جواب من زوجة متدلعة جدا

[أم خديجة محبة الله 45]

السلام عليكم ورحمة الله وبركاته

 

 

منقووووووووووول بس حلوه

 

جواب من زوجة متدلعة جدا

 

صحي الزوج من النوم دور علي المدام ملقهاش داخل يشرب لقي الورقة دي متعلقة عالتلاجة ومكتوب فيها

 

زوجي العزيز

يا مستت ني يا مشهيصني

بصراحة ياروحي انت مدلعني خالص مالص وموريني الهنا الوان وانا خفت احسن اخلاقي تبوظ قولت اروح عند ماما كام يوم عشان احس بالنعمة اللي انت معيشني فيها ولحد ماجي بقي ياروحي عليك شوية حاجات بسيطة خااالص خالص حتي انت دايما تقولي شغل البيت ده ولا حاجة بص ياقلبي

المنبه هيرن الساعة 5 ونص تقوم جري تحط البيض يتسلق عشان فطار الولاد وتروق اوضة القعاد مكان سهرة امبارح وتلم الكوبايات والفناجين وقشر اللب اللي سعادتك مبعزقهم من امبارح وتحطهم في الحوض ولفة كده سريعة عالأوض لم باكسيتات الزبالة وجمعهم في الباسكيت اللي في المطبخ عشان تاخده معاك وانت نازل يلا بقي روح صحي العيال شطف ولبس وفطر ومتنساش تعمل السندوتشات وانزل معاهم اوعي تسيبهم غير لما الباص يا خدهم اطلع بقي بسرعة طلع كيس لحمة من التلاجة حطه عالرخامة وحط الغسيل في الغسالة واظبط علي برنامج ساعة ادخل بقي الأوض روق السراير وطبق بيجامات العيال وافتح الشبابيك عشان تهوي الأوض واكنس الصالة ونضف الحمام ومتنساش ترش ديتول عشان بقرف هه فاكر ياعنيا يلا بقي عالمطبخ تاني شطب مواعين الفطار وانت بتشرب القهوة ومتغنيش عشان صوتك وحش واكويلك قميص ومن غير كروتة عشان مكوتك تقرف فاكر طبعاودور عالشرااااااااااااااااااااااااااب فين الشراااااااااااااااااااااااااااب هو مافيش حاجة في مكانها ابدا مع انه قدامك بس لازم نسمع صوتك الأوبرالي عالصبح هوبا الساعة بقت 8 ونص يلا جري قفل الشبابيك عشان الدبان وخد لزبالة في ايدك وجري عالشغل هتخلص شغل الساعة 3 عشان لازم تروح بدري للعيال امال ايه وانت طالع بقي شوية خضار طازة في ايدك ملوخية او كوسة بلاش بامية اصلي مبحبهاش مع انك بتمسح الحلة بس وماله يلا بقي ادخل ها اغسل اللحمة وحطها عالنار روح انشر الغسيل اللي حطيته الصبح هوبااااا العيال جم بسرعة بقي دخلهم يغيرو ويغسلو وشهم وانت حط الخضار عالنار واقعد اسمع شكواهم ورغيهم ماما القلم ضاع ماما الميس زعقتلي ماما عاوز مكرونة ماما اخويا ضربني

اهو ياحبيبي تتسلي لحد الأكل ما يستوي اه استوي يلا بقي غدي لعيال عشان تلحق نعمل معاهم الواجبات وتذاكرلهم عشان تلحقو ميعاد التمارين خلصتو مذاكرة طيب دخل العيال يلبسو وانت لم السفرة حط الأطباق في الحوض يلا مافيش وقت حضرت شنط النادي اه طيب يلا بقي جري عالنادي اقعد استني العيال يخلصو تمارين اممممم خلصو تمارين يلا عالبيت وبعدين مالك كده مبهدل في نفسك متدخل تحلق وتحطلك شوية برفيوم اللي يشوف كده يقول تعبان طول النهار اه معلش قبل ما تحلق في شوية مواعين بتوع الغدا ياريت تشطبهم وبالمرة الولد عاوز هوت شوكليت والبنت عاوزة بطاطس محمرة واعمل لنفسك نسكافيه خلصت يا عمري يلا بقي العيال عاوزين حاجة حلوة اعملنا كيك او رز بلبن يعني اتصرف يا اخي

تعبت ياقلبي

بتنام علي روحك ياعمري

الصداع طالع من عنيك يا قمري ياخبر ليه ده كله يعني علي رأيك هو انت كنت عملت ايه يعني مانت قاعد في البيت طول النهار بلاش دلع بقي وصحصح معايا كده عشان عاوزاك في موضوع

