اذهبي الى المحتوى
هبة عبد العظيم نور

مراتي في السبعيناااااااااات

المشاركات التي تم ترشيحها

كان في فراثة ثغنتتة

 

لابثة بلوذة منقطة

 

على جونيلة مخططة

 

اما فراثة ثغنتتة

 

قولتليها تيجي نلعب ثوا

 

قالتلي طيب يا اثمك ايه

 

انا هثتخبى واختفي

 

وخلف اثجار اللمون

 

وانتي تبقي تعرفي

 

لالالالا ترترا لي لي لالالالا كان في فراثة ثغنتتتتتتتتتتتتتتتتة

 

 

 

يا موني لمي عرايسك وكراكيبك اللي في كل حتة دي

 

بلموهم بيتكركبوا تاني . اعمل ايه بث يا ماما

 

يا سلام ! بيتكركبوا لوحدهم مش كدة ؟

 

يعني بلاث العب

 

العبي يا ستي بس بعد ما تخلصي لمي حاجتك

 

حاضر يا ماما .كان في فراثة ثغنتتتتتتتتتتتتتتتتتتة . اما اقوم احمي العروثة عثان تنام بقى .يلا تعالي على البانيو عثان تبقي امورة ونضيفة ذيي بالذبط

 

 

يا ماما فين الثابونة بتاعة العروثة الجديدة

 

يا ابنتي اتقي الله فيا وفي عرايسك اللي ما بتستحملش في ايدك يومين . عروسة ايه اللي هتحميها هتبووووووووووووووظ

 

طب ما انا بثتحمى ومث ببوذ

 

استغفر الله العظيم . اعملي اللي انتي عايزاه . بس والله ايااااااااااااك تيجي تقوليلي هاتيلي عروسة تاني . كفاية اللي قضيتي عليهم دول . اللي خلتيها قرعة واللي خلعتي عنيها واللي كسرتي رجليها

 

 

يووووووووو كل ما اعمل حاجة مامتي تذعقلي . هي عروثتي ولا عروثتها اثلا ! حاجة تذهق

 

 

 

ههههههههه ايه يا موني زعلانة ليه كدة

 

انت رايح فين يا ابيه حاتم

 

 

رايح اشوف العمال في شقتي

 

ثقتك ! هو انت عندك ثقة غير دي ؟

 

هههههههه ايوة طبعا

 

اومال قاعد عندنا ليه ؟

 

ههههههههه ما تقلقيش همشي من عندكو قريب هههههههه مامااااااااااااااااا

 

 

 

ايوة يا سي حاتم انت كمان

 

 

في ايه بس يا ست الكل . مين مزعل الجميل

 

اخوك مصطفى بيه اللي بيرمي علية السلام بالعافية . ولد قليل الادب وناقص تربية

 

ايه يا ماما . انتي طول عمرك تقولي مصطفى اطيب ولادي . ايه اللي حصل

 

محسسني اني قاتلاله قتيل . مكشر في وشي في الداخلة والخارجة . قوله يغير اسلوبه ده والا والله انا اللي هقاطعه طول العمر

 

 

يا ماما مش للدرجة دي . مصطفى زعلان بس عشان طيرتي من ايده العروسة

 

يا سلام ! وايه يعني . من بكرة اخطبله واحدة برقبتها بس هو يشاور

 

هههههههه المشكلة هو لو شاور على واحدة مش عاجباكي هتقطعيله صباعه هههههههههه

 

امشي يا ولد امشي من وشي انت كمااااااااااااان انا مش عايزة اتكلم مع حد

 

 

اهئ اهئ اخص عليك يا مصطفى اهئ اهئ هانت عليك ماما حبيبتك اهئ اهئ

 

 

 

 

 

 

ترررررررررررررررن تررررررررررررررررررن

 

 

الو

 

 

مساء الخير

 

مساء النور

 

ممكن اكلم باشمهندس علاء

 

 

مين عايزه يا فندم

 

خطيبته

 

لحظة واحدة

 

 

باشمهندس علاء خطيبتك على التليفون

 

 

الو ايوة يا هيام خير

 

ايه الاسلووووووووب ده . هو انا بشحت منك

 

هيااااااااااام انا في شغلي دلوقتي مش فاااااااااااااضي خير في ايه

 

 

هو صحيح انت هتجوز صاحبك المتجوز لصفاء ؟

 

هو ما فيش حاجة بتستخبى

 

ايوة يا ستي ان شاء الله . انتي ايه دخلك اصلا

 

اهئ اهئ اخص عليك يا علاء . يعني انت بتشجع التعدد ؟

 

هههههههههههههههههههههههه ايوة طبعا ومن اشد انصاره كمان

 

اهئ اهئ يعني هتتجوز عليا يا خاين ؟ اهئ اهئ

 

قولي ان شاء الله من غير مقاطعة ههههههههه

 

اهئ اهئ اااااااااااااااه يا خاين

 

اااااااااااااااه يا مجنونة ههههههههه مش لما اتجوزك الاول ابقى افكر اتجوز عليكي !

 

هو احنا هنتجوز امتي

 

مش انتي قولتي بعد ما تخلصي سنة اولى . لسة قدامنا يمكن خمس شهور وبعدين ما يصحش تتكلمي معايا في الامور دي

 

المفروض والدك هو اللي يحدد معايا المعاد مش انتِ

 

تقصد اني مابتكسفش وما عنديش حياء مش كدة ؟

 

هيام انا عندي شغل عن اذنك

 

اووووووووووووووووووووووووف انسان مستفز

 

 

 

 

 

تررررررررررررررررررررررن ترررررررررررررررررن

 

 

مين

 

 

افتحي يا بنت انا تيتة

 

 

اهئ اهئ اهئ تيتة قتلها يا تيتة قتلها اهئ اهئ اهئ

 

قتلهااااااااااااااااااا!!!!!!!!!!!!!!! هو مين اللي قتلها وهي مين اللي اتقتلت اصلا ؟

 

 

البطلة يا تيتة اهئ اهئ خالها قتلها اهئ اهئ

 

يا دي الغلب ع الافلام اللي كلت نفوخك .وقتلها لييييييييييه

 

عشان جابتله العار اهئ اهئ

 

لا غلطان . كان المفروض يعملها حفلة تكريم . امشي يا بت يا بتاعة الافلام انتي اندهيلي امك يا يسرا

 

اهئ اهئ حاضر يا تيتة . يا عيني عليكي يا هناااااااااااااااااااااااااااااااااادي اهئ اهئ اهئ وين هنااادي يا خااااااااااااااال اهئ اهئ

 

ربنا ما يحرمك من العبط يا بنت بنتي

 

 

 

 

اهلا يا ماما نورتي يا حبيبتي

 

نورك يا احلام . جاية اطمن عملتوا ايه في موضوع سهام

 

جوزها لسة مسافر عنده رحلة لايطاليا تقريبا وهيرجع كمان اسبوعين

 

وهي مش هتروح امتحاناتها

 

امتحانات ايه بس يا ماما . الحمل تاعبها جدا وهتأجل السنة دي . والله يا ماما حالتها وحشة ولا ليها نفس تكلم حد ولا تعمل أي حاجة

 

معلش يا بنتي . ربنا يعوضها خير . مش عايزة اقول انتوا السبب عشان ماحدش يزعل مني

 

الحمدلله على كل حال يا ماما . تشربي ايه يا حبيبتي

 

لو عندك لمون اعمليلي كوباية

 

حاضر يا ماما .نورتيني والله يا حبيبتي

 

 

 

تييييييييييييييييتة ههههههههههه اكيد طالعة عشان تديني هديتي

 

لأ طالعة عشان اديكي في سنانك . قوليلي يا دنيا صحيح

 

نعم يا تيتة

 

ماتعرفيش مها ما بتجيش ليه

 

مها !!!!!! هو انت ما تعرفيش انها متخانقة مع هيام

 

هيااااااااااااااااااااااااااااام . وقعتها سودة . اكيد هي اللي غلطانة . هو انا تايهة عن هيام ولسانها

 

اتخانقت معاها ليه يا بنت يا دنيا

 

طب اقولك يا تيتة وما تقوليش اني انا اللي قولت . انتي عارفة هيام شرانية وممكن تأذيني ولا تحطلي سم في الاكل ولا حاجة

 

اعوذ بالله دانتوا الافلام شالت امخاخكو واستبدلتها بجزم . اختك هتسمك يا بنت ! قولي يختي في ايه

 

 

هيام قالت لمها اياااااااااك تيجي عند تيتة اصل هيام خايفة من مها لتلطش منها علاء

 

 

لا حول ولا قوة الا بالله . طيب انا دخلي ايه . هي خايفة على خطيبها تمنع البنت تزورني ليييييييييييه بأي حق

