اذهبي الى المحتوى
~ أم العبادلة ~

عن التعليم المرن نتحدث (التعليم اللامدرسي)

المشاركات التي تم ترشيحها

على فكرة النماذج الي اتكلم عنها ليست بعيدة او خيالية بل اتعامل معهم شخصيا احدها اثنتين من زوجات اخواني...درسوا في مدارس القران وبعد الختم اي علم اخر يدرسونه منزليا وفي فترات كانت امهاتهم تتولى تدريسهم القران واخوانهم الذكور بعد الختم يتلقون العلم الشرعي على ايدي شيوخ وياخذون اجازات في كتب شرعية..ونماذج كثيرة جدا ناجحة ومتميزة اعرفها

وصدقا بعد تجربتي شخصيا بالمدارس

سافكر الف مليون مرة قبل ان اقذف ابنائي في مثل تلك البيئة الفاسدة

شارك هذه المشاركه


رابط المشاركه
شارك

ومع سؤال آخر:

 

إلي الأمهات في الجروب ...

 

مناقشة حول :

مشاركة والد الأطفال في الفكرة ومدى اقتناعه بيها ..

 

ممكن الأب يساعدنا في إيه (غير الماديات ) ؟

 

وشكرًا ليكم

 

 

Um Abdullah Mahmoud

اولا موافقته على الفكرة دي مشاركة ايجابية وتحمله العبأ المادي ده شيء كويس ..

ما نقدرش نحكم على كل اب انه يقوم بدور معين لان ده بيتوقف على ظروفه ...

لكن نقدر نطلب منه التشجيع لما يلاقي نتائج ملموسة ..

ولو ظروفه تسمح بمساعده نشوف اللي يناسبه مش اللي يناسبنا احنا عشان مايحسش انه مقصر

 

تيسير حرك

ممكن برضه يكون مفهوم للوالدين إن بقدر الوقت اللي بيحطوه بقدر مالأولاد يطلعوا أنجح وأسوياء, فكل ساعة بيضيفها الأب ليها ثمنها وقدرها ساعد ولو بساعة

 

Um Abdullah Mahmoud

اكيد طبعا مشاركة الوالدين مع بعض هتسرع من عملية التعليم المنزلي خاصة ان وجود الاولاد في البيت هيوفرلهم فرصة انهم يتعلموا مسئوليات ما بيتعلموهاش في المدرسة هيتعلموها من الاب ومن الام

 

Smaasm Hamada

لا والله مش حكم ولا حاجة يا أم عبد الله بالعكس انا مقدرة تعبه وظروف شغله .. كل الموضوع ان أنا محتاجة مشاركة ودعم لأن أنا كده اللي بزود مسؤلياتي .. فمش عاوزة أندم وييجي يوم أقول أنا اللي جبت ده كله لنفسي

 

طيب يا أستاذ تيسير من خبرة حضرتك ياريت تقول لي علي الحاجات اللي الأب يقدر يشارك بيها ومش بتاخد وقت كتير

 

تيسير حرك

يعني لو حتى فسحة حول البيت ويعلق معاهم على اللي يشوفوه,

أو يكلمهم ويناقشهم في حاجة (رأي الرجل يختلف عن المرأة وطريقته للنظر للأمور بتختلف وده بينعكس على الأولاد وبيلاحظوه)

يعمل معاهم أي حاجة يدوية (فك وتركيب, نجارة بسيطة...الخ) دي أسهل للرجال عادة من النساء

يقرأ معهم أو يشاهد معهم أي مادة تعليمية (وثائقي مثلا) تكون قصيرة ويناقشهم فيه

الأفكار كتير وبتختلف من شخص لآخر وظروف لأخرى

 

Smaasm Hamada

أفكار حلوة جدًا .. شكرًا لحضرتك لو افتكرت أي حاجة تانية أتمني تتكرم بيها عشان أجمعهم واقول لزوجي ان شاء الله

 

تيسير حرك

هو النصيحة الأهم هو : لا تستقلوا أي وقت , حتى لو ساعة حتى لو دقائق, كله بيتجمع في الآخر

 

