اذهبي الى المحتوى
هبة عبد العظيم نور

مراتي في السبعيناااااااااات

المشاركات التي تم ترشيحها

أكثر موقف مؤثر في القصة بالنسبة لي هو كلام سوزي مع الست نعمة.

 

جزاك الله خيرا هبة على التذكرة.

  • معجبة 1

شارك هذه المشاركه


رابط المشاركه
شارك

أكثر موقف مؤثر في القصة بالنسبة لي هو كلام سوزي مع الست نعمة.

 

جزاك الله خيرا هبة على التذكرة.

أبكاني هذا الموقف

شارك هذه المشاركه


رابط المشاركه
شارك

يالله عليكِ يا هبة كلمات الاعجاب والتقدير لا توافيكِ حقك أبدًا

 

موقف سوزي مع الست نعمة أبكاني والله

وليلى زعلت منها جدًا في أم عاقلة تعمل كده تفرح علشان كسرت قلب ابنها!!

بالنسبة لموضوع الألف جنيه أتوقع أن تقلبي المسلسل رأسًا على عقب حتى لا نأخذ الألف جنيه

2_115.gif

 

صدمت بصراحة لما عرفت أن إيمان اتخطبت قلت في نفسي ليه كده يا إيمو ^_^

  • معجبة 2

شارك هذه المشاركه


رابط المشاركه
شارك

بصراحه مش مصدقه نفسى

ماشاء الله عليك يابت يا هوبه مبدعه

استمتعت جدا بالقصة وكنت فاكره انك خلصتيها وقاعده فرحانه فى الاخوات وهم عمالين يتحايلو عليك علشان تخلصى

واقول هيييييييييييييييه انا بقى هقراها كلها مره واحد

جيت فى اخر بوست ببص لفوق لقيته بالامس

بقيت بنزل بالسهم براحه خايفه لانى هبقى فى عداد المنتظرات

فرحت فيهم وطلع على عينى

بقولك ايه انا مبحبش حد يعلقنى ماشى

انجز يا كبير

هههههههههه بجد روعه ماشاء الله يا هوبه واسلوبك ممتاز ومشوق

  • معجبة 1

شارك هذه المشاركه


رابط المشاركه
شارك

طيب أنا الرجل اللي اسمه خالد ده بهدلته كتير وانا بقرأ الحلقات اللي فاتت وفضلت أقوله "لو كنت فظًا غليظ القلب لانفضوا من حولك"

ملحوظة>>>>>>حتى لو في ناس كده على ارض الواقع بحس انهم قليلين جدًا بحس نموذج خالد ده هو النموذج اللي بنلاقيه في أفلام وحيد حامد وعادل إمام هو ده النموذج اللي انطبع في ذهن الناس من أفلام السبعينات

 

أما الست اللي اسمها ليلى ديه عايزة مامتها تضربها علقة وبعدين ازاي مامتها (تيتة) ملتزمة كده وبنتها مش محجبة؟؟؟!!!

شارك هذه المشاركه


رابط المشاركه
شارك

بارك الله فيك هبة الحبيبة

صياغتك للأحداث جميلة جدا اللهم بارك.

شارك هذه المشاركه


رابط المشاركه
شارك

طالما ناوية تقلبي الاحداث وتعملي مفاجأة بخصوص مصطفى

 

فيا إما ينتكس ويصيبه شيء ثم يفوق

أو تزوجيه لحد بعيد مثل مها

شارك هذه المشاركه


رابط المشاركه
شارك

حلقات الأمس راااائعة جدا

موقف سوزي وأم نادية أبكاني . مؤثر جدااااااا

وسأترك توقعاتي لكِ : ))))))

يعني ممكن نجوز صفاء لمصطفى وهيام تعقل علشان ما نزعل حد هههههههههههههه

شارك هذه المشاركه


رابط المشاركه
شارك

ابدعت هبة الحبيبة

اسلوبك مشوق واكثر من رااااااااااااااائع

منتظرين مفاجآتك هوبه لانها اكيد هتكون فوق كل توقعاتنا

شارك هذه المشاركه


رابط المشاركه
شارك

ما شاء الله حلقات راااااااااااااااااااائعة

بجد انتي مبدعه جدا جدا

يسلمووووووووووووووو

شارك هذه المشاركه


رابط المشاركه
شارك

انا اتوقع ان مصطفي يتجوز سوزي

وممكن صفاء

علي اي حال مستنيه اعرف ايه اللي هيحصل بعد كده في المسلسل الرائع اللي مفيش كلام يوصفه

  • معجبة 1

شارك هذه المشاركه


رابط المشاركه
شارك

اممممممممممممممم مادام فيها الف جنية

يبقى نقول توقعتنا

 

انا اعتقد ان مصطفى هيتجوز سوزى بعد ما حالتها تتحسن وقلبها يرق من معاملة الايتام والمساكين ...وهتلبس الحجاب وهتتيتغير ..... وهتقابل مصطفى ومش هيصدق انها هى دى من التغيير اللى هيحصلها ....واكيد هيطلب ايدها ويتجوزها

 

ههههههههههههههههههههههههههههههه^______^

 

احلى توقعاتى

شارك هذه المشاركه


رابط المشاركه
شارك

@@هبة نور@

ربنا يستر <3 شكلك ناويه تقلبى توقعاتنا أو تمحيها خالص مش مستريحه للألف جنيه ديه خاااااااااااالص

هههههههههههههههههه

وأيه أخبار بنت الراقصه ؟؟؟؟؟مش فاكره اسمها

شارك هذه المشاركه


رابط المشاركه
شارك

تسلم أيدك هوووووبا

بقالي كام يوم اقرأ في القصه وقلت ارد بعد ما اخلص قراءه

بجد تسلم أيدك وجعله الله في ميزان حسناتك

ياتري ايه اللي هيحصل؟؟؟

 

