خلف هذه الجدران

[ساره أم حمزه 1040]

برضه مفيش فايده وابتسام راحت لألطاف وكمان اخدت فلوس اختها انا كنت حاسه انها هتعمل كده

شكل هيحصل مشاكل كتييير

 

سيد انا مكنتش عايزاه يشتكى لهانى لانى عارفه اللى هيحصل

بس كان ممكن هانى زى مااتكلم فى الاول عن الظلم واننا سواسيه ومكنش يجيب سيرة المكيروباص ولا سيد

 

صعب علي هو واهله الله يكون فى عونهم كمان خصوصا ان عملوله فضيحه عند الجيران والشارع وهو مظلوم

 

 

 

سارة محمد

 

منوراني يا سوسو يا عسولة انتِ يا كميلة يللي بموت فيكِ هههههه على طول في سيرتك بالخير مع هدوء الفجر والله , دايما نقول سارة فيها براءة وتلقائية تحبب كل الناس فيها , ربنا يحفظك ويفرحنا بيكِ حبيبتي آمين يارب

 

ده نورك يا هبه انت اللى عسوله وجميله ^ــ^

الله يبارك فيك وفى هدوء اللهم امين جزاكم الله خيرا ( :

[((مــريــم)) 35]

انا لسه قارئه الحلقات من امبارح بس

ولسه مخلصاها:)

يسلملي سؤالك عني يا حبيبه قلبي

وتسلم ايدك علي الحلقات

بهيره بصراحه شخصيتها ضعيفه جداً جداً

الاحترام حاجه واللي هيا بتعمله ده حاجه تانيه خالص

وحماتها واخت جوزها دول لا يطاقو

وجوزها كمان سلبي

وبنتها ما شاء الله مربياها كويس

امااشجان دي عسل

لكن رحمه دلوعة خالص خالص

اوعي تخلي احمد يجوز تاني:-(

مفروض ابوه يسيبه في حاله

وبالنسبه لحازم زيه زي كتير وللاسف الله المستعان

اما هاني ربنا يكتر من امثاله

ابتسام غلطانه جدااااااااااااااا

هيا مفيش عقل عندها عشان تتصرف كده بتخرب علي نفسها بنفسها

وحاسه ان بدور هتطلب منها الفلوس قريب وتحصل مشاكل

ريم عسوله هكذا تكون المسلمه داعيه الي الله

عايزين نعرف اخبار اوسا وسامي وادهم وخالد وضحي وأم خالد ولينه

[((مــريــم)) 35]

انا لسه قارئه الحلقات من امبارح بس

ولسه مخلصاها:)

يسلملي سؤالك عني يا حبيبه قلبي

وتسلم ايدك علي الحلقات

بهيره بصراحه شخصيتها ضعيفه جداً جداً

الاحترام حاجه واللي هيا بتعمله ده حاجه تانيه خالص

وحماتها واخت جوزها دول لا يطاقو

وجوزها كمان سلبي

وبنتها ما شاء الله مربياها كويس

امااشجان دي عسل

لكن رحمه دلوعة خالص خالص

اوعي تخلي احمد يجوز تاني:-(

مفروض ابوه يسيبه في حاله

وبالنسبه لحازم زيه زي كتير وللاسف الله المستعان

اما هاني ربنا يكتر من امثاله

ابتسام غلطانه جدااااااااااااااا

هيا مفيش عقل عندها عشان تتصرف كده بتخرب علي نفسها بنفسها

وحاسه ان بدور هتطلب منها الفلوس قريب وتحصل مشاكل

ريم عسوله هكذا تكون المسلمه داعيه الي الله

عايزين نعرف اخبار اوسا وسامي وادهم وخالد وضحي وأم خالد ولينه

[((مــريــم)) 35]

:(

لسه كاتبه تعليق وظهر رموز بردو

[((مــريــم)) 35]

يسلملي سؤالك عني يا هوبه وتسلم ايدك يا حبيبتي

جميله جداً الحلقات بس استفزني سلبيه بهيره وجوزها

وحماتها المفتريه

عجبتني طيبه اشجان

تدخل عادل في حياة ابنه صعب جداً

شئ لا يُطاق

وشغل صابرين ده ميريحش!

رشا عايزه موقف جامد يعدلها

هاني امثاله قليل ربنا يكتر منه يارب وياخد أمثال حازم!

عايزين نعرف اخبار اوسا وسامي وادهم وخالد وضحي وامير ولينه وحنونه:)

[راماس 860]

وعليكم السلام ورحمة الله وبركاته

 

منورة هوبة الحبيبة

الحلقات جامدة

ابتسام قلبها ضعيف وعقلها صغير بالرغم من حديث والدتها معها الا أنها عادت وتصرفت غلط

الله المستعان من أول هبة ريح بدأت ترى حياتها غلط وناقصة وووو

القناعة كنزٌ لا يفنى يا ابتسام

المال اللي معاها أمانة ومش من حقها تتصرف بيه

بس برضو المال ده مأخوذ بالطريقة الغلط

سامي يعتبر سرق المال ده من ورا والده وده مال مش من حقه لوحده والله أعلم ما مصير هذا المال

اعتقد سامي سيضطر له لسبب في الشغل ويطلبه من بدارة ووقتها ستكتشف أن المال صرف منه ووقتها سينفضح أمر ما عن سامي وبدارة والله أعلم

سلامة زوج ابتسام ايضاص مسالم رجل غيره كان خلاها ترد كل حاجة جابتها من غير أذنه يعني هو ايضاً ساعد زوجته على الغلط

 

 

هاني تصرف خطأ هو يعرف حازوم جيداً ويعرف ردة فعله في اي موضوع

اعتقد أن هاني وصل سيد لما هو فيه الان وحازم بلا ضمير ابداً والله المستعان من مثل هكذا نموزج في المصالح الرسمية في الدولة

 

ريم خلوقة جداً وحماتها أنسانة رائعة ومتفهمة

الا ايه اخبار خطيبة وليد القديمة

وعواد واولاده

ومرزوق وبناته

وعصمت

 

 

 

هوبة الحلقات قليلة قوي ماشي يا بطة

عايزين احداث اكثر

[((مــريــم)) 35]

هيا مفيش حلقات انهارده

[أمة الرحمن الرحمن 68]

ازيكو يا بنات يا عسولات في ناس حلوين هلّوا علينا وفرحوناااااااا

 

رمااااااااس

 

وحشتيني يا رموسة , وحشتني تعليقاتك جدااااااااااا الله لا يحرمني منك ولا من تعليقاتك الجميلة يا جميلة انتِ

 

 

تالية القرآن

 

اهلا يا قمر , تسلمي حبيبتي على كلامك الجميل , نورتيني ونورتي الابطال يا عسولة

 

 

أم عثمان

 

اهلا يا ام عثمان يا عسل , انتِ ماشية على مبدأ خير الكلام ما قل ودل ؟ هههه شكرا حبيبتي , اسعدني وجودك معانا والله

 

 

ريحانة السماء

 

شكرا رياحينووووووشوفت الرابط اول ما حطيتيه في المشاركة البايظة بتاعة الرموز ههههه قولت اكيد الإدارة ماخدوش بالهم عشان الصفحة كلها رموز والرابط مش باين ههههههههتسلميلي حبيبتي , قريت كمان كلامك الجميل هناك عن الأعمال ويارب اكون عند حسن ظنك وظن الأخوات دايما حبيبتي , اسعدتيني بكلماتك وكمان قولتي انك بتحبيني في الله في المنتدى هناك , وانا هرد عليكِ في المنتدى بتاعنا هنا هههه انا كمان احبك في الله حبيبتي , احبك الذي احببتني فيه اختي الحبيبة

 

 

سارة محمد

 

منوراني يا سوسو يا عسولة انتِ يا كميلة يللي بموت فيكِ هههههه على طول في سيرتك بالخير مع هدوء الفجر والله , دايما نقول سارة فيها براءة وتلقائية تحبب كل الناس فيها , ربنا يحفظك ويفرحنا بيكِ حبيبتي آمين يارب

 

حواء أم هالة

 

نفسي ابعتلك حماة بهيرة تقعد عندك اسبوعين تلاتة هههههههههههههههههههههههههههههههههههههههه مالك ومالها يا بت يا جمولة يا بت هههههههههههه والله يا حواويئو معانا اخوات في المنتدى عندهم حموات نفس الماركة ههههههههههههههههه الله يعينهم ياااااااااارب أ

 

م افنان المغير

 

اهلا ام افنان حبيبتي . في ناس والله زي بهيرة بالظبط يا ام افنان طيبين زيادة عن اللزوم وما يحبوا المشاكل , انا بعتبر ان ده سلبية وما لوش دعوة بالطيبة مش معنى اني اكون طيبة يبقى اتهان واتنازل عن حقوقي , ولازم كل راجل يلاقي من اهله تجاوز في حق مراته يوقفهم عند حدهم نورتيني يا ام افنان يا سكرة ربنا ما يحرمني منك يا عسل

 

 

ريحانة زوجي

 

بتختصري الكلام ليه يا بت يا شوشوووووووووو , انا بحب الاستفاضة , هو انا اقعد اكتب طول النهار وانتِ ترديلي في سطرين !!!!!!! هههههههههه بحب اعرف انطباعاتكو عن الاحداث حبيبتي , بس برضو كتر خيرك ههههههههه

 

فين محبة صحبة الاخيار ويحبهم ويحبونه !

 

فين أم المنذر يا ولاد ؟ ما حدش شافها معدية من الشارع ده من شوية ؟ ههههههههههههههه

 

فين اابت الملتزمة المتفائلة !!!!

 

اللي كل شويى تغير اسمها ومحيراني هي رسيت على ايه دلوقتي ؟ ههههه انتِ فين يا بت انتِ ؟؟؟؟؟؟؟ من كتر اساميكِ مش عارفة انتِ مين ولا مكانك فين ولا قاعدة هنا ولا هناك ولا ايه بالظبط ! اظهر وبان عليك الأمان هههههههههه ا

 

م بشار وعبد , منور يا جميل هههههههه

كلكو تتجمعوا عشان انا بحب اللمة هههههههههههههه

 

الحلقات اهيه كتيرة يا ام رقية يللي بعتيلي رسالة تتخانقي عشان بحط حلقة واحدة هههههههه

 

حلقات تكفيكو لحد يوم السبت ان شاء الله ماحدش يقولي انشري بكرة , يوم الخميس تنفيض الشقة والمكوى وكل شغل البيت بقيت اعمله يوم الخميس بسبب الحلقات والانشغال في الكتابة , الله المستعااااااااان جوزي كان بيطلب مني حاجة اعملها وقولتله لالالالا كدة كتير , انت عارف اني مشغولة وعايزة اخلص المسلسل , قالي بقالك خمسين سنة بتقولي عايزة اخلص المسلسل ههههههههههه

يلا ادينا قاعدين ورانا ايه ! ههههههههههه

 

اشوفكو يوم السبت يا حلوين , استودعكم الله الذي لا تضيع ودائعه , في آمان الله

وانا ممممممممم مش مفتقدانى :(

[***أم عثمان*** 10]

قصة رااااااائعه تسلم يداكي

[ام بشار وعبد 83]

ابتسام ارتكبت عدة اخطاء :

اشترت دون علم زوجها وموافقته

الكذب على الزوج

اسرفت كثييييييييييرا في الشراء

خانت الامانة ، هي تعلم جيدا انها لن تستطيع اعادة المبلغ بسهولة

وضعت نفسها في ورطة خصوصا عندما وقعت على الشيكات

ازدرت نعمة الله عليها، ولم تقنع بما اعطاها الله .

