اذهبي الى المحتوى

المشاركات التي تم ترشيحها

اوسا صعبة اوووي واللي هي بتعمله هيتردلها ,,

بكرة تتطلقي والبلونة المنفوخة تفرقع ويتعمل فيكي اللي بتعمليه في غيرك يا ...... (خلفة الندامة انتي)

 

الظاهر ام هاني فاهمه الموضوع غلط ,, هو ده الاصل يا حاجة

الاصل ان ضابط الشرطة يتكبر ويتعالى على خلق الله ويعتبرهم عبيد عنده وتحت رجليه

حسبنا الله ونعم الوكيل

 

للاسف بنات كتير تفكيرهم نفس تفكير داليا ومناخيرها العاليا ,, شايفين ان الملتحي ده عذاااب

وده طبيعي لواحدة متربية تربية مرفهه زي دي وواخده حريتها في كل حاجة ومفيش حاجة حرام عندها وطبعا بمبارك الوالدين الكريمين

فأكيد هتشوف الملتحي مقيد للحرية ومتشدد ومتعفرت كمااااان

شارك هذه المشاركه


رابط المشاركه
شارك

هو المسلسل مافيهوش غير اوسا وسامى

الحلقة كلها عليهم وأنا مش بقبلهم اساسا

عايزين تنوع يا حجة شوية بالله عليك

والحلقة قصيرة جدا على فكرة

شارك هذه المشاركه


رابط المشاركه
شارك

يعيني على احمد اللي امه غاويه تنكدعليه دايما

سعاد دي إنسانه متكبره حرام عليها قساوة قلبها دي

 

سامي وأوسا الإتنين أسوء من بعض مش عارفه أقول مين يستاهل التاني

أحسن حاجه يضربو بعض هما الاتنين عشان نرتاح شوايه من شرهم

 

كنا عايزين نفرح بسلوى ونعرف اخبار العريس

 

 

تسلم إديك يا هبهوبه يا قمر

متشكرين على الأزوزه يا عسل

شارك هذه المشاركه


رابط المشاركه
شارك

ياربي على الولد ده اللي مايتسماش ولا أخته فولة وانقسمت نصين ههههه لكن مصيرهم مطين ان شاء الله ههههه

احمد لابد ان يكون له شخصية ويكون حازم شوية كي لا يضعف قدام امه ويوافق على طلبها كفاية انه لم يدخل المهنة التي يحب

الست سعاد مش عارفة متكبرة على ايه ده ضناها مش ابن ضرتها كما قالت شوقية هههه

اخبار الدلوعة ايه هههه

الحلقات قصيرة عن جد يابت طوليها شوية أو اكويها عشان تطول ههههه

شارك هذه المشاركه


رابط المشاركه
شارك

عشان يعنى بحس اللى ينفع يقولها ...... بس

لكن احب نقول إزازة كاكولا أو أى حاجه تانيه

شارك هذه المشاركه


رابط المشاركه
شارك

عشان يعنى بحس اللى ينفع يقولها ...... بس

لكن احب نقول إزازة كاكولا أو أى حاجه تانيه

 

ههههههههههههههههههههههههههههه

 

يا سارة يا حبيبتي ده مصطلح اسكندراني يطلق على ازازة المياه الغازية

 

نعملولك ايه يعني يا شابة هههههههههه

 

يعني مصطلح خاص بمدينة ويقولوه السكان الاصليين للاسكندرية

 

ولما بيذكر في المسلسل ده بيبقى تعبير عن ثقافة المكان ومصطلحاته

 

يعني مثلا في القاهرة كلمة ولا مش لطيفة بالنسبة لنا وما نحبش نقولها على الولد

 

لكن الاسكدندرانية بيقولوا على الولد الولا وده عادي جدا

 

الو طَلَع , الولا نَزَل , الولا طَفَش ههههههههههههههههه

 

 

عندك كمان اسم محمد لما يحبوا يدلعوه يقولوا حمّو , رغم احنا في القاهرة ما نحبش كلمة حمو دي خاااااااااااالص ههههههه

 

بتكلم عن ذكرياتي لما كنت في القاهرة , مش عايزة اقولك على المصطلحات اللي بسمعها في المنيا عشان ما نخسرش بعض ههههههههههههههههههههههههههههههه

 

, لما تروحي اسكندرية قوليهم اللي هيقول على ازازة الحاجة الساقعة ازوزة هنفتحوا بيها دماغه , امشي انجر من هنا يا ولا انت وهو هههههههههه

  • معجبة 2

شارك هذه المشاركه


رابط المشاركه
شارك

ههههههههه ضحكتينى يا هبه ^ــ^

احنا كمان عندنا بيقولوا يا للولد ياولا وبيقولوا ياواد يا احمد ههههههه

 

اه انا بستحمل وهى فى المسلسل ماشى لكن متقولهاش فى الكلام العادى ( :

شارك هذه المشاركه


رابط المشاركه
شارك

هههههههههه يلا يا ناهد يلا يا منى , عريس سلوى واهله زمانهم جايين ههههههه يلا عايزين نلحق نوضب البيت

 

هههههه ايوة يا ماما , اومال احنا جايين من بدري ليه ! انا وناهد سيبنا الولاد في البيت والله عشان القعدة تبقى رايقة وقولنا كفاية نيجي احنا واجوازنا

 

ايوة طبعا , لازم محسن جوزك ونبيل جوز ناهد يتعرفوا على العريس ههههههه انا النهاردة الفرحة مش سيعاااااااااااني

 

ربنا يتمم بخير يا ماما يااااااااااارب , هاتي يا منى الفازة دي نحطها بدل اللي في الصالون , متهيألي دي اشيك

 

خدي يا ستي حطيها , اومال سلوى سابتنا وراحت فين ؟ ولا هي هتعمل فيها عروسة من دلوقتي يا ناهد ؟ ههههههههه

 

يا ستي سبيها تتدلع , يارب بس يهديها وما تقلبش على العريس على آخر لحظة وتقول مش عايزاه

 

ربنا يستر , يا ماماااااااااااااا الجاتوه لسة ما وصلش لييييييييييه ؟

 

 

ابوكِ هيجيبه يا منى وهو جاي , جهزوا بس الاطباق والشوك يا بنااااااات , يلا اتحركوا شوية هههههه

 

واااااااااااااااااااء وااااااااااااااااااااااء واااااااااااااااااااااء

 

يييييييييي , عمر صحي , هروح ارضعه واجي اكمل يا ماما

 

طيب يا منى , يا ناهد يا نااااااااااهد لمعي الطرابيزة دي بملمع الموبيليااااااااا , شكلها مش عاجبني والكراسي دي كماااااااااااااان , يا بنتي يلاااااااااا عايزة الناس تيجي تلاقي الشقة زي الفل والموبيليا بتبررررررررق

 

ههههههه حاضر يا ماما , ما تشيليش هم والله , هنعمل كل حاااااااااااجة

 

 

 

 

 

 

ههههههههه منور يا نبيل يا جوز بنتي , منور يا محسن يا جوز بنتي هههههههه

 

هههههههه بنورك يا حماتي

 

متشكرين يا طنط ههههههه ربنا يتمم بخير يا عمي

 

ههههه عقبال ولادك يا نبيل يا ابني , منور يا محسن عقبال ولادك

 

في حياتك يا عمي ان شاء الله , هو العريس اتأخر ليه ؟

 

ما اتأخرش ولا حاجة , معاده الساعة 8 والساعة دلوقتي تمانية الا تلت

 

هههههه انا فاكر لما جيت اخطب ناهد , حضرتك قولتلي تعالى الساعة تسعة يا ابني , روحت انا جيت الساعة ستة الا ربع هههههههههههههههه

 

هههههههههههههههه ايوة فاكر , كنا ساعتها لسة مش مستعدين نستقبل جنابك ولا لبسنا ولا العروسة وامها لبسوا

 

ههههههه ايوة ما انتو لطعتوني في الصالون ساعة بحالها على ما عبرتوني وجيتوا قعدتوا معايا ههههههههه

 

هههههه اهي ذكريات يا ابني , اديكو اتجوزتوا وخلفتوا وولادكو كبروا ماشاء الله

 

 

 

 

 

هههههه ايه يا سلوى الحلاوة دي يا سلوى هههههههه بالله عليكِ مش سلوى النهاردة مشرقة يا منى ؟

 

ههههه ايوة والله وشها منور , فرحانة بالعريس بقى ههههههههه

 

هههههه وبعدين معاكو بقى ! انتو هتسلموني لبعض ولا ايه !

