خلف هذه الجدران

[الملتزمة المتفائلة 292]

كمان فيه:

نسرين وعصام: ام غير مسئولة. إزاي مترجعش لبيتها إلا لحد ما الشغالة تجي؟ هو عصام اتزوجها هي ولا الشغالة. وعصام كمان غير مسئول وازاي يرمي الحبل على غاربه زي كده؟ خسارة تربية وتعب الحاجة امينة.. بس برضو مسيره يثور على إللي هو فيه ويرجع لاصل تربيته ويطلق الاثنين دول.

نجلاء: اتوقع ان عصام راح يتزوجها وراح تربي له اولاده بعد ما يطلق نسرين واماني.

شوقية: راح تسوو حاجة طيبة لو حذرت بهيرة من سعاد وادهم.

وفي انتظار اخبار درهم ودنانير. وصاحبتها فاطمة كمان . وعمر وزواج ضحى وخالد. وكمان عصمت، ومنال اللي لسانها مابيسكت ودايما فخصومات مع زوجها.

وسلوى واخر اخبارها مع العرسان ، بس برضو صعبانة عليا متفرحيها بحاجة كده يا خالتو..

والسلام عليكم ورحمة الله.

[*أم رقية* 473]

السلام عليكم يا حلووووووووين

 

ادي الحلقات مكثفة اهيه , هتخلصوها لحد بكرة ازاي !!!!! ههههههههه

 

 

احبكن جميعا في الله

 

جمعنا الله على طاعته دائما اللهم آمين

 

 

دمتم بكل الخير حبيباتي

 

احبك الذي احببتينا من اجله هبهوب وانا كمان احبك في الله

 

 

بس الصراحة انا مش عارفة اقول اية على البزغ اللي انت فيه اخاف تتحسدي يا بنتي هو ممكن االحلقات دية خصوصا المتكررة تكفي يومين لالالالالالالالا يا شيخة قلبك ابيض قولي اسبوع :dry:

[ساره أم حمزه 1040]

حلوه الحلقات يا هبه ^^

بس عينى بتزغلل من كتر الحلقات اللهم بارك

المهم

 

الفرح بتاع ريم امممممم هو فى حجات حلوه وحجات معجبتنيش معجبنيش انهم نوروا شموع وطافيين النور

واغانى زمان ، انا احب اناشيد الافراح الاسلاميه الجديده ( :

واللى جابت البدله لوليد اسمها غريب فكرتها نصرانيه وفى الفرح كمان ناس اساميها غريبه

 

بدارة شالت الفلوس عند اختها هو صحيح الاخوات بيحبوا بعض وكده بس مش كلهم وفى لما بيشوف الفلوس بيتحول

وشكلها اصلا سامى هيفلس وهى بقى الله أعلم هيحصلها ايه

 

كنت مبسوطه وهو عادل بيرد على الكيلانى ههههه

 

أما اوسا اعوذ بها منها دى تخوف بصراحه المفروض هيام متآمنلهاش تدخل البيت وهى لوحدها

كنت سمعت برضه ان فى ناس بيعملوا كده لما ابنها يتجوز بعدها تاخد الشبكة من مراته

بس انا مبحبش فى المواقف دى يداروا ويحكوا أى حاجه

المفروض هيام تحكى لاحمد ايه اللى حصل بالظبط مش هتدارى فى حجات زى دى ويطلع انها هى اللى غلطانه

انا عن نفسى مش عايزه افرج حد على شقتى إن شاء الله هههههه

[ساره أم حمزه 1040]

تربية منال وماجد حلوه ما شاء الله بس بالنسبه للزهد والتقشف هى كانت تفهمه الصح ايه

مش لازم الزهد انهم يسيبوا الاكل الفراخ وياكلوا أى حاجه ليه يحرموا نفسهم طالما ربنا منعم عليهم

هما يحمدوا النعمه ويشكروا ويدوا للفقراء وميخلوش الدنيا أهم حاجه

 

الفتوى دى فيها الرد إن شاء الله

هل لبس رخيص الثمن من الثياب من الزهد ؟ ضوابط ومسائل مهمة

 

http://islamqa.info/ar/97019

[*أم رقية* 473]

@@ساره محمد

 

بس عينى بتزغلل من كتر الحلقات اللهم بارك

 

بتتكلمي جد

 

امال انا لية حساهم قليلين ^_^

[*أم رقية* 473]

اوسا مستفزة جدا وطماعة ومينفعش معاها الا ادهم كويس ان احمد اتصل عليها واتمنى انه ميسبش ليها الاسورة ويا سلام كمان لو عرف بالقميص والبرفان

 

 

اعتقد سعاد لو عرفت هتزعقلها

 

 

مبسوطة لتغيير رامي

 

رشا مش مصدقة ان دية رشا الرقيقة اللي كانت بتعيط عشان خبطت واحد بالعربية معقول النفوس بتتغير اوي كدة

 

 

فرح ريم مش كله حلو لو كان فرحي كنت زعلت الصراحة وبعدين هما مستعجلين على قطع النور لية بكر لما يجوا عصرنا النور هيقطع لوحده :(

 

 

مش مطمنة للفلوس اللي عند اخت بداره

 

 

 

صحيح مقلتيش الفستان بتاع فرح هيام مين اللي جابوه

 

 

 

في انتظار جديدك

[ساره أم حمزه 1040]

بتكلم بجد يا ام رقيه ^ــ^

[راماس 860]

وعليكم السلام ورحمة الله وبركاته

تثبيت حضور عشان عيون هبهوبة

راجعة بأذن الله

دعواتكن بالبركة في الوقت

[** أم المنذر ** 66]

أنا دخلت قلت يمكن هبة تتلخبط في اليوم وتفكره السبت وتكون نزلتلنا حلقة

 

بس للأسف مش متلخبطة.. يلا بنستنى لبكرة O_o

[((مــريــم)) 35]

امممممممم

فرح جميل

ريم عسوله بس متوقعتش انها تعمل كده في وليد

اوسا دي حقوده جداً

واعتقد ان بنتها هتحب بدور اكتر مهتحبها !

لان بدور هيا اللي ربَّتها

احمد وهيام :)

علاقه زوجيه ناجحه

تعجبني جداً همة ام عصام في الدعوة ولا تترك مجالا الا ودعت الي الله فيه

هكذا ينبغي ان تكون المسلمه

طبعا تكبر رشا سئ جداا مش عارفه ليه هاني ساكت لها!

اذا مكنش الرجل يقوم زوجته ايه دوره معاها كزوج

بنت ناهد لم تعجبني ابدا جرأتها في الحديث عن الزواج ولم يعجبني ايضا سكوت أمها

ياتري خالد هيتجوز ضحي؟

وسامي هيعمل ايه

ربنا ميحرمناش ابدا من وجودك في المنتدي يا هبه

[ام بشار وعبد 83]

ايوة هيك يا هبه ، هذا الحكي المزبوط !!! بدنا اياك هيك دايما

الحلقات جميلة وطويلة بصراحة انسجمت كثيير واستمتعت بالقراءة ... بانتظار مفاجآتك ما تتأخريش علينا

[الملتزمة المتفائلة 292]

انا كمان بحبك في الله خالتو.

تعرفي لو كنت جنبك كنت إجيت اساعدك.

في انتظار حلقات اليوم.

[هبة عبد العظيم نور 2042]

 

 

 

 

 

رامي حبيبي , ايه رأيك اخدك دلوقتي ونروح نزور عمو ماااااااااجد ؟

 

عمو ماجد ! مممم والعب مع معاذ ؟

 

ههه ايوة طبعا

 

بس معاذ مش صاحبي

 

وليه ما تبقوش اصحاب ؟

 

ممممم مش عارف

 

ههه لالالا انا هاخدك معايا واخليك تتصاحب على معاذ , كمان ده ابن عمك يا حبيبي يعني لازم تحبوا بعض وتخافوا على بعض , ربنا وصانا بصلة الرحم

 

يعني ايه صلة الرحم يا تيتة

 

يعني يا حبيبي نتواصل مع اقاربنا , يعني نزورهم ونودهم ونسأل عليهم ونكون على علاقة طيبة بيهم , وكمان لو حد فيهم كان طبعه قاسي ومش بيسأل علينا خااااااااااالص برضو احنا نسأل عليه وناخد الأجر من ربنا , ولو حد منهم زعلنا نسامحه عشان نحافظ على صلة الرحم ونرضي ربنا , مش كدة يا رامي يا حبيبي ؟

 

ايوة يا تيتة , انا عايز اروح ازور معاذ عشان ربنا يحبني

 

