خلف هذه الجدران

[ذليلة إلى اللـَّـه 417]

جزاك الله خيراً يا أم المنذر

بارك الله فيك

 

فعلاً تسرع جداً في هذا ، لمجرد إن معاها فلوس

هل لو كانت فقيرة هيرضى بها .

سبحان الله

قال رسول الله صلى الله عليه وسلم

عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ رَحِمَ اللَّهُ رَجُلًا سَمْحًا إِذَا بَاعَ وَإِذَا اشْتَرَى وَإِذَا اقْتَضَى . رواه البخاري

 

هذه لم تسمح بل باعت صديقتها عشان كم جنية مع أنها غنية أصلاً

ألم يلحظ هذا الأخ أن لايبدو عليها الالتزام مطلقاً بالدين

تفكير سطحي للغاية. كان المفروض يكون أعقل من ذلك ويستخير ويدعو ونحوه

( وما اختلفتم فيه من شيء فحكمه إلى الله )

أين الاستخارة ، واين التفكير في مشاعر ابنه

أين السؤال عنها وعن دينها وأخلاقها

 

الله المستعان

( ومن أضلُّ ممّنِ اتَّبعَ هواهُ بغيرِ هُدىً من الله )

ما اصعب الخطوات العبثية الهوائية بغير استخارة ولا روية

 

 

وبالنسبة للكوافير ده

جمع الحلال على الحرام ليكثره

جاء الحرام على الحلال فبعثره

تفكير دنيوي حقير ، فلوس اكثر سعادة اكتر

بل بالعكس ضنك أكثر في الدنيا وأكثر منه يوم القيامة

( إن يوم الفصل ميقاتهم أجمعين

يوم لا يُغني مولىً عن مولىً شيئاً عن مولىً شيئاً ولا هم ينصرون

إلا من رحم الله إنه هو العزيز الرحيم )

[ريحانة زوجي 63]

مكنتش أتوقع ان سلامة يوافق على عرض ألطاف

ياترى ابتسام هتعمل ايه لما تعرف

 

كدا انتهت الحلقات

كل عام وانتم جمياعا بخير

ننتطر بعد العيد يإذن الله

[منى البنهاوي 2]

ما شاء الله الحلقات مرت بسرعه وكل تعليقات الأخوات رائعة ويارب يتحقق حلمك أم آية وتيجي حلقات جديدة النهاردة وطبعا منتظرين الحلقات بعد العيد ان شاء الله على خير بجد اتصدمت في موقف سلامه مش المفروض انك عندك مبادئ وطلقت مراتك عشان كذبت عليك في موضوع الاقساط بسرعه كده جريت وراء اللي حبست ام ابنك بمجرد انها راح تعطيك فلوس فين المبادئ وبدور دي بنت جدعه فعلا وحاولت تساعد أختها وطبعا راحت لانسان محترم يقدر يساعد اختها ربنا يجعل دعاؤها له من نصيبه لأنه بيساعد لوجه الله وبالنسبه لعصام كويس انه نقل اولاده بس طبعا آيتن بنته طالعه نسخه من والدتها ويارب مدرستها الجديدة تغيرها للأحسن بعيد عن دماغ والدتها الضايعة دي وبهيرة دي عسل هي وأشجان وياسر عسل عايز ياكل كل شويه طالع لجدته ام والده .

كل عام وأنتم جميعا بخير

[ريحانة زوجي 63]

السلام عليكم يا حلوين

ندااااااااااء عاجل :)

هدوء الفجر بتبلغكوا

أبشروا يا حبيبات في حلقات جديدة هتنزل النهاردة بإذن الله

ضعف حلقات امبارح

بس هي مش عارفة تنزلها علشان الصفحة مش راضية تفتح معاها

انتظروها ان شاء الله

تم تعديل 5 يونيو, 2015 بواسطة ريحانة زوجي

[القانته باذن الله 55]

الي الشيخه@ام ايه الي مكشوف عنها الحجاب

 

جزاك الله خيرا علي حلمك و يارب تحلمي ان الحلقات تفضل معنا كمان اسبوع

 

^_______^

 

 

[ذليلة إلى اللـَّـه 417]

لا ارتح لقول ( مكشوف عنه الحجاب )

واعتقد انه لا يصح قوله والله أعلم

 

 

" لقد كنت في غفلة من هذا فكشفنا عنك غطائك فبصرك اليوم حديد "

 

هذا ليس في الدنيا والله أعلم

[ذليلة إلى اللـَّـه 417]

وبالمناسبة بالنسبة لدخول المدارس النصرانية

هذا من باب المظاهر والتفاخر فقط !!!

