مراتي في السبعيناااااااااات

[~ماريا~ 1340]

@@بنوته مسلمه مصريه

 

هههههههههههههههههههههههه

يا بنتي هو انت مخدتيش بالك وهي عماله تامام ببقها

اهي اممممممممممممممممممممممممممممممممممممممممممممم الكتير دي علشان الحقنه

ههههههههههههههههههههههههههههه

[ساره أم حمزه 1041]

هههههههههه امسحى المكرر بقى

 

حلقات جميله اللهم بارك

[بنوته مسلمه مصريه 458]

@@بنوته مسلمه مصريه

 

هههههههههههههههههههههههه

يا بنتي هو انت مخدتيش بالك وهي عماله تامام ببقها

اهي اممممممممممممممممممممممممممممممممممممممممممممم الكتير دي علشان الحقنه

ههههههههههههههههههههههههههههه

@@بنوته مسلمه مصريه

 

هههههههههههههههههههههههه

يا بنتي هو انت مخدتيش بالك وهي عماله تامام ببقها

اهي اممممممممممممممممممممممممممممممممممممممممممممم الكتير دي علشان الحقنه

ههههههههههههههههههههههههههههه

ايه الذكاوه دى يا بت جايبه منين :)

اومال عايز واحده مشلوله وهطق تقول ايه يعنى

بت يا هبه هى دى حلقة النهارده خلاص كده

انتى اكمنك اتشهرتى فهتقللى مدة الحلقه

احنا لازم ناخد موقف يارجاله

[أم عبدالرحمن وجنة 14]

عسل ياهوبه

تسلم ايدك ياقمرايه

الحلقات احلوت قووووى وزينة هتعطيهم درس جميعا

كنت مستغربه ليه مصطفى متمسك بيها كده ,طلع وراها سر وهو عارفه بس اكيد هى بتشتغلهم علشان تعطيهم درس

متابعين معك يامبدعه

[أم لبابة بنت أحمد محمد 172]

زينه طلعت متعلمه ما شاء الله

 

ومها مدرسه كمان

 

موصطفع عاوز يكشفها

 

يا نهاري انا دماغي ساحت يا هبه

[إبنة علي 60]

ههههه حلقات تحفة ^_______________________^

[ام مريم ويحيى 136]

رووووووووووعة

كان قلبى حاسس انها هتطلع متعلمة

ههههههههههههههه

يا سلام على توقعاتى

هههههههههههههههههه

[**صفا** 208]

جميل جميل جميل

اما انتى ياهبه متوصيه المره دى بينا

مزودلنا جرعه الروامنسيه

ده كويس علشان الواحد يفتكر يقولهم لاحسن البيت والعيال جابوا للواحد زهايمر فى الكلام اللحلو ههههههههههبس احلى فى الحلقه النهارده قاعده البحر

فعلا الواحد نفسه فيها جدا

يارب اسعد كل بيوت المسلمين واملاءها حب وموده ورحمه

امين امين

[وأشرقت السماء 1565]

يا عيني صعبت عليا نجلاء

لكن كان من الأول سبحان الله الكثير منا لا يفيق إلا بعد اللدغة : )))

 

كنت متوقعة إن زينة هتطلع فعلا زينة لكن لازم تربيهم وتعطيهم الدرس الأول : )))))))

 

تسلمي يا هوبة يا أم الأفكار

[' أم آية' 667]

اروح معاهم يابوي

 

تروحي معاهم وين يا بت يا مخبلة انتي

 

اومال يعني اسيب بت عمي مع راجل غريب

 

غوري يا بت غوري من وشي عشان غباوتك ما لهاش علاج عندي . الله يكون في عون اللي هيتجوزك عاد

 

يا عيني علي الزوج الذي ستتزوجينه

 

انا خايفة عليه

 

 

بعد الذي قريت اليوم عن زينة با عيني علي انا :huh:

دي زينة طلعت بتمثل علينا ههههههه

بس نفسي اعرف ليه ههههه.

يلا خلينا نعرف السبب في الحلقات القادمة

انا حاسة انها راح تكون فائقة الجمال مش كدة يا هبة؟ههههه

تم تعديل 9 اكتوبر, 2013 بواسطة ' أم آية'

[رياحينو 205]

السلام عليكم

مبدعة ياهوبة

مشاء الله عليكى

الحلقات رائعة جدا

منتظراكى ياجميل

نفسى اعرف هى زينة عمله في نفسها كدا ليه

وكمان ام مصطفع ايه هيكون مصيرها

الى عجابنى اوى ان علاء بداء يغير رايه في هيام

بصراحه حاسه انها ماتستهالهوش

متابعه معاكى انشاء الله

[**صفا** 208]

بصراحهنفسى علاء يفوق ويبعد عن هيام

بس مش عارفه بقول يمكن هبه تخليها تتعدل زى ما سوزى اتعدلت بس بصراحه مش حاسه الموضوع ده فى هيام

يلا خلينا نشوف اللى هيحصلء

[روضة الجنه 21]

خدعتينا في زينه كالعاده ماشي نعيش وناخد غيرها هههههههههههههههه

 

بس ايه الزيجات الكتير الي ورا بعضها دي لولولولولولولولولولولولي

 

بصراحه نجلاء صعبت علي اوي بس تستاهل عشان تتادب

 

مش متخيله ان رغبة مصطفي في الزواج من زينه يعمل في مامته كل ده

 

بصراحه حلقات متميزة جدا ومتشوقه اوي للحلقات الجايه

 

يسلمووووووووووووووووو :)

تم تعديل 9 اكتوبر, 2013 بواسطة روضة الجنه

[هبة عبد العظيم نور 2042]

