اذهبي الى المحتوى

النسائم الندية

العضوات
 عرض الملف الشخصي  تصفحي المحتوى

  • عدد المشاركات

    342

  • تاريخ الانضمام

  • تاريخ آخر زيارة

مشاركات المكتوبهة بواسطة النسائم الندية

  1. قامت بالمشاركة · Report reply

    ما شاء الله

    جزاكى الله خيرا أختى راماس على هذا النقل الطيب

    بس موضوع النقاب فى مصر للاسف لا يوجد غير هذا النقاب السعودى تقريبا

    فى محافظتى كان هناك نقاب مختلف عن النقاب السعودى ليس له فتحة للعينين وعندما انتقلت للقاهرة لم أجده

    فلو ذهبتى الى اى محل لا يوجد غير النقاب السعودى حتى إنى أضطر للنزول إلى محافظتى لو أردت أن أشترى نقاب

    عموما أسأل الله أن يصلح حالنا جميعا

  2. قامت بالمشاركة · Report reply

    جزاكى الله خيرا أخت راماس على مجهودك,,

    وأضافت الاخت رقية ( بنت الاسلام رقية )

    كلام رائع عن النقاب السعودى مناسب للمخالفة الاولى فى هذا الاسبوع فأحب أن أضيفه هنا ليكون مع المخالفة المناسبة

     

     

     

    ** النقاب السعودي **

    النقاب السعودي المقصود هنا هو ما اشتهر لبسه عندنا في مصر بهذا الاسم ، و ليس المقصود تعميم الكلام على أي نقاب سعودي ، بل يوجد كثير من الأخوات السعوديات يرتدين النقاب على أكمل وجه بارك الله فيهن

    النقاب السعودي و المشهور الآن بين معظم النساء و المكون من ثلاث طبقات و الذي ظهر بين النساء في هذه الآونة بألوانه الغريبة و أشكاله المثيرة فهو بدعة محدثة و لا يجوز للمرأة المسلمة لبسه لأنه نقاب فتنة يعمل على إظهار الرأس و العينين في أجمل و أحلى و أبهى صورة .

     

    قال الشيخ ابن عثيمين ( رحمه الله) : قد ظهر منه الحاجب من فوق العين و جزء من الجبهة أيضا و هذا لا يجوز و قال أيضا : صرن يخرجن الحاجب و الوجنة و يحصل بذلك شر و بلاء .

     

    و قال الشيخ عبد الله بن جبرين ( رحمه الله ) : نصيحتنا للذين سمحوا لنسائهم بلبس هذا النقاب العصري الفاتن أن يتفكروا في أثره عليهن فإنه مجلبة للشر و جاذب لهن إلى المعاكسة و سبب في ميل الرجال إليهن فعاقبته سيئة .

     

    و يقول الشيخ محمد حسين يعقوب ( حفظه الله ) : إن هذا النقاب المشهور و المعروف بين النساء بالنقاب السعودي لا يصلح أن يكون نقابا شرعيا لأنه يحدد رسم العينين فضلا عن أنه قصير كما أنه يحدد ما ينبغي ستره ناهيك عمن تكحل عينيها و ربما لا تغطي من وجهها إلا طرف الأنف و الفم كما أن كثيرات من النساء ترتدي مع هذا النقاب السعودي العباءات المطرزة و لا ترتدي فوقها ما يغطي تللك الزينة أما سمعن هؤلاء النسوة قول النبي ( صلى الله عليه و سلم ) : " و ليخرجن و هن تفلات

    و معنى تفلات : أي يخلو لباسهن من كل زينة تجذب الأنظار

     

    يا إماء الله ما هذا الذي تفعلنه ؟

    هل هذا هو الحجاب ؟

    هل هذا هو الامتثال إلى أمر الله ؟

  3. قامت بالمشاركة · Report reply

    السلام عليكم ورحمة الله وبركاته ,,

     

    أختاه يا ذات الضمير الحر و القلب الحنون

    أختاه يا أغلى عطاء من إله العالمين

    يا منهل النفس التي تهفو إلى أنقى معين

    بالله مهلا إنني و الله مرشدك الأمين

    صوني العفاف و حاذري دعوى التبرج من لعين

    ............................

