لكل من استخدمت طقم الصاج للطهى

[omjana 6]

بسم الله الرحمن الرحيم

السلام عليكم ورحمة الله وبركاته،،

 

 

الاخوات الكريمات

 

كيف حالكن

 

كنت عايزة اعرف استخدام الاوانى الصاح الحلل يعني فى الطبخ

 

هل هى ليست لها اضرار يعني اشترى طقم صاج فى الجهاز ام لا ؟؟

 

 

جزاكم الله خيرا

 

بنتظر ردودكن

[omjana 6]

?????????????

[**راضية** 1996]

انا لا اعلم ما معنى(صاج؟)

و لكن ماذا تفعلين هنا اذهبي لتستعدي للامتحان :angry:

[omjana 6]

مهو لسة منزلش :-

معرفش فى ايه :wub:

 

الواحد خايف ينسى المعلومتين اللى حفظهم :wink:

[لواء العزة 5]

السلام عليكم ورحمة الله وبركاته،،

حبيبتي

 

zad1983

بصراحة انا اللي اعرفه عن الحلل الصاج انها مش عملي انا كنت جايبة

في جهازي بس فعلا مش هاتفيديك اوي واللي اعرفه ان الطبخ في الاستانلس افضل

وصحي عن الالومنيوم يعنى بدل ما تجيبي طقم صاج وطقم الومنيوم هاتي طقم واحد استالنس

من نوع كويس ده هايكون عملي وصحي كمان لان سمعت عن اضرار الطبخ في الالومنيوم بعد فترة

من الاستعمال

ده اللي اعرفه ويارب اكون افادتك

[ام اويس المصرية 8]

السلام عليكم ورحمة الله وبركاته،،

شوفى يا اختى انصحك ان تستبدليه بلاستنلس لانه لايوجد له اى فائدة بل بيحرق الاكل والميزة الوحيدة له هى سهولة نظافته ohmy: :ohmy:

[أنين أمّة 19]

بارك الله في الحبيبة مروة :)

 

وأسأل الله أن يتم زفافك على خير حبيبتي :)

[لواء العزة 5]

بارك الله في الحبيبة مروة :)

 

وأسأل الله أن يتم زفافك على خير حبيبتي :)

السلام عليكم ورحمة الله وبركاته،،

اضحك الله سنك حبيبتي :sad:

انا بتكلم عن جهازي اللي كنت جايباه من عشر سنين :cry:

ربنا يبارك فيكِ يا قمر

[omjana 6]

جزاكم الله خيرا

 

بس انا عندي طقم استانلس 12 قطعة كنت عايزة جنبه طقم تاني فصاحبتى مجوزة وقالتلى هاتى معاه طقم صاج بالنسبة للرز يتعمل فى المونيوم عشان ميلذقش فى الاستانلس او الصاج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

["جنة" 0]

انا رايى من راى اخواتى السابقات الصاج مش عملى يعنى اما بتقلى فيه شىء بيتحرق وحتى فى الطبخ العادى بيبقع وباضطر احط كلور علشا يزيل بقعه الاسنالس افضل شىء

[امال عبد العزيز 0]

مع احترامى لكل الاخوات وارائهم

 

انا عن نفسى عندى طقم صاج

بس بصراحه انا بحبه جدا ، لانه تحفه فى الشوربة يعنى لما اجى اسلق فيه لحمه او فرخة ... الخ .. بحس انه بيخلى الشوربة نقيه اوى

 

وبرده لما بسلق فيه المكرونه او الفاصوليا ... عموما اى نوع من انواع السليق

 

بس مامينفعشى فيه اى حاجه تانيه .. يعنى مثلا لو هتعملى بصلة عشان تعملو الخضار وكده ،، او مثلا الارز .. او اى نوع من انواع الطبخ مش بينفع عشان بيتحرق و بيلزق فيه الاكل

فلازم يكون معاه طقم تانى ... انا عن نفسى جيبت جنبه طقمين حلل تيفال ... و الله المستعان

[وفاء سالم 0]

مع احترامى لكل الاخوات وارائهم

 

انا عن نفسى عندى طقم صاج

بس بصراحه انا بحبه جدا ، لانه تحفه فى الشوربة يعنى لما اجى اسلق فيه لحمه او فرخة ... الخ .. بحس انه بيخلى الشوربة نقيه اوى

 

وبرده لما بسلق فيه المكرونه او الفاصوليا ... عموما اى نوع من انواع السليق

اضافة منصفة

طقم الصاج عندى اتهرى من كتر عاميلى الاكل فيه وعندى الاستلس بوفره وبخاف عليه لكن اللى عملى بجد قوى قوى الصاج بس

تحذير

أوعى يتقشر من الداخل ويبان المعدن الداخلى وتستعمليه ده خطر جدا المهم تحافظى عليه وتنظفيه باستمرار وخلاص وبخصوص البصلة او اللسان عصفور والله بحمر فيه لكن وانا جنبه مبعدش ثانية لأنه عاوز تقلبى على طول عشان ميتلسعش منك وبطبخ فيه كل انواع الطبيخ والله جميييييييييييل جدا لكن الارز والمحشى لالالالالالالالالالالا والمكرونة اللى بالصلصة برضه جميل فيها مع التقليب .

هيوفر وقتك وعملى جدا .

[المستبشرة خيراً 18]

الصاج جميل وعملى بس نصيحة لازم النار ما تكونش مباشرة علية او شديدة علية لازم يكون فى صاج او عازل يقلل من الحرارة المباشرة

لانة بيتحرق بسرعة جدا ويفضل طبعا فى الاكلات الخفيفة ..اما باقى الاكلات فى الصاج

 

وان شاء الله نقول مبارك على الزواج قريباا وعقبالى يارب :)