اهئ اهئ سلامتك يا ليلى يا اختي اهئ اهئ ايه بس اللي جرالك اهئ اهئ يا حبيبتي يا ليلى اهئ اهئ اهئئئئئئئئئئئئئئئئئئ

 

 

تن تن تن

 

مين

 

انا حاتم

 

حاتم ! ادخل يا حبيبي اهئ اهئ

 

 

ادخلي يا دنيا

 

 

خالتووووووووووووووو اهئ اهئ سلامتك يا خالتو

 

 

سلامتك يا ماما الف سلامة يا حبيبتي

 

ازيك يا خالتي احلام

 

اهئ اهئ ازيك يا حاتم ازيك يا دنيا اهئ اهئ معلش يا ولاد جبناكو على ملا وشكو وانتو لسة عرسان اهئ اهئ

 

اهئ اهئ كان لازم نيجي يا ماما اهئ اهئ اهئئئئئئئئ يا حبيبتي يا خالتو اهئ اهئ

 

خالتو حبيبتي ردي عليا يا خالتو اهئ اهئ انا دنيا اهئ اهئ

 

انتي دنيا ! اتصدقي يا دنيا يا مراتي يا حبيبتي انا ابتديت اقلق منك

 

اهئ اهئ ليه يا حاتم يا حبيبي اهئ اهئ

 

مش ملاحظة ان يوم صباحيتا امي اتشلت !!!!!!!!!!!!!

 

اهئ اهئ طب وانا مالي ؟؟؟؟؟؟؟؟؟ اهئ اهئ

 

لا ابدا . بس قلقان على ابويا شوية

 

سلامتك يا خالتو اهئ اهئ اهئئئئئئئئئئ

 

 

 

 

 

 

 

 

 

مووووووووووووووووووووووووني انتي ايه اللي بتعمليه ده بتعملي ايه في المطبخ يا حبيبتي انتي وقعتي نص علبة الجبنة على الارض والرخامة وواقفة على كرسي ومطلعة سكاكين ومعالق اد كدة . كل ده عشان ايه !!!!!!!

 

 

بعمل ثنددوتث لماما عثان عيانة ومث بتاكل

 

هههههه تقومي تبهدلي الدنيا بالشكل ده . كل ده عشان ساندوتش ههههههه

 

ايوة وهروح عثان أأكله لماما , عن اذنك نذلني من ع الكرثي عثان مث عارفة انذل

 

يلا يا ستي هووووووووبا انزلي

 

 

ثكرا

 

 

 

ماما انا جبتلك ثندوتث كلي بقى عثان مث اذعل منك

 

ماما اهئ اهئ طب خدي قطمة ثغننة اهئ اهئ عثان خاطري يا ماما اهئ اهئ . مث انتي بتأكليني وتثربيني اللبن كل يوم وانا بثمع كلامك ؟ كلي عثان تخفي يا مامتي

 

كدة يا موني خليتي ماما عيطت . خلاص اطلعي برا دلوقتي وسيبيها

 

 

امثي يا ماما ؟ انتي مث عوذاني اهئ اهئ اهئ انا ماثية اهئ اهئ

 

امممممممممممممممممممممممممممممممممممممممممممممم اممممممممممممممممممممممممممممممممممممممممم

 

خلاص خلاص يا ليلى . اهدي تعالي يا موني ماما عايزاكي جنبها

 

 

هيييييييييييه هيييييييييييييييه حبيبتي يا مامتي . طيب ردي علية بقى

 

 

 

 

 

 

 

 

 

ترررررررررررررررررررررررن تررررررررررررررررررررررن

 

 

مين

 

انا امينة ومعايا زينة

 

 

اهلا اهلا يا طنط امينة

 

ازيك يا مصطفى انا كويسة يا حبيبي

 

ازيك يا انسة زينة سلامااااااااااااات هههههههههههههه

 

طيبون يا موصطفع انا جاية ادي الحجنة للحاجة امك يا كشي يتمر

 

 

هههههه متشكر جدا والله كلك ذوق . اتفضلوا

 

 

ازيك يا ليلى عاملة ايه يا حبيبتي ؟ اهئ اهئ وبعدين بقى يا جماعة ما تشوفوا حل . اذا كان العلاج مش نافع في البيت انقلوها مستشفى اهئ اهئ

 

 

هي رافضة تروح مستشفى والدكتور قال مسألة وقت وتبقى كويسة

 

 

ربنا يشفيكي يا ليلى ياااااااااارب اهئ اهئ

 

 

ازيك يا حاجة ام موصطفع

 

امممممممممممممممممممممممممممممممممممممممممممممم امممممممممممممممممممممممممممممممممممممممممممم

 

 

هي الحورمة دي كل ما تشوفني تزوم وتبرجلي ليه اكديه ! هاتي دراعك يا غالية

 

اممممممممممممممممممممممممممممممممم امممممممممممممممممممممممممممممممممممممم

 

 

بالشفا ان شاء الله

 

شكرا يا انسة زينة

 

الشكر لله وحده يا موصطفع

 

 

هههههههه موصطفع موصطفع . كله حلو منك برضو هههههههه

 

 

 

 

 

 

 

 

 

 

 

السلام عليكم ورحمة الله وبركاته

 

اهلا وعليكم السلام ورحمة الله وبركاته

 

انا اسمي خالد ولسة يا دوب ساكن في منطقتكو من كام يوم بس

 

انت نورت المنطقة والله . انتقلت هنا مع اسرتك ؟

 

مع زوجتي .احنا لسة متزوجين حديثا

 

ماشاء الله . ربنا يرزقكم بالذرية الصالحة ان شاء الله يا شيخ خالد

 

اشكرك . انا ملاحظ ماشاء الله انك متواجد في صلاة المغرب والعشا باستمرار

 

ايوة الحمدلله

 

طيب وباقي الفروض ؟

 

