~♥*♥~ تجمع الحوامل ~ ♥*♥ ~

[~♥*♥~ تجمع الحوامل ~ ♥*♥ ~]

السلام عليكم ورحمه الله وبركاتة

تسلمو حبايبى فى الله على مباركتكم ليا وفرحكم بحملى

فرحكم الله بدخول الجنة اللهم امين

انا عملت تحليل القطط وتحليل كمان وتحليل انميا ولرابع مرة تحليل دم حمل والحمد لله طلع حمل وبدئت اتاكد لانى من الفرحة مش مصدقة

القطط والتانى الحمد لله كويسين ومش هحتاج علاج

والانيميا مظبوطة مش بشتكى منها

عندى سؤالين من قبل معرفتى بحملى ب3 اسابيع اى ببعد ايام التبويض مباشرة احس بقلم بصدرى احيانا وخذ كالابر واحيانا وجع لا يحتمل

فهل دا طبيعى ولا لا

بالنسبة للبسى نفسى فيها قوى رغم عدم حبى ليها فهل هى ضرر على الجنين ولا اشرب منها ولو بكمية صغيرة

معلش هتعبكو معايا لان زوجى مرعببنى من كل حاجة وكل حاجة ممنوعة

جزاكم الله خيرا

[ورجعت بينكم ولكن بعد طلبى للطلاق]

^{السلام عليكم ورحمه الله وبركاته}

^{ياااااااااااااااااااااه مش قادرة اوصف شعورى ولا احساسى}

^{داخلة الركن اشوف اى موضوع يفيدنى لاقيت موضوعى دا}

^{قولت معقول لسة حد بيكتب فية وخصوصا بعد غياب دام اكتر من سنة}

^{عمالة اقول سبحان الله والله بجد ما اعظم الحب فى الله تصفحت وقريت كل كلمة بالموضوع ومدى خوفكم عليا احساس لا يوصف}

^{انا الحمد لله عملت تحليل امبارح وطلعت حامل اللهم لك الحمد كما ينبغى لجلال وجهك وعظيم سلطانك}

^{ومكنتش هقول لحد زى ما قولت بس اخبرت زوجى امس واصر عليا لازم نخبر اهلو واهلى وكل الناس لان الناس هتفرحلنا ولازم زى ما ربنا فرحنا نفرح كل الناس}

^{وفعلا النهاردة كل اهلى واهل زوجى عرفو والكل فرح بطريقة هتسيرية حتى اللى اخبرتهم بالتليفون ما بين الضحك والدموع والدعاء يوم لا يوصف}

^{وطبعا قولت لا اكيد التحليل غلط وخليت زوجى ياخد عينة تانية وعلمت تحليل الحمد لله وطلع حمل تانى وهرمون القطط والهرمون التانى مش عارفة اسمو طلعو نتجيتهم كويسة اللهم لك الحمد ولا اعانى من شئ}

^{انا كده النهاردة حامل بشهر ويومين ربنا يتمم عليا بخير ويورزق ويفرح كل مشتاقة كما فرحنى وزوجى اللهم امين}

^{احبكم فى الله واتمنى ان ارى كل واحدة واقبلها واضكها من شدة فرحتى بحبكم لى}

^{ربى ما يحرمنى من لقائى بكم فى الجنة اللهم امين}

[~♥*♥~ تجمع الحوامل ~ ♥*♥ ~]

السلام عليكم ورحمه الله وبركاته

ازيكم يا اخواتى وحشتونى جدا

اخيرا رجعت ليكم بس مش فاهمة اى شئ بالمنتدى وشكلو اتغير عن زمان

مش مهم ما علينا

المهم انا عايزة اشترك فى التجمع معاكم

انا الحمد لله ربنا من عليا بالحمل ولسه جاية من عند الدكتورة وبشرتنى يعنى انتو اول ناس تعرف قبل زوجى حتى مش هقولو دلوقتى ولا لاى حد

المهم الدكتورة طلبت منى تحاليل معرفش اسمها حتى هروح اعملها باذن الله بكرة

وكتبتلى على فوليك معرفش اسمو كده صح ولا لا وكتبتلى على مثبت حمل

طبعا مش مركزة بكتبايه ولا بقول الاسامى صح ولا لا بس من الفرحة بنتظرها بقالى 6 سنين