هههه ان شاء الله يا حبيبي , يلا بقى يا شاطر عشان تلبس هدومك وتسرح شعرك وننزل

 

حاضر يا تبتة

 

وانا هتصل بعصام استأذنه اني هاخد الولد

 

 

تررررررررررررررررررررررررررررررررن ترررررررررررررررررررررررررررررررررررررررررررررررررررررررررررن

 

الو

 

ايوة من فضلك يا بنتي والله اكلم دكتور عصاام

 

مين عايزه يا فندم

 

انا والدته

 

اهلا بيكِ يا فندم , طب لحظة واحدة اشوفه عشان كان بيمر على المرضى

 

طيب يا بنتي

 

 

 

 

 

 

السلام عليكم يا امي

 

وعليكم السلام يا عصام , كنت متصلة استأذنك اني هاخد رامي واروح عند ماجد اخوك

 

مافيش مشكلة , هترجعوا على طول ؟

 

ان شاء الله , يعني قبل صلاة العشاء نكون في البيت

 

ان شاء الله يا امي

 

مممم هي مراتك هترجع البيت امتى يا عصام

 

ما اعرفش ومش عايز اعرف

 

ايه يا ابني اللي بتقوله ده !!!!!! يعني ده وضع طبيعي !!!!!! وكمان دي ما بتسألش على ابنهاااا , دي ولا مرة اتصلت تقولي ازي الولد ولا عامل ايه

 

معلش يا امي , اصلها لسة حزينة ع الكلب

 

ممممم ربنا يهدي يا ابني , طيب , عن اذنك بقى عشان البس واخد رامي وانزل , السلام عليكم

 

وعليكم السلام يا امي

 

 

 

 

 

 

 

 

 

 

 

 

 

 

 

 

يلا يا رامي يا حبيبي , افتح الاسانسير عشان نخرج

 

يلا يا تيتة

 

 

السلام عليكم , ازيك يا عواد

 

ههههه وعليكم السلام يا حاجة , ازي صحتك

 

الحمدلله , ازيك يا فهيمة

 

ههههه بخير يا حاجة , ازيك يا سي رااااااامي

 

الحمدلله

ازيك يا سهيررر هههه

 

ازيك يا تيتة ام عصام

 

يا بت يا سهير عييييييييب قوليلها يا حاجة أم عصام

 

في ايه يا فهيمة !!!! البنت ما قالتش حاجة غلط , قولي تيتة ام عصام يا سهير يا حبيبتي

 

حاضر يا تيتة ام عصام ههه انا بحبك

 

هههه وانا والله بحبك يا سهير , ماشاء الله عليكِ , رايحة سنة اولى السنة دي ؟ ههه

 

ايووووووة وكمان مسعد علمني الف بيه وحفظتهم كلهممممممم

 

ههههه ماشاء الله , انتي شطورة يا سهير , عايزة تطلعي ايه لما تكبري

 

دكتورررررررررررررة

 

هههه ان شاء الله يا حبيبتي , خدي دول يا فهيمة هاتي لسهير حاجة حلوة

 

ههههه الله يوسع عليكِ يا حاجة

 

لو حد سأل عليا يا فهيمة قوليله عند ماجد ابني

 

حاضر يا حاجة ام عصام , سلميلنا ع الاستاذ ماجد ومراته الست منال السكرررررة

 

يوصل ان شاء الله ههه السلام عليكم

 

وعليكم السلام يا ست الكل ممممممم عواااااااد هي ايه الحكاية ؟

 

حكاية ايه يا فهيمة ؟

 

مش واخد بالك ان مرات الدكتور بقالها يجي شهرين ولا اكتر سايبة البيت وكمان واخدة معاها بنتها وسايبة الواد , يكونوش اتطلقوا وكل واحد خد عيل ؟؟؟؟؟؟

 

لالالالا لو كانت اتطلقت كانت بعتت خدت العفش وكان زمان الدكتور اتجوز

 

مممم اومال يعني ازاي بقالها كتير ما جتش هنا وواخدة البت وقاعدة عند اهلها يا عواااااااااد

 

واحنا مالنا يا فهييييييييمة

 

مالنا ازاااااااااااااي , احنا قاعدين هنا طراطير ولا اييييييييييه !!!!! انا عقلي بيقولي انهم اتطلقواااااااا وعقلي مش ممكن يفكر غلط ابداااااااااااا

 

يا شيخة دانتي القعاد معاكِ هو اللي غلطططططططططط , روحي اعمليلي كوباية شااااااااااااي

 

اومال اللي قدامك دي ايييييه ! لسة كوباية الشاي اللي قدامك ما خلصتششش , دي الكوباية ملياااااااانة

 

 

بردددددددددددت بردت يا فهيييييييييمة بقت زي التلجججججججججج عايز كوباية شاي سخننننننننننننة

 

حاضر يا عواد , هاخد الشاي ده ارميه واعملك غيررررررررره , بس روح هات باكو شاي وباكو سكر عشان ماعنديش جوا

 

شاي وسكر ! هاتي يا فهيمة كوباية الشاي السقعة هشربهااااااااااا

 

اتفضل يا عواد , بالهنا والشفا

 

 

 

 

 

 

 

 

 

 

 

 

 

على فكرة يا بابا , ماما امينة جاية كمان شوية

 

يا اهلا وسهلا بيها , تآنس وتنور , هتيجي في شقتك ولا هنا ؟

 

لا هنا , هتيجي عشان تسلم عليك وعلى رانيا

 

فيها الخير والله , ست طيبة , وماجد طيب كمان زي الست والدته

 

سامع حد بيجيب سيرتي ههههه

 

في الخير يا ابني ههههه تعالى يا ماجد اقعد

 

ازي صحتك يا عمي

 

الحمدلله يا ابني تمام , كل يوم تسألني نفس السؤال هههه

 

هههه ربنا يديك الصحة يا عمي

 

 

 

 

 

 

 

 

 

 

تن تن رانياااااااااا

 

ادخلي يا ابلة

 

مممم ازي الاستاذة الكئيبة ههه

 

هه الحمدلله

 

اعوذ بالله , الضحكة طالعة منك بالعافييييية ههههه ايه يا بنت انتِ !!!! في اييييه , ما خلاص بقى , انسي اللي حصل , يا حبيبتي الموقف ده بيحصل كتير جدااااا , واحد يقول لواحدة زميلته انه عايز يخطبها او يبعت اهله كمان ويكلموا اهل البنت وبعدين يروحوا وما يجوش تاني , من غير أي اسباب منطقية ,وعاددددي جدا , البنت بتنتظر الشاب الافضل من اللي فات اللي هيجي يخبط ع الباب قريب هههه

 

دا إذا كانت البنت سليمة ومن حقها تحلم

 

رانيا , خليكِ متوكلة على الله في كل أمورك حبيبتي , ما ينفعش كدة , الحالة اللي انتي فيها دي مش عاجباني , انتِ حتى مقصرة في قراءة القرآن اليومين دول

 

فعلا يا ابلة , ان شاء الله اعوض اللي فاتني

 

طب قومي يا حبيبتي اتوضي واقعدي اقرأي في المصحف شوية على ما ماما امينة تيجي

 

هي طنط امينة جااااااية ؟؟؟؟؟؟

 

ههه فرحتي عشان جاية ؟

 

جداااااا

 

طيب يا ريت بقى تفكي التكشيرة عشان ماما امينة ما تشوفكيش مكتئبة كدة

 

ان شاء الله يا ابلة , عن اذنك هروح اتوضى

 

روحي يا حبيبة قلبي , ربنا يكتبلك الخير يا رانيا ويبعد عنك الشر يا رب

 

 

 

 

 

 

 

 

 

 

 

 

 

تررررررررررررررررررررررررررررررررن تررررررررررررررررررررررررررررررررررررررررررررررررررررررن

 

افتح يا معااااااااااذ

 

حاضر يا اميييييييي

 

 

تيتتتتتتتتتتتتتتتتتة ههههههههه وحشتيني

 

ههههه السلام عليكم يا معاذ يا حبيبي اموووووووه

 

وعليكم السلام يا تيتة

 

ادخل يا رامي ههه ممممم ايه يا ولاد انتو واقفين باصين لبعض وساكتين كدة ليه !!!!!!! مش هتسلموا على بعض ؟ ههههه

 

هههه ازيك يا رامي

 

ههه ازيك يا معاذ

 

 

اهلا اهلا اهلا امي الغالييييييييية هههههه نورتينا يا ست الحبايب اتفضلي

 

هههه السلام عليكم يا ماجد

 

وعليكم السلام يا ست الحبايب , اهلاااااااااااا رامي حبيب قلب عمووووووو هههههه بالحضن يا ولد امووووووووه

