زوجى قليل الكلام......ماذا افعل؟

[ريهام محمد2 0]

:unsure: :sad:

السلام عليكم ورحمة الله وبركاته،،

اخواتى الكريمات اسمحو لى فى هذه السطور القليلة ان افتح قلبى معكن ومحتاجة لرايكن فلا تبخلن علية بالنصيحة

انا متزوجة منذ اربع سنوات زوجى والحمد لله رجل كريم جدا ومتسامح جدا ولا يقصر فى اى شيىء تجاه الله ولكن يا اخواتى مشكلته انه قليل الكلام جدا جدالدرجة انه ممكن يفضل ساكت بالساعات .

طلبت منه مرارا وتكرارا انه يتكلم يقولى اتكلم فى اية وانا زهقت لانى بشوف كل زوجة بتتكلم مع جوزها ويتناقشوا فى كل امور حياتهم .

اما انا افضل اتكلم واهاتى وهو ولا هو هنا.

اعمل اية يا اخواتى ارجوكم ردو علية وانصحونى لانى حاسة انى تعيسة انا دلوقتى فى غربة بعيدة عن اهلى واخواتى والمصيبة الكبيرة انى كمان بعيدة عن زوجى رغم اننا تحت سقف واحد

ارجو انى اكون مازعجتكمش وجزاكم الله الجنة

 

 

السلام عليكم ورحمة الله وبركاته

فعلا سبحان الله يظهر إن كلنا في الهوى سوى أنا زوجي كده ممكن يسمعلي و يرد على كلامي ده كبيره :closedeyes: الحمد لله كتير لفت نظرة كان يقولي لما نبقى في بيت واحد الأمر حيتغير أنا عارفة إن ده مش حيحصل بس اكلام ده بيريحني مشكلتي مش بس إنه قليل الكلام أنامشكلتي إن زوجي مش بيآمن لحد أبدا ولا أنا ولا غيري أسرارة مع نفسه بس بس والله لما تجدي فيه مميزات تانية بتهون كتير إحنا في دنيا بس يارب تعدي على خير و بعد منخلصها نرتاح بجد إدعوا ربنا يخلفنا بالجنه ونلتقي جميعا ليا أخت بحبها في الله طلبت منها النصيحة في الأمر ده قالتلي إعرفي زوجك ترتاحي وتريحية أطباع النساء مش زي الرجال كنت بقول لزوجي كان نفسي أتجوز راجل ثرثار بس كان بيضحك المهم إعرفي إن إحنا بنحب بشكل وهم بشكل آخر نسعد بشكل وهما بشكل آخر أسأل الله أن يقر عينك وإياي وجميع أخواتنا و يهبه حبك و يهبك حبه و إيانا و سائر المتزوجين المسلمين قولوا آمين أسأل الله لنا ولكم الستر قولوا آمين بردك

[ام مريم ويحيى 136]

السلام عليكم ورحمة الله وبركاته

اختى الحبيبه زى ما قالت الاخوات ده معظم حال الازواج فانا امر بنفس ظروفك تقريبا انا مع زوجى فى السعوديه ولم يرزقنى الله بأطفال وزوجى يعمل دوامين ويرجع تعبان وطبعا لو اتفرج على التليفزيون بيشغل قنوات الاخبار وعلى رأسهم الجزيرة وهو قليل الكلام جدا بس الحمد لله بعد ما وصلت النت لقيت وقت كتير بقضيه فى منتداى الحبيب

والحمد لله على كل حال

ولازم الواحد برضه يبص شويه للميزات ويحاول يقضى الوقت ويشغل نفسه بحاجات مفيدة

وفقك الله حبيبتى وجعلنا بيوت المسلمين سعيده بإذن الله

[أختكم آيات 1]

السلام عليكم ورحمة الله وبركاته،،

انا رأىى يا بختك

أَضحك

يعنى يبقى كويس لو زعق وصوته جاب الشارع التانى زى كتير من الرجال ما بيعملو يا أختى إنتى فى نعمه فى نعمه سدقينى والله أهم حاجه انه مش بيدايقك ويقولك عملتى سويتى ما عملتيش ما سويتيش ويكرهك فى عيشتك واى حاجه بيرضى بيها كده وخلاص وهو ساكت ومريحك إنتى عيزاه يتكلم ويوجع دماغك بطلباته خليه فى حاله الراجل وانتى مرتاحه :closedeyes: طبعا بضحك

هو طبعا خير الأمور الوسط لا يزعق ولا يسكت خالص أقولك احنا عايزين رجاله تفصيل على مزاجنا وده ما ينفعش كل واحد وله طبعه واستحاله وحده تقدر تغير طبع زوجها لازم ترضى بيه على كده وتحاول تتكيف وتتأقلم على الوضع وتدعى ربنا ربنا يهدى ازواجنا كلنا يارب

اقولك اعملى قعدة رومانسيه فى بيتك واعملى شاى وكيك او اى مشروب تحبوه وحاولى تفتحى انتى معاه الكلام

[مااحلى الاسلام 0]

عقدتونى فى الجواااااااااز مش كفاية بابا اللى النص ساعة اللى بيجيها البيت بيعد عالجزيرة بس انا الحمد لله طالعة لبابا مبحبش اتكلم كتير خالص بس تبقى مشكلة لو جوزى رغاى ههههههههه

بس غالبا دى صفة فى معظم الرجال بس حاولى حاولى تتكلمى معاه فللى بيحبه امى كانت بتحفظ الجرايد عشان لما يرجع تسمعة اى كلام سمعته ال يعنى مثقفه واحنا قافشينها

[ام حفصة الوديعة 0]

والله أرى أنك في نعمة كبيييييييييييييييييييييييرة فمثلا زوجي كثثثثثثثثثثثثثثثثثثثثثثثثثثثثثر الكلام على عكسي أنا لا أحب أن أتكلم طوال الوقت..............

سبحان الله إن لله في خلقه شؤون