متابعتنا مع الرجيم

[أم يُمنى 747]

@@المتفائلة (ريفيّة)

 

يومك متوازن جدا حبيبتى بس ماتقصرى فى الميه لإنها بتساعد فى نزول الوزن والإحساس بالشبع

 

ومهمه جدا للعظام والمفاصل ( خاصةً ) التعابنين زى حالاتى

 

معذرة إيه الـ مارتديلا

 

@@*امة الله حنان*

 

يومك جميل كده ممكن تزودى خضروات ورقية عشان تظبط مشكلة المسقعة الدسمة

 

جربى (كل مكونات المسقعة شوى على جريل أو طاسة تيفال أو عادية مدهونة والتوم نى )

 

@@محبه الزهراوين

 

إذاجربتِ يوم من غير عيش ...... لوحدك هتحسى ان عايزة يومين من غير عيش

 

حبوباتى ماتقلقوا من من الدهون والسكر ( أيا كان نظامك الى ماشية عليه لكِ 2 ملعقة زيت أو سمن و3 ملاعق سكر )

 

والأهم من كل ده دايما أحسب كلت إيه وحرقت إيه والفرق بإذن الله يكون نزول فى الوزن أو لا قدر الله العكس

[*امة الله حنان* 50]

غاليتي ام يمني

انا فعلا شويت الباذنجان بس اللحمه المفرومه كانت دسمه واستخدمت شوربه للصلصه فطلعت دسمه

بس انا كلت معاها جرجير

جزاك الله خيرا حبيبتي علي توجيهاتك ربنا ما يحرمنا من تواجدك

 

متفائله ومحبه عاملين ايه يا قمرات

 

 

[محبه الزهراوين 142]

:(

 

 

 

الحمد لله

 

الامور مشيت حلوة اوي من الصبح للغدا كان تقريبا4 كنت عامله سندوتشات بانيه ومسكت نفسي واكلت سندوتش واحد بس وكان صغير مش كبيروجزء من قطعه البانيه من غير القشر المقرمشه اللذيذة ومارضتشي اعك والحمد لله كنت مقضياها مابين الخس والطماطم والميه والشاي

 

لحد قبل صلاة العشا بدقائق يادوب غفلت تقريبا كام دقيقه ومش عارفه ايه اللي حصل حاولت امسك نفسي بس للاسف اكلت قطعه جاتوه :S

 

 

زهقت بجد من نفسي

[المتفائلة (ريفيّة) 979]

@أم يُمنى

 

تسلمي أم يمنى وسعيدة جدا بكِ

كلامك صحيح أنا جدا مقصرة في شرب الماء كنت قبل أشرب لترين في اليوم وكان بيساعدني جداا في نزول الوزن

خصوصا في المقاسات حتى لو الوزن ثابت لكن بيكون فرق في مقاسات الجسم

والآن مع الشتا صعب أشرب لترين لكن أحاول أزوّد كل يوم وأشرب أكثر

بالنسبة للمرتديلا أعتقد أنتم في مصر بتقولوا عنه لانشون

 

@@*امة الله حنان*

 

تمام الحمد لله ياغالية

يومك جميل والمسقعة حاولي لما تعملي لحمة مفرومة ما تستخدميش السمنة أو الزيت بيكفي الدهن الموجود في اللحمة

لما تطبخي لنفسك أكل صحي وتنوعي فيه راح تحبيه وأنا مثلك ما كنت أحب الأكل المشوي لكن لما جربته أصبحت أحبه

@@محبه الزهراوين

ماشاء الله يومك حلو بس من غير الحلو إلى بآخر الليل : )

خلص انسي واستمري وكأن شيء لم يكن

بداية جديدة وبإذن الله كل بكرة أحلى

 

تقرير يوم الجمعة :

 

الفطور : قهوة + قطعة خبز محشية جبن وملعقة زيت زيتون وحبات زيتون

سناك : حبة موزة صغيرة

غذاء : قطعة خبز مع قطعة لحم راس وخضروات + تفاح ويوسفي وحبة موزة صغيرة

شاي أخضر بعد الغذاء بساعة

سناك : قهوة + قطعتين صغيرة كيكة بالليمون

ع : لم أتعشى اكتفيت بأكل عباد الشمس بدون ملح

رياضة اكتفيت بشغل البيت والماء نص لتر

 