عايزة تقولولى اعمل ايه ومعملش ايه ونصايح الحمل بقا الله يكرمكم

بحبكم فى الله

اة الدكتورة قلتلى انى كده شهر ويوم يعنى كل يوم 21 ادخل الشهر الجديد باذن الله

[❤❤ تألقي في حياتك اليومية مع إكسسوارات الحياة الزوجية ❤❤]

السلام عليكــم ورحمـة الله وبركاتــه ،،

 

أشارك معكنّ إن شاء الله تعالى

أسأل الله أن يبارك في جهودكنّ وأن يرزقنا الله وإياكنّ الاخلاص في القول والعمل..

ولكن اعتذر مسبقا عن التاخر اول اسبوع

 

هل باستطاعة احدكم احضار محاضرة او درس عن الاخلاص

سجودة كل عملى فى المنزل بعطيلو نوايا كتيرممكن تدينا نوايا متعددة لحسن التبعل او حسن الخلق مع الزوج لان المسلمة تاجرة نوايا

[التطبيقات العملية والتقارير الخاصة بالدورة الذهبية (2)]

السلام عليكم ورحمة الله وبركاته،،

اسفة لتاخرى لوضع التقرير لانى كنت مسافرة ولما رجعت وجدت النت متعطل

بالنسبة لتطبيقى بالدرس الاول 95%

شكلى مش هغيرهم

الحمد لله اخترت عبادتين الاستغفار والمحافظة على الورد اليومى

التقصير فى الاستغفار:((

الدرس الثانى

الحمد لله مهمتمية بجسمى زائد شاور يوميا وممكن مرتين

ولكن التقصير كما هو فى ملابس النوم *__^

الدرس الجديد مكلمتش حماتى لانى اسكن معها بنفس العمارة وانزل لها كل يوم

اسفة لو فى نقطة وقعت منى سهوا

بالنسبة تقرير الاسبوع دا ان شاء الله احاول اضعو يوم الخميس

ولو اتاخرت يبقى انا فى اجازة لعملى العملية باذن الله

لا تنسونى من صالح دعائكم

[تجمع منتظرات الحمل]

السلام عليكم ورحمة الله وبركاته،،

سبحان الله اول مرة اشوف الموضوع دا

ربى يرزقنى واياكم الذرية الصالحة المعافاة يارب

حد يا بنات يعرف شئ عن منظار الرحم وكى المبايض

[أين تدفن الأعضاء المبتورة؟]

السلام عليكم ورحمة الله وبركاته،،

سبحان الله فكرت فى الموضوع دا كتير ومدى مشرعيتو

عندى عمتى توافها الله من عامين وقبل وافتها قام الطبيب بتتر ساقها كاملة

فعمى غسل رجليها وراح دفنها فى المقبرة اللى عمتى المفروض هتدفن بيها

وبعدين 4 شهور لحقت برجلها ودفنت مهعا فهل هذا هو الصواب ام ماذا

اسئل الله ان يرحمها ويتغمدها برحمته وسائر المسلمين

[سألت زوجها هنا أحسن ولا فى بيت مامتك؟؟]

السلام عليكم ورحمة الله وبركاته،،

سبحان الله قريت الموضوع دا امبارح فى منتدى اخر واحببت ان اسئل زوجى ولكنى نسيت

ان شاء الله الايام بيننا وابقى افتكر

الحمد لله الحاجتين اللى بيشهد ليا بيهم ان مطبخى بنضفو يوميا لان حماتى ممكن تقعد 3 ايام متنضفهوش وبعدين تنضفو يعنى كانت تنضفو مرتين اسبوعيا

اما الان انا بنضفو ليها يوميا وزوجى ديما يشكر فيا لانى منضفة مطبخى مطبخ ولدتو ربى يعطيها لصحة

وبالنسبة الغسيل كانت بردو بتتاخر اما الان فى بيتى لوجود الاتومتيك الغسيل بيتغسل اول باول

