خلف هذه الجدران

[ساره أم حمزه 1040]

معقول يكون يحيى جاسوس على احمد لصالح ادهم؟؟!!! اعتقد انه ذهب بالصدفة الى المينا وعن حسن نية حدّث ادهم بما رأى. وادهم بطبعه الشراني اكتشف ان "ناصر" الشراني ايضا سينفعه بمشاريعه الشيطانية. مشكلة كبيرة بصراحة ان يحيى يخون احمد بعد كل ما فعله لاجله.

انا برضه شايفه ان ده اللى حصل

[ام افنان المغير 56]

حلقات جميلة .لكن قصيرة

معقولة نجلاء توافق انها تتزوج عصام بالسر .اتوقع لا .يا رب ما توافق.

ادهم واوسا وسامي ثلاثي شرير . لكن ربنا لهم بالمرصاد .

معقول احمد طيب لهذه الدرجة وصدق ان الاسوارة ضاعت .المؤمن كيس فطن .ارجوك يا ست هبة لازم احمد يكون حازم وشديد وطيبته هذه اتوقع انها زايدة عن الطبيعي.

ان شاء الله تعالى تكون هذه الحلقات في ميزان حسناتك وجزاك الله خيرا

[رياحينو 205]

اين انت هوبة

[ريحانة زوجي 63]

معقول يكون يحيى جاسوس على احمد لصالح ادهم؟؟!!! اعتقد انه ذهب بالصدفة الى المينا وعن حسن نية حدّث ادهم بما رأى. وادهم بطبعه الشراني اكتشف ان "ناصر" الشراني ايضا سينفعه بمشاريعه الشيطانية. مشكلة كبيرة بصراحة ان يحيى يخون احمد بعد كل ما فعله لاجله.

انا برضه شايفه ان ده اللى حصل

 

مش حكاية جاسوس بس مكنش يصح أنه ينقل أخبار المينا وخصوصا أنه عارف إن أدهم معملته وحشه مع أحمد

[' أم آية' 667]

مفيش حلقات النهارده اهئ اهئ اهئ

[ريحانة زوجي 63]

فين يا هبه الخلقه الجديدة

يا هووووووووووووووووووووووووووووووووووبه إنتي فين

يا هبــــــــــــــــــــــــــــــــــــــــــــــــــــــــــــــــه إتأخرتي ليه :P

[زهرة المنتدى1 27]

تسجيل اعترااااااااااض على تأخر الحلقااااااااااااااات

 

فينك يا هبة هنديكي مخالفة

 

اوعى ماتجيش خالص النهاردة :(

[هبة عبد العظيم نور 2042]

 

 

 

 

 

انت يا جدع انت

 

بتكلمني

 

ايوة , تعالى عايزك

 

انت ومين وعايز ايه ؟

 

اني يحيي , واللي عايزك هو ادهم باشا

 

ويطلع مين ادهم باشا ده وعايزني في ايه ؟

 

ادهم باشا يبقى ابن الحاج عادل , عايزك في ايه بقى دي حاجة ما اعرفهاش , بس هو مستنيك دلوقتي , يلا بينا

 

مممممم ماشي , اكيد الحاج عادل اشتكاله مني وعايز يديني كلمتين

 

 

 

 

 

 

 

 

 

 

 

 

تن تن ادهم باشا , ناصر مستني برا

 

طب خليه يدخل يا يحيي وروح انت

 

ادخل يا ناصر

 

 

مساء الخير يا ادهم باشا

 

هه مساء النور , انت بقى ناصر اللي قالب كيان المينا ؟

 

 

ههههه كان قلبي حاسس انك عايزني عشان كدة , اطمن يا ادهم باشا , خلاص , هنبطلوا شغل الشقاوة ونلتفتوا لأكل عيشي

 

هههههه ومين قالك اني عايزك تبطل

 

ايييه !!!!!!

 

هههه اقعد يا ناصر

 

ماشي يا باشا , وادي قاعدة , خير يا باشا

 

سيجارة ؟

 

ههههه اني صحيح بندخن لكن بصراحة مش النوع الغالي اللي حضرتك بتدخن منه ده , ونخاف ناخد منك سجارة لناخده ع النوع ده واني مش قده

 

ههههه لا خد العلبة كلها مش خسارة فيك

 

ههه كتر خيرك يا ادهم باشا , ممكن تولعلي ؟

 

وماله , نولعولك بالولاعة الدهب بتاعتي كمان , قرب شوية

 

ههههه متشكر يا ادهم باشااا

 

تشرب حاجة قبل ما ندخل في الموضوع ؟

 

نشرب أي حاجة , اللي يجي منك حلو

 

طب قوم افتح التلاجة اللي في الركن اللي هناك ده وخد اللي انت عايزه

 

 

هههه يدوم يا باشا

 

 

 

 

يااااااااه دي التلاجة مليانة عصاير على حاجات ساقعة , اني هناخد ازازة عصير , نجيبولك معايا يا ادهم باشا ؟

 

لا يا يحيي , خد انت وتعالى عشان نكملوا كلامنا

 

ماشي ,

 

تحت امرك يا ادهم باشا ؟

 

كنت عايزك تشتغل معايا

 

هههه اني تحت امرك , هتشغلني ايه ؟

 

الحارس الخاص بتاعي وعايزك كمان تجيبلي اتنين يكونوا جدعان زيك كدة وقلبهم جامد , هاااا تقدر تخدمني في الموضوع ده ؟

 

هههه تحت امرك يا ادهم باشا , اني نحب نخدموا البهوات المحترمين اللي زيك , وخصوصا انك ابن الحاج عادل

 

بنقولولك ايييه , اني ماليش دعوة بابويااااا , شغلك معايا مالوش دعوة بالشغل مع ابويا

 

لا مؤاخذة هي مش مصلحتكو واحدة ؟

 

لا , اني شغلي منفصل عنهم , شغال لحسابي

 

ربنا يزيدك هههه نسيت نقولولك ان الشركة بتاعتك فخمة اوي

 

 

سيبك من الشركة وخليني في الكلام اللي قولتهولك , هتجيبلي الرجالة امتى ؟

 

ولا مؤاخذة يعني انت هتشغلنا كلنا حراس لجنابك ؟

 

ايوة , وكمان لو احتاجتكو في أي مأمورية نلاقيكو , السوق غدار واني ليا اعداء ياما

 

 

ما تخافش , طول ما اني جنبك ما حدش يقدر يأذيك , واي أمر اني ننفذوه بإشارة من صباعك الصغير

 

كدة اتفقنا , اني هنديك في الشهر 500 جنيي

 

يا قوووووووووووة الله , 500 جنيي مرة واااااااااااحدة

 

ايوة , ده غير المكافآت , وانت وشطارتك بقى

 

هههه تحت امرك يا ادهم باشا , اني عندي اتنين اصحابي هنجيبوهم من الصبح عشان يستلموا الشغل

 

طيب خد , 100 جنيي تحت الحساب اهيه

 

هههههه ياخد عدوينك يا ادهم باشاااااااا , بالإذن اني بقى

 

ماشي , مستنيك بكرة الساعة عشرة الصبح

 

ماشي يا ادهم باشا , سلااااااااااام

 

 

 

 

 

 

 

 

يلا يا هيوووووووووومة جهزتي ولا لسة , الناس زمانهم على وصووووول

 

 

اني جاهزة اهو يا احمد ممممم مع اني والله مستتقلة العزومة دي

 

ليه بس كدة يا هيومة !!!!!!

 

يعني يا احمد اني مش واخدة على مرات امير وما نعرفوهاش

 

هههه يا ستي ما انتي هتتعرفي عليها كويس النهاردة , وبعدين الناس عزمونا وما ينفعش نرفضوا العزومة , مع ان كان نفسي تتأجل شوية عشان نهادوا بنت أمير بهدية حلوة , اني جبتيلها سلسلة

 

هي فين دي ؟ ههههه وريهالي

 

اهيه يا ستي , خدي افتحي العلبة وقوليلي رأيك ؟

 

وريني كدة , الله , جميييييييييلة , حلوة اوي يا احمد

 

ههه عقبال ما نجيبوا لبنتنا

 

ههه ان شاء الله

 

, طب خدي خليها معاكِ عشن تديها لمرات امير

 

طيب يا حبيبي

 

 

 

 

 

 

 

 

 

 

 

 

 

اضرب كلاكس امير خليهم ينزلوا

 

ضربت كلاكس مرتين , ما فيش داعي لازعاج باقي السكان هههههه هو احنا عشان ننزل واحد نزعجوا باقي الناس !!!! , اهم خارجين من العمارة يا ستي ولا تزعلي هههه عن اذنك هننزلوا نستقبلوا احمد

 

اوكيه , وانا هفتح الباب للمدام بتاعته عشان تركب جنبي

 