بصليها في مسجد قريب من الشركة . انا مهندس معماري واسمي علاء فكري

 

اهلا وسهلا بيك يا اخ علاء . انا مدرس فقه في جامعة الازهر

 

والله ! انت كدة هتفيدنا كتير بعلمك يا شيخ خالد بالطبع

 

انا تحت امرك في أي استفسار يا اخ علاء . انت متزوج

 

 

لسة خاطب

 

ربنا يتمملك على خير ان شاء الله . ليه مش ملتحي ؟

هههههههه ما فكرتش في اللحية قبل كدة بصراحة

 

اللحية زينة الرجال يا اخ علاء . وبعدين دي سنة عن النبي عليه الصلاة والسلام

 

عليه الصلاة والسلام . بس بصراحة مش عارف . يعني ما فكرتش فيها خالص

 

طبعا انا اتمنى اعمل حاجة فيها تقرب وطاعة لله بس غير اللحية

 

ههههه للدرجة دي مش مقتنع

 

بس ممكن اقتنع طبعا هههههه

 

طيب على العموم انا مضطر اسيبك دلوقتي يا اخ علاء عشان مرتبط بموعد لكن ياريت تنظرني بكرة بعد صلاة العشا نتحاور بشأن اللحية

 

ان شاء الله هنتظر حضرتك يا شيخ خالد

 

 

 

 

 

 

 

 

 

 

 

 

 

 

صلاح وبعدين يا صلاح . احنا هنفضل ساكتين على موضوع سهام كدة !

 

 

طب اعمل ايه .البيه جوزها مسافر وكل ما اتصل باأبوه عشان اتفاهم معاه يتهرب مني ويقولوا مش موجود

 

 

طب وبعدين يا صلاح ! لازم نتصرف ما ينفعش نسيب البنت كدة على ذمة الولد ده . طب حاول تتصل تاني يمكن تلاقي ابوه

 

اووووف هحاول يا ستي ما فيش قدامي غير المحاولات وبوس الايادي عشان اخلص بنتي من قبضة ايديهم

 

 

تررررررررررررررررررن تررررررررررررررررررررررررن

 

 

الوووو

 

مساء الخير يا فندم

 

مساء النور

 

اكلم والد كابتن كريم لو سمحتي

 

 

مين معايا

 

والد سهام

 

ابو كريم مش موجود

 

لو سمحتي يا فندم دي مش طريقة . طب حتى لو مش موجود فكان المفروض انه يتصل بيا في حال وجوده

 

خصوصا اني اتصلت مرات عديدة

 

اوووووووف طب لحظة واحدة باين عليه جه

 

 

مين يا ام كريم

 

ابو الهانم مرات كريم

 

يوووو مش قولتلك تقولي مش موجود

 

 

اعمل ايه بقى . الراجل مش مبطل اتصالات

 

هاتي ام اشوف في ايه

 

 

مساء الخير

 

مساء النور يا ابو كريم . يرضيك عمايل ابنك دي . يعني ينفع يربط البنت جنبه بالشكل ده

 

والله يا فندم دي خصوصياته هو ومراته وانا ماليش دخل

 

 

مالاكش دخل يعني ايه يا فندم . حضرتك والده

 

والله ابني مش صغير دا راجل متجوز ويعرف ياخد القرارات المناسبة . انا ماليش دخل . لما يرجع بالسلامة ابقى اتفاهم معاه . عن اذنك مضطر اقفل

 

 

راجل قليل الذوق وجلياط صحيح

 

 

في ايه يا صلاح

 

الراجل ولا كأني بكلمه ولا عاملي اعتبار . مخرج نفسه برا الموضوع خالص ومش عايز يتفاهم معايا وبيقول استنى كريم لما يجي واتفاهم معاه

 

 

هنعمل ايه يا صلاح . مافيش بايدينا غير الانتظار . عيني عليكي يا سهام يا بنتي . انا نازلة اطمن على ليلى

[هبة عبد العظيم نور 2042]

افتح يا عم وهدااااااااااااااااان يا عم زهراااااااااااااااااااااااااااااااااان

 

 

مييييييييييييييييييييييييين

 

 

انا دكتور احمد

 

دكتور إحممممممممممممممممممممممممممممممممممممممممممممد حمدالله ع السلامة يا داكتووووووووور

 

 

اضرب عيارين يا زهرررررررررررررررررررران

 

 

طخخخخخخخخخخخخخخخخخخخخخخخخخخخ

 

طخخخخخخخخخخخخخخخخخخخخخخخخخخخخخخخخخخخخخخخخخخخخخ

 

 

حمدالله ع السلامة يا دكتور إحمد عاد والله واتوحشناك يا ولدي

 

ههههههههههههههه شكرا يا عم وهدان ربنا يخليك يا عم زهران . لو سمحتو دخلوا الشنط للسرايا

 

 

 

 

 

 

بوووووووووووووووووووووووووووووووووووووووي ههههههههههههههه كيفك يا بووووووووووووووووي اتوحشتك يا غالي

 

 

ولديييييييييييييييييييييييييييييييييييييييييييييييييييي إحمد إحمد حمدالله ع السلامة يا غالي تعالى في صدر بوك يا ضي عين بوووووووك

 

 

يدك ابوسها يا بوي .كيفك يا بوي كيفك اتوحشتك

 

 

الله يبارك فيك يا احمد يا ولدي الحمدلله يا ولدي . كيفها الغربة معاك

 

والله الغربة مرة وصعيبة يابوي ربنا يجرب البعيد عاد . وين امي وين زينة ؟

 

في مصر

 

هااااااااااااااااا مصر !!!!!!!!!!!!!!!!!!!! ايه وداهم مصر يابوي وكيييييييييييييييييييييييف . وكيف يا بوي تفوتهم لحالهم يدلوا مصر

