هام للغاية من الدكتورة حكمت محمود مستشفى حميات العباسية. (كورونا)

[امانى يسرى محمد 322]

‏لو ظهرت عليك اعراض من اللى هقولها دى اتعامل انها كورونا ما تحاولش تثبت العكس اتعامل انها كورونا وخد علاج واتعزل فى البيت كلنا هيجيلنا ولكن معظمنا هيخف من غير مشاكل وهتكون اعراضه بسيطة.

١- اسهال : خد انتينال أو فلاجيل اول جرعة قرصين وبعدين قرص كل ٨ ساعات لو طفل يبقى ‏يبقى انتينال شراب تلات مرات ف اليوم.

٢ - صداع وتكسير بالجسم وارتفاع ف درجة الحرارة : هناخد باندول الازرق تلات مرات ف اليوم او ادول تلات مرات أو سيتال أو بارسيتمول تلات مرات ف اليوم هاخده بشكل منتظم ع الأقل اربع ايام مش وقت ظهور الأعراض بس.

‏٣- وجع فى البطن : هاخد بسكوبان أو فسيرلجين تلات مرات ف اليوم.

٤- كحة ناشفة هاخد : نوتسيل ١٠ سم مرتين يوميا وتلفاست قرص بليل عند النوم.

٥_ لو الأعراض بتاعتى زايدة شوية بمعنى الحرارة عالية اكتر من ٣٨ ونص والكحة متوصلة هنزود مضاد حيوى زيثرومكس ٥٠٠ قرص يوميا لمدة تلات ايام.

‏٦_ لو حسيت أن صدرى مكتوم : هجيب جهاز الجلسات واعمل جلسة اتروفنت ف البيت فنتال بخاخ عند اللزوم.

٧ _اعراض مؤكدة للإصابة فقدان الشهية وحاسة الشم والتذوق : مهم جدا للمريض أنه يأكل كويس قاوم وكل مش قادر ممكن ناخد فاتح شهية ديجستين قرص قبل الاكل بربع ساعة.

‏٨ _اشرب سوائل كتير الفيروس ده بيعمل جلطات اشرب على قد ما تقدر طول ما انت قاعد اشرب بالله عليك عصاير كتير ودافى كتير.

٩_ لو وزنك كبير او عندك امراض مزمنة زود ع العلاج اسبوسيد عشان نقلل نسبة حدوث جلطة لو فيه امكانية نتابع سيولة دم ممكن ناخد كليكسان أو كالهيباربن حقنة ‏يوميا تحت الجلد خصوصا للناس اللى وزنها كبير وعندها امراض مزمنة.

١٠_لو حد اعراضه زيادة وراح الحميات هيدوله ostemavir ده علاج مضاد للفيروس بيتاخد قرص كل ١٢ ساعة.

قد يكون عندك كورونا وتخف من غير اى علاج بس التزم بالعزل والأكل الكويس وشرب الدافى والنوم الكويس والتعرض ‏للشمس مع فيتا سي علشان المناعه قرص يوميا .

طيب ايه التحاليل اللي اتابع بيها حالتي:
_ اشعه عالصدر CXR
_صوره دم كامله CBC
_تحليل بروتين CRP
_ تحليل S.Ferritinولازم يكون في دكتور متابع معاك