 

 

السلام عليكمممممم هههههه ازيك يا امير

 

وعليكم السلااااااااام بالحضن يا ابو حميييييييييد ههههههه الف الف مبروك الجواززززززز وربنا يرزقك بالذرية الصالحة

 

هههههههه الله يخليك يا امير , الله يبارك فيك يارب

 

اتفضل اركب

 

 

 

تعالي هيام هههه منتظراكِ بقالي شوية

 

ههه السلام عليكم , ازيك يا لينة

 

اهلا هيام , شوفي حنين هههه

 

ههه بسم الله ماشاء الله , ربنا يخليهالك يارب

 

ثانك يو هيام

 

وااااااااااااء وااااااااااااااااااء وااااااااااااااااااااااااء

 

وااااااااااااااااااء واااااااااااااااااااااااااااااااء

 

البنت بتعيط ليه ؟ سكتيها يا ام حنين ههه

 

بس بسس جود بيبي , ستوب كراينج , بس حنين بسسس اموووه

 

 

ايه اخبار الشغل يا احمد

 

تمام يا امير الحمدلله , هو متعب بس ربنا بييسر الحال

 

ربنا يقويك , انا عارف ان الشغل في المينا صعب , بس انت قدها وقدود هههه

 

هههه الله المستعان

 

واخوك عامل ايه مممم اسمه ادهم مش كدة ؟

 

ايوة , .......... كويس الحمدلله

 

بتزوروا بعض ولا لأ ؟

 

والله يا امير بنسأل على اخواتي باستمرار الحمدلله

 

هو اتجوز ولا لسة ؟

 

لسة

 

ربنا يرزقه ببنت الحلال ممممم دايما ابويا يقول انكو مختلفين عن بعض في الطباع , يقولي احمد أطيب ولاد عادل سليم كلهم

 

ههه ربنا يجازيه خير عم حامد , هو الاطيب والاحسن

 

 

ههههه ادينا وصلنا يا سيدي عند محل عمك حامد وهو مستنيك بنفسه جوا

 

ههههه انت عازمنا في محل من محلات عم حامد ؟

 

ايوة يا سيدي , طلعت انصح منك , عزمتك في محل من محلات ابويا عشان ما ادفعش فلوس , مش زيك لما عزمتنا ودفعت دم قلبك السنة اللي فاتت ههههههه

 

ههههههههههههههه يا سيدي فداك كل حاجة

 

 

طيب اتفضل , يلا يا جماعة انزلوا

 

 

 

 

 

 

 

 

اهلا اهلا استاذ اميرههههه

 

هههه اهلا يا علي ازيك

 

اهلا بيك يا استاذ امير وبضيوفك , اتفضلوا

 

 

 

يلا يا احمد , اني وانت هنقعدوا على طرابيزة ونسيبوا الستات على طرابيزة لوحديهم

 

روحي يا هيام مع مدام لينة واني هنقعدوا ع الطرابيزة دي

 

ماشي يا احمد

 

 

 

تعالي هياااااام ههه تعالى نقعد هنا في طرابيزة اللي في ركن بعيد دي , مش بحب طرابيزات في منتصف مكان

 

ايوة والله كدة احسن هههه هاتي حنين نشيلوها يا لينة

 

هههه اتفضلي , روحي حنين لطنط هياااام امووووه

 

بسم الله الرحمن الرحيم , الله ههه حلوة اوي ماشاء الله لا قوة الا بالله اموووه , ربنا يخليهالك يارب

 

هههه هاتي بيبي ولد عشان نجوزهم لبعض , رغم انها هتكون اكبر منه

 

هههه الحاجات دي نصيب وفي علم الغيب

 

انتي مش في بيبي هيام ؟

 

لسة والله يا لينة

 

ممممم انتي زعلتي هيام عشان سألتك عن بيبي ؟

 

اني ! لالالا والله , ليه بتقولي كدة ؟

 

شوفت وشك كشر

 

لالالا اني بس عشان مستعجلة اوي على الخلفة ونفسي نفرحوا احمد

 

هو كلمك في موضوع ؟

 

ابدا والله ولا جاب سيرة لحد دلوقتي , اني اللي نفسي نفرحوه اوي يا لينة , بيني وبينك زعلت لما ما حصلش حمل من اول شهر

 

هههه مش تزعلي هيام , بكرة يبقى عندك بيبي جميل زي حنين , هاتيها عشان مش تتعبك

 

لالالا بالله عليكِ خليها معايا

 

اوكيه , الويتير جايب عشا ههه انا كتير حاسة بجوع

 

ههه

 

 

 

 

 

 

 

 

 

 

 

 

 

 

حطيت الاكل ع الطرابيزت يا هشام ؟

 

ايوة يا حاج حامد

 

طيب اني هنروح نسلموا على امير وضيوفه , عن اذنك

 

اتفضل يا حاج

 

 

 

 

ههههههه السلام عليكم يا احمد يا ابني , خليك قاعد خلييييييييك

 

 

هههه وعليكم السلام يا عم حامد , ودي تيجي برضو اني ما نقفش لما نشوفوك! , ازيك يا عمي

 

الله يخليك يا ابني , ازي احوالك

 

الحمدلله بخير

 

ابوك المفتري قالي انه نزلك الشغل بعد الجواز بتلات ايام

 

ههههههه يلا معلش

 

لا معلش ايه , اني اتخانقت معاه وربناااااا , ههههه على العموم طالما انا راضي وابويا راضي مالك انت ومالنا يا قاضي ههههههه

 

ههههه ما تقولش كدة يا عم حامد , احنا ما نستغناش عنك وعن نصايحك

 

كتر خيرك يا ابني , ازيك يا امير

 

هههه ازيك يا حاج

 

اومال البت حنين فيييييين ؟

 

مع مامتها ومع مدام هيام في الطرابيزة اللي هنااااااااااك دي

 

طيب , هنرحوا نسلموا عليهم ونبوسوا البت حنين الشقية دي ههههه , عن اذنكو , منور المحل يا احمد يا ابني

 

الله يخليك يا عم حامد هههه انت مش هتاكل معانا ولا ايه ؟

 

لا اني هناكلوا في البيت مع خالتك أم أمير , هو اني نقدر ناكلوا من غيرها ! دي كانت تعملها زعلة واني مش قد زعلها ههههه

 

ههههه ربنا يخليكو لبعض , سلملي عليها بالله عليك

 

الله يسلمك يا ابني , عن اذنكو

 

اتفضل يا حاج , كل يا احمد , عايزين ننسفوا السمك والجمبري ده ههههه احنا مش دافعين حاجة وابو بلاش كتر منه هههههههههههههههههههههههههه

 

هههههههههههههههههه والله وحشتني يا امير ووحشتني قعدتك الحلوة

 

الله يخليك يا احمد , كل يلا , خش ع الجمبري ما ترحموووووووش ههههه

 

 

 

 

 

 

 

 

 

 

 

 

 

 

السلام عليكم هههه ازيك يا هيام يا بنتي

 

وعليكم السلام يا عم حامد هههه اني بخير الحمدلله

 

دايما يا بنتي ان شاء الله , ازيك يا ام حنين هههههه

 

هههه اهلا بابا , وحشتني كتير , بكرة هنيجي نقضي معاكو طول اليوم انا وماما وتيتة ليززززز

 

تآنسوا وتشرفوا يا بنتي , اهلا وسهلا , ازيك يا حنيييييين ههههه هاتي يا هيام يا بنتي عنك

 

اتفضل يا عم حامد

 

بسم الله تبارك الله حنييييين امووووه , يا بت لما ننادوا عليكِ تقولي نعم يا جدووووو , البت دي هتتكلم امتى يا لييييينة ؟ هههه

 

هههه بكرة تتكلم بابا , بس مش تزهق من دوشتها

 

يااااااااه يوم المنى لما نشوفوها بتلعب وتتشاقى وجايبة البيت عاليه واطييييييييه هههه , اموووووووه , خدي يا لينة البنت وخلي بالك منهاااااا

 

ههه اوكيه بابا , تعالي حنييييييين , اموووووه حبيبة مامي انتِ هههه

 

 

 

 

 

 

 

 

 

 

 

هو فين الحمام عشان نغسلوا ايدينا يا لينة

 

تعالي هيام , اكيد في مدخل اللي هناك ده , تخيلي لسة جوزي وجوزك بياكلوا لحد دلوقتي ! ههههه

 

هههههه بالهنا والشفا

 

عجبك الاكل هيام ؟

 

ايوة والله جميل اوي , الناس كلها بتشكر في مطاعم عم حامد وانها مطاعم نضيفة اوي وبيهتموا بنضافة المطابخ , في بقى مطاعم يقدمولك الاكل شكله مزوق وجميل وهما مطابخهم تسد النفس والواحد لو شافها ما يرضاش ياكل من ايديهم حاجة , غير اللي بيقدموا للناس اكل منتهي الصلاحية