 

البت دي اتجننت ولا ايه روحي اندهيهالي

 

انا ماليش دعوة يا تيتة وماقولتش حاجة

 

 

 

اهلا يا تيتة

 

مالك ومال مها يا ست هيام تمنعيها تزورني بأي حق يا ست هيام بتتحكمي فينا ليه يا ست هيام

انا يا تيتة ! هي الست مها اشتكتلك

 

 

مالكيش دعوة . يا شيخة حرام عليكي . ما لقتيش الا مها الغلبانة تقلي ادبك عليها . ولا هي يا عيني عشان ما بتعرفش ترد وتاخد حقها زيك يا ام اويئ

 

ام اويئ ! انا ام اويئ يا تيتة اهئ اهئ ربنا يسامحك

 

بقولك ايه بكرة ان شاء الله هاخدك ونروح لحد مها تستسمحيها وتبوسي راسها وتعتذريلها عن قلة ادبك

 

اييييييييييييييه هي مين دي اللي اعتذرلها

 

مش زعلتيها وجرحتي كرامتها

 

ما تزعل ولا تتفلق وانا مالي

 

بصي انا مش عايزة اوصل الموضوع لعلاء . صدقيني علاء على شعرة واحدة ومخنوق منك خنقة ما يعلم بيها الا ربنا ولولا خالته وعمه وانه مش عايز مشاكل بين الكبار كان رمى الدبلة في وشك من زمان فلمي الدور وتعالي بالذوق بدل ما تروحي بالعافية

 

اهئ اهئ بقى علاء مش طايقني اهئ اهئ تلاقيه بيتلككلي عشان يتجوز مها اهئ اهئ بس انا بقى عندا فيها مش هسيبهولها ها

 

 

بكرة تكوني جاهزة بعد العصر نروح لمها

 

اهئ اهئ يا تيتة هتقابلني وحش اهئ اهئ

 

حقها والله . انتي اللي بتجيبيه لنفسك

 

 

 

 

 

 

 

الا قولي يا دكتور مدحت صحيح . عملت ايه لما رجعت البيت للدكتورة بعد مشوار العروسة هههههههههههه

 

ههههههههههههه مش هتصدق والله يا علاء . لقيتها رابطة شعرها بمنديل وعملاله زعرورة من فوق ولابسة جلابية معفنة وحاطة ايدها اليمين على خدها وباصالي وكان شكلها بصراحة زي بياعين الفجل بالظبط ههههههههه ومشغلة اغنية تخونوه وعمره ما خانكو ههههههههه

 

هههههههههههه وانت عملت ايه

 

ولا حاجة ولا كأني شايف حاجة غيرت هدومي وقولتليها تصبحي على خير يا زوجتي العزيزة هههههههههههه

 

هههههههه ربنا يستر ويتمم الجوازة على خير

 

 

ان شاء الله . منتظر رد والدة العروسة بكرة على التليفون عشان لو وافقت اخد عنوان اهل صفاء في الصعيد واسافر ان شاء الله

 

 

ان شاء الله

شارك هذه المشاركه


رابط المشاركه
شارك

ابلة سووووووووووووووووزي حمدالله ع السلامة

 

هههه الله يسلمك يا مايسون

 

اهلا سووووووووووووووزي حبيبتي وحشتيني

 

انتي اكتر يا ماما ربنا يخليكي

 

بابا سافر ؟

 

ايوة يا ماما وهيجي الشهر الجاي ان شاء الله

 

ياااااااا معقول

 

ايوة عشان خلاص هيصفي اعماله كلها وهيستقر في مصر واتفقنا نطلع عمرة ان شاء الله انا وهو

 

هههههههه ماشاء الله . ايه التطورات دي انتي وباباكي

 

الحمدلله يا ماما

 

طيب حبيبتي غيري هدومك والعشا هيكون جاهز

 

 

لا يا ماما مش عايزة اكل انا عايزاكي انتي

 

خير يا حبيبتي

 

عايزة انام وتيجي تنيميني زي زمان ههههههههه

 

هههههههه بس كدة ! من عيوني يا حبيبتي

 

 

 

 

 

 

يا ماما فاكرة لما كنتي تاخديني على حجرك وانا صغيرة وتغنيلي اغنية بوسة على الخد ده ؟

 

هههههه ياااااااااااااااااااااه انتي لسة فاكرة يا حبيبتي

 

عمري ما نسيت يا ماما . دايما كنت افتكرك وانتي بتغنيلي الغنوة دي واعيط

 

يا حبيبتي ! للدرجة دي ؟

 

ممكن تغنيهالي زي زمان يا ماما. رجعيني طفلة بين ايديكي تاني يا ماماااااااا

 

هههههه بس انا ما اقدرش اخدك على حجري زي زمان يا سوزي ههههههههههه

 

ههههههه اقعدي جنبي في السرير وداعبي خصلات شعري وانا هغمض وانتي غنيهالي

 

 

حاااااااااضر يا حبيبة ماما

 

 

بوووووووووووووووسة ع الخد ده

 

وبووووووووووووووسة ع الخد ده

 

والخد ده ليزعل من الخد ده

 

واااااااااحدة ع الشمال

 

والتانية ع اليمين

 

والتالتة ع الجبيبن

 

يا عيون ماما انتي قوليلي طالعة لمين جميلة بالشكل ده

 

جميييييييييييلة بالشكل ده ههههه

 

هههههه اخدتيني لسنين بعيدة اوي يا ماما . خليكي نايمة جنبي مش تسيبيني

 

حاضر يا حبيبتي هنام جنبك وسعيلي مكان بقى عشان مامتك تخنت عن زمان كتير ههههه

 

هههههه اتفضلي يا ماما

 

ماما

 

نعم يا حبيبتي

 

انا بحبك

 

انا بحبك اكتر يا سوزي والله يا بنتي يا نور عيني. ربنا يقدرني واعوضك يا قلبي اموووووووووووووه

 

 

 

 

 

ترررررررررررررررن ترررررررررررررررررن

 

الو

 

ممكن اكلم باشمهندس مدحت

 

ايوة يا فندم انا مدحت مين معايا

 

 

والدة صفاء

 

يا اهلا يا اهلا يا اهلا ها عايز اسمع خبر حلو

 

ههههه احنا موافقين يا ابني

 

ههههههههه الله يبشرك بالخير . طيب لو سمحتي انا هعدي عليكو النهاردة عشان اخد تفاصيل عن اهل صفاء في الصعيد

 

 

تآنس وتنور يا ابني في انتظارك

 

 

 

 

 

 

 

 

كنت فين يا علاء يا ابن بنتي

 

 

كنت بصلي في الجامع يا تيتة

 

ماشاء الله يا حبيبتي . انت اسلمت ؟

 

ههههههههههه طب ما انا مسلم فعلا يا تيتة

 

مسلم في البطاقة بس لكن الافعال لأ

 

ان شاء الله يا تيتة هلتزم بالصلاة على طول في الجامع

 

ربنا يهديك يا ابني ويقوي ايمانك

 

 

 

 

 

 

 

 

يا باشمهندس علاء

 

اهلا اهلا اهلا يا دكتور مدحت . رجلك خدت على العمارة يعني

 

انا جاي لعروستي

 

هما وافقوا

 

طبعا وافقوا ههههههه يلا تعالى ادخل معايا بقى

 

يا عم هو انا خلفتك ونسيتك ! وانا مالي

 

تعالى بقى يا عم انت ادخللللللللل

 

ترررررررررررررررررررررن تررررررررررررررررررررررن

 

 

 

 

اهلا وسهلا اتفضلوا

 

 

اهلا بيكِ يا فندم

 

الشربات يا صفاء

 

 

حاضر يا ماما

 

ههههههه مبروك يا عريس

 

عقبال جوازك يا علاء

 

الاولاني ولا التاني ؟ ههههههههه

 

يا سيدي نفرح بيك مع الاولانية وبعدين نجيبلك واحدة تانية مش مشكلة

 

اهلا وسهلا شوفتونا

 

 

مساء الخير

 

اهلا اهلا ازيك يا انسة صفاء

 

أأأأاهلا عن اذنكو

 

هي ايه حكايتها دي . هي كل ما تشوفني تجري ليه ؟

 

ههههههه بتتكسف يا سيدي . هي طبيعتها كدة

 

 

 

ها يا حاجة . اديني البيانات بالتفصيل

 

 

هما ياابني من نجع ابو سويلم عيلة الزعاترة

 

عيلة مين ؟ ايه الاسامي الغريبة دي

 

ههههههه يا ابني ماهم صعايدة بقى واسامي العائلات صعبة شوية

 

