مراتي في السبعيناااااااااات

[~ماريا~ 1340]

@@هدوء الفجر

هههههههههههههههههههههههههههههه

بتضحكي يا هدوء ماشي

يا جماعه راعو كبر السن والزهيمر

هههههههههههههههههههههههههه

[' أم آية' 667]

انا مش شايف ان ماريا قلبت الاسامي؟

يكمن ماريا عدلت اللي كنبت؟ :)

[' أم آية' 667]

فقط لدي تنويه

يتزوج ويعقل!

هذه العبارة التي نسمعها والتي عادة تذهب ضحيتها الفتاة لأنه لااا يعقل!

ربما في القصة فقط لكن في الواقع لا

اتفق معك ملاذ الفرح الحبيبة

وهذا واقع شفت للاسف :(

خاصة في الغربة

[~ماريا~ 1340]

ام آية

ههههههههعع

عدلت طبعا اللخبطه تبعي :))

[حواء أم هالة 1895]

@~ماريا~

 

:)) مفيش منك اثنين يا ختي

رجعت الضحكة الطويلة لعادتها القديمة خخخخخ

[وأشرقت السماء 1565]

روعة يا هوبة

عسولة جدا التيتة بتفكرني بجدتي الله يرحمها : ))

 

شكل كدة مدحت هيتجوز صفاء : )))

 

جزاكِ الله خيرا حبيبتي ولا حرمكِ الأجر

[' أم آية' 667]

أنا كمان بفتكر مدحت راح بتزوج صفاء بس بظن ان ما راح يطلق الطبيبة :blink:

[هبة عبد العظيم نور 2042]

اهئ اهئ اهئ بسرعة بسسسسسسسسسسرعة بسرعة يا ثروت اهئ اهئ سوق بسرعة عايزة الحق بنتي اهئ اهئ يا حبيبتي يا سوزانا اهئ اهئ اهئ

 

يا حبيبتي حاضر والله انا سايق على اقصى سرعة وربنا يستر . اهدي انتي بس يا راجية يا حبيبتي ان شاء الله البنت كويسة

 

اهئ اهئ اهدى ازاي بس اهدى ازاااااااااااااااااي بنتي بنتييييييييييييييي بنتي يا ثروت اهئ اهئ سوزي سوزي اهئ اهئ اهئ

 

خلاص اهو خلاص قربنا نوصل ان شاء الله اطمني

 

لو بنتي جرالها حاجة مش هسامح نفسي اهئ اهئ مش هسامح نفسي ابدا يا ثروت اهئ اهئ يا حبيبتي يا بنتي اهئ اهئ

 

 

اهدي يا راجية اهدي يا حبيبتي .ربنا يطمنا عليها ان شاء الله

 

 

 

ايوة هنا هنا هنا يا ثروت اهئ اهئ استنى دادة فاطمة واقفة على باب الفيلا

 

 

 

فاطمممممممممممممممة بنتي فيني بنتي عايشة ؟؟؟؟؟؟؟؟؟؟؟؟؟؟

 

اهئ اهئ الحمدلله يا راجية هانم عايشة الحمدلله ونقلوها المستشفى

 

ياااااااااااااااااااااااااااا الحمدلله الحمدلله الف حمد والف شكر ليك يارب الحمدلله ااااااااااااااااااااااه

 

 

رااااااااااااااااااااااااااااجية

 

مالك يا ست راجية مالك يا ست هانم

 

هاتي ازازة كلونيا ولا أي حاجة افوقها لو سمحتي

 

 

 

 

 

بنتي بنتي يا دكتور طمني ابوس ايدك

 

طمنا يا دكتور لو سمحت

 

الحمدلله انقذناها بفضل الله وعملنالها غسيل معدة . طبعا حضراتكو والدها ووالدتها ؟

 

انا والدتها يا دكتور . لو سمحت عايزة اشوفها

 

مش دلوقتي يا هانم من فضلك

 

اهئ اهئ اومال امتى بس . ابوس ايدك مش هزعجها اهئ اهئ . خليني اشوفها من بعيد عشان قلبي يطمن

 

طب حضرتك هفتحلك باب الغرفة بس مش هتدخلي . شوفيها من بعيد

 

حاضر حاضر بس اشوفها اشوف بنتي اهئ اهئ اهئ

 

 

اتفضلي يا هانم

 

سوووووووووزي بنتي انا السبب يا حبيبتي اهئ اهئ انا السبب يا سوزي اهئ اهئ يا حبيبتي يا بنتي

 

 

اظن كفاية كدة يا هانم .اتفضلي لو سمحتي عشان هقفل الباب

 

اهئ اهئ اشكرك يا دكتور اهئ اهئ اهئئئئئئئئئئ

 

حبيبتي خلاص الحمدلله اطمنا على البنت اهدي بقى كفاية اللي انتي عاملاه في نفسك ده

 

اهئ اهئ اهئ سوزي اتعذبت بسببي كتير اوي يا ثروت اهئ اهئ

 

يا حبيبتي انتي ليه محملة نفسك فوق طاقتك بالشكل ده . ومين قالك انك سبب محاولة انتحارها

 

اهئ اهئ اكيد انا السبب . لو كانت بنتي لقت صدر حنين في الدنيا ايه اللي كان يخليها تفكر تنتحر يا ثروت اهئ اهئ

 

حبيبتي احنا عرضنا عليها كتير تعيش معانا وهي اللي كانت رافضة

 

اهئ اهئ مش هي اللي رافضة . ابوها الله يسامحه هو اللي مش عايزها تعيش معايا اهئ اهئ وياريته هو كمان عايش معاها

 

لكن البيه راميها في فيلا طويلة عريضة لوحدها ومسافر على طول . مين كان يتحمل الوحدة والضياع اللي كانت فيه بنتي ده ؟اهئ اهئ اهئ

 

حبيبتي هي كمان كانت رافضة تعيش معانا . كان ممكن باباها يقتنع لو هي عندها رغبة . لكن هي للأسف كارهة حتى سيرة انها تعيش معانا

 

 

اهئ اهئ هي بتحس انك بتكرهها يا ثروت اهئ اهئ

 

اناااااااااااااااااااااااااا!!!!!!!!!!!!! وانا هكرهها ليه بس . هي اللي واخدة مني موقف عدائي من صغرها

 

انا مش ناسي اول مرة شافتني لما بصتلي بكل كره وقالتلي انا بكرهك عشان انت اخدت مني مامتي

 

اهئ اهئ مش وقته الكلام ده خلاص . اهم حاجة اشوف بنتي كويسة قدامي وترجع لطبيعتها اهئ اهئ

 

 

يا فندم لو سمحتو ممكن تمشوا دلوقتي وتيجو بكرة الصبح

 

هي البنت فاقت ولا لأ ؟؟؟؟؟؟؟؟

 

فاقت الحمدلله لكن ما عندهاش رغبة تتكلم خالص . عاملة زي التمثال الاخرس وعنيها متحجرة . حقيقي البنت دي حزينة اوي