 

هههه عندك حق , اهم حاجة في شغل المطاعم الضميررررر والخوف من ربنااااااا

 

 

 

 

 

 

 

 

 

تعالي نرجع طرابيزة بقى لحد ما يقولوا يلا بينا ههه دي حنين ناااااامت

 

زي الملاك وهو نايمة , ماشاء الله عليها , اتفضلي يا لينة الهدية البسيطة دي عشان حنين

 

ههه ليه تتعبي نفسك كدة , وكمان انتِ سبقتيني , انا كمان جايبة هدية عشانك , كان المفروض اجي البيت عندك اقدمهالك لكن بجد مش في وقت خااااااالص احنا مسافرين بعد يومين ان شاء الله

 

هترجعي لندن ؟

 

ايوة , عشان دراسة هيام

 

انتِ في كلية الطب صحيح ؟

 

ايوة , سنة تانية السنة دي

 

وهتعرفي تراعي حنين جنب دراستك ؟

 

اهااا هههه ايوة اعرف ومامي وتيتة ليز هيساعدوني , انا اول مرة ابقى أم ومش عندي خبرة كافية

 

ههه ربنا يوفقك يا لينة

 

اتفضلي هديتك هيام , دي اسورة دهب جبتهالك على ذوقي

 

هههههه اسورة !!!!

 

مممم ليه بتضحكي

 

اسفة والله يا لينة , اصل انا بضحك عشان ضاعت مني اسورة من فترة وسبحان الله انتي بتهاديني بإسورة النهاردة

 

هههههههههههه حاجة لطيفة اوي , شوفيها عشان اعرف ذوقي هيعجبك ولا لأ

 

ياااااااااااااااه الله , جميلة اوي يا ليييييينة , دي باين عليها غالية اوي يا حبيبتي

 

ههه مش كتير عليكِ

 

هههه ربنا يخليكِ , طب شوفي سلسلة حنين كدة

 

اهاااااا هههه حلوة كتيررررررر , ثانك يو هيام

 

 

ههه طيب يلا عشان احمد بيشاورلي

 

احنا هنوصلكو لحد البيت , يلا عشان نستناهم في عربية

 

يلا يا لينة هههه حنييييين ههه دي لسة نايمة

 

 

 

 

 

 

 

 

 

 

 

 

 

 

 

 

هههههه يلا يا سيدي اديني وصلتك لحد باب العمارة اهو , اظن كدة عداني العيب ههههه

 

هههه جزاك الله خيرا يا أمير , والله فرحتني النهاردة واسعدت قلبي باهتمامك وعزومتك الجميلة دي

 

هههه وخيرا جزاك يا ابو حميد , يا عم خيرك سابق , احنا بس بنحاولوا نردوا جزء من الجمايل

 

احنا اخوات يا امير , بارك الله فيك , يلا يا هيام انزلي , السلام عليكم

 

وعليكم السلام يا احمد

 

ههه خدي حنين يا لينة , استني نبوسوها قبل ما ننزل امووه , ربنا يحفظهالك يارب

 

ههه ثانك يو هيام , مع السلامة

 

الله يسلمك يا لينة , متشكرين اوي على الوقت الجميل اللي قضناه معاكو

 

هههه يتكرر تاني ان شاء الله

 

 

 

 

ايه يا لينة , اديتي الاسورة لهيام ؟

 

اهااااا وعجبتها كتيرررر , شوف جابوا ايه لحنين ! سلسلة حلوة كتيرررررر شوووووووف

 

هههه حلوة اوي , كلهم ذوق , يلا بقى عشان نروح البيت

 

اهااااا يلا عشان مامي وتيتة ليز مستنين يسهروا معانا

 

اييييييه ! اسهروا يا حبيبتي زي ما انتو عايزين انا هناااااااااااااااااام

 

هههههه كل مرة تقول كدة وتسهر معانا

 

 

 

 

 

 

 

 

 

 

بسم الله الرحمن الرحيم , ادخلي يا هيومة

 

ههههه شوفت يا احمد الاسورة الحلوة دي اللي جابتهالي لينة ؟

 

وريني كدة ههه ماشاء الله حلوة اوي يا حبيبتي , اهو جالك اسورة بدل اللي راحت

 

لا وكمان فيها فصوص شبه الفصوص اللي في الكوليه هههه زي ما تكون مكملة الطقم

 

هههه يقطع من هنا ويوصل من هنا , حافظي عليها بقى الله يخليييييييكِ

 

هههه ما تخافش , هو اني عبيطة !!!!!!

 

لالالالالالا العفوووووووووووو هههههههههههههههه

 

هههههههههههه ماشي يا احمد , اتريئ براحتك , مقبولة منك ههههه تشرب شيّ ؟

 

نغيروا هدومنا الاول يا بنت الحلال ونشربوا شيّ على رواقة

 

ماشي يا حبيبي , هنغيروا هدومي ونعلقوا ع الشيّ ممممم قولي يا احمد , انت مش هتروح لوالدتك

 

اني ناوي نروح يوم الجمعة ان شاء الله

 

خدني معاك

 

هتيجي معايا ؟

 

ايوووووة اني عايزة نشوفوها ونقربوا منها ونشكروها على الهدية الحلوة

 

هدية ايه ؟؟؟؟؟؟

 

هههه انت يا حبيبي

 

هههههههههههه انتِ حياتي يا هيوووووووووومة

 

ههههه نروحوا بقى نغيروا عشان ما نتأخروش ع الشيّ ياروح هيومة

 

 

 

 

 

 

 

 

 

 

 

 

 

ماشربتش الشيّ ليه يا يحيي ؟ يحيييي الشيّ برررررد

 

هاااا , بتكلميني يا بطة ؟

 

ههه انت سرحان ولا ايه يا يحيي ؟ اني حطيت كوباية الشيّ قدامك وقومت نغسلوا الصحون ورَجَعت لقيت كوباية الشيّ قدامك زي ما هي , ايّوووووووه دي بردت , هنعملولك غيرها

 

لالا , خليها , هنشربوها , ما تعمليش حاجة

 

مالك يا يحيي

 

............................ مش عارف نقولولك ايه يا بطة , بس ...... اني مش مرتاح

 

ايّووووووووه , في ايه يا يحيي ؟ انت كدة وغوشتني

 

الجدع اللي اسمه ادهم باشا ده عمل حاجة اني مش فاهمها ولا عارف هو ناوي على شر ولا ناوي على ايييييييه

 

في ايه يا يحيي , اني مش فاهمة حاجة

 

النهاردة روحت المينا عشان نسلموا على حبايبي وخصوصا الاستاذ احمد عشان كان واحشني اوي وربنا , المهم واني بنسلموا على عم رضوان لقيت ولا شراني كدة معاه مطوة وبيقول الفاظ ابيحة وعمال يتخانق والناس يحوشوه , الولا عامل زي الحيطة , طول بعرض ووشه كله اجرام والعياذ بالله , المهم بعد ما رجعت من المينا وروحت ع الشركة , بنحكي بحسن نية لأدهم باشا ع اللي شوفته في المينا , لقيته قالي هاتلي الولا ده عشان يلزمني

 

يلزمه !!!!!! ويلزمه في ايه الجدع الشراني ده !

 

 

ما هو ده اللي مخليني مش مرتاح يا بطة , ادهم باشا صاحب شركة استيراد وتصدير , ايه يخليه يشغل جدع زي ده معاه !!!!!!

 

خلاص , لا تروح ولا تجيبه ولا تدله عليه

 

 

اني روحت فعلا وجبتهوله , وقعدوا لوحدهم في المكتب يتكلموا زيادة عن نص ساعة , والولا خارج مبسوط وبيقوله هنعدي عليك الصبح اني والرجالة

 

رجالة ! رجالة ايه !!!!! بنقولولك ايه يا يحيي , انت تسيب الشغل مع الراجل اللي اسمه ادهم ده , اني بقيت نخاف منه وربنا , باين عليه كدة ناوي يمشي في السكك العوجة واني مش عايزاك تبقى زيه ولا تاكل من لقمته

 

يا بت دماغك ما تروحش لبعييييييد , اني ماليش دعوة بأي حاجة غلط بيعملها طالما بعيد عني , وطالما اني ما بنشتغلش معاه في حاجة حرام يبقى خلاص , سبحان الله , ادهم ده من طينة غير طينة الاستاذ احمد خالص ,رغم انهم اخوات , سبحان الله

 

انت قابلت الاستاذ احمد؟

 

ايوة يا بطة ههههه فرح اوي لما شافني وربنا وطلبلي حاجة ساقعة , وقالي فيك الخير يا يحيي جاي تسأل عليا , وفرح اكتر لما قولتله اني سميت ابني احمد على اسمه من حبي فيه ههههه واداني خمسين جنيي قالي خد دول لاحمد يا ابو احمد هههههه وقعد يدعيلي ويقولي ربنا يخليهولك ويباركلك فيه , يا سلاااااااااام الواحد بيشوفه بيبقى هاين عليه ما يسيبوش ابدااااا

 

ربنا يرزقه بالذرية الصالحة ويكفيه شر اعاديه

 

آمين يا بطة , امي اتعشت يا بت قبل ما تنام ؟

 

ايوة يا يحيي , اومال يعني هنسيبوها تنام من غير عشا !

