تربعي على عرش قلبه الجزء الثالث

[عابرة سبيل تنتظر الرحيل 22]

اللهم صل وسلم على محمد وعلى آله وصحبه اجمعين

 

عزيزاتي الحلوات .. نرجع حق موضوعنا مع جلسة جديدة ..

 

جلسة تقبل الاختلافات ..

 

 

 

عزيزاتي ..في هاذي الجلسة .. راح نقتحم عالم الرجال .. عشان نفهمهم اكثر .. و نقدر نتواصل معاهم بحب ومودة ..

 

الرجل يختلف عن المرأة .. اهو مثل الرياح ما تقدرين تتنبأين بأي اتجاه راح يكون اليوم .. و المرأة مثل الامواج مرة هايجة و مرة هادية ..

 

وكل واحد منهم يتوقع من الثاني ان يتواصل معاه بنفس اسلوبه !! وهنا تبدأ المشاكل ..

 

(1)

 

عزيزتي .. طريقة تفكير الرجل تختلف عن المرأة .. الرجل يفكر بعقله .. و المرأة بعواطفها ..

 

الرجل يهتم بـ ( الاشياء ) و المرأة تهتم بـ ( المشاعر ) ..

 

ناخذ مثال ..

 

اذا صادفتك مشكلة .. ولجأتي لزوجك .. راح يتكلم .. و ممكن يقولك انتي السبب لان سويتي جذي(لانك عملت هكذا ) ... وجذي(وهكذا ) .... وانتي راح تعصبين (تغضبين )و تفهمينها ( ان يتفلسف عليك ) و يمكن تعصبين و تقولين انت ما تحس ؟ انت ما عندك قلب ؟! انت كل ضدي ..؟! انت... ؟ وانت ...؟ و تبدأين تهجمين .. و في النهاية تتهاوشون (تتخاصمون ) ؟!! ويمكن يهدج (يتركك )و يطلع !!

 

بس تعالي نحلل الموقف مع بعض .. و نفهم الاختلاف بين الرجل و المراة ..

 

زوجك قاعد يعطيك حلول .. و يفهمك وين الغلط اللي في الموضوع .. هو قاعد يفكر بعقله .. وانتي تبين الاهتمام و المساندة .. لانك تفكرين بقلبك ..

 

وليمن يهدج(وعندما يتركك) و يطلع تعتقدين ان مو مهتم فيك .. لكن هو يعتقد انك نفسه(مثله ) .. تحتاجين ان تقعدين(تبقين ) مع نفسك شوي (قليلا ).. و تراجعين حساباتك !!

 

(2)

 

عزيزتي الرجل يعشق القوة ..والمرأة تعشق الحب ..

 

الرجل يحب الصمت .. و المرأة تحب تتكلم ..

 

ناخذ مثال .. زوجك رجع البيت من الشغل ماله خلق أحد .. حسيتي ان متضايق .. سألتيه ما رد عليك ؟ سألتيه مرة ثانية ما رد عليك ؟ بديتي تلاحقينه وهو مو قاعد يرد ؟ آخر شي يعصب عليك ويحط راسه و ينام .. انتي تفاجأتي بردة فعله .. رديتي عليه بعصبية : انا الغلطانة اللي مهتمة و قاعدة أسألك ؟! تظلين طول اليوم منكدة على نفسك .. و هو يطلع من البيت بدون ما يكلمك .. تتضايقين زيادة و يمكن تخنقك العبرة .. و تكملينها بجي (تبكين ) ..

 

يا الغلا لازم تعرفين ليمن (عندما )تواجه الرجل مشكلة .. يحب ان يكون بروحه(لوحده ) . يحب ان يسكت و يفكر ...المرأة تختلف تحب تتكلم عن مشكلتها ..

 

الرجل ما يحب ان يكون في موضع الضعف .. ما يحب احد ينصحه و يعطيه راييه بدون ما اهو بنفسه يطلب ..

 

(3)

 

الرجل ما يحب الرعاية الزايدة .. ما يحب ان المرأة تخنقه .. المرأة تحب تدلل الرجل و تدلعه بطريقة زايدة عن اللزوم .. لكن ليمن (عندما )تعطيه اهتمام زايد ممكن يرفضه .. و يصير فيها احباط ..

 

ناخذ مثال .. زوجك بيسافر .. تبدأين تسألينه .. متى موعد طيارتك ؟ تذكرتك معاك ؟ معاك فلوس كافية ؟ راح يتضايق و يعصب .. ويقول بس سكتي(اصمتي ) !!!