 

بهيرة سلبية جدا جدا يجب ان يكون لها موقف وزوجها كذلك

 

حازم نموذج مصغر للظلم الذي تعانيه مجتمعاتنا حسبنا الله ونعم الوكيل

[~ محبة صحبة الأخيار~ 354]

:)

[ظِلّ زَهرَة 73]

:blush: <3 :ph34r:

[هبة عبد العظيم نور 2042]

 

هو ده العنوان اللي الصول ادهولي , اما اسأل الست دي , باين عليها مرات البواب

 

السلام عليكم

 

وعليكم السلام

 

لو سمحتي هو هاني بيه زاهر ساكن في العمارة دي ؟

 

ايوة

 

طب لو سمحتي عايزة اطلع اقابله

 

بخصوص ايه ؟

 

معلش اصل ما ينفعش اقولك , من فضلك ما تعطلنيش عشان عايزاه ضروووري اهئ اهئئئئئئئئئئئ انا في مشكلة كبيرة وهو اللي هيطلعني منها اهئ اهئ اهئئئئئئئئئ

 

لا حول ولا قوة الا بالله , وبتتجوزي عرفي ليييييييييييييه ! توووووووء ادي الراجل قطع الورقة وسابك لايصة

 

يا ست جواز عرفي ايه بس !!!!!! خليني اطلع اقابل هاني بيه الله يخليكككككككِ اهئ اهئئئئئئئئئ انا واقعة في مصيبة اهئ اهئئئئئئئئئئ

 

لا اله الا الله , بنات آخر زززززززمن , ادي اخرة الصرمحة مع الشباااااااااب , وهاني بيه هيعملك ايه يعني ! هيكتف الواد ويجوزهولك غصب عنننننننه !

 

يووووووو يا ست حرام عليكِ والله ما انتِ فاهمة حاججججججججة سيبيني اطلع الله يخليكِ

 

تووووووء والله صعبتي عليا , انا عندي ولية وما رضالهاش المرمطة , طب هطلع معاكِ ما ينفعش تطلعي لوحدك , الحاجة ام عصام قالتلي ما تخليش حد غريب يطلع العمارة لوحده ولازم انتِ او عواد تطلعوا معاه , عواد بقى ده يبقى بواب العمارة دي ككككلها عقبال أمالتك لما تتجوزي بواب قد الدنيا زي جوزي , واد يا سعييييييييييييد

 

نعم يا امييييييييي

 

تعالى اقعد ع البوابة مكان ابوك لحد ما ييجي

 

يوووووووو يا امي مش فااااااضي بذاكر فرنسااااااااوي

 

ياخويا بلا فرنساوي بلا دمياطي بلا خييييبة , هو اخرة العلام اييييييه !!!!! تعالى يا واااااااد

 

يوووووووو خلي مسعد هو اللي يقعد ع البوووووووابة

 

يا اخي ما انت شايفني بذاكر لسهيررررررر , ومع ذلك ماشي , معلش يا سهير , احفظي كلمات الانجليزي دي لحد ما اجي واسمّعهوملك يا حبيبتي

 

ماشي يا مسعدددددد , جاموسة يعني بافيلوووووو والطور يعني اووووووكس والتعلب يعني فووووووكس , بافيلو اوكس فوووووووووووكس , بافيلو اوكس فوكسسسسسسسسسسس

 

بس يا بت انتي احفظي في سرررررررك توووووووء اييييييييه بتحفظي ولا عاملة فرح !!!!!! مش شايفاني بذاكر فرنساااااااااوي

 

هي جاموسة يعني ايه بالفرنساوي يا سعيييييييد

 

هههههه انتِ مش مكفيكِ الانجليزي اللي مسعد بيعلمهولك يا سهير ؟

 

لااااااااا انا عايزة اتعلم كل كل كل الكلااااااااااااام

 

هههههه ماشي , شاطرة يا بت , على العموم جاموسة بالفرنساوي يعني بيفالو

 

دي شبه بافيلو

 

ههههه ايوة بنت خالتها الفرنساوية هههههههههه في كتير من كلمات الانجليزي شبه كلمات الفرنساوي يا سهير

 

طب ما تعلمني فرنساوي يا سعيد

 

يوووووووو بس بقىىىىىىى انا مش فاضييلك كفاية عليكِ مسعددددددد اطلعي من نفوووووووخي

 

طيب انا هحفظ الكلمات اللي ادهالي مسعد في سري عشان مش اعمل دووووووشة

 

 

 

 

 

 

اقفي هنا لحد ما ارن الجرسسسسسس

 

حاضر

 

ترررررررررررررررررررررررررررررررررن ترررررررررررررررررررررررررررررررررررررررررن

 

 

ييييييييي افتح الباب يا عبد الرحممممممممن يا مننننننننننة تووووووووء انا ايدي مش فاضية بحضر الفطااااااااار

 

 

انا رايحة افتح يا مامتيييييييييي

 

طيب يا منة

 

 

 

 

 

ايوووووووووووووووووووة

 

صباح الخير يا ست منة يا صغننة

 

اهلا يا دادة فهييييييمة , مين اللي معاكِ ددددددي

 

دي واحدة عايزة بابا , هو بابا موجود ؟

 

بابا ناااااااايم , هروح اصحيه , اسمك ايه يا طنطططططططط

 

اسمي عبير يا حبيبتي , انا عايزة بابا ضرورررررررري

 

حاااااضر

 

 

مين يا منة اللي كان بيرن الجررررررس

 

دي طنط عبير عايزة بابااااااااا هروح اصحيييييييييه

 

طنط ميييييييييييييين !!!!!!!!!!! استني ما تصحيهوووووووش اما اروح اشوف مين الهانم اللي عايزاه دي وعايزاه في ايييييييييييه

 

 

يا لهوي دي الست رشا هي اللي جاااااااية , هو انا ايه اللي طلعني , تعالي انتِ قدام الباب كلميهاااااا

 

 

افندمممممممممممممم

 

لو سمحتي عايزة هاني بيه

 

عايزاه لييييييييييييه

 

مسألة شخصية

 

نعم يختييييييييييييي , مسألة ايه اللي شخصية بينك وبين جوزززززززززي !!!!!!

 

يا ست رشا بالراحة ع البنية , جايز والله اعلم متجوزها عليكِ في السر وجاية تقعد معاك , مافهاش حاجة ابدا

 

اييييييييييييه هي مين دي اللي متجوزهااااااااا

 

ايه يا ست اللي بتقوليه ده !!!!!! يا مدام انا واقعة في مشكلة وجاية استنجد بهاني بيه

 

مشكلة ايه دي

 

يا هانم ابوس ايدك ارحميني وخليني اقابل البيه اهئ اهئئئئئئئئئئئئئ

 

اوووووووووف , خليكِ واقفة هناااااااا بلاوي بتتحددددددددف

 

حاضر اهئ اهئئئئئئئئئ

 

ما تعيطيش يا حبيبتي , ان شاء الله هاني بيه هيجوزهولك ورجله فوق رقبته , اوماااااااال , هما بنات الناس لعبة ولا اييييييييييييه

 

يييييييييي دانتِ قلة الكلام معاكِ احسن

 

 

 

هاني بيه اصحى يا حلّال عقد الستاااااااااات اصحى يا نصير المرأأأأأأأأأأأأة اصحى يا هاااااااني

 

مممممم في ايه يا رشاااااااا

 

واحدة عايزاك برااااااااا

 

واحدة عايزاني !!!!!! مين دي ؟؟؟؟؟؟

 

بت شكلها بيئة كدة ولابسة عباية معففففففنة , ايه الاشكال دي يا هاااااااني ؟

 

استغفر الله العظيمممممممم , اوعى اما اشوف هي مين وعايزة ايه

 

وانا وراااااااااااااااك

 

 

 

 

 

 

 

 

 

 

ايوة يا انسة

 

حضرتك هاني بيه ؟

 

ايوة , تحت امرك

 

اهئ اهئئئئئئئئ انا عندي مشكلة كبيرة اوي وجاية استنجد بييييييك

 

طب ايه الحكاية يعني ! مشكلة مع ميييييين ؟

 

مع حازم الديب

 

هو اللي ضحك عليكِ اسمه حازم الدييييييييب !!!!!! منه لله , هو عشان ديب يقوم ينهش في لحم الناس كددددددددة اقبض عليه يا هاني بييييييييييه

 

انا عايز اعرف انتِ ايه اللي موقفك يا فهييييييييييمة

 

عايزة اعرف ايه الحكاااااااااية

 

عارفة لو منزلتيش دلوقتي انا هقبض عليكِ انتتتتتتتتتتِ

 

يا لهوووووي , انا ناااااااااااازلة منك لله يا حازم يا ديب يا سعراااااااااااان

 

اتفضلي ادخلي

 

تدخل فين يا هااااااااااني

 

رشااااااااااا

 

اووووووف سكت , براحتك يا هاني

 

اتفضلي يا انسة ........

 

عبير يا هاني بيه

 

اهلا وسهلا , اتفضلي اقعدي يا عبير واشرحيلي ايه الموضوع

 

حازم الديب لفق لاخويا سيد سواق المكروباص قضية حشيش وحاجزه في القسم ومش عايز يطلعه الا بكفالة خمس تلاف جنيه اهئ اهئئئئئئئئ واحنا ما معاناش والله اهئ اهئئئئئئئئ

 

قضية حشيش ! طب مش يمكن فعلا يكون بيتعاطى وانتو ما تعرفوش

 

ابدا يا بيه اهئ اهئ ابدا والله اهئ اهئئئئئئئ دي تهمة ملفقهاله حازم الديب

 

طب وحازم هيعمل كدة ليه وايه مصلحته

 

اهئ اهئئئئئئئ متغاظ منه اكمنه اشتكالك عشان موضوع المكروباص

 

مممممم حاجزه من امتى ؟

 

من امبارح بالليل اهئ اهئئئئئئئئ جم خدوه وبهدلوه قدام الناس اهئ اهئ ضربوه قدامي وقدام امي وقدام الجيران اهئ اهئئئئئئئئئ جرجروه ع السلالم وهزئوه قدام الناس كلها اهئ اهئئئئئئئ والله ما عمل حاجة يا بيه اهئ اهئئئئئئ الله يخليك اقف جنبنا , احنا غلابة والله اهئ اهئئئئئئئئئ

 

 

طيب , انا هلبس وانزل معاكِ اشوف ايه الحكاية , هاتيلها علبة عصير على ما البس يا رشا

 

ما عندنااااااش خلصصصصصصص

 

لا في يا ماما , انا ومنة شربنا من شووووية , هقوم اجيبلك يا طنططططططط

 

ولد يا عبد الرحممممممممن انت يا ولددددددد طيب يا عبد الرحممممممن

 

 

 

 

 

 

 

اتفضلي العصير يا طنط

 

متشكرة يا حبيبي , كتر خيرك , ماليش نفس

 

لا اشربي عشان ده طعمه حلو

 

هه معلش يا حبيبي , اشربه انت بالهنا والشفا

 

طب خلاص , خدي العلبة معاكِ

 

خدي من عبد الرحمن يا طنط احنا عندنا كتيرررررر

 