 

ياترى ايه وصلها للحالة دي ؟

 

اهئ اهئ اهئ يا حبيبتي يا سوزي

 

 

طب يلا يا راجية نمشي ونيجي بكرة الصبح وان شاء الله تكون احسن ونقدر نتكلم معاها

 

حاضر يا ثروت اهئ اهئ حاضر لا حول ولا قوة الا بالله اهئ اهئ

 

 

 

 

 

 

 

 

 

 

 

 

تررررررررررررررررررررن تررررررررررررررررررررررررن

 

 

الو

 

ايوة يا فاطمة انا مراد بيه اديني سوزي

 

 

اهئ اهئ مراد بيه الست سوزي في المستشفى اهئ اهئ

 

اييييييييييييييييييييييييييييييييييييييييييه سووووووووووووووووووووووووووووووزي في ايييييييييييييييييييييه

 

البنت مالهااااااااااااااا مالها يا فاطممممممممممممممممممممممممممممة ؟؟؟؟؟؟؟؟؟؟؟؟؟؟

 

اهدى بس يا بيه اهئ اهئ الست سوزي حاولت تموت نفسها اهئ اهئ بس الحمدلله لحقناها وطلبنا الاسعاف ووالدتها وجوز والدتها راحوا معاها ما تقلقش

 

بنتيييييييييييييييييييييييييي سوووووووووووووووووووووووزي سوزي حاولت تموت نفسهااااااااااااا لييييييييييييييييييييه

 

مين زعلها . انا سايبها كويسة

 

اهئ اهئ يا بيه هي بتبقى كويسة وحضرتك موجود لكن لما بتسيبها وتمشي تحس انها زي التايهة في الدنيا

 

عمالة تتصرف من غير عقل ولا وعي وكذا مرة كانت هتضيع نفسها وربنا اللي بيسلم بقى

 

لا حول ولا قوة الا بالله مع السلامة انتي يا فاطمة دلوقتي

 

 

 

زااااااااااااااااااااااااااااااااااااااااااااااهر انت يا زاهر يا زاااااااااااااااااااااااااااهر

 

 

تحت امرك مراد بيه

 

 

احجزلي على اول طيارة نازلة مصر حالااااااااااااااااااااااااااااااااااا

 

 

يا فندم ازاي . حضرتك لسة واصل امبارح وعندنا مواعيد عمل وعقود عايزة تتمضي وشغل متلتل ومصالح متعطلة

 

 

في ستين دااااااااااااااااااااااهية كل حاجة في ستين داااااااااااااااااااهية احجزلي على اول طيارة بنتي بتموت بنتي بتموووووووووووووووووووت

 

بنت سيادتك ! الانسة سوزانا !!!!!!! مالها يافندم بعد الشر

 

يا اخي غور من وشي احجزلي على اول طيارة عايز انزل مصر بأقصى سرررررررررررررررررررررررعة

 

ولو ملقتش طيارة في خلال ساعة احجزلي طيارة خاصة عايز الحق بنتييييييييييييييييييييييي

 

 

حاضر يا فندم اهدى اهدى حالا هتصرف

 

 

 

 

 

 

 

 

 

 

ههههههههه وانت بتسأل الاسئلة دي ليه يا دكتور مدحت . المفروض العريس هو اللي يسألها ههههههههه

 

قولي بقى يا علاء معلومات عنها يا اخي انا مش بهزر

 

هي اسمها صفاء

 

ههههههه الله ايه الاسم الجميل ده صفاااااااااااااااااء يا سلام اسم يبعث على الهدوء والسلام النفسي صفاااااااااااااااااااء

 

 

هههههههههههههههههههه جرا ايه يا دكتور مدحت . انت هتقول شعر في اسمها ولا ايه

 

كمل كمل يا علاء عندها كام سنة بقى

 

عندها 20 سنة

 

هههههه يا قطة هههههههه عشرين سنة . دي على كدة لسة بتدرس يا علاء ؟؟؟؟؟؟؟؟؟؟؟؟؟؟

 

لالالالالالالالالالا اخدت الثانوية العامة وقعدت في البيت

 

هههههههههههه الله اكبر . فلتسقط الجامعة هههههههههه واكيد اكيد بقى ست بيت شاطرة

 

ههههههههه جرا ايه يا دكتور مدحت . انا ابتديت اقلق منك . انت ايه حكايتك ؟؟؟؟؟؟؟؟؟؟

 

طب قولي بقى شكلها ايه ؟؟؟؟ حلوة .اكيد حلوة مش كدة ؟؟؟؟؟؟؟؟؟؟؟؟؟

 

ههههههههههههههههه وانت متأكد اوي كدة ليه ؟؟؟؟؟؟؟؟؟

 

اييييييييييييييييييه هي وحشة ولا ايه ؟؟؟؟؟؟؟؟؟

 

لالالالالالا هي جميلة بس جمالها جمال هادي خاااااااااااااالص وتحس ملامحها مليانة طيبة كدة

 

الله الله الله عليك يا علاء . اديني العنوان عشان مستعجل الله يخليك

 

هههههههههههه يا دكتور مدحت مش وقت هزار خالص . انا بتكلم جد . دي انسانة تهمني وعايزلها عريس كويس

 

 

جرا ايه يا علاء . هو انا مش مالي عينك ولا ايه

 

انت بتتكلم جد يا دكتور مدحت ؟؟؟؟؟؟؟؟؟

 

اومال شايفني بهزر ! ايوة يا سيدي بتكلم جد وعايز اشوف صفاء ولو عجبتني وعجبتها وحصل قبول يبقى نتجوز على بركة الله

 

يا دكتور مدحت انت راجل متجوز

 

وايه يمنع يا سيدي . متجوز ومش مرتاح وعايز اتجوز تاني

 

طب والدكتورة؟

 

مالها ؟ هتفضل على ذمتي معززة مكرمة لانها ما عندهاش رغبة في الطلاق اصلا

 

بس كدة بصراحة اممممممممم انا مش عارف ممكن والدتها ترفض

 

اه صحيح انا الكلام عن العروسة اخدتني ونسيت اسألك عن اهلها . والدها بيشتغل ايه وعندها اخوات اد ايه

 

لا والله والدها متوفي وماعندهاش اخوات وعايشة مع مامتها لوحدهم

 

وهما ناس ثقة طبعا يا علاء ؟

 

 

طبعا طبعا . طنط امينة والدة صفاء جارتنا من سنين طويلة ومن اعز اصدقاء والدتي وبصراحة ناس محترمين جدا وفي حالهم

 

طيب من فضلك يا علاء كلم والدتها وقولها اني عايز اتشرف بزيارتهم

 

 

 

والله يا دكتور انا هكلمها بس ما اوعدكش انها توافق انها تجوز بنتها لراجل متجوز

 

 

يا سيدي وانت ايه دخلك . انت تعرض الامر وتقول في اخوك كلمتين حلوين واني عريس لقطة ومش هيلاقوا زيي وهما هيوافقوا على طول ههههههههه