 

 

 

سلووووووى

 

تعالي ياماما

 

العريس لسة ماجاش يا بنتي , الساعة داخلة على تسعة , ابوك واجواز اخواتك قاعدين في الصالون مستنينه من بدري , ايه الحكاية ؟

 

تووووووء , مش عارفة يا ماما هو اتأخر ليه , ده حتى اتصل ببابا امبارح وأكد المعاد

 

لا حول ولا قوة الا بالله , طب وبعدين بقى , لولا انها عيبة كبيرة كنت خليت ابوكِ اتصل وسأله اتأخر ليه

 

لالالالالالا اوعي يا ماما تعملي كدة , ان شاء الله زمانه جاي

 

يا ماما , الغايب حجته معاه , جايز تكون عربيته عطلت في السكة ولا حاجة , مش كدة يا منى ؟

 

ممممم يمكن يا ناهد , ماما شكلها متوتر اوي , وكمان سلوى ابتدت تتوتر بس بتحاول تداري , ربنا يستر يا ناهد

 

 

 

 

 

 

 

 

وبعدين يا عمي ! الساعة داخلة على عشرة

 

والله يا محسن يا ابني مش عارف , مممممم ننتظر كمان نص ساعة ولو ما جاش هخلي سلوى تتصل بزميلتها اللي جابته عشان نعرف ايه الحكاية

 

 

 

 

 

 

يادي المصيييييييييبة ! ايه اللي بتقوله ده يا نااااااااااااجي ! يعني ايه ابن خالة مامتك رجع لمراته النهاردة وخدها وخد الولاد وراحو بيتهممممممممممم !

 

هو ده اللي حصل يا ندى , طب اعمل ايه بس ! اخو مراته رجع من السفر فجأة وعرف بللي حصل واتدخل وصالحهم على بعض بعد ما قعدوا قعدة صفا

 

قعدة صفاااااااااا ! اوووووووووووووووف , وانت ما قولتليش ليه يا نااااااااااجي

 

والله يا ندى ما عرفت الا دلوقتي , وعرفت بالصدفة كمان من امي , يعني هو ما كلفش خاطره يتصل ويعتذر عن المعاد اللي اداه لاهل سلوى , انا ما فيش بإيدي حاجة والله , اعتذري لسلوى عن الموقف السخيف ده

 

موقف سخيف ! دي قمة الندالة وقلة الادددددددددددددب , ذنبها ايه تتحط في الموقف المؤرف ده قدام عيلتها البنت المسكينة دي !

 

معلش يا حبيبتي , انا عارف ان الموقف صعب ,

 

استغفر الله العظيم ياااااااااارب , هقول ايه لسلوى انا دلوقتيييييييييي !

 

 

اعنتذريلها , يعني انتِ ذنبك ايه ! انتِ كنتِ عايزة تعملي خير

 

اووووووووووف , طيب طيب , اقفل يا ناجي , انا هتصل بسلوى وامري لله

 

 

 

 

 

 

تررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررن

 

جرس التليفون بيرررررررررررررن , الحق يا لطفي ليكون العريسسسسسسسسسسسسسس

 

 

الوووووووووووووو

 

ممممم مساء الخير يا عمي

 

مساء النور , مين معايا

 

أأأأأأ انا ندى

 

ندى ! طيب لحظة واحدة هديكي سلوى , سلوووووووووووووووى

 

 

نعم يا بابااااااااااا العريس جججججججججججججججه ؟؟؟؟؟؟؟؟؟؟؟؟؟

 

لالالالالالا ردي على ندىىىىىىىى

 

ندى !!!!!!!!!!!!!!! خير يارب , الوووووووو ايوة يا ندى

 

مممممم أأأأ ممممم سلوى انا مش عارفة اقول ايه ولا اعتذر ازاي , والله موقف وحش اوي لكن غصب عني

 

ايه ده !!!!!! هو في ايه يا ندى ؟

 

مممممم أأأ اصل أأأأ اصل الاستاذ كارم اتصالح مع طليقته وردها النهاردة وروحوا بيتهم هما والولاد

 

 

اييييييييييييييييييييييه ! اهئ اهئ اهئ وحضرتك بقى سايبانا طول النهار يتحرق دمنا واعصابنا في انتظار البيه العريس وفي الآخر متصلة بيا الساعة حداشر بالليل تقوليلي انه مش جااااااااااااااااي ؟

 

والله يا اختي انا ما اعرف الا دلوقتي , والله انا كنت فاكراه وصل عندكو من بدري وكنت هتصل اقولك ايه الاخبار واتفقتوا على ايه , لكن ناجي اتصل بيا من خمس دقايق بس وقالي على الخبر ده , قولت اتصل واعتذرلك

 

تعتذريلي !!!!!!! اهئ اهئ اهئ تعتذريلي عن ايه ولا ايه ! اهئ اهئ انا مش عارفة هودي وشي فين من الكسوف من اهلي اهئ اهئ الله يسامحك يا ندى اهئ اهئ اهئئئئئئئئ

 

 

سلوووووووووى استني بس ما تقفليشششششششششش اوووووووووف قفلت السكة , والله ليها حق تعمل اكتر من كدة

 

 

 

 

اهئ اهئئئئئئئئئئئئئئئئ بابااااااااااااااا مامااااااااااااااااااااا خلااااااااااااااااااااص العريس مش جااااااااااااااي

 

مش جاااااااااااااااااااي !!!!!!!!!!!! هو في ايه يا سلوى يا بنتي ؟ روحي شوفي ايه الحكاية يا هددددددددددى

 

اهئ اهئ مافيش حاجة مافيش حااااااااااااااجة , اتفضل يا سي نبيل انت وسي محسن خدوا ستاتكو وامشواااااااااااااا اهئ اهئئئئئئئئئئئئئئئئئ انا مش عايزة اشوف حدددددددددددد مش عايزة اشوف حددددددددددددددد اهئ اهئئئئئئئئئئئئئئئئئئئئئئ

 

 

لا حول ولا قوة الا بالله , يلا يا ناهد , انا مستنيكِ في العربية

 

وانا كمان يا منى هنزل استناكِ في العربية , الله يكون في عون اختك والله , موقف صعب

 

طيب يا جماعة , انزلوا وانا وناهد هننزل وراكو على طول , بس ندخل لسلوى الاول

 

 

ما تدخليلهاش لانتي ولا هي , كل واحدة تحصل جوزهاااااااا , خليهم ينزلوا يا لطفي , انا مش طايقة اتكلم مع حددددددددد , انا داخلة اووووووووووضتي , هاخد دوا السكر اللي علي عليا واتخمدددددددددددد

 

 

يلا يا بنات , كل واحدة تحصل جوزها

 

حاضر يا بابا ,يلا يا منى , بكرة نبقى نكلم سلوى نطمن عليها , واهو تكون هديت شوية

 

ان شاء الله يا ناهد , مع ان بصراحة اللي حصل ده ممكن يأثر على نفسيتها لمدة كبيرة

 

 

 

 

 

 

 

 

 

 

 

 

 

انتِ نمتي يا هدى ؟

 

لا يا لطفي , وهيجي منين النوم

 

يا ستي ما تكبريش الموضوع , الموقف ده بيحصل كتير , عريس يدي معاد لناس ويستنوه وبعدين لا يجي ولا يسأل في الناس اللي اعتبروه راجل وقد كلمته

 

 

انا مش زعلانة على الواد ده , ده ايش يكون اصلا جنب المراكز اللي اتقدمولهاااااااااااا , يامَا عرسان اترمّو تحت رجليها وكانوا يتمنوا منها كلمة رضا , لكن هي اللي ساقت العوووووووووج , واهو جه اليوم اللي اتحوجت فيه للمطلق اللي عنده عيااااااااااااااااال , بعد ما كان بيجولها شباب زي الورد وعلى اعلى مستووووووووووووى , هي السبب في الوكسة والخيبة التقيلة ددددددددددي , خليها بقى تبكي بدل الدموع ددددددددم

 

 

جرا ايه يا هدددددددددددددى ! في ايييييييييييه ! انتِ بتتكلمي زي ما يكون خلاص الدنيا وقفت والأرض بطلت تدوررررررررررر

 

ياخويا تدور ولا ما تدورششششششش , اوعى سيبني انام بلا قلبة دمااااااغ

 

 

طب مش هتروحي تطمني على سلوى ؟ حرام البنت تنام معيطة يا هدى

 

سيبها تعييييييييييط , ياما افتررررررررررت , والافترا اخرته وحشششششششششة , اطفي النور خليني انام يا لطططططططفي

 

 

نامي يا ستي نامي , انا هطلع اقعد في البلكونة شوية , مش جايلي نوم , مسكينة يا سلوى يا بنتي , اتحرجت قدام اخواتها واجوازهم , لو كنت اعرف كدة ما كنتش خليت حد منهم يجي عشان البنت ما تتجرحش كرامتها بالشكل ده , مممممم يلا , الحمدلله على كل حال

