اذهبي الى المحتوى
أم عائشة المصرية

فوقى يامغتربات قبل مايضحك عليكى وترجعى تندمى

المشاركات التي تم ترشيحها

السلام عليكم ورحمة الله وبركاته

 

:P حبيبات قلبي وحشتونى ^^ :P

 

أنا كنت بتصفح أحد المنتديات فوجدت هذا الموضوع وقلت أنقله لكن لعله يفيق أحدا أو يأتى على جرح أحد فيعينه على التغييـر

والموضوع لا يقتصر على المغتربات فقط ولكن يعنيهن أكثر لأن الكاتبة مغتربة وتتكلم عما رأت..

شارك هذه المشاركه


رابط المشاركه
شارك

بسم الله الرحمن الرحيم

السلام عليكم ورحمه الله وبركاته

اخواتى واحبابى واصدقائى احبكم فى الله

وارجو ان تتقبلو كلامى بصدر رحب وميكونش كلامى تقيل عليكم ويعلم الله غرضى النصيحه

وخوفى وحبى لكل اخت فيكم

 

عايزه اسأل كل مغتربه مع زوجها ليه بتعملى فى نفسك كده ليه سايبه نفسك بالمنظر

ده وحارمة نفسك من كل شىء عشان تحوشى لجوزك وتوفريله القرش

 

ليه مهمله فى نفسك وبتضيعى سنين عمرك الى لو رجعتى بلدك ومعاكى ملاين

عمرك ماتقدرى ترجعى سنين عمرك ولا شبابك ولا صحتك واجمل ايامك الى بتضيع فى الغربة

حتقوليلى ايه لازمه الكلام ده

 

حقولك من الى بشوفه فى الغربه والله العظيم تعبت من كتر انتشااااااار الظااااهره دى

من الى الستات بتعمله فى نفسهااااا واخره التحويشه والعمر الى بيضيع جوزها يقولها

 

ارجعى بقا انتى مصر ربى العيال وادى دورك وانا حتجوز هنا واحده اتشبب وادلع

معااااه ايوه الكلام ده بيحصل كتييير قووووى

وكلنا شايفين فى الغربه الجنسياااااااات هنا والبنات بتعمل ايه (الله يستر عليهم)

 

والرجاله معرفش حصلهم اااايه جيرانى 3 كل واحده جوزها اتجوز عليها ونزلها بلدها

قالها انزلى ربى العيااال وحبعت لك مصروفك كل شهر

عنده حق مانتى الى عودتى على كده ايوه عودتيه انك جاااايه توفريله وجايه

عبد وهو السيد جايه تمسحى وتكنسى وتنضفى وتقعدى تتفننى له فى الاكل وتوفرى له

كل قررش عشاااان يروح يتجوز بيه جااااااادعه

وشكراااااا ومهمتك انتهت

عااااااايزه اقولك فوقى يااااماما مش مع رجاله دلوقتى ومش العصر ده

ده ان عصر جدودنا واباءنا زمااااان كان فى اخلاص وحب وزى مالقراءن قال

موده ورحمه

 

دلوقتى الراجل بيتغرب وعايز تمن غربته يدلع وواحده ترجع له شبابه وتشيل عنه هموم

الغربه

محدشش طلب منك تبقى (عنتر) وتوفرى وتشيلى هم الدنيا فوق راسك

الراجل بيكره الست الى بتعمل كده

محدش قالك اتخنى وزيدى وخلى وزن 120 كيلو وقولى البيت والعيال

محدش قالك تستخسرى وتقولى بدل الاكل مايترمى اكله

ياستى اعملى كميات اكل قليله

بدل ماتهملى نفسك وشكلك

محدش قالك ماتروحيش الكوافير وماتطلبيش منه مصرووف كل شهر خاص بيكى تدلعى بيه

نفسك وتهتمى بنفسك وتدلعى نفسك

 

بالله عليك لو انتى مش مهتمه بنفسك وبتدلعى نفسك ومش حارمه نفسك من حاجه

ازاى عايزه جوزك يهتم بيكى ويدلعك وميبصش بره ويشوف ازاى البنات الى فى المولات

 

