اذهبي الى المحتوى

المشاركات التي تم ترشيحها

ازيكو يا بنات

 

بمناسبة انتي بكتب حلقات عن الاسكندرانية اجدع ناس هههههههه عمتي اللي جت زارتني جت من اسكندرية , وبنتها بتتكلم لهجة اسكندراني مأصلة هههههههه

 

وانا ناسية خااااااااالص الموضوع بتاع اللهجات ده

 

 

كنت واقفة في المطبخ بقطعلهم كنتالوب , قالتلي ما تقطعيش كتير , قولتليها ليه ؟ هو انتي ما بتاكليهوش ؟

 

قالتلي لا بناكلووووووووووه ههههههههههههه روحت قعدت اضحك وقولتليها من بحري وبنحبووووووووووووه ههههههههههه ضحكت هي كمان وما فهمتش انا بضحك ليه , لما عرفت اني بكتب عن الاسكندرانية كانت مبسوطة

 

وبرضو عمتي كانت بتقول على واحد قريبنا ان ربنا رزقه ببنت قالنلها سماها ايه يا ماما , قالتلها مش فاكرة

 

قالتلها , قوليلي اول حرف منه واحنا نجيبوه هههههههههههههه

 

كل ما تتكلم انا اضحك هههههههههههه

 

قالتلي ما تبطلي ضحك يا هبة ما تخلنيش نتريئوا على كلامك ههههههههههههههه

 

بس بحد لهجتهم تجنن وبتطلع من بقهم زي الشربات

 

 

 

 

 

 

نحبوا نرحبوا بحبايبنا

 

ام افنان المغير

 

نورتينا يا قمررررررررررر

 

حبيبتنا , محبة صحبة الاخيار

 

اهلا بيكِ حبيبتي , الله يجزيكِ خير يا قلبي , تسلمي

 

 

(مريم )

 

منور يا عسل يا حبيب قلبي

 

 

سارة محمد

 

حبيبتي انتي يا سوسو , مركزة في كل التفاصيل وبتعجبيني هههههه

 

 

ام عبد الرحمن وجنة

 

حبيبتي , شايفة اسمك منور تحت اهو هههههه ان شالله دايما معانا ومنورنا يا جميل

 

 

حواء ام هالة

 

مالك يا بت ومال رحمة وياسيرررررررررررر ههههههههههه

 

خليكي في التقمص يا بتاعة بهير ة انتي ههههههههههههه

 

 

 

المحبة للزهراء

 

مساء الفل يا هلووووووووووووول , اشجان بتقولك بنحبووووووووووووكِ هههههههههههه

 

 

أم رقية

 

رائع يا جميل , يا محلل يا فتّاك هههههههه منوراني يا سكرة

 

 

ام بشار وعبد

 

شوفتي يختي بجاحة اماني يختي !!!!!!!!!!!! هههههه

 

منورة يا ام بشااااااااااار

 

استمتعي بالحلقات مع فنجان قهوة الصباح يا جميل هههههه

 

 

ليا عودة للترحيب بباقي الحبيبات

 

كلكو غاليين على قلبي والله , تسلموا على التواصل والكلام الجميل

شارك هذه المشاركه


رابط المشاركه
شارك

الحلقات رائعة والتطورات اروع

لي عودة للتعليق

بس دلوقتي نسيبوكوا شويتين وحيته عشان نورحوا نروقوا الشقة بعد الغدا

تسلم ايديك هوبة الحبيبة

شارك هذه المشاركه


رابط المشاركه
شارك

اسمتعنا بتطور الأحداث .. بس ليا تعليق ع بعض حاجات : حاسة ان أمير هيحصله حاجة ف السفرية دي :( ... وكمان عندي احساس ان اللي ام عصام حذرت منه بهيرة وهيا أخدته ببساطة وهزار هيحصل .... وبعدين ايه اللي عصام المجنوووووون دا ناوي عليه؟ ربنا يستر (انا نسسسسسسسسسرررررررررررييييين هاااااااااااااااشششششششششم يتعمل فيا كدا؟ وعشان بنت هلفوتة ممرضة ؟؟ أووووووووووفتي بقى ) ههههههههههههههههه

 

تسلمي يا مبدعة

شارك هذه المشاركه


رابط المشاركه
شارك

حلقات جميييييييييلة ياهبة ,تسلم ايدك

ربنا يجزيك كل خير على مجهودك ياحبيبتى

فعلا كتابتك باللهجة الاسكندرانى حببنا فيها قوى .

شارك هذه المشاركه


رابط المشاركه
شارك

وعليكم السلام ورحمة الله وبركاته

سلمت اناملكِ هوبة الحبيبة

الاحداث جميلة وسردها اجل

سبحان الله شوفوا النصيب

بنت خالة امير كانت ضحى بتقنع أمها بواحدة من بنات خالتها لاخوها وشوفوا نصيبها فين

هذه عبرة لجميع البنات اللواتي تاخر زواجهن او لا زلن في ربيع العمر أن الزواج قسمة ونصيب وكله مقدر من عند الله أن لا ييأسن

 

نسرين ورشا لا تتمنا احدانا ان تكون مثلهن أو زوجات اخ مثلهن او حتى التقرب منهن كأصدقاء

سبحان الله الاثنتان معترضات على عيشتهن وكل واحدة بطريقة ولكن النتيجة واحدة فشل وقلة قيمة من قبل الزوج وهذا اهم ما في الموضوع

ما ان تفقد الزوجة قيمتها بنظر زوجها تصبح الحياة فاشلة وفشل من الدرجة الاولى

عصام الله اعلم سيقع بعلاقة مع اماني وربما زواج ولكن سراً وسيقابل بمشاكل من الدكتور صاحب المستشفى والمركز المرموق اللي خلا الاستاذ عصام اللي متربي على يد سيدة فاضلة مثل الاخت امينة يتنازل عن الكثير من مبادئه

لا استطيع ان اتخيل كيفية العيش في هكذا بيت ربة منزله سيدة مثل نسرين اي تنازلات يقدمها عصام ليبقى بهذا المركز

يا سي عصام بلاها مراكز وبلاها مستشفى وبلاها فلوس الواحد مش حاياخود معاه حاجة

 

والدة نسرين وصلوني ليها ست تافهة عالاخر

اصحى بقى وحصل الباقي من كرامتك المتبعثرة هنا وهناك

منال رائـــــــــــــــــــعة

رحمة وياسر حيحصل اللي قالت عليه امينة واكتر بأنتظار الاحداث

 

 