 

 

 

 

 

 

 

 

 

 

أمير حبيبي , انا كنت عايزة اشتري هدية لماما بتاعك

 

هههه هدية ! مممممممم فكرة جميلة حبيبتي , انا فعلا كنت ناوي اشتري هدية لامي

 

نووووو , انا كمان اشتري , عايزة هدية خاصة , مني انا , مش منك انت

 

هههه شكلك كدة حبيبتي امي من غير ما تشوفيها يا لينة هههههه

 

ههه لازم احبها و عشان هي اديتني اجمل هدية في حياتي كلها , اديتني امير حبيبي اللي خلى كل حياتي بستان زهور

 

انتِ كل حياتي يا لينة

 

ههههه احب الشاي الاخضر

 

ههههههههههههههه احب الكافيه , يلا عشان ننزل يا حبيبتي نشتري الهدايا اللي احنا عايزينها

 

اوكيه حبيبي , هلبس حالا

 

 

 

 

 

 

 

 

 

 

 

يلا يا معاذ ادخل خد حمام عشان تروح تصلي الجمعة مع بابا

 

حاضر يا امي , هو عبد الرحمن مش هياخد حمام عشان ينزل معانا ؟

 

هياخد حمام طبعا , بس خلص انت الاول , سيبتلك غياراتك على الشماعة ورا الباب , يلا عشان بابا مستنيك

 

حاضر يا امي

 

 

 

 

 

يلا يا عبد الرحمن , يا معااااااااااااذ , لبستوا ولا لسسسسسسسسسة ؟ يلا عايزين نلحق الصف الأوووووووول

 

 

احنا جينا اهو يا عمي , يلا يا معاذ

 

يلا يا عبد الرحمن

 

انا نازل انا والولاد يا منااااااااااااااااال , السلام عليكم

 

وعليكم السلام ورحمة الله يا ماجد

 

هو احنا مش هنروح نصلي معاهم يا طنط ؟

 

ههه لا يا حبيبتي , خلينا في البيت أفضل

 

ليه يا طنط ! هو البنات مش يروحوا الجامع ؟

 

يروحوا يا حبيبتي طبعا , بس هو مش فرض علينا , الرجالة هما بس اللي مفروض عليهم يصلوا في المسجد في جماعة عشان ياخدوا ثواب الجماعة , لكن احنا على راحتنا بقى ههههه يعني اللي عايزة تروح المسجد تروح واللي مش عايزة يبقى خلاص , تصلي في بيتها , وانا عن نفسي بحب اصلي في بيتي , هاااااا هتصلي معايا يا منة ؟

 

ممممممم

 

ههههه شطورة , يلا عشان نتوضى ونستعد للصلاة

 

 

 

تسلم ايدك يا منال , الأكل راااااااااائع

 

هههه انت الارووووووووووووع

 

ههه طيب انا هروح اقعد مع الولاد عشان اسألهم عن اللي استفادوه من حكايات الاسبوع , وانتِ بقى اعمليلي كوباية شاي حلوة من ايدك وهاتي للولاد عصير

 

من عنيا يا حبيبي , يارب الولاد ما يكسفونيش ويعرفوا يجاوبوا ههههه

 

 

السلام عليكم يا ولاد ههههه

 

وعليكم السلام يا ابي

 

وعليكم السلام يا عمييييييييي

 

 

الغدا اللي عملته طنط منال عجبكو يا ولاد ؟

 

ايوة يا عمو , انا كلت كل الطبق بتاعي وكمان عبد الرحمن

 

هههه بالهنا والشفا يا حبيبتي , وانتِ يا مريم عجبك الاكل

 

حو

 

ههه انتِ اللي حوة , يلا يا معاذ تعاااااااااااالى , كل ده بتساعد امك في تنشيف الاطباق !

 

هههه السلام عليكم

 

وعليكم السلام يا معاذ , اتأخرت كدة ليه في المطبخ ؟

 

بعد ما نشفت الاطباق اللي امي غسلتها , شيلت باقي الأكل في التلاجة عشان مش يبوظ

 

هههه شاطر , يلا اقعد

 

تعالى اقعد جنبي يا معاذ هههه

 

ماشي يا عبد الرحمن هههه

 

 

 

يا عمي , انا حفظت سورة القدر وسورة الفيل , معاذ حفظهوملي

 

هههه ماشاء الله , شاطر يا عبد الرحمن , انت كدة تستحق حاجة حلوة , ايه رأيكو يا ولاد نروح الملاهي بالليل ؟

 

هيييييييييييييييييييييييييييه ايوة عايزين يا عمو , انا وعبد الرحمن اخويا بنحب الملاهي واللعب اللي في الملاهي

 

ههههه حاضر يا انسة منة , انا والله في نيتي اني اخدكو الملاهي النهاردة عشان افسحكو , مريم هنروح الملاهي هههههه

 

هههه حايسة الكب ملكيحة

 

هههه هركبك يا ستي عشرين مرجيحة وهنلعب لحد ما تزهقي من اللعب , قولولي بقى يا ولاد , ياترى الرسول عليه الصلاة والسلام اتولد في أي عااااااااااااام ؟

 

عام الفيييييييييييييييييل

 

هاااااااااايل , وليه العام ده اتسمى عام الفيل ؟ قول يا عبد الرحمن

 

عشان ابرهة الاشرم الراجل الشرير كان عايز يهدم الكعبة وخد معاه الفيل وخد معاه ناس شريرين كتيرررررررر , لكن الفيل مش رضي يتحرك وقعد في الأرض ومش رضي يهدم الكعبة , وبعدين ربنا ارسل طيور كتير في السما ورمت عليهم حجارة وموتتهم عشان هما وحشين

 

هههه ماشاء الله , يا ترى كنت تعرف الحكاية دي قبل كدة ؟

 

لا , طنط منال هي اللي قالتلي عليها , انا بحب الفيل ده عشان هو طيب

 

هههههه اكيد طبعا الفيل طيب , عشان ما رضيش يهدم الكعبة وقعد مكانه وما اتحركش , وطبعا ده بأمر ربنا , ربنا أمره وأطاع الأمر , طيب قوليلي يا منة , عم الرسول عليه الصلاة والسلام كان اسمه ايه ؟

 

مممممممم كان اسمه مممممم كان اسممممممممممممممه ايوة افتكرت , كان اسمه ابو طالب

 

شااااااااااطرة , ههههه

 

يا ابي , حليمة السحتية خدت الرسول من امه ورضحته اللبن

 

ههههه شاطرة يا مريم , ايوة فعلا , السيدة حليمة السعدية اخدت الرسول من امه ورضعته اللبن , يعني هي المرضعة بتااعته , معااااذ , قولي يا ابني , مين الصبي اللي نام في فراش الرسول عليه الصلاة والسلام وقت ما دخل الكفار عشان يقتلوه ؟

 

سيدنا علي بن ابي طالب رضي الله عنه

 

بارك الله فيك يا معاذ , وبارك في امك التي تعلمك

 

وفيك بارك الله يا أبي

شارك هذه المشاركه


رابط المشاركه
شارك

شوفت يا مصطفى الموقف الوحش ده اللي حصل لسلوى ؟

 

لا حول ولا قوة الا بالله , بجد انسان ندددددددددددددل , يرضى ان اخته تتحط في الموقف السخيف ددددددددده !

 

لا وكمان الست ندى جت الشغل وحكت على اللي حصل لباقي زمايلنا وخلت سلوى فضلت تعيط ومشيت من الشركة وهي منهارة

 

معقوووووووول ! طب ليه كدة بس ! ليه تقول وتحرجها !

 

بتقول ما كانش قصدي , هي ندى كدة , تعمل كل مصيبة ومصيبة وتقول ماكانش قصدي , اووووووف الله يسامحها

 

بجد انا حزين اوي على الموقف اللي حصل لسلوى ده

 

 

الشااااااااااااااي , منورانا يا ايمي يا حبيبتي ههههه

 

ههه متشكرة يا دينا

 

مممممم لكن مين سلوى اللي زعلان عليها اوي كدة يا مصطفى ؟

 

دي زميلة ايمان وحصلها موقف ..........

 

ما تكملش , انا سمعتكو وانا في المطبخ , موقف عادي يعني , بيحصل لبنات كتير , مش مستدعي العصبية اللي انت فيها دي كلها يا مصطفى

 

يعني بالله عليكِ يا دينا ترضي الموقف ده يحصل لواحدة من اخوااااااااااتك ؟ ولا هي عشان مش اختك ولا تعرفيها مش همك الامر ؟

 

ممممممم وحضرتك بقى تعرفها عشان كدة همك الامر ؟؟؟؟؟؟؟؟؟؟؟

 

تقصدي ايه !!!!!!!!!!