تقرير يوم السبت :

ع الريق : منقوع الكمون والليمون

مشي ساعة وربع

ف : قهوة + 3 حبات توست أسمر +شكشوكة ( مكونة من بيضة وسبانخ وحبة فلفل حار وشريحة جبن) +حبات من الزيتون

سناك : تفاحة صغيرة

غ : 3 لقمات خبز أسمر + بطاطس وفلفل حلو مشويين في آلة تيفال بملعقة زيت زيتون + تفاحة خضراء

بعد ساعة حبة موزة صغيرة

 

سناك : قهوة + كوب فشار

العشا لسا لم أجهزه بعد لكن راح يكون : قطع صدر ديك رومي مشوي بألة تيفال مع فلفل حلو وشريحة جبن + قطعة خبز أسمر

شاي أخضر قبل النوم

ماء : لتر

والله يوفق الجميع

 

هذا غذاء اليوم

أحب الخضروات المشوية في الفرن أو في الآلة

صحية وفي نفس الوقت مفيدة

 

 

 

[*امة الله حنان* 50]

محبه حبيبتي فين العك بقى بالله عليك

ده انت كده تمام بس هذا يتوقف علي حجم قطعة الجاتوه

ويتوقف علي انك كلتيها لوحدك من غير ماتعملي حسابنا

:(

لا يا جميل ما تزعليش وان شاء الله هتبقي اخر الاسبوع اكتر واحده خاسه بعد متفائله:)

 

تقاريرك ممتازه متفائله حبيبتي ربي يثبتك

اما عن اللحمه المفرومه انا مش بحطلعا سمن خالص

بحط البصل علي اللحم علي النار لحد ما تستوي

بس هي اللحمه اللي دسمه مش يراعوا ان في واحده عايزه تخس في البيت:(

 

انا طبعا اتغديت باقي المسقعه اصل في الاحوال العاديه كانت بتخلص من اول يوم:)

دلوقتي فضلت فاضريت اتغدا يبها

بس في العام الحمد لله الاكل قل كتير

 

ربنا يوفقنا جميعا يا احلي رشيقات

[أم يُمنى 747]

كيفكم حبوباتى الرشيقات

 

ما شاء الله .. الجميع معقول جدا النهاردة

 

يومك حلو جدا ريفية الجميلة

 

3 لقمات خبز أسمر + بطاطس وفلفل حلو مشويين في آلة تيفال بملعقة زيت زيتون + تفاحة خضراء

 

 

تنسيق بسيط : أخدت خبز أسمر بلاش بطاطس خليها كوسة هتلاقى نتيجة أحلى بس فلفل وتفاحة خضرا برافو

 

محبة حبيبتى ماتزعليش أوى لو حسيتِ حاجة غلط ( انتِ تحسيها أكتر ) إحرقيهم على طول ماتبيتهمش يتخزنوا بسيطة

 

هتقولى الدنيا ليل مش هاقدر انزل امشى

 

( شوية تمارين سويدى على قد ماتقدرى ــ مشى محلك سر ــ اضغطى على نفسك تفضلى صاحية شوية فى حالة حركة )

 

أُمأُمة حبيبتى جميل إحساسك ان الأكل قل كتير دى خطوة كويسة

 

بالتوفيق غالياتى

تم تعديل 25 ديسمبر, 2016 بواسطة أم يُمنى

[محبه الزهراوين 142]

@@المتفائلة (ريفيّة)

 

ماشاء الله متفائله تقريرك اكثر من رائع بجد مع المشي ان شاء الله هتكون نتيجتك غايه في الجمال

 

 

ع : لم أتعشى اكتفيت بأكل عباد الشمس بدون ملح

عادي لو اكلت عباد شمس طب الكميه تقريبا كام

 

 

 

 

@@*امة الله حنان*

 

لا يا جميل ما تزعليش وان شاء الله هتبقي اخر الاسبوع اكتر واحده خاسه بعد متفائله :)

واضح انك متفائله يا حنونه :D علي فكره انا مش طماعه لوكنت اخر واحده خاسه عادي برده

المهم يكون فيه حاجه تفتح النفس اني اكمل بعد كده

 

