اذهبي الى المحتوى
أم يُمنى

خدعوك فقالوا ..عــُض قلبى !!!!

المشاركات التي تم ترشيحها

بدأ الترويج بجملة غبية جدا

 

( ولا يوم من أيامك يا مبارك )

 

1 ـــ ليه الترويج ده ؟

 

عشان يغلوش على فكرك وان أيامه أرحم من دلوقت خاصةً فى الشِق الاقتصادى

 

الكلام ده مش صحيح طبعا ..

 

اللى حصل ان أيامه كان عــ المتغطى ( شوية ) دلوقت عــ المكشوف

 

2 ـــ ليه دلوقت ؟

 

لإن بدأ صراع 3 أنواع من الكلاب فى الشارع قُدام بيتك يا الشعب المتنيل بنيلة

 

ده لو عندك بيت أصلا

 

( المجلس العسكرى ــ آل مبارك ومستفيديه ــ الموكوس ومستفيديه )

 

خُد بالك انهم مش واحد ( تحسبهم جميعا ....... )

 

أهمهم على الإطلاق ( الكلب الأكبر والأشرس فيهم ) المجلس العسكرى ليه ؟

 

لإنه هو اللى هيمرر للشعب المتنيل بنيلة ( اللى يحافظ له عــ السبوبة )

 

فوووووووووووق يا شعب

 

وبالله عليك فاجأهم جميعا بوعى ومعرفة وإصرار على حقك فى بلدك

 

إوعى تتخدع تانى والا تالت والا عاشر

 

والله المُستعان

شارك هذه المشاركه


رابط المشاركه
شارك

السلام عليكم اختي @أم يُمنى

جزاك الله خيرا علي تبصيرك للمسلمين بالحقائق

 

 

بس عندي ملحوظه صغيره لو تتقبليها و يتسع صدرك لها

 

بلاش قول الشعب المتنيل بنيله مااحنا برضو من الشعب ده اولا و اخيرا

 

ثانيا افضل الدعاء لهذا الشعب بالهدايه لنور الحق لعل الله يستجيب في ساعة اجابه

 

ونتذكر جميعا قول الحق العدل الذي لايظلم عنده احد

 

(ظهر الفساد في البر و البحر بما كسبت ايدي الناس ليذيقهم بعض الذي عملوا ) لماذا ؟؟(لعلهم يرجعون)الي الله و طريقه المستقيم

 

 

اللهم ردنا الي الحق ردا جميلا

اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه

 

وجزاك الله خيرا و نفع بك

شارك هذه المشاركه


رابط المشاركه
شارك

الغالية قنوتة

 

شكر الله لك حبيبتى مروركِ الكريم

 

هذا اللفظ لم أنحته أنا يا ست الكل

 

فى أحد التسريبات قال عباس كامل مدير مكتب الموكوس ان ده شعب متنيل بنيلة وصدق طبعا

 

ليه ؟

 

لإن المنظومة القمعية كلها شغالة بُناءا على هذا التوصيف

 

وطول ماهم على أقفيتنا جميعا نبقى فعلا هكذا لأ وأبشع من كده كمان

 

حبيبتى جميعنا يتجرع الذل والمهانة والعار ليل نهار

 

وإلى الله المشتكى

شارك هذه المشاركه


رابط المشاركه
شارك

أحيانا تلاقى خبر ......... ما تعرفش توصفه

 

وتحس انك لازم حالا تدخل تحت الدُش وتفتح ميه ساقعة ( ياريت متلجة ) على نافوخك

 

الخبر اللى جاى من النوع ده ( لسانك لا يجد كلام وتُبهت ) إحنا ازاى وصلنا للسكوت على كده

 

وجهت النيابة للزميل اتهامات خدش الرونق العام للمجلس الأعلى للقضاء؛ بقصد النيل من اعتباره، وتكدير السلم العام والحاق الضرر بالسلطة القضائية عن طريق نشر أخبار كاذبة، وتعمد ازعاج ومضايقة الغير باساءة استعمال أجهزة الاتصالات؛ وذلك على خلفية نشره تقارير صحفية عن التعيينات في النيابة العامة، والتي شملت أسماء أبناء وأقارب القضاة والقيادات الأمنية.

