خلف هذه الجدران

[مريم البتول حبيبتي 6]

هههههههه عسل يا ام ايه

[مريم البتول حبيبتي 6]

الزلطة هي الطوبة هههعع

او الحجر بس الصغير اللي تمسكيه تضربي بيه حد هههه

[مريم البتول حبيبتي 6]

مافيش حلقات انهردخ

[زهرة المنتدى1 27]

 

زهرة المنتدى ،، ربنا يديم الضحكة اللي من غير سنان دي ههههههههههه ،،، نقول مصر نورت ولا لسه

 

 

 

السلام عليكم ... ازيكم يابنات .. وحشتووووووووووووووووني

 

ربنا يبارك فيكي يا مريومة ... والله ياختي الضحكة اللي من غير سنان دي ابني معاذ اللي عمل التعليق دا هههههههههههههههه .... مصر هتنور يوم الخميس باذن الله هههههههههههه .. بهزر طبعا هيا منورة بأصحابها ..... سلمي لي على هبة كتييييييييييييير ... ربنا يوفقك في امتحاناتك ويسعدك ... ماتضحكيش علينا بقى ف حلقة النهاردة نزليها ف أي وقت النهاردة وابدئي حد وتلات وخميس من بكرة ان شاء الله ياحلوة :)

[' أم آية' 667]

@@مريم البتول حبيبتي

شكرا على الترجمة:)

[ساره أم حمزه 1040]

ههههه ^^

ما شاء الله يا ام المنذر

ربنا سبحانه وتعالى لو اراد لاحد الهدايه بيهديه حتى لو هو وسط الفتن

الله يثبته على الحق

 

ده الزلط يا ام ايه

 

[عائشه ام حفص 2]

طب ايه طيب

فين الحلقااات اهئ اهئ

كده مضحوك علينا ف حلقه وعاوزين تعويض ليش دحوه :(

[((مــريــم)) 35]

اممممممم

الحلقات نزلت ولا لسه

[عائشه ام حفص 2]

انا مستنيه الحلقات اهووو O_o

[مريم البتول حبيبتي 6]

ههههه كلنا مستنيين

[((مــريــم)) 35]

شكل مفيش حلقات دلواتي

هروح انام ......

[هدوء الفجر 222]

هنزلها دلوقتي يا حلوين باذن الله

[هدوء الفجر 222]

 

 

 

ترررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررررررررررررررررررررررررن

 

 

ايوة يا سوسن

 

ايوة يا ولا يا جيكو بنقولولك اييييييه

 

قولي يا سوسن

 

اني عايزة النهاردة الولا ابراهيم ينزل من باب العمارة يلاقيك واقف تحت كأنك مستني حد

 

هههههه دانتي عايزة تخليه يمشي في الشوارع يكلم نفسه بقى

 

ههههههه خلي الوسواس يركبه يا ولا , عايزين الشغل يحمى هههههههههههه

 

ههههه واني عنيا ليكِ يا سوسن , بالإذن بقى عشان نلبسوا وننزلوا نقفوا تحت ونروشوا الزبون ههههههههه احنا في الخدمة يا جميييييييييل

 

ههههههه تسلم يا ولا

 

 

 

 

 

 

 

 

 

 

 

 

اني نازل يا وردة , عايزة حاجة

 

عايزاك طيب يا سي هيمي هههه ما تغيبش , تعالى بدري ونام بدري عشان تحافظ على صحتكككك

 

ههه ربنا يخليكِ ليا يا وردة , هنحاول , سلااااااااام

 

الله يسلمك يا سي هيمي , اما اروح اشوف حالي وشغل البيت اللي ورايي اااااه ياني يا ضهري

 

ماماااااااا

 

دي البت صحيت توووووء يعني ما تصحيش الا دلوقتي يا مهجي ! مش قادرة تستني لما اخلص هم البيت اللي ورايي !!!!!!

 

مامااااااااا اهئ اهئئئئئئئ

 

ايوة يا مهجة جايي يا حبيبتييييييييي

 

 

 

 

 

 

ههه اهو الزبون نَزَل اهو , لها حق سوسن تموت بنارها عشان سابها واتجوز هههه لا صحيح جدع شكل ومنظر ويتبكي عليه

 

 

ايه ددددددده !!!!! مش الولا اللي ماسك سجارة وواقف تحت عمارتنا ده هو هو الساكن اللي في البلكونة اللي قصادنا !!!!!!! ايوة هو هوووووو , انت يا جدع انتتتتتتتتت

 

اني !!!!!

 

ايوة انتتتتتتتتتت , ايه اللي موقفك كدة تحت عمارتناااااااااا

 

هههه مزاجي

 

مزاااااااااااجك !!!!!! يعني ايه مزاجككككككككككككك

 

ايّوووه جرا ايه يا سيدنا الافنددددي !!!! حد داسلك على طرف !!! اني واقف بنشربوا سجارة ونشموا هوا , حصل مني حاجة غلط في حق حضرتك !!!!!!!!

 

انجر يا ولا من هناااااااا , إياك تاني مرة نلاقوك واقف تحت العماااااااااارة

 

هه ماشي , بالإذن

 

غووووووووور , اووووووووف , ايه الأشكال دددددددددي ,اما ننادوا ع البواب الزفت اللي نايم على ودااااانه , اسماعيل انت يا اسماعييييييييييييييل

 

ايوة ايوة يا سعادة البييييييييييه

 

اني عايز نعرف انت لزومك ايه هناااااااااا , خيال مآتتتتتتتتتة !!!!!!!!!!!!!!