 

 

 

@أم يُمنى

ماشاء الله بتقدمي نصائح جميله بجد

ربنا يبارك في علمك

 

بارك الله فيكن حبيباتي ولا حرمني وجودكن في حياتي

 

الحمد لله بدات من اليوم عمل التمارين مرة اخري

 

ام التقرير في المساء ان شاء الله

[المتفائلة (ريفيّة) 979]

حيّا الله الحبيبات

 

جزاكن الله خير الجزاء على النصايح والكلام المشجع

 

@@محبه الزهراوين : أنا باكله أحيانا والكمية تكون كمشة اليد والأفضل بدون ملح

 

@أم يُمنى : مشكلتي أني بحب البطاطس أكثر من الكوسة بس بإذن الله أقلل منها

سعيدة جدا بنصايحك : )

 

@@*امة الله حنان* : طب جميل يعني الدهون بتكون في اللحمة بس يعني المسقعة مش دسمة كثيررر

شوفي حتى لو ركبتك وجعاكِ حاولي تمشي في مكانك وبإذن الله مع الوقت راح يروح الألم

 

تقرير اليوم الاحد : كنت صايمة

سحور : 3 تمرات + قهوة + قطعة خبز أسمر بجبن

فطور : كأس ماء + قهوة + 3 قطع صغيرة بيتزا بالخضروات + 6 حبات تمر

العشا : بإذن الله : سمك الانشوبة مع خضروات وملعقتين رز " الكل مطهي في الفرن " وحبة خيار

ماء : لتر

قبل النوم : شاي أخضر بشريحة ليمون

 

والله الموفق

 

 

 

 

[محبه الزهراوين 142]

السلام عليكم ورحمه الله وبركاته

 

التقرير اليومي

 

لقيمات متنوعه مابين (( شاي نسكافيه عدد4 ملاعق فول برتقال يوسفي جزر فلفل اخضر خس اما وجبه الامحاله كانت عبارة عن تقريبا 4 شرايح بطاطس مسلوقه مع ملعقه زيت زيتون مع بيضه بالنسبه للنشويات قللت منها يعني ممكن نقول اقل من ربع الرغيف علي اساس اني كنت ناويه اكل بطاطس مسلوقه وبعد فترة عملت لسان عصفور للاولاد واخدت طبق صغير

 

الحمد لله انها وقفت علي كده من فترة بسيطه كنت حسيت بجوع جامد وبصراحه متلجة في الجو البرد ده وكنت افقد اعصابي بس الحمد لله رسيت علي برتقاله سكري وملعقه صغيرة عسل وبعض حبات السوداني الني

 

المشكله اني بردانه بجد وخايفه اضعف والخبط دعواتكن حبيباتي

[محبه الزهراوين 142]

حياك الله وبياك اخيتي الحبيبة المتفائلة وجعل الجنه مثوانا ومثواك

 

واضح اني كنت بكتب الرد في نفس توقيت كتابتك

 

ماشاء الله تقريرك ممتاز ربنا يثبتك

 

تقبل الله منك الصيام لا تنسينا من دعائك عند الفطار :)

[أم يُمنى 747]

بسم الله ماشاء الله حلواتنا الرشيقات

 

ماشيين كويس أوى

 

محبة حبيبتى حاولى ما تجوعيش ( عشان ما تكرهيش النظام الغذائى )

 

كوب بليلة باللبن عليها ملعقة واحدة سكر 130 سُعر تقريبا ( شبع وتدفئة ومش هتجوعى لأكتر من 3 ساعات )

 

طبق كبير سلطة عليها بصل وفجل احمر وفلفل وممكن ورقتين كرنب أو زهراية قرنبيط

 

مايعديش 150 سعر وممكن يصمد معاكِ 4 ساعات

 

المسألة بسيطة

 

بالتوفيق غالياتى

[*امة الله حنان* 50]

حياكن الله يا غاليات

اولا احمد الله علي تجمعنا هذا واساله ان يوفقنا ويثبتنا

 

تقبلل الله صومك حبيبتي متفائله

تقريرك رائع ربنا يعينك حبيبتي

جربت البطاطس المشويه بمعلقة زيت خطيره جدا جزاك الله خيرا

 

