اذهبي الى المحتوى
ويهفو املى لله

ملتزم! ياسلام ده كلام:d

المشاركات التي تم ترشيحها

بسم الله الرحمن الرحيم

 

السلام عليكم 

امبارح كدا حاولت اتذكر سنين الالتزام اللى فاتت واستعرضت كل التفاصيل تقريبا 

وبعدها اكتشفت اكتشاف خطيييييييييييييير جدااااااااا

اي هو بقى

اكتشفت انى اصلا مكنتش ملتزمة تخيلواا يعنى الشيطان كان مخلينى فاكرة انى قال اخت وملتزمة وانا مش كدا تماما

وللاسف حالى فى السنين اللى فاتت زى حال ملتزمين كتير جدااااااااا

وللاسف طبعا حاسبين نفسهم ملتزمين ونايمين على الخط زى ما حضرتى كنت نايمة

ف الموضوع دا بقى هستعرض فيه حاجات كانت فى حياتى من ساعة ما التزمت اى حد بقى هيكون عنده اى حاجة من الحاجات دى يعتبر نفسة عندة عرض من اعراض الانتكاس وإما يعالجها وفوراااااااا واما هيتصاب بسرطان الانتكاس اللى علاجة زى السرطان العادى بالظبط شفاءة يكاد يكون صعب للغاية وبنسب قليلة جداااااااااا

لو كشفت عند دكتور وقالك انك عندك عرض من اعراض السرطان هتتخض وهتخاف جدا وهتبقى حالتك فظيعة وهتقلب الدنيا علشان تتعالج من المرض القاتل

عيزاكم بقى لو لقيتوا عندكم اى عرض من الاعراض القادمة دى تخافوا اكتر من السرطان 

لان دا جنة ونار والسرطان مش كدا لو انتكست والله العظيم هيبقى اسوا من اى مرض فى الدنيا 

محدش يطنش ارجوكم انا لو كنت وقفت مع نفسى وصلحت الحاجات دى او التزمت بجد مكنتش وصلت للانتكاسة الفظيعة دى

نيجى بقى للمهم

 

 

هبدا من اول خاااااااااااالص

من اول يوم التزااااااااااام

عرفت ان فية حاجات كتير فى حياتى غلط اللى عملتة بقى انى تركت وفقط تركت الغناء والافلام والمسلسلات والتبرج والاختلاط وسمعت دروس وبسسسسسسس

 

هاخد الاخطاء بقى اللى مع مرور الزمن تحولت الى اعراض انتكاس ومحستش بيها ابدا ومفكرتش اعالجها او حتى لو فكرت ف يومين وخلاص 

 

اولا)) الاخلاق ثم الاخلاق التزمت اه بس لسه اخلاقى مكنتش اللى هيا وبرى لامى وابى مكنش بالحد المطلوب وتعاملى مع اخوتى ايضا لم اكن تلك الاخت الملتزمة التى تخفض جناح الذل لوالديها وتكظم غيظها مع اخواتها لسة بتنرفز عليهم وبعلى صوتى ع حاجات فاضية

واكتر حاجة لاحظتها فعلا الفترة اللى فاتت ان اخلاقك دليل صلاحك كلما كانت اخلاقك جيدة ومهذبة كلما كان التزامك بخير وكلما ساءت الاخلاق ساء الالتزام واضمحل 

 

ثانيا)) لم يحصل اى تغير فى من حولى يعنى اخويا اللى مش بيصلى مش قادرة اخلية يصلى لغاية دلوقت 4 سنين ومش عارفة ااثر فيه ولا اثرت اصلا فى اى حد الا تاثير مؤقت جدااا ليه بقى لان القلب لسه فاسد للاسف لو صالح هتيجى تتكلمى عن مدى حب الله اللى انت حاسة او مشاعر الصلاة الجميلة ومدى كرم ربنا معاك يعنى لو بتحب ربنا بجد وحبه مالى قلبك هيفيض على كل اللى حواليك وهتحببهم فى ربنا لكن لو انت مش كدا مش واهلك لسه مفيش ادنى تغيير فيهم يبقى العيب منك انت لست صالحا بما يكفى لكى تصلح من حولك فلازم هنا وقفة لاصلاح نفسك وتغييرها علشان تقدر تصلح من حولك وعلشان بعد كدا تعرفى تربى اولادك على الالتزام من غير اى رواسب جاهلية (الكلام دة لنفسى اولا طبعا)

 

ثالثا))فى الجامعة او فى المدرسة دى اكتر حاجة تحزن القلب فعلا وبرضو فى كتير جدا كدا

ملتزم لكن مستوى التحصيل او التفوق متدنى لابعد الحدوووووووووود طيب ازاى مفروض نتفوق علشان نشجع اصحابنا على الالتزام علشان تثبت ان الالتزام والدنيا لا يتعرارضوا مع بعض مش تخلى اصحابك يقولوا على الملتزمين دول مش فالحين غير فى حلال وحرام وخايبين فى الدراسة وفاشلين مينفعش تكون ملتزم وفى نفس الوقت افشل واحد فى الشلة بتاعتك وبتنجح بالعافية ونص المحاضرات مش بتحضرها اصلا 