 

طب اني هنقوم ننام اني كمان عشان تعبان اوووي

 

ايوة يا ريت تنام بدري عشان اني كذا مرة نصحوك تصلي الفجر ما ترضاش تقوم

 

معلش , ربنا يسامحني بقى , حاولي تصحيني النهاردة , تصبحي على خير

 

وانت من اهل الخير يا يحيي

 

 

 

 

 

مامي انا رايحة لطنط لولى عشان اهنيها بفوزها في الانتخابيات

 

هتاخدي معاكي روكي ؟ أأأأأأ اسفة حبيبتي , نسيت ان روكي العزيز مش لقينه

 

اهئ اهئئئئئئ يا مامي حرام علييييييييييكِ وجعتي ماي هارت بكل قسوووووووووة , لما نطقتي اسم روكي اهئ اهئئئئئئئئئئئئئئئئئئئ اااااااه يا رووووووووووووكي , يا ترى انت فين يا بوبوناية حياااااااتي يا شيكولاتة عمررررررري اهئ اهئئئئئئئئئئئئئئ ااااااااااه يا روووووووووكي اهئ اهئئئئئئئئئئئئئئئئئئئئئئئئئئئئ

 

حبيبتي مش تعملي في نفسك كددددددددددة , انا حاسة اننا هنلاقي روكي قريب اوووووووي , انتِ عارفة ان قلبي شفاف وبحس بكل حاااااااااجة , فاكرة لما باباكِ اتأخر علينا اوي اووووووي في مرة وقلقنا خالص خاااااالص وبعدين قولتلك انا حاسة ان باباكِ هيفتح الباب علينا دلوقتي بالمفتاح وفعلا حصل ؟؟؟؟؟؟

 

ايوة يا مامي , ده عشان سمعتي صوت كلاكس عربيته لما وصل الفيلا اهئ اهئ

 

حقيقي ؟؟ مممم سوري نسيت , اصل الموقف بقاله فترة كبيرة خالص , المهم يا روح قلبي اطمني , انا حاسة ان روكي قريب مننا خالص وكأنه عايش بينا , كأني سامعة هوهوته , هوووو هووووو هوووووو , سامعة يا سينو ؟

 

يا مامي انتِ اللي بتهوهوي يا ماااااااااامي اهئ اهئئئئئئئئئ

 

حقيقي !!!!! مممممم اصل بترجم اللي سامعاه في اعماق عقلي الباطن , وانا عقلي الباطن جواه كلب بيهوهو

 

 

اهئ اهئ مامي انا رايحة لطنط لولى , خلي دادة ميدا تاخد بالها من ايتن

 

هي ايتن لسة نايمة يا نسرين ؟

 

اهاااااا , باي مامي

 

باي يا قلب مامي , مسكينة حبيبتي , هتموت نفسها عشان روكي , يا ترى انت فين يا روووووكي

[هبة عبد العظيم نور 2042]

تسجيل اعترااااااااااض على تأخر الحلقااااااااااااااات

 

فينك يا هبة هنديكي مخالفة

 

اوعى ماتجيش خالص النهاردة :(

تسجيل اعترااااااااااض على تأخر الحلقااااااااااااااات

 

فينك يا هبة هنديكي مخالفة

 

اوعى ماتجيش خالص النهاردة :(

 

والله يا اختي كنت بعمل السمك , عقبال عندك يا رب

 

سيبته في الفرن والرز ع النار وجيت احط الحلقات , وان شاء الله دعواتك عشان اعمل السلطة قبل الراجل ما يجي ههههههههه

[هبة عبد العظيم نور 2042]

اذكروا الله يا حبيبات

 

 

 

[هبة عبد العظيم نور 2042]

اههههه هاي سينو حبيبتي بنت اختيييييي اموووووووه

 

هاي طنط لولى , جيت عشان اقولك كونجريتيوليشين على الانتخابيات

 

هههه وحد في الدنيا يهني حد وهو مكشر بالشكل ده !

 

اهئ اهئئئئئئ ازاي اضحك يا طنطي وروكي مش معاياااااا, مين عارف المجرمة اللي اخدته عملت فيه اييييييه اهئ اهئئئئئئئ ويمكن تكون اخدته ليها خالص ومش هترضى ترجعهولي اهئ اهئئئئئئئئئئئئ

 

حبيبتي لو عندها امانة اكيد هترجعه , انا حاسة ان هنلاقي روكي قريب

 

مامي عندها نفس الاحساس , غريبة اوي

 

ولا غريبة ولا حاجة , صدقي مامتك عشان قلبها شفاف

 

انتي شوفتي قلب مامي قبل كدة يا طنطي ؟؟؟؟؟؟

 

لا طبعا , مش ينفع , بس مامي بتاعتك رقيقة وبتحس بالمستقبل , سيبك من الكلام عن روكي ومامتك دلوقتي , انا عملالك مفاجأة تجننننننننننن , هتفرحك موووووووووت

 

مش في حاجة تفرحني غير رجوع روكي اهئ اهئ

 

ولا حتة الشغالة الجديدة ؟؟؟؟؟ ههههه

 

شغالة جديدة ! اخيرا لقيتي شغالة جديدة

 

حبيبتي الشغلات كتير , لكن انتِ عايزة شغالة مقيمة معاكِ باستمرار وكمان مش تقول عايزة اتجوزززززززز

 

وهي مش هتتجوز ؟؟؟؟؟؟

 

نووووو , هي كانت متجوزة وجوزها طلقها واتجوز واحدة تانية , وهي عندها بنتين متجوزين

 

واااااااااااااااااات !!!!!!!! انتِ هتجيبيلي شغالة قد جراند ما ؟؟؟؟؟؟؟؟

 

نووووووووو سينو , هي مش قد جراند ما , دي تقريبا عمرها حوالي 36

 

واااااااااااااات !!!! ازاي ستة وتلاتين وعندها بنات كبار متجوزين ؟؟؟؟؟؟

 

جوزت بناتها في سن ستاشر , وهي كمان اتجوزت سن ستاشر

 

دي جريمة طنطي جرييييييييييييمة

 

ليه جريمة سينو !!!!!

 

دول يعتبروا اطفاااااااااال

 

احنا مش لينا دعووووووة , اهم حاجة اننا لقينا شغالة سينوووووو

 

ممممممم وفين هي ؟

 

 

هتيجي كمان شوية , اهم حاجة كمان انها أمينة

 

أمينة ! امينة دي مامت صاصووووووو

 

نووووو , اقصد يعني مش حرامية , مش اقصد مامت صاصو , , لكن قوليلي ايه اخبار صاصو

 

مش اعرف عنه حاجة

 

ازاي نسرين !!!!!! ده جوزك

 

يا طنطي انا مش فايقانة لصاصووووو اهئ اهئئئئئئ انا حزينة على روكي حزززززينة اهئ اهئئئئئئئ عايزة اشوف رووووووووكي اهئ اهئئئئئئئئ عايزة روكي يا طنطيييييييي , انا حتى ايتن بنتي مش اعرف عنها حااااااجة , تقريبا مش بشوفها , دادة هي اللي بتتعامل معاها , مش فايقانة خاااااااالص انا حزينة خاااااالص اهئ اهئئئئئئئ روووووووووووووووووكي

 

اهئ اهئئئئئئ حبيبتي قطعتي قلبي اهئ اهئئئئئئئئ , قولتلك اطمني , هتلاقي روكي , اخبار رامي ايه

 

نووووووووووووو طنطي نووووووووووو , مش تجيبي سيرة راااااااااااامي , هو سبب في كل مأساويات حياااااااااااتي اهئ اهئئئئئئ هو اللي ضيع رووووووووووووووكي اهئ اهئئئئئئئئئ يا ريت كان هو ضاع وروكي رجع اهئ اهئئئئئئئئئئئئ

 

خلاص حبيبتي , مش تعملي في نفسك كدة , انا مقدرة احاسيسك الملتهبة بسبب غياب روكي , ممممم ما تغيري لون شعرك وتسريحتك وتحاولي تخرجي من المود الوحش ده

 

نوووووووووو طنطي نووووووووو , هروح لريمو يوم ما الاقي روكي , لكن طول ما روكي مش موجود مش هسرح شعررررررررررررررري اهئ اهئئئئئئئئئئئ