وقال محمد البرماوي المستشار القانوني للجريدة، إن الزميل تقدم للنيابة بـ8 حافظات مستندات ضمت 120 ورقة تثبت صحة جميع ما نشر في التقرير، مشيرا إلى أن النيابة أقرت بما نشره الزميل حول ضم التعيينات لضابط متهم بالتعذيب، وأن المجلس الأعلى للقضاء قرر استبعاده بناءا على مانشره الزميل وطلبت الاستعلام من مجلس القضاء الأعلى عن الأسماء الواردة في موضوع الزميل.

وأضاف أن النيابة لم تثبت وجود أي معلومات غير صحيحة خاصة بأسماء المعينين في التقرير المنشور، وأن اتهامتها كانت كلها بناءا على المصطلحات التي تم استخدامها في التقارير الصحفية وعناوينها.

 

ناهيك عن قبول المجتمع الخيبان أمله بقضايا عجيبة زى ( قضية إشاعة المناخ التشاؤمى )

 

وتصفية الناس فى بيوتهم عشان ( الانتساب لجماعة محظورة )

 

فلان الفلانى نقيله من منصبه لأ ونحقق معاه .. ليه ؟ ( خلايا نايمة )

 

تتكلم فى الغلاء وفى العيشة واللى عايشنها ( ده كلام فى السياسة ومعناه ان مش عاجبك الحكام تبقى إرهابى )

 

مؤخرا فى قضية جديدة نوفى إسمها كما هو موضح أعلاه ,

 

 

خدش الرونق العام للقضاء

 

 

 

ده على أساس ان واخد بريستجه كاملا فى دولة الهباب اللى احنا فيها

 

لهو القضاة فى المخروبة لسة عندهم رونق

 

سؤال برىء والله........... هم القضاة عارفين يعنى إيه رونق أصلا ؟

 

يارب احرقهم جميعا ببنزين درجة الطين

شارك هذه المشاركه


رابط المشاركه
شارك

إلى من يهمه الأمر :

 

خدعه من أحقر الأنواع تتم فى توءدة غريبة ولا كإن فى بشر عايشين فى المخروبة

 

العسكرة طايلة كل مكان تقريبا فى البلد

 

يُتبع بإذن الله

شارك هذه المشاركه


رابط المشاركه
شارك

العسكرة طايلة كل مكان تقريبا فى البلد

 

زيادة شويتين الايام دى .. وكل المطبلاتية فى نفس واحد وعلى نغمة واحدة

 

.... لازم نعهد بالسكك الحديدية للقوات المسلحة ....

 

ده على أساس ان اللواءات اللى ماسكينها مــ الألف للــ ى مدنيين خالص

 

خلينا فى المهم والخدعة الأحقر ( حرب الإنجاب )

 

إنتوا كتير أوى .. الزيادة السكانية تأكل التنمية ( قال يعنى فى تنمية )

 

الشعب ده بيكتر بطريقة غريبة .. أجيب لكم أكل منين

 

100 مليون عايزين ننقص من 16 لــ 20 مليون

 

لما تسمع التصريح الوقح ده تأكد انه العكس تماما عايزينه يحصل

 

يعنى اللى يتبقى من الشعب ده كفاية من 16 ــ لــ 20 مليون

 

والــ 16 أحسن طبعا

 

الكلام ده مافيهوش أى مبالغة من أى نوع

 

العسكر عايز يسوق أقل عدد ممكن من الناس عشان كدة إنت رخيــــــــــص أوى وغير ذات قيمة

 

كمان عشان يبقى فى نسبة وتناسب بينك وبين الدول اللى حواليك وعايزين يبقوا دول كبرى :))))))))))))

