أمنية حياتي
-
عدد المشاركات
309 -
تاريخ الانضمام
-
تاريخ آخر زيارة
مشاركات المكتوبهة بواسطة أمنية حياتي
-
-
السلام عليكم
أستسمح إدارة المنتدى بطاقمها أن أضع هذا الإستفتاء، و أرجو أن لا أكون مخالفة لقوانينكم.
أخواتي,,هناك تصويت يقوم به موقع الياهو لمنع الحجاب على أخواتنا المسلمات في نيوزلندا ونسبة التصويت بالموافقة عالية، وقد تمكنا سابقاً من كسر ذلك بتوفيق من الله وفضلة ومن ثم تعاون المسلمين والمسلمات على الخير وبعد توفيق الله يمكننا أن نجعل التصويت لصالح أخواتنا المسلمات، فصوتوا يا إخوان وأنشروا في المنتديات والإيميلات ولكل من تعرفوا وذلك لنصرة المسلمين، التصويت مباشر ولا يأخذ وقت أبدا
وأرجو من الجميع التصويت بـ
NO
طبعا هذى أمانة الحاضر يخبر الغائب (وتعاونوا على البر والتقوى ولاتعاونوا على الاثم والعدوان)
وحتى يعلم الغير مسلمين ان المسلمين متكاتفين ومتعاونين في كل مكان وزمان لما فية مصلحة دينهم
نسأل الله التوفيق والسداد وأن يكتب الأجر لنا جميعا
وصلنا عن طريق السكايب.
-
السلام عليكم
بارك الله فيك أخت مودة
العنوان ظهر من عنوانه
أكيد استفدت من فقرتك أنه لا للإستسلام، النجاح يكون بالتجربة و تكرارها مهما كان حجم الأمر الذي تمرين به.
و لكن فيه الكثير من يحتاج لتشجيع لكي يواصل مشواره و إلا كان اليأس حليف الضعيف
-
صحة فيك خليتيني وحدي، و دق كيفاش نعرف واش قترحتو؟؟
معليه، تصبحي بخير
-
وشنو الإقتراح ديال الأخت نسرين؟؟ قوليلي عليه أخت قطر باختصار
الحمد لله راني في نعمة، يسقسي عليك الخير وين كان
ونا معمرتلكش العين، راني معاك لتحت( نتمسخر معاك)
-
السلام عليكم
وشراكم؟؟
معرفتش وين راه المشكل؟؟
أفوض أمري لله
أخت قطر لالندى راكي التحت وشراكي ختي؟؟
و بقية الاخوات مقدرتش نشوف الجديد ديالكم، شفت غير الصفحة الأخيرة، الله المستعان
-
أسمحيلي ختي سهام، نسيت باش نرد عليك
إيه ، صح الظروف خطرات تكون عقبة في طريقنا، و الحمد لله ربي نحالك نعمة عوضك بها( الزوج و الأولاد)، كاين اللي ربي حرمهم، معليه المهم عندك سلاح في يدك، غدوة و لا اليوم
-
أخت أم نعيم مرحبا بناس غرداية
أخت إيمان بارك الله فيك، و الله غير تعلمت حاجة جديدة ، شفتهاديك الصفحة فالرابط، تعرفي عدت نخاف نمس حاجة في هادا الميكرو من كثرة منعرفش نخاف كلمة supprimer، خربت شحال من مرة واحد العفايس فيه
أخت نسرين و الله غير هبلتني، تروح و تجي، المهم خير من والو
أخت فطر الندى، الله يسلمكو شراكي؟؟ مراكيش تباني حتى نتيي، خير؟؟
كنت مع الأخت إيمان كل يوم هنايا
بقيت غير أنا، أيا تصبحو بخير، وبارك الله فيكم
ربي يجمعنا بكم في جنات الفردوس يا رب
-
السلام عليكم
أخت سهام، بوووه علي ، أنا مازالني في كامل حريتي، ومبرطاليش بهاداك الموضوع(.....)