 

والد صفاء الله يرحمه اسمه حسنين وعنده اخين اكبر منه واحد اسمه مناع وواحد اسمه دهشان

 

يخرب بيت دي جوازة . انا ايه اللي دبسني . مناع ودهشان مين اللي هسافر الصعيد اقابلهم دول

 

ربنا يستر وترجع سليم يا دكتور هههههههه الألي في انتظارك ههههههه

 

هههههههههه ما تقلقش ما انت هتيجي معايا

 

اجي معاك فيييييييييييييين

 

لا يا عم يفتح الله عن اذنك

 

جرا ايه يا علاء انت بستندل معايا ليه

 

يا عم انا مالي انا . ايه يوديني الصعيد عند الديابة

 

 

اخص ع الرجالة . حد يخاف من الديابة برضو . ما تنشف كدة يا باشمهندس

 

يا عم بصراحة اصل عمري ما فكرت انه يجي يوم واسافر الصعيد

 

وعشان خاطر اخوك

 

يووووووو طيب هشوف كدة وارد عليك

 

خلاص يا حاجة انا هسافر انا وعلاء في اجازة نص السنة ان شاء الله .يعني كمان تلات اسابيع

 

 

انت بتحرجنييييييييييييي

 

هههههههه على خيرة الله ياابني

 

 

 

 

 

ثروت حبيبي

 

اهلا راجية صباح الخير

 

حبيبي اوعى تكون اتضايقت اني نمت في اوضة سوزي امبارح

 

لا ابدا يا حبيبتي . بس ما تتعوديش على كدة هههههه

 

معلش يا حبيبي انت عارف الظرف الصعب اللي البنت مرت بيه وانا نفسي اعوضها بأي طريقة

 

حبيبتي والله مقدر . اتصرفي على طبيعتك من غير تبريرات كل شوية

 

يا حبيبي يا ثروت ! والله انت نعم الزوج ليا وربنا يشهد مكانتك في قلبي شكلها ايه

 

حبيبتي انتي كمان ونعم الزوجة وكفاية تربيتك لادهم ابني واهتمامك بيه .

 

ادهم ! الولد ده عايز يتضرب من ساعة ما فتح شركة السياحة واخد شقة لوحده وهو ما بيظهرش خالص

 

ولا حتى بيجي يسأل على مايسون اخته

 

ههههههههه اتصل بيا النهاردة وكلم مايسون وهيجي يتغدا معانا ما تقلقيش

 

 

طب ياريت عشان وحشني والله

 

 

 

 

ماما صباح الخير . صباح الخير يا عمو ثروت

 

اهلا بحبيبتي

 

صباح النور يا سوزي يابنتي .نمتي كويس

 

الحمدلله يا عمو . طيب عن اذنكو هتوضى عشان اصلي الضحى

 

ماشاء الله . اتفضلي يا حبيبتي

 

سبحان الله . بنتك اتغيرت خالص يا راجية . مش ممكن تكون دي سوزي خاااااااااااالص هههههههه

 

هههههههه الحمدلله الف حمد والف شكر ليك يارب . تعرف انها شجعتني اصلي والبس الحجاب انا كمان

 

والله ! ياريت يا حبيبتي هكون سعيد جدا

 

ان شاء الله يا حبيبي

 

 

 

 

 

 

 

 

ابلة سوزي انتي مش هتروحي معهد الموسيقى

 

لالالالالالالالالا الحمدلله الذي عافانا . دلوقتي صدقيني يا مايسون مافيش حاجة تطربني غير سماع القرآن

 

بحس اني في دنيا تانية من السكينة والأطمئنااااااااان والراحة النفسية

 

الله ! جميل اوي يا ابلة سوزي .تعرفي اني بقيت احبك اكتر كتير . الاول كنت بحبك بس بحس ان في حواجز بينا

 

دلوقتي بحس انك اختي الكبيرة حبيبتي اللي نفسي احكيلها وتحكيلي وتنصحني

 

هههههه انتي حبيبتي يا مايسون . بقولك ايه . ايه رأيك على ما الغدا يجهز نروح مشوار انا وانتي ؟

 

مشواااااااار ؟ مشوار ايه

 

في دار ايتام كنت عايزة ازورها واختار طفل اكفله

 

احنا هنجيب طفل يتيم عندنا

 

لا حبيبتي هنكفله في مكانه

 

الله ! فكرة جميلة يا ابلة , مع اني عندي امتحانات خلاص ومش فاضية بس هاجي معاكي المشوار الجميل ده

 

خلاص حبيبتي يلا . بس لو سمحتي البسي حاجة طويلة ومحتشمة

 

حاضر يا ابلة حالاااااااااا

 

 

 

 

 

 

 

 

 

 

 

 

يلا يا سوزي يلا يا مايسون قوموا يا بنات حضروا معايا السفرا

 

 

حاضر يا ماما

 

ترررررررررررررررررررررن ترررررررررررررررررن

 

ايه ده ! هو انتو منظرين حد ؟

 

هههههههه دا تلاقيه ادهم ابن عمك ثروت

 

تررررررررررررررررررررررررن تررررررررررررررررررررررررررررررررررررررررررررررررررررررن

 

ييييييييييييييييي ادهم . الولد الغلس اللي كان يشوفني هنا لازم يشدني من شعري ويضربني ؟

 

هههههههههههههههههههه يا بنتي ولد غلس مين . دا راجل ملو هدومه صاحب شركة سياحة محترمة .

 

 

طيب يا ماما انا هدخل احط الحجاب ما ينفعش اقعد كدة

 

ادخلي يا حبيبتي

 

 

 

ترررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررن

 

 

ايوة ايوة يا ادهم جاية يا حبيبي

 

 

اهلا يا ادهم ازيك وحشتني

 

ايه يا طنط اييييييييه بقالي ساعة ع الباب . مش عايزني قولوا ههههههههه اخد تورتة البلاك فوريست اللي يانسون طالباها وامشي ههههههههه

 

ابيه ادهممممممممممممم حبيبي وحشتني

 

اهلا اهلا اختي الجميلة اتفضلي يا يانسون تورتة البلاك فوريست

 

يانسوووووووووووووون هههههههههههههه يا ابيه لخطبطتني في اسمي

 

امبارح دخلت علينا مدرسة جديدة وبتقولي اسمك ايه نسيت وقولتليها يا نسون والبنات ضحكو علية

 

هههههههههه ماشي يا يانسون . فين الغدااااااااااااااااااااااااا

 

انتظر باباك زمانه جاي

 

لالالالالالا واقع من الجوووووووووع يلا يلا مستعجل

 

 

 

السلام عليكم

 

 

وعليكم السلام ورحمة الله وبركاته . مين الحاجة؟

 

ههههههه الحاجة سوزي بنتي

 

ماشاء الله سوووووووووووووووووزي بتاعة زمان الرزلة فاكرها هههههههههه اعوذ بالله كان عليها دم يلطش ههههههه

 

ههههههههه بس يا ولد لتسمعك وتزعل

 

ازيك يا انسة سوزي

 

اهلا وسهلا يا استاذ ادهم

 

ماشاء الله . غريبة اني اشوف بنت بالحجاب

 

ربنا يهدي الجميع

 

آمين

 

 

انتي خلصتي دراستك ولا لسة يا ترى ؟

 

لا والله انا سيبتها

 

سيبتيها

 

ايوة كنت بدرس موسيقى واكتشفت انها محرمة فسيبتها

 

ماشاء الله شيء طيب .نقلة جميلة في حياتك القرار ده

 

ترررررررررررررررررن ترررررررررررررررررررن

 

 

دا ثروت اكيد . افتحي لبابا يا مايسون

 

حاضر يا ماما

 

 

 

 

 

 

 

 

 

 

اهلا اهلا بأدهم باشا

 

اهلا يا ابو الباشا ههههههه ازيك يا بابا

 

جبت اخر دفعة عشان تسد الشيك الاخير اللي عليك

 

ايوة يا بابا . خد فلوسك عشان نبقى خالصين . انا كدة بقيت راجل عصامي بنيت نفسي بنفسي

 

ههههههه يا شيخ اتلهي . انت واخد فلوس الشركة من ابوك وتقول راجل عصامي هههههه

 

طب احكمي انتي يا انسة سوزي .انا طلبت من بابا فلوس عشان افتح شركة السياحة

 

راح قالي هديك وهاخد عليك شيكات ولو ما سددتش هسجنك

 

هههههه معقول يا عمو ثروت

 

ههههههه ايوة طبعا . انا عملت كدة لمصلحته . اصل ده لو مافيش سيف على رقبته هياخد الفلوس يضيعها

 

لكن لو عليه شيكات والتزامات هيشتغل عشان يسد اللي عليه ويفوق لشغله ومصلحته

 

بس معقول يا عمو . طب افرض ما سددش كنت عملت فيه ايه

 

كنت هسجنه طبعا

 

شوفتوا ابويا . ماشاء الله ونعم الاب هههههههههههههه

 

ههههههه مش قادرة اتخيل يا عمو بصراحة

 

لا تخيلي يا انسة سوزي . ابويا في الفلوس ما عندوش عواطف . لو ابوه شخصيا مديونله هيسجن ابوه ما عندوش ادنى مشكلة هههه

 

ههههههه لالالا يا ادهم خليك حقاني . مش الشيكات دي ومواعيد استحقاقاتها اللي خليتك تشتغل بضمير وتكبر شركتك

 

 

ايوة بصراحة اومال يعني اسيب ابويا يسجنني ؟ هههههههه بس ايه يا طنط الفراخ اللي مالهاش طعم دي هههههههههههههه

 

كدة ! طب قوم يا ولد مافيش غدا

 

هههههههههههههه ماتزعليش يا ماما هي بصراحة الفراخ ناقصها حاجة بس مش عارفة ايه هي هههههههههه

 

كدة برضو يا سوزي بتحرجي مامتك يا بنت !

