خلف هذه الجدران

[أم عبدالرحمن وجنة 14]

حلقات راااااااااااااائعة ياهوبه

تسلم ايدك وافكارك ,ربنا يسعدك زى مابتدخلى السرورعلى قلوبنا

أم رشا حالتها صعبة ايه البخل والطمع ده

أتوقع مقابله جافة جداااااا من سعاد لاحمد وهيام

ادهم اتوقع له نهايه سيئه ربما السجن نتيجه لافعاله

منتظرين مفاجآتك على أحر من الجمرياهبة

[' أم آية' 667]

هبة نحن في اﻻنتظار

[' أم آية' 667]

أهئ أهئ اهئ

لس مفيش حلقات

[ساره أم حمزه 1040]

الحمد لله خلصت امتحاناتى النصفيه النهارده وقرأت الحلقات ^ــ^

 

حلقات جميله خصوصا الفقرة بتاعت رشا وهانى لما امها كانت بترن ع الباب ههههههههههه

بس ده من ضمن الحجات اللى تخلى هانى ايوة متعزميش امك بعد كده

دى طماعه كل ده اكل ومش عاجبها وعايزه كماااااان

انا اصلا مبحبش العزومات بسبب اللى بيحصل ده ان لازم تعملى كذا نوع من الاكل

وان بيعلقوا على العزومه لو حلوه ولا مش حلوه

انما احب لو انا عامله الغدا وحد عندى اعزمه ياكل معانا هو نوع واحد مش كل الانواع دى

 

ضحى متهيألى ادهم ممكن يتبلى عليها عند اهلها ويوريلهم المنديل مثلا

 

ربنا يستر على هيام واحمد انا خايفه على هيام وخصوصا لو كان ادهم هناك فى الفيلا بس احمد مش هيسكتله طبعا

 

يلا منتظرين الباقى إن شاء الله ^^

[راماس 860]

وعليكم السلام ورحمة الله وبركاته

عايزة تفاعل اكتر من كدة يا حلوين , ده اخر عمل ليا في المنتدى وعايزة افتكركو بحاجة حلوة هههههههههههههههه

قرأت الحلقات كلها انتهيت منها الان الحمد لله

عندي تعليقات كثيرة بس الجملة اللي حطيتيها احبطتني بصراحة

بس حاكتب عشان الست هبة ولو اني كنت ناوية ازعل وما اكتبش

حابتدي بأخر فقرة عشان لسة في بالي

اعتقد ان سعاد مش حاتعمل اي حاجة غلط بالعكس هي مبسوطة قلبياً ان احمد جاء هو وهيام عندها وحتى لو اتكلمت اي كلمة مزعجة اعتقد ان هيام بأخلاقها العالية ستجبر سعاد على السكوت

عادل خسارة فيه اسم وحش المينا وهو سايب مراته هكذا

هو ذات شخصية ضعيفة جداً أمام سعاد وضعفه هو اللي مقويها

المفروض كان يحاسبها لخروجها ومراقبته من دون أذنه من البيت

وتفضلي هذه الفتوى عن حكم خروجها من البيت دون أذنه

 

http://www.binbaz.org.sa/mat/19630

وايضاً هذه المواضيع عن حكم التجسس

 

http://akhawat.islam...howtopic=257355

 

http://akhawat.islam...howtopic=265953

 

وكمان طريقة كلامها عن جوزها مع شوقية طريق ست عديمة التربية الفاظها عن زوجها غير ملائمة ابدأ كلامه فيه قلة أدب وأحترام للزوج

هي أم وجدة المفروض يكون كلامها محترم وموزون ومهما كان الخلاف بينها وبين زوجها تحفظ لسانها ولا تتفوه بكلمة غير مهذبة عليه

 

وأشجان ضعفها يعطي سعاد القوة

يعني بصراحة من تصرفات عادل لا هو قادر يظبط سعاد ولا قادر على اشجان

وأشجان كمان مش عجبني طريقتها بمعاتبة بهير لانها خرجت مع نوال هذا نوع من الانانية

 

 

اوسا طماعة وطريقتها بأخذ الاسورة من زوجة اخيها لا تدل على على انسانة معدومة الاخلاق الطمع والمال عمى على قلبها والله المستعان .

واعتقد لو وصل الخبر لسعاد ستجبرها على اعادتها .

 

أدهم الله يستر من اللي ناوي عليه .

 

نسرين لا تعليق عليها ولا على تصرفاتها انسانة تافهة في الحياة ولكن هذه نتيجة التربية السيءة من قبل الاهل .

 

واعتقد صالحة حايكون ليها دور بأصلاح الاولاد نوعاً ما .

والست لولي اللي وصلت للنيابة الست النايبة أمثالها كثر في هذه الدول .

بس عجبني اللي وزعته على ستات الرجالة اللي انتخبوها ،

وكمان الشعب يستاهل بيجري ورا اشياء بسيطة بيقدمها المرشح وبينتخب وبالاخر المرشح يوصل ويقفل بابه .

 

 

عصام يا عصام

لسة لحد دلوقتي ما صحيش على نفسه

اعتقد انه حايخود صفعة من نجلاء تصحية صفعة مش على وشه، لا صفعة بالكلام حاتخليه يصحى هو بيعمل ايه

نجلاء ست صحيح مش عندها اولاد وتمسكت برامي ولكن اعتقد أنها ستصحي عصام من سباته العميق

وأماني مش حاتسكت على طلاقها وحاتعمل فضيحة في المستشفى والله اعلم

 

والدة رشا انسانة غير طبيعية بجد لحد دلوقتي انا ما قابلتش زيها يعني في نموزج منها ولكن مخفف شوية مش زيها

وهاني باله طويل والمصيبة رشا مش عارفة تحط حد سايقة الهبل

الا ايه اخبار طارق ؟

 

والدة باسم طماعة وضميرها نايم شوية

وباسم ورانيا غلطوا بأتفاقهم انهم يخبوا حقيقة مرضها عن اهله الظاهر ان والدته مش سهلة ولو عرفت ستحطم قلب رانيا والله اعلم .

 

عائلة امير عائلة مرحة طيبة تحببك بلمة العيلة

 

مرزوق وبناته

بصراحة انا متعاطفة مع دنانير لسبب واحد أن والدها لم يتصرف صح بخصوص موضوعها وردة فعلها عادية جداً

ودراهم يا ترى حاتقابل فاطمة او تتصل فيها متى؟

 

وعصمت يا البي على امها اللي حاتخليها على الحديدة !!

 

سلوى سبحان الله ابنة أختها صحت فيها كلامات مدفونة ولومها لنفسها جعلني اتعاطف معها

وبنت أختها جريئة جداً وطريقة كلامها مع والدتها غلط وامها للأسف مش عارفة تعلم بنتها همها البيت والمصروف

 

 

سلام بقى هوبة لو افتكرت حاجة تاينة دخلالك على طول

[ريحانة زوجي 63]

أتوقع أن سعاد هتتذكر كلام أحمد أنه عمره مشاف منها حنيه وتتراجع عن كبريائها

وأول ماتقابله ممكن تعمل زي ماسميرة قابلت أمير وتنسى غضبها

 

أدهم ممكن يكون ملبوس والله أعلم ممكن يجراله حاجة مش كويسة معرفش إيه هي بس هتكون دي نهايته

أعتقد إن عايدة هتنصب على سامي فى مبلغ كبير وتعلمه الأدب

 

مش عارفة إزاي أوسا هتكتشف زواج سامي من بداره بس نفسي تكتشف عشان تعرف إنها ولا حاجة

رغم إن بدارة صعبانة عليا بس سامي وتوحا يستهلوا

 

ممكن الدكتور طلعت يساعد خالد فإنه يهديه بشقة مثلا وحتى لو سددله ثمنها بالقسط

[ريحانة زوجي 63]

تقعاتي الجديدة

أن أدهم سيصبح شخصا طيبا بعد ما يشفى بالرفية

وأحمد هو الذي سيرقيه

مفتكرش يا أم أيه إن أدهم هيرضى إن أحمد يرقيه أساسا

وبعدين حتى لو حصل هو أدهم إيه اللي هيغيره يعني هو ملبوس منذ ولدته ههههههههه

[** أم المنذر ** 66]

السلام عليكم ورحمة الله وبركاته

 

حبيييييبتي هوبة اللي بتفتكرني وبتسأل عني

 

مبارح قرأت من الموبايل حلقات الأسبوع اللي فاتتني ولما شفتك بتسألي عني قلت لا وألف لا مش هرد من الموبايل لازم رد من اللابتوب لعيون هوبة

 

أنا غبت يا حبيبتي لإني كنت مريضة.. الحمدلله

 

 

حلقاتك رائعة

 

فيها أحداث تشفي الغليل مثل إن مرزوق يكلم بنته ويفهمها انه خايف عليها.. مهو فاهم انها في مرحلة مراهقة لازم يسايرها ويكسبها مش ممنوع وبس هي لانت لما تكلم معاها شوية وكان لازم يصبر أكتر وما يتعصبش عليها بسرعة في الحوار بس يلا ماشي كويسين الكلمتين اللي قالهم.

 

وفيها أحداث تخوف زي إن أدهم يجيب الولا المشكلجي ويكسبه لصفه بالفلوس طبعا وأنا خايفة يا إما يسلطه على رجالة المينا يفضل يثير المشاكل ويتعب دماغ أحمد أبوه ويمكن يوقعهم في مشاكل أكبر أو يسلطه على أي حد يقرب على ضحى واللي هو خالد المسكين.

