مراتي في السبعيناااااااااات

[~ماريا~ 1340]

@@~ أم العبادلة ~

 

يا اهلا يا اهلا

 

رجوله مين يا بنتي

معلش يعني هو الي اهان نفسه من الاول

لما يكون شايف اسلوب مراته كدا من البدايه وساكت عليها وسايبها بمزاجها يبقى ميلومش غير حاله

 

مش يجي الوقتي يعمل راجل ويضرب ويطلق

 

وبعدين اصلا مين قال ان اسلوب نجلاء عاجبني انا ما بيعجبني الواحده الي بتغلط في جوزها مهما كان

 

بس لو حصلتلي لا قدر الله انا ممكن اقطع مراته الجديده باسناني

 

 

 

وبعدين يا حبيبتي بتقولي موقف صفاء نادر جداا وهي مغلوبه

لا مش مغلوبه

دي واحده اتجوزت واحد متجوز وما راعتش مشاعر زوجته الاولى

 

ولا سالت سبب الجواز التاني ليه

مع انها اصلا مش ملتزمه جدااا يعني متقولليش شرع ربنا

 

تسامح ايسه يا بنتي الي انت بتتكلمي عليه

هي مين علشان تسامح

هي زوجه تانيه

 

شكل الزوجات التانيات هنا هيقطعوني

ههههههههههههههههههههههههههههههههههههههههههههههه

 

معلش يا بنات دي وجهه نظر اصل انا مش من مؤيدين التعدد

ههههههههههههههههههههههههههههه

[~ أم العبادلة ~ 1903]

@~ماريا~

 

هعتبرك بتنكشييني - ابتسامة -

 

دي انسانة ودي انسانة والاثنين لهم حق الاحترام والمعاملة الحسنة بغض النظر عن الظروف

 

كون ان واحدة زوجها اتجوز عليها، مش من حقها تتخانق مع الزوجة الثانية لان الزوجة الثانية لم تفعل لها شيء

لكن لو عايزة تتكلم يبقى تتكلم مع زوجها وتتخانق معاه في حدود الأدب

 

كون الرجل يصبر على سوء أدب زوجته ليس معناه انه ضعيف الشخصية ولا غيره ولا غيره، لكن هو كان بيصبر ومستحمل بحكم العشرة لعلها تتغير - مع العلم ان اسئتها السابقة لم تكن مثل اسائتها الاخيرة -

لكن لما تزيد فيها وتسيء الأدب اكثر، وليس فقط بينهم وبين بعض لكن في وجود طرف ثالث بغض النظر الطرف الثالث يبقى مين، فهنا انتقلت من سوء الأدب الى الوقاحة

ولما تسيء الادب لانسانة دخلتها بيتها واستقبلتها كويس وباحترام وادب، تبقى وقحة اكثر

 

لو كل واحدة تيجي تتزوج لازم تراعي شعور غيرها يبقى مفيش حد هيتزوج

لانه يا أما هيكون في زوجة أولى لازم تراعي مشاعرها

او مطلقة في بينها وبين زوجها خلاف وبينهم اطفال وتتمنى العودة لزوجها، فلازم تراعي مشاعرها وتفسح لها المجال لتعود

او أم الزوج او اخته غيورة جدا فلازم تراعي مشاعرها وتتركه لهم يقضي معهم وقته ليل نهار

او للزوج اطفال ولا يريدون زواجه يبقى لازم تراعي مشاعرهم

 

الزواج ميثاق بين شخصين، وهو شيء مباح حلله الله ولم يشترط فيه مراعاة مشاعر الغير ولا اي من الشروط العجيبة اللي احنا بنحطها من باب التعاطف مع الزوجة الاولى لاننا بنخاف نقع في نفس الموقف في يوم من الايام

 

الزوجة الثانية او الثالثة او الرابعة غير ملزمة بمراعاة مشاعر احد ولا الاستئذان ولا غيره

هي فتاة، جائها من يرغب في الزواج على سنة الله ورسوله ولها حق القبول والرفض بناءا على شرع الله "اذا جائكم من ترضون دينه وخلقه فزوجوه، الا تفعلوا تكن فتنة في الارض"

 

والزوج ليس ملزم باخبار زوجته قبل الزواج بزواجه وليس من الحكمة اصلا انه يفعل لانها ستسبب له مشاكل

واهل العلم قالوا ان لو الزوجة الثانية في بلد اخرى فالزوج غير ملزم باخبار الزوجة الاولى

لكن لو كانت موجودة في نفس البلد فيجب اخبارها حتى يؤدي لكل زوجه حقها في المبيت وغيره، يعني علشان يقدر يبات هنا ليلة وهنا ليلة

 

----------

 

ما تزعليش مني يا مرمر بس بدأت احس ان كثرة الكلام في موضوع التعدد اصبح موضوع حمضان ومش بلاقي فيه شيء جديد يتقال غير الكلمتين الحلوين بتوع مراعاة المشاعر وغيره

 

في النهاية انا مثلكن لا اقدر على التعدد لكني لا استطيع الاعتراض عليه ولو بمجرد الكلام ولا استطيع وضع تبريرات غير مذكورة بالشرع، فالزواج من الشرع وعند التحدث عنه لابد من ذكر كلام الشرع فيه وليس ما يمليه هوانا علينا

 

وفي النهاية لسه بحبك يا ستموني رغم اختلافنا في وجهات النظر - ابتسامات -

 

همسة: ستموني دي كلمة كنت بستخدمها مع صديقة لي من زمااااااااااااااااااااااان خالص

[أم لبابة بنت أحمد محمد 172]

@@~ أم العبادلة ~

 

بارك الله فيكِ , بجد بفرح بكلامك جداااااا

 

بتقولي كل اللي نفسي فيه

[ساجدة للرحمن 2049]

السلام عليكم ورحلمة الله وبركاته

بارك الله فيك هبة الغالية

القصة تزداد جمالا بمرور الحلقات

كنت أريد التعليق وأدخل نقاش أم العبادلة وماريا ولكن ...

الله المستعان

بوركت يا حبيبة ..

تستحقين التميز

[~ أم العبادلة ~ 1903]

@@ساجدة للرحمن

 

كنت أريد التعليق وأدخل نقاش أم العبادلة وماريا ولكن ...

؟؟؟؟

[ساره أم حمزه 1040]

سارة محمد

 

ههههههه ايوة يا سارة يا اختي مهدود حيلي في التنضيف ههههههه تعالي ساعديني بالله عليكي ههههههههه

 

منورة الحلقات حبيبتي والله

الله يقويكِ

انا كمان مهدود حيلى من التظيف وظهرى وجعنى الحمد لله

وخلاااااص زهقت من الشغل ومش عايزه اساعد هههههههه

ده نورك ^ــ^

 

 

انتى رعبتينى لما خليتى راوية واحمد وزينة يروحوا لمشيرة وامينه تروح لليلى

خفت فكرت نجلاء هتيجى هى وامها ويبهدلوا الدنيا

 

انا بتوقع ان ليلى هتفوق لما تشوف شكل زينه إن شاء الله

[أم ياسر السلفية 16]

بارك الله فيك هبة.

 

لا خلاف في أن نجلاء كانت مقصرة جداااااا في حق زوجها، و لكن في رأيي كان على مدحت تذكيرها بالله و بما عليها من واجبات تجاه زوجها إلخ، امتثالا لقوله تعالى: فعظوهن.

 

كذلك كان بإمكانه أن يخبرها بأنها إن لم تصلح من حالها فسيتزوج، و أعتقد أن كل امرأة تخاف الزواج الثاني فستعمل كل ما بوسعها لتحافظ على زوجها.

 

أما مسألة عدم إخباره لها من قبل فهذا زاد في صدمتها، و قد ذكرت أم العبادلة أقوال العلماء في أن الزوج ليس واجبا عليه إخبار زوجته الأولى بزواجه الثاني، لكن ما هو دليلهم؟

 

حتى و إن لم يكن واجبا فعلى الأقل مراعاة لمشاعرها، يعني هنا في القصة نجلاء زاد غيظها لما لم يخبرها مدحت.

 

و الله أتحسر لما أسمع قصص الأخوات، واحدة تزوج عليها زوجها وقت نفاسها و هي في بيت أهلها و أحضر الزوجة الثانية إلى بيت الأولى و على سريرها.

 

أسال الله أن يعافينا و ألا يبتلينا.

 

أما موقف نجلاء فهو سوء خلق و ردة فعل مدحت طبيعية.

 

أسأل الله أن يهدينا لأحسن الأخلاق.

