خلف هذه الجدران

[يحبهم ويحبونه 88]

السلام عليكم

حفظك الله حبيبتى هوبة وحفظ لك زوجك

فعلا الإهمال وصل لدرجة كبيرة فى بلدنا والله المستعان

الحلقات حلوة بس تعصب حاسة إن ضحى ما بقتش تصعب عليا بسبب أخطائها المتتالية وهى مش سامعة كلام حد .....

عجبنى رد سميرة على سعاد كان قوى ووقفها عند حدها ....

فرحانة فى سامى يستاهل وعقبال ما أفرح فى أوسا وأدهم ...

[ام بشار وعبد 83]

شكرا على السؤال اختي الحبيبة هبة

 

انا هنا ومتابعة معك اولا باول .. ولكني لا اسجل دخولي دائما بسبب ظروف العمل .

[' أم آية' 667]

النهاردة مفيش حلقات؟

[** أم المنذر ** 66]

الحلقااات

[ساره أم حمزه 1040]

فين الحلقات يا هبه ^^

 

وده كلام الزائره المتابعه ( :

 

عااااااااااااا الحلقات ما نزلت لغاية الآن أنا جبت شوكولاتة مخصوص عشان المسلسل

وقولي لهبة حمدًا لله على سلامة زوجها أجر وعافية إن شاء الله

[***أم عثمان*** 10]

السلام عليكم ورحمة الله وبركاته

حمدلله علي سلامة زوجك ياهبه فداه كل شي

 

حلقات رائعه بس تعبت اعصبي وزعلت جدا علي ضحي واكتر علي خالد وامه

منه لله ادهم وامه وربنا يصبر احمد عليهم

 

بس فيييييييييين حلقة اليوم عاوزة اقرئها وانااااااام

[♡ راجية الجنان ♡ 96]

أين أنت خالتو هبة ؟؟

لعل غيابك عنا لخير !

[اعتز بالاسلام 126]

فى انتظار الحلقات

[القانته باذن الله 55]

السلام عليكم

ازيك هبه عامله ايه يارب تكوني بخير

تسلم ايدك وجزاك الله خيرا

بس ماتطوليش علينا ياجميل علشان قاعدين علي احر من الجمر

[القانته باذن الله 55]

السلام عليكم

كده لسه مافيش حلقه

وبعدين لعل المانع خير

طمنينا عليكي ياهبه

[هبة عبد العظيم نور 2042]

اني عايزة الفلوس اللي شايلاها عندك

 

اييييييييه !الفلوس !!!!!!!!

 

ايه يا ابتسام ! هو اني قولت حاجة غريبة !!! اني بنقولولك عايزة الفلوس اللي شايلاها عندك

 

.......... عايزاها ليه ؟ انتوا لقيتوا شقة ؟؟؟؟؟

 

لا , اني مش عايزاها عشان الشقة , اصل سامي اتعذر وعايزهم

 

عايزهم يعني ايه !!!!! أأأأأ لالالالالا يختي , ما تطاوعيهووووش , لو خد الفلوس مش هيدهالك تاني وهتتسوحي وتقعدي من غير شقة , هو عايزك تفضلي خدامة لمراته ولا اييييييه ! اني قلبي عليكِ يختي وبنعملوا لمصلحتكككككك سيبي الفلوس في الآمان عندي بدل ما الراجل يبددهمممممم

 

اني ما نقدروش نقولولوا لا وهو معذور ومحتاج يا ابتسام , يعني نسيبوه يمد ايده للخلق واني معايا الفلوس !

 

يختي بطلي خيابة بقىىىىىىى , طيبتك الزايدة دي اللي هتوديكي في داهييييييية , اسمعي كلام اختك الكبيرة وما تسأليش فيه , ال ياخد الفلوس اااااال

 

بنقولك ايه يا ابتسام , سامي مستنيني ع الإمة عشان ياخد الفلوووووس , ده ماله واني ماليش سلطان عليه

 

ماله يعني اييييييه ! هو انتِ مش مراته وليكِ حق في ماااااااله !

 

قصري يختي , خلاصة القول قومي هاتيلي الفلوس عشان اني مش جاية نسمعوا كلام واخد ورد , اني مستعججججلة

 

........................... ودي ورطة ايه دي بقىىىىىى !!!!

 

ما تيلا يا ابتسام الله يخليكِ ما تجبليش الكلاااااااام زمان سامي استعوقني وعمال يقول هي اتأخرت لييييييه

 

طيب استني لما سلامة ينزل , ولا ناسية اني شايلة الفلوس في اوضة النوم وهو ما يعرفش حاجة عنهممممم

 

طيب طيب , اديني استنيييت , ربنا يستر بقى وسامي ما يدنيش كلمتين عشان التأخيرررر , اهو سلامة لَبَس وخرج اهو

 

اني ماشي يا ابتسام عايزة حاااااجة

 

................................................

 

ابتسااااااااااام , بنكلموووووووكِ

 

هااااا , في حاجة يا سلامة

 

هه بنقولك نازل , ما يلزمكيش حاجة نجيبوها ؟

 

لالالا شش شكرا شكرا يا سلامة , كتر خيرك

 

سلام يا بدارة

 

الله يسلمك يا سلامة , يلا يختي قومي خلصيني الله يخليييييكِ

 

حاضر يا بدارة حااااااضر , هي الدنيا طارت يختي !!!!!!!

 

 

 

 

 

 

 

 

 

يا ربي نقولولها ايه دلوقتي توووء نقولولها الفلوس ناقصة خمس تلاف جنيي ازاي بسسسس ! يادي الوقعة اللي اني فيهاااااا , ده ايه الحظ ده بسسسس

 

يلا يا ابتسااااااااام ايّوووووووووووووه , اتأخرت يختيييييييي

 

طيب طيب يا بدارة جاية اهووووووووو تووووووء اني هنقولولها واللي يحصل يحصل , طب وبعدييييين اني كنت عاملة حساب الفلوس دي وواخدة الحاجات من ألطاف على حسهاااااا , داني مديونة بخمس تلاف جنيي كمان لألطاااااااااااف يادي الوقعة اهئ اهئئئئئئئ نروحوا فين ونيجوا منين بسسسسسسس

 

يا ابتسااااااااااااااام , وبعدين يختييييييييييي

 

 

اني جيت اهو يا بدارة , خدي , خدي يا بدارة الفلوس اهيه

 

طيب يا ابتسام , خمسة وتلاتين الف جنيي مش كدة ؟

 

هاااا أأأأ بصراحة بقى يختي وعلى بلاطة دول تلاتين الف جنيي بسسسسسس

 

اييييييييه ! يعني ايييييييييه ! والخمس تلاف جنيي الباقيين راحوا فيييين ؟

 

أأأأأ بصراحة يختي اتعذرت فيهمممممم

 

اتعذرتي فيهم يعني ايه يا ابتساااااااااام , اني سايباهم عندك امانة يختي , تقومي تمدي إيدك عليهم برضوووووو , يختي ده المثل بيقول من آمنك لم تخونه ولو كنت خااااااين

 

يختي بلاش تبكيت بالكلام بقىىىىىى , قولتلك اتعذرت فيهممممم والبيوت ما بتخلاش يختي , أي حد بيتعذَررررر

 

اوووووووووووووووف , ماشي يا ابتسام , اني مش فاضية نتكلم , بس نتحاسبوا بعدين ع الأمانة اللي خونتيهااااااا , اني ماشييييييييية

 

 

وبعدين بقىىىىىىىى طيب بدارة اختي ومقدور عليها وعمرها ما هتعض فيا , ولما تعرف اني مش هنقدروا نرجعوا الخمس تلاف جنيي مش هتعمل حاجة , هترعلّلها يومين تلاتة وتروق , لكن ألطااااااف هنعملوا ايه مع ألطااااااااف , اني عليا اقساط 500 جنيي كل شهر ودلوقتي ما بقاش معايا ولا مليم اهئ اهئئئئئئئ نعملوا ايه بس دلوقتي

 

 

 

 

 

 

 

 

 

 

 

 

 

 

اني جيت اهو يا سااااااااامي

 

ايه يا بدارة , كنتي بتولدي فووووووووووووق !!!!!!!!!!

