زوجتي وحافة الهاوية

[~ أم العبادلة ~ 1903]

انا عايزة اعرف مطيعة جابت اللبس ده منين والحاجات الغريبة اللي بتقول عليها

وعلاء ده طلع على نياته قوي

[' أم آية' 667]

@@ساجدة للرحمن

وفيك بارك الله حبيبتي

[حواء أم هالة 1895]

@

هههههه وانت مالك يا بت

امه مثل حماتي ههههه

[' أم آية' 667]

@@حواء أم هالة

 

حبيبتي حواء أنا ما بيعجبن هيك :)

[هبة عبد العظيم نور 2042]

ايه يا جماعة هي مدام سحر الساحر المذيعة النارية المدمرة لسة ما وصلتش ولا ايه ؟ احنا قربنا نطلع هوا

 

 

انا اتصلت بيها يا استاذ عاصي رسمي وزمانها في الطريق

 

 

هههههههه تيجي بالسلامة عشان تولع الحلقة ان شاء الله . اتصلوا بالضيوف اكدوا المعاد

 

 

اتصلنا يا استاذ عاصي وزمانهم جايين ما تقلقش

 

 

اهم حاجة اختيار الضيوف بعناااااااااااااااية عايز ناس بيكرهوا الاسلاااااااااااااااااااااااااااااااااااااااااام

 

 

هههههههه كله تمام وما تشيلش هم والحلقة هتخلي الناس تكره اللحية والنقاب والحجاب ويشتموا في الملتحين والمتقبات كل مايشفوهم في الشوارع يا استاذ عاصي رسميييييييييييييييييييي

 

 

احنا بنعمل اللي علينا والتوفيق من عند ربنا

 

 

 

 

 

 

الست سحر الساحر وصلت يا استاذ عااااااااااااااصي

 

 

 

اوووووووف اووووووووووف اووووووووف اوعى من وشي يا كائن انت وهو اوووووووووف

 

الواحد هيلقيها من السواقة ولا من الشوارع الواقفة ولا من الكائنات العجيبة دي اووووووووووووووف

 

 

الماكير فيييييييييييييييييييين

 

 

انا اهو انا هو يا ست سحر يا ساحر

 

 

ظبطلي الميك اب بسرعة بسرعة مش فاااااااااااضية

 

 

حاضر يا ست الكل

 

 

مساء الخير يا مدام سحر يا ساحر

 

اهلا استاذ عاصي . ياترى كله تمااااااااااااااااااااام

 

 

طبعا تمام وما تقلقيش التليفونات متوضبة والحكايات المختلقة متوضبة وكله جاهز يا ست الكل وكرسي في الكلوب

 

 

هههههههههه قصدك كرسي في دماغ الاسلاميين ههههههههههه جايين يعقدونا ويقعدونا في بيوتنا

 

طب نشوف مين اللي هيطفش التاني

 

 

 

الضيوف وصلوا يا مدام

 

 

مين الضيوف النهاردة

 

 

الاستاذ فايز الناخع والاستاذ كلماوي الفاشر

 

 

يا سلام ونعم الضيوف . دول سطلة المجتمع . يامرحب بيهم

 

 

 

 

 

 

 

 

 

 

 

 

يلا يا جماعة هوااااااااااااااااااااااااااا

 

 

 

 

مساء الخير كل مشاهديني الكرام وربنا يكفينا شر اللئام اللي عايزين يحولوا حياتنا لحلال وحرام

 

 

اهلا بيكو مع حلقة جديدة من برنامج سحرة فرعون . اللي هما احنا يعني هههههههههههه

 

 

يسعدني طبعا اني ارحب بضيوف البرنامج . الاستاذ فايز الناخع اهلا يا فندم

 

 

اهلا بيكِ يا مدام سحر

 

الاستاذ كلماوي الفاشر اهلا يا فندم

 

 

اهلا يا مدام

 

 

سعيدة بتواجدكم معنا . بس يسعدني اولا اني استقبل اتصال هاتفي جانا على غفلة ومش متوقع خاااااااااااااااالص

 

الو

 

 

اهئ اهئئئئئ الحقونا يا ناااااااااااااااااااس بيجروا ورانااااااااااااااااااااااااااااااااااااااا يا لهووووووووووووووووي

 

 

اهدي يا مدام اهدي هما مين مين دول اللي بيجروا وراكوا فهميني . لا حول ولا قوة الا بالله

 

 

 

الاسلامييييييييييين اهئ اهئئئئئئئئ الاسلامين طالعين يجروا ورانا بالسيوف اهئ هئئئئئئئئئئئئئئئئ

 

 

 

يا خبر !!!!!!!!!! الاسلامين كلهم طالعين يجروا وراكو ؟

 

 

اهئ اهئئئئئئئئ ايوة يا ست هو انا هكدب عليكي ولا اييييييييييييه اهئ اهئ طالعين يجروا ورانا بالسيوف ويقولوا الله اكبر اهئ اهئئئئئئئئئ يبقوا اسلامين ولا مش اسلاميين ؟ حد يفهمني يا متعملين اهئ اهئئئئئئئئئئئئئئئ

 

 

يبقوا اسلامين طبعا . الله ينتقم منهم الظلمة اهئ اهئ بيجروا على المواطنين بالسيوف اهئ اهئ يا حبايبي يا مواطنين اهئ اهئئئئئئئئئئئئئ انتي فين يا خالتي امريكاااااااااااااااا فينك يا طنط اسراااااااااااااااااااائيل اهئ اهئ هيموتوناااااااااااااااااااااااااااااااااا

 

 

اهئ اهئئئئئئئئئ ايوة بلغي عنهم طالعين يجروا وراناااااااااااااا

 

 

طب لما هما بيجروا وراكي يا مواطنة يا شريقة بتكلمينا ازاي ؟

 

 

اهئ هئ انا بجري وانا بكلمك اهو . مش سامعاني بنهج يا ست انتي ولا عميتي في ودانك

 

 

طيب قوليلي انتي عرفتي منين انهم اسلامين

 

 

اهئ اهئ لابسين جلاليب قصيرة وعندهم دقووووووووووون اهئ اهئ ومملثمين مش باين إلا عنيهم يا اختي اهئ اهئئئئئئئئئئئئئئئئئ

 

 

ايه رأيك في الكلام ده يا استاذ كلماوي يا فاشر

 

 

رأيي ان الست المواطنة الشريفة دي صادقة وخصوصا لما قالت انهم بدقون وملثمين ودي حاجة فريدة من نوعها

 

الست دي طاهرة وبتشوف بقلبها . والا ما كانتش شافت اللحية وهما ملثمين . عمار يا اهل الفشر

 

 

الله يسعدك يا بيه . انا طول عمري اشوف الحق واقول الحق اهئ اهئئئئئئئئئئئ الله ينتقم منكو يا اسلاميين يا ظلمة اهئ اههئئئئئئئئئئئئ يا لهووووووووووووووي اهئ اهئئئئئئئئئئئئئئ

 

 

خلاص يا مواطنة يا شريفة اهدي شوية ربنا يخلصنا منهم

 

 

عايز اسأل المتصلة سؤال من فضلك

 

 

اتفضل يا استاذ ناخع

 

 

يا ترى كانوا شايلين اسلحة تانية غير السيوف ؟

 

 

