حياتها الزوجية الخاصة

 

يا نهار مطين يا لهوووووي معقووووووووول

 

ايوة معقول . والبيه كمان يديها نصايح تعمل ايه وما تعملش ايه اهئ اهئ

 

عمله اسود ومنيل على دماغه . بس هو مش غلطان . بنت خالته هي اللي غلطانة انه تسمحله بكدة

 

لالالالالالالا يا دادة اصل جوزها موافق وبيضحك ويقولها اسمعي كلام ابن خالتك

 

يا دي المصيبة الكحلي . ازاي يا بنتي

 

يا تيتة زي ما بقولك كدة . تحسيهم ناس باردين وجبلات وما بيخافوش على اعراض

 

كل ده وانا ساكتة واقول خليني في دراستي . هو بيسافر وبيرجع كل فترة وكل ما يرجع يرجع ببلاوي وعزومات مؤرفة

 

وانا كل ده مستحملة المهازل اللي بتحصل في بيتي وكل المنكرات اللي بيعملوها

 

لحد ما امبارح جه ابن عمه يزوره وده راجع من دولة اروبية

 

ابن عمه جاي يسلم علية وعايز يبوسني روحت لطشته بالالم

 

والله جدعة بلا قلة ادب وسفالة . ايه الكلام الفاضي والدياثة اللي جوزك فيها دي

 

طبعا ابن عمه زعل

 

ما يتفلق . فلقة تفلقه نصين

 

البيه ما خلصوش وراح لاطشني المين على وشي وقالي انتي متخلفة وفضحتيني اهئ اهئ اهئئئئئئئئئ

 

وابن عمه قاله انت جايب الحيوانة دي منين اهئ اهئ

 

حيوانة في عينه . هي اللي تحافظ على نفسها تبقى حيوانة . والله هما اللي خنازير وكانت جوازة سودة

 

اهئ اهئ عارفة يا تيتة انك هتلوميني عشان انا اللي غلطت في الاول واختارت راجل ما عندوش نخوة زي ده

 

والله يا بنتي من ساعة ما دخل عليكو بالمايوهات وانا قولت ده مش راجل . بس انا بقى ست دقة قديمة وماحدش بياخد بكلامي

 

اهئ اهئ انتي احسن واحدة في العيلة دي يا تيتة اهئ اهئ انتي بتخافي علينا اكتر من ماما اهئ اهئ اهئ بس للأسف احنا كان جمالنا وانبهارنا بالدنيا دايما عامي عنينا اهئ اهئ

 

ما منوش فايدة الكلام يا بنتي . انتي ناوية على ايه

 

اهئ اهئ انا عايزة اتطلق من السافل ده اهئ اهئ انا ازاي اتجوزته اهئ اهئ بس المشكلة اني حامل يا تيتة اهئ اهئ

 

يا دي الخيبة التقيلة !!!!!!!!!! وبعدين بقى في الواقعة دي . يعني اخرتها تطلقي وتقعدي بعيل يا سهام ! بس ما فيش حل غير الطلاق

 

انا خايفة ماما وبابا يرفضوا ويصمموا يرجعوني

 

مين دووووووووول !!!!!!!!! والله ساعتها ما حد يقفلهم الا انا . ال ترجعيله ال

 

اهئ اهئ اهئ شوفتي حظي يا تيتة اهئ اهئ

 

يا بنتي انتي في حالة وحشة وانا مش عايزة الومك . اللي حصل حصل هنعمل ايه . لا حول ولا قوة الا بالله

. يا نااااااااااااااس ماله الدين والناس المتدينين بس . نفرح بالمناصب والعربيات وفي الاخر البنات تطلق ونقول يا ريت اللي جرا ما كان

 

 

اهئ اهئ انا طالعة عند ماما يا تيتة اهئ اهئ

 

اطلعي فرحيها يا حبيبتي . خليها تشرب الست احلام

 

 

 

 

 

 

 

 

 

 

 

اهئ اهئ اهئ يا حبيبتي يابنتي وكمان حامل يا سهام ! اهئ اهئ هنعمل ايه يا صلاح

 

لا نعمل ولا نسوي يا احلام . خلاص تطلق منه

 

اهئ اهئ واللي في بطنها يا صلاح اهئ اهئ

 

هنعمل ايه يعني يا احلام . نصيبها كدة

 

اهئ اهئ طيب طالما هي في الشهور الاولى ما ننزله ونخلص

 

حرام حرام يا احلام . الاجهاض حرام

 