 

هههه ازيك يا عمو

 

زيك يا حبيبي هههه اتفضلوا في الصالون

 

اومال منال فين يا ماجد

 

بتقلي البتنجان ههههه ومريم بتساعدها , بتلم القشر وتحطه في سلة المهملات ههه اهي منال تحب تشغل العيال في البيت وخلاص

 

ههههه والله افضل من انها تسيبهم في مكان وهي في مكان تاني في البيت

 

انا جييييييييييييت ههههه السلام عليكم يا ماما

 

وعليكم السلام يا حبيبتي هههه ازيك يا منال وحشتيني

 

والله حضرتك اكتر يا ماما , امووووووه اعذريني ع التقصير معلش

 

تقصير !!!!!!! انتي كل يوم يا بنتي بتكلميني مرتين , الصبح وبالليل لازم تكلميني

 

مش كفاية يا ماما , كان نفسي اكون قريبة منك واشوفك كل يوم والله

 

هههه تسلميلي يا حبيبتي , كفاية شعورك الجميل

 

اهلاااااااااااااااا هههههه اهلا بالقمر العسوووووووول ههههه ازيك يا رامي يا حبيبي اموووووه

 

هههه ازيك يا طنط

 

ههههه يا حبيب طنط انت , عامل ايه وازي ايتن اختك ؟

 

مممم عند مامي سيرفي

 

اهاااا مممم طيب , اسيبكو واحضر السفرة , يا مريمممممممم انتِ يا بنت تعالي سلمي على تيييييييييتة

 

بجيب عصير لتيتتتتتتتتة

 

 

 

 

السلام عليكم يا تيتة ههههه وحشتينييييييييييييييييي

 

هههه وعليكم السلام يا مريومة , هاتي بوووووووووووسة امووووووووه

 

اتفضلي العصير

 

شكرا يا حبيبتي هههه , ادي لرامي

 

اتفضل

 

شكرا , انتِ اسمك مريم ؟

 

ايوة , انا رايحة عند ماما يا تيتتتتتتتتة

 

روحي يا حبيبتي

 

 

 

 

 

 

طنط اميييييييييينة ههههههه

 

اهلا اهلا رانيا حبيبتي , ازيك يا رانيا امووووه امووووووه

 

الحمدلله يا طنط , كويسة خالص

 

ممم مش عارفة ليه مش حاساكي زي عوايدك

 

انا !

 

ههه ايوة انتِ

 

ابدا يا طنط , مممم مين الأمور ده ؟

 

ههه ده رامي ابن عصام ابني

 

هههه ازيك يا استاذ راااااااامي

 

ههه ازيك يا طنط

 

قولي يا خالتو رانيا هههه

 

ازيك يا خالتو رانيا ههه

 

هههه الحمدلله يا حبيبي , اهو بابا جاي اهو , عن اذنك هساعده وازق الكرسي

 

اتفضلي يا حبيبتي

 

 

 

 

هههه السلام عليكم يا مدام امينة

 

ههه وعليكم السلام يا حضرة الظابط , ازي صحتك يا فندم

 

الحمدلله يا مدام امينة , في فضل ونعمة , الحمدلله

 

ده يبقى رامي ابن اخويا الدكتور عصام يا عمي عزت هههه سلم على جدو يا رامي

 

ازيك يا جدو

 

ههههه اهلا اهلا استاذ رامي , انت في سنة كام بقى ؟

 

انا رايح سنة اولى

 

ماشاء الله , ربنا يبارك فيك يا رامي , ربنا يبارك في اولادك واحفادك يا مدام امينة

 

 

شكرا يا فندم , عارف يا رامي , اهو جدو عزت كان ظابط في الجيش وحارب اليهووووود

 

بجد يا جدوووووو ؟

 

ههه ايوة يا حبيبي , حاربتهم عشان احتلوا ارضنا وقتلوا ناس كتير مننا , ينفع نسيبهم ياخدوا ارضنا يا رامي ؟

 

لالالالالا دول وحشيييييييين , وانا ومعاذ هنموتهم كلهمممممم , مش كدة يا معاذ ؟

 

ايوة يا رامي , انا مش بحبهممممم , مش بحبهم يا جدووو , ماما حكيتلي كتير عنهم انا ومريم واحنا مش بنحبهمممممم

 

طبعا يا ولاد لازم تكرهوهم عشان دول اعدائنا وهما كمان بيكرهونا وعايزين يموتونا وياخدوا ارضنا

 

 

تعرف يا حضرة الظابط , انا نفسي اسمع منك ذكرياتك عن حرب اكتوبر وخصوصا عن دور اهل سيناء فيها

 

 

اهل سيناء ليهم دور عظيم مش بس في حرب اكتوبر يا مدام امينة , لكن كمان اثناء حرب الاستنزاف

 

البدو انقذوا حياة كتير من الجنود المصريين اللي كانت بتترصدهم الطائرات الاسرائلية في الصحراء بعد هزيمتنا في حرب 67 , كانوا البدو هما اللي بيخبوا الجنود ويدوهم الاكل والمية ويطببوا الجرحى منهم , ويوصلوهم لقناة السويس بعيد عن عيون الأعداء , الموقف ده حصل معايا شخصيا , لما جاتلي اصابة في رجلي وكنت مرمي في الصحرا متألم من الجراح ومن شدة العطش ومافيش حد معايا , كنت حاسس ان دي نهايتي لدرجة اني فضلت انطق الشهادة والعرق والدم بيتصببوا مني , وفجأة لقيت واحد من البدو كان اسمه الشيخ سلمان , عمري ما هنسى اللي عمله معايا , وقف واناخ الجمل بتاعه ونزل وحاول يساعدني اني اقوم , قعدت اقول عطشان عطشاااااااان , جاب قربة مية وقومني وسقاني , وقومني بكل قوته وحملني على الجمل واخدني معاه لبيته , وطلع الرصاصة من رجلي وطببني بطرق بدائية , واحسن ضيافتي لمدة خمستاشر يوم بحالهم , لحد ما تماثلت للشفاء وبعدها وصلني لقناة السويس ومنها جيت على القاهرة , كتير من رفاقي حصل معاهم قصص مشابهة مع اهالينا من بدو سيناء

 

اد ايه ناس عظماء اهل سيناء , ناس في قمة الوطنية , الدفاع عن الوطن عندهم بذل دماء , مش مجرد شعارات

 

فعلا يا مدام امينة , الوطنية بتجري في دمهم , عملوا كتير عشان مصر , تعرفي انهم كانوا سبب في حماية بوابة مصر الشرقية من اقتحام اليهود ؟

 

معقول ! ازاي يا حضرة الظابط

 

المخابرات الحربية سلمت 32 جهاز ارسال ل 64 فرد من بدو سيناء عشان يبلغوا القيادة بتحركات العدو الصهيوني , وكان الإتفاق ان الاتصال يكون يوميا لمدة عشر دقايق فقط لكل جهاز , عشان العدو الصهيوني ما يرصدش ترددات الاجهزة ويكتشفها , بالفعل نجحوا في عملهم وتبليغ القيادة بكل تحركات العدو خلال حرب الاستنزاف اللي استمرت خمس سنوات , وبعدها وايام حرب اكتوبر طلبت القيادة من البدو انهم يفتحوا الاجهزة لمدة اربعة وعشرين ساعة ويبلغوا القيادة أول ما القوات الاسرائيلية تتحرك ناحية مصر , وفعلا تم التبليغ عن طابور طويل من الدبابات بيتحرك داخل سيناء قادم من ميناء العريش , وفي اقل من خمس دقايق قامت الطيارات المصرية بتدمير الدبابات دي بالكامل , والموقف ده ادى لذهول العدو الصهيوني وإثارة الفزع بينهم وكان السؤال اللي محيرهم ازاي عرفت القيادة المصرية بتحرك قواتهم من ميناء العريش , وبالطبع بحثوا عن ترددات لاجهزة ارسال داخل سيناء وتم اكتشافها وقبضوا على ال 64 فرد اللي كانوا على اتصال بالقيادة واخدوهم على تل ابيب

 

يا خبرررر وبعدين يا حضرة الظابط ؟

 

تم سجنهم وإذلالهم واعتبارهم جواسيس على الجيش الإسرائيلي وحكمت عليهم المحاكم الاسرائيلية بعقوبة تبلغ 150 عام كبديل لعقوبة الاعدام لانها لا تطبق في اسرائيل

 

طيب وبعدين ؟ فضلوا في سجون العدو الصهيوني ؟

 