شارك هذه المشاركه


رابط المشاركه
شارك

فاطمة فاااااااااااااااااااطمة انتي يا فاطممممممممممممممممممممممممممممممممة

 

 

ايوة ايوة نازلة يا مراد بيه حمدالله ع السلامة

 

 

سوزي فين فين بنتي فين سوووووووووووووووزي

 

الست سوزي لسة في المستشفى وبصراحة ما اعرفش خرجت ولا لسة جايز تكون عند والدتها

 

 

والدتها !!!!!!!!!!!!!!!!!! طب اديني عنوان المستشفى واديني عنوان والدتها بسررررررررررررررررررعة

 

 

 

 

 

 

 

 

يلا يا سوزي يا حبيبتي عشان نمشي

 

لا يا ماما مش هقدر اخرج كدة

 

يعني ايه يا حبيبتي مش فاهمة

 

يعني يا ماما مكسوفة اخرج وانا جسمي مكشوف وشعري مكشوف كدة . انا عايزة هدوم طويلة وحجاب

 

حجاااااااااااااااااااااب !!!!!!!!!!!!!هههههههههههه حجاب ايه بس يا سوزي يا بنتي

 

 

ماما من فضلك مش هخرج من غير الحجاب

 

طب اتصرف ازاي انا دلوقتي

 

هديكي مقاسي في اللبس وهاتيلي حاجة طويلة وواسعة البسها ومعاها حجاب طويل

 

 

اممممممم حاضر يا ستي انا مش عايزة اتناقش معاكي ولا اضغط عليكي في حاجة . ما صدقت رضيتي عني يا ست سوزي هههههههه

 

ههههه ربنا يخليكي ليا يا ماما . انا اللي محتاجة رضاكي

 

يلا يا ثروت نروح نشتريلها اللي هي عايزاه ونيجي من المحل اللي جنب المستشفى

 

 

يلا يا حبيبتي مافيش مشكلة

 

 

 

هااا ايه رأيك يا ماما ؟؟؟؟؟؟؟؟؟

 

ماشاء الله . تعرفي شكلك زي الملاك في الحجاب . ياااااا ملامحك مختلفة خالص كلها براءة

 

هههههه اومال انا ملامحي كانت ازاي الاول

 

هههههههه يا لطيف يا رب جمال ممزوج بالشقاوة والعفرتة والعنااااااااااااااد للدنيا كلها هههههههه

 

ههههههه طب الحمدلله الذي عافانا . يلا نمشي بقى عشان مشتاقة اشوف مايسون . متشكرة اوي يا عمو ثروت لتعبك معايا

 

ماتقوليش كدة يا حبيبتي . انتي بنتي يا سوزي وغلاوتك من غلاوة مايسون

 

ربنا يخليك يا عمو

 

يلا يا حبيبتي

 

طيب استني يا ماما هسلم على ماما نعمة وابوسها قبل ما امشي

 

ههههه طيب يا حبيبتي خدي راحتك واحنا منتظرينك في العربية

 

 

 

 

ماما نعمة

 

ماشاء الله ايه الجمال ده ههههه شوفتي وشك نور ازاي بالحجاب اللهم بارك ؟

 

هههههه انا مدينة ليكي دين كبير اوي . انتي علمتيني درس عمري كله . علمتيني ان اهم حاجة في الدنيا دي اني املا قلبي بحب الله وارضى باللي قسمهولي واني احمد ربنا مهما كانت ظروفي . حقيقي بشكرك من قلبي يا ماما نعمة

 

حبيبتي الشكر لله وحده . وسبحان الله ربنا بيسخرنا لبعض في الدنيا عشان ناخد بإيد بعض ونوصل لطريقه بسلام سبحانه وتعالى

 

ماما نعمة ممكن تسمحيلي ابوسك قبل ما امشي

 

هههههه انا اللي عايزة ابوسك واهنيكي على الحجاب يا حبيبتي .الله يرضى عليكي يا بنتي وينور طريقك ويكتبلك الخير فين ما تكوني اللهم آمين

 

آمين يارب

 

تعالي في حضني يا حبيبتي عشان اشبع منك قبل ما افارقك

 

لالالالالا ليه تقولي كدة . هو انتي مش عايزة تشوفيني تاني ؟

 

ياريت يا حبيبتي اشوفك تاني . بس الدنيا يا بنتي بتلهي الناس واكيد مش هتفتكريني

 

انا ! انا لو نسيت الدنيا كلها عمري ما انساكِ . ارجوكي اديني عنوانك

 

هههههه يعني هتزوريني يا بنتي ؟

 

طبعا هزورك عشان اطمن عليكي واشوف فيكي عظمة الايمان وقوته اللي هتساعدني اكمل طريقي

 

 

 

 

 

تررررررررررررررررررررررررن تررررررررررررررررررررررررن

 

 

مين

 

افتحي يا مايسون انا ماما

 

هيييييييييييييييييييييييه يبقى ابلة سوزي جت معاكو ههههههههه ابلة سوووووووووووووووزي وحشتيني يا ابلة هاتي بوسة

 

هههههههههههه ازيك يا مايسون وحشتيني يا حبيبتي

 

اييييييييييييييه ده انتي لابسة كدة ليه ؟؟؟؟؟؟؟؟؟

 

يا بنت انتي وهي وسعوا من قدام الباب . يعني نازلين اشواق انتي واختك واحنا نفضل واقفين على الباب هههههههه

 

ههههههههه اتفضلي يا ماما البيت بيتك يا حبيبتي هههههههه ازيك يا بابا

 

اهلا يا حبيبتي . يلا خدي اختك وديها اوضتها عشان ترتاح

 

 

حاااااااااااااضر يلا يا ابلة سوزي . انا محوشالك كلاام وحكايات ااااااااااااااااد كدة هههههههههه

 

هههههههههه طب انام شوية يا مايسون ولما اصحى نحكي براحتنا يا حبيبتي

 

خلاص يا ابلة موافقة

 

 

 

 

 

 

 

 

 

تررررررررررررررررررررن ترررررررررررررررررررررررررن

 

مين

 

والد سوزي

 

 

والد سوزي !