     

     

    post-129691-1274387999.jpg

    ما شاء الله

    بارك الله فيكى

     

    ** تبرجت و نسيت أني منتقبة **

     

    :

     

    احذري بعض الأخطاء في اللباس

    الكعب العالي اختراع يهودي لنشر الفتنة في العالم كله خاصة بين المسلمين فلا تنقادي لليهود فهم أشد أعداء الإسلام

     

    post-129691-1274390292.gif

    نقاب و حجاب و خمار و عباءة واسعة فضفاضة و لكن بكم واسع فإذا رفعت

    المنتقبة يدها ظهر ساعدها فهذه فتنة للرجال و هذا من التبرج

     

    عباءة سوداء لكنها براقة فهي تجذب الأنظار إليها فهذا حجاب يحتاج إلى حجاب

    ............................

     

     

    جزاكى الله خيرا رقية على هذا النقل الطيب

    وإن شاء الله ستتناول الحملة معظم هذه المخالفات بالتفصيل

     

    السلام عليكم ورحمة الله وبركاته،،

     

    احببت ان اذكر موقف حدث اليوم فى مسجد الجامعه وقد احزننى جدا

    وهو ان فى المسجد كثير من الاخوات المنتقبات والحمدلله ولكن بكل اسف يثرثرن جدا وضحك وصوت عالى

    دخلت فى صلاتى مباشرة ثم جلست لاجد بنت متبرجه فى لباسها ولا حول ولا قوة الا بالله

    اتعرفون ماذا فعلت ؟؟

    قامت وقالت للمنتقبات بالنص "انا مش عارفه اركز فى الصلاه بسببكم انتو ماشاء الله ربنا كارمكو وانتو نموذج ليا ازاى هعمل زيكم وانتو كده .الجامع للصلاه مش للرغى "

    اتصدمت من كلامها ..واصبحت فى حيره كيف نحن نلتزم بالزى فقط؟ لما اصبح بعضنا اسلامه فى الملابس ؟

    وكيف لنا نسيان حديث رسول الله صلى الله عليه وسلم :انما بعثت لاتمم مكارم الاخلاق ..

    الاسلام دين للحياه ..دين اخلاق ..دين المعامله مع غيرنا من المسلمين ومن غير المسلمين .

    كيف نكون قدوه وحالنا هكذا ؟كيف نطلب ان ترتدى كل البنات الحجاب الشرعى ونحن نلتزم بالزى فقط وننسى الاهم وهو الفعل ؟

     

    كيف لواحد مسلم يدخل الجامع يصلى ثم يخرج يسرق او يسب ؟

     

    هيا معا ليس فقط لنقاب يرضى الله ولكن لاسلام كامل شامل

     

    وعليكم السلام ورحمة الله وبركاته ,,

    لا حول ولا قوة إلا بالله

    فعلا للاسف بعض الاخوات المنتقبات لا ينتبهن الى تصرفاتهن بفعل اشياء مثل الضحك بصوت عالى وغيره وينسين انهن محط الانظار

    وغالبا يكون سبب هذه المشكلة هى الصحبة فاحينا تنسى الواحدة مننا فتزل بضحكة بصوت عالى او غيره

    ولكن لو لازمت فتيات صالحات واتفقن معا على تنبيه بعضهن بعدم الوقوع فى مثل ذلك فعندما تنسى اخت ستنبهها الاخرى

    أسأل الله أن يهدينا وجميع المسلمات

    بارك الله بكِ حفصة

     

     

    السلام عليكــم ورحمـة الله وبركاتــة

    الحمد لله الذى بنعمته تتم الصالحات والذى جعل من المسلمات منتقبات رغم العولمة والفضائيات ونشهد لله تعالى بالوحدانية ولنبيه (صلى الله عليه وسلم) بالرسالة...أما بعد.

