خلف هذه الجدران

[رياحينو 205]

@هبةنور

جزاك الله خيرا هبة الحبيبة

وجزا الله أمك عنك كل خير

كان نفسي تكون هناك حلقات أكثر

حقيقي أنت مبدعة

مسلسل أكثر من رائع

[' أم آية' 667]

يستاهلوا يا نينة , حد قالهم يمشوا تحت بلاكونتك ؟ ههههههههههههههههههههههههههههههههه

 

 

 

 

ههههه حلوة

[' أم آية' 667]

يستاهلوا يا نينة , حد قالهم يمشوا تحت بلاكونتك ؟ ههههههههههههههههههههههههههههههههه

 

 

 

 

ههههه حلوة

[ام مريم ويحيى 136]

حلقات روووعة كالعادة بس معلش الست أم حسين دى تعبت لى إعصابى

 

والغلط على بهيرة على فكرة مش معنى انى أحب حماتى وأحاول أرضها

 

انى أجى على نفسى للدرجة دى حتى ما اوضحش لجوزى الأمور كده غلط

 

واللى يفرط فى حقه يستاهل بقى

 

 

[ام بشار وعبد 83]

الله يرحم والدتك يا هبه، ويكثر من امثالها، انا اخاف على بناتي الى حد الجنون .... آه والله ، هل اغلى من عرض الانسان وشرفه؟!!

بهيرة احب خفة دمها كثيرا ولسانها الجميل وروح الدعابة لديها، ولكني اكره استسلامها الى هذا الحد ...

وحسين ايضا مع الاسف شخصيته سلبية، يجب ان يدافع عن كرامة زوجته ويحميها من تسلط والدته، هل بر الانسان بوالديه يعني ان يظلم زوجته ويتساهل في حقها؟!

[' أم آية' 667]

ههههه اسم الله على مقامك ديل البهيمة يا جوز بنتي

 

هو ذيل البهيمة انا كنت بفتكر اقدام البهيمة :blink:

[حواء أم هالة 1895]

حلقات رووعة حبيبتي وربي يرحم والدتك الكريمة وينور قبرها

أنا كلامي نفس كلام سندسة فيما يتعلق بأم حسين دي فظيعة والله وعايزة اللي يوقفها عند حدها وهي لقت بهيرة طيبة زيادة لكن حتى بهيرة أخطأت فأنا احب حماتي كثير وارضيها لكن مشفوق طاقتي اذا لم استطيع ان اعمل شيء اقوله عادي واكره حاجة عندي هو انها تعتبرها مثل الخدامة وواجب عليها خدمتها مع انه مش واجب من باب الإحسان فقط وياريت تشكرها فوق اللي تعمله معاملتها سيئة معها وبهيرة لا يجب ان تكون سلبية كثير حييجي يوم وحتنفجر زي القنبلة في وجه حماتها لأن للصبر حدود يختي هههههه

عصام يعتبر اماني نزوة ال حب ال ههههه وهي يمكن لما تكتشف ده تحمل عشان تربطه يعني لكن هو لما يعرف الخبر يطلقها مع أنه مش متزوجها الزواج الشرعي اصلا هههه وحترجع بوالد ثاني مع اللي عندها وتتحسر لكن الله يهمل ولا يمهل ومصيره هو كمان الافلاس بعدما حترجع فضيحته بجلاجل والكل حيعرف وحيخسر الاثنين ههههه

اما المحامي الخبيث ده فالله لا يوفقه ابداا هههه

ياترى البت ريم عاملة ايه

[حواء أم هالة 1895]

عايزة اشكر امومة على الفتوى لأنني استغربت فعلا من دنانير او اختها ا المهم اللي محجبة ان تشتغل مذيعة هي الشغلات قلت عشان تختار دي ههههه لكن مش واثقة انها حترجع مذيعة لأنها ستتزوج الدكتور اخو فاطمة ههههه اما اختها حتندم لما تشوف اختها حتتزوج مين لكن بعد ايه الله يلطف بها وتفوق قلا ما تضيع شرفها مع شريف بيه ههههه

[هبة عبد العظيم نور 2042]

اني مش مصدقة ان البت رحاب كبرت واتكتب كتابها ههههههه لا وكمان بتلبس عشان هتخرج مع عريسها يتفسحوا يا فاتن , يارب عقبالك ياااااااااااارب

 

هههه ان شاء الله يا ماما

 

 

 

 

 

 

 

ماماااااااااااااا

 

 

ايوة يا رحاب

 

مممممم اني مكسوفة نخرجوا مع نادر

 

يا بنتي بقى جوزك خلااااااص , كتبنا الكتااااااااااااااااب

 

ايوة يا ماما , بس اني نخافوا منه برضو , مش ممكن يقل عقله ويعمل حاجة كدة ولا كدة ؟

 

ههههه لا ما تخافيش , ادخلي انتِ جوا يا فاتن عشان هنقولوا كلمتين لاختك

 

 

بينكو اسرار ولا ايه يا ست ماماااااااا ؟ ههههههه طب اني هنقعدوا عشان نسمع هتقوليلها ايه

 

يا بت ادخلي جوا ما تخلنيش نقوموووووووووولك

 

ههههه خلاص خلااااااااااااااص هدخل اهو

 

 

 

 

بصي يا حبيبتي اني هنفهموكِ , دلوقتي هو عقد عليكِ , يعني بقى زوجك شرعا ومن حقه يعاملك كزوجة , مممممم يعني لو قبلك او ضمك لصدره ما فيهاش حرمانية وممكن تتزينيله وتلبسي اجمل الثياب قدامه , لكننننننننن العلاقة الكاملة لاااااااااااااا , مش لانها حرام , لانها مخالفة للأعراف والتقاليد , لان ممكن تستجيبوا لرغباتكو ويحصل جماع كامل وبعدها ما يتمش الزفاف , وهنا بقى الكارثة الحقيقية , عشان كدة بنقول الوسط في كل شيء حلو , يعني الاسترسال في الاستجابة للأشواق والقبلات ممكن يأدي الى الجماع وده اللي احنا مش عايزينه تجنبا للعواقب الوخيمة , والافضل ان الزفاف يتم بسرعة عشان نتفادى المشاكل

