خلف هذه الجدران

[اعتز بالاسلام 126]

وعليكم السلام ورحمة الله وبركاته

سلمت اناملكِ هوبة الحبيبة على الاحداث الرائعة

[هدوء الفجر 222]

@@هدوء الفجر

 

مريوووومة الحلقات بيكي غير يا قمر تعالي تابعي معانا بئه الحلقات بقت سخنة ملهلبة هههههههههههههههههههههههههه

 

#هدوء الفجر باعتنا في (خلف هذه الجدران ) :D

ههههههههههههههههههههه

 

خالتو هبة قالتلي متتابعيش غير بعد الامتحانات يختي

 

وانا شتووووووووورة وبسمع الكلام :P

 

هههههههههههههههههههه

[ساره أم حمزه 1040]

حلقات جميله ^^

 

وكنت عارفه ان خالد لو راح الفلا هيتعامل بالطريقه دى

وزعلت ان منال ردت على الاستاذه وقالته طلب مرفوض بس الحمد لله امه راحتلها

تم تعديل 8 أبريل, 2014 بواسطة سَارّه مُحَمّد

[سماء الفردوس 305]

ماشاء الله ياهبه حلقات روووووووووووعه وشوقتنى اعرف اللى جاى

 

وعلى حسب توقعاتى الجويه العائليه ان منال مش هتفلت من تحت ايد ام عصام

 

وطارق طبعا دعاء مش هتسيبوا الا لما يعيط زيها ههههههههههههه ويتجوزها ونخلص من النكد

متاااااااااااااااااااااااااااابعه من وراء الحيطه

[رحيق الزهره 2]

ماشاء الله حلقاتك رااااااااائعه

سلمت اناملك حبيبتي

متااااااااااااابعين

[أم عبدالرحمن وجنة 14]

فينك ياهبة؟

[أم عبد الرحمن و لينة 7]

متابعة معك من مدة :)

أقل ما يقال فيكي

كااااتبة مبببببدعة سلمت أناملك

و متابعين

.....

[روضة الجنه 21]

@@هدوء الفجر

 

مريوووومة الحلقات بيكي غير يا قمر تعالي تابعي معانا بئه الحلقات بقت سخنة ملهلبة هههههههههههههههههههههههههه

 

#هدوء الفجر باعتنا في (خلف هذه الجدران ) :D

ههههههههههههههههههههه

 

خالتو هبة قالتلي متتابعيش غير بعد الامتحانات يختي

 

وانا شتووووووووورة وبسمع الكلام :P

 

هههههههههههههههههههه

ما أنا قلتها خلاص #هدوء الفجر باعتنا في (خلف هذه الجدران ) :D

 

يا بنتي ما تسمعيش كلامها دي بتضحك عليكي وعايزاكي تذاكري :)) ولا انتي أصلا مش بتسمعي الكلام وإلا ماكنتيش دخلتي المنتدي ،، يلا يا شاطرة روحي ايه اللي جايبك عندنا :P

[**صفا** 208]

فينك يابوب

[قرانى حياتى 2010 11]

ما شاء الله يا هوبة على الحلقات الدسمة جدااااااااااا

 

ايوه كده يا ستى مش عاوزين الحلقات الى عامله رجيم الى اوقات بتحطهالنا دى هو احنا نقصين الرجيم ورانا فى كل حته حتى واحنا مستمتعين بقراءه قصصك ههههههههههه

 

المهم ياستى

توقعاتى ان احمد ها يتجوز منال ان شاء الله والفرح ده بقى لازم تعزمينا عليه بجد علشان نفسى فى فرح اسلامى بجد بجد

وسعاد دى بقى عاوزه الضرب بالنااااااااااااار اعوذ بالله منها المفروض يطلقها ويخلى اشجان تربيله عياله احسن .......

 

 

وبطلب منك الطلب ده تانى نفسى نفسى نفسى تخلى الحجاب زى ما ربنا امرنا بيه وهوا النقاااااااااااااااااب مش طرحة على الشعر وخلاص يا جميلة يا ريت تردى عليا بقى لانك لما اتكلمتى على الحجاب فى قصصك الى من زماااااااااان دول كنتى بتتكلمى عليه على انه عادرة مش عباده والستات كانت لازم تلبس برقع ؟؟؟؟؟

 

ياريت تردى عليا يا جميلة الجميلات انتى ....... *__^

[**صفا** 208]

فينك يابوب

[هبة عبد العظيم نور 2042]

افندم !!!!!! مش فاهمة , مين حضرتك

 

انا والدة استاذ ماجد

 

هااااااا

 

هههه اتفاجئتي

 

أأأأأ ............. ممممممم أأأأأأأ

 

ههههه طيب هتسمحيلي ادخل يا ترى

 

ايوة طبعا طبعا , اتفضلي يا فندم , اتفضلي

 

 

 

 

 

 

 

 

 

 

 

 

اتفضلي اقعدي يا فندم

 

اشكرك يا حبيبتي

 

حضرتك تشربي ايه

 

ههههه حضرتي مش عايزة اشرب حاجة , حضرتي عايزة تتكلم مع حضرتك شوية , ممكن تقعدي يا منال لو سمحتي ؟

 

ههه تحت امر حضرتك

 

الأمر لله وحده يا بنتي , ممكن وبشكل مباشر وصريح تجاوبيني على سؤالي ؟

 

اأأا اتفضلي حضرتك اسألي

 

انتي رافضة ماجد ابني ليه ؟ وما تنسيش ان طلبت منك الصراحة

 

أأأأ والله يا فندم انا ماليش أي اعتراض على شخص استاذ ماجد , الرفض كان لأسباب خاصة

 

ممم زي ما توقعت بس احب اسمع ايه هي الأسباب الخاصة دي اللي تخليكِ تضيعي اجمل سنين عمرك من غير جواز

 

يا فندم ......... أنا ............

 

سامعاكِ يا منال اتكلمي يا حبيبتي

 

بصراحة مش هقدر اتخلى عن والدي واختي الصغيرة واسيبهم لوحدهم

 

ومين يا بنتي قال انك هتتخلي عنهم ؟

 

السؤال الأصح يا فندم هو مين الراجل اللي هيضحي بجزء من وقته واستقراره عشان يسمحلي اراعي والدي المريض ؟

 

هههه انتِ ليه يا بنتي شايفة الحياة من منظورك انتِ وبس ؟ ليه ما تقوليش انك هتلاقي الزوج الصالح اللي يعاونك ويشاركك في رعاية والدك ؟ انتِ عندك حق في قلقك من الزواج من شخص يمنعك عن والدك لكن ماجد ابني لا , مش ماجد اللي يستاء من رعايتك لوالدك على العكس تماما , لازم تعرفي ان من ضمن الأسباب الرئيسية اللي دفعت ماجد للتقدم لخطبتك هو اعجابه جدا ببرك بوالدك ورعايتك ليه

 

ايوة يا فندم بس .........

 

بس ايه يا منال , كملي

 

انا اقصد اقول ان لو تم الزواج هروح اعيش مع ماجد في بيته وكدة هبعد عن والدي وهيبقى صعب رعايته

 

بصي يا بنتي دي مشكلة مقدور عليها , صحيح ماجد شقته موجودة في منطقة غير اللي والدك عايش فيها لكن نقدر نشتري شقة تانية قريبة من بيت والدك وبكدة تعرفي تراعيه براحتك وبعدين ترجعي بيتك , اظن كدة ما لكيش عندنا أي حجة ههههههه

 

 

ههه

 

اعتبر ابتسامة الحياء الرقيقة دي قبول ؟

 

ههه

 

هههه انا كنت متفائلة وحاسة انك لماجد ابني , انا مضطرة امشي دلوقتي وهخلي ماجد يتصل بوالدك عشان نحدد معاد للتقدم لخطبتك رسمي , عن اذنك حبيبتي

 

طيب حضرتك اقعدي اشربي حاجة , ما يصحش ان حضرتك تمشي على طول كدة

 

هههه يا ستي المناسبات الحلوة جاية اهيه واكيد هشرب المرة الجاية ان شاء الله , سلمي كتير على والدك واختك

 

الله يسلمك , مع السلامة يا فندم

 

الله يسلمك يا حبيبتي

 

 

 

 

 

 

 

 

 

 

 

حمدالله ع السلامة يا ماجد يا حبيبي هههههه

 

الله يسلمك يا ست الحبايب هااااااااا طمنيني عملتي ايييييييييييه

 

عملت ايه !!!!!! ممممم مش فاهمة يا حبيبي ههههه عملت ايه في ايه يا ولد ؟

 

اميييييييييي يا امي اقصد موضوع الأنسة منال

 

ممممم الانسة منال الانسة مناااااال ممممم الانسة منال , هو انا سمعت الاسم ده فين قبل كدة فكرني يا حبيبي هههه

 

 

اميييييييي ارجوكِ ما تلعبيش باعصابي

 

يا عييييييني هههههههه كنت قاعد على اعصابك يا ماجد !!!!!!

 

ممممممم يبقى هي رفضت وحضرتك مش عايزة تقولي في وشي عشان ما تزعلنيش , عن اذنك يا امي داخل اغير هدومي وانام

 

هاااااااا يعني ايه تنام ! مش هتتغدا ولا هتأجل الغدا لحد ما نروح لبيت العروسة وناكل من ايديها ما لذ وطاب هههههه

 

عروسسسسسسسسسسة !!!!!!!!! هههههههههههه منال وافقت ؟؟؟؟؟؟؟؟؟؟؟؟؟

 

هههههه طب بالراحة شوية انت اعصابك مش متحملة , ايوة يا سيدي وافقت بس على شرط

 

شرط ايييييييييييييييه !!!!!! هتوقعي قلبي ليه تاني

 

حبيبي لازم تشوف شقة هناك عند بيت والدها عشان تكون قريبة وتقدر تراعيه

 

هو ده الشرط ؟؟؟؟؟؟؟؟؟؟؟

 

ايوة يا ماجد

 

شرط مقبول وينفذ طبعا هههههههه

 

والله يا ماجد انا يعز علية انك تبعد عني يا حبيبي , انا كنت مرتبة حياتي على انك هتعيش معايا في نفس العمارة وما اتحرمش منك

 

 

يا امي ومين قالك اني هبعد عنك !!!!!!!!

 

يا حبيبي اذا كان اخواتك اللي معايا في نفس العمارة ما بشوفهومش , يبقى هشوفك انت يللي بعيد

 

هههههه طب بكرة تشوفي يا ست الكل , انا مش هتكلم انا هثبت

 

 

 

 

 

 

 

 

 

ترررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررن

 

 

الو

 

ازيك يا اشجان يختي ههههه

 

ثريااااااااااا ههههه عاش من سمع صوتك يختي , اخص عليكِ اني طلبتك مرتين وجوزك قالي مش هنا

 

ايوة ما هو قالي يا اشجان , كنت عند الدكتور والله

 

بعد الشر يا ثريا مالك يختي

 

لا ما تتخضيش ههههه دول العيال , واحد يخف يسلم للتاني وكل يوم اجري بيهم ع الدكاترة

 

سلامتهم الف سلامة , هما العيال كدة هنعملوا ايه , وحشاني والله يا ثريا ونفسي نشوفوكي

 

إيييييييييييه , الله يجازي اللي كان السبب في بعادنا عن بعض يختي

 

اخص عليكِ يا ثريا , بتدعي على جوزي يختي ؟

 

ههههههه ما تتخضيش عليه اوي كدة , وربنا المعبود ما نقصدوه هو , اني نقصد مخفية الاسم سعاد

 

الله يسامحها بقى , هنقولوا ايه , طمنيني عليكِ يا ثريا

 

اني بخير المهم انتِ

 

الحمدلله , ادعيلي انتِ بس

 

ربنا يعلم اني شايلة همك اد ايه يختي , بنقولولك ايه يا اشجان ! ما تيجي يختي تولدي هنا عشان ابقى جنبك

 

ههههه يعني هو انتي فاضيالي يا ثريا !

 

نفضولك نفسي والله , هو اني عندي اغلى منك يختي ؟ , داحنا مالناش الا بعض

 

ما تشليش همي يا ثريا , عادل قالي انه هيجي يقعد معايا بعد الولادة ومش هيمش الا لما ابقى كويسة

 

طيب يختي , واني هنحاول والله في الأجازة اجيب العيال ونيجي نشوفوكِ ونقعدوا معاكِ كام يوم

 

يارييييييييييت هههههه دا يبقى يوم الهنا ياثريا يختي والله

 

تسلميلي يا اشجان , خلي بالك من نفسك يا حبيبتي , ربنا يطمني عليكِ يارب

 

آمين يارب , سلمي ع العيال , مع السلامة يا ثريا

 

الله يسلمك يا اشجان

 

 

 

 

 

 

 

 

 

 

 

 

ترررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررن

 

 

الو

 

مساء الخير , كنت عايزة نكلم حامد مندور

 

مساء النور يا فندم , مين حضرتك

 

وانت مالك انتتتتتتتتتتتتت , اديني حامد مندووووووووووووور

 

طيب يا ست هانم مش نعرف مين حضرتك الاول عشان نقولوله !!!!!!!!!!!