 

حصل ايه بس يا ابراهيم بيه ؟؟؟؟؟؟؟

 

يعني ما شوفتش الولا اللي كان ماسك سجارة وواقف جنب العمااااااااارة ؟؟؟؟؟؟؟

 

ايوة ايوة , شوفته من شوية , بس انا هعمله ايه بس يا سعادة البيه! واحد واقف بيشرب سجارة , هقوله ما تشربش !!!!!!!!

 

تقوله يغور يشرب السجارة بعيدددددددددددد , اني لو شوفت الولا ده جنب العمارة تاني يبقى ما تلومش إلا نفسككككككككككك , فوق لشغلك لنفوقوووووووووك

 

حاضر يا بيه حاضر , بالسلامة , بالسلامة يا ابراهيم بيه , هو فين الراجل اللي كان واقف بيشرب سجارة ! مش موجود , اومال البيه عامل الهَوسة دي كلها ليه !!!!!!!!!

 

 

 

 

 

 

 

ههههه اما نتصلوا بسوسن نقولولها عملنا ايه مع الزبون

 

ترررررررررررررررررررررررررررررررررن ترررررررررررررررررررررررررررن

 

ده الولا جيكو ههههه استني يا بت يا روز اما نشوفوا عمل ايه

 

هههه شوفي يا سوسن وقوليلي ع الأخبار

 

ايوة يا ولا يا جيكو عملت اييييييييييه

 

هههه عملت زي ما اتفقنا يا سوسن , نَزَل من العمارة لاقاني واقف بنشربوا السجارة

 

ها وعمل ايه يا ولااااااااا؟؟؟؟؟؟؟

 

, اتجنن يا سوسن اول ما عينه وَقَعت عليااااااا هههه بقى زي المجنون وكان عايز يتعارك معاياااااا

 

يتعارك معاك ! اوعى يا ولا تكون اتعاركت معاه وبوظتلنا الخطططططططة

 

لالالالالا اني مش غشيم , اني لميت الدور معاه وفهمته انها صدفة

 

هههه واقتنع ؟؟؟؟؟؟

 

اني مالي بقى اقتنع ولا ما اقتنعش , المهم اني خدت بعضي ومَشيت من قدام العمارة عشان ما تتقلبش عاركة

 

جدع يا ولا , كفاية لعب بقى وخش بتُقلك , اني عايزاك تطلع الدور اللي هو ساكن فيه بعد بكرة وتعمل نفسك انك خارج من شقته

 

ايوة بس اني هنطلع ازاااااااي , العمارة ليها بواب وعنيه مفنجلة ومش هيرضى يخليني نطلعوووووا

 

 

افهمك يا ولا يا غشيم , البت دي من الفلاحين , يبقوا اهلها كلهم ايه ؟

 

فلاحييييييييييين هههههه

 

ههههه جدع يا ولا , انت بقى اخوهيي اللي جاي تزورهيي من الفلاحين ههههههههههههه

 

هههههههههههه يخرب بيتك دماغك يا سوسننننننننننن

 

سيبك من دماغي دلوقتي واسمع مني هتعمل ايه

 

واني كلي آذان صاغية ايتها المرأة الطاغية ههههههه

 

ههههههه اني طاغية ! بلا خيبة , يا ريت كل الناس طيبين زي حالاااااتي , اسمع يا ولا انت هتلبس جلابية فلاحي وعليها طاقية فلاحي من الكبار دووووول وتمسك في ايدك أوفّة فيها الزاد والزواد اللي جايبه لاختك الست ورديي مرات سي الاستاذ هيمي ههههه هات كام فرخة على كام جوز ارانب على بلاص عسل , حاجات زي دي يعني وساعتها البواب مش هيشك فيك ابدااااااااا هتقوله اني اخو ورديي مرات براهيم بيه , يقولك انت مين تقوله اني عوضين اخوهيي وامي بعتاني بالزوادي هههههههههه

 

هههههههههههههههههههههههه حلوة الخطة دي يا ام التفانين , بس اني ما نعرفش نشتري فراخ وارانب ولا بلاص عسل ولا نعرف نجيبو أوفّة منين , غير اني ما اعرفش برضو اجيب الهدوم الفلاحي دي منيييييييين

 

ايّووووووه انت خايب كدة ليه يا ولا يا جيكو , خلاص ولا يهمك , عدي عليا النهاردة بالليل على إمة شارعنا واني هندبرلك كل الحاجات دي , استبينا ؟

 

استبينا يا سوسن

 

طيب المهم بقى انك تكون لابس لبسك العادي تحت الهدوم الفلاحي , واول ما تطلع فوق في الدور بتاعهم اقلع الهدوم الفلاحي وارميها عشان لما ابراهيم يشوفك يعرف انك الساكن اللي قدامهم اللي بتيجي لمراته تونسها في غيابه

 

ههههههه والله اني خايف يدخل يقتلها

 

ما يقتلهااااااااا , ده يوم المنى , خليه يدخل السجن وفضيحته تبقى بجلاجججججججل

 