 

 

اقصد ان مامتك قالتي في مرة انك كنت هتخطب واحدة زميلة ايمان في الشغل , مش هي دي برضو اللي كنت هتخطبها يا مصطفى ؟

 

ممممممم كل شيء قسمة ونصيب

 

طب ممكن بقى سيرتها ما تتفتحش في بيتي تاااااااااااااااااني

 

جرا ايه يا ديناااااااااااااا , ايه اللهجة الجديدة اللي بتكلميني بيها دددددددددددددي ! من امتى بتديني اواااااااااااامر

 

 

ايه يا جماعة يا جمااااااااااعة , صلوا ع النبي مش كدة !

 

عليه الصلاة والسلام , يعني عاجبك اسلوبها ده يا ايمااااااااااان !

 

معلش يا مصطفى , الغيرة وحشة , ودودو بتموت فيك هههههههههههه مش كدة يا دودو ههههههههه

 

ههه

 

ههههههه اهي مراتك ضحكت , اضحك انت كمان وعدي الموقف , انا مش جاية ازوركو عشان تتخانقووووو , والله تبقى غلس لو ما ضحكتش وقولت لدينا حقك عليا , ومش هزورك تااااااااااااااني هاااااااااا

 

ههههه لا يا ستي وعلى ايه , حقك عليا يا دينا , اسف اني انفعلت عليكِ

 

انا اللي اسفة يا حبيبي , كلمتك بأسلوب غير لائق

 

 

هههههههه ايوة كدة , زوجين مؤدبين وراقيين حقيقي , اسيبكو بقى عشان سايبة الولاد عند ماما , يادوب اجيبهم واروح البيت , سلااااااااااااااااااااااام هههههههه

 

هههه مع السلامة يا ايمان , انا هوصل ايمان لحد الباب واجي يا مصطفى يا حبيبي

 

اتفضلي يا حبيبتي هههه وانا هقوم اعمل عصير كوكتيل يجننننننن هيعجبك جداااااااااا هههههه

 

ههه طب يا حبيبي جيالك هوااااااااااااا

 

 

 

 

 

 

 

 

 

 

 

ترررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررن

 

رد ع التليفون يا عبد المجيييييييييييد , عبد المجييييييييييييد , اووووووووف , ده باين عليه نزل , ايوة صحيح نزل , البيجاما متعلقة ع الشماعة , راح فين ده! ارد انا وامري لله , الووووو

 

ههه السلام عليكم , ازيك يا ماما وحشتييييييييييييييني

 

دعاااااااء هههههه وعليكم السلام يا حبيبتي , ازيك يا دودو وازي ولادك ؟

 

كويسين اوي يا ماما , الحمد لله , وكمان خالو فواز وطنط جميلة بيسلموا عليكِ اوووووي

 

اللهم يسلمهم , ولو ان فواز ده بقى وحش اوي وبقاله كتير ما بيبعتش هدايا ولا فلووووووس , انا بفكر اضحي واكلمه مكالمة دولي ابهدله واقوله انت اخ زي قلتتتتتتتتتتتتك

 

هههه ليه بس يا ماما ! ده خالو فواز لسة باعتلك فلوس من حوالي شهرين

 

وهما شهرين شوية يا دعاء ! على العموم مسيره يقع في ايدي واخد بتاري

 

ازي بابا يا ماما

 

كويس , بحسبه هنا , اتاريه لبس ونزل من ورايا

 

مممم رشا عاملة ايه وازي جوزها وولادها

 

ايه ده ! هو انت ما تعرفيش اللي جرا لجوز رشا اختك

 

في ايه يا ماماااااااااااااا , حصل ايه بعد الشررررررررر

 

مش جوزها اتضرب بالرصاص

 

يا دي المصيييييييييييييييبة , وجراله حااااااااااااااجة ؟

 

هو ده بيجراله حاجة ولا بيحوق فيه حاااااااااجة , لا يختي , ماجراش حاجة , بس لسة في المستشفى بيتعالج

 

يا خبر يا ماما ! والكلام ده حصل امتىىىىىىىىىىى وازاي ما تقوليليششششششششش ! كان لازم يا ماما تتصلي بيا تبلغييييييني

 

ايه ايه ايييييييييييييه , اتصل بيكِ يعني ايه ! اكلف نفسي مكالمة دولي عشان اقولك جوز اختك في المستشفى ! يعني هتعملي ايه يعني لما تعرفي ! اللي حصل حصل

 

والله يا ماما , ماليكِ حق ابداااااااااا , اختي تقول عليا ايه دلوقتي ! اديني رقم المستشفى خليني اكلمها ارجوووووووووكِ

 

اذا كان على الرقم خديه , اهو الرقم ببلاش ومش هدفع فلوس لما اقولهولك

 

 

 

 

 

الو

 

السلام عليكم , ازيك يا رشا , انا دعاء

 

وعليكم السلام , ازيك يا دعاء

 

ازيك انتِ يا حبيبتي , انا اسفة على التأخير في الإتصال , بس والله ما عرفت الخبر إلا دلوقتي من ماما , هاني عامل ايه

 

اهو الحمدلله بيتحسن يا دعاء , قرب يخرج من المستشفى الحمدلله , متشكرة والله على اتصالك , ما توقعتش انك تسألي عليا

 

اخص عليكِ يا رشا ! ازاي تقولي كدة يا حبيبتي , طب والله انا زعلانة عشان بعيدة عنك , كان نفسي اكون جنبك في ظرف زي ده , حقيقي حزينة جدا

 

ما تقوليش كدة يا دعاء , كفاية اهتمامك واتصالك , رغم اني غلطت في حقك كتير لكن انتِ قلبك ابيض وسامحتيني

 

يا رشا انتِ اختي الكبيرة ومهما حصل بينا , ما نستغناش عن بعض

 

طبعا يا دعاء , ولادك عاملين ايه ؟

 

بخير الحمدلله , ان شاء الله ننزل مصر قريب عشان تشوفيهم , انتِ ما شوفتيش رغد خالص , وانا كمان نفسي اشوف عبد الرحمن ومنة حبايب قلبي , ربنا يخليهم ويحفظهم

 

ويخليلك ولادك يا دعاء , ان شاء الله نشوف بعض قريب , كفاية كدة عشان ما اطولش عليكِ مع السلامة

 

الله يسلمك يارشا , توووووووء , نفسي انزل مصر بقى عشان اهلي وحشوووووووووووووني

 

 

 

 

 

 

 

 

 

 

 

دعااااااااااااااااااء هههههه حبيبتي انتِ فين

 

انا هنا يا طارق

 

مممممم , مالك يا دودو ؟ ايه المقابلة الساقعة دي

 

معلش يا حبيبي , اصل سمعت خبر زعلني

 

خبر ايييييييييييه ! اوعي تكون امك ماتت

 

لالالالالا بعد الشر على ماما , ده جوز رشا

 

لا حول ولا قوة الا بالله , البقاء لله وحده , وده مات في مطاردة بوليسية ولا في خناقة مع اختك

 

مات ايه بس يا طااااااااارق ! هو انت عايز تخلص من عيلتي بأي طريقة وخلاص !!!!!!!

 

 

لا اله الا الله يا شييييييخة , مش لما بسألك امك ماتت قولتي لا ده جوز رشا ؟

 

اقصد الأخبار الوحشة خاصة بجوز رشا , اصله اتضرب بالرصاص

 

لا حول ولا قوة الا بالله , ولسة فيه الروح ولا بيودع ؟

 

الحمد لله بقى كويس وبيتحسن

 

طيب الحمدلله , راجل طيب بصراحة , والله كنت هزعل لو جراله حاجة

 

الحمدلله يا طارق , بقولك ايه , ما تيجي ننزل مصر عشان نطمن عليه وبالمرة تشوف امك واخواتك

 

انا مش عايز اشوف حددددددددد , امي واخواتي بتصل بيهم وببعتلهم كل طلباتهممممممممممم

 

ممممم يعني مش نفسك تشوف مامتك ؟

 

والله يا دعاء لسة كنت بفكر ابعت اجيبها تقعد معانا شهرين تلاتة

 

وماله يا حبيبي , خليها تيجي تقعد معانا و ان شالله على طول , هنا بيتها ومطرحها

 

ما ينفعش دلوقتي , لما اختي علا تتجوز اهو فرحها قرب , عشان هي مش هترضى تسيب علا لوحدها , لكن عاطف عادي يعني لما يقعد لوحده

 

هو احنا مش هنحضر فرح علا ؟

 