 

بالله عليك لا تنخدع بالهبل اللى بيتصدر لك دائما وتعوم فى مية البطيخ وتردد الخيبة

 

( احنا كتير أوى وإمكانياتنا محدودة )

 

بقلة وعيك بتعطيهم رقبتك ورقبة أهلك على طبق من دهب

شارك هذه المشاركه


رابط المشاركه
شارك

خدعوك فقالوا

 

إذا كان الكلام من فضة فإن السكوت من ذهب

 

اعلم أيها المسكين أن هناك أزمنة السكوت فيها جريمة كبرى

 

اللهم بلغت .. اللهم فاشهد

 

لنا عودة للتفصيل

شارك هذه المشاركه


رابط المشاركه
شارك

خدعوك فقالوا

 

إذا كان الكلام من فضة فإن السكوت من ذهب

 

اعلم أيها المسكين أن هناك أزمنة السكوت فيها جريمة كبرى

 

ونظرا لإننا نعيش فى أحد هذه الأزمنة بالفعل فإليك كلمات الذهب وانت حُر بعد ذلك

 

انتخابات المخروبة بتمر بمراحل إبليسية على هيئة بلالين اختبار

 

وبالتالى بيلعبوا على وبالشعب المسكين بكذا حالة

 

1 ــ بالون شفيق ..... لأ الناس طلعت فايقة وعارفين انه ذراع مبارك وأعوانه

 

2 ــ قنصوة ... هوبة بقى الجيش منقسم على نفسه وهيضطر يطير الموكوس لإنه فضحهم

 

( لا لا لأ الجيش مايعمل الحركة الخايبة دى .. ما يقف قصاد بعضه !! ) اقبضوا عليه

 

3 ــ نأجل الانتخابات عشان ( لاصوت يعلو فوق صوت المعركة ) عندنا حرب إرهاب

 

لا لا لأ بتوع بره هارشين اللعبة وقاعدين على أخبارنا الهباب

 

وبيقول اعمل انتخابات حتى لو تشترى مُرشح يقفل واجباتك تجاهنا

 

4 ــ البالون الرابع والزغلول الكبير بقى .....

 

نزل عنان يأكد ترشحه ويأكد فكرة الانشقاق عن رئاسة الهبل اللى حطنا فيها الموكوس

 

وبالتالى الموكوس يتبهت ويتوعد اللى يفكر فى الكرسى واحنا ( قيادة عسكرية كبرى وأصل الدولة العميقة )

 

فى الفترة دى نعمل نفسنا حُراس الوطن وأياً كان اللى يكسب منهم نبقى احنا اللى كسبنا شرعية من جديد

 

ونضمن 60 ـــ 70 سنة جايين بتوعنا ونبقى قضينا على الجملة اللى بتعصبنا ( حُكم العسكر )

 

إيه رأيك يا معلم فى أفكار الأبالسة دى ^_^

 

أفيقوا يرحمكم الله

 

كله عسكر فى بعضه وده انقلاب

 

عندنا رئيس مخطوف وبيموتوه.... هو ده شرعية بلدنا اللى مفروض نجيبه وياخد مكانه ونكمل بعده

 

غير كده نبقى شوية قرود يتلعب بينا من أى حد ومن كل حدبٍ وصوب ونبقى فعلا مسخرة المجرة

شارك هذه المشاركه


رابط المشاركه
شارك

العصابة نزلت بيان بجرائم :) لعنان وتم اعتقاله

 

هى منظومة واحدة عموما وبيلعبوا بالمساكين أمثالنا

 

طلعوا أغبى مما تخيلت ..... لكن ده يأكد الصراع داخل أجنحة غربان المخروبة

 

شكرا خالد على .. حمد الله عــ السلامة .. والله زمان ياثورة

 

بيان خالد على رغم انه بيان حزين على فشل الخطوة اللى كان عايز يقنعنا بها

 

إلا إنه يُحترم قولا وموضوعا ويؤكد ان الثورة هى الطريق الوحيد لهؤلاء الذئاب والثعالب

 

يسقط حكم العسكر

 

كفاكم قمع واستبداد وبهدلة ومسخرة

 

Stop_Hand_logo.jpg

شارك هذه المشاركه


رابط المشاركه
شارك

أختى بغض النظر تماماً عن السياسة ..