احمد اعتقد المعارضة على زواجه سيكون من قبل عادل وسعاد مع بعض اعتقد ان اشجان حايكون لها دور في زواجه يعني بأقناع والده

 

 

يالله يا هوبة

فين سلوى هي بطل يجيها عرسان ؟

ومرزوق نفسي اعرف اتصرف ازاي لما عرف بقصة العباية

وبنة فهيمة عايزة اعرف ايه دورها بالمسلسل

واوسا الفاشلة اعتقد سامي حايهينها كتير وبعدين يطلقها ويرجعها لمامتها

اهدم اعتقد من فشل لفشل وبسبب شلة الصيع ممكن يحصله حاجة عشان يبعد عن ضحى

شارك هذه المشاركه


رابط المشاركه
شارك

حلقات جميله

ورحاب عامله زيي مبحبش اخوات العريس بقى يعملوا زى يمنى وعنان كده بتضايق الصراحه زى مارحاب اتضايقت

 

وكلام ام عصام صح زى مابنقول ان تخلى بالها من تعلق ياسر ورحمه ببعض

 

ربنا يستر ده شكل حلمى ده من النوع اللى بيخوّف

 

الله يكرمك يا هبه ( :

بس قوليلى هما الاسكندرانيه بيقول انا ازاى ؟ زى الفلاحين ؟ انا بشوفك بتكتبيها انى بس مش عارفه نطقها ازاى عندهم

شارك هذه المشاركه


رابط المشاركه
شارك

بارك الله فيك وفي ابداعاتك .

احب ان اوضح ان العﻻقة بين الكنة(زوجة اﻻبن)والحماة هي كالعﻻقة بين منال وام عصام ﻷن اساس اﻻختيار الدين يفرض بينهما الاحترام وتحل المودة والرحمة لكن ان اختفى الدين اصبحت العﻻقة كما رأينا مع الحاجة ام عصام وزوجات ابنيها عصام وهاني .

وليس السبب هو فقدان منال حنان امها وان كان هذا يزيد من المودة والحب بينها وبين حماتها .

شارك هذه المشاركه


رابط المشاركه
شارك

أنا مكنتش متابعة من الاول بس الحلقة دي

بتقول إن المسلسل جميل ذي صاحبته

ههههههههه

شارك هذه المشاركه


رابط المشاركه
شارك

سلمت اناملكِ هوبة الحبيبة

الاحداث جميلة

سلمت اناملك ياغالية

ممممممممم اعتقد ان عصام سيتزوج امانى رايت امامى قصه مشابهة

زواج احمد سيكون الاعتراص من امه ولكنه سيصر على اختياره

ياسر ورحمة مشكلة كبيرة عندما يتعلق الولد بفتاة مهما كانوا صغار يجب الحذر عند سن معينه لا احبذ اختلاط البنات والاولاد

يقولون انهم اطفال لايجب لفت انظارهم وانهم لا يفهمون شيئا ولكن المشكلة تكون كبيرة

 

 

بانتظار الروائع

شارك هذه المشاركه


رابط المشاركه
شارك

ا

شارك هذه المشاركه


رابط المشاركه
شارك

أخاف فعلا من تطور علاقه ياسر برحمه

وعصام شكله ناوي يعمل تاني قصة تعدد في المسلسل

بردو يا هوبه بتدفعينا دفع لاختيار التعدد

شريره انتي:)

ودعاء شخصيه محترمه وممتازه

شارك هذه المشاركه


رابط المشاركه
شارك

ممم السلام عليكم

 

وعليكو

 

 

انت الاسطى حلمي ؟

 

ايوة , انت مين وعايز ايه ؟؟؟؟؟؟؟؟

 

 

هههه طب نطلب حاجة نشربها الأول وبعدين نتفاهم , تشرب ايه يا اسطى حلمي ؟

 

 

طالما على حسابك , يبقى اخد حاجة ساقعة ههه

 

ماشي يا عم , من فضلك اتنين حاجة ساقعة يا ........

 

هههههه خدامك حلبسة , حالا الحاجة الساقعة تكون موجووووووووووووودة , وعندك اتنين حاجة ساقعة وصلحوووووووووووو

 

 

ايه الاخبار يا اسطى حلمي ؟

 

الاخبار ! اخبار ايه ولا مؤاخذة ؟

 

ههههه اخبار الدنيا , عاملة معاك ايه

 

ملطششششششة , الجاي على قد اللي رااااااااااايح , الواحد بيجيب علبة السجاير بطلوع الروووووووووح , لا اكل عدل ولا شرب عدل ولا عيشة عددددددددددلة , غير الزباين اللي يطلعوا الروووووووووووح

 

 

هههههه واللي يساعدك بقرشين حلوين كدة , يخلوا العيشة تحلو , تعمله ايه ؟؟؟؟؟؟؟؟؟؟

 

تساعدني بقرشين !!!!!! ليه ! بمناسبة ايه ؟؟؟؟؟؟؟ انت مين يا بيه ؟؟؟؟؟؟؟؟؟؟

 

 

الحاجة الساقعة يا جناب الباشاااااااااااااااا

 

 

شكرا , حطها عندك

 

 

ها يا بيه , ما قولتليش انت مين وعايز ايه ؟ شكل حضرتك شخصية جامدة اوي , باين من الشياكة والبرفانات والنضارات والساعة الغالية اللي هتاكل من ايدك حتة دي , ههههه يعني , الواحد بيفهم في الناس العليوي برضو

 

هههه انا واحد عايز مصلحتك

 

مش فاهم يا بيه

 

انا هدخل في المفيد عشان الوقت بفلوس , بص يا اسطى حلمي انا بعرض عليك شيك بعشر الاف جنيه

 

كاااااااااااااااااااااام !!!!!!!!!! ععع ع عشررررر عشر تلاف جنيه مرة وااااااااااااحدة , ليه وعشان ايه يا بيه ! انت عايز مين بالظبط ؟؟؟؟؟؟؟

 

ههههه عايزك انت يا اسطى حلمي , مش برضو الاسطى حلمي محمود عبد الله جوز مدام اماني ؟؟؟؟؟؟؟؟

 

 

اماااااااااااااااني !!!!!!!!!!!!! هو حضرتك تعرف اماني ؟؟؟؟؟؟؟؟

 

انا المحامي بتاعها الاستاذ رضا حمّاد

 

حضرررررررررتك المحامي بتاع اماااااااااااااااني ! هي اماني لاقية تاكل عشان تقوم محامي زي حضرتك ! اماني يوم ما تقوم محامي , يبقى هتدور على محامي كحيان على قد فلوسها , دي بت غلبانة ويادوب عايشة على مرتبها

 