محبه تقريرك جميل حبيبتي

واضيف الي كلام اختنا ام يمني البيض المسلوق ايضا بيشبع والتونه

والله اختي انا برضه بدا الجوع يعمل عمايله معايا ساعات اضحك عليه باي حاجه وساعات تفلت مني برده

 

تقرير الاحد

ل1 فاكهه

الغدا 7 معالق رز و قطعه لحم ومعلقة عسل اسود

ل،2 فاكهه

ل3 عيش طويل فول علي بيض

ل4 كلت بقيت البيض بدون عيش

ل5 نص كوب شاي بلبن وقطعة جبن وطماطم

 

دعواتكم حبيباتي

[محبه الزهراوين 142]

السلام عليكم ورحمه الله وبركاته

 

 

@أم يُمنى

 

 

ماشاء الله نصائح راااااااااااااااائعه وعلي فكره يعني انا بحب البليله اوي تسلمي يا ست الكل

 

هو حضرتك د رجيم معلوماتك هايله بجد <3

 

 

 

@@*امة الله حنان*

 

حنونه اخبارك ايه نظامك حلو اوي بالنسبه للجوع هو مع الكل عشان الجو البارد اللي احنا فيه بس بصراحه

 

دايما بقول لنفسي السنه اللي فاتت في البرد كنت بعمل ايه كنت ملخبطه الدنيا بصراحه

 

وكان الاكل بالليل كاني بتغدي الحمد لله علي كل حال حاولي تقاومي وعلي فكرة انا شوفت المتفائله كانت كاتبه في تقرير من التقارير انها كان واخده فشار كسناك

 

الفشار برده بحس انه بيشبع وبيسد شويه مع البرد اللي احنا فيه

 

ماشاء الله تقريرك رائع ربنا معاك حنونه ويارب توصلي للي انت عاوزاه واكتر كمان

 

@@المتفائلة (ريفيّة)

 

 

متفائلة حبيبتي اخبارك ايه في انتظارك

[محبه الزهراوين 142]

تقرير اليوم الاثنين

 

اللقيمات سلطه خس شاي نسكافيه شرب ميه والفطار عيش وطعميايه كان نفسي فيها وبس

 

 

الغدا كان تقريبا 5 او 6 ملاعق رز مع قطعه لحم مع شوربه منزوعه الدسم ((الجزار كان ابن حلال والقطعيه كان حلوه من غير دهون :D)) وبسله العشا رايب قطعه شيكولاته وميه وقطعه جبنه قريش

[أم يُمنى 747]

عسولاتنا القمرات

 

تقاريركم جميلة جدا

 

@@*امة الله حنان* ( جربت البطاطس المشويه بمعلقة زيت خطيره جدا )

 

وإلا لو تعودت على مجموعة خضروات مع البطاطس ( كوسة , فلفل , جزر , قرنبيط و .... و... ) كله تقطيع كبير

 

هتبقى عملتِ طبق كبير شهى ومُشبِع و سُعراته قليلة جدا

 

تقريرك جميل جدا ( يُفضل عيش بلدى أو بــ ردة أو خدى معلقة ردة )

 

 

@@المتفائلة (ريفيّة)

 

مشكلتي أني بحب البطاطس أكثر

 

مافى مشكل حبيبتى المهم بلاش عيش معاها .. بس

 

 

@@محبه الزهراوين

 

جميل جدا ..... مش د . رجيم ولا شى بس خبرة أنظمة غذائية فوق الــ 30 سنة

 

وصلت بفضل الله انى وانا باطبخ باعرف احسب سعرات كل حاجة لكل الأسرة

 

أحكى معاكِ شوية

 

فى أول زواجى كنت أعمل ورياضية وماليش فى المطبخ ولا قعدة البيت خالص

 

طبعا قلبت البيت أنظمة غذائية ورياضية وبردو زدت شويتين فى الحمل والولادة

 

, كانت قيصرى فأُمرت ابطل رياضة .... وكانت المشكلة زاد الوزن كتير

 

بس صراحة ( كتير بتاعتى كانت من 59 قبل الزواج ــ فى خلال 5 سنوات 86 )

 

فى أول اتباع نظام تخسيس كان أطباء وتحاليل دم ومعدل دهون ــ وكلها كانت تقول ( الوزن المثالى لطولى وعمرى 67 كيلو )ــ