لالالالالالا , مش هحضر , انا بعتيلها كل فلوس جهازها وقولتيلها لو عوزتي حاجة تاني قولي وانا عنيا ليكِ

 

يا حبيبي هو انت علاقتك بأهلك فلوس وبسسسسسس ! فين المشاعر الدافية والاخوة , اختك لازم تتشرف بيك يوم فرحها قدام جوزها واهله

 

لالالالالا , نزول مصر مش نااااااااااااااازل , انسي الموضوع ده خاااااااااااااالص

 

ههههه يا حبيبي هو انت هتفضل متعقد من مصر كدة لحد امتى ! احنا لو نزلنا هننزل زيارة قصيرة مش اقامة دايمة

 

لالالالالالالالا , لا قصيرة ولا طويلة , واقفلي ع السيرة دي يا دعااااااااااااء , انا عندي عققققققققققدة , متهيألي لو نزلت من هنا مش هعرف ارجع تاني وهلاقي الكشك في انتظاري وعربية البطيخ في انتظاااااااااارك , يا دعاء اللي احنا شوفناه مش شوووووووووووية , احنا اتبهدلنا يا دعااااااااااااااااااااء

 

بس دي بلدنا يا طااااااااارق

 

لالالالا بلدنا اللي نلاقي فيها كرامتنااااااااا

 

ممممم على فكرة يا طارق مش كل اللي بيجوا الكويت زينا بيلاقوا كرامتهم , في ناس مهانين جدااااااااا , احنا بس اللي حظنا حلو عشان خالوا فواز معانا واتوسطلك في شغلانة كبيرة وبتتعامل بقمة الرقي بسبب علاقتك بيه

 

انا ماليش دعوة بالكلام ددددددددده , اهم حاجة اني عايش مرتاااااااح ومعيش ولادي احسن عيشة ودي اهم حاجة عندي , عايز اكل يا دعااااااااااااء , فين الاككككككككككككل , ايش سويتين اليوووووووووووووووم بريد أكل مرقوقووووووووووقة

 

حاضر يا طارق , طيب خد الرقم وكلم جوز رشا , قوله حمدالله ع السلامة

 

طبعا يا دعاء , اكيد هتصل ان شاء الله , بس أكلييييني اكليني عشان واااااااااقع , وين المرقوووووووووووووقة

 

حاضر يا حبيبي , هروح اجيبهالك اهووووووووو , اووووووووووف هو احنا هنفضل هنا على طول ونتقطع من اهلنا وناسنا للأبد ولا ايه ! انا كنت جاية هنا عشان بس نحسن مستوانا ونعمل مبلغ كويس نقدر نعيش بيه في مصر , لكن واضح ان طارق اعتبر ان هنا مسقر ومقام ابدي اووووووووف وبعدين بقى !

 

وين الأكل يا مررررررررررررررررررررة

 

حاضر يا طارق حااااااااضر يا حبيبي , بيكلمني كويتي , عايز يأكدلي انه خلاص نسي مصرررررررررر اهئ اهئ يا حبيبتي يا مصر , مهما بهدلتينا واديتينا على دماغنا برضو في قلوبنا يا غالية اهئ اهئئئئئئئئئئئئئئئئئئئ

 

 

 

 

 

 

 

 

 

 

حياك الله يا اخ هاني , معك اخوج طارج من الكويت الشقيق

 

ههههههههههههههههههههههههه اهلاااااااااااا ازيك يا طاررررررررررررررق

 

الله يسلمج , الله يخليج , والله حزننا كتير من حين عرفنا خبر اصابتج , ايش لونج الحين ؟

 

الحمدلله والله , احسن كتير , ازيك انت وازي الولاد

 

يسلمون عليج , في احسن حال الحمدلله

 

 

هههههههه متشكر على المكالمة يا طارق , كلك ذوق والله

 

ما تجول هيك يا اخ هاني , هذا واجبي , الله يشفيج

 

هههههههه الله يخليج يا اخ طارج , سلامنا للأسرة

 

الله يسلمج , الله يحفظج , سلااااااااااااااااااام

 

ههههههههه الله يسلمك , رشااااااااااااا جوز اختك قلب خلييييييييجي

 

هههههههههه له حق يا سيدي , ماما بتقول انهم مبسوطين اوي هناك , حتى طارق جاب فيلا جديدة لدعاء وعايشين في نعيم

 

ماشاء الله , بصراحة طارق تعب كتير اوي , شاب متفوق وطموح ويتخرج من الكلية بعد تعب السنين بتقدير امتياز والمفروض يتعين معيد , يقوموا بمنتهى البساطة كدة يدوا المنصب لواحد اقل منه بكتير لمجرد ان ابوه من اعضاء هيئة التدريس !!!!!!!!! بأي حق ؟ ليه الظلم ده ؟؟؟؟؟؟؟ ولحد امتى ؟؟؟؟؟؟؟؟؟؟؟ والله حرام , وفي الآخر المسكين مايلاقيش شغل ويضطر يقف في كشك , قمة الظلم والجور على حقوق الناس , مالقاش حد انصفه في بلده ولقى الانصاف في بلد تانية , يبقى اكيد ولائه هيكون للبلد اللي انصفته

 

ايوة يا هاني بس برضو مش للدرجة دي يعني , مهما كان مصر بلدنا وما نستغناش عنها

 

يا رشا انتِ بتقولي كدة عشان عمرك ما جربتي احساس الظلم والقهر , طارق معذور , ومش طارق لوحده اللي بيتصرف بالشكل ده , شباب كتير اوي غيره مجرد ما بيسافروا ويلاقوا احلامهم اللي كانت ضايعة في بلادهم بيكرهوا الرجوع للوطن تاني , ودي في حد ذاتها كارثة , بس للأسف هما اللي وصلوا الناس لكدة

 

لالالالالالالالالالالالا بصراحة مالهومش حق , طب دا ابن الملك فارووووووووووق , اللي طردوا ابوه ونزعوا منه العرش واجبروه على مغادرة البلاد , ابن الملك فاروق اللي المفروض كان يبقى الحاكم الشرعي للبلاااااااااااد ومع ذلك خدوا منه كل حقوقه في الحكم , بالرغم من كل ده جه زار مصر واتبرع بمبلغ كبير كمااااااااااان

 

ههههههههههه راجل طيب , قلبه ابيض ما بيشيلش من حد ههههههههههههه , مش كل واحد زي التاني يا رشا , وبعدين حتى هما خدوا منه الحكم , لكن برضو ما اتذلش ولا اتهان وخرج على بلد تانية كمل فيها حياته , وكان معاهم الاموال والعز برضو , ما تقارنيش بينه وبين طارق اللي اتبهدل واتمسح بكرامته الارض في بلده

 

 

تن تن تن

 

ادخخخخخخخخخخل

 

ههههه السلام عليكم سيادة المقدم

 

هههه وعليكم السلام يا دكتور , هاااااااااا هتخرجوني من هنا امتىىىىىىىىىى , انا بقيت كويس اهو

 

هههه انا عارف انك زهقت مننا , على العموم خلاص , بكرة ان شاء الله هكتبلك على خروج

 

اخيراااااااااااااااااااااااااااااااااااااااااااا هههههه الحمدلله

 

 

 

 

 

 

 

 

 

هاني جوزي حبيبي ههههههههه نورت البيت يا هااااااااااااااااني

 

ههه ربنا يخليكِ ليا يا روشة , ياااااااااااه البيت وحشني جداااااااااا

 

ممممممممم البيت بس اللي وحشك ؟

 

ههههههه وانتي وحشتيني والولاد وحشوني والله جدااااااااااا , رغم شقاوتهم بس بيوحشوني

 

طبعا يا حبيبي , ربنا يخليكِ لينا وما يحرمناش منك ابدا يا احلى هاني في الدنيااااااااااااااا هههههه

 

على فكرة امي واخواني هيجوا اخر النهار عشان يباركولي على سلامة الخروج من المستشفى

 

ينوروا يا حبيبي ههههههه هروح المطبخ اشوف هقدملهم ايه

 

 

 

امي يا اميييييييييييييي

 

 

امي !!!!!!!!!! ايه يا ولد يا عبد الرحمن , ايه امي ددددددددددددي !

