اذهبي الى المحتوى

المشاركات التي تم ترشيحها

ترجعيلنا بالسلامة يا هوبة وحشتينا

بارك الله فيك يا هدوء إنك بتطمنينا عليها

شارك هذه المشاركه


رابط المشاركه
شارك

ترجعيلنا بالسلامة يا هوبة وحشتينا

بارك الله فيك يا هدوء إنك بتطمنينا عليها

شارك هذه المشاركه


رابط المشاركه
شارك

ترجعيلنا بالسلامة يا هوبة وحشتينا

بارك الله فيك يا هدوء إنك بتطمنينا عليها

شارك هذه المشاركه


رابط المشاركه
شارك

ترجعيلنا بالسلامة يا هوبة وحشتينا

بارك الله فيك يا هدوء إنك بتطمنينا عليها

شارك هذه المشاركه


رابط المشاركه
شارك

ترجعيلنا بالسلامة يا هوبة وحشتينا

بارك الله فيك يا هدوء إنك بتطمنينا عليها

شارك هذه المشاركه


رابط المشاركه
شارك

وعليكم السلام ورحمة الله وبركاته

الله يسلمك ويسلمها من كل سوء

سلميلى عليها

من اول الشهر اهنى بقى ^^ شهر 2 ؟ إن شاء الله

الله ييسر الامور

شارك هذه المشاركه


رابط المشاركه
شارك

وعليكم السلام ورحمة الله وبركاته

الله يسلمك ويسلمها من كل سوء

سلميلى عليها

من اول الشهر اهنى بقى ^^ شهر 2 ؟ إن شاء الله

الله ييسر الامور

شارك هذه المشاركه


رابط المشاركه
شارك

وعليكم السلام ورحمة الله وبركاته

الله يسلمك ويسلمها من كل سوء

سلميلى عليها

من اول الشهر اهنى بقى ^^ شهر 2 ؟ إن شاء الله

الله ييسر الامور

انا تقريبا كل ماادخل اقول انا شكلى غلطت فى العنوان من طول الفتره وكل شويه ادخل هيه هيه الصفحه

شارك هذه المشاركه


رابط المشاركه
شارك

بلغي سلامي لهبه كتييييير يا هدوء ربنا يطمنا عليها وعليكي يارب

  • معجبة 1

شارك هذه المشاركه


رابط المشاركه
شارك

السلام عليكم ورحمة الله وبركاته

الغالية هبة نحن فى الانتظار...

يسر الله لكِ أمورك ،

اشتقنا لكِ ولمسلسلك الجميل : ))

 

 

بشركِ الله بالخير أختى الحبيبة هدوء .

شارك هذه المشاركه


رابط المشاركه
شارك

طاااااااااااااااااال الانتظار !!! ولكن لم نمل ولن نكل ، سنبقى في الانتظار

 

يا اخواتي : هل منكن من تستطيع وضع حلقات المسلسل دون ردود ، حتى نعيد قراءتها قبل ان تكمل لنا هبه الحلقات ... قربنا ننسى الاحداث .

شارك هذه المشاركه


رابط المشاركه
شارك

السلام عليكم ورحمة الله وبركاته

 

 

 

وحشتوووووووووووووووووووووني

 

ازيكو يا كتاكيت يا حلوين ههههههه

 

بشكر كل حبايبي ونبضات قلبي اللي راسلوني على الخاص وشكرا للي سألوا عني تليفونيا وفي ملفي وشكرا كمان للي ارسلوا سلاماتهم عبر الفيس والواتس

 

شكرا حبيباتي فهذا هو الحب هههههه

 

 

ماشاء الله لا قوة الا بالله , ربنا يديمكو عليا نعمة وما يحرمنيش من صحبتكو الطيبة

 

 

 

ااااااه صحيح كنت عايزة اسأل , وحشوكو الأبطال ؟؟؟؟؟؟؟؟

 

 

 

بهيرة واشجان

 

 

أم عصام وولادها

 

 

سلوى وخطابها

 

وكل سكان العمارة وعواد بواب العمارة وولاده وخصوصااااااا سهير

 

 

اسكندرية واهل اسكندرية , ايّووووووووووه يا جدعان هههههههههه

 

 

 

انتظروني بعد قليل وحلقة جديدة من مسلسل خلف هذه الجدران

 

 

 

فلنبدأ على بركة الله

 

ربي اسألك التوفيق فأنت وحدك سندي وعوني

 

 

بسم الله توكلت على الله ولا حول ولا قوة إلا بالله

  • معجبة 2

شارك هذه المشاركه


رابط المشاركه
شارك

وعليكم السلام ورحمة الله وبركاته

ياااااااه انا فرحانه جدا لما شفتك ^ــ^

منوره يا هبه ( :

هما وحشونا ايوة بس احاول افتكر باقى الشخصيات ههههه

  • معجبة 1

شارك هذه المشاركه


رابط المشاركه
شارك

post-110778-0-36877700-1422721218.jpg

 

 

 

 

 

 

 

رشا يلا اطلعي نضفي الشقة وخلصي بسرعة عشان معزومين عند ماجد ع الغدا , ولا ما حدش قالك ؟ ههه

 

عرفت يا هاني , مع اني كنت عايزة اروح عند ماماااااا

 

مافيش مشكلة , ان شاء الله تطلعي الشقة تنضفيها وبعد العصر نروح عند ماجد نتغدا وبالليل اخدك اوديكي لمامتك

 

مممممم ماشي , طالما كدة كدة ماما مش هتغدينا

 

بتقولي حاجة ؟

 

لالالا بقول مع ان اكل ماما واحشني وكان نفسي اتغدا عندها

 

ههههه معلش , ابقي خدي الغدا وروحي اتغدي عندها يوم تاني ههههههههههههههههههههههههههههه

 

اوووووف اللي انا خايفة منه بقى يا هاني هو ان عبد الرحمن ومنة يلقطوا كلام ولاد اخوك ويتكلموا زيهممممممم

 

افندمممممممم ! ده على أساس ان ولاد اخويا مش متربين وبيقولوا كلام خارج مثلااااااااااا !!!!!!

 

انا ما قولتش كدة يا هااااني , ما تقولنيش حاجة ما قولتهاششششش , مش ده قصدي

 

اومال ايه قصد حضرتك ان شاء الله ؟؟؟؟؟

 

يعني انت نسيت لما الولاد قعدوا عندهم كام يوم لما كنت انت تعبان في المستشفى ولما رجعوا بقوا يقولوا امي وابويا والكلام الغريب بتاعهم ددددددده

 

اولا الولاد كانوا بيقولوا أمي وأبي , كانوا بيتكلموا باللغة العربية الفصحى يعني

 

يييييييي هو انا بوديهم مدارس لغات عشان في الآخر يقولوا امي وابي !!!!!!! انا ما احبش ولادي يقولولي يا امي , بتنقط لما بسمع الكلمة دددددي

 

هههه ما تقلقيش يا مامي رشا , ولادك لا هيلقطوا كلامهم ولا سلوكياتهم الراقية المستمدة من الدين الإسلامي

 

تقصد ايه يا هاني ! هو انا بربيهم على دين تاني غير الدين الإسلامي ؟؟؟؟؟؟؟

 

ههه صححي السؤال , قولي هو انا بيربيهم على عادات تانية غير المنافية للدين الإسلامي ! انتِ بتخلي الولاد يسمعوا اغاني ويشوفوا افلام هابطة ويتعلموا منها حاجات مش مناسبة لسنهم غير انك مش حريصة انك تعلميهم الصلاة ,

 

ايه يا هاني الاتهامات دي , هو انا نسرين ولا ايه !!!!!!!!

 

ما تختلفيش عنها كتير , الفرق بينك وبينها الحجاب اللي لابساه على شعرك وما بتعمليش بيه , الفرق بينك وبينها انك عارفة ان الصلاة والصوم فرض وبتأدي الفرائض , لكن برضو شايفة ان الموسيقى والغناء غذاء الروح ومالكيش علاقة بالقرآن ولا بالذكر ولا بإحياء القلب بالبعد عن المعاصي , يعني بختصار حضرتك من اتباع الدين الوسطي اللي بيقولوا عليه ههههه الواحد يصلي ويصوم ويعمل بقى اللي هو عايزه مش مشكلة , يتكبر على خلق الله ماعندوش مانع , يقطع صلة الرحم مافيش أي مشكلة , فكرة لما كنتي عايزاني اشيل فلوسي في بنك ربوي ولما قولتلك حرام قولتيلي المشايخ محللينه ؟ هههه لولا اني رفضت وبشدة وأنبتك وعرفتك ان اللي يتعامل بالربا آذنه الله بالحرب

 

تقصد ايه يا هااااااني !