 

هعهعهعهع طب اهدا عاد يا داكتور إحمد دي حكاية طويلة احكيهالك ع الوكل عاد . نادم على وهدان وزهران يجبوا الغدا من دار عمك دهشان

 

عم دهشاااااااااااااان والله اتوحشته يابوي اتوحشته . اتوحشتكو كلكو والله يا بوي

 

ياجي ديلواك يسلم عليك يا سيد ابوك

 

العفو يابوي انت اللي سيدي وتاج راسي . بس برديك عايز اعرف كييييييييييييييييييييييف امي وخيتي اتدلوا مصر لحالهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

 

 

 

 

 

 

يااااااااااااااااااااااااااااه بجى معجول يا بوي بعد السنين دي كلاتها تعرفوا طريج عمي حسنين

 

كله بأوانه يا ولدي عاد

 

على كد ما فرحت يا بوي اننا عرفنا مكان بته ومرته على كد ما حزنت انه مات الله يرحمه . ماليش نصيب اشوفه

 

البركة في مرته وبته وجوز بته الراجل الزين اللي لولاه ما عرفنا طريج البت وامها

 

انت شوجتني اشوف ناس عمي حسنين يا بوي واتعرِف عليهم

 

اومال ايه يا ولدي .لازمن طبعا تتعرِف على جوز بت عمك وتوريه ان مرته ليها ناس وعزوة تتشرِف بيهم

 

طيب انا بجول يا بوي اني انزل مصر اجيب امي وزينة وبالمرة اتعرف على ناس عمي حسنين

 

خلاص يا ولدي اتفجنا عاد

 

 

 

 

 

 

 

 

 

 

 

 

 

ترررررررررررررررررن تررررررررررررررررررررررررن

 

الو

 

السلام عليكم ازيك ادهم حبيبي

 

وعليكم السلام اهلا يا سوزي يا حبيبتي وحشتيني

 

هههههه يا حبيبي انت نازل من البيت يا دوب من ساعتين لحقت اوحشك ؟

 

طبعا والله وحشتيني انتي عندك شك ؟

 

ههههههه لا والله ابدا ماعنديش ادنى شك لانك انت كمان وحشتني حبيبي

 

ما اعتقدش حبيبتي متصلة تبثيلي اشواقك عبر اسلاك الهاتف هههههه شكلك عايزة تقولي حاجة

 

امممم يعني كنت زهقانة شوية وعايزة اجيلك الشركة

 

يا روح قلبي تنوريني . خلاص اوكيه منتظرك نشرب القهوة مع بعض

 

اوكيه حبيبي هلبس واجي مع السلامة

 

 

الله يسلمك يا حياتي

 

 

يا عماااااااااد

 

افندم يا استاذ ادهم

 

المدام جاية دلوقتي اول ما تيجي دخلها على طول

 

تحت امرك

 

 

 

 

 

 

 

 

 

 

السلام عليكم

 

عليكم السلام يا فندم

 

في حد عند استاذ ادهم

 

لا يا فندم ما فيش اتفضلي حضرتك

 

 

 

 

السلام عليكم حبيبي

 

اهلا اهلا حبيبة قلبي وعليكم السلام نورتي مكتبي المتواضع حبيبتي ههههه

 

تسلملي يا حبيبي . تعرف اني مبسوطة جدااااااا ان ستاف العمل عندك كلهم رجالة ومش بتشغلوا بنات هههههههه

 

ههههههههه حبيبتي بتغير ؟

 

ههههههه موووووووووووووت

 

والله يا سوزي انا اول ما فتحت الشركة عملت اعلان في الجرايد وطلبت اتنين سكرتيرات حسناوات الوجه والمظهر ههههههههه

 

اممممممممم اعترف يا ابو عين زايغة . قولي على ماضيك المشرف مع الستات هههههه

 

ههههههه والله ولا ماضي ولا حاجة يا ستي . انا كنت فاكر ان أي شركة لازم تعمد على حسناوات المظهر كواجهة مشرفة للشركة يعني مش اكتر بس بصراحة ما اخبيش عليكي جابولي الفقر وكنت هفلس واقفل الشركة

 

ههههههههههههههههه ازاي يعني

 

يا ستي بصيت لقيت الموظفين الرجالة كل همهم الصبح يجوا يتكلموا ويغازلوا السكرتيرات وسابوا الشغل واهتموا بيهم هما ههههههههه وطبعا كل ما اعدي الاقيهم الهوانم ماسكين المرايات وبيصلحوا الماكياج وتقريبا كانت دي الشغلة اللي هما فالحين فيها ههههههه

 

ههههههههه وطبعا صاحب الشركة مستفيد من حسناوات الوجوه وبينوبه من الحب جانب

 

يا حبيبتي انا بشر مش حجر وبتأثر بالجمال برضو . المهم بصراحة حسيت ان الشغل ما فيهوش بركة والمكان بالنسبة لي ما بقاش مريح ومش عارف اشتغل ولا الموظفين عارفين يركزوا في الشغل فاخدت قرار اني ادي السكرتيرات الحسناوات مستحقاتهم واسرحهم

 

هههههههه حلوة تسرحهم دي ههههههه

 

والله يا سوزي سبحان الله بعد ما مشيوا حال الشركة اتعدل والموظفين الرجالة بقى همهم الإنجاز لصالح الشركة

 

وإعلاء اسمها والحمدلله لقيت الشغل فيه بركة وحركته مشيت افضل بمراحل كبيرة

 

الحمدلله حبيبي . والله فعلا بستغرب لما الاقي الاعلانات المستفزة في الجرايد اللي بتطلب حسناوات المظهر والوجه للعمل

 

بقول ايه دخل الطلبات دي في انجاز العمل

 

 

الحمدلله الذي عافانا حبيبتي

 

الحمدلله الحمدلله

 

الكلام اخدنا ونسيت اطلب القهوة

 

 

انت قدامك شغل كتير حبيبي ؟

 

 

يعني قدامي حوالي ساعة كدة

 

طيب بقولك ايه . ماتيجي نعدي على بابا في الشركة وبعدين نعدي على ماما عشان اطمن عليها واشوف مايسون عشان وحشوني كتير

 

يعني جولة عائلية حبيبتي على شجرة العيلة الكريمة هههههه موافق يا ستي .