دعاء مجدى

بمجرد ما الاب يتفق على تنفيذ الفكرة دى مع الام لازم يتحمل مسؤلية و لو بسيطة ، لكن ما يرميش المسؤلية كلها على الأم

 

الاب لو خصص ساعة واحدة فقط يوميا بالاضافة ليوم اجازته هاينجز كتير مع الطفل ان شاء الله

و اعتقد ساعة مش صعب ، حتى لو متقسمة على مدار اليوم

بالعكس ده مفروض حق الطفل انه يقعد مع والده و يتعلم منه

 

- شوفى المواد اللى الاب بيحبها و يبقى هو مسؤول عن شرحها للطفل

او مثلا انتى مسؤولة عن الشرح و هو مسؤول عن مساعدة الطفل ف حل التمارين او تصحيح الواجبات

 

- او يكون مسؤول انه يسمّع للطفل الحاجات اللى حفظها سواء قرآن او مواد علمية

 

- او الطفل كل يوم يكون مطلوب منه يقدم تقرير لوالده عن الحاجات اللى اتعلمها ف اليوم ده و ايه اللى عجبه و ايه اللى ماعجبهوش و دى تبقى فرصة لاستكشاف ميول الطفل

 

- التجارب العلمية و الاعمال اليدوية زى الزراعة و النجارة هتكون وقت ممتع جدا بين الطفل و والده

 

- الخروجات سواء التعليمية او الترفيهية اعتقد بتتم بمشاركة الاسرة كلها مش الام بس

 

ممكن الطفل يروح يلعب رياضة مع والده مرة ف الاسبوع ده هايشجع الوالد كمان انه يمارس رياضة لانه مرتبط بابنه ف مش هايكسل

 

ولو الاب بيخرج مع اصدقاءه يقترح عليهم يجيبوا اولادهم معاهم و ياخد الطفل معاه و تبقى فرصة اتنمية الجانب الاجتماعى للطفل

 

زيارات الاماكن التعليمية زى المتاحف او الاماكن الاثرية او المراكز الاستكشافية ممكن يبقى الاب هو المرشد و هو اللى يشرح للطفل اثناء الزيارة

 

- ياخد الولد معاه و هو بيشترى طلبات البيت ف الولد يتعلم الحساب بالاضافة لامور التعامل الحياتية

 

- ياخده معاه فى الصلاة فيكون قدوة ليه

 

- يقرأ معاه قصة قبل النوم ف يعمق روابط المحبة بينه و بين ابنه

 

التفاعل الاسرى مع الوالدين مهم جدا لاستقرار الطفل العاطفى و ده بينعكس على اداء الطفل الدراسى

 

واختيارنا للتعليم المنزلى احد اهم اسبابه انه بيوفر وقت اكتر ان الطفل يتفاعل مع اسرته ، فلازم نحط ف بالنا الميزة دى و نستغلها صح مش نغفل عنها

 

Eman Sameh

شكرا استاذة دعاء الواحد فعلا محتاج تشجيع .. هل الأم حتعرف توازن بين كل هذه المسئوليات (بيت + دراسة منزلية)؟ يعني لوافترضنا انه الاب حيقعد ساعة مع الطفل برضه كافية ان الأم تقدر تعمل كل حاجة تانية لوحدها ؟

 

دعاء مجدى

اه تقدر ان شاء الله

انا قرأت عن تجارب ناجحة لأمهات علمت اولادها - اكثر من طفل - منزليا فى مراحل تعليم مختلفة فى نفس الوقت

 

التعليم المنزلى بيكون ليه وقت محدد كل يوم مثلا 6 ساعات صباحا و هناك اجازة اسبوعية يوم او اثنين

فهناك متسع من الوقت للأم لتقوم بالواجبات المنزلية سواء اثناء اليوم الدراسى فى الاوقات التى يحل فيها الطفل تمرينات مثلا لا يتطلب وجود الام بجانبه ، او حاولى الاستفادة من الوقت فى اكثر من جانب مثلا درس القراءة يمكن ان يقرأ الطفل عليكِ اثناء قيامك بالاعمال المنزلية .. هكذا

 

الأمر فقط يحتاج الى تنظيم مسبق للوقت مع مرونة فى التفكير

 

