اذهبي الى المحتوى

المشاركات التي تم ترشيحها

وبعدين بقى يا ست هبه ينفع كده كنتى كملى سطر واحد كمان وبعدين شوية الحلقات دى انتى ناسية انها خميس وجمعه وسبت واحد انا بقرا وانا مطمنه انها كتييييييير لقيتها فجاءه خلصت اهىء اهىء

وبالنسبه لاحسان وعبد المجيد لحسان دى خسارة فيها الاسم اعوذ بالله منها وبعدين عبد المجيد المفروض يادبها شوية وكلمته تمشى عليها مش عارفة المسلسل مليان رجاله ملهاش شخصية ليه حاجة غريبة ربنا يعافينا يا رب

يعنى عبد المجيد وجوز اشجان سعاد وكمان حسييييين وكمان الى اسمة صاصو ده اعوذ بالله منهم الراجل المفروض يمشى البيت على الطريقة الى هوا شايفها انها الصح مش ...

وياسر ورحمة الصراحة مزودنها اوى مع بعض وكده مش صح خالص وبهيرة واخدة بالها عن اشجان اشجان دى فى الطراوة خالص .....

احسن عائلة دلوقتى عائله الحج حاااامد ربنا يخليه هههههه

وربنا يستر على المقدم هانى زاهر

شارك هذه المشاركه


رابط المشاركه
شارك

رحمة وياسر بقوا مشكلة ,,, والمفروض اصلا من اول ما دخلوا المدرسة وكبروا يبعدوا عن بعض

لكن المشكلة ان اشجان متعلقة ببهيرة اووووي وملهاش حد في القاهرة زي بهيرة وزوجها راميها يا دوب بيحن عليها يومين في الاسبوع

فلما هي تتعلق بجارتها اكيد الاولاد لازم هياخدوا على بعش و ورحمة اتعلقت بأقرب واحد لسنها وهو ياسر ,, وخدوا على بعض جااامد وهما صغيرين فصعب ينفصلوا بعد ما يكبروا

 

ولو فكروا يبعدوهم عن بعض اكيد هتحصل مشكلة بين بهيرة واشجان لا سمح الله ( المسلسل مش ناقص مشاكل)

فبقول من رأيي تسيبيهم كده احسن ههههههههههه رحمةً ببهيرة واشجان

 

 

 

 

 

 

>>> انا كنت سامعه حد بيجيب في سيرتي

وانا اقول ياترى كنت بعطس النهارده لييه ههههههههههههههههههههههههه

 

مش شرط يا مريومه خالص ان الموضوع يوصل لخلفات

الصح ان اشجان هي اللي تحطات ولو على بنتها المفروض توديها دار تحفيظ قراَن

ومفروض تصاحبها اكتر من كدا هي اصلا عندها فراغ كبير مورهاش حاجه غير بنتها

 

بس أعتقد ان الحاجه ام عصام هتحسم الموقف

 

وبخصوص اللي بيجيب في سرتك

يرحمك الله اولا ههههههه

وبرأه المرادي أي نعم إنتي مجتيش تعتذري بس برضه خالتك ضحكت علينا ههههههههه

 

أعتقد ان هاني ممكن يفهم المغازي انه كان شاكك فيه وكان فاهمه غلط

بس حاسه انه عرض ولاده للخطر

 

عصام معتقدش انه بالتفاهه والسذاجه اللي تخليه يجيب اماني بيته

معتقدش ان أماني هتوافق

في كل الاحوال محدش بيفكر في الاولاد

شارك هذه المشاركه


رابط المشاركه
شارك

انا مكنتش فى البيت امبارح كنا عند اختى ورجعت مرهقه

هابقى اقرأهم النهارده إن شاء الله

شارك هذه المشاركه


رابط المشاركه
شارك

حلقات رائعة

تسلمي هبة الغالية :)

 

الحمد لله من قصصك نتعلم الكثييييييييييييييييييييييييييييييييييييييييييييييييير و الكثببببببببببببببببببببببببببببببببببببببببببببببببببر والكثييييييييييييييييييييييييييييييييييييييييييييييييييييييير

جزاك الله خيرا يا غالية

ورزقك الله الذرية الصالحة

شارك هذه المشاركه


رابط المشاركه
شارك

هبه ... انت ملاحظة شغلة ... هناك اكثر من قصة تعدد في المسلسل ولا واحدة فيهن فيها نوع من العدل :