 

 

ايه يا ماما الكلام الوحش اللي بتقوليه ده !!!!!!!!!!! قبلات اييييييييه ! يا خبر اسووووووووووود , طب اياك يقرب مني ويشوف هنعملوا فيه ايه , طب والله لناخدوا معايا طوبة في الشنطة

 

طوبة ايه يا بت ! انتِ عايزة تجيبلنا مصيبة !!!!!!! ههههههههه الله يهديكِ يارحاب

 

 

 

تررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

 

 

روحي ردي ع التليفون يا فاتن

 

حاضر يا ماما

 

السلام عليكم

 

وعليكم السلام , ازيك يا انسة فاتن

 

اهلا وسهلا , كابتن نادر ؟

 

ايوة

 

لحظة واحدة هديك رحاب

 

اشكرك

 

 

رحااااااااااااااااب , كابتن نادر على التليفون

 

 

نادر , طيب هنردوا عليه

 

 

السلام عليكم ازيك يا نادر

 

ههههه وعليكم السلام , ازيك يا رحاب , يلا انزلي , اني هنركنوا العربية ونستنوكِ ع الإمة

 

ههه اني نازلة اهو يا نادر

 

 

 

 

 

 

 

 

 

 

 

هههههه اهي رحاب جاية اهيه , اما ندوها كلاكس بييييييييييب بيييييييييييييب بييييييييييييييييييب ههههه ننزلوا من العربية بقى نستقبلوهاااااااا

 

 

اهو واقف هناك اهو جنب عربيته , الله , لون العربية فضي , نحبوا اللون ده اوي , هو ماله واقف عمال يبصلي ويضحك ويعدل في ياقة القميص كدة ! هو شعره بيلمع كدة ليه ! اديني قربت نوصل عند العربية

 

 

 

ممممم السلام عليكم

 

ههههه وعليكم السلام , ازيك يا ريري

 

مين ريري دي ؟؟؟؟؟؟؟؟؟؟؟

 

ههههه انتِ , بندلعوكِ , ولا بلاش ندلعوكِ ؟؟؟؟؟ هههه اتفضلي اركبي

 

مممم هو اني هنقعدوا جنبك ؟؟؟؟؟؟؟؟؟؟

 

ههه اومال يعني هتقعدي ورايا !!!!!!!! ايوة يا حبيبتي هتقعدي جنبي ؟

 

هااااااااا , حبيبتك ؟؟؟؟؟؟؟؟؟

 

الله ! هههههههه هو اني كل كلمة نقولوهالك هتقفي عندها وتتنحي ولا ايه !!!!! اتفضلي اركبي بقى يا حياتي

 

حياتك ؟؟؟؟؟؟؟؟؟؟

 

ههههههههههههه لالالالالالالا دانتِ مشكلة بقى

 

 

 

هههههه نورتي العربية يا ريري , ايه رأيك فيها بقى ؟

 

هي مين دي ؟

 

هههههه العربية , يعني هيكون مين

 

حلوة اوي , هي بتاعتك ؟؟؟؟؟؟؟؟؟

 

ههههههه لا , سارقها , ايوة يا ستي بتاعتي , عجبتك ؟

 

لونها عجبني اوي

 

ههه طيب الحمدلله , بس مالك كدة حاسس انك مخضوضة ومستغربة ومش طبيعية ؟

 

ممممم اصل دي اول مرة نخرجوا مع راجل غريب عني

 

هههههه اني مش راجل غريب دلوقتي , اني بقيت جوزك

 

جوزززززززي ! كلمة غريبة اوي

 

هههههههههه انتِ ناسية يا حلوة اننا كتبنا الكتاب

 

مممممممممممم اني مش مرتاحة للجدع ده , باين عليه كتب الكتاب عشان يضحك عليا وياخدني في حتة مقطوعة , يا خبر مش فااااااااايت , طب اني هنعملوا ايه دلوقتي , نصوتوا ونلموا الناس ولا نستنوا شوية ؟ اني بصراحة نخافوا نفتحوا دماغه بالطوبة الي معايا في الشنطة , اخاف يجراله حاجة ونروحوا في داهية

 

 

رحااااااااب رحاااااااااب , سرحانة في اييييييييه ؟ ههههه كل شوية ابص عليكِ الاقي عنيكِ شاردة بعيد

 

لا سرحانة ولا حاجة , اني معاك اهو , مممممم هو احنا هنروحوا فين يا نادر ؟

 

هههههه مش هنقولولك , دي مفاجأأأأأأأأأأأأأة ههههه

 

يا ماماااااا , زي ما توقعت , اني ابتديت نخاف وقلبي يدق جاااااامد , يا ترى هياخدني على فيييييييين !

 

نسمة الهوا جميلة النهاردة ,شايفة البحر شكله زي ما يكون بيضحك ازاي ؟ ههههههه

 

بيضحك ؟ بحر ايه اللي بيضحك , الولا ده اهبل ولا ايه ؟

 

 

 

 

 

ادينا وصلنا اهو , اتفضلي انزلي

 

ممممم احنا هنروحوا فين

 

هندخلوا المطعم ده عشان نتغدا ههههه اني عازمك على الغدا يا حلوة

 

حلوة ؟ اني حلوة ؟

 

ههههه حلوة وزي القمر كمان , ملامحك مش بتغيب عن بالي , كأني شايفك من تحت النقاب

 

هاااااااا ! اما نشدوا النقاب على وشي , اني خايفة الشيطان يوسوسله ويقولي عايز نشوف وشك تاني

 

 

 

اتفضلي ادخلي يا رحاب

 

شكرا

 

 

تعالي نطلعوا الدور التاني ونقعدوا على أي طرابيزة جنب الشباك , عشان ناكلوا واحنا بنستمتعوا بمنظر البحر

 

مممم طيب

 

 

 

 

 

 

 

 

اهلا وسهلا يا فندم , اتفضلوا المينيو

 

شكرا , اختاري يا رحاب تحبي تاكلي ايه

 

ممممم ماشي

 

 

ها يا رحاب , اخترتي ؟

 

لا

 