 

وفيها أحداث تنرفز: زي عصام اللي شوية وتلاقيه فتح محل ستات دي للمنصب ودي للمتعة ودي للحنان.. ظلم إنو يفكر يطلق أماني بس هي بتستاهل لإنها ما بتهتمش بابنها!

ويا سلام لو نجلاء تعمل في عصام زي ما قال هاني.. خليه يعرف ان الفلوس ما بتعملش كل حاجة وتكون قوية ما ترضخ لرغباته مقابل حضانة رامي

 

وفيها أحداث تضحك: إن أم نسرين اللي اسمها صعب في عندها كلب في العقل الباطن بتاعها هههههههههههههه

وان روكي عندو أعماقيات وإحساسيات!!!

(بحس انك وانت بتكتبي كلام نسرين بتعيدي الحرف عدة مرات في الكلمة الوحدة وأحيانا كلامها بحتاج نتهجاه حرف حرف هههههه)

 

الملفت في معارف نسرين انهم زيها يعني مفيش حد بقلها لأ ده غلط وانت كده غلط

وأنا خايفة على آيتين لأنها بتتكلم بنفس طريقة أمها.

 

وإيه كماااان؟

 

سعاد وأوسا... أشوف فيكم يوووووووووووم

 

موقف والد رانيا انو أخر الموعد للشاب: الشاب مسكين ومظلوم بس التأخير أحسن حتى لو ما كان جزاء انو تأخر خليه يكون رفعًا لقيمة البنت عنده.. موقف أعجبني عمله والدي في زوجي O_o

 

أحمد وهيام رجعوني للمشاعر الأولانية بتاعة بحبِك وبحبَك.. <3

هو أحد الأسباب أتوقع في إن المتزوجين جديد بحبوا بعض انهم بحسوا في النعم اللي هم فيها..بس المتزوجين منذ سنين بينسوا..

لذلك قلت لزوجي إن أنا لما بحس ان مشاعري فترت اتجاهه بتخيل إنه مش موجود في حياتي وبعدين ظهر كأنها أول مرة وببدا أفكر في حسناته حسنااااااته بس وبقارن نفسي في اللي أقل مني.. اللي زوجها مثلا بيهينها ولا بيضربها ولا ولا ولا.. بحس بنعم الله علي في زوجي وبحمد الله أولاً وبيتجدد الحب ليه في قلبي ثانيًا.. فالحمد لله عجبته الفكرة وقلي ححاول أعمل زيك.

[** أم المنذر ** 66]

إيه رأيك في لهجتي المصرية بقى؟؟

 

مسلسلك غير انه ممتع ومفيد

 

خلاني أعرف كلمات مصرية أكتر وأتعود على اللهجة وصرت بكلم زوجي باللهجة المصري خصوصا بعد ما أخلص قراءة الحلقات وتلاقيه فتح الملف القديم (لأنه درس في مصر) وانطلق معايا.. حتى ابني تأثر بينا ههههههههههه

 

بالمناسبة هي إيه الموغات؟! :blush:

[رياحينو 205]

انت فين ياهوبة

انا رايحة عند ماما عايزة علي ما اوصل تكوني حطيتي الحلقات

وقد احزر من فزر :P

:( :( :(

[اعتز بالاسلام 126]

وحشتينى كتيييييييييييييير ياهوبه

جزاك الله خيرا وجعل ما تكتبين فى ميزان حسناتك

 

اولا الف مبروووووووووك على المناسبات الحلوة دى كلها

 

بالنسبه ل عادل طلع ضعيف جدا انا كنت فاكرة انه هيخلى اشجان هى اسكندرية عندا فى سعاد لما قالتلها لازم تمشى

واشجان كمان طلعت جبانة اووووى

 

 

اوسا بقى دى الجشع والحسد بعينه نهايتها هتبقى من جنس عملها

 

ادهم دا بقى بحس انه زعيم عصابه مش صاحب مكتب استيراد وتصدير اعوذ بالله كمان حاسه انه هيكون لابسه عفريت اللهم احفظنا

 

بهيرة واعتمادها على بنتها

الاخوات خلوا ضميرى يوجعنى اصلى بحس انها شبه مى بنتى بعتمد عليها فى حاجات شبه بهيرة

بس المفروض انها تتعلم كل حاجة

 

عجبنى اوى الجو الاسرى لما منال عزمت حماتها وقعدوا مع بعض يدردشوا بحب الجو الدافى ده

 

هيام واحمد ربنا يتمم فرحتهم ويحفظهم حاسه انها مش هتتم معاهم او انهم هايقابلهم منغصات ربنا يستر

 

عصام ده بقى هيفوق امتى ويرجع لعقله هايفضل متخبط كتير كده

 

اعتقد نجلاء ممكن توافق على الزواج ولكنها ستشترط ان يكون الزواج رسمى وبمعرفة زوجته واهله

 

رهف بقى عسوله بحب لهجتها كتير تحسيها ودوودة كده

 

باقى ميييييييين اه

حالد وضحى عايزين نفرح بيهم بقى احسن الواحد مرعوب من ادهم الشرانى ده

 

ريم ووليد مبرووووووووووووووووك

بس مش فاكرة حاجة تانى

الزهايمر وسنينه هههههههههههه

[هبة عبد العظيم نور 2042]

إيه رأيك في لهجتي المصرية بقى؟؟

 

مسلسلك غير انه ممتع ومفيد

 

خلاني أعرف كلمات مصرية أكتر وأتعود على اللهجة وصرت بكلم زوجي باللهجة المصري خصوصا بعد ما أخلص قراءة الحلقات وتلاقيه فتح الملف القديم (لأنه درس في مصر) وانطلق معايا.. حتى ابني تأثر بينا ههههههههههه

 

بالمناسبة هي إيه الموغات؟! :blush:

 

يا حبيبتي يختي , ازيك يا ام المنذر , منورة يا عسل

 

هو ما حدش قالك يعني ايه موغات !

 

ليه كدة يا بناتتتتتتتتت

 

معلش يا اختي , اقولك انا

 

هو مسحوق كدة يا اختي بس طبيعي يعني زي الحلبة المطحونة وبيعملوه بالسمن والسمسم وبيشربوه وطعمه حلو اوي بصراحة , بيعملوه للست اللي ولدت عشان له فوايد زي ما ذكرتها كدة

 

كنت وانا صغيرة احب ازور الستات الوالدين جديد عشان اشرب موغات هههههه

 

هدورلك على صورة على جوجل واحطهالك ان شاء الله يا عسل

[هبة عبد العظيم نور 2042]

وحشتينى كتيييييييييييييير ياهوبه

جزاك الله خيرا وجعل ما تكتبين فى ميزان حسناتك

 

اولا الف مبروووووووووك على المناسبات الحلوة دى كلها

 

بالنسبه ل عادل طلع ضعيف جدا انا كنت فاكرة انه هيخلى اشجان هى اسكندرية عندا فى سعاد لما قالتلها لازم تمشى

واشجان كمان طلعت جبانة اووووى

 

 

اوسا بقى دى الجشع والحسد بعينه نهايتها هتبقى من جنس عملها

 

ادهم دا بقى بحس انه زعيم عصابه مش صاحب مكتب استيراد وتصدير اعوذ بالله كمان حاسه انه هيكون لابسه عفريت اللهم احفظنا

 

بهيرة واعتمادها على بنتها

الاخوات خلوا ضميرى يوجعنى اصلى بحس انها شبه مى بنتى بعتمد عليها فى حاجات شبه بهيرة

بس المفروض انها تتعلم كل حاجة

 

عجبنى اوى الجو الاسرى لما منال عزمت حماتها وقعدوا مع بعض يدردشوا بحب الجو الدافى ده

 

هيام واحمد ربنا يتمم فرحتهم ويحفظهم حاسه انها مش هتتم معاهم او انهم هايقابلهم منغصات ربنا يستر

 

عصام ده بقى هيفوق امتى ويرجع لعقله هايفضل متخبط كتير كده

 

اعتقد نجلاء ممكن توافق على الزواج ولكنها ستشترط ان يكون الزواج رسمى وبمعرفة زوجته واهله

 

رهف بقى عسوله بحب لهجتها كتير تحسيها ودوودة كده

 

باقى ميييييييين اه

حالد وضحى عايزين نفرح بيهم بقى احسن الواحد مرعوب من ادهم الشرانى ده

 

ريم ووليد مبرووووووووووووووووك

بس مش فاكرة حاجة تانى

الزهايمر وسنينه هههههههههههه

 

مرحباااااااااااا

 

ايه الغيبة الطويييييييييييييييييييييييييييلة دي يا معتزة يا اختي ؟؟؟؟؟؟؟

 

كويس انك فتحتي موضوع ياسمين وبهيرة بالذات عشان انا مبقوقة من الاخوات وهطق وهطرشق من جنااااااااااابي

 

بهيرة مش محملة بنتها فوق طاقتها ولا حاجة , الست بتقول لبنتها اقفي جنبي عشان تتعلمي , واحيانا تقولها زي اي ام خلي بالك من الاكل اللي ع النار على ما اجي ( كانت امي بتقولي اقفي جنب البصلة لتتحرق ) ومع ذلك ما علمتنيش الطبيخ ههههههههه , علمتني وانا كبيرة في اولى جامعة كدة , يعني بعد ماشاب ودوه الكتاب هههههه