حاجة ما تخصكش يا حلمي , اللي يخصك انت تاخد الشيك اللي بعشر الاف جنيه

 

مقابل ايه ؟؟؟؟؟؟؟؟؟؟؟؟؟

 

تطلق مدام اماني

 

ههههههههههههههههههههههههههههههه ايوة ايوة ايوة , انا كدة فهمت , ممممممم ومين بقى اللي هيدفع المبلغ ده يا بيه ؟؟؟؟؟؟؟؟؟؟؟

 

مدام اماني اللي هتدفع

 

ههههههه ومنين يا حسرة ! هي هبطت عليها ثروة ولا جدها الباشا مات وورثته هههههههه

 

 

انا عايز اعرف انت يهمك ايه غير انك تطلق وتاخد المبلغ الكبير ده اللي هيساعدك تحسن ظروفك , ها , هتطلق ولا لأ ؟؟؟؟؟ لو مش موافق يبقى بسحب العرض وكأنك ما سمعتش حاجة

 

 

ماسمعتش حاجة يعني ايه يا بيه !!!!!!! بس ممممم بس مش شايف ان عشر الاف جنيه مبلغ قليل اوي ! يا بيه انت بتطلب مني اطلق مراتي , عارف يعني ايه مراتي ! هههههه يعني حبيبتي وام ابني , وانا بقى ما ابيعش مراتي بالساهل كدة , اماني تساوي كتير اوي

 

ممممممم هما عشر الاف , تطلق وتاخدهم , اكتر من كدة مش هندفع , هااااااا , قولت ايه ؟ هتطلق ؟

 

ممممممممم طيب يعني مش هتزود المبلغ

 

لالالا يبقى انت كدة بتضيع وقت , عن اذنك , انا ماشي , الحساااااااااااب الحساب يا اسمك ايييييه

 

 

استنى بس يا بييييييييييه استنى , الكلام اخد وعطا , مش كدة , اقعد بس نتفاهم

 

 

هههه كدة تعجبني يا اسطى حلمي , هتطلق امتى عشان تاخد المبلغ ؟

 

طيب مش نتفاهم الاول على كل حاجة , انا عندي شرط عشان اطلق

 

ايه هو شرطك ؟

 

اماني تتنازل عن كل حااااااااااااجة , تبريني من الحق والمستحق , يعني لا تطالبني بعفش ولا مؤخر ولا نفقة متعة

 

ممممممم موافقين , ده الكارت بتاعي هتجيلي المكتب بكرة الساعة تسعة مساءا , تطلق وتاخد المبلغ ومعاه تنازل من مدام اماني عن كل مستحقاتها

 

هههههه اهو ده الكلام يا بيه , مممممم كارت مستواه عالي زي صاحبه

 

هههه شكرا , منتظرك في مكتبي بكرة يا اسطى حلمي في المعاد اللي حددناه

 

ههههههه وقبل المعاد هنكون عندك , دول عشر تلاف جنيه مش شوية هههههههه

 

 

طيب , ناديلي ع القهوجي عشان ياخد حسابه

 

 

يا حلبسسسسسسسسسسسسسسسة انت يلااااا , تعالى خد الحساب من الباشا الكبير اوووووووي

 

 

تحت امرك يا بييييييييه

 

حسابك كام

 

تلاتة جنيه بس

 

خد العشرين جنيه دول عشانك

 

هههههههه عشرين جنيه مرة واااااااااااااحدة , ربنا يخليك يا سعااااااااادة البيه , ابقى تعالى كل يوم الله يحليييييك

 

هههه طيب يا اسطى حلمي , اقولك سلام مؤقتا

 

مع السلاااااااااااااااااااامة , مع السلامة يا عم المحاميين كلهممممممممممممممم , ولا يا حلبسسسسسسسسسة

 

 

نعمين يا اسطى حلمييييييييييييييي

 

ما تجيب يلا نص اللي خدتهم من الباشا ددددددددده

 

نعممممممممممممم

 

الله ! هو مش الباشا ده جاييلي اناااااااااااا ! يعني لولايا ما كنتش شووووووووووفته ما كانش عتب باب قهوتك المزبلة دددددددددددي

 

 

بقولك يا اسطى حلممممممممممممممي , بطل بقى تبص للي في ايد غيررررررررررك , دا رزق العيال يا اخي حرام علييييييييييييك , عن اذنك , في زباين جاااااااااااااين , ايوا جاااااااااااااااااااي

 

روح يا اخي , قهوجي ضلالي وطماع صحيييييييييييييييح , خليني انا في العشر تلاف اللي هاخدهم بكرررررررررة ههههههه يا سلااااااااااااااااااام , الواحد في حياته ما اتحكم على نص المبلغ ددددددددددده

 

 

 

 

 

 

 

 

 

 

 

 

 

 

 

 

 

 

 

 

ترررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

 

 

الو

 

الدكتور عصام موجود لو سمحتي ؟

 

 

ايوة لحظة واااااااااااحدة

 

 

 

دكتور عصاااااااااااام

 

 

ايوة يا تغريد

 

 

 

تليفون علشانك يا دكتور

 

 

طيب انا جاي

 

 

السلام عليكم

 

وعليكم السلام , ازيك يا عصام باشا

 

هههه اهلا استاذ رضا , يا ترى قابلت حلمي ؟

 

ايوة قابلته واتفقت معاه على كل حاجة , لكن هو ليه شرط

 

شرط ! شرط ايه ؟؟؟؟؟

 

 

عايز مدام اماني تتنازل عن كل مستحقاتها , في الحقيقة انا قولتله انها موافقة

 

ههه ما فيش مشكلة , هي مش عايزة منه حاجة غير انه يديها حريتها

 

طيب , انا هجيلك كمان ساعة واجيب ورق التنازل عشان تمضي عليه مدام اماني , لان معادي بكرة مع الراجل عشان يطلق

 

كمان ساعة مش هينفع , لاني داخل اوضة العمليات كمان نص ساعة , يعني لو تخليها تمانية مساءا يبقى كويس اوي , وكمان اماني مش موجودة , عندها نوباتجيبة بالليل ومش هتيجي قبل الساعة تمانية

 

خلاص , تمانية هكون عندكو في المستشفى ان شاء الله

 

ههه هتشرف يا استاذ رضا

 

 

 

 

 

 

هههههههههه بجد يا دكتور , حلمي هيطلقني بكرررررررررررة ؟ يعني مجرد ما امضي على ورق التنازل هاخد حريتي ؟؟؟؟؟؟؟؟

 

ههههه ايوة يا اماني

 