 

ههههههههههه الله المستعان يا دكتور مدحت . اللي فيه الخير يقدمه ربنا . بكرة ان شاء الله هعرض على طنط امينة

 

 

اعرض ولح وغلس وغتت يا علاء لحد ما يوافقوا ههههههههههههههههه

 

ههههههههههه

 

 

 

 

 

 

 

 

تررررررررررررررررررررررن تررررررررررررررررررررن

 

 

الو

 

ايوة يا ليلى مصطفى عندك

 

حاضر يا ماما لحظة واحدة

 

 

كلم يا استاذ

 

مين يا ماما

 

تيتة

 

طيب يا ماما شكرا . اهلا يا تيتة

 

ههههههه اهلا بالاستاذ الزعلان الغضبان

 

هعمل ايه بس يا تيتة ما حدش واقف جنبي في موضوع مهم زي ده

 

اخص عليك واد وحش وعايز الضرب صحيح . اومال تيتة حبيبتك راحت فين يا واد انت ؟

 

هههههههه بجد يا تيتة هتقفي جنبي ؟؟؟؟؟؟؟؟؟؟؟؟؟؟؟

 

انا لابسة ورايحة دلوقتي مدرسة موني . اشوف الابلة الحلوة ام حجاب دي اللي شقلبت كيانك هههههههه

 

ههههههه ربنا يخليكي يا تيتة . انتي هتقوليلها اني عايز اخطبها

 

ان شاء الله طبعا . بس الاول اخد وادي معاها في الكلام . الحجاب يا حبيبي مش معناه الالتزام

 

صحيح الحجاب فرض على كل مسلمة لكن في ناس ما بيعملوش بيه . احنا بقى عايزين حجاب من برا والتزام من جوا

 

والله يا تيتة الكام مرة اللي شوفتها فيهم حسيتها انسانة رائعة وخلوقة وهادية وصوتها واطي ووشها في الارض من الحياء

 

هههههههههه هات المأذون وتعالى ورايا يا واد هههههههه طب اصبر بقى اما اروح اجيبلك الخبر اليقين عن اذنك

 

مع السلامة يا احلى تيتة هههههههههه

[هبة عبد العظيم نور 2042]

السلام عليكم

 

وعليكم السلام ورحمة الله وبركاته

 

ممكن اقابل ابلة ايمان

 

في اوضة المدرسين يا فندم

 

طيب هي فين الاوضة دي

 

اخر الطرقة على ايدك اليمين

 

ربنا يجعلنا من اهل اليمين آمين

 

 

السلام عليكم

 

وعليكم السلام ورحمة الله وبركاته

 

 

ازيك يا ابلة ايمان

 

هههه هو حضرتك تعرفيني

 

هههههههه قالولي عليكي محجبة ومافيش واحدة محجبة في المدرسة غيرك يا بنتي

 

ههههه ربنا يهدي الجميع يا فندم . حضرتك بتسألي علية ليه يا ترى

 

والله يا حبيبتي انا ابقى جدة ايمان فكري

 

ايمان !!!!!!! دي حبيبتي . بنت لطيفة بشكل غير عادي . بحبها جدا بصراحة

 

الله يخليكي يا حبيبتي وهي كمان بتحبك اوي وعلى طول في سيرتك

 

هههه جزاها الله خيرا . يا ترى في حاجة بخصوص ايمان ؟

 

لا والله انا جايالك بخصوص اخو ايمان

 

اخو ايمان !!!!!!!!!!!!!!!!!!!!!!!!

 

هههههههههه بصراحة يا حبيبتي مصطفى اخو ايمان كلمنا كتير عن ادبك واخلاقك والتزامك اللي انا اشهد بيهم من خلال مقابلتي ليكي

 

اممممممم احم احم شكرا يا فندم أأأأأأ خير

 

والله يا حبيبتي مصطفى عايز يتقدملك عشان يخطبك قولتي ايه

 

اااااه والله يا فندم انا اسفة جدا . انا اتخطبت الاسبوع اللي فات لقريب واحدة من اولياء الامور . انا بعتذر

 

ياااااااااا يعني لو كنا بدرنا شوية كنا لحقناكي لمصطفى ؟ الله يسامحك يا ليلى عطلتينا من غير داعي وضيعتيها من ايد الولد

 

كل شيء قسمة ونصيب يا فندم . ربنا يرزقه بأفضل مني ان شاء الله

 

وانتي يا حبيبتي ربنا يوفقك ويتمملك على خير . وبجد انا سعيدة بيكي اوي وسعيدة بحجابك يابنتي

 

جزاكِ الله خيرا يا فندم والله . حضرتك تشربي ايه

 

لالالالالالا يا بنتي انا ماشية . اسيبك تكملي تصحيح الكراسات . السلام عليكم

 

وعليكم السلام يا فندم شرفتينا

 

 

 

 

 

 

 

 

 

تررررررررررررررن ترررررررررررررررررن ليلى افتحي يا وش السعد انا امك

 

 

ماماااااااااااااااا خير يا ماما عملتي ايه

 

 

تيتتتتتتتتتتتتتتتتتتتتتتتتتتتتتتتتتتتتتتتتة عملتي ايه يا تيتة . انا ماروحتش الكلية لحد دلوقتي مستنيكي

 

 

معلش يا مصطفى . احنا اتأخرنا عليها اوي . البنت اتخطبت للأسف

 

اتخطببببببببببببببببببببببببببببببببببببببببببببببببببت !!!!!!!!!!!!!!!!!!!!!!!!!!!!!!!!!!!!!!!!!! امتى وليييييييييه واززززززززززززززززززاي لا حول ولا قوة الا بالله

 

هههههههههههههههههههههههههههههههههههههههههههههههههههههههههههههههههههههههههههههههههههههههههههههههه

 

 

لولوليييييييييييييييييييييييييييييييييييييييييييييييييييييييي

 

 

لولولللللللللللللللللللللللللللللللللللللللللللللللللللللللللللللي احسن احسن احسسسسسسسسسسسسسسسسسسسن هههههههههههههههههههههههه بركة دعايا ان الموضوع ما يتمش ههههههههههههههههههههههههههههه احسن احسن لولوليييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي

 

 

 

اخص عليكي وعلى عمايلك بتزغرتي وتغيظي ابنك . انتي اتهبلتي يا ليلى . اخص عليكي

 

 

احسن يا ماما احسسسسسسسسسسسسسن ال محجبة ال ههههههههههههههههههههههه يا شيخة بركة انها بعدت عن ابني حبيبي

 

 

لولولولليييييييييييييييييييييييييييييييييييييييييييييييييي هههههههههههههههههههههههههههههه

 

 

 

عن اذنكو انا رايح الكلية متشكر جدا يا ماما انك ضيعتي مني الانسانة اللي اخترتها تكون شريكة حياتي

 

 

هههههههههههههههههه يا شيخ اتلهي . الولد هيمثلي فيلم الخطايا وهيمشي في الشوارع يغني لضي القناديل ههههههههههه