 

انت هتحقق معايا ولا ايه يا جدع انتتتتتتتتتت , بنقولولك اديني حامد مندوووووووووووووور

 

يا حفيظ يارب من دي حورمة , الاستاذ حامد مش هنا

 

اومال فيييييييييييييين

 

والله مش عارف بس جايز تلاقيه في فرع ميامي

 

اووووووووووف , ما تقول كدة من الاول بدل ما انت فاتحلي محضر , وادي السكة مرزوعة في وششششششك

 

 

يا مغيث يا رررررررب , ايه الحورمة دي !!!!!!!

 

 

 

 

 

تررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررن

 

الو

 

انتو هنا فرع مطعم حامد مندور بتاع ميامي ؟

 

ايوة يا مدام , مين حضرتك

 

عايزة حامد مندور

 

الاستاذ حامد ما جاش النهاردة

 

اومال الاقيه فين ؟

 

والله يا هانم ما نعرفوش ممكن يكون فين

 

اوووووووووووف , اديني تليفون بيته

 

اسف والله ممنوع

 

هو ايه اللي ممنوع يا بجم انتتتتتتتتتتتتتتت , اني قريبته وعايزاه ضروري

 

هههه قريبته ازاي ومش معاكِ رقم تليفون بيته

 

اووووووووووووووووووف , اني هنجيب الرقم بمعرفتي من دليل التليفون , دوخة ايه دي بس ياربي

[هبة عبد العظيم نور 2042]

ترررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررن

 

 

ردي ع التليفون يا ضحى ........... يا ضحىىىىىىىىىىىىى انتِ يا بنت , البنت دي ما بتردش لييييييه !!!!!!!!! ضحىىىىىىىىىىى يا بنتي ردي ع التليفون ايدي مشغووووووولة

تررررررررررررررررررررررررررررررررررررررررررررررررررررررررررررن

 

ايوة يا ماما ايووووووة , اسفة والله كنت بنصلي , هنرد ع التليفون اهو , السلام عليكم

 

عليكم السلام ايوة يا حلوة اديني بابا

 

بابا ! مين حضرتك يا طنط

 

ييييييييييييي , اني واحدة عايزاه ضروري

 

مين يا ضحىىىىىى

 

دي واحدة عايزة بابا يا ماما

 

 

واحدة !!!!!!!!! طب هاتي السماعة وروحي انتِ ذاكري يا حبيبتي

 

حاضر يا ماما , اتفضلي

 

السلام عليكم

 

وعليكم السلام , هو انتو هتسلموني لبعض ولا ايه ! فين حااااااااااامد

 

مين حضرتك وعايزة حامد في ايه !!!!!!!!!!

 

اني سعاد مرات عادل سليم

 

سعاد مرات عادل سليم !!!!!!!!!!!!!!!! اهلا وسهلا يا مدام سعاد , طب مش واجب برضو تسلمي على صاحبة البيت الأول واللي اني هنعلموكِ الأصول يا بنت الأصول

 

بنقولولك ايه يا سميرررررة , اني لا متصلة اتجالس ولا اتآنسسسسسس , اني واقعة في مشكلة وعايزة جوزك يتدخل

 

ممممم لحظة واحدة هنصحولك حامد

 

 

 

 

 

 

حاااااااااااااامد يا حاااااااااااامد

 

 

هااااا , ايه يا سميرة , بتصحيني ليه !!!! اني ما صدقت عيني تغفل

 

 

غصب عني والله يا حامد , اصل جالك تليفون ضروري

 

تليفون ضروري ! مين عايزني

 

سعاد مرات عادل سليم

 

مييييييييييييييييين !!!!!!!!!!

 

هههههه ومالك اتنطرت من ع السرير كدة ياراجل

 

 

اتخضيت يا سميرة اتخضييييييييييت , عايزة مني ايه دي !

 

انت بتسألني اني !!!!! هههه روح اسألها هي يا حامد

 

 

طيب اني هنقوم نردوا عليها

 

 

 

السلام عليكم

 

اهئ اهئئئئئئئ وعليكم السلام يا استاذ حامد

 

اهلا يا ام احمد , خير ان شاء الله

 

اهئ اهئ يرضيك عمايل صاحبك دي يا حامد

 

عادل !!!!!!! عمل ايه ,

 

اهئ اهئ يعني انت ما تعرفش انه سايبني لوحدي اني والعيال في الفيلا وقاعد في شقة زيزنيا ؟؟؟؟؟؟؟؟

 

والله ما نعرفوا أي حاجة , انتو زعلانين مع بعض يا ام احمد ؟

 

اهئ اهئئئئئئئ مراته التانية قالباه عليا وع العيال وكرهتوا فينا يا حاااااامد , وروحت عشان نصالحوه في مكتبه قام طردني وبهدلني وكله بسبب مراته التانية اهئ اهئئئئئئ

 

لا حول ولا قوة الا بالله , طيب يا ام احمد , اني ان شاء الله بكرة الصبح هنعدوا عليه في المينا وربنا يصلح ما بينكو ويهدي النفوس

 

اهئ اهئئئئئ امانة عليك ترجعلي جوزي يا حامد اني ما نقدروش نعيشوا من غير عادل اهئ اهئئئئئئ

 

ربنا يصلح الحال يا ام احمد , مع السلامة انتِ دلوقتي

 

 

 

ممممممم كانت عايزاك في ايه الست سعاد

 

ابدا يا سميرة , مشكلة بينها وبين عادل

 

يا حلاوة , وهو من امتى ان شاء الله الواحدة لما تزعل من جوزها تِتًصل باصحابه عشان يصلحوهم !!!!!!!!!!

 

هههه معلش , واضح انها مش لاقية حد توسطه عشان يحل المشكلة

 

 

مممممم طيب يا سيدي , يا حلال المشاكل والعقد انت , ربنا يقدرك على فعل الخير

 

هههههههههههههه الجميل غيران ولا ايه ؟

 

واني هنغيروا من ايه !!!! اني بس مستغربة اتصال سعاد , ارجع كمل نوم يا حامد

 

لالالالا نوم ايه ما طار خلاص , اعمليلي كوباية شيّ , ضحى وامير فين فين ؟

 

 

ضحى بتراجع على جزء القرآن اللي حفظته عشان عندها تسميع بكرة وأمير نَزَل من شوية عشان عنده درس انجليزي

 

ربنا يوفقهم ان شاء الله حبايب ابوهم دول هههههههه

 

ههههه حبايب ابوهم وامهم يا خويا ولا هما ولادك لوحدك !

 

ربنا يخليهم ويحفظهم من كل سوء

 

 

اللهم آمين , وادعي لضحى ربنا يرزقها بالزوج الصالح اللي يسعد قلبها

 

ههههه يا سميرة احنا فين والكلام عن الجواز فين , دي البت لسة في تانية اعدادي

 

يوووووو يا حامد , السنين بتجري زي الهوا هههههه

 

 

 

 

 

 

 

 

 

 

 

 

صباح الخير يا خالتي شوقية

 

صباح النور يا احمد يا ابني , هنحضرولك الفطار اهو على ما تلبس

 

اني ماليش نفس

 

ليه بس كدة يا ابني ! يعني هتروح المدرسة من غير اكل ولا شرب

 

معلش يا خالتي شوقية , اني هنكلم بابا نطمنوا عليه قبل ما ننزلوا

 

ابقى سلم عليه يا سي احمد

 

الله يسلمك

 

 

 

ترررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررن

 

مممممممم مين بيتصل ع الصبح كدة ! الووووو

 

السلام عليكم ازيك يا بابا

 

وعليكم السلام اهلا يا احمد يا حبيبي كويس انك صحيتني , ازيك وازي اخواتك

 

وحشتني يا بابا , البيت من غيرك وحش اوي , عشان خاطري ارجع , عشان خاطري يا بابا , اني ما بقاش لية نفس لاي حاجة في الدنيا , لا عارف نذاكر ولا عارف ننام

 

ههه معلش يا حبيبي , غصب عني والله يا احمد , امك زودتها اوي ولازم تقف عند حدها

 

سامحها يا بابا , امي ما تقصدش , هي اتصرفت غلط , لكن والله ما كانت تقصد حاجة وحشة او اذية , هي بس مش عايزاك تبعد عننا واتهيألها ان اللي بتعمله صح

 

انت اللي بتدافع عنها يا احمد!!!!!!!!!!!!!!!!

 

دي امي , واني بنحبوها مهما عملت وقست عليا , اني ما ليش غيركو في الدنيا ويصعب عليا اوي اني اشوفكو بتبعدوا عن بعض كدة

 

نأجل الكلام يا احمد في الموضوع ده , ايه رأيك يا حبيبي تعدي علية في المينا النهاردة عشان نشوفوك ؟

 

اوي اوي يا بابا , اني والله اللي نفسي نشوفوك

 

طيب يا حبيبي , اني مستنيك يا احمد

 

 

 

 

 

 

 

 

 

ايه يا احمد عامل ايه وازي احوالك

 

عادي , الحمدلله

 

اتصالحت انت واخوك

 

اني عمري ما زعلت منه ولا قلبي شال منه مهما عمل ,هو اللي زعلان وكل ما نرموا عليه السلام ما يردش , الله يهديه

 

معلش , اني عارف ان اني السبب في زعلكو من بعض

 

لا والله يا خالد , ادهم طبعه وحش من غير حاجة , هو اللي على طول يعمل مشاكل ويإما الناس يشجعوه ع الباطل ويقولولوا انت صح يإما ياخدوهم عدوين , وللأسف عشان كدة واخدني من العدوين

 

يا اخي ما تقولش كدة , انتو مهما كان اخوات

 

بنقولولك ايه , اني بابا وحشني اوي , ما تيجي نروح نسلم عليه في مكتبه في المينا ونرجعوا على طول

 

اييييييييييييييييه !!!!!!!!!! لالالالالالالالا يا صاحبي ابعدني عن اهلك خااااااااااالص

 

ههههههههه انت اتعقدت ولا ايه يا خالد ! , على فكرة بابا مش زي ماما ابدا , بابا طيب اوي وانت هتشوف بنفسك

 

لا يا عم مش عايز نشوف هههههه كفاية امك طردتني قدام الناس , عايزني اروح انا وانت عند ابوك عشان يطردني ولا يخلي العتالين يرموني في المالح ؟؟؟؟؟ هههههههه

 

ههههههه طب ايه رأيك بقى هتيجي معايا يعني هتيجي معايا

 

مممممم حظك حلو , النهاردة امي وهيام راحوا يزوروا خالتي ومش هنلاقيهم في البيت , خلاص يا سيدي هنروحوا معاك وامري لله , وربنا يستر بقى هههههه

 

هههههههه طب يلا نتوكل على الله

 

 

 

 

 

 

 

 

 

 

 

 

 

 

 

 

 

عم مووووووووردي ههههههههههههه وحشتني يا عم موردي ازييييك

 

ميييييييين !!!!!!!! اهلا اهلا اهلا الغالي ابن الغالي ههههههههه ازيك يا احمد يا حبيبي والله ليك وحشة يا ابني , اشتقنالك واشتقنا لوشك السمح ده

 

الله يسلمك يا عم موردي ويخليك يارب , ده خالد صاحبي

 

اهلا وسهلا يا ابني ازيك

 

الله يسلمك يا عم موردي

 

عم موردي كنت عايز نقابل بابا

 

حاضر يا ابني , هندخلوا نقولوله انك موجود

 

 

يا عادل بيييييييييه احمد ابن حضرتك برا ومعاه واحد صاحبه

 

احمممممممممممممممممممممممد ههههههههه خليه يدخل هو وصاحبه

 

 

 

اتفضلوا يا ولاد عادل بيه مستنيكو

 

 

 

السلام علييييييييييكم ازيك يا باباااااااااااااا هههههههه

 

 

اهلا اهلا اهلا وعليكم السلاااااااااااااااااام ههههههه بالحضن يا حبيبي وحشتني يا احمد وحشتنيييييييييييييييييي

 

 

ياااااااااااااااااااااااه كان واحشني حضنك اوي يا بابا

 

انت اللي واحشني يا حبيبي والله , مش تعرفني على صاحبك اللي واقف مكسوف على جنب ده ؟ ههههههه تعالى يا ابني واقف بعيد ليه ؟

 

 

هههه تعالي يا خالد , دا خالد صاحبي يا بابا

 

اهلا يا ابني اهلا وسهلا نورت المكتب اتفضل اقعد

 

 

ربنا يخليك يا عمي

 

انت مع احمد في المدرسة

 

ايوة اني معاه من اول ما دخلنا اعدادي يعنى بقالنا تلات سنين اصحاب

 

خالد ده يا بابا اقرب واحد ليا وما بنرتحوش لحد غيره

 

 

ربنا يديم المعروف بينكو وتفضلوا اصحاب طول عمركو ,والدك بيشتغل ايه يا خالد يا ابني

 

اني والدي متوفي من زمان اوي

 

ياااااااه ! الله يرحمه يا ابني , اعتبرني بداله ولو عوزت اي حاجة اني تحت امرك , اني بنتكلم جد والله يا ابني

 

 

ربنا يخليك يا عمي , صادق والله

 

 

 

اني هنقوم نقولوا للمحاسب حاجة وهخلي موردي يجيبلكو اتنين ازوزة , عن اذنكو يا ولاد

 

اتفضل يا عمي , هو ده ابوك يا احمد ؟

 

ههههه اومال يعني سالفه يا جدع انت !!!!!!!!!!