 

خلاص حبيبتي براحتك براااااااااحتك , اهدي يا روحي اهدي , انا خايفة يجرالك حاجة بسبب الحزن الفظيع ده مممممممم ما عرفتيش المدام اللي عارفة مكان روكي هترجع امتى

 

شوية اسبوعات وترجع او شوية ايامات اهئ اهئئئئئئئ تعرفي اني بروح هناك عند البيت بتاعها واسأل البواب كل شوووووية ويقولي لسة مش جم لسة مش جمممممممم اهئ اهئئئئئئ

 

طيب اهدي يا سينو , يا وداد , وداااااااااااااد

 

افندم مدام لولى

 

هاتي عصير كوكتيل لسينو

 

حاضر يا مدام لولى

 

 

 

تررررررررررررررررررررن ترررررررررررررررررررررررن

 

ردي ع التليفون الاول شوفي مييييين لو حد عايزني انا مش موجوووودة

 

 

حاضر يا مدام لولى

 

 

 

الو

 

ايوة , ممكن اكلم مدام لولى

 

لا , مش موجودة , مع السلامة

 

 

 

ترررررررررررررررررررررررررررررررررررررررررررن ترررررررررررررررررررررررررررررررررررررررن

 

افتحي الباب يا وداااد شوفي ميييييييين , برضو لو حد عايزني انا مش موجووووووودة

 

حاضر يا مدام

 

هو ايه بيحصل يا طنطي ! كل شوية تليفونات واجراسات بابات ليه ؟

 

تليفونات التهنئة كتيرة خالص يا سينو , زهقت منها جداااااا وكمان ناس كتير بتسأل عليا , شيء حقيقي مزعج

 

 

 

 

 

ايوة نعم , أي خدمة

 

كنت عايز اقابل الست النايبة ؟

 

نايبة !!!!!! ما تحترم نفسك يا بني ادم انتتتتتتتتتتت

 

الله ! مش هنا منزل الست لولى النايبة بتاعة الدايرة الانتخابية بتاعتنااااااااا , عضوة مجلس الشعب يعني

 

ايوة كدة اتكلم كويس , قول الست العضوة , مش الناااااااااايبة , نايبة دي تبقى شتييييييييييمة , حسن ملافظك يا استااااااااااذ , عايزها في ايه ؟؟؟؟؟؟؟

 

عندي شكوى , عايز اديها الاوراق دي وتشوف مشكلتي وتحلهالي

 

طب هات الورق

 

انا عايز اقابلهاااااااااااا

 

 

طب ادخل , اهي قاعدة جوا اهيه مع بنت اختها

 

 

متشكر

 

 

 

ايه ده !!!!!!! ايه الراجل ابو جلابية اللي داخل علينا ددددددده

 

مساء الخير يا هوانم

 

انشانتيه , انت مين ؟

 

مين فيكو النايبة ؟؟؟؟؟؟؟؟

 

نايبة !!!!!! انتِ نايبة يا سينو ؟

 

نوووووووو طنطي نوووووووو , انا مش نايبة , اكيد يقصدك انتِ

 

انا نايبة !!!!!

 

مش حضرتك الست لولى ؟؟؟؟؟؟ ايوة اكيد حضرتك , انا فاكرك من الصور اللي كانت متعلقة على المخبز الالي ومحل الجزم اللي في شارعنا

 

ايوة انا لولى , انت مين وعايز ايه ؟؟؟؟؟؟ انطق قبل ما اطلبلك البوليسسسسسسسس

 

بوليس !!!!! يا هانم انا جاي عندي شكوووووووى

 

طب وانا ماااااااالي

 

يا سلااااااااااااام , اومال كنتي بترشحي نفسك في الانتخابات ليييييييييييه

 

وانت مالك انتتتتتتتتتتتتتت , انت شريكيييييييييي , انا حررررررررررررة , انا اترشحت عشان بريستيجي واعماااااااااالي

 

يعني مش عشان الغلابة اللي زيي ؟؟؟؟؟؟؟ اومال الغلبان اللي زيي يروح فييييييييييييين ؟

 

وانا مالي اناااااااا , ما تروح الملاهي ولا تروح اللونا بارك , انت جاي تاخد رأيي هتتفسح فيييييييييين !!!!!! حاجة غريبة والله

 

والله العظيم يا شيخة حرام عليييييييييكِ , لما انتو مش قد الناس ومشاكلها , بتضحكوا عليهم ليه عشان ينتخبوووووكو

 

انتو ما انتخبتونيش ببلاااااااااااااش , انا وزعت عصير وعلب جيلي ومبارد ضوافر للمدامات بتوعكو قد كدددددددددة , يلا امشي برااااااااا يلا برااااااااااااااا

 

حسبي الله ونعم الوكييييييييل , كل شوية يجوا ناس يضحكو علينا عشان ننتخبهم اتاريهم بيخدموا مصالحهم مش بيخدموا الغلااااااااااابة

 

 

ايه الراجل العجيب ده يا طنطي !!!!!

 

مش تهتمي يا سينو , اعضاء مجلس الشعب بيعانوا كتير من الاشكال اللي زي ده

 

فين الشغالة اللي قولتي عليها يا طنطي , اتأخرت يا طنطيييييييي

 

تعالي نستناها برا في جنينة , بس الاول اهزأ وداد عشان دخلتلي واحد زي ده لحد الصالوووووووووون , وداااااااااااد انتِ يا ودادددددددددد

 

 

 

افندم مدام لولىىىىىىىىىىىى

 

 

انتِ ازاي يا بني ادمة انتِ تدخليلي واحد زي ده جوا الصالووووووووووون

 

الله ! مش حضرتك ايام الانتخابات كنتِ بتقولي انا منكم واليكم , واللي عنده شكوى ومالقنيش في مكتبي يجيلي لحد باب فيلتي ؟؟؟؟؟؟؟؟؟

 

 

يا غبية ده ايام الانتخابااااااااات عشان الناس يصدقوا اني هخدمهم وهعمل لصالحهممممممممم , فاضية انا للاشكال دي !!!!!!!

 

اسفة يا مدام

 

اوكيه , انا هقعد في الجنينة انا وسينو , اعملي اتنين قهوة مظبوط

 

امرك مدام لولى

 

 

 

 

 

 

 

 

اشربي القهوة يا سينو

 

اوكيه طنطي

 

سرحانة في ايه حبيبتي

 

في روكي , في عنيه اللي كلها حنان , في رقته , في نظراته اللي كلها اعماقيات واحساسيات

 

حبيبتي اللي يسمعك بتقولي كدة يفتكر انك بتتكلمي عن جوزك

 

نووووووووو طنطي نووووووووو , صاصو مش يشغل تفكيري , صاصو مجرد ديكور اجتماعي , دكتور وشكله امور , لكن لما تتكلمي معاه تكتشفي انه مليان عقدات نفسية , عايز ست تتفرغله وتقوله كلام حلو , ويعملوا حاجات قليلة ادددددددددب , شوفتي دناءات اكتر من كدة ؟

 

نووووو سينو بس ده جوزك حبيبتي وده حقه

 

انا بكره حياتي مع صاصووووو

 

عايزة تطلقي سينو ؟

 

نووووووو طنطي نووووووو , انا ست عقلانة وعارفة ان عندي اولاد ولازم يتمنشأوا بيني وبين باباهم , لكن لو اتطلقنا اخلاقيات الاولاد هتبوووووووظ

 

انتِ انسانة عظيمة نسرين

 

مش في حد بيقدر طنطي اهئ اهئئئئئئئئئئ

 

الشغالة جت اهيه هههههه

 

ايه ده ! دي شكلها مش متعلمة طنطي

 

 

وانتِ عايزاها متعلمة ليه ؟؟؟؟

 

عشان تعرف تتعامل مع ايتين ورامي

 

هههه طب ما انتي متعلمة ومش بتعرفي تتعاملي معاهم ههه وبعدين مش مهم , اهم حاجة انها تاخد بالها ومنهم ومن البيت ونضافته وخلاص يا سينووووو ولا انتي عايزة واحدة زي تيتي الشغالة القديمة تسيبك وتروح تتجوززززز

 

نووووووووو طنطي نووووووووو

 

 

السلام عليكم يا ست هاااااانم

 

هاي , اتأخرتي ليه ؟؟؟؟؟؟

 

يادوبك مسافة السكة , اصل المشوار هنا بعيد

 

طيب , اوكيه , دي نسرين هانم بنت اختي اللي هتشتغلي عندها

 

ههههه اهلا وسهلا ازيك يا ست نسرين , يا أرض احفظي ما عليكي

 

ايه ده ! هو انتي بتكلمي الأرض ازاي ! هي بتسمعك وترد عليكِ ؟

 

هههه لا يا ست هانم , انا قصدي يعني انك ماشاء الله حلوة وزي القمر

 

اهااااا , اوكيه , اسمك ايه ؟

 

انا صالحة

 

صالحة !!!!! لمدة قد ايه ؟ فين تاريخ الانتاج ؟

 

لا يا ست هانم , انا اسمي صالحة , ماليش تاريخ انتاج , صالحة على طول ان شاء الله

 

عندك فكرة عن تربية الاولاد ؟

 

هههههه فكرة وبس ! طب دانا متودكة على تربية الولاد

 

ايه متودكة دي !!!!