 

اقعدي يا ماما اعملك شربات بالمناسبة السعيدة دي

 

سعيدة دي تبقى خالتك . طب قسما عظما لفقعك دعوة تطلع من عنيكي . صبرك بالله يا ليلى يا خلفة الندامة .كسرتي بخاطر الواد الغلبان

 

 

الست اتجننت . ابنها زعلان وهي عمالة تتنطط وتغيظه زي العبيطة . طيب يا ليلى طيب

 

 

 

 

 

 

 

 

بتقري ايه يا شاهيناز يا حبيبتي

 

بقرأ كتاب عن الحجاب يا ماما

 

 

حجاااااااااااااااااااااااب . حجاب ايه يا بنتي . جبتيه منين الكتاب ده

 

واحد شيخ اسمه الشيخ خالد ادهولي . قالي اقريه وبعدين نتناقش

 

شيخ ايه وكتاب ايه وحجاب ايه . في ايه يا بنت ؟

 

مافيش يا ماما . هو صحيح يا ماما الستات زمان كانوا كلهم بالحجاب ؟

 

هههههههه قصدك كانوا بالنقاب هههههههه وبعدين هدى هانم شعراوي وقاسم بيه امين حرروا المرأة

 

 

حرروها من ايه بالظبط يا ماما

 

حرروها من القيود يا حبيبتي . كانت الست مالهاش مكان غير بيتها وتربية ولادها

 

 

طب وهو ده وحش يا ماما ؟ يعني ايه يزعلهم لما الست تراعي بيتها وولادها وتطلع جيل قوي

 

والله يا حبيبتي انا شايفة ان الست دلوقتي افضل لانها خرجت للعمل ونافست الرجل واتفوقت عليه كمان

 

طب ماشي انا معاكي يا ماما . ايه دخل الحجاب بقى . يعني هما عايزين الست تنافس الراجل وتتفوق عليه اوكيه اهلا وسهلا

 

لكن مالهم ومال الحجاب اللي ساتر شعرها . مش حاجة غريبة دي !!!!!!!!!!!!!!!!

 

يا بنتي انا شايفة ان مظهر المرأة دلوقتي اكثر تحضر ومواكبة لروح العصر

 

هو احنا ما نواكبش العصر الا بصدور عارية يا ماما !!!!!!!!!!!!!!!

 

ما احنا ممكن ننجح وننجز واحنا بكامل هدومنا واحترامنا ووقارنا

 

 

ايه ده يا شاهيناز !!!!!!!!! هو الكتاب ده عمل ايه في دماغك ؟

 

بصراحة يا ماما غيرلي دماغي كلها . ورغم براعة الكاتب وقوة حججه ومنطقيتها إلا إنه ما بيعرفش يوصلها للناس بأسلوب كويس بسبب تجهمه ومعاملته لغير المحجبة على انها كائن متدني الفكر ولا يرقى للتعامل مع جنابه

 

ههههههه بس تعرفي يا ماما معجبة جداااااااااا بطريقة شرحه في الكتاب . لكن هو شخصيا اعوووووووووووذ بالله هههههههههههه

 

 

 

شاهينااااااااااااااااااااز انسي الحجاب واللي قرتيه عن الحجاب

 

 

نتكلم بعدين يا ماما . انا هلبس ونازلة عندي درس موسيقى لولاد مدام رباب بعد اذنك

 

 

 

ايوة كدة يا حبيبتي خليكي في الموسيقى وعالمها الحالم الروماااااااااااااااانسي ما تتأخريش يا شاهي

 

 

 

 

 

 

امييييييييييييييييييييييييييييييي

 

ياما الواد ده بيخضني لما بيناديني . نعم يا شيخ خالد

 

 

انا رايح عند رباب اختي

 

هههههه الله يرضى عليك ايوة كدة الله يهديك . انا مبسوطة ان رجليك خدت على بيت اختك الكام اسبوع اللي فاتوا

 

 

ههههههه ما تفرحيش اوي كدة . انا بقنع واحدة جاهلة وفاسقة بالحجاب

 

ابقى قابلني ان شاء الله لو اقتنعت بسبب لسانك اللي بينقط شهد ده

 

 

 

 

 

 

 

 

 

السلام عليكم

 

اهلا يا اخويا يا حبيبي البيت نور

 

هي جت

 

هي مين

 

بتاعة الموسيقى

 

بتيجي دايما في معادها

 

 

قرت الكتاب ؟

 

ايوة قريته

 

طب عايز اشوفها

 

 

اتفضل

 

 

السلام عليكم

 

اهلا وعليكم السلام

 

 

ايه ردك على اللي قريتيه

 

 

كلام جميل ومنطقي

 

 

اومال ما بتلبسيش الحجاب لييييييييييييييييييييييييييييييييييييييييييييييييييه

 

 

عشان اسلوبك ده . من فضلك تكلمني كويس

 

امثالك ما ينفعش معاهم غير الطريقة دي

 

امثالي ! تقصد ايه . اني كافرة مثلا

 

 

كافرة طبعا وعاصية

 

يا سيدي الله يسامحك وانت مش المفروض انك تهديني عشان ادخل في الإسلام

 

انتي مسلمة بالفعل

 

الله !!!!!!!!!!! مش بتقول اني كافرة

 

 

اقصد تتشبهي بالكافرات

 

يبقى ياريت تخليك دقيق في الفاظك لو سمحت وما تتهمنيش بالكفر

 

 

انتي عاجبك اللي انتي عاملاه في نفسك ده . تعرفي انك زانية ؟

 

زانييييييييييييييييييييييييييييييييييييييييييييييييييييية اهئ اهئ اهئ انا زانية اهئ اهئ اهئئئئئئئئئئئئ

 

انت ازاي تتجرأ وتتهمني في شرفي ؟ اهئ اهئ الله يسامحك اهئ اهئ اهئ

 

 

ايه يا خالد اللي بتقولهولها ده !!!!!!!!!!!!!!! ما يصحش كدة .يعني ايه زانية . الزنا ده لازم عليه اربع شهود

 

انت عندك شهود بإنها زانية

 

جرا اييييييييييييييييييييييييييه انتي هتعلميني اقول ايه ولا ايه يا رباب . ايوة زانية

 

أي ست تخرج متعطرة من بيتها والرجال يشموا العطر بتاعها تبقى زانية

 

 

اهئ اهئ اهئئئئئئئئئ انت بتعيدها تاني

 

 

انتي بتعيطي على ايه . دا بدل ما تتوبي وتطهري من المعصية !