 

وسبحان الله علمتني قبل وفاتها بفترة بسيطة فبالتالي ما لحقتش تعلمني كل حاجة , ولحد دلوقتي هتججن على اكلات كانت بتعملها بطعم مميز جدااااااا ومش عارفة كانت بتعملها ازاي , حاولت كذا مرة ودخلت مواقع كتير لكن مافيش فايدة , الحمدلله بطبخ كويس جدا لكن بقول في حاجات عشان ما اتعملتهاش من امي ما لقيتش حد علمهالي

 

الكنافة مثلا عمري ما دوقت كنافة بيتي زي اللي ماما كانت بتعملها , مش تحيز لامي , لكن في مرة خالي قالي امك ما حدش بيعرف يعمل كنافة زيها ابدا , وقالي انا اخدت منها كن حتتة كنافة ودوقتها لواحد صاحبني انبهر بيها وقالي انا عمري ما دوقت كنافة بالشكل ده

 

وانا رغم اني بنتها ما اعرفش كانت بتعملها ازاي

 

قصدي من الكلام ان الأم لازم تعلم بناتها , كانت عندي مرة وانا في القاهرة قبل زواجي بنت صغيرة عندها حوالي ست سنين وكنت بعمل مكرونة بشاميل , قالتلي اقولك البشاميل بيتعمل ازاي ؟ فأنا ضحكت وقولتلها يا سلاااااااااام ! قالتلي والله انا عارفة , حطي السمنة وسيحيها على النار وحمري فيها الدقيق وبعدين حطي اللبن وقلبيهم ههههه انبهرت بالبنت ماشاء الله وقولت مامتها شطورة اللهم بارك بتعلم بنتها من صغرها ومع ذلك مدلعة البنت دي جداااااااا يعني مش بتضغط عليها ولا حاجة

 

 

وكمان بالنسبة لما بهيرة بتقول لبنتها خلي بالك من اخواتك , دي حاجة جميلة جداااااااا , بتعلم البنت الترابط والخوف على اخواتها وهما كمان هيحسوا بنفس الاحساس ناحية اختهم , ولا عاجبكو البيت اللي فيه اولاد ماليهم علاقة ببعض وكل واحد في حاله ومالوش دعوة باخواته

 

 

مظلومة يا بهيرة اهئ اهئئئئئئئئئئ هتلاقيها من حماتك ولا من سونسون ولا من الاخوات يختي اهئ اهئ اهئئئئئئئئ

 

انتظروني بعد قليل

 

معلش يا بهيرة خلاص بقى يا اختي حقك عليااااااا , ايوة ايوة فهمت الاخوات , خلاص بقىىىىىىىى , انتِ هتتشطري علينا احنااااااا , روحي اتشطري على حماتك ههههههه

 

الاخوات بيحبوكِ وانا كمان بحبك , اييييه ؟ انتي كمان بتحبيهم ههههه شكرا , هقولوهم

[هبة عبد العظيم نور 2042]

 

 

 

 

 

تن تن ست سعااااااااد , يا ست سعااااااااااااد

 

اييييييييييييييييييه , اني مش قولتلك طالعة نتخمدددددددددد

 

يا امّاااا !!!! معلش يا ست سعاد , اني قولت نلحقك قبل ما تنامي , سي احمد ومراته تحت

 

اييييييييييييييييييييييييييه !!!!!!!!! بتقولي ميييييييييييييييييييين ! ازاي البت دي تتجرأ وتيجي هناااااااااااااااااااااا

 

 

 

في ايه بس يا ست سعاااااد ! جاية هي وسي احمد عشان يزوروكِ

 

اني لا عايزاه يزورني ولا عايزة نشوفوا وشششششه , واذا كان عايز يجي يبقى ما يجيبش البت دي معااااااااااااه

 

ليه بس كدة يا ست سعاد ! في حد يقول كدة ! دا ابنك حبيبك ودي مراته , يعني زي بنتك

 

دي زي بنتي انييييييييي ! انتِ اتجننتي يا شوووووووووووقية , اني بنتي بنت اصول ومتربية ع العززززززز , ازاي تشبهي بت زي دي ببنتييييييييييي

 

لا حول ولا قوة الا بالله , طيب خلاص , البسي وانزلي قابليهم

 

....................................... ماشي , نقابلوهم ...... وماله , اوعي اما نطلعوا حاجة نلبسوها تليق باليوم ده

 

 

هنلبسوا العباية السودة دي , ناوليني ايشارب اسود نحطوه على رااااااااسي

 

يا لهوووي !!!!! لالالالا اوعي يا ست سعاااااااااد , الله يخليكِ اوعي تقابليهم بالسواد , ليه كدة بس توووووء حرام عليكِ دول لسة عرسان وقلبهم فرحان , تحزنيهم ليه يا ست سعااااااااد

 

لازم البت دي تعرف اني حزينة على جوازها من ابنيييييييييي ومش هنقلعوا السواد الا لما يطلقهاااااااااا

 

اعوذ بالله , استهدي بالله يا ست سعاد , وحدي الله , الله يخليكِ

 

اووووووووووووووف لا اله الا الله

 

عشان خاطري يا ست سعاد بلاش تنزلي بالعباية السودة الكئيبة دي , انتِ مش من عادتك تقابلي حد بيها , تقومي تقابلي بيها سي احمد الغلبان ومراته ! هو على طول مالوش حظ معاكِ كدة ؟؟؟؟؟؟؟؟

 

 

....................................................................................... طلعيلي أي عباية من الدولاب وخلصينننننننني

 

حاضر , حاضر يا ست الستات يا ام قلب زي اللبن الحليب هههه , خدي يا ست سعاد العباية الحرير البمبى الجميلة دي , وكمان خدي التوكة البمبى اللي بتلبسيها عليها , بتبقي قمر منور ليلة اربعتاشر في العباية دي ههههه

 

هاتي يختي , بلا قمر بلا شمس , اهو يوم ويعدي

 

 

اني هنسبقوكِ عشان سايباهم لوحدهم ههههه , متتأخريش يا ست سعاد

 

 

 

 

 

 

 

 

 

 

 

 

 

اهلا وسهلا يا سي احمد ههههه منورة يا ست هيااااااام

 

ده نورك يا خالتي شوقية , ربنا يخليكِ

 

هي امي اتأخرت كدة ليه يا خالتي شوقية

 

نازلة على طول , اصل اني طَلَعت لقيتها نايمة شوية وصحيتهالك

 

وصحتيها ليه بس ! كنا مشينا وجينا وقت تاني

 

ايّووووووووووووه , يعني هي هتصحى لاعز منك ومن الست هيام يا سي احمد !

 

ههه تعيشي يا خالتي شوقية , الله يجبر بخاطرك , اهي امي نازلة اهيه يا هيام

 

ياااااااه , دي امه ! شكلها جميل اوي ومش باين عليها سن ماشاء الله , بس هي مالها نازلة بكل كبر كدة ومش باصة علينا ! اني قلبي بقى يدق اكتر , ربنا يستر , شكلها مش مبسوط بوجودنا

 

 

 

 

 

 

 

 

مساء الخير

 

مساء النور يا امي , ايدك ابوسها امووه , ازيك يا امي

 

ازيك انت

 

دي هيام مراتي يا امي

 

 

....................................................

 

 

أأأأ ازيك يا ..... أأأأأ يا ...... ازيك يا طنط

 

 

.................................................... شوقيييييييييية

 

نعمين يا ست سعاد

 

شوفي احمد يشرب ايه

 

, تشرب ايه يا سي احمد

 

أي حاجة يا خالتي شوقية

 

تشربي ايه يا ست هيام يا ست العرايس

 

............................. شكرا يا خالتي شوقية , اني مش عايزة نشرب حاجة

 

ايّوووووووووه , ودي تيجي يا بنتي ! اني هنجيبلكو اتنين عصير متلج ههههه

 

 

ازيك يا امي

 

كويسة ............. انت عامل ايه

 

اني بخير طول ما انتِ بخير

 

اخبار الشغل ايه معاك ؟

 

الحمدلله يا امي , دعواتك

 

 

.................................................