هه ربنا يزيدكو يا حبيبتي

 

طب خديها عشان احبك

 

هه خلاص يا حبيبتي , هاخدها معايا عشان ما تزعليش

 

ههه شاطرة يا طنط , انا اسمي منة

 

ههه اهلا يا منة , انتِ امورة خالص

 

هههه شكرا , هقوم العب بقى

 

روحي يا حبيبتي

 

 

 

 

 

هاتي خمستلاف جنيه من الدولاب بسرررررعة

 

كااااااااااااااام !!!!! ليه يا هاااااني

 

هدفعهم كفالة لسيد عشان اطلعه

 

سيد ميييييين وتطلعه منيييييييين واحنا مالنا اصلا بالاشكال دددددددي

 

رشاااااااااا نفذي الأوامر من غير مناااااااقشة

 

اوامر !!!!!!! حاضر يا حضرة الظاااااااابط تمام يا فندمممممممممم

 

 

 

عديتي الفلوس يا رشا ؟

 

ايوة , اتفضل يا هاني بيييييه

 

متشكر يا رشا هانم ههه

 

اوووووووف اما اخرج اشوف ايه اللي بيحصصصصصصصل

 

 

 

 

 

انا نازل يا رشا , يلا يا عبير , بصي يا عبير انتِ هتروحي ع البيت وانا هتصرف واوعدك لو سيد مظلوم هرجعهولك البيت كمان ساعة بالكتير

 

صحيح يا بييييييييييه ؟

 

ايوة صحيح ان شاء الله , اركبي انتِ الاسانسير وانا هنزل ع السلم

 

ما يصحش يا بيه , انا اللي هنزل ع السلم

 

بقولك يلا اركبي الاسانسر واتوكلي على الله , ما تعطلنيش بقى

 

ربنا يكرمك يااااااااارب , الله يكفيك شر عدويينك يارب يخليك ولادك يااااااااارب اهئ اهئ اهئئئئئئئئئئ مع السلامة يا ست هانم , كتر خيرك

 

اوووووووووف مع السلامة يختي , اركبي الاسانسير عشان الحنين سبقك ع السلمممممممم حاجة تفللللللق

 

 

 

 

 

 

 

 

 

 

 

 

 

اهئ اهئئئئئئئ يا ترى انت فين يا سيد يا ابني اهئ اهئ يا ترى عملوا فيك ايه يا حبيبي اهئ اهئئئئئئئئ ياااااااارب يارب فك حبس ابني اللي خدوه ظلم في ظلم ياااااااارب اهئ اهئ اهئئئئئئئئئئئئ حسبي الله ونعم الوكيييييل

 

 

ترررررررررررررررررررررررررررن تررررررررررررررررررررررررررن

 

 

يا ترى مين ؟ يا رب تكون عبير جت عشان تطمني على اخوها يااااااااارب , ميييييين

 

انا حسن يا حماتي

 

حسن ! تووء اهلا يا ابني اتفضل

 

صحيح اللي انا سمعته ده ؟ قبضوا على سيد امبارح بالليييييييييل ؟

 

اهئ اهئ ايوة يا ابني اهئ اهئ الله ينتقم منهم اهئ اهئ والله يا حسن ما عمل حاااااااجة

 

انا عارف والله يا حماتي , يعني هو انا تايه عن سيد ! ان شاء الله ربنا هيفك حبسه

 

يارب يا ابني يااااااارب اهئ اهئ اهئئئئئئئ

 

اومال فين عبير ؟؟؟؟؟؟

 

عبير خرجت من بدري وخدت اكل عشان توديه القسم لسيد وتشوف صرفة في المصيبة اللي احنا فيها دي اهئ اهئ

 

عبيرررر !!!!!!! وهي عبير هتعرف تتصرف يا حماااااااااتي ! توووووء ما اتصلتوش بيا ليه وانا كنت روحت بدالهاااااااا

 

يا ابني هو احنا كان فينا عقل نفكر ! اهئ اهئئئئئئئ , احنا كان اهم حاجة نشوف سيد جراله ايه ونبعتله لقمة يتقوت بيها اهئ اهئئئئئئئئ

 

بس برضو ما كانش ينفع عبير تروح القسم لوحدهاااااااا

 

تررررررررررررررررررررررررن تررررررررررررررررررررررررررررن

 

جرس الباب بيرن , تلاقيها عبير , قوم افتحلها يا ابني

 

 

اهلا يا عبير

 

حسن ! انت عرفت بللي جرالنا ولا ايه ؟

 

اومال يعني انا ايه اللي جابني غير عشان كدة !عملتي ايه

 

استنى عليا لما اخد نفسي , انا مش حاسة برجلي من كتر المشاوير

 

ايه يا عبير طمنيني على اخوك يا بنتي , عملتي ايييييييه

 

ما تخافيش يا ماما , هاني بيه وعدني انه هيتصرف

 

ويطلع مين هاني بيه ددددددددده

 

ده هاني بيه زاهر , الله يكرمه روحت اشتكيتله وما خلصوش اللي حصل لسيد وقالي انه هيتصرف ويطلعه

 

يعني الظابط ده قالك كدة يا بنتي ؟ هيطلع سيدددددد

 

ايوة يا ماما , ان شاء الله , اطمني

 

يارب يا بنتي ياااااااااااارب

 

طيب انا هنزل اشوف شغلي وهعدي عليكو آخر النهار يكون سيد طلع ان شاء الله

 

ان شاء الله يا ابني

 

مش عايزين أي حاجة قبل ما انزززززززل

 

لا يا ابني كتر خيرك

 

طب خلي العشرين جنيه دول معاكِ يا حماتي يمكن تحتاجوا حاجة

 

شيل فلوسك يا ابني اهئ اهئ انا مش محتاجة حاجة غير اني اشوف ابني بخير قدامي اهئ اهئئئئئئئئ

 

ان شاء الله يا حماتي , خلي بالك من امك يا عبير , سلامو عليكو

 

وعليكم السلام يا حسن , يااااااااااااارب

 

 

 

يا حازم باشا في محامي جاي عشان سيد السريع

 

ههههههه محامي !!!! وده مين قومله محامي الشحات ده , هههه على العموم ماشي , خليه يدخل

 

اتفضل يا استاااذ

 

شكرا , السلام عليكم يا حازم باشا

 

وعليكم السلام , خير

 

خير ان شاء الله , انا محمود عبد اللطيف المحامي جيت بخصوص المتهم سيد عبد السلام الشهير بسيد السريع

 

المتهم ده ظبطانه بحتة حشيش في جيبه , يعني متلبسسسسس

 

ايوة بس هو بينكر ان حتة الحشيش دي تخصه

 

ينكر زي ما هو عااااايز احنا طلعناها من جيبه يعني في حيااااااازته

 

يا فندم على فكرة انا اعرف سيد لاني جاره , سيد راجل في حاله مش بتاع مشاكل , بيصرف على امه المريضة واخواته غير زوجته وأولاده , يعني حتى لو فكر يتعاطى مخدرات مجرد تفكير فهو ما معهوش ينفق على التعاطي

 

مهما دافعت عنه برضو هحبسسسسسسسه , ريح نفسك

 

والمطلوب

 

خمس تلاف جنيه كفالة عشان يخرج وبرضو هعمله قضيييية

 

ماشي , هنجيب لحضرتك الخمس تلاف جنيه حالا

 

ههههه وهو ده حيلته خمس تلاف مليممممممم !!!!!!

 

في متبرع تطوع بدفع المبلغ

 

وده مين ده

 

 

انا يا حاززززززززززززم

 

هااااااااااااااااني !!!!!

 

ايوة هاني , اتفضل الفلوس اهيه وطلع الراجل

 

..................... شيل فلوسك يا هاني , يا صول مصيلحيييييييييي

 

ايوة يا حازم باشاااااااا

 

طلع سيد من الحجز وخليه يمشي

 

حاضر يا باشااااااااااااااا

 

من فضلك عايز المفاتيح بتاعة مكروباص سيد

 

حاضر , اتفضل يا هاني

 

شكرا

 

هاني

 

ما تقولش حاجة يا حازم عشان مش قادر اسمع منك ولا كلمة ولا حتى متحمل اني اكون معاك في مكان واحد , انا ماشي يلا يا استاذ محمود , متشكر على تعبك واتفضل اتعابك

 

لالالا مش هاخد حاجة , كفاية اني نولت شرف الدفاع عن بريء ولو بكلمة , السلام عليكم

 

عليكم السلام يا استاذ محمود

 

 

اطلع يا سيددددددددد افرااااااااج

 

افراااااااج ! يعني امشيييييييي

 

 

ايوة هاني باشا بذات نفسه هو اللي اتدخل عشان يطلعككككك لولا كدة كان زمانك مرمي رمية الكلاب

 

هاني باشا هههههههه هو فييييييين ااااااااه عضمي مكسرررررر

 

احمد ربنا انك لسة واقف على رجلك

 

هو انا قادر امشي اااااااه

 

طيب يلا عشان هاني بيه مستنيك

 

 

هاني باشاااااا هههه اااااه ربنا يخليك يا هاني باشااااااا

 

هههه كفارة يا سيد , ضربوك جامد ؟ ههههه

 

ههههه فشفشولي عضمي يا باشا

 

ههه معلش , سامحنا , ارجوك سامحنا

 

يا باشا انا اللي ارجوك ما تجمعش نفسك مع العالم اللي ما بتخافش من ربنا دي , ربنا يكتر من امثالك ويكفينا شر امثالهمممممممم آميييييييييييين

 

آمين يا سيد ,يلا عشان نخرج من هنا

 

سلام يا حضرة الصوووول ههه ااااااااه

 

سلام يا خويا

 

 

 

المكروباص بتاعك اهو وادي المفاتيح يا سيد

 

ربنا يكرمك يارب يا هاني باشا ااااااه بس انا مش هقدر اسوووووق اااااه

 

ولا يهمك , هسوقهولك انا واوصلك البيت ههههه

 

هااااا العفو يا باشااااااااا , لالالالا ما يصحشششششش

 

اركب بس يا سيدي بلا يصح بلا ما يصحش , باصصلي كدة ليييييييه ! اركككككككب

 

حاضر يا باشاااااا حااااااضر اااااااااه , هو انا بحلم ولا ايه !