عادل يقضي يومين فقط من الاسبوع عند اشجان (الزوجة الثانية)

مرزوق متزوج بالسر (في الظلام) شهر واحد في العام عند زوجته وبناته والباقي في الغربة عند الثانية، صحيح ان زوجته الاولى هي من دفعته الى ذلك، وانا مع انها تدفع ثمن طمعها وانها فضلت المال على الحياة الاسرية السعيدة والمستقرة، ولكن هذا لا يعفي السيد مرزوق من مسؤوليته كأب وراع مسؤول عن اسرته وبناته

عصام حدث ولا حرج زواج باطل (في العدة) وفي السر ايضا يذهب الى زوجته الثانية في المناسبات

وفي الاخر السيد سامي كملها عل الاخر ... زواج في السر وايضا احضر زوجته خدامة لزوجته الاولى صاحبة المال والجاه ، ولكن بدارة تستاهل فقد رخصت بنفسها كثيرا ، وانا حقيقة لا ادري ما هذا الذي يدعون انه ((الحب)) الذي يدفع الانسان الى هكذا مصير؟!!

الحب امان وحنان وسمو واحترام وتقدير وتضحية وتفاني لا يتنافي ابدا مع الكرامة الانسانية وعزة النفس زوجي الذي احبه هو الذي يصونني ويحميني ولا يرضى لي بالذل او الضيم ابدا ابدا احبك يااااااااا زوجي

شارك هذه المشاركه


رابط المشاركه
شارك

بدارة غلطانه المفروض تسمع كلام والدتها ومتعملش الغلط

 

وهانى ده جريء

 

التلفزيون فعلا بيعلم الاطفال حجات مش كويسه

انا شفت بنت وولد برضه بيلعبوا مع بعض زى ماشافوا فى التمثليه بيقولها بالأحضان بقى ويقولها انا بحبك

وانتى طالق بالثلاثه وعيالك اهم ميلزمونيش

انا مش عارفه هى بهيره واشجان متسهالين كده ليه

شارك هذه المشاركه


رابط المشاركه
شارك

بارك الله فيك ِ حبيبتى ..لغة سلسة وسهلة

 

وأحداث متلاحقة ..وثرية وفقك ِ الله

شارك هذه المشاركه


رابط المشاركه
شارك

أنا بعتذر أنا والله متابعه الأحداث م البدايه لكن مش بعرف أتوقع الأحداث

لكن بجد مسلسل رائـــــــــــــــــع جداً، أسأل الله أن يجعله فى ميزان حسناتك <3

بالتوفيـــــــــــق، منتظره أحداث ساخنة يا خالتو هبه. O_o

شارك هذه المشاركه


رابط المشاركه
شارك

السلام عليكم ورحمة الله وبركاته

 

عوووووووووووووووو أنا جيييييييييييت :ph34r:

 

خالو هبة بتعتذرلكم يا عسولاات إنتو ,, لإن النت عندها صعب وفيه مشاكل

 

وبإذن الله لو اتيسرت الامور والنت اتظبط معاها احتمال تنزل الحلقات الصبح

 

معلش بقى لانه غصب عنها والله والحلقات كانت جاهزة بس معرفتش تنزلها يا أمامير

شارك هذه المشاركه


رابط المشاركه
شارك

وبعدين بقى يا هدوووووء المفروض تخافى على نفسك وما تجيش كده تانى يا حبيبتى

 

انا خايفة عليكى ما شفتيش التهديد الصريح الى كان موجه ليكى اول امبارح هههههههه

ما تخرجيش من بيتك تانى يا امورة غير مع خالتك هبه ههههههه

شارك هذه المشاركه


رابط المشاركه
شارك

وبعدين بقى يا هدوووووء المفروض تخافى على نفسك وما تجيش كده تانى يا حبيبتى

 

انا خايفة عليكى ما شفتيش التهديد الصريح الى كان موجه ليكى اول امبارح هههههههه

ما تخرجيش من بيتك تانى يا امورة غير مع خالتك هبه ههههههه

شارك هذه المشاركه


رابط المشاركه
شارك

 

يا ماااااااااااااامي الحئيييييني

 

يختي كميييلة يختي ,,, خوفت أنا بقى كده

 

تعالي يا خالتو هبة لو عندك جيب فاضي خبيني فيه ههههههههههههه

 