 

اقصد ان الحلال بين والحرام بين يا بتوع الدين الوسطي , للأسف انتو عايزين تشيلوا من حياتكم كلمة حرام وحلال وتبدلهوها بكلمة الدين يسر وما تأزموش الدنيا

 

ممممم واضح اني مش عاجباك خالص يا هاني وكل تصرفاتي بتنتقدها

 

ماليش حق اني انتقدك لانك اختياري من الأول , لو انتقدتك يبقى لازم انتقد نفسي لاني اخترتك

 

اهئ اهئئئئئئئئئئ بقى كدة يا هاني ! معنى كدة انك ندمان عشان اتجوزتني ؟

 

هههه ما اتعودتش اخد قرار واندم , ما بحبش كلمة يا ريتني ما كنت عملت

 

كل المحاضرة الطويلة العريضة دي عشان بقولك مش عايزة الولاد يقولوا يا امي ؟

 

مش مهم عندي الولاد بينادوكِ بإيه , المهم انتِ بتربيهم على ايه , عن اذنك هدخل انام شوية لحد العصر ما يأذن

 

اتفضل يا سيدي , ينكد عليا بكلام زي السم وينام بكل هدوووووووء , هو في حد في اخوانه بيربي ولاده زي ما انا بربي ولاد الراجل ددددددده , طيب يا هااااااني اهئ اهئ الله يسامحك

 

 

 

 

 

 

 

 

 

 

 

 

 

منووووووووولة

 

انا في المطبخ يا مااااااااجد هههههههه

 

 

جايلك يا حبيبتي ههههه

 

اممممممممم الله ع الريحة اللي تجنننننننن ههههههه

 

هههههه اومال لما تدوق بقى هتقول ايييييييه ؟ ههههه

 

هههههه هقول تسلم ايدك يا أم معاذ يا حبيبة قلبي

 

هههه تسلملي يا حبيبي , بص يا حبيبي كدة على البط اللي في الفرن اتحمر ولا لسة

 

 

نعمممممم ! انا ايه اللي دخلني المطبخ ! ههههه انا كنت داخل البلكونة لقيت نفسي هنا

 

ممممممم ماجد خليك زوج متعاون يا حبيبي الضيوف زمانهم جايين ههههه

 

ههه ماشي , هفتح الفرن يا ستي واشوف البط بتاعععععك

 

ايوة يا ستي اتحمر

 

اتحمر اوي ولا نص ونص ؟

 

لا اتحمر اوي , اطلعه ولا اسيبه لما يتحرق ؟ هههههه

 

ههههههه لا طلعه يا حبيبي دافعين فيه كتيرررررر , بس انا مستغربة اوي انك بتقول رشا جاية مع ماما واخوك

 

اصل انا حكيت لامي على اللي حصل منها وامي اتضايقت جدا , وواضح انها انبتها بسبب الموضوع ده

 

توووووء ليه بس كدة يا ماجد ! انا يا حبيبي فضفضت معاك عشان كنت متضايقة مش اكتر , لكن ما قصدتش انك تشتكي منها لماما وتكبر الموضوع توووووء انا كدة زعلت بجد

 

حبيبتي كان لازم اجيبلك حقك , ما ينفعش تتهاني بالشكل ده واغض الطرف عن الموضوع , وبعدين انا حليت المشكلة مع امي وبعيد عن جوزها , لان هاني لو عرف كان هيزعل من مراته جدا وممكن يحصل مشكلة , واهو الموضوع اتحل وهتيجي عشان تعتذرلك

 

انا مش عايزاها تعتذر ولا حاجة وكفاية انها هتيجي بيتي , دي ضيفة ولها كامل الإحترام

 

ههه انتِ يا منولتي اللي ليكِ فاااائق الإحترام

 

ههههه الله ع الكلام الجميل يا استاذ ماااااجد

 

ههه قوليلي عملتوا ايه مع الولد خطيب رانيا , جهز الشقة ولا لسة ؟

 

خلص تشطيبات الحمدلله , المفروض بقى ننزل نجيب العفش , الفرح كمان شهرين ان شاء الله

 

ان شاء الله , لسة قلقانة ؟

 

جدا يا ماجد , وقلق مضاعف كمان , قلق على رانيا وصحتها وقلق من الولد ده وعيلته

 

يا ستي ماحدش عارف , يمكن يكون انسب زوج ليها ووالدته ربنا يهديها

 

ربنا يهدي الجميع يا حبيبي , خد يا حبيبي الخس والطماطم والخيار والفلفل واعملي طبق سلطة من ايديك الحلوين ههههههه

 

لااااااااااا , ده استغلال بقىىىىىىىى ههههه

 

ههههه ان ما كنتش استغل جوزي حبيبي هستغل مييييييين

 

ههههه ايوة يا ستي اضحكي علية عشان انا طيب , ماشي , هاتيلي طبق كبير عشان اقطع فيه

 

 

حبيبي المطبخ مطبخك والأطباق قدامك خد اللي انت عايزه , انت مش غريب هههههه

 

ههههه متشكر والله على ذوقك , دايما بتتعاملي معايا على اني صاحب بيت

 

ههههههههههه

 

 

 

 

 

 

 

 

 

 

 

 

 

 

 

 

 

 

 

 

 

 

منااااااال , هاني ومراته وولاده وامي طالعييييييين

 

هههه اهلا بيهم يا حبيبي , روح استقبلهم ودخل ماما ورشا الصالون وخليك انت واخوك برااااااا ههههه

 

برااااااا ! انا يتقالي برا ! ههههه ماشي يا ستي ,

 

هههه ما اقصدش يا حبيبي , انت بس اللي بتحب تتلكك على كل كلمة

 

هههه بحب اناغشك يا منولة

 

 

تررررررررررررررررررررررررررررررررررررن تررررررررررررررررررررررررررررررررررررررررن

 

طيب روح ناغش الضيوف بقى هههه

 

ههههه ماشي

 

 

 

 

 

 

اهلا بالكتاكيت الحلوووووين ههههه

 

عمو ماااااااااااااااجد

 

اهلااااااااااااا حبايب عمووووووو هههههه ازيك يا عبد الرحمنننننننن اموووووووه

 

الحمدلله يا عموووووووو

 

ازيك يا منة امووووووه

 

ازيك يا عمووووووووو فين مريمممممممممم

 

ههههه روحي انتِ وعبد الرحمن العبي معاها هي ومعاذ جواااااااا ازيك يا هاني

 

ههه ازيك انت يا سيدي

 

امييييييي هههه نورتي اهلا وسهلا

 

اهلا بيك يا حبيبي ههه

 

اهلا مدام رشا , اتفضلي انتِ وامي في الصالون

 

ميرسي

 

 

الأول اتفضل شوية هدايا من اسوان إنما اييييييه هههههه

 

ههههه هدية مقبولة يا هاني , ايه دددده هههههه ده فاااايش ,مين اداهولك ده ؟ هههههههه

 

ههههه واحد عسكري عندي لما عرف اني نازل مصر خلى والدته عملتلنا شوية وجابهوملي وقالي دول هدية يا هاني بيه هههههه اصله راجل طيب اوي

 

هههه انت اللي طيب يا هاني وكل اللي يعرفك لازم يحبك

 

هههه تُشكر يا سيدي , ما انا طالعلك عشان انت اخويا الصغير ههههه

 

هههههه هو الصغير اللي بيطلع للكبير ولا الكبير اللي بيطلع للصغير ! هههههه

 

هههه ما تدقش , واحشني والله يا ماجد

 

انت اكتر يا هاني , نورتني والله

 

 

 

 

 

 

 

 

 

السلام عليكم هههههه اهلا يا ماما

 

وعليكم السلام يا منال , ازيك يا حبيبتي ههه امووووه

 

الحمدلله يا ماما هههه , اهلا يا رشا هههه نورتي يا حبيبتي اموووووه اموووووه

 

مممم اهلا يا منال , كنت فاكراكِ زعلانة مني

 

انا ! ههه ابدا يا حبيبتي , انتِ شرفتينا

 

ميرسي اوي

 

وازي مامتك وباباكِ يا رشا ؟

 

لسة ما شوفتهومش يا منال , هاني وطنط صمموا نقبل العزومة بتاعتك انتي وجوزك

 

دي حاجة تسعدنا يا رشا هههه اهلا بيكِ

 

ازي والدك ورانيا اختك يا منال يا بنتي ؟

 

كويسين يا ماما الحمدلله , رانيا فرحها بعد شهرين ان شاء الله

 

ربنا يتمم بخير ان شاء الله اذا كان فيه خير

 