 

سينو حبيبتي اعتقد انها تقصد انها ماهرة في تربية الاولاد , مش كدة صالحة ؟؟؟؟؟

 

ههههه ايوة يا ست هانم , اسم الله عليكِ

 

معلش اصل نسرين قضت معظم حياتها في اروبا , عشان كدة مش تعرف طريقة كلامك

 

ههههه اهلا يا ست هانم , ربنا يعين مصر , هما ولادك قد ايه يا ست نسرين هانم ؟

 

عندي توينز , ايتين ورامي , رايحين سنة اولى السنة دي

 

بسم الله ماشاء الله , ربنا يخلي , يعني انتو عددكو في البيت اربعة , حضرتك والبيه والعيلين

 

ايه العيلين دول !

 

قصدي يعني القمرين ولادك , ربنا يخلي

 

اوكيه , انا هاخدك اوصلك البيت النهاردة وهجيب الولاد عشان اعرفك عليهم , وانا هنزل اروح النادي , اوكيه ؟

 

اللي تشوفيه يا ست هانم , الا هو البيه بتاعك بيشتغل ايه

 

دكتور

 

اللهم صل ع النبي , ماشاء الله عليه , ربنا يحفظهولك

 

اوكيه , يلا بينا , باي طنطي

 

باي يا روحي

 

 

 

 

 

 

 

 

 

 

 

ايه دددددده شايف اللي انا شايفاه يا عواااااااااااااد

 

في ايه يا فهيمة

 

دي الست نسرين مرات الداكتور رجعتتتتتتتت ومعاها بنتها , لكن مين اللي معاها دي ؟

 

 

باين عليها الشغالة الجديدة يا فهيمة

 

 

هاي دوددددددددي

 

اهلا يا ست نسرين , نورتي العمارة

 

ثانك يو دودي , هاي فيفي

 

اهلا يا ست نسرينننننن ههههه عاش من شاااااااااااافك , ليكي وحشة والله , ازيك يا ست ايتووووووون

 

نوووووووووو دادة فيفي نووووووو اسمي ايتيييين مش ايتوووووووون

 

ما تزعليش يا كتكوتة يا حلوة , اسمك صعب شوية , مين الست ددددددددددددي ؟

 

دي لولو الشغالة الجديدة يا فيفي

 

ازيك يا لولو

 

اهلا يا فيفي

 

انا ما اسميش فيفي , انا اسمي فهيمة , بس الست نسرين بتدلعني

 

وانا كمان ما اسميش لولو , انا اسمي صالححححححححة

 

وانا مالي صالحة ولا تاريخ الانتاج خلص , اتفضلي اطلعي ورا الست نسرين

 

اووووووووووف مين معطل الاسانسيررررررررر

 

اهو نازل اهو يا ست نسرين , هههه دي الست نوال مرات الاستاذ كمال اللي بيتخانقوا زي العيال

 

هاي مدام ني ني

 

اهلا يا مدام نسرين , رجعتي لجوزك ؟ انتي مش كنتي اطلقتي وريحتي دماغك ؟ ايه رجعك للغلب تاااااااااني

 

نوووووووووووو ني ني نووووووووو , انا مش طلقت صاصو , انا كنت مش لاقية شغالة , ولما لقيت لولو الامورة دي رجعت لبيتي , ايه اخبار خناقيايتك مع جوزتك ؟ وحشتوني كتيررررررر , اتعودت كل يوم اصحى على صوت فازة بتتكسر في حيطة , اوعي تكوني بطلتي خناقات عشان مش ازعل منك , حقيقي انتو كابل مسلي كتير

 

هما الرجالة بيتهدواااااااا , طبعا الخناقات شغالة طول ما عمايل الرجالة تجيب ضغطططططططط , عن اذنك يا مدام نسرييييييييييييين

 

باي مدام ني ني , يلا يا ايتن يلا يا لولو الاسانسير مستني

 

 

 

 

 

ممممم ادي العمارة اللي ساكنة فيها مدام نجلاء , اما اروح اسأل البواب رجعت ولا لسة

 

 

السلام عليكم

 

وعليكم السلام يا بيه

 

لو سمحت والله هي مدام نجلاء والدتها رجعوا من السفر ؟

 

راجعين يوم الجمعة ان شاء الله

 

ههههه اكييييييييد ؟؟؟؟؟؟؟

 

ايوة يا بيه , اخت مدام كوثر جت ومعاها الشغالة عشان ينضفوا الشقة وقالوا ان مدام نجلاء ومدام كوثر والدتها راجعين يوم الجمعة ان شاء الله , تحب تطلع تقابل اخت مدام كوثر ؟

 

ههههههه لالالالالا , انا هاجي يوم الجمعة عشان اقابل مدام نجلاء واقولها حمدالله ع السلامة , السلام عليكم

 

وعليكم السلام يا بيه

 

 

 

 

 

 

 

 

 

ههههههه ايه ده , هو انا وصلت عند العمارة بتاعتنا من غير ما احس ! ههههه الفرحة خليتني خدت الطريق طيرااااااااااان , ايه ده !!!!!! دي عربية نسرين مراتي , ممممم دي رجعت بقى , غريبة انها ما قالتليش , يا عوااااااااد

 

اهلا يا دكتور عصاااااام

 

اغسل العربية يا عواد , وخد دول عشانك

 

ربنا يخليك يا دكتورررررر , هخليهالك زي الفل

 

 

 

 

 

 

 

 

 

تررررررررررررررررررررررررررررررن ترررررررررررررررررررررررررررررررررررررن

 

 

افتحي الباب يا لولوووووووو

 

 

حاضر يا ست نسرين

 

 

ايوة ايوة جاية يللي ع الباااااااااب

 

ايوة يا بيه , مين حضرتك ؟

 

انا صاحب الشقة ان شاء الله , ممكن اعرف مين حضرتك ؟

 

هههه اهلا اهلا يا سعادة البيه الداكتووووووور , انا صالحة الشغالة الجديدة , لسة جاية النهاردة حالااااااا

 

اهلا وسهلا , دخلي الشنطة دي في اوضتي من فضلك

 

حاضر يا سعادة البيه , هدخلها واحط لحضرتك العشا

 

عشا !!!!! والله زمان , والواحد ما اتعشاش في البيت ده من ساعة ما تهاني الشغالة مشيت

 

بااااااااااااااااااابي هههههههه

 

اهلااااااااا ههههه ايتن حبيبة باااااااااااااابي , تعالي يا بنت هاتي حضن كبيررررررررررررررر

 

امووووووووووووووووووه ههههههه حبيبة بااااااااااااابي , وحشتيييييني

 

انا مخاصماك يا باااااابي

 

ليه يا رووووووووحي ؟؟؟؟

 

عشان انت مش كنت بتسأل عليااااااا

 

مممممم معلش يا روح بابي , مشغول في المستشفى ومع المرضى

 

طيب وانا يا بابي ؟

 

ههههه انتي حياتي يا ايتن امووووووووووووه هههههه وحشتيني يا شقية , فين مامي ؟

 

 

هاي صاصووووووووو

 

اهلاااااااااااا هههههه ازيك

 

نايس , هاو ار يو

 

كويس الحمدلله , رجعتي اخيرا ؟

 

مجرد ما لقيت شغالة رجعت

 

فين راااااامي ؟ ما جبتيهوش من عند امي ليه

 

انا زعلانة من الولد النوووووووووتي ده , خليه عند مامتك , كنت هعدي اجيبه ولما افتكرت اللي عمله في روكي , قولت وشرف روووووووووكي ما هيجيبه

 

شرف روكي ! هو روكي كمان عنده شرف ! , عن اذنك هنزل اجيب الولد , ومن فضلك تعامليه كويسسسسسسس , ده ابنك يا مداااااااااام ابننننننننننك

 

 

 

 

 

 

 

 

 

 

 

 

ترررررررررررررررررررررررن تررررررررررررررررررررررررررررررن

 

ميييييييييييين

 

افتحي يا امي انا عصام

 

عصاااااااام ههههه اهلا حبيبي

 

السلام عليكم يا امي هههه

 

وعليكم السلام يا حبيبي

 

نمتوا ولا ايه ؟

 