عايزه اقولكم انا بشوف حجاااااات غريبه الى تخاااف تقول لجوزها هاتلى باكو شوكلاته

والى تخاف تطلب ميه ريال من جوزها مصروف تقولى مستحيل ده يطلقنى

ياستى يطلقك ليه وبعدين حطى حاجه ف دمااااغك كلنا من جينا على الدنيا

مكتوب لنا حنعيش قد ايه ونموت امتى وحياتنا واذا مكتوبلك تطلقى صدقينى

حتطلقى لو انتى ساجده تحت رجلين جوزك

 

ليه بتسترخصى نفسك وتطلبى من جوزك يغليكى عمره فى حياته ماحيغليكى

وانتى مش حاطا شروط وقواعد لرغبتك وعلى كل من الطرافين الالتزام بيها

يعنى ايه انا اجى اخدمك وانضف واتغرب معاك واقصر على نفسى وفى الاخر

انزلى ربى العيال بقا انتى وانا حتجوووز ياسلام ده يرضى ربنا

طيب ليه مش بتقعدى مع جوزك وتفهمى انك ليكى التزامات كل شهر

وليكى صابون وشاور معين وبرفان ولبس او كريمات

ليه الحجات الى بشوفها

والله العظيم واحده بسم الله ماشاء الله جوزها راتبه جااامد وهيا كمان

وقبلها فى السوق والله يبنات شعرها منكوش قد كده وحطا الطرحه عليه

وعبايتها مكرمشه ومبقعه وزنها يجى 140 كيلو ولا بسه شبشب

بقولها ليه كده مش مهتمه بنفسك تقولى هو انا فاضيه وقعدت تضحك ولا على بالهااا

وبتقولى بنحوووش بقاااا يالهووى دى اقولها ايه

smiley-sad.gifsmiley-sad.gif

قولتلها حوشى حوشى

بس ماتجيش تعيطى بعد كده

 

عارفين يابنات احنا خلينا ناس كتير خدت فكره سيئه عننا

 

 

بس عيبنا اننا عندنا اولويات وبنقول الولاد والبيت اهم

فوقى فووقى يا أختى

احنا فى عصر مااااايعلم بيه الا ربنا

الراجل عايز انثى مش عايز اخ ليه فى الله معاه فى البيت

وكلنا فى الغربه شايفين البناااات بتتمنى حد يبص لها

والرجاله اتلحست فى مخهها الا مارحم ربى

وبيقلدو بعض يسمعو فى الدوام فلان اتجوز على مراته بتجيلهم فرا وبيقلدو بعض

زى العيال الصغيرين

 

اعرفى ماليكى وما عليكى خليكى غااااااامضه وليكى وقتك تهتمى بنفسك

وتخرجى مع اصحابك ولابسك ومكياجك وحجتك تبقا نضيفه ولابس البيت غيرى وجددى

وقوليله حبيبى مقدرش اهمل فى نفسى

وليا احتياجات ومصروفى الشخصى

بدل مايضيع الفلوس على اهله ويتجوز بيهم وانتى شكرا دورك انتهى

روحى ربى العيال فى مصر ويبعتلك ملاليم كل شهر مانتى شاطره بقا وعودتيه على كده

الست الجدعه القويه الاصيله الى بتعيش بالمليم

 

وشوفى بقا مراته الجديده مش حيستخسر فيها مليم وحيصرف عليها تحويشه العمر

لانها وريته حجات انتى عمرك ماوريته الحجات دى

 

كلامى من وااااااااااقع 11 سنه غربه

من وااااااااااااقع تجااااااااربى مع ناس كتير وعشرتها فى الغربه

من واقع الزوجات الى كل يوم فى مشاكل والمغتربات ناااااس بتصرخ من الظاهره دى

والموضوع بيزيد وزايد جدا الايام الاخيره

وخفت عليكم وحبيى ليكم الى خلانى اكتب لكم

وفى الاخر انتى حره ومتفتكريش انى بوقع بينك وبين زوج انتى كبيره وعقله

وفاهمه تتصرفى ازاى وتاخدى من كلامى الى يعجك ويناسبك

 