لما هنري كسنجر وزير خارجية امريكا زار مصر بعد حرب اكتوبر , طلب من الرئيس السادات الإفراج عن جاسوس اسرائيلي موجود في السجون المصرية , كيسنجر الح اكتر من مرة والسادات رفض , لكن امام الإلحاح من كيسنجر , السادات عرض الأمر على مدير المخابرات الحربية اللوا فؤاد نصار اللي عرض استبدال الجاسوس الاسرائيلي ب 200 اسير مصري في سجون اسرائيل ومن بينهم ال 64 فرد من ابناء سيناء

 

السادات طلب ان ال 64 فرد من بدو سيناء يخرجوا في اول دفعة من المفرج عنهم وبعدهم باقي المحتجزين , والوقائع دي كلها ذكرها اللواء فؤاد نصار مدير المخابرات الحربية وهو يفتخر بأهل سيناء ودورهم الرائع في الدفاع عن مصر

 

كنت في حاجة فعلا اني اسمع الكلام ده يا حضرة الظابط عن اهل سيناء الشرفاء , اللي بعد كدة تم اتهامهم بالخيانة والعمالة , وسبحان الله اللي بيتهموا اهل سيناء بالخيانة والعمالة هما اتباع اليهود واللي بينهم علاقات ودية وما بيعتبروهومش اعداء , ناس غريبة

 

والأغرب ان الناس تصدق يا مدام امينة ان اهل سيناء عملاء وخونة بعد دورهم العظيم في الدفاع عن الأرض , كتير من ابناء سيناء نزلوا القاهرة مخصوص وتطوعوا للجهاد واتدربوا على استخدام الاسلحة الحربية وغامروا بأرواحهم بمنتهى الشجاعة للتصدي للعدو الصهيوني

 

كان لازم يتطوعوا يا حضرة الظابط , اللي اليهود عملوه في الجنود المصريين مش شوية , انا مش ناسية ابدا انهم خلوا الجنود يحفروا مقابر جماعية بنفسهم وبعدين يلقوهم فيها ويهيلوا عليهم التراب ويدفنوهم احياااااااء

 

ياااااااه انا عمري ما نسيت يا مدام امينة , اليهود دول اصحاب قلوب متحجرة بلا رحمة , بيقتلوا الناس بدم بارد

 

طبعا يا حضرة الظابط , هما دول قتلة الانبياء , ناقضي العهود على مر العصور , مالهومش عهد ولا ليهم امان

 

عشان كدة احنا استمتنا في استرداد اراضينا من بين ايدهم والحمدلله انتصرنا , وكان يوم العاشر من رمضان الموافق السادس من اكتوبر وعبورنا القنال وتدميرنا لخط بارليف نصر مبين على الأعداء , وما ننساش تعاون العرب وتحالفهم مع مصر ضد اسرائيل وعلى رأسهم الملك فيصل رحمة الله عليه

 

ياااااااااااه الملك فيصل ده كان فخر للعرب وللمسلمين يا حضرة الظابط , انا مش ناسية انه منع النفط عن امريكا الداعمة لإسرائيل , وده يدل على مدى القوة وعدم الخضوع للعدو , بيفكرنا بأيام العزة

 

فعلا يا مدام امينة , كانت ايام عزة وقوة ومواقف مشرفة وتحالف للدول العربية ضد عدوهم الاوحد , عكس اللي احنا شايفينه دلوقتي للأسف , التحالف والاخلاص ادى الى انتصارنا على العدو واسترداد اراضينا

 

لكن للأسف يا حضرة الظابط جت اتفاقية كامب ديفيد وحطمت كل امالنا

 

ايوة بالفعل , الاتفاقية اللي وقع عليها السادات ومناحيم بيجن

 

وقتها كان جيمي كارتر هو رائيس امريكا

 

مظبوط يا مدام امينة , اتفاقية من ابشع الاتفاقيات بتنص على اعتراف مصر بإسرائيل واعلانها دولة لها كيان وكمان عملوا سفارة لإسرائيل في مصر , في الوقت اللي كان كل العالم رافض الاعتراف بإسرائيل , ما فيش دولة كانت معترفة بإسرائيل غير امريكا

 

مش كدة وبس يا حضرة الظابط , انا فاكرة ان الاتفاقية دي كانت بتنص على عدم مساعدة مصر للدول العربية وعدم التدخل في شؤونها وده بيخدم مصالح اسرائيل , والأمر ده ادى اى تقلص دور مصر الريادي وكتير من الدول قطعوا علاقتهم بمصر وتم تعليق عضوية مصر في جامعة الدول العربية من سنة 1979 لغاية سنة 1989 نتيجة لتوقيعها على بنود الاتفاقية المجحفة دي

 

والاخطر من كدة البند اللي بينص على عدم سيادة مصر على سيناء ونزع السلاح من سيناء

 

ايوة طبعا عشان اسرائيل تستفرد بغزة وتحاصرها وتمنع عنها السلاح والدواء والطعام كمان , اتفاقية كامب ديفيد كانت كلها بتصب في مصلحة اسرائيل وادت الى تغولها في المنطقة , انا مش عارفة احنا استفدنا منها ايه غير الذل والمهانة , نسينا ان عدونا هو اسرائيل وبقينا نحارب في بعضينا , ربنا يرحمنا برحمته

 

اللهم آمين يا مدام امينة , اجمل ما في كلامنا كان ذكرايات الانتصارات على العدو

 

ههه شايف يا حضرة الظابط الولاد الصغيرين قاعدين يسمعونا وكأن على رؤوسهم الطير , حاسة انهم فهموا كل اللي قولناه عن حربنا لليهود رغم صغر سنهم , حتى مريم قعدت تسمع ههه , ايه دددددده ههههه انتِ هنا يا منال انتِ ورانيا ! ما حسيتش بيكو

 

هههه قاعدين بنسمع يا ماما , انا بتعلم منك وبعلم الولاد ازاي اربيهم على حب الوطن والأرض

 

الله يعزك يا حبيبتي , انتِ استاذة يا منال , انا مش قدك ههه

 

هههه العفو يا ماما امينة

 

نورتينا يا طنط امييييينة ههههه حاسة ان النهاردة مختلف وجميل جدااااااااا

 

هههه انتِ الاجمل يا رانيا

 

ايه يا منااااااااال هههه انتِ قعدتي !!!!!!! فين الفول والطعميييييييييييية

 

هههههههههه حالا يا مااااااااااااااااجد

 

 

 

 

 

 

 

 

 

 

 

 

 

 

بتعملي ايه يا هدير

 

ببرد ضوافري يا ماما

 

طيب , مممم عملالي فيها مودمازيل وبتبردي ضوافرك كمان هههه

 

هههههه ايوة يا ماما , اصل انا كبرت وانتِ مش واخدة بالك

 

ههه طيب يا ستي اوعي كدة اقعد جنبك اقرا وصفة الاكل اللي في المجلة دي

 

 

طيب يا ماما , اديني وعيت , يا سلااااااااااام عقبال ما ابرد ضوافري يوم فرحي ياااااااااارب , يا لولييييييييية ويا لوليييييييييييية دي العرساااااااااااااااااااان مستنية والخطّاب الف ومييييييييييييية

 

 

يا لوليييييييييييييية ويا لولييييييييييييية

 

العرسان مستنية والخطاب الف وميييييييييية

 

تاخدي الدكتورررررر ؟ لالالالالالالالالالا , لالالالالالالالالالالالا اعمل به ايييييييييييييه

 

إلا الدكتووووووووووووووور لا نهار ولا ليل اتلم علييييييييييييه

 

واخاف يعملي عملييييييييييييييييية

 

 

يا لولية ويا لوليييييييييييييييييية

 

العرسااااااااان مستنية والخطاب الف ومييييييييييييية

 

تاخدي محااااااااااامي ؟؟؟؟؟؟؟؟؟ لالالالالالالالالالا , لالالالالالالالالالا

 

إلا محامي , ده كل حياااااااااااااته مشغول على طول بملفااااااااااااااااته

 

وحياتي معاه هتبقى قضضضضضضضضضضضية

 

 

بس يا هديررررررررر بس كفاية غنى قلبتي دمااااااااغي توووووووووووووء

 

يا لولية ويا لولييييييييييية العرسان مستنييييييييييية والخطاب الف وميييييييييية

 

 

تاخدي الجزار ؟؟؟؟؟؟؟؟ لالالالالالالالا , لالالالالالالالالالالا يعني الجزار مش عارفينه !!!!!!!!! يدخلي وشايل سكاكيييييييييييينه , ويوقع قلبي في رجلييييييييييييية

 