[أم ياسر السلفية 16]

مكرر

تم تعديل 11 اكتوبر, 2013 بواسطة أم ياسر السلفية

[~ماريا~ 1340]

@@~ أم العبادلة ~

 

ما تزعليش مني يا مرمر بس بدأت احس ان كثرة الكلام في موضوع التعدد اصبح موضوع حمضان ومش بلاقي فيه شيء جديد يتقال غير الكلمتين الحلوين بتوع مراعاة المشاعر وغيره

 

زعلت يا اختي والي كان كان

ههههههههههههههههههههههههههه

بصي يا ستمونتي انت

 

انا مش معاك انا ما كنت حابه الموضوع يتفتح اصلا لاننا زهقنا كلام فيه

مش لمجرد مشاعر

 

اصلا المشاعرواحترامها هي اساس كل شيء حلو ومن غير المشاعر دي معلش يعني هنبقي قلوب جافه قاسيه

دي وجهه نظري يا بيضه

 

لو كل واحدة تيجي تتزوج لازم تراعي شعور غيرها يبقى مفيش حد هيتزوج

لانه يا أما هيكون في زوجة أولى لازم تراعي مشاعرها

 

والله يبقي احسن

دا المطلوب

ههههههههههههههههههههههههههه

 

انا بعترض على الجواز التاني في شيء

الغدر

وانا بعتبر الي مدحت عمله غدر بنجلاء

انا مصممه انه كان واجب عليه يعرفها اخطائها لكن هو كان بيكتفي انه يروح يشتكي لامه وبس

مرة واتنين وتلاته ينصح مرات ويهددها بالزواج

انصلح حالها كان بها

ان استمرت يبقى لا لوم عليه

 

 

زواج الرجل المطلق والي عنده اولاد لا الوم على الزوجه الثانيه لانها متجوزاه وهو مطلق زوجته الاولى

 

 

انما الي يتجوز بدون اي سبب

فاسمحيلي لا اقول عنه الا عينه فارغه

 

 

والزوج ليس ملزم باخبار زوجته قبل الزواج بزواجه وليس من الحكمة اصلا انه يفعل لانها ستسبب له مشاكل

واهل العلم قالوا ان لو الزوجة الثانية في بلد اخرى فالزوج غير ملزم باخبار الزوجة الاولى

لكن لو كانت موجودة في نفس البلد فيجب اخبارها حتى يؤدي لكل زوجه حقها في المبيت وغيره، يعني علشان يقدر يبات هنا ليلة وهنا ليلة

 

ازاي الكلام دا يا بنتي

يعني ايه غير ملزم انه يعرفها

لا طبعا واجبه يعرفها وهي ليها حريه الاختيار

في القبول او الرفض

انما ان الواحد يفاجيء كدا

الامر غير مرغوب فيه بالمره

[~ أم العبادلة ~ 1903]

@أم ياسر السلفية

أما مسألة عدم إخباره لها من قبل فهذا زاد في صدمتها، و قد ذكرت أم العبادلة أقوال العلماء في أن الزوج ليس واجبا عليه إخبار زوجته الأولى بزواجه الثاني، لكن ما هو دليلهم؟

وما دليلك على أنه ملزم باخبارها

 

لحظة اجيب الفتوى علشان يكون الكلام على بينة

 

طيب لم اجد الفتوى المفصلة التي قرأتها من قبل لكن هذه تفي بالغرض الان حتى أجد الاخرى

ليس هناك حديث في استئذان الزوجة في التعدد

هل هناك حديث يقرر أنه يجب على الرجل أن يطلب إذن زوجته للزواج بأخرى؟.

 

الحمد لله

لا ليس هناك حديث يقرر ذلك ، ولا يشترط إذن الزوجة للزواج بأخرى ، لكن من المصلحة أن يحاول الرجل في جعلها تأذن ، فإن أمكن فهو أدعى في التقليل من مشاكل ذلك الزواج .

الاسلام سؤال وجواب

 

ان شاء الله ابحث عن الفتوى التي تقول انه غير ملزم باخبارها الا اذا كان في نفس المدينة

 

@~ماريا~

 

وانا مقدرش على زعلك يا جميل

 

طبعا يا حبيبة قلبي المشاعر مهمة جداااااااا علشان الانسان يعيش

لكن مش معقولة كل ما واحد ياخد قرار حلله الله له، نقول لازم يراعي مشاعر الناس قبل ما ياخد القرار، احم احم قصدي زوجته مش الناس - ابتسامة -

المشاعر دي نراعيها في المعاملات لكن القرارات، تؤ تؤ تؤ، مفيش مشاعر في القرارات

 

انا بعترض على الجواز التاني في شيء

الغدر

وانا بعتبر الي مدحت عمله غدر بنجلاء

انا مصممه انه كان واجب عليه يعرفها اخطائها لكن هو كان بيكتفي انه يروح يشتكي لامه وبس

مرة واتنين وتلاته ينصح مرات ويهددها بالزواج

انصلح حالها كان بها

ان استمرت يبقى لا لوم عليه

غدر مين يا بنت انت يا بنت انت يا بنت انت

من امتى تطبيق شرع ربنا يبقى فيه غدر

 

ومين قال انه لم يلفت نظرها، هو لفت نظرها اكثر من مرة، ارجعي للصفحات اللي للقصة من الاول واقرأيها

وبعدين عايزاه يستنى ايه اكثر من كده

واحدة بتسيبه ليل نهار وكأ،ه مش عايش مع زوجة، لا عارف يشوفها ولا يأكل لقمتين منها ولا اي حاجة يعني كأنه مش متجوز أصلا، يستنى ايه اكثر من كده ؟؟

وهو كلمها كذا مرة

 

تعرفي، مهما الراجل هيعمل هنفضل برضه نلتمس العذر لزوجته ونطلع بمبررات

 

زواج الرجل المطلق والي عنده اولاد لا الوم على الزوجه الثانيه لانها متجوزاه وهو مطلق زوجته الاولى

طيب واولاده، مش المفروض نراعي مشاعرهم هم كمان ولا ايه يا بطة ؟؟

 

انما الي يتجوز بدون اي سبب

فاسمحيلي لا اقول عنه الا عينه فارغه

وعلي اي اساس حكمتِ ان عينه فارغه، هل من دليل شرعي يا فندم على كلامك ؟؟

 

على العموم تفضلي الفتوى الحلوة دي، مرت قدرا في طريقي وانا ببحث لأم ياسر عن الفتوى الاخرى

أرغب في الزواج من امرأة ثانية، وأنا قادر على تكاليف الزواج وعلى الصرف على بيتين، وأجد في نفسي أنني أستطيع أن أعدل بين الزوجتين، لكني سمعت من بعض الإخوة أن زواج الثانية لا بد له من شروط، كأن تكون الزوجة الأولى مريضة، أو لا تنجب، أو غير ذلك من الأسباب، فهل هذا صحيح؟ أو أنه في الإمكان أن أعدد من غير سبب ما دمت قادراً، وأجد في نفسي الاستطاعة على العدل بين الزوجتين، وما ذا يرى سماحتكم في هذا الموضوع ولاسيما التعدد خاصة؟

 

 

 

لا مانع من التعدد, وإن كانت الزوجة الموجودة صالحة وطيبة ليس بها مرض ولا علة, ولو كانت تنجب لا حرج في ذلك إذا كنت بحمد لله قادراً على الزواج وعلى العدل فالحمد لله,

الله يقول-سبحانه-: فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً أَوْ مَا مَلَكَتْ أَيْمَانُكُمْ, والنبي - صلى الله عليه وسلم - تزوج عدة من النساء- عليه الصلاة والسلام-, وليس في أزواجه علة, فالمقصود أنه - صلى الله عليه وسلم – تزوج, وهكذا الصحابة تزوجوا منهم من تزوج ثنتين, ومنهم من تزوج ثلاث, ومنهم من تزوج أربع, فالأمر في هذا واسع والحمد لله, إنما المؤمن يحرص أن يعدل ويجتهد في العدل بين الزوجتين, أو الثلاث, أو الأربع,

والزواج فيه مصالح فيه عفة الفرج, وعفة النظر, وفيه كثرة النسل, وفيه إحسان للنساء أيضاً حتى النساء فيه إحسان إليهن, فإن وجود نساء ليس لهن أزواج هذا من المصائب وفيه خطر, فكون المرأة تعطى نصف زوج يعني يحصل لها نصف, أو ثلث, أو ربع, يعفها وينفق عليها, ويحصل لها بسببه النسل هذا خير عظيم, ومصلحة كبيرة خير من بقائها في البيت بدون زوج, فكونها يحصل لها ربع الزوج, أو ثلثه, أو نصف خير من بقائها في بيتها بدون زوج لوجوه كثيرة, ومصالح جمة للزوج والزوجة جميعاً, من كثرة النسل وعفة فرجها, وعفة فرجه, وغض بصرها وغض بصره, وإيناسها في هذه الدنيا, وقضاء وطرها وقضاء وطره, فالمصالح كثيرة ومن ذلك تكثير الأمة فإن وجود النسل بين الزوجين من زوجتين أو أكثر أكثر للأمة, والنبي - صلى الله عليه وسلم - قال: (تزوجوا الولود الودود فإني مكاثر بكم الأمم يوم القيامة), فالمطلوب تكثير الأمة, تكثير الأولاد الصالحين من الرجال والنساء, فالمؤمن يجتهد ويسأل الله التوفيق.

