هل لى من توبة

[اسماء ابوالروس 6]

#هل_لى_من_تووبة :O

#الكلام_ده_ليا_قبل_ما_يكون_ليكم :)

 

عارفين ايه اكتر لحظة مرعبة ف حياتنا ؟؟ انا اقولك ،، ان تيجى لحظة الموت واحنا مش مستعدين ليها ،، تيجى واحنا بنقول يا رب ادينا ساعة واحدة بس نعمل فيها أى حاجة :( ،، ونصلح الحاجات الغلط اللى كنا بنعملها

"حتى إذا جاء أحدهم الموت قال رب ارجعون ، لعلى أعمل صالحا فيما تركت "

بس عارفين وقتها مش هنلاقى حتى دقيقة نعمل فيها حاجة :O

احنا كان قدامنا العمر كله واحنا مش عاوزين نعمل اللى يرضى ربنا فيه :( عشان خايفين الناس تتريق علينا ،،

طب يا ترى هتقدر تقول السبب ده لربنا يوم القيامة ،، ردوا عليا :/

#هنفضل نأجل لغاية امته ! مستنين ايه عشان نتوب ،، يا ترى مستنين حد عزيز وغالى علينا عشان يموت ،، ولا تصاب بمرض -عافانا الله واياكم- يخليك عاجز طول حياتك ؟

هنفوق من الغيبوبة دى امته ،، هنجتهد عشان الجنة امته ،، والله الجنة غالية اوووى <3

#قوم كده معايا وولع عود كبريت وحط صباعك عليه ،، ها هتقدر تستحمل ناره ، والله ما هتقدر ،امال هنعمل ايه فى نار جهنم ،، هنبعد عنها ازاى اللى ضرس الانسان فى النار بيكون اكبر من جبل أحد ،، :O ،،

* الشاب اللى بيكلم بنات وبيضحك عليهم ، خاف من ربنا وعذابه (كما تدين تدان )

* البنت اللى حجابها مش حجاب :/ واللى لبسها ضيق انتى تعرفى انك مش هتشمى رائحة الجنة والرسول قال عنكم "نساء كاسيات عاريات "

* اللى بيسمع اغانى ،، فوقو بقا ،، شبابنا بتموت على غير #لا اله الا الله ،، بيموتو ع الاغانى والكليبات

#الموت بيجى فجأة مش بيتسأذن حد ـ،، وكثر موت الفجأة ودى علامة من علامات اقتراب يوم #القيامة :(

#قدامك_الفرصة وبايدك تختار :) ،، ركز معايا وشوف الحديث ده

عن أبى هريرة رضى الله عنه ، عن النبى صلى الله عليه وسلم قال : من تاب قبل أن تطلع الشمس من مغربها تاب الله عليه "

ربنا بيحبك وانت كمان بتحب ربنا ،، طب شوف ربنا بيقول ايه على لسان حبيبك المصطفى " اذا تقرب العبد الىّ شبرا تقربت اليه ذراعا ، واذا تقرب الىّ ذراعا تقربت اليه باعا ، واذا أتانى يمشى أتيته هرولة " لسه بالله عليك مش عايز تتوب وترجع لربك حبيبك <3

اتفقنا هنتوب ونرجع للمولى عز وجل ،، طب بما اننا اتفقنا ،، ركز بقا معايا فى شروط #التوبة ^_^

1: الاقلاع عن الذنب فورا ،، ابعد عنه وسيبه

2: الندم ،، كل اما تفتكر ذنبك اندم واستغفر

3: العزم على عدم العودة

4: رد المظالم لاهلها

اثبت ربنا يحبك ويرضى عنك ،، واوعى تسمع كلام شوشو اللى ياخدك للطريق الغلط ، ده مش عايز مصلحتك وهيقعد يضحك عليه ويقولك ،، لسه قدامك الوقت ،، او هيقولك دا انت ذنوبك كتير وربنا مش هيغفرلك ،، #اياك تديله ودنك ،، ده مفيش أرحم و ألطف من ربنا سبحانه وتعالى

#تعال بقا لما اقولك عوامل الثبات وباذن الله نمشى عليها ونثبت على طريق الله

1: الايمان بالله "ومن يؤمن بالله يهدِ قلبه "

2: ذكر الله ،، اوعى تسيبه فى كل وقت لسانك شغال وقلبك

3: اسمع خطب واحضر دروس

4: الصحبة الصالحة ،، الصاحب ساحب ،، اخترلك صحبة تاخد بايدك للجنة وتعينك على الطاعة

5: ان تسأل الله الثبات "اللهم يا مقلب القلوب ثبت قلبى على دينك "

6: كثرة الاستغفار والاستعاذة من قلب لا يخشع

#ارجعوا للمولى هو اللى حاسس بيك و يعلم انت اد ايه تعبان ومخنوق من ذنوبك ،، طهر قلبك من الذنوب واغسله بدموعك اللى نازلة بسبب ندمك ،، دموعك اللى هتنزل من خشية ،، وهتحس بجد لذة وحلاوة القرب من الله

#عارفين ياما هنقابل مشاكل وابتلاءات ،، لكننا بعون الله ثابتين ،، واللى هيقولو علينا معقدين ،، سيبكو منهم وكملو الطريق الى الله

اصلهم مش هينفعونا يوم القيامة ولا هيجوا يتحاسبو بدالنا

الجنة تستاهل اننا نتعب ونتعذب عشانها ،، اقرأ واعرف الرسول والصحابة اتعذبوا أد ايه عشان الاسلام يوصلنا صح

#اثبت_واصبر_واحتسب

تم تعديل 28 أبريل, 2016 بواسطة صـمـتُ الأمــل
تعديل بعض الكلمات : )

[مريم فوزي 1646]

بسم الله

 

@@اسماء ابوالروس

بوركت يا جميلة

رزقنا الله توبة نصوح نلقاه بها و فرغ قلوبنا من أي شيء سواه سبحانه ()()

 

على الهامش

ربنا يبارك فيك و ينفع بك

[مريم فوزي 1646]

و كذلك يا غالية انتبهت معكِ في قول " ربنا عارف ..... "

ما ينفع نقول ربنا عارف؛ لأن المعرفة قد تكون علماً مستحدثًا، والله تعالى محيط علمه بجميع الأشياء

 

وقال الشيخ ابن عثيمين رحمه الله :

" الله لا يوصف بأنه عارف ؛ لأن المعرفة انكشاف بعد لبس وعلم مستحدث ، فلو قلنا إن الله عارف ، لأوهم أن الأمور تخفى عليه ثم يعرفها، أو لا يعلم بعض الشيء ويحدث له العلم بعد ذلك " انتهى .

http://audio.islamweb.net/audio/Fulltxt.php?audioid=316783

 

 

: )

[اسماء ابوالروس 6]

جزاكِ الله خيرا اختى الغالية ،، ربى يبارك فى عمرك ويحفظك

رزقك الله الفردوس الاعلى <3 :)