يا لولية ويا لوليييييييية

 

بس يا هديرررررررررررر بس كفااااااااااااااااااية يوووووووووووووو

 

تاخدي الفلاح ؟؟؟؟؟؟؟؟؟ لالالالالالالا , لالالالالالالالالا

 

إلا الفلاح ده راجل طيييييييييييب , لولا حب الخلفة ما يتعييييييييب

 

وعايزله بدال الواد ميييييييييية

 

بس يا هديرررررررررررررر اوووووووووووووووف

 

 

حيرتينا ودوختينا طب عاجبك مين يا لولييييييييييية

 

عايزة اللي بحبه وعيني علييييييه واللي يشيلني في حبابي عنيييييييييه وساعتها لا هسأل شغلته اييييييه لا فقير ولا بييييييييييه , لا فقير ولا بيييييييييه والقرش هيبقى في ايدي جنييييييه والدنيا هتضحك حوالييية

 

يا بنتي ارحميني اسكتي يا هديرررررررر , لو اتكلمت تتكلم عن الجواز ولو غنت تغني للعرساااااااان

 

 

ايه يا ماما في ايييييه ! بسلي نفسي وانا ببرد ضوافري , خلاص اهو خلصت

 

اوووووووووف وانا زهقققققققققت سيباكِ وداخلة انااااااااااااااااام

 

هههههه ماشي يا ماما , لو بابا اتصل اصحيكي ؟؟؟؟؟؟؟

 

لالالالا قوليله ماما نايمة , لما اصحى هبقى اكلمه

 

هههههه دا اذا اتصل اصلا , يا لولية ويا لولييييييييييييية العرسان مستنية والخطاب الف وميييييييييييية , اما اروح افتح التلفزيون واتسلى بدل ما اطق

 

 

ايه ده ! ايه البرنامج الرزل ددددددده , عالم الطيور ايه بس , خلينا في عالم العرسان , اشوف القناة التانية عليها ايه يييييييييييييي الفيلم ده ما بحبوووووووووووش بيجي في الاسبوع سبع مراااااااااااات , اشوف القناة التالتة , ايه ده , تنويه عن المفقودين , كل دي عيال تاييييييييييهة , دول كلهم صبياااااااااان , خسارتهم والله , كدة البنات هتخسر عرسان كتير , يارب يلقوهم ويرجعوهم لاهلهم , مافيش قنوات تانية ! ممممممم هما تلات قنوات يتامى , يا دي الملل , الواحد نفسه يفتح التليفزيون يلاقي خمسين الف قناااااااااااااااااة

 

 

ترررررررررررررررررررررررررررررررررررن ترررررررررررررررررررررررررررررررررررررررررن

 

هيييييييييه التليفون بيرن , يارب تكون واحدة من صاحباتي عشان ارغي معاها ,استني يللي ع التليفوووووووون

 

الوووووووووو

 

ايوة يا هدير انا خالتو سلوى يا حبيبتي , فين ماما ؟

 

ازيك يا خالتو ههههه وحشتيني من يوم الخميس , لولا ان تيتة محرجة علينا نطلع الا يوم الخميس كنت طلعت قعدت معاكِ شوية

 

ههههههه طيب هي ماما عندك وانا انزل اقعد معاكو ؟

 

ماما زهقت مني ودخلت نااااااااااامت وانا مش لاقية حاجة اعملها

 

طب اطلعي يا حبيبتي اقعدي معايا في اوضتي نتكلم شوية

 

لالالالالا اخاف من تيتة , هتزعقلي وتطردني وتقفل الباب في وشي , وانتِ ما ترضليش البهدلة يا خالتو

 

ههههههه لالالا اطلعي وانا هحميكي

 

ده وعد ؟

 

هههه اطلعي بقى يا بنت

 

اوكيه , هجيب مفتاح الشقة واطلع

 

 

 

 

 

 

 

 

 

 

ترررررررررررررررررررررررررررررررن ترررررررررررررررررررررررررررررررررررررررررن

 

مين اللي بيخبططططططططططط

 

انا يا تييييييييتة

 

اووووووووووووووف عايزة ايه يا بت انتِ ؟؟؟؟؟؟؟؟ ايه اللي مطلعك عندنااااااااا؟ هو النهاردة الخميس ؟ انا بقى هشدك من ودنك واطلعها في ايدي عشان تحترموا النظام بتاااااااااعي

 

اااااااااه ودني يا تيتة ههههه والله انا طالعة عشان خالتو سلوى اتصلت بيا , يا خالتو سلووووووووووى يا خالتوووووووووووووو , الحقيني يا خالتووووووووووووووو

 

 

ايوة ايوة , ايه يا ماما , سيبي البنت هههه انا اللي اتصلت بيها عشان تطلع

 

اووووووووووووف ادخلي يختي ادخلييييييييييييي خليكي مع خالتك في الاوضة , ايااااااااااااااااك اشوف وشك في أي حتة في الشقة

 

ههههههه حاضر يا تيتة

 

 

تعالي يا هدير هههه

 

هههه حاضر يا خالتو , عن اذنك يا تيتة , هاتي بوسسسسسة

 

اوعي يا بنت اوعييييييي

[هبة عبد العظيم نور 2042]

فلنذكر الله يا حبيبات

 

 

جعلني الله وإياكن من الذاكرات

 

 

 

[هبة عبد العظيم نور 2042]

اقعدي يا هدير هههه اوعي تكوني بتزعلي من تيتة

 

انا ! لالالالا خالص والله ههههه تيتة دي حبيبتي وخلاص اخدت على عصبيتها

 

طب اتفضلي شيكولاتة

 

شكرا يا خالتو , الله ! دي مرسوم عليها صورة عريس وعروسة ههههههه عقبالي ياااااااارب ويرسموا صوري انا وعريسي على ورق الشيكولاتة هههه

 

هههههههههههههه يا بنت انتِ مستعجلة على ايه ! دانتِ لسة ما تطلعتيش من البيضة

 

لالالالالا طلعت من البيضة من زماااااااان وبقيت كتكوتة حلوة وطلعلي ريش وعايزة اطير من عشة ماما لعشة عريسي ههههههههه

 

ههههههههههههههههههه انا نفسي اعرف يعني هو الجواز بالنسبة لك يعني ايه ؟

 

ممممممممم اقولك يا خالتو , الجواز بالنسبة لي بيت جميل وعريس جمييييييييييييل نعيش مع بعض حياة جميلة , ساعات نبقى اصحاب ونتكلم مع بعض وساعات نبقى اشرار ونتخانق مع بعض ههههه بس نسامح بعض ونرجع نعيش في سلام تاني مممم الجواز يعني مطبخ واكل جميل اعمله للأستاذ جوزي وهو يجي يعيب على الاكل مرة ويمدح في الاكل مرة بس برضو مهما عيب ع الاكل هفضل اطبخله وأأكله من ايدي عشان اثبتله اني طباخة هايلة وعايزة اكسب قلبه عن طريق معدته ههههههه مممممم الجواز عندي يعني يبقى عندي بيبي جميل احبه واحضنه والاعبه واخده انا وباباه نفسحه يوم الاجازة ياااااااااااااه الجواز عندي دنيا جميلة اوي يا خالتوووووو

 

يااااااااااه تعرفي يا هدير اكتر حاجة لفتت نظري في كلامك ايه حبيبتي ؟

 

ايه يا خالتو ؟

 

انك لا اتكلمتي عن وسامة العريس ولا غناه ولا مركزه , بالعكس , كل كلامك عن قلب ومشاعر الراجل اللي هتتجوزيه , مع ان باباكِ راجل وسيم ومامتك كانت معجبة بوسامته جدا

 

 

هههههه يعني هي وسامته خليتهم يبطلوا خناق !!!!! اقولك حاجة وما تضحكيش عليا يا خالتو

 

قولي يا هدير

 

انا دايما اتخيل عريسي شكله مش امور يعني , وشعره منكوش وحواجبه مقفولين

 

يا حفيظظظظظظظ ههههههه وليه كدة يا حبيبتي ؟

 

هههه مش عارفة , بس بحس ان هي دي الرجولة ههههههههههههههههه وكمان بصراحة فعلا الشكل مش يهمني , اهم حاااااااااااجة احبه ويحبني

 

بنتتتتتتتت اتأدبي ههههه ازاي تتكلمي عن الحب وانتِ صغيرة كدة !