جزاكم الله خيراً ،

بالرغم من أن شطر هذه الكلمة موجه للنساء جزاكم الله خيراً سماحة الشيخ إلا أني أجد في نفسي الرغبة أكثر ولا سيما وقد قرأت كثيراً عن تعدد العوانس في البيوت؟

من المصائب أن كثيراً من الناس اليوم يدعوا إلى عدم التعدد, وربما اغتروا بما يقوله بعض النصارى ومن شابه النصارى في ذلك, وكثير منهم يحبذ أن يكون الزوج باقياً على واحدة ويندد بالأزواج الذين يعددون وهذا كل غلط, وكله تشبه بالنصارى, أو تأثر بما قالوه أو قاله من التحق بهم, أو شاركهم في رأيهم, أو اقتدى بهم في أخلاقهم, والشريعة الإسلامية العظيمة جاءت بالتعدد, وكان التعدد قبلنا أكثر كان عند داود مائة امرأة-عليه الصلاة والسلام-, وتزوج سليمان تسعاً وتسعين, وفي رواية سبعين كان التعدد في شريعة التوراة أكثر, أما في شريعة محمد - صلى الله عليه وسلم - فاقتصر العدد على أربع فقط للأمة, ما عدا النبي - صلى الله عليه وسلم - له تسع عليه الصلاة والسلام- هذا من رحمة الله- جل وعلا- أن جعل العدد أربعاً فأقل في هذه الأمة لحكمة بالغة, أما مصالح التعدد فشيء لا يحصى, مصالح التعدد فيه شيء واضح المصالح كثيرة للرجال والنساء ، النساء يحصل لهن العفة وقضاء الوطر, والإنفاق عليهن, ودخول الزوج عليهن واحترامهن, والدفاع عنهن وهيبة الرجل إذا دخل عليها, وسلامتها في الأغلب من تعلق غيره بها إلى غير ذلك من المصالح, ثم الإنفاق عليها, ثم وجود الولد يهبها الله ولد على يديه يحصل لها بذلك خير عظيم إذا أصلح الله الولد, وقد يكون عدة أولاد من الرجال والنساء, فالمصالح كثيرة فهو ينتفع وهي تنتفع, والأسرة كلها تنتفع, فإن كثرة النسل فيه نفع للجميع وتكثير للأمة, كما أن في ذلك صيانة لها وحماية لها, وعفة لفرجها, وإنفاقاً عليها, وإحساناً إليها, وحرصاً على كل ما يصونها من كل بلاء وشر. بارك الله فيكم

 

نرجع بقى لكِ

ازاي الكلام دا يا بنتي

يعني ايه غير ملزم انه يعرفها

لا طبعا واجبه يعرفها وهي ليها حريه الاختيار

في القبول او الرفض

ان شاء الله ارجع بفتوى للرد على هذه النقطة لاني لم اجدها الان

[~ أم العبادلة ~ 1903]

هل يجوز للرجل أن يتزوج بامرأتين بدون علم إحداهما، مع إيهامه الثانية أنه غير متزوج؟

 

 

هذا فيه تفصيل:

يجوز أن يتزوج ثانية وثالثة بدون علم السابقات لا بأس بذلك ،

إذا كان مثلاً سافر إلى بلدٍ من البلدان ، وتزوج فيها ، ويأتي إليها وقت سفره إلى هناك لا بأس بذلك ،

أما في البلد الواحدة فلابد من علم حتى يقسم بينهما ، وحتى يعدل بينهما ، وليس له أن يوهمها أنها لا زوجة لها ، بل يعلمها ، ويجبرها بأن عنده زوجه ؛ لأن هذا من الخداع ، لابد أن يعلمها أن له زوجة إذا كانا في بلد واحد ، يقول نعم ، ويقسم لهما جميعاً ، وينصفهما ، ويعطيهما حقهما ، وليس له الخداع والمكر ،

أما في بلاد أخرى ، مثل سافر للدراسة ، سافر سفيراً في بلد من البلدان ، فله أن يتزوج في البلد حتى يعف نفسه ، ولو ما شاور المرأة ، ولو ما أعلم المرأة ، لا يضره ذلك ما دام ليس عنده العدد المسموح به ، وهو أربع ، ..... عنده فرصة ،فإذا كان ما عنده إلا واحدة يأخذ ثانية ، ما عنده إلا ثنتين يأخذ ثالثة ، عنده ثالثة يأخذ رابعة لا بأس ، لا يزيد على الأربع.

 

المقصود أنها إذا احتاج إلى ذلك ، وأراد أن يتزوج ، ليس بشرط أن يعلم زوجته إذا كانت في بلد أخرى، لكن مع مراعاة قصد الواجب ، والعدل في النفقة ، وغير هذا مما يجب على الزوج من جهة العدالة.

 

الشيخ عبد العزيز بن باز

[حواء أم هالة 1895]

@@~ أم العبادلة ~

 

بارك الله فيك غاليتي ونفع بك : )

 

اهرب من مرمر لتيجي تقتلني ههههههههه

[حواء أم هالة 1895]

حلقااااااااات رووووووووووووووعة هوبة الحبيبة ربي يزيدك من فضله =)

 

بالنسبة لنجلاء الصراحة انا الوم والديها لأنها فتحت عينها على ام متسلطة هي التي تحكم وليس والدها وهي طبعا تربت على كدة واخذت طبع امها

ومع الاسف انقلب عليها ولهذا يجب على الرجل قبل مايتزوج يشوف الوالدين اولا ومن هو الرجل في المنزل كي يسعد في حياته =)

متابعة معك =)

[~ أم العبادلة ~ 1903]

@@حواء أم هالة

اللهم آميين يا رب

وهرفع موضوع جميل جدا عنوانه: الحمدلله ان زوجي معدد

كتبته زوجة معدد بواقعية شديدة جدا وبإنصاف تام للزوجة الاولى والثانية والزوج وهو مفيد جدا لكل من ابتلاها الله بزوج معدد

اهرب قبل ما هبة تيجي تضربني

[حواء أم هالة 1895]

@@~ أم العبادلة ~

ههههه يلا نهرب سوا احسن :))

[((مــريــم)) 35]

هييييييه

هبه في الموضوع

:)تسلم أيدك يا غاليه

 

بس في واحده دكتوره المفروض انها مثقفه ومتعلمه

يكون كده أسلوبها او طريقه معاملتها لزوجها

!!!!!

من حقه طبعا مدحت يجوز بس هوا فعلا

ما علينا ماريا شكلها هتقوم بحمله تمرد في الصفحة ؛؛؛؛؛

بالنسبة لليلي كان عندها حق تتشل من الظاهر اللي شافته

انا نفسي كنت هتشل

لكن لما تعرف حقيقه زينه أكيد هتبارك الجوازه

'

ياسلام عليكي ياهبه

باجي في التوقيت الصحيح

اصلي بخطف تليفون زوجي وادخل منه عشان قافل عليا النت:(((((

[هبة عبد العظيم نور 2042]

كل الاخواتى دكرتى اسمائهم الا انا

ورغم دلك انت عزيزة على كوى

 

 

اسفة اسفة اسفة اسفة اسفة اسفة اسفة

 

والله العظيم اسفة حبيبتي استبرق

 

العتب ع النظر

 

اختك عجزت ههههههه

 

انتي نورتيني والله حبيبتي واسعدتيني بتواجدك

 

الله ما يحرمني منك يا عسل

 

 

 

وكمان ام ايه حبيبتي بعتذررررررررررررررررر جدا

 

اسففففففففففففففففففففففففففففففففففففففة والله اسفة

 

 

المقتدية حبيبتي اسسسسسسسسسسسسسسسسسسسسفة جداااااااااااااااااااا

 

 

معلش والله يا حبيبات

 

حجكو علي ههههههههههه

 

 

منورين كلكو

 

 

 

هاجي تاني ارحب على اللي ما رحبتش بيهم ان شاء الله

 

انشر الحلقات بقى ان شاء الله كونوا بالقرب

[هبة عبد العظيم نور 2042]

باشمهندس مدحت

 

افندم

 

الدكتورة نجلاء موجودة برا وعايزة تقابل حضرتك

 

 

نجلاا!!!!!!!!!!!!!!!!!!!