ليه ؟؟؟؟؟؟

 

مش عارفة , اطلب انت أي حاجة واني هناكلوا منها

 

هههه ماشي , جرسووووووووون

 

تحت امرك يا فندم

 

اتنين تشيكن ناجتس وفرينش فرايز واتنين حاجة ساقعة

 

تحت امرك يا فندم

 

 

 

 

 

ما قولتليش , ايه رأيك في المطعم

 

اني جيت هنا كتير قبل كدة

 

افندممممممممم ! جيتي مع مين وليه وازاااااااااااااي ؟

 

جيت مع بابا وماما واختي

 

هههههه يا شيخة خضتيني , اصل بنغيروا عليكِ اوي

 

اني عمري ما خرجت غير مع بابا وماما واختي , اصل بابا كل اسبوع ياخدنا يفسحنا ويعشينا برا

 

باباكِ حنين اوي ماشاء الله

 

اوووووووووي , طول عمره بيعاملني اني واختي احسن معاملة , عمره ما زعل اننا مش صبيان ولا عمره في مرة قال لماما نفسي في ولد , رغم ان عماتي كانوا يقولوله ربنا يرزقك بولد عشان يبقى سند لاخواته البنات , كان يرد ويقول لو جبت ولد هيبقى سند مراته مش سند اخواته , وهينشغل عنهم بحياته , اني بناتي سندهم اجوازهم , ربنا يرزقهم بالأزواج الصالحين

 

يعني انتِ شايفة ان الكلام ده صح ؟

 

كلام ايه ؟

 

جوز الست هو سندها ؟ هههههه يعني اني سندك يا رحاب

 

هاااااا , اني بنتكسفوا وربنا

 

ههههههههه انتِ عسل وربنا , الجرسون جاي اهو

 

 

اتفضلوا يا فندم

 

شكرا , اتفضلي يارحاب

 

ممممم شكرا

 

 

اه بالحق قوليلي صحيح , ايه اكتر حاجة بتحبيها عشان اني كمان نقولولك على اكتر حاجة بنحبوها ههههههه

 

وليه يعني ؟

 

هههههه قوليلي بس , ايه اكتر حاجة بتحبيها ؟

 

اني نحبوا الفتة ام خل وتوم , وانت ؟

 

هههههههههههههههههههههه نحبوا الكوارع هههههههههههه فتة بالخل والتوم ايه بس يا ريري يا حبيبتي ! في بنت جميلة ورقيقة زيك تقول اني بنحبوا الفتة ام خل وتوووووووووووووم !

 

يعني هما الحلوين ما ياكلوش فتة !!!!!!!!!

 

هههههه يا ستي ياكلوها بالهنا والشفا هههههههه لكن الفتة مش رومانسية خااااااااالص , وبعدين اني ما قصدتش الاكل , اني قصدت المشروباااااااااات , اني عن نفسي نحبوا الشيّ باللبن وانتِ ؟؟؟؟؟؟؟؟؟

 

اني نحبوا اليانسون

 

هههههههه طيب اني نقولولك اني نحبوا اليانسون وانتِ تقوليلي اني نحبوا الشيّ باللبن , يعني كل واحد يحب الحاجة اللي التاني بيحبها دليل على حبه له

 

هااااااااااااااااا

 

ههههههه لالالالالا انتِ شكلك هتاخدي مني تدريب كتير اوووووووووي , بس اني مبسوط انك خام كدة واني اول واحد نعلموكِ الحب هههههههه بنحبوكِ يارحااااااااااااااااااااااب هههههههه من ساعة ما شوفتك واني ما بناموش الليل

 

وبعدين بقى في الولا ده ! نشتكيه لامه ونقولولها ابنك بيغازلني ؟ بس كلامه حلو وربنا هههههههه اني ابتديت ناخدوا عليه الجدع ده ممممم بتقول ايه يا نادر ؟ اصل اني ما سمعتش ههههه

 

هههههههههههههه نسمعوك تاني يا قمرررررررررررررر

 

 

 

 

 

 

 

 

 

 

 

 

 

 

 

 

 

ههههههههه حمدالله ع السلامة يا مغازي باشا

 

الله يسلمك يا مجدي , اومال فين جيرمين ؟

 

الانسة جيرمين تعبانة شوية , ماجتش الشركة النهاردة وبلغت السكرتارية بالشغل المطلوب بالتليفون

 

 

تعبانة ! مالها يعني ؟

 

 

مش عارف يا مغازي باشا , اتفضل اركب حضرتك ومعاك اتنين من الحرس , وباقي الحرس وراك في العربية التانية

 

مممممم طيب اطلع على شقة جيرمين

 

 

مش هنروح القصر يا باشا ؟

 

لا , هروح عند جيرمين

 

 

 

 

 

 

 

 

 

 

 

 

 

 

ترررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

 

 

 

مييييين

 

 

سليمان المغاززززززززي

 

هاااااااا , إيه اللي جابه دلوقتي ! اووووووووووف

 

 

اهلا سليمان بيه , حمدالله ع السلامة

 

 

ممممم , مش شايفك تعبانة يعني ! ما جتيش ليه تستقبليني في المطار يا جيرمين ؟

 

 

ابدا , ارهاق , بس كنت اكيد هتصل عشان اقولك حمدالله ع السلامة

 

ههههه واديني جيت لحد عندك يا ستي عشان اسمع حمدالله ع السلامة من اجمل شفايف

 

ههه , اتغديت ؟

 

عندك غدا ؟

 

لا , هتصل بأي مطعم يبعت الأكل دليفيري

 

 

طيب بسرعة وحياتك , جعان اوي هههههه

 

ما اكلتش في الطيارة ولا ايه ؟

 

اكلت , بس لما شوفتك حسيت اني جعان هههه

 

هه لحظة واحدة هتصل بالمطعم

 

 

 

 

 

 

 

 

 

 

ها , ايه رأيك في الأكل يا مغازي بيه ؟

 

 

هاااااااااايل

 

مممم المطعم ده من المطاعم المفضلة عندي

 

هههههه تحبي اشتريهولك ؟

 

هه مش للدرجة دي , عن اذنك هشيل الاطباق

 