 

اهلا يا فندم اتفضل

 

انا اسف يا فندم اولا انتي جيت من غير سابق معاد بس انا اضطريت بالطبع

 

لالالا يا استاذ مراد ما فيش داعي للأعتذار أنا مقدر الأمر . اتفضل يا فندم

 

 

يا ترى اقدر اشوف سوزي ؟

 

والله البنت نامت بس هخلي والدتها تصحيها

 

اكون شاكر لافضالكم

 

 

 

 

بااااااااااااابي ههههههههه ايه اللي جابك . انت لسة مسافر من يومين

 

هههههههه جيت عشان بنتي المجنونة اللي مغلباني معاها

 

يا سلااااااااااااااااام ههههههههه نفسي افهم مين مغلب التاني يا مراد بيه

 

ايه مراد بيه دي يا بنت !

 

هههههههه اسفة يا والدي العزيز

 

ايه اللي حصل يا ست هانم

 

اللي حصل حصل بقى يا بابي . انا نسيت اللي حصل ومش عايزة اتكلم فيه تاني . وانا اسفة اني ازعجتك يا حبيبي واضطريت تنزل بسببي وتسيب مصالحك

 

حبيبتي انتي اهم واغلى عندي من الدنيا . اهم عندي من حياتي نفسها . والله يا سوزي يا بنتي انا اللي بعمله ده كله عشانك انتي

 

انتي بنتي الوحيدة وعايز اضمن مستقبلك ودايما تعيشي في الرفاهية اللي متعودة عليها

 

صدقني يا بابي وجودك جنبي اهم من كل اللي بتقول عليه ده . ابويا ووجوده في حياتي وجنبي وهو بيحميني وبيخاف علية من الهوا الطاير افضل عندي من وجودك بعيد عني وجمعك للمال عشاني . علاقة الابوة والبنوة الدافية هي دي روح الحياة لكن هستفيد ايه من المال وانا فاقدة الحنان والرعاية وجو الاسرة الدافي

والله يا بنتي عندك حق . دايما بعيد عنك ودايما مشتقالي ودايما مشتاقلك وما بنتجمعش غير اوقات محدودة والعمر عدا وانا محروم منك وانتي محرومة مني . اسف يا حبيبتي اسف على سوء تصرفي وتفكيري الغلط

مافيش داعي للكلام دلوقتي . انا مسامحاك يا بابا صدقني . مسامحة الدنيا كلها وعايزة ابدأ حياتي من جديد

 

 

على فكرة ان شاء الله هصفي اعمالي كلها وارجع مصر بشكل نهائي

 

 

ههههههههههه هيييييييييييييييييييييه هو انا صاحية ولا نايمة ولا بحلم ولا ايييييييييييييييه هههههههههه اجمل خبر سمعته والله يا بابي

 

 

طيب يلا عشان تروحي معايا

 

لالالالالالالالا بابي انا كرهت الفيلا اهئ اهئ بجد مش طايقااااااااااااااااااااها هههههههه عشان خاطري سيبني مع ماما

 

 

طب وانا يا بنت ؟

 

طب خلاص احجزلنا اوضتين في فندق نقعد فيهم الفترة بتاعتك في مصر وبعد سفرك ارجع لمامتي

 

خلاص يا ستي . على العموم انا قاعد تلات ايام

 

ههههههه حلوين اوي . يعني بنقفل في السنة حوالي شهر على بعضه هههههههههه

 

هههههههه طيب يا عفريتة يلا عشان ننزل

 

اوكيه يا بابي

 

 

 

ايه ده يا سوزي . ايه اللي انتي لابساه ده

 

ييييييييييييييي ههههههههه هو انا كل شوية هشرح

شارك هذه المشاركه


رابط المشاركه
شارك

يلا يا صفاء يا بنتي خلصي تنضيف بقى الراجل زمانه جاي

 

راجل مين ده يا ماما

 

والله يا بنتي ما عارفة اقولك ايه . واحد جاي يزورنا

 

 

طيب يا ماما انا هخلص وادخل اوضتي

 

يكون احسن برضو

 

 

 

 

 

 

 

 

 

مدحتتتتتتتتتتتتتتتتتتتتتتتتتتتتتتتتتتت

 

 

ههههههههههه ازيك يا دكتورة

 

انت رايح على فين

 

رايح على البلد اللي تجمع شمل العشاق تيرا تيرتيراااااااااا نفرح ونغني ونودع عهد نجلاء هههههههههههههههههههههههه

 

 

مالك رايق اوي كدة وبتغني وسعيد

 

لالالالالا من فضلك انا مش سعيد انا مدحت هههههههه عن اذنك يا دكتورة . هو جنابك ما عندكيش ولادة مستعجلة النهاردة ولا ايه ؟؟؟؟؟؟؟؟؟؟؟؟

 

عندي طبعا . بس واقفة اتفرج عليك وانت عمال تترقص قدام المرايا وتسبسب شعرك وتتشيك على غير العادة

 

لالالالا من فضلك انا طول عمري راجل شيك . شيك اوي ههههه ايه رأيك في البرفان ده شمي كدة يا نوجا

 

 

مدحتتتتتتتتتتتتتتتتتتتتت ايه حكايتك يا مدحت

 

لا حكاية ولا رواية يا زوجتي العزيزة حضرة الطبيبة الهمامة . انا نازل بعد اذنك

 

مدحتتتتتتتتتتتتتتتتتتتتتتتت رايح فين . مش مرتاحالك يا مدحت . انا مش تايهة عنك . فيك حاجة متغيرة . والله انا حاسة ب........