 

ومُتابعه أسبوعية .... كنت أراعى انى أنزل 3 ــ 4 كيلو وبعدها تثبيت

 

عشان اكون واقعية اخترت نظام النزول ببطء بس بثبات

 

والحمد لله اتعودت على النظام الغذائى ببساطة

 

وتوتة . توتة فرغت الحدوتة :))

تم تعديل 26 ديسمبر, 2016 بواسطة أم يُمنى

[المتفائلة (ريفيّة) 979]

حيّا الله الغاليات

 

ماشاء الله عليكِ أم يمنى معلوماتك قيّمة ومفيدة

وحبيت أسلوب حياتك

وبإذن الله بحاول أني أجعل أكلي صحي قدر المستطاع وأيضا أغيّر الأشياء الغير صحية بأشياء صحية

والله الموفق

بارك الله لنا فيكِ

 

استمروا حبيباتي : حنان ومحبة الزهراوين

بإذن الله نصل للهدف وأهم شيء نستفيد ونتعلم ونستمر في طريق الأكل الصحي ويكون هذا أسلوب حياتنا

 

تقرير يوم الإثنين :

 

سحور : 6 تمرات + حبة موزة

فطور : قهوة + 3 تمرات + سندويش بخبز أسمر محشي بقطع صدر ديك رومي مشوي مع فلفل حلو ونص حبة بطاطا وربع بطاطا حلوة

شاي أخضر بشريحة ليمون بعد ساعة + تمرة

سناك : حبة يوسفي

عشاء : شكشوكة مكونة : "سبانخ وفلفل حلو وحار مع قطع صدر ديك رومي ونص حبة طماطم وبيضة وشريحة جبن "+ ربع خبز اسمر

ماء : لتر

 

والحمد لله

بفضل الله الآن أنا أحسن من قبل لأن أكلي الآن أقل بكثير مما كنت عليه قبل

 

بالتوفيق للجميع

[أم يُمنى 747]

وبإذن الله بحاول أني أجعل أكلي صحي قدر المستطاع وأيضا أغيّر الأشياء الغير صحية بأشياء صحية

والله الموفق

 

برافو ريفيتنا الجديدة الرشيقة

 

هو ده الحماس المطلوب وعلى الله التوفيق والسداد

[*امة الله حنان* 50]

ماشاء الله ام يمني نصائحك مفيده؛ تفيدنا كثيرا ربنا ما يحرمنا منك

 

اليوم ششويت فلفل وبصل وتجنبت البطاطس النهارده

العيش بيبقي تقرببا مره واحده وهحاول يكون بلدي

جزاك الله خيرا حبيبتي

 

محبه يومك بجد رائع ربنا يثبتك

 

اليوم كان احساس الجوع شديد الله المستعان

تقرير اليوم

ل1 فاكهه

ل2 كوب عصير طماطم

الغدا قطعتين بانيه بس كانت في الفرن واربع معاق مكرونه

بعد ساعتين بالظبط جعت جدا علي غير العاده:(

اخدت طبق صفير فشار وبرتقاله

 

ل4 فاكهه

ل5 كانت فلفلل وبصل مشوي

ل6 نص كوب شاي باللبن وفاكهه

 

متفائله وينك حبيبتي طمنينا عامله ايه

 

 

[*امة الله حنان* 50]

معلش متفائله افتكرتك ما كتبتيش النهارده اصلي بكتب من الموبايل وما جابليش مشاركتك حبيبتي

 

تقبل الله منك غاليتي

انا بحب اقرا تقاريركم جدا عشان اخد منها افكار

وطبعا متفائله شيف خطيررر وبجد بتعمل حاجات حلوه اوي

فابقوا ركزوا كده وانتوا بتكتبوا التقارير عشان اغش منكم :)

ربنا يوفقكم حبيباتي

[أم يُمنى 747]

متكتكيييييييييييييييييييييييييييييين

 

 

صوابعي متلجة

 

 

آهى دى أحد اللحظات السحرية لحرق الدهون برضو

 

استغلالها :

 

أى مجهود بسيط أو رياضة أو مشروب عُشبى حارق ( قرفة ــ زنجبيل ــ شاى اخضر ) بدون سكر