فالحمد لله من الناحية دى تمام

اما المكوى فى اول الزواج كنت اكوى له

اما الان هو الذى يكوى هدومة وهدومى بحكم عملو :grin: :unsure:

امال احنا عندنا مغسلة ليه

الحمد لله انى مش بديلو الهدوم يغسلهالى كمان :mrgreen:

زوجة مفترية :neutral:

جزاكى الله خيرا يا ام عائش

وتعليقات البنات حلوة اللهم بارك

[هعمل العملية ان شاء الله حد يقدر يفيدنى]

السلام عليكــم ورحمـة الله وبركاتــة ،،

ازيكم يا بنات معلش تعباكو معايا بس حبيت اللى عندها تجربة تفيدنى

انا هعمل منظار رحمى كمان عشر ايام بمشيئة الله

والمفروض هروح اعمل تحاليلى بكرة والخميس الجاى

فحبيت تفيدونى ايه التحاليل اللى بتتعمل قبل اجراء العملية اللى فيها بنج كلى

يعنى هيعملولى تحاليل ايه واشعة ايه لانى قلقانة ومتوترة جدا

بس ياريت تردو عليا النهاردة لانى هروح بكرة ان شاء الله

وعايزة اقولكم قبل ما امشى انى بحبكم كلكم فى الله

[ياريت الدكتوره تفيدنى]

وعليكم السلام ورحمه الله وبركاته

ان شاء الله اى اخت تفيدى يا حبيبتى

ولكنى احببت ان ادعو لكى قبل خروجى

اسئل الله الكريم رب العرش العظيم ان يرزقك الذرية الصالحة المعافاة المكتملة الخلق والخليقة

وان يجعل ابنتك سبب لدخولك الجنة ويعوضك وزوجك خير منها اللهم امين

احتسبى الاجر يا غاليه

[استفسار للدكتورة سجودى لله فقط..او اى اخت حدث فى محيطها ما حدث لى!!!]

سلامتك يا حبيبتى

لا باس طهور ان شاء الله

ربى يجعلو بميزان حسناتك وطمنينا عليكى

[[ متميّـز ] بوليسيات]

السلام عليكم ورحمة الله وبركاته،،

اسفة على عدم المتابعة لقلة دخولى

لغز جديد علشان عيون عابرة منورانا يا قمر

هذه التفاصيل التى تقرؤهاالان هى التى عرفها مفتش المباحث حين انتقل الى المبنى الذى يسكنه السيدعز الدين الذى ابلغ عن تعرض مسكنه للسرقة و ان المسروقات اقتصرت على حقيبة تضم مجوهرات تزيد قيمتها على مليون جنيه . كان عز الدين قد عاد فى نفس اليوم الى بيته و معه الحقيبة و قابله حارس المبنى الذى اخبره ان المصعد معطل لذلك كان عليه ان يصعد الدرج الى الدور السادس حيث تقع شقته و لانه مريض بالقلب فقد صعد معه الحارس و عند باب الشقة جلس على الارض من شدةالارهاق و فتح حقيبة المجوهرات و اخرج مفتاح الشقة و طلب من الحارس فتح الباب حيث دخلا معا وظل معه الحارس حتى اطمان عليه ثم انصرف.

 

بعد حوالى ساعة عاد اليه الحارس و معه مفتاح الشقة قائلا: انه نسيه فى جيبه.. و يواصل عز الدين سرد القصة قائلا: بعدقليل اتصل به احد زملاؤه يبلغه بوفاة احد الاصدقاء و اتفقا على الذهاب معافى المساء لتقديم واجب العزاء.. ثم اتصل به احد تجار المجوهرات و دار بينهما حديث طويل تحدث فيه عز الدين باسهاب عن المجوهرات التى اشتراها مؤخرا . قال له التاجر انه سيرسل له خادمه الذى يقف بجانبه الان و معه صور لمجموعة نادرة من المجوهرات و طلب منه تحديد قيمتها بعد قليل ذهب الخادم الى بيت عز الدين لكنه قابل الحارس عند الباب الخارجى للمبنى و سلمه صور المجوهرات و طلب منه تسليمها الى عز الدين لانه يريد اللحاق بموعد اخر مهم . فى المساء ذهب عز الدين لتقديم واجب العزاء و حين عاد اكتشف ان لصا سرق حقيبة المجوهرات بعد ان حطم الباب الخارجى للشقة .

