الأيام الأخيرة زواجك أخبرينا عنها بالتفصيل

[omjana 6]

بسم الله الرحمن الرحيم

السلام عليكم ورحمة الله وبركاته،،

 

 

الاخوات الغاليات كيف حالكن

 

 

هذا الموضوع مخصص لمعرفة تجارب الاخريات فى الايام الاخيرة قبل الزواج

 

ماهى مشكلاتهن فى هذه الفترة وكيف احللنها

وماهى النصائح التى ينصحن بها الاخريات حتى يتجنبن ما وقعن هن فيه

وما الذى افادهم كثيرا وما الذى هو مشهور نفعه وهو ليس له نفع على الاطلاق او لم ينفعها هى

مع تحديد كل اخت لنوع بشرتها ولونها وان تعرضنا للطول والوزن فلتذكرهم لتكون الافادة تامة ان شاء الله تعالى

وجزاكن الله خيرا انتظر الردود

 

 

دعوة موجهة من الموضوع للاخت ام ريتاج وبنت الصادق

[أم ريتاج 7]

السلام عليكم و رحمة الله و بركاته

 

الغالية زاد

 

ازيك و ازي حالك ان شاء الله تكوني بخير و نفرح بيكي قريب

 

يسعدني حبيبتي دعوتك ليا :grin: :?

 

و لكن انا معاكي بدعوا كل الاخوات المتزوجات و المخطوبات عشان يقولوا لنا تجربتهن

 

و برضوا الاخوات غير المتزوجات عشان يقولوا لنا تخيلهن لهذه الترتيبات عشان لو في واحده ناسيه حاجه كلنا نفكرها و ننصحها بيها

 

انا هقولك عن تجربتى يا حبيبه

 

بس مش دلوقتى

اولا:blush: لاني تعبانه شويه و زوجى كمان " شفاه الله و عفاه " تعبان شوية

ثانيا :wacko: لأن الوقت دلوقتي مش هيسمح لي بالكتابة

 

و هقولك عن تجربتي في وقت قريب ان شاء الله

 

بس بجد موضوع حلو قوى

 

بارك الله فيكي يا اخيتي

تم تعديل 4 اكتوبر, 2007 بواسطة أم ريتاج

[omjana 6]

الغالية ام ريتاج

 

نورتى الصفحة

 

جزيتى خيرا

 

وشفى الله وزوجك وعفاه

 

اللهم امين

 

فى انتظار تعليقك

 

استودعك الله الذى لا تضيع ودائعه

[لواء العزة 5]

السلام عليكم ورحمة الله وبركاته،،

بارك الله فيكِ حبييبتي

زاد :)

على الطرح الطيب

بصراحة الاستعداد قبل الزفاف بيختلف من واحدة الى اخرى

وطبعا الفترة الاخيرة بتكون العروسة مرهقة جدا نظرا لانشغالها بكل صغيرة وكبيرة

وانها بتكون عاوزة كل شيء على ما يرام

ونصحيتي لاي عروسة مقبلة على زفاف

اولا تترك فترة من الوقت للاعتناء بجسمها وبشرتها

اولا

بالنسبة للجسم انا عن نفسي كنت بعمل رجيم قبل الزواج بفترة للمحافظة على القوام الممشوق

يعنى اى عروسة شعرت انها بتزيد في الوزن عليها تجنب الاكلات الدسمة والنشويات

والإكثار من الفواكه والخضروات الطازجة لان ده سينعكس على بشرتها

ولو بتحب الشيكولاته تتجنبها تماما ً في الفترة دي

وعليها بالنوم الهادىء للاسترخاء وعدم التفكير في اي شيء لان اي تفكير بيؤثر على البشرة

ثانيا

بخصوص البشرة

انا بشرتي من النوع العادي

بس كنت بعشق ماسك الخميرة بالعسل الابيض كان رائع جدا وبينقي البشرة ويصفيها

وكمان ماسك الترمس المطحون رائع ونتيجة كمان مزهلة ومافيش حد جربه وماشعرش بنتيجته

 

بالنسبة للمشكلة التي واجهتني

امممممم

مشكلة جامدة جدا

انا بطبيعة بشرتي حساسة من موضوع ازالة شعر الوجة

فكنت بقوم بعمل تشقير بإستخدام بودرة تشقير وقبل زفافي

بحوالي ثلاث ايام قلت اعمل التشقير بنفسي وكانت اول مرة اعمله لنفسي

وللاسف حدث ماحدث قريبتي التي تولت شراء ادوات وخامات التشقير اخطأت في تركيز الاكسجين

ووجدت ان بشرتي اصبح فيها احمرار شديد اقرب للحرق :(

بصراحة بكيت جدا لان بشرتي مافيها حب وصافيه

بس ربنا ييسر لي واتصرفت انى اتصلت بقريب لنا طبيب امراض جلدية وما ان عرف ان زفافي بعد بعد الغد

اعطاني علاج سريع المفعول

ولله الحمد يوم زفاف لم يكون في وجهي الا اثر خفيف يكاد لايرى

الحمد لله وعدت على خير :)

في إنتظار تجارب باقي الاخوات

[omjana 6]