 

تاخدى نتيجة هايلة

 

 

 

ينفع شرايح زنجبيل فرش هو بيكون حراق شويه بس يعني نوع من التغيير؟

 

ينفع طبعا ياقمراية

[محبه الزهراوين 142]

@أم يُمنى

 

ماشاء الله واضح ان عندك عزيمه وارادة نادر بجد اننا نلاقيهم

 

للاسف قليل اللي بقابله ويقولي كلام زي كده الكلام كله محبط وغير مشجع بالمرة ربنا يثبتك يا ام يمني يا قمر وتفضلي تتابعينا كده الي ان نكون مثلك في الارادة والعزيمه والوزن :)

 

@@المتفائلة (ريفيّة)

 

متفائلة حبيبتي ماشاء الله تقريرك جميل ربنا يثبتك وتوصلي لهدفك واحنا معاكي باذن الله

 

بجد انا معجبه باسلوب طهوك الصحي للاكل

 

@@*امة الله حنان*

 

الغدا قطعتين بانيه بس كانت في الفرن واربع معاق مكرونه

بعد ساعتين بالظبط جعت جدا علي غير العاده :(

 

طبيعي تجوعي بعد ساعتين طالما ان الاكل فيه مكرونه سرها باتع :D

 

بس بجد انا سعيدة انك قدرتي تتغلبي علي الشعور ده بالفشار والفواكه لو مكانك كنت لخبطت

 

ماشاء الله ربنا يثبتك يا حنونه تقريرك ممتاز <3

[المتفائلة (ريفيّة) 979]

 

حيّا الله الغاليات

اليوم بفضل الله صايمة : تقرير يوم الثلاثاء:

سحور : 3 تمرات + قهوة + قطعة صغيرة خبز أسمر محشي جبن + حبتين موز صغيرة

فطور : صحن فاصوليا بيضاء بصلصة الطماطم والجزر + قرنبيط مشوي مع ربع بطاطا حلوة + قهوة

ولي عودة لإكمال التقرير

 

 

أنا بحب الاكل الصحي وإلي يخليه أحبه أكثر أني أستعمل عدة توابل وأعشاب عشان يكون لذيذ وأيضا عشان أقلل من الملح

 

اتعلمت الأكل الصحي من متابعتي لبعض الصفحات ع الانستقرام

واليوم عملت تطبيق للبراونيز بالبطاطا الحلوة صحيّة

طبعا عملت لها بعض التغيرات من الأشياء المتوفرة عندي

وممكن نأكل قطعة كل يوم مع فنجان قهوة أو كوب حليب منسم بالهيل والقرفة

 

راح أكتب لكن المقادير والطريقة حسب ما كتبتها صاحبة الوصفة وبجانبها أكتب المقادير التي استعلمت أنا :

براونيز البطاطس الحلوة مرة لذيذة و طرية و طعم البطاطس مو واضح ♥

. .

250 جرام بطاطس حلوة مطبوخة بالفرن أو بالبخار و مقشرة "تقريبا حبة كبيرة".

3 م. ك شوفان مطحون.

بيضة.

م ص فانيلا.

سكوب بروتين دبل تشوكلت، البديل 3 أو 4 م ,ك شوفان مطحون.( أنا استعملت شوفان)

3 م ك بودرة كاكاو غير محلاة

رشة ملح.

سكر ستيفيا حسب الرغبة، استعملت 4 ظروف.(أنا استعملت ملعقة كبيرة عسل طبيعي )

نص م ص بيكينغ باودر.

2 م ك دقيق جوز هند "اختياري و ممكن الاستغناء عنه.(أنا استعملته " كان عندي جوز هند مبشور فطحنته عشان أحصل على بودرة)

1 م ك زبادي قليل الدسم، في حال استخدمتوا دقيق جوز الهند.

20 جرام حبيبات شوكولاتة هيرشيز -سيمي سويت-.(أنا أضفت شوية جوز مع الشكولا ع الوجه)

.الطريقة :

نهرس البطاطس الحلوة بالشوكة و نضيف باقي المكونات ما عدا البيكينغ باودر نضيفه آخر شي و نحرك، القوام حيكون ثقيل، ننقله لصينيةمبخوخة بالزيت و الهيرشيز نضيفهم آخر شي عالوجه.