 

 

 

العصير يا عرسان يا حلووووووووووووين هههههه اتفضل يا سي احمد اتفضلي يا ست هيااااااااااام

 

متشكرين يا خالتي شوقية , اشربي يا هيام

 

............................... ماليش نفس يا احمد

 

 

ست سعاد هاتي ودنك

 

عايزة ايه

 

انتِ ما بتكليميهومش ليه ! انتِ قاعدة ساكتة وسي احمد مش لاقي حاجة يقولها والست هيام يا عيني قاعدة مستنية منك كلمة تبل ريقها

 

 

ايّوووووووووووه , عايزاني نقولولها ايييييييه

 

يختي قوليلها اهلا وسهلا , ازيك عاملة ايه , كدة يعني , دانتِ حتى مش باصة عليها ولا كأنها موجودة دي ضيفتك وجوا بيتك

 

 

......................... ما حدش قالها تيجي

 

 

اووووووف , منورة يا ست هيام

 

متشكرة يا خالتي شوقية

 

 

امي , ازي خالتي توحا

 

كويسة

 

بتيجي تزورك ؟

 

ايوة

 

 

مممممم طيب كويس

 

أأأأ ازيك يا طنط , انتِ مش هتيجي عندنا عشان تنورينا ؟

 

..................................................... شوقية اتصليلي بأوسا عشان نسألوها على نورهان عشان كانت سخنة

 

سخنة ايه وساقعة ايه بس يا ست سعاد ! خليكِ في الشابة الغلبانة اللي بتجر معاكِ كلام ولسانها زي السكر وانتِ ولا معبراهاااااااا

 

خليكِ في حااااااااالك

 

اعوذ بالله من غضب الله

 

 

طيب يا امي , نستأذن احنا

 

..................... ما انت قاعد

 

لا معلش , يا دوب نمشي , مش عايزة حاجة يا امي ؟

 

لا .............. شكرا

 

العفو , يلا يا هيام , السلام عليكم

 

 

مع السلامة يا سي احمد , وعليكم السلامممممممم , مع السلامة يا ست هيااااااااااااام , بقى دي مقابلة برضو يا ست سعااااااااااد ! والله كدة ما ينفع , دانتي حتى ما هان عليكِ تقوليلهم اقعدوا تغدوا وخصوصا ان الست هيام اول مرة تيجي

 

شوقييييييييييييية , قولتلك ما تتدخليش في اللي مالكيش فييييييييييه , اجري اعمليلي كوباية شيّ وشغليلي الهباب التليفزيون خليني نشوفوا حاجة عدلة نتفرجوا عليهاااااااااا

 

حاضر يا ست سعاد , والله عمايلك انتِ اللي تستاهل الفورجة , بقى حد يعمل كدة يا اخواتي ! ده لو يهود كانت قابلتهم احسن من كدة , عيني عليك يا سي احمد , وعيني عليكِ برضو يا ست هيام , باين عليها محظوظة زي جوزها , والله لولا سي احمد عارف ربنا كانت اتبرا من الولية امه دي من زمان , ده ايه المرار ده

 

 

كل ده بتفتحي التليفزيوووووووووووووون

 

اهو اهو , فتحته , تعالي اتفرجي يا ست سعااااااااااااد

 

عملتي الشييييييييييييييّ ؟؟؟؟؟؟؟؟

 

هنعملووووووووووه

 

ما تحطيهوش في كوباية

 

اومال نحطوه في ازازة ؟

 

حطيه في فنجان

 

بس انتِ على طول يا ست سعاد بتحبي تشربي الشيّ في كوبايات ازاز

 

مزاجي كدة , عايزة نشربوا الشيّ في فنجان النهاردة , هتشاركيني في مزاجي !

 

اني لا عايزة نشاركك في مزاجك ولا عايزة نشاركك في عيشتك , اني عايزة نطفششششششش , حاضر يا ست سعاااااااااااد , رايحة نعملوا الشيّ ابو فنجاااااااااان , اني مش عارفة ايه مزاج الست دي في انها بعد ما تنكد على خلق الله تشرب شيّ !!!!!!

 

 

 

 

 

 

 

 

 

 

 

 

ايه يا هيام يا حبيبتي , بقالنا ربع ساعة من ساعة ما رَكَبنا العربية وانتِ ما بتتكلميش , مالك يا حبيبتي ؟

 

 

...................... مافيش حاجة يا احمد

 

ههه متضايقة من مقابلة امي , مش كدة ؟

 

اهئ اهئئئئئ صعب عليا نفسي اوي يا احمد اهئ اهئئئئئئئ دي حتى ما ردتش عليا السلام

 

هههههههههههههه يعني شوفتيها اول ما نِزِلت وشافتني خدتني بالحضن وقعدت تزغرت ؟ هههه

 

هههههههه

 

هههههههه ايوة كدة اضحكي يا شيخة فكيها , وبعدين مش انتِ اللي قولتي عايزة اروح معاك؟

 

توبة من دي النووووووووبة , اني مش رايحة معاك تاااااااااااني

 

هههه على راحتك يا حبيبتي , هي دي بقى امي يا ستي , إيييييييييييييييييييييه , دي بقى اللي عشت عمري نتمنى نسمعوا منها كلمة حلوة ولحد دلوقتي بنتمنى تاخدني في حضنها بس باين اني هنموتوا قبل ما نشوفوا اليوم ده هههه

 

بعد الشر عليك يا احمممممممممد اهئ اهئئئئئئئئ دي كلمة تقولها , يا اخي حرام عليك اهئ اهئ اهئئئئئئئئئئئئ

 

ههههههه بتخافي عليا يا هيومة ؟ خايفة في يوم ما تلاقنيش؟؟؟؟؟؟

 

بس يا احممممممممد بس ابوس ايدك اهئ اهئئئئئئئئئئئئئئئئ اني نتمنى نموت ولا يجي يوم ما نلقيكش جنبي , نعيشوا نعملوا ايه من غيرك !اهئ اهئ اهئئئئئئئئئ

 

هههه بحبك يا هيومة

 

واني زعلانة منك عشان قولت كلام وحش ما نحبش نسمعوه

 

ههههه مش هنقولوه تاني , هااااااا مش هتقولي كلمة حلوة بقى

 

ههه بحبك يا احمد

 

ايّوووووووووووووووووووووووووه هههههه ايوة كدة يا شيخة

 

هههه

 

ايه رأيك نروحوا عند امك نتغدوا معاها ومع خالد ؟؟؟؟؟؟؟؟

 

هههه ماشي يا احمد , دي ماما هتفرح اوي

 

طيب , نعدي ناخد غدا معانا من أي مطعم

 

لالالالا اوعى يا احمد , ماما بتزعل والله , بتقول يعني احنا مش هنلاقي لقمتكو !

 

اني بس بنقول انها اكيد مش عاملة حسابنا يا هيومة , مافيش داعي نتقل عليهم

 

لالالا يا احمد , معلش , مش كل مرة ناخدوا اكل , ماما بتزعل والله

 

مممممم النهاردة الجمعة يا بنت الحلال وعايز ناكل لقمة حلوة , اني خايف نروحوا نلاقوا امك مش طابخة هههه

 

هههههه يا سلام ! النهاردة الجمعة وعايز تاكل لقمة حلوة ! اومال الاكل اللي بنعملهولك طول الاسبوع ده ايه !

 

ممممم الاكل اللي بتعمليه طول الاسبوع ده شهد وسكر , اني عايز النهاردة طبيخ بقى هههه

 

ههههههههههه هو اني هنغلبوك في الكلام ! ان شاء الله تكون ماما طابخة , وحتى لو اكلنا أي حاجة وخلاص هناك نعتَبَرها تصبيرة لحد ما نروح البيت ونعملولك اللقمة الحلوة اللي نفسك فيها ههههه

 

هههه ماشي يا هيومة , طب استني نوقفوا العربية هنا ناخدوا كام كيلو فاكهة

 

ماشي يا احمد

 

 

 

 

 

 

 

 

 

 

 

 

 

ترررررررررررررررررررررررررررررررررن ترررررررررررررررررررررررررررررررررررررررررن

 

شوف مين ع الباب يا خاااااااالد

 

 

حاضر يا امي ,تلاقيها واحدة من الجيران جاية تتونس معاكِ ههههه حتى يوم الجمعة ما حدش بيسيبنا في حالنا

 

هههه يا ولا وماله يا ولا , اني عشرية ونحبوا الناس , اهم جيراني واخدين بحسي ومنونسني , بكرة انت كمان تتجوز وتسيبني ويبقى ماليش الاهمااااا

 

هههههه مش هنسيبوكِ يا ام خالد , كل يوم والتاني هتلاقيني عندك , ايوة ميييييين

 

ههههه افتح يا اخو مراتي

 

ههههههه اهلاااااااااااا ازيك يا جوز اختي هههههههه ايه المفاجأة الحلوة دي يا صاحبي

 

الله يخليك ههههه , خد الفاكهة دي

 

وليه التعب ده بس ! ههههه

 

هههه حاجة بسيطة

 

ازيك يا هيووووووووومة وحشتيني

 

هههه يا سلام يا سي خالد , بقالك اربع ايام بحالهم ما سألتش عليااااا , من ساعة اخر مرة اتصلت ما سَمَعتش صوتك تاني

 

معلش يا حبيبتي والله انشغلت شوية , بس والله كنت ناوي نيجي نزورك النهاردة , لكن انتِ سبقتي ههههه ادخلي يا هيومة , منور يا صاحبي

 

بنورك يا خالد , فين امي

 

 

اهلا اهلا ههههه ازيك يا احمد يا ابني وازي احوالك

 

الحمدلله يا امي ههههه

 

ازيك يا هيام يا حبيبتي امووووووووووه

 

ههههه ازيك يا ماما يا حبيبتي وحشتيني وحشتيييييني

 

يا بت يا بكااااااشة ههههههه اني كنت عندك من يومين

 

برضو وحشتيني يا ماما اموووووووووووووووووووه

 

هههه باستك العافية يا حبيبتي

 

جينا نتغدا معاكو يا امي ههههههه

 

يا مرحب يا ابني , لسة من شوية كنت بنقولوا لخالد نغرفولك , قالي لا مش جعان , خليها بعدين يا امي , قولت خلاص لما يبقى يجوع نبقى ناكلوا سوا , لكن طالما جيتوا يبقى نتجمعوا كلنا ونتغدوا سوا هههه