الله يبارك سمحتي في قرايتك، لو كان راكي قريبة لي، حطة، تعلميني شوي، أعلام آلي ، ختك حابسة
أخت إيمان راني نستنى في الرد ديالك،
بارك الله فيك على العرضة، إن شاء الله في الباك
الأخت أم محمد ، الأخت يمنى راحوا؟؟
و الأخت أمينة الورشية ماكانش خبر عليها؟؟ راحت مولاتش
-
HISTORIQUES نعرفها وين جاية،ياك ندير سوبغيمي برك ؟؟ بصح هادو لكوكيز أنا نعرف قاطو وسمو لكوكيز( إبتسامة)، قوليلي دق راكم عارفين بلي راني حابسة شوي في النت وين جاي هادا الكوكيز؟؟
مرحبا بيك أخت أم نعيم الحمد لله بخير، نتي معرفتش منين بالذات؟؟
-
السلام عليكم
أخت رحيل نقولك الصح الصح، كي شفت أسمك باش تفكرتك، بصح العيب جا منّك ، أرواحي زورينا نسقسو عليك
يا سيدي ماشي كل يوم خطرة في السمانة و لا مرتين
أحبك الذي أحببتنا فيه، بارك الله فيك
أخت سهام ما شاء الله، مرحبا بناس قسنطينة أنا من العاصمة ( غربها بالذات)ما شاء الله أسموات ولادك روعة ما شاء الله (
إبتهال، أيهم، بسلم) ربي يحفظهوملك
أخت نسرين و الله الحمد لله بخير، غير من هدا المنتدى مرانيش مليحة، حقا راكي مليحة فرغت قلبك شوي؟؟ياك؟؟ دق العطلة نوغمالمون ترتاحي شوي
أخت إيمان تعرفي كتبت وحد الرد أول أمس طويل ، بصح راح أدراج الرياح الكونكسيون خربتلي كل شي، معودتش كتبتو، نكتب برك الجزء الخاص بيك
(( منسحقوكش تدخلي لوكان متعرضيناش على قهوة))، اسمحنالك في البيام ، بصح في اللسي لالا
-
السلام عليكم
حياكن الله
وشراكم؟؟
أخت نسرين و أخت إيمان راني نشوف فيكم لتحت وشراكم؟؟
نقولكم الصح الصح ، ماشي أفار كامل ، التحديثات هادو قلبولي كل شي في هدا المنتدى
مازالني هكداك
حتى الصفحات مكاشهم ، نشوف برك الأخير و لا الأولى، مفهمتش واش ندير؟؟ماشي لكوناكسيون
المهم كشما جديد؟؟
مرحبا بيك أخت سهام 100 ما شاء الله ربي يحفظلك ولادك و مولابيتك
خسارة مشفتش الردود الأولى ديالك حبيت نعرف منين بصح( متولهتلكش) نبان ديال الشرق أو منعرف
-
السلام عليكم
بارك الله في جهودكن
لكن أقر أن الستايل الجديد تغيرت حياتي معه للأسوأـ بصراحة تهت ، حتى الصفحات لم تعد تفصل بينها
أولا لحد الآن لا تظهر عندي أيقونات الألوان و الحجم ......، و لا أظن من الكونكسيون.
ثانيا، فيه أمور لم نتعود عليها ، يا حبذا لو تتفضل الإدارة بإدراج شرح للأمور الجديدة على المنتدى( لعله يسهل على الأخوات و أنا أولهن)
-
السلام عليكم
بارك الله فيك أخت يمنى
رائع أن تسمو مئذنة بهذا العلو
اللهم اجعل صاحب الحنجرة الذي سيعلوها من أطول الأعناق
نسأل الله أن ييسر للقائمين على بنائه و يوفقهم جميعا
اللهم اجعل كل شخص وضع حجرة فيه في ميزان حسناته و لو حاد عن طريق المسجد صغار الحجر
-
1
-
-
السلام عليكم
بارك الله فيك أختي قطر و لك بالمثل
همسة: أنا كلا إسمي لا أحبذهما و إن أردت مناداتي فناديني ب فتحية و ليس فتيحة ( أمقته)لو يرجع بي الزمان نقولهم سموني مريم أعشق هذا الإسم