انا مش عارفة اقولك اييييييييييه ممممممممممم فرحانة فرحانة فرحااااااااااااااانة هههههههههه نفسي اعمل حاجة مجنووووووووووووووووونة ههههههههههه

 

لالالالالالا اعقلي هههههههه خلي الجنان بعدين

 

هههههههههههههه متشكرة متشكرة اوي يا دكتوووووووووووووووور , ربنا يخليك ليا وما يحرمنيش منك ابدا ابدااااااااااااااااااا يا احن واطيب وأرجل انسان شوفته في حياتي

 

هههه شكرا يا اماني , اتفضلي انتي دلوقتي ولما يجي استاذ رضا هديكِ خبر , هو على وصول ان شاء الله

 

هههههه طيب هنزل عشان عندي شغل واول ما تبعتلي هاجي جررررررررررررررري

 

 

 

 

 

 

 

 

 

 

 

 

 

 

 

 

ههههههه انت منور يا استاذ رضا والله , اشرب القهوة

 

هههه شكرا يا دكتور , من فضلك ادي خبر لمدام اماني عشان لازم امشي والله , عندي زباين في المكتب معادهم كمان ساعة , غير اللي اعتذرت عن مقابلتهم النهاردة ولخبطة مواعيدي بسبب موضوع مدام اماني

 

ههههههه كله بحسابه يا استاذ رضا , انا تحت امرك في الاتعاب

 

هههههه مش هنختلف يا دكتور , ما بين الخيرين حساب

 

لحظة واحدة , اطلب الاستقبال يبعتوا اماني

 

 

ترررررررررررررررررررررررررررررن ترررررررررررررررررررررررررررررررررررررررررررررررررررررن

 

الوووووووو

 

حد يبعتلي امااااااااني عايزها في القسم عندي , انا دكتور عصاااااااام

 

حاضر يا دكتورررررررررررررررر , امااااااااااااااااااني

 

ايوة ايوة ايوة , في ايه يا مها ؟

 

دكتور عصام عايزك في القسم عنده بسررررررررعة , اوعي تكوني قصرتي في حاجة في الشغل , اصل كان بيتكلم بعصبية ههههههه شكلك عملتي مصيبة وباعتلك عشان يهزئك

 

يا خبررررررررر , انا طالعة حالااااااااااااااااااا ههههه , يا ترى عايزني لييييييييييييه ؟؟؟؟؟؟؟؟؟؟؟

 

 

 

 

 

 

 

 

 

 

 

تن تن تن دكتور عصام

 

 

اتفضلي مدام اماني

 

 

مساء الخير

 

مساء النور يا اماني

 

اهلا مدام اماني , رضا حمّاد المحامي

 

اهلا استاذ رضا , الدكتور قالي انك جايبلي ورق التنازل عشان امضي عليه

 

ايوة , اهو الورق اهو , اتفضلي امضي

 

ممممم ايوة بس انا خايفة امضي وياخد ورقة التنازل وما يطلقش

 

ههههه ما تخافيش , انا مش تلميذ , انا محامي كبير وليا اسمي وبعرف كويس اتصرف في المواقف دي

 

هههه طبعا يا استاذ طبعا , حقيقي دكتور عصام بيشكر في حضرتك جدا

 

ههه شكرا مدام اماني , اتفضلي امضي

 

 

ممممممم

 

امضي يا اماني , استاذ رضا مستعجل

 

 

همضي يا دكتور

 

 

كدة كويس اووووووووووي , بكرة ان شاء الله هيتم الطلاق وهتوصلك ورقتك ع البيت

 

هههههههههههه متشكرة متشكرة جدااااااااا , هستنى بكرة بفارغ الصبررررررررررررر

شارك هذه المشاركه


رابط المشاركه
شارك

يااااااااااااااااااااااه مصر وحشتني بشكل هههه وقف هنا يا اسطى عند العمارة دي

 

حمدالله ع السلامة يا استاذ

 

الله يسلمك , يا عوووووووووووووواد عوااااااااااااااااااااااااااااد

 

الاستاذ مرزوووووووووووووووووووووووووووووووق ههههههههههههههه الف حمدالله ع السلامة

 

ههههههههه الله يسلمك يا عواد , ازيك وازي العيال

 

زي الفل الحمدلله , واد يا مسعدددددددددد واد يا سعيييييييييييييييييييد

 

 

ايوة يا بابااااااااااا

 

نعم يا باباااااااااااااا

 

طلعوا شنط الاستاذ مرزووووووووووووق

 

حاضررررررر , حمدالله ع السلامة يا استاذ مرزوق

 

الف حمدالله ع السلامة يا استاذ مرزوووووووق

 

ههههههه الله يسلمكو يا ولاااااااااد , ماشاء الله كبروا , ربنا يخليهوملك يا عواااااااد

 

تعيش يا استاذ مرزوق هههههه

 

خد حسابك يا اسطى ومتشكرين اوي

 

ربنا يكرمك يا بيه , حمدالله ع السلامة

 

 

ههههه مصر نورت يا استاذ مرزوق

 

الله يخليك يا عواد , ايه دددددددده ! مين ده ؟ الاستاذ حسييييييييييييين هههههههه يا استاذ حسين , استاذ حسيييييييييييييييين

 

 

يااااااااااااااااااااااااه ههههههههه الاستاذ مرزووووووف , ازيك يا راجل , ليك وحشة والله الف حمدالله ع السلااااااااااااامة

 

ههههه الله يسلمك , والله انت اللي واحشني , ازيك وازي ولادك يا استاذ حسين

 

في فضل ونعمة اللهم لك الحمد , انا حظي حلو والله ,راجع النهاردة من السوبر ماركت بدري لقيتك قدامي ههههه

 

سوبر ماركت ! انت اشتريت سوبر ماركت يا استاذ حسين ؟

 

هههههههه يا راجل اشتريته ايه بس ! ده سوبر ماركت بتاع واحد صاحبي , قالي اديرهوله بعد الضهر واهو حاجة تساعد جنب المرتب , العيال كبرت ومصاريفهم بتزيد

 

الله يعينك عليهم وويوسع عليك يا استاذ حسين , مشتاقلك والله يا اخي , بقالنا كتير ما قعدناش مع بعض , كنا بنشوف بعض كتير لما كنت مقيم في القاهرة , مفتقدك حقيقي

 

نعمل ايه بس , انت على طول مسافر , والشهر اللي بتقعده , يادوب بتقضيه مع ولادك واهلك , ايه , مش ناوي تستقر في مصر بقى ؟ ما تعبتش من الغربة المُرة دي ؟

 