كنت لسة هنام انا ورامي

 

هو دخل سريره ؟

 

ايوة , ليه في حاجة ؟

 

نسرين جت ومعاها ايتن والشغالة الجديدة

 

ممممم طيب ليه ما عديتش عليا وهي طالعة ؟

 

معلش يا امي , حقك عليا , انا هدخل اخد رامي

 

مممم طيب يا عصام , على راحتك

 

 

 

 

 

 

 

رااااااااااااااااااامي هههههههه

 

هههههه باااااااابي وحشتنيييييييييي

 

وانت كمان يا حبيب بابي اموووووووه , يلا بقى يا حبيبي عشان نطلع شقتنا

 

نطلع شقتنا ! ليه ؟؟؟؟؟؟؟

 

مامي جت

 

مامي !!!!!!!!! لالالالالالا مش هطلع , انا عايز اقعد مع تيتة

 

حبيبي ما ينفعش , لازم تطلع عشان تعيش معانا ومع ايتين اختك حبيبتك , يلا يلا , قوم يا حبيبي

 

اهئ اهئئئئئئئ مش عااااااايز , يا تييييييييتة تيييييييييتة

 

في ايه يا رامي يا حبيبي

 

اهئ اهئئئئئئ مش عايز اطلع عند ماممممممممي

 

ممممم حبيبي معلش , عشان مامي ما تزعلش , وتقدر تنزل تقعد معايا زي ما انت عايز وفي أي وقتتتتتت

 

يلا يا رامي عشان نسيب تيتة تنام

 

اهئ اهئ اهئئئئئئئ انا هنزل الصبح افطر معاكِ يا تيتة

 

ههه وانا هستناك ع الفطار يا حبيبي وهضرلك كوباية اللبن كمان , اوعى تتأخر عليااااا

 

حاضر يا تيتة

 

 

 

 

 

 

 

 

 

 

 

 

 

ادخل يا رامي ههههه

 

رامي اخويااااااا هههههههه

 

ايتنننننننننننننن هههههههه

 

اموووووووووووه وحشتيني يا ايتن

 

وانت كمان يا رامي امووووووه

 

 

ازيك يا نووووووووووتي

 

مممممم هاي مامي , انا داخل انام يا بابي

 

طيب يا حبيبي , يا صااااااااالحة

 

نعم يا داكتووووووووووور

 

خدي رامي وايتن وديهم اوضهم وغطيهم كويسسسسسس

 

حاضر , ازيك يا سي راااااااامي ههههه ماشاء الله

 

انتِ مين

 

انا خدامتك الجديدة , اسمي صالحة

 

ازيك دادة صالحة

 

هههههه ربنا يخليك يا حبيبي , يلا تعالى عشان انيمك في اوضتك , يلا يا ست ايتين

 

 

 

مممممم حمدالله ع السلامة يا .......... يا مدام

 

ثانك يو صاصو , انا داخلة انااااااااااام

 

ههههههههه ليه كدة ! ما تخليكي مآنسانا , اوووووووووف , رجعنا لوجع القلب تاااااني , يلا , اهم حاجة الولاد يعيشوا في مكان واحد ممممم اما اتصل بهاني اقوله ان نجلاء جاية بكررررررررة هههههههههههه

 

 

 

 

ترررررررررررررررررررررررررن تررررررررررررررررررررررررررررررررررررررن

 

 

السلام عليكم

 

وعليكم السلام يا مدام رشا هههههه انا عصام من فضلك اديني هاااااااااااني

 

حاضر ممممممم هو ماله فرحان اوي كدة ! كل ده عشان نسرين رجعت !!!!!!! مممممم يا بختها , جوزها فرحان عشان رجعتتتتتله , انا متهيألي لو غبت عن هاني 150 سنة مش هيقولي وحشتييييييييييني , يا هااااااااااااااااااني

 

ايوة يارشاااااااا تووووووووء عايز انااااااااااااام عايزة ايييييييه

 

مش انا اللي عايزااااااك , اخوك الدكتور عصاااااااام

 

عصام ! طيب , هرفع السماعة وارد من عندي , مش عايز اقوم من تحت الغطا , السلام عليكم يا عصام

 

هههههههههههههههههههه وعليكم السلااااااااااااااااام , انا فرحااااااااان فرحان يا هاني فرحااااااااااااااااااان

 

هههههههههه ربنا يفرحك , كل ده عشان مراتك رجعت ؟

 

يا عم مراتي ايه انت كمااااااااااان , نجلاء جاية يوم الجمععععععععععة ههههه

 

هههههه روحت سألت عليها ؟

 

ايووووووووووووة , البواب اكدلي انها راجعة يوم الجمعععععععععة , هيكون احلى يوم جمعة مر عليا في حياااااتي هههههههههه

 

ههههه انت هتافتحها في موضوع الجواز ؟

 

ايووووووووووة طبعاااااااااا ان شاء الله , كفاية بقى الوقت اللي ضاااااااااااع , يوم الجمعة هروح واعملهالها مفااااااجأة هههههههههههه

 

طب مش المفروض تتصل تحدد معاد الاول

 

لالالالالالالالالالا هههههههه بقولك عايزها تبقى مفاجأة , اول ما تفتحلي الباب طبعا هتتفاجأ وتفتح بقها من الدهشة , انا بقى هروح قايلها تتجوزيني يا نجلاء ؟ هههههه طبعا هتضحك ووشها هيحمر وتقولي ادخل اطلبني من ماما هههههههههههههههههههه

 

هههههههههههههههههههههههههههههههههههههههههههههههههههه طب ما تاخد المأذون بالمرة عشان تكسب وقت

 

انت بتتريئ يا هاااااااااااني ؟؟؟؟؟؟؟

 

ههههههه يا عم انا هتريء ليه , على العموم مبروك مقدما

 

هههههههه الله يبارك فيك , يلا اسيبك تنام بقى , تصبح على خير

 

وانت من اهله يا عصام هههههههههه حاجة غريبة والله ههههههه إلا بقى لو فتحتله الباب وقالها تتجوزيني يا نجلاء راحت بصاله من فوق لتحت وقفلت الباب في وشه هههههههههههههههههههههههههههههههههههههههه

 

 

ايه ده يا هاني ! انت اتعديت من اخوك !!!!!! انت بتضحك على ايه وبتكلم نفسك ؟

 

ههههههه ولا حاجة يا رشا , تصبحي على خير يا حبيبتي

 

شوفت اخوك فرحان برجوع مراته ازاااااااااي ! نفسي اشوفك فرحان فرحته

 

هههههههه ما بلاش يا رشا ههههههههههههههههههههههههههههههههه اه لو تعرفي فرحان ليييييييييه , عن اذنك بقى عشان عندي شغل الصبح , تصبحي على خير

 

ممممممم وانت من اهله , هااااااااااني نسيت اقولك على حاااااااااجة

 

اووووووووووووف خير يا رشا ؟؟؟؟؟؟؟؟ خيررررررررررررررررررر

 

كنت عايزة اعزم بابا وماما على العشا يوم الجمعة

 

هو ايه حكاية يوم الجمعة ده ! ههههه ما فيش مشكلة , اهلا بيهم , يأنسوا ويشرفوا , تصبحي على خير

 

طيب مش هتعزمهم بنفسك ؟

 

حاضر , هتصل بعمي عبد المجيد اعزمه وهو يبلغ الست الوالدة , تصبحي على خير بقى يا رشااااااااا

 

وانت من اهله يا هاني ممممم اعمل ايه بقى على العشا لبابا ومامااااااااااااا ؟؟؟؟؟؟؟؟ مممممم اجيب ورقة وقلم واكتب واشوف الطلبات اللي محتاجاها

[هبة عبد العظيم نور 2042]

الحلقات يا بنات اهيه ويارب تعجبكو

 

اشوفكو بكرة ان شاء الله

 

عايزة تفاعل اكتر من كدة يا حلوين , ده اخر عمل ليا في المنتدى وعايزة افتكركو بحاجة حلوة هههههههههههههههه

[زهرة المنتدى1 27]

سمك اييييييييه يا هبة الساعة 12؟ ... انتو بتتغدوا الساعة 12 ولا ايه ؟؟ بس كدا الأكل يتعبك ياما مش تنامي على طول بعد الأكل ياقمر .. أكيد ظروف شغل جوووووزك ... والله ياهوبا شوقتيني لأكلة سمك معتبرة ههههههههههههه بالهنا والشفا يا حبيبتي

 

 

حبيبتي والله تسلم ايديك الحلقات أكتر من رائعة بس قصيييييييييييييرة اووووووووي

 

أدهم عايش الدور أوي عامل بيه وليه بودي جارد ومش واحد بس لأ عاوز تلاتة ... الله يستر من شرك

 

أحمد طيب وعلاقته بالناس رائعة بحسه انه نسمة كدا

 

ياترى يحيى هيفضل قلقان وساكت ولا هيعمل حاجة؟!! .. معليش يا يحيى ظلمتك وقولت عليك جاسوس :)

 

نسرين وعصام ولولي بصراحة مش قادرة أعلق عليهم ............. نو كومنت

 

اعقلي يا هبة وخليكي معانا احنا هنا علشانك وكمان لو روحتي في اي حتة هنيجي وراكي بس ابقي عرفينا طريقك :)

[~ محبة صحبة الأخيار~ 354]

حلقات رائعة ،جزاك الله خيراً ،

 

عصام سيخطىء للمرة الثالثة بزواجه في السر خوفاً علي منصبه.