    أولاً:أحب أن أشكر أختى الغالية راماس على هذا الموضوع المهم والذى تهاون به كثير من الناس ألا وهو حجابهم الشرعى وتهاونهم فى شروطه وأود أن أضيف أن

    أعداء الأسلام قد علموا أن المسلمة أساس البيت المسلم بل وأساس للمجتمع المسلم فأرادوا هدم البيت المسلم بل أرادوا تفريغ المسلمة من إسلامها: عقيدة-عبادة-أخلاق- معاملات ،أخذوا بطريقة قائدهم أبليس وهى <الخطوات> (فلا تتبعوا خطوات الشيطان) فيتكلمون مرة عن حقوق المرأة ، ومرة عن الحرية، ومرة عن صوتها، وعن زيها، والأنتخابات وهكذا جعلوا شغلهم الشاغل هى المسلمة ولا هدف لهم إلا إبعادها عن أسلامها وعن وقارها وعن حجابها وعن بيتها وعن أولادها وعن زوجها وعن أخلاقها لذلك ...ندوة،محاضرة،فتوى، مسلسل ..الخ، فأنتبهى أختى المسلمة وتدبرى وإقرائى واعلمى واعملى وبلغى ولهذا خلقكِ الله فأول شىء ينبغى التحدث عنه هو التوحيد أولاً واسفة أنى سأتطرق لهذه المخالفات التى تقع من جراء عدم معرفة التوحيد الذى هو حق الله على العبيد ولن اطيل عليكم وهذا لتذكير أخواتى الفاضلات به فإن صح اعتقاد المسلمة ولكنها مقصره فى بعض العبادات وماتت على ذلك فهى إن شاء الله من اهل الجنة ،وإن كان أعتقادها غير صحيح أوبه بعض المخالفات أو الشركيات وهى من العابدات الزاهدات الصائمات فلن ينفعها شىء لذلك يقول أهل العلم التوحيد أولاً،ولا اقول ذلك حتى تفتر عن العباده من كان اعتقادها صحيح حاش وكلا بل اوصيكم ونفسى بذلك وحتى لا اطيل من بعض المخالفات..............

    منتقبات عن التوحيد بعيدات

    فهل تعلمى اختى الحبيبة :أن التوحيد هو

    1-توحيد فعل الله وهو توحيد الربوبية وهو الايمان بأن الكون فى قبضة خالقة جل وعلا

     

    2-توحيد فعل العباد وهو توحيد الألوهية ومعناه أن كل عمل العبد لله

     

    3-الأسماء والصفات الثابتة لله -تعالى-فى القرأن والسنة فنحن نؤمن بها ونثبتها لله بلا تأويل ولا تعطيل ولا تشبيه

     

    أختاه هل تعلمين أن أركان الأسلام خمسه يحفظها حتى أطفال المسلمين وأن أركان الايمان ستة فهل تعرفينها

     

    أختاه هل تعلمين أن:

     

    الحلف بغير الله شرك وكفر (من حلف بغير الله فقد كفر او أشرك)

     

    بعض الألفاظ توقعك فى الشرك وأنتِ تستهينين بها (وحياتى عندك،أملنا فى ربنا وفيك،متوكله على الله وعليك.....الخ

     

    شد الرحال إلى مقابر الأولياء حرام(لا تشد الرحال إلا إلى ثلاث...الحديث

     

    الذهاب إلى السحرة والكهنة والدجالين والمشعوزيم كفر

     

    (من أتى عرافاً أو كاهناً فقد كفربما أنزل على محمد

     

    التشائم ليس من الأسلام فى شىء.