 

تحب اخدك على مستشفى يا سيد

 

لالالا يا بيه , امي تتخض لو سمعت اني في مستشفى ااااااه دي شوية كدمات وهتروح ان شاء الله اااااااه ايدهم تقيلة اوي ولاد الايه دووووول

 

ههههه معلش

 

 

 

 

 

ايوة يا باشا , بيتنا في الحارة دي , كتر الف خيرك ااااااه

 

سيد , اقبل مني الخمس تلاف جنيه دول

 

بتوع ايه يا بيه ؟

 

اعتبرهم تعويض عن الضرب والاهانة وتعطيلك عن شغلك وأكل عيشك

 

وانت ذنبك ايه بس يا بييييييه

 

يا اخي مش ذنب ولا حاجة , ده حقك , ارجوك اقبل الفلوس مني عشان ارتاح نفسيا واحس اني عوضتك ولو بشيء بسيط عن اللي حصلك

 

 

............... ماشي يا باشا ههه ربنا يكرمك يا رب , ربنا يعلم انا محتاج الفلوس دي قد ايه , هينفعوني في جهاز اختي اااااه هخليها تدعيلك والله

 

طب استنى انزل افتحلك الباب عشان دراعك

 

يا بيه كدة كتير اوي يا بييييييه

 

ولا يهمك

 

اتفضل انزل يا سيد وخد مفاتيحك اهيه

 

 

ههه ربنا يخليك يا باشا , اطلع معايا بقى الله يخليك اشرب كوباية شاي , دي امي هتفرح اوي لما تشووفك

 

لا معلش يا سيد ابقى سلم عليها مش هقدر اطلع

 

عشان احنا ناس مش قد المقام يعني ؟

 

ههههه كدة برضو ! طب هطلع يا سيدي عشان خاطر والدتك

 

ههههه ايوة كدددددددة , الله يجبر بخاطرك يا بييييييييه

 

حمدالله ع السلامة يا اسطى سيددددددد

 

نورت حتتك يا اسطى سيددددد

 

سلامتك يا اسطى سيد والف حمدالله ع السلااممممممممة

 

كتر الف خيركو يا جمااااااااعة ربنا يكفيكو شر اللي كنت فييييييييييييه

 

 

 

 

 

 

سيد جه يا ماماااااااا ههههه سيد ججججججه المكروباص بتاعه واقف تتتتتتحت

 

سيييييييييد هههههه افتحي يا عبيررررر افتحي لاخوووووكِ الحمدلله يارب الف حمد والف شكررررر ههههههه

 

 

سييييييييد هههههه اخوووووويا حمدالله ع السلاااااااااامة

 

الله يسلمك يا عبير اااااه اتفضل يا هاني باشااااا

 

ازيك يا انسة عبير ههه

 

الله يخليك يا باشاااااا ههههه والله ما عارفة اقولك ايييييييه وكمان جايب اخويا بنفسك لحد البيت !!!! ههه

 

ههه ده واجبي

 

امييييييييي

 

سيييييد ابني حبيبي , ايه اللي عمل فيك كدة يا ابني ! اهئ اهئئئئئئئ

 

لالالالا بقولك ايه , انا فرحان ان ربنا نجاني وطلعني بالسلامة ووقفلي واحد ابن حلال زي هاني بيه ههههه اتفضل يا هاني بيه , دي والدتي

 

السلام عليكم يا حاجة

 

وعليكم السلام يا ابني , الله يسعدك , الله يعلي مراتبك , يكفيك شر ولاد الحرام يا ابني اهئ اهئئئئئئ الست والدتك عايشة ؟

 

الحمدلله ههه ربنا يديها الصحة ويخليها

 

طب قولها ونعم التربية اللي ربتيهااااا وسلملي عليها اوووووي

 

ههههه الله يخليكِ يا حاجة , هبلغها سلامك ان شاء الله

 

اقعد يا ابني اشرب شاي

 

لا معلش يا حاجة , انا اتأخرت والله , طلعت بس عشان خاطرك ههه

 

ههه ربنا يجبر بخاطرك يا ابني ويصلح حاااااااالك , بس برضو هتشرب الشاي , الشاي يا عبير عشان حضرة الظاااااااابط

 

انا عملته اهو يا مامااااا هههه اتفضل يا حضرة الظابط

 

متشكر جدا , اديني سمعت كلامك اهو يا حاجة وهشرب الشاي عشان ما تزعليش , انتِ تأمري

 

هههه ما يأمرش عليك عدو يا ابني , يجعلك في كل خطوة سلامة انت وابني وكل الطيبين اللي زيكو آمين ياااااااارب , اما الظابط اللي ظلم ابني وبهدله البهدلة دي كلها ظلم في ظلم ففوضت امري لله فيييييييه هو وكيلنا يجيبلنا حقنا وينتقم منننننننننننه آمين يااااااااااارب

 

 

 

 

 

 

 

 

 

 

 

 

 

 

 

 

 

 

 

 

 

 

 

السلام عليكم يا هدى

 

وعليكم السلام يا لطفي , ما اتأخرتش يعني النهاردة

 

افندم ! جنابك عايزاني اتأخر !

 

انا بس مش متعودة انك تيجي قبل عشرة بالليل , الساعة لسة تمانية الاربع

 

يعني انزل تاني ولا اعمل ايه يعني !

 

لا تنزل ولا تطلع , ادخل غير هدومك على ما اجهزلك العشا

 

لا مش عايز اتعشا , اعمليلي فنجان قهوة

 

وحش عشان الضغط يا لطفي

 

يوووووووووو

 

خلاص خلاص , انت داخل من برا متعصب ليه ! حاااااضر , هلاقيها منه ولا من بناته وخصوصا سلووووووووى

 

ماما انتي بتجيبي سيرتي

 

لا بجيب سيرتك ولا عايزة اجيبهاااااا , عن اذنك هروح اعمل القهوة لابووووووووكِ

 

هو بابا جه ! ههه مممممم طيب سيبيني انا اعمله القهوة وادخلهاله

 

يا بنتي ابوكِ غضبان عليك ولحد دلوقتي ما بيكلمكيشششش بلاش تعمليله القهوة عشان ما تخسروش بعض اكتر من كددددددة

 

ههههه لالالالا انا اللي هعمله القهوة وادخل اصالحه , ادعيلي بقى يرضى عنننننننني

 

يا بت انتِ بتهتمي برضا ابوكِ وما بتهتميش برضايا لييييييييييه ! هو انا مرات ابووووووووووكِ !!!!!!!!

 

انا يا ماما مش بهتم برضاكِ !!!!! دانتي حبيبتي يا ماما امووووه هههه

 

يا سلااااااااااام ! يا فرحة قلبي بالبوسة , انتِ لو كان رضايا يهمك كان زمانك اتجوزتي من زمان وعيالك بقوا طووووووولك

 

يييييي ممممم انا داخلة اعمل القهوة لبابا

 

ادخلي يختي , على الله القهوة ما تعجبوش عشان يتبرا منك ويرتاح ويريحنيييييييي

 

 

 

 

 

 

 

تن تن باباااااااااا

 

 

............................................

 

ممم انا جبت لحضرتك القهوة ههه ممممم باباااااااا

 

..................................................

 

 

جبت لحضرتك القهوة يا بابااااااااا

 

.......... حطيها عندك واخرجي

 

كدة برضو يا بابا ! هو انت هتفضل غضبان عليا كدة لامتى ؟

 

لحد ما تحسي بالغلطة الفظيعة اللي عملتيهااااااااااا

 

والله يا بابا حسيت , وندمت جدا كماااااااااان , لكن ارجوك يا بابا تحس بيااااااا , انا كانت اعصابي تعبانة جدا بسبب التصرف اللي ماما عملته هي وناهد من ورايااااااا

 

برضو مش مبرر انك تسيبي البيت من ورانااااااااااا

 

يا بابا انا روحت عند اختي , يعني ما روحتش عند حد غريب

 

حتى لو كاااااااان , اختك جوزها غريب عنكككككك , انا عشان خاطرك ما بسمحش لواحد من اجواز اخواتك يبات هنا من ساعة ما اتجوزوا وده لأني براعي خصوصيتك , تقومي انتِ اللي تسيبي البيت وتباتي في شقة جوز اختتتتتتتتتك

 

انا غلطانة يا بابا , حقك عليا , ارجوك سامحني

 

...................................

 

طيب اعمل ايه عشان تسامحني اهئ اهئ اهئئئئئئئئئئئئئئئئئئئئئئئئئئئئ

 

توووووء اوووووووف خلاص يا سلوى , طالما حسيتي بغلطتك ومش هتكرريها خلاص

 

ابدا يا بابا مش هكرررها ابدااااااااا , خلاص سامحتني ؟؟؟؟؟؟؟

 

ههه

 

ههههههههههههههه بابا يا حبيبي يا ابو ضحكة جنان انت اموووووووووه

 

هههههه اتحشمي يا بنت , ايه ابو ضحكة جنان دي ! دي والدتك عمرها ما قالتلهالي هههه

 

ههههههه ربنا يخليك لينا يا بابا , اتفضل القهوة بقى يا حبيبي

 

هاتي يا ستي , بسم الله الرحمن الرحيم , ايه ده ييييييييييييع , ايه القهوة دي ! دي لا طعم ولا ريحة ولا لووووون , هددددددددى انتِ يا هددددددددى

 

ممممم بابا بتنادي على ماما ليه ! انا اللي عملت القهوة عشان اصالحك

 

هههه تصالحيني ولا تنتقمي مني عشان خاصمتك !

 

ههههههههه انا كنت هتجنن يا بابا بسبب خصامك ليا اموووووه هخلي ماما تعملك فنجان قهوة من ايديها الحلوووووين

 

لالالا انا هشرب ده وأمري لله

 

لالالالا ليه بس يا بابا تيجي على نفسك وتشربه طالما طعمه وحش ؟

 

انا قولت وحش يا بنت ! حتى لو وحش هشربه عشان بنتي حبيبتي هي اللي عاملاه ههههه

 

هههه يا حبيبي يا بابا , كمان بوسة بقى امووووووووه ايه العسل ده

 

هههه طب روحي يا مغلبانا هاتي ماما تقعد معانا ندردش شوية

 

حاضر يا بابا هههه

 

 

 

 

 

 

 

 

 

 

 

 

 

 

 

 

 

 

السلام عليكم يا بهيرة

 

وعليكم السلام يا سونسووووون اهلا وسهلااااااا نورت البيت يا حبيبييييييييي هههههه

 

اهلا بيكِ , اختي سامية فين ؟

 

قاعدة منورة الريسبشن اهيه ولا كأن البيت بيتها واحنا اللي ضيووووووووف

 

ازيك يا سامية

 

 

هههه ازيك يا حسين يا خويا , كويس اني شوفتك قبل ما انااااااام , كوباية لبن يا بهيرة عشان اشربها قبل ما انام

 

كوباية لبن !!!!!! حااااااااضر هجيبلك اخر كوباية لبن فاضت من بعد خيرك , عن اذنك يا سونسوووووووون

 

اتفضلي يا بهيرة

 

طب انا داخلة اوضتي يا حسين استنى كوباية اللبن جوا , تصبح على خير

 

وانتِ من اهله يا سامية

 

 

 

 

 

 

 

 

 

اتفضلي كوباية اللبن يا سامية يا اخت جوزززززززي

 

هاتي يا بهيرة , من ايد ما نعدمهاش يا مرات اخويا

 

حاجة تاااااانية ؟

 

لا شكرا , ايه ده ! استني يا بهيرة , هو اللبن بتاعكو مالوش طعم ليه ؟؟؟؟؟؟؟؟؟

 

مالوش طعم ازاي يعني ؟

 

زي ما اكون بشرب مية , لا طعم ولا ريحة , حتى لونه مش ابيض مزهزه كدة , اوعي تكوني بتغشي اللبن يا بهيرررررررررة

 

لا يا حبيبتي اطمني , هو بيجيلنا مغشوش جاهزززززززز

 

على رأيك , الناس عدمو الضمير والأخلاااااااق

 

وعدموا الاحساس كمان يا سامية يا اخت جوزززززززززي عدموا الاحسااااااااااااس

 

عندك حق يا بهيرة يا مرات اخويا, الناس عدموا الإحساس صحيح , هتفطريني ايه بكرة ؟

 

يختي قولي ان شاء الله يمكن ما يصبحش عليكي صبحححححح

 