 

استني هنا يا جيرمين

 

بتمسك ايدي ليه ؟ عايزة اروح اودي الاطباق المطبخ

 

مش قبل ما اعرف انتِ مش طبيعية ليييييييييييييه ! في حاجة حصلت في غيابي ؟ حد زعلك يا جيرمييييييييين ؟ لو حد زعلك قوليلي وانا اخلص عليه فوراااااااااا , زعلك غالي , ما بحبش ازعلك ولا احب حد يزعلك يا جيرمين

 

ههه انا عارفة , ما تقلقش عليا يا سليمان بيه , الموضوع مالوش علاقة بيك ولا بالشغل , موضوع عائلي

 

والدتك برضو ؟

 

ايوة , زرتها من كام يوم

 

اوووووووووف , انا مش عارف هي عايزة ايييييييييه , المفروض تكون مبسوطة لما تشوف بنتها مبسوطة وعندها فوق اللي بتتمنااااااااااااااه , مش عارف امهات ايه دي ! معقول كل ما تزوريها تنكد عليكِ بالشكل ده ؟

 

اهئ اهئ اهئ اهئ , عن اذنك هودي الاطباق المطبخ

 

 

اوووووووووووووف , الواحد هيلاقيها من ايه ولا من اييييييييييه , عيشة تأرفففففففف , حتى جيرمين اللي جاي انسى همومي معاها اجي الاقيها شايلة هموم الدنيااااااااااا , قوليلي يا جيرمييييييييييين , اخبار يوسف المنزلاوي ايه ؟

 

 

قومناله محامي زي ما حضرتك أمرت , بس تفتكر المحامي هيقدر يعمل حاجة ؟ انا شايفاك مطمن اوي

 

هههههههه ايوة مطمن طبعاااااا , مافيش أي اثبات على يوسف , كل الأوراق اللي تثبت ادانتي وادانته معاكِ يا مستودع اسراري هههههه

 

 

أأأأأ تت تتتت تحب أأأ تحب تشرب حاجة ؟

 

 

ياريت تديني كاس بسرعة , حاسس اني بردان

 

هه والكاس هو اللي هيدفيك ؟

 

ههههه هاتِ الكاس ومالكيش دعوة , على فكرة هبات عندك النهاردة

 

ده بيتك يا سليمان باشا

 

ههه شكرا لذوقك , بس صحيني بدري عشان عندي كام مشوار وبعدين هطلع ع الشركة , وانتي تعالي الشركة براحتك , لو مش قادرة تيجي بكرة بلاش , ارتاحي كام يوم

 

انا راحتي في الشغل , هاجي بكرة الشركة عشان عندي حاجات متعطلة

 

 

 

 

 

 

 

هاني باشااااااااااااااااااااااا تليفووووووووووووون

 

جاي حالااااااااااا الو

 

ايوة يا هاني باشا , المغازي وصل

 

ههههههه حمدالله سلامته , وانا في انتظاره , سلااااااااااااااااام

 

مممممممم هروح الصبح لجيرمين قبل ما تروح الشركة واتم معاها الاتفاق بتاعنا ان شاء الله

 

 

 

 

 

 

 

 

 

 

 

 

 

يا هاني يا حبيبي هتنزل تروح فين بس ! انت لسة تعبااااااااان , كفاية عليك شغل القسم , بلاش ترهق نفسك زيااااااادة

 

لالالالا الحمدلله انا كويس اوي يا رشا

 

طيب هتروح فين

 

هروح مشوار مهم , عايزين نقفل القضية دي بقى ونسلم كل المجرمين للعدااااااااالة

 

يوووووووووووو , هو مش انتو قبضتوا ع القاتل واعترف على اللي حرضوه ع الجريمة ؟

 

ههههه لسة راس الحية

 

ياررررررررررررررربي اهئ اهئ انت هترعبني عليك يا هاااااااااني , يا اخي حرام عليك , انت لسة قايم من جراحة صعبة ويادوب اطمنا علييييييييك , سيب القضية دي بقى , انت مش هتصلح الكوووووووون

 

وضميري يارشاااااااااااا

 

ماله ضميرك بسسسسسس ! ما هو خلاص القاتل اعترررررررف

 

رشا , اوعى يارشا خليني انزل عشان مش هينفع اتأخر اكتر من كددددددددة

 

يوووووووووووووووووه , اتفضل انززززززززل , انا عارفة انك مش هتجيبها لبررررررر

 

 

 

 

 

 

 

 

 

 

 

 

 

 

 

 

 

 

 

ايه ده , المغازي نازل من عمارة جيرمين وبدري اوي كدة !!!!!! ممممم واضح انه كان بايت عندها , استغفر الله العظيم من كل ذنب عظييييييييييييم , الناس دول ما بيخلوش حاجة ربنا حرمها الا لما بيعملوها وكأنهم بيتحدوا أوامر ربنا سبحانه وتعالى , ارحمنا برحمتك ياااااااااااارب , بس هي ما نزلتش ليه ! مممممم , هنتظر شوية , لو ما نزلتش هطلعلها

 

 

 

 

 

 

 

 

 

 

 

 

ييييييي كنت هنسى مفاتيح العربية , اتأخرت ع الشركة توووووووء عايزة اوصل قبل ما سليمان يخلص مشاوريه ويروح الشركة , ادي المفاتيح اهيه , انزل بقى عشان الحق الشركة

[الملتزمة المتفائلة 292]

السلام عليكم انا وصلت صفحة 63. الله يعين كنت اتمنى اعلق زي البنات هعندي كثير تعليقات بس انا لساتني متأخرة وانا متابعة معك خالتو هبة مسلسل كثير حلو ورائع ومشوق كمان تسلمي. بوركت.