اهئ اهئ ايوة يا بيه في ناس منهم شايلين مدافع اهئ اهئ وفي اتنين شايلين صواريخ اهئ اهئئئئئئئئئئئئئ وكان في واحد معلق اربيجيه في صدره

 

 

اه ياني يا امّاااااااااا اهئ اهئئئئئئئئئئئئئئئئ

 

 

 

 

طيب شكرا جزيلا لحضرتك على الاتصال . ايه رأيكو يا جماعة في اللي عملوه الاسلامين في المواطنين الشرفاء اتفضل يا استاذ ناخع

 

 

في الحقيقة الاسلامين بيثيروا الذعر والفزع بين المواطنين إن ما كانش بالاسلحة يبقى باللحية . شكلهم باللحية يرعب في الحقيقة . والمفروض أي ملتحي الناس تشوفه في الشارع انصحهم بالقبض عليه وتسلميه لاقرب قسم شرطة وهناك هيقوموا معاه بأحلى واجب . او ممكن السيدات المحترمات المتربيات اللي جايين في بيوت عالية فوق الشجر يضربوهم بالاحذية لان ده عنوان الرقي والتحضر الست اللي تقلع جزمتها وتضرب راجل تبقى ست من بيئة عالية

 

 

 

سامعين ايها المشاهدين ؟ دي نصيحة الاستاذ ناخع . ونحب نسمع رأي الاستاذ فاشر

 

 

والله انا من رأي الاستاذ ناخع غير اني اضيف ان ياريت ما نكتفيش بالضرب . لازم يكون الضرب مصاحب بشتيمة بذيئة بأبشع الالفاظ لضمان حصول الهدف . احنا عايزين نتخلص منهم في اقرب وقت ممكن

 

 

شكرا لآراء حضرتكم ومعانا اتصااااااااااااااااال الوووووووووووووووووو

 

 

 

خطفوا الواد سيد خطفوا سيد يا دكتورة يا مذيعة . كان بيلعب مع اصحابه المتشردين اللي زيه قدام عتبة باب البيت وفجأة فص ملح وداااااااااب وامه قالبة الدنيا عليه وعمالة تعيط وتصوت وتقول الواد راح فين

 

الناس الجبابرة اللي ما عندهومش رحمة ولا دين .

 

 

 

هما مين دول يا فندم اللي خطفوا سيد ابن ام سيد . ركزي معانا ارجوكِ

 

 

 

هيكون مين يعني غيرهمممممممممم الاسلامين خطفوا سيد ابن ام سيد وكمان دكر البط بتاعي كنت سايباه في الشارع ومش لاقياه واكيد هما اللي خطفوه عشان يطلبوا مني فدية عشان يرجعهولي

 

 

فدية ايه اللي هيطلبوها عشان يرجعوا دكر بط يا ست انتي

 

 

 

ايوة زي ما بقولك كدة يا دكتورة يا مذيعة . اولت امبارح خطفوا فرخة شمورت وطلبوا فدية من اصحابها بقرتين

 

 

بقرتييييييييين هياخدوا بقرتين عشان يرجعوا فرخة شمورت ! طيب واهل الفرخة الشمورت دفعوا الفدية

 

 

ايوة طبعا اومال يعني هسيبوا الفرخة تضيع ولا ايه يعني . الاسلامين خدوا البقرتين ورجعوا الفرخة لام خليل امبارح الصبح وماكفاهومش الفراخ كمان بقوا يخطفوا العيال . انا عايزة الحكومة ترجعلي دكر البط بتاعي والا هوديكو في داهييييييييييييييية

 

 

يا ستي خلينا في سيد ابن ام سيد دلوقتي . الولد اهم . هو شكله ايه

 

 

ريشه كله اسود ورابطة رجله بدبارة خضرا

 

 

يا مدام يا متصلة انا بقول على سيد ابن ام سيد

 

 

يا ست انتي وانا مالي . هو انا اللي خطفته . روحوا اسألوا الاسلامين اللي خطفوه . ولا هتسيبوا الاسلاميين يخلصوا ع البط والفراخ والعيال الصغيرة وبعدين يخطفوا النسوان . واكيد اول واحدة هيخطفوها انتي عشان لسانك الطويل ان شاء الله يا مذيعة الهم والاخبار الغم ربنا يهدك

 

 

يا مامي ! يخطفوني انا يعني ايه لالالالالالالالالالالا اقبضوا على كل الاسلامين . اهم حاجة سلامتي

 

 

 

ههههه يا مدام انتي هتكدبي الكدبة وتصدقيها ولا ايه ههههههه

 

 

وطي صوتك احنا ع الهوا يا ناخع . زي ما شوفنا الوضع المؤسف اللي الاسلامين عاملينه

 

 

انتشار فوضى وخطف وسطو مسلح وترويع للآمنين والابرياء . واوجه كلامي الى المسؤولين

 

الى متى ستظل الفوضى عنوان حياتنا والى متى ستتركون الاسلاميين يعكرون صفو بلادنا الحبيبة

 

 

اخد كلمة اخيرة بشأن الاسلاميين من الاستاذ ناخع

 

 

الاسلامين هم اعداء الوطن والتخلص منهم مطلب وطني والتستر عليهم خيانة عظمى للبلاد

 

 

نسمع رأي الاستاذ فاشر

 

 

انا اؤيد رأي الاستاذ ناخع واقول ايضا ان وجود الاسلامين قنبلة موقوته هتنفجر في أي وقت وممكن دلوقتي حالااااااااااااااااااااااااا انبطحوااااااااااااااااااااااااااااااااااااااااااااا

 

 

يا مامااااااااااااااااااااااااااااااااااا الحقوناااااااااااااااااااااااااااااااا الاسلاميين حاطين قنبلة في الاستوديووووووووووووووووووووووووووووووووووووووووووووووووووووووو

 

 

 

 

 

 

 

 

 

 

 

 

هههههههههههههههههههههههه حلقة موفقة يا جماعة . كنتوا في قمة الروعة . ان شاء الله حلقة تلاقي صدي عند المواطنين ويكرهوا الاسلاميين

 

 

هههههههههههههههه مش أي مذيعة تأدي الاداء البارع ده يا جماعة هههههه انا سحر الساحر مش أي حد

[' أم آية' 667]

:)

[وردة ياسمين 33]

كملي يا هبة منتظرة بشوق

[ساره أم حمزه 1040]

جميله انتصار

 

لكن مطيعه زهقتنى

[' أم آية' 667]

انت فين ياهبة

[هبة عبد العظيم نور 2042]

سي علااااااااااااء انت نمت يا خويا

 

 

صاحي صاااااااااااااااااحي عايزة حاااااااااااااااااااااااجة

 

 

هههههههههههه عايزة سلامتك يا سبعي . عايزاك طيب . عايزاك بصحة وعافية . ربنا ما يحرمني منك يا سي علاء ولا من دخلتك عليا ربنا يغنمك السلامة فين ما تكون يا راجلي يا سبب سعدي

 

ربنا يرزقك ويطعمك ما يحرمك يا سبع السباع يا وحش الفلا ربنا ............................