بعد الشر عليا , الله اكبر , هيصبح ان شاء الله وهفطر واتغدا واتعشى وانبسط في بيت اخويااااااا , ابقي فطريني بكرة تونة عشان بيقولوا مفيدة اوي

 

هما مين دول اللي بيقولوااااااااا

 

الدكاترة بتوع التغذية اللي بيجو في التليفزيووووووون , محرومة منه ومن حلقاته المفيييييدة

 

يا حبيبتي ابقي روحي بيتك عشان تستفيدي وتتغذي كويسسسسسس

 

لازم عبد الهادي يتربى الاول يا بهيرررررررة , انا هحرمه مني لحد ما يعرف قيمتي ويغيرلي السيراميييييييييك

 

اهئ اهئ اهئئئئئئئ تصبحي على خير يا سامية يا اخت جوزي

 

وانتِ من اهله يا بهيرة يا مرات اخويا

 

اهئ اهئ استني اما اغطيكِ قبل ما اخرج

 

يا حبيبتي يا بهبرة ! اصييييييييييلة , حسين اخويا عرف يختاااااااار

 

انا مش بغطيكي عشان اصيلة اهئ اهئئئئئئ انا بغطيكِ عشان خايفة تاخدي دور برد واحنا ما ممعناش مصاريف الدكتور اهئ اهئئئئئئ , شدي اللحاف يا سامية يا اخت جوززززززززي

 

تسلمي يا بهيررررررة , يا سلااااااااام ونعم مرات الاخ والله , الواحد كدة يتشجع وياخد ياسمين للواد حسام عشان اكيد هتكون باخلاق بهيرة وتستحمل مهما خدت على دماغهااااااا , يا بختك يا حسام يا ابني بالبت ياسمين

[هبة عبد العظيم نور 2042]

اذكرن الله كثيرا يا حبيبات

 

 

 

 

سبحان الله

 

الحمدلله

 

لا إله إلا الله

 

الله أكبر

[هبة عبد العظيم نور 2042]

سامية اختي نامت يا بهيرة ؟

 

ايوة يا سونسون , شربتها اللبن ونيمتها في سريرها وغطيتهااااااا

 

بارك الله فيكِ يا بهيرة

 

عايزة تونة

 

تووووووووووونة ! تونة ايه يا بهيرررررررررة !!!!! انتِ ما بتحسيش ولا عندك دمممممممم ! هو انا مكفيكو مصاريف لما هتخترعيلي اختراعاااااااااات

 

ايه يا سونسون التهزيئ المفاجئ اللي زي الزلزال العشرة ريختر ده !!!!!!! مش انا يا حسين يا نور العين اللي عايزة التونة , دي الست المبجلة ضيفة السعادة والهنا اختك قصر الله عمر إقامتها برا بيتها آمييييييييين , ربنا يحفظك انت واهلك يا سونسووووووووون , ناس كُمل

 

سامية اللي عايزة التونة ! توووء وبعدين في المصاريف اللي لا ع البال ولا الخاطر دي يا بهيرة !

 

هنعمل ايه يعني يا سونسون ! ضيفة ولازم نستحملها بالطول ولا بالعرررررض , هو انا هيجيلي اعز من اهلك يا حبيبي !!!!!!

 

يا بهيرة بصراحة انا ما اقدرش على كدة , دي كل يوم ليها طلبات شكل وعايزة تاكل لحمة وفراخ كل يوووووووم , مع انها ما بتعملش كدة في بيتها وانا عااااااارف

 

 

ايوة يا حبيبي ما هو المثل بيقول ابو بلاش كتّر منه , يجعله عمران بحسك يا حبيبي , تعيش وتأكلهم وترعاهمممممم

 

, طب ما تقوليلها يا بهيرة ان الواحدة مالهاش غير بيتها وجوزها , ومن خرج من داره اتقل مقداره والأمثال الظريفة دي , يمكن تحس شوية

 

انت عايزني انا يا سونسون اقول لاختك الكلام ده عشان امك تقلب عليااااااا ! طب يرضيك يا سونسون توقع بيني وبين نينة حبيبتي وروح قلبي ! دانا كنت اروح فيهااااااا, قولها انت يا حبيبي , انتو اخوات في بعضيكو , لكن انا كلامي هيقف في الزور ويزعلوا منييييييي

 

تووووووء وبعدين بقى !

 

طب ما تتصل بجوزها يا حسين , مش كان المفروض تتصل عشان تسمع منه هو ايه اللي حصل

 

انتِ قصدك اييييييه ! قصدك ان اختي بتفتري عليييييييييه ؟

 

والعياذ بالله , انا اقول الكلمة الابيحة دي على اختك يا سونسون ! بس جايز يعني تكون اختك فهمته غلط

 

ههههه طول عمرك بتاخدي بالك من كلامك يا ام ياسمين , لسانك ما يعرفش الغلط

 

اللهم لك الحممممممممد , القلب شايل ومحمل واللسان ما ينطقششششششش , الشكوى لغير الله مذلة

 

انا هبقى اتصل بجوزها قريب ان شاء الله , نستحمل كام يوم كمان

 

 

 

 

 

 

 

 

 

 

 

احنا داخلين البلكونة يا مامااااااا هاتي الطيارة بتاعتي يا منة

 

اهيه يا عبد الرحمن , وانا هجيب عرايسي عشان نلعب سوا في البلكووووووونة

 

 

ايه ده ! انت في البلكونة يا رامي ؟

 

ايوة , بلعب

 

بتلعب مع مين

 

بلعب مع لوحدي , ايتن راحت النادي مع مامي

 

وانت ما روحتش معاهم ليه ؟

 

تووووء مش عايز , مش بحب النادي ولا اصحاب ماااامي

 

طب ما تيجي تلعب معانا انا ومنة

 

مااااااااااشي , هقول لدادة وااااااااجي

 

مستنينك في البكوووووووووونة

 

 

 

 

دادة

 

نعم يا رامي

 

انا هروح العب مع مانو ابن عمو هاني

 

طيب يا رامي , بس ما تتشاقاش عشان طنط رشا ما تزعلش

 

اوكيه

 

 

 

 

 

تن تن تن مانوووووووووو تن تن مانووووووووووووووووو

 

ايوة ايوة يللي ع البااااااااااااااااب

 

افندم يا سي رااااااااامي

 

عايز مانو يا طنط

 

عايز منه اييييييييه

 

العب معااااااااااااه

 

لاااااااا عبد الرحمن ناااااااااايم

 

انتِ بتكدبي يا طنططططططططط وهتروحي الناااااااااااار , تيتة قالت اللي بيكدب ربنا بيعذبه في النااااااااااار

 

 

اه يا قليل الاددددددددب , انا هروح النااااااااار !!!!!!! طييييييييب , اتفضل بقى روح شقتكو انا مش عايزة دووووووووشة كفاية دوشة القرود اللي عندي جوااااااااا

 

 

انا عايز ادخل العب مع مانوووووووووو

 

اوووووووووف قولتلك ناااايم نايم انت ما بتفهمششششششششش

 

 

لا بفهم ومانو صاااااااااااحي وانا هدخل العب معاه يا مانوووووووووووووووووو

 

تعالى يا راااااااااااااااااااااااااااامي

 

اوعي يا طنط عشان ادخل ههههههه انا دخلت

 

انا ماشوفتش تلامة وغتاتة اكتر من كددددددددددة , جاتك الأرف رزل زي البتاعة اللي خلفتكككككككك

 

 

انا رزل ! طب والله لوريهاااااااا , انا جيت يا مانووووووووووو

 

ههههه تعالى يا رامي

 

ازيك يا مانو

 

انا كويس الحمدلله

 

ازيك يا منة

 

الحمدلله , تلعب معايا بالعروسة بتاعتي يا رامي ؟ دي بتتكلم وتقول ماما وبابااااا وبتعيط كمااااااااان

 

هههههه هي العروسة عندها ماما وبابا ؟

 

مش عارفة , هي بتقول كدة , بس انا ما شوفتهومشششششش

 

لا العبي بالعروسة انتِ , اديني مسدس المية ده يا عبد الرحمن

 

خد يا رامي

 

 

ايه ده ! عم عواد واقف تحت , تيجي نغرقه بالمية يا مانو ؟ ههههه

 

هههههه ماشي

 

عم عواااااااااااااااااد ههههههههه هضربك بمسدس المييييييية

 

يا وااااااااااد انت يا واااااااااااااد وبعدين في العيال العفاريت دوووووول

 

ايه يا عواد في ايه مااااااااالك

 

الواد ابن الدكتور عصام والواد ابن عمه بيرشوا عليه مية من فوووووووووق

 

كتر خيرهم , عايزين يحموك , ادخل اجيبلك صابونة من جوا ؟

 

الصابون دي هزحلقك بيها يا فهيمممممممة , يووووووووو بس يا واد انتتتتتتتت انت يا واااااااااااااد توووووووووء طيب يا راااااااااامي لما يجيلك ابوووووووووك

 

بابا ما بيعمليش حااااااااااااااااااااجة هههههههههههه هرش عليك تااااااااااااااني

 

يووووووووووو , العيال كرهوا الواحد في الشاررررررررررع

 

ادخل غير هدومك يا عواد عشان كلها اتبلت , واقعد جوا البوابة لحسن العيال يغرقوك تااااااااااني

 

اديني داخل اهووووو عيال قلالات الأدددددددددب

 

 

تعالى ندخل بقى نلعب جوا يا رامي

 

ماشي

 

يلا يا منة

 

طيب , هلم العرايس واجي , تعالوا يا عرايسي يا حبايبي اموووه اموووووه

 

 

دي مامتك قاعدة في المطبخ بتعمل الاكل , انا مامتي مش بتعمل الاكل

 

اومال مين اللي بيأكلكو ؟

 

دادة صالحة بتعمل أكل وتأكلنا , ايه ده , دي منة معاها بلووووووونة

 

ايوة , احنا عندنا بلالين كتيرررررر

 

طيب تيجي ننفخ البلالين ونفرقهم بالإبرة يا مانووووووووو ؟

 

ماااااااشي وانا كمان هجيب ابرة ليا , وكل واحد ياخد بلونة وينفخها لحد ما تبقى كبيرة كبيرررررررررررة وبعدين نفرقعها بالإبرررررررررة

 

هههههه مااااااشي , هات بلالين كتيررررررر

 

هجيب كل البلالييييييييين

 

هاتلي معاك يا عبد الرحمن وهاتلي ابرة انا كمااااااااااان

 

ماشي يا منننننننننننة ههههههه

 

 

 

 

 

 

 

يوووووووووووووو ايه الدوشة والفرقعة اللي عاملينها البلاوي دووووووووول بس يا ولدددددددد بس يا بنت قلبتو دماااااااااااغي

 

 

انا هروح المطبخ عند مامتك عشان اشرب يا مانوووووو

 

مااااااااااشي انا هنفخ البلالين اللي فاضلين عشان نفرقهم بالإبرررررررر هههههههه

 

خد يا عبد الرحمن انفخ البلونة دي عشان انا تعبت

 

هاتي يا منة هوووووووووووووووووووف هووووووووووووووووووووف هوووووووووووووووووف

 

 

 

 

 

 

طنطططططططططط

 

يييييييييي عايز ايه يا بتاع انت وايه اللي جايبك المطبخ

 

عايز اشررررررررررررب

 

ما تروح تشرب في بيتكووووووووو

 