 

نعملوا ايه بس يا سااااااامي , استنينا على ما سلامة جوز ابتسام نَزَل عشان ما نطلعوش الفلوس قداااامه

 

طيب يختي هاااااااااتي

 

أأأأأ سامي

 

ايوة يا بدارة , في ايييييييه

 

اصل يا سامي الفلوس ناقصين خمس تلاف جنيي

 

ايييييييييييييييييه !!!!!!!!! راحوا فييييييييين , اختك شفطتهم في كرشهااااااااااا ؟؟؟؟؟؟؟؟

 

يا سامي وطي صوتك بلاش فضاااااايح , اصل اختي اتعذرت فيهم يعني , معلش , كلها شهر ولا اتنين وتردهم

 

هي مين دي اللي كلها شهر ولا اتنين وترد خمس تلاف جنيي !!!!! اختك الشحاتة اللي بتكمل عشاها نووووووووم

 

ايّووووووووه ما تغلطش في اختي يا سااااااااامي , فيها ايه يعني لما اختي اتعذرت وخدت قرشيييين !!!!!

 

هو اني خلاص بقيت ملقف والحريم عمالين يدوني على قفاياااااااا , واحدة تنصب عليا و تاخد خمسة وعشرين الف جنيي وتختفي وزميلتها تاخد كمان خمسسسسسسسة , يعني اني بسبب الحريم ومعرفتهم الطين نخسروا تلاتين الف جنيي خبطة واحدددددددددة !!!!!!!! ايّوووووووووووووووووه هو ده الجنس اللطيف ولا الجنس ابو ايد خفيففففففففة , يلا يا ستي روحي ع البيتتتتتتت

 

ماشي يا سامي , اديني مروحة على بيت الست اووووووووف الواحد هيلاقيها منين ولا منييييين

 

 

 

 

 

 

 

 

 

وبعدين بقى ! اني كدة مافيش حل قدامي غير اني نروحوا لألطاف نرجعولها الحاجة ونقولولها تبعت حد من عندها ياخد الحاجات التقيلة اللي مش هنقدروا نشيلوها وتقطع الشيكات ويا دار ما دخلك شر , ايوة , مافيش حل إلا كدددددددة

 

مامااااااا

 

انت صحيت يا وجدي ؟

 

ايوة , اني عايز نفطرررررر

 

بعدين يا وجدي بعدين يا حبيبي , روح دلوقتي ادخل الحمام واغسل وشك واني هنروحوا مشوار صغير ونرجعوا على طول نفطروك

 

طيب يا ماما بلاش تتأخررررري

 

لالالا يا حبيبي , اني هنحطوا العباية والطرحة عليا وننزلوا نقضوا المشوار ونرجعوا على طووووول

 

 

 

 

 

 

 

 

 

 

 

 

نعم نعم نعم يا حبيبتي !!!!!! ترجعي الحاجة اللي خدتيها ده ايييييييه ! بعد ما لبستي اللي لبستيه وفرشتي اللي فرشتيه ! قالولك عليا هبلة ولا فاتحة تكية !!!!! لا يختي , اني فاتحة المكان ده عشان يبقى لقمة عشان نسترزقوا من وراااااااه وانتِ ما حدش ضربك على ايدك وقالك اشتري بالتقسيط من عنددددددي

 

يعني ايه يا ألطاف , بنقولولك مش هنقدروا نسدوا الشيكات اللي عليااااااا

 

حاجة ما تخصنيش يا حبيبتي , شيلي الشنطة اللي في ايدك دي وارجعي بيها وأول الشهرالجديد ما يهل تجيبلي 500 جنيي قيمة القسط اللي عليكِ , بالسلامة يا شابة ما نعطلوكيش عشان في زباين داخلين , اهلا اهلا يا عرووووووووسة , اسم الله يا حبيبتي تعاااااالي هههههه اهلا يا أم العرووووووسة

 

ههههههه اهلا بيكِ يا ألطاف , جبتي يختي طقم الصيني اللي قولنالك عليه للبت ؟

 

جبته يا حبيبتي وهيعجب عروستنا وكله تقسيط في تقسيط , خد النهاردة وادفع بكرة يا غاوي وع الدفع الفوري مش ناااااااوي ههههههههههه بالسلامة انتِ يا ابتسام عشان أكل العيش ما يحبش النق والأر , بنداري على شمعتي عشان تقيد يختي معلش , تعالي يا عروسة , تعالي يا ام العروسة ورايا ع المخزن , امّا اني جالي شوية بيجامات ساتان هتتهَبَلي عليهم يا عروووووسة

 

بجددددد ! ههههه عايزة نشوفوها فرجينييييييييييي

 

 

 

 

 

 

 

 

 

انتِ جيتي يا ماما ؟

 

اهئ اهئئئئئئئ سيبني في حالي يا وجدي عشان اني مش طايقة روحي

 

مالك يا مامااااا ! حد زعلكككككك ؟ لو حد زعلك قوليلي واني نقطّعوووووووووه

 

سيبني يا ابني الله يخليك , اني تعبانة يا وجدي اهئ اهئئئئئئئ

 

اهئ اهئئئئئ سلامتك يا ماما , نطلع نقول لستي انك تعبانة ؟

 

اهئ اهئئئ لا يا حبيبي , تعالى في حضني اموووووه , ادعيلي يا وجدي ان ربنا يفرج كربي , انت قلبك طاهر ولسة ما خرجتش للدنيا الوحشة اهئ اهئئئئئئئئ

 

هي الدنيا وحشة يا ماما ؟؟؟؟؟؟

 

اهئ اهئئئ فيها ناس ما بترحمش يا وجدي اهئ اهئئئئئئ فيها ناس ما بتصدق تنهش في لحم غيرها من غير شفقة يا ابني اهئ اهئئئئئئئئئئئئئئ

 

اهئ اهئئئئئئ ما تعيطيش يا ماما اهئ اهئئئئئ اني جنبك اهئ اهئئئئئ مش في حد يقدر يزعلك اهئ اهئئئئئئئئ

 

ربنا يحميك يا حبيبي اهئ اهئئئئئ هنقوموا نعملولك الفطار , وربنا يدبرها من عنده بقى اهئ اهئئئئئئئئئئئئ

 

 

 

 

 

 

 

 

 

 

 

 

 

اخيرا وصلت المحل اما نركنوا العربية وننزلوا بسرعة نحطوا المبلغ في الخزنة قبل ابويا ما يكتشف المصيبة ددددي , ايه ده ! ابراهيم هلال هو كمان بيركن عربيته , جاتك البلا راجل غتت , صباح الخير يا حمووووووو

 

صباح النور يا استاذ سامي , ابوك قاعد مستنيك جوا على مكتبكككككك

 

ابويا !!!!! مش عوايده يجي المحل بدري

 

اني برضو استغربت , عملت ايه , عرفت تدبر الفلوس ؟

 

ايوة ايوة , معايا في الشنطة , صباح الخير يا سعيد , صباح الخير يا رمضااااااان

 

صباح الفل يا استاذ سامي

 

صباح الورد يا ابويااااااا ههههه

 

اهلا يا سامي , صباح النور , ايه الشنطة اللي في ايدك دي ؟

 

دول خمسة وعشرين الف جنيي تمن بضاعة في المخزن كنت بعتها لتاجر ماني فاتورة كبيرررررر

 

هه ولا قصدك الخمسة وعشرين الف جنيي اللي جاي تسدهم بدل البت اللي نصبت عليكككككك

 

هااااا !!!!! أأأ بت ! بت مين دي يا ابا اللي تقصدهاااااا

 

البت بتاعة المحلة اللي نصبت عليك وختمتك على قفااااااااااك

 

أأأأأ محلة , نصبت عليا ! هي ايه العبارة ! الكلام ده ما حصلش يابااااااا

 

انكر زي ما انت عايز , اني متأكد مليون المية من الكلام اللي بنقولووووووه

 

............ اني عايز نعرف انت عرفت من مين بالظبط في صبيااااااني ؟

 

مش مهم عَرَفت من مييييييين , اني اللي عايز نعرف جبت الخمسة وعشرين الف جنيي دول منيييين

 

يا بويا اني ما اتنصبش عليااااااا , اني لما البت اتأخرت عليا وما جابتش الفلوس اخدت الولا حمو وروحنا ع المحلة وجبنا الفلوس من حبابي عنيهاااااا , مش كدة يا حمووووو؟؟؟؟؟؟؟

 

هااااا ! ايوة ايوة , كدة يا استاذ سامي

 

هه صبيك بيداري عليك ! وماله , يعني انت جبت الفلوس من البت يا سامي ؟

 

ايووووووة اومال يعني هنسيبولهالهاااااا , دول خمسة وعشرين الف جنيي مش أي حاجة يعنيييييي , طب دي حتى فضلت تترجاني وتقولي معلش يا استاذ سامي اصبر عليا قد شهرين كمان عشان ندبروا حالي بس انِي قولتليها لاااااااا , اني عايز فلوسي دلوقتي , تطلعي السما تنزلي الأرض لازم الفلوس تتحط قدامي دلوقتي ع الطرابيزززززة , قالتلي أمرك ودخلت جابتهوملي