 

ههههه طابخة ايه يا امي

 

طابخة يا سيدي شوية قلقاس باللحمة يستاهلوا بقك وجنبهم رز ساقياه بالشوربة انما طلع زي العسسسسسسل هههه

 

هههههه انت كل طبيخك زي العسل يا امي

 

تعيش يا حبيبي , يلا يا هيام يا حبيبتي تعالي معايا المطبخ نغرفوا الاكل واعملي طبق سلاطة , كل حاجة عندك مغسولة وجاهزة ع التقطيع

 

حاضر يا ماما , عن اذنك يا احمد عن اذنك يا خالد

 

اتفضلي يا هيومة يا اختي يا قمر انتِ ههههه ازيك يا صاحبي

 

ازيك انت يا خالد , ما حدش عارف يتلم عليك ليه زي زمان ؟

 

اني برضو ! ههههه انت اللي من ساعة ما اتجوزت والواحد قرب ينسى شكلك

 

هههههههههه اصل والله بنخلص الشغل ونروحوا البيت عشان طول النهار سايب هيام لوحدها , وكذا مرة نقول في نفسي نعدي عليك بس بنقولوا لا , مراتي اولى بوقتي هههههههههههههه

 

ههههههههه نحيك على صراحتك , على العموم بكرة اني كمان نتجوز ومش هتشوف وشي تاني

 

ههههههههههه ايه يا بني , هو الجواز نهاية الصداقة ولا ايه

 

بعد الشر , اني ما نستغناش عنك يا احمد وربنا , اني بس بنهزر , وبعدين يا سيدي اهتمامك باختي ده بيخليني نحبك اكتر

 

الله يخليك ويسعدك يا خالد

 

 

 

 

 

 

خدي قرن الفلفل ده قطعيه مع السلاطة يا هيام

 

حاضر يا ماما

 

مالك يا حبيبتي ؟ عنيكي مش فرحانة ليه كدة زي ما بنشوفوكِ كل مرة؟

 

ابدا يا ماما

 

ممممم عملتي ايه عند حماتك

 

.......... ولا حاجة , عادي

 

قابلتك ازاي

 

قابلتني ! لا قابلتني ولا حاجة , اعتبرتني ولا كأني موجودة , حتى لما كنت بنكلموها ما كانتش بترد عليا , تعرفي يا ماما , كان اهون عليا انها تزعقلي , تطردني حتى , ولا انها تتجاهلني كدة وكأني مش بني ادمة اهئ اهئ اهئئئئئئ

 

بس يا حبيبتي ما تقوليش كدة , بس بلاش عياط دانتي عروسة في عز فرحتك , احمد طول عمره يقول ان طبعها قاسي , يعني المفروض انتِ رايحة وعارفة اللي هيحصل

 

.............................. ما تخيلتش كدة يا ماما , اني كنت فاكرة اني لما نروحو لحد عندها هتقدّرني , لكن بالعكس , حسستني اني مش فارقة معاها من اصله

 

معلش يا حبيبتي , بكرة ان شاء الله لما ربنا يرزقك بحتة عيل كل حاجة هتتغير , اعز الولد ولد الولد يا حبيبتي , ممممم وانتِ مافيش حاجة جاية في السكة يا هيام ؟

 

لا يا ماما

 

معلش , لسة بدري , احمد سألك ولا حاجة ؟

 

لا والله يا ماما , حتى لما عرف ان مافيش حمل الشهر اللي فات ما زعلش ولا قال أي حاجة , بالعكس , شافني متضايقة قالي تعالي نخرج يا هيام نتعشى برا , وخدني وفسحني وقضينا يوم حلو اوي

 

ربنا يحلي ايامكو يا بنتي ويكفيكو شر بلاوي الدنيا اللهم آمين

 

آمين يا ماما

 

 

الاكل يا هياااااااام , جايباني عند امك تجوعيني ولا اييييييييه هههههه

 

هههه حاضر يا احمممممممد , جاية اهو , خلي خالد يفرش المفرش ع السفرااااااا , يلا يا ماما عشان احمد جاع هههههه

 

هههههه خدي يا حبيبتي ودي الصحون دي واني جاية وراكِ , نورتينا انتِ وجوزك يا حبيبتي ههههه

 

تسلميلي يا ماما , دايما تخففي عني , ربنا ما يحرمني منك اللهم آمين

[أمة الرحمن الرحمن 68]

لا انا بقى شايفه انها بتتشطر على ياسمين اوووووى

ماتخلى البنت تعيش طفولتها وبكره تيجى الايام وهتلاقى المسئوليات نازله عليها بالمطر

وكمان البنت وراها مذاكره يعنى هيه هتتشغل بايه ولا بايه :( :(

انا بكره الامهات ال بتحمل بناتها بدل ماتسيبهم بحريتهم يعيشوا طفوليتهم

[هبة عبد العظيم نور 2042]

لا تنسوا ذكر الله يا حبيبات

 

 

 

 

 

 

 

 

 

 

سبحان الله

 

الحمدلله

 

لا اله الا الله

 

الله اكبر

[آلآء الله 269]

حلقات قصيرة جدا وتوضع على فترات متباعدة

 

تسجيل اعتراض :( :(

[هبة عبد العظيم نور 2042]

انا نازل انا وعمي عبد المجيد نصلي العصر يا رشا , عايزة حاجة ؟

 

لا يا حبيبي شكرا

 

يلا يا عمي

 

يلا يا هاني يا إبني , توكلنا على الله

 

استنى يا بابااااااااا استنى يا جدو , خدوني معاكووووووووووو

 

هههه تعالى يا عبد الرحمن هات ايدك

 

يلا يا بابا , السلام عليكم يا مامااااااااا

 

وعليكم السلام يا عبد الرحمن

 

 

ابنك بقى يصلي ماشاء الله

 

مش دايما يا ماما , هو بس بيتأثر لما بيشوف باباه رايح يصلي , غير كدة قاعد ع الكمبيوتر بيلعب جيمز او بيشوف افلام رعب هو ومنة

 

 

ايوة يا تيتتتتتتتتة , احكيلك فيلم الرعب اللي شوفناه امبارررررررررح

 

انتِ طلعتي منين ! لا , ما تحكيش

 

انتِ بتخافي يا تيتة ؟

 

ايوة بخااااااااااف

 

هههههه هو في ست عجوزة بتخاف

 

عجوزة في عينك بنت قليلة الادب , شايفة بنتك يا رشا ؟

 

عيب يا منة , حد يقول لتيتة انها عجوزة ! تيتة لسة صغيورة

 

هههه لسة صغيورة وهتروح معايا الحضاااااااانة , انا هخوفك يا تيتة , هروح اطفي النور واقولك عو وانتِ تخافي وتعيطي ههههههههه

 

بس يا بنت يا هبلة انتتتتتتتِ تووووووووء وبعدين يارشا , البنت طفت النووووووور

 

عووووووووووووو يا تيتة , انا العو اللي هياكلك همممممممممممم

 

يا بنت افتحي النووووووووور , طب لما يجيلك بابااااااااكِ

 

بس يا منة وبعديييييييين , والله شكلك هتضربي النهااااااااااردة

 

 

هو انا عملت حاجة ! ايه الناس الوحشين دول !

 

 

ترررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررررررررررررررررررررررررن

 

 

 

ردي ع التليفون يا منة شوفي ميييييييييين

 

حاضر يا مامتي

 

الوووووووووووووووووووووووووووووووووووو

 

ههههه اهلا حبيبتي ازيك يا منة , انا خالتو دعااااااااااااء

 

خالتو دعاااااااااااء ههههه ازيك يا خالتو وازي صلاح ورغددددددد

 

ههههه بيسلموا عليكِ يا روح قلبي , وحشتيني يا منة , نفسي اشوووووووفك , طولك بقى قد ايه يا بنت

 

انا بقيت طويلة اووووووووووووووووووي اطول من مامااااااا

 

ههههههه هي ماما فين يا حبيبتي

 

ماما في المطبخ وتيتة عندنا

 

والله ! ههههه اهاااا عشان كدة اتصلت هناك ماحدش رد , طب اديني ماما يا روحي

 

حاضر يا خالتو , ماماااااااااااااااااااا

 

ايوة يا منة ايوووووووووووووة , ااااااااااااه ايدي اتلسعت من الفررررررررررررن توووووووء اوووووووووووف , اما اروح اشوف في ايه

 

 

ايوة يا منة مين ع التليفون

 

دي خالتو دعاء يا ماما , انتِ بتدعكي في ايدك ليه

 

اتلسعت من الفررررررررررن

 

يا عيني ! معلش يا ماما , انا هروح اطفي نور المطبخ واخوف الفرن عشان لسع مامتي , عو يا فررررررررررن

 

 

 

 

 

 

الو ازيك يا دعاء

 

هههههه رشا حبيبتي وحشتيييييييييييني

 

انتِ اكتر يا حبيبتي , ازيك وازي ولادك وجوزك

 

كويسين اوي يا رشا , نفسي اشوفك يا رشا

 

هنعمل ايه بس ! مش جوزك اللي مش عايز يجيبك ! زي ما يكون خدك هناك عشان يقطعك عن اهلك , بني ادم ما عندوش رحمممممممممة

 

لالالالا طارق معذور , مش قادر يتقبل نفسيا انه ينزل مصر ولو زيارة لأيام , عنده حالة نفسية فظيعة , تتخيلي لما بجيب سيرة مصر بيقعد يهرش في كل جسمه بطريقة هستيرية !