ايوة يا ماما ادعيلها بالله عليكِ , عشان انا كل المعاد ما بيقرب كل ما قلقي بيزيد

 

ربنا ما يجيبش قلق يا بنتي ان شاء الله , اومال فين الولاد يا منال ؟

 

 

معاذ ومريم هيجوا حالا يسلموا عليكو يا ماما ههه , هروح ابعتهوملك , عن اذنكو

 

طيب يا حبيبتي اتفضلي

 

مممم مبسوطة مني يا طنط ؟؟؟؟؟؟

 

ربنا يصلح حالك يا بنتي

 

مممم ميرسي

 

 

 

 

 

 

 

 

 

ازيك يا عبد الرحمننننننننن هههههه

 

ازيك انت يا معاذ هههه ما بتجيش عندنا ليه

 

انتو ساكنين بعيد وانا ما بعرفش اجي لوحدي

 

ابقى خلي باباك ومامتك يجيبوك عندنا

 

ان شاء الله , تعالى العب معايا ع الكمبيوتر يا عبد الرحمن

 

ماشي , انت شوفت السد العالي قبل كدة ؟

 

شوفته في الصور

 

ههههه انا بقى شوفته بحق وحقيقيييييي , بابا وداني انا وماما ومنة وكمان اتفسحنا في النيل فسحة كبيرررررررة والمركب فضلت ماشية بينا كتيررررر وكنا فرحانييييييين هههههه

 

الله ! ههههه انا عايز اجي عندكوووووو

 

تعالى يا معااااااذ

 

 

 

شوفتي العروسة دي يا منة ؟ بابا جابهاااالي

 

الله ! دي حلوة اوي , هاتي العب بيها شوية يا مريم

 

العبي بيها وانا هلعب بالتانية , انا عندي عرايس كتيرررر

 

وانا كمان عندي عرايس كتيررررر هههه

 

تن تن السلام عليكم يا ولاااااااد ههههه

 

وعليكم السلام يا امي هههه

 

ماماااااا تعالي شوفي منة عندنااااااااهههه

 

ههههه اهلا منة حبيبتي وحشتيييييييني اموووووووه

 

وانتِ كمان يا طنط ههه

 

ازيك يا عبد الرحمنننننننن اموووووه هههه

 

الحمدلله يا طنط كويسسسسسس , بلعب على الكمبيوتر مع معااااااااذ

 

ههه طيب معلش هاخد منكو معاذ ومريم شوية عشان يسلموا على تيتة وعمو هاني وطنط رشا , يلا يا معاااااذ

 

حاضر يا امي , راجعلك تاني يا عبد الرحمممممممن

 

ماشييييييي

 

عن اذنك يا مننننننننننة

 

مش تتأخري عشان نلعب مع بعض يا مريمممممم

 

حاضرررررر

 

 

 

 

 

 

الولاد جم يسلموا عليك يا سيدي , تعالى يا معاذ سلم على عمك هاااني

 

السلام عليكم يا عمي

 

اهلا حبيبي وعليكم السلام ههههه ازيك يا معاااااااذ , ماشاء الله كبرت وبقيت راجل اهو , ازيك يا مريووووومة تعالي اقعدي على حجري يا بنت هههه ايووووووة كدة هههههه

 

ازيك يا عمي هههه حضرتك مش بتيجي عندنا ليه ؟

 

ههههه عشان انا عايش خارج القاهرة حاليا يا مريوم

 

عايش فيييييييين

 

في اسواااااااااااااان , تيجي معاياااااا ؟

 

قول لأبي

 

ههههههه طب يعني هو لو وافق تيجي معايا ؟

 

لو ابي جه معايا وكمان امي وكمان معاذ هاجي

 

هههههههه انتو تنوروا , اتفقي مع ماما وبابا انهم يجيبوكوا عندنا في الشتا

 

ان شاء الله يا عمي

 

طابخين ايه النهاردة يا مريم عشان تفتحي نفسي ؟ هههههه

 

هههه عندنا بط وحمام ولحمة

 

الله الله الله ههههههه اهو ده الكلام يا مريوم هههههه

 

وامي عاملة كمان بطاطس محشية لحمة مفروووووومة وكمان كوسة بالبشاميل ورز بالخلطة

 

الله الله الله لالالالالا انا كدة جوعت اوي يا مريووووووووومة اتصرفي شوفيلك حل بسررررررررعة ههههههه

 

هههههه امي بتحط الاكل في الطبقات

 

ههههه الاكل في الطبقات هههههه طب هي فين الطبقات يا مريوووووم

 

هههه في المطبخ عند امي

 

طيب اديني مستني الطبقات ههههه على فكرة يا ماجد انا هبلغ عنك

 

لييييييييييييه ؟

 

عشان انت مدرس لغة عربية وبنتك بتجمع الكلام غلط ههههههه جمع طبق طبقات يا راجل ! هههههه

 

ههههههه لالالالالا يا مريم يا حبيبتي فضحتينااااااا هههه عاجبك كدة ؟ هههههه جمع طبق أطبااااااااق

 

طبق يبقى اطباق , خلاص انا عرفت , مش هقول طبقات تاني هههه

 

ههههه شطورة اموووووه البنت دي فيها شبه من امي على فكرة

 

هههه كتير بيقولوا كدة يا هاني , حتى طبعها هادي زي أمي

 

يلا يا مريم عشان نروح نساعد امي ونحط الاطباق ع السفرة , عن اذنك يا ابي عن اذنك يا عمي

 

اتفضل يا معاذ

 

عن اذنك يا ابي عن اذنك يا عميييييييييييي

 

اتفضلي يا مريم هههه حلو اوي انكو معودين الولاد يساعدوا امهم

 

منال معوداهم على كدة من زمان هههه اتعودوا كمان اول ما يصحوا من النوم كل واحد يرتب اوضته ومتعودين على النظام والترتيب , يحطوا كل حاجة من حاجاتهم الشخصية في مكانها , وزي ما انت شايف متعودين يساعدوا أمهم في المطبخ , مساعدات على قدهم يعني بعيد عن المخاطر , يعني يتناولوا منها اطباق يحطوها ع السفرا , يغسلوا الأطباق وينشفوها , حاجات زي كدة يعني

 

ههه ماشاء الله , ربنا يحفظهم , انت مربي ولادك كويس اوي

 

يا عم مربي مين ! ده هما اللي بيربوني وبيربوا أمهم من اول وجديد ههههههه الولد معاذ ده عاملنا نظام تقشف ما عيشتوش في حياتي ههههههه

 

تقشف ! هههههه

 

ههههه انت مش شايفني خاسس ازاي يا هاني ؟

 

ههههه اه والله صحيح , ومعاذ معيشكو في تقشف ليه ؟

 

تأسيا بسيدنا عمر إبن الخطاب رضي الله عنه , من ساعة ما أمه قرأت عليه قصة حياة سيدنا عمر وهو متأثر بيه جدااااااااا

 

بسم الله ماشاء الله , هاااايل شيء يفرح والله

 

ههههه المهم يا سيدي كان عايز كل يوم ياكل اكلات بسيطة وزهيدة لكن فضلنا وراه نحايله انا وأمه لحد ما اتفقنا نخليهم تلات ايام تقشف بس في الاسبوع حد وتلات وخميس

 

الحمدلله ان النهاردة السبت وما عندكوش تقشف ههههههههههه

 

ههههههههههههههههههههه ليه بس كدة يا هاني , ما تجرب معانا

 

لالالالالا يا سيدي ما اقدرش ههههه , انتو هتغدونا ولا دي اشاعة ؟ ههههه

 

هههههه اشاعة

 

نعممممممممم ههههه

 

ههههه يا عم ما تخافش , اهو العيال بيحطوا الأطباق ع السفرة اهو , عن اذنك هروح اساعدهم

 

اتفضل يا ماجد ههه

 

 

 

 

 

 

 

 

 

 

 

 

 

 

 

بابا نزل يا عبد الرحمن وماما نايمة تعالى نلعب في الصالووووون

 

ايوة بقالنا كتير ما لعبناش فيييييييه

 

 

 

 

عبد الرحمممممممممممن انت يا ولددددددد بطل تنطيط انت واختك على كراسي الصالوووووووووون

 

دي ماما صحيت , بنلعب يا مامااااااااا

 

ادخل جوا انت وهي عايزة اعمل مكالمة تليفون في هدوووووووء

 

هتكلمي مين يا مامتي ؟

 

هكلم طنط ماهيتاب اووووووووووووف حشرررررررررررية

 

هي طنط ماهيتاب حشرية ؟؟؟؟؟؟؟؟؟

 

ييييييييييييي اتفضلي يا حشرية يا سئيلة ادخلي جوا انتِ واخووووووكِ

 