اطمني , هيتفضح فضيحة عمره ومراته لو ما قتلهاش هيطلقها

 

هههههه ادينا بنعمل خير وعايزين نريحها من وشه هههههههه

 

طب افرضي اول ما شافني مسك فيا واتعارك معايا ؟

 

لالالالا , هو اول ما يشوفك جنب باب شقته هيجيله ذهول , في الفترة دي بقى وقبل ما يفوق من الصدمة انت هتجرررررري , تاخد السلم جررررري , فااااااااااهم تخلي بالك يا ولا تنزل جري قبل ما تقلب دددددم

 

ما تخافيش , اني جيكو اللي يفوت في الحديددددددد

 

ههههه جدع يا ولا , بعدها تيجي تقابلني ع البحر في المكان اللي بنقابلوك فيه عشان ندوك الخمس تلاف جنيي عرقك

 

ههههه ماشي يا سوسن , نحبوا فيكِ الأمانة وانك ما بتاكليش عرق حد

 

ههههه عيب يا ولا , اني دايما جدعة مع الجدعان اللي زيي , سلاااااااااام

 

الله يسلمك يا سوسن

 

استنى يا ولا ما تقفلششششششش

 

ايوة يا سوسن

 

ما تبطلش معاكسات التليفون يا ولااااااا , اتصل واقفل طول ما هيما في البييييييييت

 

ماشي يا سوسن , سلاااااااام

 

ههههه الله يسلمك يا ولا يا جيكووووو

 

طمنيني يا سووووسن

 

مش هنقدروا نطمنوكِ إلا لما البت مرات هيما تطلق يا بت يا روز ههههه

 

هههههه اكيد هيطلقها بعد اللي هيشوفه , وإلا يبقى ما عندوش دددددددم

 

هههه لا يا بت , عنده دم , ودمه حامي اوي وعرضه غالي عليه , اومال هو ما رَضَاش يتجوزني ليه ! بنقولك يا بت يا روز , اني هناخدوكِ دلوقتي وننزلوا نشتروا الطلبات اللي الولا جيكو هيحطها في الأوفّة ونشتريله كمان الهدوم الفلاحي عشان هيعدي بالليل ياخدهم

 

ايوة بس انتِ هتحطي الحاجات دي فين ؟ امك لو شافتها هتقعد تسأل وتستقصى

 

لالالالا اني هنحطوهم فوق السطوح ولما الولا جيكو يرن عليا هننزلوا ندهومله , يلا يا بت بقى عشان ننززززززل

 

يلا يا سوسن , وقعتك سودة يا مرات ابراهيم هههههههه

 

 

 

 

 

 

 

 

 

 

شوفي الشيّ كدة عايز سكر ولا مظبوط يا ام خالد

 

لا مظبوط يا ام حسن , تسلم ايدك يختي

 

الله يسلمك , هيام لسة ما جاتش من القاهرة ؟

 

لا لسة , وحتى ولا اتصلت النهاردة ولا قالت جاية امتى

 

تيجي بالسلامة ان شاء الله , اني سامعة صوت حد طالع على فوق , مين اللي طالع فووووق

 

اني هيام يا خالتي ام حسن ههههه

 

دي هيام بنتك جت ههههه تعالي يا هيام , امك هنااااااا

 

 

طيب يا خالتي أم حسن اني جاااااية

 

 

ههههه السلام عليكم

 

عليكم السلام يا حبيبتي , اتفضلي هههه حمدالله على السلامة

 

الله يسلمك يا خالتي ام حسن هههه , ازيك يا مامااااااا وحشتيييييني اموووووه

 

هههه ازيك انتِ يا حبيبتي , يعني ما قولتيش انك جاية النهاردة يا هيام

 

ما لَحَقتش اتصل بيكِ يا ماما , معلش

 

لا يا حبيبتي حصل خير , اهم حاجة انك جيتي بالسلامة

 

ازي جوزك يا هيام وازي اللي كنتِ عندهم

 

ههه الحمدلله بخير يا خالتي ام حسن

 

خدي المفتاح واطلعي اسبقيني , اني هنكملوا كوباية الشيّ ونحصلوكِ

 

حاضر يا ماما

 

ما تقعدي نعملولك شيّ يا هياااااام

 

هههه لا معلش يا خالتي ام حسن , مرة تانية , كتر الف خيرك , هي ابلة فاطمة عاملة ايه صحيح ؟

 

كويسة يا حبيبتي , سألت عليكِ العافية , اهي العيال مطلعين روحها , كل ما يكبروا مشاكلهم تزيد , عقبال ما تفرحي بعيالك يا حبيبتي

 

ههه ان شاء الله , طيب عن اذنكو , ما تتأخريش يا مامااااااا

 

لا يا حبيبتي مش هنتأخر , هنحصلوكِ على طول ان شاء الله

 

 

 

 

 

 

 

 

 

 

 

 

 

 

 

 

ما قولتليش يا هيام , انبسطتي في القاهرة يا حبيبتي ؟

 

اوي يا ماما , اوووووي ههههه مش قادرة نقولك على ام رحمة ومقابلتها اللي زي السكر , ايّوووووووه يا ماما , كان نفسي كل عيلة احمد يبقوا زي ام رحمة كدة , طيبة ولسانها حلو ومقابلتها احلىىىىىىىى ههههه اني بنحبوها اوي وربنااااااا , صحيح نسيت نقولك انها بتسلم عليكِ اووووي

 

هههه الله يسلمها ويكرمها , شوف سبحان الله الإنسان لما يبقى طبعه حلو تبقى سيرته حلوة ازاي !