مشرفتنا الجميلة مروة تركى

 

 

نورتى الموضوع

 

وتسلمى على عرضك الطيب

 

التشقير فعلا له اضرار كتير انا عن نفسى بحبه جدا بس لا اعمله الا نادر لانه اسمع انه بياثر على البشرة فهو به مواد كميائية

 

الحمد لله ان المشكلة انحلت عندك على خير وسلامة

 

والف مبروك

 

بس جاية متأخرة شوية

 

وربنا يباركلك فى حياتك الزوجية والاسرية

 

اللهم امين

تم تعديل 4 اكتوبر, 2007 بواسطة zad1983

[أم ريتاج 7]

السلام عليكم و رحمة الله و بركاته

 

اخيتي زاد

 

بصي يا ستى انا هقولك على استعداداتي لفرحي بس سامحيني هقولهم شويه شويه

 

عشان زي ما انتى عارفه انى تعبانه شويه

 

بس مش يخلصنى ان مش أرد عليكي حبيبتى

 

شوفي يا ستى

 

انا اتخطبت قبل زواجي بـ 3 شهور

 

و في خلال ال 3 شهور دول كنت على قدم و ساق انا و امي و ابي و كل معارفي

 

بالنسبة لي عشان انا البنت الوحيده فكان ابي و امي يعتبروا كانوا اشتروا لي اغلبية الجهاز

 

و مش كان فاضل الا الحاجات اللى خافوا يجيبوها و يركونها تطلع عليها موضات احدث

 

فعشان كده مش كان اغلب اهتمامي في الجهاز

 

كان اغلب اهتمامي فيا انا كعروسه

 

هعمل ايه ، هيكون شكلي ازاي ، فستاني هيبقى ايه .............. و هكذا زي اهتمام اي عروسه

 

و بدء العد التنازلي لل 3 شهور

 

اول شئ عملته اتصلت بمركز التجميل اللى خرجت من عنده و انا عروسه

 

و تقولي يا زاد انا اتصلت في الوقت المناسب لأن كان من شروط المركز ده ان العروسه تحجز من قبلها ب 3 شهور عشان قعدوا يحضروا فيا بتاع شهرين و نصف قبل الفرح

 

و بكده اطمئنيت على بشرتي و شعري و مكياجي و لفة الطرحه ( ده طبعا قبل النقاب )

 

بس يا ستى

نزلت انقي الفستان مش في حاجه عجبتني قوي بصراحة ، و كنت شوفت فستان في كتالوج و رحت بيه للاتيليه و فصلته و طرزته و خد له بتاع شهر و نصف تفصيل و تظبيط

 

بس عشان الفستان يجي زي ما انا عايزه كان عليا ان اعمل رجيم

 

و فعلا عملت رجيم ، و كان اخر الرجيم ده يوم الصباحية حيث تم نسف الرجيم نسفا بيناً :rolleyes:

 

بس يا ستى و بعد الاطمئنان على الحاجات دي

 

لفيت بقا و انتبهت للجهاز

 

و اكملك بقا باقى حكايتي بعدين

 

دي كانت نبذه بس صدقيني الاستعدادات الحقيقية اللى بنصحك بيها انتى و باقى الاخوات هقولها لك ان شاء الله

 

ادعيلي يا زاد انتى و باقى الاخوات انى ابقى كويسه انا و زوجي " شفاه الله و حفظه "

[أم ريتاج 7]

السلام عليكم و رحمة الله و بركاته

 

على فكره يا زاد

 

موضوع حمامات العروسه دي مهمه جدا

 

و تعرض جسمك لكمية من البخار و فرك الجسم بقطعة من الصوف مهمة برضوه

 

عشان بتشيل الجلد الميت

 

و بتديكي بياض و لا اروع

 

 

هنكمل بعدين

 

على فكره انتى فين مختفيه ليه

[daughterofislam89 10]

بارك الله فيكى زاد على الموضوع

ام ريتاج مستينيك وشفاكِ الله وعفاكِ انتى وزوجكِ

غاليتى مروة تركى الف مبروك وفعلا متاخر شوية وشكرا لنصايحك

[omjana 6]

السلام عليكم ورحمة الله وبركاته،،

 

 

ازيك ام ريتاج وجزاكِ الله خيرا للاهتمام باالموضوع وبجد عايزين نعرف الباقى ان شاء الله

 

صحيح انتى بتتكلمى عن حمام التلات ولا انهى حمام ؟

 

 

معلش انا اتاخرت جدا فى الرد بس عشان النت كان فاصل

[daughterofislam89 10]

اين انت ام ريتاج

جارى البحث عنكِ

[omjana 6]

ام ريتاج اين انتى

 

؟؟؟؟؟؟؟؟؟؟؟؟؟

[أم ريتاج 7]

ام ريتاج اين انتى

 

؟؟؟؟؟؟؟؟؟؟؟؟؟

السلام عليكم و رحمة الله و بركاته

انا موجودة يا زوز

 

كل سنه و انتى طيبه وحشاني جدا

 

اصل كان عندي شوية وصفات بحطها في الوصفات المجربة

[omjana 6]