 

دي لغة عربية يا امي

 

انت عارف لو قولت امي تاااااااااااااااااني ,هقتلكككككككككككككككككك

 

ليه ؟ هي كلمة امي عيب ؟

 

ايوة عييييييييييييييب عيب جدا كمااااااااااااااااان , الولد اللطيف المتربي يقول مامااااااااااا انا ماماااااااااااااا

 

مممممممم , ماشي يا ماما , بس بابا برضو بيقول لتيتة يا امي

 

مالاكش دعوة بابابااااااااااااااا , بابا كبيررررررررر وكمان ماحدش علمه الصح من الغلططططططططط , كان المفروض تيتة اول ما تسمعه بيقولها يا امي , تضربه بالعصاااااااااايا , فاهم ولا لأ ؟ تقول ماماااااااااااااااا ماماااااااااااا

 

ممممممم , طيب يا ماما , انا عايز اشرب

 

اتفضل , ادي كوباية مية , اشرب وخلصني يا استاذ عشان مش فاضيييييييييييية

 

اميييييييييييييييييييييييييي يا امييييييييييييييييييييي

 

ييييييييييييييييي , انتِ كمان يا مننننننننننننننننننننننة !!!!!!!!!! شكلي كدة هرزعكو علقة انتو الاتنين وهكسر عضمكووووووووووووو , عايزة ايه يا ست منة

 

جعانة , عايزة ساندوتش

 

اووووووووووف, ما يحلالكوش الطلبات الا وانا ملخومة في المطبخخخخخخخخخخ , هعملك سندوتش , اهووووووووو اتفضلي

 

شكرا يا امي , يلا يا عبد الرحمن

 

ما تقوليلهاش يا امي عشان ما تضربناش يا منة

 

اومال طنط منال مش بتضرب معاذ ومريم ليه لما بيقولها يا امي ؟

 

ممممممم ماتيجي نروح نعيش عند طنط منال على طووووووووول , انا حبيبت معاذ اووووووووي

 

وانا كمان حبيبت مريم , دي طيبة وصغنونة , وكمان كانت بتلعب معايا , وكمان طنط منال بتحكيلنا قصص حلوة

 

ايوة , بتاعة الانبياء , وكمان عمو ماجد بيسألنا يوم الجمعة عن القصص اللي سمعناها من طنط منال , فاكرة يا منة مين هو النبي اللي بلعه الحوت ؟

 

ايوة , سيدنا يونس عليه السلام

 

ممممممم وانا كمان فاكر , وفاكرة الطفل اللي امه حطته في الصندوق ورمته في البحر عشان الراجل الوحش مش يموته ؟

 

ايوة , سيدنا يوسف

 

لالالالالالا يا عبيطة يا منة , ده سيدنا موسى عليه السلام

 

ايوة ايوة صح , انا افتكرت , تيجي نسأل بابا ونشوفه عارف ولا لأ ؟

 

ممممم طيب ولو سألناه وطلع ما يعرفش يا منة , هنعمله ايه ؟

 

نتصل بطنط منال تيجي تحكيله كل يوم , ونخلي عمو ماجد يجي يوم الجمعة يسأله

 

طب ولو ما عرفش يجاوب على عمو ماجد ؟

 

ممممممممم نخلي تيتة تضربه

 

صح يا منة , تعالي نسأله بقى

 

 

ابييييييييييييييييييي يا ابي , السلام عليكم يا ابي

 

هههههههه ماشاء الله , واضح ان الفترة اللي قعدتوها عند عمكو غيرتكو خالص , اهلا ومرحبا , وعليكم السلام ورحمة الله وبركاته , اهلا حبايبي

 

 

كيف حالك يا ابي

 

ههه انا بخير الحمدلله , كيف حالك انت يا عبد الرحمن

 

انا بخير الحمدلله , انا ومنة جينا نسألك سؤال ونشوفك عارف ولا مش عارف

 

هههههههه اتفضلوا

 

اسألي يا منة

 

ممممم انت تعرف يا بابا مين هو النبي اللي عمل سفينة كبيرررررررررررة وكل الناس الطيبين ركبوا معاه والناس الوحشين غرقوا في البحر ؟

 

ههههههه مممممممم مين هو مين هووووووو , ياترى ميييييييييين ؟ ممممممممم سيدنا نوح عليه السلام طبعا يا ست منة

 

هههههه شاطر يا بابا , مين قالك ؟

 

ههههههههههههههههههههههه امي حكيتلي وانا صغير قدكو كدة

 

اومال ليه احنا ماما مش بتحكيلي انا ومنة زيكو ؟

 

ممممممممم معلش , ابقوا اطلبوا منها لما تكون فاضية انها تحكيلكو

 

طيب , انا هروح العب انا ومنة , يلا يا منة , السلام عليكم يا ابي

 

هههه وعليكم السلام يا عبد الرحمن

 

وانا كمان السلام عليكم يا ابي

 

وعليكم السلام ورحمة الله يا منة , ماشاء الله , والله الواحد بيفكر يسيب الولاد عند ماجد ومراته على طول ويروح يشوفهم خميس وجمعة , بس يا خسارة ما ينفعش , رشااااااااااااا يا رشاااااااااااااااا

 

 

ايوة يا هاااااااااااااااااني بعمل كيك يا حبيبي عشان الضيوووووووووووووف

 

 

 

 

 

 

أمير حبيبي , انا داخلة اخد باث

 

اوكيه حبيبتي , وانا هكلم امي اقولها اننا هنبحر النهاردة بالليل وهنكون عندهم بعد يومين ان شاء الله

 

 

اوكيه , سلم كتير على ماما بتاعك وعلى بابا وضحى

 

ههه يوصل حبيبة قلبي ونعيما مقدما هههه

 

ههه ثانك يو حبيبي

 

 

 

 

 

تررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

 

 

السلام عليكم ورحمة الله

 

ضحىىىىىىىىى هههه وعليكم السلام ورحمة الله وبركاااااااااااااااته

 

اميرررررررررر هههههه يا حبيبي يا أمير وحشتني ووحشني صوتك يا خويا

 

هههههه انتِ اكتر والله يا حبيبتي , هنتجننوا ونشوفوكِ وكمان لينة نفسها اوي تشوفك وتشوف امي وابويا

 

هههههه واحنا في انتظارها على احر من الجمر , هتيجوا امتى يا اميررررررررررررر

 

بعد يومين ان شاء الله هتلاقينا عندكو ونلحقوكو ع الغدا ان شاء الله هههههه

 

ههههه ان شاء الله يا حبيبي , والله فرحتنييييييي

 

اومال فين ماما يا ضحى , وحشتني اوي وعايز نسمع صوتها

 

 

حاضر يا امير , خليك ع الخط , هنبلغوها

 

 

ماشي يا ضحى

 

 

 

 

 

مامااااااااااااا انت فيييييييييين

 

 

ممممممم بتصلي

 

 

السلام عليكم ورحمة الله ........... السلام عليكم ورحمة الله

 

 

خير يا ضحى بتنادي ليه ؟

 

 

امير ع التليفون وعايز يكلمك

 

لا , مش هنكلموووووووووووه

 

يا ماما عشان خااااااااطري , ده مهما كان امير ابنك حبيبك

 

لا ابني ولا اعرفه ولا لساني هيخاطب لساااااااااااااانه واتفضلي سيبيني عشان هنقوموا نصلوا السنة

 

 

مممم , ماشي يا ماما

 

 

الو , ايوة يا امير

 

مممممم مش راضية تيجي تكلمني برضو ؟

 

معلش يا امير , انت عارف ماما قلبها طيب وبتروق بسرعة , هي واخدة على خاطرها شوية , لكن اول ما هتشوفك وتشوف مراتك ان شاء الله قلبها هيحن

 

 

يا ضحى والله اني خايف نجيبوا مراتي وامي تقابلنا وحش ومراتي تاخد فكرة وحشة عنهاااااااا

 

ان شاء الله مش هيحصل حاجة يا امير , تعالى انت بس وهات مراتك وربنا يهدي النفوس

 

مممممممم , ربنا يستر , على العموم نسيبوكِ دلوقتي ونشوفوا وشك بخير بعد يومين ان شاء الله

 

ان شاء الله يا حبيبي , في رعاية الله يا امير يا خويا

 

 

توووووووووء , وبعدين بقى في ماما اللي مش عايزة تصفى من ناحية امير دي !!!!!!! والله اني كمان مرعوبة لتحرج امير قدام مراته وتقابلهم وحش , ربنا يستر

 

 

 

 

 

 

 

 

 

 

 

 

 

 

 

 

 

 

 

 

 

 

 

هههههههه حمدالله ع السلامة يا هااااااااااااني

 

الله يسلمك يا عصام ههههه

 

نورت بيتك يا هاني يا اخويا

 

الله يخليك يا ماجد , ماجبتش الولاد معاك ليه ؟ ولادي اتعلقوا بيهم اوي هههههه

 

ههههه والولاد كمان حبوهم , ماحبيتش اجيبهم عشان ما يعملوش دوشة وازعاج

 

هههه يا اخي ولا ازعاج ولا حاجة , منورة يا ست الحبايب

 

 

نورت بيتك يا هاني يا ابني , حمدالله على السلامة يا حبيبي

 