 

المسلم يحاسب على كل لكمة يقولها ,, و الغيبة من الكبائر

 

فلا ينبغى لنا أن نشتم أحداً خاصة و إن كان مسلماً مهما كان مدى خلافنا معه

 

قال رسول الله صلى الله عليه و سلم :(سباب المسلم فسوق , و قتاله كفر )

 

فاتقى الله يا أختى و لا تتضايقى من نصحى لكن لا يجوز الكلام بهذه الصورة خاصة و أن حتى محتوى الكلام غير لائق لا شرعاً و لا ذوقاً

 

أرجو أن يشرح الله صدرك للحق و تقبل النصيحة

 

 

 

وعليكم السلام سرؤتنا الغالية

لا أرضى زعلك منى حبيبتى .. لاأشتم ولا أسب ولا ألعن أبدا هذا توصيف حال فقط

حبيبتى الوعى والفهم يقوى تلك الشعرة بين العمل بالدين وبين الأحكام جُزافا

 

لا أرضى لنفسى وسنى وأنا على باب الآخرة أن أكون كالكلب إن تحمل عليه يلهث ولا كالأنعام بل أضل

ولا كالحمار يحمل أسفارا ..وهذه آيات نمر عليها ولا ينبغى لنا أن نقول أنها شتائم

فما بالِك وأنا لا أشتم بها بل أصف ما يحدث فقط

 

1ــ بغض النظر تماماً عن السياسة .... دى أول خدعة حبيبتى .. الرمى انها سياسة بس

 

ديننا دين جامع شامل لكل مناحى الحياة وأولها على الإطلاق ما خدعونا به وأسموه سياسة

 

والأمر هنا شرحه يطول .... رجاء الاطلاع على الأيات والأحاديث وأقوال العلماء الدالة على ذلك

 

2ــ المسلم يحاسب على كل لكمة يقولها ,, و الغيبة من الكبائر

 

:) كنت أتمناها لكمة فعلا على وجه الخونة والظالمين

 

المُهم .. لهذا الحساب لا أدخر وسعا فى قول كلمة الحق قدر المُستطاع ..

 

ما يمُن الله علىّ به من رؤية أو وعى أو تحليل متخصصين آتى به ابتغاء مرضاة الله واحتسابه جهادا فى سبيله

 

أما الغيبة التى هى من الكبائر فكلامى على المشاع من خلال باب أحسبه على خير ولا أُزكى على الله أحدا

 

مصائبنا التى لايريدون رؤيتها أوضحها وأننا مع الحق وإن ضاقت بنا السُبل

 

3ــ فلا ينبغى لنا أن نشتم أحداً خاصة و إن كان مسلماً مهما كان مدى خلافنا معه

 

أوضحت أنه توصيف ليس شتم ولا سب ولا لعن

( خاصةً وإن كان مسلماً ) بعد أقوالهم الواضحة وهدمهم لثوابت الدين فأمرهم مشكوك فيه

ثم أين الآية الكريمة (فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ )

 

ده لو حسبنا ان 1 بالمائة معه سلاح بيضرب 99 بالمائة ... معادلة تضحك طبعا ( رغم انهم ما حصلوا هذا الــ 1 بالمائة )

 

قال رسول الله صلى الله عليه و سلم : سباب المسلم فسوق , و قتاله كفر )

 

هلا قيل الحديث الجميل للأقل من 1 بالمائة حامل السلاح وهادم ثوابت الدين ومُنكل بالمسلمين

 

فإن السباب هو الشتم أو المشاتمة. وقيل: السباب أشد من السب، فالسباب هو أن يقول الرجل في الرجل ما فيه

وما ليس فيه يريد بذلك عيبه. وأما السب فلا يكون إلا بما هو فيه.

