حل لتناقر الأخوه : )

[ساجدة للرحمن 2049]

السلام عليكم ورحمة الله وبركاته ،،

 

 

في كل بيت لازم يكون فيه فردين من الأبناء ليل نهار يناقروا في بعض ..مش مستحملين بعض ..يعاكسوا بعض .من الآخر ( فوق روس بعض ) وبيتي ماكنش شاذ عن هذه القاعدة ..فعندي بنت وولد من هذه النوعية .. ليل نهار.. ضربني ..بيبصلي ..مسكت قلمي .. حرك شنطتي وهكذا ..

 

كنت كتير عشان اريح نفسي ابعدهم عن بعض ..افصلهم كل واحد في غرفة ..وأقلهم إياك حد فيكم يكلم التاني أو يقرب منه ..ولكن للأسف بدون فائدة لأني حسيتهم بيبعدوا عن بعض اكتر وبيتربصوا ببعض أكتر .. ساعتها قلت الفصل مش هاينفع ..ولكن الإلتصاق أكتر هو إللي ممكن يجيب نتيجة ..وفعلا مع أول مشاكسه ليهم لبعض كان القرار الحازم ..انتوا الإتنين طول النهار هاتفضلوا مع بعض ..وممنوع نهائي وحد فيكم يبعد عن التاني أكتر من خطوة واحدة ..انتوا اخوه ولازم تتعلموا تتقبلوا بعض بإختلافتكم وتتحملوا بعض وتحاولوا توصلوا لنقطة تلاقي بينكم بحيث إنت ترتاح وهي ترتاح وحذرت وبشدة من مخالفة الأمر ...طبعا الدنيا اتقلبت وكلام من نوعية..مستحيل ..ولا.. ومش هاينفع ..ومش هاستحمل ..بس أنا صممت ..حاولوا يطلعوا أي ثغرات في الخطة لدرجة إن البنت قالت طيب لو أنا عايزه ادخل التواليت هانعمل إيه ^__^ قلتلها ماتقلقيش ادخلي واخوك هايستناك على الباب ..في النهاية وبعد ما شافوا تصميمي رضخوا للأمر ..وبدأت التجربة

 

في البداية بدأوا يستفزوا بعض ويغلسوا على بعض ..يعني هو يقولها عايز اقعد في الغرفة دي وهي تقوله مش عايزه دي وتمشي للغرفة الثانية وهو طبعا يجري وراها عشان ماينفعش ينفصلو عن بعض ...تكون مثلا هي قاعدة بتعمل حاجه مهمة هو يقولها هاروح اشرب فهي تضطر تسيب إللي في ايدها وتجري معاه ..كل ده أمام عيني وأعين اخوتهم ..وكلنا بنضحك ومستمتعين جدا بالأمر..وفضلوا كده لحد ما حسوا هما الإتنين إن الوضع كده مش هاينفع وهما الإتنين خسرانين وابتدوا يتفقوا مع بعض وكل واحد فيهم يتنازل شويه عشان خاطر التاني ..وفعلا بدأوا يتفقوا ..الغريب إن على نهاية اليوم لقيتهم بيضحكوا مع بعض وبيتكلموا ودي كانت أول مرة اشوفها ..لقيتهم جايين في الآخر وبيعتذروا وبيقولوا خلاص يا أمي إحنا اتفقنا مع بعض وعرفنا ازاي نتحمل بعض ومش هانعمل كده تاني : )

 

 

إللي اتعلمته أنا من التجربة دي ..إن الإنفصال عمره ما ان حل ..بالعكس بيبعد الأولاد عن بعض اكتر ويخليهم متحفزين اكتر لبعض وبيكونوا سلبيين ...بيعلمهم الهروب من المشاكل وإن أي حد يزعلك ابعد عنه وده غلط ..لكن بالطريقة دي قدروا انهم يتقبلوا بعض رغم اختلافهم ..بدأوا يفكروا بإيجابيه إزاي يحل المشكلة إللي هو فيها ..اتعلموا التعاون ..انا لوحدي مش هاقدر اعمل حاجه لازم انا اتنازل وانت تتنازل عشان نقدر نوصل لأرضية مشتركة ترضينا احنا الإتنين ..

الحل في زيادة التقارب وليس البعد .

[أمة الله ~ عائشة ~ 496]

نعم صدقتي يا مشرفتي فأنا أيضا أعتقد أن زيادة التقارب هو الحل وأحيانا أحاول أن أطبقه مع أخي وأختي الصغار وأحاول أن أمزح معهم قليلا وأجعلهم يلعبون مع بعض والأمر ينجح والحمد لله..

 

جزاك الله خيرا وبارك فيك ()

[أم إبراهيم وإسماعيل 22]

شكرا بارك الله فيك أختي٠ الموضوع مهم جدا يجب علينا زرع المحبة بين أطفالنا والتربية لهم بحكمة٠

[سُندس واستبرق 4685]

وعليكم السلام ورحمة الله وبركاته

 

حل جميل واستخدمته قبلا والنتائج روعة

بارك الله فيكِ وجزاك خيرا

[افتخر انى مسلمة 380]

حل جميل جدا

بارك الله فيكِ مشرفتي الحبيبة

وجعله في موازين حسناتك

[' أم آية' 667]

ما شاء الله خطة جيدة

راح اعملها مع ابنتاي هههه

بارك الله فيك اختي ساجدة للرحمن

[ساره أم حمزه 1040]

وعليكم السلام ورحمة الله وبركاته

جميل

جزاك الله خيرا

[ساجدة للرحمن 2049]

نعم صدقتي يا مشرفتي فأنا أيضا أعتقد أن زيادة التقارب هو الحل وأحيانا أحاول أن أطبقه مع أخي وأختي الصغار وأحاول أن أمزح معهم قليلا وأجعلهم يلعبون مع بعض والأمر ينجح والحمد لله..