ومش حرام اللي البنت فيه ده اهئ اهئ

 

احنا المسؤولين . احنا اللي بنرمي بناتنا لكلاب السكك

 

اهئ اهئ اهئ يا حبيبتي يا بنتي اهئ اهئ اهئ

 

 

 

 

 

 

 

 

صدقيني يا هيام انتي عمرك ما هتلاقي زي علاء

 

يا سلام ليه يعني يا سهام . دا راجل همجي وما عندوش ذوق ولا بيعرف يعامل ستات رقيقة

 

يا هيام فوقي يا هيام . انتي تتحسدي على علاء اللي غار على عرضك وجه يحميكي بكل قوته . صحيح ضربك بس صدقيني ده لانه راجل دمه حامي ما يحبش يشوف حد يقرب من مراته . لكن انتي عارفة لو كريم مكانه

 

كان بكل برود قالك عرفيني على زمايلك الولاد وهو بيضحك . صدقيني احلى حاجة في الراجل النخوة والغيرة على العرض

 

ربنا يكفيكي شر الراجل الديوث اهئ اهئ اهئ

 

 

 

 

 

 

 

 

 

 

 

 

 

ترررررررررررررررررررررررن ترررررررررررررررررررررررررررررررن

 

 

الو

 

ايوة يا خالتو ليلى انا هيام

 

اووووووووف نعم

 

يا خالتو عايزة اكلم علاء

 

علاء مش هنا

 

اهئ اهئ يا خالتو والله حرام عليكي . دا خطيبي ومن حقي اكلمه

 

قولتلك مش هنا ما بتفهميش ؟

 

اهئ اهئ طب هيجي امتى

 

والله انا مش معاه برا عشان اعرف خطواته عن اذنك

 

اهئ اهئ قفلت السكة في وشي اهئ اهئ كدة يا خالتو! طب والله لطلعه على عنيكي بعد ما اتجوز علاء صبرك علية اهئ اهئ

 

 

 

 

 

 

 

 

 

 

بصي يا يسرا

 

نعم يا هيام

 

خليكي واقفة في البلكونة لما تلاقي علاء جه قوليلي

 

حاااااااااااااااااضر

 

 

 

 

 

يا هيااااااااااااااااااام علاء جه . بيركن العربية

 

 

كدة ! طيب انا نازلة

 

 

 

 

 

علاااااااااااااااااااااااااااااااااء

 

اهلا عن اذنك

 

يا علاء حرام عليك بقى اهئ اهئ كفاية خصام اهئ اهئ

 

لما تبقى تتأدبي وتعرفي تحافظي على اسم الراجل اللي وثق فيكي واختارك زوجة نبقى نتكلم

 

اهئ اهئ اتأدبت يا سيدي اتربيت خلاااااااااااااااااااااااااااااااااص حرمت توبة توبة مش هزعلك تاني . دانت زعلك وحش اوي اهئ اهئ

 

اطلعي على فوق دلوقتي

 

طب صاحتني خلاص؟

 

اطلعي يا هيام

 

طب قولي بجد صالحتني

 

خلاص حصل خير

 

طب اضحك

 

اضحك على اييييييييييييييييييييييييييييييييييييييييييييه

 

 

يا مااااااااااااااااااااااااااااااااااااااااااااااامي انا طالعة

شارك هذه المشاركه


رابط المشاركه
شارك

يا عسل يا تيته بحبها اوووووي بس هي اسمها ايه صح غير ام رفعت

 

اسمها الحقيقي يعني

شارك هذه المشاركه


رابط المشاركه
شارك

علاء راجل بجد

 

بس ربنا يهديه للاخر

شارك هذه المشاركه


رابط المشاركه
شارك

يلا يا حاتم عمك مستنينا . رغم انهم في حالة ما تسمحش بالكلام بسبب رجوع سهام بس يلا

 

 

انا جاهز يا بابا ههههههههههههههههه

 

ومالك فرحان اوي كدة

 

هههههههههه فرحان عشان هتجوز

 

هههههههههههه والله يا خوفي منك . ربنا يسترها بقى

 

 

 

 

 

 

 

 

 

 

 

 

 

هيييييييييييييييييييييييييييه هييييييييييييييييييييييييييييييه هييييييييييييييييييييييييييييييييه هههههههههههههههههههههههه

 

 

حاتم هيخطبني حاتم هيخطبني هههههههههههههههههههه هييييييييييييييييييييه هييييييييييييييييييييييييييييه

 

 

 