 

هه بقى هي الحكاية كدة يا سامي ؟

 

ايوة اوماااااال , هو انت فاكرني ينضحك عليا من واحدة ست برضو ! مش سامي ابن الحاج مرشدي اللي تضحك عليه حُرمة

 

اومال روحت عملتلها محضر في القسم ليه طالما خدت فلوسك ؟

 

اييييييييييييييييه !!!!!!!!! أأأأ انت ..... انت عرفت منين اني روحت القسم ؟؟؟؟؟؟

 

خط سيرك كله عنددددددي وعارف كويس ان انت وصبيك لفيتوا المحلة شارع شارع وحارة حارة وما عترتوش ع البت النصااااااااابة , اني دلوقتي عايز نعرف جبت الخمسة وعشرين الف جنيي دول منييييييييييين

 

................... قبل ما نقولك يا ابا جبت الخمسة وعشرين الف جنيي منين عايز نعرف مين اللي قالك ع الحكاية ومين اللي بعته ورايا يأترني ويجي يحكيلككككككك , سعيد ولا رمضاااااااااااان ؟

 

رمضان مالوش دعوة , اني اللي قولت لابوك يا استاذ سااااااااااامي

 

انت يا سعيدددددددددد !!!!!!!

 

ايوة انيييييييي , اني ما نخونش الراجل اللي بناكلوا من وراه عيش ولحم كتافي من خيره , كنت عايزني نسكت واني شايفك بتبدد مال الحاج مرشدي واني واقف نتفرج عليككككككككك

 

بقى كدة ! بتطعني في ضهري يا سعيددددددد , عايز تبين قدام ابويا ان انت اللي بتحافظ على ماله واني اللي بنبددهووووووله !!!!!!!! طب ايه رأيك اني مش عايز نشوفوا وشك في المحل تااااااااااااني

 

اني مش بنشتغل عندكككككك , اني بنشتغل عند الحاج مرشدددددددي , لو الحاج قالي نسيب المحل هنسيبوه دلوقتي حالااااااااا

 

قوله يا ابوياااااااا قوله يسيب المحل ويغور في ستين داااااااااهية

 

سعيد مش هيسيب المحل , انت اللي هتسيببببببببببه , هات المفاتيحححححححح

 

ايييييييييه ! انت بتقول ايه يا ابوياااااااااااا

 

زي ما سمعتتتتت , هات المفاتيح واخرج من المحل وما تورنيش وشك تاااااااااااااااااني

 

بقى كدة يا ابويا !!!!!!! بقى كدة !!!!!!! بتنصر حتة صبي لا طَلَع ولا نَزَل على ابنك اللي من صلبكككككككك !!!!!!!!

 

الصبي اللي مش عاجبك ده بيخاف على مالي ومراعي اكل عيشششششه لكن انت بقى ما تلزمنيش في المحل , خد منه المفاتيح يا سعيد وهات الشنطة اللي معاه عشان نرجعوا الفلوس الخزنة

 

.......... اعفيني يا حاج , خلي حد غيري ياخد المفاتيح

 

المفاتيح اهيه يا ابويا , وانت يا سعيد حسابك معايا بعدين , على رواااااقة ومسيرنا نتقابل , سلام

 

 

 

تووووء يا حاج مرشدي , ماكانش فيه داعي تطرد الاستاذ سامي من المحل

 

اسكت انت يا سعيد , الولا ده لازم يتربى عشان زودها اووووي , روح انت شوف شغلك

 

امرك يا حاج

 

 

ولعت الدنيا يا سعيد ؟

 

ايّوووووه اني مش فايقلك يا رمضاااااان

 

ما كانش في داعي تعمل ده كله يا سعيد , تروح تفتن ع الاستاذ سامي وبعدين تروح تراقبه وتعرف خط سيره وبعدين تيجي تقول لابوه , اهو ابوه زعل منه وطرده من المحل من تحت راسكككككك

 

اني ما قصدتش نخلي ابوه يطرده , اني كل الحكاية اني شوفته بيعمل حاجة غلطت وقولت لازم ابوه يعرف ويتحط في الصورة

 

يا سعيد اني قلبي عليك , اوعى تفتكر ان سامي هيعدهالك , سامي لحمه مر ومش ساهل

 

هيعملي ايه يعني ! خلينا في الزباين اللي بدأت تهل ع المحل دي , ايوة يا مدام تجت امركككككك

 

 

 

 

 

 

 

 

 

 

 

 

 

 

 

 

 

امّااااااااااااااا ترررررررررررررررررررررررن ترررررررررررررررررررررن افتحي يا امّاااااااااااا يا ام ساااااااااااااااامي ترررررررررررررررررررررررررررن افتحي يا امّااااااااااااااا افتحي شوفي ابنك واللي جراله , افتحي يا امّااااااااااااااااااا ترررررررررررررررررررررررررررررررررن

 

ايه ايييييييييه ايوة يللي ع الباااااااااااااب , ده ايه الخوتة ددددددددي , مييييييييييييين

 

افتحي يا امّااااااااا اني سااااااااااااااااااامي

 

سامي ! ايه اللي جابه ع الصبح كدة ! اهلا يا سامي , ادخل يا حبيبي , ايه اللي خلاك تسيب المحل وتيجي دلوقتي

 

محل !!!!!! ايوة ما انتِ نايمة في العسل ومش عارفة ان جوزك طردنييييييييي

 

مرشدي !

 

هو انت متجوزة واحد تااااااني ! ايوة يا امّاااااااا جوزك , الحاج مرشددددددي , ابوياااااااااااا , ابويا هزئني وطردني قدام صبياني يا امّااااااااااااا

 

ايّوووووووووووووووه لييييييييييه , ايه اللي حصل يا سامي

 

بسبب البت المخفية اللي نصبت عليا , ااااااااااااااااخ , اخ لو نشوفوها يا امّاااااااااا هنقطعوا من لحمها بسنااااااااااااااني

 

طب وهو عَرَف منين موضوع البت دي ! اني ما قولتلوش حاجة وربنااااااا

 

اني عارف يا امّا ان انتِ عمرك ما تغدري بيا , الغدر جاني من واحد من الصبيان

 

هو مين اللي يعدم عمره ده ؟؟؟؟؟؟؟؟؟؟؟

 

الولا اللي اسمه سعيييييييييد , الحبّيب الفااااااااااشل , المقشف اللي مش لاقي حرمة تعبرررررررره

 

اخص عليه الف مررررررررة الولا ده لازم ينطررررررررد , اني هنقول لابوك الولا ده مالوش عيش في المحل طالما لسانه زالف وما بيحفظش السرررررر

 

يطرد مين يا امّااااااااا ! ابويا طردني اني عشان خاطر عيووووونه

 

يمكن ابوك زعل يا سامي ع الخمسة وعشرين الف جنيي اللي ضيعتهم هدر من تحت راس البت دي , المبلغ مش شوية يا ولا , دي آلافات يا سااااااااامي , آلافات وراحت في الهوا يا ولااااااا

 

يا امّا اني دبرت المبلغ ورجعته لابوياااااااا

 

ومين اللي رضى يسلفك خمسة وعشرين الف جنيي يا ولا

 

ناس حبايبي يا امّاااااا , وبعدين انتِ سايبة كل اللي حصل ده وش همك غير مين اللي سلفني الفلووووووووس

 

ومين قالك اني هنسكت يا ولااااااااا , بس اما يجي مرشدي واني نخليها ليلة مش معدية على دمااااااااااغه

 

ايوة يا امّااااااااا خديلي بتااااااااااري

 

ما تخافش يا ولا , اومال يعني هنسكتوا على طردك من المحل ونشمّتوا العدوين فينااااااااا , روح انت بيتك يا سامي وما تخافش يا حبيبي , اني هنخلي ابوك الصبح يتصل بيك يراضيك ويصالحك ويقولك انزل نوّر المحل يا نوارة المححححححححل

 

دانتِ اللي نوارة الأنفوشي يا امّااااااااا , يا سلااااااام صحيح المثل اللي بيقول , اللي مالوش أم حاله يغُم هههه طول عمرك راجل يا امّا ويُعتمد عليكِ

 

راجل في عينككككككك , يلا يا ولا امشي روح شوف حالك

 

سلام يا امّااااااااا

 

الله يسلمك يا سامي , والله عال يا مرشدددددددي , ال يطرد الولا اااااااااال , الراجل انصاب في نفوخه على كبرررررر

[هبة عبد العظيم نور 2042]

بس يا بت يا نورهان بطلي بعترة وكركبة في الصالوووووووون

 

بلحب

 

لعبت عليكِ نفسك , جبتي الشقة عاليها واطيهااااااااا , تعالي لمي الخدديات اللي رمتها البت دي يا بدوووووور

 

جاية يا ست اوسااااااا

 

ترررررررررررررررررررررررررررررن تررررررررررررررررررررررررررن

 

ايّووووووووووووو هنلاقوها من اوسا وتجعيرها ولا من جرس الباااااااب , ايوة يللي ع الباااااااب

 

شوفي مين ع الباب يا بدوررررررر

 

ما اني رايحة نشوف اهوووووووو اووووووووووووف , انتِ مين يللي ع الباااااااااب

 

اني ساااااااااااامي افتحي يا بتتتتتتتتت

 

سامي ! ايه اللي جابه دلوقتي

 

اهلا يا سامي , ايه اللي جابك دلوقتي ! رجعت الفلوس في الخزنة ؟؟؟؟؟؟؟

 

اووووووف اوعي من وشي عشان اني مش طايق رووووووحي

 

ايّوووووووووه هو ماله ده !!!!!