 

حاسة بقى قولي ما تخبيش ؟

 

حاسة بضرة جيالي

 

يا لطيف يا لطييييييييييييييييييييييف ههههههههههههه

 

مدحتتتتتتتتتتتتتتتت

 

عن اذنك يا حبيبتي وانتي يا دوب تروحي تلحقي الولادة المستعجلة . اصل العيال الصغيرين مش بيرضو يجوا الدنيا الا لما تستلقيهم على اديكي ههههههههههههههههههههه

 

 

 

اوووووووووووووووووووووف الراجل ده مش طبيعي ابدااااااااااااااااااااااا الست ما تتوهش عن جوزها .

 

 

تررررررررررررررررررن تررررررررررررررن

 

الو

 

ايوة يا دكتورة نجلاء . الست جاهزة

 

ست !!!!!!!!!!!!!!!!! ست مين ديييييييييييييييييي ؟؟؟؟؟؟

 

يا دكتورة الست اللي هتولد

 

يوووووووووووووو حاضر جاية

 

 

 

 

 

 

 

 

اهلا اهلا اهلا يا دكتور مدحت

 

هههههه ايه ده انتي في شرف استقبالي ع السلالم يا باشمهندس علاء

 

دا اقل واجب يا عريس ههههههههه اتفضل شقة العروسة هي اللي قصادك دي

 

هو انت مش هتدخل معايا

 

ادخل معاك اعمل ايه

لازم تدخل معايا . انت في مقام والدي برضو هههههههه

 

هههههههه ماشي يا سيدي هدخل معاك واشوفك وانت بتطرد هههههههههههههههههههههههه

 

 

 

 

 

 

 

اهلا وسهلا يا ابني شرفتنا

 

الله يحفظك يا فندم

 

انت مهندس زي علاء زي ما سمعت مش كدة ؟

 

ايوة يا فندم انا مهندس معماري ومعيد في كلية الهندسة وبحضر دكتوراة

 

ماشاء الله ياابني . ربنا يحققلك مرادك ان شاء الله

 

منور يا علاء يا حبيبي

 

الله يخليكي يا طنط

 

طب عن اذنكو اجيبلكو حاجة تشربوها

 

 

اتفضلي يا طنط

 

ايه ده . هو مش المفروض العروسة هي اللي تجيب الحاجة اللي هنشربها

 

ههههههههههههه اصل هما مش معتبرينك عريس اصلا ههههههههههههه

 

كدة ! طب لما تيجي امها ونتفاهم

 

 

 

 

اتفضلوا يا جماعة

 

يزيد فضلك يا فندم

 

احم احم والله يا فندم انا مش عارف ابدأ منين بس انا هدخل في الموضوع على طول

 

اتفضل يا ابني

 

 

انا صحيح راجل متجوز ومراتي ست كويسة جدا وكل حاجة لكن من حقي شرعا اني اتزوج مرة تانية واعدل بين زوجاتي

 

ومن ساعة ما باشمهندس علاء كلمني عن الانسة صفاء وعن ادبها وحسن تربية حضرتك ليها وانا بصراحة شايف فيها الزوجة المناسبة

 

الله يكرمك يا ابني ده من ذوقك وذوق علاء . بس يا ابني انا ما ما اقبلش ان بنتي تخرب بيت ست زيها وتاخد منها جوزها

 

يا فندم مين قال لحضرتك انها هتخرب البيت . بيتي هيفضل مستقر وزوجتي الاولى على ذمتي وهعدل بينهم ان شاء الله

 

يعني ياريت حضرتك ما تقلقيش من الناحية دي خالص . الانسة صفاء هتكون معايا معززة مكرمة وماحدش هيدوسلها على طرف

 

ياابني ما تآخذنيش . أنا أم وعايزة اطمن على راحة بنتي

 

 

يا طنط على فكرة دكتور مدحت ده هديتي لصفاء وانا على استعداد اني اقسملك انه هو ده الزوج المناسب

 

بجد راجل حقيقي وانسان على خلق ومحترم وصفاء هتكون معاه في أمان وهتعيش عيشة كريمة

 

 

ولما انت بتعرف تتكلم وتقول درر كدة سايبني موحول من الصبح ليه ههههههه جزاك الله خيرا يا سيدي

 

هههههههه والله دي الحقيقة يا دكتور مدحت . انا لو عندي اخت والله ما استخسرها فيك ولو متجوز غيرها عشر ستات

 

 

ههههههههه انتو هتغنوا وتردوا على بعض يا ولاد هههههههه الله يجازيكو ضحكتوني هههههه

 

هههههههه طب طالما ضحكتي بقى يا افندم يبقى بشرى خير . ولو سمحتي عايز اشوف العروسة

 

حاضر يا ابني هروح اديها خبر

 

 

 

 

عريس !!!!!!!!!!!!!! عريس ايه يا ماما . انتي ما قولتليش

 

 

بصراحة يا صفاء انا مترددة عشان هو متجوز . هو اسمه مدحت مهندس ومعيد في كلية الهندسة

 

متجوز . طيب ولما هو متجوز جاي عندنا ليييييييييييه

 

 

يعني انتي مش موافقة

 

 

طب اشوفه يا ماما . انتي عارفة اني سبحان الله في ناس بشوفهم مش برتاحلهم وفي ناس برتاحلهم ودايما يكون ظن قلبي في محله واحاسيسي صادقة

 

اه والله يا صفاء سبحان الله . روحك زي ما تكون شفافة . على العموم اجهزي بسرعة وتعالي شوفيه

 

 

حاضر يا ماما

 

 

 

 

 

 