 

 

ربنا ياااااااااااااااااااااااخدك يا شيخة اتكتمييييييييييييي اتكتمي شوووووووووووووووووية صدعتيني ايه ده

 

 

 

يوووووووه هو انا قولت حاجة يا سي علاء تكدرك وتقومك من فرشتك . اللهي ما يرقدك جتة يارب ابدا

 

 

 

يعني اقوم اخنققققققققققققققققققققك اقوم اولع فيكي . عايزة مني اييييييييييييييييييييييه

 

 

يووووووه هو حد زعلك في الوكالة ! ولا يكونش عربجي الحنطور اللي جابك لحد هنا طول لسانه عليك بكلمة ابيحة وقالك يا عميل الانجليز يا بتاع جليلة العالمة . ولا يكونش نينة الحاجة والدتك بستفتك بكلمتين عشان بقيت تنزل الشارع والعياذ بالله من غير طربوش وبتقلد الفرنسيس

 

 

 

حنطور ايه وانجليز ايه وفرنسيس ايه . انا بتاع جليلة العالللللللللللللللمة . قومي من وشييييييييييييييييييييييييييييييي اخرجي برااااااااااااااااااااااااااااااا

 

 

يووووووه مالك يا اخويا . اعوذ بالله من الشيطان الرجيم . انت اكيد معمولك عمل اسود ومنيل على ضافر نملة بتلف الارض من الشرق للغرب وهي اللي عاملة فيك كدة . كبدي عليك يا سي علاء اهئ اهئ اهئئئئئئئئ

 

 

كان مستخبيلك فين ده يا اخويا اهئ اهئئئئئئئئئئئئئئئئئ

 

 

 

لالالالالالالالالالا بجد كدة كتير كدة كتيييييييييييييييييييييييييير انا مش متحمل مش عايز اسمع صووووووووووووتك

 

 

 

طب اهدا يا خويا اهدا وانا هجيب البخور ومن الصبح هبعت لامي تشوف حد يفكلك العمل ده ونعملك زار تتنطط فيه شوية وتطلع العفاريت اللي مالين جتتك دول . اشتاتااااااااااااااااا اشتووووووووووووووووووووت بعيد عن البيت واصاحبه . سيبوا الراجل سيبووووووووووووه حابس كابس دمه حابس ههههههههههههههههههههههه

 

 

عارفة يا مطيعة في ظرف تلات ثواني لو شوفتك قدامي هكتم نفسك بالمخدة دي واطلع روووووووووووووووووووحك

 

 

اهئ اهئ يا امّااااااااااااا اهئ اهئ سي علاء اتجنن يا امّااااااااااااا اديني خرجت يا خويا ههههههههههههههههههههههههههههههه

 

 

 

 

 

 

 

 

 

 

 

 

 

 

 

 

 

 

 

 

سي علاااااااااااااااااااااء

 

 

يوووووووووووووووووووووووووه عايزة ايه منيييييييييييي

 

 

مش عايزة حاجة . عايزاك بخير وسعادة . هات راسك كدة اما اقعد جنبك افليك

 

 

تفليني !!!!!!!!!!! شايفاني مقمل يختي !!!!!!!!!!!

 

 

هيهيهييييي بعد الشر عليك من القمل والحشرات الزاحفة والطائرة . انا بس جاية ادلعك . اصل انا مش ورايا شغلة غيرك . مقطوعالك يا سي علاء

 

 

اللهي يخليك ليا وينعم عليا برضاك عليا يا نور عنيا هههههههه هات راسك بقى

 

 

اوووووووووف استغفرك ربي واتوب اليك

 

 

ايوة استغفر استغفر . يا سلام يا سي علاء مؤمن وصالح وعدوك طالح اللهم صل ع النبي

 

 

عليه الصلاة والسلام . الله يهديكِ يا مطيعة الله يهديكِ

 

ويهديك عليا . يا حلاوتك وحلاوة شعرك . ناعم وسايح زي السمنة البلدي . حاسة اني بقلب بإيدي في كوم حرير

 

ولا العيون الدوبالي يا سلام وسلم يا ولاد راجل مسمسم ومسبسب يابركة دعاكي يا امّااااااااااااااااااااااااااااااااااااااااااااااا

 

 

 

لا اله الا الله ., الرحمة يااااااااااااااااااارب

 

 

 

ههههههههههههههههه الحلووووووووووووووووووووو

 

الحلووووووووووووو

 

الحلو ابو شامة على جبينه

 

ال ايييييييييييه

 

ال ماحناش عجبينننننننننننننننننننننننننه ههيهيهييييييييييييييييي

 

 

 

 

 

 

 

اووووووووووووووووووووووووووووف اوعي اوعي اوعيييييييييييييييييييييييي

 

 

يووووووه رايح فين يا سي علاء . استنى جاية وراك بالبخور يا واد يا امور ههههههههههههه ان ما جبتلك انهيار عصبي ما ابقاش انا مطيعة يا علاء يا ابن برلنتي هههههههههههههههه

 

 

 

 

 

سي علاااااااااااااااااااااااااااااااء جايالك يا سي علاء جايالك . نازلة السلالم يا ماشا الله عليهااااااااااااااااا

 

 

الست مطيعة والبخور في ايديهااااااااااااااا نازلة السلالممممممممممممممممممممم هههههههههههههه

 

 

 

سي علااااااااااااااااااااااء

 

 

لالالالالالالالالالالالالالالالالالالالالالالا دي مش طريقة . انتي ماشية ورايا زي ضلي ليييييييييييييييييييه

 

 

اللهي ما يحرمني من ضلك . اللهي افضل طول العمر تحت جناحك يا ابو الريش ههههههههههههه

 

 

 

خدي البخور واطلعي براااااااااااااااااا عمتيني بالبخوووووووووووور البيت كله بخووووووووووووووور خديه واطلعي براااااااااااااااا

 

 

ياخد عدوينك ويزود محبينك يا اصيل يا ابن الاصول .

 

 

انا اتخنقت اتخنقققققققققققققققققققققققققققت احوأ احوأ أحووووووووأ . الدنيا ضباب حواليييييييييييييية مش شاااااااااااااااااايف اتخنقققققققققققققت

 

 

 

 

يووووووووه هو البخور مش عاجبك يا سي علاء ؟ اجيبلك نوع تاني يخنقك اكتر ؟ ههههههههههههههههههههه

 

 

 

 

يوووووووووووووووووووه انا خارج خاااااااااااااااااااااارج

 

بالسلامة يا سي علاااااااااااااااء يكتبلك في كل خطوة سلامة يا راجل يابركة يللي كلك بركة ومالي البيت حركة وبركة ههههههههه . مشي راح فين ده ؟؟؟؟؟ هههههههه يلا خليه يتهوا شوية من خنقة البخور هههههههه أحوأ أحوأ أحوووووأ هههههههههههههههههههههههههههههههههه

 

 

 

 

 

 

 

 

 

 

 

 

 

 

 

 

 

 

 

 

 

اللهم لا حول ولا قوة الا بالله . الست دي اتجننت اكيد . مش ممكن واحدة عاقلة تعمل كدة . استغفر الله العظيم

 

 

 

ياااااااااااااااه ايه ده . دي حماتي متصلة حوالي عشر مرات . في حاجة ولا ايه . اتصل بيها اشوف

 

 

 

 

تررررررررررررررررررررررررررررررررررررن تررررررررررررررررررررررررررررررررررررررن تررررررررررررررررررررررررن

 

 

الو ازيك يا علاء يا حبيبي

 

 

اهلا يا طنط ازيك اخبارك ايه

 

 

ازيك انت يا ابني وعامل ايه مع مطيعة

 

 

الحمدلله تمام

 

هههههه صوتك مش عاجبني خالص . على العموم البنت دي مكارة ما تصدقهاش في أي حاجة قالتهالك هههههههه