 

 

سبحان الله ! هو اتجوز امك ازاي ! هههه

 

هههههههه فين امي كانت سمعتك وعملتك كفتة دلوقتي ههههههه

 

ههههههه لا يا عم ربنا يكفينا شر زعلها

 

 

 

ازيك يا موردي

 

اهلا حامد بيه هههههه ازيك وازي احوالك

 

ربنا يكرمك يا موردي , عادل جوا ؟

 

راح مكتب المحاسب وجي على طول , ابنه احمد وصاحبه جوا , اتفضل

 

 

طيب , بعد اذنك

 

 

 

السلاام عليكم ازيك يا احمد يا ابني

 

اهلا وعليكم السلام ههههههه ازيك يا عم حامد اخبارك ايه

 

ههههه ماشاء الله يا احمد كبرت اهو وطولت اوي وصوتك ابتدا يتخن

 

ههههههه ماحدش بيفضل صغير يا عمي حامد

 

ربنا يكرمك يا ابني ويحققلك امالك , مش تعرفني على صاحبك

 

ايوة دا خالد صاحبي الوحيد وحبيبي

 

ازيك يا خالد يا ابني

 

هههه الله يسلمك يا عم حامد

 

 

 

الله !!!!!!!! الحبايب كلهم اتجمعوا مرة واحدة ! ههههه ازيك يا حاااااااامد

 

اهلا يا سيدي , ازيك يا عادل اخبارك ايه

 

زي الفل الحمدلله

 

كنت عايزك في موضوع على انفراد

 

لا بنقولولك ايه , اني جعان وهاخد احمد وصاحبه وهنروح أي مطعم عشان نتغدوا

 

 

لالالالالا يا عمي اني همشي

 

لا والله يا خالد , دي اول مرة نشوفوك ولازم نقوموا معاك بالواجب

 

لا معلش , اصل اني لازم امشي

 

جرا ايه يا احمد , ما تقول حاجة لصاحبك

 

هو هيجي معانا يا بابا عشان عارف اني هنزعل مني لو كسفني

 

ههههه واني ما نقدروش نكسفوك يا احمد

 

 

طيب خير هههه , يلا يا ولاد , يلا يا حامد عشان تروح تتغدا معانا اني عازمك بس في مطعم غير بتوعك ههههههه

 

نعم يا خويا , نروحوا نتغدوا معاك في مطعم واني عندي ست فروع مطاعم في اسكندرية !!!!!!!!!!!

 

هههههههه يا عم ربنا يزيدك ويوسع عليك , بس اني ما نقدروش نروحوا نتغدوا عندك عشان انت مش هترضى تاخد الحساب

 

هههههههه ومين قالك مش هناخدوه ههههههه هناخدوه من حبابي عنيك هههه نتكلم بعدين في موضوع الحساب يلا بينا

 

ههههههه , يلا يا ولاد

 

خد انت ابنك وصاحبه في عربيتك واني هسبقكو بعربيتي على فرع سان ستيفانو

 

ماشي يا سيدي

 

 

 

 

 

 

 

منورين المطعم يا جماعة ,

 

الله يخليك يا عم حامد

 

 

انت وخالد يا احمد اقعدوا على الطرابيزة اللي هناك دي وخدوا راحتكو , واني وابوك هنقعدوا هنا عشان عايز نتكلم معاه في موضوع

 

 

ماشي يا عم حامد , تعالى يا خالد نقعدوا هناك

 

 

ماشي يا سيدي ههههه مطعم فخم اوي ماشاء الله

 

 

يا جماااااااااااااال

 

نعم يا استاذ حامد

 

احلى سمك وجمبري واستاكوزا ينزلوا على طرابيزة الاستاذ احمد وصاحبه اللي هناك دول , واحنا استنى علينا شوية

 

حاضر يا استاذ حامد

 

ههههه حرا ايه يا حاااااااامد اني جعان والله , يستنى علينا شوية ده اييييييييه

 

هههه ما تخافش يا عادل هنغدوك والله , بس عايز نتكلم معاك في موضوع ضروري الاول

 

خير يا حامد

 

 

انت بقى هتفضل سايب بيتك لحد امتى

 

افندممممممم !!!!!!! هو احمد حكالك على حاجة

 

لالالالالالا احمد ماقالش أي حاجة , ام احمد اتصلت عندي في البيت وهي بتعيط والله وبتقول انك سايب البيت ومش عايز ترجع

 

هنقولولك ايه بس يا حامد ! الست هانم ماشيالي في سكة الاسحار والأعمال عشان نطلقوا اشجان

 

معقوووووووول !!!!!!!!! اسحار واعمال !!!!!!! بس ده شرك بالله

 

ودي تعرف منين !!!!!!!!! دي ما تعرفش في دنيتها غير الانانية وان ماحدش ياخد منها حاجة

 

لا حول ولا قوة الا بالله , هي طبعا غلطت لكن برضو انت غلطت انك سيبت البيت

 

يا حااااااااامد البني ادمة اللي زي دي يتعاش معاها ازاااااااااي , اديلها الامان ازاي واكل من ايدها لقمة ازااااااااااي , اني خلاص فقدت ثقتي فيها

 

طب بس اهدا , بدل ما تبعد عنها , عرفها الطريق الصح يا عادل , ايه رأيك تفهمها بالراحة ان اللي عملته حرام وما يرضيش ربنا وانك تاخدها وتطلعوا تحجوا السنة دي

 

ههههههههه هي مين دي اللي تحج !!!!!!!!!!! وبعدين انت بتقول ايه ! يعني تعمل البلاوي دي كلها وبدل ما نعاقبوها نطلعوها تحج ونكافئوهاااااا !!!!!!!!!!! ياراجل قول كلام معقول

 

طب بس جرب بالله عليك , والله يا عادل هو سوء اختيارك من الاول لكن انتوا دلوقتي عندكو عيال وكبروا ماشاء الله , يعني تحاول تصلح عشان خاطر عيالك

 

عيالي ما فيهومش الا احمد , اما ادهم وأوسا فشاربين طبعها واخلاقهم لا تسر عدو ولا حبيب

 

يا اخي معلش , انت برضو مسؤول عنهم وبعدك مش هيحل المشكلة , اوعدني تروح بيتك النهاردة

 

والله ما طايقها يا حامد , مش طايق نبصوا في وشها

 

معلش , عشان خاطر احمد يا ابو احمد هههههه

 

والله احمد هو اللي بيهون علية العيشة وسطيهم , خلاص يا حامد , ربنا يقدم ما فيه الخير , لكن خلاص قلبي اتقفل من ناحية سعاد وهي السبب

 

 

بس يا راجل ما تقولش كدة , دي مهما كان ام احمد ولا نسيت وعايز نفكروك ؟ ههههههههههههههههههه

 

هههههههههههههههههه نعملوا ايه , ما انت صاحب زي قلتك وسيبتني اقع على بوزي هههههههههههههه

 

ههههه كل شيء مقدر ومكتوب يا عادل , بنقولولك ايه , اني عازمك بكرة انت وام احمد والولاد ع الغدا

 

ايوة بس !

 

ولا بس ولا غير بس , اني هستناك وأهي فرصة الحريم يقعدوا مع بعض

 

يعني انت شايف مراتي بتطيق مراتك اوي !!!!! هههههههه

 

هههههههه والله من القلب للقلب ومراتي بتبادلها نفس الشعور , بس اني بقول يمكن تبقى فرصة النفوس تتصافى وسميرة تحاول تغير من طبع سعاد

 

ههههههههه والله اني نخاف لبعد زيارة سعاد تبص تلاقي مراتك تاني يوم عاملالك سحر ههههههههههه

 

ههههههههههههههههههههههههههه لا يا سيدي ما تخافش , مراتي عارفة ان ده شرك بالله هات الغدا هنا يا جمااااااااااااااال

 

حاضر يا حامد بيييييييه

[هبة عبد العظيم نور 2042]

ااااااااه ياني اااااااااااه يا تعبانة يااااااااااني , اقف هنا يا اسطى

حاضر يا حاجة

 

اتفضل اجرتك واتكل على الله شوف اكل عيشك

 

متشكرين يا حاجة , اي خدمة

 

هي دي العمارة اللي فيها حسين ابني ولا مش هي ؟ الواحد عنيه مزغللة , اه والله باين عليها هي , فين البواب , انت يا بوووووووووووووواب يا بوااااااااااااااااااااب هو كان اسمه ايه ؟ والله نسيت , يا بوووووووووووووووووووووووواب

 

 

 

شوفي مين بينادي علية يا فهيمة ومش هاين عليه يسيبني أكل لقمة مع العيااااااال

 

 

حاضر يا عواد

 

 

يا بووووووووووووووووووووووووووووووووواب , هو ما بيردش ليه الراجل ده !!!!!!!!!!!!!

 

 

ايوة ايوة مين بينادي

 

 

ايه ده هو البواب مال صوته قلب حريمي كدة , انت البواب يا ابني ؟؟؟؟؟؟؟

 

لا انا فهيمة مراته , اهلا وسهلا يا حاجة ام حسين

 

انتي عارفاني ؟

 

هههه ايوة طبعا , حضرتك حمات مدام بهيرة

 

طب اطلعي اندهيهالي عشان تطلعني

 

تطلعك !!!!!!!! طب ما تطلعي في الاسانسير يا حاجة , ايه لزوم نزول مدام بهيرة

 

لا ما بحبش الاسانسير وتعبانة ومش قادرة اطلع لوحدي وعايزة مرات ابني اسند عليها , اومال يعني انا مجوزاها ابني ليه

 

ايوة طبعا , عندك حق يا حاجة , من عنيا , اتفضلي حضرتك اقعدي ع الكرسي ده على ما اطلع ابلغ مدام بهيرة , الحمدلله ما قالتليش اسند عليكِ انتِ , الواحد ما فهوش حيل

 

 

 

 

 

 

 

 

 

 

يا سميييييييييييين يلا مين الأمورة اللي هتستحمى عشان تقابل بابا نضيييييييييييفة ؟؟؟؟؟؟؟؟؟؟؟؟

 

 

مس انااااااااا

 

لا انتتتتتتتتتتتتِ تعالي هنا يا بنت يا بنتتتتتتتتتتتتت , انا عمري ما شوفت حد بيكره الحموم زيك يا ياسميييييين , مش عارفة ايه العداوة اللي بينك وبين الصابون دي ! , مش هسيبك , تعالي هنااااااا

 

 

لالالالالالالالالالالالالالالالالالالا

 

 

هتستحمي يعني هتستحمييييييييييييييي , يا بنتي ما تجرنيش وراكِ بالليفففففففففة

 

 

ترررررررررررررررررررررررررررررررررن ترررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررن

 

 

 

ميييييييييييين

 

افتحي يا مدام بهيرررررررررررررة انا فهيييييييييييمة

 

فهيمة !!!!!!!!! اهلا يا فهيمة خير

 

هههههه ايه اللي ماسكاه في ايدك ده !

 

دي ليفة , تعالي استحمي بدل ياسمين

 

شكرا يا مدام بهيرة لسة مستحمية وحميت العيال

 

عقبال ياسمين بنتي , خير يا فهيمة

 

 

حماتك مستنياكِ تحت

 

مييييييييييييييين !!!!!!!!!!!!!!! ليييييييييييه !!!!!!!!!!! دي لسة ماشية ما بقالهاش كام يووووووووم , طب وما طلعتش ليه , هي مكسوفة !!!!!!!!!!!!!