هناك كثير من المدارس الخاصة الإسلامية أو حتى ليس لها توجه وعادية وتعلم اللغات وغيره

فما الحاجة لدخول مدارس أغلبها نصارى ونحن في بلد أغلبيته مسلمين بفضل الله !!!

ولا يقول احد مستواها الدراسي جيد

الامر توفيق من الله ، حتى لو في مدارس حكومية ..

 

وقرأت مقال من قبل للأخت سارة بنت محمد عن هذه المدارس

 

تفضلوا اطلعوا عليه يا حبيبات :

 

 

http://ar.islamway.net/article/47656/%D9%85%D8%AF%D8%A7%D8%B1%D8%B3-%D9%84%D8%BA%D8%A7%D8%AA

 

 

معنديش أي مانع أنك تدخلي ابنك مدارس ياخد فيها الرياضيات والعلوم بالإنجليزي بس بشرط..

أقصد شروط:

 

- أنه يكون نيتك مش منظرة وتفاخر، وعندك هزيمة نفسية ومش عاجبك لغتك.

- أنك تعلميه يعرف كل الحاجات والمصطلحات بالعربي، ويكون عنده قدرة يشرحها بالعربي، سهل جدًا لو بيتعلمها في المدرسة بالإنجليزي يترجمها عربي، لأنه ببساطة دي لغته الأم، ويعرف الاثنين مش يبقى خواجة، ميعرفش يعني إيه جمع وطرح وقسمة.

 

- أنك تقوي لغته العربية -ولغتك الله يكرمك بالمرة-، مش عشان هو مدارس لغات يبقى تكتبي لي الذال زاي، والثاء سين وخراب اللغة، وتتكلمي نص كلامك عنجليزي وتكتبي فرانكو.. لا يا حبيبتي مش ده قصدي ولا أقره، ولا يعجبني الشغل ده مش لعبة.

 

- لازم تظهري له اعتزازك باللغة العربية، وفخرك بها، وتحاولي تعلميه شعر وتدوروا سوا على معاني مفردات فصحى، والتفسير وكدة..

 

- يحفظ القرآن، متقوليش أوه لا لا صعب يحفظ ده في مدارس لغات، هو مش صعب ياخد الماس والساينس بالإنجليزي، لكن صعب يحفظ؟! هزلت، ربنا قال: {وَلَقَدْ يَسَّرْنَا الْقُرْآنَ لِلذِّكْرِ} [القمر:17،22،32،40]، لكن مفيش آية في الساينس والماس أنهم متيسرين!

 

- احنا بنعلم عيالنا تعليم كويس عشان أمتنا ترتفع وترتقي، تنافس وفي يوم من الأيام هنحط احنا المناهج وهنعملها عربي، وهنسمي المخترعات بالعربي عشان احنا اخترعناها، مش بنتعلم لغات عشان نتفرنج ونبيع دينا، ونبقى زيهم لسان معوج وحال معوج!

 

- اهتمي بدينك وعلمي ولادك دينهم كويس وخليهم دايما معتزين بالدين ومقدمين الدين على أي شيء تاني.

- لو المناهج أمريكية أو بريطانية وكدة ناقشي ولادك باستمرار، وفهميهم الصح والغلط والفرق بينا وبينهم، واغرسي فيهم العزة، اطلاع الولد على ثقافة تانية مفيد جدًا لكن من باب الاطلاع مش الهزيمة النفسية والتبعية.

 

- أنا في كل ده بتكلم على مدارس لغات وبيئة مناسبة إلى حد ما، مش داخل في كلامي أبدًا مدارس التبشير والراهبات والرهبان عن تجربة، أرفضها.

 

المصدر: خاص بموقع طريق الإسلام

 

 

 

[القانته باذن الله 55]

السلام عليكم

الي الاخت @ذليله الي الله

جزاك الله خيرا علي التذكره

استغفر الله و اتوب اليه

 

المهم دلوقتي فين الحلقات ؟

ولا دي كانت اشاعه و حلم ام ايه مش حيتحقق ؟

[ساره أم حمزه 1040]

الحلقات هنا https://akhawat.islamway.net/forum/index.php?showtopic=329355entry4133940

وبقيت الحلقات فى نفس الموضوع هنا https://akhawat.islamway.net/forum/index.php?showtopic=329355&hl=

عشان هدوء مش بيفتح معاها الموضوع ده

[' أم آية' 667]

هههههههه حلمي اتحقق

ياااي يااي

 