وأما الفسوق فهو في اللغة الخروج، وفي الشرع: الخروج عن طاعة الله ورسوله، وهو في عرف الشرع أشد من العصيان

. قال الله تعالى: وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ {الحجرات: 7}.

وأما القتال فهو المحاربة. وأما الكفر المذكور هنا فهو كفر دون كفر، وليس المراد به الكفر المخرج من الملة.

قال النووي في شرح مسلم: فسب المسلم بغير حق حرام بإجماع الأمة، وفاعله فاسق كما أخبر به

النبي صلى الله عليه وسلم، وأما قتاله بغير حق فلا يكفر به عند أهل الحق كفرا يخرج به من الملة

إلا إذا استحله، فإذا تقرر هذا، فقيل في تأويل الحديث أقوال: أحدها: أنه في المستحل،

والثاني: أن المراد كفر الإحسان والنعمة وأخوة الإسلام لا كفر الجحود.

والثالث: أنه يؤول إلى الكفر بشؤمه. والرابع: أنه كفعل الكفار.

 

4 ـــ فاتقى الله يا أختى و لا تتضايقى من نصحى لكن لا يجوز الكلام بهذه الصورة خاصة و أن حتى محتوى الكلام غير لائق

لا شرعاً و لا ذوقاً

 

اللهم اجعلنا من المتقين .. لا مضايقة حبيبتى وإن كانت مضايقة فليت الأمة تفيق ولو بمضايقتى :)

 

أما عن محتوى الكلام اللى مزعلك منى

 

ربما لو رأيتى بعينيكِ ما يحدث للناس لبحثتِ عن عصا أو طوبة أو أى حاجة تزودى بها عن المظلوم وإن كنتِ لا تعرفيه

 

لما أبنائى لطلب حقهم فى الحياة بكرامة يُزج بهم فى السجون ويسبون بأمهاتهم وأحدهم يحمى أخاه فيسقط برصاصة

 

واحد يقول حسبى الله ونعم الوكيل ياخد رصاصة .. وقمة الفُجر يضرب رصاصة نحو السماء

 

( وآدى رصاصة لربك ووكيلك ) ............. أستغفر الله العظيم وأتوب إليه

 

اللهم اشرح صدورنا وتوفنا على كلمة الحق وإن زاغت الدنيا كلها

تم تعديل بواسطة أم يُمنى

شارك هذه المشاركه


رابط المشاركه
شارك

من أهم الأذرع الترويجية للاستبداد

تلك النخبة المثقفة   ـــ ( مين اللى نخبهم .. ماتعرفش )

مين اللى شهد لهم بالثقافة  .. ماتفهمش

طيب إيه هو معيار الثقافة وبالتالى معيار النخبوية

إنت شعب جاهل أصلا ماتتكلمش ف المواضيع الكبيرة  دى

احنا النخبة المثقفة وخلاص خدها كده  ـــ

ما علينا  ... شُغلتهم إيه  ؟

النظام القمعى عايزهم ينظّروا لإيه ...... يسوقوا

والخدعه دى تيجى على معدة الشعب أوى

مصر لازم تكون دولة عسكرية ....... ليه ياعمو النخبة وياطنط النخباية

عشان (  دولة إسرائيل ) ــ على عينى إعادة قولهم حرفيا ـــ دولة عسكرية

بالتالى لازم نقبل بدولة عسكرية عندنا عشان نخوفهم

لأ  بجد  .. مصدق نفسك انت وهى

الناس فهمت ووعت ان عسكر مصر مولف كامل التوليف مع الكيان

لأ وبيجوّد فى طلبات الكيان

لذلك   

 