 

ههههه لالالالالا تعبانة وقالتلي هاتيلي بهيرة من فوق عشان اسند عليها

 

نعممممممممممممم, تسند على مييييييين , دانا عايزة اللي يسندني اهئ اهئئئئئئئئئئ

 

خلاص يا ست بهيرة انا هنزل اقولها انك تعبانة

 

تقوليلها ايه يختي !!!!!!!! انتي عايزاها تعلن الحرب العالمية التاتة علية !!!!!!!! انا نازلة

 

 

طب سيبي الليفة يا ست بهيرررررررررة

 

 

 

 

 

 

 

 

 

 

 

 

 

 

اهلا اهلا اهلا يا نييييييييينة اهلا اهلا ايه النور ده

 

ازيك يا بهيرة ااااااااااه ياني . نزلالي بالليفة يعني ! عايزة تفهيمي انك نضيفة وبتستحمي !!!!!!!!

 

لا العفو يا نينة , انا كنت هحمي ياسمين

 

, شايفة ايه الكيس اللي في ايدي ده يا بهيرة يا مرات ابني ؟؟؟؟؟؟؟؟؟

 

اه شايفاه , ماله يا نينة

 

دا الكيس اللي في العلاج اللي كتبهولي الدكتوووووور ااااااه ياني , خرجت من عند الدكتور وعديت ع الاجزخانة جبت الدوا وخدت تاكس وجيت على هنا على طول عشان تعمليلي فرخاية على شوية شوربة يرومّوا عضمي ويقووني اااااااااه ياني

 

 

 

فرخة على شوية شوربة ! سلامتك يا نيييييييينة , من عنيا يا نينة , احنا ما فيش اكتر من الفراخ عندنا , دا حتى بتاع الفراخ لما بيتعذر في فرخة لزبون بيجي ياخدها من عندنا

 

ايوة , انا عارفة ان لحم كتافك من خير حسين ابني , ااااااه ياني , قوميني عشان اسند عليكِ

 

يا نينة اقومك وماله , بس الله يخليكِ نطلع في الاسانسير

 

لالالالالالالا قولتلك ما بحبوش البتاع دددددددددددددددددددددددده

 

يا نينة بصراحة انا مش بعرف اطلع الا في الاسانسير

 

ايوة يختي اصل ابوكي كان مركبّه في سرايته !!!!!!! ال ما بتعرفش تطلع من غير الاسانسير ااااااال , بإمارة اييييييه , دانتو كنتو عايشين في بيت مهكع وحيطانه مشققققققققة , دا لو اتنين وقفوا قصاد بعض وعطسوا في وش بيتكو كان يبقى كوم تراااااااااااب , هو انتي شوفتي الاسانسيرات الا على ايدين حسين ابنننننننننني !!!!!!!! ال على رأي المثل , امتى طلعت القصر قال امبارح العصرررررررر

 

 

خلاص يا نينة خلااااااااااص , كل ده عشان قولت ما بعرفش اطلع من غير اسانسيررررر !!!!!!!! يلا يا نبنة يلا عشان سايبة ياسمين لوحدها لحسن تستغل غيابي وتعمل كارثة ودي ما بتصدق اغفل عنها

 

اااااااااه هاتي ايدك يا بهيرة

 

اهئ اهئ خدي يا نينة , يلا قومي ,

 

اااااااااااه وادي قومة ااااااااه يا ركبي اه يا رجليييييييييي ااااااااااه يا كلّي ااااااااه يا اني , اوعى اما اسند على كتفك

 

اهئ اهئئئئئئئئ ااااااااه يا كتفي ياني اهئ اهئئئئئئئئئئئئئئئئئئئئئئئئئئ

 

 

يا عيني يا ست بهيرة ! الله يكون في عونك , دي حماتها تخينة اوي

 

 

 

ااااااااااااه السلالم ضلمة كدة ليييييييه , مش هاين عليهم يركبوا لمببببببببة ااااااااااه يا ركبي

 

معلش يا نينة , حقك عليا انا اااااااااااااه يا كتفيييييييي هيطلعلي اتَبّ اهئ اهئئئئئئئ

 

طب كنا خدنا شمعة من مرات البواااااااااب

 

يا نينة هو انا هسندك ولا همسك شمعععععععة , وبعدين نورك كفااااااااااااية

 

 

اااااااااه احنا بقينا في الدور الكام يا بهيرة

 

احنا لسة في الأول يا نينة اهئ اهئئئئئئئئئئئئئئ

 

اااااااااه لسة في الأول , انتو السلالم عندكو كتيرة كدة ليييييييه ااااااااااه يانييييييي

 

 

اهئ اهئئئئئئئئ اه يا كتفي يا ني اهئ اهئئئئئئئئ

 

 

 

 

 

ياااااااااااااااااااااااااااااااااااااااااااااااه اخيرا وصلنا بعد رحلة العذاب اللي قضيتها ع السلالم اااااه يا كتفي , اتفضلي يا نينة , نورتي والله نورتيييييييييييي

 

ااااااااااه نورك يا بهيرة , شنطة العلاج فين ؟؟؟؟؟؟؟؟؟ يادي الخيبة لكون نسيتها في التاكس , اروح فين واجي منين دلوقتي , اجيب التاكسي منيييييييييين , دانا جايبة شنطة العلاج دي بخمسة واربعين جنيييييييه اقوم انساها في التاكس , انا طول عمري خايبة , طول عمري مش واعية لروحيييييييي , شنطة العلاج ضاعت وفيها الروجيتة يا بهيييييييييييييييرة

 

في ايه يا نينة , شنطة علاج ايه اللي ضاعت , ما هي في ايدك اهيه

 

اه والله صحيح , مش واخدة بالي

 

 

 

تيييييييييييييتة تيييييييييييييييييتة

 

اهلا يا ياسمين يا حلوة

 

كبتيلي سكولاتة ؟؟؟؟؟؟؟؟؟؟؟؟؟؟؟؟؟؟؟؟ هاتي السكولاتة هااااااااااااااااااااتي من تي هاااااااااااااتي

 

 

شيكولاتة ايه يا بت بلا شيكولاتة , انا دافعة خمسة واربعين جنيه علاج وكمان اجيب شيكولاتة !

 

معلش يا نينة , اصلها افتكرت ان الكيس اللي معاكِ فيه علب شيكولاتة دي مش شكولاتة يا ياسمييييييين دا علاج تيتتتتتتتتتتتة عشان جاية تتعالج عندنا , نورتي مستشفى حسين التخصصي يا نينة

 

منورة بيكِ يختي , فين الفراااااااااااخ , عايزة اتقوى عشان اصلب طووووووووووووووولي انا داخلة ارتاح في اوضتي

 

حاضر يا نينة , اجيبلها فراخ منين دي دلوقتي !!!!!!!! لو قولت ما فيش هتقولي اشتري ولو قولت ما معيش فلوس هتقول مستخسرة فيا حتة فرخة

 

 

 

ترررررررررررررررررررررررررررررررررررن ترررررررررررررررررررررررررررررررررررررررن

 

 

مييييييييييييييييييييييين

 

اني اشجان يا بهيرة افتحي

 

اشجان حبيبتي اهئ اهئئئئئئ وحشتيني يا اختي

 

ههههه هو اني لحقت اوحشك , ما احنا كنا مع بعض الصبح , هو انتِ عندك حد ولا ايه ؟

 

دي حماتي , ما تاخديهاش عندك ينوبك ثواب واديكي عليها ياسمين هدية ؟

 

ههههههههههههههههههه لا يختي خليهالك , اصل اني قولت نخبط نسألك على حبة ملح لحسن خَلَص

 

من عنيا يا اختي , ادخلي على ما اجيبلك من المطبخ

 

بسرعة بالله عليكِ يا بهيرة عشان اني كنت ناوية ندخلولك من الطبيخ اللي عندي , اصل اني عملت حسابك معايا

 

عملتي حسابي في ايه , خدي الملح اهو

 

ههه اصل اني عملت صنية بطاطس بالفراخ , عملت فرختين وقولت اديكي واحدة

 

لالالالالالالالا الله يخليكِ بالهنا والشفا انتِ , انا عندي غدا

 

اخص عليكِ يا بهيرة ! طب داني عاملة حسابك تقومي تكسفيني كدة !!!!!!

 

يا اختي ما هو مش كل يوم والتاني تجبيلي اشكال والوان

 

ما فيش فرق بينا يا بهيرة واني ما بنقدروش ناكلوا حاجة من غيرك

 

هههههه بتحرجيني والله يا اختي , ماشي يا ستي مع ان عندي غدا بس مش هكسفك

 

ايوة كدة تبقي اختي حبيبتي هههههه عشر دقايق ونجيبوا الغدا

 

ياااااااااااااااه , زي ما يكون ربنا نجدني بأشجان , احنا اخر الشهر وحسين ما معهوش يجيب فراخ لامه

 

 

 

 

 

 

 

مين يا بهييييييييييييييييييرة

 

دي الست بتاعة الفراخ يا نينننننننننننة

 

قوليلها تتوصى وتجيب الفراخ كبيررررررررررررررررررررة

 

حاضر يا نينة , هتجيبلك فرخة كان اصلها ديناصور وكشت شوية

 

 

اااااااااه ياني السرير بتاع اوضة الضيوف ده مش مريح ابداااااااااا , حقيقي الواحد ما بيرتاحش غير في سرير ابنه , انا هروح انام في اوضة حسين على ما يجي

 

طب ما تقعدي تشربي شاي يا نينة , النوم الكتير يسهرك بالليل

 

طب وانتِ مالك النوم الكتير يسهرني ولا ما يسهرنيش ! ولا انتِ خايفة اقولك اقعدي معايا وسليني وادعكيلي ركبي بالمرهم على ما النهار يطلع زي كل مرة

 

يا نينة انا عنيا ليكِ يا نينة , هو انا عندي كام حماة عشان اشيلها في عنيااااااااااااااااااا

 

طيب اعمليلي كوباية شاي على ما تحضري الغدا

 

حاضر يا نينة

 

 

تررررررررررررررررررررررررررررررررررررن ترررررررررررررررررررررررررررررررررررررررررررررررررن

 

افتحي الباب يا بهيييييييييييييييرة

 

 

حاضر يا نيننننننننننننننة جاية اهوووووووووووو , وبعدين بقى , هو ماحدش ساكن في العمارة غيري ولا ايه ؟؟؟؟؟؟ ميييييييييييييييييييييين

 

انا ام عصام يا بهيرة يا بنتي افتحي

 

الحاجة ام عصااااااااااااااام هههههه اهلا اهلا يا حاجة اتفضلي

 

هههه معلش يا حبيبتي ما فيش وقت , انا بس جيت عشان ادي العروسة لياسمين

 

معقول ! ههههههه والله تعبتي نفسك يا حاجة , بس دي باين عليها عروسة غالية اوي , مالكيش حق والله

 

ما تغلاش على ياسمين والله , انا قولت لماجد هات اجمل عروسة لياسمين حبيبتي

 

هههه ربنا ما يحرمناش منك يارب ياحاجة

 

طب ناديلي ياسمين بقى على ما اطلع العروسة من العلبة عشان تفرح بيها هههههه

 

هههه حاضر هناديهالك , ياسمييييييييين

 

ايييييه يا ماما

 

في حاجة اسمها ايه يا ماما ! انا مش علمتك في درس الاتيكيت العائلي اللي اديتهولك امبارح انك لما تردي علية تقولي نعم يا ماما !

