أختكم أمنه بنت وهب محتجاكم .........فهل من مساعد

[امنه بنت وهب 0]

السلام عليكم ورحمة الله وبركاته،،

حبيباتى أنا عارفه أن أنا بخليكم تزهقوا منى من كتر أسئلتى يعنى ؟

بس معلش أصل أنا متعشمه فيكم جدا ............وعايزاكم تساعدونى

الموضوع بأختصار

أن أنا مسافرة لزوجى كمان شهر وعايزة أعمل تغيير فى شكلى شويه

علشان يحس ان أنا مهتميه بيه ومش مسافرة غصب عنى

زى لون الشعر ؟

قصات الشعر ؟

مسكات الوجه ؟

الالوان اللى البسها فى البيت طبعا ؟

يعنى عايزه أعرف ايه اللى يليق عليا وأيه اللى ميلقش ؟

أصل أنا معرفش أى حاجه فى الموضوع ده

واللى عندها نصيحه تقدمها لى متبخلش عليا بيها

يعنى ازاى أخليه يحس أن أنا مش متضايقه انى سافرت معاه

لانى زى ما أنتم عارفين ماكنتش عايزة اسافر معاه وكنت رافضه علشان أفضل مع ماما

المهم تنصحونى بأيه ولو فى أى سؤال أسألونى وأنا هجاوبكم

[صلاتي هي حياتي 0]

بسم الله الرحمن الرحيم

السلام عليكم ورحمة الله وبركاته،،

أمنة ازيك انا سمر اللي كنت عاوزة مساعتدك فاكرني اصل انا نسيت الباص ورد بتاعي سبحان ليسه كنت هبعتلك في مسابقة وعاوزة اقولك ازيك واخبرك وكده لقيتك كاتبة فووق ياتري فاكرني ولا لأ :cry: بصي بقي اولا عاوزكي تروحي لي كوافيرة وعيشي بقي ياعني لون شعرك أسود خليه أعملي هاي لايت لو شعرك فاتح تعملك هاي لايت يليق فيه لبس بقي معرفش :cry: بس عيشي بقي وماك اب اتعلمي بقي انتي لو شعرك طويل خليه طويل هو انا شفت كذا بنت قص شعرها كاريه بي مش عارفة هتليق فيكي ولا ايه :cry: بس انا مبسوطة اوي يارب يزيدك جملا ان شاء الله لزوجك وتكوني احلي سيدة في الدنيا يارب :cry: أحبك في لله بس فاكرني ولا ايــــــــه :cry:

[امنه بنت وهب 0]

حبيبتى (سمر )

 

عمرى ما أنساكى عامله أيه أخبار الامتحانات أيه جاوبتى كويس

طمنينى عليكى بأستمرار

وشكرا حبيبتى على نصائحك الغاليه وجزاكى الله خير

[صلاتي هي حياتي 0]

الله يكرمك انا مبسوطة :cry: انك ليسه فاكرني الحمد لله ياعني كانت شويا بس الحمد لله رب العالمين بسم الله ماشاء الله اللهم بارك في البنوتة الجميلة دي

 

بس بجد شوفي هتعملي ايه في شعرك في الميكياج ادخلي علي زينتك اللي في المنتدي اكيد هتستفيدي :cry:

[ام الفاروق عمر 0]

السلام عليكم ورحمة الله وبركاته

 

ايه يا قمر رعبتينى لما قرات العنوان

خير ما فعلتى حبيبتى اسلم شىء بس

ما تتركناش حاولى الاتصال بنا,,,,,,,,,,

اما عن الشكليات انتى الوحيدة التعرف ما يريده زوجها

ولكن انى اول مرة سفرت ذهبت للكوافير قصيت شعرى بصيت

للتغيير فقط,,,, وهوه لونه طبيعى احلى لانه كستانى فشكله الطبيعى

افضل واللبس عادة الرجال يحبون اللبس الفاتح مثل,,,,,,,,,,,,,,,

الاحمر--- الهافان---- الابيض --- اخضر فاتح ----- وتبع لون البشرة

وربنا يوفقك ويسع ايامك انتى وزوجك وابنتك,,,,,,,,,,,,,,,,,,,,,,,,,,

ويلا جربى الغربة مثلى لو انتى بجوارى كنت قابلتك :cry: :cry:

[امنه بنت وهب 0]

السلام عليكم ورحمة الله وبركاته،،

حبيبتى سموره متحرمش من دخولك عندى أبدا يارب وأشكرك على دعواتك الحلوة لبنتى

وربنا يرزقك بالزوج الصالح

حبيبتى (أم الفاروق عمر )

كنت هزعل جدا لو مكنتيش رديتى عليا

لانك بالنسبه لى مش زى أى حد انتى حمات بنتى طبعا ورأيك يهمنى

مش عارفه أيه اللى يليق عليا بالضبط

ومن هنا جت الحيرة اللى انا فيها

فياريت الاقى حد متخصص ويفيدنى فى الحاجات دى

والله الموفق

تم تعديل 8 فبراير, 2008 بواسطة امنه بنت وهب

[سنو_وايت 0]

صراحه اختي لما شوفت العنوان شدني لانك رديت على مواضيعي فكان عليه ان ارد لك جزءا من جميلك

 

اختي الحبيبه انصحك ان كان مطول شويه السفر يعني بعد شهر مثلا ان تذهبي الى صالون الى كوافيره وتاخذي عندها دوره على عجال واعمليلك كام تغيير على شعرك ومكياجك

 

بس لما تتعلمي من كوافيره اكيد حتكوني متنقه اكثر لانك ذهبتي الى راس النبع

 

والله يوفقك يا رب

[امنه بنت وهب 0]

أختى( سنو وايت)

جزاكى الله خير فكرة رائعه انا فعلا قدامى حوالى شهر

ممكن أذهب للكوافيره مع أنى مش بحبهم لانهم

عايزين يشتغلو وخلاص وبيتكلمو عن الحواجب وأنا مابحبش أتكلم معاهم فى الموضوع ده

بس هحاول أسأل على واحده كويسه وربنا ييسر

تم تعديل 5 فبراير, 2008 بواسطة امنه بنت وهب

[ام الفاروق عمر 0]

حبيبتىمقدرش على زعلك ابدا لانك من اعز الناس على قلبى

 

 

انتى تعرفى جيدا انى احبك فى الله,,,,,,,, افضل كما قلتى متخصصة لان انا لم استعمل المكياج,,,,,,, لان زوجى لا يحبه,,,,,,,,,,,,,

 

اما اللبس عليكى بقمصان والارواب الحرير او الستان,,,,,,,,, واهم شىء الدلع للرجل زى الماء والهواء ,,,و فقك الله حبيبتى :icon15:

[امنه بنت وهب 0]

حبيبتى (أم عمر)

أنا كمان زوجى لايحب المكياج بس شىء ضرورى برده فكل النساء يحبون الزينه............

وأنا أشتريت فعلا ملابس كتييير

بس مش عارفه ليه حاسه ان فى حاجه نقصانى علشان كده

قولت أشاوركم أخواتى يمكن ألاقى حاجه جديده تكون نقصانى

تم تعديل 8 فبراير, 2008 بواسطة امنه بنت وهب

[ام الفاروق عمر 0]

حبيبتى سوف اتركك لانى تركتى زوجى جالس لوحده

انشاء المولى اراكى غدا على خير :icon15: :- :icon17:

[ام الفاروق عمر 0]

انشاء الله لن ينقصك شىء هوه اصلا لما يراكى مش حيشوف لا مكياج

ولا لبس اكثر من فرحته بيكى وبالقمر الصغيرة مش حتفرق كثير ,

الشكليات,,,,,,,,,,,,,,,,, واطمئنى خيرا باذن الله ,,,,,,,,,,,,,,,,,,

هيه اول مرة دائما كده,,,,,,,,,,,,,,,,,,,,,,,,,,,,,

[أم فرح و حسين 0]

حبيبتي آمنة أخبارك ايه؟؟

 

شوفي يا ستي, ما دام شعرك طويل, اعملي فيه شوية تدرج, هيعملك كثافة و هيبقى جميل و مثير ان شاء الله

 

و على حكاية اللبس, على حسب ذوق زوجك, لو بيحب الغوامق البسي شوية قمصان و بيجامات ساتان على حرير من الأسود الى

 

النبيتي و الأحمر و الحاجات دي

 