يا تنت شيمو انتي متعرفيش أنا مييييييييين ,, أنا اللي الـ ( هَوْ هَوْ ) بتوع السكك بيشوفوني ماشية في طرق بيمشوا من طريق تاني :D

 

أنا أزهرية يا تنت ودي لوحدها تكفي ههههههههههههههههههههههههههه

شارك هذه المشاركه


رابط المشاركه
شارك

@@هدوء الفجر

هههههههههههههههههه أنا عندي جيب فاضي تعالي معاياه

ماشاء الله أسم علي مسمه ههههه

وبعدين أنا أزهرية زيك هههههه

@@ريحانة زوجي

مالك انت والبت هدوء دي زي القمر هههه

هدوء أنا دفعت عنك وصي خالتو هبة عليا ههههه

  • معجبة 2

شارك هذه المشاركه


رابط المشاركه
شارك

 

يا عيني ع الناس بتوع المصالح هههههههههههه

 

عرفيهم يا جمر مين هما الازهرية هههههههههههههههههههه

شارك هذه المشاركه


رابط المشاركه
شارك

حضرة الظابط رجع تاني وجاي ناحيتنا يا مغازي باشا

 

يوووووووووو , شكلنا كدة مش هنعرف نمضي العقود النهااااااااردة

 

هههههه اتأخرت عليك يا مغازي باشا ؟

 

اهلا يا حضرة الظابط , اتفضل اقعد

 

طبعا هقعد عشان اقول لحضرتك كلام مهم جدا بخصوص حضرتك منغص عليا حياتي وما بينيمنيش طول الليل

 

انت كدة قلقتني يا حضرة الظابط , تقصد ايه بالكلام ده !!!!!!!!!!! من فضلك قول بسرعة

 

 

ههه ما تتخضش كدة يا سليمان باشا , في الحقيقة يا سليمان باشا انا مدينلك باعتذار

 

مدين باعتذار ليا !!!!!!!!!

 

ايوة , ما تستغربش , انا في الحقيقة في حاجة بتأرق ضميري وتقريبا ما بنامش بسببها يا مغازي باشا

 

وياترى هي ايه الحاجة دي يا حضرة الظابط ؟

 

الحاجة اللي مسببالي وخز الضمير ليل ونهار واتحرمت النوم بسببها هي اني للأسف شكيت فيك انك مشترك مع يوسف المنزلاوي في جرايمه البشعة

 

أأأأأأأ اناااااااا !!!!!!!

 

ارجوك تسامحني يا مغازي باشا , ارجوك تسامحني عشان اقدر انااااااااااااام , ارجوك انا بتعذذذذذذذذذب

 

هههه للدرجة دي يا حضرة الظابط

 

طبعا يا مغازي باشا , عمال اقول في نفسي ازاي يا هاني ازاي تشك في المغازي رجل البر والاحسان والتقووووووووووى الراجل اللي اعماله الخيرية مغرقة المجتمع ومغرقة الفقرااااااااااااااا انا مش قادر انسى مشروع المساكن الشعبية اللي حضرتك بتعمله للفقرا

 

الحقيقة انا ابتديت المشروع ده من عشر سنين ولسة ما انتهتش منه , هاخد قروض من البنوك بضمانات كافية واكمله واسلمه للفقراء والمحتاجين

 

يا فندم اياديك البيضة على المجتمع تشهدلك , انت مش محتاج تدي ضمانات للبنوك

 

انت شايف كدة يا حضرة الظابط ؟

 

هههه من غير ما اشوف كدة , ده رأي البنوك اللي بتدي سعادتك وغير سعادتك من اصحاب النفوذ والقوة اموال طائلة من غير ضمانات , وده لانكو محل ثقة بالطبع ههه ولا ايه يا مغازي باشا ؟

 

ههههههههه عندك حق يا حضرة الظابط , عظيم جدا اننا نلاقي ظباط الداخلية متعاونين معانا ومتفهمين اوضاعنا وقدرنا في المجتمع , سعيد اوي بمعرفتك يا حضرة الظابط هههههه

 

افهم من كدة انك خلاص سامحتني ؟

 

هههه طبعا يا حضرة الظابط , عرفت بقى إن بعض الظن إثم ؟

 

ههههههه اللهم قو إيمانك يا فندم , بنتعلم منك , الحمدلله يا فندم انك بعدت عن المنزلاوي عشان ما يلوثش اسمك الطاهر

 

فعلا انا لغيت كل العقود اللي بتربطني بيه , صدقني انا لو كنت اعرف انه انسان قذر ماكنتش تعاونت معاه في أي مشروع , لكن للأسف قدر يخدعني

 

الحمدلله انه اتكشف يا مغازي باشا وعقبال .............