 

هههههههه يا طنط راجية بننكشك بس الاكل زي الفل

 

 

ههههههه ايوة كدة اتعدل يا ابن ثروت

 

 

تسلم ايدك يا طنط راجية . يلا بقى عشان مستعجل ورايا مواعيد شغل اشوفكو تاني ان شاء الله . فرصة سعيدة يا انسة سوزي

 

اشكرك انا اسعد

 

 

 

 

 

 

 

ماماااااااااااااااااااا انا هسافر الصعيد مع الدكتور مدحت كمان تلات اسابيع ان شاء الله

 

اييييييييييييييييييييييييه

شارك هذه المشاركه


رابط المشاركه
شارك

يا هبة انت دايما بتخليها بالنضف ما تكمليها هههههههه

يعني بتخلينا نفكر في الي حيحصل و و و

وانا احب هيك هههه

 

انا الان عرفت ليه حطيت جايزة كبيرة

لانك عارفة ولا وحدة حتجاوب صح :D

لانك انت مخططة تزوجي سوزي لاسعد(وهذه الشخصية لم تظهر الا اليوم)

اااااااااااااااه منك هههههههههههه :))

 

ضح تخميني ولا لأ؟

  • معجبة 2

شارك هذه المشاركه


رابط المشاركه
شارك

تحيه خاصه لاهل الصعيد

ربنا يستر عليهم بقى

ههههههههههههههههههههههه

 

 

شوفو البت هبه هتجوز سوزى لواحد تاني خالص

ضاعت تخميناتنا ههههههههههههههههههههه

 

يا عيني يا مصطفى هتتجوز مين

 

 

الي عملته سالي مع امها نادرا ما تجدي بنت كدا

ان شالله امها تفوق من الكلام دا

 

 

الدكتورة

هههههههههههههههههههههههههههههههههههههههههه

بس عيب والله ان مدحت يتكلم عنها كدا

شارك هذه المشاركه


رابط المشاركه
شارك

يخربيت عقلك يا بنت فصلتينى ضحك

خصوصا موقف الشيخ خالد وام شهيناز

هههههههههه

لا بس سوزى ماشاء الله شكلها اتغير خالص وخصوصا لما قالت لامها داعبى خصلات شعرى دى معرفش جابتها منين

هههههههههه

ومين ادهم اللى طلعتيه فى السكه دا يا اختى حرام عليكى هتلخبطينا تانى

أومال مصطفى ياعينى هنجوزه لمين

تم تعديل بواسطة بنوته مسلمه مصريه
  • معجبة 1

شارك هذه المشاركه


رابط المشاركه
شارك

مبدعة بحق هبة هانم :)

 

مادام علاء حيروح للصعيد يمكن يشوف وحدة هناك وتعجبه :))

وعائلة صفاء سيطلبون منه ان تاتي هي وامها للعيش معهم بعدما ندموا وبحثوا عنها كثير (في الاحلام -_- )

 

سوزي لا اعتقد انها ستتزوج ابن عمها ده (مش عاجبني ^_^ )

 

بصراحة انا اتلخبطت خاااااالص الاحسن اني استنى التكملة قبل ما ابهدل المسلسل هههههههههه

  • معجبة 1

شارك هذه المشاركه


رابط المشاركه
شارك

^________________________^

 

اضحك الله سنك يا هوبة ضحكتيني جدا على مامت شاهيناز

 

وام اية وماريا كملوا عليا :))

 

أم اية طلعت زي ماريا كاتبة اسعد والولد اسمه ادهم لا وماريا عاملة اعجاب :))))))) والله انتوا عسل

  • معجبة 2

شارك هذه المشاركه


رابط المشاركه
شارك

هههههههههههههههههههههههههههه

مش ممكن كده كنتي هتموتيني من الضحك :D :)

حلقات رائعة جدا جدا

انا الان عرفت ليه حطيت جايزة كبيرة

لانك عارفة ولا وحدة حتجاوب صح :D

لانك انت مخططة تزوجي سوزي لاسعد(وهذه الشخصية لم تظهر الا اليوم)

اااااااااااااااه منك هههههههههههه

 

عندك حق كانت مخبيه ادهم وعشان كده كانت مطمنه وبتكلم بقلب جامد ومش قلقانه علي فلوسها :D

ههههههههههههههههههههه

في انتظار باقي روائعك ان شاء الله

شارك هذه المشاركه


رابط المشاركه
شارك

^ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ^

تم تعديل بواسطة هدوء الفجر

شارك هذه المشاركه


رابط المشاركه
شارك

دوختبيني معاكِ وانا مصدعه ومش هفكر اصلا

 

منتظراكِ أحسن لي

شارك هذه المشاركه


رابط المشاركه
شارك

^ـــــــــــــــــــــــــــــــــــ^

موتيني من الضحك

تسلمي يارب من كل سوء حبيبتي

وفي انتظار ما تسفر عن الأحداث

شارك هذه المشاركه


رابط المشاركه
شارك

^________________________^

 

اضحك الله سنك يا هوبة ضحكتيني جدا على مامت شاهيناز

 

وام اية وماريا كملوا عليا :))

 

أم اية طلعت زي ماريا كاتبة اسعد والولد اسمه ادهم لا وماريا عاملة اعجاب :))))))) والله انتوا عسل

قتلتيني من الضحك

وانت راح تظحكي معي الان لو عرفتي انا جبت اسعد منين ههههههههههه

شوف هذا الاقتباس من قصة هبة

اشكرك انا اسعد

 

وانا البارحة قرئتها اشكرك يا اسعد

هههههههههههه

 

:D

 

والبراحة قريت الردود التي ردت بعدي وشفت ادهم قلت مين ده هههههههههههه

وطلع اسعد مين ده هههههههههه

شارك هذه المشاركه


رابط المشاركه
شارك

بالنسبة للتخمينات الجديدة :)

مصطفي راح تزوجيه لصفاء بعد ما تتحجب بس مش عارفة ازاي راح تحجبيها ههههههههههههه

 

وسوزي زي ما قلت البارحة

تم تعديل بواسطة ' أم آية'

شارك هذه المشاركه


رابط المشاركه
شارك

هههههههههههههههههههههههه

هههههههههههعهعع

ام ايه

طلع ادهم يا اختي هههههههههه

اللع يكملنا بعقلنا

 

ماشي يا ام رقيه

 

ههههههههععع

 

اخر التوقعات بقى

مصطفى هيتجوز بنت الرقاصه

لانها هتتححب وامها هتوب علشان بنتها والكلام الي قلتهولها

 

هههههههههعععععع

هههه

  • معجبة 1

شارك هذه المشاركه


رابط المشاركه
شارك

هههههههههههههههههههههههه

هههههههههههعهعع

ام ايه

طلع ادهم يا اختي هههههههههه

اللع يكملنا بعقلنا

 

ماشي يا ام رقيه

 

ههههههههععع

 

اخر التوقعات بقى

مصطفى هيتجوز بنت الرقاصه

لانها هتتححب وامها هتوب علشان بنتها والكلام الي قلتهولها

 

هههههههههعععععع

هههه

 

 

:D :D :)) :))

شارك هذه المشاركه


رابط المشاركه
شارك

انتي بتقول ايه يا ولد . صعيد ايه اللي انت هتسافره ده .مالنا احنا ومال الصعيد والاماكن المجهولة دي

 

اماكن مجهولة ايه بس يا ماما . الصعيد جزء من ارض مصر

 