 

 

ما اصدقهاش في أي حاجة قالتهاللي ! حاجة ايه !!!!! امممممممممممممم ههه فهمت

 

 

طيب وحكاية الماضي اللي هي عايشة فيه وفاصلة نفسها تماما عن الحاضر اقول فيها ايه

 

 

هههههه بقولك مكارة . بتنكد عليك مش اكتر بتنتقم منك ههههههههه

 

 

ههههههههه بقى كدة ! طيب وحضرتك فتشتي سرها ليه هههههه دي مهما كان بنتك

 

انا بقولك كدة يا ابني عشان عايزة مصلحة بنتي مش عشان اقويك عليها . انا شايفاها بتتصرف غلط

 

 

 

ههههههههههههههههههههه طب سيبيهالي يا طنط . متشكر جدا وجزاكِ الله خيرا

 

 

ربنا يهدي سركو يا ابني مع السلامة

 

 

الله يسلمك يا طنط ههههههههههههههه حاضر يا مطيعة يللي ما ينفع معاكِ الطيب . سبحان الله نسيت ان الستات يعشقوا الكيد . حاضر يا ست مطيعة يا بتاعة ملاعيب شيحة . صبرك بالله علية ان ما طلعته على جتتك ما بقاش انا علاء ههههههههههههههههههههههههههههههههههههههههههه

 

 

 

 

 

 

 

 

 

 

 

 

 

 

 

 

 

 

 

 

 

 

 

يا ايناااااااااااااس

 

 

نعم يا ماما

 

 

هي فين هدى مش باينة

 

 

هدى في اوضتها بتقرا قرآن

 

 

ماشاء الله . ربنا يثبتها . هي ما اتصلتش بأهلها

 

هما اتصلوا بيها بس ما قالتلهومش انا اسلمت . قالتهم انا في مصر عندي شغل وهتأخر كتير

 

 

وهما ما قالوش حاجة ؟

 

 

لا يا ماما ما قالوش . قالولها اهم حاجة تاخدي مصاري كتير وما تضيعي تعبك ببلاش

 

 

لا حول ولا قوة الا بالله . انا مش عارفة اهل ايه دول ! على فكرة اميرة جاية هي والبنات . شريف هيوصلهم وهيجي ياخدهم بالليل

 

 

والله ! ههههههه طيب كويس عشان يتغدوا معانا ونقعد مع بعض كتير

 

 

 

 

 

 

 

 

 

 

 

 

 

 

 

 

 

 

يلا يا بنات اسبقوني انا جاية وراكو اهو

 

 

 

هيييييييييييييييييييييييه هييييييييييييييييييييييييييييه

 

 

تيتتتتتتتتتتتتتتتتتتتتتتتتتتتتتتتة

 

 

انتي فين يا تيتتتتتتتتتتتتتتتتتتتتتتتتة

 

 

اهلا اهلا اهلااااااااااااا حبايب قلب تيتة الحلوين . ازيك يا نورسين ازيك يا لورين هاتوا بوسة

 

اموووووووووووه ازيك يا تيتة

 

 

اموووووووووووووه نهارك ابيض يا تيتة هههههههههههههه

 

 

نهاري ابيض ! هههههه البنت دي اتحكمي شوية في مصطلحاتها يا اميرة مش معقول كدة

 

 

والله يا ماما مش قادرة عليها . البنت متعلقة بأهل ابوها جدا وبطريقة كلامهم

 

ههههه نورتي يا اميرة يا حبيبتي

 

 

الله يخليكِ يا ماما . نهارك قشطة ان شاء الله هههههههههههه

 

اييييييييييه !!!!!!!! قومي يا بنت من هنا . خدي بناتك واخرجي من الفيلا حالااااااااااااااااااااااااااا

 

 

ههههههههه سوري يا مامتي ما تزعليش . بهزر معاكِ والله . فين ايناس

 

 

مع هدى في اوضتها

 

 

وهدى عاملة ايه

 

تمام تماااااااااااااام الحمدلله . هايلة ماشاء الله عليها . بتقرأ كتب عن الرسول عليه الصلاة والسلام وبتحضر مجلس علم هي وايناس في مسجد قريب مرتين في الاسبوع

 

 

ماشاء الله . والله انا مبسوطة جدا عشانها . عوااااااااااااااااااااااااااااااطف

 

 

افندم يا مدام اميرة

 

 

لو سمحتي ادي خبر لهدى وايناس اني جيت عشان اسلم عليهم

 

 

حاضر يا هانم

 

 

هما البنات فين يا ماما

 

طلعوا يا اميرة عند هدى وايناس . لسة شايفاهم بيجروا على فوق

 

 

 

 

 

 

 

 

 

 

 

 

 

 

وانتي عاملة ايه يا هدى طمنيني عليكِ حبيبتي

 

 

انا كتير منيحة يا البي تؤبريني . شو اخبارك انتِ اختي اميرة

 

الحمدلله تمام حبيبتي . مش ناوية تيجي تزوريني ولا ايه

 

هههه والله بيحصل عن قريب حبيبتي . انتي كتير مهضوميه يا اميرة

 

 

هههههههههه انتي مهضومة اكتر تؤبريني يا هدى يا البي هههههههه

 

ههههههه بلشتي تحكي لبناني اميرة

 

انا بحب اللهجة الشامي عامة لهجة رقيقة جدااااااااا وخصوصا لما بسمعها منك تجننننننننن

 

 

بشكرك يا البي . الله لا يحرمني من ذَوقك حيتييييه

 

 

وانتي مش هتتجوزي بقى ولا ايه يا هدى عشان نفرح بيكِ

 

 

هههههه عندك عريس لإللي ؟

 

اممممممم ادورلك حبيبتي . هو حد يطول الجمال ده ماشاء الله ؟

 

 

ههههه يا البي تسلميلي . انت قمر يا اميرة ههههه

 

 

ربنا يخليكي يا هدهودة يا عسولة هههههه

 

 

 

 

تررررررررررررررررررررررررررررررررن ترررررررررررررررررررررررررررررررررررررررررررررررررررن

 

 

ايه ده . دا شريف جوزي

تررررررررررررررررررررررررررررررن ترررررررررررررررررررررررررررن

 

 

طيب يا البي بئوم مشان تاخدي راحتك في الكلام مع جَوزك

 

 

طيب حبيبتي الوووو ايوة يا شريف

 

 

هههههه ازيك حبيبتي . اتغديتي ولا لسة ؟

 

 

ايه السؤال ده يا شريف ؟ انت جاي تتغدا معانا ولا حاجة حبيبي

 

 

لالالالالالالالا جاي اخدك عشان نروح حالا حبيبتي

 

اييييييه !!!!!!!! ازاي يا شريف . يا حبيبي احنا ما كملناش ساعة هنا وكمان لسة ما اتغديناش والله

 

 

حبيبتي امي اتصلت وقالت انها جاية تزورنا كمان شوية

 

 

اوووووووف يعني يا شريف مش في حاجة اسمها اتصال مسبق ! ولا هي الناس تتصل وتقول جايين كمان شوية ؟ وبعدين انت ليه ما قولتلهاش اني عند ماما يا شريف ؟

 

 

في ايه يا اميرة في ايييييييييييه ايه الثورة دي كلها . قولتلك امي جاية تزورني وبقالها اكتر من شهرين ما دخلتش بيتي تقوم لما تقولي انا جاية دلوقتي اقولها اسف المدام عن امها !!!!!!!!!!!