 

أه والله يا ماما , وكمان اتعرفت على جارتها هههه ست زي العسل , اسمها مدام بهيرة , كل قعدتها ضحك وهزار وكأنها مش شايلة للدنيا هم يا ماما

 

ما حدش يا بنتي خالي من الهموم , في ناس بتضحك عشان تدراي همها , ربنا يفرج كرب كل مكروب

 

آمين يا ماما

 

طمنيني يا هيام , عملتي ايه عند الدكتورة اللي روحتيلها ؟

 

هنعملوا ايه يعني يا ماما ! اهي كشفت عليا وقالتلي مافكيش حاجة , وكتبتلي ادوية , وقالتلي ان شاء الله خير

 

خير يا بنتي , ودي هتروحيلها تاني يا هيام ؟

 

والله يا ماما هي كانت عايزاني نروحولها بعد شهر , بس اني قولتيلها اني مش من هنا , اني من اسكندرية وصعب نيجي الشهر الجاي عشان ظروف شغل جوزي

 

قالتلي طب خلاص , امشي ع العلاج بانتظام ولو في مشكلة اتصلي بيا , وحاولي تجيلي في اقرب فرصة

 

ربك يصلح الحال يا بنتي , قومي يا هيام اعملي أكل عشان جوزك يا بنتي

 

هههه لا يا ماما , احمد هيجيب معاه عشا جاهز وهو جاي ان شاء الله

 

وليه بس يا بنتي تكلفي الجدع !!!!!

 

يا ماما مافيش تكاليف ولا حاجة , هو قالي بدل ما تروحي تضيعي الوقت في الطبيخ , اقعدي مع امك احسن واتونسي معاها , واني هنجيبوا عشا جاهز واني جاي ونتعشوا سوا

 

طيب يا بنتي , ولو اني والله ما نحبش نكلفه , طب قومي اعمليلنا كوبايتين شيّ ولا أي حاجة نشربوها واحنا قاعدين كدة

 

حاضر يا ماما , من عنياااااااااا امووووه

 

ههه تسلم عنيكِ يا بنتي , الله يسعدك يا هيام , ويسعدك يا خالد يا ابني ويهون عليك غربتك يا حبيبي

[هدوء الفجر 222]

سبحان الله ,, والحمدلله

 

 

ولا اله الا الله ,, والله أكبر

 

 

اللهم يا مقلب القلوب ثبت قلبي على دينك

 

 

 

اللهم أعني عل ذكرك وشكرك وحسن عبادتك

 

 

رب اغفر لي ولوالديّ وللمؤمنين والمؤمنات والمسلمين والمسلمات الاحياء منهم والاموات اجمعين الى يوم الدين

[هدوء الفجر 222]

اخيرا وصلت عند بيت فدوى هههه اكيد بوكيه الورد ده هيعجب دكتورة فدوى جداااااا , رقيق زيها هههه , اخد التارت كمان واطلع بقى عشان اخطبهااااااا هههه هتبقى مفاجأة تجنننننننن هههه انا متوقع ردة فعلهااااا , اكيد وشها هيحمر وتسيب الاوضة وتجري ههههه الحياء شيء جميييييييل

 

 

 

 

 

 

هههههههه اين الشهود عشان نعقد العقد يا ابو العروسة

 

ههههه خال العروسة شاهد وهجيبلك شاهد تاني ان شاء الله

 

تررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررن

 

عن اذنكو يا جماعة ههههه عن اذنك يا بهاء يا ابني

 

هههه اتفضل يا عمي

 

 

 

 

 

 

ايه ده ! هههههه مش معقوووووول , دكتور عصااااااااام !

 

ههههه مفاجأة مش كدة ؟

 

هههههه فعلا مفاجأة , اتفضل يا دكتور , اتقضضضضل

 

هههه متشك.................. هو في ايه ؟؟؟؟؟؟؟ ايه الناس دي كلها !!!!!!! انتو عندكو حفلة ولا ايه !!!!

 

هههههه انت ما تعرفش يا دكتور !

 

ما اعرفش ايه ؟؟؟؟

 

النهاردة كتب كتاب فدوى بنتي على المهندس بهاء

 

بهاء ميييييييين ؟؟؟؟؟؟؟؟؟؟

 

هههه انا افتكرتك عرفت الخبر من دكتورة سارة , اصله خالهاااااااا, يا مولااناااااااااا , الشاهد التاني اهو , الدكتور عصااااااااام , اتفضل يا دكتور اشهد على عقد جواز فدوى بنتي عقبال اولادك ههههههههههههههههههههههههه

 

متشكر جدا, مبروك مقدما , اتفضل الورد والتاااااااارت , اظن هدية مناسبة لكتب كتاب بنت حضرتككككككك

 

ههههه فعلا , بارك الله فيك , طلع البطاقة بقى عشان تشهد ع العقد

 

البطاقة اهييييييييييه , اهيييييييييييييه , الف مبروك يا باشمهندسسسسسسسسس

 

هههههه الله يبارك فيك يا فندم , متشكرين ع الورد والتورتة ههههههههههههههههه

 

حد يديني منديل انشف عرقيييييييييييي

 

 

 

 

 

 

 

 

 

 

 

ترررررررررررررررررررررررررررررررررررن ترررررررررررررررررررررررررررررررررررررررررررررررررررررررررررررررن

 

دي اماني ههههههههه الووووووووو ازيك يا اماااااااااااااااااااااني

 

هههههه اهلا يا عصام , بتضحك على ايه

 

هههههههههههههههههههههههههههههه بضحك على نفسييييييييييييييييييييي , عمرك ما شوفتي واحد بيضحك على نفسسسسسسسسسسه !!!!!!