لا عايز اشرب من عندكوووووووووو

 

اووووووووووووووف حااااااااضر يا رزززززززل حاضر يا سئيييييييييييل اووووووووووووف

 

كدة ! طب والله لحطلها الإبرة على الكرسي اللي بتقعد عليه اهوووووووووووو

 

 

خد يا خويا اشرب وخلصنييييييييييييي

 

شكرا يا طنط

 

اووووووووف انا ناقصة ابن نسرين كمااااااااان مش كفاية عليا ولادي , اما اقعد اخلص تقطيع الخضار اللي مش عايز يخلص ده , اااااااااااااااااااااااااااااااااااااااااااااااه اهئ اهئ اهئئئئئئئئئئئئئئئئئئئ ااااااااااااااه يا ماماااااااا ايه اللي انا قعدت عليه ده ؟؟؟؟؟؟؟؟؟

 

هههههههههههههههه دي الإبرة يا طنط رشاااااااااااااا , باي باي , انا رايح بيتناااااااااااااااااا

 

خد هنا يا ولددددددددددد ااااااااه اهئ اهئ طب والله لما يجي هاني هخليه يأدبككككككككككك اهئ اهئئئئئئئئئئئئئ

 

 

 

 

 

 

 

 

 

عاجبك يا هاني اللي عمله ابن اخوك ده ؟ اهئ اهئ

 

هههههههههههههههههههههههههههههههههههههههههههههههههههههههه معلش يا رشا , طفل وبيلعب

 

نعممممممممممم هو ده اللي ربنا قدرك عليييييييييييييييه , الولد ده لازم يتعاااااااقب , روح قول لابووووووووووه

 

ههههههههههههه نعم ! اقول لابوه ايه بالظبط ! اصل اللي حصل محرج جدا وما اقدرش احكيه ههههههه

 

كدة !!!!!! انا بقى همنع الولد ده انه يجي هنا تااااااااني

 

يا رشا احنا كلها كام يوم وراجعين اسوان , ما ينفعش تحرمي الولاد من بعض , على فكرة عبد الرحمن ورامي متعلقين ببعض زي الاخوات

 

اوووووووووف انا ما بطيقش الولد ددددددددده

 

ههههههه ولا هو كمان بيطيقك , انتِ بس عشان بتكرهي امه بتكرهيه هو كمان , مع انه طفل وما لوش أي ذنب في كراهيتكو

 

انا داخلة احضرلك العشااااااااااا

 

اتفضلي , الا حكاية الإبرة اللي قعدت عليها دي هههههههههههههههههههههههههههههههههه تستاهل والله , رشا صحيح نسيت اقولك , عصام عازمنا على الغدا عنده بكرة

 

 

ايييييييييييييه ! عند نسرينننننننننننن , لاااااااااااااا

 

بقولك ايه يا رشاااااااااا انا مش عايز هزاااااااار , اخويا عازمنا , قالي هات المدام والأولاااااااد اظن ما يصحش نرد العزووووووومة

 

اوووووووووف يا هاني انت عارف علاقتي بنسرين شكلها ايييييييه مش معقول تفرض عليا اتعزم عند واحدة مش طايقاهااااااااا

 

رشاااااااااا ما تنسيش انها في الأول والآخر مرات اخويااااا وولادها يبقوا ولاد اخوياااااا ولازم يكون علاقتنا ببعض كويسة عشان خاطر الولاااااااد

 

اوكيه ما عنديش مانع , خد الولاد وروح , لكن انا ارجوك يا هاني ما تغصبش علياااااااا

 

رشااااااااا بكرة الساعة خمسة بالظبط تكوني جاهزة عشان معزومين عند عصاااااام الكلام انتهى

 

اووووووووووف حاضر يا جناب الديكتاتوووووووور

 

 

 

 

 

 

 

 

 

 

خدي ودي الشاي لعمتك يا ياسمين وتعاليلي على طوووووول

 

 

حاضر يا ماما

 

 

 

 

 

اتفضلي الشاي يا عمتو

 

ههههه يختي يا روح عمتو انتِ , حطيه ع الطرابيزة يا روحي

 

اتفضلي

 

تعالي اقعدي جنبي يا نور عين عمتو هههه

 

ههه حاضر

 

بسم الله ماشاء الله , قمر يا ياسمينة قمررررر , كبرتي يا بنت واحلويتي واتدورتي وكلها سنتين تلاتة وخرّاط البنات يخرطك

 

هاااااا

 

 

ياسميييييييييييييييييييييين

 

نعم يا ماماااااااا , عن اذنك يا عمتو

 

اتفضلي يا روح عمتو هههه عسل عسل عسسسل

 

 

 

 

نعم يا مامااااااا

 

كل ده بتودي الشاي لعمتك يا ياسمين !!!!!!

 

اصل عمتوا يا ماما قالتلي اقعدي جنبي يا ياسمينة

 

طيب , خدي يا حبيبتي البطاطس دي قشريها بس بالراااااحة وحاسبي على ايدك للتنجرح بالسكينة

 

حاضر يا ماما مممممم ماما

 

نعم

 

يعني ايه اتدورتي ؟

 

اتدورتي !!!!! ايه اتدورتي واتربعتي دي ! مين قالك كدة ؟

 

عمتو قالتلي كبرتي واتدورتي , ويعني ايه خراط البنات

 

خراط البناااااااااات ! الله يسامحك يا سااااااامية , تقصد يا حبيبتي انك كبرتي وبقيتي شاطرة وبتساعدي مامااااااااا , قشري البطاطس على ما اجيلللللك

 

حاضر يا ماما

 

 

 

 

 

سامممية

 

اهلا يا بهيرة , الشاي مظبوط تسلم ايدك يا مرات اخويا ههههه

 

ايه يا سامية الكلام اللي بتقوليه للبنت ده

 

كلام ايه ؟

 

ايه اتدورتي وخراط البنات خرطك ولا هيخرطك دي ! , شايفاها حزمة ملوخية قدامك يا مدام مخرطة !!!!!! ايه الكلام دددددده , انتِ كدة هتفتحي عين البنت , وانا بصراحة عايزة بنتي قطة مغمضة

 

ههههه القطة المغمضة كبرت ومسيرها تفتح يا بهيرة , ماشاء الله ياسمين زي القمررررر

 

اللهم بارك , ماشاء الله لا قوة الا بالله , هيحسدولي حتة البت اللي بعتبرها اختي وصاحبتييييي , ربنا يحرسك يا ياسمين يا بنتي

 

بتقولي حاجة يا بهيرة ؟

 

بقول منورانا يا حبيبتي وبلاش تقولي لبنتي الكلام ده تاني الله يخليكِ , عن اذنك هعمل الغداااااا

 

روحي يا حبيبتي وما تتأخريش , مش كل يوم تغدينا قُرب المغرب , انا داخلة البلكوووووووونة , القعدة كئيبة من غير الافلام والمسلسلااااااااات

 

افلام ومسلسلات !!!!!! يا ريتها كانت بتقدم حاجة عدلة يا حبيبتي غير تعليم البنات المسخرة وقلة الادب والجرأة على معرفة الشبان من ورا اهاليهمممممممم

 

ههههههههه هو انا صغيرة يا مرات اخويا ولا لسة الشباب هيعاكسوني ! ههههه دانا ولادي كبروا ماشاء الله

 

ايوة يا حبيبتي بالنسبة لحضرتك فهما ليهم اتجاه آخر , بيعلموا حضرتك ان الراجل مالوش لزمة في حياتك وتمردي عليه وقوليله اني راااااااااااحلة , هي البيوت باظت من شووووووية , انا داخلة المطبخ يا سامية يا اخت جوززززززززززي

 

روحي يا بهيرة يا مرات اخويا , وانا هقعد في البلكونة اتفرج ع الرايح والجااااااااي , بس يا ترى الرايح رايح فين والجاي جاي منين ؟؟؟؟؟؟ اما اروح اتفرج

 

 

 

 

 

 

 

اهلا يا هاني منوررررر ههههه كل براحتك ما تتكسفش

 

هتكسف من ايه يا سيدي ! هههههه البيت بيتي , واذا كنت عازمني ع العشا النهاردة فأنا خيري مغرقك طول عمري ههههههههههههه

 

ههههههههههههههههههههههههههههه حلوة يا هاني , بقالي كتير ما ضحكتش

 

وإيه اللي حايشك عن الضحك يا عصام

 

اوووووووووف الهمومممممممم

 

اعوذ بالله ! ماحبش اتكلم عن الهموم ع الاكل عشان نفسي ما تتسدش هههههههههههه

 

ههههه وانا كمان ما ينفعش اتكلم هنا عشان مش عايز حد يسمعنا

 

ماشاء الله , كل حياتك اسرار هههههههه

 

هعمل ايه بس ! نصيبي , كل كل , سيبك من الكلام عن الهموم والمشاكل

 

 

 

 

 

 

 

 

 

 

السفرة جاهزة برا يا ست نسرين , وكمان الست رشا قاعدة بقالها يجي نص ساعة وانتِ ما خرجتيش ترحبي بيهااااا

 

هههه مش من مستوايا عشان اهتم بوجودها وارحب بيها ههههه اوكيه , انا رايحة , حطيتي العشا لعصام وهاني ؟

 

ايوة حطيته , والولاد قاعدين كلهم بيلعبوا في اوضة رامي وعملتلهم سندوتشات , مافيش الا الست رشا اللي قاعدة لوحدها في الصالون

 

هههه اوكيه , هلبس البراسيليت دي واخرج

 

 

 

اوووووووووف ايه قلة الذوق دي ! بقالي ساعة الا تلت قاعدة ونسرين الزفتة ما جاتش ترحب بيااااااااا اهيه جاية اهيه , جاتك الارررررررف فرحانة بنفسها اوي عمالة تعلب في شعرها وماشية تتمختر

 

هااااااااااي يا ......... مممممم سوري نسيت اسمك ههههههههههه

 

والله ! حد قالك ان دمك خفيف قبل كدة !!!!!!!!