بقولك ايه انا ماليش دعوة بالكلام الفارغ ده . صاحبك عايز يسافر يبقى يسافر لوحده ما يبهدلش ولاد الناس معاه

 

 

ماما من فضلك انا مش طفل صغير عشان تتحكمي فيا بالشكل ده

 

 

ايوة ايووووة قلد مصطفى انت كمان واتمرد على امك . ماهي شوطة وجت في ولادي كلهم .انا عارفة عين مين اللي صابتني في عيالي وقلبت كيان البيت بالشكل ده

 

يا ماما عين ايه وودان ايه . انا بتكلم في ايه وحضرتك بتتكلمي في ايه . انا مسااااااااااااااااافر مع دكتور مدحت وده قراري النهائي

 

اهئ اهئ اهئ اهئئئئئئئئئئئ اه ياني يا بختك المايل مع ولادك يا ليلى

 

معلث يا ماما اهئ اهئ اهئ مث تعيطي اهئ اهئ انا هجيبلك الثمعة من المطبخ عثان تلثعيهم عثان هما وحثين مث بيثمعوا الكلام اهئ اهئ

 

يا حبيبتي يا موني اهئ اهئ انتي الوحيدة اللي حاسة بأمك اهئ اهئ

 

ماما اقولك حاجة ومث تضربيني ؟

 

عملتي ايييييييييييييييييييييييييييه

 

فتحت التلاجة عثان اخد الايس كريم مث طولته عثان بعيد روحت جيبت الكرثي وحطيته جوا التلاجة عثان اقف عليه وافتح الفريذر راح برطمان المربى وبرطمان العثل وقعوا اتكثروا والارض كلها ملحوثة عثل ومربى

 

اااااااااااااااااااااااااااااااااااااااااخ يا غلبك يا ليلىىىىىىىىىىىىىىىىىىى غوووووووووووووووووووووري غوري من وشيييييييييييييييييييييي الاقيها من مين ولا من مين يا ربي

 

انتي بتذعقيلي ليه يا مامتي . كل ثوية تذعق كل ثوية تذعق . انا طالعة العب عند طنط احلام وهاخد العرايث معايا يا ماما

 

اتفضلي بالسلامة

 

الله يثلمك يا ماما

 

 

 

 

 

 

 

 

ترررررررررررررررررررن ترررررررررررررررررررررن

 

 

الو

 

ايوة يا مشيرة ازيك انا حماتك

 

هههه اهلا اهلا ازيك يا نينة وحشاني والله

 

اهلا يا ست مشيرة .لو كنت وحشاكي صحيح كنتي جبتي البنات وجيتي . مش كل مرة رفعت يجيني لوحده ويقولي مشيرة مشغولة بالبنات

 

هههه معلش يا نينة والله فعلا مشغولة والبنات عندهم مذاكرة

 

لالالالا الكلام ده ما يدخلش دماغي . مها بالذات كانت بتيجي على الاقل مرتين في الشهر دلوقتي بقالها شهور ما جاتش عندي

 

معلش سا محيها عشان خاطري

 

هي فين

 

هي في اوضتها بتذاكر

 

اديهالي اكلمها

 

من عنية يا نينة حاضر

 

 

 

مهااااااااااااااااااااااااا

 

نعم يا ماماااااااااااا

 

ارفعي السماعة من عندك كلمي تيتة

 

تييييييييييييييتة الوووووووو تيتة وحشتيني

 

بس يا بكاشة . وحشتك ! ال وحشتك ال .ما بتجيش ليه يا بنت

 

أناااااااا اممممم ابدا يا تيتة المذاكرة شغلاني كتير معلش

 

يعني مافيش سبب تاني

 

سبب تاني ! لا ابدا ما فيش يا تيتة . المذاكرة بس

 

هههههههه والله كنت متوقعة برضو منك كدة . انك لا هتشتكي ولا هتغلطي في حد . ابوكِ وأمك عرفوا يربوا بصحيح

 

مش فاهمة يا تيتة

 

انا فاهمة انتي ما بتجيش ليه ومين اللي مزعلك . واللي مزعلاكي هجيبها لحد عندك تستسمحك

 

يا تيتة من فضلك انا مش زعلانة من حد . دي مواضيع واتقفلت وراحت لحالها .

 

طيب احنا جايين بعد العصر استنونا ع الغدا بقى هههههه

 

ههههههه انتي تنورينا يا تيتة . تحبي نعمل حاجة معينة على الغدا

 

لا يا حبيبتي . اللي هتاكلوا منه احنا هناكل منه . ما تكلفوش نفسكو . اقولك مع السلامة دلوقتي

 

الله يسلمك يا تيتة يا حبيبتي

 

 

 

 

 

 

 

 

يلا يا هياااااااااااااااااااااام

 

اووووووووووووووووووف نازلة يا تيتة حاااااااضر حاضر اووووووووووف تحكمات غريبة

 

ما بقاش الا مها كمان اللي اروح اعتذرلها

 

 

 

 

 

 

 

 

ازيك يا تيتة

 

اهلا يختي يلا عشان نوقف تاكسي

 

 

 

 

 

 

 

اهلا اهلا اهلا يا نينة منورة اهلا وسهلا امووووووووووه اموووووووووووه

 

ازيك يا مشيرة عاملة ايه

 

بخير والله اهلا وسهلا ازيك يا هيام يا حبيبتي اموووووووه امووووووووه

 

اهلا يا طنط . انا كويسة

 

وماما اخبارها ايه

 

تمام

 

الحمدلله يا حبيبتي . تشربوا ايه

 

 

انتو مش هتغدونا ولا ايه يا مشيرة ههههههه

 

ههههههه معقولة برضو يا نينة . هنشرب حاجة وبعدين هنحط الغدا على طول

 

هههه بضحك معاكي والله . فين البنات وفين رفعت

 

رفعت في الشركة عنده ضغط شغل وبيعتذرلك وهيجيلك يوم الجمعة زي العادة

 

والله بيوحشني . ولو شوفته كل يوم برضو بيوحشني

 

ربنا يخليكو لبعض يا نينة عن اذنك هبعتلك مها اصل لميا عند خالتها

 

 

طيب يا حبيبتي اتفضلي

 

 

 

اهلاااااااااااااا اهلاااااااااااااااا ههههههههه ازيك يا تيتة

 

اهلا يا حبيبة تيتة ازيك يا مها عاملة ايه يا حبيبتي

 

بخير والله الحمدلله كله تمام . اهلا اهلا ازيك يا هيومة

 

هيومة ! اهلا يا مها عاملة ايه

 

الحمدلله يا حبيبتي منورة والله بقالك كتير ما جتيش عندنا . شرفتينا يا هيام

 

انتي بتحرجيني بذوقك يعني . عايزة دايما تبقي انتي الأحسن ههههههههه على العموم غلبتيني يا ستي هههههههه هاتي بوسة صلح بقى هههههه

 

هههههههه اموووووووووووووووه يا بنتي هو احنا كان بينا خصام اصلا . انتي اختي يا هيام زي لميا بالظبط والاخوات ياما بيحصل بينهم

 

ربنا يخليكي يا مها . طول عمرك رقيقة وطيبة وبتكسبي الناس بحسن اخلاقك

 

ربنا يهديكو على بعض يا ولاد ويجمعكو وما يفرقكو ابدا . انتو ولاد عيلة واحدة وبينكم صلة رحم اوعوا تقطعوها ابدا

 

ابدا يا تيتة ان شاء الله مش كدة يا هيومة

 

ههههههه كدة يا مهموهة هههههههههه

 

 

عن اذنكو لحظات والسفرجي يحط الاكل على السفرا

 

شوفتي حسن استقبالها ليكي . رغم انك قليلة الادب وما تستاهليش

 

يوووووووو ما خلاص بقى يا تيتة . اذا كانت مها مش زعلانة واتصالحنا . انتي هتفضلي كل شوية تحسسيني بالذنب ؟

 

انا بقولك كدة عشان تخلي بالك من احاسيس الناس وما تجرحيهومش

 

طيب زي ما انتي كدة حمامة سلام بيني وبين مها . ياريت بقى توصي الباشمهندس علية

 

ههههههههههه بعينك ههههههه اصل بصراحة بفرح لما اشوفوا بيديكي على دماغك .هو لما يحس انك اتعدلتي هو كمان هيتعدل صدقيني

 

اتعدل ازاااااااي بس يا تيتة . انا احترت ارضيه ازاي

 

لما تتجوزوا ابقي امشي تحت طوعه وانتي تكسبيه . اما دلوقتي مش مطلوب منك حاجة انتو لسة مخطوبين وكفاية رغي بقى مها وامها جايين هناك