هي العروسة مش هتيجي بقى

 

ما تهدا شوية يا دكتور . خير ان شاء الله . خلي عندك صبر

 

 

 

 

 

اهي العروسة جت اهيه

 

 

ادخلي يا صفاء

 

السلام عليكم

 

اهلا وعليكم السلام ورحمة الله وبركاته . ازي حضرتك

 

 

اهلا

 

 

اقعدي يا صفاء

 

 

دكتور مدحت

 

نعم

 

قرب ودنك شوية

 

خير

 

ايه رأيك

 

هات المأذون بسرعة قبل ما يرجعوا في كلامهم

 

ههههههه عجبتك يعني

 

جدااااااااا هادية ورقيقة اوي وفعلا جمالها هادي ووشها مريح جدا

 

ها يا حاجة قولتي ايه ؟

 

هههههههه نسأل العروسة الاول

 

ايه رأيك يا صفاء

 

هااا أأأأأأأ طب عن اذنكو

 

 

ههههههههههههه اتكسفت . عن اذنكو هروح وراها اسألها

 

هو انا ماعجبتهاش ولا ايه ؟

 

يا دكتور اتكسفت اتكسفت ههههههه انتظر لما نشوف الرد

 

 

 

 

 

 

 

ها يا صفاء

 

ههه اللي تشوفيه يا ماما

 

 

يعني مرتاحاله يا بنتي

 

شكله طيب اوي يا ماما وملامحه كلها رجولة وجدية

 

هههههههه صفاااااااااء دا متجوز يعني هيبقالك ضرة

 

يا ماما هي في حالها وانا في حالي

 

 

مش بالبساطة دي يا صفاء يا بنتي

 

ماما انا مرتاحة لدكتور مدحت وموافقة

 

على راحتك يا حبيبتي عن اذنك

 

 

 

 

هاااا العروسة رأيها ايه

 

والله يا بني هي موافقة بس اديلنا فرصة نسأل عليك برضو ههههههه

 

حقك يا فندم . انا هسيب لحضرتك الكارت بتاعي وحضرتك اسألي على راحتك . لكن مين هيتمم اجراءات الجواز

 

 

يعني ايه يا ابني مش فاهمة

 

 

يا فندم انا عارف ان والد الانسة صفاء متوفي . لكن اكيد ليها اعمام

 

أأأأأأأأأ ايييييييييييييه طب يا بني نننننن نتت نتكلم بعدين في الموضوع ده

 

 

هو في ايه يا فندم

 

 

بصراحة يا ابني انا عمري ما شوفت اهل ابو صفاء في حياتي

 

ازااااااااااااااااااااي حاجة غريبة اوي

 

ولا غريبة ولا حاجة يا ابني . ابو صفاء كان من الصعيد وبيدرس في الجامعة في القاهرة وجه أجر الشقة اللي فوقينا

 

المهم يا ابني شافني كام مرة في الطلعة والنزلة وعجبته وكلم اهلي عشان يتجوزني واهلي وافقوا

 

وسافر البلد عشان يبلغ اهله لكن ابوه رفض الجوازة وقاله لازم تتجوز من بنات عمك والا ما فيش جواز

 

حاول مع اهله كتير لكن من غير فايدة وقال لابوه انه مصر يتجوزني وابوه غضب عليه وطرده وقاله مالكش حاجة في الميراث مع اخواتك وما تجيش البلد تاني

 

وده اللي حصل اتجوزني وجينا العمارة دي واهله ما يعرفوش عنه أي حاجة ولا حتى انه مات

 

 

لا حول ولا قوة الا بالله حكاية غريبة جدا . بس برضو ما ينفعش نتمم اجراءات الجواز الا بمعرفة اهل ابوها وتوكيلهم

 

 

طب يابني وانا هجيبهم منين بس

 

طيب هما من بلد ايه اصلا ومن عيلة مين . وانا ان شاء الله اسافر لحد عندهم واطلب منهم ايد صفاء

 

هههههههه يا ابني هما يعرفوا اصلا ان واحدة اسمها صفاء في الدنيا!

 

لازم يعرفوا يا فندم . دي بنتهم

 

خلاص يا ابني اللي تشوفه . تعرف يا ابني اني همسك فيك بايدي وسناني

 

هههههههه رضيتي عني اخيرا

 

راجل راااااااااجل يا بني وبتفهم في الاوصول . صحيح كل اناء بما فيه ينضح . اولا انت ما غلطتش في مراتك قدامي لكن قولت عليها ست كويسة وشوف كمان قولت ايه على اعمام صفاء وانك هتسافر بنفسك . انا كدة اديك بنتي وانا عارفة اني مدياها لراجل هيصونها ويشيلها في عنيه

 

 

مش قولتلك يا طنط ههههههه

 

 

ههههههه اشكرك يا فندم . ده من ذوقك والله

 

نستأذن احنا بقى

 

 

اتفضل يا ابني

شارك هذه المشاركه


رابط المشاركه
شارك

ترررررررررررررررررن تررررررررررررررررررررن

 

مين

 

خالد يا رباب

 

 

ههههههههه اهلا يا خلودة يا حبيبي وحشتني

 

الله يخليكي يا حبيبتي . على فكرة ماما بتسلم عليكي كتير

 

يعني ممكن اروح اشوفها

 

هو حد منعك ؟ هههههههههههههههههه

 

ههههههههه لا ابدا يا حبيبي . الحمدلله انك اتغيرت

 

يا ترى شاهيناز جت

 

ايوة جت .

 

ممكن اشوفها

 

تعالى يا سيدي

 

 

 

شاهينااااااااااااااااااااااااااااااااااااااااااز هههههههههههه مبروك الحجاب

 

 

يا اخي من فضلك المفروض قبل ما تتكلم تقول السلام عليكم ورحمة الله

 

هههههههههههههههه وعليكم السلام يا خالتي الحاجة ههههههههههههههه تبقى موافقة

 

الكلام مع والدي يا اخي الفاضل .