 

تعتقدين ان ما يستاهل هالاهتمام .. هو يحتاج اهتمامك بس مو بزيادة عن اللزوم ..

 

(4)

 

الرجل يحب ان المرأة تثق فيه .. و المرأة تحب ان يهتم فيها الرجل ..

 

مثال .. رحتوا السوق .. و في الطريق .. حاولتي تدلينه الطريق .. عصب عليك .. و قالك يعني ما أدل ؟!! سكتيي .. ضيعتوا المحل .. لمتيه و قلتي له ما قلت لك مو من هالطريق ؟!! عصب و رجعك البيت ! وما عرفتي ليش عصب ؟!

 

عزيزتي الرجل ما يحب احد يملي عليه .. ما يحب يحس ان ( ما يقدر ) .. لا تحسسينه بهالشي .. خليه يتدبر اموره بنفسه .. متى ما عطيتيه الثقة و ما شكيتي في قدراته .. راح يلبي احتياجاتك و يهتم فيك ..

 

(5)

 

الرجل يحتاج ان تتقبله المرأة .. و المرأة تحتاج ان يفهمها الرجل ..

 

مثال .. زوجك ما يطلعك وكله يطلع مع ربعه(يخرج مع اصدقائه ) .. دايما تقولين له فلانة ريلها (زوجها )كل اسبوع يطلعها .. و فلانة كل جمعه يروحون سينما .. وانت بس مهتم بنفسك .. و ما تطلعنا .. شوف عيالهم شلون مستانسين .. و انا عيالي كله ضايق خلقهم .. تبدين تنتقدينه .. راح يهدج (يتركك )و يمشي و يعطك طاااااف !!

 

بدال ما تلومينه .. قولي له كلام حلو .. تقبلي ان هو طبعه جذي(هكذا ) .. بس مع الطيبة راح يتغير .. مو تحسسينه انك بتغيرينه .. اذا تقبلتيه راح يسمعك .. و يفهم احتياجاتك ..

 

قولي ممكن دقيقة من وقتك حبيبي ؟ بيقولك ايه ؟ قولي حبيبي ادري ودك تستانس (ترغب في ان تستمتع ).. وانا ما راح امنعك .. بس انا وناستي معاك .. شرايك (مارايك )نطلع شوي(قليلا ) .. بعدين روح المكان اللي تبيه (الذي تريد )..

 

اذا ما نفع .. وقت ثاني دزي (ارسلي له )له واحد من اليهال(الاولاد ) اللي لسانه ينقط عسل .. ما راح يقول لا .. لان في الاخير هو اب .. وعنده قلب ..

 

نصيحة ذهبية .. عزيزتي عالم الرجال كبير .. وغامض .. و عشان تفهمين زوجك لازم يكون عندك صبر أيوب .. و ذكاء .. الرجل طفل صغير .. بكلمة حلوة و حيلة صغيرة تكسبينه .. و تخلين الموقف لصالحك .. مو في كل موقف تكشرين عن انيابك .. حللي الموقف .. و استخدمي دهائك .. لانك ببساطة انثى ..

 

انتظروني في جلسات ثانية (منقول)

 

 

[مريم فوزي 1646]

السلام عليكم ورحمة الله وبركاته

 

: )

جزاكِ الله الفردوس و سلمت يداكِ يا حبيبة

واصلي ()

[عابرة سبيل تنتظر الرحيل 22]

السلام عليكم ورحمة الله وبركاته

 

: )

جزاكِ الله الفردوس و سلمت يداكِ يا حبيبة

واصلي ()

وعليكم السلام ورحمة لله وبركاته بارك الله فيك وجزاك الله كل خير

[** الفقيرة الى الله ** 985]

وعليكم السلام ورحمة الله وبركاته

 

معلومات قيمة جدا!

جزاكِ الله خيرا على النقل القيم أخية.

[ساجدة للرحمن 2049]

السلام عليكم ورحمة الله وبركاته

جميل ..ويحدث بالفعل

بروكت يا غالية

وجزيت خيرا : )

[عابرة سبيل تنتظر الرحيل 22]

السلام عليكم ورحمة الله وبركاته

جميل ..ويحدث بالفعل

بروكت يا غالية

وجزيت خيرا : )

و فيك بارك الله

[عابرة سبيل تنتظر الرحيل 22]

السلام عليكم ورحمة الله وبركاته

جميل ..ويحدث بالفعل

بروكت يا غالية

وجزيت خيرا : )

و فيك بارك الله