 

ههههه شكرا يا حبيبي تسلملي

 

 

 

 

 

 

موووووووووووووووني

 

نعم يا ابيه مثطفى

 

بصي يا حبيبتي روحي خبطي على طنط امينة وقولي لابلة زينة ابيه مصطفى بيقولك لو عايزة طلبات يجيبهالك اكتبيها في ورقة

 

حاضر يا ابيه مثطفى

 

 

 

 

تن تن تنننننننن

 

 

ميييييييين

 

انا مووووووووووووووووووووووووووني

 

 

ههههههه اهلا موني حبيبتي ازيك يا روح قلبي

 

كويثة اذيك يا طنط امينة فين ابلة ذينة

 

زينة ! وعايزاها ليه

 

عثان اقولها كلام ابيه مصطفى

 

 

هي نايمة

 

ادخل اثحيها

 

لالالالالالالا بلاش ما فيش داعي

 

 

لالالالالالا انا عايذة ادخل اثحيها

 

 

ههههههه انتي اللي جبتيه لنفسك يا موني ما ليش دعوة

 

 

 

الله !!!!!!!!!!!!!! الله !!!!!!!!!! دي ثندريلا نايمة في الثرير . اومال فين ابلة ذينة

 

امممممممم ايه ده امممممم هاااا موني !

 

 

انتي تعرفيني يا ثندريلا

 

هههههههه ثندريلا . انا ثندريلا ؟ ههههه انتي شوفتي ثندريلا فين

 

ثوفتها في كتاب الحواديت . انتي طلعتي اذاي من كتاب الحواديت يا ثندريلا ؟؟؟؟؟

 

ههههههه واخدة اجازة من كتاب الحواديت وقولت اقضيها مع موني

 

بجد ! طيب تعالي معايا يا ثندريلا

 

لالالالالالالا مش ينفع حبيبتي . انا منتظرة الامير هنا هههههههه

 

انتي لقيتي الجذمة بتاعتك

 

تؤتؤتؤ لسة هيجيبها الأمييييييييييير

 

الله ! انا عايذة اقعد معاكي هنا يا ثندريلا

 

هههههه هستناكي هنا كل يوم يا موني

 

طيب انتي مث ثوفتي ابلة ذينة

 

ههههههههههههههههههههههه انتي عايزاها ليه

 

ابيه مثطفى بيقولها لو عايذة حاجة اكتبيها في الورقة

 

ههههه طيب لحظة واحدة حبيبتي

 

 

 

ماماااااااا

 

نعم يا زينة

 

مصطفى بيسأل لو عايزين طلبات يشتريهالنا . حضرتك عايزة حاجة

 

اه والله ياريت يجيب شوية جبن على مربات على لبن عشان فضينا التلاجة بتاعة الست هههههههه

 

ههههههههه احنا غلسين اوي بصراحة . كدة هياخدو فكرة عن بتوع الصعيد انهم مفاجيع يا ماما ههههههه

 

ههههه يا ستي يستحملونا . كلها كام يوم ونرجع بلدنا . خدي الفلوس اهيه

 

ميرسي مامّا

 

 

 

 

 

موووووووووووووووني

 

 

نعم يا ثندريلا

 

يا عيون ثندريلا ههههههههه خدي الطلبات والفلوس اهيه حبيبتي هاتي بوسة بقى اموووه ههههههههه

 

انا بحبك يا ثندريلا انا هجيلك بكرة

 

ههههههه وانا في انتظارك يا روح قلبي . بس عشان تشوفيني كل يوم في شرررررررررررررررط

 

 

ثرط ايه

 

مش تقولي لحد انك شوفتيني وإلا اختفي ومش تشوفيني تاااااااااااااااني

 

لالالالالالا مث هقول لحد مث هقول لحد عثان اثوفك باي باي ثندريلا

 

هههههه باي باي مووووووووووني

[هبة عبد العظيم نور 2042]

ايه ده يا زينة البنت كدة شافتك وعرفتك

 

ههههههههه دي فاكراني سندريلا يا ماما ما تقلقيش

 

ههههههههه هي سندريلا بالجمال ده برضو حبيبة ماما ؟؟؟؟؟؟

 

ههههه طالعالك يا ست الكل

 

 

 

 

 

 

 

 

 

 

 

 

 

ها يا موني

 

خد الفلوس والورقة اهيه

 

فلوووووووووس . لأ ما يصحش طبعا . انا هجيب الطلبات وارجع الفلوس

 

 

 

 

 

 

 

 

تررررررررررررررررررررن تررررررررررررررررررررن

 

 

مييييييين

 

 

مصطفى يا طنط امينة

 

 

اهلا يا حبيبي واقف هناك بعيد اوي كدة ليه هههههههه. ماما عاملة ايه ؟

 

ربنا يشفيها يا طنط ان شاء الله . لو سمحتي ادي الفلوس دي للانسة زينة وقوليلها انا جيبت الطلبات

 

 

طلبات ! ايه الكلام الفاضي ده . يعني ايه يجيبوا طلبات على حسابهم . هو انا بخيلة ولا ايه !!!!!!!!!