 

عقبال ايه يا حضرة الظابط

 

عقبال ما يتعاقب على كل جرايمه هههههه منورة يا انسة ......... مممممم اسف نسيت اسمك , اصل اسمك غريب شوية

 

جيرمين

 

ههه اهلا انسة جيرمين , واضح على سكرتيرتك انها ذكية اوي وباين عليها شخصية عملية , شايفها طول ما احنا مشغولين بتحل محلك وبتتحاور مع رجال الاعمال وزوجاتهم وبترحب بيهم نيابة عنك وبتتكلم في الشغل كمان

 

هههههه جيرمين دي دراعي اليمين , بعتمد عليها في كل شيء

 

طيب اسيبك لضيوفك , اخدتك منهم كتير وعطلتك عن عشاء العمل , تحياتي مغازي باشا

 

ههههه اشكرك حضرة الظابط

 

تحياتي انسة جيرمين

 

ميرسي

 

يااااااااااه رغم انه رعبني لكن دلوقتي اطمنت يا جيرمين

 

اطمنت ازاي بقى يا مغازي باشا

 

اول ماشوفته كنت متخيل انه جاي قاصدنا مخصوص بس وجود عائلته معاه طمني جداااااااا اول ما شوفتهم التقطت انفاسي , وكمان لما اتكلم معايا اطمنت اكتر انه ما بيشكش فيا

 

الحمدلله يا مغازي باشا , انا كدة كمان اطمنت ههه

 

ههههههه طب يلا نرحب بضيوفنا اللي سايبينهم يتكلموا مع بعض دول ههههههه ويلكم تو ايجيبت ماي بيست فريندزززززززززززز

 

 

 

 

 

 

 

 

 

 

 

 

 

اوووووووووف هاني جاي اهو , انا مش عارفة والله هو كان عازمنا عشان يسيبنا ويقعد على طرابيزة تانية ولا ايييييييه

ههههههه رشااااااا منورة يا رشا منور يا عمي منورة يا طنططططططط ولادي حبايبي منورييييييييين

 

ههههه شكرا يا ابني

 

ابقى هاتنا هنا على طول يا هاني يا جوز بنتي

 

مالسة بدري يا سي هاااااااااني , ما كنت خليك تكمل ضحك وهزار مع البنت دي والراجل اللي معاهاااااااااا

 

ههههه لا , كفاية عليهم كدة , ممممممم يلا نمشي ؟

 

يلا يا ولااااااااد , بابا مامااااا انا هسبقكو ع العربية

 

هههههه رشا قلبتها نكد , خدت الولاد وبوزها شبرين ومشيت وما بصتليش ممممممم ابقى اصالحها لما نروح

 

 

 

 

 

 

 

 

 

 

 

 

ضحى , اني هناخدوا مرات اخوكِ للدكتور عشان نتطمنوا عليها , لو هتاميلك شوية نامي على ما نيجي

 

نناموا ايه بس يا ماماااااا , اني عندي مذاكرة يامَااااااااااااااا , الامتحانات خلاص قربتتتتتتتتتتت

 

ربنا معاكِ يا حبيبتي , ينجحك وبوفقك وتخلصي على خير بقى عشان نفرحوا بيكِ مع عريسسسسسسك

 

ايّوه يا مامااااااااا

 

ههههههه نكملوهالك اني , ايّوووووووه يا ماما , اني بنتكسف هههههههه ماشي يا ست ضحى , يلا يا ليييييينة

 

جاية ماماااااااااا

 

 

 

 

 

 

 

 

 

 

 

 

 

 

 

 

هههههه منورنا يا نادر يا حبيبي

 

هههه ربنا يخليكِ يا طنط

 

طيب , هروح ابعتلك رحاب واجيبلكو حاجة تشربوها

 

متشكر يا طنط

 

 

 

 

تن تن تن

 

هههههه تعالي يارحاب

 

السلام عليكم

 

وعليكم السلام يا حبيبتي مممممم واقفة ليه !!!!! اقعدي

 

ممممم حاضر

 

ههههه عاملة ايه

 