ايه ده يا ماما هههههههههه انتي هتجوزي دنيا العبيطة دي ازاي ههههههههه دي عمالة تتنطط ع السرير زي العيال وتقول هيييييييييييييييه

 

ههههههههههه يختي خليها تتنطط وتفرح يا هيام

 

يا ماما طب ودراستها

 

هي مش عايزة تكمل . عايزة تتجوز

 

دي مجنونة انا اروح اتكلم معاها

 

 

ههههههههههههه هييييييييييييييه هييييييييييييييييييييييييييييه انا بقيت عروسة يا اختي . هتجوز قبليكي يا هيومة ههههههههههههههه

 

 

انتي يا بت يا عبيطة انتي هتسيبي المدرسة

 

ايوة هسيبها هسيييييييييييييييييييييييبها

 

مش هتكملي تعليمك

 

مش عايزة اكمله

 

كل ده عشان سي حاتم

 

وفيها ايه يعني . طالما هو شريني وجه يتقدملي ارفض ليه

 

طب ماشي خليها خطوبة وخدي الثانوية العامة واتجوزي وكملي جامعة

 

وليه وجع القلب ده كله . طيب ما اتجوز من دلوقتي وخلي الجامعة لاصحابها هههههههههههههه

 

والله انتي مجنونة فعلا

 

 

 

 

 

 

 

 

 

منور يا حاج فكري يا خويا

 

 

بوجودك يا سيدي . واضح ان بناتك هيستولوا على ولادي واحد ور واحد يا صلاح ههههههه

 

هههههه احنا يزيدنا شرف يا فكري يا خويا . اهلا وسهلا يا استاذ حاتم

 

اهلا يا عمي

 

هههههههه ما شاء الله ما له قاعد مكسوف كدة ههههه اول مرة في حياتي اشوف حاتم مكسوف

 

هههههههههه عامل فيها عريس ياسيدي .اومال فين العروسة وام العروسة

 

 

ترررررررررررررررررررن ترررررررررررررررررن

 

انتو منظرين حد ولا ايه ؟

 

لا ابدا شوفي مين يا يسرا

 

 

ميييييييييييين

 

افتحي يا بنت انا تيتة

 

تيتة حبيبتي اموووووووووووووووووه

 

ازيك يا يسرا فين الجمع السعيد

 

هههههههه في الصالون

 

السلام عليكم

 

وعليكم السلام يا حاجة شرفتي . كنا لسة بنطلب دخول العروسة

 

وتدخل تهبب ايه العروسة

 

الله ! مش لازم عريسها يشوفها

 

هما ناقصين شوفان . مافيش حد هيشوف حد خلاص . ودي اصلا مش هيشوف خيالها غير بعد تلات شهور

 

تلات شهوووووووووووووووووووووور . حرام عليكي يا تيتة

 

حرمت عليك عيشتك . موافق ولا اهد الليلة على دماغك ونلغي الجوازة ؟؟؟؟؟؟؟؟؟؟؟؟؟؟؟؟؟؟؟؟

 

لالالالالالالالالالالا موافق تلات شهور تلات شهور زي بعضه . طب ادوني صورتها عشان اعلقها في اوضتي

 

علقك عشماوي على حبل مشنقة ويكون متين قوم ياواد انزل عند امك

 

طب اشرب الشربات

 

مافيش شربات . بعد تلات شهور

 

 

 

ايه ده هو عريسي راح فييييييييييييين

 

ادخلي يا بنت على جوا

 

اهئ اهئ يا تيتة كنت عايزة اسلم عليه

 

هيبقى حلالك يختي بعد تلات شهور ابقي اشبعي سلامات

 

اهئ اهئ دا ايه الظلم ده . عن اذنكو انا داخلة اوضتي اهئ اهئ

 

 

 

 

قولي يا فكري هتسكنهم فين العيال دي

 

في عمارة المنيل ان شاء الله

 

بالسلامة المركب اللي تودي . مبروك يا صلاح

 

الله يبارك فيكي يا حماتي

 

اظن تعقل بقى وكفاياك صرمحة لوش الصبح . قربت تبقى جد

 

ههههههههه جرا ايه يا حماتي . انتي هتسيبي العيال وتتدوري علية هههههههههه

 

والله الحاجة عندها حق يا صلاح . انت كبرت يا راجل

 

يا فكري يا خويا انا ما بغلطش والله . دي بتبقى سهرات بريئة مع مجموعة من اصحابي القدام

 

انا عارف والله ياخويا انك ما بتغلطش وبتبقى قعدات بريئة وكل حاجة بس برضو اهل بيتك اولى بوقتك