     

    وفى الختام هل تعلمين حبيبتى أنه حتى تعيشين حياة سعيدة فى الدنيا والأخرة فلا بد لنا من الدين وهل تعلمين ان حياة الدين فى التوحيد أن أساس التوحيد :لا إله إلا الله.....فهل أيتها المنتقبه تعلمين:معنى لا إله إلا الله ،وشروطها ومقتضياتها؟؟

     

    أساله مهمه يجب معرفتها إن أردتى العيش الهنى فى الدنيا والأخرة.

     

    أسفة على الأطاله ولكنى أحببت المشاركة معكم بأهم المخالفات وهى التى تختص بالتوحيد.وجزاكِ الله خيراً حبيبتى راماس على هذا المجهود الرائع وجزا الله عنا كل أخت شاركت معنا كل خير،ومتابعه لكم دوماً بأذن الله.

     

     

     

     

    وعليكم السلام ورحمة الله وبركاته ,,

    جزاكٍ الله خيرا أم مريم

    طبعا التوحيد أولا

    ولكن ربما هذه الحملة لم تناقش المشكلة المتعلقة بالبعد عن التوحيد او طلب العلم الشرعى مثلا

    لانها تحاول ان تعالج المشكلات التى تقع فيها المنتقبات دون غيرهم

    فالبعد عن التوحيد مشكلة تخص المسلمين جميعا وليس المنتقبات فقط

     

    بارك الله بكٍ

  7. قامت بالمشاركة · Report reply

    ربنا يسهلك موضوع القضية

     

    خلاص إن شاء الله لما تنزلى نبقى نتقابل كلنا يبقى يوم جميل إن شاء الله :)

    ايه رايك إخذ رقمك من سمية علشان أبقى أكلمك

    علشان كمان لما تيجى نازلة تقوليلى

  8. قامت بالمشاركة · Report reply

    ما شاء الله

    مبارك يا بطة

    عقبلنا يارب :)

    ومتنسيش تعزمينا

    بس قوليلى انتى مرفعتيش قضية او اى حاجة علشان الترم التانى

     

     

    وإن شاء الله نتيجة المجلس تبقى خير

  10. قامت بالمشاركة · Report reply

    جزاكِ الله خيرا على هذا الموضوع

    عندما رأيت اسم الموضوع توقعت انك ستتحدثين عن لغة ( الفرانكوا )

    هذه اللغة الفاشلة التى لم تصل للعربية ولا للانجليزية والمشكلة أنها أصبحت لغة رسمية للتعامل فى النت

    طبعا كلامك صحيح مائة بالمائة

    المشكلة إننا نستسهل التحدث باللهجة العامية

    جزاكِ الله خيرا على هذا الموضوع

  13. قامت بالمشاركة · تم تعديل بواسطة النسائم الندية · Report reply

    السلام عليكم ورحمة الله ,,

    بما أن كل من يدخل فى هذا الموضوع ممن واجهوا قضية النقاب فى الايام الماضية

    لذلك هذا هو المكان المناسب لطرح ما بداخلى

    اريد أن أتكلم بدون مقدمات عن حال المنتقبات فى مصر

    الآن النقاب يواجه خطراومن الجانب الآخر وللأسف الشديد ولو نظرنا الى عينة عشوائية من المنتقبات سنجد حسبما أعتقد فى حدود 50 % غيرمحافظات على هذا الزى بارتكاب مخالفات وبالتالى يزيدوا موقف النقاب ضعفا ويزيد موقف المعادين قوة

    وبالتالى أن أدعو إلى حملة ربما أسميها حملة ( تنبيه المنتقبات الغافلات )

    اولا

    الهدف من هذه الحملة :

    محاولة نصح الأخوات المنتقبات وتحسين وضع وصورة المنتقبات فى مصر إن شاء الله

    حتى يكن شهادة حق للاسلام

    ثانيا

    من أين تنطلق الحملة :

    بفضل الله يمكن أن يتم تنظيم وانطلاق هذه الحملة من هذا المنتدى

    بفضل الله احنا هنا من كليات مختلفة ومن جامعات مختلفة ولو كل واحدة عملت سيكون لنا تأثير إن شاء الله