 

استدعى مفتش المباحث المشتبه فيهما و هماالحارس الذى اوصل عز الدين لشقته و الخادم الذى ارسله التاجر الى عز الدين . انكر الاثنان ...سال المفتش الخادم : لماذا لم تصعد الى شقة عز الدين و تسلمه صور المجوهرات بنفسك ؟ اجاب على الفور: لان المصعد كان معطلا.و سال المفتش الحارس : لماذا ابقيت مفتاح شقة عز الدين معك ساعة كاملة ؟قال الحارس : نسيت المفتاح و لم اتذكره الا بعد ساعة

 

 

 

 

 

بانتهاء التحقيق عرف المفتش ان واحد منهما هو اللص .... من هو

[السلام عليكم ..أخواتى الكريمات]

السلام عليكم ورحمة الله وبركاته،،

اهلا ومرحبا بكى اختى الحبيبة

انرتى المنتدى بطلتك اخت لينا فى حب الله

بانتظار رؤية مشاركاتك معنا

[التطبيقات العملية والتقارير الخاصة بالدورة الذهبية (1)]

السلام عليكــم ورحمـة الله وبركاتــة ،،

بجد اسفة جدا على التاخير

لسبب سفرى وعطل الجهاز

واجب الاسبوع الماضى اعطى نفسى 85%

الثقة تمام الحمد لله والتقصير كان فى الحفاظ على الاذكارالله المستعان :closedeyes:

والدرس التانى اعطى نفسى فيه 100% علشان العيد :oops:

 

 

انما واجب السبوع دا

الدرس الاول 95% لانى حافظت على الاذكار الى حد ما ورجعت لقراءة الورد اليومى لى :rolleyes:

الدرس الثانى تمام بردو الحمد لله بس مش عارفة خالص اعمل ملابس للنوم :rolleyes:

لان كل هدومى قطنيات سواء عبايات بيت بنوتية او بيجامات بنوتية برضو او قمصان

فمتعودة قبل النوم يوميا اخد شور والبس شى اطن بس عادى بلبسو بالنهار بردو يعنى مش مخصصة اطقم للنوم

فشوفو انتو هتدونى كام بسبب الجزئية دى

وياترا فى اقتراحات ليها

الدرس التالت طبعا انا اجازة منو :unsure:

جزاكى الله خيرا يا ساجدة وام عائشة على تعبكم معنا

[حواء هل اصبح التحرش امرا طبيعا بزماننا ام مازالت هناك نخوه ؟شاركينى ارجوكى]

السلام عليكــم ورحمـة الله وبركاتــة ،،

كيف الحال يا ام حبيبة يارب تكونى بخيرا

اولا بحبك فى الله

ثانيا اول ما شوفت الموضوع فى الشريط سبحان الله قولت دا موضوعك

انتى شغالة فى القضاية الساخنة والعامة ولا ايه :biggrin:

لقد حدث لى منذ حوالى سنة كنت مع والدة زوجى فى زيارة عائلية وطلبت منى ركوب الميكروباص اثناء رجوعنا فوفقتها لحالتها الصحية

وكنا بالمقعد انا وحماتى وبنت جمبنا فحسيت بحركة غريبة تحدث خلفى

فنظرت فوجد شاب فتقدمت للامام قليلا على حرف الكرسى وهو مصر انو يلمس ضهرى فقولت لحماتى انا هنزل واكمل الباقى مشى لانى بيجيلى دوار بالعربيات ودا كان حجة يوميها

المفاجئة ايه بقا انو نزل ورايا وطبعا لو اتصلت بزوجى ممكن يقتلو نظرا لعصبيتو الشديدة وغيرتة القاتلة على النساء وبالاخص زوجته