وواجبنا نتناااااصح بينا وبين بعض

 

احنا مش جاااين هنا نظااااام عبوديه طيعى زوجك بس ماتنسيش نفسك

اهتمى بنفسك ومتحرميش نفسك من حاجه عشان تحوشى وتشيلى لغيرك الفلوس

وتفوقى على كابوس مرعب

وبردو فى حدود المعقول ومقدره جوزك

 

 

منقول مع بعض التعديلات البسيطة

تم تعديل بواسطة أم عائشة المصرية

شارك هذه المشاركه


رابط المشاركه
شارك

ههههههههه

رائعه ام عائشه

بوركتِ

 

الراجل عايز انثى مش عايز اخ ليه فى الله معاه فى البيت

هههههههه ضحكتني جداً

..........

 

احب بس الفت النظر إن كل ست تطلب اللي هي عاوزاه بحسب قدرات زوجها الماديه ، مش تيجي واحده تطلب اللي هي عاوزاه واللي في نفسها وهي عارفه كويس ان زوجها امكانياته الماديه ماتتحمل كل طلباتها

اطلبي بالمعقوووول

  • معجبة 1

شارك هذه المشاركه


رابط المشاركه
شارك

و الله كلام في الصميم مشكورة ياحبيبة على النقل الطيب

شارك هذه المشاركه


رابط المشاركه
شارك

السلام عليكم ، والله لو كنت اعيش مع زوجي في الغربة (بلد اجنبي) لكنت انا من رجوته ان يعيدني الى بلدي اربي ابنائي ، بعيدا عن بلاد الكفر والانحلال كي افوز باولادي والدنيا والاخرة ، ان ذنب الابناء الذين يولدون ويعيشون في بلاد الكفر بعيدون عن دينهم واخلاق الاسلام وعاداتنا المحافظة في رقبة آبائهم . لكم يحزنني ما اراه من اقرباء لي يعيشون في امريكا وقد كبر الابناء وخرجوا من تحت سيطرة الاهل واذا كانوا يعرفون من دينهم الاسم فيا ويلي على ابنائهم الين سيولدون ويعيشون دون دين!!! وما اراه الا قد حصل.

اما بخصوص ما ذكرته الاخت من حرمان الزوجة نفسها من اجل بيتها ، فانني ارى ان ديننا دين الوسطية فلا افراط ولا تفريط ، فلتتق الله كل زوجة في نفسها وفي مال زوجها ، وحيا الله الزوجة الصابرة المحتملة التي تبذل الغالي والنفيس في سبيل بيتها ولا تقصر بحق نفسها بالمعقول، واذا لم يحفظ الزوج هذا لها ، فهي قد فعلت باصلها والله لا يضيع مثقال ذرة.

دائما اقول فلنعمل ما علينا والنتائج من عند الله . اللهم اجعلنا من الراضين بحكمك وعدلك .

شارك هذه المشاركه


رابط المشاركه
شارك

^______________^

ربي يبارك فيك أم عائشة الحبيبة ...

موضوع مهم ..وابتسامتي على أسلوب الصياغة ليس أكثر ..

..

أعتقد هذا ما طالبنا به دوما ..وما نعيده ونكرره يوما بعد يوم

إذا لم تهتمي أنت بنفسك فلن يهتم بك زوجك

وإذا لم تحبي نفسك وتدلليها فلن يفعل الزوج ذلك

 

ما أنا مقتنعه به تماما من خلال سنوات طويلة من الزواج

أن الرجل يشعر بالمتعة عندما يدلل زوجته المدلـله : ) _ولكن كل ذلك يكون بحدود المعقول وداخل حدود إمكانيات الزوج بالطبع _

عندما يرى زوجه مهتمة بنفسها فهو لا يغضب عندما تطلب منه ..لأنه يعلم في قرارة نفسه أن هذا الإهتمام سيعود عليه بالنفع