 

ههههههههههه خلي ابوكي يستناني هعدي عليه بعد صلاة العشا

 

اييييييييييييييييييه ابوكي ده . اسمه باباكي

 

هههههههههههه بارك الله فيكِ وفي باباكِ هههههههههه انتظروني بالمشيئة

 

 

 

 

 

 

 

يا ماما يا ماما مش موافقة ليه بسسسسسسسس ؟

 

 

انا مش موافقة على أي حاجة من جنانك والمورستان اللي بقيتي فيه من ساعة الشيخ ده ما ظهر في حياتك. انا اجوز بنتي لراجل ملتحي !!!!!!!!!!!! عايزة الناس تقول علينا ايه

 

 

والحجاب ده لو شوفتك لبستيه تاني مش هيحصلك كويس . واياك تاني مرة تاخدي خطوة من غير ما تقوليلي

 

اهئ اهئ اهئ يا ماما دي مش طريقة تفاهم اهئ اهئ انا من حقي البس اللي يعجبني واتجوز اللي يعجبني

 

 

ما فيش جواز من راجل زي ده . سامعة ولا لأ ؟؟؟؟؟؟؟؟؟؟

 

اهئ اهئ بس ده جاي يقابل بابا بعد العشا

 

طب ابقي خليه يجي كدة ويشوف ايه هيحصله . والله ما حد هيعرفه مقامه غيري . بس لما اشوفه طيييييييييييييييييييييييييييب

 

 

اهئ اهئ اهئ

 

 

مالك يا شاهيناز يا بنتي

 

اهئ اهئ اهئ يا بابا هو حضرتك مش سامع كلام ماما اهئ اهئ يا بابا انا مقتنعة بحجابي ومقتنعة بالشيخ خالد كزوج ليا

 

ليه ماما تزعل بقى !!!!!!!!!!

 

طيب بس اهدي على العموم انا هقابله وبعدين اقرر

 

 

تقررررررررررررررررررر !!!!!!!!!!!!!!!!!!!! تقرر ايه يا سي حمدي !!!!!!!!!! رد علية !!!!!!!!!!!!

 

 

أأأأأأأأ أقرر اللي تشوفيه صح يا حبيبتي . يعني هو انا هعرف اكتر منك ! ربنا يخليكي لينا وتعيشي وتقرري

 

ايوة كدة . خليك انت على جنب وسيبهولي . انا هخليه يقول حقي برقبتي

 

انا مليش دعوة يا شاهيناز يا بنتي . الرأي رأي أمك والشورى شورة أمك

 

 

اهئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئئ عايزة اتجوز خااااااااااااااااااااااااااااااااااااااااااااااالد اهئئئئئئئئئئئئئئئئئئئئئئئئئئئئئ

 

 

 

 

 

 

 

 

 

 

ايه ده ايه ده يا سي علاء يا مية من تحت تبن انت ههههههه جايب عريس لصفاء بنت امينة وما تقوليش يا ولد

 

ابدا يا ماما كنت مستني لما اعرف رأي طنط امينة الاول

 

لكن انتي عرفتي منين ؟

 

هههههههه العصفورة قالتلي هههههههه

 

عصفورة ! عصفورة ايه يا ماما اللي قالتلك

 

هي العثفورة بتتكلم يا ماما ؟

 

لا يا حبيبتي ما بتتكلمش

 

اومال اذاي قالتلك على عريث ابلة ثفاء ؟

 

ههههههه ادخلي اعملي واجبك يا موني وما تتدخليش في كلام الكبار

 

هما الكبار ليهم كلام غير كلام الثغيرين يا ماما ؟ مث كلنا بنتكلم بلثانا اللي جوا بقنا ؟

 

لا اله الا الله . يا بنتي روحي اعملي واجبك وسيبيني اتكلم مع اخوكي

 

ههههههههه يا موني عقدتي ماما حرام عليكي

 

 

مث عارفة اعمل الواجب . ثعب اوي . وفي حاجات مث عارفة احلها

 

 

طيب يا موني انا هخلص كلام مع ماما واجي اساعدك

 

لا أنت بتحللي غلط .

 

 

انا يا بنت بحللك غلط !!!!!!!!!!!!!

 

 

ايوة ثألتلك قبل كدة تلاتة ذائد اتنين يبقوا كام قولتلي خمثة وكتبتها والابلة عملتلي غلط في الثؤال التاني

 

ازاااااااااااااااااااااي وريني الكتاااااااااااااااب

 

 

اثتنى اما اروح اجيبه

 

 

البنت دي هتجنني . انا هحل لموني غلط . شوفتي يا ماما !!!!!!!!!!!

 

هههههههههههه ما تعملش عقلك بعقلها عشان ما تتعبش هههههههه

 

 

اهو الكتاب اهو. ثوف بقى انت غلطان في ايه يا ابيه علاء عثان تذاكر كويث بعد كدة

 

يا بنتي يا اختي يا حبيبتي السؤال ده تلاتة ناقص اتنين وانتي كاتبة خمسة يبقوا غلط طبعا لانهم بيساوا واااااااااااااااااحد

 

لكن تلاتة زائد اتنين هيبقوا خمسة

 

مث فاهمة حاجة . مث دول تلاتة واتنين ودول تلاتة واتنين .