هههههههه لالالالا خلاص , كان زمان , انا دلوقتي ما اقدرش استقر في مصر , ليا مصالح هناك ما اقدرش اسيبها

 

الله ييسرلك احوالك اللهم آمين , يلا بقى عشان تطلع لولادك . زمان المدام والاولاد مستنيينك على احر من الجمر ههههه

 

ههههه اديني طالع يا سيدي

 

 

 

 

 

 

 

 

 

 

سونسووووووووووووووووووووون هههههههههه حبيبي حمدالله ع السلااااااااااااااامة , بفرح اوي لما تيجي بدري يا حبيبي هههههههههههه

 

هههههه الله يخليكِ يا بهيرة , فين العيال

 

نامو يا حبيبي نامووووووووووووو , اتهدوا من كتر اللعب والتنطيط طول النهار وكل واحد اتلئح على سريره وناااااااااااام

 

ههههه معلش , كان نفسي اشوفهم

 

ادخل اصحيهوملك يا حبيبي ؟؟؟؟؟؟؟؟؟؟؟؟؟ والله , مش عزومة , اصحيهوملك وادخل انام انا

 

هههه لا يا ستي شكرا , خليهم نايمين , مش الاستاذ مرزوق وصل ؟

 

والله ! يا فرحتك يا عصمت ههههههههه زمانها متحزمة وبترقص وبتقول والله واتجمعنا تاني يا قمر والله واتجمعنا واحلو السهر هههههههههههه

 

ربنا يفرح الجميع يا ستي , في عشا ولا ادخل انام زي العيال

 

اخص عليك يا سونسوووووووووووون ! دا سؤال برضو ! من فضلك اسحبه , من امتى انت بتيجي ماتلاقيش عشا !!!!!!!!!!!! دا انا لو ما عملتش عشا يبقى ما استحقش اكون مراتك يا حبيبي , لو ما عملتش عشا , يبقى الموت اهون من الحياة , لو ما عملتش عشا , يبقى وديني عند امي احسسسسسسسسسسسسن

 

يووووووووووووووووووووووووووووووووووه ! كل ده عشان بسألك في عشا ولا لأ !!!!!!!!!!!!! انا غلطاااااااااااااااااان سحبت السؤااااااااااااااال , يخرب بيت الصداع يا شيخة

 

في ايه يا سونسون , مش بجاوبك على سؤالك !!!!!!!!! انا داخلة المطبخ احضر العشا يا احلى مدرس جغرافيا , الا ما قولتليش يا سونسون , اخبار الطقس في موزمبيق ايه ؟؟؟؟؟؟؟؟؟؟؟؟؟؟؟؟؟؟

 

 

امش من وششششششششششي امشيييييييييييييي

 

يا مامااااااااااااا طول عمرك حمش يا سونسوووووووووووووووووون ههههههههههههههه

 

 

 

 

 

 

 

 

 

 

 

 

 

 

 

 

هههههههههههه اهلا اهلا اهلا يا مرزوق يا حبيب قلبي اموووووه ازيك يا غااااااااالي عامل ايه يا ابو عيالي

 

ههه ازيك يا عصمت

 

بخير يا حبيبي , ادخل ادخل نورت بيتك هههههههه

 

 

بنورك يا ستي

 

 

لكن قولي يعني متوصي بالشنط اوي المرة دي ! ههههههه كتير كتير اوي اكتر من كل مرة

 

ههههههههه عشان يملوا عينك وعين بناتك , ما هم كبروا وطلباتهم زادت , يارب يكون ده كفاية , اومال هما فين البنات

 

البنات راحو عيد ميلاد واحدة صاحبتهم

 

اييييييييييييييييييييه !!!!!!!!!!!!! عيد ميلاد مين يختيييييييييييي ! انتي بتستهبلي يا ست انتيييييييييييييييي !!!!!!!!!! يعني ايه البنات يخرجوا بالليل ويروحوا اعياد ميلاااااااااااااااااد

 

 

الله ! وفيها ايه يا مرزوووووووق , مالك مكبر الموضوع كدة , صاحبتهم وعزمتهم على عيد ميلادها , يقولولها لأ مش هنيجي !!!!!!!!!!!! عايزها تقول عليهم ايه ! مش عايزين يجوا عشان ما يجيبوش هدايا !!!!!!!! ده حتى منظرهم كان يبقى وحش اووووووووي

 

انتِ اكيد مجنووووووووونة , واحنا نعرف منين الناس دوووووووووول , ازاي تآمني ع البنات يدخلوا بيوت ما نعرفش ايه اللي فيهاااااااااااا

 

يوووووووووه , يا مرزوق , اصحاب البنات كلهم من عائلات , يعني هو انا هودي بناتي عند ناس أي كلام !!!!!!! اطمن يا حبيبي , بناتك في الحفظ والصون

 

لا حول ولا قوة الا بالله , انتِ عارفة الساعة كام دلوقتييييييييييي , الساعة داخلة على تسععععععععععععععة تسعة مساءااااااااااااااااا

 

يا حبيبي مش هيتأخروا , العيد ميلاد هيخلص بالكتير عشرة او عشرة ونص , يعني الساعة حداشر بالكتير هيكونوا هنا

 

انتي بتقولي ايييييييييييييييه ! ازاي البنات يجو في وقت متأخر زي ددددددددددددده ! مش خايفة يقابلوا في طريقهم شباب سكرانين ولا شاربين حاجة يعملوا فيهم مصييييييييييييبة !!!!!!!!!!!!!!!!

 

ليه يا مرزووووووووق , يا حبيبي هو احنا فين ! في شيكاغوووووو ! يا حبيبي الدنيا أمان والشوارع منورة والناس رايحة جاية وكل البنات بيخرجوا , مش بناتي بس اللي بيخرجوا

 

لا يا هااااااااااااااانم ما تعمميش الموضوووووووووع , بنات الناس المحترمين ما بيخرجوش ويرجعوا في نصاص الياااااااااااااااالي , دا غير ان ما فيش احترام لابوهم اللي جاااااااااااااااي , اجي بعد سنة غياب وهما عارفين اني جاي ومع ذلك يخرجووووووووووووا , بناتك مش حاسين بوجوووووودي مش معتبريني اب وليه احتراااااااااااااااامه , المفروض ان ابوهم جاي بعد غياب يعني يستنوووووووووووه يعني يقابلوه بأشوااااااااااق , لكن للأسففففففففففف هما مستنين الهدايا والشنط وعارفين انهم هيرجعوا يلاقوها في أي وقتتتتتتتتتتتتتت

 

يوووووووووووووه والله انت مكبر الموضوع يا مرزووووووووق , دول البنات روحهم فيك

 