 

هههههههه ربنا يبسطك كمان وكمان يا حبيبيييييييييي

 

هههه اماني , الظاهر ان انتِ قدري , وانا بقى عامل زي القرش البرّاني اللي بيقولوا عليه , لا يتصِرِف ولا حد يرضى ياخده , يلف يلف ويرجع لصاحبه الأولااااااااااني هههههههههههههههههههههههههههههههههههههههههههههههههههههههههه انا جايلك يا امااااااااااااااااني جايلك يا حبيبتييييييييييييييي

 

هههههههههههههههههههههههههه مستنياك يا حبيبي

 

 

 

 

 

 

 

 

 

 

 

 

 

 

 

انتِ نازلة رايحة فين يا بت يا سوسنننننننن , انتِ مش لسة طالعة من تحتتتتتتتتت !!!!!

 

ايّوووووووه نسيت حاجة ورايحة نجيبوها اني وروز يا امّاااااااا

 

يادي روز وسنين روزززززز , انزلي يختي وتعالي نص اللييييييييل

 

ههههه طيب سلااااااااام

 

سلام يختي , انت يا علااااااااااام , يا علااااااااااااام ما تفوق من الهباب اللي بتتعاطاه ده وكلمنيييييييي , يا علاااااااااااام

 

ميييييييييين ؟؟؟؟؟؟؟

 

مين ايه يا راااااااااجل , ما تفوق وشوف بنتك دي اللي مش قادرة نربيهااااااااا

 

بنتي ! بنتي مين !!!!!!

 

بنتك مييييييين ! هو احنا مخلفين عشرين بت !!!!!! هي حتة بت واحدة اللي خلفناهاااااااااا

 

هههههههه هو احنا خلفنا بت ! حمدالله على سلامتك , ما تتحركيش من السرير عشان انتِ نَفَسَة , اومال هي في فين البت عشان نعملولها السبوع ونغنوا حلقاتك برجالاتك , حلقااااااااااتك برجالاااااااااااااتك يارب يااااااااااااا ربنا , تكبر وتبقى قدناااااااااااا هههههههههه روحي رشي الملح ورضعي البت وسيبيني في اللي اني فيه

 

ايه الراجل دددددددده , حلقاتك برجالاتك ايه وملح ايه اللي هنرشووووووووه , دي بنتك كَبَرت وعيارها فلت ومش عارفين نلموووووووها , طبعااااااا , ماانت طول النهار والليل تتعاطى في هباب ازرق ومش دريان بروحك وسايب للبت الحبل ع الغاااااااااارب

 

حبل ! هو فين الحبل , إدّيني طرفه وانتِ امسكي الطرف التاني ونقعدوا نشدوا الحبل ونشوفوا مين اللي هيوقع التاني الاول ههههههههههههههههههههههههههههههههه

 

ااااااااااخ , خليك يا خويا في اللي انت فييييييييه , مااني بنكلموا روووووحي

 

 

 

 

 

 

 

 

 

 

سا الخير يا ولا يا جيكو

 

هههه اهلا يا سوسن

 

ازيك يا جيكووووو

 

ازيك انتِ يا روز هههه ليك وحشة يا جميل

 

سيبك من روز واستلم عدة الشغل يا ولا , ايااااااااك تغلط ولا غلطططططة وخلينا نخلصوا ونفرحوا بقىىىىىىى

 

هتفرحي يا سوسن , اني مش بنلعبوا يا عسل

 

طب نسيبوك بقى عشان تروح تنام وتصحى فايق , بس قبل ما تنام ابقى اتصل ببيت هيما برضو لاعبهم شوية هههههههه

 

ههههههه اني مش عايز توصية , سلام يا سوسن , سلام يا روزززززز

 

 

 

 

 

 

 

 

 

 

 

 

 

 

 

 

 

 

 

 

 

 

ناوليني كوباية مية يا وردة قبل ما ننامووووا

 

 

من عنيي ههههه

 

 

اتفضل يا سي هيميييييييي

 

من ايد ما نعدموهاش يا قمر هههه

 

استنى ما تشربشششششششش

 

في ايه يا وردة ؟؟؟؟؟؟؟؟

 

يا خويا سمي الله الأول قبل ما تشربببببب , ولا انت عايز الشيطان يشرب معاااااااك ؟

 

هههه ماشي , بسم الله الرحمن الرحيم ..................... خدي يا وردة

 

ياخد عدوينك يا سي هيمييييييي , قولت الحمدلله بعد ما شربت ؟

 

ايّووووووووه يا بت هو اني عيل في الروضة هتقوليلي نعمل ايه وما نعملش اييييييييييه !!!!!!