 

يا خالتو انا مش بفكر زي البنات الوحشين اللي بيفكروا في الحب قبل الجواز لالالالالالا انا بفكر في الحب بعد الجواززززز انا عمري ما افكر اعمل علاقة مع شاب من ورا اهلي عشان وعدني انه هيتجوزني , لاني عارفة كويس اوي ان اللي عايز يتجوزني هيجي لحد البيت ويخطبني من بابايا , مش يخطبني من نفسي هههههه

 

برافو عليكِ يا هدير , معجبة بكلامك اوي , ما اتخيلتش يا بنت انك كبرتي وعقليتك تفتحت بالشكل ده

 

ممممم ممكن اسألك سؤال يا خالتو بس ما تزعليش مني ؟

 

اتفضلي يا حبيبتي

 

مممم انتِ ليه رفضتي تتجوزي كل العرسان اللي اتقدمولك ؟؟؟؟؟ ماما قالتلي انك اتقدملك عرسان كويسين اووووووووي

 

.......................................................................

 

خالتو انتو زعلتي مني ؟

 

ليه بتقولي كدة يا هدير ؟

 

اصل شوفتك كشرتي مرة واحدة وما ردتيش على سؤالي

 

لا ابدا يا حبيبتي ما زعلتش , وهجاوبك عشان تتأكدي اني مش زعلانة , انا رفضت كل اللي اتقدمولي عشان عمري ما رسمت الجواز دنيا جميلة زي اللي رسمتيها انتِ في خيالك , عمري ما فكرت في قلب وعقلية الراجل اللي ممكن اتجوزه , كان كل تفكيري اني عايزة الاقي راجل الكل يشاور عليه ويقول ده اللي يستاهل سلوى , قضيت اجمل سنين عمري بدور على الراجل ده , صورة جميلة من غير روح ولا مشاعر

 

انتي ندمانة يا خالتو ؟

 

أأأأأ انا !!!!!!! هدير من فضلك كفاية , انا حاسة اني مرهقة وعايزة انام

 

اوكيه يا خالتو , وانا هنزل بدل ما اخواتي يجوا مايلقوش حد يفتحلهم , هاتي بوسة يا خالتو سلوى يا قمر اموووووووه باي باااااااااااااي

 

 

 

يااااااااااااااااااااه يا ريتني يا هدير فكرت زيك , ورسمت دنيا جميلة في خيالي لحياة زوجية دافية وواقعية زي ما رسمتيها , اهئ اهئئئئئئئ يا ريتني ما اتكلمت معاكِ في الموضوع ددددددده اهئ اهئئئئئئئئئئئ

 

سلوووووووووووى يا سلوووووووووووووى

 

يا خبر , ماما جاية , امسح دموعي بدل ما تقولي مالك وفي ايه

 

 

 

 

 

 

 

 

 

خلي بالك يا ياسمين من الاكل اللي ع النار ليشيييييييط , هكلم طنطك اشجاااااااااان

 

حاضر يا ماماااااا

 

انا عارفة اشجان دي كمان غطست ده كله في اسكندرية ليه ! ولا تكون دخلت زنقة الستات واتحشرت جوا وما عرفتش تخرج ههههههه , اما اتصل اشوف ايه حكايتها

 

 

 

 

ترررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررن

 

 

ردي ع التليفون يا رحممممممممممممممممة , يا بت اني بناخد دووووووووش

 

 

ايّووووووووووووووووه يا بت روحتي فين يا بتتتتتتتتتتت , يعني نخرجوا والصابون على وشي والشامبو في شعرررررررري !!!!!!!!

 

ترررررررررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

 

يا بت يا رحممممممممممممممممممممممممة , اهو التليفون سكتتتتتتتتت

 

 

نعم يا مامااااااااااا

 

 

كنتي فين يا بت ؟؟؟؟؟؟؟؟؟

 

التوكة بتاعتي جريت تحت السرير نزلت وراها عشان اجيبها

 

طب مش كنتِ تردي ع التليفون ليكون ابوووووووووكِ

 

وانا مالي بقى , لما يتصل تاني هرد , روحي اغسلي شعرك يا ماما عشان كله رغاوي

 

طيب يختي , وانتي ابقي ردي لما ننادوا علييييييكِ

 

ماشي

 

 

الله ! هي ما بتردش ليه !!!!! تكون خرجت قعدت ع البحر !!!!! يلا , الغايب حجته معاه , وحشتني اوي اشجان والله

 

 

ماما عايز اكككككككككككككل

 

حاضر يا ياسر , الاكل ع النار

 

طب انا عايزة اااااااااااكل

 

يا ابني بقولك الاكل ع النااااااااار , اعمل اييييييييه , اغرفهولك ني ؟؟؟؟؟؟؟؟؟

 

لا هستناه لما يستوي , هو الموز راح فييييييييين ؟

 

يا ابني يا حبيبي انت مش قضيت عليه امبارح ؟؟؟؟؟؟؟؟

 

اه صحيح , طب هتجبولنا تاني امتى ؟

 

ابقى قول لباباااااااااااااا روح شوف اخوك ياسين بيخرب في ايييييييييه

 

كان في اوضتك بيدهن المرايات بكريم الشعر

 

يا رررررررررررررربي , نفسي الاقي مكان اطفش فييييييييييه , روحي يا ياسمين شوفي مرايات اوضة النوم اللي بااااااااظت

 

حاضر يا ماماااااااا , امتى المدرسة تفتح بقى واستريييييييييح , دي المدرسة ارحم من القعدة في البيت ددددددددده , يا ياسييييييييييييييين , بتعمل ايه انت كماااااااااااااااان

 

ماحملتس حااااااااااااكة

 

 

 

 

 

 

 

 

يلا يا رحمممممممممة ابوكي مستنينا تحتتتتتتتتتت

 

ايوة يا ماماااااااا بجيب الشنطة بتاعتي

 

ههههه يعني ما تخرجيش الا بالطقم كامل يا ست رحمة ! طب يلا يا حبيبتي

 

 

انا جيت يا مامااااااا , هو احنا هنروح فييييين ؟

 

اني مش قولتلك ابوكِ هيودينا المينا النهاردة ؟

 

ممممم اللي بابا بيشتغل عندها ؟

 

هههه ايوة , اللي بابا بيشتغل فيهااااااا , ابوكي وحش من وحوش الميناااااا ههههه

 

وحش !!!!!! هو مش الوحش ده بيعض الناس يا ماما ؟

 

هههههه لالالالا وحوش المينا يعني كبار المينا يا بت

 

 

 

 

 

 

 

 

 

 

 

 

هههههه انزلي يا اشجان , يلا انزلي يا رحمة , منورين المينا

 

ههههه منورة بيك يا عادل , شايفة المينا حلوة قد ايه يا بت يا رحمة ؟

 

هي ايه الدوشة دي كلهاااااااا وايه كل المركبات اللي في المية دي ؟

 

ههههه ما هي المينا كدة يا بت

 

 

 

 

يلا يا رحمة نطلعوا نسلموا على احمد اخوكِ وبعدين ننزلوا ناخدوا فلوكة ونتفسحوا في المية , اني وانتِ وامك وبسسسسسسس

 

مااااااااشي , يلا يا ماما تعالي , امشي بسرررررررعة انتي بتمشي بشويش لييييييه

 

يا بت ماني ماشية اهووو , نجري يعني زيك يا مسخوطة انتِ عشان الناس تضحك عليا !!!!!!

 

ازيكو يا رجاااااااااالة

 

اهلا يا حاج عاااااادل

 

اتفضل الشيّ يا حاج عاااااااادل

 

ازيك يا حاج عاااااااادل

 

 

 

مين كل الناس دول يا بابا ؟؟؟؟؟؟؟؟

 

دول العتالين يا رحمة , اللي بيشيلوا البضاعة ويحطوها في المراكب او بياخدوها ويطلعوها برا المراكب

 

يعني كل دول بيشتغلوا عنددددددك

 

ههه ايوة يا ستي

 

 

 

يا حاج عاااااااادل يا حاااااااااااج

 

ايوة يا عليوة

 

يرضيك يا حاج اللي بيعملوه ناصر دددددده ! كل شوية يعمل مشكلة مع واحد فينا , النهاردة اتخانق مع عتال اشتغل هنا جديد وخلى الولا صمم ما يجيش بكرة بسببه

 

ازاي الكلام ددددددده , فين ريس العماااااااااال , يا رضواااااااااااااان انت يا رضواااااااااااااان

 

ايوة يا حاااااااااااااااااج

 

 

تعالى عايزززززززززززززك

 

حاضر من عنيااااااااااااا

 

هو في ايه يا ماما !