 

ادخلها ولا لأ يا باشمهندس

 

 

خليها تتفضل

 

تحت امرك

 

 

اتفضلي يا فندم الباشمهندس في انتظارك

 

شكرا

 

 

 

 

صباح الخير

 

صباح النور يا دكتورة

 

تسمحلي اقعد

 

اتفضلي

 

تحبي تشربي ايه حضرتك

 

حضرتي ! انت بتتكلم معايا رسمي كدة ليه يا مدحت ؟ انت حتى مش هاين عليك تنطق اسمي على لسانك

 

حضرتك مشرفاني بالزيارة ليه يا دكتورة . خير . أأمريني

 

ياااااااااه للدرجة دي يا مدحت بقينا اغراب عن بعض اهئ اهئ اهئئئئئ

 

من فضلك يا دكتورة ده مكان عمل مش مخصص للكلام في الأمور الخاصة

 

اهئ اهئ طيب واتكلم معاك فين

 

اعتقد ان ما بقاش بينا أي كلام يتقال . الامر اتحسم بالنسبة لي

 

اهئ اهئ جرا ايه يا استاذ اهئ اهئ هو انت فاكرني جاية اتذللك ولا ايه اهئ اهئ انا جاية بس عشان اعتذر عن الكلام الجارح اللي قولتهولك انت والهانم مراتك اهئ اهئ انا ما اتعودتش اهين حد اهئ اهئ وزي ما انت مش عايزني انا كمان مش عايزاك اهئ اهئ مش عايزاك يا مدحت اهئ اهئ عن اذنك اهئ اهئ اهئئئئئئئئئئئئئئئئئئئئئئئ

 

 

اووووووووف الله لا حول ولا قوة الا بالله . يا مجديييييييي فنجان قهوة مظبوط بسرعة الصداع هيفرتك دماغي

 

تحت امرك يا باشمهندس

 

 

 

 

ترررررررررررررررررررن ترررررررررررررررررررررن

 

الو

 

ايوة يا مدوحتي يا حبيبي . تحب تتغدا ايه النهاردة ؟؟؟؟؟؟

 

هههههه أي حاجة من ايديكي حبيبتي اكيد هتبقى جميلة . بس انتي متصلة بسسسسسس عشان تقوليلي اعملك ايه على الغدا

 

ههههههه لا طبعا انا بتلكك عشان اسمع صوتك حبيبي هههههه اعمل ايه بس مش بتحمل غيابك عن عيني

 

ههههههه تسلميلي يا نور عيني ههههههه

 

هههههه تسلملي حبيبي . اسيبك تشوف شغلك بقى مع السلامة

 

استني استنييييييييي

 

في حاجة حبيبي

 

بحبك

 

هههههه بموت فيك . منتظراك حبيبي مع السلامة

 

الله يسلمك يا حياتي

 

 

 

 

 

 

وبعدين بقى في موضوع مشيرة وبنتها اللي جد جديد ده

 

ههههه ايه يا ماما هو انتي مش موافقة على الجوازة ولا ايه

 

انا موافقة طبعا يا زينة بس يا بنتي هنفضل قاعدين عند الناس كدة ومعطلين حالهم

 

طيب ما نأجر شقة الكام يوم دول

 

والله فكرة . اقول لاحمد . انا بصراحة مكسوفة خالص

 

يا ماما احنا اصلا قعدنا مع طنط امينة لحد ما صفاء ترجع يعني ما كناش قاعدين نتضايف

 

ايوة حبيبتي بس صفاء رجعت بالسلامة وما يصحش قعادنا . انا متهيألي انها قاعدة عن حماتها اليومين دول عشان احنا موجودين

 

هههههههه دا اكيد . خلاص احنا نخلص موضوع احمد ونسافر على طول ان شاء الله .احمد فييييييييين

 

كان بيصلي الضحى من شوية . قوليله يجي يكلم باباه عشان نخلص الموضوع ونرجع بقى يا بنتي

 

حاضر يامّاي

 

 

 

صباح الخير يا راوية

 

اهلا يا امينة صباح النور يا حبيبتي . عندي ليكي خبر حلو

 

خيييييييير

 

احمد هيخطب لميا بنت الاستاذ رفعت ومشيرة هانم

 

ههههههه ماشاء الله . دي الزيارة بتاعتك ليهم بقى ما كانتش لوجه الله هههههههه

 

هههههههه والله ابدا . بس الولد عجبته البنت وقولنا نخطبهاله . بصراحة مش هلاقي لابني عروسة احسن من بنت صديقة عمري

 

ربنا يتمم بألف خير يارب وتفرحي كمان بمحمد وزينة ولو ان عريس زينة موجود وهيتجنن عليها ههههههه

 

مصطفى ! والله هو شاب كويس اوي وممتاز ومتدين بس للأسف مامته على العكس تماما . بصراحة انا مش مرتاحالها

 

والله يا راوية ليلى جارة كويسة جدا وطيبة وعمري ما شوفت منها حاجة وحشة هي بس متسلطة على ولادها

 

وتحب ان حياتهم تمشي زي ما هي راسماها مش زي ما هما عايزين

 

مش من حقها يا امينة . طيب ما انا كمان ام بس بصراحة عمري ما فرضت على ولادي حاجة

 

طالما هما صح ومش بيعملوا حاجة تغضب ربنا خلاص يبقى من حقهم يختاروا

 

على فكرة موقف ليلى ده من زينة بسبب المظهر بتاع زينة وطريقة كلامها الصعيدي ههههههههه

 

هههههههه وبنتي متعمدة المظهر وطريقة الكلام تعرفي ليه ؟

 

ليه

 

تبقى تقولك هي بقى عشان يادوب اقوم عشان نتصل بمناع في البلد ونقوله على موضوع خطوبة احمد ونشوف رأيه

 

رغم اني عارفة انه مش هيعترض عشان دي رغبة الولد

 

ربنا يقدم ما فيه الخير يا حبيبتي

 

 

 

 

 

ها يا بووووي جولت ايه

 

جولت على بركة الله يا ولدي طالما هما ناس زين وبتهم مليحة وعاجباك خليص

 

ههههه تسلم يا بوي . طيب هتيجي ميتى يا بوي

 

من الصبح نكون عندك انا وعمك دهشان يا داكتور احمد يا ولدي

 

في انتظارك يا بوي .ربنا يخليك لينا يا حاج مناع

 

ويخليك يا ولدي ويبارك فيك انت وخواتك

 

 

 

 

 

بوك جال ايه يا احمد

 

موافج يا مّاي ههههههه جاي بكرة الصبح بمشيئة الله

 

ياجي بالسلامة إن شاء الله . هجوم اكلم مشيرة عاد

 

هههههههه طب يا امّا اعدلي لسانك لتتخض منيكي عاد والجوازة تبوظ ههههههههههههههه

 

ههههههههههه ما تخافش يا ولدي . هما يطولوا عريس جمر وداكتور كد الدنيا كيف ولدي ! هههههههه

 

تسلميلي يا مّاي تسلميلي يا غالية

 

 

 

 

ترررررررررررررررررن ترررررررررررررررررررن

 

 

الو

 

صباح الخير

 

 

صباح النور . مين معايا

 

ام الداكتور إحمد . مين معايا

 

هههههه اهلا يا طنط راوية . انا لميا

 

اسم الله اسم الله على عروسة ولدي ههههههههه كيفك يا جمر

 

ههههههه الحمدلله تمام . انا هجيب ماما لحضرتك عشان ماليش في الصعيدي ههههه

 

 

مامااااااااااااااااا

 

 

ايوة يا لميا

 

طنط راوية عايزاكي ع التليفون

 

رااااااااااااااااوية هههههههههه يارب تقولي حاجة تفرح ما يكونش اعتذار مهذب هههههههه

 

 

الووووووو ازيك يا راوية صباح الخير

 

ههههههه صباح النور على عيونك يا ام العروسة

 

هههههه عروسة ! خير يا حبيبتي بتتكلمي عن ايه مش فاهمة

 

يارب غيتنا من كهن الستات هههههههه انا يا ام العروسة يسعدني ويشرفني اخطب كريمة حضرتك الانسة لميا لابني الدكتور احمد

 

لميا لأحمد !!!!!!!!!! لكن انتي فاجئتيني يا حبيبتي هههههههههههه البنت لسة صغيرة ههههههه

 

كدة !!!!!!!! طب خليها يا حبيبتي . تتربى في عزك ان شاء الله ههههههه

 

استني يا ست انتي . ما صدقتي ولا ايه . تتربي في عزي ليه يختي . تتربى في عز جوزها واحنا كفاية علينا كدة ههههه هتشرفونا امتى يا ام العريس

 

ههههههه والدهم جاي بكرة . شوفي انتي مع جوزك المعاد المناسب وانا اجيب العريس وابوه ونطب عليكو

 

يا حبيبة قلبي تآنسوا وتشرفونا يا اهلا يا اهلا بحماة بنتي

 

الله يخليكي يا حماة ابني مع السلامة دلوقتي وهكلمك بكرة اخد المعاد

 

ان شاء الله هههههه

 

 

 

احم احممم هو هو في ايه يا ماما

 

يختي عليكي ياروح ماما هههههه . ما انتي واقفة جنب الباب يا ست لميا وسامعة كل حاجة . مبروك مقدما ههههههه

 

مامااااا انا زعلانة منك عشان هتسبيني اسافر ,مش انتي قولتي ما اتحملش بعد بناتي عني ؟ ولا انا مش بنتك زي مها

 

هههههه يا عبيطة اهم حاجة عندي مصلحتك . ازاي يعني اضيع فرصة هايلة بالشكل ده وشاب مركزه مرموق ومن عيلة كويسة . حبيبتي انا عايزة سعادتك وده شاب اصله طيب ومتربي وهيعاملك بما يرضي الله ان شاء الله

 

 

ايوة يا ماما بس انا ما اعرفوش

 

ههههه اعرفيه بعد الجواز . سيبك من الافلام الهابطة الي بوظت عقول البنات . الافلام اللي عايزة تروج افكار فاسدة زي الحب قبل الجواز والفسح والخروجات ال بحجة انهم بيتعرفوا على بعض وتكون النتيجة كوارث مروعة

 

حبيبتي الدين بتاعنا اعظم دين على وجه الارض وكل تعاليمه فيها إعلاء لكرامة الانسان وبناء المجتمع على الفضيلة والاخلاق السامية . لكن صدقيني الافلام دي كل هدفها هدم المجتمع ونشر كل الموبقات اللي تعمل على تخريبه

 

 

عندك حق والله يا ماما .