ههه كويسة ممممم وانت ؟

 

انا بخير طول ما انتِ بخير والله , اني جيت نودعك عشان مسافر بكرة ان شاء الله

 

ايييييييييه ! مسافر بكرة ! بالسرعة دي ؟؟؟؟؟؟

 

هههه نعملوا ايه بقى , طبيعة شغلي يا حبيبتي ,

 

هتغيب يامَا ؟؟؟؟؟؟؟؟؟

 

حوالي تلات شهور ان شاء الله

 

تلات شهووووووووووور !!!!!!!!!!! دا انت كدة هتغيب يامَا اووووووووي

 

غصب عني بس والله هتوحشيني اوي

 

وانت كمان يا نادر

 

بجد ؟

 

ايّوووووه , ما تكسفنيش بقى

 

هههه مش هنضغطوا عليكِ وكفاية عليا اوي اللهفة اللي شوفتها في عنيكِ لما قولنالك اني هنسافر , ايه رأيك النهاردة ناخدوكِ ونتفسحوا شوية

 

ياريت يا نادر

 

 

طيب قومي البسي

 

حاضر

 

 

 

ايه على فين يا رحاب , اني جايبالكو العصير وداخلة اهو

 

اديه لنادر يا ماما , اني قومت عشان نلبسوا عشان هنخرجوا مع نادر

 

هههه طيب يا عروسة , اخرجي واتهني يا حبيبتي

 

 

 

تن تن اتفضل العصير يا نادر ههههه

 

هههههه متشكر يا طنط , ربنا يخليكِ

 

 

 

 

 

 

 

 

 

 

انتِ هتفضلي قاعدة زعلانة كدة يا رحاب ؟ اني خرجت معاكِ عشان نقضي يوم حلو مع بعض , مش عايز نشوفك زعلانة

 

ما ينفعش تأجل السفر يا نادر ؟؟؟؟؟؟

 

ما ينفعش يا حبيبتي مممممم هاتي شنطتك

 

شنطتي !!!! ليه ؟

 

هاتيها بس ههههههه

 

شنطتي اهيه

 

طيب هههه ايه ده ! ايه الطوبة دي !!!!!

 

طوبة ! يا لهوي , هو اني ما كنتش لسة رميتها من الشنطة !!!!!! أأأأأأ اني ما بعرفش امشي الا واني معايا طوبة في الشنطة , بس عمري ما خبطت بيها حد والله

 

ههههههههه يا حبيبتي اني نعرف ان البنات بيشيلوا مناديل او مرايات او حاجات رقيقة كدة , لكن طوبة !!!!!! هههههههه امرك غريب والله

 

خلاص , اني هرميها وما عونتش نحطوها في الشنطة تاني

 

ههههه ماشي , بصي يا ستي , دول الف جنيي هنحطوهم في شنطتك عشان لو عوزتي أي حاجة تشتريها في غيابي

 

لالالالالا عيب عليك يا نادر , فلوس ايه بس , انت كدة بتشتمني والله , اني بنخرجوا معاك كدة لوجه الله والله , اني مش عايزة فلوس

 

هههههههه يا حبيبتي في ايه بس ! انت ناسية انك خلاص بقيتِ مراتي !!!!!! يعني اني واجب عليا نصرفوا عليكِ ونجيبولك كل اللي نفسك فيه , اني بقى نوعدك بهدايا ما تحلميش بيها هنجيبوهالك واني راجع ان شاء الله

 

اني مش عايزة هدايا , مممم اني عايزاك ما تسبنيش

 

هههه راجعلك ان شاء الله , استنيني يا حبيبتي

 

 

 

 

 

 

 

 

 

 

 

 

 

 

 

 

 

 

 

 

 

 

 

 

اهئ اهئ اهئئئئئئئئئئئئئئئئئئئئئ اهئ اهئئئئئئئئئئئئئئئئئئئئئئئئئئئئئئ

 

تن تن تن

 

ميييييييييين اهئ اهئ اهئ

 

اني فاتن يا رحاب

 

اهئ اهئئئئئئئ ادخلي يا فاتن

 

هههههههه يا بنتي في اييييييييه ! من يوم ما عريسك سافر وانتِ كل يوم تقفلي على نفسك وتعيطي

 

اهئ اهئئئئئئئئ اصله وحشني اوي يا فاتن اهئ اهئ اني اتعودت عليه وعلى حنيته علية اهئ اهئئئئئئئئئ

 

هههههه هو احنا قاسين عليكِ ولا أيه !!!!!!!!!!