 

ما نقصدش يا سي هيمي , اني بس غرضي ان ذكر الله يبقى على لسانك على طول عشان البركة تحل عليك وعلى اهل بيتك اللي هي اني

 

ههههههههههههههههه ماشي يا وردة , الحمدلله رب العالمين , تعالي نامي بقى يا بت , انتِ بتتعبي وتشقي طول النهار , غير الحمل وتعبه

 

هههه ماشي يا سي هيمي , ان شاء الله العيل اللي ربنا هيرزقنا بيه ديي يبقى وش السعد عليك وتصلي ومش بعيد اشوفك طالع عمرة في يوم من الأيام قبل ما امووووووووت

 

بعد الشر عليكِ يا بت , ربنا يخليكِ ليا يا وردة

 

ويخليك يا سي هيمييييييي

 

ترررررررررررررررررررررررررررررررررررررررررررررررن ترررررررررررررررررررررررررررررررررررررررررررررررررررررررن

 

ايّووووووووووووووووووووه وبعدين بقى في اتصالات اخر الليل دددددددي

 

لا ترد ولا تعبر يا سي هيمييييييي عالم فاضيي وما اتربووووووووش

 

ترررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررن

 

اني هنرد يا بت عشان نهزئوا الحيوان اللي ما عندوش دم دددددددده

 

 

ترررررررررررررررررررررررررررررررررررررررررررررررن

 

الوووووووو

 

هههه مساء الخير , ممكن نكلم ريري

 

قولتلك يا ابرد من لوح التلج ماعندناش حد بالإسم ددددددده واحترم نفسك وما تتصلش هنا تاني وإلا وربنا المعبود هنحطوا التليفون تحت المراقبة ونجيبوك ولو مستخبي في سابع أرض ونقطعوك بالسكاكين ونرموك في الماااااااالح

 

ههه على ايه ده كله يا اخ ! ما تقول إن الرقم غلط وخلاص

 

اقفل السكة يا حيواااااااااان , اياك نسمعوا صوتك تاااااااااااني اوووووووف

 

ايه يا سي هيمي , هو نفس الراجل ؟

 

ايوة يا بت يا وردة , لا وايه يقولي عايز نكلم ريرررررري

 

ريري دي مين ؟؟؟؟؟؟؟

 

مممممم مش انتِ اسمك وردة ! يبقى دلعك ريري

 

جرا ايه يا سي هيمييييييييي !!!!!!!! انت سخنت وحرارتك عليت بعد الشرررررررر؟؟؟؟؟؟

 

اني مش حرارتي اللي عليت , اني ضغطي هو اللي علييييييييي

 

ان شاء الله ضغط اللي يكرهوك هو اللي يعلى , استهدا بالله يا خويا وتعالى نااااااام

 

عكنن عليا الله يعكنن عليييييييييه

 

ما تحطش في دماغك يا سي هيمي , انت تغير الرقم وتريح نفسك وتريحنيييييييي

 

ده اللي هيحصل يا بت , تصبحي على خير

 

وانت من أهل الخير والسعاديي

 

 

 

 

 

 

 

 

 

 

 

 

 

 

 

 

 

 

 

 

 

 

سا الخير يا عم الحاج بواب العماريي

 

مساء النور , عايز مين ؟

 

اني عوضين اخو وردي مرات الاستاذ براهيم بييييييييه

 

اخو الست وردة !

 

إيواااااااا , امي بعتاني بالزاد والزواد وقالتلي شيل الزكايب دي وحطها على ركايب لجل ما توديهيي لاختك ورديي

 

ههههه اهلا وسهلا , اسم الكريم ايه ؟؟؟؟؟

 

قولتلك عوضين , عوضييييييييييين , ديه ديييييي !!!!!!!!!

 

هههه خلاص ما تزعلش يا سي عوضين , اللي ما يعرفك يجهلك , تحب نطلع معاك ولا عارف الشقة

 

عارفهيي , اني جيت مع امي قبل كدي , انت مش فاكرني ؟؟؟؟؟؟

 

لا والله , لا مؤاخذة مش فاكر

 

طيب اني طالع لاختي لجل ما اتغدا عندهي واستني جوزهي عشان اسلم عليه وبالمرة ابات حداهمممممم

 

ههه ربنا يخليكو لبعض , شرفت اسكندرية

 

طب خد حتة الفطير المشلتت دي من ايدين عمايل امي

 

اييييييييه

 

يووه قصدي من عمايل ايدين امي ويجعله عامر بحسهي

 

ههههه متشكرين , الله , ده بالسمن البلدي الأصلي المعتبر

 

اومااااااااااال , دوق خير الفلاحين وادعيلهممممممم

 

ههههه والله انت راجل كريم زي نسيبك ابراهيم بيه

 

ههههه طب نسيبك اني بقى ونطلع

 

ههههههههه اتفضل يا بلدينا , يا سلاااااااااام على كرم الفلاحييييين , دا إبراهيم بيه هيفرح اوووووووي

 

 

 

 

 

 

حلوووو ادي الشقة اهيه , اقلع الهدوم دي بقى و اقف قصاد الباب استنى ابراهيم بيه أبو صباع هههههههههههه

 