 

 

مش هتطهر ولا هتوب ولا هتحجب وان شاء الله ربنا هيجيبلي حقي منك عشان اتهمتني بالزنا وانا بريئة منه اهئ اهئ عن اذنكو اهئ اهئ اهئ

 

 

كدة برضو يا خالد !!!!!!!!! ليه بس كدة يا حبيبي . انت اتهمتها تهمة وحشة اوي تجرح أي عفيفة

 

 

اووووووووووووووووووووف استغفر الله العظيم عن اذنك يارباب

 

 

 

 

ايه اللي انا قولتهولها ده ؟ ازاي اقول كدة . ازاي اتهمها بالزنا بالشكل القاسي ده لالالالالالا ما كانش المفروض اعمل كدة ابدااااااااا لا حول ولا قوة الا بالله . دي كان عندها استعداد تقتنع لو طولت بالي عليها شوية وكنت حليم معاها استغفر الله العظيم

 

 

 

 

 

السلام عليكم

 

 

هو انت ! وعليكم السلام . ايه التنازل اللي يخلي شيخ فاضل يتواضع ويكلم واحدة زانية

 

 

انا جاي اعتذرلك مع اني ما بدخلش دور موسيييييييييييييييييييقى بس بجد جاي اعتذرلك

 

انا اسف جدا . انا ما اقصدتش المعنى اللي وصلك صدقيني . انا كنت حابب اوصلك انك على معصية وانك لازم تتركيها بس التعبير خاني . ارجوكي سامحيني وحلليني

 

اهئ اهئ اهئ انت اتهمتني تهمة والله بريئة منها والله اهئ اهئ

 

وانا متأكد . وعارف ان جواكِ رغبة انك تتغيري وعايزة حد ياخد بإيدك . ما قولتليش قبلتي اعتذاري ؟

 

 

ربنا يسامحك ويسامحني

 

 

انسة شاهيناز

 

افندم

 

تتجوزيني ؟؟؟؟؟؟؟؟؟؟؟؟؟

 

أأأأأأأأأأأ أناااااااا ؟؟؟؟؟؟؟؟؟

 

ههههه ايوة

 

ايوة بس !!!!!!!

 

مش هستنى منك جواب دلوقتي

 

انا بكرة هكون عند اختي . لو وافقتي تعالي بالحجاب لو رافضة تعالي من غيره . عن اذنك

 

 

يااااااااااااااااا اول مرة اشوفه بالرقة دي . مش ممكن يكون ده الشيخ خالد ابدا . ملامحه متغيرة جداااااا التجهم راح

 

ونبرة الصوت الحادة مش موجودة ياااااااااااااااااااااا مش مصدقة نفسي بجد , بس اتجوزه ؟ لالالالالالالالالا

 

حجاااااااااااااااااااااااب لالالالالالالالالالالالالالالالالالا . يووووووووووووووو مش عارفة

 

 

 

 

 

 

 

 

 

 

 

يا عم مصطفى ما تروق بقى . جبتلي اكتئاب

 

ماحدش حاسس بيا يا علاء . انتو مش عارفين احساسي شكله ايه .

 

ههههههه يا عم في ايه . الدنيا مليانة ستات

 

 

مش زي دي يا علاء مش زي دي ابدا

 

يا سيدي ربنا يرزقك بأحسن منها ان شاء الله

 

تفتكر يا علاء ؟

 

ان شاء الله يا مصطفى . ركز بس في مذاكرتك عشان امتحانات الترم على الأبواب

 

ان شاء الله . اديني بذاكر يا سيدي عشان اتخرج وفي الآخر ماما تقررلي مصيري اتجوز مين وما اتجوزش مين

 

 

طب انا رايح عند طنط امينة عايزها في موضوع

 

 

 

 

 

 

قولتلي ايه يا طنط امينة

 

لالالا معقول يا علاء ياابني . اجوز صفاء لراجل متجوز . لا يا حبيبي ما ينفعش , انا عايزة لبنتي عريس ما تشاركهاش فيه واحدة . ايه يدخل بنتي في منازعات ومشاكل وخناقات على راجل

 

 

يعني ده ردك النهائي يا طنط

 

 

ايوة يا حبيبي . وياريت لو تشوف حد تاني

 

 

خلاص يا طنط ان شاء الله

 

 

 

تررررررررررررن ترررررررررررررررررن

 

 

الو

 

 

ايوة يا دكتور مدحت

 

ها يا علاء عملت ايه ؟؟؟؟؟؟؟؟

 

والله والدة العروسة رافضة

 

رافضة ! رافضة ليه ؟ عشان متجوز ؟

 

بالظبط

 

طب بقولك ايه . لو سمحت قولها اني عايز اقابلها

 

 

يا دكتور ما تحطش نفسك في موقف محرج

 

وانا مصر اني اقابلها من فضلك . حددلي معاد

 

حاضر هقول ايه غير حاضر

 

 

 

 

 

ها يا طنط قولتي اييييييييييييييه

 

يا حبيبي ما ينفعش ما ينفعشششششششششششش

 

خلاص يا طنط انا هجيبه لحضرتك هنا واقوليله ما ينفعش عشان يقتنع انك رافضة ههههههههه

 

لا حول ولا قوة الا بالله . والله يا ابني انت بتحرجني . ازاي اجيب الراجل لحد بيتنا عشان اقوله مش موافقين

 

 

والله يا طنط دي رغبته . ها اقوله يجي امتى ؟

 

 

لا اله الا الله . اقول ايه بس . خلاص يا حبيبي خليه يجي بكرة بعد العشا

 

 

 

 

تررررررررررررررن تررررررررررررررررررررن

 

الووووووووو

 

ايوة يا دكتور مدحت . فواتير التليفون هتقطم وسطنا الشهر ده بسببك ههههههههههه

 

يا عم ادفعهالك انا المهم قولي عملت ايه ؟؟؟؟؟؟؟؟؟؟؟

 

مستنينك بكرة بعد العشا ههههههههههه

 

ههههههههه ايوة كدة ينصر دينك ههههههههه قبل المغرب هكون عندهم

 

هههههه ما تنساش تجيب المأذون

 

 

اتريئ يا عم براحتك . وبالعند فيك ان شاء الله هيوافقوا

 

يا سيدي هو انا اكره برضو . ربنا يقدم ما فيه الخير ان شاء الله

[' أم آية' 667]

:D

[هدوء الفجر 222]

:blink: :blink: :blink: :blink:

[هبة عبد العظيم نور 2042]

يا انسة سوزي والدتك عايزة تشوفك

 

 

مش عايزة اشوف حد

 

يا فندم دي منتظرة من الصبح بدري

 

 

قولت مش عايزة اشوف حد مش عايزة اشوووووووووووووووووووووف حد سيبوني بقى سيبوووووووووووووووووووووني اهئ اهئ اهئئئئئئئئئئئئئئئئئئئئئئئئئئئئئئئ

 

 

خلاص خلاص اهدي اهدي . يا مدام كريمة هاتي حقنة مهدئة بسرعة

 

 

حاضر يا دكتور حالا

 

 

 

 

ها يا دكتور ممكن ادخل اشوفها

 

انا اسف والله يا هانم . انا بعتذرلك . معلش سيبيها تاخد وقتها لحد ما تهدا خالص

 

اهئ اهئ اهئ امرك يا دكتور امرك اهئ اهئ اهئ

 

 

 

 