 

اهئ اهئئئئئئئئ لا يا اختي حنينين , لكن حنية الجوز دي حاجة تانية اهئ اهئ اهئئئئئئئئئئئئئئئئئئئئئئئئ

 

هههههههه يارب اوعدناااااااااااااااااااا , يا ماماااااااااااااااا تعالي شوفي بنتك اللي خنقتني بعياطها ددددددددي

 

 

 

هههههه انتِ لسة بتعيطي يا بت انتِ يا بت !!!!!! الله يرحم اول مرة خرجتي معاه لما شيلتيله طوبة في الشنطة عشان خايفة منه هههههه دلوقتي بعد ما سافر قاعدة تعيطي علية !

 

اصل اني أأأأأأأ اني اهئ اهئئئئئ سامحني ياااااااااارب انننننننننني اهئ اهئئئئئئئئ اصل اني سامحني يارب غصب عننننننننني اهئ اهئ اصل اني حبيته يعني استغفر الله العظيم , سا محني ياااااااااااااارب اهئ اهئئئئئئ

 

ههههههههههههههههههههههه يا بنتي وفيها ايه بس ! جوزك يا حبيبتي ومافيهاش حاجة لما مشاعرك تتوجه ناحيته

 

اهئ اهئئئئئئئئ يعني ربنا مش هيغضب عليا يا ماما ؟

 

ههههه لا يا حبيبتي , دا جوزك بشرع ربنا , حبيه براحتك ههههههه ربنا يرجعهولك بالسلامة يا حبيبتي ويفرح قلبك بيه اللهم آمين

 

 

 

 

اعملي الشيّ لعادل يا بت يا شوقييييييييييييييية

 

حاضر يا ست سعاااااااااد

 

وانتِ مش هتشربي شيّ معايا ولا ايه يا سعاد ؟

 

اني شَرَبت يجي اربع كوبايات النهاردة , لما خلااااااااااص زَهَقت من الشيّ

 

هههههههه وايه اللي غصبك تشربي ده كله لحد ما تزهقي !!!!!!!!!

 

نعملوا ايه ! توحا جت قعدت معايا شوية وقعدنا نرغي وانت عارف الرغي والحكاوي مايحلاش الا مع شُرب الشيّ , شربنا كوبايتين , وبعدين شربت كوباية واني بنتفرج ع التمثيلية وكوباية تانية مع البت اوسا

 

اومال البت دي هتروح بيتها امتى ؟؟؟؟ دي داخلة على اسبوع

 

سامي هيعدي ياخدها بكرة , وبعدين فيها ايه يعني لما تقعد عندنا يا عادل ! هو انت شايلها على دماغك !!!!!!

 

البت بنتك دي ما ورهاش غير وجع القلب والمشاااااااااااكل , امبارح لقيتها مستنياني جنب الباب واول ما شافت وشي قالتلي اني عايزة مصاريف الولادة يا بابااااااااا اني عايزة نولد في اغلى مستشفى , قولتيلها والبيه جوزك لزمته ايه يعنييييييييي

 

تقولي جوزي مالوش دعوة , انت بابا وانت اولى بيا , البت دي عبيطة ولا بتستعبط ولا فاكراني انا اللي عبيطططططططططط

 

ايّوووووووووووووه ! وفيها ايه يا عادل لما تدفع للبت مصاريف الولاااااااااااادة ! هي مش بنتك وملزومة منك ولا اييييييييييه !!!!!!

 

بنتي اتجوززززززززززززت , ليها راجل متكفل بيها يا سعاااااااااااد , وكفاية عليها اللي بتاخددددددددده ! اني بديها وانتي بتديها من ورايااااااااا , وكل ده وما بتشكرش ولا تقول الحمدلله , هي بنتك عايزة مني ايه يا سعااااااااااد

 

بنتي عايزة تتساوى ببنت المخفية اللي بتصرف عليها دم قلبك وما بتقولهاش على حاجة لااااااااااااا , اللي كل شهر والتاني تزود رصيدها في البنككككككككك اللي كتبت عمارة طويلة عريضة خمستاشر دور بإسمهااااااا ولا هي بنتي ما تشبهش لبنت المخفية اشجاااااااااااااااان

 