 

 

ايه ده ! انت جيت يا ساااااااامي ؟؟؟؟؟؟؟

 

ايّوووووووووووه ايوة اتهببت جيييييت , في ايييييييييييييييه ؟

 

مالك يا سامي بتزعق كدة ليييييييه ! شايفاك جاي بدري من المحل , ما نسألوش ازاااااااي ؟

 

ابويا طردني من المحل , اترتحتييييييييييي ؟

 

طردكككككك ! طردك يعني اييييييييه !!!!! وازي يطردك وتسكتله !!!!!

 

اومال نعملوله ايه يعني !

 

ابوك ده باين عليه كَبَر وخرف ولازم تحجر عليه يا سااااااااامي

 

بنقولك ايه يا اوساااااااا اني مش عايز نخسر ابويا اكتر من كدددددة ابعدي عن دماغي بكلامك اللي هيوديني في داهية ددددددده , امي وعدتني انها هتتصرف

 

امك ! وامك هتعمل ايه يعني ! اقطع دراعي ان ما كانوا العقربتين اخواتك احلام وكاميليا واجوازهم هما اللي ورا الحوار ده كله وهما اللي سلطوا ابوك يطردكككككككككك

 

لالالالا احلام وكاميليا مالهومش دعوة , ابويا طردني من تحت راس البت النصابة اللي طَمَعت في البضاعة وهَرَبت

 

ادي اخرة البصبصة للحريم يا ساااااااامي

 

قصدك ادي اخرة اللي يعمل جميل مع اشكالكوووووووو

 

اني داخلة ننام عشان متعودة نناموا العصرية كل يوم

 

ههأ ليه ؟ عشان تقدري تقومي لصلاة الفجر وانتِ فايقة ؟

 

لا يا خويا , خلي صلاة الفجر لاصحابها , اني عايزة نصحى فايقة عشان فيه كام فيلم يهبلوا على قناة الافلام هيعرضوهم من الساعة تمانية وانت طالع

 

طلعت روحك يا شيخة , هتتنكت قدام التليفزيون تتفرج ع الأفلام من الساعة تمانية لحد الفجررررر , حرمة ما ورهاش شغلة الا الفرجة ع الافلام واذية خلق الله , ال عايزاني نحجر على ابويا ااااااال , نحجر عليه ! طب والله فكرة , ايّووووه اللهم اخزيك يا شيطااااااااان , اني حاسس اني متجوز شيطانة وربنااااااا

 

 

ايه الكلام اللي سَمَعته ده يا سااااااااامي , ابوك طردك صحييييييح ؟

 

ايوة يا بدور طردددني

 

يا دي المصيييييبة , طب والخمسة وعشرين الف جنيي ؟؟؟؟؟؟

 

خدهم

 

خدهممممممم ! يعني انت دلوقتي لا شغلة ولا مشغلة ولا فلووووووووس , يعني مافيش شقة يا سامي ؟ اهئ اهئئئئئئئئئئئئئئئئئئئئئئ

 

ايّووووووووووه يا جدعاااااااااااااان , اني في ايه ولا في ايه يا بداااااااااارة , ارحميني يرحمك ربنااااااااااا

 

اني اللي نرحمك يا سامي ! اهئ اهئئئئئئئئئ اني خلاص هنداس تحت الرجلين اهئ اهئئئئئئئئئئئئئ

 

يا بدارة نبوس ايدك الصبررررر الصبر يا بدارة , امي لسة هتتكلم مع ابويا , كلها يومين تلاتة وننزلوا الشغل ونعوضوا الفلوس ما تقلقيش

 

ما نقلقوش ! اهئ اهئئئئئئئئئ

 

ايوة ما تقلقيش , طول ما سامي حبيبك جنبك يبقى ما تقلقيش يا بت , بكرة تُفرج مممممم بنقولولك ايه ,كنت عايز ناخد رأيك في موضوع بخصوص ابويا

 

خير يا سامي

 

اوسا كانت بتقولي يعني اني نحجر عليه

 

يا مصيبتييييييي ! تحجر على ابووووووووك ! انت عايز ابوك يغضب عليك وربنا ينتقم منكككككك ! ازاي اوسا لسانها طاوعها وقالت كدددددددة يا اخي ده ايه الدنيا الوحشة ددددددي اعوذ بالله من غضب الله

 

هههههه جدعة يا بت , اصيلة وربناااااا , اني كنت عارف انك هتقولي كدة

 

ليه يا خويا ! كنت بتختبر اخلاقي ؟

 

هههه اخلاقك اني عرفها كويس اوي وكل يوم غلاوتك بتزيد يا بدارة

 

ايوة يا خويا ماهو باين اني غالية عليك اوي عشان كدة بتكافأني وجبتني نخدم مراتك

 

ههه يا بت اني جبتك هنا عشان تبقي قصاد عيني وما نبعدوش عن بعض

 

واخرتها يا سامي ؟

 

ادعيلي انتِ بس ومسيرها تُفرج يا بدارة , المحل وهنرجعوه هنرجعوه ما تخافيش , ان ما كانش النهاردة يبقى بكرة وحتى لو بعد سنة مسيري نرجع ونعوض الفلوس ونجيبولك احلى شقة في اسكندرية يا بت

 

اااااااخ ياني , من ساعة ما اتجوزتك واني ما بناخدش غير الوعود , اديني صابرة يا ابن الحلال

 

ماما بيتوووووور

 

تعالي يا نورهان , تعالي يا حبيبتي , عايزة ايه

 

حايزة مم

 

حاضر يا حبيبتي , عن اذنك هنروحوا نأكلوا البت

 

ربنا يخليكِ يا بداااااارة ههههه ازيك يا بت يا نورهااااااان

 

بابااااا سيكولاااااااااتة

 

شكالاتة !!!!! كان زمان يا بنتي قبل ما جدك يرفدني , ادعيلي يا نورهان نرجعوا المحل عشان نيجيبولك شكالاتة يا شكلاتة بيضة بالفندق انتِ اموووووووه روحي عند ماما بدور هههه يلا بالسلامة

 

ماما بيتووووووووور

 

 

 

 

 

 

 

 

 

 

 

 

 

اهلا يا مرشددددددي حمدالله ع السلااااااااااااامة

 

مالك يا توحا

 

مالي ! يعني مش عارف مالي يا مرشدددددددي ! انت ازاي تطرد الولا من المحححححححل

 

هههه هو حيلة امه اشتكالك !!!!!!

 

ايوة حيلة امه وحبيب اممممممه , هو له مين غيري عشان يشتكيله من عمايلك يا مرشددددددي ! اني عايزة نعرف ازاي يهون عليك سامي تبهدله قدام صبيان المحل وتطردددددده

 

وهو بقى الفالح بتاعك قالك اني طردته وما قالكيش طردته ليه يا توحييييييييدة !