ايّووووووووووه البنطلون والقميص اتبقعوا بالسمنة والفطيررررر , يلا مش مهم , كله يهون عشان عيون الخمستلاف جنيي ههههه , بكرة تيجي الفلوس ونشتروا غيرهم وكمان نجيبوا الموتسيكل اللي هنموتوا ونجيبوووووه ههههه الدنيا هتمطر فلوووووووس

 

 

 

 

 

 

 

اسماعيييييييييل

 

ههههه اهلا يا ابراهيم بيه

 

اغسل العربية وما تخليش حد يركن عربيته جنب عربيتييييييي , دي غالية غالية اوووووي لو عربية جت جنبها ولا اتخدشت خدشة واحدة هنيطروا رقبتكككككككك

 

هههه ما تخافش يا بيه , حمدالله على سلامة الأستاذ عوضين

 

الاستاذ عوضين ! الأستاذ عوضين مين ؟؟؟؟

 

اخو الست أم مهجة هههه

 

انت بتقول اييييييييييييييه

 

في ايه يا بيه !!!! اخو الست وردة جه من الفلاحين وجايب معاه شيء وشويات , حتى قبل ما يطلع للست ام مهجة اداني فطيرة مشلتتة حلاوة الدنيا فيهاااااااا هههههه

 

انت ايه اللي بتقوله ده يا بني ادممممممممم , انت تقصد ان في راجل دخل بيتي في غياااااااااااابي

 

يا بيه ده اخوها يا بيييييييه , حتى لسة موجود فوووووق

 

 

موجود فوووووووووف !!!!!!!!!! اوعى من وشيييييييييييييييي

 

هو في ايه ! ماله طالع يجري كدة ع السلالممممممم , اركب الاسانسير يا بييييييييه , اول مرة نشوف واحد يغير على مراته من اخوها ههههه دمه حامي بصحيح

 

 

 

 

ده ابراهيم طَلع , سلام يا ورددددددددددة , اما نجري ع السلالمممممممممممممم

 

استنىىىىىىىىىىىىىىى استنى يا بني ادممممممممممممممم استنىىىىىىىىىىىىىىى اااااااااااااااااخ , بقى كدة يا وردددددددددة , بقى كل ده يطلع منكككككككككككك , اني هنشربوا من دمهااااااااااااااااااا

 

 

 

دب دببببببببببببب دبببببببببببببببب تررررررررررررررررررررررررررن ترررررررررررررررررررررررررررررررررررررن دددددددب دب دبببببببببببببببببببببببببببببببببببببببببببببببببببببببببببببببببببببببببب افتحيييييييييييييييييييييي

[هدوء الفجر 222]

السلام عليكم

 

بالنسبة لباقي تساؤلات سارة القمر خالتو هبة قالتلي ادخل اوضح كذا حاجة

 

- بالنسبة للبلكونة فالعمارة في شارع تجاري معروف ومشهور وراقي جدددا فمفيش حواليهم اييي عمارات قريبة ولا بلكونات تكشفهم ,, يعني العمارة دي منها للهوا فميش قدامها عمارات تانية

 

- سرسوورة برضو كانت بتتساءل ان كل واحد من ولاد بهيرة له اوضة ,, خالتو هبة قالتلي انها كانت كاتبة قل كده وموضحة ان الشقة دي مساحتها 250 متر

 

وليه يا ناااااااااهد !!!!!!!! مالها شقتنا يا حبيبتي ! ما انتِ دايما تتباهي بالشقة وتقولي انها في حي راقي وشيك

 

 

ايوة يا حبيبي , بس ضيقة

 

 

ضيقة !!!!!!!!! 170 متر تبقى ضيقة يا ناااااااهد !!!!!!!!

 

 

يا حبيبي بالنسبة لشقة ماما تبقى ضيقة , الشقة عند ماما 250 متر يعني اكبر من شقتنا بكتيررررررررر

 

 

ايوة يا ناهد بس شقتنا دي قريبة من شغلي

 

 

فشقة بهيرة واسعه جددا ما شاء الله فطبيعي ان يكون لكل واحد اوضة : )))

 

- بالنسبة ان كل اوضة لها جرس ,, بصي يا جميل ,, خالتو هبة قالتلي في فرق بين الجرس وبين خبطة اليد ,, الجرس بيكون ( ترررررررن ) انما التخبيط باليد بيكون ( تن تن تن )

 

ودا من آداب الاستئذان اللي علمهالنا الرسول صلى الله عليه وسلم ,,, وفعلا دي ثقافة خالتو هبة اللي اتعودت عليها من صغرها انها متدخلش اي مكان حتى لو غرفتها الا لما تخبط للاستئذان

 

 

مممممممم في ايه تاني ,,, لو افتكرت حاجة تاني هكتبها ان شاء الله

 

 

 

آه صحييح ,, بالنسبة بقى للحلقات يا حلوييين ,, احنا هنضحك على بععععض هههههههههههههههه ,, المفروض انهم 3 حلقات في الاسبوع

 

وانا نزلت يوم السبت ونزلت النهاردة , ولسه فاضل يوم الخميس ان شاء الله هههههههههه

 

انا صحيح مش حاسه بنفسي بسبب الامتحانات بس برضو لسه الحمدلله فيا شوية تركيز هههههههههههههههههه