ايّوووووووووووووووووووه يا جدعاااااااااااااان , يا شيخة شيلوا البت وامها من دماغكو بقىىىىىىىىىى

 

اشجان دي مين اللي نحطهوها في دماغي يا عااااااادل , اني لما نحطوا في دماغي ست تبقى ست ولا كل الستات ويتغار منها , مش نحطوا اشجان اللي مهما طَلَعت ولا نَزَلت ماتساويش ضفر رجلييييييييييييي

 

ايّوووووووووووووووووووه , اني سايبلك الدنيا وماااااااااشي عشان انتِ القعدة معاكِ زي قلتهاااااااااااا

 

روح مطرح ما تروح يا سي عااااااادل , هي كدة كلمة الحق تقف في الزوووووووووور

 

 

 

الشيّ يا سي عاااااااادل

 

اوعى يا شيخة انتِ كمان بلا شيّ بلا بتاااااااااااااااع

 

ايّووووووه , في ايه يا ست سعاااااااد , عادل بيه خارج شايط كدة ليه ؟؟؟؟؟؟؟

 

عشان جيبنا سيرة المخفية , هي كدة كل ما تيجي سيرتها لازم نتعااااااااارك

 

ايّوووووووووه ! ليه كدة بس يا ست سعااااااد , الست برضو لازم تراضي راجلها وما تخرجوش زعلان كدة

 

ههههههههه هيعمل ايه يعني يا بت يا شوقية !!!!!!! هيجيب عليا التالتة عشان يأدبني !!!!!! هيهيهيييييي يروح يجيبها يختي , ماني خلاص خدت على غدره وقلة اصصصصصصصصصله

 

 

هههههههه دانتِ بقيتي مستبيعة بقى يا ست سعاد ومش فارق معاكِ حاجة

 

جتتي نحّست خلاص من عمايل عادل يا بت يا شوقية , اللي تتعلق في حبال راجل زي عادل تبقى متعلقة في حبايل الهوا الداييييييييييييبة

 

طب نعملوا ايه في الشيّ ده يا ست سعااااااد ؟؟؟؟؟

 

اشربيه انتِ ولا عنك ما شربتيه , روحي ارميه في الحوووووووووض

 

 

يييييييي البت اللي اسمها اوسا خارجة من اوضتها , ماشية عمالة تتمايل ع الجنبين زي دكر البط

 

 

 

انتِ رايحة فين بالشّي ده يا بتاعة انتِ

 

ابدا يا ست اوسا , عادل بيه ما رضيش يشربه

 

طب هاتيه اني هنشربوه

 

خدي يا ست اوسا

 

ماما في اوضتها ؟؟؟؟؟

 

ايوة يا ست اوسا

 

طب روحي انتِ شوفي وراكِ ايه وبطلي لكااااااااااعة , اني هندخلوا لماماااااااا

 

ماماااااااااا

 

تعالي يا اوسا

 

اااااااه ياااااااااني اني زهقت من الحمل ده يا ماماااااااا نفسي نولد ونرتاحوا بقىىىىىىىىىى

 

هانت يا بت , جوزك صحيح هيجي ياخدك بكرة ؟؟؟؟؟

 

اتصلت بيه قالي مش هنقدروا نيجوا وخدي تاكسي وروحي انتِ الصبح قبل ما البت بدارة تيجي عشان نفتحولها

 

 

مممممم البت دي كويسة يا بت ؟

 

كويسة اوي يا مامااااااا , بت غلبانة , اني صحيح ما كنتش طايقاها اول ماجت , لكن لما عاشرتها لقيتها غلبانة وبتخدمني بإخلاص وضمير , واديكِ شايفة , ماحدش لاقي خدامين عدلين , قوليلي يا ماما , كلمتي بابا تاني على مصاريف الولادة ؟

 

كلمته يختي , اومال هو اتعارك معايا ليه وساب البيت ومشي !!!!!!!

 

نعم نعمممممممممم , هو ناوي ما يدفعش ولا ايييييييييييه !

 

هيدفع يا بت , ما تخافيش , اني هناخدولك منه الفلوس , هو انتِ مش بنته زي البت اللي اسمها رحمة ولا ايه !!!!!