 

نحم يا مامااااااااااا

 

تعالي شوفي تيتة ام عصام جابتلك اييييييييييه ههههههه

 

لوسسسسسسسسسسسة هيييييييه هيييييييييه ههههه

 

هههههههههههه يا حبيبة قلبي دي بتتنطط من الفرحة ههههه , عجبتك يا ياسمين ؟

 

مممممممممم

 

لما حد يجيبلنا حاجة نقوله ايه يا ياسمين

 

سوكلا

 

ههههه العفو يا حبيبتي

 

مين يا بهيييييييييييييييييييرة

 

ايه ده , هو حد عندك

 

دي حماتي , دي الحاجة ام عصام يا نينننننننننننننننة

 

ازيك يا حاجة ام حسيييييييييييين

 

الله يسلمك يا حبيتي , معلش ركبي وجعاني مش قادرة اقوم اسلم عليكِ

 

هههههه لا ولا يهمك يا حاجة , ازي صحتك

 

تعبانة والله , لسة راجعة من عند الدكتور واداني علاج اد كدة

 

ربنا يشفيكِ يا حاجة ام حسين , ما تتطلعي تشرفينا شوية

 

نجيلك في الفرح يا ام عصام

 

الله يخليكِ يا حاجة يا ام حسين , مش تباركيلي يا بهيرة ههههه مش ماجد لقى عروسة بنت حلال ومؤدبة ومتدينة وهنروح نجيب الشبكة بعد بكرة

 

والله !!!!!! ههههههه ماشاء الله , ربنا يتمم بخير يارب , شكل العروسة عاجباكِ ياحاجة , اول مرة اشوفك فرحانة كدة

 

انا فرحانة بالتزامها واخلاقها والله يا بهيرة , بنت حتة سكرة اسمها منال , بعدين بقى لما اقعد معاكِ على رواقة ابقى احكيلك , هروح اخبط على اشجان اسلم عليها بالمرة

 

طيب يا حاجة , ربنا ما يحرمناش منك ولا من سؤالك ولا من طيبة قلبك

 

 

الله يخليكِ يا بنتي

 

 

 

 

ترررررررررررررررررررررررررررررن تررررررررررررررررررررررررررررررررررررررررررررررررن

 

افتحي يا اشجان انا ام عصام

 

الحاجة ام عصاااااااااام , ايه النور والهنا ده كله , اتفضلي يا حاجة ههههه

 

هههه يزيد فضلك يا حبيبتي , انا بس قولت اسلم عليكِ ع السريع كدة

 

طب ادخلي يا حاجة , ادخلي والله اتغدي معايا

 

لا يا حبيبتي بالهنا والشفا انتي , لما تلاقي نفسك فاضية اطلعي اقعدي معايا شوية

 

والله بنخاف نطلع يكونوا ولادك فوق

 

ههههه لا ياستي كلها شهر وهقعد لوحدي خالص وماجد كمان هيروح بيته , هيتجوز قريب ان شاء الله

 

ماشاء الله ربنا يتمم بخير يارب يا حاجة

 

تعيشي يا حبيبتي , انتِ مش عايزة حاجة يا اشجان ؟ ما تتكسفيش حبيبتي انا زي مامتك

 

هههه والله ربنا يعلم انك في غلاوة امي , تسلمي يارب , اعوزك طيبة وبخير

 

طيب يا حبيبتي , السلام عليكم

 

وعليكم السلام ورحمة الله

 

 

 

 

 

ترررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررن

 

 

 

دا تلاقيه سونسوووووووووووووون ههههههه هيفرح اوي لما يعرف امه هنا

 

 

 

السلام عليكم

 

سونسوووووووووووووووون هههههههههههه حبيبي ليك عندي مفاجأة ولا كل المفاجآآآآآآآآآآآآآآآآت امك هنا امك هناااااااااا امك هنا يا سونسوووووووووووون هههههههههههه انا مش قادرة اتحمل من السعادة , حاسة اني عايزة اسيبكو وانزل اجري في الشارع زي المجنونة من فرحتييييييييييييي يادي الهنا يا دي الهنااااااا حماتي شرفت عندنااااااااااااااا

 

هههههههه امي !!!!!!!!! يا حبيبتي يا امي , وحشتني وحشتني بجد

 

ايوة يا حبيبي ليك حق ما هي بقالها تلات تيام ماشية وسابت فراغ في حياتنا وجت تسده

 

يا حبيبتي يا بهيرة ! للدرجة دي فرحانة بوجود امي

 

اومال فرحانة بوجود امي انا !!!!!!!!!!!!!!!!!! هي في واحدة في الدنيا حماتها تجيلها تسع مرات في الاسبوع وما تفرحش يا حسسسسسسسسسسسين , دا حتى يبقى جحود وكفر بالنعمة

 

هههه انتي حبيبتي يا ام ياسمين , كل يوم حبي ليكِ بيزيد بسبب حبك لامي ومعاملتك الطيبة ليها وتحملك منها مهما عملت

 

مهما عملت ! اخص عليك يا حسين ! وهي امك بتعمل ايه زيادة عن اللي بيعملوه الحموات ربنا يديهم الصحة ويقدرهم على فعل الخير

 

هههه تسلميلي يا ام ياسمين يا غالية , خدي يا حبيبتي الفرختين دول

 

فرختيييييين !!!!!!!!! ماشاء الله !!!!!!!! لقيتهم فين دول يا حسين ؟

 

ههههههه لقيتهم ازاي يعني ! انا اشتريتهم

 

منين يا حسيييييييييين !!!!!!!! اوعى تكون استغفر الله العظيم قتلت الناظر وسرقت خزنة المدرسة ؟؟؟؟؟؟

 

ههههههه هي المدرسة فيها خزنة ولا المدرسين لاقين فلوس , لا يا ستي دا كان مبلغ واحد صاحبي سالفه من قبل ما اتجوزك ولما ربنا كرمه وسافر برا وظروفه اتحسنت جه يرده

 

يا سلام !!!!!!!! سبحان الله , من قبل جوزانا ولسة فاكر الدين ! اوعى تكون طلبته منه يا حسين ولا حاجة ؟

 

لا والله انا عمري ما طالبته بيه , لقيته جاي النهاردة سلم عليه وجابه , عديت جبت الفرختين دول وقولت اديكي الباقي تشليه

 

هو باقي كتير يا سونسون يا حبيبي ؟

 

ايوة فاضل حوالي خمستاشر جنيه هههههه

 

ماشاء الله احنا كدة هنلعب بالفلوس لعب , انا اخاف اشيل مبلغ كبير زي ده عندي لحسن الحرامية يشموا خبر ويعملوا علينا سطو مسلحححححححححححح

 

لا ما تخافيش , ماحدش غيرك يعرف ان المبلغ ده معايا , ابقي شيليه لجهاز ياسمين هههه

 

اه وماله يا حسين , نبقى نجيبلها بيه الغسالة , تعيش وتتريئ يا حبيبي

 

 

 

 

 

 

منوراني يا امي والله هههههههه

 

الله يخليك يا حسين , بهيرررررررة قومي اعمليلي كوباية عصير

 

دي نايمة ع الكرسي يا امي , باين عليها تعبت اوي

 

ياخويا تعبت في ايه , بهييييييييييييييرة

 

ها هااا مين ايه فين , النمرة غلط

 

ههههههه ايه يا بهيرة روحتي في النوم وانتِ قاعدة ع الكرسي

 

لالالا انا صاحية اهو يا اشجان

 

هههههه يا حبيبتي اشجان مين ! انا حسين

 

حسين ! ومين اللي جابك هنا ! انا قاعدة لوحدي اخرج برا لخلي اخويا يقطعككككككككككككك

 

ههههه لالالالالالالا دانتي نايمة خالص , عن اذنك يا امي هسندها وادخلها تنام

 

تسندها !!!!!!!!! اااااااااه يا قلبي يا كتاكت ياما انت شايف من عمايل ابني مع مراته وسااااااااااااااكت , اسندها يا حنييييييييين ! يا دي الفرسة يا اخواتي , هو انا جاية اتعالج ولا اتفرسسسسس

 

 

 

 

 

 

 

 

تصبحي على خير يا بهيرة

 

 

انت مين ؟

هههههه انا سونسون

 

وانتِ من اهله يا سوسن ابقي تعالي يا اختي

 

ههههه سوسن مين بس ! استني اغطيكِ واخرج لامي , بوسة على جبينك اهو يا ست الكل يا غالية انتِ امووووووه

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

ست سعاااااااااااااد ههههههههه عادل بيه رجع يا ست سعاااااااااااااااااد

 

 

عاااااااااااااااااااااادل ههههههههههههه اني نازلة نستقبلوه ع السلالممممممممممممممممم

 

 

 

 

حمدالله ع السلامة يا عادل بيه نورت الفيلا

 

ازيك يا شوقية

 

ان شالله تسلم يا سعادة البيه ههههههه

 

 

 

عااااااااااااااادل هههههههههه حمدالله ع السلاااااااااااااااااامة

 

 

الله يسلمك , عن اذنك طالع نرتاح

 

 

هو ايه اصله ده !!!!!!! هو ايه اللي الله يسلمك وما بيصليش حتى بطرف عينه ويسبني ويطلع !!!!!!!!!! طب والله ما هنسيبوك يا ابن زبيدددددددددة , ورااااااااااااااه , بت يا شووووووووووقية

 

ايوة يا ست سعاد هههههههههه

 

بتضحكي على ايه يا بت يا مخبلة انتِ !!!!!!!!!!!!

 

هههههه ايّووووووووه !!!!!!!!! فرحنالك يا سعاد ان ربنا لم شملك على راجلك حبيبك

 

ههههههه تعيشي يا بت , روحي حضريلي صنية عشا مفتخرة وطلعهالي ع الأوضة فوق

 

 

ههههههه من عنيا يا ست الستات من عنيااااااااااااا

 

 

 

ياااااااااااااااااااه !!!!!! نورت بيتك يا سيد البيت

 

 

سعاد ! بنقولولك ايه , اني جيت هنا بس عشان خاطر العيااااااااال , انما انتِ خلاص مالكيش عازة عندي

 

اهئ اهئ اخص عليك يا عادل ! وهان عليك تنطقها يا جدع ! اما نقعدوا جنبك على دراع الكرسي ونلفوا ايدي حوالين رقبتك عشان تعرف اني مش هنسيبك في حالك ههههههه وحشتني يا عادل وحشتنننننني

 

يووووووووو اوعي ايدك وقومي من ع دراع الكرسي , اوعي يا سعاااااااااد

 

هههههه طب مش هنقوم , زقني بقى وقعني ع الأرض ما اني عارفاك طول عمرك مفتري ههههههه

 

اني !!!!!!!!! كان نفسي اوريكي الافترا على اصوله , بس حظك اني بنخاف من ربنا وما نقدروش نظلم

 

يا عادل اني نبحبوك يا عاااااااادل , انت عارف يعني ايه الاقي الراجل اللي بحبه من صغري واللي اتجوزته بعد طللوع الرووووووح , الاقيه في حضن واحدة تانية غيرررررررررري

 

وهي فييييييييييييين هي فيييييييييييييييين ! يا شيخة اتقي الله , داني سايبها لوحدها بين ارع حيطان طول الاسبوووووووووع , اني ما بنباتش عندها غير ليييييييييييلة , اتقي الله شوية دي ست ضعيفة وما اذتكيش في حاااااااااجة , ليه حاطة كل همك في اذيتها وضررها !!!!!!!!!!! ارحميها يرحمك ربنااااااااااااااا

 

ياااااااااااااه !!!!!!! للدرجة دي بتحبها يا عاااااااااادل

 

سعاااااااد , في شعرة بيني وبينك ولو اتشدت هتتقطع , فحافظي عليها وما تشديهاش

 

تن تن تن , العشا يا ست سعاااااااااد

 

دخليه يا شوقية

 

 

اتفضلوا اهو ع الطرابيزة , بألف هنا وشفا , تصبحوا على خير

 

عشا لمين ده ؟؟؟؟؟؟؟

 

لينا يا حبيبي , هيكون لمين يعني

 

اني لا هاكل ولا هشرب حاجة في البيت ده

 

اييييييييييييه !!!!!!! جرا ايه يا عااااااااااادل , انت ناوي تخلي العيشة مرار اكتر ما هي مرار ولا اييييييييييه

 

واني اضمن منين ان ما يكونش فيها سحر , ما اني خلاص مش قادر اديكي الأمان تاني

 

كدة يا عادل ! طب على العموم اني ايدي هتسبق ايدك عشان تعرف ان الأكل ما فيهوش حاجة

 

مممممم ههه ربنا يكفينا شر كيدك يا سعاد

 

ههههه ويكفيني شر نيتك السودة ناحيتي , عيني عليا , اغلب من الغلب وجوزي بيتقوى القلب عليا اكمني بنحبوه ونموتوا في التراب اللي بيمشي عليه

 

ههه الله يهديكِ

 

طب خد دي من ايدي

 

هاتي يا ستي , بسم الله الرحمن الرحيم

 

هههه ايوة كدة سمي وكل يا راجل ما حدش واخد منها حاجة

 

 

حضري نفسك انتِ والعيال عشان معزومين بكرة

 

معزومين بكرة عند مين ؟

 

عند حامد مندور

 

اييييييييييه !!!!!!!!! عند سميررررررررررررة !!!!!!! اني ادخل بيت سميرة ونمدوا ايدي في طبق واحد معاهااااااااا !!!!!!!!!!