 

مهما كان السبب الولا ما ينطَرَدش يا مرشددددددددددي

 

ومين اللي بيقول كدة ان شاء الله

 

اني اللي بنقول يا مرشدددددددددي , الولا يرجع المحل من الصبحححححح وانت اللي هتتصل بيه تقوووووووله

 

وطي صوتك يا توحيدددددددددة ما تعليش صوتك علياااااااااا سامعة ولا لاااااااااا

 

داني هنعلي ونعلي ونعلي ونسمعوا الجيرة وجيرة الجيررررررررة , خلي الناس تشوف عمايلك في ابنك اللي شايلك المحل شيل وانت داير ع القهااااااااااوي

 

توحيدددددددددددة لمي لسانك وخلي ليلتك تعدي على خيرررررررر , رجوع ابنك المحل تنسيييييييه , ابنك غِلِط واني من هنا ورايح مش هنفوتوله الغلططططططط

 

يبقى احساسي صح يا مرشددددددددي بنات كُوكب سلطوك على ابنيييييييي

 

احلام وكاميليا مالهومش دعووووووة , وانتِ عارفة كوس اوي ان ابنك غلطااااااااان ومش كل حاجة تحشري بناتي فيهااااااااا

 

ايوة يا خويا دافع عنهم دااااااافع , قسي قلبك على ابني وارميه في الشارع وبعتر فلوسك على كُوكب وبنات كوكببببببببب , اني ما نديش عقلي لغيرررررررري , العقربة طليقتك وبناتها هما السبب في قلبتك على ابنييييييي

 

كلام تاني ما تزوديش عشان مش هنسمعععععععع , وهي كلمة وقولتها ومش هنرجعوا فيها يا توحيددددددددة , رجوع ابنك للمحل تنسيه ولحد هنا والكلام خَلَص , ولو مش عاجبك حكمي عندك الباب اهو يفوت جمل

 

هي حصلت انك تطردني من بيتي يا مرشدي ! اهئ اهئئئئئئئئئئئ

 

عايزة تقعدي في البيت ده يبقى ما تتدخليش في اللي مالكيش فييييييييه , اني داخل نتخمدددددددد

 

اهئ اهئئئئئئ روح يا شيخ ان شالله تنام ما تقوم اهئ اهئئئئئئئئئئ طيب يا مرشددددددي والله ما هنسكتولك , اني الصبح هنتصل بسعاد اختي تكلم جوزها يشوف حل مع الراجل ده اهئ اهئئئئئئئئئئئئ

 

 

 

 

 

 

 

 

 

 

 

 

بت يا بطططططططططططة يا بططططططة انتِ فين يا بت هههههههههههه , ازيك يا امّااااااااا هههههه

 

اهلا يا يحيي يا ابني , مالك داخل فرحان ومزقطط كدة !!!!! ما تفرحني معاك يا ولا

 

هههههههه هنفرحوكِ يا امّاااااا , بس هي فين البت بطة ؟؟؟؟؟

 

اني اهو , نعم

 

ههههههه اعوذ بالله من قلبة البوووووز , كتب كتابه عليها يا بت يا بطططططططة ههههه

 

هو مين ده اللي كتب كتابه , وكتبه على مييييين

 

ادهم باشااااااا , كتب كتابه ع البت اللي كنتِ متهماه انه عايز يأذيهاااااااا ,النهاردة جه الشركة وهو فرحان والدنيا مش سايعاه من الفرحة , عمال يضحك ومبسوط آخر انبسااااااااط , وادى لكل واحد فينا 100 جنيي وفرق علينا شكالاتة من بتاعة كتب الكتاااااااااب , ههههههه خدي دوقي يامّا شكلاتة الاغنياااااااا

 

هات يا ابني دوقني

 

خدي يا بت يا بطة دوقي على نِفسك ههههههه فين الولا احمددددد , يا احمممممممممد

 

ما تصحيش الولا , اني ما صدقت نيمته

 

طب خلاص , خدي أكليه الشكالاتة دي لما يصحى هههه شكلاتة عمر ابوه ما داقهاااااااا

 

تعيش وتجيبله يا ابني , اني داخلة ننام , حصليني بالدوا وكوباية المية يا بطة

 

من عنيا يا خالتي , هنحصلوكِ على طول , طيب وهو يعني يا يحيي عمايل الراجل اللي انت شغال عنده دي ترضي ربنا ! يمشّي وراها ناضورجي يأترها فين ما تروح , واخرة المتمة يخلي البنية تسيب خطيبها عشان ياخدها هو !!!!!!!

 

الراجل مغرم صبابة ههههه وبعدين مافيش بت بتتجوز غصب عنها , مافهاش حاجة يعني لما تسيب خطيبها طالما مش مالي عينها يا بت , اني سبق وسيبت خطيبتي الاولانية لما لقيتها ما تنفعنيش , وبعدها امي قالتلي اخطب بطة بنت اختي هي دي الأصيلة اللي تنفعك بصحيح

 

ههه ربنا يخليها ليا خالتي , طول عمرها تحبني

 

ههه واني كمان يا بت يا بطة , بنحبوووووكِ , اظن كدة اطمنتي وعَرَفتي ان فلوسي حلااااااال , يعني تاكلي وانتِ مطمنة وتشيلي برطمان المش اللي هريتِ العيل اللي في بطنك منه وزمانه عمال يدعي عليكِ ويقول ارحميني من المش يا امّااااااا هههه

 

ههههه لا كدة ناكلوا واني مطمنة ان مافيش لقمة حرام بتدخل جوفي وبنغذي منها اللي في بطني , يا سلااااااام اني كدة ارتحت يا يحيي وربنااااااا

 

الله يريح قلبك يا بطة ههههه حمريلنا جوز فراخ يا بت عشان نتعشوا

 

من عنيا يا يحيي ههههه

 

الدوا يا بططططططة , ايّوووووووووه

 

ايّووووووه داني نسيت خالتي , جاية يا خااااااالتي

[هبة عبد العظيم نور 2042]

اذكرن الله كثيرا يا حبيبات

 

سبحان الله وبحمده

 

 

سبحان الله العظيم

[هبة عبد العظيم نور 2042]

خلاص بقى يا توحا يختي قولتك هنكلموا عادل ونخلوه يتصرررررف , خلاص اهدي انتِ بس واقفلي واني هنعملوا اللي قولتلك عليه , سلام يا توحا

 

 

اختك مالها يا سعاد ؟

 

شوفت مرشدي وعماااااااايله؟؟؟؟؟؟؟

 

عمل ايه الحاج مرشدي

 

طرد الولا سامي من المححححححححل

 

طرده ليه ؟ اكيد الولا عمل حاجة

 

هيكون عمل ايه يعني ! مهما حصل المفروض ما يطردووووووش , هو ناسي انه راجل متجوز وفاتح بيت ؟

 

ههههه فاتح ايه يختي ! بيت سامي اني اللي فاتحه وبنصرفوا على مراته وبنته , ولا ما عندكيش علم !!!!!

 

ايّووووووه هو احنا في ايه ولا في ايه يا عااااادل , وماله يعني لما بتبعت قرشين لبنتك وشوية طلبات كل شهرررر , هو احنا عشان جوزناها خلاص هنشيلوا ايدينا من مصاريفها !

 

المطلوب مني ايه يعني؟

 

المطلوب انك تكلم الحاج مرشدي وتعقله وتقوله عيب لما يطرد الولا من المححححححل

 

اني هنكلموا الحاج مرشدي نستفهموا منه ايه اللي حصل بالظبط , ناوليني المحمول

 

خد اهو يا عادل ,اتصل شوف الحكاية ايه

 

 

تررررررررررررررررررررررررررررررررررررررن تررررررررررررررررررررررررررررررررررررررررررررررررررررن

 

الو

 

ايوة يا ابني , اديني الحاج مرشدي

 

مين عايزه

 

اني الحاج عادل سليم

 

اهلا وسهلا يا حاج ههه لحظة واحدة , حاج مرشدددددددي

 

ايوة يا رمضان

 

الحاج عادل سليم ع التليفووووووون

 

الحاج عادل ! ممم اكيد متصل عشان المحروس , طيب يا ولا اني جاي نرد عليه

 

 

السلام عليكم يا حاج عادل

 

عليكم السلام يا حاج مرشدي , فينك يا راجل ماحدش بيشوفك

 

في الدنيا يا حاج عادل , ربنا ينجينا منها ومن اهلهااااا

 

هههه آمين يا حاج , ايه حكاية الولا سامي ؟ مزعلك في ايه ؟

 

الولا زودها اوي يا حاج عادل , لا عارف قيمة المال اللي اني سايبهوله ولا بيصون الآمااااااااانة

 

مد ايه على حاجة من وراك ؟؟؟؟؟؟؟

 

...................... ما علينا يا حاج , اني بنوقفوه عند حده عشان يعرف ان المال مش سااااايب ,اتنصب عليه في خمسة وعشرين الف جنيي مرة واحدددددددة , حلال ده ولا حرام يا حااااااج ؟

 

اتنصب عليه ازااااااي ! وهو سامي مغفل عشان يتنصب عليه !!!!!