حشرية سئيلة ! انا اسمي منة الله هاني يا ماما , هو انتِ نسيتي اسمي ؟

 

يعني اقوم دلوقتي اخنققققققققققك

 

لا يا ماما , شكرا , يلا يا عبد الرحمن ندخل نلعب جواااااااااا

 

يلا يا منة , ماما انا جعان , عايز سندوتشششششششششش

 

يا ابني ارحمننننني ارحمني , طول النهار كابسين على انفاسي ولما احب اتكلم في التليفون طلباتكو ما بتخلصشششششش , روح دلوقتي اوضتك وهخلص المكالمة واعملككككككككك

 

وانا كمان يا مامااااااااااااا

 

طيب طيييييييييييب حلوا عني بقىىىىىىىىىىىىىىى

 

 

هي ماما بتزعقلنا ليه يا عبد الرحمن ؟

 

مش عارف يا منة

 

طب تعالى لما هي تكلم طنط ماهيتاب نرفع السماعة ونسمع بيقولوا ايه ههههه

 

مااااااااااشي هههه

 

 

 

 

 

 

تررررررررررررررررررررررررررررررن ترررررررررررررررررررررررررررررررررررررررررررررررررررررررن

 

الووووووووووووووووووو

 

ايوة يا جاسر يا حبيبي , ازيك ههههه

 

انتِ مييييييييييييييييييييين ؟

 

انا طنط رشا يا روحي ههههههههههه

 

النمرة غلطططططططططططططط باي باااااااااااي

 

 

ولد يا ولددددددد ما تقفلش السكة ااااااااااه يا قليل الادب , ده ارزل من ولاااااااااااادي

 

 

ههههههه منة , جاسر قال لماما النمرة غلط وقفل السكة في وشها

 

هههههههههههههههههههه يا عيني

 

 

 

 

 

 

 

مين يا جاسر اللي اتصل

 

ماحدش

 

ماحدش ازاي يعني ! انا سمعت جرس التليفوووووووون

 

ما انا قولت الو وما حدش رد عليااااااااااااا

 

ترررررررررررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررررررن

 

 

اهو التليفون رن تاني , الوووو

 

ايوة يا ماهيتاب , انا رشااااااا

 

مش معقووووول رشااااااااا ههههههه

 

 

 

ايوة يا ستي رشاااااااا , اتصلت بيكِ وابنك قالي النمرة غلط وقفل السكة في وشي

 

اه يا مجرم يا قليل الادددددب , ولد يا جااااااسر

 

ايييييييييييييييييييه

 

جاتك أواااااااا , الف مرة اقولك لما انادي عليك تقول نعم , قفلت السكة في وش طنط رشا لييييييييييه

 

ما قفلتش السكة , دي كدااااااااااااااابة

 

عيب كدة يا قليل الاددددددددب , طيب يا جاسر , لما يجيلك باباااااااااااااا

 

خلاص بقى يا ماهي , هما الولاد كدة كلهم زي العفاررررررريت , تعالي شوفي ولادي عاملين فيا اييييييه , مقالب وحركات , دول بيخضوني كل خضة وخضة ! عاملينلي رعب

 

ههههه هنعمل ايه عفارييييييييييت , ازيك يا رشروشة وحشتيني , بتكلميني من اسوان ؟

 

لا يا ماهي انا في القاهرة من يومين

 

اخص عليكي يا وحشششششة يومين بحالهم وما تكلمنيش الا النهاردة !!!!!!!

 

اعمل ايه يا ماهي , جيت يا ستي وقعدت في شقة حماتي عشان شقتي مليانة تراب , وامبارح بقى طلعت نضفتها وادينا قاعدين فيها

 

ههههه قعدتي عند حماتك يوم بحاله

 

اووووووووف ما تفكرنيششششش , ست لا تطاااااااااااق

 

عبد الرحمن يعني ايه لا تقطاق دي ؟

 

مش عارف , اسكتي بقى يا منة عشان نسمع

 

هههه عملت فيكي ايه احكيلي احكيلييييييييي

 

اقولك يا ستي , اول ما جينا اتصلت بيا سلفتي اللي جاية من القرون الوسطى دي

 

هههههه ايوة , اللي سيبتي ولادك عندها ورجعوا يقولوا أمي وأبي ويعملولكو اختبارات يومية في الدين واسئلة عن الصحابة

 

ايوة يا ستي هيييييييي , اسكتي ما تفكرنيش بالعيال واللي جرالهم على ايديهاااااااا , طب دانا عندي اسيب العيال مع نسرين وما اسيبهومش معاهااااااا

 

المهم ايه اللي حصل يعني لما اتصلت سلفتك

 

اووووووف انتِ عارفة اني ما بطيقهاااااااااش , ما بتصورهاااااااااش , ما بحبش اشوفها يا نااااااااس , كل كلامها في الدين وعايزة تحسس اللي قدامها انه جاااااااهل , الهانم ال اتصلت تعزمني ع الغدا وانا رفضت , فيها حاجة دي يا ماهي تزعّل الست حماتي ؟؟؟؟؟؟؟؟

 

وحماتك تزعل ليه ان شاء الله !!!!!!!

 

الست منال قومتها علياااااااا , ما اعرفش بقى قالتلها ايه عني خلى حماتي تقولي ازاي ترفضي عزومة مناااااااال ازاي تكلمي منال بالاسلوب دددددددده

 

يا سلاااااااااااااااام !!!!!! وهي مالهااااااااا

 

انا عارفة !!!!!! المهم بصراحة خوفت الموضوع يوصل لهاني وانتِ عارفة ان مامته دي عنده بالدنيا كلهاااااااا لو شم خبر من بعيد اني زعلت الهانم مامته ما عرفش ممكن يعمل فيا اييييييييه

 

انا مش عارفة بصراحة جوزك ده ازاي يقلل من شأنك ويعلي غيرك كدة ! طب لو حازم فكر يعاملني بأسلوب معاملة جوزك ليكِ كان زماني سيبتله البيت مطربق على دماغه من زماااااااااااان

 

مممممم اصل بصراحة هاني شخصيته قوية اوي يا ماااااهي , انا لو سيبتله البيت مش ممكن هيجي يصالحني

 

عشان انتِ اللي رخصتي نفسك عنددددددده , لو كنتِ بتديله على دماغه من الأول كان عرف مقااااااامك , ال على رأي المثل اللي مامتي حبيبتي ربنا يخليهالي بتقوله , ابنك على ما تربيه وجوزك على ما تعوديه , وانتِ بقى يا رشا عودتي جوزك انه يديكِ على دماغك وتسكتيله ههههههه

 

مممممم يا حبيبتي جوزي قولتلك شخصيته قوووووووية لكن اسمحيلي جوزك مختلف عن جوزي لانه شخصيته ضعيفة قدامك

 

طب هو في احلى من ان جوزك تبقى شخصيته ضعيفة قدامك ! ههههههه

 

هههه لالالالالا انا بموت في شخصية هاني القوووووية , تحسي كدة انك عايشة مع شخصية غير عااااااادية تقيل موووووووت ههههههه بموت في تقله ههههه

 

هههههه يبقى ما تشتكيش بقى يا حبيبتي

 

ازيك يا طنط ماهيتااااااااااااب

 

ايه ده ! بسم الله الرحمن الرحيم , ايه الصوت ده يا رشا

 

يا خبر اسووووووود , دول العفاريت رافعين السماااااااااااعة , اقفلي دلوقتي يا ماهي هكلمك بعدييييييين بااااااي

 

باي باي يا رشاااااااااااا

 

 

 

استخبي يا منة تحت السرير ماما جاااااااااااااية

 

يا ماممممي , يلا نستخبى بسررررررررررعة

 

 

انت يا ولد انت وهييييييييييييييييي

 

 

.........................................................

 

انا عارفة انكو تحت السريرررررررررررررر

 

 

...................................................................

 

 

يعني مش هتطلعوووووووا ؟؟؟؟؟؟؟؟ اوكيه انا بقى هطفي النور واقفل الباب عليكو من برا بالمفتاااااااااااااااح

 

 

..................................................