 

 

طب اتفضلي شوفي بقى هتلبسي ايه وهتقابلي الناس بإيه يا عروسة ههههه

 

لمياااااااا هههههههه مبروك يا عروسة .شكلك هتتجوزي قبلي يا بنت انتي ههههه

 

الله يبارك فيكي يا مها . تعرفي اني قلقانة خالص . مش عارفة ازاي هعيش في بلد غريبة بعيد عنكو

 

ههههه حبيبتي هيكون معاكي جوزك . هتعوزينا في ايه بقى يا ستي . وكمان هيبقى لينا بيت في لندن ونجي عندكو كل يوم جمعة نقضي النهار معاكو هههههههه

 

هههههههه لا يا شيخة !!!!!!!! هما نقلوا لندن في الشارع اللي ورانا ولا ايه هههههه

 

هههههه جايز. يلا عشان نشوف هتلبسي ايه . خلي بالك عريسك صعيدي يعني اتحشمي يا بت ليجطم رجبتك ههههههههههههه

 

ههههههههههه ربنا يستر

[~ماريا~ 1340]

@@~ أم العبادلة ~

 

اديكي جبتي الفتوه لابن باز وانا بحترم الراجل دا جداا وبقتنع بكلامه جداا

قالك لو في بلد تانيه

انما في نفس البلد يقولها

:))

 

 

لا انا معنديش دليل شرعي ان الراجل الي يتجوز بدون اسباب عينه فارغه

بس عندى دليل معنوي ومشاعري

هههههههههههههههههههههههههههههههههههههههههههههههههههههه

ههههههههههههههههههههههههههههههه

 

 

برضو مقتنعه براي

هههههههههههههههههههههههههه

 

@@حواء أم هالة

 

انا بقترح انك تهربي يا صديقه الهنا انت

ههههههههههههههههههههههههههههههههههههههه

يا بتاعت المغرب

 

 

@((مــريــم))

اهلين مريومه

لا يا حبيبتي

تمرد ايه

بس لو حابه وهتشاركيني ماشي

هههههههههههههههههههههههه

[هبة عبد العظيم نور 2042]

ترررررررررررررررررن تررررررررررررررررن

 

تررررررررررررررررررررررررررن ترررررررررررررررررررررررررررررررررررررررررررررررن

 

 

 

ترررررررررررررررررررررررررررررررررن

 

ترررررررررررررررررررررررررررررررررررررررررررررررررررررررررن

 

ترررررررررررررررررررررررررررررررررررررررررررررررررررن

 

ايه ده ! سوزي ما بتردش ليه ؟؟؟؟؟؟؟؟

 

بتكلمي مين يا راجية

 

بكلم سوزي يا ثروت ما بتردش . قلقانة عليها اووووووي اوووووف هتصل تاني

 

يا ستي يمكن نايمة ولا حاجة ولا خرجت

 

يا حبيبي اصلها متعودة تكلمني كل يوم والنهاردة ما اتصلتش

 

طيب جربي اتصلي تاني ولو ما ردتش اتصل بأدهم اشوف ايه الحكاية

 

حاضر ربنا يستر ترررررررررررررررررررررررررررررررررررن تررررررررررررررررررررررررررررررررررن تررررررررررررررررررررررررررررررررررن

 

تررررررررررررررررررررررررررررن

 

الووووو

 

يا شيخة حرام عليكي خضتيني . ايه يا بنت ما بترديش على طول ليه

 

اهلا يا ماما ازيك . معلش حبيبتي تعبانة شوية

 

يا حبيبتي !!!!!! مالك يا سوزي . مالك يا قلب ماما طمنيني

 

مش عارفة يا ماما معدتي تعباني شوية ودايخة . تقريبا داخلة على دور برد

 

هو ادهم عندك

 

لأ طبعا في الشركة ومش عايزة اتصل بيه عشان لو عرف اني تعبانة هيسيب الشغل ويجي

 

ههههههه الحب وحش

 

هههه مش قادرة اضحك يا ماما . والله المرة اللي فاتت بيكلمني وعرف ان صباعي اتجرح من السكينة بصيت لقيته جاي يجري وداخل ملهوف ويقولي يا روحي فين صباعك اللي اتجرح وحطلي عليه قطن وشاش وقعد يبوس في ايدي ويقولي سلامتك يا روحي ما تتحركيش من السرير هههههههه قولتله حبيبي انا صباعي اتجرح مش عاملة عملية هههههه

 

ماشاء الله . بقولك ايه اوعي تقولي الكلام ده قدام حد يا حبيبتي . عيون الناس وحشة يا بنتي . ربنا يهدي سركو يارب ويزيدكو حب لبعض . بقولك ايه انا هلبس واجي حالا عشان باين عليه حصل

 

هو ايه ده يا ماما ؟

 

ههههه الحمل ياروح ماما . حالا هاجي اشوف ايه حكايتك يللي هتكبريني وهتخليني جدة وانا في عز شبابي هههههههههه

 

هههه يارب يا ماما يكون حمل يااااااااااااااااارب . في انتظارك يا ماما

 

 

 

 

 

 

 

 

 

 

تررررررررررررررررررررررن تررررررررررررررررررن

 

 

افتحي يا سوووووووووزي

 

 

اااااااه حاضر جاية اهو يا ماما

 

 

اهلا يا ماما اتفضلي ااااااااه

 

ههههههه انتي هتقولي اه من اولها .سلامتك يا روح ماما .طلبتلك دكتورة سعاد بنت خالتي وهتيجي حاااااااااااالا تطمني عليكي

 

تعالي يلا عشان تدخلي ترتاحي في سريرك يا حبيبتي

 

ااااااه شكرا يا ماما . ازي مايسون وانكل ثروت

 

كويسين بخير . مايسون هتتجنن وتشوفك . هتتصل بادهم عشان ياخدها الخميس باليل وتبات عندكو وتقضي الجمعة معاكو ورجعوهالي بالليل ههههه

 

اهلا بيها اااااااه هي وحشاني كتير والله وهتنور البيت ااااااااه

 

هههههههه صدعتيني كل شوية اااااااه اااااااااه ههههههههه ربنا يجيبك بسرعة يا دكتورة سعاد

 

 

انا هقوم اجيبلك حاجة تاكليها

 

لالالالالا يا ماما نفسي غامة عليا

 

هههههههه انا قولت يا ناس حمل يعني حمل ههههه هي الدكتورة هتفهم اكتر مني ؟ ههههه

 

 

تررررررررررررررن ترررررررررررررررن

 

اهي جت سعاد هقوم افتحلها

 

 

اهلا اهلا يا سعاد ازيك

 

اهلا يا راجية فينك من زمان يا هرابة . يعني لولا بنتك تعبت ما كونتيش اتصلي ولا عبرتيني ؟

 

هههههههه ما استغناش عنك يا روح قلبي يلا ادخلي طمنيني ع البنت بسررررررررررررررعة

 

 

 

 

 

سوووووووووزي ازيك يا روحي

 

اهلا يا طنط سعاد ازيك ااااااااااااه

 

ههههه يا روح قلبي امورة امورة سوزي بموت في شكلها

 

يا حبيبتي انا جيباكي تكشفي على البنت ولا تحسديهالي (الله اكبر في عينك )

 

بتقولي حاجة يا راجية .! هو انا هحسد بنتي برضو . سوزي دي بنتي .