 

يا مامي ! ايه ده ! ده كدة عايز يتعالج

 

يتعالج ! انا مش عارفة اعمل ايه يا رشا اهئ اهئ وحشتوني وعايزة اشوفكو ومش عارفة اعمل ايه

 

اللي تعمليه يا حبيبتي انك تخلي عندك شخصية وتخليكِ سيدة الموقف وتاخدي قرارررررررر , اول ما تشوفيه تقوليله اسمع بقى اما اقووووووووووولك احجزلي على اول طيارة نازلة مصر عشان اروح اشوف اهليييييييي

 

لالالا انا صوتي مش بيعلى على جوزي , واللي اعرفه كمان ان صوتك انتِ كمان ما بيعلاش عشان جوزك شخصيته قوية جدااااااا , ليه بقى عايزة تنصحيني انا اني اخرج عن طوع جوزي !

 

الحق عليا اني بنصحككككككك , خلاص يا حبيبتي , اقعدي بقى احلمي واتمني انك تشوفينا واحب ابشرك انه مش هيحصل , لان المرة الوحيدة اللي هتنزلي فيها مصر , هتجيلنا جثة في تابوووووووووت

 

يا حفيظ يارب ! ليه بس كدة يا رشا ! طب اشوفكو الاول وبعدين اموت اهئ اهئ اهئئئئئئئئئئ

 

يييييييي انتِ هتقعدي تأوئيلي ! خدي ماما معاكِ انا راجعة المطبخ , خدي يا ماماااااااا

 

مين

 

دعاء

 

دعاااااااااااء ههههههه بنتي حبيبتي روح قلبي , الووووو ازيك يا دودو

 

اهئ اهئ ماما حبيبتي اهئ اهئ وحشتيني يا ماما وبابا وحشني اهئ اهئئئئئئئئئئئئ

 

والله وانتِ اكتر يا حبيبتي , ازي صلاح ورغد

 

كويسين يا ماما , اهو صلاح جنبي اهو , خد يا صلاح كلم تيتة هههههه

 

هاتي يومّا , حياج الله يا جدتييييييييييييي

 

هههههه ازيك يا صلووووووووحة

 

بخير , حياج الله , ايش لونجججججججججج

 

كويسة حبيبي , ازيك انت وازي اختك رغد

 

إختي رغد نايمة الحين وابوي خرج وما رجع للحين

 

امك طابخة ايه النهاردة ؟ هههه

 

امي مو تطبخ , الشغالة تطبخ مرجوجة اليوم , ابوي يحبها

 

ابوك بيحب مين ؟ الشغالة ولا المرجوجة , ايه اللخبطة دي ؟

 

ابوي يحب المرجوجة وانا ااحبج وايد جدتي

 

هههههه وانا احبج وايد يا صلاح , اديني ماما بقى

 

يومّاااااا , كلمي جدتي

 

هات يا حبيبي , روح صحي رغد عشان تتغدا , ايوة يا ماما

 

هههه الولد بيتكلم زي الكوايتة

 

بيسمع باباه بيتكلم كدة وكل اللي حواليه كدة , هيتكلم ازاي يعني غير كدة يا ماما !

 

قوليلي عطية حماتك عاملة ايه ؟

 

كويسة الحمدلله , طارق خدلها شقة حلوة اوي

 

ايييييييييييييه ! ياخدلها شقة ليه ان شاء الله !!!!!!

 

الله ! مش امه ! عايز يريح امه بعد التعب اللي تعبته معاه ومع اخواته , لقى ان اقل واجب يجيبلها شقة محترمة تكمل حياتها فيها , بيقول يعني معقول نعيش في فيلا وامي تعيش في شقة في حي شعبي وبيت متهالك بالشكل ده !

 

يا سلاااااااااااام ! وهي امه كانت تعبت في ايه اصلااااااااا , داحنا مستلمينه منها شحاااااااااااات , لولا اخويا فواز كان زمانه واقف في الكشك لما اضهره انحنىىىىىىىىىىى , يعني احنا اللي لينا فضل عليه مش اممممممممممه , وزي ماجابلها شقة يجيبلنا احنا كمااااااااان

 

شقة ليكو انتو كمان ! طب ما انتِ وبابا عايشين في شقة فخمة وفي حي راقي يا ماما , دانتو في مصر الجديدة

 

مش مهم , يجيبلنا الشقة التانية نأجرها طالما مش عارف يودي فلوسه فين وبيفرق شقققققققققققققق

 

ممممم بابا عامل ايه يا ماما

 

شوف البنت اللي بتغير الموضوع ! طيب يا دعاء , على راحتك , باباكِ كويس , نزل يصلي هو والعسكري الازرق جوز اختك

 

ههه مش عارفة يا ماما انتي كارهة اجوازنا ليه بس

 

بلا خيبة , هما دول اجواززززززززز , واحد يحبسني مع المجرمين والتاني مغرب بنتي عنييييييي

 

هههه هو انا وحشتك يا ماما ؟

 

اخص عليكِ يا دودو ! ده سؤال برضو ! دانتي وحشتيني اوي اوي اووووووووي , ما تبعتيلي تذكرة على حسابك واجي ازورك

 

والله يا ماما كل ما اقول ابعتلك , اقول استنى شوية يمكن طارق يوافق يخلينا ننزل كلنا نقعد معاكو ان شالله اسبوع واااااااااااحد

 

معلش يا حبيبتي , جوزك بخيل , والبخل وحشششششش , اسأليني انااااااااا , اكفينا يارب شر البخلااااااااا , بقولك يا دودو يا حبيبتي لو هتيجي ابقي هاتي معاكِ اكل وشرب يكفيكِ انتِ وجوزك وعيالك لحد ما تروحوا مطرح ما جيتو

 

هههههههههههههههههه

 

ما تفهمنيش غلط يا دودو , انا بقول كدة عشان مصر بتمر بأزمة اقتصادية

 

 

دعاااااااااااااااء وينج يا مررررررررة

 

 

طب هقفل معاكِ يا ماما عشان طارق جه هههه السلام عليكم يا ماما

 

وعليكم السلام , سلمي عليه بتاع المرجوجة ده

 

 

 

 

 

 

ازيك يا طارق , اتأخرت ليه يا حبيبي ؟

 

السيارة اتعطلت بالطريج

 

وعملت ايه ؟

 

ولا سويت شي , تركتها ووجفت سيارة اجرة , وين المرجووووووووووجة

 

حبيبي مافيش كلمة حلوة لدودو حبيبتك القلقانة عليك

 

هههههههه احبج دعااااااااااء احبج وااااايد وايد وااااااااااااااايد , وين المرجووووووووجة

 

حاضر يا حبيبي , هخلي الشغالة تجهز السفرا حالااااااااا توووووء عايزة اقوله نفسي اشوف اهلي وخايفة تجيله نوبة الهرش تاني ممممم اجازف واقوله وامري لله ممممم

 

ايش فيج يا دعااااااء ؟ تبغي تجولي شي ؟؟؟؟

 

ممممم طارق

 

اهاااااا

 

حبيبي

 

ممممم

 

طارق كنت عايزة اقولك عايزة اشوف اهلي , عايزة انزل مصررررررررر

 

مصر !!!!!! اااااااااه الحجيني يا دعااااااااء , هاتيلي مرهم الهرش يا دعااااااااء اااااااااااه

 

بس بسسس يا طارق , خلاص يا حبيبي , مش هجيب سيرة مصر تاااااني , انا رايحة اجيب المرجوجة يا طارج هئ اهئ

 

ههههههههههههه حكاية الهرش جابت معاها نتيجة هههه كانت مصدعاني ليل نهار , عايزة انزل مصر عايزة اشوف اهلي , يا شيخة بلا اهلي بلا زمااالك , وين المرجوووووووووووجة

 

 

 

 

 

 

 

 

 

 

 

 

 

 

 

 

ممممممم وليد قاعد تحت الشجرة ههههه اما اروح اغمي عنيه والعب معاه شوية , اتسحب عشان مش يحس بيا ههههههه

 

 

ممممم اهو قاعد مش واخد باله , اجي من ورا ضهره واغمي عنيه بإيدي ممممم انا مييييييييييين ههههههه

 

هههههههههههههههههه لا ياشيخة ! على اساس اني متجوز عشرين واحدة وجاي افسحهم ! ولا على اساس ان معانا حد تاني في القصر !