يا ام نادية ادخلي اوضة انسة سوزي نضفيها لو سمحتي

 

 

حاضر يا دكتور

 

 

السلام عليكم

 

حبيبتي بقول السلام عليكم

 

هاااا حضرتك بتكلميني

 

ايوة يا حبيبتي دخلت اوضتك وقولت السلام عليكم

 

وعليكم السلام ورحمة الله وبركاته

 

انا بعد اذنك هنضف الاوضة . تحبي تقعدي في الجنينة على ما اخلص تنضيف

 

لالالا انا كدة كويسة . مش عايزة اخرج

 

على راحتك يا بنتي

 

حبيبتي ممكن اسألك سؤال نفسي اسألهولك من ساعة ما شوفتك ومحتارة في اجابته ؟

 

سؤال ! اتفضلي

 

انتي ايه خلاكي تعملي في نفسك كدة . ليه يا بنتي عايزة تموتي نفسك . ليه كارهة حياتك بالشكل ده

 

اهئ اهئ عشان ماحدش عايزني . اهئ اهئ ما حدش بيفكر فيا اهئ اهئ كل واحد مشغول بحياته ومش شايفني اهئ اهئ

 

امي اتخلت عني واتجوزت بعد طلاقها من ابويا اهئ اهئ وابويا رماني لجدتي وسافر اهئ اهئ وبعدها رموني للدادة

 

حتى يوم ما قلبي اختار انسان وحبه وقولت خلاص ده الراجل اللي هعيش معاه حياتي لقيته هو كمان اتخلى عني واختار غيري اهئ اهئ ماحدش عايزني اهئ اهئ يبقى اعيش ليه اهئ اهئ ياريتهم ما انقذوني اهئ اهئ انا عايزة اموت اهئ اهئ اهئئئئئئئ

 

 

 

يا حبيبتي ! طب بس وحدي الله

 

لا اله الا الله اهئ اهئ اهئ

 

طب انا هحيلك حكايتي وتشوفيها اذا كانت اصعب من حكايتك ولا لأ

 

حكاية ايه اهئ اهئ ؟

 

بصي يا حبيبتي انا جوزي مات وكان سني صغير كان عندي تقريبا 22 سنة وسابلي تلات بنات اصغر بنت كان عمرها سنتين والكبيرة ست سنين وما كانش عندي أي مورد رزق ولا ليا اهل يصرفوا على ولادي ولا جوزي كمان كان عنده معاش ولا أي حاجة لانه كان راجل بسيط وكان شغال يوم بيوم

كنت كل ما ابص لولادي ابكي واقول هربيهم ازاي وهصرف عليهم منين وكنت اسهر طول الليل دموعي على خدي

 

وخايفة من بكرة وخايفة على ولادي لكن سبحان الله قومت في مرة اتوضيت وصليت وفضلت في سجودي ابكي وادعي ربنا انه ييسرلي احوالي واقدر الاقي مورد رزق اصرف على ولادي واربيهم واعلمهم وأأدي الأمانة اللي في رقبتي ناحيتهم

 

ولقيت تاني يوم الباب بيخبط وواحدة جارتي قالتلي انهم عايزين عمال نضافة في مستشفى جنبنا

 

فرحت اوي

 

معقول . فرحتي انك هتشتغلي عاملة نظافة ؟

 

هههههه ايوة والله فرحت فرحت اوي عشان هلاقي مصدر رزق اعيش منه انا وولادي بالحلال . الغلبانة اللي زي حالاتي يا بنتي ابسط حاجة ترضيها وتفرحها

 

يااااااااااااااااا سبحان الله كملي وبعدين

 

 

تعبت اوي في حياتي لكن ما بطلتش اقول الحمدلله الحمدلله لانه اذا كان حرمني من حاجة اداني بدالها حاجات كتير

 

حاجات كتير ! انا مستغربة ! ادالك ايه يعني

 

 

اداني الصحة اللي قدرت بيها اخرج واشتغل عشان أأكل ولادي واداني نعمة البصر اللي اشوف بيها طريقي في الروحة والجاية ونعمة السمع اللي قدرت بيها اسمع ولادي وطلباتهم عشان اقدر اجيبها واحاول ما احرمهومش من حاجة وقدرني وربيتهم وجوزتهم ودي نعمة كبيرة اوي

واداني نعمة الصلاة والقدرة على السجود بين ايديه في اوقات السحر واداني شرف العبودية اللي تخليني اقول في عز ضيقي ياااااااااااااااااااااااارب ويرد علية سبحانه ويقول لبيك عبدي

 

اهئ اهئ اهئئئئئئئئئئ يا الله . انتي ست جميلة اوي . اجمل حاجة فيكي انك حاسة بنعم ربنا عليكي

 

رغم فقرك وحاجتك وشغلتك البسيطة لكن بتسجدي بين ايديه وتحمديه وتشكريه على نعمه اهئ اهئ اهئ

 

في الوقت اللي ربنا مديني كل حاجة المال والجاه والعز والجمال وكل حاجة تحت امري ومع ذلك عمري ما شكرته ولا حمدته على نعمه اهئ اهئ اهئ انا انسانة وحشة وحششششششة وجاحدة اهئ اهئ

 

 

ما تقوليش كدة يا حبيبتي .طالما دموعك دي نزلت يبقى حسيتي بنعم ربك انا متأكدة . الدنيا يا حبيبتي ما تسويش عند ربنا أي حاجة .ولو كانت تساوي ما كانش سبحانه سقى الكافر شربة ماء فيها . الدنيا دار شقاء وابتلاء

 

بس العبد المؤمن هو اللي دايما يقول الحمدلله ويفتكر افضال ربنا عليه . انسي اللي ناقصك من الدنيا وفكري بس في ربك

 

خليه هو بس في قلبك وصدقيني هيسخرلك الدنيا كلها بين ايديكي بس قولي ياااااااااااااااااااااااارب

 

 

اهئ اهئ اهئ يااااااااااااااااااااااااااااااارب ياااااااااااااااااااااااااااارب ياااااااااااااااااااااااااااارب

 

 

هو حضرتك اسمك ايه

 

اسمي ام نادية يا حبيبتي

 

لأ اسمك الحقيقي

 

اسمي نعمة

 

ممكن اقولك ماما نعمة ؟

 

هو انا اد المقام برضو يا بنتي

 

اهئ اهئ ارجوكي ما تقوليش كدة . انتي مقامك عند ربنا اعلى مني بكتير . انا ما اساويش أي حاجة

 

انا مجرد انسانة عاصية وقلبها مظلم اهئ اهئ اهئ

 

 

تقدري تنوري قلبك بالطاعة .طهري لسانك بالذكر . املي قلبك بحب الله وحده . هو سبحانه القادر يفرج كربك مهما ضاقت بيكي الدنيا اطرقي بابه هيفتحلك . ربنا رحيم رحييييييييييم واحنا مالناش غيره يابنتي

 

 