 

حضرتك رجعيلها الفلوس

 

 

 

 

ترجِع الفلوس لمين يا موصطفع . كتر خيرك صاحب واجب . بس ده حجك ولازمن تاخده والا هرجع الطلبات وعن اذنك هنجفل الباب عاد ومتشكرين على مساعيك الحميدة يا واد عمي

 

هههههههه قفلت الباب في وشي . هايلة البنت دي

 

 

 

 

 

 

 

 

 

 

 

 

ترررررررررررررررررن ترررررررررررررررررررررررن

 

 

الو

 

ايوة يا رفعت انت ازاي يابني ما تجيش تسأل على اختك ليلى

 

ليلى ! مالها ليلى يا امي

 

اختك يا ابني ما بتتحركش ولا بتنطق بقالها كام يوم

 

معقووووووووووول ليه يا امي ايه اللي حصل

 

زعلت شوية مع مصطفى وما اعرفش ايه اللي جرالها بعيد عنك

 

لا حول ولا قوة الا بالله . طيب هي في البيت ولا المستشفى

 

في البيت يا حبيبي

 

 

انا هجيب مشيرة واجي حالا يا امي . سلامتها ليلى الف سلامة

 

 

مع السلامة حبيبي

 

 

 

 

 

في ايه يا رفعت مالها ليلى بعد الشر ؟؟؟؟؟؟؟؟؟؟

 

 

 

 

 

 

 

 

 

 

 

 

 

ايه ده مين الشاب اللي رايح يخبط على شقة طنط امينة ده !!!!!!!!!!!!!!!!

 

 

انت واقف ليه عند الباب يا ابيه مثطفى

 

 

ادخلي انتي يا موني . اما اشوف ايه حكاية الاخ ده

 

 

تررررررررررررررررررررن تررررررررررررررررررررررررن

 

 

مييييييييييييييييين

 

 

احمد

 

 

 

اهلا مين حضرتك

 

حضرتك مرات عمي حسنين بالطبع ههههههه

 

عمك ! انتي مين

 

 

احمممممممممممممممممممممممممممممممممممد هههههههههههههههههههه وحشتني يا واد ابوووووووووووي هههههههههه

 

 

ههههههههههههه زينة حبيبتي وحشتيني وحشتيني هههههههه فين امي

 

 

احممممممممممممممممممممد يا حبيبي ايه المفاجأة اللي تجنن دي يا حبيبي وحشتني يا دكتور

 

 

ايدك ابوسها يا امي يا غالية وحشتيني وحشتيني

 

 

ازيك يا دكتور احمد يا ابني نورت البيت حمدالله ع السلامة والله العظيم انت شرفتنا وانستنا ههههههه ايوة كدة الواحد حس ان ليه اهل بيسألو عليه

 

هههههه الشرف ليا يا مرات عمي والله . حضرتك ما تعرفيش انا فرحت اد ايه ان عرفنا طريقكم . والدي وعمي عمرهم ما نسيوا عمي حسنين وكان املهم يعرفوا طريقه

 

 

الحمدلله يا ابني . والله احنا حصلنا الشرف والخير والبركة حلت من يوم ما عرفناكم

 

الله يكرمك يا مرات عمي . مبروك لصفاء بنت عمي الف مبروك

 

 

الله يبارك فيك يا حبيبي عقبالك انت واخواتك ان شاء الله

 

 

 

تررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررن

 

 

 

مين

 

مصطفىىىىىىىىىىىىىىىىىى انا مصطفىىىىىىىىىىىىىىىىىىىىىىىىىىىىى

 

 

 

اهلا يا مصطفى خير

 

 

ممكن اعرف مين الاستااااااااااااااااااااااذ ؟؟؟؟؟؟؟؟؟؟؟؟؟؟؟؟؟؟؟؟

 

 

 

ممكن اعرف انا الاول مين حضرتك وازاي تتهجم على البيت بالشكل ده ؟؟؟؟؟؟؟؟؟؟؟؟؟؟؟؟؟؟؟؟؟؟

 

 

انا خطيب الهانم

 

 

افندممممممممممممممممممممممممم

 

 

خطيبها يعني ايه . وازاي تخطبها من غير انا ما اعرف

 

وانت تعرف بصفتك ايه اصلااااااااااااااااااا

 

لا حاجة بسيطة اوي يا فندم . بصفتي اخوها الكبير

 

 

اخوها !!!!!!!!!!!!! حضرتك اخو زينة ؟؟؟؟؟؟؟؟

 

 

اومال فاكره مين يا موصطفع هعهعهعهعهع

 

خطيبك ازاي يا زينة ايه الكلام الفارغ ده .انا ابويا ما جابليش سيرة عن الموضوع ده

 

ولا خطيبي ولا اعرِفه طوخه يا خوي هعهعهعهع

 

كدة برضو يا زينة !!!!!!!!!!!!! انتي بتحرجيني . هو انا مش كلمت والدك واداني كلمة

 

وانت مش وعدته انك تجيب الفاميليا وتاجو البلد تخطبوني برديك

 

 

مسألة وقت يا زينة

 

ربنا معاك يا موصطفع .فارجنا بجى عشان عايزين نرحبو بخوي

 

ههههههههه ما يصحش يا زينة . اتفضلي ادخلي انتي عند ماما عشان اتعرف بالاستاذ خطيبك المزعوم . اتفضل يا استاذ ........ اسف نسيت الاسم

 

مصطفى يا فندم

 

اهلا وسهلا . دكتور احمد مناع اخصائي مخ واعصاب وبكمل دراسات في انجلترا

 

اهلا يا دكتور انا مصطفى فكري اخر سنة في كلية تربية واتقدمت للانسة زينة اخت حضرتك وطلبتها من والدها

 

امممممممم ما عنديش فكرة للأسف عن الموضوع . لكن تشرفنا يا استاذ مصطفى

 