والشاب يمشى ورائى ويتلفظ بالفاظ خارجة ربنا يهدى شباب المسلمين اللهم امين

اخذت اردد انا لله وانا اليه راجعون اللهم اجرنى فى مصيبتى واخلفنى خيرا

ومن كثرة خوفى احسست بطول الطريق فوجت الولد يشدنى من النقاب من الخلف لسة هتلفتلو لاقيت قدامى اخو زوجى كان الارض انشقت وظهر امامى رغم انو والله دا وقت شغلو وعمرو ما بيمشى من المنطقة دى بس سبحان الله وجته فقولتلو بلهفة يا عبد الله الولد دا بيعاكسنى

جرى وراة وجابو من هدومو وادالو علقة موت هو واصحابو والا يخدوة المركز بس حماتى كانت جت فى الوقت دا لان دى الحتة اللى هننزل فيهاقعدت تقول خلاص مش مهم مركز انت ادبتو وخلاص علشان مرات اخوك مينفعش تدخل القسم والحمد لله اخد علقة موت من اكتر من 20 شاب فى الشارع

وبالنسبحة لحكى لزوجى ولا لا حماتى واخو زوجى طلبو منى محكلوش وفعلا قعدت 3 ايام محتلوش ونفسيتى مدمرة بسسب الموقف وسبب كتمنى على زوجى

فاخبرته فى اليوم الرباع والحمد لله غيظو انزاح لما عرف ان الولد اخد جزائو

طب يا ام حبيبة بنقول التحرش للبنات المتبرجات والكعب العالى وما الى ذلك

ولكنى منتقبة والبس الاسود والزحافى يعنى لا يوجد باللملحفة اى شبهه وتعرضت ليه

جاتلى من يوميها حالة نفسية مخرجش ابدا الا بزوجى حتى لو رايحة بيت والدى اللى يبعد عنا 3 دقايق مشى لانو فى الشارع الخلفى هو اللى يودينى ويجبنى وبخاف من الشارع وجالى حالة نفسية بسبب الموضوع دا لدرجة ان زوجى بيفكر عرضى على دكتور نفسى بسبب الرهبة الداخلية اللى عندى من بعد الموقف

يارب يا كريم يا من تعلم بحالى اهدى شباب وفتيات المسلمين واسترنى واخواتى ونساء المسلمين

اسفة على الاطالة بس قولت احكى ان مش علشان انتى مستترة يا اختى هتفتكرى انك بعيدة عن الشباب والتحرش

والله التلفزيون بوظ الشباب ولا يفرق معهم متبرجة ولا منتقبة ولا عجوز حتى

موضوع شائك وبنتظار باقى رد البنات

[التطبيقات العملية والتقارير الخاصة بالدورة الذهبية (1)]

السلام عليكــم ورحمـة الله وبركاتــة ،،

60%

كلو تمام عدا العبادة نظرا لظروف شهرية ومرضى :(

تتحسن بالاسابيع المقبلة ان شاء الله :biggrin:

[التسجيل في تطبيقات ๑۞๑الدورة الذهبية للفتاة والزوجة المثالية ๑۞๑]

السلام عليكــم ورحمـة الله وبركاتــة ،،

جزاكى الله خيرا يا سجودة

بس حبيت اعرف هنبدء من امتة وازاى

يعنى مثلا هتقولى دا رابط الدرس اقرئية ونفذوا ولا زاى

بنتظارك يا غالية

[التسجيل في تطبيقات ๑۞๑الدورة الذهبية للفتاة والزوجة المثالية ๑۞๑]

معاكم ان شاء الله:))

[غريب امر المنتدى في هده الايام]

السلام عليكــم ورحمـة الله وبركاتــة ،،

انا بقا مش ملاحظة كده خالص لانى مبدخلش اصلا :mrgreen:

بصراحة بدخل كزائرة ولو عجبنى موضوع بسجل وبدخل

بس انا غبت من قبل رمضان ورجعت بعد رمضان مبلاقيش موضيع جديدة

ان شاء الله المنتدى يرجع زى الاول

[جاوبى بصراحة(بتعملى ايه لو رأيتى فى ملابس زوجك).....]

