أم يُمنى 747 أرسلي تقرير عن المشاركة قامت بالمشاركة 19 أغسطس, 2017 @@همسة يراع ما شاء الله لا قوة إلا بالله اللهم بارك حبيبتى أتابع مع أخى كلما تيسر بارك الله فيكِ حبيبتى شارك هذه المشاركه رابط المشاركه شارك
أم يُمنى 747 أرسلي تقرير عن المشاركة قامت بالمشاركة 7 اكتوبر, 2017 بالقرب من منتصف السبعينيات بعد صفارة أول سفينة سمعناها فى الراديو لإعادة افتتاح القناة ________________________________________ ..... كانت قريتنا الصغيرة بدمياط تطل أطراف غيطانها على النيل وكنت أسست رحله يوميه باتجاه النيل تبدأ من الصبح ولحد آخر النهار بالبيجامه المقلّمة ، أيام أتواب (المتاجر الشعبية )المقلم للرجالى والمشجّر للحريمى .. وفى الطريق كالعادة كان دايما فيه حمار مربوط فى ( رسن ) طويل على ( لحف الترعه الصغيره ) وساعة ما يشوفنى .. يتأهب وينفر ويضرب الأرض برجل واحدة مستفزا وأنا كالعاده مخبى عصايه ورا ضهرى للضرب .. والهروب بسرعة لكن فى كل مره أضربه .. يادوب أعديه بخطوتين وألاقى رفسة معتبره ( بالجوز ) مطيرانى فى الهوا ثم فى الميه :) فأطلع .. وأمشى مهزوم لحد النيل .. وأقضى نص اليوم فى العوم لحد الهدوم ما تنشف على الشجره ويوم بعد يوم يحصل المنظر ده ... لحد ما سمعت الشيخ فى خطبة الجمعة بيتكلم عن رحمة الحيوانات وعدم ضربها .. وحسيت إن كل الناس كأنها عارفه إنى ظالم ومفترى على "الحمار " وقررت إنى أقرأ قرآن كتير بقية يوم الجمعة .. وأغير من أسلوب حياتى :) بداية من السبت الصبح مش هاضرب الحمار تانى .... حرام ...حرام ...حرام ويوم السبت الصبح بدأت مشوارى .. من غير عصايه مستخبيه وكنت حاسس إنى كأن وشى منور بالإيمان :) وناقص أسمع : ( طلع البدر علينا ) أه والله .. من فرط الشفافية الطفولية المهم مشيت .. وقربت من مربط الحمار على الطريق فبدأ يعمل الشويتين بتوعه .. ينفر ويضرب الأرض برجله و..و.. وأنا ماشى بثبات التائبين :) ..ولا هايهمنى لحد ما عديت قصاده بالظبط .. و.. .. ماضربتوش ... وكنت شايفه ( باصص ) لى بنُص عين و... ... بعدها بخطوتين بالظبط حسيت برفسة مزدوجة فى ضهرى .. أقوى من أى مره عدت ... و.. طيرتنى كالعادة فى الهوااااء ..ثم سقوطا فى الميّه _________________________________ الدرس والخلاصة : صعب حد يثق فيك بعد تاريخك المؤذى الطويل :) ___________________________ منقول من صفحة الشاعر ( سامى الغباشى ) شارك هذه المشاركه رابط المشاركه شارك
أم يُمنى 747 أرسلي تقرير عن المشاركة قامت بالمشاركة 17 يونيو, 2018 طبعا بعد رمضان عايزين مشنة السندوتش دى وجردل الساقع فى الحر ده ..بس برضو ماتنسوش صيام 6 من شوال شارك هذه المشاركه رابط المشاركه شارك
أم يُمنى 747 أرسلي تقرير عن المشاركة قامت بالمشاركة 25 يوليو, 2018 لسه مش عارفة الصورة هتبان والاهتعمل زى بوست ابو تريكة شارك هذه المشاركه رابط المشاركه شارك
أم يُمنى 747 أرسلي تقرير عن المشاركة قامت بالمشاركة 7 سبتمبر, 2018 بنوتاتى الحبوبات عندهم قناعة غريبة ( فى البيت ألبس براحتى ) تمام .......... بس فى معايير حبيبتى لباقى الناس الموجودة معاكِ ف البيت يوجد أب وإخوة كبار أو صغار مثلا : البادى الكت وقصير مبين جزء كبير من البطن والضهر طبعا والبنطلون الاستريتش اللى بيكمل الكارثة وحضرتك .. انا ف البيت براحتى يعنى البس النقاب ف البيت يا مهولاتية .. أنا قلت لك كده طب إيه رأيك وانتِ كل كام يوم عندك برد يقسم الوسط لإنه عريان دايما والمراوح شغالة تقدرى تقولى لأ انا كويسة وصحتى زى الفل ماعلينا منطقة ماتحت الصدر إلى الركبة يجب الحفاظ عليها لإن أمراضها مزعجة جدا ولها تأثير على المدى البعيد زمان كنا بنقيس السترة الفوقانية دائما بوضع اليد بالجنب ونتحكم فى الطول من أطراف الأصابع إلى نهايتها بأول الكف ليه ؟ ......... للحفاظ على هذه المنطقة من التعرض للبرد كمان ماتقلديش وخلاص ( كل صاحباتى بيلبسوا كده ) ده اللى موجود ف السوق كونى أنتِ مش صاحباتِك ولا السوق شارك هذه المشاركه رابط المشاركه شارك