 

هههههههه كتيرررررررر مامي وبابي وطنطي لولى وكل كل اصحااااااابي

 

ما بيفهموووووووووش , في الحقيقة بقى انك انسانة قليلة ذوووووووووق

 

اناااااااااا ! وااااااااااي ؟؟؟؟؟؟؟

 

عشان يا هانم يا محترمة المفروض تحترمي ضيفتك اللي معزومة عندك ع العشا وتخرجي ترحبي بيهاااااا

 

هههه بس انا مش عزمتك ههههه انتي اللي عازمة نفسك عشان تاكلي عندنا هههههه

 

اخرسيييييييييي هي مين دي اللي عازمة نفسهاااااااا , جوزك هو اللي عزم جوزي وقاله لااااااازم رشا هانم تيجي هي والأولاااااااااد

 

هههه اوكيه , يعني برضو مش انا اللي عزمتك ههههه على العمومات مش في بروبلم , مامي كانت دايما تقول اللي يأكل الناس الغلبانين ياخد حسنات ههههه

 

انا غلبااااااااااااااانة ! لييييييييييه ! شايفاني هدومي مقطعة وداخلة اشحتتتتتتتتتتت

 

ههههههه اومال جاية ليه ! هههههههههههههههههههههههههههههههههههههه

 

اوووووووووووف طب ايه رأيك انا راجعة شقتي عشان انتِ انسانة ما تستاهليش ان حد يعبررررررك

 

ههههههه باي باي , مش تيجي هنا تااااااااني

 

ايه ده ! ايه ياست نسريننننننن ! تووووء ما يصحش كددددددة , اقعدي يا ست رشا , الست نسرين بتهزر معاااااكِ

 

هزارها سخيييييييف

 

طب اقعدي بس , مش عايزين رجالتكو يحسوا بحاجة ويزعلوا , اقعدي الله يهديكِ , رحبي بيها يا ست نسرين انتِ بنت اصول وتربية سرايات ما يصحش كددددددددة

 

هههه اوكيه لولو , اقعدي يا اسمك ايه , مش تزعلي

 

اوووووووووووف لولا اني مش عايزة اعمل مشكلة كنت قلبت الدنيا على دماااااااااااغك

 

هههههه خوفتيني مووووووووووت , العشا يا لولوووووووووو

 

 

 

 

 

 

يارب أكلنا يعجبك يا رشا هااااااانم

 

هو انتِ اللي عاملاه يا صالحة ! اصل دي اصناف فاخرة جدا وشكلها مش معملولة في البيت

 

هههه ايوة , الدكتور بعت جابها من برا

 

اهااااا قولي كدة

 

عايزة حاجة يا ست نسرين

 

نووووووو ثانك يو , يا انتِ يا انتِ

 

اوووووووووف عايزة ايه

 

اللي قدامك ده اسمه سيمون فيميه , تعرفيه ؟

 

نعمممممممممم ! ايوة طبعا اعرفه , اعرفه كويس اوي كمااااااااااان

 

هههههه وده كافيار , سمعتي عنه قبل كدة ؟ ههههههه

 

بقولك ايه يا زفتة انتتتتتتتتتتتتتتتِ خلي اليوم ده يعدي على خير عشان انا مفرووووووووووسة

 

ههههههه وده كريب سوزيت , كلي ههههه , اصناف جديدات عليكِ بس هتعجبك مووووووووووووت

 

 

اووووووووووووف لالالالالالا بجد زودتيهااااااااا , انا مش واككككككككككلة

 

هههههه اب تو يو , اكل انا , اصل بموت في السيمون فيميه مممممم يمي يمي , يجننننننن هههههه تاخدي ؟

 

اوووووووووف مش عايزة من خلقتك حاااااااااجة , الله يسامحك يا هااااااني

 

هههههههه

 

 

 

 

 

 

 

 

 

 

 

 

 

 

 

 

هههه يلا ادخلوا اوضكو يا ولاد , ايه رأيك في العشوة الظريفة دي يا رشا ؟

 

عشوة ظرررررررريفة ! قصدك عشوة ترفع الضغططططططط

 

ايه اللي حصل بس ! اللأكل ما عجبكيش ؟ هههه

 

اللي ما عجبنيش الهانم مرات اخوك اللي متهيألها بخيالها المريض انها احسن مننننننننني , البني ادمة دي بتتعالى علياااااااااااا هي احسن مني في ايه ان شاء الله !!!!!!!! كلنا زي بعض ان ما كنتش انا احسن منها كماااااااااان

 

ههههههههههههههههههههههههههههه سبحان الله , الجزاء من جنس العمل , شوفتي بقى انه احساس مر اوي لما تلاقي حد بيتعالى عليكِ يا رشا ! ياريت بقى تبطلي تتعالي على الناس لان هما كمان عندهم كرامة زيك وبيتضايقوا لما تتعالي عليهم

 

ناس ! ناس مين دوووووول ! تقصد البواب والجيرااااااان ! هما دول ناس اصلااااااااا ! انا احسن منهم بمراااااااحل , فين هما وفين اناااااااا

 

انتِ مريضضضضضضة , اتمنى تحصلك صدمة تفوقك , عن اذنك داخل اناااااااام

 

اووووووف اتفضل , ال مريضة ااااااااال

 

 

يلا يا ضحى خالتك زمانها جاية عشان نروحوا سوا نجيبوا جهازك انت وفااااااتن ههههه يلا يا عرررروسة

 

هههه اني جاهزة يا ماما , خالتي اتأخرت مش كدة ؟

 

زمانها جاية

 

 

ترررررررررررررررررررررررررررررررن ترررررررررررررررررررررررررررررررررن

 

اهي جت اهيه , افتحي يا اعتمااااااااد

 

حاضر يا ام العروووووووسة ههههههه

 

اهلا يا ست كريمة ههههه

 

هههه ازيك انتِ يا اعتماد , ادخلي يا فاتن

 

ازيك يا دادة اعتماد هههه

 

ههه اهلا يا عروسة يا حلوة , ربنا يتمملك بخير انتِ والست ضحى يا ست فاتن آمييييييين

 

هههه آمين يا دادة

 

 

يا سميررررررررة

 

اني هنا يا كريمة , اتأخرتي ليه ؟

 

معلش , جاتني مكالمة من ام العريس عطلتني شوية , كنا بنتكلموا عن ترتيبات الفرح وكروت الدعوة ههههه

 

هههه يا رب يتم على خير يارب , ازيك يا توووونة ههههه

 

هههه الحمدلله يا خالتي , جهزتي يا ضحى ؟

 

ايّووووووووه داني جاهزة من بدري يا فاتن هههه ازيك يا خالتي وحشتيني

 

هههه ما تشوفيش وحش يا ننوسة خالتك , يلا بينا يا بناااااااااات , خليكِ انتِ يا سميرررررة

 

ايّووووووووووه خليني ليه يختي !!!!!!

 

ههههه بنقولولك ايه يا ست انتِ , اني عايزة نلفوا ع المحلات براحتي اني والبنااااااااات , لكن انتِ لو خداناكِ هتقعدي تقولي اه يا رجليييييي ااااااه يا ني , قعدوووووني مش قادرة نمشي وفي الآخر الليل هيليل علينا وما اشتريناش ربع الحاجات اللي عايزين نشتروهاااااااا , خليكِ يختي خليكِ عشان نقضوا مصلحة ونيجوا قبل المغرب ان شاء الله , ثروت باعت معانا العربية بالسواق , هخلي السواق يوصلنا ويتوكل على الله , ووقت ما نخلصوا مصالحنا نرنوا عليه عشان يجي ياخدنا

 

وهتتصلي بيه ازاي وهو هيرد عليكِ ازاي ! بالاسلكي ! ههههه

 

لا يختي بالموبايل هههه اسكتي مش صفوت اشترالي موبايل هههههه شووووووفي

 

ههههه مبروك عليكي يا كريمة

 

الله يبارك فيكِ اسكتي ده جمييييييييييل , المرة اللي فاتت برضو نَزَلت نجيبوا حاجات اني وفاتن اتاريني نسيت الفلوس في البيت ههههه رنيت على صفوت قولتله الحقنيييييي نسيت الفلوووووووس , راح بعتهوملي على طووووول , ما تجيبيلك واحد يا سميرة

 

نجيبوا واحد نعملوا بيه ايه ! هو اني بنخرج ولا بنروح ولا بنيجي ! هههه هنجيبوا واحد لضحى ان شاء الله

 

ان شاء الله , خليكِ بقى يا سميرة واحنا مش هنتأخروا ان شاء الله

 

هههههههه طب والله ريحتيني , هو اني غاوية مشاويرررر !!!!!!!

 

كدة برضو يا ماما ! مش هتنزلي معايا ؟؟؟؟؟؟؟

 

ههه خالتك معاكِ يا ضحى , زيي واحسن مني كمان

 

اني مش مالية عينك يا بت يا ضحىىىىىىىى !!!! هتخليني نقلبوا عليكِ ليييييييييه !!!!! ههههههه

 

ههههه لالالالا يا خالتي , اني ما نقصدش والله , اني بس كنت عايزة ناخدوا رأي ماما في كل حاجة قبل ما نشتروها

 

اني عارفة ذوق خالتك حلو يا ضحى ههه اتوكلي على الله معاهم , هاتي لضحى اغلى واحسن حاجة يا كريمممممة , هندوا الفلوس لضحى ما تخافيش هههههه

 

اخص عليكِ يا سميرة ! فلوس ايه يختي , دي ضحى بنتي وعنيا ليهاااااا ههههه

 

تسلم عنيكِ يختي , اني عارفة والله خدي يا ضحى خلي دول معاكِ , هيكفوا ويفيضوا ان شاء الله ولو عوزتي فلوس زيادة خدي من خالتك واني نحاسبوهااااااا

 

حاضر يا ماما هههه يلا يا خالتي يلا يا فاتن , السلام عليكم يا داددددددددة

 

وعليكم السلام يا ست العرايسسسسسسس ههههه

 

 

 

 

 

 

 

ريااااااااااض

 

نعم يا ادهم باشاااااااا

 

يحيي وصل ؟

 

لا لسة

 

اوووووووووووف اتأخر كدة ليييييييييه اني لازم نجيبوله تليفون محمووووول

 

سلامو عليكوووووووو

 

وعليكم السلام يا يحيي , يحيي جه اهو يا ادهم باشا

 

تعالى يا يحيييييييييي

 

هههه ازيك يا ادهم باشا

 

هااا عملت اييييييييييه

 

الست ضحى خرجت مع اتنين ستات , شابة صغيرة وست كبيرة عنهم شوية , لكن فيها شبه كبير اوي من الست ضحى

 

امها ؟؟؟؟

 

لالالالا اني شوفت امها كذا مرة , دي باين عليها كدة خالتها

 

ممممم راحوا فين ؟؟؟؟؟؟

 

كانت مستنياهم عربية بالسواق , ونزلتهم في محطة الرمل , دخلوا محلات يامَاااااا وكل محل يطلعوا منه بشنط قدددددد كدة , اني رجلي ورمت من المشي وراهم والوقوف برا عند كل محل

 

انت كنت بتستنى براااااااا , اني مش قولتلك ما تغيبش عن عينككككككككك

 

ايّوووووه واني كنت هندخل وراهم المحلات ازاي بسسسسس , دول دخلوا محلات حريمي واني نتكسف ندخل

 

اووووووف المهم ايه اللي حصل بعد كدة

 

ولا حاجة , فضلت وراهم لحد ما السواق جه خدهم , وصلوا الست ضحى لحد البيت والسواق طَلع معاها يوصل الشنط ونَزَل خد العربية والستات اللي معاه ومَشوا

 

مممممممم طيب , بكرة من الصبح بدري تكون تحت البيتتتتتت , وخد الموبايل ده خليه معاااااك , تبلغني بيه بكل خطوة تخطيها ضحى كأني شايفها بالظبططططططططططط

 

ايه ده يا ادهم بيه

 

موبايل يا بني ادم موباااااااايل , تليفون محمول

 

اني ما نعرفش نستخدمه ازاي

 

اوووووووف يخرب بيت الغبااااااااوة تعالى نعلمكككككككك

 

ماشي يا باشا

[هبة عبد العظيم نور 2042]

ازيكو يا بنات يا عسولات في ناس حلوين هلّوا علينا وفرحوناااااااا

 

رمااااااااس

 

وحشتيني يا رموسة , وحشتني تعليقاتك جدااااااااااا الله لا يحرمني منك ولا من تعليقاتك الجميلة يا جميلة انتِ

 

 

تالية القرآن

 

اهلا يا قمر , تسلمي حبيبتي على كلامك الجميل , نورتيني ونورتي الابطال يا عسولة

 

 