ايوة ما هو وااااااااااااضح , معاكِ رقم البنت اللي هما عندهاااااااااااااا ؟؟؟؟؟؟؟؟؟؟

 

ايوة طبعا

 

اتفضلي اتصلي قولي للهوانم بناتك يجو حالااااااااااااااااا , بلاش قلة ادب ومسخرررررررررررررررة , والله عال , يخرجوا على كيف كيفهم ويجولي في نصاص اللياااااااااااااااالي , وانت حسابك معايا بعدين يا عصمتتتتتتتتتتتتتت , اتفضلي روحي اتصلي بالهوااااااااااااااااااانم

 

 

اوووووووووووووووف , انا عارفة ايه اللي داخل علينا بالزعيق والتجعير ددددددددده ! فيها ايه يعني لما البنات راحوا عيد ميلاد صاحبتهم اوووووووووووووووووووف , فين الزفت التليفووووووووووون

 

 

 

 

تررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررن

 

الوووووووووو

 

 

ايوة , لو سمحتي عايزة اكلم بسمة

 

مين معايا

 

انا مامت دنانير ودراهم

 

اهلا اهلا اهلا يا روحي , انا مدام شويكار مامت بسمة

 

اهلا يا مدام شويكار , كل سنة وبسمة طيبة هههه

 

هههه وانتِ طيبة ياروحي , ما جتيش العيد ميلاد ليه مع البنات ؟؟؟؟؟؟؟؟

 

والله كان نفسي , بس باباهم جه من السفر , ما كانش ينفع يجي ما يلاقنيش

 

هههههه ونعم الستات يا روحي

 

طيب لو سمحتي خليني اكلم دراهم او دنانير عشان اقولهم يجوا عشان باباهم جه

 

 

ليه كدة بس يا روحي !!!!!! البنات والشباب فرحانين وبيرقصوا ويغنوا , دول بناتك رقصهم يجنن ههههههه انا سيبت الحفلة والضيوف وقعدت اتفرج هههههه هايلين بجد , انتِ اللي معلماهم الرقص ؟؟؟؟؟؟؟؟؟؟

 

ههههههه لا يا حبيبتي , هما متعلمين لوحدهم ههههههه طول عمرهم يسمعوا الاغاني ويتنططوا عليها

 

ههههههه ربنا يخليهوملك , حاضر هبعتلك واحدة من البنات

 

 

 

دراهم يا درااااااااااااااهم

 

نعم يا طنططططططططططططططط

 

 

ماما ع التليفون يا روحي , بتقول باباكو جه

 

يييييييييييييييييييي , يبقى هتقولنا تعالوا بقى وتبوظ علينا الحفلة لالالالالالالالالا انا هروح انادي دنانير ممممممم بس هي راحت فين ؟؟؟؟؟؟؟؟؟؟؟

 

بسسسسسسسسمة , هي دنانير فين ؟؟؟؟؟؟؟؟؟؟

 

دنانير في البلاكونة مع شريف يا دراهم

 

يادي شرييييييييييييييف , هدخلها اقولها كلمي ماما

 

 

 

 

 

 

هي البلاكونة ضلمة كدة ليه ايد ددددددددددددددددده ! يا خبر اسوووووووووووووود دنانيررررررررررررررررر

 

يا خبر , ابعد ابعد يا شرييييييييف أأأأأأأأأ ايوة ايوة يا دراهم

 

ممممممممم ماما عايزاكِ ع التليفون

 

 

عن اذنك يا شريف

 

هههه اتفضلي يا حبيبتي

 

 

استني هنا قبل ما تردي ع التليفووووووووووون

 

عايزة ايه يا دراهم

 

يا بجاحتك يختي !!!!!!!!! الواد ده كان بيعمل ايه ؟؟؟؟؟؟؟؟؟؟؟

 

أأأأأأ ما بيعملش

 

والله !!!!!!!! انا شوفته كان لسة هيبوسك ولما انا دخلت قولتليه ابعددددددددد

 

لالالالالالالالالا انتِ كدااااااااااابة أأأأأأأ شريف أأأأأ شريف كان ممممم كان , أأأأأ اصل عنيا اتطرفت وكان مممممم

 

ايوة ايوة , كان عايز يحطلك قطرة مش كدة ؟؟؟؟؟؟؟؟؟؟؟ اتفضلي ردي على ماما عشان مستنياكِ من بدري وبعدين نتكلم

 

 

اوووووووووووووووووف , انا عارفة ايه اللي كان دخلها دي في الوقت ده بالذااااااااااات اوف , هتقعد تذلني بقى وتمسكها علية ذلة وتأرفني

 

 

الو ايوة يا ماما

 

ايوة يا دنانير , يلا تعالي انتِ واختك عشان ابوكوا قالب الدنيا على دماغي عشان جه ما الأقاكووووووووووووش وعمال يسب ويلعن من ساعة ما جه

 

اوووووووووووف بقى , ابتدينا الارف والتحكمات الفارغة يا ماما , هيبقى شهر كله خنقة وتحكماااااااااااات اوووووووووووووووف , ماما مش هينفع اجي , شريف هنا يا ماما شريف هنا

 

ايوة يا حبيبتي بس هنعمل ايييييييييه , شريف ابقي اعتذريله وشوفيه في وقت تاني

 

يا مامااااااااا اهئ اهئئئئئئ يا ماما بقىىىىىىىىىىىىى اهئ اهئ هشوفه امتى ! بابا هيقعد شهر بحااااااااااااله اهئ اهئ يعني شهر تحت الاقامة الجبرية , يعني الجمل المشهورة , ما فيش خرووووووووووج مافيش فسسسسسسسسسسسسسح الا مع حضرته طبعاااااااااااااااااا

 

يوووووووووووووووووه , شهر نستحمله بالطول ولا بالعرض , يلا خلصيني , تعالي انا مش عايزة مشااااااااكل , ابوكِ بيتلككلي يا دنانيرررررررررررررر

 

حاضر يا ست مامااااااااااا حاضرررررررررررر اوف , سلاااااااااااااااام , شرررررررررررررررررريف

 

 

ايه يا حبيبتي , خير ؟؟؟؟؟؟؟

 

ممممممم اسفة يا حبيبي مضطرة امشي عشان بابا عايزني ضروري

 

طيب وهشوفك امتى

 

مش عارفة يا حبيبي

 

لالالالالالالا كدة ما ينفعش , حددي معاد

 

مش هينفع والله يا شريف , طول ما بابا هنا مش هينفعععععععععععععععععع

 