 

ههههههه برضو قولي انا مين ؟

 

مممممممم ههههههه طب استني افكر

 

 

يلا قوووول هههه

 

ممممممم انتِ ريم ؟

 

لالالالالا

 

 

مممممممم ولا ريم ؟

 

لالالالالالالالا هههههه

 

ههههههه تبقي اكيد ريم هههههه

 

هههههههههههه شاطر حبيبي , عرفتني ازاي صحيح ؟

 

هههههه اصل انا ذكي زيادة عن اللزوم ههههههههه

 

هههههههههههههههههههههههههه

 

كنتِ فين يا ريري ؟ مش قولتي هاخد شاور وانزل وراك على طول

 

ايوة يا حبيبي , اصل قولت بالمرة ارتب حاجاتنا في الشنط عشان راجعين القاهرة بكرة , ولا نسيت ؟ ههههه

 

ياااااااااه , تعرفي اني ما حسيتش بالوقت معاكِ خالص

 

هههه ولا انا والله , ممممم بس ماما وحشتني ونفسي اشوفها

 

شوفتي بقى اني بحبك اكتر ما انتِ بتحبيني ؟

 

ليه بتقول كدة حبيبي ؟

 

عشان طول ما انا معاكِ ما فكرتش في أي حد غيرك

 

ههههه انت زعلت عشان قولتلك ماما وحشتني ؟

 

لا ابدا , عشان مامتي انا كمان وحشتني ههههه ومامتي بقى بتوحشني حتى وهي معايا

 

مممممممم طيب , واضح انك بتاخد بتارك عشان قولتلك ماما وحشتني هههه

 

ههههههه ايوة , بصراحة بغير

 

تغير عليا من ماما يا وليد ؟

 

ايوة , اغير عليكِ من أي حد ياخدك مني ولو ثانية , يعني مشاعرك ناحية مامتك دي خليها جوا قلبك وعبري عنها بينك وبين نفسك , سامعة ولا لا ؟ ههههه

 

هههه سامعة يا حضرة الغيور , تعرف ان طنط جيجي وحشتني اوووووووي

 

ههههههه انا مبسوط ان الاحساس ده عندك

 

افندممممممم ! مش شايف انك متناقض مع نفسك يا حبيبي ؟ هههههه

 

هههههه فاهم تقصدي ايه , يا حبيبتي مشاعرك الرقيقة ناحية امي دي بتقوي العلاقة بيني وبينك , بتخليني احس انك بتحبيها عشان هي ام حبيبك , مش كدة برضو ؟

 

ههههه كدة يا حبيبي يا ابن أم حبيبي

 

هههههههههه اوعي تقولي ام حبيبي دي قدام امي , قولي مامت حبيبي وإلا هيكون مصيرنا الطرد عشان خالفنا البروتوكول والمصطلحات الراقية بتاعة العيلة الكريمة

 

لا وعلى ايه ههههه

 

 

مممممم تيجي ننزل البسين شوية

 

حبيبي انت عارف انا مش بعرف اعووووووووم

 

انا معاكِ قولتلك , همسكك مش هسيبك من ايدي , مش هغرقكك ما تخافيش يا حياتي انا هههه

 

لالالالا بخاف والله من المية , انزل انت وانا هقعد اتفرج عليك ههههه

 

هههه ماشي , حوالية المية والخضرة والوجه الحسن

 

ههههه متشكرة يا حبيبي , انا كمان حوالية المية والخضرة والوجه القمر

 

هههههههههههههههه على فكرة بتفهمي يا بنت , محظوظة انك اتجوزتي راجل وسيم زيي

 

يا سلاامممممممم , ماانت كمان محظوظ انك اتجوزت بنت امورة زيي

 

طبعاااااااا هههههه حبيبتي اجمل انسانة في الكووووووون

 

اااااااه وليد

 

مالك يا ريمممممممم

 

مش عارفة دوخت مرة واحدة

 

ايه ! طب اقعدي على اقرب كرسي , انا طالع من المية اهو

 

 

ااااااااه

 

ايه ياريم مالك يا حبيبتي

 

 

حاسة عايزة ارجع

 

ترجعي !!!!!!!! وبعدين بقى ! طب تعالي قومي معايا

 

تووووووء دايخة خالص مش قادرة امشي

 

اوكيه , هشيلك اطلعلك الجناح بتاعنا , انا عارف ايه اللي جرالك مرة واحدة كدة !

 

 

 

 

 

 

 

 

 

 

هههههههه خلاااااااااص اكمل لبسي وانززززززل , الاول اروح اجيب الخاتم الدهب لنجلاء واحفر عليه اسمها وبعدين اطير على عندهاااااااااا هههههه قلبي ومفتااااااااااااحه , تراااااااا دول ملك ايديككككككك ومساه وصباحححححه , يسألني عليييييييييك , قلبي ومفاتحه ترا تاااااااااا , ومساه وصباااااحه يسألني عليكككككك ههههههه

 

صاصوووو هههه انت تغني ! هاو امييزنج هههه

 

هههههه اصل انا مبسوط اوي النهاردة يا نسررررررررررررين هههههههههه

 

 

ههههه واي ؟

 

هههههههههههه اصل رايح اقابل واحد صاحبي ماشوفتوش من زمااااااااااااان

 

اسمه ايه صاحبك ده

 

هههههه اسمه عصام زاهر

 

واااااااااااااااات ! انت عصام زاهر

 

ههههههههه ايوة , ما انا رايح اقابلني

 

وات ذيس نانسينس !!!!! صاصو ونت كريزي , اتجنننننن

 

نسرين , من فضلك طلعيلي كرافت

 

وااااااااااااااااات ! شغالة انااااااا ! شايفني لولووووووو !

 

ههههههه حبيبتي , ما تفهمنيش غلط , انا قولتلك طلعيلي كرافت عشان انتِ ذوقك خراااااااااااااافي

 

ههههههه وات ايه نايس هاسبند , اوكيه صاصو , هختار لانت كرافت سو شيك

 

ههههه شكرا يا روحي , ثانك يوووووووو

 

مع اني كتير خايفة من صاصو عشان بيضحك زي الهبلانين من غير سبب , بس هختارله الكرافت ممممممم اختارلك الكرافت ده , او ده كمان , الاتنين تري شيك على السوت اللي انت لابسها

 

ههههههه ميرسي يا حياتي , انا هاخد دي , ممكن تلبسيهالي من فضلك

 

ممممممم نو

 

ليه بس هههههههه

 

عشان مش تاخد على كدة , تعرف انا عندي واحدة صاحبتي عايشة في مأساويات حقيقية بسبب كرافتات جوزها

 

ههههههههه لا حول ولا قوة الا بالله , ليه بعد الشر , زعلتيني

 

تخيل الجوز بتاعها كل يوم كل يوووووووم يصحيها ايرلي من عز نوماتها ,عشان تربطله الكرافت قبل ما يروح الشغولانات بتاعته

 

ههههههه لا اله الا الله , حاجة صعبة اوي , ازاي قادرة تعيش مع الراجل البشع ده

 

هي طالبة الطلاق

 

ههههههههه عشان بيصحيها الصبح تربطله الكرافت ؟

 

نوووووووو صاصو نووووووو , الكرافت سبب مش اساسي ,هي عايزة تطلق عشان مش بيغسل سنانه قبل ما ينام وسناناته سوست

 

ههههههههه وهي مالها هي , هي سنانه ولا سنانها ؟ حاجة غريبة اوي ههههههه

 

ازاي تقول كدة صاصو ! الراجل اللي مش يحافظ على سناناته راجل مش له امان , عشان اللي مش يحافظ على سناناته يبقى اكيدي اكيدي مش هيحافظ على مراته

 

هههههههههههههههههه ماشاء الله حكمة مش وحشة برضو , كل المآسي دي بتحكيهالي عشان قولتلك اربطيلي الكرافت ! ههههههه على العموم ربطته لوحده , باي باي نسرييييييييييين

 

ابقى سلملي عليك صاصو لما تقابلك ممممممم مش ليا مزاجات اخرج , مممممممم اعمل ايه اعمل اييييييييه ! اهاااااا اشغل ميوزيك وارقص شوية , من ساعة روكي ما اختفى ما رقصتش ولا رقصاية اهئ اهئئئئئئئئئئئ ااااااااه يا روكي , ارقص عشان انسى

 

 

 

 

 

 

 

 

 

 

 

 

 

 

 

ايه ده , ايه الدوشة دي يا رشا يا حبيبتي

 

اووووووووووووف الست نسرين رجعت ورجعنا للأرف تاااااااااااااني , اما اروح يا ماما اقولها تطفي الكاسيت دددددددده , حاجة تأرففففففففف

 

احنا هناكل امتى يا رشا انا جوعتتتتتتتت

 

 

يا ماما لما بابا وهاني يجوا من صلاة العصرررررررر انا مش عارفة هما اتأخروا ليه اصلاااااااا

 

 

 

 

 

تررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررن

 

 

دببببببببببببببب دبببببببببببببببببب دبببببببببببببببببببببببببببببببببب انتو يللي جواااااااااااااااااااااااااااا

 

 

ايه ده ! حد بيخبط ويرزّع ع الباب والست نسرين مشغلة الكاسيت على اخرررررررررره

 

 

مين يا دادة ؟

 

مش عارفة يا رامي يا حبيبي , هروح افتح اهو

 

 

 

 

اهلا , مين حضرتك

 

اووووووووووف فين اللي اسمها نسرييييييييييين

 

نسرين هانم بترقص , في حاجة ؟

 

اووووووووووووف قوليلها تيجي تكلمنييييييييييي

 

مين حضرتك يا مدام ؟

 

انا سلفتهااااااا , جوزي يبقى اخو البيه جوزها , وحظي الوحش خلاني سكنت في الشقة اللي قصادهاااااااا

 

اهلا بيكِ يا مدام ههههه طب اتفضلي ما تقفيش ع الباب كدة

 

لالالالالالالالالا اجري من وشي روحي ناديلهاااااااااا

 

طيب طيب , هي مالها اخلاقها صعبة كدة وبتتعامل من مناخيرها !

