فااااااااااانوس رمضان من الكروشية من صنع يدي ^ــــ^

[**أم سلمى** 656]

السلام عليكم ورحمة الله وبركاته

 

اي رايكم في تطبيقى

 

 

كل عام وانتم الى الله اقرب

[أمّ عبد الله 2361]

وعليكم السلام ورحمة الله وبركاته

 

تطبيق جميل أم سلمى

بارك الله فيك وسلمت يمينك

[*إشراقة فجر* 1396]

وعليكم السلام ورحمة الله وبركاته

 

تطبيق جميل أم سلمى

بارك الله فيك وسلمت يمينك

[حواء أم هالة 1895]

السلام عليكم ورحمة الله

تطبيقك رائع حبيبتي ^^

سلمت يداك ()

 

[**أم سلمى** 656]

جزاكم الله خيرا حبيباتى <3

[**أم سلمى** 656]

فااااااااااااانو بس اصغر شوية :)

 

 

[موده واخاء 417]

تسلم ايدك رووعه

[جمانة راجح 1481]

وعليكم السلام ورحمة الله وبركاته

 

اللهم بارك جميل

سلمت يداكِ ام سلمى الحبيبة

[**راضية** 1996]

جميل يا غالية سلمت يداك ممكن الطريقة

زمان لي عن الكروشيه و تطبيقاتك فتحت نفسي

[**أم سلمى** 656]

جزاكم الله خيرا :)

 

@

 

ورشة الفانوس صاحبتها نفين

 

♡ ورشه فانوس رمضان♡

 

كل سنه وحضراتكوا بخير ورمضان كريم علي كل الاحبه

للامانه فكره الفانوس من النت وهذا تنفيذي الشخصي مع الشرح بكل دقه خطوه خطوه

الفانوس مكون من 3 مراحل

 

1:مرحله جسم الفانوس

 

2: مرحله قاعدة الفانوسوبنشتغلها مباشره علي جسم الفانوس

 

3: مرحله قمه الفانوس ودي هنشتغلها منفصله وبنركبها بابره وفتله

 

المطلوب : خيط قطن لونين .عيون حسب الرغبه والبديل طريقه عمل العيون .فيبر للحشو .ابره كنفاه .مقص

 

شرح الفانوس

♥

♥

♥

♥

♥

♥

 

●●●●●●●●●●●●●●●●●

المرحله الاولي: جسم الفانوس

س1: البدايه نعمل 4 سلسله ونغلقهم بمنزلقه لتكوين دائره .

 

س2: اعملي 10 غرز حشو ونكمل بشكل حلزوني في كل حشوه من السطر السابق 2 حشو ليصبح المجموع 20 حشوه

 

س3: نعمل غرزه حشو وفي الغرزه الي بعدها نعمل اتنينمع بعض ليصبح المجموع 30 غرزه

 

ملحوظه: لو حابه تكبري الفانوس زي صوره الفانوس الاخضر اعملي سطر رابع اما لو عايزاه صغير زي الاحمر علشان يتعمل منه كذا واحد ويتعمل حبل زينه الاختيار ليكي

 

في حال الزياده هتكون كتالي

غرزه حشو +غرزه حشو+2غرزه حشو للنهايه ودا لتوسيع الدائره

 

يعني المجموع يصبح 40 غرزه حشو وكل ما الخيط تخن كل ما الفانوس كبر

ونكمل 8 سطور من غير اي زياده علشان ياخد شكل جسم الفانوس

 

هنا بقي هنبدا مرحله التنقيص بالتدريج بمعني هنعمل غرزه حشو وناخد الغرزه التانيه والتالته مع بعض ننقص للنهايه

 

والسطر الي بعده نفس الطريقه

 

وبعدين نعمل كل غرزتين مع بعضفي النهايه لحد مانقرب علي غلق الجسم هنا بقي نحشي الجسم بالفيبر ونطلع 18 سلسله لزوم المسكه منها وبنفس الفتله نقفل أخر غرزه في قمه الجسم

كده الجسم خلص والصور هتوضح كلامي

 

المرحله التانيه: قاعده الفانوس ودي هتكون مشبوكه بالجسم من تحت بس شبه الجيبه كده

 

عدي 4 سطور من تحت واشبكي الخيط واشتغلي 2 غرزه حشو داير مايور

الدور الي بعده عرزه في كل غرزه حشولمسافه اربع سطور ونعمل علي الطرف غرزه تزين فليكن غرزه الفستون ونقطع الفتله خلاص

 

المرحله التالته قمه الفانوس ودي بنعملها منفصله تماما وهنركبها

 

البدايه هنعمل 5 غرز سلسله ونغلقهابمنزلقه

 

س1: نعمل 10 غرز حشو داخل الدايره

 

س2:ال10 هيبقوا 20 بمعني نعمل في كل غرزه من السطر الاول 2 حشو

السطر التالت والرابع من غير زياده

 

من اول السطر ال 5 وال 6 وال7 هنعمل في كل غرزه ((غرزه حشو والغرزه الي بعدها 2 حشو ))

 

والسطر ال 8 اختياري

 

ونزينه بغرزه الفيستون ونقطع الخيط

وندخل الجزء ده الي هو قمه الفانوس بأننا نمرره من السلاسل ال18 الي عملنها في جسم الفانوس وقبل ما نثبته نحشيه بالفيبر ونخيط وبكده نكون انتهينا من الفانوس

مرفق بالبوست صور توضيحيه للعمل وبوست للزينه بالباترون

♥

وسامحوني لو فيه اي خطأ املائي

♥

 

تحياتي للجميع نيقين كامل Neveen Kamel

[**أم سلمى** 656]

[راغبة بالفردوس 477]

السلام عليكم ورحمة الله

تطبيقك رائع حبيبتي ^^

سلمت يداك ()

[أمّ ياسمين 307]

فوانيس جميلة ما شاء الله,,,

سلمك الله ام سلمى الحبيبة ’’