 

 

حاضر اديني سكتت

شارك هذه المشاركه


رابط المشاركه
شارك

ما قولتليش يا خالد يا حبيبي رأيك ايه في اهل العروسة

 

عادي

 

يعني ايه عادي يا حبيبي

 

يعني ناس عاديين زي اغلب الناس ما عندهومش التزام ديني . بس اللي عاجبني ان بنتهم عندها الرغبة في الالتزام

 

وده اللي خلاها لبست الحجاب . بس يا امي ما قولتلكيش على ام العروسة ههههههههههههه

 

مالها يا حبيبي

 

بتتعامل معايا زي مااكون جايلها من ايام الهجرة ههههههههههههههههههه كنت ماسك نفسي من الضحك بالعافية

 

بيتعاملوا مع الملتحي على انه كائن منقرض وظهر فجأة هههههههه

 

ههههههه كنت خدني معاك عشان اتفرج

 

انتي ان شاء الله هتروحي انتي ورباب عشان تتعرفوا عليهم

 

خلاص يا حبيبي خلي الناقة تستنانا تحت

 

 

 

 

 

 

 

 

 

تررررررررررررررن ترررررررررررررررررررررن

 

الو

 

ايوة يا رباب انا خالد

 

اهلا يا حبيبي ازيك يا خالد عملت ايه في موضوعك طمنني

 

الحمدلله لحد دلوقتي كويس . هاجي اتغدا معاكي واحكيلك

 

معقوووووووول ههههههه اخيرا هتاكل عندي

 

لالالالالا هههههههه فهمتيني غلط . انا هشتري الغدا على حسابي واجيلك ناكل سوا

 

برضو يا شيخ خالد ما فيش فايدة ؟

 

حبيبتي انا موقفي واضح وعند رأيي ان فلوس البنوك حرام .

 

 

طيب ما تحاول تقنع جوزي انه يشوف وظيفة تانية .يعني اتكلم معاه بالراحة وبحسن اسلوبك هيقتنع ان شاء الله

 

 

ربنا يقدم ما فيه الخير ان شاء الله

شارك هذه المشاركه


رابط المشاركه
شارك

حضرتك الطالبة مها رفعت

 

ايوة

 

طيب من فضلك دكتور حسام منتظرك في مكتبه

 

دكتور حسام ! حاضر متشكرة اوي

 

تن تن تن

 

ادخل

 

مساء الخير دكتور حسام

 

اهلا انسة مها اتفضلي اقعدي

 

اشكرك يا دكتور . بلغوني ان حضرتك طلبتني

 

ايوة فعلا . بصراحة عجبني جدا اسلوبك في المناقشة في المحاضرة . بجد ابهرتيني وحاسس اني قدام طالبة غير عادية

 

ههه مش للدرجة دي يا دكتور

 

 

انسة مها مستوى الاجابات ممتاز جدا في النظري كمان

 

اشكرك دكتور حسام

 

بجد انتي طالبة مجتهدة جدا وشكلك كدة هتدخلي مجال التدريس وتنافسينا هههههههه

 

ههه العفو يا دكتور واشكرك على تشجيعك

 

دا واجبي ناحية تلميذة من تلامذتي بعتز بيها

 

اشكرك طيب حضرتك تؤمرني بأي شيء

 

 

اممممممم لأ لا تقدري تتفضلي

 

 

عن اذنك دكتور حسام

 

 

 

 

 

 

 

 

 

 

 

 

 

 

مساء الخير يا ماما

 

اهلا حسام حبيبي

 

عملت ايه النهاردة في الكلية مع الطالبة اللي كلمتني عليها اللي شاغلة بال حبيبي من فترة وعايز يخطبها هههههه

 

والله يا ماما بعتيلها في المكتب عشان افاتحها واتلخبطت واتكلمت في حاجة تانية خااااااااااالص

 

ليه يا حبيبي كدة . هو انت هتطلب حاجة عيب ولا حرام ! انت هتشوفها لو مش مرتبطة نخطبهالك طالما بتشكر في اخلاقها وادبها بالشكل ده . بس اهم حاجة تكون من اسرة طيبة

 

والله يا ماما واضح انها من بيت طيب . دي واضح من طريقتها في اللبس .محتشمة جدا

 

طيب كويس اوي فين المشكلة بقى

 

 

يا ماما انتي عارفة انا عمري ما اتعاملت مع ستات في أي مجال غير الشغل فبصراحة مش عارف ابدأ ازاي واقول ايه

 

 

لا تقول ولا تعيد انت بكرة بكل حسم ابعتلها تاني واقولها هاتي العنوان يا بنت عشان ماما هتتواضع وتشرفكو بالزيارة ههههههههه

 

هههههههههه انتي كدة ريحتيني بصراحة . انا عرقت وبقى حالي بالبلا مجرد ما شوفتها . اومال لو كلمتها في موضوع جواز هيحصلي ايه هههههه

 

خلاص حبيبي

 

 

 

 

 

 

ها يا حسام عملت ايه النهاردة

 

 

ما عرفتش برضو يا ماما اتكلم في حاجة

 

 

بقولك ايه يا ولد . انا جاية بكرة الكلية بنفسي عشان انت لا هتحل ولا هتربط وهتفضل ساكت وتطيرها من ايدك

 

 

 

 

صباح الخير

 

صباح النور يا فندم

 

الله ! انتي امورة خالص أهو . ليه حق الولد يتلخبط لما يشوفك ههههه

 

افندم !!!! مين حضرتك

 

انا والدة دكتور حسام

 

دكتور حسام ! اهلا وسهلا يا فندم . هو حضرتك بتدوري على دكتور حسام ؟

 

ههههههه لا يا حبيبتي انا بدور عليكي انتي

 

علية انا ! هو في حاجة يا فندم

 

بقولك ايه بقى انا هجيب من الآخر . انتي مخطوبة ولا حاجة

 

هههه لا مش مخطوبة

 

طب ايه رأيك في دكتور حسام ابني

 

هاااااااا أأأأأأأ افندم . أأأأأ مش ممشش مش فاهمة حضرتك تقصدي ايه

 

هههههههه طب خدي منديل نشفي عرقك . صحيح ما جمع الا لما وفق ههههههههه اديني عنوانك حبيبتي ولو سمحتي حدديلي معاد مع ماما عشان اشرب معاها فنجان شاي

 

ههه حضرتك تشرفي يا فندم

 

هههههه شكرا يا حبيبة قلبي . هاتي العنوان بقى والتليفون وادي خبر لماما اني هتصل عشان اعرف المعاد المناسب للزيارة

 

حاضر يا طنط . اتفضلي

 

هههه يختي عليها وعلى خجلها وكسوفها

 

 

طب عن اذن حضرتك عشان عندي محاضرة

 

اتفضلي يا حبيبتي

 

 

 

 

 

 

 

 

 

مامااااااااااااااااااااااا

 

 

اهلا يا مها يا حبيبتي

 

ماما كنت عايزة اقولك ان مامت دكتور حسام هتتصل بيكي عشان تيجي تزورنا

 

هههههه وهاتزورنا ليه يا ترى يا مها

 

ههه يووووو يا ماما بقى ما اعرفش عن اذنك

 

ههههههههه يارب يا مها يكون ابن حلال ويكون لكو نصيب مع بعض

 

 

 

 

 

ترررررررررررررررررن تررررررررررررررررررن

 

الو

 

مساء الخير يا فندم

 

اهلا مين معايا

 

انا مدام مجيدة والدة دكتور حسام .ابني دكتور في كلية الصيدلة عند الانسة مها

 

اهلا وسهلا يا فندم اتشرفت بحضرتك

 

الشرف ليا يا هانم .من فضلك اسمحيلي بالزيارة للتعارف

 

اهلا بيكي يا فندم على الرحب والسعة . ان شاء الله ممكن بعد بكرة الساعة السادسة مساءا

 

معاد مناسب جدا . ان شاء الله هكون موجودة في المعاد . تحياتي ليكي يا فندم

 

مع السلامة يا فندم

 

 

هههههه والله كبرتي يا مها يا حبيبتي والخطاب بقوا يطلبوكي . ربنا يتمم بخير يارب

 

 

 

 

 

 

 

 

 

 

 

يا ليلى

 

 

تعالى شوف ولادك يا فكري اللي هيطيروا برج من نفوخي

 

ههههههه ايه ده . هو انتي لسة عندك ابراج فاضلة في نفوخك ؟ يا بختك ههههههههه

 

انا مش بهزر يا فكري .تعالى شوف علاء اللي عايز يسافر الصعيد مع صاحبه عند اهل صفاء ال عشان يخطبوها منهم

 

 