 

ههههه والله ما انا عارف , مين فيكو المفروض تخاف من التانية , جهزي العيال عشان وعدت الراجل اانا هنتغدوا عنده بكرة بمشيئة الله

 

حاضر يا حبيبي , اوامرك ههههه ما نقدروش نكسرولك كلمة , خد دي من ايدي , بالصحة والهنا يارب

[هبة عبد العظيم نور 2042]

خالتي شوقية هههههه هو صحيح بابا جه ؟؟؟؟؟؟؟؟؟

 

ههههههه ايوة يا سي احمد , جه وقاعد مع والدتك في اوضتهم , خبط سلم عليه

 

مممم لا ما فيش داعي دلوقتي , ممكن يكون نام ولا حاجة , ان شاء الله الصبح نفطر معاه , عن اذنك يا خالتي شوقية , اني طالع اوضتي

 

طب نجيبولك العشا يا احمد يا ابني

 

لا يا خالتي شوقية , شكرا , اني اكلت عند خالد صاحبي

 

ايه يا ابني حكاية صاحبك ده , انت مش من عادتك يا احمد انك تذاكر عند اصحابك ولا تاكل برا البيت

 

ههههه قلقانة علية يا خالتي شوقية ؟

 

اه والله قلقانة , دانت في غلاوة ولادي , طب دانت حتة السكر اللي محلية البيت ده

 

هههههه ربنا يكرمك يا خالتي شوقية , وما تخافيش , صاحبي خالد ده ابن ناس طيبين ومتفوق في دراسته ومحافظ ع الصلاة الحمدلله وبنروح نصلي مع بعض في المسجد ونرجع نكمل مذاكرة

 

ماشاء الله عليك وعليه , ربنا يفتح عليكو يا ابني , المهم يكون عادل بيه عارف

 

ايوة انا اخدت اذن بابا , عن اذنك بقى هنطلع ننام عشان المدرسة الصبح , تصبحي على خير يا خالتي شوقية

 

وانت من اهل الخير يا ابني

 

 

 

 

ا

 

 

 

 

انتِ يا شوقيييييييييييييييية

 

 

اعوذ بالله من الشيطان الرجيم , انت جيت ياسي ادهم ؟

 

انتِ شايفة ايه ! امي فييييييييين

 

امك مع ابوك فوق

 

ابويااااااا ! ايه اللي جابه ده , هو لحق يقعد في شقة زيزنيااااا !!!!!!!

 

يا ابني عيب علييييك , دا ابووووووووك ابوك اللي بيصرف عليك وجايبلك اللبس الحلو الغالي اللي انت لابسه ده , دانت بتلبس الحاجة مرتين بالكتير وترميها وتجيب غيرهااااااا وفي الآخر ما فيش كلمة حلوة عن ابووووووك

 

انت مااااااااااااااااااااالك !!!!!!! ايه اللي بيحشرك انتتتتتتتتتتتتِ , ايه الست الرغاية دي , اني طالع اوضتي وهاتيلي نتعشى

 

هو انت ما اتعشيتش برا ؟

 

 

وانت مالك انتِ اتعشا برا ولا جوااااااااااااا , انتِ دافعة حاجة من جيب ابوووووووووووووووكِ ؟؟؟؟؟؟؟؟ امشي انجري هاتيلي اتعشاااااااااااااااااا

 

حاضر , هنجيبولك , شوف الولا طالع يدب ع السلالم زي ما يكون بيقول يا ارض اتهدي ما عليكِ قدي اعوذ بالله , اومال لما يكبر ده هيعمل فينا ايييييييييه ! الله يكون في عون اللي هتتجوزه , يا لهوي ! وهي مين دي اللي وقعتها اسود من النيلة اللي هتتجوزه ! والله انا لو وزنلي بنتي دهب وقالي جوزيهالي ما ارضى اجوزهاله وارمي بنتي الرمية السودة دي , الحمدلله اننا مش من مقامهم عشان ما يفكروش في بنتي

 

 

 

 

 

 

تن تن تن سي ادهم , العشا يا سي ادهم

 

ادخلي حطيه عندك

 

ايه دددده احوأ احوأ احوأأأأأأأأأأأ ايه يا ابني الدخان اللي مالي الاوضة ددددددده !!!!! يا مصيبتي انت بتشرب سجااااااااااااااااير !!!!!!!!!!!

 

هههههههههه ما تشديلك نفسين

 

يا ابني حرام عليك يا ابنييييييييييييييي , سجاير ايه بس اللي بتشربهااااااااا , دا عادل بيه عمره ما شرب سيجاااااااااارة واخوك احمد اسم الله عليه ما بيطيقش ريحتهااااااااا , ليه تعمل كدة في نفسسسسسسك

 

بعمل ايه في نفسي يا مخبلة انتِ ! هو الراجل يبقى راجل من غير ما يمسك سيجارة !!!!!!!!!! ولا عايزاني ابقى عيل زي المحروس احمد

 

لالالالالالا اني مش هنسكت على عمايلك ددددددددي , اني هناديلك الست سعاد تعرف شغلها معااااااااك , ادي اللي كان نااااااااقص , سجاير كمان , قلة ادددددددددب

 

 

 

تن تن تن ست سعاااااد

 

ايه يا بت يا شوقيييييييية , اني جاية

 

 

ايه في ايييييييييييه بتخبطي علية زي القضا المستعجل لييييييييييه

 

 

تعالي بقى يا ست سعاد شوفي سي ادهم وعمايييييييييييله

 

عمل ايه ادهم اللي شايلينه فوق راسكو وزاعقييييييييييييين ؟؟؟؟؟؟؟؟؟؟؟

 

 

تعالي شوفي بنفسك قاعد ع الكرسي ومادد رجله ع الكرسي التاني وبيعمل ايييييييييه

 

 

 

ايه الدخان ده !!!!!! يووووووووووه هههههههههههه ينيلك يا ادهم , انت بتشرب سجاير يا ولا ؟؟؟؟؟؟؟؟؟؟

 

هههههههه تعالي يا امّا خديلك سيجارة واعمليلك دماغ

 

هههههه لا يا خويا ماليش فيها

 

 

ايه ده !!!!!!!!! ايه يا ست سعااااااااااد ! اني افتكرتك هتديله المين على وشه ولا هتبهديله ع السجاير اللي بيشربها ددددددددي !!!!!!!!!

 

اضربه ليه يختي ! عمل ايه الولا عشان ينضَرَب , ادهم ده راجل من يومه واني بيعجبني اني سابق سنه وواقف على اقدام قوية من صغره , ادهم هو ابني اللي هيقف جنبي ويقطع الايد اللي تتمد علية ويخزأ العين اللي تبصلي بصة ما تعجبنيش وعمري ما هنقف قصاده طول ما اني شايفاه صح

 

صح !!!!!!!! وانت كدة شايفة ان اللي بيعمله صح يا ست سعاد

 

صح وعين العقل , بصي يا بت يا شوقية مرجلته وهو بيطلع الدخان من مناخيره !!!!! تحسي ان ليه هيبة والواحد يشوفه يموت في جلده

 

والله يا خوفي يا ست سعاد ليسقيكو من كاس المر قبل ما يسقيه لغيركو , اني ماشية عشان اتأخرت ع العيال

 

بالسلامة يا شوقية واقفلي الباب وراكِ وإلا عادل يشوف الولا ويجي يسود عيشتنا

 

 

 

 

 

هههههههه مساءك فل يا معلم ادهم

 

ههههههه يسعد مساكِ يا امّا

 

بنقولولك ايه يا حبيبي , بعد المدرسة بكرة لا تروح شرق ولا غرب وتيجي ع البيت دوغري

 

وليه كدة يعني !

 

عشان معزومين برا عند حامد مندور صاحب ابوك

 

اييييييييه !!!!!!!! اني ما بحبش العزايم ولا مرواح البيووووووووووت , اني مش هنروح معاكوووو

 

لالالالالا بنقولولك ايييييييه ! اني ما صدقت ابوك رضي عننا ومش عايزينه يقلب علينا تاني , زي ما بنقولوك تِسمع وتنفذ وإلا والله هنزعلوا منك ومش هنكلموك ولا هندوك مليم زيادة عن مصروفك تاني

 

لالالالالالا , كله الا زعلك يا جميل انت هههههه خلاص يا امّا , عشان خاطرك هنعصر على نفسي شوال لمون ونروح , هو عنده عيال من سني ؟

 

ايوة عنده أمير اكبر منك ومن احمد , متهيألي في الثانوي , وعنده ضحى اتولدت بعد شهرين بالظبط بعد ما ولدتك

 

ممممم هي حلوة ؟؟؟؟؟؟؟؟؟؟؟؟

 

ههههههههه يا واد مالك ومالها , احنا هنروح نتغدا ونمشي , مالنا احنا حلوة ولا وحشة

 

ايوة يا امّا , بس انت عارفة ابنك يحب البنات الحلوين

 

هههههههههههه اكبر انت بس واني اوقفهوملك صف , تختار اللي يعجبك والباقي نرميه في المالح ههههه

 

ههههههههههههههه حلو الكلام يا جممممممميل , استنى اما اشد نفس من اعماق اعماقي كدة مممممممممممممممممممممممممممممم يا سلااااااااااااااااام ههههههههه

 

هههههههههه طيب يا سيدي , تصبح على خير بقى

 

وانت من اهل الخير يا امّا

 

 

 

 

 

 

 

 

 

انت بتقول ايه يا حاااااااااااامد , هما مين دول اللي هيجو عندنااااااااا ! , مالنا احنا ومال سعاد , اني من الآخر ما فيش بينا وبينها عمار وبصراحة كمان اني اخاف على ضحى من اوسا

 

هههههههه يا شيخة حرام عليكِ , هتعملها ايه بس اوسا

 

بنقولولك ايه يا حامد , ضحي دي هي البت اللي حيلتي واني ربنا وحده يعلم اني محافظة عليها بإيدي وسناني وصاينة الامانة اللي ربنا عاطيهالي , اني بدقق في كل صاحبة بنتي تتقرب لها وان ما كانتش بنت ناس طيبين ومتربية صح ع الدين ببعدها عن بنتي , فبالله عليك ما تجبليش الآذية في بنتي لحد باب بيتي

 

لا حول ولا قوة الا بالله , انتِ بتبالغي اوي يا سميرة , يا ستي هي عزومة وقعدة وهتتفض

 

لا يا حامد , يعني فكرك انت هما مش هيردوا العزومة !!!!!!!!!!! وساعتها طبعا هتقولي عادل عزمني وما قَدَرتش نقول لأ , اني ما بنحبش كدة يا حامد ولا احب ناس ما برتاحلهومش يتفرضوا علية

 

اوووووووووف , بنقولولك ايه يا سميرة يا حبيبتي , اني عزمت الراجل وما نقدرش نرجع في كلامي واذا كان على رد العزومة يا ستي هنتحجج له بأيتها حجة ومش هنروح يا ستي

 

هقول ايه !!!!!!! اللي حصل حصل , اما نقوموا نحضروا لعزومة الست سعاد , ربنا ينجينا منها , ربنا يستر ما تجيش ترميلنا سحر احنا كمان وتقلب البيت عاليه واطيه , يا خفي الألطاف نجنا مما نخاااااااااااف

 

هههههههه الله يهديكِ يا سميرة

 

 

 

 

 

 

 

 

 

 

 

 

 

 

 

 

 

 

 

ضحى

 

نعم يا ماما تحت امرك

 

بنقولولك ايه يا بنتي , اني مش عايزاكِ تتصاحبي على اوسا دي , يعني ما تخليهاش تاخد عليكِ اوي

 

ههههههه يا ماما دي المرة العاشرة تقريبا اللي بتنبهيني نتصرفوا ازاي مع اوسا

 

اني بنخاف عليكِ اوي يا ضحى , اني تعبت يا بنتي في تربيتك , مش عايزة حد يأثر عليكِ بسلوكيات مش عاجباني

 

ههه يعني يا ماما تفتكري ان بنتك حبيبتك ضحى ممكن أي حد كدة يأثر عليها !!!!!! ما تخافيش يا ماما لان انا اصلا مش بنصاحبوا أي حد والسلام وحضرتك عارفة

 

ربنا يكفيكِ السوء وأهله يا ضحى يا بنتي

 

اللهم آمين , عن اذنك يا ماما , هنصلوا ركعتين قبل ما ننام

 

طيب يا بنتي , ربنا يقبل منك ويجعل دعايا ليكِ انت وأمير اخوكِ من حدكو ومن نصيبكو اللهم آمين , اسمع مني يااااااارب

 

 

 

 

 

 

 

 

 

 

 

 

 

 

 

 

 

 

 

اهلا وسهلا يا سعاد , شرفتينا

 

يشرف مقدارك يا سميرة

 

ازيك يا اوسا

 

كويسة اوي يا طنط سميرة , اومال هي فين اسمها ايه دي ؟؟؟؟؟؟

 

اسمها ايه مين يا حبيبيتي ؟؟؟؟؟؟؟؟

 

بنتك دي اسمها ايه

 

ههه بنتي اسمها ضحى وهتيجي تسلم عليكو حالا , يا ضحىىىىىىىىىى

 

 

نعم يا ماما انا جيت اهو , السلام عليكم ازيك يا طنط

 

اهلا يا حبيبتي وعليكم السلام ازيك انتِ

 

سلمي على اوسا يا ضحى

 

اهلا ازيك يا اوسا

 

ازيك انتِ , ايد ده ! انتِ لابسة كدة ليه !!!!!!!!! الحقي يا ماما دي لابسة حجاااااااااااب

 

اه صحيح , ليه كدة يا سميرة

 

ليه كدة ايه يا سعاد !

