اذهبي الى المحتوى
راجيه عفو الرحمن

مال الكنافه ومالي ؟؟؟؟؟؟؟

المشاركات التي تم ترشيحها

السلام عليكم ورحمه الله وبركاته

اخواتي الغاليات

انا من محبي الحلويات جدا جدا

ولكن عندي مشكله مع الكنافه

دايما زعلانين من بعض :icon15:

لأ بجد انا كل ما احاول اعمل كنافه تطلع معايا

نشفه جدا وانا بحب اكلها طريه

ممكن حد يقولي ازاي اقدر اخلي الكنافه تطلع طريه

ارجوكم ساعدوني بوصفه للكنافه

جزاكن الله خيرا

السلام عليكم ورحمه الله وبركاته

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

أختي راجيه عفو الرحمن اضيفي إليها القطر .. الشيرة ..

 

الكنافة بالقشطة

شارك هذه المشاركه


رابط المشاركه
شارك

السلام عليكم ورحمة الله وبركاته ...

يمكن ان تجعليها طرية كما ذكرت الاخت نوار باضافة القطر اليها

شارك هذه المشاركه


رابط المشاركه
شارك

السلام عليكم ورحمة الله وبركاته،،

اختى الحبيبه راجيه عفو الرحمن

انا كنت زيك عملتها وطلعت حجر فى واحدة صديقتى قالت لى طريقةرائعة جربتها امبارح وطلعت ناجحة جداااا اولا العسل ميكوتش غليظ قوى يعنى متوسط وبعد ما تخرجى الكنافة وقبل العسل احضرى فنجان صغير ماء ورشيه على الكنافة وبعد كدة حطى العسل وبعد كدة اقلبىالصينية فى طبق علشان العسل لا يتركز تحت انا اول مرة فشلت زوجى قالى كفاية عليكى الجلاش بس المرة التانية قالى رائعة

لازم تقوللى بعد التجربة وبالهنا والشفا حبيبتى :?:

شارك هذه المشاركه


رابط المشاركه
شارك

لأ يا جماعة عشان تطلع طرية أو ناشفة هو له علاقة بالعسل كونه سخن او بارد فى حاجات كدة مش عارفة احفظها على العموم هسألك ماما و اقولك

يمكن تتصالحوا :unsure:

شارك هذه المشاركه


رابط المشاركه
شارك

السلام عليكم ورحمه الله وبركاته

جزاكن الله خيرا اخواتي

حبيبتي فاطمه الزهراء ان شاء الله احاول

اجرب اليوم او غدا واقولك علي النتيجه

حبيبتي خير امه منتظره ارشادات ماما

يمكن تخدي فينا ثواب مش هتصلحينا :sad:

جزاكن الله خيرا

السلام عليكم ورحمه الله وبركاته

تم تعديل بواسطة راجيه عفو الرحمن

شارك هذه المشاركه


رابط المشاركه
شارك

انت لسة الكنافة مدوخاكى

يا بنتى ما قلتلك كترى العسل

وعلى فكرة لو استعملتى العسل سخن وحطتيه على الكنافة وهى سخنة ان شاء الله تكون طريه

الطريقة دى جربناها مع البسبوسة وطلعت طرية

وربنا يهدى النفوس

شارك هذه المشاركه


رابط المشاركه
شارك

السلام عليكم ورحمه الله وبركاته

 

انا كمان بموت في الحلويات جدا وبحب اعملها جدا

 

وبالنسبة للكنافة اول حاجة اهتمي بالسمنة في الاول تسيحي السمنة وتبقي سخنه وحطيها عليالكنافة وشربيها بيها وقطعي الكنافة وهي نيه

 

بالسمنة وقطعي فيها بحيث ماتبقاش لازقة في بعضهاوكل ده وانت حاطة السمنة عليها وهي نيه وبعدين ادهني الصينية سمنة وضعي نصف

 

الكنافة ثم اتغطي عليها جيدا ثم ضعي المكسرات او الكريمة اوالاتنين او القشطة براحتك ثم ضعي النص الاخر واضغطي جامد جامد جداً

 

وبعدين حطيها في الفرن في الرف اللي في الوسط علي درجة 180 لحد ما تحمر من فوق وتحت وفي نفس تكون محضرة الشربات او القطر

 

ويكون بارد ويكون سمك الشربات او القطر متوسط ممكن مثلا نص كيلو سكر وعليه 3 اكواب مياه وتسيبيه يغلي لحد ما يبقوا كوبايتين بس

 

وفي الاخر ضيفي ليمونة وفانيليا بسيط وضعي نصف الشربات او القطر البارد علي الكنافة فور خروجها من الفرن من فوق ثم اقلبيها