جزاكم الله خيرا

أنا رايحة اقرأ الحلقات الجديدة

 

[ساره أم حمزه 1040]

ربنا يبارك لاحمد انه فرج عن مسلم كربه فرج عن اتنين بإذن الله

ودعواتهم إن شاء الله تستجاب ويرزقه بالاولاد

بس هو معاه الفلوس دى كلها ما شاء الله ^^

 

ويمكن لما يعرف ظروف جوز ماجده يساعده بإن يشوفله شغل او يشغله فى المينا

 

وبدارة كويسه وبتمشى فى الخير إن شاء الله تتيسر امورها

 

ام ابتسام ليه دايام تتدافع عن سلامه هى صحيح بنتها غلطت بس مش للدرجادى انه يطلقها من اول غلطه

وكمان يروح يتجوز اللى اصلا سبب فى انها ضحكت عليها ودخلتها السجن اهى ضحكت عليه هو كمان

 

ابتسام رغم انه صعب اللى هى فيه بس غلط انها تكره ابنها فى ابوه لان ده مهما كان هو ابوه ولازم يبره

فلازم متكرههوش فيه عشان كده مش هيبره

 

احمد ما شاء الله بيستغل الفرص فى الدعوه الى الله وعرف وجدى ان ربنا استجاب دعاه ولما يحتاج شيء يدعى ربنا

ويصلى ، لازم الامهات والاباء يستغلوا الفرص كده زى احمد معمل

 

اما ألطاف دى انا مش عايزه يكون اسمها كده اصلااا مستفزه اعوذ بالله منها ومن اللى زيها

 

سعيد خلاص يصرف نظر مش كل شويه يكلموا بدور عشان يتجوزها يخلى عنده كرامه بقى ويشوف واحده غيرها

 

اوسا دى طبعا مبعجبهاش اى حاجه وحتى لو حماه جاب اكتر واكتر مش هيعجبها

واللى كده صعب تتعاملى معاه

 

استغفر الله العظيم كده رامى بقى هيعيش مع امه ويعمل زيها وايتن كمان يإما بقى عصام يعلمهم الصح او يتحكم فيهم

 

ورده بقى الزوجه معظمهم بيكونوا طيبين ومهما عمل فيها زوجها بتستحمل ومش عايزه تفرط فيه

كويس اللى هى عملته واشترطته بس ربنا يهديه

 

هما معظم الرجال كده زى ماقالت رشا فى الغلط والانتقاض عادى لكن الكلام الحلو بيبقى صعب ييقولوه

 

مستغربه ان اشجان مش عارفه الوضع فى مصر وسبب سفر الشباب بره رغم ان عندها تليفزيون

بس حسين جوز بهيره هو مقدر مواقفها وانها مستحمله مع اهله وامه وبيردهالها ( :

 

هههههه ضحكت على اسمها ايه ام رامى وامها هما بيصعب عليهم الفقرا الكلاس وناسيين الفقرا الحقيقى اللى محتاجين

محتاجين الاشياء الاساسيه ربنا يهدى

 

جزاكم الله خيرا هبه تعبانك معانا وكل سنه وانت طيبه ^ــ^

جزاك الله خيرا هدوء تعبناك ربنا يوفقك وكل سنه وانت طيبه

 

وكل سنه وكل الاخوات طيبين

[' أم آية' 667]

أنا انتهيت من قراءة الحلقات

سعيدة بها

إن شاء الله نلتقي بعد العيد

 

@ هههه ضحكتيني

كفاية علينا يوم

:)

 

[يحبهم ويحبونه 88]

بارك الله فيك يا هدوء إنتى وهبةورمضان مباارك علينا وعليكم

أعتقد إن بدور هتندم على زواجها من سامى ..

ياترى رامى هيحصل معاه إيييه بس أكيد جدته هتاخد بالها من تغيره

جمييل إللى عمله حسين مع بهيرة ..

أحيانا بأحس إن رشا لا تستحق سوى هذه المعاملة من زوجها ..