 

مش شايفة ان بنتك لسة صغيرة اوي ع الحجاب

 

بنتي كبرت وبلغت ماشاء الله وكان لازم تلبس الحجاب

 

ايوة ياسميرة بس انتي كدة بتعقدي البتتتتتتتتتت , لما تلبس حجاب من دلوقتي تكره عيشتها وخصوصا لما تلاقي اصحابها خارجين متشيكين وشعةرهم بتهفهف

 

على فكرة يا طنط , ماما ما فرضتش علية الحجاب , انا لبسته من نفسي لاني عارفة انه فرض

 

اعوذ بالله ع القعدة اللي تخنق , البت دمها اتقل من دم امها

 

 

طيب عن اذنكو هقوم احط الغدا للرجالة واجي احط الغدا لينا

 

ولله يختي انتي محيرة نفسك , ما كنا كلنا مع بعض كلنا

 

معلش والله يا سعاد , اصل احنا بنحب نطبق الدين بشكل صحيح , عشان كدة الرجالة بياكلوا لوحدهم والستات لوحدهم , عن اذنك

 

 

الرجالة لوحدهم والستات لوحدهم ! والله ما خربها إلا اشكالكو , انا عارفة ايه اللي جابنا هنا

 

 

 

ازيك يا ضحى , انتي في سنة كام ؟

 

انا في تانية اعدادي ,وانتِ في سنة كام ؟

 

اني في سنة ساتّة , خدي واحدة ماستيكة اهي اندوغيها

 

لالالالالالا اني ما نحبوش المستيكة

 

هو فيه بنت ما تحبش المستيكة !!!!!!!!!!! اني ما نعرفوش نقعدوا من غير المستيكة في بقي واني بننضغوها

 

لا معلش يا اوسا , اني ما نحبش شكل البنت وهي بتمضع المستيكة , بصراحة بحس انه عيب اوي حد يشوفها وهي كدة

 

ههههه سامعة يا ماما , ال ما بتحبش المستيكة ال

 

 

يا بنتي انتي معقدة روحك ليه ! هي امك نبهت عليكِ كمان ما تمضغيش مستيكة ؟؟؟؟؟؟؟

 

يا طنط ماما فعلا بتعرفني الصح من الغلط واني كمان الحمد لله بنعرف نميز

 

 

سا معة يا ماما هههههههههههههههههههههههههههههههههههههههههههههههههههههههه

 

ايه ده ايه ده , وطي صوتك يا اوسا , ضحكتك عالية اوي , واخويا امير برا , كدة يسمعك

 

ما يسمع , هو اني بنعمل حاجة غلط ؟؟؟؟؟؟؟؟؟

 

توء , طب عن اذنكو هنروح نساعد ماما

 

بالسلامة يا روح ماما , بت عقد زي امها

 

ايه البت دي يا ماما ! اني اتخنقت منها , دي ما تنفعش تتصاحب خاااااااالص

 

وانتِ مالك ومالها وتصاحبيها عشان ايه ! تغور من وش امها العكر

 

 

 

 

 

 

 

 

وانت بقى عايز تطلع ايه يا احمد ؟

 

اني ان شاء الله نفسي نطلع دكتور

 

ماشاء الله , يبقى كدة ان شاء الله هتدخل ثانوية عامة علمي مش ادبي

 

ايوة طبعا ان شاء الله , وانت في سنة كام يا امير

 

اني تانية ثانوي السنة دي

 

ربنا معاك يارب ان شاء الله , وياترى عايز تدخل كلية ايه ان شاء الله

 

اني والله يا احمد طول عمري نفسي ابقى بحار والف العااااااااااالم عشان كدة كل املي ادخل الكلية البحرية واطلع ظابط بحري

 

ان شاء الله يا امير , ربنا يحققلك كل اللي بتتمناه

 

 

الله يخليك يا احمد هههه اني سعيد والله اني شوفتك يا احمد ممممم وانت كمان يا ادهم

 

هههه الله يخليك يا أمير , اني اسعد

 

متشكرين يا سيدي , مممم هو ايه ده , اومال بنتهم ما جاتش سلمت ليه !!!!!!!!!! اني عايز نشوفوها , هنموتوا ونعرف شكلها ايه مممممم نشوفوها ازاي دي !!!!!!!! أأأأأأ بنقوولك ايه يا امير

 

نعم يا ادهم

 

هو ما فيش دورة مية هنا ولا ايه ؟

 

هههه لا ازاي بقى , طب استنى افضيلك السكة

 

تفضيلي السكة !!!!! ايه الواد ده , اني عايز السكة مليانة مش فاضية

 

 

 

 

 

امي

 

 

نعم يا امير

 

اصل ادهم كان عايز الحمام

 

طب ما تخليه يدخل الحمام

 

اني قولت نقولولك عشان تبقي عارفة وما تخليش ضحى تيجي ناحية الحمام

 

ضحى معايا في المطبخ اهيه , والحمام اول الطرقة والمطبخ في اخرها , لا هيشوفها ولا هتشوفه

 

طيب يا امي

 

 

 

 

 

 

اتفضل يا ادهم , الحمام على ايدك اليمين

 

 

مممممم طيب , ارجع انت وانا جاي وراك

 

مممممممم دي في المطبخ هي وامها اكيد , اني سامع حركة جوا , طب نخلوها تخرج ازااااااااي مممممممم ازاااااااااي مممممممممم ازااااااااااااااااي اهااااااا ايوووووووة , اني هنرمي الفازة دي ع الارض بكل قوتي واكيد طبعا هتتخض هي وامها ويخرجوا غصب عنهم اهييييييييييييييه دشششششششششششششششششششششششششششششششششششششششششششششششششششش

 

 

 

ايه ده ايه دددددددددددددددددددده

 

 

في ايه في ايييييييييييييييييييه في ايه يا ماماااااااا

 

 

ههههههههههههههههههههههههههههههههههههههه اهم خرجوا يجروا

 

 

يااااااااااااااااااااااه دي البت حلوووووووووووة حلوة اووووووووووووي اووووووووووووي ياولاد الايه ! ليكو حق تخبوها ! بس على مين ! ههههههه

 

 

ارجعي انتِ يا ضحى ارجعي , ايه ده , ايه اللي كسر الفازة دي كدة

 

هههههههه معلش يا طنط , اصل وانا خارج من الحمام اتكعبلت وايدي جت ع الفازة غلط ووقعت اتكسرت

 

يااااااا قلبي وقع , طيب يا ابني روح انت واني هنلموا اللي اتكسر

 

ههههه اللي اتكسر ما يتصلحش يا ام ....... يا ام ضحى ههههههههه

 

 

اعوذ بالله , ايه الولا ده ! اني قلبي اتقبض , استر يارب

 

 

 

 

 

 

 

 

 

 

 

 

 

ها يا ستي اهو اليوم عدا على خير يا سميرة والحمدلله

 

اووووووووف الحمدلله , بصراحة ولاد عادل ما فيهومش غير أحمد ماشاء الله عليه , الولا قاعد ووشه في الأرض ولما قولتله ازيك يا احمد يا ابني فضل وشه في الأرض وابتسم ابتسامة كلها حياء وقالي الله يسلمك يا خالتي , بصراحة ينطبق عليه المثل اللي بيقول مالك متربي قال من عند ربي

 

ههههههههه قصدك ام امه ما لهاش فضل في تأديبه ؟

 

ايوة طبعا , دا اخلاقه كرم من عند ربنا سبحان الله , ربنا يحفظه ويصونه

 

 

 

ماماااااااااااا

 

ايوة يا ضحى هنجولك يا حبيبتي , هروح اشوف ضحى واجيلك يا حامد

 

روحي يا ستي

 

 

 

 

ايوة يا ضحى , انتي لسة ما نمتيش يا حبيبتي

 

قلبي مقبوض يا ماما

 

يا حبيبتي ! بعد الشر عليكِ من قبضة القلب , مالك يا ضحى

 

مش عارفة يا ماما , اني من ساعة ما شوفت الولا اللي اسمه ادهم ده وضحكته الصفرا ووو

 

و إيه يا ضحى

 

ماما , مش عارفة , هو اصله بصلي بصة خوفتني اوي

 

بصة ! بصة ايه وخوفتك ازاي

 

بصة كلها طمع يا ماما , دا مش بس بص على وشي , دا بص علية من فوقي لتحتي , اني خوفت منه اوي يا ماما

 

اخص عليييييييه , لا راعى حورمة بيت ولا حورمة حريم البيت , ما تخافيش يا حبيبتي , احنا مش هنشوفه تاني , كانت عزومة وعدت والحمدلله

 

ماما , خليكِ جنبي اقريلي قرآن , ما تسبنيش , مش عارفة ليه حاسة انك لو قومتي من جنبي هيهجم عليا

 

ههههه يا بنتي مش للدرجة دي , وعلى العموم حاضر اني هنحط ايدي على راسك ونقعد جنبك نقرالك قرآن لحد ما تروحي في النوم يا حبيبتي , اعوذ بالله من الشيطان الرجيم , بسم الله الرحمن الرحيم

 

 

 

 

 

 

 

 

 

وبعدين بقى , نوصلوا للبت دي ازاي بعيد عن امها وابوها واخوها اللي شايف نفسه أملة ده ؟؟؟؟؟؟؟؟؟؟؟؟؟ ممممممم ما فيش حل غير اني نعرف مدرستها فين , ومش هنعرف الا لما ننزل بدري عن معاد المدارس ونرحوا عند بيت ابوها نشوفوها بتروح انهي مدرسة , اتصل بالولا هيما عشان ما يعديش علية بكرة هو وشيكو

 

 

 

 

 

 

 

اهي البت طَلَعَت , يييييييييي دا اخوها طالع وراهاااااااا , الله يخرب بيتك يا شيخ , ايه اللي مطلعك الساعة ديييييييي

 

 

اما نمشي وراهم نشفوهم رايحين فين

 

دا اخوها سابها في نص السكة

 

 

يييييييييي دي واحدة صاحبتها جت مشيت معاها , اني بتطلعولي منييييييييين

 

 

 

ياااااااااااااااااااه اخيرا عرفت عنوان مدرستهااااااااا

 

 

 

 

 

 

 

 

 

طيب يا بنات اني مروحة بقى

 

مع السلامة يا ضحى

 

الله يسلمكو

 

 

 

 

ضحىىىىىىىىىىىىىىىى

 

 

ايه ده ! مييييييين , يا خبر اسووووووووووووود !!!!!!!! أنتتتتتتتتتتتتتتتتتتتتتتت !!!!!!!!!!!!!!!!!!!!

[هبة عبد العظيم نور 2042]

ما شاء الله يا هوبة على الحلقات الدسمة جدااااااااااا

 

ايوه كده يا ستى مش عاوزين الحلقات الى عامله رجيم الى اوقات بتحطهالنا دى هو احنا نقصين الرجيم ورانا فى كل حته حتى واحنا مستمتعين بقراءه قصصك ههههههههههه

 

المهم ياستى

توقعاتى ان احمد ها يتجوز منال ان شاء الله والفرح ده بقى لازم تعزمينا عليه بجد علشان نفسى فى فرح اسلامى بجد بجد

وسعاد دى بقى عاوزه الضرب بالنااااااااااااار اعوذ بالله منها المفروض يطلقها ويخلى اشجان تربيله عياله احسن .......

