جايز مره ضميرك يصحى :))

[ويهفو املى لله 25]

جـــايـــز مـــره ضـمـيـركـــ يـــصـحى :)

 

كل واحد جوه منه حاجات كتير ...فيها هم وفيها فرح وفيها خير ...ياللى شايل هم فوق طاقتك ياللى كنت قادر تكون أقوى فكر ف اللى جاى تقوى ي اللى صابر على حلمك ومتأنى... .ياللى حاطط ايدك على خدك ومستنى... ربك بيقولك متيأسشى.... الدنيا اصلها دواره.... والناس عايشه بخساره.... الأخ فيها بيقتل أخوه والابن فيها بيسجن أبوه .... والبنات عايشه ف اجحرها ...خايفه من غدر صبيانها.... فينك ياصحابه ...وفينك يارسول. .... الأم بيتقتل عيالها قدام عنيها ف اللى غصب عنها وفيه برضاها..... والابهات والأمهات عايشين حياتهم ف الخناقات... وناسيين الحقوق و الواجبات. ... والمظلوم يتعدم والظالم ياخدله براءه. .. والقاضي يحكمله بكل بساطه..... والطالب ف اول سنه ليه ف الكليه يكون مبسوط ومعاه أمنيه .... وف تانى سنه تنداس طموحاته قصاد رشاوى وطمع مدرسينه ومدرساته .....ماهو الغش بقى عينى عينك والرشاوى ماليه جيبك.... فجأه الطالب قام ونادي بكل إراده لو سمحتوا ( الغش ممنوع )... ولما خلص امتحاناته ..... وجت وقت الشهاده لقى نفسه عنده إعاده ف الماده اياها. .... وادى اخرتها .....ياريت نتعلم بقى ونطاطى وعيب يابنى الصوت العالى..... ونيجى للبنت اللى بتحلم ويا خطيبها تجمعهم شقه ولو اوضتين ...بس ده حلم ياقلبى عليها لو يتحقق ونفرح بيها ! ... ولا اليتيم أبو ضحكه لولى. ... اللى رسولنا وصى عليه... عمه حبيبه نصب عليه. ... ياللى عايش ف الحياه كده وخلاص .... مد ايدك للخير وساعد الناس .... نيجى للى ربت واللى سهرت ياما سنين. ..كانت اخرتها دار مسنين.... واللى عاش يحوش نص عمره. ... عشان يزور حرمه...جه ف لحظة طيش شباب سرقوا حلمه وسرقوا فرحه .....واللى عاشت طول حياتها تسمع اغانى ... وهى ماشيه جه قدرها طبت وماتت...الدنيا دى فعلاً رخيصه. ..لو صبرت ف يوم عليها. ... تيجى هى وتخطفك وتكون حالفه لتخسرك. ... وياللى كنت ضربها طناش. ...ومقضيها تشات وخلاص... من بنت لبنت من ضحكه لضحكه من كلمه لكلمه..فكر قبل ما تخطى الخطوه .... جايز مره ضميرك يصحى. ................. 

ها يابنانيت ايه رأيكم ^^

#اختكم_ف_الله_رحاب^^

#بقلمى :D

[~ شهد ~ 90]

كلمة " ابدعت " قليلة في حقك

ولكن جزاك الله كل خير :)

[ويهفو املى لله 25]

كلمة " ابدعت " قليلة في حقك

ولكن جزاك الله كل خير :)

 

جزانا واياكى حبيبتي(:

شكراً شكراً:D جزيلاً

اسعدنى مرورك جداً جداً ^^

 

[سُندس واستبرق 4685]

كلمات بسيطة أوصلت معاني كثيرة

بارك الله فيك وجزاك خيرا

[ويهفو املى لله 25]

كلمات بسيطة أوصلت معاني كثيرة

بارك الله فيك وجزاك خيرا

جزانا واياكى (:

اسعدنى مرورك غاليتى ^^

[أمّ عبد الله 2361]

واقع مُعاش والله المستعان

بارك الله فيك أخيتي رحاب

[درة أنا بحجابى 344]

السلام عليكم ورحمة الله وبركاته

ما شاء الله مبدعة رحاب الحبيبة ،

كلمات أكثر من رائعة ؛

بوركتِ وجزاكِ الله خيراً .

تم تعديل 1 فبراير, 2016 بواسطة درة أنا بحجابى