لو الألوان الفاتحة, يبقى أبيضات على سكري على بمبي

 

ألوان حلوة و هادئة :icon15:

 

المكياج بقى شوية كحل على حبة روج فاتح يعملو شغل جااااااااااامد :- :icon17:

 

ربنا يوفقك و يوصلك بالسلامة لزوجك

 

و يرزقك الذرية الصالحة عاجلا غير آجل يااااااااا رب

[امنه بنت وهب 0]

حبيبتى( أم فرح وحسين)

أنا بخير الحمدلله ووصفاتك جميله جدا وجزاكى الله خير

ولكن الشعر المدرج فعلا حلو يعنى عن تجربه ولا أيه ؟

ويارب يبارك لى فيكى ويرزقك الذريه الصالحه

[*أمة الودود* 0]

حبيبتى ((امنه))

انا مبسوطه اوى انك هتسافرى لزوجك والله بهون على والدتك ..

حبيبتى فى الاول كده انا مش عايزاكى تحسسى زوجك انك مسافره غصب عنك بالعكس اظهرى الفرحه وخليكى راضيه وصدقينى كده احسن علشان البنت تتربى بينكم وتشعر بمعنى الاسره ومتكنش زى كتير من الناس اللى ابائهم بيسافرو وميجوش غير فى الاجازات وبالنسبه لهم الاب ده مصدر المال مش اكتر ..

بالنسبه لعنوان الموضوع انا اترعبت منه افتكرت فى حاجه لا قدر الله ..

شوفى يا ستى لو كان شعرك طويل اوي يعنى مغطى ظهرك اوعى تقصيه ممكن تساويه وخليه على لونه الطبيعى وخليه دايما مفروديعنى كانه مكوى ولما تدخلى المطبخ طبعا لميه

اما لومكنش طويل اوى ممكن تدرجيه واعملى فيه خصل هى لايت ذهبى هيكون حلو معاكى علشان شعرك اصلا كستنائى

انتى قلتى ان بشرتك بيضاء ..الميكب الخفيف بيظهر جمال البيض اكتر وطبعا راى زوجك هو الفيصل ..مش يمكن بيحب الميكب التقيل ؟؟؟

بالنسبه للبس شوفى جسمك يعنى لو انتى طويله يبقى قمصان طويله حمالات

ولو قصيره يبقى فوق الركبه

طبعا الالوان بمزاجك ويفضل الاحمر عشان انتى عارفه بقى...هههه

لو كنتى مليانه البسى الوان غامقه بتلم الجسم شويه ((طبعا اصدى على اللانجيرى ))يعنى احمر - كحلى -اسود-اخضر غامق-فوشيا ...كده يعنى

لو افتكرت حاجه تانيه هقوللك

وبرده روحى للكوافيره وهى هتساعدك كتير اوى بس يبقى مكان كويس له سمعه كويسه فى التجميل

يارب اكون افدتك

واوعى تنسينى

ســــــــــــــــــــــــلام

[امنه بنت وهب 0]

حبيباتى سوف أترككم الان لان بنتى عاوزة تنام ولى عودة مرة أخرى ولكن لاتنسونى

 

فمعلوماتكم هتفيدنى كثيرا والله

تم تعديل 5 فبراير, 2008 بواسطة امنه بنت وهب

[أم فرح و حسين 0]

يا غالية قصة الشعر المتدرج على شعر طويل روووووووووووووعة

 

و عن تجربة يا غالية

 

قوليلي, أنت شعرك جاف ولا نوعه ايه؟؟ عشان أعرف أقولك تعملي ليه بالظبط

 

أحبك في الله يا حبوبة

[امة من اماء الله 1241]

السلام عليكم ورحمة الله وبركاته.اخيتي في الله ,اولا اتمنى لك سفرا سعيدا, وليكن في مرضاة الله ...ليس لدي الكثير لاقوله , فانا بصراحة لا افهم في هذه المسائل لكني انصحك, بان تجلسي مع نفسك وكوني صادقة, وادرسي معها امكانية اقتناعها بالسفر ...وان نجحت واقنعتها بذلك, لا اظنك ساعتها ستحتاجين الى اي نوع من انواع الزينة ,ذلك لانك سوف تتعاملين مع زوجك بتلقائية, وساعتها سيشعر بك ويحس بصدق كلماتك وابدا لن يشك في انك جئت معه ,مكرهة.وفقك الله اختي و حفظك وحفظ لك زوجك وولدك .