Eman Sameh

ربنا يعينا يا رب .. انا بحاول اقرأ علي قد ما قدر و اجمع معلومات عشان لو قررنا ناخد الخطوة دي نبقي واثقين في نفسنا و ننقل

شارك هذه المشاركه


رابط المشاركه
شارك

قائمة التسوق من معرض الكتاب

 

 

 

دور النشر :

سفير :

عندهم مجموعة العلوم المبسطة المترجمة منها حاجات جميلة جداً

و كمان عندهم أشرطة أناشيد و قصص كويسة

 

طفولة :

عندهم قصص كويسة

 

مكة للبرمجيات:

PC Lab

و دول عندهم برمجيات تعليمية لطيفة جداً

 

دار الشروق

بس غالباً حاجاتهم غالية شوية

 

جرير

العبيكان

غالباً كتب و قصص مترجمة للأطفال

 

.

.

.

 

بالنسبة للمربي عشان يحضر نفسه للمهمة :

أي كتب عن التربية يا ريت تمسكها تبص عليها

اقرأ ملخص الكتاب و الفهرس

و لو قدرت تفر الصفحات تشوف أسلوب الكاتب

شوف هل الموضوعات تشدك و هتقرأها و لا أسلوب الكاتب مش عاجبك فهتبقى متضايق و انت بتقرأ أو مش هتقرأ أصلاً ؟

لو ماشي معاك و حاسس انك هتستفيد اشتريه

لو مش عاجبك يبقى وفر فلوسك و هتلاقي موضوعات مشابهة - إن لم تكن مماثلة لكتاب بأسلوب تاني ممكن يعجبك أكتر

 

و من الكتب اللي عجبتني الفترة اللي فاتت :

فن تربية البنات - ناصر الشافعي - دار الصحوة

فن صناعة الذكريات مع الأبناء - عبد الله محمد عبد المعطي - دار التوزيع و النشر

مجموعة القراءة لد. طارق السويدان - مجموعة من 4 كتب آخرها كتاب الطفل القارئ

 

و من الكتب اللي عناوينها لفتت انتباهي :

ابنك .. المشكلة و الحل - اسلام عبد التواب - أقلام

أحلى طفولة - السيد ابراهيم - دار الراية

 

و في كتب في التربية كتير، من الكُتَّاب على ما أذكر :

د. ياسر نصر

هالة مصطفى، دار الراية

صلاح عبد الكريم، دار الراية

و في كمان مكتبات بتبيع مقاييس نفسية - اللي هي الاختبارات النفسية لقياس الذكاءات و مختلف المهارات لو حد حب يستخدمها أو عنده فكرة عنها و يقدر يستفيد منها

 

و في كمان كتب بتبقى مجمعة قصص بدون صور بتبقى موجهة للآباء يقرؤها للأطفال

في منها كتاب اسمه جزيرة البنائين

 

وعموماً طول ما انت ماشي في المعرض في مكتبات صغيرة بتبقى واخدة منطقة عرض ممكن يكون عندها ألعاب و وسائل تعليمية و كتب للطفل أو لك كمربي كويسة و أسعارها بتبقى معقولة عن الشركات الكبيرة اللي بتزود فلوس على اسمها مش أكتر

خليك انت المقياس

ابدأ ركز في المجال التربوي و التعليمي و صدقني هتغووووووووص في عالم مليان براءة و لعب و حاجات حلوة كتييييييييير

 

الموسوعة الذهبية للطفل المسلم - للشيخ محمود المصرى

عبارة عن 14 مجلد

هى تعتبر منهج دينى متكامل للطفل .. فقه .. عقيدة .. سيرة ....