ههه الله يسلمك يا امي , ربنا نجاني بفضل دعواتك الطيبة

 

الحمدلله يا ابني , ربنا يحفظك ويحفظ اخوانك اللهم آمين

 

 

يعني يا جماعة ما تتجمعوش عندي ونتلم اللمة الحلوة دي الا لما اخد رصاصة ! انتو كدة هتخلوني اتمنى اخد رصاصة كل يوم عشان نتجمع هههههههههههه

 

بعد الشر يا ولدددددددددددد , اعوذ بالله من لسااااااااااااااانك , اوعى تقول كدة تاني , ربنا يحفظك من كل سوء

 

هههههههه يا سلام على حنان الامممممممم ههههههههه ربنا يخليكِ لينا يا ست الكل

 

ويخليكو يا حبيبي ويسعدكو ويهديكووووووووووووو

 

 

هههههه اللهم آمين يا امي , اتفضلوا العصير يا جماعة , انتو مكسوفين ولا ايه ! هههههههه البيت بيتكو والله

 

ههههه لا يا سيدي احنا ما بنتكسفش , اتفضل كوبايتك يا ماجد

 

شكرا يا عصام هههه

 

 

 

اتفضلي يا امي

 

شكرا يا هاني , اومال الولاد فين ؟

 

عبد الرحمن نايم , ومنة شايلة عروستها وجاية هناك اهيه هههههه تعالي يا انسة منة

 

 

ههههه السلام عليكممممممممممم ازيك يا تيييييييييييتة

 

ههههه اهلا اهلا حبيبتي , وعليكم السلام ورحمة الله , بركاتك يا منال ههههههه ازيك يا منة

 

انا كويسة

 

قولي الحمدلله يا حبيبتي

 

الحمدلله , ازيك يا عمو مااااااااااااااااااااجد , فين معاذ ومريم عشان العب معااااااااااااااااهم ؟

 

ههههههه ازيك انتِ حبيبتي , اموووووووه , المرة الجاية اجيبهم معايا

 

وطنط منال كمان , عشان هي حلوة وانا بحبها وبتحكيلنا قصص الانبياء وعلمتنا نصلي

 

ههههه, وهي كمان بتحبك يا منة

 

 

ازيك يا عمو عصاااااااااااام , اضرب رامي يا عمو , عشان هو ضربني

 

ضربكككككككككككك ! ضربك ازاي الولد ددددددددددده

 

ايوة , ضربني وانا خارجة من الاسانسير وجري دخل الشقة وقفل الباب وانا قعدت اعييييييييييط

 

لالالالالالا انا هضربه الولد الوحش ده

 

ابنك شقي اوي يا عصام , مش اول مرة يضرب منة , كل ما يشوفها يضربها ويطلع يجري

 

اعمل فيه ايه بسسسسسس , كل الناس بتشتكي من شقاوته

 

مممممم يا تيتة يا عمو ماجد يا عمو عصام يا كلكوووووووووو , انتو قولتوا بسم الله الرحمن الرحيم قبل ما تشربوا العصيرررررررررررررر ؟؟؟؟؟؟؟؟؟؟؟؟؟؟؟؟؟؟؟

 

هههههههه ايوة قولنا يا حبيبة تيتة , بركاتك يا منال هههههههههه

 

اه والله فعلا مدام منال جزاها الله خيرا علمت الولاد حاجات كتير يا امي

 

ممممممم طيب , اكمل العصير وانا ساكتة , يامَا قولت وياما اتكلمت عن الزوجة الصالحة وفي الآخر كل واخد اتجوز على مزاجه

 

مممممم امي بتكلم نفسها وطبعا الكلام عليا وعليك يا عصام هههههههههههههههه

 

عارف يا هاني

 

تشربي عصير يا منة ؟

 

لا يا تيتة , انا رايحة عند ماما باي بااااااااااااااااي

 

 

 

 

 

 

 

خلصتي الغدا يا اعتمااااااااد

 

قربت اهو يا ست سميرة

 

اعمليلك همة يا اعتماااااااد , امير ومراته زمانهم جااااااااايين

 

حاضر يا حاجة اهو , الأكل قرب يستوي والله وهطلع صنية البطاطس باللحمة من الفرن والبط خلاص اهو قرب يستوي , وباقي الاكل استوى ومافاضلش غير تحمير البوفتيك وهنعملوا السلاطة

 

طيب طيب , اوعي تكوني حطيتي زنجبيل ولا قرفة في الاكل , مرات امير حامل والحاجات دي غلط عليها

 

لا يا حاجة , انتي قولتيلي امبارح وعملت حسابي وما حطيتش

 

طيب , خلصي يا اعتماد الله يخليكِ

 

 

روحي انت بس ارتاحي يا حاجة وما تشيليش هم حاجة

 

 

 

 

 

 

هههه ماماااااااا امير على وصول يا ماما

 

 

واني مالي اني ! يجي يختي , يشوفك ويشوف ابوه , لكن اني خلاااااااص قلبي اتقفل بالضبة والمفتاح من ناحيته وما بقاش يخصني في حاجة , يجي ولا ما يجيش هو حرررررر , قلبي برد من ناحيته وما بقتش اشتاقله

 

 

ههههه طب عيني في عينك كدة ؟

 

اوعي يا بت يا ضحىىىىىىىىى , اوعي من وشي خليني نقعدوا

 

 

 

 

 

 

 

 

 

 

 

 

 

ترررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررررن

 

 

ههههههه امير يا ماما اميرررررررررررررر , اني رايحة نفتح

 

استني يا ضحىىىىىىىىىى اني اللي هنفتح , هنفتح عشان نهزئوووووووووه عشان نعرفوه ازاي يتجرأ ويتجوز من ورايااااااااااااااااا

 

يييييييييييي , يا مامااااااا استني يا ماماااااااااا , يا خبررررررررر , انا هندخلوا اوضتي , مش عايزة نشوفوا ماما وهي بتتعصب على امير تووووووووء

 

 

 

 

 

هههههههههه السلاام عليكم يا امي

 

ههه ازيك طنط

شارك هذه المشاركه


رابط المشاركه
شارك

ازيكو يا حلوين

 

اسيبكو مع الحلقات واشوفكو بكرة ان شاء الله

 

ليا عودة على رواقة للترحيب بكل حبيباتي الحلوين اللي بيعلقوا

 

الوحشين اللي ما بيعلقوش لاااااااااااااااا ههههههههههه بس برضو منورين وعذراكو , بقول جايز تعليمهم فرنساوي وما بيعرفوش يكتبوا عربي ههههههههههه

شارك هذه المشاركه


رابط المشاركه
شارك

السلام عليكم..

والله كنت حاسه انك هتوقفينا عند امير والست الوالده

نبدا من اول ندي طبعا ملهاش ذنب في اللي عمله كارم عريس الهنا ده لكن مكانش يصح انها تحكي لصاحباتها ده اسلوب غير حضاري بالمره ههههههههههههه

اما بقي سلوي فعلا علي راي مامتها هي بتدفع تمن غلطتها وكبرها اللي هو من التكبر يعني الكبرياء اي خدمه ;)

وكله كوم بقي وحماة دينا دي كوم تاني خالص ايه اللي يخليها تحكي لدينا عن البنت اللي كان هيخطبها مصطفي انا مش بحب كده

اصل في شباب لما يخطبوا بنت يحكولها عن كل البنات اللي اتقدموا لخطبتهم قبل كده وده بيعمل مشاكل كتير

طارق بقي بصراحه عنده حق وانا مع راي هاني بس مش معني كده انه يحرم دعاء واولاده من اهلهم وبلدهم يعني زياره بسيطه مش هتاثر

في مين تاني؟؟؟

اها رشا كنت مفكره انها اتغيرت بس للاسف اللي فيه طبع مش بيغيره وربنا يستر علي عبد الرحمن ومنه هينسوا كل اللي اتعلموه

منال وماجد بجد ربنا يبارك فيهم ونعم التربيه

الست سميره هتموت وتشوف امير ولينا بس بتكابر هههههههههه بس واضح انها هتحب لينا اوي

بس كفايه كده تعبت مفيش حاجه سقعه بقي بلاش الكلمه اللي ساره مش بتحبها بس علي فكره يا هوبه انا عايشه في اسكندريه بس مش بسمع الكلمه دي واضح ان البلد اتغيرت كتير

ولا الناس اللي بقت ثقافتهم فرنساوي علي رايك :P

يلا في انتظار اللي هتعمله سميره مع امير باذن الله

تحياتي واحتراماتي وتشكراتي علي الحلقات يا قمر <3 <3 <3

  • معجبة 1

شارك هذه المشاركه


رابط المشاركه
شارك

السلام عليكم..