اهئ اهئ اهئ يااااااااااااااااااااااااارب ماليش غيرك ياااااااااااااااااااااااارب الدنيا ضاقت بيا يااااااااااااااااارب

 

 

 

 

 

عليا الأرض ضاقت والسمااااااااااااااااااااااااااااااءُ

 

وليس بغير مولاي الرجاااااااااااااااااااااااااااااءُ

 

 

إلها راحم برُ كريييييييييييم يجيب العبد إن صح الدعااااااااااااااااءُ

 

الهيييييييييييييييييييييييييي

 

الهي من سواك لكشف كربي

 

فقد بعد القريب والاصدقاااااااااء

 

 

مددت إليك يا رباه حزني عسى بالجود تنفتح السماء

 

 

 

 

 

ياااااااااااااا اد ايه انتي ام عظيمة وخلتيني اسخط على امي اكتر

 

ليه بس يا بنتي . ليه تظلميها

 

اظلمها ! شوفتي انتي كنتي صغيرة وممكن تتجوزي وتسيبي ولادك لكن انتي فضلتي تتعبي وتشقي وتشتغلي عاملة نظافة عشان تربيهم وما تتخليش عنهم وقولتي ان دي امانة في رقبتك لكن انا امي رمتني وراحت اتجوزت

 

يا حبيبتي كل واحد ليه ظروفه . امك سابتك في عز ابوكي وخيره يعني سابتك في مكان آمن مع ناس يحبوكي

 

وعندك العز والجاه والدنيا كلها بين ايديكي . لكن انا ما كانش عندي مكان اسيب فيه ولادي ولا حد يصرف عليهم وماكانش ليهم غيري يا حبيبتي . وبعدين والدتك ست جميلة ماشاء الله تشبهك تمام يعني الف واحد كان ممكن يطمع فيها لو ما مش معاها راجل يحميها . لكن انا هههههه ست بسيطة وغلبانة ومعايا تلات عيال يتامى يعني ما كانش ينفع حد يفكر فيا ابدا

 

هههههههه

 

هههههه ايوة كدة اضحكي يا حبيبتي . يا بنتي بدل ما تفكري في الناس اللي مش محتاجينلك فكري في الناس اللي محتاجينلك

 

ناس محتاجينلي انا ! هما مين دول

 

يااااااااااا كتيررررررررر كتير اوي . اليتامى والمساكين والفقرا . فكرتي فيهم ؟

 

لا عمري ما فكرت فيهم

 

تعرفي لو كنتي فكرتي فيهم كانت حياتك اتغيرت . ووقتك كله كان بقى لله . مساعدة المحتاجين بتخلي القلب يرق ويلين يا حبيبتي والفرحة تملاه

 

 

ان شاء الله عمري ما هتخلى عنهم عمري ما هسيبهم . ربنا اداني المال وان شاء الله هستخدمه في طاعته

 

اهئ اهئ بس تفتكري هيسامحني ويغفرلي اهئ اهئ

 

طبعا يا حبيبتي ربك غفور رحيم يا حبيبتي ارجعيله يا حبيبتي ارجعيله هتلاقيه فاتح كل ابواب رحمته في وشك

 

 

انا عايزة اصلي نفسي اسجد اهئ اهئ اهئ بس مش عندي حاجة البسها عشان اصلي اهئ اهئ

 

انا عندي .هجيبلك جلابية وخمار واسعين عشان تصلي ولا تأرفي تلبسي هدوم ست بسيطة زي ماما نعمة ؟ هههه

 

ما تقوليش كدة والله هكون اسعد واحدة لما البس حاجة انتي بتلبسيها يا ماما نعمة . انا فرحانة اوي اني شوفتك

 

وانا كمان فرحانة يا حبيبتي ان ربنا نور قلبك واشتاقتي لربك وللسجود بين ايديه

 

 

 

 

ياااااااااااااااااااارب سامحني اهئ اهئ اغفرلي كل الخطايا اهئ اهئ اغفر للعاصية المسكينة اللي تابت وسجدت بين ايديك يااااااااااااااااارب اهئ اهئ اهئ

 

 

 

 

 

 

انسة سوزي والدتك منتظرة عايزة تشوفك

 

 

ماما !

 

 

بعد اذنك هقولها كلمة يا دكتور

 

اتفضلي يا ام نادية

 

بالله عليكي يابنتي خليها تدخل . دي حالتها وحشة اوي ودموعها ما بتنشفش . دي امك يا حبيبتي امك اكتر قلب يحبك في الدنيا صدقيني . مهما غلطت في حقك هي امك اللي بتحبك سامحيها عشان ربنا يسامحك

 

 

خلي ماما تدخل لو سمحت

 

 

 

اتفضلي يا هانم

 

 

 

سووووووووووووووووووووزي حبيبتي بنتي سووووووووووووووووووووزي يا حبيبتي تعالي في حضني

 

 

وحشتيني يا ماما اهئ اهئ وحشني حضنك اوي يا امي اهئ اهئ اهئ

 

اهئ اهئ اهئ يا حبيبتي يابنتي يا حبيبتي سامحيني يا سوزي سامحيني يا نور عيني اهئ اهئ اهئ

 

 

 

 

ايه يا جماعة هو انا هفضل واقف برا كتير هههههههه عايز اشوف سوزي انا كمان

 

عمو ثروت عايز يدخل يسلم عليكي يا حبيبتي . والله ما سابني من امبارح وواقف معايا وقلقان عليكي جدا والله

 

خليه يتفضل يا ماما

 

 

السلام عليكم

 

وعليكم السلام ازيك يا عمو ثروت

 

اهلا يا حبيبة عمو . ازيك يا سوزي يا حبيبتي

 

الحمدلله بخير الف حمد وشكر لله

 

طيب عال عااااااال . هشوف الدكتور لو ينفع نخدك معانا النهاردة

 

هو انا هاجي معاكو

 

ايوة طبعا يا حبيبتي انا وعمك ثروت اتفقنا على كدة . اختك مايسون كانت هتتجنن وتيجي معانا عشان تشوفك لكن انا قولتليها انك هتيجي معانا

 

مايسوووووون هههههه وحشتني خالص . هي في سنة كام دلوقتي

 

اعدادية السنة دي ان شاء الله . والله مش هتصدقي عمالة بقالها يومين من ساعة ماعرفت انك جاية نقلت قفص عصافير الكناريا من اوضتها للأوضة اللي هتنامي فيها عشان انتي بتحبي الكناريا ههههههههه

 

هههههه ربنا ما يحرمنيش منها يارب . بس انا خايفة بابا يزعل اني جيت عندكو

 

لا ان شاء الله مش هيزعل وخصوصا بعد اللي حصل

 

 

احضنيني اوي اوي يا ماما مشتاقة لحضنك الدافي اوي اوي يا امي اهئ اهئ اهئئئئئئ

 

يا حبيبتي يا بنتي وحشتيني يا سوزي وحشتيني وحشتيني يا حتة من قلبي اهئ اهئ اهئ

 

 

 

 

 

مهما خدتني المدن

 