 

جزاك الله خيرا وبارك فيك ()

جزانا وإياك يا غالية

سعدت بمرورك : )

[ساجدة للرحمن 2049]

شكرا بارك الله فيك أختي٠ الموضوع مهم جدا يجب علينا زرع المحبة بين أطفالنا والتربية لهم بحكمة٠

وبارك فيك يا غالية

[ساجدة للرحمن 2049]

وعليكم السلام ورحمة الله وبركاته

 

حل جميل واستخدمته قبلا والنتائج روعة

بارك الله فيكِ وجزاك خيرا

^___^

دوما أخبرك أننا متشابهتين ..أليس كذلك : )

وبارك فيك حبيبتي

[ساجدة للرحمن 2049]

حل جميل جدا

بارك الله فيكِ مشرفتي الحبيبة

وجعله في موازين حسناتك

الجميل هو مرورك يا غالية

وبارك فيك المولى : )

[ساجدة للرحمن 2049]

ما شاء الله خطة جيدة

راح اعملها مع ابنتاي هههه

بارك الله فيك اختي ساجدة للرحمن

 

^___^

اخبرينا بالنتائج : )

سعدت بمرورك الجميل

[ساجدة للرحمن 2049]

وعليكم السلام ورحمة الله وبركاته

جميل

جزاك الله خيرا

 

جزانا وإياك سارة الغالية

بورك فيك

[حبيبة الصديقه 9]

السلام عليكم ورحمة الله وبركاته

 

جزاك الله خيرا

 

ممتاز كعادتك دايما مشرفتنا الحبيبه

 

بس مش هينفع مع اولادي لسه صغيرين 3 سنين ونص وسنه ونص

ياريت لو عندك نصيحه علشان اخليهم يلعبو مع بعض لان ابني الكبير بيحب العابه جدااااااااااا ومايحبش حد يقرب منها

انا باشوفهم بيلعبو في نفس المكان ولكن كل واحد مع نفسه هل دا طبيعي علشان هنا صغيرين انا خايفه يفضلو كده دايما

احنا في الغربه وتقريبا الصغير مش بيشوف حد غيري انا ووالده واخوه والكبير بيروح الحضانه

اسفه للاطاله ولخروجي عن الموضوع وجزاك الله خيرا

احبك في الله

[ساجدة للرحمن 2049]

السلام عليكم ورحمة الله وبركاته

 

جزاك الله خيرا

 

ممتاز كعادتك دايما مشرفتنا الحبيبه

 

بس مش هينفع مع اولادي لسه صغيرين 3 سنين ونص وسنه ونص

ياريت لو عندك نصيحه علشان اخليهم يلعبو مع بعض لان ابني الكبير بيحب العابه جدااااااااااا ومايحبش حد يقرب منها

انا باشوفهم بيلعبو في نفس المكان ولكن كل واحد مع نفسه هل دا طبيعي علشان هنا صغيرين انا خايفه يفضلو كده دايما

احنا في الغربه وتقريبا الصغير مش بيشوف حد غيري انا ووالده واخوه والكبير بيروح الحضانه

اسفه للاطاله ولخروجي عن الموضوع وجزاك الله خيرا

احبك في الله

نعم هذا الدستور للأعمار الأكبر من فوق سبع سنوات : )

الله يبارك لك يهم

لابد وأن تحاولي تقريبهم من بعضهم واللعب معا ..

ممكن تقومي بالعب مع الصغير أمام الكبير .. واضحكي واستمتعي واظهري للكبير استمتاعك ..ستجدنه أتي إليك ليلعب معكم ..وهكذا

مع الوقت ستجدينهم يتشاركا بدونك ..

لا تقلقي إن شاء الله

[أمّ عبد الله 2361]

وعليكم السلام ورحمة الله وبركاته

 

بارك الله فيك ونفع بك يا حبيبة

أنا أخذتها قاعدة :

الطفلين المتناقرين مع بعضهما البعض = طفلين يحبان بعضهما البعض بشكل كبير : )

[** الفقيرة الى الله ** 985]

وعليكم السلام ورحمة الله وبركاته

 

جميل.. فكرة رائعة!

بارك الله فيك وجزاك الله خيرا

[لواء زهري 54]

جميييييلة

الله يصلح دات بيننا

فعلا أنا اعتقد ان اللذين يتشاجران كثيرا يحبان بعضهما كثيرا

[ساجدة للرحمن 2049]

وعليكم السلام ورحمة الله وبركاته

 

بارك الله فيك ونفع بك يا حبيبة

أنا أخذتها قاعدة :

الطفلين المتناقرين مع بعضهما البعض = طفلين يحبان بعضهما البعض بشكل كبير : )

^____^

أتمنى ذلك ..

لعل الله يقر عيني برؤية هذا في المستقبل

مازلنا في المناقرة ..ونسدد ونقارب : )))

[ساجدة للرحمن 2049]

وعليكم السلام ورحمة الله وبركاته

 

جميل.. فكرة رائعة!

بارك الله فيك وجزاك الله خيرا

 

وفيك بارك الله ^__^

[ساجدة للرحمن 2049]

جميييييلة

الله يصلح دات بيننا

فعلا أنا اعتقد ان اللذين يتشاجران كثيرا يحبان بعضهما كثيرا

 

اللهم آمين : )