يووووووووووووووووووووووه , انتِ هتكرهيني في ابوكِ ده , عشان هيحرمني من اجمل عنين , اجمل رموش اجمل ............................... هههههههه

 

هههههههههه باصص فين يا قليل الادبببببببببب هههههههه انت مجرم يا شريف , انا ماشية بقى وهحاول اكلمك في التليفون كل ما تيجي فرصة , بس برضو مش هنعرف نرغي براحتنا

 

اوووووووووووووف , ربنا يديني الصبر بقى , بس اول ما ابوكِ يمشي لازم تحدديلي معاد قبل ما اتجنن

 

ههههههههه سلامتك من الجنان يا حبيبي بااااااااااااااااااي

 

 

ههههه باي باي يا حلوة , هتوحشيني يا دنانير ممممممم هي البت اختها دي بتبصلي من فوق لتحت كدة ليه مممممم باي باي يا دراهم هههههه

 

انت ما تتكلمش معايا خاااااااااااااااااالص , انسان سافل صحيح

 

ههههه مالها البت دي !!!!!!!! شكلها متغاظة عشان مش لاقية حد يبوسها ههههههههههههههههههههههههههههه

 

 

 

 

 

 

 

 

 

 

 

 

 

 

 

 

 

دراهم

 

عايزة ايه

 

ممممممم ممكن ما تقوليش لماما ع اللي شوفتيه

 

يعني حضرتك عارفة انك غلط

 

دراهم ما تنسيش اني اختك الكبيرررررررررررة كلميني بأسلوب احسن من كدة

 

والله للأسف انك اختي الكبيرة , ياريت كان ليا اخت عاقلة عشان تعقلني , لكن مصيبتي ان اختي الكبيرة مجنووووووووونة وربنا يستر هتودي نفسك لغاية فين

 

اووووووووووف , دراهم , ماما عارفة كويس اوي ان انا وشريف بنحب بعضضضضضضض

 

والله ! وياترى هيكون موقفها ايه لما تعرف بللي كنتوا بتعملوه في الضلمة , سايبين الحفلة وعاملين حفلة لوحدكو في البلاكووووووووووووووونة

 

دراهم , انا مش صغيرة وشريف بيحبني وهيتجوزني واهم حاجة ان ماما عاااااااااااااااارفة

 

انتِ حرررررررررررة , انا ماليش دعوة بيكِ

 

يكون احسسسسسسسسسن , ويلا عشان نرن الجرس نشوف سي بابا عايز ايه

 

 

 

ترررررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررن

 

 

 

استنيييييييييي انا اللي هفتح للهوااااااااااااااااااانم

 

 

روح يا سيدي افتح

 

 

 

باباااااااااااااا هههههههههههههههه وحشتني يا باباااااااااااااااااا

 

ممممم حمدالله ع السلامة يا بابا

 

اهلا وسهلا بالهوانم اللي لابسين قصير وحاطين احمر واخضر واصفر ومغرقين روحهم برفاناااااااات وراجعين الساعة عشرة باللييييييييييييييييييييييييل ايه المنظر ددددددددددددددده , انت يا ست عصممممممممممممممممت , ازاي سايباهم ينزلوا بالشكل الخليع ددددددددددده

 

مالهم بس يا مرزوووووووووووووق , الله !!!!!!!! متزوقين ولابسين عشان العيد ميلاد , اومال يعني عايزهم يروحوا بهدوم مبهدلة !!!!!!!

 

يا بابا كل صاحباتنا بيلبسوا كدة , حضرتك زعلان ليه !!!!!!!!!! وبعدين ده بدل ما تاخدني في حضنك انا ودراهم تقوم تقابلنا المقابلة الوحشة دي !!!!!!! اهئ اهئئئئئئئئئئئئئئئئئئئئئئئ شايفة يا دراهم ؟؟؟؟؟؟؟؟؟

 

بابا احنا متأسفين بجد اهئ اهئئئئئئئئ , احنا غلطانين يا بابا , عشان خاطري يا بابا ما تزعلش مننا اهئ اهئئئئئئئئئ انا مش هعمل حاجة تضايقك تاني اهئ اهئئئئئئئئئئئئئئئئئئئئئئئئئئئئئئ حقك عليا يا بابا , سامحني اهئ اهئ سا محني يا بابا

 

لا حول ولا قوة الا بالله , طيب , اتفضلوا ادخلوا غيروا الهدوم الزفت دي واغسلوا وشكوووووو , اكون هديت شوية وتمالكت اعصابي , انا داخل اتوضى واصلي ركعتين , ربنا يهدينا ويهدي الجميع

 

 

 

 

اووووووووووووووووووف اعوذ بالله راجل نِكَدي , قلب البيت في ثانية ونكد ع الغلابة دول

 

 

 

 

 

 

اهئ اهئئئئئئئئئئئئئئئئئئئئئئئئئئئئئئئئ اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئئ

 

يوووووووووووووووه , انتِ بتعيطي على ايه يا درااااااااااااااااااهم ! احنا ما غلطناش في حاااااااااااااجة , هو اللي جاي بيتلكك على رأي ماماااااااااااا , ايه الأرف ده , احنا مش غلطانين ما غلطناااااااااااش

 

اهئ اهئئئئئئئئئ لا غلطنا يا ست دنانير اهئ اهئئئئئئئئ انا من ساعة ما شوفتك مع الولد اللي اسمه شريف ده في البلاكونة وشوفت عمل معاكِ ايه وانا حسيت اننا رخاص اوي اهئ اهئئئئئئئئئئئئئئئئئ

 

ايه العبط ده !!!!!!!!!! يا بنت ده حب حبببببببببب افهمي بقى , أي اتنين بيحبوا بعض حب حقيقي لازم يعملوا كدة

 

في ستين داهية الحب اللي يهين البنت ويخلي جسمها سلعة مباحة لاي حيوان يقولها بحبك اهئ اهئئئئئئئئئئئئئئئئئئئئئئئئئئئئئئئئئئئئئئئئئئئئئئ

 

ييييييييييييييييييييي , ده انتِ بت عقققققققققققققققد , اووووووووووووووووف هدخل اغسل وشي عشان سي بابا أمر بكدة , ربنا يعدي الشهر ده على خيررررررررررر , نفسي اغمض وافتح الاقي الشهر خلص وبابا سااااااااااااااافر عشان ترجعلنا الحرييييييييييييييييييية

 

 

 

 

 

 

 

 

 

غيرت هدومك واتوضيت وصليت يا مرزوق

 

الحمدلله

 

طيب يلا , جهزتلك العشا

 