    ثالثا

    مقترحاتى بالنسبة لهذا الحملة :

    1- تجميع المخالفات

    كل واحدة فينا هتكتب المخالفات الى بتشوفها فى المنتقبات من خلال الشارع او الكلية ونقوم بتجميع وحصرها هنا إن شاء الله

     

    2- وضع الحلول

    بعد ما قمنا بتجميع المخالفات نقوم بعد ذلك بوضع الحلول المناسبة إن شاء الله

    يعنى مثلا الطريقة الى هنصصح بيها ، ايه الكلام الى ممكن نقوله ، مطويات او شرايط معينة نوزعها

    بعنى هنقوم بوضع طريق للنصح إن شاء الله

     

    3 - البدء بأنفسنا

    كل واحدة فينا تبص لنفسها تشوف أنهى من هذه الاخطاء بتقع فيها فيها وتحاول إنها تتخلى عنها وتصلح من نفسها

    فلابد إذا كنا نحن من سنقود هذه الحملة إن شاء الله أن نكون مثالا يمكن أن يحتذى به

     

    4 - التنفيذ

    بعد ما ننفذ الخطوات الماضية نبدأ فى التنفيذ بإذن الله

    طيب هنعمل إيه ؟

    إن شاء الله الحملة ديه تشمل كل الاخوات المنتقبات الى هنلاحظ فيهم اى مخالفة من الخالفات التى سيتم حصرها بإذن الله

    يعنى مثلا شوفتى واحدة منتقبة ومش لابسة جوانتى لازم هنروح ننصحها وإن شاء الله نكون مرتبين الكلام الى ممكن نقوله

     

    5 - المتابعة

    بعد ما قومنا بالتنفيذ نقول لبعض عملنا إيه

    لما روحتى نصحتى واحدة ايه مثلا الحجج الى قالتها

    ايه المشكلات الى اجهتك فى دعو واحدة مثلا

    طبعا هذه الحملة تحتاج الى تعاوننا جميعا فى تنفيذ الخطوات

    بالله يا أخوات اتمنى أن ارى منكن استجابه لكلامى

    الوضع اصبح خطر علينا كلنا

     

    هستنى ردكم وأراءكم ولو حد عنده نية يبدا معايا

    عايزين نبدا هذه الحملة باسرع ما يمكن إن شاء الله

    يعنى عايزين نبدأ إن شاء الله فى خطوة التنفيذ مع بداية الترم التانى

    هستنى تفاعلكم

    فى حفظ الله

     

     

     

  14. قامت بالمشاركة · Report reply

    السلام عليكم ورحمة الله ،،

    أزيكم يا بنات ؟

    جزاكِ الله خيرا يا هند على السؤال

    أنا الحمد لله كويسة

    يا بنات أنا بحس ان الواحد يبقى مشغول فى الاجازة أكتر من الدراسة :)

     

    يا فاطمة

    اهلا وسهلا بأنوووووووووس وبوسهولى كتير

     

    انا لسة معملتش الواجب يا ميس دعاء

    اصلا فى الاول اللاب توب بتاعى كان مهيس ومرضاش يحمله وبعدين نزلتله ويندوز بس مش عرفة احمل التعريفات فالصوت مش شغال :(

  16. قامت بالمشاركة · Report reply

    جميل الموضوع

    جزاكِ الله خيرا

    انا اول ما بدأت أقراه كنت حاسة انى مش فاهمة بس بعد كده بقى سهل

     

    يعنى انا حاسة إن عندى كلام كتير عايزة اقوله

    بس فى الاخر مش عارفة ارتب افكارى

     

    عموما هو الموضوع رائع وتحسى انه تناول القضية بصورة مختصرة

  20. قامت بالمشاركة · Report reply

    السلام عليكم ورحمة الله ,,

    ازيك يا ( بنوته مسلمة ) انتى اسمك هبة ؟

    انا الحمد لله بخير .. انتى خلصتى ولا لسه

    بس الوضع عندكم واضح انه اصعب من القاهرة ...