نلتقى بعد العيد بإذن الله كل عام وجميييع الأخوات بخير

[رؤيات 7]

فرحت جدااااااااا بالحلقات

ياريت ام ايه احلمى لينا كام حلم تانى ....... عارفة انى طماعة

خايفة على رامى .. غريبة افكار ام نسرين

ربنا يهدى هيما

اكيد اخو بهيرة هيكون له دور .. هيتجوز مين؟

 

[ذليلة إلى اللـَّـه 417]

فيه حاجة كمان

لما احمد كان هيخبط في بنت الأخت

قالها مالك ممكن اساعدك

وقامت اشتكتله

 

هو اه طبعاً شيء رائع وموقف نبيل منه بفضل الله

نفس عن مسلم كربة من كرب الدنيا

 

لكن الاعتراض على الكيفية

يعني بصراحة كلنا بنتعرض لمواقف زي دي

واحنا بنعدي نكاد نتخبط والسواق بيتكلم على حسب اخلاقه بيتدرج ما بين الشتيمة وما بين حاسبي يا بنتي خدي بالك ، وما بين الصمت

لكن مش متخيلة بصراحة واحدة تتكلم مع واحد في الشارع كان هيخبطها ،،

ولا هو يسألها ليه اصلا ويكلمها بغير ضرورة ليه !

وهي المفروض متردش لو راجل غريب كلمها اساسا متردش ولا تبصله !

 

 

تم تعديل 6 يونيو, 2015 بواسطة ذليلة إلى اللـَّـه

[أمة الرحمن الرحمن 68]

اخو بهيرة هيتجوز سلوى ممممممم :ph34r: :D

[أمة الرحمن الرحمن 68]

يا اما يتجوز ميس عتااااااااااب :P

[القانته باذن الله 55]

السلام عليكم

بجد مصدومه من موقف نسرين و انها عاوزه تبعد ابنها عن طريق ربنا

وطبعا الولد صغير و اي حاجه بيتاثر بيها و خاصه لو من امه الي كان محروم من حنانها لكن للاسف امه دي ام في صوره شيطان عماله تزين له المعاصي

ربنا يحفظهه و يحميه من شرها

 

 

كل سنه و كل الاخوات طيبين و بخير

و تقبل الله منا و منكم

و منتظرينك ياهبه ان شاءالله بنفسك تنوري المنتدي قريب

 

@هدوءالفجر

شكر خاص ليك ياجميل تعبناك الفتره الي فاتت

و نطمن علي نتيجتك ان شاء الله قريب

 

^________^

[ام افنان المغير 56]

السلام عليكم ورحمة الله وبركاته

كل عام وأنتم بخير.وجعلنا الله وإياكم من عباده الصالحين .

جزاك الله خيرا يا هبة على هذه الحلقات وأرى الشخصيات تزداد والأحداث تتشعب .ولكن الأفكار التي بها رائعة والأخوات لم يقصروا في التحليلات .

بالنسبة لموقف احمد مع البنت التي خبطها بالعربية موقف عادي وأحيانا هناك نساء تجديها واقفة مع بائع الخضار او سائق الغاز او عامل النظافة وتتكلم بسهولة وتنشر أسرار بيتها فكيف بهذه البنت وهي حزبنة ومتأثرة .واضح من المسلسل أن هبة على اطلاع على أنواع كثيرة من الناس وطريقة حياتهم .أحييك يا هبة على هذا المسلسل. وفشرت المسلسلات التركية.

هدوء جزاك الله خيرا ونأمل قدوم هبة بعد العيد بإذن الله

[** أم المنذر ** 66]

شكررررررررررررا عالهدية يا هبة

 

اللي اكتشفتها متأخر

 

حلقة حلوة ومفرحة ودمعت من الفرحة

لابتسام وأم صفاء

وفرحة وجدي دمعتني

 

بس حزنت على رامي اللي انخدع

 

لكن ممكن هو يرجع لجدته أو يأثر بأمه

[القانته باذن الله 55]

السلام عليكم

كل عام و انتم بخير

و مبارك عليكم الشهر

و تقبل الله منا و منكم

تم تعديل 17 يونيو, 2015 بواسطة *ام البنات4*

[رؤيات 7]

السلام عليكم ورحمة الله وبركاته

 

كل عام وانتم بخير اخواتى

 

[القانته باذن الله 55]

وعليكم السلام و رحمه الله و بركاته

كل عام و كل الاخوات بخير

منتظرين باقي المسلسل ان شاء الله

ونرجو الا يطول الانتظار

[ام الرياحين الحلوين 0]

كل عام وانتم بخير

في الانتظار استاذة هبة

[** أم المنذر ** 66]

تقبل الله طاعاتكن أخواتي

 

بانتظار الحلقات انا كمان

 

تذكرت رهام في العشر الأواخر وكنت حدعيلها بالذرية بس تذكرت انها وهمية ههههههه

فدعيت لكل أخت تنتظر الأولاد

 

 

 

يا رب يا هبة ترجعيلنا ويكون النت تصلح عندك