والله كنت حاسه انك هتوقفينا عند امير والست الوالده

نبدا من اول ندي طبعا ملهاش ذنب في اللي عمله كارم عريس الهنا ده لكن مكانش يصح انها تحكي لصاحباتها ده اسلوب غير حضاري بالمره ههههههههههههه

اما بقي سلوي فعلا علي راي مامتها هي بتدفع تمن غلطتها وكبرها اللي هو من التكبر يعني الكبرياء اي خدمه ;)

وكله كوم بقي وحماة دينا دي كوم تاني خالص ايه اللي يخليها تحكي لدينا عن البنت اللي كان هيخطبها مصطفي انا مش بحب كده

اصل في شباب لما يخطبوا بنت يحكولها عن كل البنات اللي اتقدموا لخطبتهم قبل كده وده بيعمل مشاكل كتير

طارق بقي بصراحه عنده حق وانا مع راي هاني بس مش معني كده انه يحرم دعاء واولاده من اهلهم وبلدهم يعني زياره بسيطه مش هتاثر

في مين تاني؟؟؟

اها رشا كنت مفكره انها اتغيرت بس للاسف اللي فيه طبع مش بيغيره وربنا يستر علي عبد الرحمن ومنه هينسوا كل اللي اتعلموه

منال وماجد بجد ربنا يبارك فيهم ونعم التربيه

الست سميره هتموت وتشوف امير ولينا بس بتكابر هههههههههه بس واضح انها هتحب لينا اوي

بس كفايه كده تعبت مفيش حاجه سقعه بقي بلاش الكلمه اللي ساره مش بتحبها بس علي فكره يا هوبه انا عايشه في اسكندريه بس مش بسمع الكلمه دي واضح ان البلد اتغيرت كتير

ولا الناس اللي بقت ثقافتهم فرنساوي علي رايك :P

يلا في انتظار اللي هتعمله سميره مع امير باذن الله

تحياتي واحتراماتي وتشكراتي علي الحلقات يا قمر <3 <3 <3

 

 

ههههههههههههههههه عسل يختي عسل

 

تحياتي وتشكراتي واحتراماتي انا كمان على التعليق الجميل يا عسل

 

 

لا يختي بقىىىىىىىىىىىىى كلمة ازوزة دي اسكندراني مأصلة ههههههههههههههههههه

 

ممكن يكون الجيل الجديد مش بيستخدمها حاليا

 

لكن هي لفظة اسكندراني أما عن ستا عندكو هههههههههههه

 

 

مش عايزة اقول كانت بتتقال في الافلام زمان لما يكون في مشاهد من اسكندرية , ايام ما كنا بنتفرجوا على افلاز زمان , الحمدلله الذي عافانا يا اختي

 

 

وبعدين ما تزعليش انتي وسارة , اني هنستخدموها لوحدي عشان بنحبوها اوي هههههههههههه

 

 

 

ايّووووووووووووووووووووووووووه

 

قولوا بقى ايّوه مش من عندنا كمان وضيعي التراث الاسكندراني ههههههههههههههههههه

 

نحبوا اسكندرية واهل اسكندرية وربناااااااااا

 

لما الاحتلال ينتهي هنيجوا نزوروها عشان هنتهبلوا ع البحر وهواه اللي يجنن , الواحد راح مصايف كتير بس ما فيش اجدع من اسكندرية واهل اسكندرية يا عسسسسسسسسسسسسسسسل

شارك هذه المشاركه


رابط المشاركه
شارك

عسل والله يا اختي .الحلقة بتشد الواحد أوي .حتى اني خدت بعضي وقفلت على نفسي حتى أقرأ بتركيز .هههه

عندي احساس انه سلوى ستتزوج مصطفى .لكن كيف ؟؟؟ هبة بتعرف .

اما عن ام امير أكيد ستستقبل ابنها ومراته بكل ترحيب

أما اولاد رشا سوف تستمر المقارنة بين طنط منال ورشا مامتهم

ايش رأيك تخلي اولاد عصام يروحوا بيت عمهم ماجد دورة ايمانية كم يوم ..

تسلم ايديك يا رب ..كل هذا حتى نعلم ان المتدينة هي الاصل وما حدش يقول انا حاخد دي واغيرها ...

فين ريم ووليد..

شارك هذه المشاركه


رابط المشاركه
شارك

بصراحه هما غلطانيين المفروض مكانوش اخوات سلوى ولا اجوازهم يجوا

احنا مبنعملش كده هو الاب والاخ وخلاص عشان لما يحصل زى كده متبقاش احراج على الملآ

 

بس انا معجبتنيش سلوى وهى بترد على ندى ندى مش غلطانه فى حاجه

هو صحيح موقف سلوى كان صعب بس برضه متعاملش الناس كده

شارك هذه المشاركه


رابط المشاركه
شارك

ندى غلطانه انها بتحكى فى الشغل اللى حصل لسلوى

 

وايمان كمان بتحكى لمصطفى ليه ؟ بس بصراحه كانت كويسه لما صالحت مصطفى ودينا

 

طارق ماله كده كلامه عامل كده ليه وهى مراته بتقوله الخبر

، انا عكسه انا بحب مصر وبموت فيها مهما حصل

  • معجبة 1

شارك هذه المشاركه


رابط المشاركه
شارك

اممممممم بدأوا عبد الرحمن ومنه مع امهم ربنا يثبتهم بقى

 

ام امير دى طبعا مشتاقه لابنها بس بتخبى

ولما هتلاقى مرات امير كويسه وبتضحك فى وشها وجيبالها هديه هتحبها

 

بس امير كان برضه يكلم مراته يقولها امى زعلانه انى اتجوزت من غير ماقولها بس عشان تبقى عندها فكره

شارك هذه المشاركه


رابط المشاركه
شارك

ياعني إيه يا ست هبه تقفي هنا

طب إستني لما أمير ولينا يدخلو يرتاحو

طب نتطمن عليهم ماشي يا ست هبه هنعديها المرادي :P

وانا اللي كنت فاكره رشا هتتغير لاكن لسه نسرين عاملالهاعقده

شارك هذه المشاركه


رابط المشاركه
شارك

هههههه أنا حكمل الوقفة وهي لما حتفتح الباب حتقله نااااااادر حبيييييبي وحشتني ههههههههه وبس وهو حيحضنها ويقلها سامحيني ياما وتوتة توتة ة خلصت الحدوتة ههههههه

 

شارك هذه المشاركه


رابط المشاركه
شارك

الحلقات جميلة جدا يا هبه

ام افنان المغير : الله يخيب ظنك!! ههههه سأزعل جدا لو مصطفى تزوج من سلوى ، ارجوك يا هبه لا نريد تعدد آخر في المسلسل ، ستصيبني عقدة نفسية هههههههههههههههههه

سلوى : هذا جزاء تكبرها ورفضها العرسان ، والرسول صلى الله عليه وسلم يقول : اذا جاءكم من ترضون دينه وخلقه فزوجوه

ندى : الحكي عندها دببببببببب

طارق : الله يعينه اتعقد من البلاد

رشا : لن تتغير بسهولة

هاني: يتحمل المسؤولية مثل زوجته تماما ، اليس هو ايضا اب وراع ومسؤول عن رعيته؟!

عصام : اكره شخصيته، انسان فارغ ، صلح غلطه بغلطة اكبر وافظع اللهم عافينا (ضيّع الدين والدنيا)

ام امير: قلبها ابيض وصافي ولن تستطيع المكابرة وستأخذ امير وزوجته بالاحضان، اشرافها على الاكل واهتمامها اكبر دليل ، لو كنت مكانها اكييد رايحة ازعل ولكني في النهاية ساحكم عقلي واسلم امري الى الله

 

بكفي يا هبه ، خلصت القهوة ههههههههههههههههههههه

شارك هذه المشاركه


رابط المشاركه
شارك

اخيييييرا خلصت الحلقات :)

تسلم ايدك حبيبتي وتسلم أفكارك

 

شارك هذه المشاركه


رابط المشاركه
شارك

حلقات جميلة

اما انا فتوقعي

ان ام نادر راح تدي نادر بوكس عل ظهره وبهدها تخد بالحضن هههههه

لازم تخرج الحرقة الي في قلبها هههههه

تم تعديل بواسطة ' أم آية'

شارك هذه المشاركه


رابط المشاركه
شارك

ههههههههههههههههههه

وربنا انتي اللي عسل يا عسل

حبيبتي يا هوبه

تعالي نورينا اسكندريه واهلها بيسلموا عليكي وبصراحه الجو تحــــــــــــــــــــــــــــــــــفه والبحر بقي مقولكيش هههههههههههه :ph34r:

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×