Stop_Hand_logo.jpg

شارك هذه المشاركه


رابط المشاركه
شارك
نتيجة بحث الصور عن خمس سنوات على مجزرة الحرس
 
 
 
ده ناتج أكبر  خدعه والمسؤلين عنها شيوخ
بتوع اقتلوهم ريحتهم نتنة  ,  إوعى تضحى بعسكرى واحد عندك
يعنى باقى الشعب ده صراصير ولا يسووا
حتى لا ننسى
الدم اللى شربته المخروبة  مستحيل يعمرها
ولسه
شفت بعينى شهود عيان من قلب الحدث
لا ينتسبون إلا للإنسانية
 
 
 

شارك هذه المشاركه


رابط المشاركه
شارك

من خدعنا بالله انخدعنا ...

هكذا يستحل الشيوخ خداعك

اللى بيحصل ف مصر فاق كل توقع

فى عملية ممنهجة لتجويع الشعب اللى قام على حيله وقال ثورة ع الفساد والاستبداد

ولما تكتر وتزيد الشكاوى من العيشة والأكل والشرب واللبس والعيشة واللى عايشنها

تلاقى الشيوخ انبرت وعملوا خُطب ياطولها ياعرضها

تحث على الرضا بما قسمه الله لك .. هتكفر يامؤمن عشان بطاطساية

والا رغيف عيش ... وتُحكى الحواديت عن قناعة السلف وزهدهم

ورغيف يابس يسد رمق المسلم

واللى مايسمع للشيوخ ويزهد ف الحياة  يبقى متسخط

تلك الخدعة الخبيثة  والتى تجعل من يتمرغ فى مقدرات الشعوب يزداد

ثراءاً وملايين البشر لايجدون مايس جوع أولادهم

لأ ياعميل المستبدين

الإجابة اهى ...

ونعم بالله

رضينا ياربنا واحتسبناها لله

لكن ومع الأسف يوجد خلط بين التسخط للمصائب

ورفضك ظلم وجبروت الظالمين

الشيوخ سامحهم الله أوقعوا الأمة فى مُشكل رهيب

إذا جأرت بالشكوى من الظالمين وغالبا ذوى سلطة

إذاً أنت مُتسخط .. والناس غلابة   يرتعبون من كلمة ( ساخط من قضاء الله )

فاختلط الأمر ووصلنا لهذه البجاحة ف الجرائم من كل ذى سُلطة

نحن بأيدينا وبرضانا ربينا الأفاعى والعقارب والذئاب والثعالب

بنية ( لست متسخطاً يارب !!!!!!

أفيقوا لله

شارك هذه المشاركه


رابط المشاركه
شارك

كنت فاكرة لحد قريب اننا أمة مجيدة

طبعا الأحداث وضحت اننا كنا عايمين ف مية البطيخ

مش لازم نحكى ..

اللى لسه مش واضحة  معاه لايلوم إلا نفسه

فى خدعه غاية فى القذارة حدفها الانجليز ع العرب

واستخدموهم  لإسقاط الدولة العثمانية

وكان أهم سببين البترول وقيام دولة الكيان الصهيونى

مشهد من مسلسل كوت العمارة  بين قائد تركى وثرى عربى

هاحاول اجيبه

فضلا تابعونا

 

 

 

 

شارك هذه المشاركه


رابط المشاركه
شارك

مع الأسف مش عارفة ادخله ع الموضوع

المهم المشهد فى حلقة 30 الجزء التانى

من الدقيقة 31 و 16 ثانية إلى الدقيقة 33 و46 ثانية

أظن تعرفو ا تشوفوه

.......................................................