مينفعش تبقى معروف فى وسط اصحابك بالكسل والامبالاه بكدا احنا خلينا صورة الالتزام فى ابشع صورة ولا نستحق فعلا غير الاستبداااااااااااااال

 

رابعا)))) ملتزم مش ملتزم باى حاجة ازاى بقى تقدر تقف مع نفسك وتقول من ساعة ما التزمت التزمت بايه؟!!مبقتش تفوت صلاة الفجر ابدا؟ مستحيل ورد القران يفوتك؟قيام الليل؟ اظن ان الرد هنا عن الكثير هيكون مؤلم

 

خامسا)) الوقت .عايش بمبدا زى ما تيجى تيجى . معروف بعدم الانضباط فى المواعيد وقتك الفاضى بتعمل فيه ايه ؟ انتظار محاضرة او فى المواصلات اى وقت عايز تنام فية بتنام اى وقت عايز تقعد فية ع النت بتقعد بالساعات ولما بتقعد مع اصحابك بتهزر وخلاص ولا بتستغل كل لحظة فى الدعوة؟ 

 

سادسا)) الدنيا حالك مع الدنيا ازاى؟ لازم البس اشيك لبس لازم احلى شنطة دة مطلوب بس مش لدرجة ال ميت طقم وكل يوم بلبس مختلف او ان الموضوع ياخد حيز من قلبك اصلا

 

سابعا)) عدم الحزم فى اشياء كثيرة يعنى عادى لو اهلى مشغلين التلفزيون وفية موسيقى اقعد عادى ولا كان شىء يحدث

مصافحة الرجال مرة اكون كويس ومسلمش ومرة اعديها واسلم

 

ثامنا)) الدعوة الى الله دى بقى المشكلة الكبرى لان معظم الملتزمين اصلا مش معترفين والكسل فيها بيكون اعلى كسل لان الواحد لسة خايف برضو من الاحراج والكسوف بقى ودة على فكرة من اسباب الانتكاس الكبيرة جدا

 

تاسعا)) ذنب لم تتب منة منذ ان التزمت او ذنب حديث بس مش عارف تبطلة وغالبا بيكونمن ذنوب الخلوات ودة السر الاكبر للانتكااااااس طبعا كل اللى فات هوة اللى بيقوى ذنوب السر بدرجة كبيرة لان مستحيل تكون كويس فى كل اللى فات وعندك ذنب سر

 

 

بس دة اللى افتكرتة من 4 سنين كنت واخدة مقلب كبير جدا فى نفسى انى ملتزمة علشان بس سمعتلى كام درس ولقيت نفسى ببكى بقى وحسيت انى من اولياء الله الصالحين :(

 

 

طبعا فية كتير جدا كدا يا إما تصلح كل دة يا إما هتلاقى نفسك انتكست ومن غير ما تحس 

طبعا كل دة عايز جهد جبار علشان يتصلح 

اسالكم الدعاء...

#منقول ^_^

  • معجبة 3

شارك هذه المشاركه


رابط المشاركه
شارك

وعليكم السلام ورحمة الله وبركاته

 

الله المستعان..

بارك الله فيكِ وجزاكِ الله خيرا أختي.

شارك هذه المشاركه


رابط المشاركه
شارك

وايااااكن أخواتي وحبيباتى ف الله : )

أسأل الله لنا الهدايه والاستقامه والصلاح والفلاح ف الدنيا ^__^

جزااااكن الله خييييرا على مروركن الطيب : ))

شارك هذه المشاركه


رابط المشاركه
شارك

وعليكم السلام ورحمة الله وبركاته

الله المستعان

اللهم أصلح حالنا وردنا إليك ردا جميلا

جزاك الله خيرا يا حبيبة و نفع بك

شارك هذه المشاركه


رابط المشاركه
شارك

جزاكي الله خيرا علي هذا النقل

فعلا الواحد لازم يراجع نفسه ديما ويجاهد كسله وتضييع وقته وذنوبه اللي مش بياخد باله منه وبيتساهل فيها وكثرة الهزار في الفاضيه والمليانه

والنوم كتيير والراحه الكتيير

علشان يوصل لدرجة الالتزام

الكلام دا لنفسي اولا

ولابد من اننا نسئل ربنا الهدايه والصلاح

اللهم ردنا اليك رد جميل يا رب♡

شارك هذه المشاركه


رابط المشاركه
شارك

بوورك فيك لنقلك الطيب

وسبحان الله كيف يُفقهنا الله في أنفسنا وهذا خير

نسأل الله أن يهدينا ويثبتنا على طاعاته

شارك هذه المشاركه


رابط المشاركه
شارك

اللهم يا مقلب القلوب ثبت قلبى على دينك

 

بارك الله فيكِ ياغالية

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×