 

 

وبطلب منك الطلب ده تانى نفسى نفسى نفسى تخلى الحجاب زى ما ربنا امرنا بيه وهوا النقاااااااااااااااااب مش طرحة على الشعر وخلاص يا جميلة يا ريت تردى عليا بقى لانك لما اتكلمتى على الحجاب فى قصصك الى من زماااااااااان دول كنتى بتتكلمى عليه على انه عادرة مش عباده والستات كانت لازم تلبس برقع ؟؟؟؟؟

 

ياريت تردى عليا يا جميلة الجميلات انتى ....... *__^

 

ههههههههههههه مين قالك اني جميلة الجميلات ! اكيد شوفتيني في كابوس قبل كدة ههههههههههه

 

تسلمي حبيبتي

 

 

بالنسبة لموضوع النقاب واني اظهره كفرض في كل مسلسلاتي

 

فأنا احب اوضح وجهة نظري , اولا انا منتقبة

 

بصي حبيبتي انا مسلسلاتي فيها تنوع للشخصيات وبحاول اخليها صورة مصغرة من المجتمع

 

يعني في اي مجتمع هتلاقي المنتقبة وصاحبة الحجاب العادي والمقصود بالحجاب العادي إظهار الوجه مع لبس الملابس الفضفااااااااااااضة

 

ودايما اطلع البنت اللي بتلبس حجاب غير شرعي اللي هو معاه بنطلون ومش عارفة ايه انها بتسيئ لإسلامها ودي مش الصورة الصحيحة

 

انا أؤمن بفرضية النقاب لكن في غيرنا مختلفين معانا وفي اخوات كتير هنا غير منتقبات

 

انا بفرض جوهر الدين في مسلسلاتي والإلتزام بالتعاليم والحجاب الشرعي

 

لكننننننننننننن ملحووووووووووووووووووووووووووووووووووووووووووووووووووووووووظة

 

 

بالنسبة لمسلسل زوجتي والمفتاح انا ما تناولتش النقاب على انه عادة لالالالالالالالالالالالالالالالالالالالالا النقاب هنا تناولته على انه اساس وشيء من الإسلاااااااااااااام

 

ووضحت ان غزو الفكر الغربي والذي هدف لتدمير المرأة المسلمة اول حاجة عمد اليها هو خلع النقاب عن وجهها كمظهر اسلامي وليس عاااااااااادة

 

شكلك كدة يا بنت انتي مش مركزة في اهداف المسلسل وهمدك على رجليكي واذنبك ههههههههههههه

 

لا حبيبتي لو ركزتي هتفهمي قصدي الواضح والجلي من المسلسل ومن سلسلة تحرر المرأة بأكملها

 

النقاب كان في الفترة دي من مظاهر الإسلام والله يجازي اللي وصلنا للي احنا فيه

 

متهيألي كدة حبيبتي وضحت وجهة نظري , اسفة والله اتأخرت في الرد

 

الكتابة بتلتهم وقتي بصورة مش طبيعية , نسأل الله البركة في الوقت

 

 

منوراني يا قمر والله

[هبة عبد العظيم نور 2042]

ارحب ببعض الحبيبات ولي عودة ان شاء الله للترحيب بالجميع

 

افنان المغير

 

ربنا يخليكِ حبيبتي , متابعتك تسعدني جدا والله , وشكرا على كلامك الجميل

 

 

يحبهم ويحبونه

 

والله يا حبيبتي بتحرجيني بذوقك وشكرا على الورد ده يا احلى من الورد انتِ هههههه

 

 

زهرة المنتدى

 

اهلا بيكِ حبيبتي ونورتي المنتدى , دانا هعمل اقتباس لردك مخصوص عشان اعرف عرفتي منين طريق المنتدى من الفيس ههههههههه

 

 

 

روضة الجنة

 

اهلا يا روضة يا عسل , مريم انا منبهة عليها لو تابعت قبل ما الامتحانات تخلص هاكلها بسناني ههههههه , وانتِ كمان المذاكرة اهم يا عسل , المسلسل قاعد يعني هيروح فين ههههه

 

 

 

سماء الفردوس

 

يا واد يا ابو دم خفيف يا طعم انت هههههههههههههه تسلميلي يا سلوى يا عسلاية

 

 

ماريا

 

اهلا يا حاجة ام عالية , نورك فج وملا الصفحة ههههههه

 

اعتز بالإسلام

 

اهلا يا معتزة يا وزة يا ام عمور يا عسل , منورة يا اختي

 

 

ام عبد الرحمن ولينة

 

اهلا بيكِ حبيبتي والله اسعدتيني بكلماتك , انتِ منورة

 

 

ام عبد الرحمن وجنة

 

سألت عليكِ العافية يا عسل انتِ هههههههه منوراني يا قلبي

 

 

أم بشار وعبد

 

انت زعلانة من سعاد كدة ليه ! هههههههههههههههههه منورة يا حبيبتي والله

 

 

سارة محمد

 

زعلتي يا عيني عشان منال رفضت ماجد ؟ هههه اهم هيتجوزوا ان شاء الله

 

يارب عقبال ما افرح بيكي يا سوسو يااااااااااارب

 

 

 

ريحانة زوجي

 

شوشو حبيبتي , هاتي شوية لب ههههههههههه منورة يا قمر

 

 

رحيق زهرة

 

اهلا حبيبتي السكرة , جزاكِ الله خيرا , متابعتك تسعدني جدااااااااااا

 

 

راماس

 

حبيبتي رموستي

 

يارب ما اتحرم من ها الطلة يا قمر

 

 

المقتدية بأخلاق النبي

 

يا محلل يا جااااااااااااامد ههههههه يا مشاركاتك يا باشاااااااااا هههههههه بجد مشاركتك المستفيضة بتعجبني جدا حبيبتي وبتركزي على نقاط مهمة ماشاء الله

 

 

 

ام رقية

 

هارد لاك يا جميل هههههههههه كل توقعات وانتِ في الباي باي يا قطة ههههههههههههههههههه

 

 

سندسة ام مريم

 

هحلق شنبي لو توقعاتك طلعت صح هههههههه ايه اللي جرالك , هو انا حسدتك ولا ايه ؟ هههههههههههه

 

 

 

 

ساجدة للرحممممممممممممممممممممممممممن

 

جرا ايه يا ابلة المشرررررررررررررررررررررفة هههههههههههه يعني ايه اخف ع البنات عشان بيعيطوا ! هاتيلهم انتِ مناديل بس وسيبيهم يعيشوا اللحظة هههههه

 

اعمل ايه طيب , طبيعة الشخصيات والمواقف كدة , وبحاول اخفف عنهم ببهيرة العسولة هههههههههه

 

 

 

 

تحليلاتكو عاجباني جدا ومناقشتكو مثمرة واكيد كتير بيستفيدوا منها

 

جزاكم الله خيرا على المتابعة

 

لي عودة للترحيب بباقي الحبيبات ان شاء الله

 

يارب حلقات النهاردة تعجبكو

[هبة عبد العظيم نور 2042]

حبيبتي هبة تسلم ايديكي ع الحلقات الرائعة ... انا متابعاكي من فترة بس بصمت ... دي اول مشاركة ليا ف المنتدى حبيتها تكون ليكي لاني بجد من قلبي عاوزة اشكرك ع الوقت الممتع اللي بقضيه مع رواياتك وبستفيد منها واهنيكي ع الابداع والتميز واقدرلك مجهودك ...

انا قرأت لك كذا رواية (مراتي ف السبعينات - زوجتي والمفتاح - انا وكيفين وضوء القمر - وبعض حلقات الست ذكية - ومتابعة دا ) ومتابعة كمان صفحة الفيسبوك لانها هيا اللي وصلتني ليكي ف الاساس.

 

 

بارك الله فيك وجعله في موازين حسناتك

 

اهلا اهلا اهلا بالفيس بوك والغالية اللي من ريحة الفيس بوك هههههه

 

ازيك يا عسل منورة

 

والله مش عارفة اقول ايه على كلامك الجميل ده غير جزاكِ الله خيرا اخجلتيني

 

قوليلي بقى , عرفتي منين طريقنا هناااااااااا ؟ ههههههههه انا منبهة ع الادمن ما يقولوش ااحنا بنقعد فين والا كل اللي على صفحة الفيس هيجو هنا ويتابعوا ونقفل صفحة الفيس ههههههههه

 

بس بجد نورتي المنتدى حبيبتي , وسعداء بوجودك جدا , وشكرا مرة تانية على الكلام الجميل

[ساره أم حمزه 1040]

يا خوفي يا ست سعاد ليسقيكو من كاس المر قبل ما يسقيه لغيركو ,

انا بقول كده برضه

 

اعوذ بالله من ادهم مبحبش الصنف ده

 

متهيألى كده يبقى احمد يتجوز ضحى إن شاء الله لما يكبروا هههه

وام ضحى عندها حق تخاف منهم

[زهرة المنتدى1 27]

حبيبتي هبة تسلم ايديكي ع الحلقات الرائعة ... انا متابعاكي من فترة بس بصمت ... دي اول مشاركة ليا ف المنتدى حبيتها تكون ليكي لاني بجد من قلبي عاوزة اشكرك ع الوقت الممتع اللي بقضيه مع رواياتك وبستفيد منها واهنيكي ع الابداع والتميز واقدرلك مجهودك ...

انا قرأت لك كذا رواية (مراتي ف السبعينات - زوجتي والمفتاح - انا وكيفين وضوء القمر - وبعض حلقات الست ذكية - ومتابعة دا ) ومتابعة كمان صفحة الفيسبوك لانها هيا اللي وصلتني ليكي ف الاساس.

 

 

بارك الله فيك وجعله في موازين حسناتك

 

اهلا اهلا اهلا بالفيس بوك والغالية اللي من ريحة الفيس بوك هههههه

 

ازيك يا عسل منورة

 

والله مش عارفة اقول ايه على كلامك الجميل ده غير جزاكِ الله خيرا اخجلتيني

 

قوليلي بقى , عرفتي منين طريقنا هناااااااااا ؟ ههههههههه انا منبهة ع الادمن ما يقولوش ااحنا بنقعد فين والا كل اللي على صفحة الفيس هيجو هنا ويتابعوا ونقفل صفحة الفيس ههههههههه

 

بس بجد نورتي المنتدى حبيبتي , وسعداء بوجودك جدا , وشكرا مرة تانية على الكلام الجميل

 

 

حبيبتي والله دا أقل من حقك بكتير انتي تستاهلي اكتر من كدا والله بكتييييييييير ...

 

وبالنسبة لمعرفتي بطريقكم هنا ياستي ............. اممممممممممممممممممممم ............ طب اتحايلي عليا شوية .......... هههههههههههههه

 

ولا اقولك خلاص انا هعترف وأعفيكي من انك تتحايلي عليا عشان اوفرلك شوية وقت يمكن تزوديلنا حلقة كمان ولا حاجة ههههههههههههههههه

 

وهقولهالك بكل اختصار عشان برررررررررردو اوفر الوقت والجهد هههههه...............( أونكل جوجل) ع اسم المسلسل او اسم هبة نور هيوصلني هنا بكل سهولة ...

 

بس مش تقلقي مش هغشش حد وبعدين انا محسساكم اني متابعة الحلقات اللي ع الفيس بقى وبستناها كل يوم بفارغ الصبر هههههههههه

 

يووووه انا رغيت كتييييييير شكلي هعمل زي بهيرة ....

 

ربنا يوفقك حبيبتي ويسعدك زي ماأدخلتي السعادة ع قلب مسلمة .... أحبك في الله

[ساره أم حمزه 1040]

هبه انا على فكره ببقى فاهمه انتى قصدك ايه بالموقف ده

وقصدك ايه بالموقف ده ^^

بس سعات مبعرفش اعلق

وسعات بنسى اللى حصل بعد ما اخلص ههههههه

[حواء أم هالة 1895]

السلام عليكم

حلقاات جميلة هبة الجميلة

انا خايفة من الواد ادهم ده مصيبة والله هههه

اما الست سعاد خلاص قربت اخنقها واتخلص منها شايقا ابنها يدخن وتقول عادي لكن ستندم لما تشوف سوء تربيته

[رحيق الزهره 2]

الحلقه انهارده كانت جامده

وربنا يستر على ضحى من شيطان الإنس اللي اسمه ادهم

بس خلي بالك منها لانها على اسمي^_^

[~ماريا~ 1340]

روووووووووووووووووووووعه يا هبه الحلقات

كلها احداث بنعشها

ما عجبنيش الدكتور ما اخدش اي موقف مع مراته في كلامها عن امه ولا عاقبها

واصلا انا مش فاهمة ازاي اخوه يقوله هات لبس من بتاع مراتك لمراتي تلبسه

تصرفاتهم بعيده عن الدين

ولو عندهم ذرة دين يا خوفي من مررتاتهم

 

خالد اخوهم ونعم وربنا رزقه بمنال

الطيبون للطيبات

 

بهييييييرة ملهاش حل

فظييييييييييييييييعه

 

سعاد رده فعل جوزها بسيطة جداا عن الي عملته كان لازم ياخد منها موقف اشد من كدا وانه يسيب البيت

ويمشي مش حل خالص

وانا مع سميرة انها تخاف على بنتها وترفض دخول واحده زي دي بتها

 

ام رشا دي بخيله بشكل اللهم احفظنا اي دا

المفروض بدل القطعتين الجاتو كانت ودت قطعه واحده وقسموها ههههههههههههههههه

 

ال باعته لجرانها ال

هههههههههههههه

 

 

رووووووووووووووووووووووووووعه الاحداث يا بوبه

[ريحانة زوجي 63]

ما شاء الله جميل يا هوبه

 

يا ترى أحمد لما يكبر هيتجوز ميييين ؟؟؟؟؟؟؟؟؟؟؟؟؟؟؟؟

 

( هيام أخت صاحبه ولا ضحى )

 

ويا ترى يا هل ترى سعاد هيحصلها أيه ؟؟؟؟

 

ورشا ونسرين مشفناهمش النهارد

 

يا ترى عصام وهاني هيفوقو من اللي هما فيه وخصوصا صاصووووووووو ولا هيفضلو زي ما هما ؟؟؟

 

وبعدين يا هوبه الألغاز كترت متشوقين لمعرفة الأحداث :P

 

ربنا يعينك والله يا قمر وتسلم إديك ويحفظك