الخدعة الجديدة بقى

نسيب أفجع حادثة ف المخروبة

ـــ اللى ( عن نفسى ) أتهم وبكل قوة عصابة الاستبداد  عاملينها عمدا

( بيولعوا ف الشعب ) الدليل  قفل بوابات الانتقال والاستنجاد أما الناس الوالعة

حد بيقول مش ممكن ده اتهام خطير باقول له افتكر حادثة استاد بور سعيد

بلاش رابعة والنهضه والمنصة والحرس وتصفية الناس جوه بيوتهم

دول كلهم إخوان عايزين نولع فيهم أصلا ( ريحتهم نتنة ) و ( لو تكلمت لأوجعت ) ـــ

وكمية الفشل المتلاحق مش عارفة ( اقول إيه واسيب إيه  )

ونمسك ف مذيع بينقذ  أهل بلده ( وجهة نظره ) عشان هاشتاج والا كتابة ع الفلوس

ونجند الكتايب بالشىء الفلانى للملاحقة

إحترم عقلك وما تعطى قفاك للعصابة لتضع بصمتها عليه

وإلى اللقاء فى خدعة جديدة

شارك هذه المشاركه


رابط المشاركه
شارك

مع الأسف  الخدعة المرة دى اقتصادية رأسمالية إبليسية من طراز

اطحن أى حد يفكر ينجح ف المخروبة

كان فى محل حلوانى أثبت على مدار الكام سنة اللى فاتت

كفاءة ونضافة وأسعار معقولة فى نفس ذات الوقت

وبدأ يتوسع ف المحلات اللى جنبه  يشتريها ويكبر يافطته

ولايزال يحافظ ــ رغم غلاء الأسعار  ـــ على أسعار معقولة وجودة منتج

تلك المعادلة الصعبة تأتت من وجود جامع كبير قدامه  ف كان دايما

إيده ف الجامع سواء فطار أو سحور  وف الأيام العادية كمان

المنطقة شعبية والناس م صدقت حاجة كواليتى ف منطقتهم

ماشاء الله لاقوة إلا بالله 4 ـــ 5  محلات فلان الفلانى للحلويات والبيتزا والسندوتشات

وخدمة الدليفرى سهلت ع الناس التعامل معاه

حتى العمالة اللى عنده كان يشترط من سكان المنطقة

ياكلوا عيش ومفيش ضياع وقت ف مواصلات

تمام كده 👍🏼👏🏼

ده نموذج رائع يُحتذى ويعطى الأمل لناس تانيه تنجح 👍🏼

ازاى بقى نسيبه  .... لأ ندخل شراكه معاه

مش بيستجيب  ... نعمله مشاكل

مش نافع  ... مخلص حاجته وملوش صباع يتعض عليه

لو قرفناه وف منطقة شعبية زى دى ممكن يعمل رأى عام 

واحنا مش ناقصين مشاكل

تيجى شركة من نفس المجال بس كما يسمونها ( براند )

تحط عليه وبتؤدة غريبة تقطع عليه خطة التوسع بتاعته

يشتروا أغلب المحلات بل والبيوت اللى حواليه

وييعملو يافطة  أكبر وأعلى وزيادة ف البجاحة  فوق يافطته 😜

لأ ويبشر الناس ( جارى شراء كل المنطقة لهذه الشركة الــ ( براند )

عرفنا بعد كده ان الشركة دى لا سمح الله  لم يبخسوه

بالعكس دول عملوا معاه ( ديل )  يفوق كل توقعاته 👌🏼

أثناء التطورات دى  كانوا بيستغلوا إسمه وشعبيته

ويكتبوا جنب يافطته محلات فلان الفلانى بقى علان العلانى

الناس البسيطة اللى زى حالاتى كنت لما اعدى اقول

ماشاء الله لاقوة إلا بالله بينه عمل ماركة يعنى بإسم له رنه كده

ربنا يوفقه ده حد تقى

طبعا عرفت كل الحدوتة دى مؤخرا

وتيقنت انها هتفضل مخروبة

ومش هتطلع قدام  أبدا وعلا صوت

إن الله لايصلح عمل المفسدين

كلما ظهر ناس ناجحة وينجحوا المخروبة  أُكلوا حتى لايفكر أحد فى عمارها

وخراب ياماسر

 

 

 

 

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×