ماليش نفس , اتفضلي اخرجي من الاوضة عشان هعمل مكالمة مهمة

 

ههههههه هتكلم مين ؟ اكيد أمك ؟

 

اكلم امييييييييي اكلم الجن الازرق مالكيش دعووووووووووووووة , اتفضلي اخرجي من الاوووووووووووووووضة

 

ايه ده !!!!!!!! طيب يا سيدي , اديني خارجة , اوووووووووووووووف ادي اول يوم في شهر النكد بتاع كل سننننننننننننننة

 

 

 

 

 

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررررررررن

 

 

الو

 

السلام عليكم , ازيك يا رهف يا حبيبتي

 

وعليكم السلام حبيبي ههههههههههه هلا والله , اشتجتلك يا بعد جلبي اشتجتلك يا بعد عمري

 

ههه ربنا يخليكِ يا حبيبتي , ازيك انتِ وازي فهد

  • معجبة 3

شارك هذه المشاركه


رابط المشاركه
شارك

حتي أنا هستني بكرة بفارغ الصبر :O :O

ياهووووووبتي الحلقات جميلة

تسلمي ياقمر

شارك هذه المشاركه


رابط المشاركه
شارك

أخاف فعلا من تطور علاقه ياسر برحمه

وعصام شكله ناوي يعمل تاني قصة تعدد في المسلسل

بردو يا هوبه بتدفعينا دفع لاختيار التعدد

شريره انتي :)

ودعاء شخصيه محترمه وممتازه

 

ههههههههههههههههههه ايه يا بنت يا مريم انتِ

 

والله مواضيع التعدد بتفرض نفسها , طب اعمل ايه , اذا كان ده واقع وبيحصل

 

وبعدين يمكن ما يتجوزهاش هههههههههه انتِ تعرفي منين

  • معجبة 1

شارك هذه المشاركه


رابط المشاركه
شارك

حتي أنا هستني بكرة بفارغ الصبر :O :O

ياهووووووبتي الحلقات جميلة

تسلمي ياقمر

 

 

جووووووووووووودي

 

تسلمي يا عمري

 

يا بت روحي اقري الحلقات من الاول هههههههههه

 

بتقريها من الاخر ليه ههههههههه

 

منورة يا قمرة يا صغننة هههههه

شارك هذه المشاركه


رابط المشاركه
شارك

منورين يا حلوين

 

كان نفسي اكتب عن كل الشخصيات , لكن ما لحقتش والله

 

 

انتظروا حلقات اسخن واسخن واروع واروع ان شاء الله

 

 

 

 

وما توفيقي الا بالله

 

اللهم لك الحمد

شارك هذه المشاركه


رابط المشاركه
شارك

حتي أنا هستني بكرة بفارغ الصبر :O :O

ياهووووووبتي الحلقات جميلة

تسلمي ياقمر

 

 

جووووووووووووودي

 

تسلمي يا عمري

 

يا بت روحي اقري الحلقات من الاول هههههههههه

 

بتقريها من الاخر ليه ههههههههه

 

منورة يا قمرة يا صغننة هههههه

إن شاء الله ياعيوني

شارك هذه المشاركه


رابط المشاركه
شارك

رموسة يا بسبووووووووووسة منورة

 

واللهجة الاسكندراني طالعة منك زي العسل

 

يا لهوي يا اختي , بنحبوكي اوي هههههههههههههههههههه

 

 

 

سارة محمممممممممد

 

 

بالنسبة للهجة الاسكندراني يا سوسو , هما فعلا بيقولي اني زي الفلاحين , ده الاساسي بتاعهم , بس دلوقتي غيروها وبيقولوا احنا هههههههههه صيغة تفخيم ههههههههه

 

احنا بنحبوكِ اوي يا سارة ههههههههههههه

 

يعني كلمة اني عادية , كانوا بيستخدموها بس انقرضت هههههههههه لمن برضو السكان الاصليين بيستخدموهاااااااااااا

 

ايّووووووووووووووووه احنا بنجاوبوكي اهو هههههههههه

 

 

منورين كلكو يا بناااااااااااااااااااات

 

 

معادنا بكرة ان شاء الله

  • معجبة 1

شارك هذه المشاركه


رابط المشاركه
شارك

ههههههههههههههههههههه ان ماكانش التعدد بيفرض نفسه عشان عصام فهو فرضه عشان مرزوووووووووووووووووووق

 

ربنا يستر على دنانير من الولا شريف دا أعووووووووذ بالله والحمد لله ان دراهم فاقت لنفسها

 

حلقات روعة حبيبتي تسلم ايديكي

شارك هذه المشاركه


رابط المشاركه
شارك

وعيكم السلام ورحمة الله وبركاته

رائعة يا هوبة الحلقات روعة

اعتقد ان عصام مش حا يتجوز اماني ولو المحامي عازب هو اللي حا يتجوزها والله اعلم

عصمت ست لا تصلح لتكون ام بنات

دراهم صحيت لنفسها ولتصرفاتها الغلط اعتقد انها ستتحجب وتلاحق امها واختها بكل تصرفاتهم الغلط وتقف لهم على اي غلطة

مرزوق اتجوز :)

يالله خلي ست عصمت تصحى من حبها للفلوس بقى

 

رموسة يا بسبووووووووووسة منورة

 

واللهجة الاسكندراني طالعة منك زي العسل

 

يا لهوي يا اختي , بنحبوكي اوي هههههههههههههههههههه

هوبة يا حتة سكرة تسلميلي يا قمر

يا بوييييييييي أحنا بنحبوكي كمان يا بنت ونفسنا نشوفكِ ونقعدوا معاكِ وندردشوا شوية على بحر اسكندرية

ونأزأزو لب ونشربوا أزوزة

شارك هذه المشاركه


رابط المشاركه
شارك

مبدعة يا هبه

الدم بغلي في عروقي من عصمت وبنتها واماني ايضا وعصام

مرزوق معاه حق يتزوج ، ولكن اليس هو ايضا مخطئ عندما سمع كلام زوجته وافر واتغرب وترك بيته وبناته؟ ارى انه شريك في الخطأ وعند الله عز وجل سيحاسب على تقصيره، هو سلبي مثل عادل

شارك هذه المشاركه


رابط المشاركه
شارك

الحمد لله دراهم بدأت تفوق وتعرف الصح إن شاء الله

 

ومرزوق طلع اتجوز وخلف تقريبا ^^

 

ااه فهمت كده

شارك هذه المشاركه


رابط المشاركه
شارك

السلام عليكم

 

خالتو هبة بتعتذر النهاردة حبيباتي

 

انتظروها بكرة بإذن الله :)

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×