 

يا حبيبتي الناقص غييييييييييييييير الزائد . الناقص نطرحهم من بعض والزائد نجمعهم على بعض

 

ااااااااااااااه فهمت . طب خلاث هثتناك عثان تحللي الباقي عثان انت ثاطر

 

 

حاضر يا انستي الصغيرة ههههههههه

 

 

 

ها يا علاء كمل

 

اكمل ايه يا ماما . احنا كنا بنقول ايه . موني نسيتني

 

هههههههه والله وانا كمان نسيت . ايوة ايوة عريس صفاء

 

ادعيلها ربنا يتمم بخير . لكن مين العصفورة اللي قالتلك ؟ ههههههههههههه

 

انتو مث قلتوا العثفورة مث بتتكلم !!!!!!!!!!!!!!!!!!!!!!!!!!!!

 

ههههههههههه تعالى نكمل الكلام ع السلم يا بني عشان موني تسيبنا في حالنا

 

 

 

 

 

 

 

 

ترررررررررررررررن ترررررررررررررررررررررن

 

 

مين بيخبط

 

انا دنياااااااااااااا يا تيتة

 

 

دنياااااااااااااااااااااااااا طب استني اما اجيلك بالعصايا وقعتي تحت ايدي

 

 

يا مامييييييييي ايه يا تيتة

 

 

تعالي هنا

 

في ايه يا تيتة سيبي ودنييييييييييييي

 

انا مش قايلالك ما تخرجيش برا باب الشقة لمدة تلات شهور

 

هههههههههه عشان ما اشوفش حاتم يعني ؟ هههههههههه ما تقلقيش حاتم خرج اصلا مش موجود

 

وانتي عرفتي منين انه خرج ؟

 

شوفته من البلاكونة

 

نهاااااااااااارك مش فايت تعاليلي هنا . كمان البلاكونة . انا يا بنت مش نبهت عليكي ما تدخليش البلاكوووووووووووووووونة

 

 

يا تيتة زهقت اووووووف قولت اخرج اشم هوا شوية

 

 

الكلام يتسمع ودي اخر مرة . تاني مرة ما تخرجيش الا في ايد امك لما تكونوا رايحين تشتروا الجهاز

 

 

حاضر يا تيتتتتتتتتتة حاضر

 

اقعدي

 

اديني قعدت اهو . ما عندكيش حاجة حلوة يا تيتة

 

الحلو عند امك فوق يختي . يللي بتاكلوا الحلو كله لوحدكو . ما فيش مرة تقولوا ننزل للتيتة . عاملين زي يأجوج ومأجوج ما بتخلوش حاجة لحد انتي والطفصفين اخواتك

 

ههههههههه يا حرام . اه صحيح . بابا جابلنا جاتوه امبارح انما ايه تحفففففففففة

 

شايفاه وهو طالع كنت قاعدة في البلاكونة . بالهنا والشفا يا ستي . عندك عنب في التلاجة قومي هاتي

 

لالالالالا ما بحبش العنب

 

ما عنديش غيره . انستي ونورتي

 

دا نورك يا تيتة هههههههه شكلك عايزة تطرديني

 

وهطردك ليه . قوليلي امك جابتلك طقم الصيني ولا لسة ؟

 

جابته بس مش عاجبني خااااااااااااااااااالص

 

ليه ان شاء الله

 

يا تيتة ماما بتزل مستعجلة عايزة تجيب بسرعة ونجري نروح . جابت الطقم من اول محل قابلها وقولتليها يا ماما يا حبيبتي تعالي نشوف محلات تانية ونقارن

 

قالتلي لا تانية ولا تالتة هو ده وخلاص واحمدي ربنا

 

وبعد ما اشترينا ومروحين بصيت لقيت محل تاني عارض طقم حلووووووووو حلو اوي كنت هعيط بصراحة

 

 

زي بعضه معلش . امك اصلها عجزت وكبرت وما بتقدرش تمشي كتير

 

هههههههههه دي لو ماما سمعتك هتتقهر ههههههههه ماما لسة صغيرة يا تيتة . قوليلي يا تيتة!

 

 

قولي يا حبيبتي وهاتي من الآخر عشان نزولك عندي عارفة ان وراه حاجة

 

ههههههه ابدا يعني يا تيتة . كنت عايزة اسألك هو مش لما سهام اختي جت تتجوز انتي جبتيلها خاتم دهب هدية ؟

 

 

ايوة حصل . قصدك ايييييييييييييه ؟

 

ابدا مش قصدي حاجة يعني . سهام حبيبتك لكن انا دنيا المسكينة اللي ماحدش سائل فيها

 

 

يا بنت اصبري على رزقك . يمكن اجيبلك حاجة احسن من الخاتم

 

اوعي تكون السلطانية بتاعة مرزوق العتقي هههههههههههههههههههه

 

انتي وبختك يا بنت بنتي . عن اذنك الزيارة انتهت

 

ههههههههه ميرسي يا تيتة

 

دنياااااااااا ما اشوفش وشك غير يوم كتب كتابك

 

امتى يا تيتة امتتتتتتتتتتتتتتى اليوم ده هههههههه

 

شوف البنت قليلة الحيا . امشي يا بنت بلاش مياعة بنات

 

هههههههه اموووووووووه بحبك يا تيتة

 

 

 

 

 

 

 

 

 

دعااااااااااااااااااء

 

 

دعاااااااااااااااااااااااااء

 

 

انتي يا بنتي . انتي مش سامعاني ولا ايه ؟

 

اهلا يا سالي

 

 

ايه يا دعاء مالك شكلك مش عاجبني خالص

 

اهئ اهئ اهئ مافيش حاجة يا سالي

 

مافيش ازاي . اومال بتعيطي ليه ؟ طب اقولك تعالي ناخد العربية ونروح أي مكان بعيد نتكلم على راحتنا

 

اهئ اهئ ماشي يا سالي

 

 

 

 

ها يا دعاء مالك يا حبيبتي . انا بقالي كتير مش بشوفك في الكلية ولا انتي حتى بتتصلي بيا وكذا مرة اتصل مامتك تقول انك مش موجودة

 

 

اهئ اهئ مش لاقية عادل اهئ اهئ

 

عادل !