اشكرك دكتور احمد

 

تشرب ايه حضرتك

 

اخد قهوة مظبوط

 

 

القهوة المظبوط يا زينة

 

 

من عنيا يا اخوووووووووووي

 

 

زينة احسن واحدة تعمل فنجان قهوة مظبوط يعدل الدماغ ههههه

 

هههههه كل حاجة في زينة جميلة . ربنا يبارك فيها

[هبة عبد العظيم نور 2042]

تررررررررررررررررررررررن تررررررررررررررررررررررن

 

الو

 

ايوة يا امي انا مدحت

 

مدحت حبيبي ازيك وازي عروستك وحشتني . جاي امتى

 

بخير يا امي جاي بكرة ان شاء الله

 

تيجي بالسلامة يا حبيبي . على فكرة انا قولت لنجلاء انك اتجوزت

 

قولتليها !!!!!!!! على العموم كويس لانها كان لازم تعرف . وكان ايه رد فعلها ؟

 

بهدلت الدنيا يا خويا. عياط وصريخ ومتهيألي لو شافتك قدامها كانت بعد الشر قتلتك

 

ايييييييييه ههههههههه هو انا عملتلها حاجة الست دي عشان تقتلني

 

 

اتصل بيها يا مدحت ما يصحش كدة

 

 

حاضر يا امي هتصل بيها وابلغها اني راجع مع السلامة

 

 

الله يسلمك يا حبيبي

 

 

 

 

ترررررررررررررررررررن تررررررررررررررررن

 

 

 

الو

 

 

ازيك يا نجلاء

 

يااااااااااااااااااااااااااااااه لسة فاكرني .كويس والله . ازيك يا عريس الف الف الف مبرووووووووووك حمدا اللع على السلامة يا غالي

 

الله يسلمك يا حبيبتي

 

حبيبتك ! هههههه متشكرة . يا ترى مبسوط مع العروسة الجديدة في شهر العسل

 

احم احممم انتي اخبارك ايه

 

انت جاي امتى ؟

 

بكرة ان شاء الله انتظريني في البيت

 

لالالالالالالالالالا اديني عنوانك انا لازم اجي اتعرف على ضرتي بنفسي واباركلها واقدم لجنابك فروض الولاء والطاعة يا مولاي

 

هههههه عايزة تيجي تباركيلنا

 

ده اقل واجب يا عريس

 

اوكيه على العموم شعور رقيق منك . خدي العنوان يا ستي

 

ههههههههه خليكو في انتظاري يا اجمل عروسين عشان احتفل بيكو بطريقتي الخاصة اللي تليق بيكو

 

 

 

في انتظارك مع السلامة

 

 

 

 

 

 

 

 

 

 

 

 

يلا يا مشيرة بقالك ساعة بتلبسي يا حبيبتي

 

خلاص اهو يا حبيبي

 

 

نيجي معاكو يا بابا نطمن على عمتو ليلى بالله عليك

 

 

مافيش داعي يا مها . خليها مرة تانية حبيبتي

 

ربنا يشفيها يارب

 

 

 

 

ترررررررررررررررررررررررن تررررررررررررررررررن

 

 

مين

 

رفعت

 

 

 

اهلا ازيك يا خالي

 

ازيك يا علاء يا حبيبي

 

ازيك يا علاء

 

ازيك يا طنط مشيرة

 

 

فين ماما

 

 

في اوضتها طبعا اتفضلوا

 

 

اذيك يا خالو جبتلي ثكولاتة ؟؟؟؟؟؟؟؟؟

 

ههههه ازيك يا حبيبة خالو . ايوة طبعا جبت شيكولاتة كتير كتيييييير عشان موني الجميلة

 

جميلة زي ثندريلا ؟

 

ههههه خيالية يا بنت على طول كدة . خلينا نشوف امك بقى

 

ازيك يا موني يا عسولة انتي

 

اذيك يا طنط . فين ابلة مها وابلة لميا مش جم يلعبوا معايا ليه

 

هههه هيجيبوا لعبهم ويجوا يلعبوا معاكي ههههه

 

 

 

 

ايه يا ليلى حبيبتي سلامتك الف سلامة . ايه يا ام علاء كبرتي ولا ايه هههههههه

 

هههههههه ابتسمت اهيه . شكلها بتتدلع يا رفعت . سلامتك يا لولى الف سلامة

 

ايه يا ولاد . مش تخلوا بالكو من امكو برضو ؟ امكو ما تستحملش الضغوط النفسية برضو . دي مهما كانت عضمة كبيرة هههههههه

 

ههههههه ماما بتبتسم اهيه الحمدلله . والله من ساعة ما تعبت ما ابتسمتش كدة .شكلها مبسوطة بوجودكو يا خالي انت وطنط مشيرة

 

ربنا يشفيها يارب

 

 

 

معاد الحقنة بتاعة طنط ليلى يا طنط امينة . المفروض نروح نديهالها دلوقتي

 

اه والله يا زينة يابنتي . فيكي الخير دايما فاكراها

 

طيب استنو اجي معاكو يا جماعة اطمن على الست

 

يلا يا ماما . حطي خلاجاتك يا مّاي هعهعهع

 

هههه ماشي يا بتي

 

 

 

 

 

 

 

 

 

 

السلام عليكم

 

وعليكم السلام طنط امينة اتفضلي

 

في حد عند ماما يا علاء

 

طنط مشيرة بس . خالي قاعد في البلاكونة

 

 

طيب يا حبيبي عن اذنك ندخلها

 

 

 

السلام عليكم ازيك يا مدام مشيرة

 

وعليكم السلام اهلا مدام امينة

 

 

يااااااااااااااااااااه كيفك يا مشيرة . والله زمااااااااااااااااااااااااااااااااان يا جمر