وخدتني ناااااااااااااااس المدن

 

دايما حبك في قلبي دليلي في المدن

 

اطوي المدن واجيكي

 

عطشان لنور عنيكي

 

اطوي المدن واجيكي

 

عطشان لنور عنيكي

 

 

وارمي روحي عليكي تطبطبي وتضمييييييييييييي

 

ما بحسش بالبرااااااااااااااااح ده الا في قلبك يا امي

 

وارمي روحي عليكييييييي تطبطبي وتضمي

 

ما بحسش بالبرااااااااااح ده الا في قلبك يا امي

 

ايوا في قلبك يا اميييييييييييييييييييي

[هبة عبد العظيم نور 2042]

الف جنيه مني للي تتوقع هيحصل ايه لمصطفى هههههههههههههههههههههههههههههههههههههه

 

 

وانا ما بضحيش بقلوسي بالساهل ههههههههههههههههه

 

 

نورتوا والله يا بنات

 

 

اشوفكو بكرة ان شاء الله نكممممممممممممممممممل الحلقات

 

 

الدكتور مدحت وصفاء

 

 

الشيخ خالد وشاهيناز

 

سووووووووووزي ومصيرها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

 

لسة كل يوم ورا يوم مفاجآت

 

ما تستعجلووووووووووش

[حواء أم هالة 1895]

حلقات روعة هبة الحبيبة =) تسلمي يا مبدعتنا

 

ان شاء الله مدحت سيتزوج من صفاء عشان يربي نجلاء ويحسسها بعدم اسعاده وهي طبعا ستتغير للأحسن بسبب زواجه :))

 

الابلة ايمان كنت عارفة انها ستكون مخطوبة عشان يتزوج سوزي وهي لو كانت تحجبت أحسن من الانتحار لتزوج بها =)

 

التيتة دي عسولة خالص وسبحان الله هي ايضا تشبه جدتي لأمي رحمها الله

 

حاتم اتمنى انه تغير بالفعل ولما يتزوج حيعقل

 

شاهيناز اظن انها ستوافق على الزواج وهي التي ستغيره للاحسن وهو بدوره لما يعرف يتعامل معها ستحب الحجاب والستر =)

 

يلا هوبة عايزين حلقات أخرى هههه

[' أم آية' 667]

اااااااممم مصطفي اتوقع ان راح يتزوح سوزي بس في احتمال تاني ههههههههه ممكن تزوجيه لصفاء هههههه

[ساره أم حمزه 1040]

^^

تم تعديل 29 سبتمبر, 2013 بواسطة سَارّه مُحَمّد

[ساره أم حمزه 1040]

جمييل

فى الانتظار

انا برضه بقول زى ام صفاء

لانها عايزه تجوز بنتها عشان تطمن عليها

انما تتجوز واحد متجوز ممكن تقعد فى مشاكل

[حواء أم هالة 1895]

@@ساره محمد

كنت كاتبة ايه سروءة ها قفشتك ههههه

[أم لبابة بنت أحمد محمد 172]

رائع هوبه

أظن أن مصطفي ممكن يتزوج سوزي بعد ما تابت

 

بس لو اتحجبت هيتجوزها وإلا مفتكرش

[ساره أم حمزه 1040]

@@ساره محمد

كنت كاتبة ايه سروءة ها قفشتك ههههه

ههههههههه

اصل انا كنت فاتحه الموضوع من بدرى وبقرأ فيه

فكتبت " ممكن مصطفى يتجوز صفاء ؟ "

فلما بعت الرد لاقيت ان هبه كملت القصه كمان ولاقيت ان سوزى بدأت تتغير وان الابله ايمان مخطوبه

فحذفت كلامى بسرعه ههههههههه

[ساجدة للرحمن 2049]

السلام عليكم ورحمة الله وبركاته

بارك الله فيك هبة الغالية

أحييك على صياغتك لموقف سوزي مع ماما نعمة ...رائع بحق وتأثرت به كثيرا

سبحان الله ...نعم الله علينا لا تعد ولا تحصى ولكن دوما الإنسان من جحوده لا يرى إلا ما يفقده ويغض الطرف وربما ينسى ما لديه

أتوقع أنها بداية جديدة لسوزي ..وستكون مؤكد حياة مختلفة في ظل طاعة الله عزوجل

كنت أظن أنك ستزوجين مصطفى لسوزي ولكن ردك الأخير غير قناعاتي وأعتقد أنك ستفاجئينا : )

 

مدحت ..سيقنع أمينة به كزوج لصفاء ...وستكون صفعه للدكتورة نجلاء

 

الشيخ خالد وشاهيناز ثنائي مميز ..

وأعتقد أن شاهيناز ستكون سبب في هداية الشيخ خالد وليس العكس ^__^

 

في انتظارك يا غالية ...

[حواء أم هالة 1895]

@@ساره محمد

 

ماشي با حلوة :))

[هدوء الفجر 222]

ما شاء الله

حلقات رآآآآآآئعة بجد

كل يوم بتزيدي إبداه اللهم باارك

 

أنا عن نفسي مش هتوقع خآآآآلص ... مش قادره بصراحه

خليني كده مستمتعه بمفاجآتك الحلوة

[~ماريا~ 1340]

جميل الحلقات جدااا

وخصوصا الست نعيمه ولا نعمه مش فاكرة

هههههههههههههههههههههه

فعلا الدنيا دي مليانه هموم اكبر واكبر من همومنا فلنحمد الله على ما نحن عليه

 

 

ام صفاء

عندها حق تخاف على بنتها وانها تجوزها واخد خالي مش متجوز ولكن اتوقع انها هتوافق

 

سوزي

اتوقع هتكون من نصيب مصطفى

اتمنى ذلك ههههههههههههه

 

الشيخ خالد

حلووووووووووووووووووووووو

ههههههههههههههههههههههههههههههههههه

بس نقول مبروك لعلها تكون سببا في تغيير اسلوبه للاحسن

[**صفا** 208]

توقعاتى بما انى خيالى واسع

سوزى مش هتزوج مصطفى اعتقد ان الدكتور اللى عالجها هيتقدملها لان سوزى محبتش مصطفى هى كانت حابه عناده ومنتحرتش علشان خسرت حبها لأ انتحرت علشان حست بفشلها

ونرجع لحبيبه قلبى صفاء علشان اسمها على اسمى :-)

اعتقد انها هتكون من نصيب مصطفى دا بعد ما والده صفاء ترفض طلب مدحت

وعلاء ينتبه لاخوه وحزنه على فقدان ايمان بس دا احتمال

اما الاحتمال التانى هو ان صفاء تكون من نصيب علاء لانه هيام مش هيقدر يكمل معاها ومها اعتقد انها مش هتفكر فيه تانى

اما دكتور مدحت عاوز يتجوز علشان يرتاح واكيد نجلاء ممكن تفوق لما تعرف ان جوزها كان ناوى يمشى فى خطوه الزواج

وهذه اخر توقعاتى

:-) :-) :-)