 

اهو اللي حصل , لازم يتشد من ودنه يا حاج عشان يحافظ ع المال , لكن لو فوتّله غلطة زي دي يبقى هيكررها مرة واتنين وتلااااااااااتة , وده مش ماله لوحده عشان يبدده , امه واخواته البنات ليهم حق في الماااااال , لازم سامي يتعلم الأدددددددب

 

اني كدة فهمت يا حاج مرشدي , يعني انت قاصد بطرده من المحل انك تعرفه غلطه وتشد عليه

 

ايوة يا حاج عادل , المال مسيره هيرجعله واني ما نستغناش عن ابني , لكن لازم نشد عليه عشان يتعدل

 

عداك العيب يا حاج , كدة اني ما نقدرش نتكلم , عندك الف حق , اني لو مكانك كنت هنعمل كدة , مش عايز مني أي خدمات يا حاج مرشدي ؟

 

كتر خيرك يا حاج عادل , مع الف سلامة

 

الله يسلمك

 

 

 

ايه ده يا عادل ! ايه اللي كنت بتقوله لمرشدي دي ! واني اللي كنت فاكراك هتقوله ما يصحش كدة او ع الاقل تقوله اني هنجيب سامي يتأسفلك وتصالهحم على بعض وترجع الولا لشغله !!!!!!!

 

ما ينفعش يا سعاد , الراجل بيأدب ابنه واني ما نقدرش نتدخل

 

اومال مين اللي يتدخل بس يا نااااااااس

 

مسيرهم يتصالحوا يا سعااااااد , اني رايح الجامع نصلي الضهر ويمكن نعدي ع المينا

 

طيب يا عادل , هتمشي موردي ؟

 

ايوة , بس لما نرتبوا أموري ونجيبوا حد بداله , سلام يا سعاد

 

الله يسلمك يا عادل , تووووء وبعدين بقى في حكاية جوز اوسا اللي ماحدش راضي يقف جنبه ده !

 

 

في ايه يا ست سعاد

 

الولا سامي ابوه طرده من المحل يا شوقييييييية

 

طرده ! ليه كدة ؟

 

ال ايه عشان ضيع خمسة وعشرين الف جنيي , يقوم يطرد الولا يا شوقية !

 

لا مالوش حق يا ست سعااااااااد المفروض يقوله فداك يا حبيبي ويديله خمسة وعشرين الف جنيي غيرهم عشان يجيب بيهم حاجة حلوة , ما هو اصله لسة عيل عشان يضيع خمسة وعشرين الف جنيي

 

انتِ بتتريئي علينا يا ولييييييية !!!!! هو اني ناقصااااااااكِ , اجري اعمليلي حاجة سخنة نشربوهاااااااا

 

نعملولك شيّ ؟؟؟؟؟؟؟؟؟

 

لاااااااااااا اعمليلي حلبة حصا واجري افتحي التليفزيون على المسلسل

 

نفتحوا انهي قناااااااااة , من ساعة ما ركبتوا البتاع اللي اسمه الدُش ده واني بنتوهوا وما بنعرفوش طريق المسلسل

 

اني مش قولتك رقم القناة قبل كدددددددة

 

يا ست سعاد دول تلات ارقام جنب بعضضضض على ما ادوس على رقمين منهم يكون الاولاني هَرَب ونلاقي قناة غير القناة

 

ايّووووووووه هاتي الرموت هااااااااتي ولا انتِ عارفة حاجة في دنيتك وهتفضلي جاهلة كددددددددة

 

خدي الرموت اهو , اني هنعملولك حلبة حصا وانتِ اصطفلي مع الخمسومية وخمسين الف قناة بتوعك يا ست سعاد , لما تعتري ع المسلسل ابقي ناديلي

 

طيب يختي , اجري اعملي الحلبة وخلصينييييييييييي

 

اني رايحة اهو

 

ترررررررررررررررررررررررررررررررررررررررررررن تررررررررررررررررررررررررررررررررررررررررررررررررررررررررن

 

ايّوووووووووه مين اللي بيخبط عليناااااااا

 

ميييييييين

 

اني اوساااااااااااا

 

يا دي النايبة الكحلي , اهلا يا ست اوسااااااااا

 

ماما فييييييييييين

 

الست سعاد في الانتريه ماسكة الرموت بتدور ع المسلسل

 

اووووووووف رايقة اوي الست ماما بتتفرج ع التليفزيون !

 

ربنا يروق بالها كمان وكمان , تشربي حلبة حصا يا ست اوسا ؟

 

يا شيخة اوعي من خلقتي هو انا ناقصااااااكِ

 

انتِ مش ناقصاني اني بس , انتِ ناقصة كل حاجة , هتعيشي وتموتي ناقصة ان شاء الله

 

ماماااااااااااا

 

اهلا يا اوسا

 

اهلا !!!! بقى قاعدة ممدة رجليكِ ع الكنبة وبتتفرجي ع المسلسل وسايبة بنتك في اللي هي فيه دددددددده

 

في ايه يا بت ! مين قالك اني ساكتة , خالتك كلمتني واشتكت واني كلمت ابوكِ , وابوكِ لسة قافل مع حماكِ دلوقتي وخرج يصلي الضهر

 

ايوة يعني عملتوا ايه مع حماياااااااا

 

بيقول انه طرده عشان يشد عليه

 

يا سلاااااااااااام ! طرده عشان يشد عليه ولا عشان يبعده ع الورث ويديه لبناااااااااااته

 

يا بت ورث ايه وبتاع ايه دلوقتي !!!!!! اللي نعرفوه ان جوزك هو اللي غلطان وضيع مبلغ كبير ع الأررررررررض

 

ايوة يا ماما اني معاكِ ان سامي غلطان , لكن في حد في الدنيا يطرد ابنه عشان ضيعله كام الف جنيي !!!!!! طب عندك احمد اهو , لو بابا دور وراه هيلاقي بلاوي متلتلة , هيرضيكِ ساعتها ان بابا يطرده !!!!!!!!

 

هو مين ده يا بت اللي لو ابوه دور وراه هيلاقي بلاوي متلتتتتتتتتتتتتتلة , اخرس قطع لسااااااااااانك , احمد ايده ما بتتمدش على حاجة مش له ابدااااااااا , كان سرق منك ايه قبل كدة يختييييييييي , طول عمركو في البيت ده واكلين حقه وعمره ما اتكلم معاكو ولا قالكو بتعملوا كدة ليييييييييه , يقوم دلوقتي لما يدير مالكو ويحافظ عليه تتهموه بالسررررررررررررقة , اياك تجيبي سيرة احمد تااااااااااااني

 

جرا ايه يا ماماااااااا ! كل ده عشان احمد ! اللي يشوف كدة يقول ان احنا مش ولاااااادك , وبعدين اني بنقولوا مثلا يعني , ما اتهمتش حد

 

اني عايزة نعرف انتِ سايبة بيتك وجاية ليه دلوقتي

 

جيت عشان تشوفولي صرررررررفة ولا نسكتوا لحد ما حمايا يموت ونلاقوا كل حاجة في ايد العقارب بناته واجوازهممممممممم

 

واني قولت اللي عندي وقولتلك ابوكِ كلم حماكِ , وراعي اننا مش فاضين لبلاويكِ انتِ وجوزك دلوقتي , لما ادهم يتجوز ودماغنا تروق نبقى نشوفوا موضوع جوزكككككك

 

هيييييييي , هي وش النحس ضحىىىىىىىىىى , شوفتي يا ماما , تاني يوم كتب كتابها على ادهم , جوزي اتطرد من الشغغغغغغغغغغل

 

اتفضلي الحلبة يا ست سعاد , بقى جوز اوسا اتطرد عشان الست ضحى وشها نحس ! دانتو اللي نحستوهم وفقرتوهم جاتكوا مصيبببببة , منورة يا ست اوسااااااااا

 

مالكيش دعوة بيا خااااااالص

 

طب يعني هتتغدي هنا عشان نعملوا حسابك ولا مستعجلة وعايزة تروحي تشوفي ومصالحك وجوزك اللي اتطرد عشان وشك الحلو عليه ؟؟؟؟؟؟؟؟

 

لا اني قاعدة وهنتغدوااااااااااا

 

بالسم الهاري ان شاء الله , عايزة حاجة تاني يا ست سعاد

 

لا يا شوقية , روحي اعملي الغدا انتِ قبل عادل ما يجي , بت يا اوسا , انتِ يا بت سايبة جوزك في البيت لوحده مع الشغااااااالة ؟؟؟؟؟؟؟؟

 

ههههه ليه يعني ! قالولك علية عبيطة عشان نعملوا كدة !!!!! سامي نَزَل وقال مش هيجي إلا بالليل , قولت اني نخطفوا رجلي ونيجي نشوفوا حل , لكن لقيتكو مروقين الاناني ولا على بالكوووووو

 