طيب وانتي ايه مزعلك . ما يسافر يا ستي . دا راجل . مش بنت هتتحكمي فيه

 

ايه ده . نفس كلااااااااااامه . هو كلمك في الموضوع ده ؟؟؟؟؟؟؟؟

 

لا كلمني ولا حاجة بس انا عايز اقولك ما تفرضيش هيمنتك عليهم بالشكل اللي يخنق ده

 

دا تتحكمي فيه يتجوز مين وما يتجوزش مين وده تقوليله لا اقعد ما تسافرش وتصغريه مع الناس

 

لا يا ليلى مش كدة يا حبيبتي . اديلهوم مساحة من الحرية عشان ياخدو قراراتهم بنفسهم . دول رجالة مش بنات

 

 

مالهم البنات يا بابا . هو احنا وحثين ؟

 

ههههههههههههه انتي هنا من امتى

 

ههههههه ما هي مش باينة من الأرض يا فكري بتدخل وتخرج والواحد مش واخد باله

 

 

خلاص يا حبيبتي روقي كدة وما تاخديش كل حاجة على اعصابك

 

يا فكري انا خايفة على علاء . انا زي ما بسمع ان الصعايدة صعب في التعامل . افرض موتوهم ولا عملوا فيهم حاجة يبقى ايه الوضع بقى ؟

 

 

ههههههههههه ليه يعني . دول رايحين يخطبوا البنت مش رايحين يحاربوا ولا يعادوا حد

 

 

ما اعرفش بقى . انا خايفة على ابني

 

خليها على الله يا ليلى يا حبيبتي . فين حاتم انا هاخده اشغله في الحسابات

 

والله احسن وهو كمان ما بقاش منتظم في معهد الموسيقى بتاعه وقاعد مع العمال في شقته يديهم اوامر هههههه

 

ناديلي عليه

 

 

 

حااااااااااااااااااااااتم

 

 

نعممممممممممممممممممممممممممممممم

 

 

كلم بابا

 

حااااااااااااااضر

 

 

 

 

مساء الخير يابابا

 

اهلا وسهلا بعريس الغفلة . الشقة خلصت ولا لسة

 

قربت تخلص خلاص . فاضل السباكة

 

 

طيب كويس . من بكرة تنزل تستلم شغلك

 

شغلي ؟ هو انا هشتغل

 

لأ يا حبيبي هصرف عليك وانت ومراتك ولما تخلف ابقى ابعتلي العيال ياخدو المصروف

 

ايه يا بابا . انا ما اقصدش . اقصد يعني هشتغل ايه

 

 

هتشتغل في الحسابات . وقبل ما تيجي عندي الشركة شعرك ده يتحلق وتسترجل

 

ايييييييييييييه . وايه دخل شعري بالشغل

 

يا ابني يا حبيبي انتي كبرت خلاص وهتتجوز وتفتح بيت ويبقى عندك اولاد . بص كدة في المرايا . دا شكل اب

 

هههههههه لأ

 

دا شكل راجل محترم

 

ههههه لأ

 

طيب الله يهديك ويرضى عليك تحلق شعرك وتلبس هدوم رجالي وتجيلي بكرة على الشركة

 

حتى هدومي مش عاجباك يا بابا . طب اعمل فيها ايه هدومي دي

 

اديها هدية ليسرا بنت خالتك

 

 

 

 

 

 

 

اهلا وسهلا يا مجيدة هانم شرفتينا

 

انا اللي ليا عظيم الشرف يا مشيرة هانم

 

 

اتفضلي الشاي يا فندم

 

المرة دي شاي المرة الجاية شربات فرح الولاد ان شاء الله

 

هههههههه والله انا كان قلبي حاسس ان الزيارة السعيدة دي وراها حاجة

 

ههههه وراها بنتك الجميلة يا مشيرة هانم . ابني حسام ما بطلش كلام عنها وعن ادبها واحتشامها وخجلها

 

بصراحة خلاني اتشوقت اشوفها ولما شوفتها بصراحة لقيته ما عرفش يوصفلي حسن الادب والتربية والجمال كمان

 

ههههه ده من ذوق حضرتك يا فندم والله

 

حسام ابني الصغير على فكرة .طيب وخجول من صغره والله وحنون جدا وبار بيا لابعد حدود التصور

 

والده الله يرحمه كان طبيب اسنان

 

الله يرحمه . وربنا يباركلك في دكتور حسام

 

حسام ابني عنده اختين واحدة متجوزة وعايشة في امريكا والتانية متجوزة وعايشة في كندا

 

يا خبر ! الاتنين متغربين عنك ؟ حاجة صعبة اوي

 

هنعمل ايه يا مشيرة هانم . احنا مش عايزين غير سعادة اولادنا . طالما هما مرتاحين مع ازواجهم خلاص يبقى احنا نتحمل ونكون سعداء لسعادتهم

 

والله كلام جميل . بس تعرفي صعب برضو هههههه

 

على العموم ما تقلقيش حسام ما بيفكرش في السفر يعني بنتك هتكون جنبك هههه

 

كل شيء قسمة ونصيب يا هانم وربنا يقدم ما فيه الخير . اهي مها جت اهيه هههههه

 

مساء الخير يا طنط

 

اهلا يا روح طنط هههه ازيك يا مها يا حبيبتي

 

بخير الحمدلله . حضرتك شرفتينا

 

الله يخليكي يا حبيبتي

 

طيب عن اذنكو

 

اتفضلي يا حبيبتي

 

ان شاء الله المرة الجاية هجيب حسام عشان يقابل والد العروسة الجميلة وان شاء الله ينال القبول والموافقة

 

ان شاء الله يا فندم . شرفتينا . تحبي اطلبلك قهوة ؟

 

لالالالا كدة كويس اوي . انا مضطرة امشي دلوقتي وهنكون على اتصال تليفوني عشان المعاد القادم ان شاء الله

 

ان شاء الله يا فندم شرفتينا

 

 

 

 

تررررررررررررررررن تررررررررررررررررررن

 

 

الو

 

ههههههه ايوة يا امي انا رفعت

 

رفعت ! ازيك يا حبيبي عامل ايه يا ابني

 

كله تمام يا ست الكل بفضل دعواتك . عندي ليكي خبر هيفرحك جدااااااااااااااااااااااااااااااااااااا

 

 

خير يا حبيبي فرحني فرحني

 

 

مها اتخطبت

 

والله !!!!!!!!!!!!! ماشاء الله ههههههههه والله فرحتني فرحتني فرحتني الف مبروك يا حبيبي . ومين المحظوظ اللي هيتجوز حبيبتي ؟

 

ههههه الله يبارك فيكي يا امي .العريس دكتور عندها في الكلية

 

ماشاء الله تبارك الله . اهم حاجة يكون طيب زيها ويشيلها في عنيه

 

والله هو شاب كويس اوي يا امي واهله ناس محترمين جدا وهيعجبوكي لما تتعرفي عليهم

 

ان شاء الله يا حبيبي اتعرف عليهم . وربنا يتمم بخير ياااااااااااااااااااارب وعقبال لميا

 

اللهم آمين يا امي

شارك هذه المشاركه


رابط المشاركه
شارك

ياااااااااااااااااااااااااااااااااااااااااااه اخيرررررررررررررررا الاجازة جت الحمدلله

 

 

 

 

نجلاء

 

 

نعم

 

انا مسافر الصعيد بعد بكرة

 

اييييييييييييييه مسافر الصعيد تعمل ايه ان شاء الله يا سي مدحت

 

عندي شغل

 

شغل !!!!!!!!!!!!!!!!!!!!!!!!!!!!! شغل ايه يا مدحت ؟؟؟؟؟؟؟؟؟؟؟؟؟

 

هو انتي بتفهمي في شغلي اصلا عشان اقولك شغل ايه

 

شغل ايه يا مدحتتتتتتتتتتتتتتتتتت ؟

 

مشروع كدة . رايح ارمي حجر الاساس . دعواتك

 

حجر الاساس !!!!!!!!!!!! وان شاء الله هتيجي امتى

 

حسب تساهيل ربنا

 

امممممممممممم طيب يا مدحت يا بتاع الصعيد يللي بحورك بقت غريقة

 

 

ههههههههه بعد الشر عليكي من الغرق يا حياة مدحت هههههههههه

 

رايحة فين يا نجلاء

 

 

عندي ولادة مستعجلة

 

ربنا معاكِ

 

ومعااااااااااااااااااااااااك

 

 

الست دي بتبصلي بغل كدة ليه . اما اكلم امي اقولها

 

 

 

 

ترررررررررررررررررن تررررررررررررررررررررن

 

 

الووووو

 

امي باركيلي ياما انا هتجوز

 

هتتجوز !!!!!!!!!!!!!!