 

مافيش يا حبيبتي , مشكلة ابوكِ بيحلها

 

 

نعمين يا حاج

 

ايه حكاية الولا اللي بيعمل مشاكل مع العتالين دددددددده

 

ما تشغلش بالك انت يا حاج , هنوقفوه عند حده ان شاء الله

 

هو فيييييييييييين ناديلي عليييييييييييييييه

 

حاضر يا حاج , ولا يا ناصرررررررررر ناصرررررررر انت يا ولااااااااااااااااااا

 

 

ايوة يا عم رضوااااااااااااااااااااان

 

 

تعالى كلم الحاج عاااااااااااااااااادل

 

 

 

نعمين يا حاج , تحت امرررررررررررك

 

بنقولولك ايه يا ولاااااااااااااا اللي يشتغل هنا يشتغل بأدبببببببه , اني ما بنحبوش شغل العصباجية ددددددددده , يا تشتغل بما يرضي الله وما تضايقش زمايك يا إما تشوفلك شغلانة غير دددددددددددي

 

ممممممم ماشي , اوامرك يا حاج , هنروحوا نشوفوا شغلي , بالإذن

 

وانت يا رضوان شوف الولا اللي عايز يسيب المينا بسببه وراضيه بكلمتين

 

يا حاج ما تقلقش , لا هيسيب المينا ولا حاجة , الاستاذ احمد لما عرف الموضوع بعت للولا ورضاه بكلمتين وخلى ناصر يعتذرله والموضوع اتلم , هو مين فتحه تاني ؟

 

اني يا عم رضواااااااان لازم الحاج عادل يعرف , اصل اللي زي ناصر ده ما ينفعش معاه طيبة استاذ احمممممممد ولازم يشوف العين الحمرا

 

طب اتوكل على الله انت شوف شغلك يا عليوة , ما تزعلش يا حاج عادل , الموضوع اتلم على خير الحمدلله

 

طيب يا رضوان , شد على أي واحد يشوف نفسه هنااااااا , هنا مكان اكل عيش وبسسسسسس اللي عايز يتعارك ويعمل عصبجي يبقى برا الميناااااااااااااا

 

حاضر يا حاج

 

يلا يا رحمة انتِ وامك نطلعوا المكتب وكفاية عطلة العتالين ودوشتهم

 

ماما هما الناس دول بيخافوا من بابا ليه وهو بيزعقلهم ؟

 

مش صاحب الشغل يا بنتي !

 

مممممم بابا بيخوف اكتر من الناظر بتاعنااااااا

 

 

عم رضوان هي مين الست هانم اللي مع الحاج عادل دي ومين البت الصغيرة الخوجاية العسل دي ؟ ههههه

 

الست تبقى مراته التانية والبت دي بنته يا عليوة

 

ههههه الله , بت حلوة اوووووي لما تكبر نجوزوها لابني

 

ابنك !!!!! وماله , تاقلوها بالدهب وخدوهاااااا دي بنت الحاج عادل سليمممممممم

 

 

 

 

 

 

 

 

 

 

ازيك يا مورررررردي

 

ههههه اهلا يا حاج , ازيك يا ست ام رحمة

 

هههه ان شالله تسلم يا عم موردي , ازي صحتك

 

بخير يا بنتي , الله يكرمك , ازيك يا ست رحمة

 

ازيك يا عمو مراودي

 

ههههه يا حبيبتي اسمه مواردي مش مراودي

 

ههههه خليها تقول اللي هي عايزاه يا ست ام رحمة , ربنا يخليهالكو ويطرح فيها البركة يارب

 

يارب يا عم موردي , ادعيلها وانت بتصلي

 

من عنيا يا بنتي , الله يحفظهالك من كل سوء

 

احمد جوا يا موردي

 

الاستاذ احمد عند المحاسب وزمانه جاي , اهو جه اهو هههه

 

ههههه ايه ددددددددددده رحمة اختي حبيبتي مرة واحدددددددددددة , نورتي المينا يا قمرررررر امووووووووه

 

ههههه ازيك يا احمممممممممممد وفين ابلة هيااااااام

 

ابلة هيام في البيت

 

مش جبتها معاك ليه ؟؟؟؟

 

ههه معلش , مشغولة بقى في البيت , ازيك يا ام رحمة

 

هههه ان شالله تسلم يا احمد , سلملنا على هيام الله يخليك

 

اصل ام رحمة حبت هيام مراتك اوي

 

ههه الله يخليكِ يا ام رحمة , وهي اللي بتشكر فيكِ اوي

 

من القلب للقلب يا احمد هههه ربنا يسعدك معاها آمين يارب

 

طب يا احمد اني هناخدوا ام رحمة ورحمة ونفسحوهم في المينا شوية

 

ههه وماله يا حاج , باي باي يا رحممممممممممة

 

باي باي يا احمممممممممد

 

 

 

 

 

 

 

 

 

 

 

 

 

حل الفلوكة دي يا ولا يا ربيع عشان نركبوها

 

حاضر يا حاج

 

 

 

هاتي ايدك يا اشجان , على مهلك

 

ههه ربنا يستر , اهااااا , يلا هات رحمة

 

هاتي يارحمة ايدك

 

لالالالالالالا هقع في المية

 

هههه يا بت ما تخافيش من المييييييية خلي قلبك جااااامد , هاتي ايدددددددك

 

اهيه يا بابااااااا

 

على مهلك

 

يا ماماااااا يا ماماااا انا خااااايفة يا ماماااااا هقع من الخشبة دي في الميييييية يا ماماااا

 

هههه ايوة كدة , تعالي , اقعدي جنب امك بقى يا خوااااااافة

 

هو فين السواق يا بابا ؟

 

هههه اني السواق ,

 

هتسوق ازاااااااااي

 

بالمجاديف دي يا رحمة , بسم الله الرحمن الرحيم

 

ههههه هيييييييييييه هيييييييييييه هيييييييييييييييه المركب مشيت المركب مشيتتتتتتت

 

ههههه فرحانة يا حبيبة ماما

 

ايووووووة

 

ايّوووووووووووه ع المينا وعلى هوا المينااااااااا , بقالي كتير ما رَكَبتش فلوكة يا عااااااادل

 

ههههه فاكرة اخر مرة ركبناها

 

ممممم ايوة , في شهر العسل اللي سعاد سودته علينا

 

ههههههههه ما يبقاش قلبك اسود

 

هو اني عمري ننسى انها حكمت رأيها اني نسيب اسكندرية وقالتلك ياني يا هيييييي , زي ما نكونوا قتلتلها قتيييييييل

 

هههههه ما يبقاش قلبك اسود يا اشجان , ايام وراحت لحالها , سعاد اتغيرت

 

هي مين دي اللي اتغيرت ! لو كانت اتغيرت كان قلبها صفي لابنها ومرات ابنها وحضرت الفرح وجبرت بخاطر الولا , سعاد هي سعاد يا عادل

 

ايّوووووه يا بت يعني في قاعدة حلوة زي دي وسط المية والهوا وماسكالي سيرة سعاااااااد !!!!! هههههه , بت يا رحمة , عجبتك المينا ؟

 

اووووووووووي وانت كمان عجبتني عشان قووووووووي والناس بتخاف منننننننك انا مش كنت فاكراك كدة

 

ههههه اومال يا بت فاكرة ابوكِ اييييييييييه ! احنا ملوك المينا يا بت

 

 

 

 

 

 

 

 

 

 

 

هههههههههههههه والله زمان يا شجووووووووونة , تعرفي ان اني كمان ما رَكَبتش فلوكة من اخر مرة ركبتها اني وانتي ؟ ياااااااااااااااااه

 

هههههه كانت ايام حلوة يا عادل

 

وانا كنت فييييين ؟

 

هههههه كنتِ لسة ما شرفتيش الدنيا يا رحمممممممممة

 

خد سندوتش يا عادل

 

طب هناكلوا ازاي واني ماسك المجاديف يا اشجان هههه

 

هاتي يا ماما , انا هأكلك يا بابااااااا

 

ههههه يا حبيبتي انتي , تصدقي البت دي حنينة , غير البت اوسا , عمرها ما جت قعدت جنبي كدة ولا اهتمت بيا كلت ولا ما كلتش ولا ناولتني كوباية مية حتى في يوم من الايام

 

هههه ربنا يخليك رحمة واحمد يا عادل , حنيتهم بالدنيااااا

 

يااااااااارب ويخليكي يا شجووووووونة

 

 

 

 

 

 

 

 

 

 

 

 

 

ههههههههه وربنا كانت فسحة حلوة يا اشجان , يلا هاتي ايدك عشان نطلعوكِ من المركب

 

 

حمدالله ع السلامة يا عرسااااااااااان , بتعيدوا شهر العسل من تاااااااااااااني !!!!!!!!