وختاما عزيزي الزوج انت عمرك قولتلي شكرا او مقدر تعبك او حتي جبتلي حزمة فجل هدية مش بقولك مدلعني

تم تعديل 27 سبتمبر, 2014 بواسطة أمّ عبد الله

[اسماء المهاجره 69]

السلام عليكم ورحمه الله وبركاته

 

فعلا امى نصرن كل يوم وابويه يقلها هوا انتى بنعملى حاجه

 

حلوه

هههههههههههههه

 

جزاكى الله كل خير

[ساره أم حمزه 1040]

جميل ( :

[أمّ عبد الله 2361]

وعليكم السلام ورحمة الله وبركاته

 

جميل : )

على الرجل أن يُمضي يوما على الأقل مع زوجته ليرى الحرب الطاحنة التي تخوضها يوميا في بيتها

نسأل الله أن يعين جميع أخواتنا

 

جزاك الله خيرا يا حبيبة

[** الفقيرة الى الله ** 985]

وعليكم السلام ورحمة الله وبركاته

 

جميلة جدا : )

أعجبتني ^__*

جزاكِ الله خيرا يا حبيبة.

[ام حلا 6]

ضروري تفكرينا باللي بدي انساه

تسلم ايديك ممتع

[ساجدة للرحمن 2049]

^____^

جزيت خيرا

[حواء أم هالة 1895]

ههه بتذكرينا ليه

لو جلسوا الأزواج يوم واحد لما استطاعو يكملوه :))

احنا مسكينات والله اهئ

[أم يُمنى 747]

ومن لها ياااابنات ...الله يعطيكن الصحة والعافية

 

وتدخلن الجنة بإعزازكن بيوتكن وأزواجكن وأولادكن

 

أنتن دينامو الحياة ..وهذه متعتكن ..لاحرمكن الله من المسؤليه

 

تلك هى الراعية فى بيتها ..اللهم ارزقنا إتمام رسالتنا مع الجميع

 

هذه المـسـؤليـة ســـررررررر الســـــعادة

[رياحينو 205]

ومن لها ياااابنات ...الله يعطيكن الصحة والعافية

 

وتدخلن الجنة بإعزازكن بيوتكن وأزواجكن وأولادكن

 

أنتن دينامو الحياة ..وهذه متعتكن ..لاحرمكن الله من المسؤليه

 

تلك هى الراعية فى بيتها ..اللهم ارزقنا إتمام رسالتنا مع الجميع

 

هذه المـسـؤليـة ســـررررررر الســـــعادة

صدقت

جزاك الله خيرا

[oum meryouma 41]

السلام عليكم ورحمة الله

والله رسالة هادفة جزاكي الله خيرا في الواقع اغلبية الرجال يستصغرون ما تقوم به المراة في البيت بالرغم من انها تتعب اكثر من زوجها في الشغل مع هذا تقوم بواجبها على اكمل وجة وبكل شرف , اسال الله ان يعيننا وان يساعدنا على ارضاء ازواجنا وتربية ابنائنا

لا تنسو اخواتي الكريما ت صدق النية وجزانا الله خيرا

[(مسلمة في زمن الغربة) 87]

جميل جدا

ان شاء الله كل تعب في ميزان حسناتنا

جزاك الله خيرا غاليتي

[«..ارْتِـــقَّـےـاءْ..» 639]

^ـــــــ^

الله يكون في عون ستات البيوت

جزاكِ الله خيراً .

[ne3ma algana 7]

السلام عليكم ورحمة الله وبركاته

ههههه جميل جداً ما شاء الله

فعلا دى زوجة مدلعة جداً

موضوع رائع جوزيت خيراً

 

:) :)

[**نحو غدٍ أفضل** 15]

السلام عليكم ورحمة الله وبركاته

 

طبعا المرأة بتتعب كتير فى البيت

 

لكن هى مبتشتغلش ببلاش هى مستنيه أجرها من الله عز و جل

[' أم آية' 667]

جميل جدا

ان شاء الله كل تعب في ميزان حسناتنا

جزاك الله خيرا غاليتي

[أم يُمنى 747]

الحبيبة ريحانة السماء

 

وجزاك حبيبتى كل خير وأسعدكِ وأهنى أيامك وطـيـّبـها

[أم يُمنى 747]

الحبيبة ريحانة السماء

 

وجزاك حبيبتى كل خير وأسعدكِ وأهنى أيامك وطـيـّبـها