انتِ جاية تحسدينا يا بت !!!!!! وبعدين هي اللي عندها بت زيك عمرها تروق ابدا !!!! داني كل ما نروق تعملي مصيبة وتوحليني معاااااااكِ , الغدا يا شوقية خليها تتغدا وتروح تشوف بيتهااااااااا

 

بقى كدة يا ست ماما ! خلاص مش طايقاني ! على العموم هنتغدوا ونمشي ونريحوكِ

 

طول عمر كرامتك غالية عليكِ يا ست اوساااااااااااا , داني لو امي كانت عايشة وقالتلي الكلام ده , ما ندخلوش بيتها تااااااااني

[هبة عبد العظيم نور 2042]

صلوا على من علم البشرية طيب الكلام وحسن الخلق

 

صلوا على من أدّبه ربه فأحسن تأديبه فعلمنا كيف يكون الأدب

 

 

اللهم صل وسلم وبارك عليك يا سيدي يا رسول الله

 

محمد عليه الصلاة والسلام

 

 

 

 

في القلب مكانك

 

 

وعلى الحوض أملا في لقائك

 

 

اللهم صل وسلم وبارك عليك يا خير من طلعت عليه الشمس وخير من وطأ الثرى

[هبة عبد العظيم نور 2042]

تررررررررررررررررررررررررررررررن تررررررررررررررررررررررررررررررررررررررررن

 

مين ع الباب

 

اني ام حسن يا ام خالد

 

اهلا يا ام حسن , اتفضلي يختي

 

ازيك يا ام خالد

 

الحمدلله , اقعدي يا ام حسن , نعملولك شيّ ؟

 

لا شيّ ولا غيره يا ام خالد , هو صحيح الكلام اللي سَمَعته ده ؟

 

كلام ايه

 

ال خالد ابنك فسخ خطوبته وكمان هيسافر ويتغرب ؟؟؟؟؟

 

ايوة صحيح يا ام حسن , عَرَفتي منين ؟

 

الولا مصطفى اللي بيشتغل في ورشة النجارة اللي خالد ابنك بيعمل عندهم الموبيليا قال لحسن ابني ان المهندس خالد عدا على الاسطى عبده صاحب الورشة وقاله وقف الشغل يا عم عبده اني خلاص مش هنتجوز , الخطوبة اتفسخت واني هنسافر , والله الاسطى عبده زعل اوي والولا مصطفى زعل واني والله من ساعة ما عرفت واني زعلانة اخر زعل

 

فيكو الخير يا حبيبتي , خالد ابنكو برضو وعارفة انكو تزعلوا على زعله

 

لا حول ولا قوة الا بالله , ربنا يكفيه شر الزعل , هو كان ايه اللي حصل يختي ؟ ده الجدع كان فرحان فرحة الدنيا ولسة سألاه قريب هتتجوز امتى يا خالد عشان نحضروا فرحك ونفرحوا بيك ؟

 

قالي وهو بيضحك قريب اوي يا خالتي ام حسن , بس ادعيلي بالله عليكِ ربنا ييسرلي الحال , ايه اللي حصل يختي ؟

 

قسمة ونصيب يا ام حسن , مالهومش نصيب في بعض

 

لا حول ولا قوة الا بالله , معلش يا ام خالد , وايه يعني , تروح واحدة تيجي الف واحدة احسن منها , هو خالد شوية اسم الله عليه ! ربنا يحفظه الف واحدة تتمنااااااااه

 

كل واحد بياخد نصيبه المكتوب له يا ام حسن

 

بالله عليكِ يا ام خالد ما تزعلي نفسك يختي

 

اني مش زعلانة عشان فسخ الخطوبة على قد ما اني زعلانة انه هيسافر ويسيبني يا ام حسن اهئ اهئئئئئئئئئئئئئ

 

طيب بس يختي بس ما تعمليش في نفسك كدة , معلش , اذا كان مصلحته في السفر يبقى يسافر ما يجراش حاجة , وبعدين انتِ مش لوحدك , احنا جيرانك اهو وحواليكِ , وهيام بنتك ماشاء الله عليها وجوزها ربنا يحميه على طول بيجولك , وخالد مسيره يرجع لحضنك , هيروح فين يعني يختي ! هو خالد يستغنى عنك ! وحدي الله كدة وسلميله أمرك يا حبيبتي

 

لا اله إلا الله , فوضت الأمر ليك يا صاحب الأمر

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

اني جيت نودعك يا دكتور طلعت

 

خلاص يا خالد , خلاص مسافر ؟؟؟؟

 

هه حضرتك عارف ان الطيارة الساعة سبعة الصبح إن شاء الله

 

.............. يعز عليا فراقك اوي يا خالد , ما كانتش نتمنى انك تسافر وتبعد , اني كنت راسم لك مستقبل تاني خالص في دماغي , كنت عايزك تبقى دراعي اليمين في الشركة والمسؤول من بعدي عن كل حاجة فيها , لكن ....... قدر الله وماشاء فعل

 

هه يا دكتور طلعت اني مسيري نرجع ان شاء الله , مش هنتغرب طول عمري يعني , بس اني محتاج فعلا نثبت ذاتي في مكان تاني ونكسب خبرات , حتى عشان لما نرجع نكون جدير بإني اكون المساعد بتاعك في الشركة

 

ان شاء الله يا خالد , ان شاء الله يا إبني , ياريت تطمني اول ما توصل إن شاء الله , عايزك دايما تكون على تواصل معايا

 

طبعا يا دكتور , اني اول ما نوصل ان شاء الله لازم نكلمك ......... ,دكتور طلعت متشكر , متشكر اووووووي

 

متشكر على ايه يا ابني ؟

 

على ايه ! ههه اني مش عارف نشكرك على ايه ولا ايه ولا ايييييه , انت عملت عشاني كتير اوي , قدمتلي فرص يحلم بيها أي شاب في سني على طبق من دهب , ده عقد الشقة , اتفضل

 

بتدهولي ليه ! خليه معاك , الشقة دي هتفضل بتاعتك وفي انتظارك ياباشمهندس مهما طال الزمن

 

............. اني عاجز عن الشكر يا دكتور طلعت , انت انسان نادر الوجود

 

هه انت اللي تستاهل كل خير يا إبني , مع السلامة يا خالد , قبل ما تمشي عايز نحضنك حضن اب لابنه اللي هيسافر ويبعد عنه

 

اني اللي نفسي نحضنك حضن ابن لابوه اللي بيحبه , هتوحشني يا دكتور طلعتتتتتتت حقيقي هتوحشني

 

.......... وانت كمان يا خالد , ربنا يوفقك يا ابني

 

وليه الدمعة الغالية دي يا دكتور ! هه هتخليني اني كمان ندمع

 

معلش , دمعة ما قدرتش نمنعها , مع السلامة يا خالد

 

الله يسلمك يا دكتور طلعت , السلام عليكم

 

عليكم السلام يا إبني , في رعاية الله يا خالد

 

 

 

 

 

 

 

 

 

 

 

يا حاج حامد , واحد عايزك

 

واحد مين ده ؟

 

اسمه المهندس خالد

 

خااااااااالد ! خليه يتفضضضضضضل

 

 

اتفضل يا باشهندس

[هبة عبد العظيم نور 2042]

ازيكو يا بنات يا حلوين

 

حلقات النهاردة وامبارح اهيه هههه يارب تعجبكو ان شاء الله

 

 

سارة محمد

 

ايه يا سوسو , جايبة اربع يوستفانديات بسسسسس ! يا حبيبتي هيكفوا مين ولا مييييين ! انا لوحدي مش باكل اقل من تمانية وانا قاعدة ههههههههه

 

يا حبيبتي المفروض بدل ما تجيبي اربع واحدات تروحي تجيبي عشرة خمساتر كيلو من عند فاكهاني جوجل عشان الكل ياكل , حتى الفاكهة هناك ببلاش واي كمية هتاخديها ماحدش هيقولك ادفعي تمنها هههه ابقي بحبحيها المرة الجاية يا سوسو ههههه منورة يا عسولة يا حبيبة قلبي انتِ

 

 

 

ام ميساء المسلمة

 

تعالي يا حبيبتي وانا اعملك احلى كوباية سحلب واحطلك عليها اغلى مكسرات كمان هههه كويس ان الصور وضحتلك يا سكرة

 

 

ام افنان المغير

 

ههههه على رأيك كل شيء جايز واللي يتفرج يامَا يشوف يا جميل ههه اهلا بيكِ حبيبتي

 

ذليلة الى الله

 

بارك الله فيكِ دكتورة لولو على ردك الجميل المفيد , وخيرا جزاكِ يا احلى دكتور هههه

 

 

يحبهم ويحبونه

 