أم عثمان

 

اهلا يا ام عثمان يا عسل , انتِ ماشية على مبدأ خير الكلام ما قل ودل ؟ هههه شكرا حبيبتي , اسعدني وجودك معانا والله

 

 

ريحانة السماء

 

شكرا رياحينووووووشوفت الرابط اول ما حطيتيه في المشاركة البايظة بتاعة الرموز ههههه قولت اكيد الإدارة ماخدوش بالهم عشان الصفحة كلها رموز والرابط مش باين ههههههههتسلميلي حبيبتي , قريت كمان كلامك الجميل هناك عن الأعمال ويارب اكون عند حسن ظنك وظن الأخوات دايما حبيبتي , اسعدتيني بكلماتك وكمان قولتي انك بتحبيني في الله في المنتدى هناك , وانا هرد عليكِ في المنتدى بتاعنا هنا هههه انا كمان احبك في الله حبيبتي , احبك الذي احببتني فيه اختي الحبيبة

 

 

سارة محمد

 

منوراني يا سوسو يا عسولة انتِ يا كميلة يللي بموت فيكِ هههههه على طول في سيرتك بالخير مع هدوء الفجر والله , دايما نقول سارة فيها براءة وتلقائية تحبب كل الناس فيها , ربنا يحفظك ويفرحنا بيكِ حبيبتي آمين يارب

 

حواء أم هالة

 

نفسي ابعتلك حماة بهيرة تقعد عندك اسبوعين تلاتة هههههههههههههههههههههههههههههههههههههههه مالك ومالها يا بت يا جمولة يا بت هههههههههههه والله يا حواويئو معانا اخوات في المنتدى عندهم حموات نفس الماركة ههههههههههههههههه الله يعينهم ياااااااااارب أ

 

م افنان المغير

 

اهلا ام افنان حبيبتي . في ناس والله زي بهيرة بالظبط يا ام افنان طيبين زيادة عن اللزوم وما يحبوا المشاكل , انا بعتبر ان ده سلبية وما لوش دعوة بالطيبة مش معنى اني اكون طيبة يبقى اتهان واتنازل عن حقوقي , ولازم كل راجل يلاقي من اهله تجاوز في حق مراته يوقفهم عند حدهم نورتيني يا ام افنان يا سكرة ربنا ما يحرمني منك يا عسل

 

 

ريحانة زوجي

 

بتختصري الكلام ليه يا بت يا شوشوووووووووو , انا بحب الاستفاضة , هو انا اقعد اكتب طول النهار وانتِ ترديلي في سطرين !!!!!!! هههههههههه بحب اعرف انطباعاتكو عن الاحداث حبيبتي , بس برضو كتر خيرك ههههههههه

 

فين محبة صحبة الاخيار ويحبهم ويحبونه !

 

فين أم المنذر يا ولاد ؟ ما حدش شافها معدية من الشارع ده من شوية ؟ ههههههههههههههه

 

فين اابت الملتزمة المتفائلة !!!!

 

اللي كل شويى تغير اسمها ومحيراني هي رسيت على ايه دلوقتي ؟ ههههه انتِ فين يا بت انتِ ؟؟؟؟؟؟؟ من كتر اساميكِ مش عارفة انتِ مين ولا مكانك فين ولا قاعدة هنا ولا هناك ولا ايه بالظبط ! اظهر وبان عليك الأمان هههههههههه ا

 

م بشار وعبد , منور يا جميل هههههههه

كلكو تتجمعوا عشان انا بحب اللمة هههههههههههههه

 

الحلقات اهيه كتيرة يا ام رقية يللي بعتيلي رسالة تتخانقي عشان بحط حلقة واحدة هههههههه

 

حلقات تكفيكو لحد يوم السبت ان شاء الله ماحدش يقولي انشري بكرة , يوم الخميس تنفيض الشقة والمكوى وكل شغل البيت بقيت اعمله يوم الخميس بسبب الحلقات والانشغال في الكتابة , الله المستعااااااااان جوزي كان بيطلب مني حاجة اعملها وقولتله لالالالا كدة كتير , انت عارف اني مشغولة وعايزة اخلص المسلسل , قالي بقالك خمسين سنة بتقولي عايزة اخلص المسلسل ههههههههههه

يلا ادينا قاعدين ورانا ايه ! ههههههههههه

 

اشوفكو يوم السبت يا حلوين , استودعكم الله الذي لا تضيع ودائعه , في آمان الله

وانا ممممممممم مش مفتقدانى :(

 

هههههههههههههه يا مفترية ي أمومة , يا بنتي دانا لما جيت ما لقتكيش سألت عليكِ عشان وحشاني

 

تقومي تقولي مش مفتقداكِ !!!!!!!! ههههه انتِ حبيبتي يا امومة , معلش حبيبتي غصب عني والله , مش تزعلي يا كتكوتتي يا حلوة ههههه

[ام بشار وعبد 83]

شو يا هبة؟ حلقة واحدة بس!!! لالالالالالالالالالا انا اعترض وبشدة

[هبة عبد العظيم نور 2042]

شو يا هبة؟ حلقة واحدة بس!!! لالالالالالالالالالا انا اعترض وبشدة

 

 

اتنين يا أم بشار , شككتيني في نفسي يا اختي هههههه

 

هي القهوة مغشوشة النهاردة ولا ايه ههههههه

 

حلقتين وبينهم الاذكار يا عسولة

[هبة عبد العظيم نور 2042]

ازيكو يا بنات يا حلوين

 

منورين والله , كل الابطال هيجوا تباعا ان شاء الله ما تقلقوش هههه

 

الأول بخصوص المدونة احب اشكر الحبيبة أم العبادلة على إنشاء المدونة , بارك الله فيكِ يا حبيبة ودمتِ لنا ذخرا ههههه

 

اشكر كمان اشرقت السماء الحبيبة على التصميم , رغم انها مش بتدخل من مدة كبيرة ومش هتشوف كلمات الشكر لها بس لازم اشكرها

 

اشكر حبيبتي هدوء الفجر على تولي المدونة ونشر الأعمال بها واقتطاع جزء كبير من وقتها لوضع المسلسلات في المدونة

 

عايزة اقولك شكرا يا مريومة يا حبيبتي , وعايز اقولك كمان لو باقي المسلسلات ما اتحطتش خلال اسبوع هتبقى وقعتك معايا سودة هههههههههههههه

 

ربنا يبارك فيكِ يا مريومة ويجزيكِ عني خير الجزاء حبيبتي اللهم آمين

 

ماشاء الله لا قوة إلا بالله

 

 

منورين كلكو يا بنات , انتظروا الاحداث الساخنة بس اوعوا تتلسعوا هههههه

 

حلقات كتيرة وكبيرة اهيه يا ام رقية , وبلاش الثورات اللي انتِ عاملاها دي عشان الكلام ما يوصلش لادهم وعصابته وانتِ حرة بقى هههههههههه

 

لي عودة للترحيب بباقي الحبيبات

 

عايزة تفاعل بقى عشان اتشجع وانشر كتير ان شاء الله

 

اشوفكو بكرة بمشيئة الرحمن , اترككم في رعاية الله حبيباتي

[تالية القران 98]

 

السلام عليكم و رحمة الله و بركاته

السينارست الحبيبة هبة جميل جداً المسلسل

حكاية و اقعية من كل بيت

استمتعت جداً بالقراءة

سامية دي أخت جوز صعبة اوي ههههههههههه ربنا يهديها

و الضابط هاني بيه من الانواع النادرة في زماننا اللهم أكثر من أمثاله

أما سلفت رشا ربنا يهديها دي فعلا حاجة تفرس

[~ محبة صحبة الأخيار~ 354]

السلام عليكم ورحمة الله وبركاته

 

ساميه ... غريبة فى تعاملها وهى فعلاً عديمة الإحساس فليس معنى أنها فى بيت أخيها أن تفعل ذلك

فهو رب أسرة ودخله لا يكفى ويعمل ليل نهاروهى ترى ذلك بنفسها ،،

مع إنى لم أرَ مثلها لكن لا أستبعد وجود من يشبهها.

 

هانى... إنسان خلوق لا يرضى الظلم ...ليته يتعامل بجدية وتفاهم أكثر مع أسرتة

ولا يكتفى بوضع القوانين لهم فقط .

 

رشا ... فعلاً كما قال زوجها تحتاج لصدمة لتفيق من غيبوبتها

ربما تحتاج فى يوم من الأيام إلى عون أو مساعدة ممن كانت تعتبرهم

أقل منها وتنظر لهم باشمئزاز.

[~ محبة صحبة الأخيار~ 354]

مبارك عليكِ المدونة ياهبة ،

رائعة ما شاء الله ،

جزى الله خيراً كل من شاركت فى عملها.

[ساره أم حمزه 1040]

جميل الحمد لله ان سيد طلع وربنا رزقه بفلوس

 

حسين ليه ميتكلمش مع اخته هو ساكت كده وسايبها قاعده فى البيت وخلاص

يشوف الموضوع والحل

 

رشا بتتكبر على اللى اقل منها وحصل فيها نفس الموقف لكن مصممه مع ان نسرين مستفزه بطريقه ربنا يهديهم الاتنين

 

بس هو صح ان هانى فرض على رشا انها تيجى العزومه ؟

 

ادهم ويحيي هو يحيي راضى على نفسه الشغلانه دى هى دى بقت شغلته ، ادهم بيقول غباوه مع ان الموبايل ده حاجه جديده هو انت شرحتله ومفهمش عشان تقول غباوة !!

[هدوء الفجر 222]

اشكر حبيبتي هدوء الفجر على تولي المدونة ونشر الأعمال بها واقتطاع جزء كبير من وقتها لوضع المسلسلات في المدونة

 

عايزة اقولك شكرا يا مريومة يا حبيبتي , وعايز اقولك كمان لو باقي المسلسلات ما اتحطتش خلال اسبوع هتبقى وقعتك معايا سودة هههههههههههههه

 

ربنا يبارك فيكِ يا مريومة ويجزيكِ عني خير الجزاء حبيبتي اللهم آمين

 

مفيش داعي للشكر يا سكرة يا شمعة منوووورة هههههههههههه

 

انتي تستاهلي اكتر من كده بكتيييير والله ربنا يوفقك يااااارب ويزيدك من فضله . اللهم امين

 

وتبعا تبعا تحت أمرك يا جمييل من غير تهديد هههههههههههه

[حواء أم هالة 1895]

السلام عليكم ورحمة الله

الحمد لله أن سيد خرج وهذا بفضل الله ثم بفضل دعاء ولالدته

البت سامية دي زودتها اصلا الضيف يبقى ثلاثة ايام فقط واذا ارادت ان تبقى معهم لازم تساعد بهيرة وتقبل بما عندهم وكلامها مع ياسمين استفزني ما احب ان تتكلم مع بنت في هذا الكلام وتفتح عينها حتى الكلام حاساه سوقي شوية اعوذ بالله يارب يروح ماترجع هههه

رشا متكبرة على الفاضي ولا حبت تتعلم الدرس ونسرين مش زيها فهي عمرها ماتككبرت على مرات البواب او الفقراء بالعكس تجيني متواضعة عكس رشا تتعالى على الكل الله يهديهما وبس

اهدم ده مش عارفة أخرتها معه الله يعدي الأيام على خير

هبهوب حلقتين مش مكفياني يابت زودي الجرعة شوية :))