 

ولو عايز تسهر يبقى مش كل يوم

 

عندك حق ياخويا . ان شاء الله

 

 

 

 

 

 

 

 

 

 

رايحة فين يا ليلى

 

 

هههههههه نازلة اصالح موني وحشتني بنتي حبيبتي . البيت وحش من غيرها

 

 

تررررررررررررررررررررررررن ترررررررررررررررررررن

 

 

مييييييييييييين

 

 

افتحي يا ماما انا ليلى

 

 

امك جات يا موني

 

قوليلها مخثماكي ومث هطلع عندك تاني خلاث

 

 

 

مووووووووووووووووووووووني

 

كدة برضو يا بنت بتجري مني . طب يا موني انا هقعد جنب الحيطة واعيط عشان بنتي مش بتحبني ومش عايزة تعيش معايا

 

اهئ اهئ اهئ يا مسكينة ياني يا اللي بنتي حبيبتي مخصماني اهئ اهئ

 

 

 

 

اهئ اهئ مث تعيطي يا مامتي انا بحبك ومث مخاثماكي اهئ اهئ هاتي بوثة

 

طب هتطلعي معايا ؟؟؟؟؟؟؟؟؟

 

ايوة اثتني اجيب هدومي

 

ماما نعم يا روح ماما

 

غنيلي اغنية بثبوثة بثبوثة

 

هههههههههه بس كدة حاااااااااااضر

 

بسبوووووووووووووووووسة

 

بسبووووووووووووووسة

 

 

بسبوووووووووووووووسة

 

بسبووووووووووووووسة

 

بنتي يا نوسة يا نوسة شايلة البسبوسة

 

والله احلويتي وكبرتي وبقيتي عرووووسة ههههههههههه

 

 

 

هههههههههههه يلا نطلع بيتنا بقى . انا طالعة وانتي هاتي الهدوم بقى وتعالي يا ماما باي باي يا تيتة

 

باي باي يا روح تيتة

 

 

هههههههه تصبحي على خير يا ماما

 

وانتي من اهل الخير . انا رايحة بكرة مدرسة موني اشوف عروسة مصطفى

 

ييييييييييييي يا ماما . انتي لسة مصرة ؟؟؟؟؟؟؟؟؟؟؟؟؟؟؟؟؟

 

ايوة وان شاء الله هجوزهاله واغيظك

 

 

 

 

 

 

 

 

 

تررررررررررررررررررررررررن ترررررررررررررررررررررررررررررررن

 

 

الو

 

ازيك يا حاتم

 

مين ! سوزي . ايه يا بنتي فينك مش باينة

 

بابا كان في مصر ولسة مسافر النهاردة .قولي اخبارك ايه

 

انا خطبت الحمدلله عقبالك

 

هههههههه ايه الاخبار المفاجأة دي

 

هههههههه وعلى فكرة كنت عايز اقولك اخويا مصطفى كمان هيخطب وياريت يا سوزي تشيليه من دماغك عشان اصلا انتي مش في دماغه خالص وانا بقولك الكلام ده لمصلحتك

 

ايييييييييييييييييييييييييييه ايه اللي انت بتقوله ده اهئ اهئ انت بتتكلم جد يا حاتم ؟؟؟؟؟؟؟؟؟؟ اهئ اهئ

 

يا بنتي وهضحك عليكي ليه بس . والله مصطفى معجب ببنت وكلم ماما وهيخطبها قريب

 

لالالالالالالالالالالالالالالا اهئ اهئ اهئ مش ممكن ليييييييييييييييييييييه ليه . هو رافضني ليه ليه يا حاتم اهئ اهئ

 

 

انا عملت ايه وحش في الدنيا دي عشان ماحدش عايزني بالشكل ده اهئ اهئ

 

 

اهدي يا سوزي . ان شاء الله ربنا يعوضك مع السلامة وخلي بالك من نفسك

 

اهئ اهئ اهئئئئئئئئئئئئئئئئئئئئئئئئئئئئئئئئئئ لالالالالالالالالالالالالالالالالالالالالالالالالالالالالا

 

لالالالالالالالالالالالالالالالالالالالالالا مش ممكن انا ليه بيجرالي كدة لييييييييييييييييييييييييييييه

 

دنيا مايستاهلش الواحد يعيش فيها اهئ اهئ اهئ انا بكره الدنيا وبكره الناس وبكره نفسي اهئ اهئ

 