 

 

يعني مش خايفيييييييييييييين ؟؟؟؟؟؟؟؟؟؟ طييييييييييييب لما يجي بابا انا هقوووووووووله , انا رايحة المطبخ جاتكو الأررررررررررررف , عايشة مع عصااااااااابة , دول مش اطفال ابدااااااااااااا

 

عبد الرحمن هو احنا مش اطفال ؟

 

مش عارف

 

طب يلا نطلع من تحت السرير عشان نقول لماما فين السندوتشاااااات

 

مااااشي

 

 

 

 

 

 

 

انا وعبد الرحمن عايزين السندوتشات يا مامااااااااا

 

مافيش سندوتشااااااااااااات

 

ليه يا ماماااااااااا

 

عشان انتو قلالات الأدببببببببب

 

هما قلالات الأدب ما بياكلوشششششش ؟

 

 

ييييييييييييي اتفضلوووووووووا السندوتشات اهيه وامشوا من وشييييييييي

 

يلا يا منة ناكل السندوتشات قدام التليفزيون

 

ماشي , يلا نروح نفتح التلفزيون ههههه

 

يلا يا مننننننننة

 

ممممم استنى هرجع اقول لماما حااااااجة

 

ماشي , ما تتأخريشششششش

 

 

ماماااااااااااا

 

يا رب ارحمننننننننني , عايزة اعمل الأككككككككل سيبيني بقىىىىىىى

 

هو يا ماما يعني ايه جوزك على ما تربيه وابنك على ما تعديه ؟؟؟؟؟؟؟؟؟؟

 

اييييييييييييه , يا خبرررررر ! اولا يا جاهلة الامثال , المثل اسمه جوزك على ما تعوديه وابنك على ما تربيه , ثانيااااااا سمعتي الكلام ده فييييين ؟

 

من طنط ماهيتااااااااااب , انتِ كنتِ بتقولي انك زعلانة من تيتة عشان هي لا تقطاق , يعني ايه لا تقطاق يا مامااااااا ؟

 

يا خبر اسووووووووود , منة يا حبيبتي الكلام ده عيب جدااااااااا ووحش قووووووووي وما ينفعش تقولييييييييه

 

اومال انتِ بتقوليه ازاي يا ماماااااا ؟

 

حبيبتي انا كبيرررررررررة , لكن انتِ صغيرة

 

مممممم يعني هما الكبار يقولوا كلام وحش والصغيرين يقولوا كلام حلووووووو

 

اووووووووف يا ررررربي البنت هتوديني في داااااااااهية , منة حبيبتي بنتي روح قلبييييييي امووووه , ما يصحش يا حبيبتي انك تنقلي كلام سمعتيه , ربنا يوديكِ النااااااار

 

يوديني النار ليه ! مش انا اللي قولت كلام وحشششششش , انتِ اللي قولتليه يا مامااااااااااا

 

يا خبرررررررر اهئ اهئئئئئئئئئئ اعمل ايه دلوقتي ياااااااااااربي , بصي يا حبيبتي لو بابا سمعك بتقولي الكلام ده هيقول عليكِ بنت وحشة وبتتجسسي على المكالمات ودي حاجة حراااااااااااام , بابا يزعل منك وكمان ربنا هيعاقبك لانه نهانا عن التجسس

 

يعني ايه تجسس ؟؟؟؟؟؟؟

 

يعني يا حبيبتي يا روح قلبي يللي بتسمعي كلام ماما انك تحطي ودنك على بابا او تليفون وتسمعي كلام ما يخصكيشششششش , حرام يا منة حرااااااااااااام , انتِ عايزة تروحي النار

 

لااااااااااا

 

خلاص , يبقى ما تعمليش كدة تاني اهئ اهئ وما تقوليش لباباكِ على اللي سمعتييييييييه

 

مش انا بس اللي سمعت , عبد الرحمن كماااااااااااان

 

يااااااااربي اهئ اهئئئئئئئئئئئئ , ياربي لو هاني عرف هروح في داهية اهئ اهئئئئ عبد الرحممممممممممممممممن

 

نعم يا ماماااااااااااااااااااااااااااااااااااااا

 

تعالى يا ابني يا حياتي يا روح قلب ماما هقولك كلمممممممممممة

  • معجبة 1

شارك هذه المشاركه


رابط المشاركه
شارك

اذكرن الله كثيرا يا حبيبات

 

جعلني الله وإياكن من الذاكرات

 

post-110778-0-85376100-1422721639.jpg

 

 

 

سبحان الله وبحمده

 

 

سبحان الله العظيم

شارك هذه المشاركه


رابط المشاركه
شارك

post-110778-0-87908600-1422722558.jpg

 

 

 

استاذ احممممممممممد انت داخل عند الحاج عادل ؟

 

ايوة , خير يا عم موردي في حاجة ؟

 

هو ما جابلكش سيرة ان صابرين بنتي هتشتغل هنا

 

الحاج قالك كدة ؟

 

ايوة , اني كلمته وهو وافق ههه

 

وافق !!!!!!!!! مممممم ربنا يصلح الحال يا عم موردي , عن اذنك

 

اتفضل

 

 

 

 

 

تن تن يا حاج

 

ادخل يا احمد

 

ايه الكلام اللي سَمَعته من عم موردي ده ؟

 

كلام ايه ؟

 

انت صحيح هتشغل بنته معانا هنا ؟

 

طب ودي فيها ايه ؟؟؟؟؟

 

يا حاج دانت لما ادهم اخويا كان عايزك تجيبله سكريرة رفضت وقولت ما بنشغلوش حريم

 

ههههه الكلام ده مع ادهم , اني رفضت عشان ما نضمنوش اخوك , ونخافوا يعملنا مشاكل , ودي اعراض ناس , لكن انت يا احمد ما يتخافش منك , انت بتتقي الله

 

يا حاج مافيش بني ادم معصوم , الواحد بيبعد عن الشهوات عشان ما يسقطش فيها

 

شهوات ايه يا ابني ! هو اني لا مؤاخذة هنشغلوا واحدة أي كلام ! دي بنت موردي , يعني بت متربية

 

مممممم واضح انك مصمم على قرارك , ودي هتشغلها ايه يا حاج ؟؟؟؟؟؟؟؟؟

 

سكرتيرة للشركة

 

احنا مش محتاجين سكرتيرة

 

لا محتاجيييييييين , يعني عاجبك اللخبطة والمواعيد البايظة بتاعة العملاااااااا , كل واحد يجي في الوقت اللي يعجبه ويقابلني في الوقت اللي يعجبه ! وكمان انت محتاج واحدة تقوم بالاتصال بالعملا بدالك , انت يا ابني بتقوم بشغل المينا وشغل سكرتير كمااااااااان , كفاية عليك شغل المينا ونخلي شغلانة السكرتيرة لبنت موردي , واهو نساعدوا الراجل اللي خاديمنا طول عمره

 

على راحتك يا حاج , الشركة شركتك وانت صاحب الأمر والنهي فيها , امضيلي الورق ده من فضلك

 

هات يا احمد , البت رحمة سألت عليك من شوية

 

هههه البت دي هنضربوها , كل ما نتصلوا بيها ما نلاقوهاش

 

بتكون فين يعني

 

عند الجيران

 

ههه عيلة وبتلعب , خليها تعيشلها يوميييييين

 

بس الله يخليك يا حاج تقول لام رحمة تحاول تمنع البت شوية عن الجيران , البت يوم عن يوم بتكبر

 

يا احمد البت صغيرة يا احمددددد تووووووء مش عايزين نضيقوا ع البت , يعني من دلوقتي هنقفلولها ع الواحدة ونقولولها اعملي ده وما تسويش ددددده

 

يا حاج اني ما عنديش مانع انها تلعب مع ولاد الجيران بس لما يكونوت بنات زيهاااااا

 

الصبيان والبنات كلهم واحد في السن ده

 

اديك قولت يا حاج , في السن دددددده , طب وبعد السن ددددددده ؟

 

هنمنعوهااااااا , اشجان عارفة كدة كويسسسس , البت طالما بلغت يبقى خطوتها بحسااااااب كلامها مع الناس بحساب , ما تخافش على اختك , وكمان اشجان جدعة وعمرها ما هتسيب السايب في السايب

 

اتمنى يا حاج , انت عارف اني نحبوا رحمة ونخافوا عليها قد ايه

 

ههه وهي روحها فيك وربناااااا

 

اني بنفكر ناخد هيام يومين كدا ننزلوا القاهرة نطمنوا على رحمة ونشوفوها عشان وحشتني اووووي

 

وماله , مممممم مافيش اخبار

 

اخبار ايه يا حاج

 

الست الهانم مرااااااااتك

 

دعواتك يا حاج

 

اوووووووووف خد الاوراق مضيتها

 

متشكر يا حاج , عن اذنك

 

اذنك معاك يا سيديييييييي , لا اله الا الله , الواحد ماسك اعصابه بالعافييييييييية

 

 

 

 

 

 

 

 

 

 

 

 

 

 

 

 

 

 

 

 

 

يا حاج عااااااادل

 

ايوة يا موردي

 

صابرين بنتي جت برا ههه

 

