اذهبي الى المحتوى
ويهفو املى لله

ياااااستير ما هذا O_o !!!!!

المشاركات التي تم ترشيحها

ربنا بيحبك ♡بس انتى مش عارفه

مامتك بتخاف عليكى♡بس انتى مش فاهمه

صديقتك مش غيرانه. ..صديقتك قلقانه! عليكى

خطيبك مش مبيعبركيش! خطيبك بيتقى ربنا فيكى

معلمتك مش مبطقكيش! معلمتك عندها ظروف ف البيت وبتطلع نرفزتها عليكى معلش هونى عليها وابتسمى ف وشها ومتبوزيش!

صاحبتى مسألتش عليا بقالها فتره وانا مش ف دماغها اصلا! صاحبتك فى محنه ومستنيه مكالمتك بفارغ الصبر عشان تهونى عليها بس غرورك وسوء ظنك كسروها لما ملاقتش حد معاها ف محنتها وخصوصاً أنتى اللى مبتفارقكيش لحظه

!

جوزى مبقاش يحبنى! زوجك باله مشغول بيكى لانه بقاله فتره بيدور على شغل اضافى عشان يجبلك ف العيد السلسله اللى كنتى هتموتى عليها بس مجبتيهاش لانها غاليه جدا

 

اختى عاوزه كل حاجه تبقى ليها ! اختك لما كنتوا بتشتروا اغراض وعينك جت على المصحف السيلفر الملون والسجاده الحرير اتخضت وقالتلك يلا يلا تعالى نطلع الدور التانى! مش عشان متجبيهمش لا عشان هى كانت هتجبهوملك هديه بمناسبة زواجك !

 

 

ايه ده !!! وبتقول مبتتفرجش على مسلسلات واليوتيوب آخر سيرش عن مسلسل !! هى مبتكدبش هى فعلا مبتتفرجش على مسلسلات ! هى كانت سايبه الموب مفتوح وقامت تنضف غرفة مامتها لأن هى عارفه أنها بتنسى تنضف السرير 3 مرات قبل ما تنام ولما رجعت أختها كانت بحثت عن أى حاجه جت ف دماغها عشان تتأكد أن الإنترنت شغال والشبكة ضعيفه ولا النت فصل!!!

 

 

ايه ده ايه ده شوفى كده !!!! يانهار ابيض منتقبه ومش لابسه القفازين اكيد لابساه منظره مش اكتر! !! ياااشيخه وهى هتلبس النقاب عشان تتمنظر! !! الاخت قبل ماتنزل من بيتها قلبت البيت عليه وملقتوش ف نزلت وهى مكسوووفه جداً وراحت تشترى واحد قبل ما تروح مشوارها ولو لاحظتى كويس هتلاقيها كل شويه تفرك ف ايديها ومتضايقه وهتطق عشان ماشيه من غيره ! هتقولى ماتخلى اخوها ينزل يشتريه وتعوجى مناخيرك هقولك وانتى عايشه معاهم ف البيت ما يمكن معندهاش أخوان أو يمكن ف الشغل وبيجى متأخر أو يمكن متجوز وعايش بعيد عنهم !!! أو يمكن أو يمكن. ...

 

 

منتقبه وبتجرى ع شط البحر وبالليل :/!!

اه منتقبه وبتجرى ع شط البحر وبالليل ايه رأيك! هى مش انسانه ولا ايه ومن حقها تعمل اى حاجه بتحبها وبعدين هى باين منها حاجه اصلا! ولا باين حتى أنها رفيعه ولا تخينه !! وبعدين لما حبت تتمشى !!! مش بتجرى ولا حاجه حبت تمشى بالليل عشان احتياط أن محدش يعكر مزاجها

وهى جايه البحر مخصوص عشان تروووقه >< وبعدين برضو لو ركزتى هتلاقيها بتتمشى قدام أهلها !!

 

شوفتى اهى لابسه خمار وواقغه تتكلم مع شاب :/ عشان لما تقوليلى عاوزه خمار تانى هحط القلم ده ف عينك ما انتى حلوه أهو وقمر وبعدين الطرحه مغطيه رقبتك هى بالعافيه اه بس حلوه! ومغطيه ودانك صحيح لو قربت هشوفها بس برضو حلوه !!!!! البنت كانت ف الشارع راحه على بيتهم ومفيش حد ف البيت لأن جدتها تعبت ومامتها راحت تزورها وباباها ف الشغل واخوها كان نازل لأن عنده إمتحان ف الكليه وكان رايح يودى مفتاح الشقه للست نبويه جارتهم:D عشان لما أخته تيجى متقعدش ف الشارع !ف الحمد لله شافها وجرى عليها واداها المفتاح وسألته عن مامتها قالها راحت عند جدتى وبابا لسه مرجعش وانا عندى امتحان ف الكليه ادعيلى قالتله طيب ربنا معاك وحل كويس ومتتوترش يلا استودعك الله وراحت وراح !!!

 

 

شوفتى لابسه بنطلون هيتفرتك ازاى ومطلعه شعر كمان :/ طب ما تقلع الطرحه!

هى اه صحيح غلطانه بتتشبه بالكافرات وبينطبق عليها حديث الرسول صلى الله عليه وسلم ..صنفان من أهل النار لم اراهم بعد نساء كاسيات عاريات مميلات مائلات رؤوسهن كأسنمة البخت لا يدخلن الجنه ولا يجدن ريحها فإن ريحها ل يوجد فى مسيرة كذا وكذا. ...بس قلبها ابيض ونيتها صافيه وبتحسن الظن على طول وباره بوالديها وحنونه وعطوفه و و و ولكنها محتاجه مساعدتك مديلها ايدك وانصحيها وانتى مبتسمه وحسسيها انك فعلا خايفه عليها !!!!