ياريتني ما جيت الدنيا دي اهئ اهئ اهئئئئئئئئئئئئئئئئئئئئئئئئئئئئئئئئئئئئئئئئ مش هيعش فيها مش هعيش فيهاااااااااااااااااااااا

 

مش عايزاااااااااااااااااااااااااااااااااااااااااااااااااااااها اااااااااااااااااااااااااااااااااااااااه كل الناس وحشة وحششششششششششششششششششششششة اهئ اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئ

 

 

 

 

 

 

 

 

 

 

 

 

صباح الخير يا ست سوزي

 

ايه ده باين عليها لسة نايمة

 

ست سوزي

 

سوزي يا حبيبتي

 

يا سوززززززززززززززززي

 

يا مصيبتي !!!!!!!!!!!!!! هي مالها مخشبة كدة ليه يا دي المصيبة ايه شريط البرشام الفاضي ده!!!!!!!!!!!!!!!!!

 

ياربي . ست سوزي اهئ اهئ اعمل ايه ياربي اعمل ايه

 

 

 

ترررررررررررررررررررررن ترررررررررررررررررررررررررررن

 

 

الو

 

اهئ اهئ ست راجية الحقي الست سوزي

 

سوووووووووووووووووزي بنتي مالهاااااااااااااااااااااااااااااااا في ايييييييييييييه

 

باين عليها انتحرت اهئ اهئ مش عارفة هي عايشة ولا ميتة اهئ اهئ

 

 

انتي بتقولي ايه سووووووووووووووووووووووووزي بنتي اطلبي الاسعااااااااااااااااااااااااااااااااااااف

 

انا جاية حالاااااااااااااااااااااااااا اهئ اهئ بنتي بنتي اهئ اهئ اهئئئئئئئئئئئئ يارب يارب تكون عايشة يارب

 

يا حبيبتي يابنتي اهئ اهئ

 

 

 

ايه يا راجية مالك يا حبيبتي

 

بنتي بنتي يا ثروت سوزي انتحرت

 

انتحرت !!!!!!!!!!!!!!!!

 

انا نازلة الحقها اهئ اهئ اهئئئئئئئئئئئئئئئئئئئئئ بنتيييييييييييييييييييييييييييييييييييييييييييييييييي

 

 

استني يا حبيبتي جاي معاكي ما تسوقيش العربية وانتي في الحالة دي يا راجية

 

 

 

 

 

 

 

 

 

 

 

ايه يا عم الباشمهندسين . فينك يا عم علاء

 

والله مشغول خالص يا دكتور مدحت

 

خير ان شاء الله

 

بقولك ما تعرفليش عريس ابن حلال ومحترم كدة لواحدة جارتي

 

 

واحدة جارتك ! ودي عندها كام سنة وشكلها ايه ومؤهلها ايه وبتشتغل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شارك هذه المشاركه


رابط المشاركه
شارك

منورين يا بنات والله يا عسلات انتو

 

 

 

النصرة لديننا

 

 

الخير كله في اتباع منهج نبينا عليه الصلاة والسلام

 

 

 

هكذا شعاري في اعمالي بفضل الله

 

 

لا شيئ يعلو فوق الإسلام

 

 

اعلو اسلامنا اعلو

 

 

فنحن لك ناصرين

 

 

مفاجآت غدا لن يتوقعها احد ههههههههههههه

 

 

اشوفكو بكرة ان شاء الله حبياتي

 

لي عودة للتكملة والترحيب

 

البيت بيتكم هههههههههههه

  • معجبة 1

شارك هذه المشاركه


رابط المشاركه
شارك

يآآآآآآآآآآآه جمييييله أوي

ومؤثرة جدااااا

تسلم إيدك يا خالتو هبهووووبة

 

إلا تيته الحلوة بتاعتهم دي >> مصلحة اجتماعية بس انما إيييه ^ــــــــ^

 

بجد مسلسل رآآآآئع وهآآدف ووآقعي جدااااااا

تسلميلنا ياااارب

شارك هذه المشاركه


رابط المشاركه
شارك

ما شاء الله عليكي حلقات جميله وممتعه جدا جدا

عجبتني اوي الحلقات دي

بارك الله فيكِ

في انتظار المزيد من حلقاتك الرائعة إن شاء الله

شارك هذه المشاركه


رابط المشاركه
شارك

فقط لدي تنويه

يتزوج ويعقل!

هذه العبارة التي نسمعها والتي عادة تذهب ضحيتها الفتاة لأنه لااا يعقل!