تم تعديل 19 مايو, 2015 بواسطة هدوء الفجر

[مريم البتول حبيبتي 6]

عايزين بقي الحلقات يا هدوء نهون عليكي ننتظر الانتظار السخن ده

ربنا بحفظ ورده

[منى البنهاوي 2]

ما شاء الله الحلقات حلوه ان شاء الله ربنا هينقذ ورده لأنها بجد ملتزمه وكويسه وبتخاف ربنا وعصام يستاهل ولسه مش فاهم اللي هو فيه ومش عايز يصلح حاله لسه مافاقش وربنا ان شاء الله هيرزق هيام بالذرية وفي انتظار الحلقات الساخنه يوم الخميس وتحياتي للكاتبة الجميلة @@هبه نور &@@هدوء الفجر ربنا يوفقك في امتحاناتك وبالنجاح ان شاء الله

[القانته باذن الله 55]

السلام عليكم

جزاك الله خير يا هدوء

الحلقات حلوه بس قصيره جدا رجعنا تاني زي الاول

سلامي لهبه و قوليلها تطول الحلقات شويه لان الواحد يادوب بدات اقرا لقيتها خلصت

عاوزين الحلقات زي الحلقات الي كانت الاسبوعين الي فاتو تبل الريق و يكون فيها كذا شخصيه و حدث

ورده بقي ربنا معاها لحد يوم الخميس ان شاء الله وربنا يقدر لها الخير ان شاء الله

اما هيام ربنا يرزقها بس الدكتوره قالتلها انها كويسه طيب ليه احمد مايعملش هو كمان تحاليل تاني يمكن يكون محتاج علاج

جزاك الله خير هدوء وربنا يوفقك

[طالبة الفردوس98 6]

جزاك الله كل خير هدوء

 

سبحان الله كما تدين تدان كما فعل بضحى وخطط لها فعل فى أهل بيته

[ريحانة زوجي 63]

منتظرين اللي هيحصل مع وردة

 

وأحمد يا عيني عليه ياترى مو قفه هيكون ايه

ممكن يسيب الشغل لأبوه ولا موضوع صبؤين هيكمل :S

 

عادل مايتخيرش عن سعاد وإسلوبه سئ جدا وبيوضح أكتر سلبي مع أدهم وأوسا

وبيستغل إحترام أحمد ليه نفس تصرفات سعاد بيستغلو بره بيهم

 

ام قاسم طمااااااااااعة جدا كل اللي يهمها الفلوس

مكنتش اعتقد ان موردي هيبيع بنته

 

صبرين جدعة حتى لو وافقت على الزواج بس عندها مبدء

الاول كنت فكراها بترسم على أحمد بس كدا ولا كدا النهايه واحدة

أعتقد ان صبرين ممكن تتفق مع أحمد على أي حاجة علشان الزواج ميتمش

 

سوسن ممكن تضحك على جيكو ومتدلهوش فلوس

وبكدا جيكو هيقول لهيما على كل حاجة

[أمة الرحمن الرحمن 68]

:blink: :S

الله يرحمك ياوردة كانت طيبة وبنت حلال

[أمة الرحمن الرحمن 68]

المسلسل ده فيه عجايب بصحيح -_-

البنات الكويسة الملتزمه تاخد افسد شباب

ضحى تجوز ادهم

ووردة تجوز هيما

وافقر ولد وبنت متجوزين اغنى اتنين فى المسلسل

هيام اتجوزت احمد

والمفترض ان خالد كان هيتجوز ضحى

سبحان الله !!!!!!

هوه فى كده بجد هبة نور :D

هوه فى كده بجددددددددددددددد

زمن العجايب :unsure:

تم تعديل 19 مايو, 2015 بواسطة أمة الرحمن الرحمن

[ساره أم حمزه 1040]

مش طايقه سوسن وزميلتها والواد ده اللى اسمه جيكو

كل ده عشان الفلوس ومش مهم يخبروا بيوت الناس عادى

بس المفروض الراجل مش مجرد ميشك يقتل مراته على طول وانه يقتل مراته ده مش من الشرع

 

اتارى ابو سوسن بيتعاطى امال هى مراته دى عايشه معاه ازاى وهو ليل نهار يتعاطى لازمته ايه ؟

 

موقف عصام صعب وكمان كان هو اللى يشهد على زواجها ^^

بس معرفش شغالين ضحك كده ليه فى كتب الكتاب

 

هو بقى عصام المفروض يصلح من زوجاته الاتنين

 

ااه فهمت يا هدوء

بس برضه لو هى عماره واحده فى الشارع اللى فى الدور اللى فوق شايف البلكونه اللى تحته صح ولا ايه ^^

او يمكن عاملين ستاره حوالين البلكونه

 

ااه بيخبط انا فكرته جرس ايوة جميل طبعا الاستئذان ( :

[مريم البتول حبيبتي 6]

مسلسل جميل اكيد ورده هتكون بتصلي الضحي مثلا و هيقولها مثلي يا ختي

ياه متشوق ين للاحداث

و ريم ولدت و لا لسة و بتذاكر ازاي و

هيام صعبانة علي جدا لان ماعندهاش اي شئ و التوتر لوحده بياخر الحمل

ربنا يهدي الناس و تسيب المتجوزين في حالهم