 

 

 

 

 

 

مدام نسريييييييييييين

 

هاي لولوووووووو

 

سلفة حضرتك اللي ساكنة في الشقة اللي قصادك عايزاكِ

 

رشا ! هي ايه جابها تاني من عند النيل ! اوكيه , انا رايحة ليها , اوعي تدخليها الشقة عندنا عشان انا مش بحبها

 

ولا هي كمان بتحبك , ما جمع الا اما وفق

 

 

 

هاي يا انتتتتتتتتتتتتتِ

 

اهلا يختيييييييي , بقولك اييييييييييه الكاسيت اللي عندك ومزيكا الخبط والرزع وتوتير الاعصاب دي تقفليهاااااااااااا

 

هههههه انتِ جيتي امتى من عند النيل ؟ هو مشي وسابك ؟

 

هو مين ددددددددده

 

النيل , اكيد زهق زهقانات رهيبة لما سكنتي عنده عشان كدة ساب البلدات ومشي ههههههههه

 

انتِ شمتانة فيااااااااااا

 

يعني ايه شفتانة فيكِ ددددددي !!!!!!!!

 

اووووووووووووووووف بصي يا ست انتتتتتتتتتتتتتتتِ انا عندي ضيوووووووووف ومش عايزة ازعاااااااااااااج ولو شغلتي الكاسيت تاني هطلبلك البوليسسسسسسسسسس

 

البوليس ده يجي عشانك انتِ يا ام شعر منعكش يللي مش بتستحميييييييي , لولوووووو اقفلي الباب في وشهاااااا ولو جت تاني عضيهااااااااااااا , يلا امشيييييي

 

اوووووووووووف , يا شيخة انا عارفة ايه اللي رجعني العمارة تاااااااااااني , الله يسامحك يا هااااااااااااني , يارب خلينا نمشي من هنا ياااااااااااااارب اوووووووووووف

 

اوفتي بقى منك ومن كل اعمالاتك , حتى الرقص بقى صعب في غيابك يا روووووووووكي اهئ اهئ اهئ كل الناس بقت وحوش في غيابك يا روووووووكي اهئ اهئئئئئئئئئئ

 

 

 

 

 

 

 

 

 

 

اتفضل الخاتم يا فندم

 

هههه محفور عليه اسم نجلاء ؟

 

ايوة , اتفضل شوف كدة

 

ههههه تمام , متشكر اوي

 

اتفضل الفاتورة

 

شكرا , ادي تمن الخاتم

 

شكرا يا فندم

 

كدة معايا الخاتم واعدي على محل الورد اشتري اجمل بوكيه ورد لاجمل زهرة في بستان حياتي هههههه حلوة جملة اجمل زهرة في بستان حياتي دي هههههه انا هقولها اتفضلي الزهور يا اجمل زهرة في بستان حياتي هههه اكيد الجملة هتعجبها اووووووووي هههههههه

 

 

 

 

 

 

 

ههههههههه اركب العربية وانطلق , كلها نص ساعة واكون قدام شقة اجمل وارق انسانة في الوجووووووود يااااااااااااااه نجلاااااااااااء هههههههه حاسس اني اول مرة اتجوز في حياتي ههههه انا فعلا اول مرة اتجوز , اول مرة اختار صححححححح هههههههه جايلك يا نجلاااااااااااء جايلك يا نوجاااااااااااااااااااااا

 

 

 

 

 

 

 

 

 

 

 

 

 

 

 

 

 

 

ههههههههههههه ربنا يخليك ليا يا عماد يا حبيبي

 

ويخليكِ ليا يا نوجا ويقدرني واسعدك ههههه هي مامتك فين ؟

 

ماما يا حبيبي راحت تتغدا عند خالتي وقالت اسيبكو على راحتكو النهاردة وكمان هتبات هناك

 

هههههه مامتك كلها ذوق , فعلا كنت محتاج ابقى انا وانتِ لوحدنا النهاردة عشان اعبرلك عن مشاعري الجميلة ناحيتك , حقيقي يا نجلاء انتِ غيرتي حياتي بالكامل من يوم ما اتجوزنا لالالالا اقصد من يوم ما شوفتك اول مرة ههههه فاكرة اليوم ده يا نوجا ؟

 

هههههههه وده يوم يتنسي يا عماد يا حبيبي ! انت كمان يا عماد حولت حياتي من حياة كئيبة من غير روح لحياة جميييييييلة عايزة استمتع بكل لحظة فيها

 

بحبك يا نجلاء

 

هه بحبك يا عماد

 

ههههه بتأسرني نظرة الخجل دي ههههه

 

ههه

 

 

هههه طب اطفي نور الاباجورة اللي جنبك

 

ههه حاضر

 

 

 

 

 

 

 

 

ادي باب الشقة اهو هههههه يا سلاااااااااااااام , يا سلام لو معايا مفتاح , وادخل من غير ما تحس واعملهالها مفاجأة واغمي عنيها , واقولها انا مييييييين هههه تضحك وتقولي انت حبيبي عصام ههه ياااااااااااااه اكيد هيجي اليوم اللي اعمل كدى بعد ما نتجوز , ارن الجرس بقى عشان حبيبتي تفتحلي ههههههههه

 

 

ترررررررررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررررررررن

 

ايه ده ! مين السئيل اللي بيرن علينا الجرس يا نجلاء ؟

 

مش عارفة يا حبيبي , ماحدش من قرايبي او اصحابي عارف اننا رجعنا , مافيش غير خالتي وقولنالها ما تقوليش لحد دلوقتي

 

اوووووووف , اما اروح اشوف مين البني ادم اللي عايز يتهزأ ده , جاي في وقت مش مناسب خالص .

 

عن اذنك يا حبيبتي

 

استنى يا حبيبي , هتخرج كدة ازاااااااي البس البيجاماااااا

 

الواحد فقد اعصابه وتركيزه والله يا نوجا , هاتي يا حبيبتي البيجاما

 

 

ترررررررررررررررررررررررررررررررررررررررررررررررررررررررررررررررررررررررررررررررررن

 

اووووووووووووووف انا رايح اشوف مين السخيف اللي مش عايز يشيل ايده من ع الجرس دددددده , شكلي هفترسسسسسه , اقفل زراير البيجاما في الطريق , عن اذنك يا نجلاء أما اشوف البني ادم السئيل اللي ع الباب ددددددده

 

 

ههه اتفضل يا حبيبي ممممم فين البرفان اللي عماد بيحبه ؟ اهووو هههه

 

 

الله ! هي نجلاء ما فتحتش ليه ؟ هههه يمكن ما سمعتش هههه ارن الجرس كمان مرة , وانا ورايا ايه ! ههههه انا مفضي نفسي لنجلاء النهاردة ههههههههه

 

ترررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررن

[هبة عبد العظيم نور 2042]

حلقات قصيرة جدا وتوضع على فترات متباعدة

 

تسجيل اعتراض :( :(

 

والله يا لولو غصب عني

 

انا واخدة يوم الخميس اجازة عشان اكتب كتير لكن للأسف ما كتبتش ولا كلمة هههههههه حلقات النهاردة لسة كاتباها النهاردة وضهري وجعني من كتر القعدة

 

بس انتِ ما شوفتيش الحلقة التانية الاكثر طولا نوعا ما هههههه روحي شوفيها بقى يا لولو

 

 

منورين كلكو يا بنات

 

ليا عودة للترحيب يا عسولات

 

 

بالنسبة للسؤال برضو عن هدوء الفجر انا اتعرفت عليها فين , انا اتعرفت عليها في هذا المنتدى المبارك الذي تعرفت فيه على اجمل اخوات مثلكن

 

دمتم يا اجمل صحبة واجمل اخوات

 

اشوفكو بكرة ان شاء الله

[اعتز بالاسلام 126]

ههههههههههههههههههههه

ياعينى ياعصومة هههههههههه هيتصدم صدمة حياته

نوجا اتجوزت ههههههههههه

الواحد فرحان فيه بشكل

[أمة الرحمن الرحمن 68]

ههههههههههههههههههههههههه

ده عصام هيتصدم وويصاب باكتئاب ويقعد جمب نسرين

ربنا يعافينا

[~ محبة صحبة الأخيار~ 354]

شتااان بين مقابلة سعاد لأحمد وزوجته ومقابلة أم خالد لهما ، الحنان لا يُشتَرى

ربما يكون موجوداً بالفطرة ولكن يطغي عليه الكبر والغرور .

 

عصام سيأخذ درساً لن ينساه وبالتأكيد سيبدأ بالتفكير فى حياته بعقلانيه أكثر

بعد ذلك وربما يؤجل طلاق أمانى ، ( ليس كل ما يتمناه المرء يدركه ...

تأتى الرياح بما لا تشتهى السفن ) .

 

[رياحينو 205]

علي فكرة ياهوبة انا زعلانة زعلانات فظيعة

كنت كتبتي عصام هيعمل ايه

المهم الحلقات جميلة وفي طولها كويسة

بس لو ممكن اطول مفيش مشاكل

ههههههه

اعتقد ان عصام هياخد علقة حلوة هههههه

شريرة انا هههه

[رياحينو 205]

ارجوك خلي دنانير تفهم انا شريف كان بيضحك عليها

صعبانة عليه كتتتتتير

اما بالنسبة لعصمت فجوزيها كفاية عليها كده اعتقد انها اخدت درس

[' أم آية' 667]

:)