     

    بصى يا تائبة ويا فاطمة

    هيا الفكرة إن استاذ نزار كانت باعت الانزار باسم بنت وافدة من فلسطين وكمان كاتب عنونها فى الانذار

    فهى بالنسبه ليها بتواجه مشاكل كتير فى الاقامة علشان هى من فلسطين

    وبعدين احنا قولنا نمشى الموضوع بالنسبة ليها علشان ميحطوهاش فى مشاكل

    وبعدين احنا اتصلنا بالاستاذ نزار وهو ملانا صيغة الاعتذار

    فإن شاء الله مفهوش حاجة ممكن يستخدموها ضدنا

    بصى هيا ديه صيغة الاعتذار

    السيد الاستاذ الدكتور عميد كلية الطب جامعة القاهرة

    تحية طيبة وبعد نقدمه لسيادتكم ,,

    البيانات

    كتبت بياناتها

    شكر واعتذار

    اتوجه لسيادتكم بخالص الشكر وذلك لقيام سيادتكم باحترام الدستور والقانون واحكام القضاء ، وتنفيذ الحكم الصادر لصالحى بدخول الامتحان بالنقاب

    وإن كان قيام المحامى بالاجراءات القانونية التى تضمن تنفيذ الحكم قد يعبر عن اى معنى غير مقصود ، مضاد لاحترامى لسيادتكم وانتمائى للكلية فأرجو أن تقبل اعتذارى

    واتمنى دائما ان تكون العلاقة بين ادارة الكلية وبين الطلاب قائمة على الانتماء واحترام الحقوق المتبادلة

  21. قامت بالمشاركة · Report reply

    بصوا انا جيت من شوية وروحت عملت المحضر

    بس لازم امشى دلوقتى حالا جايلنا ضيوف ولسة هقوم استعد هخلص وارجعلكوا احكيلكوا كل حاجة

    وحشتووووووووووووونى اوى

    ماشى يا فاطمة

    هنستناكى :)

  22. قامت بالمشاركة · Report reply

    معلش بعد إذنكوا أنا مش فاهمه حاجه إعتذار عن إيه هوا إنتوا غلطوا فى حاجه

    أنا والله ما فاهمه حاجه يعنى المفروض إن كده خلاص كلوا يدخل بالنقاب الإمتحانات ومحدش هيقول حاجه

    بجد أنا آسفه مش فاهمه حاااااااااااااااااااااااااااااااجه

    يا ريحانه هى وكليلة الكلية كانت زعلانة إن احنا بعتنا انزار لعميد الكلية ولرئيس جامعة القاهرة

    علشان الانذار مكتوب فيه تهديد بالحبس والعزل إذا لم يقم بتنفيذ الحكم ومكتوب باسلوب وحش

    فوكيلة الكلية شايفة إن كده عيب وإن كده غلط وقلتلنا نبعت اعتذار لعميد الكلية

    فاحنا بعتناله ورقه مكتوب فيها شكر إنه نفذ الحكم واعتذار على اى اجراءات قانونية اتخذها المحامى قد تسئ اليه بس

    لكن موضوع إن كده خلاص كله هيدخل بالنقاب

    فمحدش عارف هو بعد الحكم الموضوع هدى وفى كليات كتيرة سابوا البنات يدخلوا بالنقاب

    ربنا يستر

     

    وبعدين فين فاطمة مقالتش حصل إيه النهاردة ....