 

واسقيه النص التاني من تحت

 

وبالهناااااااااااااااا والشفاااااااااااااااااااااا :icon15:

شارك هذه المشاركه


رابط المشاركه
شارك

السلام عليكم ورحمه الله وبركاته

محبه اطلعي انت منها وهي تعمر

حبيبتي ولاء علي ضمنتك الموضوع ده

انا هجرب بس لو مطلعتش طريه

زنبك علي جنبك ...مش هحضر فرحك

وانت حره بقي

عموما جزاك الله خيرا

وهجرب وادعيلك ان شاء الله

السلام عليكم ورحمه الله وبركاته

شارك هذه المشاركه


رابط المشاركه
شارك

سبحان الله لا تشمتن فى اخيك فيعافيه الله ويبتليك

ارتحتى يا ست راجية ادينى ابتليت بكيلو كنافة قبل الفطار

ولازم اعملها وانا اساسا ولا باحبها ولا باعرف اعملها

كدة الواحد شكلة وحش قوى قدام ابو العيال

انا هاجرب طريقتك يا ولاء بس على ضمنتك

لو اطردت مش هاروح عند حد غيرك

عشان تحرمى تدى وصفات لحد

شارك هذه المشاركه


رابط المشاركه
شارك

السلام عليكم ورحمه الله وبركاته

هههههههههههههههههههههههه

علشان تحرمي

يله كويس جربي بقي وقوليلي

ايه الاخبار علشان بصراحه لسه مجربتش

يله نجرب فيكي بقي ونشوف اثار العلقه

هههههههههههههههههه

السلام عليكم ورحمه الله وبركاته

شارك هذه المشاركه


رابط المشاركه
شارك

السلام عليكم ورحمه الله وبركاته

 

انا مستنياكي يا محبه وهبعتلك العنوان علي الخاص اهاهاهاهاا

 

ربنا يستر انا خايفة اكتر منكو هاهااهااا

 

وبعدين يا راجية انتي اللي كان مفروض تجربي الاول عشان انا بجرب في اهلي

 

لكن محبة كده بتخاطر بنفسها في عملية فدائية

 

يارب تطلع حلوة

 

بس لازم تحبي اي حاجة يا محبة وانتي بتعمليها عشان تتطلع حلوة

 

وبعدين يا راجية انتي في كل الاحوال لازم تحضري ان شاء الله

 

لو حلوة تباريكيلي ولو وحشه تاخدي حقك في كتب الكتاب

شارك هذه المشاركه


رابط المشاركه
شارك

ااااااااااااااااااااااه004a9f1d4078905e1fbf11a3c4c3ec43.gif

 

تخيلى عملتها

 

والنتيجة

 

 

 

 

 

 

 

 

 

كانت

 

 

 

 

 

 

36_1_10[1].gif

 

 

 

 

 

 

 

يا كسوفى من ابو العيال

 

 

 

36_1_4[1].gif

 

يلا يا ست ولاء فضيلى مكان عندك وانتظرينى

 

 

03748a238d397eb4489d3ac7f6e55990.gif

شارك هذه المشاركه


رابط المشاركه
شارك

لااااااااااااااااااااااااااااااااااااااااااا :cry:

 

ماتقوليش :cry:

 

خلص بقي انا مضطرة اعلن سر الكنافة

 

 

بس مش بالساهل كده

 

 

تدفعوا كااااااااااااااااام

 

 

 

سر فظيييييييييييييييييييييييييع

 

 

اقول....

 

 

لا ........

 

 

 

أقول...........

 

 

 

 

لا.............

 

 

 

عموماً اهم حاجة

 

 

هي

 

 

هي...........

 

 

اني بحب الكنافة :wub:

 

لو انتي بتحبيها هتطلعيها وااااااااااااااااااااااااو

 

انا عندي فكرة هبعتلك صينية كنافة علي البيت احسن

 

سامحيني بس انا حزينة

 

اقولك سيبك من الكنافة بلاها الكنافة

 

خليكي في البسبوسة

شارك هذه المشاركه


رابط المشاركه
شارك

السلام عليكم ورحمة الله وبركاته،،

كدة يا ولاء عملتيها فى محبة يا حبيبابى انا والله زوجى كان ناوى لايشتريها تانى لانها كانت حجرجربى طريقتى على ضمانتى ابقوا ادعو لى