و عالفرن تقريبا 20 دقيقة تقريبًا. "نشغل الفرن من تحت تنضج و نحطها فوق".

 

نستناها تبرد ثم نستمتع بالطعم اللذيذ اللي يذوب ذوبان و تُحفظ في الثلاجة

وهذه النتيجة

لاني استعملت صينية فرن شوي كبيرة فلذلك طلعت شوي رفيعة

 

[*امة الله حنان* 50]

السلام عليكم ورحمة الله وبركاته

حياكن الله يا غاليات

تصدقي محبه عندك حق المكرونه السبب :)

انا نسيت خالص ان المكرونه بتجوع

 

كلامك حصل معي اليوم فعلا قالولي رجيم ايه ده الي بتاكلي فيه كل حاجه ومسبك

صراحه احبطت :(

 

انا مشكلتي اللامحاله لسه مشش متظبطه اليوم كان عندي فشه مش عارفه تعرفوها ولا لا :)

المهم انا سلقتها وحمرتها واكلت معها تلات معالق ارز

بس صراحه اكلت منها كتيررر

انا عارفه اني انا قلت انها تقريبا سعراتها قليله بس اكيد التحمير زود السعرات

 

اما اللقيمات ولله الحمد مظبطاها

 

[*امة الله حنان* 50]

متفائله حبيبتي دايما متالقه ماشاء الله شكل البراونيز تحفه تسلم ايدك

ربنا يثبتك حبيبتي

 

ام يمني نصائحك جد رائعه وتشجيعك لنا ربي يثيبك عنا خيرا

 

[محبه الزهراوين 142]

@@المتفائلة (ريفيّة)

 

ماشاء الله متفائله تقرير ممتاز وكمان براونيز شكلها شهي وكمان مكونات صحيه

 

بوركتي حبيبتي باذن الله احضر المكونات اللي غير متوفرة عندي واطبقها واقولك علي النتيجة

 

 

 

@@*امة الله حنان*

 

 

[

اليوم كان عندي فشه مش عارفه تعرفوها ولا لا :)

المهم انا سلقتها وحمرتها واكلت معها تلات معالق ارز

 

 

 

 

 

حنان انتي مصريه طبعا نعرف الفشه والكرشه والممبار والكوارع ولحمه الراس اكمل ولا ده كفايه

 

بالف هنا وشفا بصراحه انا بحب الفشه واخواتها كلهن :) بس عندي في البيت مش بياكلوها كنت باكلها مع حماتي الله يرحمها وكنت بعملها مخصوص ليها واكل معاها

 

لكن اعتقد انها بالتحمير ممكن تكون سعراتها زادت هقولك علي حاجه لما تعمليها سبيها في ميه السلق تكمل سوا وبعدين لو فيه ميه باقيه ارميها وسيبي الفشه تنشف في الباقي مع شويه توابل وبلاش تحمير

 

حاجه كمان عاوزة اقولك عليها لو ليكي في اخوات الفشه :) كانت حماتي رحمها الله لما تعمل الكرشه كانت تنضفها كويس اوي وبعدين تحطها تغلي علي النار مدة نصف ساعه او ساعه الا ربع وبعدين ترمي الميه بتقول عشان بتكون دسمه وبعدين تجيب بصله وفص توم وطمطمايه مع الملح مع الكرشه وتسويهم من جديد مع نسبه ميه بسيطه يعني بيكون فيه شربه بس مش كتير ومش دسمه خالص

 

بصراح الله يرحمها اكلت الكرشه بالشكل ده حسيت اني مرتاحه اوي

بالنسبه للمسبك حاولي تخففي منه عشان ماتتعبيش ومعلش يا قمر لو انتي لخبطتي في اللامحاله المهم اكلتي الفشه

 

باذن الله تظبطي اللامحاله وهتكون امورك زي الفل بس يومين البرد يعدو علي خير

 

@[ member=أم يُمنى]

 

ام يمني حبيبتي منورة ياقمر ايه رايك في البراونيز تبع ريفيه والفشه تبع حنان؟؟

تم تعديل 28 ديسمبر, 2016 بواسطة محبه الزهراوين