 

طب يلا اكشفي عليها

 

طب اتفضلي اطلعي برااااااااااااااااااا

 

هههههه حاضر يا ستي ما تزوقيش

 

 

 

 

مبروك يا راجية . كبرتي وعجزتي وهتبقي جدة هههه

 

 

بجد !!!!!!!!!! هاتي بوسة اموووووووووووووووووووووووووووووووووووه عن اذنك

 

سووووووووووووووووووووزي مبروك يا روح ماما يا قلب ماما هههههه كبرتي يا سوزي وهتبقي اجمل أم هههههههه

 

مبروك الحمل حبيبتي

 

ههههه الله يبارك فيكي يا ماما . الحمدلله الف حمد وشكر ليك يارب الحمدلله

 

استني هتصل بأدهم افرحه

 

 

تررررررررررررررن تررررررررررررررررن

 

الو

 

ازيك يا بابا ادهم هههههه

 

بابا ادهم ! ههههههه ازيك يا طنط راجية

 

تعالى يا ولد بسررررررررررعة

 

في حاجة يا طنط . مايسون كويسة ؟. بابا كويس ؟

 

 

يا ولد انا عندك في البيت مع سوزي

 

سوووووووووزي حبيبتي . في حاجة ولا ايه . مالها سوزي ؟؟؟؟؟؟؟؟؟؟؟؟

 

زي الفل وهتجيبلك ولي العهد يا سيدي مبرووووووووووووك هههههه مراتك حامل

 

بجد ؟؟؟؟؟؟؟؟؟؟؟؟؟؟ بتتكلمي جد يا طنط ؟؟؟؟؟؟؟؟؟؟؟؟؟؟؟؟ سوزي حااااااااااااامل ؟؟؟؟؟؟؟؟؟؟؟؟

 

ايوة والله حامل الحمدلله مبروك

 

انا جاي حالااااااااااااااااااااااااااااااااااااااااااااا هههههههه الله يبشرك بالخير يا رب يا طنط راجية

 

 

 

 

 

سوووووووووووووووووووووووزي حبيبتي مراتي روح قلبي الف مبروك يا قمر ههههههه

 

هههه الله يبارك فيك يا حبيبي ويخليك ليا يااااااااااارب يا ادهومة

 

الحمدلله الف حمد والف شكر . عن اذنكو هسجد سجدة شكر لله

 

 

ايوة والله يا ابني اسجد واشكر ربنا . ربنا يتمم فرحتكو على خير يا ولاد اهئ اهئ اهئئئئئئ

 

هههههه ايه يا ماما ما كنتي بتضحكي من شوية

 

دموع الفرحة يا سوزي اهئ اهئ الحمدلله الحمدلله يابنتي اني شوفتك في بيتك متهنية مع جوزك وربنا رزقك بالحمل الحمدلله

 

الحمدلله يا ماما

 

 

 

بقولك ايه يا ست سوزي مافيش حركة من السرير انا اللي هحضر كل حاجة عشان ما تعبش ام ابني حبيبي

 

هههههه يا سلام . ايه ام ابنك دي . لا ياسيدي انا عايزة بنوتة ما ليش دعوة هههههه

 

يا ستي اللي يجيبه ربنا كله حلو وخير بس اهم حاجة نربيهم على الدين والأخلاق ويكونوا بارين بينا

 

يارب يا حبيبي

 

طيب يا حبيبتي اسيبك مع ماما وارجع الشركة بقى عشان عندي شغل كتير .

 

طيب يا حبيبي مع السلامة

 

لو عوزتي حاجة اتصلي بيا . وانا قبل ما اجي هتصل اشوف اذا كان ليكي طلبات

 

ربنا ما يحرمني منك يارب يا اجمل زوج في الوجود اللهم آمين يارب

[هبة عبد العظيم نور 2042]

السلام عليكم ورحمة الله وبركاته . كيف حالك يا اخ علاء

 

اهلا وعليكم السلام ورحمة الله وبركاته . انا بخير بفضل الله ازيك انت يا شيخ خالد

 

بخير اللهم لك الحمد . بس زعلان منك هههههههه

 

ههههه ليه بس كدة يا سيخ خالد

 

 

عشان انتظرتك اكتر من مرة لكن ما شوفتكش في المسجد

 

والله سامحني يا اخي . انا كنت بصلي في البيت مضطر عشان اقعد جنب والدتي عشان مريضة

 

شافاها الله وعافاها اللهم آمين .اتمنى انك تواظب على الصلاة في المسجد يا اخي عشان كلها خير وبركة وصحبة صالحة وثوابها عن الله كبير

 

طبعا طبعا يا شيخ خالد ربنا يثبتنا على طاعته

 

ما كملناش كلامنا بخصوص اعفاء اللحية

 

اتفضل انا سامع حضرتك

 

اخ علاء طبعا انت عارف ان الرسول عليه الصلاة والسلام كان ملتحي

 

عليه الصلاة والسلام . ايوة طبعا عارف

 

الرسول عليه الصلاو والسلام يقول (خالفوا المشركين وفروا اللحى واحفوا الشوارب )

 

عليه الصلاة والسلام . يعني ايه نخالف المشركين يا شيخ خالد

 

يا اخ علاء المشركين كانوا بيعملوا العكس هههه كانوا يقصوا اللحى ويوفرون الشوارب

 

واحنا عندنا امر من الرسول عليه الصلاة والسلام بمخالفتهم

 

وما علينا امام اوامر الرسول الكريم عليه الصلاة والسلام غير السمع والطاعة

 

عليه الصلاة والسلام .كمل يا شيخ خالد انا مستمتع بحديثك جدا

 

بارك الله فيك يا اخي . المقصد يا اخي الفاضل ان توفير اللحى هي سنة المصطفى والسلف الصالح

وقال النبي: (كل أمتي يدخلون الجنة إلا من أبى، قيل: يا رسول الله ومن يأبى؟ قال: من أطاعني دخل الجنة ومن عصاني فقد أبى).

 

 

اعفاء اللحى واجب بإجماع جمهور المسلمين

 

 

هناك فريق يتبع الرسول عليه الصلاة والسلام وفريق لا يتبعه . فمع أي الفريقين انت يا اخ علاء ؟

 

مع المتبعين ان شاء الله يا شيخ خالد بارك الله فيك

 

ههههه الله اكبر . وفيك بارك يا اخ علاء واصلح لك شأنك اللهم آمين

 

 

 

 

 

صباح الخير

 

 

اهلا يا استاذ حاتم

 

هو في حد عند بابا ؟

 

لا اتفضل

 

 

صباح الخير يابابا

 

يعني الف مرة اقولك ما تقولش يا بابا في الشركة ولا تحب اخصملك تلات تيااااااااااااااام

 

لالالالالالالالا تخصملي ايه بس . هو المرتب بقى فاضل فيه حاجة عشان يتخصم منه

 

خير يا افندي يا محترم

 

 

يا بابا أأأأأأأ قصدي يا حاج فكري المرتب قرب يخلص واحنا يوم عشرة في الشهر

 

طب وانا مالي . بتودي مرتبك فين يا افندي؟

 

والله يا بابا حضرتك عارف ان دنيا عروسة جديدة بقى وبتدلع وطبعا كل شوية عايزة اكل من برا وهدايا

 

 

دي قلة ادب يا استاذ . ايه . مش قادر على مراتك ولا ايه . في حاجة اسمها ان الست تمشي تبع ظروف جوزها

 

ولا حضرتك فاكر انك عشان ابني هغرف واديلك من مال الشركة

 

يا حاج فكري طب بس سلفة صغيرة امشي بيها نفسي

 

ما فيش ما فييييييييييش عشان تتعلم الادب انت والهانم . بلاش كلام فاضي . اتفضل على مكتبك

 

اعتقد اني اتهزئت بما فيه الكفاية . عن اذنك يا حاج

 

 

 

 

 

دنيااااااااااااااااا انتي فين يا حبيبتي . ايه ده . ايه ريحة الشياط دي

 

 

انا في المطبخ يا حبيبي ازيك يا حتوووووووووووووووووووومة

 

يا عيون حتومة حرقتي ايه يا روحي

 

هههههههههه اللحمة

 

برااااااااااااااااافو . انا حقيقي فخور بيكي جدا . دا تالت كيلو لحمة تحرقيه الاسبوع ده

 

هههههههه مش عارفة ايه السبب يا حبيبي . يلا ما لناش نصيب فيهم . اما اروح اطلع الكيلو اللي فاضل في الفريزر

 

استني عندك اقفي مكانك . عارفة لو قربتي ناحية الكيلو اللي فاضل هعمل فيكي ايييييييييييييييييييه

 

يا مامي ! انت بتزعق ليه . اومال هنتعشى ايه يعني

 

مش هتعشى . هنام من غير عشا عشان تنبسطي . ابقي احرقي لحمة اوي على راحتك

 

يو يا حبيبي . طب اعمل ايه . هيام كلمتني وقعدتك ترغي معايا كتير كتير ونسيت اللحمة اعمل ايه

 

والكيلو اللي فات اتحرق ليه

 

ابداااااااااااا حطيته على النار وقولت بعد الفيلم ما يخلص اقوم اشوفه لقيته فحمة سودة هههههههههه

 

انتي بتضحكي ؟ بتستفزيني صح ؟

 

وهستفزك ليه . انا هروح احضرلك العشا

 

دنيا يا دنياااااااا حرام عليكي انا راجل موظف شقيان وغلبان اتقي الله فيا

 

ههههههههههههههههههههههههههههههههههههههه حلوة اوي موظف غلبان وشقيان دي . يا ابني دا انت ابن صاحب الشركة

 

يا ستي انا ابويا بيعاملني انا وعلاء زي أي موظف . يعني يا هانم انا ما حيلتيش غير مرتبي . والمرتب مش فاضل منه كتير يعني ندبر حالنا عشان نمشي نفسنا لاخر الشهر . سامعة ولا لأ يا هانم

 