 

 

افندم . حضرتك تعرفيني ؟؟؟؟؟؟؟؟؟؟؟؟؟؟؟؟؟؟؟؟

 

 

هعهعهعهع بعدين اجولك يا جمر انتي يللي السنين ما كبرتكيش عاد

 

لالالالالالالالا لازم اعرف انتي مين ؟؟؟؟؟؟؟؟؟؟

 

ما ينفعش اجولك هنيه واااااااااااااااصل . لو عايزة تعرِفي ابجي حصليني على شُجة الحاجة امينة .صحيح يا ولاد الدنيا صغيرة عاد

 

 

انتي مييييييييييييين ؟؟؟؟؟؟؟؟ ميييييييييييييين ؟؟؟؟؟؟؟؟؟ حاجة غريبة اوي اوووووووووي

 

 

انتي بتوشوشي الست دي ليه يا امّاي

 

خليكي في حالك انتي . انت مالك ومالي يا بت انتي يابت .

 

جرا ايه يا امّاي بتشخطي فيا جدام الاجانب ليه يا امّاي . هاتي دراعك يا ام موصطفع . ما تخفي بجى فلجتينا يا ست انتي هعهعهع

 

 

 

 

 

 

رفعت بعد اذنك انا رايحة عند مدام امينة ضروري

 

امينة ! ليه يعني

 

ضروري حبييبي ضروري معلش

 

خلاص حبيبتي روحي بس ما تتأخريش عشان نمشي

 

 

 

 

 

 

تررررررررررررررررررررررن تررررررررررررررررررررررررررن

 

 

مييييييييييييين

 

 

مشيرة

[هبة عبد العظيم نور 2042]

ههههههههههههههه والله منورين كلكو ومتابعتكم بتسعدني كتير كتير كتير

 

نكمل بكرة يا بنات ان شاء الله

 

 

توقعاااااااااااات هايلة ماشاء الله عليكو هههههه خصوصا سندسة ام مريم

 

 

انتظروني يا عسولات تصبحوا على خير يا قمرات

[ساره أم حمزه 1041]

جميل

شفتى يعنى زينه طلعت حلوه اهى

^^

[أمة الرحمن الرحمن 68]

مش غررررررريبه ان مصطفع ما زعلش على أمه :S ده حاتم زعل على امه مش عارفه فيه حاجه غريبه ماتكونش امه بتمثل هيه كمان

[ساره أم حمزه 1041]

اهىء اهىء

هو ايه بقى

انا كنت عايزه اعرف هتقولها اييييييييه

[أمة الرحمن الرحمن 68]

يمكن تطلع مشيره كانت زميلة ام زينه فى الكليه يااااااااااااااه في سر غررررررريب :ph34r:

تم تعديل 9 اكتوبر, 2013 بواسطة أمة الرحمن الرحمن

[بنوته مسلمه مصريه 458]

جميل يا هبه بجد ماشاء الله

وزينة طلعت بتقول ماما اهيه اومال خلعت الواد يا عينى لما قالها :)

حاتم ودنيا دول عسالات بصراحه لا ودنيا دى عسل بجد

بس مصطفى وعلاء تحسى انهم مش زعلنين على مامتهم كده

شكل ماريا هيطلع عندها حق :)

لا الشيخ خالد طريقته اتغيرت تماما

بصراحه اكتر اتنين عجبنى فى المسلسل هو وشاهى

الاتنين أثروا فى بعض والاتنين ربنا هداهم كل واحد على ايد التانى

جميل ان الزوجين يغيروا بعض للأحسن ويحاولو يقربو لربنا مع بعض

ما تخفي بجى فلجتينا يا ست انتي هعهعهع

هى زينة بتقول دى لمين مافهمتش

[~ماريا~ 1340]

@@بنوته مسلمه مصريه

هههههههههههههههههههههههههههههه

ركزي يا بت يا ولاء

زينه بتقول لمدام ليلى

ما تخفي = ما تروقي بقى

زهقتينا كل شويه حقن ومفيش فايده او نتيجه

شفتي شرحتهالك شرح وافي

هههههههههههههههههههههههههههههههههههههههه

[~ماريا~ 1340]

هو خالد وصل لعلاء

كويس جداااا ايوه كدا اسلوبه جميل

انا احب الانسان يكون كدا في الدعوة والله ممكن باسلوبنا الكويس حاجات كتير تحصل للاحسن انما التشدد والعصبيه

ما بتجيب غير الاسوء

 

 

 

نجلاء

شكلها ناويه على نيه سوده

ههههههههههههههههههههههههههههه

بس انا لو في مكنها وجوزي فاجاني كدا

هعمل اكتر من الي هي هتعمله اصلا

ههههههههههههههههههههه

 

 

حاتم ودينا

هههههههههههههههههههههه

عيال والله

كنت منتظراه يقولها الكلمتين دول

وشك يا حبيبتي منورة ههههههههههههه

 

زييييييييييييييييييييييييييييييييييييييييييييييييييييينه وامها

امها اكيد كانت صاحبه مشيره وبعدين زهقت من الحياه وقررت تترك كل حاجه وتروح الصعيد

وتتجوز هناك وتلاقي الحاج دهشان هو كمان متعلم

 

بس مشترطين على بعض الاحتفاظ باللهجه الصعيديه والعادات

 

هههههههههههههههههههههههههه

 

 

 

 

كانت في اخت مش فاكرة مين

سالت ان كان في الفترة دي كان فيه النقاب؟؟؟

مكنش نقاب

بس كان في الارياف والصعيد كانت الواحده بتلبس حاجه اسمها بيشه

بتغطي الراس والوش بتنزل لنص الصدر وطبعا كان لبسهم اسود في اسود