 

 

لا ما يصحش يا دكتور . اللي يصح انك تيجي تاخدني من عند ماما فجأة وانا لسة داخلة ما كملتش ساعة عشان خاطر مامتك جاية . على العموم حاضر تحت امرك يا شريف . منتظراك

 

 

اووووووف طيب يا اميرة مع السلامة

 

الله يسلمك

 

اوووووووووووف . حاجة غريبة والله

 

 

 

ايه بس يا اميرة يا بنتي في ايه

 

 

شريف بيه متصل يقولي جاي اخدك عشان الهانم مامته هتشرفنا

 

ههههه طيب بس اهدي ما تزعليش نفسك . ماجراش حاجة . تعالي يوم تاني يا ستي ونتغدا مع بعض

 

 

يا ماما مش الفكرة . بس انا اقصد فيها ايه يعني لو قال لمامته اني مش موجودة ويديلها معاد تاني

 

 

حبيبتي انتي عارفة طبيعة شخصية حماتك . ممكن تعملها زعلة وتقول ابني ما قدرنيش ومراته ما جاتش من عند امها وتبقى حكاية ومشاكل مافيش داعي منها . قومي اجهزي وجهزي البنات وروحي مع جوزك يا حبيبتي

 

 

حاضر يا ماما حاضر . اعمل ايه يعني غير اني اقول حاضر . وعارفة ومتأكدة انها هتنكد علية

 

 

ههههههههه اسمعي وفوتي وما تكبريش الموضوع يا حبيبتي

 

 

امرك يا ماما . نورسيييييييييين لوريييييييييييييييييين يلا يا بنات

 

 

ايه يا ماماااااااااااا احنا قاعدين مع خالتو ايناس على الكمبيوتر بنشوف حاجات حلوة اوي

 

 

بتشوفوا ايه يعني

 

 

 

هههههههه يعني هوريهم ايه يا اميرة بيشوفوا اغاني اطفال اسلامية بدون معاااااااااااااااااااازف هههههه

 

 

ههههه طيب يلا يا بنات بابا جاي ياخدنا عشان تيتة عطيات جابة عندنا

 

 

هييييييييييييييييييييييه تيتة عطيات

 

يييييييييييييييي مش عايزة امشي

 

 

بس يا لورين عييييييييييييب دي مهما كان تيتة مامت بابا حبيبتك

 

 

يا تيتة هي لما بتيجي بتزعل ماما ولما نروح عندها بتزعل ماما

 

حبيبتي ما لكيش دعوة بالكبار . ماما مش بتزعل ولا حاجة

 

 

 

 

 

 

 

 

 

 

 

يلا يا عطيات عشان اوصلك عند شريف قبل ما اروح المعرض

 

 

استنى يا شعبان لسة البت سماح ماجاتش

 

سمااااااااااااااح !!!!!!!! وسماح مالها ومال المشوار ده ؟

 

 

مالها اززززززززززززاي مش سماح دي تبقى بنت سكينة بنت خالتي اللي زي اختي بالظبط ويهمني مصلحتها

 

 

شيلي اللي في دماغك ده يا عطياااااااااااااااااات الواد بيحب مراته يا عطيااااااااااااااااااااااااااات سيبيهم في حالهم

 

 

يووووووووووه هو انا قولتله يطلقها يا شعبان . انا غرضي مصلحة ابني . عايزة اجوزه اللي تجيبله الواد اللي يشيل اسمه . الله !!!!!!!! هو لما اخاف على ابني ابقى غلطانة . يعني هو انت لولا اني مخلفالك تلات صبيان كنت خلتني على ذمتك برضووووووو ؟؟؟؟؟؟؟؟؟؟

 

اهم طفشوا من وشك واحد راح امريكا وواحد راح قطر ما فاضلش الا شريف الغلبان اللي حاطاه في دماغك هو ومراته المسكينة

 

 

يا سلااااااااااااااااام يعني هو انا بقول شكل للبيع يا راجل انت . وبعدين شريف الوحيد اللي مخلف بنات . محمود واسامة عندهم صبيان . يعني هو شريف اللي وقع من قعر الاوفة عشان يقعد جنب السنيورة ام بنتين ؟

 

لا اله الا الله . يا شيخة انتي مالك انتي مااااااااااااااااااااااالك ارحميهم يرحمك ربنا . هو كان الواد اشتكااااااااااااااالك

 

 

هو لا اشتكى ولا عمره هيشتكي . البت ام عنين خضرا سحراه بعنيها وواكله بعقله حلاوة . لكن امه حبيبته مش هتسيبه الا لما تجوزه وتفرح بخلفته .

 

خلفته !!!!!! طب ما هو مخلف مخلففففففففففففففف عنده بنتين زي القمر ربنا يحرسهم

 

 

ما ينفعوش . نعمل بيهم ايه دووووووووووووول . البنت ابوها بيسندها لكن الواد يسند ابوووووووووووووووه

 

اللهي يسندوكي وانت طالعة على مشنقة عشماوي يا بعيدة . ربنا ينجينا من شررررررررررك

 

 

شوف يختي الراجل بدل ما يدعيلي بيدعي عليا . ان شالله انتتتتتتتتتتتتتتتتتتتتتتتتتتتتتتتتتتتتت

 

 

 

 

تررررررررررررررررررررررررررررررررن تررررررررررررررررررررررررررررررررررررررن

 

 

افتحي يا بت يا جوااااااااااااااااااهر باين البت سماح جت

 

 

 

 

حاضر يا حاجة . جاية اهو يللي ع البااااااااااااااااااااااااب

 

 

 

مساء الخير يا جواهر خلتي جوا ؟

 

 

مساء النور ايوة جوا يا ست سماح

 

 

 

ازيك يا حاج شعبان هههههههههه

 

 

ههههه ازيك يا بت يا سماح . احلويتي كدة ليه يابت

 

ههههههه يووووووووه ياحاج . ما انا طول عمري حلوة

 

ههههههههه بس اليومين دول حلاوتك بزيادة . الا ليت الشباب يعود يوماااااااااااااا هههههههه

 

 

جرا ايه يا حاج شعبااااااااان . الراجل ده ماله النهاردة . هي خالتي فيييييييييييين

 

 

 

انا هنا يا بت يا سماح . جايالك اهو

 

 

 

ازيك يا خالتي اموووووووووووووووووه اموووووووووووووووووووووووووووه

 

 

هههههه قمر يا بت يا سماح

 

هههههه ايوة يا خالتي بس مش احلى من السنيورة

 

 

يختي بقى احلى ولا اوحش المهم الغرض يتحقق وننول المراد

 

 

يارب يا خالتي ياااااااااااااارب

 

 

 

 

 

 

 

 

 

 

 

 

 

 

 

 

 

 

 

ترررررررررررررررررررررررررررررررن ترررررررررررررررررررررررررررررررن

 

 

افتحي الباب يا انتصار . اكيد حماتي جت

 

 

حاضر يا مدام . البسي انت خوذة وخدي ساتر وانا هضحي بنفسي واروح افتحلها

 

 

 

ادخلي يا بت يا سماح بنمسي ع الحلويييييييييييييين

 

 

بنمسي ع المعلميييييييييييييييين ! انتو اكيد غلطانين في العنوان . سوق العبور نقلوه من عندنا ما اعرفش ودوه فين . عن اذنكو هقفل الباب

 

 

استي يا بت . انتي اتهفيتي في نفوووووووووخك . انا ام الداكتوووووووووووووووووور

 

 

ام الداكتور ميييييييييييين ! يا وقعة زي بعضها ! هو انتي ام الدكتور شريييييييييييف

 

 

ههههههههه حصل من زمان . قوليله انزل كلم امك . المحروسة مراته فيييييييييييييييييييييييين أميييييييييييييييييييييييرة انتي يا ام البنااااااااااااااااااااااااااااااااااااااااااااات هي مش عارفة اني جاية ولا ايييييييييييييه

 

 

دي قليلة الذوق يا خالتتشششششششششششي المفروض كانت تستقبلك عند الباب وتفتح بنفسها . طب ابقى اتفرجي كدة يا خالتي لما تيجي تزوريني انا وشريف هعمل ايه .