 

ايوة اهئ اهئ

 

يعني ايه مش لاقياه

 

اهئ اهئ اتضح ان الشقة مش بتاعته اصلا وكان مأجرها وفي الاخر اختفى اهئ اهئ اختفى ومش عارفة هو فين اهئ اهئ

 

 

طيب وانتي ليه مزعلة نفسك كدة . خلاص . يبقى هو مش بيحبك زي ما كان بيقولك وخلاص انسيه بقى

 

اهئ اهئ انتي بتقولي ايه بس يا سالي اهئ اهئ اهئ انا اناااااا انا حامل

 

يا خبر اسوووووووووود ازااااااااااااااااي . طيب وهو عارف كدة

 

اهئ اهئ ايوة اهئ اهئ عشان كدة اختفى ومش عارفة طريقه . هرب الجبااااااااااااااااااااان الندل اهئ اهئ اهئ

 

 

يا حبيبتي يا دعاء اهئ اهئ طيب وهتعملي ايه دلوقتي اهئ اهئ

 

اهئ اهئ مش عارفة يا سالي اهئ اهئ انا خايفة خااااااااااايفة اوي اهئ اهئ . ماما وبابا لو عرفوا يموتوني اهئ اهئ اهئئئئئئئ

 

طب وانتي عملتي في نفسك كدة ليه بس ؟؟؟؟؟؟

 

اهئ اهئ عشان صدقت وعوده بالجواز اهئ اهئ . بصي يا سالي انا هنصحك نصيحة من قلبي يمكن ربنا ينجيني من اللي انا فيه اهئ اهئ اوعي تصدقي وعود أي شاب وكلامه المعسول اهئ اهئ اللي بيحب واحدة حقيقي بيتقدم لاهلها على طول من غير ما يكلمها ولا كلمة

 

اهئ اهئ مش بياخدها وبروح ويجي بيها ويتسلى ويقضي وقت لطيف وبعدين يقولها ما اعرفكيش لما تقع المصيبة اهئ اهئ اهئ

 

 

يا حبيبتي يا دعاء اهئ اهئ . طيب انا عايزة اساعدك

 

ماحدش يقدر يساعدني . عن اذنك اهئ اهئ اهئئئئئئئئئئئ

 

 

اهئ اهئ اهئ مسكينة دعاء اهئ اهئ يا ترى هتعمل ايه في المصيبة دي

 

 

 

 

 

 

ازيك يا سالي وحشاني خالص ههههه عاملة ايه

 

اهلا ازيك يا نسرين اخبارك ايه

 

انا الحمدلله كويسة

 

انتي ليه مش بتيجي تزوريني

 

طيب ما تيجي تزوريني انتي الاول يا سالي ؟ اصل ماما مش بتخليني اروح عند حد هي ما تعرفوش

 

لكن لو جيتي واتعرفت عليكي يمكن توافق

 

خلاص ان شاء الله هبقى اجي ازورك

 

طيب ما تيجي معايا النهاردة . حتى كمان تتغدي معانا . ماما عاملة سمك وجمبري يجنن هههههه

 

هههههههه الله انا بحب السمك والجمبري اوي

 

خلاص يا ستي نحضر المحاضرة اللي جاية وبعدين ننطلق متجهين لمائدة اسماك الست الوالدة ههههه

 

ههههههه اوكيه يا نسرين يلا

 

 

 

 

 

 

 

مامااااااااااااااا

 

اهلا يا نسرين يا حبيبتي

 

معايا ضييييييييييفة

 

اهلا بيها يا حبيبتي . مين هي

 

واحدة زميلتي في الكلية وهتتغدا معانا كمان

 

يا مرحب يا الف اهلا وسهلا .

 

عارفة بنت ميييييييييين

 

بنت مين يعني ؟

 

ههههههههه بنت تيتي نظمي الرقاصة

 

ايييييييييييييييييييييييييه انتي اتجننتي يا بنت ؟؟؟؟؟؟؟؟؟؟؟ ازاي تدخلي واحدة زي دي بيتنا ؟؟؟؟؟؟؟؟؟؟ امشي اطرديها برا يلاااااااااا

 

يا ماما يا ماما ارجوكي وطي صوتك ما تحرجنيش . بالله عليكي اخر مرة ومش هجيبها هنا تاني

 

انتي سمعتي اللي قولته ولا اخرج اطردها انا ؟؟؟؟؟؟؟؟؟؟؟؟؟

 

خلاص يا ماما اهدي اوووووووووف وبعدين بقى في الموقف المهبب ده

شارك هذه المشاركه


رابط المشاركه
شارك

اهلا بحبايب قلبي

 

عذراااااااااااااا للتأخير والله غصب عني كان ورايا اشغال كتير

 

 

كنت عايزة اشكر كل واحدة فيكو على كلامكو الجميل اللي اسعد قلبي

 

 

ربنا يسعد قلوبكم زي ما اسعدتوني بكلامكو الجميل اللي بيشجعني اكتر

 

 

بكرة ان شاء الله ليا عودة للترحيب بيكو كلكو

 

ونكمل بكرة ان شاء الله

 

اسيبكو للتوقعات اللي هتطلع فشنك كلها هههههههههههههههههههههههههههههههههههههههههه

شارك هذه المشاركه


رابط المشاركه
شارك

ما شاء الله حلقات جميلة اوي وكل حلقه بتزداد تالقا

 

بارك الله فيكِ

 

في انتظار باقي الحلقات إن شاء الله

شارك هذه المشاركه


رابط المشاركه
شارك

في انتظارك هبة.

 

أتوقع أن يكون علاء قريبا لصفاء أو ممكن حتى ....

 

أريد أن أسألك هبة هل يقرأ زوجك قصصك هذه ؟

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×