السلام عليكم ورحمة الله وبركاته،،

ازيك يا ام بيدو وحشتينى يا قمر

مبارك الاسم الجديد حلو قوى

انا بقا ديما بلاقى فلوس فى الغسالة بعمل ايه بقا

بطلعهم واحطهم على الايشانى بتاع الحمام وهو يجى يلاقيهم مرصوصين

يقولى فى هدومك ولا هدومى اقولو هدومى او هدومك النهاية واحده انى هاخدهم طبعا :closedeyes:

لو المبلغ كبير عليا ممكن اتنازل عن جزء لو عادى هو بيسبهولى الله يبارك فيه من غير ما اقول

بس دلوقتى عاد بيفتش هدومو كويس :mrgreen:

[][ هنــا ][ طلباتكنّ الجواليّة .. وإستفساراتكنّ الفنيّة ~]

السلام عليكــم ورحمـة الله وبركاتــة ،،

ازيك زهورة يا رب تكونى بخير اولا احبك فى الله كثيرا وبيعجبنى ردك ديما

ثانيا سلميلى على نسائم قوووى

بصى بقا يا حببتى لو عايزة تنقلى الموضوع او تدمجية عادى يا قمر اعملى الصح

ثانيا بقا انا مفهمتش حاجة من اللى قولتيها :closedeyes:

اصل اول مرة امسك موبيل بيكلم :mrgreen: على رائ اختى

يعنى ماليش فى التحميلات والحاجات دى

يعنى لو انا عجبنى مثلا رد ليكى وعايزة احملو على الموبيل اعمل ايه بالخطوات لحد ما اقرئو على الموبيل

وهل الملف اللى هنقلو ينفع ادية لاختى عبر البلوتوث

والصورة اللى انتى حطتيها دى مش عارفة اجبها ازاى هل من برنامج الورد اللى عايزة احملو ولا ايه

اسئلة كتير وهتعبك معايا بس خدى رحتك انا مش مستعجلة

شوفتى انا طيوبة ازاى :unsure:

[][ هنــا ][ طلباتكنّ الجواليّة .. وإستفساراتكنّ الفنيّة ~]

السلام عليكــم ورحمـة الله وبركاتــة ،،

جزاكى الله خيرا يا حببتى على تعبك

واسفة ان اتاخرت عليكى

انا حاولت اعمل الريقة دى بس موفقتش بصراحة

وحسيت ان مفيش امل ادخل النت من الموبيل

فاعيزة اخد رئيك عايزة موبل يكون نوكيا ينفع ادخل بيه النت

بس مش مهم يكون امكانياتو عاليه لانى هستخدمو لدخول الانترنت فق لانى معايا موبيلين

فهل تعرفى ترشحيلى اتنين او تلاتة ولو انتى من مصر يبقى بالاسعار بالتقريب يعنى

وسؤال الموضوع بتاع ساجده الى هو للمخطوبة انا نقلتو عندى فى ملف ورد هو وكذا موضوع هل ينفع انزلو على الموبيل وبيبقى ازاى اصل اختى عروسة ومحتاه تقرئو قوى وانا مش هقدر اكتب المواضيع كلها هل ينفع ولا لا

ولو لا اي الحل يعنى لو عايزة اطبعو فى سيبر ايه الخطوات معلش اسئلة كتير واستحملينى فى الباقى

اصل فى موضوع زهورة بيتاخرو فى الرد

وجزاكى الله الجنة على اهتمامك وتعبك معى

 

احبك فى الله :wub:

[][ هنــا ][ طلباتكنّ الجواليّة .. وإستفساراتكنّ الفنيّة ~]

السلام عليكــم ورحمـة الله وبركاتــه

ارجو المساعده يا بنات الله يكرمكم

اشتريت موبيل صينى K600

لاقيتمواضيع كتير بتشرح كيفية الدخول على الانترنت من الموبيل

فى حد ممكن يفيدنى لانى محتاجة دخولى النت جدا

وياترا التكلفة بتكون ازاى على خط اتصالات وفودافون

[¯`ღ عبري عن شعورك الحالي بكلمة (2) ღ´¯]

تعبانة ومتوترة

[عمل فانوس رمضان]

السلام عليكم ورحمة الله وبركاته،،

جزاكى الله خيرا يا حبيبتى

صور جميلة ورقيقة

هبقى اجربها مع نفسى :)