 

ييييييييييييي , ما تجبليش سيرة البت دي , بنتخَنَقوا لما نسمعوا سيرتها وسيرة العقربة امها خطافة الرجاااااااااالة

 

ومين سمعك يا بت !!!!!! واني كمان والله , الله يسامحه ابوووووووووووووكِ عمل مقامها من مقامي وخلاها هااااانم

 

اني ماليش دعوة دلوقتي بسيرتها , خلينا في موضوعي اني , البت ملك صاحبتي ولدت في مشتشفى كبيرة اووووووووي وغالية غالية اوي اوي اوي يا مامااااااا , بتقولي مابيولدوش فيها غير بنات الاكابر هههههه اللي زيي طبعا يا مامااااااا مستشفى نضيفة ودكاترة على اعلى مستوى ورعاية مافيش بعد كدة ههههه هتجبيلي الفلوس من بابا امتى ؟؟؟؟؟؟؟؟

 

ايّووووووووووووه ايّوه عليكِ وعلى زنك يا بت انتتتتتتتتتتتِ ! قولتلك هنجيبولك الفلوووووووووس , ماتقعديش تنخري في دماغي زي السووووووووووسة , قومي يلا وفارقيني خليني نفرد ضهري ونناموووووووووا

 

ماشي يا ماما , اني هنروحوا نتفرجوا ع فيلم هندي في الفيديوووووو

 

 

 

 

 

 

 

 

 

 

 

 

 

 

 

 

 

 

 

 

 

 

الله ينكد عليكِ يا سعاد زي ما انتِ منكدة عليا انتِ وشلة النصابين اللي مخلفاهومالي , لالا , ماعدا الولا احمد , وبعدين بقى ! اني هنفضلوا نلفوا بالعربية كدة من غير ما نعرفوا اني رايح فين !!!!!!!! تروح فين يا عادل تروح فين يا عاااااادل , نروحوا لحامد مندور !!!!! لالالالالالا بينام بدري , مش هنلاقوه في أي محل من بتوعه , ممممم اومال نروحوا فيييييييين !!!!! ممممم ايوووووووووة , اني نروحوا للولا احمد , وبالمرة نباتوا عنده ونخلصوا من سعاد الليلة دي

 

 

 

 

 

 

 

 

ههههههه ذاكر انت يا خالد على ما نروحوا المطبخ نجيبوا ازازتين عصير من التلاااااجة

 

ههههه ماشي يا احمد , بس ما تتأخرش عشان عطشااااااااان

 

حاضر يا خااااااااالد , المذاكرة بتعطش هنعملوا ايه بقى هههههههه

  • معجبة 2

شارك هذه المشاركه


رابط المشاركه
شارك

اين انت يا هبه؟ الحلقة قصيرة جدا

اسوء اشي لما تكوني تقرئي ومنسجمة على الاخر ... وفجأة ... خلصت الحلقة بدون سابق انذار ههههههههه

زوجي زمان كان لما يشرب الكولا (ازوزة يعني ) لما تخلص يقولي : عارفة شو اسوء اشي ؟ اقوله : شو؟ يقولي : انها الكولا تخلص !!!هههههههههههههههههههههه

بعدين حفظتها يقول لي شو اسوء اشي ؟ اقوله : انها الكولا تخلص ههههههههههههههههههههههههههه

عارفة شو اسوء اشي ياهبه؟ انها الحلقة تخلص ههههههههههههههههه

شارك هذه المشاركه


رابط المشاركه
شارك

ههههههههه معلشي بقى انتو حظكو كده

 

خالتو هبة بتعتذرلكم جداااااااااااا والله ,

 

لان مش هي دي الحلقات كلها ويادوب اول م المنتدى فتح معاها ونزلت اول حلقة بعدها على طول المنتدى قفل تاني

 

فهي هتشوف حل للمشكلة دي ومش هتتآخر بإذن الله

شارك هذه المشاركه


رابط المشاركه
شارك

ممكن أعديلك اي حاجه إلا تنت دي

متجريش شكلي يابت انا أصغر منك اساسا

ماشي يا ابله مريومه عن إذنك اقر الحلقه

قال جيب فاضي تستخبي فيه قال انا طنط انا ماشي يا هدوء

  • معجبة 1

شارك هذه المشاركه


رابط المشاركه
شارك

يا ساتر عالطمع والاستغلال

أوسا مش عارفه تنهب منين ولا منين

كنت حاسه ان هاني هيدي الامان للمنزلاوي

يالا جات مصلحه لحماته

هو يشتغل وهي تاكل ههههههه

منتظرين باقي الحلقه

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×