 

أمانى أكيد ستفضحه في المستشفي إن هو طلقها وسيعلم أهله بموضوع زواجه الذي أخفاه عنهم

 

وأخيراً عادت نسرين لتتسبب لنا في ارتفاع الضغط ^^ .

 

سعاد أظنها ستتغير تجاه أحمد وتعامله بحب عندما يحدث أمامها حادث

 

كبير لأحد أولادها مثل سجن أدهم مثلاُ أو كشف زواج سامى علي أوسا

 

ساعتها ستعلم أن أحمد هو الوحيد بين اخوته الذى يعيش حياةً سوية

 

لحسن أخلاقه ولبره بها رغم جفاءها معه .

[ساره أم حمزه 1040]

فى اصحاب بيعملوا مع اصحابهم اكتر من الاخوات يعنى فى اصحاب بيكونوا احسن من الاخوات

محدش من اخوات احمد عزمه هو ومراته ولا حتى امه معزمتهوش

 

يحيي بيفكر ، بس انا بستغرب ناصر هما وافقوا يشغلوه فى المينا ازاى ؟ مكنوش يعرفو عنه الاول ؟

بس مرات يحيي كويسه ما شاء الله عليها بتخاف من ربنا وكمان بتعامل حماتها حلو

 

شطور يا رامى هههه مكنتش عايزاه يطلع فوق بس الشغاله صالحه دى شكلها عسوله كده وهتعاملهم كويس إن شاء الله

 

زهقت من نسرين دى وفقرتها بتبقى مش حلوه لما تكون مع زميلاتها او عمتها او امها

 

صحيح كنت ناسيه ان عصام مبيسألش على بنته ولا بيروح يزورها هى اللى فكرتنى

 

ايوة بالظبط يا هانى ياريت نجوى تعمل كده زى ماقلت ههههههه

 

طبعا النائبة دى معروف اللى بيعملوه إلا من رحم ربى

تم تعديل 11 نوفمبر, 2014 بواسطة سَارّه مُحَمّد

[أمة الرحمن الرحمن 68]

• عايزة تفاعل اكتر من كدة يا حلوين , ده اخر عمل ليا في المنتدى وعايزة افتكركو بحاجة حلوة هههههههههههههههه
  

رجااااااااااهبه نور

ماتفكرينا بالموضوع ده تانى

ليه كل شويه ماننسى تفكرينا :(

وربنا يقدر مافيه الخير ويرضينا به

كتييير من الوقت ممكن نكون محتاجين رساله من ربنا وممكن بموقف فى الروايه نجد وكأنها رساله ساقها الله الينا فى جمله او دعاء

(لا تحقرن من المعروف شيئا ولو ان تلقى أخاك بوجه طليق )او كما قال رسول الله

وحقيقى انا ممكن اكون داخله وحالى ماالله به عليم اخلص الحلقات بروح تانيه خاااالص

فانوى بادخال السرور على قلوب اخواتك وكله بثوابه

• 
   
  

تم تعديل 11 نوفمبر, 2014 بواسطة أمة الرحمن الرحمن

[رياحينو 205]

هههه حلقات جميلة ياهوبة

عايزة اعرف سعاد هتعمل ايه مع احمد

انتظرك بشوق متتاخريش وخلي حلقات بكرة طويلة عشان انت هتاخدي اجازة خميس وجمعة

[ام بشار وعبد 83]

اولا : سلمت يداك على الحلقات

ثانيا: مش مسموحلك انك تبطلي تكتبي او تنتقلي على منتدى تاني ، انت قلت فيه عمل آخر ونحن بانتظاره، والا بتكوني اخلفت بوعدك وهذه ليست من شيم المسلمين الملتزمين امثالك (ولا نزكي على الله احدا)

ثالثا: نسرين رفعت ضغطي

رابعا: يحيى الحمد لله انك ما خيبت ظني فيك

ادهم : الله يكفينا شر اعماله واعوانه

عصام: يصحح الخطأ بخطأ اكبر منه كل مرة، هو ايضا ليس والد صالح لم يسأل على بنته كما نسرين لم تسأل على ابنها، فلا فرق بينهما، نجلاء لن توافق على زواجها بالسر لا اظن انها ترضى ان تكون نسخة اخرى من "اماني"

[ام بشار وعبد 83]

اعتقد ان عصام سيلتقي مع نسرين عند نجلاء!!! فهي ايضا بانتظار نجلاء وتراقب عودتها كي تسألها عن روكي (ابو عيون كلها حنان)هههههههههههههههههههههه صحيح (العقل زينة)

[حواء أم هالة 1895]

السلام عليكم ورحمة الله وبركاته

أولا عايزة أقلك ليه حيكون آخر عمل في المنتدى يابت اخص عليك والله أحزنتني بجد : (أنا أعترض مش شغلي لازم تتحفينا بمسلسل جديد صح يا بنات

نرجع للحلقات

نسرين مش عارفة احيانا اشفق عليها لأنها فعلا مافيها م راوغة واا كبر لكن تربيتها الغلط هي السبب فهي تربت هكذا ومع انها غنية فهي تعامل الناس بتواضع وببراءة يعني هههه عكس رشا وعصام بدأ يعصبني بجد هو يظن ان كل النساء مثل بعض لكن نجلاء ست عاقلة وطبعا ستمانع وترفض وهي التي ستعلمه درسا قاسيا ستجعله يعيد التفكير و وستكون السبب في اصلاحه

يحيى طلع رجل اصيل ولا ينسى الجميل وأظن ان ادهم سيتخلى عن خدماته لأنه يحب الرجال الأشرار فقط وبلا ضمير وناصر منهم ههه لكن يحيى هو الذي سيكشف خططه

هياام سبحان الله ربي عوضها بإسويرة احسن من اللي كانت عندها واوسا حتضيع منها الاسويرة لسة على رأيي هههههه آه ضروري تضيع او تتسرق منها

اظن ان هياام حست بأن الفستان هدية من حماتها عشان كده عايزة تروح معه كي تخيرها وتشكرها : )

 

[ام افنان المغير 56]

السلام عليكم ورحمة الله وبركاته

كتبت رد طويل يمكن اول مرة اكتب مثله ولكن فجأة انطفأ الجهاز وانمسح كل شيء .

لعلي اعود مرة اخرى

لا انسى ان اشكرك على الحلقات السابقة

[ريحانة زوجي 63]

تسلم إديك يا هوووووبة

بس ليه يا هوبة مصره تمشي إحنا كدا كدا هنروح وراكي بس بارضه المنتدى هنا زي بتنا هههههه وواخدين راحتنا

حتى لو مرحتيش منتدى تاني هنجيلك لحد البيت بس إعمللنا حاجة حلوة

 

الحلقات جميلة ربنا يباركلك بس زوديها شواية ^_^

[ام افنان المغير 56]

جزاك الله خيرا وبارك فيك .وهذه العبارة انطقها من كل قلبي تاركة لربي مجازاتك على جميل صنعك .

تطلبين التفاعل ولكن لا استطيع التنبؤ عما سيحدث لانك دائما تذهليننا بما سيحدث مع ان الحلقات الماضية لا اشعر فيها بالاثارة ربما لانتهاء القضية .ولكن ننتظر زواج خالد وضحى والله يكفيهم شر ادهم .

تعلمين انني ادخل المنتدى لقراءة الحلقات ثم الخروج فلا تحرميني هذه اللحظات .استمري الى الامام وانت واثقة الخطى معتمدة على الله .

حاولت كتابة جمل مختصرة حتى لا ينطفئ الجهاز مرة اخرى

[ام افنان المغير 56]

افتقدك اختي ام العبادلة .

ليكون تركتي المنتدى انت كمان

[أمة الرحمن الرحمن 68]

مش عارفه ليه حاسه ان هيام هتكتشف انها حامل عند سعاد ويمكن ده سبب يلين قلب امه عليه وعلى هيام -_-

 

على فكره

انا بخمن ياهبه نور سيبينى اتفزلك شويه من نفسى :D

تم تعديل 12 نوفمبر, 2014 بواسطة أمة الرحمن الرحمن