اطلعى منها يا ولاء خليكى على جنب اوعى تزعلى انا بهرج حبيبتى

شارك هذه المشاركه


رابط المشاركه
شارك

السلام عليكم ورحمة الله وبركاته،،

اية دة يا ولاء

دبستى محبة فى وصفتك

حد يسمع كلام ولاء :mrgreen:

هههههههههههههههههه

لاء بجد ولاء عملتها كويس بس انا مادقتش منها :tongue:

وعليها بسبوسة وووووووواااااااووووووووو

جميلة جدا :smile:

سمحينا يا محبة بس الصراحة انا عمرى مااكلت كنافة حلوة جدا

الا من ايد ماما :smile:

مش عارفة ولاء جابت لكوا الوصفة من ماما ولا ومن خيالها :lol: :mrgreen:

ولاء انتى بتجربى فى الاخوات هههههههههه

محبة بصراحة الكنافة انا بحبها بس زى راجية العلاقات متوترة بينا

بطلع متحجرة عاوزة منشار علشان تتقطع

انا فشلت فيها ومش باكلها الا عن امى

شارك هذه المشاركه


رابط المشاركه
شارك

السلام عليكم ورحمه الله وبركاته

يا خبر واضح ان انا عملت مشاكل

بالكنافه بتعتي

طيب بما ان طريقه ولاء طلعت فشنك

ومحبه زوجها هيطردها

وفضحتها بقت بجلاجل ادام الاولاد

هنجرب طريقه فاطمه الزهراء وامرنا الي الله

وربنا يستر وماما متدفعنيش حق الكنافه اللي هبوظها

هههههههههههههههه :mrgreen:

معلش يا محبه تعيشي وتخدي غيرها

والانسه ولاء ارجوا عدم الافتاء بعد كده

خليكي في فرحك وربنا يكون في عونه

وبعدين احضر ازاي وحضرتك حتي معزمتنيش

انا عايزه دعوه خاصه وتسلم باليد كمان

ههههههههههههه انا بهزر معاكي

عموما ربنا يتملك بخير

السلام عليكم ورحمه الله وبركاته

شارك هذه المشاركه


رابط المشاركه
شارك

والله يا أخوات إنتوا أجمل وأحلي وأعسل من اي صينية كنافة :P

 

أنا هاحجز لكم تذاكر علشان تيجوا تقعدوا معايا في الصين،

بس بشرط تجيبوالي كام كيلوكنافةممعاكم، :icon16:

أصل مش موجودة هنا :sad:

شارك هذه المشاركه


رابط المشاركه
شارك

علي فكرة انا مش هتنازل عن حقي الادبي والمعنوي

 

وعلي فكرة انا اول مرة عملت الكنافة في حياتي كانت عند الجيران

 

هاهاهاهاهااااااااااااااااا

 

انتهزتها فرصه

 

اجرب في الناس

 

وطلعت تحفه حلوة جدا من اول مرة

 

ويا مروة هانم قالولي انها حلوة طبعا عشان انا بنت ماما اللي بتعمل اكل حلو

 

وبنت الوز بيعمل كنافة حلوة

 

 

المشكله فيكو لازم تعترفوا بكده

 

وفيكي انتي بالذات يا مروة :tongue:

 

 

اصل مروة مالهاش في الحلويات خالص ولا بتحب تعملها مروة ليها في الوحشات بس

 

انا بدعو جميع الاعضاء لتناول الكنافة عندنا في البيت احب اقولكم انها محور اهتمام الناس والجيران والاقارب حتي اللي بيعملي الستاير ودينالو كنافة والرجل خلاص قرر التعاملات القادمة مجانا بسبب الكنافة

 

محبة بوظتي سمعتي وانا داخلة علي جواز كده :angry: الحمد لله ان محدش من قرايبه بيدخله علي المنتدي

بس والله بيحب اكلي وحلوياتي :cry:

 

ويا راجية يا حبيبتي انتي تروحي قبلي مش محتاجة عزومة ده انا بفكر لسه هروح ولا لأ اصلي انا كمان محدش عزمني :tongue:

شارك هذه المشاركه


رابط المشاركه
شارك

السلام عليكم ورحمه الله وبركاته

 

فين طريقتك يا فاطمة

 

انا بقي عايزة محبة بالذات تعمل طريقتك ومستنية النتيجة

 

ارجو نشر الطريقة سريييييييييييييييييييييعا ماشي وانا بتحدي وقبلت المنافسة

 

انا كده حطيتكوا في دماغي ثنائي " محبة " بسبب نشر السمعة السيئة و" فاطمة" بسبب التحدي في الكنافة