[هبة عبد العظيم نور 2042]

اهي خارجة من العمارة اهيه

 

 

 

مممم ركبت عربيتها , هطلع وراها بعربيتي واعترض طريقها

 

 

 

 

 

ايه دددددددددده , مش تحاسب يا بني ادم انتتتتتتتتت ؟ هاااااااا , أأأأأأ هاني بيه ؟

 

ههههه مفاجأة لطيفة مش كدة؟

 

أأأأايوة , ما توقعتش اشوف حضرتك تاني

 

 

 

ههههه ودي تيجي برضو يا ......... انسة جرمين ؟ انسة حضرتك مش كدة ؟

 

تقصد ايه ؟؟؟؟؟؟؟؟؟

 

اطلعي ورايا بعربيتك هنروح النادي بتاعك يا مدام جيرمين

 

 

يووووووووووو , الواحد كره عيشته , اووووووووووووووووف , اما اروح وراه اشوف عايز ايه مني ده كمااااااااااان , بعد ما كلام المغازي طمنني وقولت خلاص كل المواضيع اتقفلت , الاقي هاني بيه يظهر تاني , والله شكل الموضوع هينتهي بطلقة من مسدس المغازي في قلبي

 

 

 

 

 

 

 

 

 

 

 

 

اهو قاعد مستنيني على نفس الطرابيزة الي قابني عليها اول مرة

 

 

 

 

صباح الخير يا هاني بيه

 

اقعدي

 

 

حاضر

 

 

انتِ ايه علاقتك بالمغازي بالظبط ؟ انتِ سكرتيرة ولا ..................... ؟

 

ما تكملششششششش , ارجوك ما تكملش

 

تقدري تفهميني المغازي كان بايت عندك بأي صفة ؟

 

من فضلك ارحمني من نظرات الاحتقار القاسية اللي شايفاها في عينيك دي , وقبل ما تظلمني اتفضل شوف الورقة دي

 

ايه الورقة دي ! ممممممم هههه عقد جواز عرفي بينك وبين المغازي ! مممممم وشايلاه في شنطتك وماشية بيه عشان لو حد اتهمك بالزنا تقوليله لالالالا انا مرات المغازي واتفضل شوف الورقة هههه حاجة لطيفة اوي , وياترى انتِ مقتنعة بالعقد ده ؟ يعني ده جواز حقيقي ولا محاولة اضفاء شرعية كاذبة على العلاقة المنحطة اللي بينكووووووووووو

 

اهئ اهئ اهئ من فضلك كفاية اهانات بقىىىىىىىى , ارحمني , ماله الجواز العرفيييييييي اهئ اهئ اللي اعرفه ان الناس زمان كانوا بيتجوزا عرفي من غير اوراق اهئ اهئ يبقى ليه بقى لما بنت زيي تتجوز عرفي تتهان وتتبهدل بالشكل ده والمجتمع يتهمها انها خاطية اهئ اهئ اهئ

 

يا مدام جيرمين ما تخلطيش الأوراق ببعضهااااا , الجواز العرفي بتاع زمان اللي بتقولي عليه ده , كان قايم على الإشهار والولي والشهوووووووووووووود , تقدري تقوليلي فين الولي بتاعك اللي وافق على جوازك من المغازي ؟ فين الشهود ؟ فين الإشهااااااااااااااار ؟ ده الناس لحد دلوقتي بيقولولك يا انسسسسسسة

 

اهئ اهئ اهئ المغازي فهمني ان ده جواز زيه زي الشرعي اللي على ايد مأذون

 

لا يا انسة , انتِ مش صغيرة عشان تقولي المغازي قالي والمغازي فهمني , لالالالا , انتِ عارفة كويس اووووووي انك غلطانة , وان اللي بينكو مش اكتر من علاقة منحططططططة وعشان تحسسي نفسك انك مش غلط بتقنعي نفسك انك متجوزة عرفي

 

انا مش غلطططططططط انا مش غلط

 

هههه اومال ليه مخبيين عن الناس ؟

 

مسألة وقت

 

هههه , اسألك سؤال يا مدام جيرمين

 

انسة جيرمين من فضلك , ماحدش يعرف اني متجوزة

 

ههههههههههههههههههههههه , شوفتي بقى انك حتى خايفة حد يسمع كلمة مدام قبل اسمك ! وده اعتراف ضمني منك انك على خطأ وخايفة من المواجهة , على العموم دي حياتك وانتي حرة , انا بنصحك بس نصيحة لله , ياريت تتوبي وتنضفي حياتك القذررررررررة

 

اهئ اهئ اهئئئئئئئ هي ليه الدنيا كلها واقفة ضدي ؟ اهئ اهئ اهئ حتى امي اميييييييي امي اللي المفروض تكون الصدر الحنين في الدنيا حارماني من حضنها اهئ اهئ بتقول اني خاطية اهئ اهئ اهئئئئئئئئئئ بتعاملني كأني حشرة مش اكتر من حشرة اهئ اهئ اهئ

 

والدتك عندها حق , ياريت تراجعي نفسك قبل فوات الآوان , وياريت تصححي مسار حياتك كله , فين الأوراق ؟

 

الأوراق ؟؟؟؟؟؟؟؟؟

 

هههه ايه ! نسيتي ؟

 

لا , ما نسيتش , بسسس

 

مافيش بس , ده أمر , مالكيش اختيااااااااااار , لو عايزة تبعدي عن فوهة البركان اللي هيقع فيها المغازي , ولا المغازي فهمك انه فوق القانون يا مدام هاااااا قصدي يا انسة , انا عرفت انه قوم محامي شاطر للمنزلاوي على أمل انه يطلعه من القضايا اللي متورط فيها , لكن انا متأكد ان المغازي بيعمل حيلة عشان يسكت المنزلاوي وهيصفي كل اعماله ويطير برا مصر , والمنزلاوي هو اللي هيتحمل كل حاجة لوحده , لكن اقسم بالله ما هيلحقققققققق

 

يا هاني بيه لازم تعرف ان المغازي مش هيسكت , مش المغازي اللي الكبار يسيبوه يقع ,هما ممكن يضحوا بالصغييرين , لكن المغازي لالالالالا , خلي بالك عنده اسطول من المحاميين وجاهزين ومدربين على اعلى مستوى

 

هههه مدربين على ايه يا انسة جيرمين ؟

 

مدربين على اختراق ثغرات القانون وتقويض كل الأدلة

 

لالالالالا هههههه مش المرة دي , المرة دي الخناق هيضيق عليهم جدااااا , هاتي الاوراق ومالكيش دعوة