    جزاك الله خيرا يا هند 1 أحبك الذى احببتينا فيه :)

     

    ايه اخبارك يا سمية ودعاء وهند 2 ونور الاسلام وكل البنات

    وبعدين انا مشفتش ( سبح الله ) من يوم الحكم وكمان بريق الهدى

  23. قامت بالمشاركة · تم تعديل بواسطة النسائم الندية · Report reply

    السلام عليكم ورحمة الله ,,

    إزيكم يا بنات

    الحمد لله امبارح كلنا امتحنا بالنقاب زى ما دعاء قالتلكم

     

    بس الانذار الى المحامى كان باعته للعميد قبل الامتحانات لصه واصلهم

    والمشكلة إن المحامى باعته باسم واحدة صاحبتنا

    المهم إن وكيلة الكلية كانت عمالة تدور على البنت الى الانذار مبعوت باسمها وكل واحدة منتقبة تقولها إنتى فلانة

    المهم قالت لرئيسة اللجنة قولى لفلانة تجيلى بعد الامتحان واخدت الكارنية بتاعها

    البنت راحتلها وروحنا معاها لما قابلتنا قالتلنا أنا المرة الى فاتت قعدت اقولكم الولاء والانتماء

    وراحت مدية الورقة للبنت الى مبعوته باسمها وقالتها شوفى الورقة ديه

    انتى ممكن تكلمى والدك بالطريقة ديه ايه يخدش الحياء وتهديد بالحبس

    بتقلونا انا لما روحت مكتب العميد صدمت ( لما شافت الانذار يعنى )

    وقالتلنا روحوا للمحامى وشوفوا ازاى تلغوا الكلام ده واخدت ارقام تلفوناتنا وادتنا رقمها وقالتلنا هستناكم تتصلوا بيا تقولوا عملتوا ايه

    قلنلها خلاص هنبعت اعتذار للعميد

    ولما خرجنا اتصلنا بالمحامى ملانا صيغة اعتذار وقال نقولها ان احنا اتصلنا بالمحامى وهو قال إنه هيسحب الانذار

    وودينا الاعتذار للعميد

    وبعدين لما البنات راحولها تانى قالتلهم ابعتوا اعتذار زى ده لرئيس الجامعة

     

    المشكلة بقى إن فى انذار المحامى باعته باسمها هى خصوصا بس الظاهر إنه لسه موصلهاش

    انا مش عارفة لما الانذار هيوصلها هتعمل ايه (:

     

    متقلقوش كلنا هنبقى متابعين مع بعض بإذن الله

    ومستنينك يا فاطمة (:

    وبعدين احنا لو حصلتلنا مشكلة المفروض نتصل بيكى انتى مش المحامى خلاص انتى بقيتى خبرة (:

     

    اهم حاجة الحمد لله اخدنا الاجازة ...... انا سعيدة :)

  24. قامت بالمشاركة · Report reply

    الحمد لله يا هند انها عدت على خير وإن شاء الله تجيبى تقدير متقلقيش :)

     

    والله ياهند هو تقصير منى

    طبعا كلامك كله صح 100 %

    وإن شاء الله هحاول أشد حيلى الترم الجاى علشان أرفع تقديرى

     

    المادة ديه اساسا من 250 يعنى ال35 درجة بتوع الامتحان دول بيمثلوا نسبة قليلة

     

    وجزاكِ الله خيرا على الدعاء

    علفكرة انا آخر امتحان ليا يوم الاربعاء برضه يارب ربنا يوفقنا كلنا ويعديها على خير

     

    أحبك الله الذى أحببتينا فيه :)

     

    ويارب تجيبى امتياز فى كل المواد

  25. قامت بالمشاركة · Report reply

    بارك الله فيكِ يا دعاء

    بجد موضوع أكثر من رائع

    فعلا هناك تشابه كبير جدا فى الموقفين موقف النقاب وموقف الامام أحمد

     

    قام إليه المعتصم وقال: يا أحمد علام تقتل نفسك إني والله عليك لشفيق

     

     

    والله فكرتيني بكلمه وكيله الكليه وهي بتقولنا انا حزيييييييييييييينه على اللي بيحصل ده

     

    *_________*

     

    فعلا

    و مناسبة أكتر وهى بتقول < إنتوا صعبانيين عليا انكوا توصلوا بحال من الاحوال انكم تقاضوا جامعة القاهرة >

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

الروابط

×