اذهبي الى المحتوى
طالبة الرضا يارب

حاسة انى بقيت مريضة نفسية

المشاركات التي تم ترشيحها

السلام عليكم عندى مشكلة كبيرة جدا تعبانى نفسيا جدا

 

هى انى دايما لو فى حاجة حصلت مش كويسة ليا اكون مش راضية وافضل اقول يارتنى كنت عملت كذا كنت هرتاح اكتر بس مش فى كل المواضيع

 

انا حاليا ماصرتش انه يعملها

 

شكلتى ان زوجى مضايقة منه لانه فيه صفة البخل يعنى بس اللى مضيقنى اكتر ان من وقت الخطوبة وكتب الكتاب كان فى حجات تبين كده

وانا متكلمتش معاه

 

مضايقة اوى انى مثلا منبهتهوش لحجات كان لازم يعملها يعنى عمره ما دخل وكان معاه حاجة فى ايده ابدا وهو جايلى البيت حتى لو عزمناه على الغدا ولا اى هدية ولو ب10 جنيه ولما كنا بننزل نتفرج على العفش ممكن نفضل بالساعات الكتيرة برد وعمره ما فكر يجبلنا اى سندوتشات ولا مشروب انا مخنوقة منه جدا وحجات كمان

 

 

بصراحة كنت بقول عادى واعدى بس مخنوقة جدا لو كنت نبهته او اتكلمت معاه وكان مكتوب كتابى كنت هرتاح كان ممكن يعمل اى حاجة احس انه عنده ذوق وكرم ويشرف بدل ماهو كسفنى وكاسف نفسه ومخنوقة منه جدااااا غير تعليقات اهلى وعندهم حق بصراحة

 

 

كملت عشان النصيب وانه بيصلى فكملت معاه بس بصراحة مش قادرة انسى خالص واول ما اسمع صفة الكرم اعيط واتحسر واول ما اعرف ان فيه خطيب كريم احس بتعب نفسى واضايق جدا ان لما نت مخطوبة معشتش الفرح ده كان ايام كلها خنقة وتفكير وتعب نفسى غير طبعا انه مجبش حجات كويسة اقل القليل

 

وعشان محدش يقول مش معاه لأ كان معاه ومعاه كتير كمان بس معرفش ليه كده

 

المهم انى متزوجة وهو بيجيب طلبات البيت عادى وكويس بس طبعا الاساسى وانا راضية بس مش قادرة انسى بخله وقت الخطوبة وكتب الكتاب احنا قعدنا فترة كبيرة مخطوبين مش قادرة انسى وبتسخط ومش راضية وبفكر اسيبه عشان الاحساس اللى جوايا ده اللى مخليمى لو عمل اى شئ كويس محسش بيه خلاص اتقفلت حتى لو جابلى الماس والالماظ قفلت منه اوى وبعامله كويس من وانا مخنوقة وافضل اعيط لوحدى كتير واقول يارتنى كنت نبهته وعرفته الصح وكنت اطلب زى البنات ما بتطلب بدل الاحساس ده

حتى فستان الفرح انا اللى جبته

 

 

غير اهلى كل شوية يسالونى عندك اكل ولا مش بيجيب وحجات كده خايفين عليا عندهم حق من اللى شافوه

 

ياريت كلام منطقى تقوله ليه عشان اقدر اكمل ياما اطلق وارتاح واريحه والله كنت قبل الجواز مرتاحة نفسيا ومش بضايق خالص لو واحدة خطيبها كريم كنت بفرحلها دلوقتى بقيت اضايق عليا انا مش بحسدها لا بس بفتكر الجرح

 

لو نزلت وشفت اتنين قعدين فى مكان بيشربوا حاجة او ياكلوا بعيط عندى عقدة نفسية بعدم الرضا بيه وباللى حصل واللى خلانى اسكت

 

 

عارفة انى فى ناس اقل منى بكتييييييييير بس بردو بفكرالتفكير اللى تعبنى ده

 

عارفة انه بالصبر والصلاة بس بردو لسو بفكر مش عارفة اعمل ايه

 

 

ياريت تنصحونى نصيحة تريحنى مش ولو اتقال اصبرى قولولى اصبر ازاى حاسة انى بقيت مريضة نفسية

شارك هذه المشاركه


رابط المشاركه
شارك

السلام عليكي يا امة الله انا اري انكي يجب ان تصلي صلاة استخاره عسي الله ان يستجيب لكي ويعطيكي الحل السليم او يدلك علي شىء تستطعين من خلاله ايجاد الحل فرسول الله صلي الله عليه وسلم كان دائما يصلي صلاة الاستخاره حتي في ابسط الامور لان الله يعلم ما لم نعلم وهو القادر علي كل شيئ

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏‏ثبتت امرأةُ فرعونَ وهي في بيتِ أكبر طاغية! وانتكست امرأةُ نوحٍ وهي في بيتِ أكبر داعية! ضغط الواقع ليس عذرًا للتفلت من التكاليف الشرعية . ╰🌸🍃╮

×