 

 

هتعملي ايه يا بت يا سماح

 

 

اقفلك على رموش عيني يا خالتي . هي مجيتك شوية ولا شوية . بقى مرات شريف تستقل بيكي وتخلي الخدامة تفتحلك

 

 

 

انا خداااااااااااااامة يا جلد على عضم انتي يا جعانة ! دانا باكل اكل ما تحلميش تشمي ريحته ولا تسمعي عنه في الحواديت لسة واكلة بربيكيود تشيكين . رايحة انادي المدام اعوذ بالله . اتلميتي ع النسب دا فين يا مدام اميرة . سبحان الله الدكتور شريف مختلف خالص .اكيد الست دي مش امه واللي يدور ورا الموضوع يلاقيها خطفاه وهو صغير وتلاقي امه الحقيقية هانم من الهوانم النضيفة وهتلاقيه اخر الفيلم والبوليس هيقبض ع الست اللبش دي ويحبسوها مع بقيت افراد العصابة اللي مسرحاهم

 

سبحانك يارب . قدرتك وعظمتك في خلقك

 

 

 

 

 

 

 

يا حاج شريييييييييييييييييف

 

 

افندم يا انتصار

 

 

المعلمة امك تحت

 

 

اييييييييييييييه

 

 

قصدي الست هانم المعلمة امك تحت

 

 

 

طيب طيب انا نازل . حصليني يا اميرة

 

 

حاضر يا حبيبي

 

 

 

 

 

تيييييييييييييييييييييييييييتة وحشتيني يا تيتتتتتتتتتتتتتتتتتتتتتتتتتتة

 

 

ههههههه ازيك يا بت يا نورا هههههه وحشتيني يا حبيبتي تعالي في حضن ستك يا حبيبة ستك

 

 

امووووووووووووووووه ازيك يا تيتة . انت برضو لابسة كل ايديكي دهب هههههه

 

 

ههههه اتفضلي يا بنت ابني . فين امك وابوكي

 

 

نازلين

 

 

وفين لولى

 

 

لولى نايمة ههههههه

 

اممممم نايمة ولا عاملة نايمة . البت دي تقيلة على قلبي تقل اعوووووووذ بالله . غير نورا خالص

 

 

طالعة لامها يا خالتي . ازيك يا نورا ههههههه ازيك يا بنت الداكتور

 

 

ازيك انتي يا طنط

 

 

 

 

 

السلام عليكم اهلا اهلا يا حاجة نورتي البيت

 

 

منور باصحابه اللي قابلونا ع السلالم وفرشولنا الارض ورد يا حبيبي

 

 

امممممم ههههههههه اميرة نازلة حالا والله . ازيك يا سماح

 

 

ازيك يا دكتوووووووووووور سلامات يا دكتورررررررررررر

 

 

 

 

 

احم احم اهلا وسهلا

 

 

 

يا خبرررررررر !!!!!! هي البت دي مالها ومال الدكتور شريف . ايه قلة الادب دي ! هي مالها بتبص للراجل بمياعة كدة وعمالة تمضغ لبانة زي قتايات الليل هي عايزة تلطشه من مدام اميرة ولا ايه ؟؟؟؟؟؟؟؟؟ بس دي تروح فييييييييين في جمال مدام اميرة ولا في ادبها واخلاقها وعنيها اللي ما بتترفعش في وش راجل الا جوزها . هنقول ايه . قلة ادببببببببببببببببببببببببببببببب

 

 

 

 

 

 

 

اهلا اهلا يا طنط منورة البيت اهلا وسهلا هههههههه

 

 

اهلا يا ست اميرة . وجاية على نفسك ليه .,ما لسة بدري يا مرات ابني

 

اهلااااااا ابتدينا . والله يا طنط كنت بلبس عشان انزل اقابلك

 

 

ههههههه شوفتي اميرة بتهتم بمجيك ازاي ولازم تلبس قبل ما تيجي يا امي

 

 

بتحلي روحها يا خالتي

 

 

نعمممممممممم يعني ايه بحلي روحي

 

 

سيبهالي انتي يا مدام اميرة . ال على رأي المثل الحلو حلو ولو صاحي من النوم والوحش وحش ولو استحمى كل يووووووووووووووووووووم تشربوا ايييييييييييييييييييه

 

 

نشرب شربات هههههههههههه مش كدة يا خالتي

 

 

شربات !!!!!!!!!! طلبك مش عندنا يا ام عين يندب فيها رصاصة . هعملكو حاجة على ذوقي

 

 

 

 

 

شوفت يا شريف سماح بيقولوا شبهي بالظبط بصلها كدة وقول صح ولا لأ

 

 

 

افندمممممممممممممم ايه يا امي اللي بتقوليه ده احم احممم ازيك يا اميرة هههههه

 

 

ما تسمع كلام مامتك يا شريف وتبص لست الحسن هههههه

 

 

 

تعالي هاتي ودنك مافيش غير ست حسن واحدة في الدنيا بالنسبة لي وهي انتي هههههه ومهما عملوا مافيش في قلبي غيرك انتي يا اميرتي

 

 

هات ودنك هههههه ميرسي يا حبيبي هههههههههههههههههه

 

 

 

 

هما بيتوشوشوا بيقولوا ايه يا خالتي

 

 

قومي يا سماح نروح خليهم يكملوا انسجااااااااااااااااااام

 

 

ايه يا حاجة بس استني لسة هنتعشى مع بعض

 

 

مش عايزة عشا ولا يحزنون . يلا يا سماااااااااااااااااااااح بلا حرقة دمممممممممممممممممممممم

 

 

 

يلا يا خالتي احنا غلطنا ان جينا هناااااااااااااااااا

 

 

 

ههههههههههههههههه مع السلامة يا طنط مع السلامة يا سموووووووووحة ههههههههههه يلا يا انتصار حطي العشا عشان نتعشى احنا جعانييييييييييييييييييييييين

 

 

 

 

 

من عنيا يا مداااااااااااااااااااااااااااااااااااام هتعشى الاول واشرب النيسكافيه بتاعي وبعدين هعشيكو من عنيا حاضر

 

 

 

 

 

 

 

 

تررررررررررررررررررررررررررررن ترررررررررررررررررررررررررررررررن

 

 

الوووووو هنا مستشفى الدكتور ذكي اللاسع للصحة النفسية

 

 

مساء الخير ممكن اكلم الدكتور

 

 

تحت امرك لحظة واحدة اقوله مين

 

 