 

انا اتفقت مع حضرتك اني هديهالك وانا برا مصر عشان المغازي ما يشكش فيااااا , ولا انت عايزه يقتلني ؟

 

 

انا كنت هعمل كدة بس غيرت الخطة , بعد القبض على يوسف المنزولاي احنا هنقول انه هو اللي دلنا على مكان الأوراق , انتِ مالكيش دعوة , قوليلي مكان الأوراق واحنا هنجيبها بطريقتنا

 

اديني الأمان يا هاني بيه

 

هه ما تخافيش يا انسة جيرمين , قولي الاوراق فين بسرررررررررعة

 

الأوراق في اوضة نومي , في برواز في الحيطة فوق السرير على طول , شيل البرواز من مكانه هتلاقي خزنة في الحيطة , فيها كل الأوراق الخاصة بالمغازي وكل اعماله المشبوهة

 

 

متشكر يا انسة جيرمين , على فكرة انا هبعت قوة للقبض عليكِ بشكل صوري يعني وهنفتش البيت وناخد الاوراق

 

 

تقبضوا علييييييييييييية !!!!!!!!!!! يا خبر اسوووووووووووود

 

 

ما تخافيش , قولتلك بشكل صوري , لسة ما حددتش امتى , مش هنهينك ولا هنتعرضلك بأذى يا انسة جيرمين , احنا لازم نتصرف بسرعة عشان نقبض على المنزلاوي ونواجهه بكل الاوراق اللي تدينه , ويبقى يوريني المحامين بتوعه هيطلعوه ازاي

 

انا خايفة يا هاني بيه اهئ اهئ اهئ

 

قولتلك ما تخافيش , مممممم انسة جيرميييييييييييين

 

افندم

 

ياريت تفكري في كلامي وتصححي مسار حياتك , انا متأكد انك مش سعيدة

 

ان شاء الله اهئ اهئ اهئ عن اذنك

 

اتفضلي , مع السلامة

 

 

 

 

 

 

 

 

 

 

 

 

 

 

مجديييييييييييييييييي

 

 

تحت امرك يا مغازي باشاااااااااااااااا

 

اتصل بالمحامي بتاع المنزلاوي وخليه يجي يقابلني

 

حاضر يا باشا , عن اذنننننننننننننك

 

تعالى هناااااااااااااااا

 

في حاجة يا باشا ؟؟؟؟؟؟؟؟؟

 

انا قولتلك يجي يقابلني فييييييييييين ؟؟؟؟؟؟؟؟؟؟

 

اكيد هنا في القصر يا باشااااااااااا

 

غبييييييي طول عمرك هتفضل غبيييييييي وتعيش وتموت غبيييييييييي , بقالك اكتر من اتناشر سنة معايا ومع ذلك ما اتعلمتش مني أي حاااااااااجة

 

في ايه بس يا مغازي باشا ؟ انا غلطت في ايه معاليك ؟؟؟؟؟؟؟؟؟

 

يا ابني ادم انتتتتتتتت جايز يكون القصر متراقببببببب , انا مش مرتاح من ساعة ماجاني الواد الظابط اللي شايف نفسه ده , حاسس انه شاكك فيااااااااا ومعنى ان محامي المنزلاوي يجيلي القصر ان انا ليا علاقة بجرايم المنزلاوووووووووي

 

ايوة صحيح , فاتتني دي , طيب اومال جنابك تحب تتقابل معاه فين ؟

 

 

خليه يجيلي فندق سوفت لايف , يطلعلي الجناح الخاص بتاعي فوق , وما يقولش في الريسيبشن انه جاي للمغازي , يقول انه منتج طالع يتعاقد مع النجمة سهى النمر , وخليه يلبس كاجوال , بلاش البدلة والكرافتة وشغل المحامييييين , انا مش عايز حد يشك في أي حااااااااااجة

 

 

ههه ماشاء الله عليك يا باشااااااا , دماغك فصوص الماااااااظ

 

 

 

طب يلا خلصننننننننني , اتصل بيه وقوله يجيلي الساعة اتناشر بالييييييييييييل , اول ما يوصل يقول لموظف الاستقبال انه المنتج علي برقوق وهيلاقي كل حاجة مترتبة

 

اوامرك يا باشااااااااااا

 

 

 

 

 

 

 

 

 

 

 

 

 

مساء الخير

 

مساء النور يا فندم

 

يا ترى اقدر اقابل الفنانة سهى النمر ؟

 

حضرتك مين

 

انا المنتج علي برقوق

 

اهلا وسهلا يا استاذ برقوق هههههه افلام حضرتك مكسرة الدنيا

 

مكسرة الدنيا فين يا ابني انت !!!!!! دي اول تجربة انتاج سينمائي هدخلها

 

هههههه يبقى بشرة خير يا استاذ برقوق , اكيد افلامك هتكسر الدنيا طالما هتستعين بست الكل ونجمة النجمات سهى النمر هههههههه , تحب اتصل بيها اديها خبر ؟

 

لالالالالالالا

 

ازاي بقى ! دي مستنية حضرتك وقالتلي اول ما يوصل المنتج اديني خبر

 

هي قالتلك كدة ؟

 

ايوووووووووة , لحظة واحدة اتصل بيها

 

 

تررررررررررررررن ترررررررررررررررررررررررررررن

 

اليوووووووووووو

 

هههههه مساء الخيرات على نجمة النجوم

 

ميييييين ؟

 

موظف الريسيبشن يا فندم

 

عايز ايييييه ؟؟؟؟؟؟؟؟

 

المنتج الاستاذ علي برقوق وصل يا فندم

 

والله ! هههههه طيب انا نازلة حالااااااااااااا

 

 

 

 

 

اتفضل اقعد يا استاذ برقوف , ست الكل نازلة

 

ست الكل ميييييييين !!!!!! هو في اييييييييييه ؟ هو انا جاي لمين بالظبط وعشان ايييييييه ؟ هو المغازي فييييييييين ؟؟؟؟؟؟؟؟ هو ايه اللي بيحصل

 

 

اهي ست الكل نزلت اهيه ههههههههه

 