 

شركة مكة للبرمجيات عندهم مناهج تعليمية زى منهج اغاريد و منهج جولى فونكس يمكن الاعتماد عليها فى تعليم الطفل منزليا

 

مكتبة النور الاسلامية ايضا فيها حاجات تعليمية كتير كتب و اشرطة و سى دى و ألعاب و كمان كتب عن التربية للكبار

شارك هذه المشاركه


رابط المشاركه
شارك

الله أنا عجبنى العالم ده أوى ^ــ^

ماشاء الله اللهم بارك

يارب يبارك لكل أخت بتتبع النظام ده ويوفق أبنائها ويوفق أبناء المسلمين جميعا

بارك الله فيك حبيبتى وفى جهدك

شارك هذه المشاركه


رابط المشاركه
شارك

بارك الله فيك أم العبادلة

راق لي هذا الموضوع كثيرا

أتابع معك ياغالية

شارك هذه المشاركه


رابط المشاركه
شارك

السلام عليكم

ما رأيكم لو نعمل تجمّعات للأمهات حسب أعمار أطفالهنّ نستفيد من خبرات بعض ونحاول مثلا نضع كل مرة تطبيق أو لعبة أو نشاط ونطبقه على أولادنا ونرى النتائج ونستفيد

أنتظر رأيكنّ ؟ ورأي المشرفات طبعا

شارك هذه المشاركه


رابط المشاركه
شارك

السلام عليكم ورحمة الله وبركاته

@أم عبد الله وخديجة

اقتراحك طيب يا غالية

لو تم فتح عدة مواضيع حسب السن مع وضع نماذج لأنشطة لكل مرحلة أعتقد سيفيد الجميع

بورك فيك أم العبادلة الغالية

شارك هذه المشاركه


رابط المشاركه
شارك

اتباع التعليم المنزلى والتعلم المرن واتباع مدونات الاخوات وصفحتهم على الفيس

 

ولكن مشكلتى الحقيقية او بالاحرى معضلتى

 

هى بالفعل تنظيم جدول التعلم المرن

والمادة العمية المقدمة وما يتناسب مع اعمار اولادى

 

 

 

و البحث جارى :blink:

شارك هذه المشاركه


رابط المشاركه
شارك

@@تبر الجنة

الأخوة والأخوات بجروب "التعليم المرن" بالفيسبوك وجدوا كتاب فيه منهج شامل من الصغر وحتى الجامعة باللغة الانجليزية وقد كونوا فريق لترجمة الكتاب والاضافة عليه مواد مثل اللغة العربية والتربية الاسلامية والتاريخ الاسلامي وغيره

ان رغبتِ في رابط الكتاب اخبريني

 

ايضا تم انشاء خمس جروبات تابعة لذلك الجروب مقسمة على الحسب المراحل العمرية ويحاولوا وضع المواد المناسبة لكل مرحلة عمرية

 

وكذلك هناك مدونة سوبر حوا

فيها ارشادات ويمكنك مراسلة صاحبتها لتقترح عليك المنهج المناسب لعمر طفلك

شارك هذه المشاركه


رابط المشاركه
شارك

@@تبر الجنة

الأخوة والأخوات بجروب "التعليم المرن" بالفيسبوك وجدوا كتاب فيه منهج شامل من الصغر وحتى الجامعة باللغة الانجليزية وقد كونوا فريق لترجمة الكتاب والاضافة عليه مواد مثل اللغة العربية والتربية الاسلامية والتاريخ الاسلامي وغيره

ان رغبتِ في رابط الكتاب اخبريني

 

ايضا تم انشاء خمس جروبات تابعة لذلك الجروب مقسمة على الحسب المراحل العمرية ويحاولوا وضع المواد المناسبة لكل مرحلة عمرية

 

وكذلك هناك مدونة سوبر حوا

فيها ارشادات ويمكنك مراسلة صاحبتها لتقترح عليك المنهج المناسب لعمر طفلك

 

انا مشتركة جديدة فى هذا الجروب الا انى لسه متخبطة

ولكن ادخل لمشاركات اخوة والاخوات المشتركين واستفيد من المدونات ومواقع مختلفة لم اصل بعد لبوست المنهج الشامل

ووقعت على مدونة بنك المعلومات ايضا بستفيد من خبراتها

 

لانه يحكمنى المنهج المدرسى فاقرب واقع ونموذج للطبيق تجربة اختى ام عبد الله محمود

فى مرحلة المدرسة ولى اطفال فى مرحلة البيرسكول

لازلت اجمع مادة التطبيق وطريقة التنفيذ

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×