علاء فكري

 

 

لحظة واحدة

 

 

 

 

 

 

 

 

 

 

 

تن تن تنننننننننننننننن

 

 

 

هههههههههههههههههه تلاقيه سي علاء جه من العوامة بتاعة الست جليلة ههههههههه اجيب البخور عشان ابخره ههههههههههههه

جياااااااااااااااااااالك يا سيد الرجالة جايااااااااااااااااااااااالك هههههههههههه

 

 

 

 

السلام عليكم ازيك يا مطيعة

 

 

ههههه وعليكم السلام ازيك راجلي عامل ايه يا سبعي حمدالله على سلامتك يا جملي . يا ارض احفظي ما عليكي اتفضل يا جملي

 

 

جملك ! ههههههههه

 

ان شالله دايما في سرور ومسرور وعدوك من الحسرة مقهور خطي برجلك اليمين يا غضنفر ههههههه

 

 

هههههههههه يا حياة قلب الغضنفر انتي هههههههه

 

 

هو بيضحك على ايه الاهبل ده ! نورت بيتك ومطرحك يا راجل البيت يا دي الهناوة يللي ليك في القلب عشر فدادين غلاوة ههههههههههه

 

 

هههههههههههههههههههههههههههههه اشكرك

 

 

ايه ددددددده هو مش متغاظ ليه ! لالالالالالالا دا اكيد عايز يستفزني اووووووووووف

 

 

 

في ضيف جاي عندنا الصبح ان شاء الله

 

 

يا الف مرحب يا الفين اهلا ومليون سهلا بضيوفك يا غالي يا ابو عيالي

 

 

ههههههههههههه دا العشم برضو يا نينة ههههههههههههههههههه

 

 

نينة !!!!!!!!!! طيب يا بتاع نينة ان ما جننتك انت وضيوفك ما بقاش انااااااااااااا هههههههه

 

 

 

 

 

 

 

 

 

 

 

 

 

 

 

 

سي علااااااااااااااااااااء اصحى يا خويا اصحى صح بدنك اصحى عشان الفطور يا راجل يا امور ههههههههههههه

 

 

 

اممممممممم هااااا صباح الخير يا مطيعة

 

 

صباح الهنا يا سيدي انا . منور فرشتك حلو اوي اوي السرير ابو عمدان ده وانت نايم جواه عامل زي الاسسسسسسسسسسسد في القفص

 

 

 

 

حضرتي الفطار

 

 

اوماااااااااااااااااااال من الفجرية يا ضي عنية .

هتفطرينا ايه

 

حمرت فضلت خيرك بطاطس وبرنجان وطبق فول معتبر بالسمن البلدي عشان يجيبلك تصلب شرايين ان شاء الله

 

 

 

هههههههه جزاكِ الله خيرا يا زوجتي يا مطيعة المطيعة

 

 

 

هو انا جايبلي الكافية غير اسمي . قوم ياخويا اسم الله عليك وحواليك

 

 

 

 

طيب تعالي ورايا صبيلي عشان اتوضى

 

 

 

 

وراك يا اخويا اصبلك عشان تتوضى . اللهم قو ايمانك ياراجل يابركة استنى كدة اما املس على صدرك واخد شوية بركة امسحها في هدومي

 

 

ههههههههه والله العظيم ست عايزة تتضرب بجد

 

 

 

تعيش وتربيني يا سي علاء هههههههه ضربة في قلبك

 

 

 

 

 

 

 

 

خد ياخويا حتة البرنجانة دي من ايدي

 

 

شبعت شبعتتتتتتتتت الحمدلله اقعدي كلي انتي

 

 

هو انت خليت حاجة عشان اقعد اكلها ! هو صباع بطاطس وطبق الفول لحسته كله . مطرح ما يسري يمري يا سي علاء

 

 

 

 

 

 

 

 

تن تن تن

 

 

 

 

اطلعي البسي يا مطيعة غيري الجلبية المعفنة دي والبسي حاجة بكم وحطي حجابك وانزلي

 

 

ههههههههه من عنيا يا حمششششششششش ههههههه اموت انا في الراجل اللي يغير على اهل بيته

 

 

هجيب البخور عشان ابخر الضيوف كمان هههههههه

 

 

 

 

 

 

 

 

اهلا وسهلا يا دكتور ذكي

 

اهلا بيك يا فندم . ياترى تقدر تشرحلي حالة المدام

 

هههههههههه حالتها مش محتاجة شرح . حضرتك هتشوف بنفسك

 

 

 

 

ههههههه اما اخد بخوري وانزل هههههههههه ان ما فضحتك قدام ضيوفك يا سي علاء وجبتلك شلل وخليتك تقول يا ارض انشقي وابلعيني ما ابقاش انا

 

 

 

 

 

 

 

ايه دددددددددددده ايه البخور والضباب اللي ملا الدنيا ددددددده في ايه يا استاذ علاء

 

 

هههههههههه المدام نازلة تبخرنا هههههههههه تعالي يا مدام تعالي فرجي الضيف على ستات 1900 هههههههههههههه

 

 

إصباح الخير

 

إصباح النور يختي

 

 

 

داستوووووووووووووووور الاولة بسم الله والتانية بسم الله ههههههه اهلا يا افندي

 

 

 

اهلا يا مدام . هو حضرتك عاملة كدة ليه . وايه البخور ده احوأ احوأ احوأ

 

 

هههههه اصل سي علاء روحه في البخور في الطالعة وفي النازلة يتبخر . اصل كمان بخاف عليه من العدوين

 

 

وعنيهم اللي ما بترحمش الله اكبر في عين اللي شافوك وحسدوك يا سي علاء هههههه شرفتنا يا فندي

 

امممممممممم سي علاء ! هو حضرتك بتقوليه سي علاء ؟

 

 

هههه طبعا مش راجلي وسندي وماليش غيره لازم احترمه . هو فين الطربوش بتاعك يا فندي

 

 

طريوووووووووووووووووش !

 

ايوة طربوش . في راجل يخرج من غير طربوش برضو . انتو هتقلدوا الانجليز ولا ايه

 

 

انجليز !!!!!!!!!

 

 

ايوة الانجليز مالين الشوارع والعيال طول النهار قالبين دماغنا عمالين يقولوا يا عزيز يا عزيز كبة تاخد الانجليز هههههههههههههههههههه

 

 

 

ههههههههههه سامع يا فندم ؟

 

 

اممممممممم دي عقلها سافر بعثة وما اعتقدش هيرجع تاني يا استاذ علاء

 

 

 

هما بيتوشوشوا بيقولوا ايه ؟ اجيب لحضرتك الابريق تغسل ايدك قبل ما تتغدا يا فندي وسي علاء يصب عليك ؟

 

 

ابريق ! هو انتو ما عندكوش مية

 

 

مية !!!!!! ايوة طبعا السقا بيعدي علينا كل يوم . بس النهاردة ماجاش ههههههههههههه

 

 

ماجاش ! طيب يلا يا مدام معانا العربية مستنية برا

 

 

ههههههههه عربية ايه

 

 

العربية اللي هتوديكي للسقا عشان تسأليه ماجاش ليه النهاردة هههههههههههه يلا يا زوجتي العزيزة

 

اييييييييييييييييييييه . الحقني يا علااااااااااااااء

 

 

ههههههههههههههههه انا مالي . هو حد قالك تستهبلي هههههههههه

 

 