 

سعااااااااااااااد !!!!!!!!! ايه اللي جابك المينااااااااا ؟

[هبة عبد العظيم نور 2042]

بصوا بقى يا بنات انتو حيرتوني معاكو بالنسبة لطول الحلقة وقصرها

 

على العموم دي نص حلقة النهاردة , كان المفروض انزل الضعف

 

مش عااااااااااارفة اعمل ايه هههههه

 

كفاية كدة النهاردة ونشوف بكرة باقي الحلقة ان شاء الله

 

 

 

ارحب بالحبيبات

 

ام المنذر

 

ازيك يا قمررررر منور يا جميييييييييل , انا ما بنساش الايام خااااالص هههههه بس ممكن افتكر بكرة الجمعة وما فيش حلقات ههههههه

 

تحت امرك يا عسل , ادي الحلقات اهيه

 

(مريم )

 

الله يخليك يا رب يا مريومة , تسلمي حبيبتي على شعورك الجميل , احبك في الله اختي الحبيبة واحب كل الاخوات والله

 

 

أم رقية

 

ايه يااختي مش عاجبك الفرح على اضواء الشموع ليييييييه ؟ ههههههه حبة رومانسية يا اختي مش كدة هههههههههه

 

طلعتينا من المود وفكرتينا بقطع الكهربا الله يسامحك هههههههه شدة وتزول ان شاء الله

 

 

راماس

 

تسلمي يا عيوني , عارفة يا جميل انت متابع لكن ردودك ليها بصمات معلمة في القلب يا باشا هههه تسلميلي رموسة , ما تضغطي على نفسك في الردود , عارفة انك مشغولة حبيبتي , بس ما تنشغليش اوي يعني ههههههه

 

 

فاتن

 

تونة حبيبتي العسولة , وانا بموت فيكِ يا عسل , ادي الحلقات يا ستي انا

 

 

أم عبد الرحمن وجنة

 

يعني وبعدين في النت اللي بيقطع ويحرمني من حبيبة قلبي ده ! ههههه منوراني حبيبتي

 

 

قرآني حياتي

 

اهلاااااا بالعسل , تعالي كلي مكرونة شنافيلي هههههههه

 

ريحانة السماء

 

رياحينوووووووو , منورة يا قمرة , يارب تكون الحلقات عاجباكي , والله كان في حكاوي كتير النهاردة بس ما رضيت انزل الا نصهم ههههههه

 

 

 

سارة محمد

 

سوسو حبيبتي , يارب يكون فرحك قريب ويبقى كله اناشيد اسلامية يا عسل , بس ابقي اعزمينااااااااا

 

 

الاء الله

 

والله يا لولو انا عايزة اشكرك عشان كلامك الجميل , مش المرة دي بس , قبل كدة كتبتي رد عجبني جدا , بس نفسيا كنت محطمة وما عرفتش ارد عليكِ هههههه اسلميلي يارب يا حبيبة قلبي , ربنا يوفقك ويسعدك ويرزقك فوق ما تتمني اللهم آمين

 

 

حواء ام هالة

 

على فكرة يا حواويئو اوسا كدة زعلت منك وبتقول انها فاهماها غلط ههههههههههههههههههههههههههه منورة يا حبيبة قلبي

 

أم افنان المغير

 

ام افنان وحشاااااااني , ازيك يا عسولة

 

 

يحبهم ويحبونه

 

حبيبة قلبي المنياوية العسسسسسسل ههههه متابعتك وردودك بيسعدوني دايما والله

 

محبة صحبة الاخيار

 

والله زمان يا جميييييييييل هههه ازيك يا محبة يا سكرة

 

 

 

ان شاء الله بيا عودة للترحيب بباقي الحبيبات , عذرا لضيق الوقت والله

 

اشوفكو بكرة ان شاء الله

 

 

ياترى سعاد راحت تتعارك ولا راحت عشان اييييييه ؟ هههههه

[ساره أم حمزه 1040]

ما شاء الله تيته امينه علمت رامى حجات كويسه الحمد لله ممم هيبقى مختلف عن اخته

 

الشاى برد اعمليلى واحد تانى مبحبهاش ^^ مش فاضيين للكلام ده

 

ذكريات انتصار اكتوبر وابناء سيناء جميله وانا بحب لما والدى برضه بيحكلنا على ايام الجيش وهو حضر فى الجيش ايام الحرب

 

مريم ما شاء الله مش عامله زى رحمه لما رامى سألها انت اسمك مريم قالت ايوة ومشت

بس انا مش عاجبنى انهم بيقعدوا كلهم مع بعض ماجد ومنال وابوها واختها رانيا وتيته امينه

 

هدير مبحبش النوع ده اللى مش بيتكسف فى الكلام عن الحب والزواج

بس هى سلوى بقى كانت هامها الوسامه؟

 

ياسمين صعبان عليا بصراحه كده هتخليها تضايق من البيت وشغل البيت زى ماهى بتتمنى المدرسه ترجع كده

وبعدين هى لسه صغيره متشيلهاش الحمل كله

تعلمها بس شويه شويه على أدها كده

 

هى ليه اشجان اتأخرت فى اسكندرية ممم خايفه عليها من سعاد واديها جات وشافتهم ربنا يستر

 

سارة محمد

 

سوسو حبيبتي , يارب يكون فرحك قريب ويبقى كله اناشيد اسلامية يا عسل , بس ابقي اعزمينااااااااا

 

ههههه الله أعلم بقى ربنا ييسر الخير دعواتك

إن شاء الله ، هتيجى يعنى ؟ ( :

كويس انك قللتى الحلقات ببرضه عشان عينى بتزغلل انتى راضيتهم مره بالكتير وانا مره بالقليل ^ــ^

[~ محبة صحبة الأخيار~ 354]

السلام عليكم ورحمة الله وبركاته ،

حلقات رائعة هبه الحبيبة جزاك الله خيراً ،

لكنها قصيرة هذه المرة ،

المرة القادمة نريد ضعفها حتى ننسجم مع الأحداث -_- .

[((مــريــم)) 35]

امممممممم

محبتش الاختلاط ده بصراحه خالص

وهوا جلوس الحاجه امينه مع الحاج عزت صحيح كبار في السن

ولكنه لا يزال اسمه اختلاط

حتي الأولاد الصغيرين يطلعو فاهمين انه حاجه طبيعيه وعاديه ان اي واحده تقعد مع اي حد في وجود عيله وخلاص ويكلمو مع بعض

ده اللي هيفهموه!

اكره الاختلاط جداً بكل اشكاله وصوره ففيه كل شر!

 

 

 

 

[رياحينو 205]

هوبة الحلقات جميلة جدا ماشاء الله

هو الحلقة الي جاية هي الاخيرة

امتي هتبداي مسلسل جديد

ممكن تقوليلي اسم صفحتك علي الفيس

انت ساكنة فين مش في القاهرة

يا بختك هدوء انك بتقبلي هبة

اسال الله ان يجمعني بكم جميعا في الفرودس الاعلي ان شاء الله

اللهم امين

ممكن لو مافيهاش تتطفل يعني تحكي اتعرفتي علي هدوء ازااااااي

[حواء أم هالة 1895]

نعم قليلة جدا بصراحة خليها وسط يابت هههه

اممم ياساتر على سعاد ايه اللي جابها المينا دي وايه اللي عرفها ان اشجان فيها غريبة ؟

البت هديل جريئة شوية ههه وسلوى عرفت خطأها وان الوسامة مش كل شيء

[رياحينو 205]

احب تربية منال لاطفالها

اشعر حقا بانها ام رائعة

انا ايضا لم يعجبني جلوس الحاجة امينة مع والد منال

ولا حتي جلوس رانيا مع ماجد

اتمني ان لا تنسي ذكر دراهم ودنانير

نفسي دنانير تعرف ان حسام ده ولا مش فكره اسمه ايه كان بيضحك عليها

[' أم آية' 667]

:)

 

ما هي باينة سعاد رايحة ليه الى المنيا ههههه

تولعها هههه

[رياحينو 205]

هههه شفرة سرية الشاطر يحلها

[أم عبدالرحمن وجنة 14]

حلقات جميله ياهوبة ولو انها صغيرة حبتين

بهيرة فعلا بتثقل على ياسمين فى شغل البيت ورعاية اخوانها

عقلية هديل متفتحة لكن اين الحياء , ولابد لامها ان تعلمها ان الحياة ليست فى الارتباط والزواج فحسب

لكن واضح ان ناهد مكبرة دماغها بدل ماتتكلم مع بنتها وتحتويها ذهبت للنوم.

ربنا يستر على أشجان وبنتها من سعاد.