عليكم السلام هدهودة , وحفظك وكل احبتك حبيبتي آمين , تسلمي يا هدهودة

 

 

أم بشار وعبد

 

لالالالا احتج وبشدة , برضو تحاولي تسجلي دخول وتنورينا يا ام بشار هههه نحبوا نشوفوا اسمك يا شابة ههههه

 

 

أم اية

 

الحلقات اهيه يا جميل , عايزين وجهين تلاتة تعبيرين من بتوعك بقى هههههههه

 

ام المنذر

 

دمعتي يا اختي من كلامي ؟ حساسة زيي ههههه ربنا يحفظك يا رب وكل حبايبك من كل سوء آمين

 

 

ساحدة للرحمن

 

ما جتيش كتب كتاب ضحى وادهم ليه يا ابلة سجودة ؟ اني واخدة موقف زي سميرة واختها ! توحا وسعاد سألوا عليكِ ههههه

 

 

ام عثمان

 

الله يسلمك حبيبتي , منورة يا قمر , ادي حلقات اليوم اهيه , تعالي بقى

 

 

اعتز بالإسلام

 

ازيك يا معتزة يا وزة , منور الحلقات يا جميل والله هههه

 

أم البنات 4

 

عليكم السلام حبيبتي , انا بخير , ازيك انتِ يا عسل

 

اديني جيت اهو انا والحلقات , امبارح كنت مشغولة كتير في البيت وما لقتش وقت احط الحلقات , معلش , سماح بقى ههه

 

راجية الجنان

 

انا هنا يا حبيبة خالتو هههه الحمدلله ما فيش موانع , ادي الحلقات اهيه يا عسل

 

 

تالية القرآن

 

انا برضو مش من اسكندرية لكن اغلب قرايبي عايشين هناك ههههه اسكندرية تحفة بصراحة , ايّووووووووه نموتوا فيها وربناااااااا , نفسي نشتروا شقة هنا ونروحوا نصيفوا فيها كل سنة , بجد اسكندرية ما يتشبعش منها ابدا , تسلمي حبيبتي , ربنا يحفظك وكل احبتك من كل سوء آمين

 

 

حواء ام هالة

 

تفتكري ايه اللي هيحصل لادهم وضحى يا حواويئو !!!!!!!! ممممممم , تابعي وشوفي هههههههه

 

 

 

رجائي في الله كبير

 

ههه تسلمي يا قمر , ويسعدك يارب ويرزقك بقوف ما تتمني , شكرا لدعواتك الطيبة حبيبتي ولكِ بمثل إن شاء الله

 

دايما كدة ما تغيبيش علينا ونورينا يا عسل

 

 

أم العبادلة

 

بدل ما تقولي حمدالله ع السلامة من بعيد كدة , تعالي وهاتي معاكِ كام كيلو فاكهة وخصوصا موز وتفاح اصفر عشان بحبهم اوي هههههه شكرا على السؤال يا جميل

 

 

ريحانة السماء

 

ولا يهمك يا جميل , كدة كدة زهرة المنتدى بتنشر هناك هههه بارك الله فيكِ رياحينو

 

 

 

محبة صحبة الأخيار

 

اين انتِ ؟؟؟؟؟؟؟؟؟؟؟؟؟ فينك يا محبة , مشتاجين يا جميل ههههه

 

 

 

ريحانة زوجي انتِ فين ؟ فينك يا شوشووووووو

 

 

بنوتة مسلمة مصرية

 

صباح الفل يا لولووووووووو عاملة ايه يا لوليتاااااااا , بعودة الأيام يا جميل

 

 

اسيلكو بقى مع الحلقات واشوفكو يوم السبت بإذن الله مع احداث جديدة اتمنى من الله انها تعجبكم

 

في أمان الله

 

السلام عليكم ورحمة الله

[ام بشار وعبد 83]

الحلقات ناقصة يا ست هبة !!! انت عودتينا يوم الاربعاء حلقات مضاعفة ، اللي نزلتيهم اليوم حلقات الاربعاء ، اين ذهبت بحلقات امبارح؟ بدنا اياهم ههههههههههههههه

المهم سامي يستاهل ، واخت بدارة الغلط غلطها لا تحمل الزمن ولا الناس ولا الدنيا نتيجة ما اقترفت يداها .... الله يعين سلامة ورّطته معاها ...........

بدارة واضح انها ستخسر كللللللللللللل شيء لن تنال عنب اليمن ولا بلح الشام

بقي ان اقول لك الحمد لله على سلامة زوجك يا هبة ولو انها متأخرة ...

[' أم آية' 667]

:) :) :) :) :) :)

[ساره أم حمزه 1040]

سامى ادى جزاؤه وكمان معاه اوسا ولسه لاوسا إن شاء الله

 

بدارة طيبه بتحب الخير للناس

 

توحا دى طريقتها فى الكلام اااه زى مبيقولوا كده شمحطيه

 

ممممممم من كتر الحلقات بنسى اعلق اقول ايه ههههه

 

سارة محمد

 

 

ايه يا سوسو , جايبة اربع يوستفانديات بسسسسس ! يا حبيبتي هيكفوا مين ولا مييييين ! انا لوحدي مش باكل اقل من تمانية وانا قاعدة ههههههههه

 

 

يا حبيبتي المفروض بدل ما تجيبي اربع واحدات تروحي تجيبي عشرة خمساتر كيلو من عند فاكهاني جوجل عشان الكل ياكل , حتى الفاكهة هناك ببلاش واي كمية هتاخديها ماحدش هيقولك ادفعي تمنها هههه ابقي بحبحيها المرة الجاية يا سوسو ههههه منورة يا عسولة يا حبيبة قلبي انتِ

ده انا كنت جايبه الاول 3 بس منفعوش جبت دول هههههه

انا عن نفسى باكل اتنين بس او 3 واحده فى اليوم ( :

على فكره عندنا بنقول يوسفندى

علقى على الزائرة المتابعه ^ــ^

تم تعديل 4 مارس, 2015 بواسطة سَارّه مُحَمّد

[ريحانة زوجي 63]

ورجعت تاني

أقرء الحلقات بأه وأجي أعلق

[القانته باذن الله 55]

هبه وبعدين معاك ليه كل الطيبين في المسلسل ده مظلومين و بياخدوا علي قفاهم و اولهم بهيره و معاها احمد و كمان بداره

كان المفروض لو حاتساعد جوزها تديله بس الخمسه والعشرين الف و تفضل شايله الباقي

وبعدين بقي في حرقة الدم علي الطيبه الزياده دي

[** أم المنذر ** 66]

ييييي... لو مديتي الحلقة دقيقتين بس

خالد رايح يودع حامد ويشكره على مساعدته في الشغل خلال دراسته وعلى كل اشي.. وما بتوقع يحيب سيرة ضحى ولو والدها قال اشي رح ينهي خالد الموضوع ويقول عنها )آنسة( ضحى

يس برضو كنا حابين نشوف التكملة

 

ممكن سامي يتعاون مع أدهم على أذية سعيد

 

وكان المفروض ما يحكي الحج مرشدي لسامي مين اللي مراقبه مشان سلامة اللي تولى المهمة

ولو كان الحج مرشدي طلب من سعيد يراقبه ينفس اليوم اللي طرده فيه... كان عرف سعيد ان سامي على علاقة ببدارة وكان حاول يعرف نوع العلاقة وممكن يخبر الحج مرشدي

 

 

وكيف توحا وسعاد بطيشوا مع بعض وبيأيدوا بعض عالغلط مش عارفة

 

وبكرة الخميييييس اهئ اهئ اهئئئى

[الملتزمة المتفائلة 292]

تسلمي خالتي، عزومة مقبولة، يبقى تعالي استقبليني في المطار هه.

شكرا عالحلقات الحزينة خالتو هه

بانتظار الأفراح بقى هه

[***أم عثمان*** 10]

كده ياهبه زعلاااااااااانه ^ ^ كان نفسي الحلقات تزيد شويه عاوزة اشوف خالد هيعمل ايه مع حامد وامه واحمد وهو مسافر

 

اتوقع ان جوازة ادهم وضحي هتتم وممكن يكون ربنا يجعل هداية ادهم علي ايد ضحي

وتحبوا بعد كده

أو انه يفضل كده وهي تقع في دوامه بسبب كذبها علي امها وهتشرب نتيجة كذبها

 

واتوقع انه مش هيخلي الحربايتين سعاد وأوسا ليهم دعوه بضحي ولا يقدروا يعملوا معاها اي حاجه

 

يلا ادينا مستنين باقي الحلقات ربنا يسهل متتأخريش علينا ياهبه بس علشان خاطري طولي الحلقات شويييييييييه