يلا يلالالالالالا انا مش فاااااااااضي ورايا مجانين غيرك كل ما الم المجانيين واقول خلصت منهم الاقي الدنيا اتملت مجانين برااااااااااا . يلا يا ست

 

 

اهئ اهئئئئئئئئئئئئئ علااااااااااااااء الحقني يا علااااااااااااااااااء

 

 

اخرسيييييييييييييي سي علاء يا بنتتتتتتتتتتتتتتتتتتتت ههههههههههههههههههههههه

 

 

 

يلا تعالوا خدوهااااااااااااااااا

 

 

تحت امرك يا دكتور

 

 

 

يلا يا ست انتي يلااااااااااااااااا

 

 

اهئ اهئ لالالالالالالالالالالالالالالالالالالالالالا اعلاااااااااااااااااااااااااااااااااء اهئ اهئ الحقني قولهم اني عاقلة يا علاااااااااااااااااااااااااااااء

 

 

 

هههههههههههههههههههههههههههههه مع السلامة يا حبيبتي هتوحشيني . هجيلك الصبح عشان تعرفي اني راجل طيب وباقي ع العشرة والبرنجان هههههههههههه اهو البرنجان جه على دماغك يا ام مخ برنجان ههههههههههه ان ماربيتك يا مطيييييييييييييييييييعة صبرك بالله

[هبة عبد العظيم نور 2042]

منورين يا بناتتتتتتتتتتتتتتتتتتتتت

 

 

على فكرة كنت فاكرة ان الحلقات تتلم على اخر الاسبوع

 

 

بس ما اعتقدش ههههههههههههههههه

 

ادينا متونسين مع بعض ههههههههههههههههههههه

 

وقت ما تخلص تخلص بقى

 

 

اسيبكو مع الحلقات ومنتظرة تعليقاتكم

 

 

 

بالنسبة لسؤال ام عبد الرحمن وهي منين مطيعة جابت اللبس القديم ههههههههههه

 

يا ست ام عبد الرحمن اي جلابية عادية ومعاها ايشارب عادي بتاع حجاب وتعمليه مسلسل وتنزلي ضفرتين هتلاقي نفسك نسخة 1900 وروحي جربي بنفسك هههههههههه

 

 

مش محتاجة تجيب هدوم من اي مكان . هدومها العادية مش اكتر

 

 

بالنسبة للحاجات التانية موجودة في البيت عادي لان علاء جاب كل اثاث البيت واحتياجاته قديمة

 

 

منورين يا بناتتتتتتتتتتتتتتتتتت

 

اشوفكو بكرة ان شاء الله

 

 

نشوف مطيعة وباقي هتعمل ايه ههههههههههه

[**صفا** 208]

هههههههههههههههههه

 

حاسه انى بتفرج على فيلم لتوم & جيرى

 

:)) :))

:))

تم تعديل 24 نوفمبر, 2013 بواسطة **صفا**

[وردة ياسمين 33]

جميل

[' أم آية' 667]

تسلمي ياهبة

ما شاء الله حلقة جميلة

التوقعات.

ابو زوج اميرة تكلم سماح بتلك الطريقة

يريد أن يوصل إلى زوجته انه يعاكس ابنة اختها

وهي راح تخاف من أن يتزوجها

وهكذا لن تدخل سماح مرة اخرى إلى بيتها هههههه

[مُقصرة دومًا 1261]

جميل يا هبهوبة

 

مطيعة

 

تستاهل كل اللي يحصلها لأنها زودتها قوي وبوخت جامد!!

 

أم شريف

 

فظيعة قوي هى وبنت أختها سماح دي بس استغربت من طريقة كلام أبو شريف مع سماح!!

 

انتصار

 

أعجبني كثيرًا انتقدها للبنت سماح وأم شريف

 

نتابع معكِ بشوق شديد هبهوبة الحبيبة

[ساره أم حمزه 1040]

حماة اميره مستفزه

ومطيعه بتصدعنى بكلامها الكتير

 

هو الكلام اللى لايق على بعضه انتى اللى مألفاه ؟ ^ــ^

متابعه إن شاء الله

[حواء أم هالة 1895]

:)) مطيعة تستاهل اللي جرالها عشان تعقل شوية =)

 

انا كنت اظن ان علاء سيتقمص شخصية زمان عشان يقلب عليها لكن طلع تخميني مش في محله =))

 

ام شريف دي مصيبة الصراحة فانا لا احب التدخل في الحياة الشخصية لكن انتصار دي تحفة =)

 

متابعة باقي الحلقات واحنا مش مستعجلين يعني طولي على راحتك ههههههه

[بنوته مسلمه مصريه 458]

فرحانه فى مطيعه جدا هههههههههه

مامة شريف دى فظيعة بجد ايه ده ولا بنت اختها انسانه بشعة

انتصار هى اللى تنفع مع ام شريف دى بصراحه

بس عسل جدا ههههههههه موت من الضحك لما بتقوله امك المعلمه هههههههههه فصلتنى ضحك

حواء انتى سيبتى البطانية لوحدها النهارده :)

تم تعديل 24 نوفمبر, 2013 بواسطة بنوته مسلمه مصريه

[أمة الرحمن الرحمن 68]

ارجوك ياكينج :S

كفايه نرفزه مطيعه وكلامها احنا فى كفايه عنها صدقينى

[~ماريا~ 1340]

ابو شريف

يتجوز سماح ويعلم مراته الادب

ال ام البنات ال

 

شريف بقى يتجوز هدي

هههههههه

 

علاء ومطيعه

افظع من بعض

هههههههه بس حلوة حركه المجانين دي

 

[~ أم العبادلة ~ 1903]

@~ماريا~

فكرة جميلة ان ابو شريف يتجوز سماح

وأهو ابنه يرتاح شوية منهامع انها هتجننه اكثر بما انها هتكون مرات ابوه

[وأشرقت السماء 1565]

الله الله على الجمااااااااااال

حلقات قمة في الروعة تسلمي يا هوبة يارب ويجعله بميزان حسناتك اللهم آمين

 

لا يا بنات شريف مش هيتجوز على أميرة بإذن الله

ممكن نشوف عريس تاني لهدى وممكن يكون علاء : ))))

ولَّا بلاش

ممكن يكون مازن وربنا يهديه

 

أما نادر فأنا حاسة إنه حاسس إنه اتورط : )))

بانتظار الحلقات الجديدة يا رائعة

[رياحينو 205]

اين انتى ياحبيبة انتظرك بشوق

[ساجدة للرحمن 2049]

السلام عليكم ورحمة الله وبركاته

البنات إللي بيقولوا أبو شريف يتزوج سماح ...

كيف يا حبيبات ؟؟؟؟؟؟؟؟؟؟؟؟

أليست سماح بنت أخت زوجته ...

لا يجوز لرجل أن يجمع بين المرأة وخالتها !!!!

[بنوته مسلمه مصريه 458]

السلام عليكم ورحمة الله وبركاته

البنات إللي بيقولوا أبو شريف يتزوج سماح ...

كيف يا حبيبات ؟؟؟؟؟؟؟؟؟؟؟؟

أليست سماح بنت أخت زوجته ...

لا يجوز لرجل أن يجمع بين المرأة وخالتها !!!!

سجودة الغالية هبة فى أخر حلقة قالت انها بنت بنت خالتها

يعنى مش بنت اختها :)

علشان كده البنات توقعوا كده