شارك هذه المشاركه


رابط المشاركه
شارك

بصوا بقى سألتلكم ماما أهه

بتقولكم

1. تكون سمكيه

2. تسقى بشربات مش معقود قوى

3. بعد ما تسقيها على طوووول تسيبيها متغطية

هتلاقيها عجنت معاك :angry:

و ليا الحلاوة بقى لو طلعت حلوة ابعتيلى خرطة على الهوت ميل عشان تبقى سخنة :cry:

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

 

الطريقة مكتوبة عندك يا ولاء فى اول الصفحة وانتى زعلانة ليه متخافيش مش هنقول للعريس يللا علشان نمشيكى بس بس اوعى

 

تعملى ليه كنافة وعلى فكرة صديقتى معاى هنا فى امريكا الكنافة طلعت معاها ناشفة ولكن لحقتها ورشت عليها فنجان صغير ماءوطريت معاها وبقت زى الجاهزة بشهادة زوجها وبعدين حطت العسل بعد الماء

وبعدين انتى الفيصل يا راجية ياريت تعمليها وتخلصينى من ولاء

شارك هذه المشاركه


رابط المشاركه
شارك

السلام عليكم ورحمه الله وبركاته

 

هاف تايم

 

انا جيييييييييييييييييييت

 

 

انا عملت الكنافه

 

 

 

 

 

 

 

 

الصراحه مش انا اللي عملتها

 

 

 

 

 

 

 

 

 

 

 

 

 

 

ماما اللي عملتها

 

 

 

 

 

 

 

 

 

 

 

 

 

 

 

 

 

 

 

 

 

بس انا قلتلها علي طريقه فاطمه

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

وعملتها

 

 

 

 

 

 

 

 

 

 

 

 

 

 

 

 

 

 

 

 

طبعا مستنيين النتيجه

 

 

 

 

 

 

 

 

 

 

 

 

 

 

 

 

 

هي بس مقلبتهاش

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

طنشت

 

 

 

 

 

 

 

 

 

 

 

 

 

 

 

 

اصل امي اجدع واحده تطنش

 

 

 

 

 

 

 

 

 

 

 

 

 

 

 

 

 

 

 

 

 

 

 

 

طيب متزعقوش هقلكم النتيجه

 

 

 

 

 

 

 

 

 

 

 

 

 

 

 

 

بصراحه

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

بصراحه اوي

 

 

 

 

 

 

 

 

 

 

 

 

 

 

 

 

 

 

 

 

 

طلعت

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

حلوه جدا

 

 

 

 

 

 

 

 

 

 

 

 

 

 

بصراحه طلعت طريه وجميله طبعا من تحت بس علشان ماما مقلبتهاش

لكن الطريقه جابت فاعليه الحمد لله والكنافه بقت تحفه

جزاك الله خيرا حبيبتي فاطمه

جعله الله في ميزان حسناتك

ومتزعليش يا ولاء هحاول اجرب بتعتك قبل رمضان ما يخلص واقولك النتيجه

وبعدين حلوه وحشه المهم ان العريس بيحبها

السلام عليكم ورحمه الله وبركاته

شارك هذه المشاركه


رابط المشاركه
شارك

السلام عليكم ورحمة الله وبركاته،،

مبسوطة دلوقتى يا ست راجية عفو الرحمن

بكنافتك دى عملتيلنا مشكلة عائلة :wink:

هههههههههههههههه

وانا يا ولاء لى فى الوحشات بردوا طب عينى وفى عينك :ninja:

مش بعمل كيكة حلوة وبتكليها كلها :blush: :lol:

ماشى ماشى محرومة من الاكل اللى بعملة

وبعدين يا جميلة الحلو مش الاساسى فى الاكل

اية ناوية تقضيها كنافة وبسبوسة

اية هايتجوز الانسة حلوياتهم :wub: :lol:

وطريقتك يا فاطمة يلا نشكر فيها لحد ما نجربها :tongue:

وخير امة جزاك الله خيرا على وصفة ماما وسلامنا ليها

ونصيحة ما تسمعوش لوصفات الشيف ولاء :wub: :tongue:

ماحدش عاوز قطايف قبل ما امشى :smile:

شارك هذه المشاركه


رابط المشاركه
شارك

السلام عليكم ورحمة الله وبركاته،،

يعنى كمان مش انتى اللى عملتيها

خليتى طنط تعملها

 

انا مش عارفة اية البنات اللى مايعرفوش يعملوا كنافة

دى سهلة اوى ورفيعة اوى :blush:

بس مش هاقول لكوا طريقتى اصلى خايفة عليكوا من حلا وتها :wub:

عموما انا مبسوطة انك كلتى كنافة وعجبتك يا راجية

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×