خليها تدخل

 

 

حاضر يا حاج , ادخلي يا صابرين

 

 

السلام عليكم يا حاج عادل

 

ههه اهلا , عليكم السلام ورحمة الله , ازيك يا صابرين

 

كويسة الحمدلله

 

اتفضلي اقعدي

 

متشكرة اوي يا حاج

 

قوليلي بقى تعرفي تشتغلي سكرتيرة وتقومي بالشغل اللي هنكلفوكِ بيه ؟

 

نعرف ان شاء الله , اني بنعرف نكتب على الألة الكاتبة

 

احمد مشغل الشركة بنظام الكمبيوتر , على العموم مش مشكلة , تستلمي شغلك ويبقى احمد يعلمك كمبيوتر

 

الاستاذ احمد ؟

 

ايوة , يعلمك لحد ما تعرفي تشتغلي عليه لوحدك , المرتب 300 جنيي

 

كتر خيرك يا حاج , كويسين اوي هههه

 

ولما نشوفوا شغلك وتتقدمي معانا هنزودوكِ ان شاء الله

 

ان شاء الله يا حاج

 

تيجي من اول الشهر الجديد يا صابرين مواعيدك من تمانية تمانية الصبح لحد اربعة العصر واني هنجهزولك مكتب في الاستقبال عشان انتِ اللي هتستقبلي الزباين والعملا وهتردي ع التليفونات وتنظمي المواعيد , ما حدش هيقابلني غير بمعاد هتحدديه انتِ وتكتبي اسامي العملا وتركزي في شغلك

 

حاضر يا حاج , ان شاء الله نكون عند حسن ظنك , ان شاء الله هنكونوا هنا من اول الشهر, تأمرني بحاجة تانية قبل ما نمشي ؟

 

لا يا صابرين , متشكر , ابعتلي احمد يا موردي

 

حاضر يا حاج , يلا يا صابرين اتوكلي على الله انت روحي البيت

 

حاضر يا بابا , السلام عليكم

 

وعليكم السلام يا بنتي , بالإذن يا حاج

 

اتفضل مممم بت حلوة بصحيح , ياريت يحصل اللي في بالي عشان نستريح

 

 

 

 

 

 

 

 

 

تن تن يا حاج

 

ادخل يا احمد

 

أأمر يا حاج

 

البت بنت موردي هتيجي تستلم الشغل من اول الشهر , يعني كلها عشر تيام , اني عايزك تعلمها كمبيوتر

 

اييييييه !!!!!

 

في ايه ! اني قولت حاجة غلط !!!!

 

يا حاج نعلموها ازاي بسسسس !!!!! معنى اني نعلموها انها هتقعد جنبي قصاد الجهاز أو ع الأقل اني هنقف جنبها ونكونوا قريب منها عشان نعلموهااااا

 

طب ودي فيها ايه يا ابني

 

فيها كتير يا حاج , اعفيني من فضلك

 

ايّووووووووووه ! جرا ايه يا اابني !!!! ده شغغغغغغغغغغل

 

يبقى خليها تتعلم برا على حساب الشركة , مراكز تعليم الكمبيوتر كتير

 

ممممم طيب , روح يا احمد شوف شغلك

 

 

تن تن حاج عاااااادل , الحاج نادي عبد ربه عايز يقابلك

 

خليه يدخل يا موردي , شوفت يا احمد اهو جاي من غير معاااااد ,عشان تعرف احنا محتاجين صابرين قد اييييييه

 

................ عن اذنك يا حاج

 

 

ازيك يا احمد يا ابني هههه

 

ههه اهلااااااا ازيك يا حاج نادي , نورت الشركة

 

منورة بصاحبها ههههه حاج عاااااااااادل

 

اهلا يا حاج نادي ههههه اتفضل

 

ابعتلنا موردي يا احمد يشوف الحاج نادي يشرب ايه

 

حاضر يا حاج , بعد اذنكو

 

اتفضل

 

 

 

 

 

 

 

 

 

 

 

 

السلام عليكم يا ماما

 

وعليكم السلام , حمدالله ع السلامة يا صابرين هههه هااااا عملتي ايه في الشركة ؟

 

الحمد لله يا ماما , هستلم الشغل من اول الشهر إن شاء الله

 

وقابلتي الحاج عادل ؟

 

ايوة طبعا , قابلته واتفق معايا وقالي هيديني 300 جنيي كل شهر

 

هههه بسم الله ماشاء الله , طب والاستاذ احمد قالك ايه ؟

 

قالي ايه في ايه ؟

 

انتِ ما شوفتيهوش ولا ايه يا صابرين ؟

 

شوفته كان معدي قدامي

 

يعني ما سلمتيش عليه ؟

 

ونسلموا عليه ليه يا مامااااا ! هو انا رايحة نتآنس ونتعرف ولا ايه !!!! اني رايحة نشتغل

 

يا بنتي مش هو ابن صاحب الشغل , كان لازم تشكريه عشان يعينوكِ في الشركة , يعني تقوليله كتر الف خيرك يا استاذ احمد , اني مبسوطة اني هنشتغل معاك يا استاذ احمد

 

ايّووووووووووه ! ايه ده يا ماما ! لالالا , اني عمري ما نزلت من كرامتي كدة , اني كرامتي بالدنياااااا

 

ايّوووووووووووووووووووه هو حد جه يمة كرامتك يا بنتي !

 

اني ما نحبش نتمحلس لحد كدة يا ماما , اني هنشتغل معاهم واذا الامر استدعى كلام بيني وبينه نتكلم وإلا مالوش لزمة الكلام , عن اذنك يا ماما اني داخلة نغير هدومي ونتوضى عشان الضهر قرب

 

روحي يا بنتي ,دماغك ناشفة يا صابرين و فيها ايه بس لما تلين الكلام للجدع يمكن قلبه يحن ويتجوزها , هو عيب ولا حرام !!!!!!! ايّوووووووه عليكِ يا صابرين

 

 

 

 

 

 

 

 

 

 

 

 

 

 

 

 

 

احمد حبيبي هههه قفشتككككك سرحان في ميييييييين ؟ اوعى تكون واحدة غيري لنقتلووووووك ههههه

 

هههههه طب اقولك الصراحة بس ما تقتلنيش يا هيومة ؟

 

اييييييييييييييييييييييييييه

 

هههههه ما تتخضيش كدة , الموضوع مش زي ما انتِ فاهمة

 

مممممم طب فهمني يا حبيبي وقولي كنت سرحان في مين عشان شكل الليلة كدة مش هنعدوهالك على خيرررررررر

 

هههه طب بس اقعدي وبلاش تبريئة العنين دي عشان بنخاف منك هههه

 

اتكلم يا احمد وبلاش هزاااااار , مين بقى اللي شاغلة بالك دددددددي قولي هي فين واني نقطعوها بسناااااااااااني

 

هههههه يا بت يا متوحشة انتِ هههههه طب دانتي بتخافي من خيالك يا هيومة

 

صحيح بنخافوا من خيالي لكن لو الموضوع يخص جوزززززززززي ما نقولكش ممكن نعملوا اييييييييييييييه

 

يا امّاااااا هههههههه بصي يا ستي عشان دماغك ما توديش وتجيب , الموضوع يخص الحاج , اصله عين سكرتيرة وهتستلم شغلها من بكرة

 

اييييييييييييييه !!!!!! سكرتيررررررررة ومن امتى ابوك بيشغل بنااااااااااات

 

اصل البنت تبقى بنت عم موردي الساعي بتاع الشركة , وهو اللي طلب من ابويا يوظفله بنته وابويا ما رضيش يكسفه

 

ممممممم والبت دي شكلها ايه ؟؟؟؟؟؟؟؟؟؟

 

ههه ما اعرفش والله يا هيومة

 

يا سلاااااااااااااااااااااااااااااااااااااااام

 

ههههه يا سلامين , والله عيني ما وقعت عليها غير صدفة ونزلت عيني بسرعة

 

وليه يا اخويا تنزل عينك بسرعة , كنت اتملى في محاسنها

 

ههههههههههههههههه والله شكلك زي العسل وانتي غيرانة

 

واني هنغيروا من ايه !!!!!! هي عندها كام سننننننننننة

 

مش عارف بس تقريبا تسعتاشر او عشرين

 

ممممم وعرفت منييييييييين

 

ابدا , اصل من سنتين تقريبا عم موردي كان بيقول صابرين بنتي خدت دبلوم التجارة

 

ممممم هي اسمها صابرين ؟

 

ههه ايوة

 

ربنا يعوض علينا عوض الصابرييييييييييييييييين

 

ههههه آمين يا حبيبتي , هتعشيني ايه ؟

 