 

اهلا اهلا اهلاااااااا معقول الاستاذ علي برقوق مرة واحدة !!!!! هههههه منور يا استاذ علي

 

 

بوجودك يا مدام , هو أأأأأ

 

ههههه ما تقولش حاجة يا استاذ علي , هنتفاهم اكيد هنتفاهم ومش هنختلف على الاجر , بس اجري مش هيقل عن اربعة مليون

 

اربعة مليون ايه !!!!!! هو في ايه

 

هههههه طب تعالى نتفاهم فوووووووق

 

فوق فيييييييييين ! المغازي فيييييييييين , يكونش المغازي بيتنكر بالليل وبيسمي نفسه سهى النمر !!!!!! بس مش معقول المغازي بالانوثة دي كلها , لالالالالالالا انا دماغي هتضرب

 

 

اتفضل في الاسانسيررررررر يلا يا استاذ برقوق ههههه

 

 

 

 

 

 

 

اتفضل اخرج , الاسانسير وقف

 

احنا رايحين فين ؟

 

ههههه للي جاي تقابله في نصاص الليالي , اهو المغازي باشا واقف في الطرقة وحاطط السيجار في بقه اهو هههههههه بنسوار مغازي باشا

 

اهلا بست الكل هههه متشكر جدا على تعاونك معانا

 

ههههه برد جزء من جمايلك يا مغازي باشا , الاستاذ برقوق اهو ههههههه عن اذنكو انا بقى عشان هطلع البس عشان عندي تصوير كمان ساعة ولازم استعد

 

بالتوفيق يا مدام سهى ههه اهلا استاذ مكرم الشنواني ولا اقول برقوق ههههه

 

ههههههههه أي حاجة يا باشا , بس ايه الشغل الكبير والحركات الجامدة دي ! سهى النمر بحالها تنزل تستقبلني !

 

ههههههه تمويه , نعمل ايه بقى , البوليس مش عايز يسيبنا في حالنا

 

ربنا يعمي عنين البوليس عنك يا مغازي باشا

 

اتفضل في الجناح بتاعي عشان نتفاهم

 

تحت امرك يا كبيرررررررر

 

الاول تتعشى معايا ونتكلم واحنا على الطرابيزة

 

ههههه اوي اوي , حد يطول يقعد مع معاليك على طرابيزة واحدة !

 

سيجار ؟

 

يا ريت هههه مع اني مش من هواة التدخين لكن هبقى سعيد لما اشرب سيجار من علبة حضرتك الخاصة , خصوصا لما تولعلي بالولاعة الدهب بتاعتك

 

اوكيه , اتفضل السيجار وهولعهولك كمان

 

هههه متشكر معاليك

 

 

اتفضل العشا , قدامك كل حاجة على الطرابيزة وكل براحتك , قولي بقى ايه موقف المنزلاوي ووصلت معاه لحد فين

 

والله يا فندم المنزلاوي بيه على وشك ياخد براءة , لان مافيش أي دليل واضح بإدانته , وكان المفروض يخرج بكفالة المرة اللي فاتت , لكن للأسف ........

 

للأسف ايه ؟؟؟؟؟؟؟

 

وكيل نيابة متعسف جداااااااا وشكله كدة نفسه يودي المنزلاوي في داهية بأي طريقة , مارضيش يخرجه وجددله الحبس على ذمة القضايا التانية

 

مممممم وبالنسبة القضية الاهم وهي قضية قتل مراته ؟

 

لالالالا القضية منتهية يا فندم , القاتل معترف وكمان انكر علاقته بالمنزلاوي او ان هو اللي اجره مقابل قتل زوجته

 

ممممم طيب , هحاول اتطمن شوية

 

هههه اطمن خالص يا باشا , براءة المنزلاوي في جيبنا

 

هههههه طب خد كاس نبيذ فرنساوي

 

ههههه يدوم جنابك , لكن كنت عايز زيادة في الاتعاب , القضايا متعبة جدا وعايزة مجهود شاااااااااق

 

اللي انت عايزه واكتر هتاخده يا استاذ شنواني , انت محامي كبير ومحترف ومش خسارة فيك أي مبلغ تطلبه

 

هههههههه اتفقنا يا مغازي باشا

[هبة عبد العظيم نور 2042]

السلام عليكم انا وصلت صفحة 63. الله يعين كنت اتمنى اعلق زي البنات هعندي كثير تعليقات بس انا لساتني متأخرة وانا متابعة معك خالتو هبة مسلسل كثير حلو ورائع ومشوق كمان تسلمي. بوركت.

 

 

وعليكم السلام حبيبتي

 

المسلسل من اول الصفحة الاولى لحد الصفحة 63 اتشرف بمرورك يا قمر ههههه

 

تسلمي يا قلبي ع الكلام الجميل , متابعتك تسعدني جدا

[هبة عبد العظيم نور 2042]

بنشكر من صميم واعماق اعماق القلب سيدة الفتاوى الاولى في المنتدى الاستاذة ام العبادلة سدد الله خطاها وزادها من فضله قولوا آميييييين

 

 

 

ايها الجمهور العريض , تعاطفك وحده مو كفاية , بدنا تفاعل ههههههههههههههههه

 

 

الاخوات الحبيبات

 

 

اعتز بالاسلام

 

يا مرحبا بمن حبا ومن دبا ههههههههه ازيك يا حبيبتي بعودة الايام والله

 

نأسف لعطل الكهرباء , الموضوع خرج من ايدينا , علينا بالدعاء

 

ام عبد الرحمن وجنة

 

حبيبتي العسولة ام عبد الرحمن , ليك طلة خاصة يا جميل , ربنا ما يحرمني من متابعتك يا عسل , المسلسل كدة شكله قاعد للصيف اللي بعد الجاي , وراكِ حاجة ؟ هههههههههههههههههه

 

رحيق الزهرة

 

اهلا بيكِ حبيبتي , فرحتيني انك متابعة يا سكرة , منووووووووووورة

 

سارة محمد

 

سوسو حبيبتي , شوفتي كل الناس بتحبك ازاي ؟ واولهم انا يا عسل والله

 

حواء ام هالة

 