أحبك الذي أحببتني فيه
أمزح معك أختي فيما يخص عدم الرد
تصبحي بخيرنتي و الأخوات
السلام عليكم
-
السلام عليكم
أسمي..؟؟ منحبوش هو هو من الفتح( فتحية) بصح الأصلي فتيحة، و دق أسمي الجديد فالدار (((مادام اتصالات الجزائر))
يا ودي أنا راني قد يماك بالاك، كملت يا حسراه كملت في 2003 ليسانس، و 2005 عام وحدوخر قريت كيما الأخت راجية الكابة
أومبعد خدمت عقود ما قبل التشغيل عامين ( 2005 -2007)و طبقوني البرة
و خدمت 12 يوم عند محضر قضائي، أومبعد خرجت ، يحرث علي بالخرجات برك محبيتش
و دق راني قاعدة و مقابلة ميمتي( هي تظل تقولي كيما نتي طفيه ياطفلة، طفيه ياطفلة، خلي خوك يقعد شوي )
واش نزيدلك، راني حكيتلك قصة حياتي
أخت قطر نحن هنا( أشير لك بأيقونة اليد بالسلامة)
-
السلام عليكم
الله يسلمك و يسلمها
خلاص راهو وصل سلامك
و راهــي تسلم عليــك ،
معلش حبيت نسقسيــك
واسمك ؟؟؟؟
كيفاه مازال مالحقوكش ؟؟؟
بالاك la connexion ماشي مليحة لالا ؟
تسقسي على إسمي الحقيقي أم إسمي في المنتدى ظهر سي نوغمال اليوم برك
نتمسخر كيقتلك على مازال موصلوش ( ابتسامة)
بالاك لكوناكسيون ما نعرف؟
أخت إيمان علاه أسمك ما يظهرش ملتحت درتي عدم ظهرره صح؟
قوليلي أنا شوي منعرفش نخربش
أخت قطر الندى هادي 3 رد و مرجعتيش واش راكي أتديري؟؟
أخت راجية صحة فيك دخلت السلام مقلتيهاش
أمزح معكن أخواتي
متزعفوش مني، حتى أنا منين داك نبقى نقرا غير فالردود ديالكم
-
السلام عليكم
شفتي أخت إيمان، سلمي على ماماك، و قوليلهاقاتلك أمنية متخميش الفصل الثاني أنا نحاوزها و نشوفوا النتيجة إن شاء الله
ما شاء الله عليك أخت إيمان كملي هكدا تخرجيلنا حاجة متفقين؟
سبحان الله أنا علاه معندي والو في الصفحة ديالي؟؟
بالاك مازال موصلوش لي؟؟( إبتسامة)في الصيانة ..!!!
نزيد نتسنى شوي، بالاك يدخلو علي و يقومو بتعديلات
أخت راجية على السلامة
أخت قطر واش راكي أديري رجعيلنا على الأقل
نا النت عندي راهو ثقيل بصح راني نكونطاكتي
حقا أخت نسرين وين راهي؟ ربي معاها
-
السلام عليكم
وشراكم؟؟
أخت إيمان مبروك عليك، الحمد لله هادي كنت في التجمع و جبتي 14 الله يبارك، لو كان مدخلتيش بالاك تطلعي للسقف بالنتيجة، ما شاء الله، ربي يوفقك
أخت الررازن وشراكي طولت شوي، يتوحشك الخير
أخت قطر الندى ماراكيش تباني كيما مضاري خير إن شاء الله؟
أخت الصبر الجميل، أهلا و مرحبا بك ، البيت بيتك، وأطلبي ما شئت نحن لك عيون
خواتاتي، دق نقولكم على بعض الأمور في المتدى و إدا عندكم كيما أنا قولولي، بالاك الأنظمة ماشي كيفكيف( زعمة نعرف) وين راهي أخت يمنى..؟؟ متضحكيش علي
بعض الملاحظات:
أولا لا توجد أيقونات الكتابة من حجم و ألوان و توسيط... هل أنتن مثلي
ثانيا: عدد الصفحات اللي من قبل متظهرليش، مثلا حبيت نشوف الصفحات اللي من قبل في التجمع ديالنا مكاشهوم، نشوف غير الصفحة الأولى و الأخيرة برك.