فيرى إمرأة جميلة متزينه تعفه عن نساء العالمين

فعندما يدفع ..يدفع برضا _ وإن أظهر عكس ذلك في بعض الأحيان _

 

قرأت قبلا أن أكثر النساء تضحية للزوج ..هي أول من يضحَى بها

وله الحق في ذلك ..فهو يريد إمرأة لا خادمة

ويترك لك مهمة تربية الأولاد ورعايتهم ليتمتع هو بما حرمتيه أنت منه

وتنتقل الخدمة منه إلى أولاده ..فتظلين عمرك كله " خادمة "

وبالمناسبة ..أنا لا أعيب أبدا أن تخدم المرأة زوجها أو ابنائها

فهو شرف لها أن تقوم بأداء واجباتها عليهم وتشعرهم بإهتمامها

ولكن فقط أتمنى أن تفهم المرأة كيف توازن بين مسئولياتها

فتكون خادمة في وقت وصديقة وأم في آخر ..و أنثى وحبيبة طوال الوقت

وصدقوني الأمر ليس مستحيلا أبدا

بل هو يسير على من أستعانت بالله أولا ثم نظمنت وقتها ثانيا

ولكن للأسف كثير من النساء تهون من الأمر ..وتطمئن للزوج كثيرا ^__^ ونسيت أنه رجل والمغريات حوله لا قبل له بها _ إلا من رحم ربي _

فإذا لم تتمتعي الآن بشبابك فمتى ؟؟؟

هذه الدنيا اباح الله لنا فيها التمتع بالحلال الطيب ...فلماذا نحرم أنفسنا بحجة " التحويش "

ماذا ستفعلين بالمال وأنت لا تستطيعين أن تتزيني أو تلبسي أو تتعطري أو تستمتعي به وتشعري بأنوثتك وجمالك بعد أن تجدي نفسك وصلت الخمسين من العمر؟؟؟

وحتى بعد التحويش ستجدي هذا المال صرف على أمور أخرى ...

فستكون الحصيلة

أنك تغربت عمرك كله وتعبت وشقيت وحرمت نفسك من الكثير ثم لم تتمتعي بهذا كله

وتظل الحسرة في قلبك عندما ترين غيرك يتمتع بما شقيت أنت لأجله

 

في أضم صوتي للكاتبة ..

افيقي أختاه قبل أن تندمي حيث لا ينفع الندم !!

 

بورك فيك أم عائشة الحبيبة ..وجزيت خيرا على الموضوع : )

  • معجبة 1

شارك هذه المشاركه


رابط المشاركه
شارك

جزاكي الله خيرا علي الموضوع المهم الذي يجب ان تأخذ كل متزوجه مغتربه او داخل بلدها او حتي المقبلين علي الزواج كله بما يرضي الله ويقربها اليه

شارك هذه المشاركه


رابط المشاركه
شارك

: )))

 

الموضوع متضمن نقاط كثيرة صراحة

جزاك الله خيرا

 

لكن ما تخافي أنا باحب أصرف ودايما أقول لزوجي هو احنا هنعمل ايه بالفلوس

نستمتع بيها بدل ما نموت ويجي غيرنا ياخدها عالجاهز ويبقى أحنا تعبنا فيها عالفاضي : ))

  • معجبة 1

شارك هذه المشاركه


رابط المشاركه
شارك

: )

موضوع رائع وفي الصميم

جزاكِ الله خيرا أم عائشة الحبيبة ونفع بكِ

شارك هذه المشاركه


رابط المشاركه
شارك

@@~ أم العبادلة ~ يا هلا بك وبمتابعتك حبيبتى

 

@@ريحانة السماء وإياكِ أخيتي وبالفعل هو لكل أنثـــى

 

@@راغبة بالفردوس طبعا حبيبتى وكما قالت صاحبة الموضوع فى آخر جملة...كله بالمعقول وبما يناسب ظروف زوجك..

 

@ام إسراء و زينب شكرا لكِ على مرورك :)

 

@ام بشار وعبد يسر الله أمرك أخيتي يبدو أنك تعانين فى عيش فى الخارج ومعك حق...يسر الله لك ورزقك الأسرة الطيبة المعافاة من كل فتنة..