اماني بتقولك لو جبتي سيرتها تاني هتخلي امها تعزمك على عكاوي هههههههههههههههههههههه

 

منورة يا حواويئو

 

همسات في صمت ( هششششش ) مش عايزين نسمع صوووووووووت , همسات في صمت بقى مش عايزين حد يسمعنا هههههههههههه

 

اهمس براحتك في صمت يا قمر ههههههه

 

 

ام افنان المغير

 

وينك يا جمر من امبارح ولا ريناك ؟؟؟؟؟؟؟؟؟

 

ريحانة السماء

 

رياحينووووووو , منور يا عسل , وجودك بيسعدني حبيبتي

 

 

 

البت اللي بتثير القلاقل في المنطقة بنوتة مسلمة مصرية, ايه يا بت الكلام الحلو اللي يبشر بحرب اهلية ده ! هههههههه

 

يختي انا غلبانة , لا بذنب حد ولا بعرف اخد حقي من حد , انا كنت بخاطب ضمايركو بس , الحمدلله لقيتها لسة صاحية ورديتوا ع الحلقات هههههههههههههههههه

 

 

 

تسلموا ع الردود يا بنات , اسيبكو مع الحلقات واشوفكو بكرة بمشيئة الله

[~ أم العبادلة ~ 1903]

على فكرة انا اللي هشتكي المرة دي انك بقالك فترة بتخلي الحلقات قصيرة جدا

احم احم

اهرب قبل ما البنات تهجم عليكِ - ابتسامات -

[هبة عبد العظيم نور 2042]

على فكرة انا اللي هشتكي المرة دي انك بقالك فترة بتخلي الحلقات قصيرة جدا

احم احم

اهرب قبل ما البنات تهجم عليكِ - ابتسامات -

على فكرة انا اللي هشتكي المرة دي انك بقالك فترة بتخلي الحلقات قصيرة جدا

احم احم

اهرب قبل ما البنات تهجم عليكِ - ابتسامات -

 

 

ههههههههههههههههههههه

 

انا مالي يختي , انتي اللي قولتي خلي الحلقات قصيرة عشان اعرف اتابع

 

بقيت اقسم الحلقة على مرتين , يعني الحلقة اتناشر عندي ع الورد بنشرها على يومين هههههههه

 

يعني بسبب جنابك ان شاء الله المسلسل هيفضل يتعرض لحد ما شعرنا يشيب ونخرف تخاريف الشيخوخة ههههههههه ربنا يستر

[~ أم العبادلة ~ 1903]

لا يا ستي ما تقسميش وهاتيها كلها

روحي هاتي الباقي بسرعة وتعالى واوعي تشتري طابع بوسطة في الطريق احسن انتي حرة - ابتسامات -

[ساره أم حمزه 1040]

حلوه فقرة رحاب وزوجها "مكتوب كتابهم " بتعلمنا برضه

بس انا عامله زى رحاب كده بس مش اوى بس احلى حاجه ان نادر كان صابر عليها وبيعلمها

[ساره أم حمزه 1040]

اممممممم ربنا يهديك يا جرمين

المغازى ده اعوذ بالله

بخاف من الرعب ده

 

الحلقات كده حلوه يا هبه ^ــ^

 

سارة محمد

 

سوسو حبيبتي , شوفتي كل الناس بتحبك ازاي ؟ واولهم انا يا عسل والله

الحمد لله والشكر لله وانا كمان بحبكم

ربنا يباركلى فيكم ( :

[ام افنان المغير 56]

وعليكم السلام ورحمة الله وبركاته

انت قمر والله .ما تتخيليش السعادة اللي انا فيها لما ألاقي مبدعتنا تذكر اسمي وتسأل عني .يا رب تسأل عنك الجنة .

ما فيش حاجة غير شغل البيت اللي ما ييخلص .والاستعداد للمدارس .(مش عارفة عندكم في مصر كيف المدارس .احنا بدأنا من يومين العام الجديد )

ربنا يرحم والدتك ويسكنها فسيح جنانه وجميع موتى المسلمين ويعيننا حتى نكون امهات صالحات .الزواج العرفي واخطاء المخطوبين ملفين جديدين تفتحينهما في القصة بارك الله فيك.

يا حبيبتي من زمان بدي اقول الحلقات قصيرة بس خايفة حد يشتكي .يا ريت تلحقينا بباقي الحلقة

[' أم آية' 667]

نسيت اسمي :(

 

[رياحينو 205]

هوبة سلمت يداك

بالنسبة لرحاب ونادر

رحاب أفكرها صغيرة جدا

ونادر الحمد لله أنه صابر عليها

الحلقات رائعة جدا جدا

علي فكرة أنا أسعد كتييييير بالمتابعة ههههههههههه

[أم البطل عبد الملك 19]

انا يعترض،ومش هعلق ع الحلقات إلا لما تزويد سبعتاشر حلقة كمان ولا حاجة

[أم البطل عبد الملك 19]

انا يعترض،ومش هعلق ع الحلقات إلا لما تزويد سبعتاشر حلقة كمان ولا حاجة

[((مــريــم)) 35]

بالنسبه لرحاب دي عسل

بس مفروض بردو أمها تعقلها

جيرمين هترجع وهتتوب

وبصراحة دور هاني فعلا رائع انه مش بس بيشوف شغله ومصالحه لا همه كمان إصلاحها ودي حاجه ممتازة فعلا

بالنسبه لدنانير دي هتشوف الويلات هيا وأمها بسبب شريف بتاعهم ده

واعتقد دراهم هتتجوز اخو فاطمه علي ما اذكر اسمها

 

[اعتز بالاسلام 126]

جرى ايه ياحاجة هبة انتى هتحنسينا ولا ايييييييييييه

دى حلقة دى؟؟؟؟ الواحد مابيلحقش يندمج

فكى كيسك شوية ياختى وطولى الحلقات ياما هعملك مظاهرات كل شوية انا قولتلك اهو

وقد اعذر من انذر

 

مظاهرات

تطويل

المسلسل

 

 

 

 

 

 

 

 

 

 

 

 

خطاب شديد اللهجة هههههههههههههههههههههه