ايه القحط والتقشف ده . ما تقول لعمو يديك فلوس تاني

 

ههههه مش عارفة انتي بتجيبي التفاؤول ده منين

 

يا حبيبي ما هو ما ينفعش الكلام ده . احنا لسة فاضل عشرين يوم على الشهر ما يخلص

 

لازم ندبر حالنا . ابويا قالي اوعى تفتكر انك هتاخد فلوس زيادة عن مرتبك

 

 

طب هنعمل ايه دلوقتي حبيبي . احنا ما عندناش غير كيلو لحمة وااااااااااحد في الفريزر

 

ولا حاجة يا ستي . هتعمليه على اربع طبخات

 

اييييييييييييييييييييييييه ليه ان شاء الله هنشمه ولا هنشمه . ال اربع مرات ال

 

نستحمل شوية يا دنيا . انا نازل اجيب فول وطعمية

 

نعمممممممممممممممممممم انا ما بحبش الفول والطعمية

 

لازم تحبيهم يا حبيبتي عشان هنشوفهم كتير اوي بعد كدة

 

اهئ اهئ اهئ يا مامييييييييييييييييييييييييييييييييييييييييي

 

 

 

 

 

 

 

 

مساء الخير ياولاد . امكو عاملة ايه

 

كويسة يا بابا . بس مش عايزة تتكلم

 

 

طب اتفضلوا انتو دلوقتي سيبونا لوحدنا

 

 

حاضر يا بابا

 

 

 

مساء الخير يا ليلى

 

مساء النور يا فكري يا حبيبي وحشتني ههههه

 

وحشتني اكتر يا حياتي

 

مالك حبيبي

والله ما انا عارف يا ليلى . انا حاسس اني زي ما اكون بتآمر على مصطفى

 

هههههههههههههه يا حبيبي احنا بنحمي ابننا من سوء اختياره

 

طب وهتفضلي تمثلي لامتى كدة

 

لحد ما البنت الصعيدية دي تغور من هنا . طول ما هي موجودة مش هنطق ولا كلمة . كفاية الحقن اللي بتيجي ترشقها في جسمي كل شوية .زي ما تكون ما صدقت وبتنتقم مني

 

 

مش حقن فيتامين زي ما اتفقتي مع الدكتور اللي طاوعك ع التمثيل هههههه

 

ههههههه قولتله اصل مضطرة اعمل كدة عشان عندي ولد قليل الادب بيسقط في الثانوية العامة كل سنة وتاعب قلبي . الراجل تعاطف ومثل معانا هههههههه

 

والله يا ليلى انا شايفهم ناس كويسين ومحترمين . واذا كانت البنت يعني مش متعلمة ممكن نعلمها ونثفها ونغير طريقة كلامها ولبسها

 

يا سلاااااااااااااااام جرا ايه يا فكري . انت بتقول ايه . انت عايزني ادي ابني الشاب اللي زي القمر ده اللي البنات بتتلفت على جماله في الشارع لبنت زي دي متخلفة وجاهلة وجاية من ورا الجاموسة ! دي محجبة محجببببببببببببببببببة يعني لالالالالالالالالالا لالالالالالالالا مش هجوز ابني لواحدة محجبة

 

اووووووووف والله يا ليلى انا مش مرتاح لتصرفاتك وحاسس انها مش في مصلحة الولد

 

هههههههه حبيبي دا ابني وانا ادرى بمصلحته من نفسه . قولي اخبار الشركة واخبار حتومة ايه معاك

 

دا ولد مستهتر . ضيع مرتبه في خلال عشر تيام على الهانم مراته وجاي ياخد تاني

 

هههههههه واديتلوه ؟

 

اديلو ايه يا ليلى . الولد لازم يحس بالمسؤولية . لو كل ما يعوز فلوس هديله يبقى صدقيني بضره مش بنفعه

 

المسؤولية وتحملها هو اللي هيخليه راجل

 

والله انت قاسي يا فكري اخص عليك . دا عريس جديد وعايز يدلع عروسته

 

يدلعها على حسابه يا هانم ويتحمل الدلع .

 

 

ايه ده ماماااااااااااا انتي بتتكلمي ههههههه وحثني ثوتك اوي

 

يا خبر . انتي طلعتي منين يا بنت انتي

 

كنت نايمة في البلاكونة جنب العثافير وثمعتك بتتكلمي .هو لثانك كان فين يا ماما ؟

 

 

تعاليلي هنااااااااااااااا انتي عارفة لو قولتي لحد اني بتكلم هعمل فيكي ايه

 

هتديني حاجة حلووووووة ههههههههههه ابيه مثطفى ابيه علاااااااااااااااء ماما لثانها رجع هييييييييييييييييييييييييييييييييييييييييييه

 

 

 

امييييييييييييييييييي حمد الله على سلامتك يا امييييييييييييييييييييييييييييييييييييييي

 

ههههههههههههههههههه مبروك يا ليلى موني فضحت الدنيا هههههههه قومي بقى

 

 

اهئ اهئ الله يسامحك يا موني اهئ اهئ اهئ

 

 

 

 

 

 

 

 

 

 

حمدا لله ع السلامة يا ماما

 

 

الله يسلمك يا سي مصطفى

 

 

حمدالله ع السلامة يا امي

 

 

ايه ده يا سي علاء . سايب دقنك منبتة كدة ليه زي الخارجين من السجن . خير ان شاء الله؟؟؟؟؟؟؟؟؟؟

 

 

ههههههههه ايه يا ماما طب ادينا فرصة نهنيكي على سلامتك

 

هو انا هشوف سلامة طول ما انا بشوف خلقكو .حسبي الله ونعم الوكيل فيكو

 

هههههههههههههههه وحشتيني يا امي . والله كنا متبهدلين من غيرك ومش لاقين حد يشكمنا

 

ههههههههههههههههههههههه اه والله يا علاء . وحشنا صوتك اللي زي الرعد يا ماما

 

رعد لما يرعدك انت وهو غوروا من وشي

 

هههههههههههههههههههههههههه سيبها دلوقتي يا مصطفى

 

ههههههههههههههههه والله العظيم امي دي عليها حركات ههههههههه الحمدلله انها خفت . الصبح بقى اخدها وندخل اعرفها على زينة

 

يا عم اسكت للتشل تاني ههههههههههههههه

 

هههههههههههه يا عم هي كانت اتشلت اولاني اصلا هههههههههههه موووووووووووووني يا حبيبة اخوكي انت يا عثل

 

هو انت كمان بقيت تقول عثل ذيي يا ابيه مثطفى ؟ انا بكرة هروح المدرثة . انت هتوديني

 

طبعااااااااااااااا يا حبيبتي هاخدك في طريقي وانا رايح الكلية . بس ادعيلي يا موني وقولي ياااااااااااااارب اتجوز زينة

 

لالالالالالا اتجوز ثندريلا يا ابيه مثطفى

 

لا يا ستي انا عايز زينة ويلا ادخلي نامي عشان الصبح تروحي المدرسة ان شاء الله

 

لا انا عاوذة ماما تنيمني . مث هي خفت وطلعلها رجلين ؟

 

ههههههه الحمدلله

 

ماماااااااااااااااااااااااااااااااااااااا فين كوباية اللبن . هاتي كوباية اللبن وتعالي احكيلي حدووووووووووووووتة

 

يييييييييييييييييييي رجعت للشقا وجع القلب تااااااااااااااااني حاضر يا ست موني جاية جااااااااااااية اووووووووف

 

 

حمدا لله ع السلامة يا مدحت يا ابني

 

 

الله يسلمك يا امي عاملة ايه

 

بخير يا حبيبي الحمدلله

 

فين صفاء

 

 

صفاء في المطبخ يا حبيبي . ما رضيتش تخليني اقف اساعدها ابدا

 

ههههههه ارتاحي انتي يا ست الكل .صفاء شاطرة ما تقلقيش

 

اه والله نفسها جميل اوي هههههه روحت دوقت حاجات من اللي هي عاملاها عجبتني اوي اوي

 

هههههههه دوقتي ولا اتغديتي يا امي ههههه

 

ابدا يا ابني . خدت عينات كدة عملتلها اختبار هههههه

 

بالهنا والشفا يا ست الكل . صاااااااااااااااااااااااااافي

 

 

اهلا حبيبي انا هناااااااااااااااا

 

انا جااااااااااااااااي هههههههه حبيبة قلبي وحشتيني . ايه الجمال ده كله هههههههه

 

جمالي انا ولا جمال الاكل ههههههه

 

 

انتو الاتنين احلى من بعض هههههه شكلك يجنن بمريلة المطبخ

 

هههههه هو انت اول مرة تشوف ست بمريلة المطبخ

 

ههههههه اه يا خبيثة يا ام اسئلة خبيثة هههههه بصراحة شوفتها كتير اوي بالبلطو الابيض هههههه وكفاية سيرتها لحسن نلاقيها جاية تباركلنا تاني هههههههه

 

ههههه لا ياسيدي انا مش حمل مباركات تاني الله الغني

 