كيفاش نجبد الردود اللي من قبل( 83، 84 ...مثلا
و خطرات يبانلي المنتدى صفحة غير كاملة مثلا عناوين الأقسام الخاصة بالمنتدى على اليمين لا تظهر بشكل واضح ( نشوف الكتابة من نص برك) مثلا همزة الوصل، نشوف، زة الوصل
اسمحولي كثرت عليكم
أخت قطر راكي ملتحت
-
السلام عليكم
واش راكم؟؟
راني حاسة روحي مقيدة، منقدر ندير والو، وقتاش يكملوا هادي التعديلات؟؟
المهم، تكونوا بخير ، و هكدا خير من والو
أخت نسرين: ربي معاك، معليه لقيتي سبة و بكيتي خير ملي تخلي في قلبك، معليه شافك غير ولادك، ميستشفاو فيك مايضروك
مساكن خلعتيهم برك
و كيما تكرمو الأخوات راحتك في ركعتين إن شاء الله، و ربي معاك
أخت يمنى، إيمان، راجية، م نعيم، أم زياد، أم حواء 10......و البقية الله يجمعنا في جناته و يظلنا في ظله يوم لا ظل إلا ظله
نلقاكم على خير، أبقاو على خير
همسة: ملقيت والو باش نزين الرد ديالي بالألوان و لا حجم، نفس الشي معكم؟؟؟
السلام عليكم
-
السلام عليكم
أخت الفقيرة
بعد التحديثات لم أعد أستطع إرسال الأجوبة
جوابي الرابع بقي معلق
كلما دخلت لأرسل من رابط( هنا)، لا أجد مكان للإرسال عن طريق الرسائل الخاصة
و إذا ضغطت مثلا على أي أيقونة في ملفك الشخصي، ( تظهر الرسالة فشلت العملية، أو لا تملك هذه الخاصية)
أفيدوني من فضلكن
-
السلام عليكم
وشراكم؟؟
الحمد لله عاودنا تلاقينا
كنت كلما ندخل نشوف تلاقيني الرسالة بضع ساعات، عشات في يومين تقريبا
بصح نقولكم الصح الصح معجبنيش الستيل الجديد
معرفتش حاجات بزاف
بارك الله فيك أخت يمنى( نبدلك إسمي بإسمك؟؟
و الكيكة شهيتنينا بها، ناكلوها في فرحك إن شاء الله
إن شاء الله يوفقك ربي و تترسمي، المهم راكي تديباني، خير مني أنا قاعدة غير مع (......)
أخت نسرين راهي قريب العطلة إن شاء الله و نعودوا نلقاوك في كل وقت
أخت أم نعيم قتلك( معليه) قصدت بها( لا عليك)، لأنك قلت كنت مريضة و لم أعد ادخل هذا كل ما في الأمر حبيبتي
أخت راجية أسمحيلي شفتك ملتحت، بصح كنت نقرا في الردود حتى خرجتي
مرحبا بيك أخت أم إنصاف، متشرفين، صحة يا ناس العاصمة، أنا غرب العاصمة و نتي وسط؟
و البقية يسمحولي
المهم حبيت نسقسيكم
خاصة الأخت إيمان هي راهي مشتركة في مسابقة القصص القرىني، أنا مازال مبعثش الجواب الرابع ( معليه نحكيلك و شوفي، أصبري علي شوي)
رستلي المشرفة قبل التعديلات رابط السؤال، و غدوة منداك كي حبيت ننرسل لقيت و مغلق، و كي اليوم عاودت فتحت الرابط ميظهرليش السؤال تظهري صفحة المنتدى ، كيفاش دق نوَصّل الجواب
و كي ضغطت على الرسائل الخاصة( قالت لي الرسالة لا تملك هذه الخاصية؟؟9 مفهمت والو مع هادا الديكور الجديد، ماشي أنتيك( عفوا على هذه الكلمة)
-
السلام عليكم
حياك الله اختيطيب انت سرعة اتصالك كيف؟
حسب سرعة اتصالك ساعطيك الروابط التي تناسبك
بطيئة قليلا، و أحيانا التحميل ينقطع في النصف و لو من رابط واحد
ألا يوجد رابط واحد للمبتدئينمعليش غير متطور المهم أتعلم شوي الفوتوشوب
جزاك الله خيرا
-
السلام عليكم
صباح الخير عليكم
وشراكم؟
أخت ماريا وشراكي ختي؟؟لاباس؟، نحبك بزاف بزاف
منية حياتيربنا يكرمك حبيبتي
و يكرمك بارك الله فيك أختي
كلك زوووق والله
الله يسلمك
انا عارفة انكو اصحاب كرم وزوق
الحمد لله، و إن واحدة بخلت عليك هنا أخبريني( حَوَريها يوم أسود)
كتييييييييييييييييييير بحبكو والله
أحبك الذي أحببتنا فيه، أختي، و الله نعمة أن نجتمع على صفحة واحدة
ماشس اعطيني جملة وهشوفها في جوجل متقلقيش
هههههههههههههههه
لا تستعيني بعمو قوقل، شرط
خدمة اليدين خير من مال الجدين
بالاك نلقاك تحوسي في قوقل، نعاونك برك تروحي لهدرة بلادي
الله يباركلي فى عمركم حبيباتي فى الله الجزائريات الطيبات الجميلاتأسأل الله أن يسعدكن ويسعد قلوبكن وأيامكن ويحبكم ربي ويرضى عليكم
أخت أم الصبر الجميل
و فيك بارك الله
ما شاء الله، خجلتينا بالدعاء لنا، و لك بالمثل، الله يجمعنا بجناته و يظلنا بظله يوم لا ظل إلا ظله
مرحبا بيك في كل وقت.