ربما في القصة فقط لكن في الواقع لا

  • معجبة 3

شارك هذه المشاركه


رابط المشاركه
شارك

بسم الله ما شاء الله

جميلة جميلة اللهم بارك

التيتة دي شخصية جميلة قوي تعلمنا دروس ودُرر : ))

كما توقعت من أن تطلب أم صفاء من علاء أن يبحث لها عن زوج لصفاء : ))

موني دي زي العسل دي الفاكهة بتاعة المسلسل

ليلى مش عارفة مُتعصبة علشان مصطفى عايز يخطب مُدرسة موني!! الموضوع لا يستعدي كل هذا التشنج والتعصب!!

والدكتور مدحت ده شكله هيتزوج صفاء خلى نجلاء تفرح بقى بتاعة التحضر والتمدن والحريات

شارك هذه المشاركه


رابط المشاركه
شارك

يااااااااااااه :D الواحد نفسه تيته زى تيته أم رفعت (مصلحه اجتماعيه بمنظور دينى )لوكان فى كل بيت مسلم واحده زيها ماكانش ده بأه حال المسلمين ربنا يرحمنا!!!

اللهم ارحم جدتى رحمه واسعه وجميع موتى المسلمين :unsure:

@ هبة نور@

O_o أحبك فى الله

تم تعديل بواسطة أمة الرحمن الرحمن

شارك هذه المشاركه


رابط المشاركه
شارك

:))

موني موتتني من الضحك عثل عثل

الواحد كان نفسه في تيته وينزل عندها كدا ههههههههههههههه

 

ام صفاء ما غلطتش لما طلبت من علاء كدا

واتوقع انه يكون مدحت :)

 

البنت الي كانت متجوزه في الاسكندريه

توقعت دا يحصل

من واحد بيتجوز امرا جميله للاخرين وليس له هو بل للناس ليشاهدوها

تصرفات الغرب والاختلاط الله يحفظنا منها ودا موجود الان برضو في اغلب الاماكن

 

سوزى صعبت عليه

بس يا تري مصطفي هيتجوز ايمان ولا سوزى

نفسي يتجوز سوزي ويكون سبب في هدايتها

وكمان يتجوز ايمان علشان امه تعرف ان المحجبات مش مؤذيات ولا اشرار

وانما الشر هيجلها من اقرب الناس ليها

هوياااااااااااااااااااااااااااااااااام

 

 

 

التيته

خايفه من حاتم ههههههههههههههههه

علشان كدا قررت انه ميشوفش دينا غير يوم الجواز ودا احسن شيء

 

دينا عجبتني انها على رغم صغر سنها

بس مش هاممها الدراسه

وعجبها انها تتجوز وتقعد في البيت

 

 

موضوع ان الاباء يرفضو يجوز اولادهم وهما صغيرين

دا مش حلو ومفيش حاجه اسمها لسه عيال

العيال بتتعلم عن الكبار

 

جميل جدااا يا هبه

شارك هذه المشاركه


رابط المشاركه
شارك

 

 

 

@@حواء أم هالة

يا حبيبتي فكرة المجتمع ككل للمطلقة او الارملة بتكون وحشة ولما بتتزوج تاني برضة بتكون وحشة

 

احيانا بيكون ما في دخل للزوجة وما بتعرف تعمل اية غير انها تتزوج واحيانا بتكون في احتياج لزوج وفي الحالتين تلاقي الناس بتبصلها كانها جريمة انا بتكلم فكدة ربنا يباركلك في مامتك وباباكي

 

@@ملاذ الفرح

 

اتفق معكِ نتمنى حاتم يغير فكرنا ويكون كويس

 

 

@~ماريا~

مرمر احلى حاجة فيك انك دايما مدخلة الشخصيات في بعضها:))

 

 

 

هوبة تسلمي حبيبتي في انتظار المفاجأت

شارك هذه المشاركه


رابط المشاركه
شارك

@@*أم رقية*

ههههههههههههههههههههههههههههههههههههه

فين يا بنت الشخصيات الي دخلتها في بعض

انا بس بنسى الاسماء

هههههههههههههههههههههههههههههههههههه

شارك هذه المشاركه


رابط المشاركه
شارك

هههههههه اه انا كنت هاعلق على كده لانها مرتين قالت على حاتم مدحت هههههههه

شارك هذه المشاركه


رابط المشاركه
شارك

هههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههه

تصدقو فعلا

تب مش تقولو يا بنات بدل منا مدخله الناس في بعض

بعدين يزعلو

ههههههههههههههههههههههههههههههههه

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×