 

 

[شوفتوا لما تحسنوا الظن ايه اللى هيحصل هتحسوا براحه واطمئنان ..أما لما تسيؤا الظن شوفتوا ايه اللى بيحصل !! بتحصل معارك غل وحقد وكراهيه ف النفس !!

 

احسنوا الظن وعيشوا بنيه صافيه فليس ع الدّنيا بقاء : ) ]

 

 

 

هو فعلا الدين يسر وليس عسر! !

بس مقولكيش يلا نصلى تردى تقولى روحى انتى اصلى تعبانه والدين يسر وليس عسر!

ومقولكيش الرسول صلى الله عليه وسلم نهانا عن المعازف والأغاني حرام ! تردى تقولى متعقديهاش الدين يسر وليس عسر !

ومقولكيش اللى انتى لابساها دى على فكره ورقه ملفوفه على شعرك لانى شايفه حجم أذنك و شايفه بداية شعرك وبشوف رقبتك لما توطى! تردى تقولى انا مغطيه شعرى وبعدين الجو حر مش لازم اقفلها زيك كده انا بتخنق مبستحملش الحر الحر الحر الحر !! (صدى صوت:D)

يعنى مبتستحملش الحر ومستعده تستحمل الناااار

وااااااه عجباااااااا !!!!! :D

 

ومقولكيش على فكره الرسول صلى الله عليه وسلم قال. .لعن الله النامصات والمتنمصات والمتفلجات للحسن المغيرات خلق الله ... تقوليلى منا مكنتش اعرف بس لما عرفت وشوفت الاسم الفلانى ع التى فى فى برنامج دينى وعامله حواجبها عادى! انتى اللى معقداها !!!!!

 

والله لو كلام الرسول تعقيد بالنسبالك فهو بالنسبالى احسن واروع واجمل تعقيد :D يشرفنى كونى معقده : )

 

ومقولكيش مينفعش تحطى برفيوم وانتى خارجه لأن لو شخص شم رائحتك هتبقى زانيه : ( تردى تقولى يابنتى انا بحط خفيف جداً أقولك بس لما بتهبى عليا ليه بشم رائحه نفاذه ^^ تقولى يعنى اعفن عشان أعجبك اقولك لا انا مقولتش كده انتى خودى شاور وحطى مزيل عرق وادهينى لوشن بالياسمين ياستى أى خودعه :D تقولى وحياة ربنا بحط خفييف جداً أقولك قولى لا اله الا الله وبعد كده احلفى ب والله ومتحلفيش ع الفاضى والمليان تقولى ياساتر عليكى ..أقولك:D متقوليش ياساتر لأنه ليس لفظ من أسماء الله قولى ياستير ^__^ تقولى انتى خليتى الدّنيا سوده ف وشى أقولك متقوليش كده تانى : ) (لا تسبوا الدهر فأنا الدهر )

تقولى يااالهوى أقولك متقوليش يالهوى قولى لا اله الا الله :Dتروحى مبرقه وتاخدى نفس واطيييير انا بقى :D ^_____^

 

 

 

 

الدّنيا مش مستاهله نغضب ربنا عشانها ^__^ الدّنيا مهما طالت فهى قصيره ومهما عظمت فهى حقيره :(

صلوا ع الحبيب المصطفى : )))

واسفه ع الاطاله ^^

 

#رحاب ^_^

 

  • معجبة 4

شارك هذه المشاركه


رابط المشاركه
شارك

@@ويهفو املى لله

 

السلام عليكم ورحمة الله وبركاته

 

 

صدقتِ رحاب هذا هو الحال تلك الأيام ،

 

الله المستعان ؛

 

جزاكِ الله خيرا ياغالية ونفع بكِ ( :

 

صلوا ع الحبيب المصطفى : )))

 

 

اللهم صلّ وسلم وبارك على حبيبك ورسولك خير الخلق وسيد المرسلين .

شارك هذه المشاركه


رابط المشاركه
شارك

جميل أختي رحاب

برغم بساطة كلماتك ولكنها وصلت إلى القلوب ، وتناولت عدة أمور قمت بالتنبيه إليها بشكل جميل

 

جزاك الله خيرا ونفع بكِ .

شارك هذه المشاركه


رابط المشاركه
شارك

بارك الله فيكِ اختي رحاب

كلمات سلسة تدخل القلب بسرعة :)

تحياتي

شارك هذه المشاركه


رابط المشاركه
شارك

@@درة أنا بحجابى@@أمّ عبد الله@@@افتخر انى مسلمة

جزاااااكن الله خيييرا اخواتى : )

وبااارك فيكن ^^

شكراً جزيلاً على مروركن الطيب ^_^

شارك هذه المشاركه


رابط المشاركه
شارك

:")

أضحكني صدى الصوت ^^

كلمات جميلة ومعبرة

حوزيت خيرًا ونطمع المزيد ^_*

شارك هذه المشاركه


رابط المشاركه
شارك

السلام عليكم ورحمة الله وبركاته

 

فعلا كل هذا يحدث والله المستعان

كلمات سلسة وسهلة تدخل الى القلوب مباشرة

جزاك الله خيرا رحاب الحبيبة.

شارك هذه المشاركه


رابط المشاركه
شارك

ههههه

 

يااااااه دا فعلا هي دي الحوارات اللي شغالة ليل نهار مع الناس

سبحان الله!

حسن الظن يريح القلب

جزاكِ الله خيرًا وبارك فيكِ

اللهم اهدنا جميعًا إلى ما تحب وترضى~

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×