أخت نسرين نوغمالمو اليوم تدخلي ، راكي في الدار، بصح علبالي راكي مع الشغل، ربي معاك
أبقاو على خير
قبلة على جبين حبيباتي
-
السلام عليكم
وشراكم ؟؟
واش خباركم؟؟
نتوما تلعبو معايا كاش كاش( كي ندخل تروحو، و كي نخرج تدخلوا(إبتسامة)، أمزح
البنات الجزائرياتبجد بتتضايقو من تطفلي هاد؟؟
والله ما راح ازعل
قولو الصراحة؟؟
أخت ماريا، إياك و إعادة كلمة تطفل، بالعكس نحن بيتنا مفتوح ، لا نحصر ضيوفنا منا و إلينا، بل نحب زهور مختلفة
ما شاء الله، أنت عاشرتينا أكثر من 40 يوما ، و أصبحت منا، و الدليل أنك تتكلمين بلهجتنا
نعطيك جملة وترجميها للهجتنا باش نسامحوك، و لا نغلقوا الباب عليك
شوفي متزيديش تقولي يقلقكم تقرعيجي عليكم؟؟
مرحبا بك و بمن دخل تجمعنا و الله تشرفنا طلتكن أنت و غيرك
أخت نسرين، أنا من العاصمة و بالذات، من غرب العاصمة(.......؟؟)
أخت يمنى، الحمد لله عرفت كيفاش ندخل التوقيع ، بارك الله فيك، حقا صحا فيك مقلتيلناش بلي نتي أستاذة( أنا نشك معلمة في الإعلام الآلي و بالإنجليزية).....
أخت إيمان، نحب نشوف البولتان ديالك، دبري راسك، أسكانيها ، صوريها، المهم نشوفها
أخت الرزان طهور ، لاباس عليك، ربي يشفيك
أخت أم نعيم، معليه المهم راكي لاباس و بخير، حنا رانا ملاح الحمد لله
أخت راجية واش راكي دايرة فيها دق؟ ربي يفتح عليك بخدمة
أخت أم محمد معاودتش دخلت من نهار اللي عرفت بحقيقتها
أخت أمينة الورشية مراهيش تبان وين راهي؟ إن شاء الله تكون بخير
تصبحو بخير
أتهلاو في رواحكم
السلام عليكم
~ نتائج مسابقة القصص القرآني ~
في القصص القرآني
قامت بالمشاركة · Report reply
السلام عليكم
حياكن الله أخواتي
أبارك لكن النتيجة
إسمي لم يُقيَّم معكن في المرحلة الثانية
لكن لم يكن تهاون منا
المشكلة أن الرسائل لم ترسل منذ التحديثات( كنت اعتمد عليها، و لا أطلع على الاسئلة في المنتدى)،و هذا ما جعلني لا أواكبكن
لكن اخت الفقيرة سأستمر في إرسال أجوبة المرحلة الثانية، صبرك علي فقط ،( لأنها تراكمت)
و لك أن تقبليها أو لا( أرسلت الجواب الرابع)
أما المرحلة الثالثة سأكون متاخرة بعض الشيئ