 

@@ساجدة للرحمن حبيبة قلبي ورفيقة دربي..والله مجرد رؤية اسمك بيخلي قلبي يطيـــر فرحا

ربنا يحفظ لنا نعمة الحب فى الله يا غالية..

بالنسبة لصياغة الأخت للموضوع واضح إنها تشعر بالحرقة والغيـــظ من واقع عاشته وأمثال زى المرأة اللى وزنها 140 كيلو وشعرها منكوش دى علشان تحوش...

 

تعليقك أعجبنى يا غاليــة وفقك الله دائما وسدد خطاكِ

شارك هذه المشاركه


رابط المشاركه
شارك

@@هدى ايمن ناصر وفيكِ بارك المولى

@ام امام المسلمين بالفعل أخيتي..هو يفيد كل أنثــى

@@سدرة المُنتهى 87 حبيبة قلبي...اللهم بارك..مبارك على الترقية..لم أعرف إنك أصبحت مشرفة إلا الآن..أعانك الله على المسئولية ورزقك الإخلاص والقبول

@@وأشرقت السماء وإياكِ حبيبة قلبــى

شارك هذه المشاركه


رابط المشاركه
شارك

جميل بارك الله فيك

رأيت من النساء من في بلدها و توفر وتوفر و لا تتمتع بما لديها ولا بما لدى زوجها و تموت و يرثه غيرها

سبحان الله

أصبحت بعدها اكره فكرة ان نخبأ كل ما لدينا للغد فلعلنا لا نعيش الغد المنتظر

بل اني كنت أرى خادمة تخدم في بيوت الناس على اجر زهيد و مرة هنا و مرة هنا

و في مرة اكتشفت ان هذه المرأة لديها ورث أراضي تباع بأثمان كبيرة

فتعجبت لماذا ترضى ان تعمل بهذه الطريقة و لا تجلس و تصرف او تفتح مشروع من ثمن اراضيها

بل و الأعجب ان هذه المرأة زوجها في كامل صحته ولا يعمـل و الله المستعان

شارك هذه المشاركه


رابط المشاركه
شارك

السلام عليكن ورحمة الله وبركاته

 

اعجبنى الموضوع كثيرا

شكرا لك اختاه ام عائشة المصريه

فقد اصبت فى اختيارك لهذا الموضوع بالذات

وشكرا ايضا للاخت ساجدة للرحمن ما شاء الله لقد كفت ووفت

لكن حابه اضيف حاجة وهى ان بعض من الزوجات دى بتكون

متعودة على اهمال نفسها او انها مشفتش مثل يحتذى بيه

زى والدتها مثلا مكنتش من الستات المهتمة بنفسها

او انه جهل بكيفية التجمل والتزين او ماهو المناسب بالنسبة لها

 

وفى حالتى كمغتربة فطبعا جهل اللغة واحد مع عدم وجود حد يفهم

ويدل بس الحمد لله ربنا رزقنى بشوية اصحاب ولحقت نفسى فى الوقت المناسب ^_^

 

اما عن الطخن فللاسف بعض من عقول مجتمعنا بتفكر كدة

( انت طخينة يعنى صحتك تمام ومبسوطة وعشتك ميه ميه ) :O

 

هههههههه وده تفكير مامتى كل مرة اكلمها تسالنى ياترى

طخنت ولا لا واد ايه وفلانه وفلانه جرانا المسافريين زى نزلوا

اجازة وكل واحدة فيهم جاية عاملة زى البطة :P

 

ودمتم رفيعيين وبصحة جيدة

وتقبلن مرورى بينكن :)

شارك هذه المشاركه


رابط المشاركه
شارك

انا عن نفسي حوشناشقى العمر و رجعنا للوطن واشترينا الشقة الفخمة و السيارة بس الحرب سلبتنا كل شي قذائف مدفعية كانت كفيلة بانهاء الحلم الجميل عشان هيك خلص مافي تحويش ابدا حنعيش اليوم و بس بكرة ممكن نموت مش حورت حد ربنا ما بينساش حد

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×