 

طيب يلا يا حياتي عشان جعان جدااااااااااااا

 

 

روح غير هدومك حبيبي وحالا هحط الاكل ع السفرا

[هبة عبد العظيم نور 2042]

يلا يا موووووووووووووني

 

خلويص ولا لسة ههههههه

 

خلويث يا ابيه مثطفى .حطلي الثندوتثات في الثنطة على ما البث الجذمة

 

حاااااااضر يا انستي الصغيرة

 

ماماااااااا

 

عايزة ايه

 

مالك يا ماما

 

مفروسة منك

 

مفروثة مني يعني ايه .حاجة حلوة ولا وحثة يعني

 

خد البت دي من قدامي يا سي بتاع انت

 

ماما انا لما ارجع من الكلية عايز اتكلم مع حضرتك

 

الموضوع اللي في دماغك تنساااااااااااااااه تمسحه بأستيكة انا مش موافقة

 

ماما انا هتجوز زينة سواء بموافقة حضرتك او عدمها عن اذنك

 

 

ايييييييييييييييييييييييييييييييه . طيب يا مصطفى . اما نشوف كلام مين اللي هيمشي . قلة ادب .شوية عيال هيمشوني على مزاجهم كمان . والله عال

 

 

 

 

 

 

 

 

تن تن تننننننننننننننن افتحي يا امينة

 

 

ليلى !!!!!!!!!!! انتي خفيتي !!!!!!!!! حمدالله ع السلامة يا حبيبتي

 

 

مش وقته يا امينة مش وقته . هي فين فييييييييييييييييين

 

 

هي مين دي ؟

 

 

البت الصعيدية اللي معاشرة البهايم فييييييييييييييييين

 

 

هههههههههههه زينة !!!!!!!!!! طب بس بس زينة معاشرة بهايم ! ههههههه

 

هي فين

 

 

يا حبيبتي هي مش موجودة . لسة نازلة هي وامها واخوها مع والدها وعمها عشان يشتروا شوية هدايا للعروسة

 

 

عروسة !!!!!! عروسة مين

 

 

هههههه انتي ما تعرفيش ان اخو زينة هيتجوز لميا بنت اخوكي رفعت

 

اييييييييييييييييييييييييييييييه !!!!!!!!!!!!!!! انتي بتقولي اييييييييييييييييه وازاي رفعت يوافق . هو اتجنن ده ولا ايييييييييييييييييه

 

اتجنن !!!!!!!!! يا حبيبتي دول عيلة كبيرة . انتي بتتكلمي في ايه

 

عيلة كبيرة ! عيلة كابير الراحمية وانتي الصادقة . طب والله لاتصل برفعت اهد الدنيا والجوازة دي مش هتتم

 

 

 

جرا ايه يا ليلى !!!!!!! هو انت كمان هتتحكمي في بنات اخوكي !!!!!!! اسمحيلي انتي زودتيها اوي

 

 

 

مالكيش انتي دعوة يا امينة اقفلي شقتك

 

 

لا حول ولا قوة الا بالله . الست دي اتجننت ولا ايه

 

 

 

 

ترررررررررررررررررررن تررررررررررررررررررن

 

 

 

الو

 

ايوة مين معايا مها ولا لميا

 

 

مين معايا انا

 

 

انا زفتة عمتك ليلى . فين باباكي

 

 

مالك يا عمتو . انا مها . في ايه مضايقك ومعصبك كدة . حمدالله على سلامتك اولا

 

يوووووووووو بقولك ايه يا بنت انتي اديني باباكي

 

ايه ده . اسفة يا عمتو عندنا ضيوف

 

ضيوف مين ان شاء الله

 

 

خطيب لميا واهله

 

كدة !!!!!!!!!!!! طيب انا جاية حالا اهد الدنيا على دماغهم

 

 

ايه ده , هو في ايه !!!!!!!! غريبة اوي عمتو ليلى

 

 

 

 

 

اهلا وسهلا يا مرحب يا حاج مناع

 

اهلا بيك يا حاج رفعت

 

منور يا حاج دهشان

 

منور بيك يا حاج الله يكرم اصلك

 

ازي احوالك يا دكتور احمد يا ابني

 

الله يخليك يا عمي . كله تمام الحمدلله

 

 

اتفضلوا العصير يا جماعة

 

 

لا والله ماليش تجايل ع العصير . ياريت كوباية شاي تاجيلة سكر كاتير

 

هههه من عنينا يا حاج مناع . انا هطلب شاي لينا كلنا

 

يا ريت يا عمي هههههه انت عارف الصعايدة يحبوا الشاي التاجيل ههههههههه

 

هههههههه ايوة كدة يا سيدي كلمنا صعيدي رجعنا للأصول يا دكتور احمد . انا بناتي عمرهم ما زاروا الصعيد

 

افتكر زمان اخدت والدتهم وزورنا الاقصر واسوان وقعدنا حوالي عشر تيام . حقيقي الصعيد جميل جدا وفخر لينا كلنا

 

 

الله يكرمك يا حاج رفعت يا خوي . ان شاء الله تشرِفونا وتاجوا عندينا

 

ضروري يا حاج مناع اكيد طبعا ان شاء الله

 

والله انت راجل زين يا حاج رفعت واحنا زادنا شرف بيك ونتشرف بنسبك

 

الله يخليك يا حاج دهشان والله انا سعيد بيكو جدا والشرف لينا احنا والله يا حاج

 

إحمد واد اخوي زين الشباب والله بنهاديك بيه وما عندناش هدية اغلى منيه عاد نهاديك بيها

 

ههههه الله يخليك يا عم دهشان

 

ههههه والله صدقت يا حاج دهشان . ابننا احمد شاب ممتاز فعلا وفخر لاي اسرة تديله بنتها . احنا كسبناه والله

 

طب ندخل في المفيد عاد

 

 

 

 

 

 

 

 

 

 

 

 

 

 

 

 

ههههههههه منورة يا راوية والله منورة

 

نورك يا ام العروسة الله يكرمك حبيبتي

 

هههههه راوية احنا عجزنا اوي والعيال كبرونا ههههه انا مش مصدقة اللي بيحصل

 

انا فاكرة انا وانت لما كنا بنلعب فوق السطوح بالطيارات الورق زي ما يكون امبارح ههههه

هههههه الله . فكرتيني بالطيارات الورق . ما تيجي نجيب طيارتين ونطلع فوق السطوح نطيرهم

 

ههههه وماله يا حبيبتي . عشان ننزل نلاقي رجالتنا مستنينا عشان يلبسونا الجلاليب البيضا بتاعة المجانين اللي زرايرها من ورا دي عارفاها ؟ هههههه

 

هههه لا يا ستي وعلى ايه . خلينا باحترامنا احسن

 

 

ههههههههههه اقوم انا يا ماما اطير طيارة

 

هههههه خلي بالك دول قرايب مصطفى بدل ما يروحوا يقولوا العروسة عبيطة .

 

هههههههه لا ما تقلقيش هو عارف اني عبيطة من غير ما حد يقول

 

 

 

زينة احمد اخوكي بيشاورلك

 

 

حاضر ريحاله

 

 

 

 

نعم يا احمد

 

 

بقولك ادي الشنطة دي للميا

 

هههههههه الهدوم الطويلة والحجاب هههههه

 

 

 

ايوة وقوليلها دا لبسك من هنا ورايح

 

 

هههههههه راجل يا واد ابوي هههههههه

[اتمنى رضاه 117]

رائعه كعادتك يا هبهوب ^_____^

[مُقصرة دومًا 1261]

رائع يا مُبدعة

 

زينة

 

والله زينة ^_^

 

نجلاء

 

بصراحة صعبانة علىّ جدًا الزوجة لما تفقد زوجها تتصرف بطريقة جنونية ويصدر منها أشياء تندم عليها كثيرًا

 

مدحت

 

بصراحة لا ألومه أبدًا في رد فعله مع نجلاء بعد أن وصفته بالحيوان الآن تذكرت أن زوجها ضاع من يديها

 

طلب منها مرارًا وتكرارًا أن تهتم به لدرجة أنها تركته مريض واتصلت بأمه حتى تجلس معه

 

بعد كل ذلك نلومه أنه تزوج غيرها!!

 

ليلي

 

بصراحة أوفر قوي توقعت والله أنها تمثيلية منها لما نشوف آخرتها معكِ يا لولو

 

أتوقع تروح عند أخوها وتتطاول على زينة وأمها!!

 

موني

 

دي عسولة خالص

 

دينا

 

زوجة حاتم دي شكلها هتعمل مشاكل!!

[روضة الجنه 21]

ما شاء الله

حلقات جميله جدا ومميزه حقا

بارك الله فيكِ

 

بس ليلي دي طلعت سوسه بس طبيعي اصلا كان باين ان الموضوع اوفر اوي منها مش يوصل لانها تتشل

هنستني نشوف سيادتها ناويه تعمل ايه المرة الجايه في لميا

تم تعديل 12 اكتوبر, 2013 بواسطة روضة الجنه