جبنة قديمة ورغيف عيشششششششش

 

ههههه كدة يا هيوووووووووومة ! زعلان منك

 

واني متغاظة مننننننننننننك

 

ليه بس يا حبيبتي ؟؟؟؟؟؟ هههه

 

عشان انتِ ما قولتش لابوك بلاش نشغلوا البت دددددددي

 

والله قولتله يا هيومة بس هو قالي احنا محتاجين سكرتيرة تنظم شغل الشركة , واني ما ينفعش نعترض يا هيومة , دي مهما كان شركته وهو حر , هتعشيني جبنة قديمة

 

ايووووووووووووووة

 

طب وهتفضلي مكشرة كددددددددة ؟ هههه

 

البت دي يا احمد لا تكلمها ولا لسانك يخاطب لسانهااااااا

 

ههههه طب ولو ظروف الشغل استدعت الكلام نعملوا ايه ؟

 

يا سلاام ! من امتى يعني انت بتحتاج لحد في شغلك ؟

 

هههه لو في سكرتيرة يبقى اكيد هنحتاجولها في حدود الشغل يا هيومة

 

بصراحة اني خايفة منك , خايفة لتعمل عملة ابوك وتتجوز عليااااااااا

 

انيييييييي ! هههه على العموم لو عشتيني جبنة قديمة هنفكروا نتجوز فعلااااااا

 

لا وعلى ايه , اني مش عايزة تلاكيك , هنحطوا صنية المكرونة البشاميل واللحمة المحمرة

 

هههه ايوة كدة , الأدب حلوووو , فرفشي بقىىىىىىى

 

مش هنفرفشووووووا

 

هههه على فكرة احلى حاجة في امي كنت بنشوفوها بتعملها مع ابويا انها دايما كانت مفرفشة ومدلعة نفسها

 

اسم الله , بأمارة ما دلعها نفع مع ابوك وما اتجوزش عليها

 

هههههههههههههههههههههههههههههههههههههههه اني بقى الدلع بيجيب معايا نتيجة , اصل كلامك في سرك , بنحبوا مراتي اوووووووووي , نموتوا فيهاااااااا , قمررررر وربنا قمرررررررر وعليها رمش عين بيدبحني هههههههه

 

ههههههههههههههه ايّووووووووه كسفتني يا احمد

 

ههههههههه طب يلا بقى يا حبيبتي حطي العشا عشان جوعت اووووووووي

 

حاضر يا حبيبي هههه من عنيااااااا , على فكرة اني رايحة عند الدكتورة اللي قالتي عليها طنط ام امير بكرة اني وماما

 

طب ما تستني نفضي نفسي ونيجي معاكِ يا حبيبتي

لا يا حبيبي ما فيش داعي , اني هنروح اني وماما وبعدين نروحوا وابقي عدي عليا خدني من عندها

 

طب بس مش هنطلعوا , هضربلك كلاكس تنزلي على طول , وما تجبيش العلاج , واحنا مروحين نبقى نجيبوه من أي صيدلية في طريقنا

 

خلاص يا حبيبي اتفقنا هههه احممممممد

 

عيون احمممممد هههه

 

اني بنحبوك اووووووي

 

بنحبوكِ اكتر يا هيووووووومة , انتِ كل حياااااااااااتي

 

............. هتصبر عليا يا احمد وعلى علاجي ؟

 

انتِ عندك شك يا هيومة

 

لا , بس اني خايفة يجي اليوم اللي صبرك ينفذ فيه

 

مش هيجي يا هيام , اني صابر , ولو لاخر يوم في عمري صابر ومش هنتخلى عنك

 

هههه يا حبيبي يا احمممممممممممد ربنا ما يحرمنيش منكككككككك

 

ههه ولا منك يا حبيبتي اللهم آمين

 

 

 

 

 

 

 

 

 

 

 

 

 

 

 

 

 

 

 

ها يا دكتورة , طمنيني على بنتي ؟

 

اطمني يا حاجة , مافيش حاجة تقلق ان شاء الله , مافيش حاجة عضوية تمنع الحمل غير شوية لخبطة في الهرمونات ودي هتتظبط بالعلاج ان شاء الله , مسألة وقت ان شاء الله

 

يا دكتورة اني بقالي اكتر من سنة متجوزة , وقت ايه بس اللي هنستنوه تااااااني , استغفر الله العظيم

 

ههه مقدرة قلقك يا مدام هيام , بس صدقيني ما فيش حاجة تمنع الحمل الا حاجات بسيطة , واظبي انتِ بس على العلاج وان شاء الله تفرحي بالبيبي قريب

 

يارب يا دكتورة يااااااااارب

 

انا كتبتلك الادوية دي , تمشي عليها بانتظااااااااااام اتفضلي الروشيتة

 

شكرا يا دكتورة , يلا يا ماما

 

يلا يا بنتي , متشكرين يا دكتورة

 

العفو يا حاجة , ترررررررررررررررررن دخلي الكشف اللي بعده يا هنااااااااء

 

 

 

 

 

 

 

 

 

 

 

مش هتجيبي الدوا يا هيام اللي كاتباه الدكتورة ؟

 

احمد قالي هيجيبه هو يا ماما

 

طيب يا حبييتي , ربنا يجعله بالشفا يا بنتي ويقبل دعايا

 

يارب يا ماما

 

حاسبي يا هيام رجلت تقع في الحفرة دددددددي

 

اااااااااااااااه

 

بنتييييييييييييييي قومي يا هيااااااام قومي يا حبيبتي , بسم الله الرحمن الرحيم

 

اااااه رجلي يا ماماااااا اهئ اهئئئئئئ رجلي اتلوت اهئ اهئئئئئئئ

 

 

لا حول ولا قوة الا بالله , هاتي ايدك يا حبيبتي وقوووووومي

 

ااااااه مش قادرة اهئ اهئئئئئ

 

 

ايه ده , في حاجة يا مدااااااام , أي مسااااااااعدة

 

بنتي وَقَعت ورجلها اتلوت ومش قادرة تقووووووم

 

هاتي ايدك يا مدام قوووووووومي

 

ااااااااااه رجلي ااااااااه اهئ اهئ

 

معلش , حاولي تقفي عليها

 

متشكرين يا ابني , قامت اهيه خلاص

 

سلامتك يا مدام

 

الله يسلمك ااااااه

 

اسندي عليا يا هيام

 

يا خبر يا ماما , دي الجزمة اتقطعت من الوقعة

 

يعني مش هتعرفي تمشي بيها ؟

 

ناخدوا تاكسي ونصلحوها عند الجزمجي اللي ع الشارع العمومي برا

 

طيب يا حبيبتي , انتِ احسن دلوقتي

 

الحمدلله يا ماما اااااه الم بيروح ويجي الحمدلله

 

 

 

 

 

 

 

 

 

 

اهو الجزمجي اهو يا ماما , استنيني في التاكس على ما نصلحوا الجزمة

 

طب ما تخليكِ انتِ يا بنتي واني نروحوا بدااااالك

 

لا يا ماما , اني مديونة للراجل العجوز ده ولازم نروحوا بنفسي

 

 

 

 

السلام عليكم

 

اهلا يا ست هااااانم وعليكم السلااااااام

 

من فضلك والله اني جزمتي اتقطعت وعايزة نخيطها

 

تحت امرك يا ست هانم , اتفضلي اقعدي

 

متشكرة

 

اااااااه يا رجلي

 

 

 

 

 

اتفضلي , الجزمة خلصت

 

متشكرة اوي , حسابك كام

 

تلاتة جنيي

 

اتفضل 100 جنيي اهم

 

ايّوووووووووووووووووووه 100 جنييييييي , 100 جنيي مرة واااااااااحدة

 

ايوة , انا مديونالك يا عم الحاج

 

ههه حضرتك مديونة ليا اننننننننني !!!!!!