[جنة سالم 0]

بسم الله الرحمن الرحيم

السلام عليكم ورحمة الله وبركاته،،

حبيبتي في الله ..قلقت عليكي جدا من العنوان لكن الحمد لله الموضوع طلع خير بفضل الله

أنا أنصحك بعدم قص الشعر اتركيه طويل وبالنسبة لزينة الوجة فالبساطة تظهر الجمال أكثر

وانصحك ان تقرأي في قسم الجمال والزينة في المنتدي ان شاء الله تستفيدي اكثر واهتمي

هذه الفترة بعمل الماسكات للوجه وعلي أنا جربت تلوين الشعر فاتلف شعر لأن معظم هذه

المستحضرات تحوي مواد كيميائية فابعدي عنها أنا أعرف صديقة لي استخدمت الحناء الطبيعية

مع اضافة الكركديه المغلي فكان لون شعرها كستنائي جميل شوفي انتي اللي يناسبك ..

واتمني لك حياة مليئة بالسعادة والهناء وربنا يبعد عنكما أي مشاكل ويحليكي دائما في عين

زوجك . 8-)

[امنه بنت وهب 0]

السلام عليكم ورحمة الله وبركاته،،

حبيبتى(أمة الودود)

أولا مش ممكن أنساكى طبعا ياحبيبتى ده مستحيل

وثانيا معلوماتك أفادتنى كتييير وجزاكى الله خير عليها

مش عارفه أقولك أيه مفيش كلمة شكر تكفيكى

 

[امنه بنت وهب 0]

حبيبتى (أم فرح وحسين )

رزقكى الله بفرح وحسين ويقر عينك بذريتك فى الدنيا والاخرة

 

تم تعديل 8 فبراير, 2008 بواسطة امنه بنت وهب

[امنه بنت وهب 0]

أسفه جدا ياأخواتى لم أعلم أن عنوان الموضوع هيسبب لكم أزعاج

 

أسفه جدا وأرجوكم سامحونى

تم تعديل 6 فبراير, 2008 بواسطة امنه بنت وهب

[امنه بنت وهب 0]

وعليكم السلام ورحمة الله وبركاته،،

أختى (أمه من أماء الله)

كم أنا سعيده بردك عليا ولكن حبيبتى سفرى هذا جاء بعد معاناه

 

وأعذرينى فهذه أول مرة أترك فيها أحضان أمى وأسافر مع زوجى

 

وأنا فعلا سوف أسافر وقلبى مع أمى وزوجى يعلم كل هذا . ولكنى لاأستطيع فعل شىء

 

سوى أنى أريد أن أعوضه فترة الحرمان الطويله منى أنا وأبنته

 

ولهذا أردت أن أخذ أرائكن ليس الا...................

[امنه بنت وهب 0]

وعليكم السلام ورحمة الله وبركاته،،

 

أختى (جنه سالم)

 

كم أن كلامك هذا جميل والله وجزاكى الله خير على الدعوات

 

الحلوة دى وجعله الله فى ميزان حسناتك

 

[امة من اماء الله 1241]

وعليكم السلام ورحمة الله وبركاته.اخيتي لم اكن اعلم ان القضية بهذا الشكل اما والامر كذلك فابشري ...لقد احببتك وبدا لي من خلال ردك وكذا باقة الورد الجميلة انك انسانة حسا سة ومتخلقة واكيد زوجك يعلم انه فاز بك فهنيئا له بك حبيبتي, و ان شاء الله الامور ستكون على خير مايرام, وانا معك ان مفارقتك لامك ليس بالامر الهين ...اذن وكما قلت لك, لاا فهم في مثل هذه الامور لكن اظن, ان الاهتمام به زيادة +كلمة حلوة +ابتسامة لاتفارق محياك+....تساوي رضى و قناعة من طرفه.وخيرا فعلت عندما اثرت الموضوع ,على اخوات طريق الاسلام.وفقك الله حبيبتي, و ان شاء الله تجدين مبتغاك ولتهنئ نفسك, وان شاء الله لن يكون الاخيرا.