 

 

ما انت متجوز ياابني

 

هتجوز تاااااااااااااااااااااااااني هههههههههه افرحيلي بقى

 

تتجوز تاني !!!!!!!!والدكتورة عارفة؟

 

لالالالالالالالا هي حاسة بس مش متأكدة وده اللي عاملها وسواس في دماغها

 

طيب ولقيت عروسة ؟

 

يووووووووو من زمان لقيتها واتكلمت مع امها ووافقوا ورايح الصعيد اخطبها من اهل ابوها

 

اخص عليك الف اخص . يعني تخطب وتروح وتيجي وتتفق وامك ما تعرفش !!!!!!!!!!

 

يا امي كنت منتظر لما الامور تبقى تمام وبعدين اقولك

 

والعروسة دي بتشتغل اييييييييييه

 

ههههههههه ست بيت ست بيت مأصلة مش زي بتاعة المستشفيات اللي مخليالي ريحة الشقة كلها بنج

 

والله احسن . عشان تستقر بقى بدل البهدلة اللي انت فيها . بس ياابني هتفتح بيتين ازاي

 

زي الناس . انا الحمدلله ماديا اقدر افتح بيتين مافيش عندي مشكلة

 

طيب ما يمكن مراتك ما ترضاش بالوضع وتطلب الطلاق

 

وهي ايه هيعرفها اصلا

 

جرا ايه يا ابني . اومال لما تبات عند التانية هتقولها ايه

 

هقولها عندي مشروع وبرمي حجر الاساس ههههههههههههههههه

 

هتسافر امتى يا حبيبي بالسلامة ؟

 

بعد بكرة انا وباشمهندس علاء

 

 

هتقعد اد ايه

 

 

تقريبا يوم واحد او يومين يعني على حسب السكة والمسافة

 

 

طيب يا حبيبي انا ما يهمنيش غير راحتك وسعادتك وبس .عايزة اشوفك مستقر ومتهني

 

 

 

 

 

 

 

 

ها يا عم مصطفى ادي الاجازة جت اهيه عشان ترتاح من المذاكرة ههههههه

 

والله المذاكرة كانت بتلهيني عن اللي انا فيه

 

يا عم في ايه . اللي يشوف كدة يقول كنت واقع لشوشتك

 

يا اخي الموضوع مش كدة يا علاء انا بدور على الحياء

 

هههههههههه تصدق ينفع اسم فيلم . يا علاء انا بدور على الحياء هههههههههههه

 

طب ايه رأيك انت خسارة الواحد يتكلم معاك انا خارج

 

طب استنى بس . بقولك ايه ماتيجي معانا الصعيد تغير جو

 

 

لالالالالالالالالا مش عايز اروح في حتة

 

 

يا ابني بطل خنقة . تعالى بس معانا غير جو وسيبك من النكد

 

اجي معاكو اعمل ايه بس ! ولا اقولك خلاص اجي .على الاقل عشان ماما ترحمني شوية من نظرات العتاب وكأن أنا اللي غلطان

 

 

 

 

 

ماماااااااااااااااااا مصطفى هيسافر معانا الصعيد

 

لالالالالالالالالالالالالالالالالالالالالالالالالا ولاااااااااااااااااااااااااااااااااااادي اهئ اهئ اهئ اهئئئئئئئئئئئئئئئئئئئئئئئئئئ

 

 

 

 

 

 

 

يلا يا ماما نشوف وشك بخير يا حبيبتي

 

اهئ اهئ اهئ ياولاد حرام عليكو . انتو الاتنين مرة واحدة كدة اهئ اهئ طب واحد يقعد والتاني يسافر

 

لا يا ماما معلش احنا الاتنين هنسافر

 

اهئ اهئ اهئ مصطفى حبيبي خليك جنب ماما حبيبتك

 

يا ماما حاتم وبابا معاكِ

 

وانا كمان مث هثافر وقاعدة معاكي يا ماما

 

اهئ اهئ يا ولاد ارحموني . طب هطمن عليكو ازاااااااااااااي

 

يا ماما ما تقلقيش احنا هنطمنك اول ما نوصل . وبعدين احنا مش هنتأخر .يعني بكرة بالكتير نكون عندك

 

صحيح ؟ اهئ اهئ يعني هتيجو بكرة ؟؟؟؟؟؟؟؟؟؟؟

 

دعواتك انتي بس

 

طب حاسبوووووووووووو من ذئاب الجبل اهئ اهئ اهئ

 

هههههههههه ما تخافيش يا ماما .

 

ربنا يسلم طريقكو ويكفيكو شر ولاد الحرام اهئ اهئ يارب ترجعوا بالسلامة يا ولادي اهئ اهئ الله يسامحك يا امينة انتي وعريس بنتك اهئ اهئ اهئ

 

 

 

 

 

 

 

 

اهلا يا دكتور مدحت

 

اهلا يا جماعة

 

يلا جاهزين

 

طيب توكلنا على الله

شارك هذه المشاركه


رابط المشاركه
شارك

روعه حبيبتي وفي انتظار التكملة ان شاء الله

شارك هذه المشاركه


رابط المشاركه
شارك

هههههههههههههههههههه

 

 

النت تقيل ورزل ومش عارفة ارد عليكو وارحب بيكو براحتي

 

لينا قعدة طويلة بكرة ان شاء الله

 

بكرة ان شاء الله نكمل وكمان ارحب بيكو براحتي

 

وسحبت الالف جنيه بتاعتي خلاص ههههههههههههههههه

 

 

 

 

 

بس بسرعة كدة بالنسبة لبنت الرقاصة وان وجودها نادر زي ما بتقول ماريا

 

فأنا بقول لأ

 

في واحدة افضل منها بنت رااااااااااااااااااااائعة الله يبارك فيها

 

بنت الممثلة مديحة كامل اللي كانت سبب في توبتها واعتزالها الفن ولبس الحجاب . البنت دي فتحت عنيها في الدنيا لقت نفسها عايشة في بيت خالتها وبتتربى مع ولاد خالتها وكان جوز خالتها رجل تقي وبيعلمهم القرآن وبتقول كانت تيجي ست انيقة وجميلة ومتعطرة كل فترة وما تعرفش طبعا انها امها وكانت بتقولها يا طنط ههههههههه

 

وبعد ما البنت كبرت شوية اخدتها تعيش معاها في شقتها الفاخرة في ارقى احياء القاهرة وعرفت ان دي امها

 

حقيقي بنت رائعة لانها من صغرها كانت رافضة الوسط اللي بتشتغل فيه امها وعاهدتها كذا مرة انها ما تشرب الخمر ولكن كانت تعود للخمر تاني بإلحاح الفنانين عليها

 

وفي مرة عاهدتها ورجعت مخمورة ومش قادرة تتكلم والبنت زعلت جدااااااااا لكن اللبيسة بتاعة امها قالتلها ما تزعليش منها اصل هي راحت حفلة عيد ميلاد احد الفنانين وعرض عليها الخمر ورفضت لكن حلف بالطلاق انها لازم تشرب المهم باختصار البنت دي عانت جدا مع امها سنين طويلة من غير ضجر وطلبت منها انها تاخدها ويسافروا العمرة

 

ومع ذلك رجعت من العمرة قالت مش هرجع للفن ورجعت والبنت في كل مرة تحاول وتحاول تبعد امها بكل قوتها لحد ما اتعرض فيلم اغراء بشع لامها راحت البنت من كتر ضيقها قعدت تلف في الشوارع بعربيتها مش عارفة تعمل ايه وفي الاخر امها سألتها كنتي فين قالتها كنت بشوف اخر السفالات اللي عملتيها

 

راحت امها ضربتها بالألم ومع ذلك البنت تاني يوم راحت باست ايدها وقالتها سامحيني يا امي قالتها يعني انا اضربك امبارح وانتي تيجي تبوسي ايدي قالتها انتي امي ومن حقك تأدبيني راحت امها بكت وقالتلها انا ما استاهلش يكون عندي بنت طاهرة زيك

 

 

 

وتابت الست الله يرحمها رحمة واسعة

 

يعني البنت دي عمرها ما كانت فرحانة بشهرة امها ولا حاجة بالعكس كانت حزينة من وهي طفلة وصبرت لحد ما اخدت بايد امها لطريق الهداية

 

 

 

لكن في المسلسل بتاعي بنت الرقاصة عادي عايشة حياتها عادي وعمرها ما اعترضت الا لما اتهانت

 

 

 

نكمل بكرة ان شاء الله

 

 

الصعييييييييييييييييييييييييييييييييييييييييييييييد ههههههههههههههههههههه

  • معجبة 3

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×