 

ايوة , من اكتر من سنة جيت عندك نخيطوا جزمة مقطعة ولما سألتك عن الحساب قولتلي تلاتة جنيي واني قولتلك معايا اتنين جنيي بس ومع ذلك خدتهم وما كسفتنيش , فاني النهاردة جاية نردوا الدين اللي في رقبتي

 

ايّوووووووووووووووه , شوف كرم ربنا ع العباااااااد , اني افتكرتك يا بنتي , سبحان الله , سبحان الوهااااااب , بس يا بنتي المفروض تردي الجنيي اللي عليكِ بس

 

لا يا عم الحاج , اني انتويت بيني وبين ربنا انه لو أكرمني ورزقني هنرجعولك الجنيي 100 جنيي , ويمكن عشان اتأخرت عليك ربنا ارغمني اني اجي لحد عندك نردوا الدين , السلام عليكم

 

وعليكم السلام يا بنتي , ياااااااااه سبحان الله

 

 

 

 

 

 

 

 

 

 

 

 

 

تررررررررررررررررررررررن تررررررررررررررررررررررررررررررررررررن

 

 

السلام عليكم

 

عليكم السلام يا احمد , تعالى خدني من عند ماما , اني بنكلمك من الشارع وطالعة معاها دلوقتي

 

مال صوتك يا هيام

 

ابدا , اصل اني وَقَعت , رجلي اتلوت في حفرة ووجعاني شوية

 

ايييييييه وَقَعتي !!!!! تووووء مش تخلي بالك وانتِ ماشية يا هياااااااااام

 

اللي حصل يا احمد , الحمدلله جت على قد كدة

 

الحمدلله , , , رجلك بتوجعك اوووووي ؟؟؟؟؟؟؟

 

هه يعني

 

تووووء طيب اني جاي حالااااااااا سلام دلوقتي

 

الله يسلمك يا حبيبي

 

 

 

 

 

 

 

 

 

 

 

 

 

تررررررررررررررررررررررررن ترررررررررررررررررررررررررررررررررن

 

هيااااااااااام تررررررررررررررررررررررررررررررررررررررررررررررررررررررن

 

 

افتحي يا ماما احمد بيرن الجرسسسسسس

 

ايوة يا احمددددددددددد

 

اهلا يا حبيبي ادخل

 

السلام عليكم يا امي

 

وعليكم السلام

 

فين هيااااااااااام

 

ممددة ع السرير عشان رجليها ترتاح شوية

 

هيااااااااااااااااام

 

تعالى يا احمد

 

ايه يا هياااااااااام ماااااااااالك حاسة بإيييييييه

 

هههه حاسة اني زي الفل وماحدش قدي

 

والله !!!!! بتهزررررررري

 

ههههه وما نهزرش ليه وننسى الألم واني شايفة حبيبي داخل ملهوف عليا اللهفة دي ؟

 

ههه مدوخاني معاااااااااااكِ , ايه اللي حصل يا ستي

 

ابدا يا حبيبي , نَزَلت من عند الدكتورة ويادوب ماشية اني وماما والاقي رجلي اتزحلقت في حفرة واتلوت

 

توووووووء اني مش عارف يعني انتي ماشية باصة فييييين , مش تركزي في طريقك وتشوفي ايه اللي تحت رجلككككككك

 

معلش يا حبيبي ,الحمدلله جت على قد كدة , داني ما كنتش قادرة نقوم , لولا شاب كان معدي راح مد ايده وقومني

 

اييييييييييه !!!!!!! ايه التهريج ددددددددده , ايه اللي شاب معدي ومد ايده وقومك ددددددددده

 

نعمل ايه بس يا احمد , اني ما كنتش قادرة نقوموا من مكااااااااني وماما مش قادرة تشدني

 

اووووووووف بنقولولك ايه يا هيااااااااااااام خروج من غيري تاني مرة ما يحصلششششششششش

 

حاضر يا حبيبي حااااااااضر , اخر مرة نخرجوا من غيرك , روق بقى

 

اروق ايه بس واهبب اييييييه , اني ما نطيقش حد يلمس شعرك منننننننك ازاي عايزاني نهدا لما تقوليلي واحد مدلك ايده وقوووووووووومك

 

خلاص بقى يا احمد , بالله عليك اهدا , مش هنخرجوا من غيرك تاني , خلاص بقى يا حبيبي

 

اتفضلي قومي عشان نروحوا المستشفى نشوفوا حكاية رجلك ده

 

اني كويسة دلوقتي

 

ني عايز نطمن يا ستيييييييي

 

حاضر يا حبيبي هنقوم اهو , ربنا ما يحرمني منك يا احمد هههههه بنحبوووووووك

 

 

..................................................

 

ايّووووووووووه ما ترد يا جدع انت , بنقولك بنحبوووووووووك

 

مش فايق يا هيام , يلا عشان نمشي

 

هههه ماشي , هنسيبوك براحتك عشان انت متضايق بس , لكن انت مديون بكلمة بحبك مرتيييييييين اوعى تنسى هههههه

 

ههه يلا يا ستي

 

 

 

 

 

 

 

 

 

 

 

 

 

 

 

ازيك يا حاج

 

ازيك يا احمد , اتصلت بيك بالليل ما رديتش

 

ايوة اصل هيام كانت تعبانة شوية ووديتها المستشفى

 

تعبااااااااانة ! مالهااااااااا , ايه الأعراض اللي عندها قوووووولي

 

ابدا يا حاج , اصل رجلها اتلوت في حفرة وكانت وجعاها فخدتها وديتها المستشفى والحمدلله طمنونا

 

رجلها اتلوت هأ مممم طيب , تعيش وتعالج يا سيدي , اني جبتلك تليفون محمول واشتريت لنفسي واحد

 

ههههههه وايه لزومه يا حاج

 

ايه لزومه ! طب ده اجدع اختراع عرفته لحد دلووووووقتي , اختراع مفيد بصحيييييح , الواحد يعرف يطمن على أي حد في أي مكااااااااان خد التليفون اهو

 

ههه متشكر يا حاج

  • معجبة 1

شارك هذه المشاركه


رابط المشاركه
شارك

انا مبحبش الناس اللى زى رشا اللى بتعامل الملتزمين وحش ومهما ضحكتى فى وشها وعاملتيها حلو برضه زى ماهى

هى منال مش عايزه تعمل انها متعلمه وهما جاهلين عادى هى تحب تعلمهم الصح عشان خايفه عليهم

 

بس مش عاجبنى معاذ انه بيعمل تقشف وخصوصا انه طفل كمان

 

ههههه عبد الرحمن ومنه فظاع واحنا اطفال كنا بنعمل زيهم برضه احياانا

 

هى غلط اللى رشا بتعمله بس فى نفس الوقت مش عاجبنى طريقة هانى وهو بيكلمها ويعرفها الصح والغلط

عايزاه يعرفها بطريقه حلوه

 

رشا لما اتحطت فى موقفه اضطرت تعملهم حاجه صح ( :

 

ومنال وماجد اممممممم هو فى زوجين بيبقوا كده حياتهم ^^ بحس ان معظم الرجال مش كده

 

حلوه الصور اللى بتجيبها يا هبه انا بستخدمها ماشى ؟

شارك هذه المشاركه


رابط المشاركه
شارك

الحلقات يا حلوين اتحطتت

 

عايزة اشوف التفاعل ان شاء الله

 

 

منورة يا سوسو يا قمرررررر وحشتيني حبيبتي جدااااااااااا

 

متشكرة على كلامك الجميل حبيبتي

 

حبيبتي الصور اي حد ممكن يستعملها , انا بجيبها من عمو جوجل صور هههههههه

شارك هذه المشاركه


رابط المشاركه
شارك

امممم هى هيام ليه حكلته ان شاب مد ايده وقومها مش لازم اكيد هيغير طبعا

 

ام صابرين دى منرفزانى ربنا يهديها واللى زيها

بس صابرين شكلها مؤدبه ربنا يهديها

  • معجبة 1

شارك هذه المشاركه


رابط المشاركه
شارك

احلى مفاجأة

انا دخلت المنتدى ومش متخيلة أبدا إن في حلقة .

ألف الحمدلله على سلامتك .وربنا ما يحرمنا منك .

الحلقة جميلة وفيها الكثير من المواقف .

هاني متخيل ان التربية على الام فقط .أين دوره هو ؟

شكل هبة ناوية على جوازة تانية لاحمد .أم أن الرجل الملتزم في تعامله مع زميلاته في العمل سيظهر ...

اتوقع ما كانش في داعي ان هيام تقول لزوجها ان الرجل اللي ساعدها زي ما سكتت عن الرجل اللي صلح الحذاء

  • معجبة 1

شارك هذه المشاركه


رابط المشاركه
شارك

الف حمدالله على السلااااامة يا قمرررررر

نورتي بيتك ومطرحك

 

مش عارفة رشا هتفضل منفوووخة ومغرووورة لحد امتى!!!

هي اصلا متسواش حاجة بس الغرور مخليها متكبرة على كل اللي حواليها

 

واللي رشا بتعمله غلط ومن ورا جوزها بيتردلها من عيالها ,,, يعني هي عاوزة تكذب على جوزها وبنتها تطلع ملاك!!!

 

 

عجبني اوووووي غيرة احمد على هيام ,,, دي اجمل حاجة فعلااا الرجولة والغيرة على مراته

 

ربنا يستر يااااارب وعادل وام صابرين يسيبوا احمد في حاله

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×