ربنا يعينك يارب

 

وانتى كمان وحشانى

 

منتظراكي

 

قريب اعرف الباقى

 

 

اما اروح بقى اقرا وصفاتك الجامدة اوي

تم تعديل 12 اكتوبر, 2007 بواسطة zad1983

[أم ريتاج 7]

السلام عليكم و رحمة الله و بركاته

 

زاد

 

انا جمعت لك الوصفات الــ 6 المثبته

 

و الوصفات اللى منتظرة التثبيت في مشاركه واحده

 

للتسهيل لكي انتى و باقى الاخوات

 

ادخلي بقا صفحة الوصفات المجربة

و هتلاقيها ان شاء الله

[omjana 6]

تسلمى ام ريتاج جزاكِ الله خيرا

 

ان شاء الله هدخل اشوفها الان

[دعاء الجنة 0]

السلام عليكم و رحمة الله و بركاته

والله موضوع رااااااااااااااااائع

بارك اله فيكن اخواتي

لا تبخلوا عن كتابة تجاربكم لاننا يعني الغير متزوجات محتاجين جدا لتجرباتكم

احبكم في الله

[omjana 6]

??????????????????????

[أم ريتاج 7]

??????????????????????

و عليكم السلام و رحمة الله و بركاته

 

طيب مش تزعلي اوي كده :wub: :sad: :oops: :sad: :oops: :sad:

 

اصل انا يا زاد لما جيت اتجوز مش عملت حاجه مخصوص لبشرتى او شعري

 

لأن انا كنت عايقه :tongue: :tongue: :tongue: من قبل الجواز و كنت بهتم بنفسي

 

فكل اللى كنت بهتم بيه هو شراء الاثاث و باقى الحاجه و الرجيم و عماله اروح و اجي على الاتيليه اللى كنت بعمل عنده الفستان و لون الشعر اللى كنت عيزاه

 

اما تظبيط البشرة و الشعر ففي الايام الاخيرة مركز التجميل هو اللى شال الليله دي

 

بصى من الاخر مهما تعرفي تجارب و غيره هي زنقه لازم هتعدي عليها يعني هتهدي عليها

 

مهما بتحضرى و تظبطي متعرفيش بيبقى فيه ايه

[omjana 6]

ام ريتاج ايه رايك فى الحمام المغربى

 

والتكييس

 

لان الكوافيرة قالتلى جسمك هيفرز روايح حلوة صح كده؟

[أم ريتاج 7]

ام ريتاج ايه رايك فى الحمام المغربى

 

والتكييس

 

لان الكوافيرة قالتلى جسمك هيفرز روايح حلوة صح كده؟

 

:icon15: :icon15: :icon15: :icon15: :icon15: :icon15: :icon15:

تحححححححححححححححححححححححححححححففففففففففففففففففه

 

و هيخليكي :icon17: :icon17: :icon17: :icon17: :icon17: :icon17:

[omjana 6]

ربنا ييسر ان شاء الله

 

بقولك

 

هاتى كلامك وردك فى الموضوع التانى عشان اقراه عشان الموضوع فيه ايرور الظاهر ومش راضى يفتح الردود وبالمرة قوليلى ايه معنى ريتاج

 

 

مستنياكى

[omjana 6]

ايه افضل نوع صبغة عشان الشعر ويكون منها لون نبيتى

 

 

متكونش بتنشفه

؟؟؟؟؟؟؟؟

 

معلش دوشاكى

[أم ريتاج 7]

ربنا ييسر ان شاء الله

 

بقولك

 

هاتى كلامك وردك فى الموضوع التانى عشان اقراه عشان الموضوع فيه ايرور الظاهر ومش راضى يفتح الردود وبالمرة قوليلى ايه معنى ريتاج

 

 

مستنياكى

السلام عليكم و رحمة الله و بركاته

زوز

 

ريتاج يعنى ستار الكعبة

و ده فعلا اسم بنتى

 

و انتى كنتى بتقولي لانسيتم ان انا يمكن ارد عليها في موضوع حنة القدمين

 

و انا كنت رديت فعلا عليها

 

في حاجه تاني

 

قولي لي و انا اكتب لك هنا

[omjana 6]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أم ريتاج 7]

ايه افضل نوع صبغة عشان الشعر ويكون منها لون نبيتى

متكونش بتنشفه

؟؟؟؟؟؟؟؟

معلش دوشاكى

السلام عليكم و رحمة الله و بركاته

بصي يا زيزو

خلينا واقعين و نقول ان معظم الصبغات لو مش كانت كلها بتنشف الشعر

يبقى الحل في الاهتمام بيه بعد الصبغه

 

و انا كنت بجرب انا و قرايب و اصدقائي كوليستون

و هي حلوة

 

بس اكيد المستورد منها هيكون احسن

 

هو انتى من القاهرة

 

لو اه يبقى روحى مركز سمير و وليم اللى في اشارة روكسي

 

مركز فيه جميع و كل اللى تتخيليه من ادوات التجميل المصري و المستورد و اسعاره غير بره و هتلاقي فيه الصبغات كلها و البنات هناك هيفدوكي جدا